<a href="https://kyzylorda-news.kz/">Kyzylorda-news.kz.</a> Индустрия және құрылыс министрлігі енді баспана кезегінде тұрған қазақстандықтар тізімінен сәйкес келмейтін үміткерлердің шығарылатынын жеткізді. Бұл кезектің тезірек келуіне көмектеседі, деп хабарлайды <a href="https://stan.kz/endi-baspana-kezeginde-tyrgan-kazakstandiktar-tiziminen-389043/">Stan.kz</a>.Кезекте тұрғандардың біразының жеке баспанасы бар болып шықты. Басқалары құжаттарды тапсыру кезінде қателіктер жіберген.Бүгінге дейін әкімдіктер 10 мың адамды кезектен шығарып үлгерді. Ал өзге&nbsp;қазақстандықтар баспаналарын&nbsp;күтуді жалғастыруда. Кейбірі он жыл немесе одан да көп уақыт күтуі мүмкін.<blockquote>«233 мыңға жуық адам бұл талаптарды орындамағаны үшін&nbsp;тізімнен шығарылуы мүмкін. Кезектен оларды алып тастаса,&nbsp;артта тұрғандардың кезегі алға жылжиды. Яғни баспанаға тезірек қол жеткізуге болады», - деді Индустрия және құрылыс комитетінің басқару жөніндегі сарапшысы Самат Бекжігіт.&nbsp;</blockquote>

Енді баспана кезегінде тұрған қазақстандықтар тізімінен сәйкес келмейтін үміткерлер шығарылады

<a href="https://kyzylorda-news.kz/">Kyzylorda-news.kz.</a> Қызылорда облысының Арал ауданында оқушылар иновациялық технологиясыз-ақ тұрмыстық қалдықтарды пайдаға жаратып, жарамсыз заттардан бұйымдар жасауды меңгеруде. Бұл дүниелер бір қарағанда өндіріс орнында арнайы дайындалған тұрмыстық бұйымдар деп ойлауыңыз мүмкін. Алайда, бұл заттардың барлығы қарапайым мұғалімнің қиялынан туған дүниелер.Шәкірт қиялына қанат бітірген ұстаз Зина Елеусізова Арал қаласындағы №260 орта мектебінде еңбек пәнінен сабақ береді. Саналы ғұмырын білім саласына арнаған жан биыл зейнетке шығады. Оның айтуынша тұрмыстық қалдықты кәдеге жаратып, жоқтан бар жасау студент кезінен қалыптасқан қасиет. Он саусағынан өнер тамған мұғалім оқушыларға сапалы білім берумен қатар, оларды еңбекке баулу басты мақсатым дейді.<blockquote>Жоқтан бар жасап, жарамсыз заттарға екінші өмір сыйлау оқушыларға көп ой салады. Осы арқылы тұрғылықты жерімізде қалдықсыз, таза экологиялық орта қалыптасса екен деймін. Бір жағынан оқытудағы әдіс-тәсілдердің түрлілігі және оны балалардың қызығушылығына қарай бағыттап таңдап алу, мұғалім үшін үлкен жетістік, - дейді Зина Елеусізова.</blockquote>Алпысты алқымдаған ұстаздың қолынан шыққан дүниелер бүгінде мектептің кабинеттеріне ерекше сән беруде. Тіпті, бұл ерекше заттарына бүгінде көпшілік қызығушылық танытуда екен. Зина апай алдағы уақытта түрлі көрмелерге қатысуды жоспарлауда.<figure class="image"><img src="https://knadmin.beoblood.kz/uploads/378379615_1684553858714479_6999936871240691982_n_1497ca40db.jpg" alt="378379615_1684553858714479_6999936871240691982_n.jpg"></figure>

Шәкірт қиялына қанат бітірген ұстаз

<a href="https://kyzylorda-news.kz/">Kyzylorda-news.kz.</a> Қытайдың Ханчжоу қаласында өтіп жатқан Азия ойындарының медальдар кестесінде Қазақстан құрамасының қай орында тұрғаны белгілі болды, деп хабарлайды <a href="https://kaz.inform.kz/">ҚазАқпарат</a>.&nbsp;Қазір ел құрамасы еншісінде 31 медаль (3 алтын, 5 күміс, 23 қола) бар. Медальдар кестесінде 13-орында тұр.Бұл жөнінен Қытай 241 медаль алып, (130 алтын, 72 күміс, 39 қола) көш бастаған. Одан кейінгі орындар Оңтүстік Корея (124 медаль: 30 алтын, 35 күміс, 59 қола), Жапония (111 медаль: 29 алтын, 41 күміс, 41 қола) еншісінде.Алғашқы ондықтағы құрамалар тізімі:Қытай - 130-72-39 (241)Оңтүстік Корея - 30-35-59 (124)Жапония - 29-41-41 (111)Үндістан - 13-19-19 (51)Өзбекстан - 11-12-17 (40)Таиланд - 10-6-14 (30)Тайвань - 9-10-14 (20)Гонконг - 6-15-19 (40)Солтүстік Корея - 5-9-5 (19)Индонезия - 4-3-11 (23)Қазақстан - 3-5-23 (31).Бұған дейін Азия ойындарындағы 2 қазан күні өтетін <a href="https://kaz.inform.kz/news/aziya-oyindari-bugn-kazakstan-kuramasi-kanday-zharistarga-katisadi-97cdcd/">жарыс кестесін</a> жариялаған болатынбыз.

Азиада: Қазақстан медальдар кестесінде қай орында тұр

<a href="https://kyzylorda-news.kz/">Kyzylorda-news.kz.</a> Қызылордада Достық үйінде «Қоғамдық келісім» КММ директоры Бақытжан Камалов өңірдегі партия филиалдарының төрағалары және жоғарғы, орта арнаулы оқу орындарының өкілдерімен кездесті. Кездесуде қоғамдық келісім мен жалпыұлттық бірлікті нығайту бағытында меморандумға қол қойылды.Аталған кездесу ҚХА-ның XXXII сессиясында берілген Ассамблеяның Саяси партиялармен және мемлекеттік органдармен өзара іс-қимылын күшейту туралы Мемлекет басшысының тапсырмаларын іске асыру аясында өтті.Іс-шараға «Қазақстан Халық партиясы», «Ауыл» ХДПП, «Ақ жол» ҚДП, «Жалпыұлттық социал-демократиялық партиясы», «Respublika», «Baytaq» партияларының Қызылорда облысындағы филиал төрағалары мен орынбасарлары, жоғарғы, орта арнаулы оқу орындарының өкілдері және «Қоғамдық келісім» КММ қызметкерлері қатысты.Кездесу барысында Бақытжан Жарылқасынұлы партия өкілдерін облыстық ассамблеяның ағымдағы қызметі және қоғамдық келісім мен жалпыұлттық бірлікті нығайту бойынша жүргізіліп жатқан жұмыстармен таныстырды. Сондай-ақ, ол өз сөзінде «Саяси күштермен тығыз өзара іс-қимыл жасау азаматтардың шешім қабылдау процесіне және азаматтық қатысу қағидатына тартылуы негізінде азаматтық бірегейлікті нығайту үшін Ассамблеяның қоғамдық рөлін және этносаралық коммуникациялардың кең алаңдарын кеңейту жөніндегі міндетке сәйкес келетінін» айтып өтті.Сондай-ақ, тараптар қазақстандық қоғамда жалпыұлттық бірлік, қоғамдық келісім және үйлесімді этносаралық қатынастар құндылықтарын ілгерілетуге, жастарды адал еңбекке баулуға бағытталған бірлескен қоғамдық, мәдени-бұқаралық, ағартушылық, ғылыми-практикалық іс-шараларды өткізу мәселелері бойынша ынтымақтастық пен өзара іс-қимыл орнату мәселесін талқылады. Өз кезегінде, «Ауыл» партиясының өңірдегі филиалының төрағасы Серікбай Өмірзақов, «Қазақстан Халық партиясы» Қызылорда облыстық филиалы төрағасының орынбасары Ақмарал Олжабаева жарқын болашаққа жетудің бірегей жолы - халқымыздың бірлігі мен келісімін нығайту екенін атап өтті.Барлық партия төрағалары бірлігі мен еліміздің тұтастығын нығайта түсу жолында облыстық Қазақстан халқы ассамблеясымен бірлесе жұмыс жасауға дайын екендерін алға тартты.Кездесу соңында «Қоғамдық келісім» мекемесі облыстық саяси партия филиалдары, жоғары және орта арнаулы оқу орындарымен ынтымақтастық туралы меморандумға қол қойды.

Қоғамдық келісімді нығайтуға байланысты меморандумға қол қойылды

<a href="https://kyzylorda-news.kz/">Kyzylorda-news.kz.</a> 2 қазанда Қазақстан аумағының басым бөлігіне антициклон сілемі әсер етеді. Осыған байланысты ауа райы жауын-шашынсыз болады, деп хабарлайды Қазгидромет.Тек оңтүстікте, оңтүстік-шығыста, шығыста, елдің орталығында атмосфералық фронттардың өтуіне байланысты жаңбыр жауады. Ал оңтүстік – шығыстың таулы аймақтарында қар аралас жауын жауады. Республика бойынша тұман түседі, оңтүстікте, оңтүстік-шығыста, күндіз елдің орталығында екпінді жел соғады, күндіз орталықта бұршақ жауады.Түнде Ақмола облысының солтүстігінде, шығысында, Қостанай, Батыс Қазақстан, Павлодар облыстарының солтүстігінде, Солтүстік Қазақстан облысының оңтүстік-шығысында, Абай облысының батысында 1-2 градус үсік жүреді.Түркістан, Орталық, Шығыс, Қызылорда облыстарында төтенше өрт қаупі сақталады.Жамбыл, Қарағанды облысының оңтүстігінде және Ұлытау облысында, Маңғыстау облысының орталығында өрт қаупі жоғары.

2 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Атом саласы қызметкерлері күнінде Шиелі ауданы әкімінің орынбасары Ерсұлтан Апетов аудандағы ірі кәсіпорындар «Семізбай-U» ЖШС Иіркөл кеніші және «№6» Кен басқармасының ұжымдарын кәсіби мерекелерімен құттықтап, аудан әкімі Нұржан Ахатовтың құттықтауын жеткізді. Сондай-ақ, мерекелік кеште алғыс хаттар мен мерекелік төсбелгілер тарту етіліп, атом саласы қызметкерлерінің мерейі тасыды.

Атом саласының қызметкерлері күнінде мерекелік марапаттар тарту етілді

<a href="https://kyzylorda-news.kz/">Kyzylorda-news.kz.</a> Бүгін 1 қазан - Халықаралық қарттар күні. Мереке қарсаңында Жалағаш ауданының әкімі Асқарбек Есжанов қазыналы қарияларымыздың шаңырақтарына барып мерейлі мерекемен құттықтады.Аудан әкімімен бірге аудандық ардагерлер кеңесінің төрағасы Садық Алиев және аудандық мәслихат төрағасы Өмірзақ Елеусінов болды.Кездесу барысында Асқарбек Темірбекұлы ардагерлеріміздің жүріп өткен жолы - елдік пен ерлік жолы екенін айтты. Ардагер әкелеріміз бен аналарымыздың әділдікті, елдікті, ақиқатты ту етіп жүріп өткен осынау жолы жас ұрпақты әрқашан ерлікке, Отанды сүюге бастайтынын жеткізді. Осы тұрғыдан алғанда ардагерлеріміздің елдің кемел келешегі үшін еткен жасампаз еңбектері мәңгі жасайтынын сөзге тиек етті.Айта кетейік, қазіргі таңда аудандық ардагерлер ұйымы 4 мыңға жуық зейнеткер ардагерлерімізді 79 ұйымға басын біріктіріп отыр. Олардың 2247-і ауыл округтерінде болса, 1575-і аудан орталығында есепте тұрады. Ардагерлер ұйымының жұмысына аудандық ардагерлер кеңесі басшылық жасайды. Бұл аудандық ардагерлер кеңесін 2009 жылдан бастап білікті басшы, ауданның құрметті азаматы Садық Алиев басқарып келеді.

Қазыналы қарттарға құрмет көрсетілді

<a href="https://kyzylorda-news.kz/">Kyzylorda-news.kz.</a> Сыр бойындағы сөздің қадірін, өнердің бағасын білетін ағайын бір аптаның ішінде екі бірдей жыр жүйрігінің республикалық айтыста жүлделі болғанына қуануда. Алдымен Жамбыл облысы Сарысу ауданының 95 жылдығына арналған республикалық айтыста Нұрмат Мансұр бас жүлдені иеленді.&nbsp;Айтыстың ақтаңгері Мұхтар Ниязов Алматыда өткен қазақ әдебиетінің классигі Оралхан Бөкейдің 80 жылдығына арналған республикалық аламанда бас бәйгені жеңіп алды.Халқымыздың рухын көтеріп, жан дүниесін байытатын өнердің ерен жүйріктерін жеңістерімен құттықтаймыз.Өнер киесі қонған өңірдегі рухани сабақтастықтың алтын арқауы үзілмегей!

Жыр жүйріктерінің бас жүлдесі

<a href="https://kyzylorda-news.kz/">Kyzylorda-news.kz.</a> &nbsp;Бүгін Қазалы ауданы Тасарық ауылдық округінде жаңа әкімшілік ғимараты пайдалануға берілді.Ауыл күні аясында өткізіліп жатқан іс-шаралар барысында аудан әкімінің орынбасары Күнтілес Назымбеков жаңа нысанның лента қию рәсіміне қатысты.Мұнан соң жаңа ғимарат ішін аралап көріп, жүргізілген құрылыс сапасына оң бағасын берді. Сондай-ақ, округ тұрғындары мен аппарат қызметкерлеріне деген ыстық ықыласын жеткізіп, жаңа ғимаратта жаңа қарқынмен қызмет ету керектігін еске салды.Айта кетейік, дәл осындай жаңа ғимарат бұған дейін Бірлік, Майлыбас ауылдық округтерінде де ашылған болатын.

Тасарықта жаңа әкімшілік ғимараты пайдалануға берілді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев қарттар күні мерекесімен құттықтады.<blockquote>Ардақты аға-әкелер, ақ жаулықты ана-апалар! Сіздерді Халықаралық қарттар күнімен шын жүректен құттықтаймын! Біріккен Ұлттар Ұйымының Бас Ассамблеясы 1990 жылдан бері 1 қазанды Халықаралық қарттар күні деп арнайы бекітті. Әлем күнтізбесінен орнын алған осы күні алдыңғы буын аға-апаларымыздың қоғам өміріне қосқан үлесіне алғаусыз алғысымызды айтып, құрметімізді көрсетеміз. Бұл қадірлі қарияларымызды тек осы күні ғана бағалап, сыйлаймыз деген сөз емес, кейінгі ұрпақтың тілеуін тілеген батагөй даналарымызға құрметіміз ұдайы, жүйелі бола бермек! Ұрпағына өнеге үйретіп, ұлағатын ұқтырған қазыналы қарттарымыздың әрқашан орны бөлек. Қазақ қоғамында ақсақалдар – елдік пен еңбектің, өнегелі өмір тәжірибесінің қайнар көзі, бастау бұлағы. Үлкендеріміз әрдайым елді береке-бірлікке, тату тірлікке жұмылдыра білген. «Қарты бар елдің қазынасы бар» деген аталы сөз осыдан қалса керек. ​«Ауылыңда қартың болса, жазып қойған хатпен тең» деген даналық сөз бар. Расында, қазыналы қарттарымыздың батасы, тағылымды ісі, елінің, туған жерінің өсіп-өркендеуіне қосқан өлшеусіз үлесі, еңбек жолы – бір сөзбен айтсақ, бүкіл болмысы тұнып тұрған тарих. Сондықтан да тамырын тереңге тартқан дәстүрімізден жаңылмай, қазыналы қарияларымызды құрметтеу – біздің азаматтық парызымыз! Сіздердің ақ баталарыңызбен егемен еліміз алға қарай қарыштап дамып, еңсесі биіктей берсін! Мереке күні сіздерге зор денсаулық, ұзақ ғұмыр, отбастарыңызға амандық, бақ-береке тілеймін! Қазыналы қарттарымызды барында бағалай білейік, құрметтеп жүрейік, ағайын, деді ол.</blockquote>

Облыс әкімі қарттар күнімен құттықтады

<a href="https://kyzylorda-news.kz/">Kyzylorda-news.kz.</a> Қазыналы Қазалы өңірінде кеудесі өсиетке, тұлғасы қасиетке толы абзал ақсақалдарымыз бен ақ жаулықты әжелеріміз жетерлік. Сондай жандардың бірі - Ұлы Отан соғысының ардагері Тілеуберген Тобабергенов ақсақал.Бүгін аудан әкімі Мұхтар Оразбаев пен Бақытжан Дүзелбайұлы соғыс ардагерінің шаңырағына арнайы барып, ақсақалды 1 қазан – Халықаралық қарттар күні мерекесімен құттықтады.Аудан басшысы Тілеуберген ақсақалдың сұрапыл соғыстағы көрсеткен жаужүрек ерлігі бүгінгі ұрпаққа үлкен өнеге екенін айтып, бейбіт өмір сыйлаған қарт жауынгерге алғысын білдірді. Сондай-ақ, қазақы дәстүрге сай иығына шапан жауып, сый-құрмет көрсетті.Соғыс ардагері де мереке қарсаңында құрмет көрсетіп, жылы лебізін жеткізген аудан басшысына ризашылығын айтып, ақ батасын берді.

Қазалы ауданының әкімі Ұлы Отан соғысының ардагерін мерекемен құттықтады

<a href="https://kyzylorda-news.kz/">Kyzylorda-news.kz.</a> 1 қазан – Халықаралық қарттар күніне орай аймақта біршама іс-шара атқарылуда. Мәселен, аймақтың ардагерлеріне облыстың 85 жылдығымен қатар келген мерекелерінде құрмет көрсетілді. Бұл туралы Өңірлік коммуникациялар қызметінің баспасөз алаңында облыстық жұмыспен қамтуды үйлестіру және әлеуметтік бағдарламалар басқарма басшысының орынбасары Сәкен Мырзабек айтты.- &nbsp;«Неке сарайы» мен «Анаға тағзым» орталығының ашылу салтанатына облыстың 150-ге жуық ардагері қатысты. Олар қаладағы құрылыс нысандарды тамашалады. Атап айтқанда абаттандырылған темір жол вокзалы, «Қорқыт Ата» әуежайы, сол жақ жағалаудағы тұрғын үйлердің жұмыстарымен танысты. Сондай-ақ, «Қарттарым – асыл қазынам» атты мерекелік дастарханның арнайы қонағы болды, - деді Сәкен Салхадинұлы.Қызылорда облыстық ардагерлер кеңесінің төрағасы Серік Дүйсенбаев мерекеде ақжарма тілегін жеткізді.- Облыс әкімінің бастамасымен барлық ауданның қарттары қамтылған үлкен іс-шара өткізіліп, қарттарымыз сый-құрметке ие болуда. Бұл шараның мақсаты – аға буын өкілдері аймақта атқарылып жатқан жұмыстарды біліп, ұрпағына айтып жастардың туған жеріне деген сүйіспеншілігін арттырып, патриоттық сезімін ояту. Сонымен қатар, ардагерлерге құрмет мұнымен тоқтап қалмайды. Әрі қарай да жалғаса беретіні сөзсіз. Сол себепті қарттарын сыйлаған жастарға алғысымызды білдіреміз, - деді Серік Әбішұлы.

Қазақстан және Қызылорда облысының жаңалықтары