<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сыр өңіріне жұмыс сапарымен келген ҚР Денсаулық сақтау министрі Ақмарал Әлназарова және ҚР Парламенті Мәжілісінің депутаты Мұрат Ергешбаевпен бірге сол жағалаудағы «Қан орталығына» барды.Орталықтың іргетасы өткен жылдың тамыз айында қаланған болатын. Мұнда жылына 5000-10000 адамға қызмет көрсетіледі. Денсаулық сақтау саласындағы өзіндік орны бар мекемеге жеке ғимарат салу – маңызды әрі ұтымды шешім, тұрғындар саулығын сақтау және қорғау бағытындағы нақты іс-шараның бірі.Нысан жақын күндері пайдалануға берілмек. Сондықтан жоспарланған жұмыс уақытылы әрі сапалы атқарылуы тиіс.Нұрлыбек Машбекұлы мен Ақмарал Шәріпбайқызы көпбейінді аурухана құрылысымен де танысты. Наурыз айында салынып басталған үш қабатты ғимаратты «SHEBERBUILD» ЖШС 2025 жылдың соңында ел игілігіне табыстайды.Айта кетейік, биыл аймақ медицинасына 140 млрд теңге бағытталды. Салада жаңа, ауқымды жобалар сәтті жүзеге асырылуда. Мемлекет басшысының тапсырмасымен басталған «Ауылдық денсаулық сақтауды жаңғырту» ұлттық жобасы қарқын алды. Ұлттық жоба аясында 11 млрд теңгеге 27 нысан салынуда. Өткен жылы елді мекендерде 15 жаңа дәрігерлік амбулатория, 1 медициналық бекет ашылды, бүгінде барлығы ел игілігі үшін қызмет етуде. Қалған 11 нысан жыл соңына дейін пайдалануға беріледі.«Ауыл – ел бесігі» бағдарламасымен Қызылорда қаласының Досан елді мекенінде жаңа медициналық бекет, Баймұрат батыр ауылында жаңа дәрігерлік амбулатория ашылды.Көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім жұмысын бастады. Облыс орталығында бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы қарқынды жүруде.Жаңақорған ауданы «Төменарық» ауылында дәрігерлік амбулаториясымен қоса 15 төсектік ауылдық аурухана салынуда, 8 медициналық нысанға күрделі жөндеу жүргізіліп, 5 нысанның жылу жүйесі газға ауыстырылады.Жақын күндері Жаңақорған ауданындағы көпбейінді аудандық орталық аурухана базасында, жыл соңына дейін Арал ауданында «Қамқорлық» оңалту орталықтары ашылады.Аймақтың медицина саласын дамытуға бюджеттен тыс ресурстар да тартылуда. «Қазақстан халқына» қорымен тұрақты әріптестік байланыс орнатылып, соңғы екі жылда бөлінген 2 млрд теңгеден астам қаржыға облыстық балалар ауруханасы базасында «Қамқорлық» реабилитациялық орталығы ашылды, аса қымбат дәрі-дәрмек алынды.Қор облыстық онкология орталығына еліміздегі 3 өңірде ғана бар (Қызылорда, Ақтөбе облыстары, Алматы қ.), 1 млрд 100 млн теңгенің жылжымалы медициналық кешенін сыйға тартты.Мамандардың біліктілігін арттыру да назардан тыс қалған емес. Биыл 10 реаниматолог, 5 кардиолог Түркиядағы жетекші клиниканың бірі – «Мемориалда» білім жетілдірді.2022 жылы халықтың сұранысына сәйкес 45 жедел жәрдем көлігі алынып, облыстық медициналық жедел жәрдем стансасы 100 пайыз автокөлікпен қамтамасыз етілген болатын. Өткен жылы басқа да медицина мекемелеріне 513 млн теңгеге 25 санитарлық автокөлік табысталды. Биыл 200 автокөлік алынады.

Жаңа ғимарат жақын күндері пайдалануға беріледі

<a href="https://kyzylorda-news.kz/">Kyzylorda-news.kz</a> Президент ХХХІІІ жазғы Олимпиада ойындарына қатысатын Қазақстан құрама командасының мүшелеріне Мемлекеттік туды тапсырды, деп хабарлайды Kyzylorda-news.kz ақпарат агенттігі <a href="https://kaz.inform.kz/news/prezident-olimpiadaga-katisatin-kazakstan-kurama-komandasinin-mushelerne-memlekettk-tudi-tapsirdi-717307/">Kazinform</a> сайтына сілтеме жасап.Қасым-Жомарт Тоқаев Ұлттық құрама спортшыларымен кездесуде Парижде басталатын дүбірлі доданы бүкіл әлем асыға күтетінін әрі оған төрткүл дүние түгел көз тігіп отырғанын айтты. Сонымен қатар үздіктердің үздігі бақ сынайтын байрақты бәсекеге ең мықты спортшыларымыз бара жатқанын атап өтіп, ел намысын қорғау абыройлы міндет екеніне тоқталды.&nbsp;<img src="https://knadmin.beoblood.kz/uploads/a49fc595_a4e8_4402_9e10_04f498b04d67_webp_d9e86bc22e.jpeg" alt="a49fc595-a4e8-4402-9e10-04f498b04d67.webp.jpeg"><blockquote>– Біз сіздерге зор үміт артамыз. Бүкіл халқымыз – сіздерге жанкүйер. Жалпы, қазақ спорт мектебінің мәртебесі қашанда биік. Спортшыларымыз әрдайым елге жүлдемен оралып жүр. Осы даңқты жолды абыроймен жалғайсыздар деп сенемін. Шын мәнінде, сіздердің жеңістеріңіз тұтас Қазақстанның жеңісі болмақ. Көк туымыз желбіресе, ұлтымыздың рухы асқақтайды, – деді Мемлекет басшысы.</blockquote>Президент спортшыларымызға барлық қажетті жағдай жасалып жатқанына тоқталды.<blockquote>– Елді мекендерде арнайы алаңдар салынып жатыр. Өткен жылдың өзінде 70-ке жуық спорт орталығы ашылды. Биыл тағы 200-ге жуық нысан салынады. Баршаңызға мәлім, Ұлттық олимпиада комитетінде өзгерістер болды. Олимпиада ойындарына дайындық штабы құрылды. Тәжірибелі мамандарды шақырдық. Белгілі спортшы Геннадий Головкин келді. Әр салада осындай өз ісінің нағыз шебері болуға тиіс. Сонда ғана нәтиже болады. Біз – спортшыларға айрықша құрмет көрсететін елміз, – деді Мемлекет басшысы. Қазақстан Президенті спорт тарихында өшпес із қалдырған саңлақтарымыздың еңбегі әрқашан жоғары бағаланатынын жеткізді. &nbsp;</blockquote><blockquote>– Балуан Шолақ, Қажымұқан Мұңайтпасов, Жақсылық Үшкемпіров, Александр Винокуров, Бекзат Саттарханов, Ольга Рыпакова атындағы спорт нысандары – соның айқын көрінісі. Сіздер де биік белесті бағындыра аласыздар. Мен бұған кәміл сенемін. Бүгінгі жастарымыз сіздерге қарап бой түзейді. Бұл – үлкен абырой, – деді Қасым-Жомарт Тоқаев.</blockquote>Мемлекет басшысы бейбітшілік және ынтымақтастық саясатына еліміздің қашанда бейілді екеніне назар аударды.<img src="https://knadmin.beoblood.kz/uploads/Tokaev_4_5243548ede.jpeg" alt="Токаев 4.jpeg"><blockquote>– Өткен аптада Астанада ШЫҰ саммиті табысты ұйымдастырылды. Бұл маңызы зор шараның басты мақсаты мемлекеттер мен халықтар арасындағы диалогты, достық пен сенімді нығайту болды. Мұндай басымдықтар күллі спорт әлеміне де тән. Өйткені кез келген спорт сайысы, ең алдымен, ынтымақтастықты, алға ұмтылысты және адамдардың бірлігін көрсетеді. Олимпиада ойындарының құндылықтары қарапайым спорт жетістіктерінен асып түседі. Ол – жекелеген спортшылардың да, тұтас мемлекеттердің де теңдігінің, өзара құрметі мен адал бәсекелестігінің жарқын бейнесі, – деді Президент.</blockquote>Қасым-Жомарт Тоқаев ел намысын абыроймен қорғауда спортшыларға жауапты миссия жүктелгенін айтып, оларға сәттілік тіледі.<blockquote>– Бәріңіз Олимпиада жолдамасын иелену үшін көп күш жұмсадыңыздар. Өздеріңіздің асқан шеберліктеріңізді көрсетіп, жақсы нәтижелерге қол жеткізетіндеріңізге сенімдімін. Сіздерге барша Қазақстан халқы қолдау көрсетеді. Әрине, чемпион болу оңай емес. Қазақта «Намысқа шапсаң – алысқа шабасың» деген сөз бар. Сондықтан жеңімпаз боласыздар деп сенемін, – деді Мемлекет басшысы.</blockquote>Президент Қазақстан Республикасының Мемлекеттік туын Ұлттық құраманың капитаны Асланбек Шымбергеновке табыстады.&nbsp; Қазақстан құрама командасының негізгі бөлігі кездесуге Алматы облысындағы «Ақбұлақ» олимпиадалық орталығынан телекөпір арқылы қатысты. Онда спортшылар Париж Олимпиадасы алдындағы соңғы жаттығу жиындарын өткізіп жатыр.<img src="https://knadmin.beoblood.kz/uploads/Tokaev_3_1699598e8c.jpeg" alt="Токаев 3.jpeg">Іс-шарада бокстан әлем чемпионы Асланбек Шымбергенов, жеңіл атлетикадан Азия ойындарының жеңімпазы Ольга Сафронова, дзюдодан Олимпиада ойындарының жүлдегері Елдос Сметов сөз сөйледі.&nbsp;Айта кетейік, бұған дейін қазақ спортшылары Олимпиадада қандай спорт түрлерінен сынға түсетінін <a href="https://kaz.inform.kz/news/parizh-2024-kazak-sportshilari-olimpiadada-kanday-sport-turlernen-singa-tused-7a5ddc/">жазған едік</a>.&nbsp;Сондай-ақ, Олимпиада ойындарына ең көп жолдаманы еліміздегі қай өңірдің спортшылары жеңіп алғаны&nbsp;<a href="https://kaz.inform.kz/news/tort-zhildik-dodaga-en-kop-zholdamani-kazakstannin-kay-onr-zhenp-aldi-f12741/">белгілі болды.</a>

Президент Олимпиадаға қатысатын Қазақстан құрамасының мүшелеріне Мемлекеттік туды тапсырды

<a href="https://kyzylorda-news.kz/">Kyzylorda-news.kz</a> Қазақстанның басым бөлігінде атмосфералық ағындардың өтуіне байланысты найзағай ойнап, жаңбыр, бұршақ жауады, дауыл тұрып, еліміздің солтүстігі мен шығысында, орталығында қатты жаңбыр жауады, деп хабарлайды El.kzақпарат агенттігі.Республика бойынша жел күшейіп, солтүстікте, орталығында, шығысында түнгі және таңертеңгі сағаттарда тұман түседі.Күндіз Батыс Қазақстан, Атырау, Маңғыстау облыстарында, Ақтөбе облысының батысында қатты ыстық сақталады.Маңғыстау&nbsp;облысында, Атырау&nbsp;облысының батысында, шығысында, орталығында, Батыс Қазақстан облысының солтүстік-батысында, оңтүстігінде, Алматы&nbsp;облысының оңтүстігінде, батысында, Жетісу облысының солтүстігінде, шығысында жоғары өрт қаупі сақталады.Түркістан, Қызылорда, Жамбыл, Ұлытау&nbsp;облыстарында, Жетісу&nbsp;облысының солтүстігінде, шығысында, Қостанай, Қарағанды&nbsp;облыстарының оңтүстігінде, Атырау облысының оңтүстік-шығысында,&nbsp;Маңғыстау облысының батысында төтенше өрт қаупі сақталады.Фото: Нұрболат Нұржаубай

Еліміздің 4 өңірінде аптап ыстық болады

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Ұлттық домбыра күніне орай Х парақшасында құттықтау <a href="https://kaz.inform.kz/news/memleket-basshisi-kazakstan-halkin-ulttik-dombira-kunmen-kuttiktadi-63486f/">жариялады</a>.&nbsp;– Ұлттық домбыра күні құтты болсын! Бұл мерекенің қазақ руханияты үшін мән-маңызы зор. Қастерлі аспап дала өркениетінің ажырамас бөлігіне айналды. Төл мәдениетіміздің құнды қазынасын сақтау – баршамыздың парызымыз. Домбыра төрден түспесін! – деп жазды Мемлекет басшысы.&nbsp;Жыл сайын 7-шілдеде қазақстандықтар Ұлттық домбыра күнін тойлайды.&nbsp;Ұлттық домбыра күні 2018 жылы Президент Жарлығымен бекітілген. Мереке ұлттық мәдениет пен бірегейлікті сақтау және жаңғырту мақсатында бекітілді.

Мемлекет басшысы Қазақстан халқын Ұлттық домбыра күнімен құттықтады

<a href="https://kyzylorda-news.kz/">Kyzylorda-news.kz</a> Президент қауіпсіздік саласындағы өзара сенім мен ынтымақтастықты нығайтуды бірінші маңызды бағыт ретінде атады, деп хабарлайды&nbsp;<a href="https://egemen.kz/">Egemen.kz</a>&nbsp;Ақорданың баспасөз қызметіне сілтеме жасап.<blockquote>«Қазіргі күрделі ахуал – негізінен халықаралық қатынастар жүйесіндегі дағдарыс салдары. Осы ретте халықаралық құқықтың кемшін тұстарын түзеп, геосаяси тұрғыдан жікке бөлінуге жол бермеу мақсатымен, түптеп келгенде, жаһандық ауқымдағы бейбітшілік пен қауіпсіздікті нығайту үшін ШЫҰ өзінің тұрақтандырушы және жасампаздық рөлін күшейтуге тиіс», деді Президент.</blockquote>Мемлекет басшысының айтуынша, Шанхай ынтымақтастық ұйымы бүкіл Еуразия құрлығындағы бейбітшілік пен қауіпсіздікті қамтамасыз етуге кепіл болатындай айрықша мүмкіндіктерге ие. Ұйымға мүше мемлекеттерге «Әділ әлем, келісім және даму жолындағы жаһандық бірлік туралы» ШЫҰ бастамасын жүзеге асыру дәл осы мақсатпен ұсынылды.Президент Әскери саладағы сенім шаралары туралы келісімді әзірлеп, қабылдайтын уақыт келгенін айтты. Бұл ретте «Үш зұлым күшпен» күрес мәселесі әрдайым жіті назарда болуға тиіс.Қасым-Жомарт Тоқаев киберқауіпсіздікті күшейту Ұйымға мүше елдерге ортақ тағы бір маңызды міндет екеніне назар аударды. Сонымен қатар ШЫҰ-ға мүше мемлекеттердегі ақпараттық инфрақұрылымның тұрақты жұмысын қамтамасыз ету үшін ұдайы ақпарат алмасуға, үздік тәсілдер мен озық тәжірибелерді қолдануға бағытталған арнайы механизм әзірлеуді ұсынды.Қазақстан Президентінің пікірінше, бүгін халықаралық ақпараттық қауіпсіздікті қамтамасыз ету мәселелері бойынша қабылданатын Өзара іс-қимыл жоспары аталған мақсаттарға сай келеді.Фото: Akorda.kz

Мемлекет басшысы «Шанхай ондығына» кіретін елдер үшін стратегиялық маңызы бар бағыттарды атады

<a href="https://kyzylorda-news.kz/">Kyzylorda-news.kz</a> Тәуелсіздік сарайында өтіп жатқан «ШЫҰ плюс» саммитінде сөйлеген сөзінде Президент Қасым-Жомарт Тоқаев санкциялық қақтығыстар әлемдік экономикаға айтарлықтай зиян келтіретінін тілге тиек етті, деп хабарлайды El.kz ақпарат агенттігі.Мемлекет басшысы бұл өз кезегінде одан әрі даму перспективаларын тарылтатынын атап өтті.<blockquote>ШЫҰ елдері экономиканың жоғары өсу қарқынын көрсетіп отыр, 4-тен 9% - ға дейін. ШЫҰ мемлекеттерінің жаһандық ЖІӨ-дегі үлесі қазірдің өзінде 30% -ды құрайды. Бүгінгі таңда қатысушы елдердің сыртқы саудасы 8 трлн доллардан асады. Бұл бүкіл әлемдік сауданың төрттен бірі, – деді Тоқаев.</blockquote>Сондай-ақ мемлекет басшысы әлемдік қоғамдастық экономиканы декарбонизациялау бағытын жалғастыруы тиіс екенін және бұл мемлекеттердің дамуына нұқсан келтірмеуі қажет екенін айтты. Бұдан өзге Президент биыл Қазақстанда бұрын-соңды болмаған су тасқыны туралы айтты және бұл жаһандық жылынудың салдары екенін жеткізді.

Мемлекет басшысы: ШЫҰ елдері экономиканың жоғары өсу қарқынын көрсетіп отыр

Президент Қасым-Жомарт Тоқаев ШЫҰ-ға мүше мемлекеттер басшылары кеңесінің отырысында сөз сөйледі

<a href="https://kyzylorda-news.kz/">Kyzylorda-news.kz</a> Еліміздің 17 өңірінде психологиялық қолдау орталығы ашылды.Мемлекет басшысының тапсырмасына сәйкес еліміздің әр өңірінде психологиялық қолдау орталығын ашу жұмыстары жүргізілуде. Бүгінгі таңда мұндай орталықтар 17 өңірде ашылды.Оқу-ағарту министрлігі психологиялық қолдау орталықтарын дамыту арқылы педагог-психологтардың әлеуетін арттыру бойынша жұмыстар жүргізуде. Аталған орталықтардың басты мақсаты — жергілікті жерлерде балалардың, ата-аналар мен педагогтардың психологиялық әл-ауқатын нығайтуға және сақтауға бағытталған бірыңғай психологиялық қызмет жүйесін құру.<blockquote>«Орталықтардың қызметін біріздендіру үшін Министрлік әдістемелік ұсынымдар әзірледі. Бұл ұсынымдар өңірлерде орталықтарды балалар үшін жайлы жағдай жасалған бірыңғай үлгіде ашуға септігін тигізеді. Онда орталықтың міндеттері, негізгі қызмет бағыттары, ұсынылатын штат кестесі, әр маманның лауазымдық нұсқаулықтары туралы ақпарат қамтылған. Жеке тарау материалдық-техникалық жабдықтауға арналған», – деп атап өтті ҚР Оқу-ағарту министрлігі Балалардың құқықтарын қорғау комитетінің төрағасы Насымжан Оспанова.</blockquote>Орталықтар облыстың педагог-психологтары үшін бір-бірімен тәжірибе алмасатын, әдістемелік кеңес алатын тірекке, сондай-ақ оқушылар мен олардың ата-аналары көмек алу үшін жүгінетін орынға айналады. Жыл соңына дейін қалған облыстарда да орталықтар толықтай ашылады деп жоспарланып отыр.Айта кету керек, орталықтар ашу бойынша іс-шара Балаларды зорлық-зомбылықтан қорғау, суицидтің алдын алу және олардың құқықтары мен саламаттылығын қамтамасыз ету жөніндегі 2023-2025 жылдарға арналған кешенді жоспарда көзделген.

17 өңірде психологиялық қолдау орталығы ашылды

<a href="https://kyzylorda-news.kz/">Kyzylorda-news.kz</a> Ақша негізінен банкоматқа жүктелмес бұрын тексеріледі. Құрылғының өзі ақшаның түпнұсқалығын анықтап алады. Сондықтан Қазақстанда жалған купюраларды қабылдау және беру ықтималдығы төмен деуге болады, деп хабарлайды Kyzylorda-news.kz ақпарат агенттігі <a href="https://el.kz/qazaqstanda-bankomattar-zhalgan-kupyura-berui-mumkin-be_123729/">El.kz</a> сайтына сілтеме жасап.Баса мән беретін жайтҚР Қаржы мониторингі агенттігі қазақстандықтарға, әсіресе шетелде банкоматтарды пайдалану кезінде мұқият болуға кеңес береді. Halyk Bank банкоматтар қолма-қол ақшаны қабылдау және беру үшін валидаторларды қоса алғанда, купюралардың түпнұсқалығын тексеру жүйелерімен жабдықталғанын алға тартады. Себебі банктер вендорлармен бірге жалған вексельдердің айналымға түсуіне жол бермеу үшін валидаторлардың бағдарламалық жасақтамасын үнемі жаңартып отырады.ҚР Қаржы мониторингі агенттігіндегілер жалған ақша жасаушылардың құрбаны болмас үшін қазақстандықтарға мұқият болуға, ақшаны банкоматтардан алуға кеңес береді. Бұл әсіресе шетелде демалушыларға қатысты.Қазақстандағы жалған купюралардың айналымы қалай жүріп жатқандығы жөнінде Halyk Bank сарапшылары пікір білдірді.<blockquote>Банктер банкоматтарды қолма-қол ақшамен банкноттардың түпнұсқалығын міндетті тексеру жағдайында кассалық жабдықта алдын ала дайындалған және өңделген банкноттары бар арнайы кассеталармен жүктейді, - деп түсіндіреді банктегілер.</blockquote>Сонымен қатар қазіргі заманғы банкоматтар қолма-қол ақшаны берер алдында да, қабылдағанға дейін де оның түпнұсқалығын тексере алады. Бұл оларға белгілі бір «ақша айналымын» қамтамасыз етуге мүмкіндік береді.Банкомат жалған купюраларды қабылдауы мүмкін бе?Сарапшылар банкоматтардың әртүрлі түрлері мен модельдері бар екенін айтты. Мысалы, қолма-қол ақшаны қабылдау функциясы бар құрылғыларда (cash-in) енгізілген банкноттарды бөлек сақтау қарастырылған. Яғни қандай ақша қабылданса да, ол инкассацияға дейін сақталады. Сонымен қатар cash-in бар банкоматтар қабылданатын банкноттардың түпнұсқалығын міндетті түрде анықтайтын валидаторлармен жабдықталған. Сондай-ақ Recycler функциясы бар банкоматтар бар. Олар қолма-қол ақшаны қабылдауды да, оны кейінгі клиенттерге беруді де қарастырады. Бұл ретте осы модельдерде банкноттарды валидациялау модулі кіріс жарналарына да, шығыс операцияларына да жұмыс істейді. Осылайша, ақшаны қабылдайтын және беретін банкоматтар қолма-қол ақшаны анықтау модулімен жабдықталған, ол купюраларды қабылдау кезінде де, беру кезінде де тексереді.Halyk Bank атап өткендей, төлем терминалдарындағы және банкоматтардағы валидаторларда банкноттардың түпнұсқалығын анықтаудың міндетті критерийлері бойынша қабылданатын қолма-қол ақшаны сапалы тексеру функциясы бар.<blockquote>Барлық банкноттарда түпнұсқалықтың және қорғаныс дәрежесінің жалпы және жеке белгілері бар: өлшем, белгілер, қауіпсіздік элементтері, кірістірулер және т.б. Валидаторда әрбір банкнот түпнұсқалығын тексеруден өтеді, оның номиналы мен валютасы берілген параметрлер мен критерийлерге сүйене отырып анықталады. Тексеру механизмі банкноттардың өлшемдерін анықтайды, әртүрлі спектрлердегі белгілерді оқиды, су және жасырын белгілерді, микроперфорацияны, металдандырылған кірістірулерді және басқа да қорғаныс элементтерін тексереді. Банктер вендорлармен бірлесіп валидаторлардағы бағдарламалық қамтамасыз етуді уақтылы жаңарту мәселесіне, әсіресе айналымға жаңа банкноттар шығару кезінде ерекше назар аударады, – деп қорытындылады банк сарапшылары.</blockquote>Осылайша, жалған купюралардың банкоматтарға түсу және сәйкесінше оларды клиенттерге беру ықтималдығы өте төмен.Фото: Нұрболат Нұржаубай

Қазақстанда банкоматтар жалған купюра беруі мүмкін бе?

<a href="https://kyzylorda-news.kz/">Kyzylorda-news.kz</a> Өзбекстанның мемлекеттік қауіпсіздік қызметі Өзбекстан-Қазақстан шекарасында контрабандашыларға тиесілі ұзындығы 310 метр жерасты туннелін анықтады деп хабарлайды Kyzylorda-news.kz ақпарат агенттігі <a href="https://qrnews.kz/detail-news/qazaqstan-men-ozbekstan-shekarasynda-kontrabandashylar-tunneli-anyqtaldy-kz">Qrnews.kz</a> сайтына сілтеме жасап.Мемлекеттік қауіпсіздік қызметі Шекара қызметі және «Ташкент-Аэро» мамандандырылған кеден кешенінің қызметкерлерімен бірлесіп, Қазақстан арқылы Үндістаннан Өзбекстанға сапасы кепілденбеген дәрілік заттарды заңсыз әкелумен айналысқан трансшекаралық қылмыстық топтың әрекетін әшкереледі.Дели-Ташкент-Алматы рейсі бойынша дәрі-дәрмек партиясы жеткізіліп, одан кейін туннель арқылы Қазақстанның Түркістан облысының Сарыағаш ауданынан Ташкент облысының Ташкент ауданына жеткізілгені атап өтілді.Тәртіп сақшылары қылмыстық топ мүшелерінен айғақ ретінде Үндістанда өндірілген Альбумин, Ремдесивир, Меропенем сияқты 107 атаудағы 17 048 препарат тәркіледі.Ұзындығы 310 метр туннелде контрабандашылар жүкті арбамен тасыған.Қылмыстық кодекстің тиісті баптары бойынша қылмыстық іс қозғалып, күдіктілерге қатысты қамауға алу түріндегі бұлтартпау шарасы қолданылды.Фото: kaz.inform.kz

Қазақстан мен Өзбекстан шекарасында контрабандашылар туннелі анықталды

<a href="https://kyzylorda-news.kz/">Kyzylorda-news.kz</a> Дағыстан мүфтияты никаб киюге уақытша тыйым салды, - деп хабарлайды Kyzylorda news.kz ақпарат агенттігі <a href="https://massaget.kz/">Massaget.kz</a> сайтына сілтеме жасап.&nbsp;Дағыстан мүфтияты пәтуа бөлімінің қорытындысы негізінде&nbsp; (фәтуа - исламдағы кез келген мәселеге қатысты мүфти қабылдайтын шешім) уақытша негізде никабтарды (көздің тар саңылауынан басқа бетті толығымен жабатын мұсылман баскиімі - еск.) киюге тыйым салынғанын жариялады. Бұл туралы Telegram-арнада Республика мүфтиінің орынбасары Абдулла Сәлімов мәлімдеді.&nbsp;<blockquote>"Мүфти қауіптер жойылмайынша және жаңа теологиялық қорытындыға келгенше никаб киюге уақытша тыйым салу туралы хабарлайды", - деді ол.</blockquote>"Кавказ ТЖ" Telegram-арнасының мәліметінше, Дағыстан аумағындағы лаңкестік шабуылға қатысушылардың бірінің қолында никаб болған еді. Материалдың авторлары болжамынша,&nbsp;лаңкес оны қылмыс орнынан қашу үшін пайдаланбақ болған.Фото: freepik.com

Енді никаб киінуге тыйым салынады

<a href="https://kyzylorda-news.kz/">Kyzylorda-news.kz</a> Әлемжелінің белсендісі Сасақ есімімен танымал блогер&nbsp;Qazaq Grammar&nbsp;ютуб арнасында ЛГБТК+ комьюнитиін қолдайтынын және қазақ халқын діни тұрғыдан надан деген көзқараста пікір айтты деп хабарлайды&nbsp;Kyzylorda news.kz ақпарат агенттігі&nbsp;<a href="https://youtu.be/ZCOYcVpgvNM?si=JqI-Gin_ahnpPw4U">Deppa</a> подкастқа сілтеме жасап.“Мен қазақи отбасында өстім. Қанша Ислам дінін қабылдағым келсе де, тұла бойым дінді қабылдағысы келмейді. Бұл арабтардың діні екеніне көзім жетті. Қазақтар діни тұрғыдан надан. Мәселен, бір қазаққа барып, арабша анайы сөз жазып берсеңіз, мынау қасиетті сөз ғой. “Машалла!” деп жүре береді. Кезінде Мәшһүр Жүсіп Көпеев осылай жасаған. Халық одан тұмарына сүре жазып беруін сұрағанда анайы сөзді жазып берген екен. Мен арабтандыруға қарсымын” деп өз пікірін білдірді.Deppa подкасттың жүргізушісі бұл ақпараттың қайдан алғанын сұрағанда “профессордан естідім” деп Сасақ блогер қысқа тоқталды.&nbsp;Айта кету керек, бұл контентті Америка халқының көмегі арқасында АҚШ Халықаралық даму агенттігінің&nbsp;USAID&nbsp;қолдауымен түсірген екен.&nbsp;Фото: видеодан скриншот

Қазақстан және Қызылорда облысының басты жаңалықтары