<a href="https://kyzylorda-news.kz/">Kyzylorda-news.kz</a> Мәжіліс депутаты, «AMANAT» партиясы фракциясының мүшесі Сергей Пономарев Ішкі істер министрі Ержан Сәденов пен Жасанды интеллект және цифрлық даму министрінің міндетін атқарушы Жаслан Мәдиевке дипфейктердің кең таралуына қатысты депутаттық сауал жолдап, бұл құбылыстың ұлттық қауіпсіздікке қатер төндіретінін атап өтті, деп жазады <a href="https://egemen.kz/article/397915-deputat-tsifrlyq-kontenttinh-shynayylyghyn-tekseru-dguyesin-engizudi-usyndy">Egemen.kz.</a>Мәжіліс отырысында сөз алған депутат Сергей Пономарев технологиялық прогрестің ел дамуы үшін үлкен мүмкіндік екенін айта келе, сонымен қатар оның кері әсерін де ескерту қажет екенін жеткізді.<blockquote>«Бүгінде цифрландыру – Қазақстанның жаңа ұлттық идеясына айналды. Бірақ прогрестің екінші жағы да бар. Кейбір технологиялар қоғамға пайда емес, зиян әкеліп отыр. Соның бірі – дипфейк технологиясы, яғни жасанды интеллект арқылы адамның түрін, дауысын және бейнесін қолдан жасап, шындыққа ұқсас жалған материал тарату», деді депутат.</blockquote>Пономаревтің айтуынша, дезинформация мен жалған контент қазір әлемдік тұрақтылыққа төнген негізгі қатерлердің бірі саналады. Ол өзі де мұндай жағдайдың құрбаны болғанын айтты.<blockquote>«Менің бейнем мен дауысымды қолдан жасап, жалған видео таратқан. Сол бейнежазбада менің атымнан ақша сұраған. Монтаж соншалықты шебер жасалған, тіпті жақындарым бастапқыда шын деп сеніп қалды. Осындай жағдайға көпшілігіміз кезіккен шығармыз», деді депутат.</blockquote>Оның айтуынша, дипфейктердің қауіптілігі — олардың қоғамдық пікірді манипуляциялау, мемлекеттік органдарды беделсіз ету және саяси тұрақтылыққа қауіп төндіру қабілетінде.<blockquote>«Егер мемлекет басшысының немесе қоғам қайраткерінің жалған мәлімдемелері немесе жалған мәлімдемелері бар deepfeyk жасалып, таратылса, салдары апатты болуы мүмкін. Бұл ұлттық қауіпсіздікке қауіп төндіреді», деді ол.</blockquote>Депутат әлемдік тәжірибеге де тоқталып өтті. Оның айтуынша, АҚШ 2020 жылы қорғаныс бюджетін бекіту кезінде дипфейктерді ақпараттық қауіпсіздік қатерлерінің бірі ретінде заңдық тұрғыда бекіткен. Ал Оңтүстік Корея 2024 жылғы сайлау қарсаңында саяси үгіт-насихат кезінде дипфейктерді пайдалануға тыйым салған.Пономарев сондай-ақ дипфейктердің қаржылық алаяқтықта жиі қолданылып жүргенін еске салды.<blockquote>«Қазір алаяқтар адамның туысының дауысын немесе бейнесін қолдан жасап, көмек сұраған болып алдап жатыр. Мұндай әрекеттерге тіпті білімді азаматтар да алданып қалып отыр. 2025 жылғы Feedzai компаниясының дерегі бойынша, онлайн алаяқтықтың 50%-дан астамы жасанды интеллект арқылы жасалады», деді ол.</blockquote>Осыған байланысты депутат Ішкі істер министрлігі мен Жасанды интеллект және цифрлық даму министрлігін бірқатар нақты шараларды қабылдауға шақырды.&nbsp;Атап айтқанда, Пономарев келесі ұсыныстарды ұсынды:<ul><li style="text-align:justify;">Дипфейктерді анықтау және бұғаттау функциясын цифрлық контентті мониторингтеу және сараптау орталығының міндетіне енгізу;</li><li style="text-align:justify;">Бейне және суреттердің түпнұсқалығын растау жүйесін әзірлеу. Ол тек соттарға емес, қарапайым азаматтарға да қолжетімді болуы тиіс;</li><li style="text-align:justify;">Халық арасында дипфейктерді тану және кибералаяқтықтан қорғану жөнінде кең ауқымды ақпараттық-түсіндіру жұмыстарын жүргізу.</li></ul>Фото: istockphoto.com

Депутат цифрлық контенттің шынайылығын тексеру жүйесін енгізуді ұсынды

<a href="https://kyzylorda-news.kz/">Kyzylorda-news.kz</a> Мәжіліс депутаты, «AMANAT» партиясы фракциясының мүшесі Нартай Аралбайұлы Ішкі істер министрі Ержан Сәденов пен Мәдениет және ақпарат министрі Аида Балаеваға әлеуметтік желілерде белең алған қауіпті пранктерге қатысты депутаттық сауал жолдап, мұндай әрекеттерге заңды түрде тосқауыл қою қажеттігін айтты, деп жазады <a href="https://egemen.kz/article/397911-prank-dgasaymyn-dep-qoghamdyq-tartipti-buzatyndar-kobeyip-ketti-nartay-aralbayul">Egemen.kz.</a>Депутат қоғамда кеңінен тараған қауіпті пранктер мен жауапсыз блогерлердің әрекеттеріне алаңдаушылығын білдіріп, олардың қоғамдық сана мен тәртіпке тигізіп жатқан теріс ықпалына тоқталды.<blockquote>«Қазір қоғамда пранкпен парақшасындағы лүпілдің санын арттырғанмен парасат биігінен омақаса құлағандар қаптап кетті. Адамды қорқытуды, қоғамдық орында ақымақтық жасауды қызық көріп әзілдің шекарасынан шығып кеткен әркімдер әлеуметтік желіде әлек салуды доғармай тұр», &nbsp;деді депутат.</blockquote>Нартай Аралбайұлының айтуынша, елорда мен өзге өңірлерде түсірілген пранктердің көпшілігі қоғамда қорқыныш пен наразылық тудырып отыр. Ол мысал ретінде лифт ішінде «жалған мәйіт» қойып адамдарды шошытқан, тапаншамен қорқытып видео түсірген және аула сыпырушыларды мазақ еткен блогерлердің әрекеттерін атады.<blockquote>«Ол ол ма, біздің блогер-сымақтар шетелге барып абыройды айрандай төгіп жүр. Мәселен, қазақстандық блогер Аружан Айбекова Қытайда «ұрлық жасап жатқандай» ролик түсірген. Арты үлкен шу болып, ақыры әлгі қыз жергілікті полицияға шақырылды. Түсіндіру жұмыстары жүргізілді. Бірақ ол түсінді ме? Өйткені дәл осы блогердің арада аз уақыт өткенде Ташкент метросында жігіттердің қолынан ұстап тиіскені туралы бейнежазба тағы тарады. «Ойыннан да омыртқа сынатынын» білмейтін мұндай блогер-сымақтарды қатаң жауапқа &nbsp;тартатын кез келді. Себебі бұл адамның жеке өміріне қол сұғу, қоғамдық тәртіпті бұзу», деді ол.</blockquote>Депутат жасанды интеллектіні теріс мақсатта пайдалану арқылы жасалатын жаңа түрдегі пранктерге де назар аударды. Оның айтуынша, мемлекеттік тұлғалардың жалған бейнелерімен немесе азаматтарды шатастыратын бейнероликтермен қоғамды адастыру қауіпті құбылысқа айналып барады.<blockquote>«Тағы бір пранкте балалар ата-аналарына «танымайтын адам үйге келіп тұр, не істейміз?» деп жасанды интелект арқылы беймәлім адамның үйге кіріп кеткен, пәтерді аралып жүрген суреттерін жібереді. Зәресі ұшқан ата-ана полицияға телефон шалады, жұмысын тастап үйіне барады. Ақырында бұл пранк деп бала-шаға бейқам отырады. Дәл сол уақытта полиция шын мұқтаж адамға көмекке баруға үлгермей қалуы мүмкін, оны интернеттің инесіне отырғандар ұқпайды», деді депутат.</blockquote>Сондай-ақ депутат соңғы уақытта ел ішінде «табытта 24 сағат өткізу» секілді адам шошытарлық челлендждердің таралуын сынға алды.<blockquote>«Хәкім Абай: «Ішпек, жемек, кимек, күлмек, көңіл көтермек – бұл нәрселердің бәрінің де өлшеуі бар. Өлшеуінен асырса, зияны тимек» деген уағында. Сондықтан өлшемге өресі жетпейтіндерді заңмен тұсайтын кез келді», деді Нартай Аралбайұлы.</blockquote>Депутат өз сөзінде бірқатар нақты ұсыныстарды да ортаға салды:<ul><li style="text-align:justify;">Пранк барысында қоғамдық тәртіпті бұзған, жеке адамның өміріне қол &nbsp;сұққандарды анықтап, олардың бірыңғай тізімін жасап жариялау қажет.</li><li style="text-align:justify;">Қауіпті пранк арқылы адамның ар-намысы мен абыройына қол сұққандардың әлеуметтік желідегі парақшаларын дереу бұғаттау керек;</li><li style="text-align:justify;">Әлеуметтік желі әкімшілерінен қауіпті пранктер мен бейнежазба жарияланған парақшаларды анықтап, уәкілетті органға жедел хабарлауды талап ету қажет;</li><li style="text-align:justify;">Мұндай теріс құбылыстың алдын алу мақсатында ақпараттық-түсіндіру жұмыстарын жүйелі түрде, нәтиже беретін контент ретінде &nbsp;жүргізу керек.</li></ul>

Пранк жасаймын деп қоғамдық тәртіпті бұзатындар көбейіп кетті - Нартай Аралбайұлы

<a href="https://kyzylorda-news.kz/">Kyzylorda-news.kz</a>&nbsp; Арал аудандық мәдениет үйінде мүгедектігі бар адамдар күні мерекесі аясында «Менің қолымнан бәрі келеді» атты мерекелік кеш өтті.25 қазан – Республика күні мерекесі аясында шымылдық түрген бұл шараның мәні зор, маңызы ерекше. Жыл сайын қазан айының екінші жексенбісінде елімізде мүгедектігі бар адамдар күні аталып өтетіні белгілі. Бұл күн – әр азаматтың ерекшелігіне қарамастан өзін қоғамның тең мүшесі ретінде сезінуіне, инклюзивті ортаны қалыптастыруға бағытталған ерекше мереке.Құрмет пен ізгілікке, қолдау мен мейірімге толы салтанатты кешке аудан әкімі Аманжол Оңғарбаев арнайы қатысып, ерекше қажеттілігі бар жандарға деген өзінің ізгі тілегін жеткізді.<blockquote>– Құрметті жерлестер, қадірлі де ардақты жандар! Бүгін біз қоғамымыздың ерекше бір бөлігі – өмірдің түрлі сынақтарына қарамастан рухы мықты, жүрегі кең, жігері қайтпас жандарды құрметтеу мақсатында бас қосып отырмыз. Бұл күн – мейірім мен ізгіліктің, қамқорлық пен қолдаудың мерекесі. Мүмкіндігі шектеулі азаматтар – қоғамымыздың белсенді мүшелері. Сіздердің әрқайсыңыздың өмір жолыңыз – төзімділіктің, қайсарлықтың және адамдық парасаттың үлгісі. Сіздер қиындықтарға мойымай, өздеріңізге, отбастарыңызға, елге қызмет етіп, өмірге деген сүйіспеншілікті арттыра түсесіздер. Сіздердің рухтарыңыздың биіктігі мен сенімдеріңіз баршамыз үшін үлкен өнеге. Жүректеріміз бір, ниетіміз ортақ, мақсатымыз – бәріміз үшін жарқын болашақ. Біз әрқашан сіздермен біргеміз! Еліміздің ұлық мерекесімен тұспа-тұс келген осы маңызды күні өздеріңізге мықты денсаулық, ұзақ ғұмыр тілеймін, – деді аудан басшысы Аманжол Сақыпұлы.</blockquote>Аудан әкімі өз сөзінде бұл бағытта атқарылып жатқан бірқатар игі істерге де тоқталып өтті.«Мүгедектігі бар адамдар күні» мерекесіне орай ауданның дамуына үлес қосып, қоғамдық жұмыстарға белсене атсалысып жүрген бірқатар азаматтарға аудан әкімінің Алғыс хаты табысталды.Мерекелік кеш соңы аудан өнерпаздарының концерттік бағдарламасына ұласып, ән мен күйден шашу шашылды. Ерекше жандардың құрметіне арналған бұл мерекелік кеш жұртшылықтың көңілін көтеріп, қамқорлық пен ізгіліктің айқын көрінісіне айналды.

Ерекше жандарға арналған мерекелік кеш ұйымдастырылды

<a href="https://kyzylorda-news.kz/">Kyzylorda-news.kz</a> «AMANAT» партиясы Жалағаш аудандық филиалының «Мәдени мұра» және «Мәдениет ауылдық округі» бастауыш партия ұйымдарының бірлесіп ұйымдастыруымен, «Кітап – AMANAT» партиялық жобасы аясында Қазақстан Журналистер одағының мүшесі, ардагер Нұржанов Болатбек ағамызбен тағылымды кездесу өтті.Іс-шара барысында кеш қонағы өзінің әскери салада қызмет еткен жылдарындағы қызықты оқиғаларымен, шығармашылық жолындағы естеліктерімен бөлісіп, жастар тарапынан қойылған түрлі сұрақтарға мазмұнды жауап берді. &nbsp;Кездесуге қатысқан партия мүшелері мен жастар үшін бұл шара үлкен рухани серпіліс сыйлады. Сондай-ақ, партия филиалының төрағасы атынан Болатбек Нұржановқа алғыс хат табысталып, арнайы сый-сияпат көрсетілді. &nbsp;

Тағылымды кездесу өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен өңірдегі құрылыс жұмыстарының барысы талқыланған мәжіліс өтті. Оған қала және аудан әкімдері, жауапты сала жетекшілері қатысты. Аймақ басшысы бірқатар өзекті мәселелерге тоқталып, құрылыс қарқынын арттыруды, жыл соңына дейін жоспарланған әлеуметтік және инфрақұрылымдық нысандарды сапалы әрі мерзімінде аяқтауды тапсырды.Сонымен қатар құрылыс материалдарының сапасына тұрақты бақылау орнатуды, бюджет қаражатын тиімді және мақсатты жұмсауды, жаңа мектептер мен тұрғын үйлердің сапасына баса назар аударуды міндеттеді.Өткен жылы құрылыс саласына 128,5 млрд. теңге, биылға 170,1 млрд. теңге бөлінген. Бұл көрсеткіш 2022 жылмен салыстырғанда 8,1 есе артқан. Әлеуметтік ірі жобалардың қатары көбейген. Биыл сол жағалаудағы физика-математика мектеп-интернаты, музыкалық колледж, тарихи- өлкетану музейі, шығармашылық- инновациялық орталық, "Келешек мектептері" және "Руханият орталықтары", «Қайсар» футбол клубының 11 мың орындық жаңа стадионы, тағы басқа нысандар құрылысы аяқталып ел игілігіне табысталды.Жыл соңына дейін сол жағалаудағы спорт кешені, «Достық үйі», Арал ауданы Жалаңаш ауылындағы 150 орындық мектеп, аудандардағы орталық ауруханаларды қайта жаңғырту жұмыстары аяқталмақ. Қазіргі уақытта «Қызылорда арена» кешені, онкологиялық бөлімшесімен бірге бір ауысымда 100 келушіге арналған емханасы бар 300 төсектік аурухана құрылысы қарқынды жүруде.Фото: Қызылорда облысы әкімнің баспасөз қызметі

Құрылысқа қойылатын басты талап - сапа мен мерзім

<a href="https://kyzylorda-news.kz/">Kyzylorda-news.kz</a> Қазақстан халқы Ассамблеясының 30 жылдығына орай Қызылорда облыстық шешен этномәдени бірлестігінің онкүндігі аясында шеберлік сабағы өтті.Іс-шара қаладағы “Hugga bar” кафесінің қолдауымен ұйымдастырылды. Оған облыстық қоғамдық даму басқармасының “Қоғамдық келісім” КММ директорының орынбасары Руслан Құрманов, этномәдени бірлестіктердің төрағалары мен жастары қатысты.Шеберлік сабағы барысында шешен этномәдени бірлестігінің белсенділері дәстүрлі Чеплш (ірімшік қосылған нан) және Хинглаш (асқабақ салындысы бар бәліш) тағамдарын әзірлеуді көрсетті.<img src="https://knadmin.beoblood.kz/uploads/assam_4_6e73ab96d8.jpg" alt="ассам 4.jpg">Шешен этномәдени бірлестігінің төраға орынбасары Лайла Пашаеваның айтуынша, түрлі этностардың ұлттық тағамдары тұрмыс-тіршілігі мен мәдениетін айқындайтын маңызды элементтердің бірі.<blockquote>«Чеплш дайындау үшін ұн, су, тұз және аздап қатық немесе сүт қосып, жұмсақ қамыр илейміз. Қамырды жұқалап жайып, ірімшік салып, екі жағын да табада пісіреміз. Ал Хинглаштың ерекшелігі – оның ішіне тәтті асқабақ салындысы салынып, пешке не табаға пісіріледі. Бұл тағамдар шешен этносының дастарқанындағы қадірлі дәмдердің бірі», – деді Лайла Пашаева.</blockquote>Шара соңында қатысушылар дайын болған тағамнан дәм татып, ыстық қою шай ішіп, пікір алмасты.<img src="https://knadmin.beoblood.kz/uploads/assam3_c9e77f33be.jpg" alt="ассам3.jpg">Ұйымдастырушылардың айтуынша, мұндай шеберлік сабақтары этностардың мәдени мұрасын дәріптеп, жастардың дәстүрге деген қызығушылығын арттыруға бағытталған.<img src="https://knadmin.beoblood.kz/uploads/assam_2_c415ef5fd4.jpg" alt="ассам 2.jpg">

Қызылордада шешен этносының тағамдарын әзірлеуден шеберлік сабағы өтті

<a href="https://kyzylorda-news.kz/">Kyzylorda-news.kz</a> &nbsp;Жасанды интеллекттің адамның тыныс-тіршілігіне енгені соншалықты, &nbsp;бүгінде ол ескі фотосуреттерге жан бітіріп, адамның &nbsp;дауысын салып, айна-қатесіз адамның шынайы бейнесін жасайды. Алайда, бәрін тамсандырып жатқан &nbsp;сол технология алаяқтардың қолындағы жаңа қаруға айналып отыр.&nbsp;Fingramota.kz жалған бейнені қалай ажыратып-тануға, өзіңізді қалай қорғауға болатындығы және қазір желіде көргендердің бәріне сене бермеу неге маңызды екенін айтып береді.&nbsp;<h2 style="text-align:center;">Дипфейк деген не?</h2>Дипфейк («deep fake» деген сөздер) — бұл нейрожелілердің көмегімен &nbsp;шынайы адамдардың бейнесін салатын, жалған бейне және аудиожазбалар жасауға мүмкіндік беретін технология.Жүйе алдымен адамның сыртқы келбеті мен дауысын талдайды, содан кейін сол адамның дауысымен сөйлейтін, әрекеттер жасайтын жаңа бейнежазба жасайды, ал оның шынайы өмірінде мұндай оқиғалар ешқашан болмаған.Егер бұған дейін осындай бейнежазбалар жасау үшін білікті мамандар мен қуатты компьютерлер қажет болса, қазір смартфон мен тегін қосымша жеткілікті.Қай кездерде дипфейк &nbsp;алдау құралына айналады<h2 style="text-align:center;">«Бухгалтер, шұғыл ақша аудар!»</h2>Бір халықаралық компанияда бухгалтерге «директор» бейне қоңырау шалады, ол шұғыл түрде «мәмілеге» ақша аударуды талап етеді. Бейне қоңыраудағы адамның дауысы мен бет әлпеті директордан айнымайды. 10 минуттан кейін компания 250 мың еуродан айырылған. Кейін &nbsp;белгілі болғандай, бұл — алаяқтардың қолынан жасалған дипфейк болып шыққан.<h2 style="text-align:center;">«Анашым, көмектес!»</h2>Жақында Алматы қаласының тұрғыны «ұлының» оған қоңырау шалғанын айтты — дауысы таныс, «ұлы» қорқыныштан дірілдеп: «Анашым, мен қиын жағдайға душар болдым, тез арада 200 мың теңге аударшы», - деп өтінеді. Әйел банкке жүгіруге ұмтыла беріп, дер кезінде олардың отбасында код сөзі бар екенін есіне түсінеді. «Біздің итіміздің аты кім?», - деп сұрақ қояды, сол мезетте &nbsp;байланыс үзіліп кетеді. &nbsp;Бұл оны ақшасын жоғалтудан құтқарды.<h2 style="text-align:center;">«Айына 30%-а дейін инвестициялар»</h2>TikTok-та елге танымал кәсіпкерлермен «бейне сұхбаттар» жиі пайда болып жатыр, онда олар жаңа жобаға ақша салуға кеңес береді. Шындығында, бұл дипфейк, ал «инвестициялық платформа» жалған болып келеді.Мұндай жағдайлар Қазақстанда орын алып, адамдар жүздеген мың теңге қаражаттарын жоғалтты.<h2 style="text-align:center;">Жалған «шенеунік»</h2>Алаяқтар мемлекеттік қызметшілердің атынан бейне жолдаулар жасап, &nbsp;төлемдер, субсидиялар немесе өтемақылар беруге уәде береді. Адамдар сілтемеге өтіп, деректерін енгізеді, нәтижесінде карталарына кіре алмай қалады.<h2 style="text-align:center;">Дипфейкті қалай танып-білуге болады</h2>1. Күмәнді контекст. Егер бейне кенеттен пайда болса және шұғыл әрекет етуді қажет етсе (ақша аудару, сілтемені басу, «келісу») — бұл қызыл жалау.&nbsp;2.&nbsp;Бет-бейнені егжей-тегжейлі қараңыз. Ерін мен дауыс синхронизациясының бұзылуы, табиғи емес жыпылықтау, «пластикалық» тері, жарықтың күрт өзгеруі — мұның бәрі сыбырлап айтылатын кеңестер. Жоғары сапалы қолдан жасалған белгілер қиынырақ, бірақ бәрібір артефактілерді қалдырады.3. Дауысты мұқият тыңдаңыз. Түсірілім орнына сәйкес келмейтін екіпннің ауытқуын, «жалпақ» интонацияны немесе фондық шуды іздеңіз.&nbsp;4. Дереккөзді тексеріңіз. Жарияланымды тексерілген ресми аккаунттармен салыстырыңыз (ресми сайт, әлеуметтік желідегі «құсбелгісі» &nbsp;бар аккаунт — бірақ тіпті «құсбелгіні» де жалған беттер арқылы жасауға болады). Жасау уақытына, көрші беттердегі жазбаларға және жарияланымдар тарихына назар аударыңыз.&nbsp;5. Кері іздеу. Кадр бойынша (Google Images, Yandex) немесе бейне скриншот бойынша кері іздеуді пайдаланыңыз — мүмкін, материал бұрын бір жерде қолданылған немесе басқа роликтен алынған болуы мүмкін.&nbsp;6. Метадеректер және файл сапасы. Егер файлға кіру мүмкіндігі болса, метадеректерді тексеріңіз: камера, жасалған күні, кодектер. Көбінесе жалған белгі қайта кодтау іздерін қалдырады.&nbsp;7. Фактілерді қайта тексеру. Ресми БАҚ, баспасөз қызметтері немесе бейінді ведомстволар роликтің мазмұнын растайтынын тексеріңіз. Егер жоқ болса — таратпаңыз.<h2 style="text-align:center;">Егер Сізге күмәнді бейне немесе аудио жіберілсе не істеу керек</h2>1. Асықпаңыз. Материалды қайта жібермеңіз немесе жарияламаңыз.&nbsp;2. Түпнұсқаны сақтаңыз. Файлды жүктеп, дереккөзді (сілтеме, скриншоттар, уақыт) тіркеңіз.&nbsp;3. Дереккөзді тексеріңіз (кері іздеу, аккаунтты тексеру, ресми дереккөзге сұрау салу).&nbsp;4. Күмәндансаңыз — &nbsp;ресми түрде қоңырау шалыңыз. Роликте бейнеленген адамға оның «ескі» (сізге белгілі) нөмірі арқылы немесе тексерілген арна арқылы хабарласыңыз.&nbsp;5. Егер залал/бопсалау болса — дереу полицияға және банкке хабарласыңыз (есептен шығару тәуекелі болған кезде) — сақталған файлдар дәлел ретінде қызмет етеді.<h2 style="text-align:center;">Әрбір отбасы үшін: отбасылық «код сөзі»</h2>Код сөзі туралы келісіп қойыңыз (қарапайым емес және жалпыға қолжетімді ақпаратпен байланысты емес). Егер біреу қоңырау шалса немесе шұғыл ақша аударымын немесе ақша беруді сұрайтын бейне/аудио жіберсе — код сөзін атауды талап етіңіз. Дұрыс код болмаса — ешқандай әрекет жасамаңыз. Бұл басына іс түскенде алаяқтың өзін туыс ретінде көрсететін &nbsp;жалған «құтқару түймесінен» қарапайым және тиімді қорғау болып табылады.«Туыстан» қоңырау / хабар келіп түскен кездегі рәсім:1. &nbsp; &nbsp;Сізден көмек сұраған адаммен бейне байланысқа шығыңыз (бет пен дауысты келтіруге болады, ал көзбе-көз сөйлескен дұрысырақ).&nbsp;2. &nbsp; &nbsp;Сіз бен жақындарыңыз ғана білетін құпия сөзді және нақтылайтын фактілерді айтуды сұраңыз (мысалы, жануардың кішкентай кезіндегі аты, бірінші рет кездескен жер).&nbsp;3. &nbsp; &nbsp;Белгісіз адам қоңырау соққан адамға емес, туысқаныңыздың «ескі» нөміріне қоңырау шалыңыз.&nbsp;Ұйымдар үшін:• &nbsp; &nbsp;Аударымдар жасау кезінде көп факторлы тексеруді енгізіңіз (жазбаша растау, құпия сөз, бірнеше қолтаңба).&nbsp;• &nbsp; &nbsp;Қызметкерлерді дипфейктерді ажыра білуге үйретіңіз және шұғыл тапсырмалар үшін «екі арна» рәсімдерін енгізіңіз. Көптеген ірі оқиғалар ақшаның ауызша сұрауға аударылуына байланысты болған.&nbsp;Қазақстанда дипфейк үшін құқықтық жауапкершілік&nbsp;Қазақстан заңнамасында әлі «дипфейк» деген жеке термин жоқ, бірақ алдау, жала жабу немесе алаяқтық үшін ЖИ технологияларын қолдану Қылмыстық кодекстің қолданыстағы баптарына жатады:• &nbsp; &nbsp;ҚР ҚК 190-бабы – алаяқтық (пайда алу мақсатында алдау): жаза — айыппұлдан бастап 7 жылға дейінгі мерзімге бас бостандығынан айыруға дейін.&nbsp;• &nbsp; &nbsp;ҚР ҚК 274-бабы – жалған ақпарат тарату: жаза – 3000 АЕК-ке дейін айыппұл салу немесе 3 жылға дейін бас бостандығын шектеу.• &nbsp; &nbsp;ҚР ҚК 147-бабы – Жеке өмірге қол сұғылмаушылықты бұзу: басқалардың бейнелері мен дауыстарын келісімсіз пайдалану қылмыстық жазаға әкеп соғуы мүмкін.• &nbsp; &nbsp;ҚР Азаматтық кодексінің 143-бабы жалған материалдарды алып тастауды және моральдық зиянды өтеуді талап етуге құқық береді.Маңызды: егер сіз дипфейк жасамай, оны таратсаңыз да, әкімшілік немесе азаматтық жауапкершілікке тартылуыңыз мүмкін.Fingramota.kz-тен кеңестер1. &nbsp; &nbsp;Күмәнданыңыз – бұл ақылды адамның белгісі. Бейнежазба шынайы көрінсе де, әрқашан өзіңізге «Мұны кім жариялады және не үшін?» деген сұрақты қойыңыз2. Отбасылық қауіпсіздік алгоритмін жасаңыз. Құпия сөз, «ескі» нөмір бойынша тексеру және «растаусыз аудармау» ережесі.3. &nbsp; &nbsp;Инвестициялық ұсыныстарды тексеріңіз. Қазақстандағы нақты компаниялар тіркелуге және оларда Қаржы нарығын реттеу және дамыту агенттігінің (ҚНРДА) лицензиясы болуға тиіс.4. &nbsp; &nbsp;«Шұғыл» өтініштерге сенбеңіз. Алаяқтар қашан да асықтырады. Шын ұйымдар ойлануға және құжаттарды тексеруге уақыт береді.5. &nbsp; &nbsp;Күдікті жағдайлар Қаржы нарығын реттеу және дамыту агенттігіне: www.gov.kz және полицияға eOtinish.kz немесе 102 туралы хабарлаңыз.&nbsp;<img src="https://knadmin.beoblood.kz/uploads/infographics_1211_35_406f678aee.png" alt="infographics-1211-35.png">Бүгінгі күні жалған бейнежазба жасау кофе қайнатудан да оңай. Бірақ мұқият, сыни ойлау және қаржылық сауаттылық болса, технологиялар да қорқынышты емес. Есіңізде болсын: Сізге «ұлыңыз», «директор» немесе «шенеунік» қоңырау шалса да — көзіңіз бен құлағыңызға сенуге асықпаңыз. Жай ғана «Біздің құпия сөзіміз қандай?» деп сұраңыз.Фото: fingramota.kz

Алдамшы әлем: дипфейктер алдау құралына қалай айналады?

<a href="https://kyzylorda-news.kz/">Kyzylorda-news.kz</a> Кең байтақ қазақ даласының төсінде ғасырлар бойы ұрпақтан ұрпаққа жалғасып, ұлт рухының алтын арқауына айналған ең қымбат қазына бар. Ол – тіл. Тіл – тарихты сөйлететін, мәдениетті өрнектейтін, халықтың жан дүниесін айнадай көрсететін рухани құндылық. Әрбір сөздің астарында елдің тағдыры, әрбір дыбыстың түбінде ғасырлар шежіресі жатыр.Қазақ халқы ежелден сөзге тоқтаған, тілдің қадірін төрге оздырған халық. «Өнер алды – қызыл тіл» деп, асыл сөзді биікке көтеріп, ұрпағына аманат еткен. Ұлы Абай «Сөз түзелді, тыңдаушы, сен де түзел» деп, тілдің адам өміріндегі тәрбиелік рөліне назар аударса, Ахмет Байтұрсынұлы: «Ұлттың сақталуына да, жоғалуына да себеп болатын нәрсенің ең қуаттысы – тіл» деп, оның ұлт тағдырындағы орнын айрықша атап өтті. Белгілі ғалым Әлкей Марғұлан: «Тіл – халықтың тарихи жиегі, оны қорғау – ұлттың мәңгілігі» деп, тіл мен тарихтың, тіл мен ұлттық бірегейліктің ажырамас байланысын көрсетті.Тіл – жай ғана қатынас құралы емес, ол – ұлттық ойлаудың, дүниетанымның, өмір сүру салтының көрінісі. Тілсіз ұлт болмайды, ал ұлттық тілінің мәртебесі биік елдің еңсесі әрдайым тік.<h2 style="text-align:center;">Жаңа кезеңдегі тіл саясаты</h2>Тәуелсіз Қазақстанда мемлекеттік тіл саясаты ел дамуының стратегиялық бағыттарының бірі ретінде жүзеге асырылып келеді. Соның айқын дәлелі – 2023–2029 жылдарға арналған тіл саясатын дамыту тұжырымдамасының қабылдануы. Бұл құжат мемлекеттік тілдің қолданылу аясын кеңейтуге, оны қоғамдық өмірдің барлық саласында толыққанды пайдалануға бағытталған.Тұжырымдамада мемлекеттік тілді білім беру жүйесінде, ғылымда, мәдениетте, ақпараттық кеңістікте және цифрлық технологияларда кеңінен қолдану көзделген. Қазақ тілін үйретудің заманауи әдістемелері енгізіліп, онлайн-платформалар мен мультимедиалық ресурстар әзірленеді. Жаңа буын оқулықтары мен оқу құралдары жасалып, сөздіктер мен анықтамалықтар жаңартылады. Осы бағыттағы Қызылорда облысының қоғамдық даму басқармасының «Қызылорда облысының тілдерді оқыту орталығы» КММ-і біршама &nbsp;жұмыстар атқарып келеді. 2022 жылы «Тыңда! Түсін! Тіл үйрен!», 2023 жылы «Кинофильмдер арқылы қазақ тілін оқыту», 2024 жылы «Сөз және сөйлеу мәдениеті» атты оқу-әдістемелік құралдары қолдау тауып, республика деңгейінде таратылды. Орталық қызметкерлері А.Байтұрсынұлы атындағы дәстүрлі «Үздік оқытушы» республикалық байқауында топ жарып, жүлделі орындардың (бас жүлде, 1-орын) иегері атанып келеді. Мемлекеттік, орыс және ағылшын тілдерінен курстар ұйымдастырылып, курс тыңдаушыларын түрлі мақсаттағы шараларға тарту жұмыстары үздіксіз жүргізіледі. Сондай-ақ, мемлекеттік тіл саясатын насихаттауға бағытталған «Жүзден жүйрік», «Полиготтар», «Этноquiz» интеллектуалды байқаулары мен «Тіл – қылыштан да өткір» жайдарманшылар сайысының мән-маңызы ерекше болып отыр. Орталықтың әлеуметтік желі парақшаларында 6000-ға жуық оқырманы бар. Осы ретте, «Трендтегі сленгтер», «Сөз орамдары», «Атадан жеткен сөз мұра», «Дұрыс аударып жүрсіз бе?» атты ақпараттық айдарлары желі оқырмандарының ұлттық мәдениеті мен танымын, тілдік сауаттылығын арттыруға арналған.Ақпараттық кеңістікте мемлекеттік тілдегі сапалы контент көлемі ұлғаяды. Бұқаралық ақпарат құралдарында, интернет порталдарында, телеарналар мен радиоэфирлерде қазақ тілінің үлесі артады. Сондай-ақ жасанды интеллектке негізделген «Айсана» виртуалды көмекшісі және KazLLM тілдік моделі енгізіледі. Бұл жобалар қазақ тілін жаңа технологиялық деңгейге көтеріп, оның заманауи қолданысын арттыруға жол ашады. Тұжырымдамада қазақ тілінің ұлттық корпусын толықтыру, терминологиялық қорды жаңарту және ғылыми айналымға енгізу міндеті де айқын белгіленген. Бұл – мемлекеттік тілдің ғылым мен техника тіліне айналуына ықпал ететін маңызды қадам.<h2 style="text-align:center;">Ұлттық бірегейліктің өзегі</h2>Тіл саясаты – тек тіл мамандарының немесе мемлекеттік органдардың ісі емес, ол – бүкіл елдің, әр азаматтың ортақ міндеті. Тіл – ұлтты ұйыстыратын, елді бір мақсатқа жұмылдыратын күш. Тарихта өз тілін сақтаған халық қана өзінің болмысын, мәдениетін, дәстүрін жоғалтпай, келешекке нық қадам баса алған. Санасын сақпен, ғұмырын ғұнмен жалғаған исі қазақтың әрбірі ұлттық тілін тұғырлы етуге жауапты. Тал бесікте айтылар әлди&nbsp;әні, құлақ құрышын қандыратын әженің ертегісі, қиялыңа шабыт қосатын аңыз-жырлар ана тілі арқылы санаға сіңіп, зейін-зердеге орнықты. Халық қаһарманы Б.Момышұлы: «Ертексіз өскен бала – рухани мүгедек» деген болатын. Ұлтының болмысы мен тынысын айқындайтын ұлттық мұраны меңгермейінше ана тілінің қадіріне жетіп, киесін ұғынуы да екіталай. &nbsp;Осы ретте, ел Президенті Қ.Тоқаевтың мемлекеттік тіл мәселесін күн тәртібінен түсірмей, өзекті етуі де ана тілінің өркендеп, кең құлаш сермеуіне үлесті болып отыр.Мемлекеттік тілдің ғылым, білім, мәдениет және технология тіліне айналуы – Қазақстанның бәсекеге қабілеттілігін арттырады. Жасанды интеллект өзегі – тіл. &nbsp;Бұл – жаһандану дәуірінде ұлттық бірегейлікті сақтау мен нығайтудың басты кепілі. Тілдің мәртебесін көтеру – ұлттық қауіпсіздіктің де маңызды бөлігі.<h2 style="text-align:center;">Мемлекеттік тіл саясаты – ұлттық бірегейлікті сақтаудың кепілі</h2>Тіл – халықтың рухани қазынасы, елдіктің айнасы. Ғасырлар бойы ұрпаққа мұра болып келген тілдің тағдыры – елдің тағдыры. Бүгінде мемлекеттік саясаттың басты бағыттарының бірі – осы аманатты сақтау, дамыту және ұрпақ санасына сіңіру. Ғұламалардың өсиеті мен бүгінгі заман талабына сай жүргізіліп отырған тіл саясаты – қазақ тілінің болашағын баянды етіп, оны ұлттық бірегейліктің мызғымас іргетасына айналдырады. Халық пен тілдің біртұтастығы – мемлекеттің мәңгілігінің кепілі.Қазақ тілінің қоғамдағы орны мен мәртебесін нығайту – ел бірлігін, ұлттық тұтастықты қамтамасыз етудің басты тетігі. Тіл саясатының тиімді жүзеге асуы – мемлекет дамуының, қоғам тұрақтылығының және ұлттық қауіпсіздіктің маңызды құрамдас бөлігі. Тіл – ұлттың рухани өзегі, өткен мен бүгінді, дәстүр мен жаңашылдықты сабақтастыратын алтын көпір. Сондықтан тіл саясаты тек тілдік нормаларды реттеу емес, сонымен қатар ұлттың болашағын айқындайтын стратегиялық бағыт болып табылады. Мемлекеттік тілдің қоғамның барлық саласында еркін қолданылуы ұлттық бірегейлікті күшейтіп, азаматтардың ортақ құндылықтар төңірегінде топтасуына мүмкіндік береді.Қорытындылай келе, тіл саясатының табысты жүзеге асуы – Қазақстан халқының бірлігі мен тұрақтылығының басты кепілі. Тілді құрметтеу – елді құрметтеу, ал тілдің дамуы – ұлттың дамуының айғағы.Қазиева Нүрбике ҚазиқызыОблыстық тілдерді оқыту орталығыныңғылыми-әдістемелік бөлімінің аға сарапшысы

Тіл саясаты және ұлттық бірегейлік

<a href="https://kyzylorda-news.kz/">Kyzylorda-news.kz</a> &nbsp;Қызылорда облысы ПД Есірткі қылмысына қарсы іс-қимыл басқармасының қызметкерлері, «Жастар ресурстық орталығы» өкілдерімен бірлесіп есірткі жарнамасы бар граффитилерді жою бойынша акция жүргізді.Қызылорда қаласының әртүрлі аудандарында орналасқан ғимараттардың қабырғаларынан 30-дан астам граффити-жазулар жойылды.Акция мақсаты - есірткіні жарналамайтын және насихаттайтын (жылдамдық, меф, крек, ұн, альфа – pvp және т.б.) қайдан сатып алуға болатыны көрсетілген интернет және телеграмм арналардың мекен жайлары бар граффити жазуларын қала аумағындағы тұрғын үйлер, ғимарат қабырғаларынан анықтап, граффити жазуларын өшіру.Қызылорда облысы ПД Есірткі қылмысына қарсы іс-қимыл басқармасы, Қазақстан Республикасы Қылмыстық кодексінің 299-1 бабына сәйкес “Есірткі, психотроптық заттарды немесе сол тектестерді, прекурсорларды насихаттау немесе заңсыз жарнамалау” үшін үш жылға дейін бас бостандығынан айыру жазасы қарастырылғанын ескертеді.Егер бұл қылмысты алдын ала сөз байласу арқылы адамдар тобы жасаған болса, мүлкі тәркіленіп немесе онсыз, үш жылдан алты жылға дейінгі мерзімге бас бостандығынан айыруға жазаланады.<img src="https://knadmin.beoblood.kz/uploads/2_Graffiti_zhazularyn_shiru_akcziyasy_jymdastyryldy_101cc37a7d.jpg" alt="2«Граффити жазуларын өшіру» акциясы ұйымдастырылды.jpg">

«Граффити жазуларын өшіру» акциясы ұйымдастырылды

<a href="https://kyzylorda-news.kz/">Kyzylorda-news.kz</a> Күзет қызметі – қоғамдық тәртіп пен азаматтардың қауіпсіздігін қамтамасыз етуде маңызды рөл атқаратын сала. 29 қазан аталған салада еңбек ететін қызметкерлердің мерекесі. Осыған орай Өңірлік коммуникациялар қызметінің ақпарат алаңына жеке құраммен жұмыс жөніндегі бөлімнің аға инспекторы Зәуре Садуақасова мен полиция батальонының полицейі Әділхан Уәлихан келіп, жұмыстарының қыр-сырымен бөлісті.<blockquote>- Мен бұл салаға 2014 жылы сержант болып келген едім. Қазіргі таңда жеке құраммен жұмыс жөніндегі бөлімнің аға инспекторы қызметін атқарып келемін. Яғни, кадрлық бағыттағы жұмыстарды жүргіземін. Біздің басқарманың негізгі міндеті - стратегиялық маңызы бар нысандардың қауіпсіздігін қамтамасыз ету. Сол нысандарда қызмет атқаратын әріптестеріміз ел тыныштығы үшін күн-түн демей еңбек етіп, кез келген оқыс оқиға мен қауіп-қатердің алдын алады. Сол қызметкерлердің бірі - Уалихан Әділхан. Ол су торабы нысанында суға құлап кеткен қызды құтқарып, нағыз ерлік көрсетті. Азаматшаны аман алып қалып, өзі де дін аман шықты. Жуырда Астана қаласында Мемлекет басшысы Қасым-Жомарт Кемелұлы Тоқаевтың атынан «Ерлігі үшін» медалімен марапатталды. Бұл біздің қызметіміздің қаншалықты жауапты әрі маңызы зор екенін көрсетеді. Шынында да, біздің жұмыс қиын да, қызықты да. Тәртіп пен адалдық - біздің қызметіміздің басты қағидаты. Негізгі мақсатымыз - халықтың тыныштығын қамтамасыз етіп, елге қалтқысыз қызмет ету. Осы орайда, барлық полиция қызметкерлерін, соның ішінде мамандандырылған күзет басқармасының ұжымын кәсіби мерекемен шын жүректен құттықтаймын,-деді Зәуре Жеңісбекқызы.</blockquote>&nbsp;Ал Әділхан Асылханұлы полиция батальонының полицейі, полиция аға сержанты қызметін атқарады.&nbsp;<blockquote>– 2019 жылдан бері осы салада табанды еңбек етіп келемін. Биыл менің осы жауапты қызметімдегі алтыншы жыл. 21 мамыр күні сағат 22:00 шамасында қызмет барысында кезекті кезекшілік кезінде ерекше жағдай орын алды. Белгісіз азаматша стратегиялық маңызы бар нысанға қарай беттеп келе жатқанын байқап, оған бұл аумаққа кіруге болмайтынын ескертуге ұмтылдым. Алайда ескертуді елемеген азаматша Сырдария өзеніне секіріп кетті. Ойлануға уақыт болмады. Ештеңеге қарамастан, дереу суға секіріп, азаматшаны аман алып шығуға кірістім. Барлығы небәрі 2-3 минуттың ішінде болды. Азаматша есінен танып қалған еді, алғашқы көмек көрсеттім. Кейіннен 102 байланыс желісіне хабар беріп, оқиға орнына тиісті қызметкерлер келіп, азаматша қалалық емханаға жеткізілді. Осы оқиға өмір мен өлім арасындағы сәттердің бірі еді. Сол кезде менің ойымда тек бір ғана ой болды, ол - адам өмірін сақтап қалу. Бұл ерлігім үшін 25 қазан - Республика күні қарсаңында Мемлекет басшысы Қасым-Жомарт Кемелұлы Тоқаевтың атынан «Ерлігі үшін» медалімен марапатталдым. Бұл мен үшін үлкен құрмет әрі қызметтік жолдағы ең үлкен марапаттардың бірі деп білемін,-деді Әділхан Асылханұлы.</blockquote>Фото: Қызылорда облысының Өңірлік коммуникациялар қызметі

 29 қазан - Күзет ұйымдары қызметкерлерінің күні

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» мемлекеттік корпорациясы жүргізуші куәлігін алғаш рет алу қызметі енді «ЦОН» мобильді қосымшасы арқылы қолжетімді болғанын хабарлайды.Енді алғаш рет жүргізуші куәлігін алғысы келетін азаматтар өтінішті мамандандырылған халыққа қызмет көрсету орталығына бармай-ақ, тікелей «ЦОН» мобильді қосымшасы арқылы бере алады. Жүйе медициналық анықтамасының бар-жоғын, автомектепті аяқтау туралы куәлігін және шектеулердің болуын мемлекеттік деректер базасы арқылы автоматты түрде тексереді.Өтініш жіберілгеннен кейін азамат өзіне ыңғайлы уақытта теориялық және практикалық емтихандарға жазыла алады. Осылайша, мемлекеттік баж төлемі емтихандарды сәтті тапсырған соң мамандандырылған ХҚКО бөлімінде төленеді. Бұл тәсіл рәсімдеу процесін оңтайландырып, азаматтар үшін анағұрлым қолайлы жағдай жасайды.Пилоттық жоба Ішкі істер министрлігі мен Жасанды интеллект және цифрлық даму министрлігінің бірлескен бұйрығы аясында жүзеге асып жатыр. Құжат жүргізуші куәліктерін беру тәртібін жаңартып, цифрлық технологияларды кеңінен енгізуге бағытталған.Қазіргі уақытта жаңа қызмет еліміздің барлық өңірінде қолжетімді. Пилоттық жобаның мерзімі 2026 жылдың 1 қыркүйегіне дейін белгіленген. Осы кезеңде қызметтің тиімділігі мен қолайлылығы бағаланып, талдау нәтижесінде жаңа тәртіпті тұрақты түрде енгізу мәселесі қаралады.Жаңа рәсімдеу форматы жүргізуші куәлігін алғаш рет алатындар үшін бұл процесті бұрынғыдан да жеңіл, ыңғайлы және қолжетімді етті.Сонымен қатар, «ЦОН» мобильді қосымшасы болашақ жүргізушілерге қосымша мүмкіндіктер ұсынады: қолданушылар теориялық және практикалық емтихандарға, сондай-ақ сынақ емтиханына жазыла алады. Бұдан бөлек, қосымшада көлік сатып алу-сату шартын рәсімдеу, автокөлік тарихын тексеру және өзге де электрондық қызметтерді пайдалану сияқты пайдалы функциялар қамтылған.

Қазақстанда жүргізуші куәлігін алғаш рет рәсімдеу тәртібі өзгерді

&nbsp;«AMANAT» партиясының Шиелі аудандық филиалының ұйымдастыруымен «Ұлттық мұра» партиялық жобасы аясында «Ұлттық мұра – ұрпаққа аманат» атты жергілікті қолөнер шеберлерінің көрмесі өтті.<img src="https://knadmin.beoblood.kz/uploads/ltty_m_ra_rpa_a_amanat_ol_ner_sheberlerini_k_rmesi_944406db6d.jpg" alt="«Ұлттық мұра – ұрпаққа аманат» қолөнер шеберлерінің көрмесі.jpg">Көрме - ата-бабамыздан қалған өнерді ұлықтап, оны жас ұрпақтың санасына сіңіру мақсатында ұйымдастырылды. Көрмеге 17 шебер қатысып, қазақ халқының тарихын, эстетикасын және дүниетанымын танытатын тоқыма, кесте, зергерлік бұйымдар, киіз басу, ағаш және былғары өңдеу секілді сан түрлі 100 - ден аса өнер туындыларын қойды.<img src="https://knadmin.beoblood.kz/uploads/1_ltty_m_ra_rpa_a_amanat_ol_ner_sheberlerini_k_rmesi_0ab4853d10.jpg" alt="1«Ұлттық мұра – ұрпаққа аманат» қолөнер шеберлерінің көрмесі.jpg"><blockquote>«AMANAT» партиясы «Ұлттық мұра» жобасы аясында мәдени мұраны насихаттауға бағытталған бастамаларға жүйелі түрде қолдау көрсетіп келеді. Бүгінгі қолөнер көрмесі соның бір бөлігі деп айтсақ болады. Қолөнер – халқымыздың рухани байлығы, ұлттық болмысы мен мәдениетіміздің баға жетпес байлығы. Оны сақтау – бәріміздің ортақ борышымыз. Бүгін біз «Ұлттық мұра – ұрпаққа аманат» атты көрме арқылы еңбек адамдары, яғни қолөнер шеберлерінің еңбегін насихаттай отырып, кейінгі ұрпақтың ұлттық мұраға деген қызығушылығын арттырып, оған құрмет қалыптастыруды мақсат еттік», – деді аудандық партия филиалының атқарушы хатшысы Жібек Баймұратова.</blockquote>Көрме соңында, төл мәдениетімізді дамытуға өлшеусіз үлес қосып жүрген бірқатар қолөнер шеберлеріне партия атынан Алғыс хаттар табысталып, құрмет көрсетілді.<img src="https://knadmin.beoblood.kz/uploads/2_ltty_m_ra_rpa_a_amanat_ol_ner_sheberlerini_k_rmesi_39671e69ac.jpg" alt="2«Ұлттық мұра – ұрпаққа аманат» қолөнер шеберлерінің көрмесі.jpg">

Қазақстан және Қызылорда облысының жаңалықтары