<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев медицина қызметкерлерін кәсіби мерекемен құттықтады.<blockquote>«Президентіміз Қасым-Жомарт Кемелұлы Тоқаев «Ұлт саулығы – Әділетті Қазақстанды құру жолындағы мемлекеттік саясаттың аса маңызды бір бағыты. Мемлекет медицина қызметкерлеріне жан-жақты қолдау көрсетіп, денсаулық сақтау саласын дамытуға баса назар аударады» – деп дәрігерлердің ел алдындағы беделі мен мәртебесі жоғары екендігін айрықша атап өтті. Бүгінде аймақта халыққа сапалы медициналық қызмет көрсету үшін қажетті шаралардың барлығы жасалуда. Емдеу-алдын алу мекемелерінде 3000 дәрігер, 11 000-ға жуық орта буын маман жұмыс істейді. Мамандандырылған және жоғары технологиялық-медициналық көмек түрлерінің сапалы болуына баса мән берілуде. Өткен жылмен салыстырғанда өңірде жалпы өлім-жітім көрсеткіші 12%-ға, ана өлімі 48%-ға, сәби өлімі 44%-ға, жарақат, жазатайым оқиғалардан және уланудан болатын өлім-жітім 41%-ға, туберкулезден болатын өлім-жітім 33%-ға төмендеді. Мемлекет басшысының бастамасымен жүзеге асырылатын «Ауылда денсаулық сақтауды жаңғырту» пилоттық ұлттық жобасының маңызы зор»,– деді аймақ басшысы.</blockquote>Салтанатты кеште көпбейінді облыстық аурухананың дәрігер хирургі Абдулла Шүленбаевқа «Қызылорда облысының құрметті азаматы» атағы табысталды. Бірқатар медицина қызметкері облыс әкімінің Алғысымен, ҚР Денсаулық сақтау министрлігінің «Еңбек ардагері» медалімен, «Денсаулық сақтау ісінің үздігі» және «Денсаулық сақтау ісіне қосқан үлесі үшін» төсбелгілерімен және түрлі номинациялармен марапатталды.Іс-шара соңында мерекелік концерт ұйымдастырылды.Айта кетейік, Ұлттық жоба аясында 2023-2024 жылдары Сыр өңірінде құны 9,7 млрд. теңге болатын 27 денсаулық сақтау нысаны салынады. 2025 жылға дейін Арал, Қазалы, Шиелі, Жаңақорған ауданаралық ауруханаларын көпбейінді ауданаралық аурухана деңгейіне жеткізу жұмыстары жүргізілуде. Ел Президенті, Үкіметтің қолдауымен Қызылорда қаласында бір ауысымда 100 келушіге арналған емханасы бар 300 орындық көпбейінді аурухана құрылысы басталды. Құны 36,4 млрд. теңге болатын нысан құрылысы 2025 жылы аяқталады. Ана мен бала саулығын жақсарту, жас аналарға жоғары мамандандырылған медициналық көмектің қолжетімділігін арттыру үшін көпбейінді облыстық аурухана жанынан 70 төсектік босану бөлімшесі ашылады.Президент тапсырмасына сәйкес халықаралық стандарттарға сай 200 төсектік перинаталдық орталық салу мәселесі пысықталып, нысан құрылысына облыс орталығынан 3,7 гектар жер учаскесі бөлінді. Өткен жылы ел ағаларымен бірге Қызылорда қаласының сол жағалауында облыстық Қан орталығының іргетасы қаланған еді. Жаңа нысан келер жылдың І тоқсанында пайдалануға берілмек.<img src="https://knadmin.beoblood.kz/uploads/347435710_565758929078689_8051830804976442236_n_91759aa11e.jpg" alt="347435710_565758929078689_8051830804976442236_n.jpg"><img src="https://knadmin.beoblood.kz/uploads/347549569_565759252411990_5791867230184091068_n_5187328365.jpg" alt="347549569_565759252411990_5791867230184091068_n.jpg"><img src="https://knadmin.beoblood.kz/uploads/347252198_565759415745307_6870534317947976295_n_ec0509ede1.jpg" alt="347252198_565759415745307_6870534317947976295_n.jpg"><img src="https://knadmin.beoblood.kz/uploads/347263500_565758949078687_2912551813508768153_n_12b554b495.jpg" alt="347263500_565758949078687_2912551813508768153_n.jpg">

Қызылордада  3000 дәрігер, 11 000-ға жуық орта буын маман жұмыс істейді

<a href="https://kyzylorda-news.kz/">Kyzylorda-news.kz.</a> Жаңақорған ауданында бүгінгі күннің өзекті мәселелерінің төрінде төтенше жағдайлар, оның ішінде өрт пен судағы қауіпсіздік басты назарда тұрғаны белгілі. Әсіресе, жаз мезгілінде аптап ыстықта балалардың су айдындарында шомылуы, азаматтардың ереже сақтамай өзен жағалап, өздерінше демалыс ұйымдастыруы шектен шығып тұр. Орман мен тұрмыстық өрттің де залалы аз емес, темір тұлпарлардан шыққан ақау, үй ауласындағы жану оқиғасы жыл сайын қайталанып, дәстүрге айналып барады. Осы жағдайларды алдын алу, болдырмау, тұрғындарға тиісті түсіндірме жұмыстарын жүргізуде жауапты мамандарға артылар жүк аз емес. Бүгін әдеттегідей бұл мәселелер төңірегінде жауап беретін қызметкерлердің басын төл басылымда қосып, кезекті брифинг өткіздік.&nbsp;Бұл дөңгелек үстелге ұйытқы болған төтенше жағдайлар бөлімі болатын. Жаз басталғалы көл-тоғандарды, өзен мен өзекті аралап рейд жүргізіп, тұрғындар қауіпсіздігін басты назарда ұстап жүрген бөлім қызметкерлері аудан халқына кеңінен түсіндірме жүргізуді ұсынды. Бұл жолы төтенше жағдайлар бөлімінен бөлек аудан әкімдігінен, полиция қызметкерлері, газдан, жастар мен орман шаруашылығынан жауапты қызметкерлер келіп, атқарылып жатқан жұмыстарын жүйеледі.Шыңғыс ЖӘДІКОВ, аудандық Төтенше жағдайлар бөлімінің аға инженері, азаматтық қорғау каптитаны:– Бұл тақырыптың өзекті болуы заңды құбылысқа айналып барады. Балалардың қауіпсіздігі, аға буынның қаперсіздігі, одан қала өрт оқиғасының жиілеуі ауданда ғана емес, жалпы қоғамда өршіп барады. Сондықтан соның алдын алу аса маңызды, бүгінгі басқосуда осы екі тақырып бойынша жиналып отырмыз. Жалпы аудан аумағында 2023 жылдың 6 айында 73 төтенше жағдай тіркелді. Бұл былтырғы жылмен салыстырған едәуір көп. Оның ішінде, өрт оқиғасының саны 18-ге жетсе, өртке жатпайтын жану оқиғасы – 35, адам жоғалу бойынша 2 іс орын алды. Улану, терезеден құлау сында жағдайлар да кездесті. Бүгінгі бірінші мәселе, осы өрт апатын алдын алу, орман өрті болсын, үй жағдайындағы жану оқиғасы болсын дайындықты пысықтау. Екінші, кезекте, суға шомылу кезіндегі қауіпсіздік бойынша рейд шаралары күн сайын өткізілуде. Жасөспірімдердің суға түсіуі мен азаматтардың масаң күйінде шомылуы басты назарда. Биыл азаматтық қорғау және төтенше жағдайлар бойынша өткізілетін оқу-жаттығулар жоспарына сәйкес, барлығы 406 оқу-жаттығуөткізілді. &nbsp;Жаңақорған ауданы бойынша барлығы 8 эвакуациялық жинақтау пунктері мен 8 эвакуациялық қабылдау пунктері орналасқан. Жыл басынан бері түрлі тақырыпта аудио және бейнежазбалар дайындалып, қауіпсіздік шараларын алдын алу мақсатында тұрғындарға таратылып, орталықта экраннан көрсетілді. Қос мәселе бойынша құзырлы органдармен, әкімдікпен бірлесе отырып жұмыстарды жалғастыра беретін боламыз.Өскен МҮБАРАК, №14 өрт сөндіру бөлімінің қарауыл бастығы, азаматтық қорғау капитаны:– Жалпы дабыл бойынша былтырғы жылмен салыстырғанда биыл тіркелгендер саны 19 пайызға өскен. Негізгі салдары үй ауласындағы күл-қоқысты өртеп, бақылаусыз қалдырғаннан басталған. Деректі көбейтіп тұрған өрт оқиғасына жатпайтын, яғни үй ауласындағы қоқыстардың тұтануынан туындап отыр. Ең өкініштісі, соның салдары көрші үйлерге зиян көбірек келгені көрсетіп тұр. Департамент бастығының бұйрығымен жыл басынан бері аудан көлемінде 8559 тұрғын үйді аралап, түсіндірме жұмысын жүргіздік. Әзірге 36639 адам қамтылды. Рейдтік шаралар бойынша көбіне жастар ресурстық орталығымен бірлесе жұмыс жасауды жалғастырып келеміз. Сол секілді орман өртіне байланысты да жұмыстарды жүйелеп, бақылауды күшейттік. Өйткені, өзен мен көл жағасына демалысқа барған тұрғындар өрт қауіпсіздігін сақтай бермеуі мүмкін. Осы жағдайларды бақылаусыз қалдырмауымыз керек.Шерхан АШИМОВ, аудан әкімі аппараты жұмылдыру дайындығы, аумақтық қорғаныс және төтенше жағдайлардың алдын алу және жою бөлімі басшысы:&nbsp;– Шыны керек, біздің ауданда арнайы суға түсетін орындар, бассейн немесе белгіленген айдындар жоқ. Көршілес аудандар мен облыс орталықтарында бар, бірақ оған жиі баруға аудан халқының қалтасы көтере бермейді. Сондықтан амалдың жоғынан дария мен көлдерді көбіне жастар жағалап жүреді. Әрине ол қауіпті, дегенмен, сағат сайын олардың ізін аңду мүмкін емес. Соған қарамастан арнайы тақтайшалар ілініп, ескертпелер таратылуда. Осы үрдісті кеңінен қолданып, тақтайшаларды көбейту әлдеқайда тиімді болар еді. Екіншіден, өртке байланысты қазір күн өте ыстық, сәл жел болса болды шоқтың өзі отқа айналып кетуде. Қазір үй жағдайында болған соң лезде ауыздықтап жатырмыз. Егер орман өрт оранса, онда онымен күресу оңайға соқпайды. Оны солтүстік өңірдегі апат бізге көрсетіп, тіпті сабақ болып берілді. Сондықтан аудан тұрғындары алдымен сана мәдениетін қалыптастырса, содан кейін балаларға барынша бақылау жасаса жөн болар еді. Біздің болашағымыз осы жеткіншектер.Расул ҚАРАҚОЖАЕВ, аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің бас маманы:&nbsp;– Қаззір жаз мезгілі болған соң тұрғындар көгілдір отынды көбірек пайдалана қоймайды. Осы мезгілді пайдаланып тұрғындар пештері мен жылыту трубаларын тексертіп алғаны әлдеқайда абзалырақ болады. Әрине біз де ескертпе жасаймыз, дегенмен басым бөлігі қыс жақындағанда қамданады. Қазақта “қыстың қамын жаз ойла” дейді, сондықтан сақтық шараларын осы бастан бастаған жөн. Әрине апат айтып келмейді, сондықтан жазда дайындықты пысықтап қойсақ дұрыс болар еді. Биыл газдан өрт болған жоқ, лайым болмағаны дұрыс. Дегенмен иістен улану фактісі тіркеледі, осыны да осы бастан ойлап, ерте іске көшсе дейміз. Қазір газ мәселесіне байланысты жеке мекемелер бар, қауіпсіздікке жауап бере алады. Бұл өртті болдырмау емес, адам өмірінің алдын алуы деп түсінгеніміз дұрыс.Мейржан ЖАНДАРБЕКОВ, Аудандық полиция бөлімінің жергілікті полиция қызметі бөлімшесінің патрульдік полиция тобының аға қызмет инспекторы, полиция капитаны:– Жаз басталғалы төтенше жағдай бөлімі қызметкерлерімен су айдындарындағы рейдтік шараларға шығып келеміз. Бұл шараға жиі араласып, қауіпсіздікті қамтамасыз етуге біз де міндеттіміз. Негізінен әрбір полиция қызметкерінің өзіне белгіленген аумағы бар. Олар құзыреті бойынша жиі-жиі тексеру ұйымдастырып, тұрғындардың тынышын күзетуде. Көбіне дария аумағына тиесілі учаскелік полиция қызметкерлері бақылауға көбірек мән береді. Өйткені, көлікті масаң күйде басқарып немесе демалысқа келген тұрғындар сары суға масайып суға түсуге құмартып тұрады. Осындайда тұрғындар қауіпсіздікке көп мән бере бермейді, мүмкіндігінше тыйым салуға тырысамыз. Тек көктем мен күзде ғана емес, жыл он екі ай орман мен көл-тоғандар, су айдындары жағалауын барынша бақылауда ұстауға күш саламыз.Наурызбай ОРЫНБАСАРОВ, аудандық қоғамдық даму бөлімінің “Жастар ресурстық орталығы” КММ директоры:&nbsp;– Жастар тарапынан су айдындарындағы қауіпсіздікке көбірек ат салысудамыз. Өйткені, жастар мен балалардың дәл қазір суға шомылуы артып барады. Әрине балық аулауға, суға түсуге ешкімге тыйым сала алмаймыз. Дегенмен белгіленбеген жерлерде сақтық шараларын сақтамағандарды бақылауға біз де мүмкіндігімізше әрекет жасаудамыз. Аптасына 2-3 рет құзырлы органдармен бірлесе рейдтке шығып, түсіндірме жұмысын жүргіземіз. Жыл басынан бері арнайы бейнебаяндар түсіріп, ескертпе ретінде аудан жұртына таратудамыз. Жастардан бұрын балалардың бақылаусыз қалып кетуі бізді қатты алаңдатады. Жыл сайын кәмелетке толмаған қаншама жеткіншек көлдер мен каналдарға түсіп, қыршыннан қиылып жатыр. Биыл Алла өзі жар болсын, әзірге қайғылы оқиға тіркелмеді. Жауапты сала мен жастар болып бірлесе жұмыс жасауымыз осы әрекеттердің алдын алуы. Біз жұмысымызды жалғастыра береміз.

Қауіпсіздікке қырағылық керек

<a href="https://kyzylorda-news.kz/">Kyzylorda-news.kz.</a> Жаңақорған ауданы Prime park-те № 1 кенттік кітапхананың ұйымдастыруымен "Күн сәулесі кітапта" жобасы аясында "Кім жылдам табады" атты викториналық ойын ұйымдастырылды. Атаулы шараның мақсаты, оқушылардың дүние танымын, білімге қызығушылығын және ойлау ойды жүйелеу қабілетін дамыту. Өз мүмкіндігін дұрыс пайдалана алатын зейінді тұлғаны тәрбиелеу.&nbsp;Кітап – білім мен мәдениеттің биік белестеріне жетелейтін – тәрбие құралы. Шығыс ойшылы Науаи: «Кітап – ақылына ақы сұрамайтын алтын қазына» десе, Абай атамыз «Танымның бар тамашасы – кітапта, оған қол жеткізу үшін кітап оқудан жалықпа», «Артық ғылым кітапта, ерінбе оқып көруге» деп насихаттайды. Кітап оқу баланың бос уақытын тиімді ұйымдастыру мен қатар адамның ой-өрісін кеңейтіп, білімін арттырады. Кітапханашылардың кәсіби шеберлігін шыңдай отырып, озық тәжірибелерді анықтау, балалар мен жасөспірімдердің арасында кітап оқу мәдениетін арттыру. Сондай-ақ, кітап адамзат баласының баға жатпес асыл қазынасы екенін ұғындыра отыра, кітап оқуды дамыту.Кітап – адамзат баласының баға жетпес асыл құндылығы. Білім мен мәдениеттің биік бе-лестеріне жетелейтін тәрбие құралы. Шығыс ойшылы Науаи: «Кітап – ақылына ақы сұрамайтын алтын қазына» десе, Абай атамыз «Танымның бар тамашасы – кітапта, оған қол жеткізу үшін кітап оқудан жалықпа», «Артық ғылым кітапта, ерінбе оқып көруге» деп насихаттайды. Мағыналы сөздерден кітап оқудың кез келген тұлғаны дамытудың қайнар көзі екенін түсінесің. Кітап оқу баланың бос уақытын тиімді ұйымдастырумен қатар адамның ой-өрісін кеңейтіп, білімін арттырады.&nbsp;Осы мақсатта, ұйымдастырылған шара «Жақсы көңіл күй-жанға қуат» тренингінен басталып, қатысушыларға ерекше көңіл күй сыйлады.Әдеби кеш жалғасы «Алаш ардақтыларын ұлықтау, «Үш бәйтерек, бес арыс» тақырыбында өрбіді. Ең есте қалғаны, атаулы мектеп театры «Алжир» оқиғасын керемет суреттеді. Атаулы шараға жиналған жандарға ерекше әсер етіп, көңіл толқытты. Атаулы семинардың мақсаты – кітапханашылардың кәсіби шеберлігін шыңдай отырып, озық тәжірибелерді анықтау, балалар мен жасөспірімдердің арасында кітап оқу мәдениетін арттыру. Сондай-ақ, кітап адамзат баласының баға жатпес асыл қазынасы екенін ұғындыра отырып, кітап оқуды дамытуды назарға алыпты.Мемлекет басшысы. «Кітап – уақыт пен кеңістіктің тынысына толы адамзат ойының жемісі», деді. Ал, Хакім Абай: «Артық ғылым кітапта, Ерінбе оқып көруге», деп кітап оқудың маңызын мензейді. Иа, кітапхана – ғылым мен білімді, көркем ой құндылықтарын, өткен тарихты ұрпақтан-ұрпаққа жеткі¬зетін киелі шаңырақ. Кітап үйі ықылым заманнан – парасат ордасы, ел мәдениеті мен әдебиетінің ошағы саналады. Өйткені, ұлттың барлық асыл мұрасын сақтаушы, ұлттық құндылықтарды болашаққа бәз қалпында жеткізуші осы мекен. Демек, рухани жаңғыру дәл осы киелі шаңырақтан бастау алары сөзсіз. Атаулы семинар маңызын кемеңгер жазушы Мұхтар Әуезовтың: «Кітап атаулы досы бола бастаған шақтан былай ғана әрбір жан өзін интеллигент бола бастадым деп санауына болады», деген сөзін кітапхана қызметкерлері жастарға оқып беріп, бір рухтандырып қойды.Қазіргі таңда елімізде оқушы жастардың кітап оқымайтыны туралы жиі айтылатыны жасырын емес. Жалпы, оқушылар кітап оқымай ма, әлде мектеп оқушылары қызығып оқитын көркем әдебиеттер жоқ па деген сұрақтың да ойға оралатыны анық. Жас жеткіншектерді «кітап оқымайды» деп бекерге кінәлай бергенше олар қызығып оқитын кітаптарды көптеп шығарып, алыс ауылдардағы мектептерге таратудың маңызы зор. Осы орайда Мемлекет басшысы Қасым-Жомарт Тоқаевтың тапсырмасы аясында ҚР Білім және ғылым министрлігі орта білім саласында «Оқуға құштар мектеп» жобасын қолға алғандығын да тілге тиек етті.Осы тұста, Мемлекет басшысы Қасым-Жомарт Тоқаев білім саласын Жол картасын дамыту бағдарламасында мектеп кітапханаларын қажетті көркем әдебиеттермен қамтамасыз ету мәселесін тапсырған болатын. Әдетте ақын-жазушылар бірінің аузына бірі түкіріп қойғандай, жастар кітап оқымайды деп жастарды босқа кінәлау әдетке айналғаны жасырын емес. Өз кезегінде Мемлекет басшысы Қасым-Жомарт Тоқаев қоғамдағы мәселені дәл байқап, бұл мәселені шешудің оңтайлы жолын ұсынғанынан да көпшілікті құлақдар етті кітапхана қызметкерлері.Сонымен қатар, «Оқулық» орталығының жетекшісі Ғани Бекетайұлы алдағы бес жылға жоспарланған жобада жастарды қызықтыратын төрт бағыт белгіленіп, сол тақырыптар аясында көркем әдебиеттерді шығарып, оны еліміздегі мектеп кітапханаларына таратуды көздеп отырғанын алға тартты. Осы ретте белгіленген төрт тақырып жайында айта кетсек. Бірінші бағытта мойындалған қазақ әдебиетінің классик ақын-жазушыларының кітаптарын қайта басу көзделсе, екінші бағытта әлем әдебиеті классиктерінің кітаптарын қазақ тілінде сөйлетіп, мектеп жасындағы балаларға қызықты шығармаларды ұсыну қарастырылыпты. Үшінші бағытта қазіргі заманғы талантты жазушылардың шығармаларын кітап қылып шығару қарастырылған. Ал төртінші бағытты ғылыми-танымдық және оқу-әдістемелік әдебиеттерді шығару жоспарланыпты. Осы бағдарлама іске асқан жағдайда еліміздегі мектеп кітапханаларының қоры жыл сайын 20 пайызға жаңарып отырады екен. Тағы да айта кететін жайт, жоғарыда атап өткен бағыттар бойынша таңдалынып алған туындыларды білікті мамандардан құралған арнайы комиссия сұрыптап, талдағаннан кейін кітап болып басылып шығатынын айта кетуіміз керек.Жалпы, «Оқуға құштар мектеп» жобасы сәтті іске асатын болса, еліміздегі ақын-жазушылардың кітаптары көптеп басылып шығып, ел арасына кең тарайтыны анық. Бұдан кейін ел арасындағы «жастар кітап оқымайды» деген әңгімеге нүкте қойылатыны анық. «Оқуға құштар мектеп» жобасы алдағы уақытта кітап оқуға құмар ұлт деген мәртебелі атымызды қайтаруға септігін тигізетін маңызды бастама болып тұр.Орталық коммуникация қызметінде өткен басқосуда «Оқулық» ғылыми-практикалық орталығының директоры Ғани Бейсембаев бұл жоба аясында мектеп кітапханаларының қорын толықтырудан бөлек, кітапханалардың материалдық-техникалық жағдайын жақсарту ісіне де айрықша көңіл бөлініп отырғанын тілге тиек етті.– Қазіргі таңда мектеп кітапханаларында оқушылардың кітап оқуына қолайлы оқу залдары жоқ. Алдағы уақытта осы олқылықтың орнын толтыратын боламыз. Бүгінде жаңадан салынған мектептердің өзінде оқу орны қарастырылмаған. Бұл кемшілікті тез арада жоятын боламыз. Оқу залдары безендіріліп, қажетті компьютерлік жабдықтармен жабдықталатын болады. Бұдан басқа мектеп кітапханаларында жұмыс істейтін кітапханашылардың кәсіби біліктілігін арттыруды да көздеп отырмыз. Бірінші кезекте оларды аттестациядан өткізіп, айлық жалақысын көтеру қарастырылуда. Бұдан кейін еліміздегі жоғары оқу орындары дайындайтын кітапханашы мамандығының статусын көтеріп, «педагог – кітапханашы» деген мәртебе берілетін болады, – деді Ғани Бейсембаев.Осылайша, ҚР Білім және ғылым министрлігі көптен бері қоғам назарынан тыс қалған мектептегі кітапханалардың жағдайын жақсартуды алғаш рет қолға алып отыр. Бұл өз кезегінде елімізде ұлтжанды, патриот жастардың санын арттыра түсетін маңызды шара деп есептейтіндерін әрі ел болашағы үшін жасалып жатқан тың жоба екені анық.Іс-шара соңында келген қонақтар семинардан алған әсерлерін бөлісіп, жаңашыл әдіс-тәсілдерді өз жұмыстарында қолданатындары айтып, алғыстарын білдірді. Сондай-ақ, &nbsp;шараға келген кітапханашылар мен көрермен қауым арқылы кері байланыс білдіріп, алдағы уақытта бүгінгі семинардан алынған әдіс – тәсілдер мен мәліметтерді өз жұмыстарынан көрініс табатындарын айтып, тарқасты.Шара барысында кітапхана қызметкерлері балаларға салт-дәстүр, әдет- ғұрыпқа байланысты викториналық сұрақтар қойды. Шара соңында жеңімпаздарға алғыс хатпен және сыйлықпен марапаттады.

Жаңақорғанда кітап жобасы өтті

<a href="https://kyzylorda-news.kz/">Kyzylorda-news.kz.</a> Жаңақорған Қоғамдық Даму Бөлімі және «Қызылорда облысының жастар Одақтары» қоғамдық бірлестігінің ұйымдастыруымен «Адал көмек» жобасы аясында кәсіби заңгер Нұрсултан Байменов жеке және заңды тұлғаларға тегін құқықтық кеңес берді.&nbsp;Жобаның мақсаты азаматтардың құқықтық сауаттылығын арттыру, сонымен қатар өмірлік маңызды мәселерді шешу үшін халықтың әлеуметтік әлсіз топтарына құқықтық көмек көрсету болып табылады.&nbsp;Сыбайлас жемқорлық &nbsp;– заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінгі күнге дейін жойылмай отырған кеселдің бірі. Бұл кесел дамушы елдердегідей біздің жас мемлекетімізге де орасан зор нұқсан келтіріп отыр.Парақорлық мемлекеттік органдардың тиісті қызмет атқаруына кері әсерін тигізіп, беделіне нұқсан келтіреді, заңды қағидаларды теріске шығарып, азаматтардың конституциялық құқықтары мен заңды мүдделерінің бұзылуына түрткі болады. Қазақстан Республикасының «Сыбайлас жемқорлыққа қарсы күрес туралы» Заңына сәйкес, сыбайлас жемқорлықпен күресті барлық мемлекеттік органдар мен онда қызмет атқаратын лауазымды тұлғалар жүргізуі тиіс. Мемлекеттік органдардардың ұжымдардың, жергілікті өзін-өзі басқару органдарының басшылары өз өкілеттігі шегінде кадр, бақылау, заңгерлік және өзге де қызметтерін тарта отырып, заң талаптарының орындалуын қамтамасыз етуге міндетті.Мемлекеттік қызметшілердің сыбайлас жемқорлық қылмыстар және осы тұрғыдағы құқық бұзушылықтарға бой алдыруының себебі көп. Оған ең алдымен қызметшілердің білім деңгейінің, әдептілік ұстанымының төмен болуы әсер ететін болса керек. Кей мемлекеттік қызметшілердің құқық бұзушылыққа немқұрайлылық танытуы, кәсіби әдептілігінің жетіспеуі де, жеке басының қамын ойлауы да парақорлықтың &nbsp;дендеуіне септігін тигізуде. Сондай-ақ, кейбір мемлекеттік орган басшыларының сыбайлас жемқорлыққа қарсы заң талаптарын атқаруда ынта танытпай, жұмыс жүргізбеуі де жемқорлықтың тамырын тереңдете түседі.Қазақстан Республикасы Сыбайлас жемқорлыққа қарсы іс-қимыл агееттігінің (Сыбайлас жемқорлыққа қарсы қызмет) «Адал көмек» жобасы аясында Жаңақорған ауданының білім басқармасы басшының қатысуымен азаматтарды қоғамдық қабылдауы өтті. Аталған қабылдау барысында жұмысқа орналасу, баланы мектепке ауыстыру, жұмысқа орналасу мәселелері қаралып хаң аясында түсіндіріліп шешілді.Жұртшылықпен оң бағаланған аталмыш жобаның жалғасымен бүгін денсаулық сақтау саласындағы проблемалы мәселелерге байланысты мемлекеттік орган өкілдері өңір тұрғындарын толғантқан мәселелеріне құлақ түріп, олардың шешу жолында азаматтармен кері байланыс орнатып, құқықтық кеңестер берді.Олардың қатарында, ҚР Еңбек және әлеуметтік қорғау комитетінің аудан бойынша департаменті, Қазақстан Республикасының Денсаулық сақтау министрлігі Медициналық және фармацевтикалық бақылау комитетінің аудан бойынша департаменті, Жаңақорған аудандық қоғамдық денсаулық басқармасы, Жаңақорған аудандық жұмыспен қамту және әлеуметтік бағдарламалар бөлімі, Жаңақорған аудандық емханасының өкілдері бар.Шараға қатысқан азаматтардың негізгі мәселелері денсаулығына байланысты портал ашу, медициналық-әлеуметтік сараптамадан өтуге қатысты болды. Тұрғындарға заң шеңберінде түсіндірмелер берілді, сондай-ақ екі азаматқа мүгедекттік топ алуына шешім шығарылып, медициналық-әлеуметтік сараптамаға &nbsp;жолдама берілді.Айта кетейік, «Адал көмек» жобасы аясындағы іс-шаралар жыл соңына дейін айына екі рет тұрғындардың келуіне қолайлы, жұртшылық көп шоғырланатын орындарда өтетін болады.Осы тұста, айта кетейік, бұл жобаны өткізудің негізгі мақсаты жастарға жол сілтеу, бағыт бағдар беруді ниет етті. Өйткені, қоғамның қозғаушы негізгі күші – жастар. Кіші буын неғұрлым қуатты болса, елдің іргесі берік болады.&nbsp;Жасыратыны жоқ, бүгінгі жастардың ойлау қабілеті өзгеше. Екі жастың әңгімесіне құлақ түрсек, заманауи техниканың игілігі мен кәсіп дамытудың жолдары туралы түрлі ақпараттарға қанығасыз. Олар қалай ақша табу керектігі мен өзін дамытудың түрлі тәсілдерін меңгерген. Өзгені сөз етпегенде аудандағы кәсіпкерліктің 60 пайызы отыздан аспаған жастарға тиесілі. Мұның өзі жастардың экономикадағы белсенділігін аңғартады. Мұны жастар ресурстық орталығының директоры Наурызбай Орынбасаров та растады.<blockquote>«Ауданда 15-30 жас аралығында 32 891 жас ресми тіркелген. Оның 18931-і оқушы, 1556-ы студент, 946-ы кәсіпкер. Жас кәсіпкерлердің бір-бірімен тәжірибе алмасып, ынтымақтастық көрсетіп жүргенін көріп жүрміз. Олар елдік істе белсенділік танытып, жастарға бағыттанған іс-шараларды қаржылай қолдап келеді, – дейді жастар көшбасшысы Наурызбай Ерікұлы.Індет басталған шақта аудан жастарының белсенділігі айқын сезілді. Қарапайым маска тігіп таратумен қатар, медицина саласына қажетті құралдар мен аппараттармен қамтамасыз етті. «Жаңғырған Жаңақорған Жастары» қоғамдық қорының құрылуының өзі халықтың әлеуметтік жағдайына оң ықпалын тигізді. Биыл қуаңшылық жайлаған уақытта көкке тапшылық сезілген шаруаларға қолғабыс еткен бірнеше еңбек жасағындағы әрбір жастың маңдай тері текке кеткен жоқ».</blockquote>Жастардың бастамасына куә болып, қолдауын білдіріп жүрген «Қум Сахаба» мешітінің бас имамы Ержан Сейтжаппаров:<blockquote>«Мән беріп қарасаңыз, соңғы уақытта жастардың өресі өскенін аңғаруға болады. Теріс қылықтан бойын алшақ ұстап, имандылыққа бет бұрған жастардың қарасы көп. Жұма намазында сапта тұрған көпшіліктің көбі отызға жетпеген. Мұндай сәтте, Жаратушының өзі жастарға жол көрсетіп жатқанына риза боласыз. Ал, жастардың аяқ алысын көрмегендер сыртынан түрлі күпірлік жасап, &nbsp;бос әңгіме етеді», – деді.</blockquote>Белсенді жастардың көбеюі – жақсылықтың нышаны. Жуырда ғана кенттегі тазалықтың сын көтермейтінін мақалаға арқау еткенбіз. Кім білсін, өздері де осы жағдайды күнде көзбен көргендіктен болар, 1991 жылы туылған Тәуелсіздіктің төл құрдастары туған жеріне тамаша тарту жасап, елді қуантқан еді. Кент орталығындағы көпшілік шоғырланатын аймақтарға қоқыс жәшігін орнатып, кенттің тазалығына көңіл бөлуде. Міне, біздің нағыз патриоттар!Ал, көпке жұғыспайтын, ақсаусақ жігіттер отбасының тәлімінің төмендігінен рухани мүсәпірдің күйін кешуде. Қоғамдық ортада екі әйелдің әңгімесінен мұндай масыл жастардың барын білуге болады. «Жасыл ел» жасағына еңбекке төселуге жіберудің орнына «Баламның басына күн өтеді» деп қақпайлап жүрген ата-ананың қылығына қаның қайнайды. Қоғамдық жұмыспен қамтылған жастың қолын ара шағып алды деп дау туғызып жүргендер күлкіні келтіреді.Мұндай жағдайларға әбден қанық ауданның белсенді азаматы Серік Мұсабаев:– Еңбек – ерді шыңдайды. Бір мезгіл кетпен, күрек ұстамаған қолдың берекесі болмайды. Біздің әкелеріміз осылай тәрбиеледі. Әлі күнге дейін бақша өсіріп, азын аулақ егін егіп, ұрпағымды еңбекке тәрбиелеудемін. Ержігітке тән қасиет тек еңбекпен келеді. Ал, одан басқасы кұр әурешілік, – дейді ел ағасы.Алдағы уақытта өз жалғасын табатын болады.

Жаңақорғанда «Адал көмек» жобасы аясында қоғамдық қабылдау өтті

<a href="https://kyzylorda-news.kz/">Kyzylorda-news.kz.</a> 24 маусымда Қазақстанның басым бөлігінде найзағай ойнап, жаңбыр жауады, деп хабарлайды Қазгидромет.Республиканың оңтүстік-батысы мен оңтүстігінде күн ашық болады.Республиканың басым бөлігінде жел күшейеді, батыста, оңтүстік-шығыста, шығыста, солтүстікте, орталықта бұршақ жауады, шығыста, орталықта дауыл тұрады, оңтүстік-батыста шаңды дауыл, түнде және таңертең солтүстік-батысты , солтүстікті тұман басады.

Сенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Денсаулық сақтау – қоғамның әлеуметтік өмірінің маңызды саласы. Бірнеше рет қайта құруларды басынан кешіріп, &nbsp;алдағы &nbsp;уақытта да дамытылуы жоспарланып отырған ұлт денсаулығы – еліміздің ұлттық саясатының басты бағыттарының бірі болып табылады. Ал денсаулық сақтау саласын жандадыруда сала мамандарының қызметі мен еңбегі ерен. Ақ халатты абзал жандар әркез ел құрметіне, халықтың ыстық ықыласы мен қандай марапатқа да лайық.Осы ретте облыс деңгейінде медицина қызметкерлері күніне орай мерекелік іс шара өтті. Арнайы жиында аудандық аурухананың терапия бөлімшесінің меңгерушісі Жакупова Айгүл Қарсаңқызы &nbsp;«Денсаулық сақтау ісіне қосқан үлесі үшін» төсбелгісімен марапатталды. Сонымен қатар аудандық емхананың лаборатория меңгерушісі Ермағанбетова Сара Маханбетқалиқызы және Шаған дәрігерлік амбулаториясының жалпы тәжірибелік дәрігері Өмірбаева Алтынай Наушабайқызының кеудесіне «Денсаулық сақтау ісіне қосқан үлесі үшін» төсбелгісі салтанатты түрде тағылды. Қиындығы мен қызығы мол салада ұзақ жылдан бері өнімді еңбек етіп, тұрғындар алғысына бөленіп жүрген ақ халатты абзал жандар марапат төрінен көрінді.– Бүгінгі мерейлі мерекеде, маңызды басқосуда арнайы медальмен марапатталған әріптестеріміздің барлығы да өз ісінің мықты мамандары, өз жұмысының білгірлері. Халықтың алғысына, көптің ризашылығына бөленіп жүрген жандар. Ақ халатты абзал жан деген атқа лайық, Гиппократ антына адал қызметкерлер. Талай өмірді ажалдан арашалап, талай тұрғынның еміне шипа тауып, алғысын алған мамандар. Әріптестерімнің бүгінгі марапаты нағыз еңбектің лайықты марапаты деп сеніммен айта аламын. &nbsp;Ақ халатты абзал жандарды лайықты марапаттарымен құттықтай отырып, дендеріне саулық, отбасына амандық, қызметте табыс пен абырой тілеймін, – деп әріптестеріне тілектестік білдірді Сырдария аудандық ауруханасының бас дәрігері Жалғасбек Үсенов.Денсаулық – зор байлық. Денсаулық сақтау ұйымдарының жаңа заман талабына сай әрі қолжетімді болуы маңызды. Сырдария ауданында бүгінде денсаулық сақтау саласын дамыту жан-жақты қолға алынып келеді. Осы ретте, ауданға қарасты Асқар Тоқмағамбетов, Қалжан ахун, Іңкәрдария ауылдық емханаларына күрделі жөндеу жұмыстары жүріп жатқанын айта кету орынды. Аталған ауылдық емханаларда ішкі жұмыстар бойынша ішкі есіктерін орнату, электр желілері және жылумен жабдықтау жұмыстары жүргізілуде. Айта кетейік, қос ауылдағы құрылыс жұмыстарын «Ахат+ГС» ЖШС, ал Іңкәрдария ауылдық емханасының жөндеу жұмыстарын «Жылу ХХІ» ЖШС жүргізуде.Сондай-ақ аудан әкімінің ауылдық округ тұрғындарымен кездесуі кезінде көтерілген медициналық құрал-жабдықтармен қамтамасыз ету мәселелері шешім тауып, аудандық аурухана тарапынан Аманкелді дәрігерлік емханасына ВА200 биохимиялық анализ анықтайтын аппарат жеткізілді. Аудан орталығынан шалғай орналасқан Айдарлы, Жетікөл, Аманкелді және Бесарық ауылдық округі тұрғындары биохимиялық қан талдауларын Аманкелді дәрігерлік емханасына келіп тапсыра алады.Ауданымызда халық денсаулығын жақсарту, медициналық қызмет сапасын арттыру, халықты қолжетімді медицинамен қамтамасыз ету, профилактикалық медицинаны дамыту мақсатында бірқатар жұмыстар жүзеге асырылып, оңтайлы шешім табуда. Бұл бағыттағы жұмыстар үнемі назарда болады. &nbsp;

Мерейлі мамандар – марапат төрінде

<a href="https://kyzylorda-news.kz/ru">Kyzylorda-news.kz.</a> Табиғаттың әрбір бөлшегі құнды. Төрт түлікті мінсе – көлік, жесе – ет, ішсе – ақ, пайдаланса – қолөнерге қажетті жүн деп бағалаймыз. Сол секілді балықтың да пайдасы мол. Мәселен, балық ұны балықты, теңіз сүтқоректілердің қалдықтарын кептіру және ұнтақтау кезінде өндірілетін жем ретінде үнемі сұранысқа ие. Мұндағы басты шикізат – өңдеуге жарамсыз тұтас балық және кейбір балықтардан май алу нәтижесінде пайда болатын қалдықтар. Әрі қарай өндіріс барысында май-ақуыз коагуляциясына майды тотығудан қорғайтын антиоксидант қосылады да, ол жануарларға жем өндірудің құрамдас бөлігі ретінде қолданылады.Балық ұнын өндіруден өзіміздің өңір де қалыс емес. Индустрияландыру картасы аясында Қазалы ауданында балық қалдықтарынан балық ұнын шығаратын цех жүзеге асырылуда. Жеке кәсіпкер Төребек Игіліковтың айтуынша, кәсіпорынның алғашқы өнімі – балық ұны. Қазіргі таңда жеке кәсіпкер балық қалдықтарынан ұн және жем дайындайтын украиналық заманауи техниканы сатып алған. Бұл құрылғы «Еуро 4» стандарты бойынша ұн және жем шығарады. Төребек Игіліков жобаны іске асыру үшін «Қарапайым заттар экономикасы» бағдарламасы шеңберінде 20 млн теңге және өз қаражаты есебінен 10 млн теңге қаржы жұмсаған. Цех үшін Әйтеке би кентіндегі «Өндірістік аймақтан» арнайы ғимаратты да дайындаған. Аталған жоба индустриялық аймақта орналасқан.<blockquote>– Балық ұнын өндіру технологиясы негізінен бірнеше кезеңді қамтиды: пісіру, пресс көмегімен артық сұйықтық пен майды кетіру, кептіру және ұнтақтау. Мамандандырылған агрегатты өсімдіктерді пайдалану құрамды тұрақтандыруға мүмкіндік береді және сапаны бақылауды қамтамасыз етеді. Шығарылатын ұнды құс, мал азығына және егіншілікке тынайтқыш есебінде пайдалануға болады. Цех техникалық құралдармен қамтылған. Ұн шығаратын станогымызды орнатып, жұмыс жүргізіп жатырмыз. Бұдан бөлек, басқа да станоктарымыз орнатылды. Облысымызда жалғыз цех болғандықтан, сұраныс болады деген сенімдеміз, – дейді кәсіпкер.</blockquote>Айта кетейік, шикізаттағы майдың құрамына байланысты балық ұны түрлі тәсілдермен дайындалады. Құрамдағы май 2 %-ға дейін болса, шикізат кептіріліп, ұн күйіне дейін ұнтақталады. 5 %-ға дейін болса, кептіріліп, экстракцияланады, толығымен кептіріледі және ұнтақталады. Ал егер шикізатта 5% -дан астам май болса, балық ұны престеу арқылы дайындалады. Балық қаңқасын өндіру үшін оны сатып алудың қажеті жоқ, кәсіпорындардың қалдықтары – гиблеттер, сүйектер де өте қолайлы. Бұл айтарлықтай арзанырақ болады.Өндірістің өзі қарапайым және бірнеше кезеңнен тұрады: шикізатты тазарту және ұнтақтау; пісіру және ұнтақтау; сусыздандыру және кептіру; ұн жасау; қаптаманы дайындау. Ғалымдардың айтуы бойынша, 1 кг балық ұнының энергетикалық мәні алмасу энергиясының 10-14 МДж аралығында болады. Яғни, 1 кг ұнда 535 г қорытылатын ақуыз, 67 г кальций, 57 г фосфор бар. Аминқышқылдарының құрамы бойынша балық ұны қан ұнынан кейінгі екінші орында. Оның ақуызы лизинге, метионинге, цистинге бай, құрамында триптофан және басқа да маңызды аминқышқылдар жеткілікті. Демек жем ретінде құнарлы, табиғи, өте пайдалы өнім екеніне баса назар аударған жөн.<blockquote>«Балық ұнын өндіруді бастап кеттік. Арнайы аппарат арқылы майын бөлек, жемін бөлек ажыратып береді. Ұн болғандықтан сиырға, тауыққа, төрт-түлікке беріледі. Мал ұстап отырған тұрғындардың сұранысына ие. Енді алдағы уақытта балық ұнынан бөлек балық жемін шығарсақ деген ой бар. Өзіміз де балық кәсібімен айналысып отырмыз. Жемін өндірсек, кәсібіміз толық циклге көшер еді», – жеке кәсіпкер.</blockquote>Кәсіпкердің сөзінше, бұл жоба ауыл шаруашылығы саласын дамытуға бағытталған. Мақсат жергілікті халықтың сапалы балық өнімдеріне қажеттілігін қанағаттандыру, жаңа жұмыс орындарын ашу, балық өнімінің сапасы мен дәмін жақсартып, ассортиментті кеңейту болып отыр. Жоба аясында балық өңдеу цехы кеңейтіліп, сүбе шығару зауыты жұмыс жасауда. Қазіргі таңда зауытта өңделетін балық өнімдерін Еуропа елдеріне экспорттау мақсатында «Еврокод» алынып, еуропалық стандарттарға сай өнімдер ұсынылмақ. Айта кетейік, өндірілген балық ұнының 70 пайызы ресейлік тұтынушыларға сатылады.

Қазалылық кәсіпкер балық ұнын өндіреді

<a href="https://kyzylorda-news.kz/ru">Kyzylorda-news.kz.</a> Ақылдың ажар-көркін білім деп бағалаймыз. Өйткені сананың сәулеленіп, ой-өрістің дамуы үшін оқудың маңызы зор. Білім жолында үйренуді, ізденуді тоқтатпаған жанның бағындырар белесі биік болмақ. Мұндайда қағида мен ұстанымның берік болғаны да керек. Себебі «сен тұр, мен атайын» деген кіл мықтының арасынан сауатымен суырылып шығып, ақылымен білім алаңында топ жару оңай емес. Табандылық пен тапқырлық тоғысып, ұтқырлық пен ұшқыр ой үйлескенде діттеген мұратқа жетуге болады. Дамуда бөгелмейтін Ақжайық Тәжі де арман-мақсатына елеулі еңбектің, білімнің арқасында жетіп келеді.&nbsp;Иә жерлесіміз Бакуде өткен Халықаралық жобада жүлдеге ие болды. I Халықаралық зерттеушілер байқауына Қазақстан және өзгеде Шет ел мемлекеттерінен 120-ға жуық жас ғалымдар қатысқан. Байқау негізгі 3-кезеңнен тұрды. Қатысушылар алғашқы кезеңде 72 сағатта ғылыми мақалаларды дайындау туралы вебинарға қатысса, келесі кезеңде Алматы қаласы, Абай атындағы ҚазҰПУ-дан ішкі рецензент, ҚР ЖОО-дан рецензент, шетелдік рецензент қатысуымен үздік ғылыми жобаға сараптау жүргізілді. Үшінші кезеңде – Баку қаласы, Khazar University және Әзірбайжан мемлекеттік педагогикалық университетінің базасында өткен «Шығыс-Батыс: Бедел мен әлеуеті» ғылыми басылым редакторларының Бірінші Еуразиялық халықаралық форумында байқаудың жеңімпаздары анықталды.&nbsp;Қорқыт Ата атындағы Қызылорда университетінің студенті Ақжайық Тәжі Ақжайық 3 кезеңнен де сүрінбей, финалда ІІІ-орынды иемденді. Оның ғылыми еңбегі Халықаралық деңгейде «Eurasian Scientific and Methodological Journal “East-West”» басылымына жарияланады және арнайы дипломмен марапатталды. Әлемдік деңгейде именбестен білім-білігін сынаған Ақжайықтың ғылыми жетекшісі педагогика ғылымдарының докторы, профессор Шарбан Майгельдиева.<blockquote>— Жалпы байқаудың талабы өте жоғары болды. Себебі жоба Гарвард стильінде болуы міндетті еді. Әрі ағылшын тілінде өткізілді. Ағылшын тілін жетік меңгерген жас ғалымдар оның ішінде магистранттар мен докторанттар қатысты. Ғылыми жобаны даярлауға 4 ай көлемінде уақыт кетті. Яғни, ерекше қажеттілігі бар балалардың мінез- құлқын оңтайлы деңгейін қамтамасыз ету стратегиялық бағдарламасы жасалынды. Негізі жобаны жүзеге асырмас бұрын тәжірибе жүргізіп, тапқыр тақырыпты да солай таңдау керек. Эксперименттік тәжірибем «Асыл мирас» аутизмі бар балаларды қолдау орталығы және N6 есту қабілеті бұзылған балалардың арнайы (түзету) мектеп интернатында өтті. Алдағы уақытта тек Қызылорда қаласында емес, басқада өңірлерге дейін тәжірибе жасап, дамыту ойымда бар, - деді Ақжайық Тәжі.&nbsp;</blockquote>Таңдаған саласына тез бейімделіп, мамандығының қыр-сырын меңгеруге ұмтылу жетістікке жетелейтіні сөзсіз. Төрт жылдағы білімі бәсекеде басып озуға сеп болып, жобасы үздіктердің қатарына ілігуі қуанарлық жайт, жағымды жаңалық. Педагогика-психологияның әдіс-тәсілін үйреніп, жіті зерттегені еңбекте енжар еместігін дәлелдеді. Сондықтан балаларға бағытталған бастамасы жемісін беретіні анық.&nbsp;<blockquote>— Менің ең бірінші мамандығым бұл - емдеу ісі. Бұрын медициналық колледжде білім алдым және медицина саласына &nbsp;жақындығы бар психология саласын таңдадым. Алдағы уақытта медициналық мекемелерге педагог-психолог болып жұмысқа тұру жоспарымда бар.&nbsp;Медицина саласында тәжірибеде жүрген кезде көп нәрсе түйдім. Мәселен адамдарға ең бірінші медициналық емнен бұрын психологиялық қолдау аса қатты қажет екенін түсіндім. Яғни қолдау көрсетіп, мотивация беру және оның ішкі күйін түсіне біліп, бағыт-бағдар беру маңызды. Ауырып жатқан науқасқа жылы жүзбен қарап, алдағы өміріне талпынысын жоймауы үшін күш-жігер беру адамдарға үлкен қуаныш сыйлайды екен, - деді ол.&nbsp;</blockquote>Тіршіліктің тірегі білім мен денсаулық десек, әсіресе бала жанының сау болғаны маңызды. Тәжірибе негізінде жоба жасап, ғылыми жаңалығын көпке ұсыну мамандығының мақсатын айқындай түсті. Әрі Ақжайық болашақ маман ретіндегі парызын парасатпен түсіне білгені көңілге қуаныш ұялатты.&nbsp;

Жерлесіміз Бакуде өткен Халықаралық жобада жүлдеге ие болды

<a href="https://kyzylorda-news.kz/">Kyzylorda-news.kz.</a> Бүгін мемлекеттік сенім мандатын арқалаған мемлекеттік қызметшілердің кәсіби мерекесіне орай аудан әкімдігінде салтанатты жиын өтті.Мерекелік шарада аудан әкімі С. Сермағамбетов қатысып: -«Ұлт мәртебесін көтеретін, ел абыройын асқақтататын мемлекеттік қызметкер болу – мәртебелі міндет. Мемлекеттік қызметкер – мемлекеттің айнасы.Осы ретте, терең біліктілік пен іскерлікті талап ететін жауапкершілігі мол салада еңбек етіп ауданымызды өркендету бағытындағы істеріңізге сәттілік тілеймін!Егемен еліміздің жарқын болашағы жолында атқарып жатқан жұмыстарыңыз жемісті болсын. Сіздерге зор денсаулық, қызметтеріңізге абырой, отбасыларыңызға амандық тілеймін!»,-деп ақжарма тілегін білдірді.Кәсіби мереке қарсаңында мемлекеттік қызметте өзіне жүктелген міндеттерді абыроймен атқарып, білікті маман ретінде ауданның көркеюіне үлес қосып жүрген бірқатар азаматтар облыс және аудан әкімдерінің алғыс хаттарымен марапатталды.Шара барысында ауданның ардагерлері бүгінгі буын, жастардың еңбектеріне сәттілік пен алдағы қызметтеріне табыс тіледі.Мұнан соң мемлекеттік қызметтегі жастар алдағы аға буынмен пікір алмасып, өмірлік тәжірбиесі мол ел азаматтарының ғибратты ғұмыр жолдарын тыңдады. Сондай-ақ қызметтегі түрлі қиындықтарды жеңу мен жетістікке жету туралы ақыл кеңеске қанықты. Қоғам мен ел дамуы үшін еңбек етіп жүрген жандардың мерекесі емен-жарқын сұқбатпен қорытындыланды.<figure class="image"><img src="https://knadmin.beoblood.kz/uploads/355852865_3576814989313528_8939172356524340521_n_dbc6a8b6e5.jpg" alt="355852865_3576814989313528_8939172356524340521_n.jpg"></figure>

Аудан әкімі мемлекеттік қызметкерлерді құттықтады

<a href="https://kyzylorda-news.kz/">Kyzylorda-news.kz.</a>&nbsp; Сырдария аудандық ауруханасында «Медицина күніне» орай сала мамандарына құрмет көрсетілді.&nbsp;Іс-шарада аудандық аурухананың бас дәрігері Жалғасбек Тұрлыбекұлы әріптестерін кәсіби мерекемен құттықтаған болатын.&nbsp;<blockquote>– Бұл күн денсаулық сақтау саласының барлық қызметкерлерінің еңбектері бағаланатын сәт деп білепмін.Әрқашан адам жанының арашасы атана білген сала мамандарының жұмысын жоғары бағалаймын. Сіздер әрдайым қалтқысыз қызмет етіп, ұйқысыз түндерді өткересіздер. Біз білімі жоғары, біліктілігі талапқа сай келетін мамандарды жастардың жол нұсқаушысы ретінде көреміз. Біздің ұжымның бірлігі жарасым тапқан. Кәсіби мамандар қашанда адамның өмірін аман алып қалуға барын салады деп білемін. Бұл ретте, Сіздерді кәсіби мерекемен шын жүректен құттықтай отырып, еңбектеріңізге табыс, отбасыларыңызға амандық тілеймін. Қызметтеріңізді абыроймен атқарып, халық сеніміне ие болып жүре беріңіздер, – деді бас дәрігер.</blockquote>Іс-шара барысында аурухана қойма меңгерушісі Темірбек Сәрсенбаевты зейнеткерлік демалысқа шығарып салу рәсімі &nbsp;өткізілді.<blockquote>– Медицина саласында бірнеше жыл қызмет атқара білдім. Тынымсыз еңбектің арқасында абырой биігінен көріне білдік. Әрине, медицина саласы өзінің күрделі қызметімен ерекшеленіп тұрады. Сала ардагерлерінің қатарын толықтырып жатқаныма қуаныштымын. Сіздермен ұжымда қызмет еткеніме дән ризамын. Қаншама уақыт қиындықтарды бастан өткердік. Денсаулық сақтау саласының жұмысын жандыруға күш-жігерімді арнадым. Негізінен, қойма меңгерушісі ретінде есеп-қисап жұмысын жүргізе білдім деп ойлаймын. Барша әріптестерді кәсіби берекемен шын жүректен құттықтаймын! Бас дәрігеріміз Жалғасбек Үсенов бастаған ұжымның биік белестерді бағындырғанын қай кезде де, қалаймын. Аудан медицинасы тұғырынан түспесе екен, – деді Темірбек Сәрсенбаев.&nbsp;</blockquote>Сонымен қатар, сала мамандарына аурухана кәсіподақ ұйымы ұйымдастырған мерекелік сыйлықтар табысталды. Жиындасала ардагері С.Даужанов сөз алып, &nbsp;сала қызметкерлеріне ақ батасын берді.&nbsp;

Медицина саласының ардагері зейнет демаласына шықты

<a href="https://kyzylorda-news.kz/">Kyzylorda-news.kz.</a>&nbsp; Сырдария аудандық ауруханасының мәжіліс залында «Медицина қызметкерлері күні» мерекесіне арналған іс-шара &nbsp;өткізілген болатын.&nbsp;Мерекелік жиынға аудан әкімінің орынбасары Димаш Байдушев қатысып, шараға жиналған сала қызметкерлерін мерекемен құттықтап, өз ізгі тілегін білдірді.<blockquote>– Мерекелік көңіл-күйді сезінген ақ халатты абзал жандарды мерекемен шын жүреуктен құттықтаймын! Тынымсыз еңбек, дамыл өткен күндер мен түндер сала мамандарын қажытатыны рас. Соған қарамастан &nbsp;медицина қызметкерлері өз саласының майталмандарына айналып келеді. Қазіргі уақытта адамдар арасында аурушаңдық көбейіп, сан түрлі арулар пайда болуда. Біз қашанда науқасқа нақты диагноз қойып, емдеп келе сала мамандарына құрметіміз ерекше. Осы күні қырық мыңға жуық халқы бар ауданда 250 орындық емхана жұмыс жасайды. Кәсіби мамандар шоғыры қалыптасып, адам өмірін арашалауға барын салуда. Бұл ретте, аудандық аурухананың бас дәрігері Жалғасбек Үсенов бастаған ұжымның қызметін жоғары бағалаймыз. Басы ауырып, балтыры сыздаған әрбір адамның өтінішін қанағаттандырып, емхана мен аурухананың материалдық базасын кеңейтуге жұмыс жасауда, – деді аудан әкімінің орынбасары. &nbsp;</blockquote>Шара барысында арнайы мерекелік гүл шоғы қойылды. Сала мамандары аудан әкімінің, облыстық денсаулық сақтау басқармасының құрмет грамоталары мен алғыс хаттарымен марапатталды.Сонымен қатар, аудандық аруханаға қарасты «Терапия» бөлімшесінің аға медбикесі Зина Кенжебекова Қызылорда медициналық жоғарғы колледжінің 95 жылдық мерейтойына арналған төсбелгімен марапатталды.<blockquote>– Мен бірнеше жылдан бері медицина саласында қызмет етіп келе жатырмын. Күні-түні науқастардың қасынан табылып, дертіне шипа дарытуға күш саламыз. Осыған дейін қаншама күндер еткен еңбек ақталды. Кәсіби мереке қарсаңында жоғарғы марапатқа қол жеткізудеміз, – деді кәсіт маман.&nbsp;</blockquote>Өз кезегінде аудан өнерпаздары әннен шашу шашып, көрермендерге көтеріңкі көңіл-күй сыйлады.&nbsp;&nbsp;

Сырдарияда 250 орындық емхана халыққа қызмет көрсетуде

<a href="https://kyzylorda-news.kz/">Kyzylorda-news.kz.</a> Мал бағып, нәпақасын төрт түліктен тауып жүрген ауылдағы ағайынның бейнетін бәріміз білеміз. Ала жаздай дала төсінде тер төгіп, малдың жем-шөбін шашпайтөкпей жинап алып, ауру-сырқауының алдын алу, күн сайын қора-қопсысын тазалап, жайылып жүріп өрістеп кеткенін сандалып соңынан іздеу де бір ақырет. Малсақ адамның жыл он екі ай көретіні – осы. Ол ол ма, төрт түлікті төрт аяқты түз тағысынан қору былай тұрсын, екі аяқты барымташының залалы мен зардабы жанға батады.«Малым – жанымның, жаным – арымның садақасы» деп отырған берекелі елдің берекесін қашырып, жылқысын үйірімен үйіріп әкететін осы әккілер. Әрине, біз айла-тәсілдерін біле бермеспіз. «Сайда саны, құмда ізі қалмай, ұшты-қилы жоғалып кетіп жатқан ұрлық малдар мен ұстатпай жүрген ұрылар шынында қайда жүр?» деген сұраққа Жаңақорған аудандық сотының судьясы Эльдар Рысқұлов брифинг барысында жауап берді. Оның айтуынша, соңғы жылдары мал ұрлығы үлкен мәселеге айналған. Мәселен осы ағымдағы жылы аудандық соттың іс жүргізуінде сотталушы С есімді азаматқа қатысты Қазақстан Республикасы ҚКнің 188-1-бабы 3-бөлігі 1) тармағымен қылмыстық іс қаралды.<blockquote>«Сотта және іс құжаттарында анықталғандай, сотталушы 2021 жылдың 20 желтоқсанында Жаңақорған ауданы, Түгіскен ауылында тұратын танысы Н есімді азаматтың үйіне қарыз ақшасын сұрау үшін келген. Алайда барымташы берешегі бар азаматтың ақшасы жоқ екенін біліп, ауыл маңындағы жайылымда жүрген малдарды зерделей бастайды. Кешкі сағат 20.00 шамасында ауылдан 5-6 шақырым қашықтықта орналасқан жайылымда жүрген мал ішінен жәбірленуші А есімді ауыл тұрғынына тиесілі бір өгізшені көреді. Оны өзі мініп барған мініс атымен қуалап жүріп ұстап, арнайылап алып барған арқанды өгізшенің мойнына байлап, жетектейді. Солай қарызы бар азамат Н-ның үйіне алып келіп, өгізшені Түркістан қаласындағы мал базарға сатып беруін сұрап, өзі үйіне қайтып кеткен», – деп істің негізін түсіндірді.</blockquote>Ұры бұл әрекетін жалғастырып, 2023 жылдың 21 қаңтарында кешкі сағат 22:00 шамасында танысының үйіне қайтадан қарыз ақшасын сұрауға келген. Аталған азаматта ақшаның жоқ екенін білген соң, осы күні ауылдың күн батыс жақ бетіндегі жайылымдық жерге барып, топтасып жайылып жүрген жылқылардың ішінен жәбірленушіге тиесілі 1 жасар тайын арқандайды. Уақыт оздырмай танысы Н-ның үйіне алып келіп, соңғыдан Түркістан қаласындағы мал базарына сатып беруін сұрап, тайды сол үйде қалдырып, өзі жол жүреді. Осының салдарынан жәбірленушіге 250 000 теңге мүліктік шығын келген.<blockquote>«Сотталушының мал ұрлығын, яғни бөтеннің малын бірнеше рет жасырын жымқырғаны, сотталушының пиғылы мен іс-әрекетінде оған тағылған айыптағы қылмыстың құрамының нақты болғаны, сотталушының өзінің айыбын мойындауымен қатар, оқиға орнын қараптексеру хаттамасымен, іс бойынша жәбірленушілердің жауаптарымен, куәлердің іске тіркелген жауаптарымен, беттестіру хаттамаларымен және іс бойынша зерттелген құжаттармен дәлелін тапты. Аудандық соттың үкімімен сотталушы ҚР ҚК-нің 188-1-бабы 3-бөлігі 1) тармағымен кінәлі деп танылып, 5 жыл мерзімге бас бостандығынан айыру жазасы тағайындалды», – деді судья.</blockquote>«Қазақтың бір міні – мал ұрлығы». Өкінішке қарай, Абай атамыз айтқан осы бір міннен әлі де арыла алмай келеміз. Иә, «көш – жүре түзеледі» дейміз. Бірақ, еріншектік пен енжарлық, пиғыл мен пейілдің түзелетін түрі жоқ. Оңай олжаға кенелудің жолын іздеген барымташылықты кәсіп етіп алған. Оған да құрық салатын кез келер, тек бейқамдықты бәсеңдету керекпіз. Құқық қорғау саласы қызметкерлерінің сөзінде жан бар, өйткені көпшілік төрт түлігі қолды болғаннан біршама уақыттан кейін хабар береді. Осының салдарынан қылмысты ашу ұзақ уақытты алатыны айтпаса да түсінікті. Сондықтан ең брінші өз-өзімізге сақ болғанымыз жөн…Ауыл тұрғындарының табыс көзі қолдарындағы азын-шоғын малы. Өнімін пайдаланып, ауысқанын сатып, сонымен тірлік етіп отырғандары жасырын емес. Маңдай термен бағып отырған малы оңай олжаға құныққандардың қолында кетіп жататыны өкінішті. Мұндай келеңсіз жәйт біздің ауданды да теріс айналып өтпеген. Жыл сайын қайталанып келеді.&nbsp;«Малым – жанымның, жаным – арымның садақасы» деп отырған ауылдағы ағайынның берекесін қашырып, қорадағы немесе жайылымдағы малына құрық салатын «екіаяқты» әккілердің айла-тәсіліне не деуге болады? Сайда саны, құмда ізі қалмай, ұшты-қилы жоғалып кетіп жатқан ұрлық малдар мен ұстатпай жүрген ұрылар шынында қайда жүр?. Оларды ұстап тиісті жазасын беруге кім немесе нендей жағдай кедергі. Міне осы тектес сауалдардың жауабын білу үшін аудандық полиция бөлімінің жедел уәкілі полиция аға лейтенанты Мәткәрім Құрбанға жолыққан едік.Оның айтуынша, соңғы жылдары мал ұрлығы үлкен мәселеге айналған. Мәселен, қолдағы мәліметтерге сүйенсек, биылғы жылдың қорытындысы бойынша жыл басынан бері 16 мал ұрлығы тіркеліп оның 8-і ашылған. Ал былтырғы жылы 14 малұрлығы орын алып, оның 11-і ашылған екен. Бұл пайыздық тұрғыдан өткен жылмен есептегенде қылмыс санының артуын, сәйкесінше, екі аяқты қасқырлардың ізін суытпай ұсталуы да тергеу жұмыстарының жемісті нәтижесі арқасында орын алып жатқанын айта кеткен жөн. Десе де бұл жерде «көп жүрген жыланның аяғы көрінеді» демекші, мұндай жағдайда ұрының ұзаққа баруы екіталай.Жауапты маманның бізге берген мәліметінше, жыл басынан бері мал ұрлаумен айналысатын 3 қылмыстық топ құрықталған. Олар шамамен 10-нан аса сиыр-жылқыны жымқырған. Ішінде саудалап үлгергені де бар.Арыздар мен шағымдардың көрсеткішіне сәйкес, биылғы жылы жұмыс нәтижелі болып, малдың иелеріне қайтарылған фактісі де тіркелген.Жан-жақты зерттеу барысында малдың қолды болуына өзіміз де себепкер болатын сияқтымыз. Қазір нағыз науқанның уақыты. Жаз бойы жылқыны сауын үшін ұстаймыз да, осы сәтте еркіне жібереміз. Қысқа жем-шөп, отынсу қамдаудың өзі мал түгендеуге мойын бұрғыза қоймайды. Қол байлайды. «Мына төбенің тұсында жүрген шығар» деп, өзімізді өзіміз сендіреміз де, жағамыз жайлауда жүреді. Сол орыннан табылмай, үйге келмесе сабылып 2-3 күн іздеп уақытты жоғалтамыз. Содан құқық қорғау органдарына шағымданамыз. Осы уақыт аралығында ұры да ізін суытып үлгереді.Біраз уақыт бұрын мынадай бір оқиғаны құлағым шалып қалғаным бар. Осыдан он шақты жыл бұрын бірнеше ауданның жылқыларын үйір-үйірімен айдап, ізін суытып жүрген қылмыстық топ пайда болған. Қанша жылдан бері қолға түсіре алмаған. Ойлағандарын жүзеге асырған соң, ізім-қайым жоқ болатын көрінеді.Сол топ кезекті қылмыстық істеріне кіріскен. Үйір жылқыны жайылымынан ұзатып алып шығып, жүк көлігіне тиеп жатқан сәтте бір байтал ұрылардың ырқына көнбей, зытып шыққан. Артынан мотоцикл мен аттылы адамдар қанша қуса да жануар жеткізбепті. Содан үйірінен айырылған жануар жүріп өткен жолымен жобалап отырып, үйіне жетіпті. Осылайша үй иесі жануардың ізін барлаған күйі талайды қан қақсатқан ұрылардың үстінен түскен екен. Не десек те, Абай атамыз «қазақтың міні – мал ұрлығы» деп өз заманында дөп басып айтса да, өкінішке орай, қылмыстың бұл түрі азаяр емес.Расымен қазір мал тұрмақ, үйдегі иттің де төлқұжаты бар. Құжатсыз қимылдай алмайсыз. Саудалайтын тауарыңыздың құжаты болмаса құны да төмен. Ал, ұрлықы малды қалай саудалайды деген сұрақ баршамызды ойландырады. Оның құжаты қайда? Мемлекеттік базаға тіркелген бе? Егер, сойып сатар болса, оның анықтама құжаты қайсы? Мал сою бекетінде басылған мөрі қайда? Бұл мәселелер заң жүзінде бекітілгенімен қазақшылыққа, таныс-тамырлыққа салынып, мән бермейтініміз жасырын емес. Осы тақырып аясында да қылмыстық істерді мысал ете кетейік. Кент тұрғыны Б. есімді ақсақалдың өткен жылдың желтоқсанында екі бас жылқысы жоғалған. Ауылдан ұзап кете қоймайтынын біліп, қолды болғанын сезеді де, тиісті органдарға шағымданады. Содан 4 ай ізіне түскен екен. Тергеушілер Қызылорда, Шымкентті шарлайды. Ақыры Жетісай қаласының маңындағы мал бордақылайтын цехтан табылады. Анығында, терісі табылған. «Ш» деген таңбадан аңғарады. Көп ұзамай күдіктілер де қолға түседі. Сөйтсе, ұры алыстан келмепті, ауылының азаматтары екен. Арнайы «ГАЗель» көлігін жалдап, тиеп жіберген. Оны оңтүстіктің сауданың қазанында қайнаған саудагер жігіттері арзан бағаға сатып алған көрінеді.Қысқасы бұл қылмыстың белең алуына алыпсатарлар жол ашып беріп тұр. Ал, «сойылып сатылған күннің өзінде анықтама құжатын қажет етпей ме?» дегенге келсек, бұған бей-жай қарамау алдымен мына сіз бен бізден бастау алуы тиіс.Аталмыш қылмыспен күресудегі тағы бір күрделі мәселе, қылмыскерлерді қолға түсіруде шұғыл-іздестіру шаралары ұйымдастырылып, оған полицияның бірқатар күш-құрылымдары жұмсалып, қылмыс енді ашылды дегенде, жәбірленушілер арыздарын қайтып алып немесе келтірілген шығын жөнінде алдыңғы жауаптарын өзгертіп, бүкіл тергеу жұмысын жоққа шығаратын жағдай тіркелетінін естіп жүрміз.<blockquote>«Мұндай мәселе бізде әзірге тіркелген жоқ. Жалпы қылмысты жасайтын да, ашатын да халық. Ұры анықталған соң, кешірімге барады. Шөбімізді өртеп, өзімізге қастандық жасар деген үреймен қаймығады. Ал, бір дәндеп алған ұры бір жыл тыныш жүрер, одан кейін әдетіне қайта басады. Ол жазадан құтылу үшін шыққан шығынның, жалдаған адвокаттарының қаржысын қайта өндіру үшін байырғы әдетіне көшеді. Сондықтан біздер мүмкіндігінше қылмыстың өтеуі жаза екенін ұғындыруда жұмыс істеуге міндеттіміз» – дейді Құрбан Серікұлы.</blockquote>«Сақтансаң – сақтаймын деген». Бүгінгі таңда қолданыстағы «чиптің» көмегі мол дейді мамандар. Бағасы түрлеріне қарай – 70, 80 мың теңге. Үйіріңіздегі айғырдың немесе бас білетін жылқының мойнына трекер арқылы орнату қажет. Сосын ұялы телефоныңызға қосымшасын жүктеп, картаның көмегімен қайда жүргенінен хабардар болып отырасыз. Көбісі, қымбатсынып, мақұл көрмейді. Десек те, біраз шаруа қожалығының иелері игіліктеріне жаратуда. Құрылғы арқылы мал ұрлаған қылмыскерлерді ұстау оңайға соғады», – дейді мамандар.Ұры айтып келмейтіні белгілі. Сондықтан мына заманда қораңызға құлып салғанды әдетке айналдырған жөн. «Ел ішіндеміз ғой» деген жалған сенімнен арылған абзал.Қорытындылайық. Дәл соғым уақытында сан соғатындар саны қаншама. Жалпы бізде ғана емес, еліміздің барлық өңірлерінде науқанның нақ өзі қазір. Қылмыстық кодекстің 188-1-бабы мал ұрлау, яғни бөтеннің малын жасырын жымқыру заңы бойынша қылмыскерді 5 жылға дейін бас бостандығынан айыру көзделген. Қылмыстың өтеуі – жаза. Ендеше жаза қатаңдап, қылмыскер саны азайса игі еді…

Қазақстан және Қызылорда облысының жаңалықтары

Қызылордада 3000 дәрігер, 11 000-ға жуық орта буын маман жұмыс істейді