<a href="https://kyzylorda-news.kz/">Kyzylorda-news.kz</a>. ҚР Премьер-министрі Олжас Бектеновтің төрағалығымен өткен мәжілісте күн тәртібінен тыс «Ауыл аманаты» жобасы мен ауыл шаруашылығы саласындағы статистикалық деректердің енгізілу мәселесі де қаралды.Үкімет басшысы барлық статистикалық көрсеткіштерді шұғыл қалпына келтіру жөнінде тапсырма берді.Мәжілістен кейін облыс әкімі Нұрлыбек Нәлібаев берілген тапсырмаларды нақтылады.<blockquote>«Өңірдегі мал саны мен ауыл шаруашылығы өнімдерінің статистикалық деректердегі есебі көбіне сәйкес келмейді. Мұны біз Арал, Қазалы аудандарында қуаңшылыққа қатысты төтенше жағдай жариялаған кезде байқадық. Бұл мәселе барлық ауданға тән. Менің тапсырмама сәйкес мал басын өзектендіру жұмыстары жүргізілді. Ендігі кезекте облыстық ауыл шаруашылығы және жер қатынастары басқармасына қала, аудан әкімдерімен, облыстық жер ресурстарын басқару және статистика департаменттерімен бірлесіп, 1 шілдеге дейін егіс алқаптарын түгендеу жұмыстарын өзектендіруді аяқтауды тапсырамын.«Ауыл аманаты» жобасы бойынша да өткен мәжілісте тапсырмалар берген болатынмын. Биыл өңірге 5,7 млрд теңге қаржы қаралды. Өнім өндіруді арттыру бағытында әсіресе, ауыл шаруашылығы саласындағы ірі жобаларды несиелендіру керек. Қала, аудан әкімдерімен бірлесіп, жобаларды сүйемелдеуді ұйымдастырып, өңірлік жобалар пулын қалыптастыру қажет», – деді аймақ басшысы.</blockquote>Жиында жылу беру маусымының өту барысы қосымша қаралып, аудандардағы әлеуметтік нысандардың жылу желісін газға ауыстыру бойынша жұмыстарды жалғастыру тапсырылды. Бұл ретте көмір қорының жеткілікті болуы, әлеуметтік нысандардың қазандықтарын қайта жаңғырту, тұрғындарды коммуналдық қызметтермен үздіксіз қамтамасыз ету, ажыратуларды болдырмау, алдын алу шараларын қабылдау өте маңызды.Облыс әкімі осыған дейін бірқатар өңірде өрт қауіпсіздігі сақталмағандықтан төтенше жағдайлар орын алғанын айтып, жауапты мекеме басшыларына сақтық шараларын қолға алуды тапсырды.Фото: облыс әкімінің баспасөз қызметі&nbsp;<img src="https://knadmin.beoblood.kz/uploads/417544984_700931202228127_2395996346683253634_n_0362b5bef0.jpg" alt="417544984_700931202228127_2395996346683253634_n.jpg">

Ауыл шаруашылығы саласындағы ірі жобаларды несиелендіру тапсырылды

<a href="https://kyzylorda-news.kz/">Kyzylorda-news.kz</a>.Ертең 28 ақпанда еліміздің тоғыз өңірінде ауа райының қолайсыздығына байланысты ескерту жасалды. Бұл туралы «Қазгидромет» РМК синоптиктері хабарлады.Синоптиктердің болжамынша, Ақмола облысының батысы мен оңтүстігінде тұман шөгеді.Түркістан облысының оңтүстігінде жауын-шашын (жаңбыр, қар) болуы ықтимал. Облыстың оңтүстігінде, таулы және тау бөктерлі аудандарында тұман түседі. Облыстың таулы аудандарында жаяу бұрқасын күтіледі. Шығыстан жел соғады, облыстың солтүстігінде, таулы аудандарында күші 15-20 м/с болады.Ұлытау облысының солтүстігінде тұман түседі.Қызылорда облысында жел солтүстік-шығыстан соғады, таңертең және күндіз облыстың орталығында, шығысында күші секундына 15-20 метрге жетеді.Павлодар облысының батысы мен оңтүстігінде тұман шөгеді.Қарағанды облысының&nbsp;батысында тұман.Батыс Қазақстан облысының солтүстігінде тұман шөгеді.Ақтөбе облысының солтүстігі мен шығысында тұман.Жамбыл облысының оңтүстігінде, таулы аудандарында тұман түседі. Солтүстік-шығыстан соғатын жел оңтүстік-батысқа ауысады, облыстың оңтүстік-батысында, солтүстік-шығысында, таулы аудандарында екпіні 15-20 м/с болады.

Қазақстанның тоғыз өңірінде ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz</a>. Ақсуат ауылдық округінің тұрғыны Сәрсенкүл Аралбаева «АҚСУАТ» атауымен шұлық шығаратын цехты іске қосты.&nbsp;Оның айтуынша, мемлекеттік бағдарлама жайлы ауылға келген ақпараттандыруға барып, бұл жобаны іске қосуды отбасымен шешкен.&nbsp;Бүгінде кәсіпкер «Ауыл аманаты» жобасымен 5 миллион теңге жеңілдетілген несиеге қол жеткізіп, сол қаржыға соңғы үлгідегі шұлық дайындайтын құрылғы сатып алған.<blockquote>Бұрын тігін саласымен айналысқан жоқпын. Дегенмен, бұны да көрейін деп шешіп қабылдадым. Мемлекеттің берген қаржысы тиімді. Әрине, алға қойған мақсатына тиімді пайдалана білсеңіз.&nbsp; Казіргі таңда, екі адамды жұмыспен қамтып отырмын. Алдағы уақытта тағы екі адамды жұмысқа жұмылдыру жоспарда бар. Тігінге қажетті материалдар өзімізде өңдірілмегендіктен шет елдерден алуға тура келеді. Көбіне көршілес Ресей, Өзбекстан және Қытайдан алдырамын. Әзірше, күніне 200-300 дана шұлық әзірлеудеміз, - деді кәсіпкер Сәрсенкүл Аралбаева.</blockquote>Қолдың өнері адам жанының айнасы – көнеден қалған көз емес пе еді. Сол себепті қызылордалық Сәрсенкүл Аралбаеваның бастамасы көпке үлгі. Ал, кәсіпкер мұнымен тоқтамай, басқа да кәсіптерге бет бұру жоспарында бар екенін жеткізді.

«Ауыл аманаты»: Қызылордада шұлық шығаратын цех іске қосылды

<a href="https://kyzylorda-news.kz/">Kyzylorda-news.kz</a> 2024 жылдың қаңтар айында көпбалалы отбасыларға берілетін мемлекеттік жәрдемақымен 571,6 мың отбасы жалпы сомасы 38,1 млрд теңге мөлшерінде қамтылды, деп хабарлайды El.kz ақпарат агенттігі.Бұл мемлекеттік жәрдемақыға 4 және одан да көп бірге тұратын кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.Төлем мөлшері бала санына қарай есептеліп төленеді және 2024 жылы:- 4 баласы бар отбасыларға – 16,03 АЕК немесе 59&nbsp;183 теңге;- 5 балаға – 20,04 АЕК немесе 73&nbsp;988 теңге;- 6 балаға – 24,05 АЕК немесе 88&nbsp;793 теңге;- 7 балаға – 28,06 АЕК немесе 103&nbsp;598 теңге;- 8 және одан да көп баласы бар отбасыларға – әр балаға 4 АЕК немесе 14&nbsp;768 теңге мөлшерінде төленеді.2024 жылғы 1 қаңтардан бастап балалы отбасыларға тағайындалатын мемлекеттік жәрдемақылардың мөлшері 7%-ға артқанын атап өтеміз.Биыл көпбалалы отбасыларға мемлекеттік жәрдемақы төлеуге 474,8 млрд теңге қарастырылған.

Көпбалалы отбасылар ай сайын қанша теңге көмек алады

<a href="https://kyzylorda-news.kz/">Kyzylorda-news.kz</a> Бүгінгі жас буын білім саласына айрықша ден қойған. Соған сәйкес, елімізде қолдау көрсетуде. Қазақстандық жоғары оқу орында білім алып жүріп, шет мемлекетке де білімін жетілдіруге арналған түрлі бағдарлама бар. Соның ең үздіктерінің бірі Еуропалық Erasmus+ бағдарламасы. Қазіргі таңда, осы бағдарламамен қызылордалық студент Рауан Бидан Бельгия мемлекетінде тәжірибе алмасуда. Ренессанс стиліндегі ғимараттарымен танымал елдің білім саласындағы даму динамикасы қалай? Осы жөнінде Рауан Биданмен тілдестік.- Erasmus+ бағдарламасын толығырақ түсіндіріп берсеңіз.- Erasmus+ бағдарламасы Еуропалық Одақтың қолдауымен 2014 жылдан бері жүзеге асып келе жатқан жоба. Көптеген студентке шетелде білім алуға мүмкіндік беріп келеді. Жалпы, бағдарламаның мақсаты – білім беруді, кәсіптік даярлықты, жастар мен спорттық бастамаларды қолдау, сондай-ақ қатысушы елдер арасындағы мәдениетаралық түсіністік пен ынтымақтастыққа жәрдемдесу. Бұл бағдарламаның грантын ұтып алған жағдайда олар сізге тегін оқу және стипендия тағайындайды. Көбінесе студенттер exchange program (1 семестр басқа мемлекетте білім алу мүмкіндігі) бағдарламасының аясында Erasmus+ бағдарламасынан грант жеңіп алады.- ⁠Неге Бельгия мемлекетін таңдадыңыз?-&nbsp;Мен Қорқыт ата атындағы Қызылорда университетінің студентімін. Біздің университетте&nbsp;Польша және Бельгия мемлекеттерінде 1 семестр білім алуға мүмкіндік береді. Менің таңдауым Бельгияға түсті. Себебі бұл мемлекеттің мәдениеті, адамдары және менталитеті маған қатты ұнайтын еді. Сол себепті осы мемлекетті таңдадым.- ⁠Бельгия еліндегі университеттің оқу процесі, атмосферасы жайлы айтсаңыз.-&nbsp;Мен қазір Бельгия мемлекетінің Брюгге қаласындағы Howest университетінде білім алып жатырмын. Барлық Еуропа елдеріндей бұл университетте де білім беру деңгейі жоғары. Студенттердің білім алуына барлық мүмкіндік жасалған. Оқу үдерісі қатты ұнап жатыр. Бұл университетте сабаққа келу-келмеу (attendance) қатты қадағаланбайды, себебі білім студенттердің өздеріне керек, мұғалімдерге емес. Бәлкім, осы әдіс-тәсілдің арқасында студент шыныменде білім өзіне ғана керектігін сезінетін сияқты.- Шет елде білім алу үшін ағылшын деңгейі қажет. Сіз ағылшын тілін қалай үйрендіңіз?- Мен мектепте оқып жүргенде ағылшын тілінің маңыздылығын түсінбейтінмін. Әкем Ұлыбританияға оқуға түскенде отбасымызбен бірге көшіп бардық. Ол кезде ағылшын деңгейім өте нашар еді. Сол жаққа мектепке түсіп, бір жыл сонда оқыдым. Міне, осы бір жылда ағылшын деңгейім өте қатты жақсарды. Кейін әкем оқуын тамамдаған соң, елге оралдық. Мүлде бірнәрсені жасамағаннан кейін ұмтылатыны сөзсіз. Ағылшын деңгейім нашарлап кетті. Аз-аздан үздіксіз болса да қайталап тұрған дұрыс еді. Осылайша, мектепті аяқтап Қорқыт ата атындағы Қызылорда университетіне оқуға түсіп, бір жағынан «Білім Ыбырай» қоғамдық қорының стипендиаты атандым. Осы қордың көмегімен ағылшын деңгейім едәуір жоғарылады. Бұған қоса, мұғалімге қажетті түрлі семинарлар, сабақтар, жобаларға қатысып келемін. Кәсіби, тұлғалық дамуыма көмегі тиюде.- Жалпы, Бельгиядағы қазіргі өміріңізбен бөліссеңіз. Оқуға немесе саяхатқа баруға тұрарлық мекен бе?- Бельгия дамыған мемлекеттер қатарындағы ерекше ел. Бұл елдің өзіндік жеке тілі жоқ. Халқы француз, неміс және нидерланд тілдерінде сөйлейді. Брюссель қаласы Бельгияның астанасы болып табылады. Қалалары өте үлкен емес, жаяу жүргінші туристтер үшін өте қолайлы. Бельгия өзінің вафли және шоколадымен танымал. Шынымен де, бұл елде жасалатын вафли басқаша екен, ерекше дәмі бар, маған қатты ұнады. Сонымен қатар, тұрғындар велосипедпен жиі жүреді. Оны жалға алуда өте арзан екен.- ⁠Шетелге шыққысы келетіндерге қандай кеңес бере аласыз.- Шетелге шыққысы келетін адамдарға айтарым, қорықпаңыздар. Көбіне қорқып немесе өзіне сенбегендіктен көптеген мүмкіндіктен айырылып қалып жатады. 1 рет шетелге шығып кішкене қиналасыз, бірақ содан кейін кез келген мемлекетте өмір сүре алатын деңгейде боласыз. Бірақ көзді жұмып шетелге шығып кетуге де болмайды. Менің берер кеңесім, ағылшын деңгейін кем дегенде А2 деңгейіне дейін көтеріп алыңыз. Өйткені бұл деңгей өзге ұлт өкілдерін түсініп, оларға ойыңызды жеткізе алу үшін қажет. Жалпы, тіл білген тілегіне жетеді. Шетелге шығу, жан-жақтың мәдениетімен танысу, өзге мемлекеттердің азаматтарымен араласу адамды дамытады. Ал адам ылғи даму үстінде болуы керек деп ойлаймын.- Сұхбатыңызға рақмет!&nbsp;Сұхбаттасқан Азамат Абимолда

Тіл білген тілегіне жетеді

<a href="https://kyzylorda-news.kz/">Kyzylorda-news.kz</a>. Бүгін Қызылордада өткен «Су ресурстары: сумен тұрақты қамтамасыз етудің проблемалары мен перспективалары» тақырыбындағы көшпелі отырыста облыс әкімі Нұрлыбек Нәлібаев «Көкарал бөгетін сақтап қалу» жобасы туралы айтты. «Көкарал» тек Арал өңірі ғана емес, республикадағы өте маңызды нысан екенін, Президент тапсырмасымен бөгетті жөндеу жұмыстары қолға алынғанын атап өтті.<blockquote>«Мемлекет басшысы Кіші Аралды сақтап қалу бойынша шұғыл шаралар қабылдауды тапсырды. Осы орайда, республикалық бюджет есебінен «Көкарал бөгетін сақтап қалу» жобасының жоба-сметалық құжаттамасы әзірленді. 2022 жылы Арал ауданында Қазақстан Республикасы Парламенті Сенаты және Өзбекстан Республикасы Олий Мәжілісі Сенаты арасындағы ынтымақтастық жөніндегі комиссияда «Көкарал бөгетін сақтап қалу» жобасы қаралған болатын. Нәтижесінде республикалық бюджеттен қаржыландырылған 4,3 млрд. теңгенің жобасын Су ресурстары және ирригация министрлігі іске асыруда», – деді аймақ басшысы.</blockquote>Айта кетейік, жоба шеңберінде зақымдалған бөгет қалпына келтіріліп, Қарашалаң көлі арқылы теңізге екі арна және Тұщы көлі арқылы бір арна қазылып, Кіші Арал теңізінің солтүстік бөлігінде су айналымы қалыптасады.Жоба-сметалық құжаттарда қаралған негізгі жұмыстардың бірі Солтүстік Арал теңізінің солтүстік бөлігінің тұздылығын азайту үшін Тұщы, Сарытерең, Қарашалаң-1, Қарашалаң-2 каналдарына механикалық тазарту жүргізілді.«Көкарал» бөгеті 2005 жылғы қараша айында пайдалануға берілген. Бөгеттің ұзындығы 13 шақырым. Тоспа салынғаннан кейін теңіздің құрғаған ұлтанының 870 шаршы метрі сумен жабылды. Теңіздегі су көлемі 11,5 текше метрге ұлғайды. Сондай-ақ, судың минералдылығы 23-тен 17 г/л дейін азайып, балық түрлері артты және бекіре тұқымдас балықты өсіруге қолайлы жағдай жасалды. Балық аулау көлемі 400 тоннадан 8 мың тоннаға дейін артты.Еске салсақ, былтыр 3 айда Кіші Аралға 1 млрд 200 млн текше метр су келді. Кейінгі жылдары Кіші Арал теңізіндегі су көлемі 8,5 млрд текше метрге дейін азайып кеткен еді. Жазда су тапшы, ал қыста көп болғанымен Аралға жетпей жатты. Былтыр қаңтар, ақпан, наурыз айларында су мол болып, оңтайлы мүмкіндікті барынша пайдалануға жұмыс жасалды. Нәтижесінде Аралға жылдық норма 3 айдың ішінде жіберілді.

«Көкарал бөгетін сақтап қалу» жобасы қолға алынды

<a href="https://kyzylorda-news.kz/">Kyzylorda-news.kz</a>. Бүгін Қызылордада «Су ресурстары: сумен тұрақты қамтамасыз етудің проблемалары мен перспективалары» тақырыбында көшпелі отырыс өтті. Оған ҚР Парламенті Сенатының депутаттары, Су ресурстары және ирригация бірінші вице-министрі Болат Бекнияз, Ауыл шаруашылығы вице-министрі Бағлан Бекбауов, облыстық, аудандық мәслихат депутаттары, ғылыми зерттеу институттарының өкілдері, су шаруашылығының ардагерлері, су шаруашылығы ұйымдары мен ауыл шаруашылығы құрылымдардың басшылары қатысты. Орталық атқарушы органдардың өкілдері мен барлық аудан әкімдіктерінің жауапты қызметкерлері, шаруашылық ұйымдары бейнебайланыс арқылы қосылды.Облыс әкімі Нұрлыбек Нәлібаев іс-шараға қатысушыларды мол тәжірибелерін ортаға салып, бөлісуге шақырды.<blockquote>«Су шаруашылығы саласындағы негізгі мәселелердің шешілуі үшін осындай жиындардың маңызы өте зор деп ойлаймын. Өңірдің басты су артериясы –Сырдария трансшекаралық өзені облыстың барлық аумағынан ағып өтеді. Оның бойында елді мекендердің 85%-ы орналасқан және облыс халқының 93-%-дан астамы өзен маңында тұрады. Облысымыздың табиғи ерекшелігіне, ауа райы мен топырақ құрамына бейімделген Сыр күріші аймақтың негізгі дақылы болып жылдар бойы қалыптасқан. Сыр өңірінің экономикалық және экологиялық жағдайы, халықтың тыныс-тіршілігі Сырдария өзенінің сулылығына және Арал теңізіне тікелей байланысты», – деді аймақ басшысы.</blockquote>Нұрлыбек Машбекұлы Сырдария суының 90 пайыздан астамы республикадан тыс жерлерден келетінін, «Арал-Сырдария» бассейнінде ауыр ахуал қалыптасқанын атап өтті. Біріншіден, Қызылорда облысы Сырдария өзенінің ең төменгі ағысында орналасқандықтан, жоғары ағыстағы мемлекеттер мен өңірлердің ұстанымына тәуелді. Екіншіден, өңірде табиғи өсірілім егістік жерлер жоқ. Сондықтан, көп қаржы жұмсалатын, инженерлік жүйеге келтірілген мелиоративтік жүйелер мен құрылыстарды ұстап тұруға мәжбүр.Мұнан бөлек, аймақ басшысы қазіргі қолданыстағы «Су кодексі» 20 жыл бұрын қабылданғанын, су заңнамасын одан әрі жетілдіруді уақыт талап ететінін айтты. Жаңа «Су кодексінің» қабылдануы Сыр өңірінің экологиялық қажеттіліктерін қанағаттандыруға мол мүмкіндік беретініне сенім білдірді.Жиында ҚР Парламенті Сенатының Аграрлық мәселелер, табиғатты пайдалану және ауылдық аумақтарды дамыту комитетінің төрағасы Әли Бектаев, ҚР Су ресурстары және ирригация бірінші вице-министрі Болат Бекнияз, облыс әкімінің орынбасары Бахыт Жаханов, ҚР Ауыл шаруашылығы вице-министрі Бағлан Бекбауов, ҚР Экология және табиғи ресурстар вице-министрі Мансұр Ошурбаев, Халықаралық Аралды құтқару қоры Қазақстан Республикасындағы атқарушы дирекциясының директоры Серікқали Мұқатаев, Ы.Жақаев атындағы Қазақ күріш шаруашылығы ғылыми-зерттеу институтының бас директоры Сұлтанбек Тәуіпбаев баяндама жасады.Айта кетейік, Сыр өңіріне жұмыс сапары барысында делегация мүшелері аймақтың су және ауыл шаруашылығы нысандарының жұмысымен танысады.<img src="https://knadmin.beoblood.kz/uploads/417477077_700285852292662_8434668776082780234_n_59b2fa3bd8.jpg" alt="417477077_700285852292662_8434668776082780234_n.jpg">

Қызылордада су ресурстары мәселелеріне арналған көшпелі отырыс өтті

<a href="https://kyzylorda-news.kz/">Kyzylorda-news.kz</a>. Қазақстандық боксшы Геннадий Головкин Ұлттық Олимпиада комитетін басқарады, деп хабарлайды El.kz ақпарат агенттігі.Астанада ҚР Ұлттық Олимпиада комитетінің кезектен тыс Бас Ассамблеясының отырысы өтті. Отырыс барысында ҰОК басқарушысы болып Геннадий Головкин таңдалды.Бұған дейін Ұлттық Олимпиада комитетінің тәуелсіз сайлау комиссиясының отырысы өткен болатын. Іс-шара барысында президенттікке кандидаттарды ұсыну нысандары қаралды.<blockquote>Федерациялар ҰОК президенті лауазымына Геннадий Геннадиевич Головкиннің кандидатурасын ұсынды», - делінген комитеттің ҰОК Бас Ассамблеясының мүшелеріне жолдаған ресми хатында.</blockquote>

Геннадий Головкин Ұлттық олимпиада комитетінің президенті болды

<a href="https://kyzylorda-news.kz/">Kyzylorda-news.kz</a>. 45 директордың басшы ретіндегі біліктілік санаты жоқ, деп хабарлайды Kyzylorda news ақпарат агенттігі El.kz сайтына сілтеме жасап.Бұл туралы Шымкент қаласының тұрғындары ҚР Оқу-ағарту министрі Ғани Бейсембаевпен кездесуде мәлім етті. &nbsp;Сонымен қатар, 13 білім ордасының басшысы бір орында 7 жылдан бері отыр. Оtyrar.kz хабарлауынша, Шымкентте 26 мектеп күрделі жөндеуді қажет етеді. Биыл 3 мектепті реконструкциядан өткізу үшін 2 млрд-қа жуық қаржы қаралып отыр.2025 жылға дейін 25 білім беру нысанына күрделі жөндеу жүргізіледі. Шымкентке жұмыс сапарымен келген ҚР Оқу-ағарту министрі Ғани Бейсембаев жаңа мектептер салумен қатар, ескі мектептерге де лайықты көңіл бөлу қажеттігін айтты.Шымкент қаласында 2028 жылға дейін 50 340 оқушыға арналған 63 мектеп салу жоспарланып отыр.

45 директордың басшы ретіндегі біліктілік санаты жоқ болып шықты

<a href="https://kyzylorda-news.kz/">Kyzylorda-news.kz</a>. Қызылорда облысының инвестициялық жобаларымен танысу мақсатында облыс әкімінің орынбасары Ардақ Зебешев &nbsp;қала &nbsp;аумағында орналасқан бірқатар кәсіпкерлік нысандарын аралап, олардың жай-күйімен танысты.Темір-бетон бұйымдарын шығаратын зауыт жұмыстарымен танысқан Ардақ Темірханұлы өнім шығарарда оның сапасына мән беру керектігін, бүгінгі уақыт осыны талап ететініне баса тоқталып, өз &nbsp;ой-пікірін айтты. Жалпы бұл жобаның құны 3,5 млрд. теңге, зауыт 2023 жылы іске қосылып, 100 адамды тұрақты жұмыспен қамтып отыр.Мұнан кейінгі облыс әкімі орынбасарының сапары жаңадан инвестор қаржысына салынып жатқан ЖЭО құрылысында жалғасты. Құны аса қомақты 215 млрд. теңгені құрайтын бұл - орталық 2025 жылы іске қосылады деп күтіліп отыр.Сапар кезінде шағын өнеркәсіптік парктің &nbsp;44 га жер телімін көрген әкім орынбасары аталған жерге қандай индустрия тарту керектігін пысықтады.Сонымен қатар, Ardak Zebeshev қуаттылығы жылына 197,1 мың тонна шыны шығаруға қауқарлы "Orda Glass Ltd" ЖШС-не барды. Бүгінгі күні зауытта 370 адам тұрақты жұмыспен қамтылған. &nbsp;Әкім орынбасары жеткізген жағымды жаңалық - зауытта туындаған газ мәселесі ескеріліп, жоғарғы категориялы сұйытылған отын тартуға қолдау көрсетілетіндігін жеткізді.<img src="https://knadmin.beoblood.kz/uploads/429669361_1582409639186894_6946579189066679958_n_5b912c179f.jpg" alt="429669361_1582409639186894_6946579189066679958_n.jpg"><img src="https://knadmin.beoblood.kz/uploads/429898535_1582409572520234_3418389861592883147_n_9c7b7a27c9.jpg" alt="429898535_1582409572520234_3418389861592883147_n.jpg"><img src="https://knadmin.beoblood.kz/uploads/429931449_1582408905853634_3669439629764686320_n_65006d6705.jpg" alt="429931449_1582408905853634_3669439629764686320_n.jpg">

"Orda Glass Ltd" серіктестігінде 370 адам тұрақты жұмыспен қамтылған

<a href="https://kyzylorda-news.kz/">Kyzylorda-news.kz</a>. Біздегі білім саласында күн сайын парамен ұсталғандар мен мұғалімдерге қатысты тұрлі жаңалық толастамай тұр.Сондай жағдайдың бірі таяуда ғана жауапқа тартылған, шетелде демалыста түнгі клубқа барған мұғалімдер оқиғасына байланысты еді. Өз ақшасына шетелге демалысқа барып, ол жақта түнгі клубта көңіл көтергені үшін жазықты шыққан қызылордалық мұғалімдер жұмысынан да шығарылды, деп жазды <a href="https://democrat.kz/archives/mugalimnin-omiri-tozakka-ajnalyp-barady/">Democrat.kz </a>сайты.&nbsp;Себеп? Себеп сол — мұғалім басымен түнгі клубқа барыпты! Қай ғасырда күн кешіп жатырмыз өзі? Арабтардың жәһилет дәуірінде емеспіз бе, осы? Неге десеңіз, сөз болып отырған мұғалімдер мектептің ішінде, оқушыларының алдында, сынып бөлмесінде шешініп билегендей, оларды жұмыстан қуу не демек? Мектеп ғимаратынан шыққан соң, кез келген ұстаз сіз бен біз секілді жеке өмірін сүруге қақысы жоқ па?Осы мәселеге орай бірнеше белсенді ұстазымыз пікірін білдіріп, әріптестеріне қолдау білдіруде.&nbsp;<blockquote>“Біреудің тағдырын талқыға салып, буллинг жасап, суицидке баруға дейін апарған директор да оңбас. Қонаққа бару, кино қарау, серуенге шығу, клубқа бару, дискотекаға бару, намаз оқу, шылым шегу, арақ ішу, шет елге қыдыру… бұның бәрі министр Гани Бейсембаев&nbsp;айтқан «Мұғалім 24 сағат бойы мұғалім болу керек» дегенге кірмейді.Ал бүкіл мұғалімді жұмыстан шығарсын. Бұл&nbsp;жерге келіп, өтірік ұят туралы көлгірсімеңдерші. Балалаларың мықты ма, ешқашан сүрінген жоқсың ба? Қоғамға қауіпті бұл қыздар емес, осы қыздарды жұлмалап жатқандар қауіпті. Өте қауіпті. Ондай адамдар өзімшіл, «мен, мен» дегеннен аса алмайтындар. Қателікті кешіре алмайтындар. Ішінде біреуге өшпенділігі барлар.Бұл қыздар кісі өлтірген жоқ, бала зорлаған жоқ, ешкімнің отбасын ойрандаған жоқ, ешкімді мүгедек қылған жоқ. Олар да біреудің перзенті. Аяулы қызы, қарындасы, әпкесі. Ақылгөйлер мықты болсаңдар энергияларыңды Бішімбаевқа шашыңдар. Әйелін асқан қадігездікпен өлтірген адам бұл қыздардай суйцидке барған жоқ, өйткені оның ақшасы көп.Тобырлардың әлсіздерге ғана әлі жетеді. Егер осы қыздарға бір жамандық болса, табалағандарың үлес қосқаныңды ұмытпаңдар!”,- деп жазады <a href="https://www.facebook.com/story.php?story_fbid=1662424424161679&amp;id=100011824110701&amp;mibextid=xfxF2i">Айнұр Сабыр</a>.</blockquote>Ал танымал белсенді мұғалім Айман Сағидулла осы оқиғаға байланысты:&nbsp;<blockquote>“-Әрі қарай жоспарыңыз қандай? -Докторантураға тапсырамын. &nbsp;Түнгі клуб үшін жұмыстан шыққан Ақерке қыздың жауабы.&nbsp;Осындай еркін ойлы, білімге құштар, қайтпас қайсарларды ұнатамын. &nbsp;Аман болсын! Құлаған сайын күш алатын адамдар аз ғой. Айтпақшы, магистратура оқыпты.Енді докторантураны да шетелге тапсырады екен. Жұмыстан шыққаны оқуға уақыт тауып берді. Бұл жақсылық. Шатаспасам кей министрлерде ғылыми дәреже жоқ деп естідім. &nbsp;Мына қыз бір күні министр болып келетін болса, қазір жұмыстан шығарғандар мен тілдеп отырғандар не істер екен? Оқи берсе, министр болуы да мүмкін.Осы қызды аяғынан шалып, намысын жанып, биікке ұмтылуына жол ашып жатқан сияқты көрінеді маған. &nbsp;Айтпады демеңіздер! Жұмыстан қуып шығарып жіберген соң:»Докторантура оқимын,»-деп отырған қыздың, мына мінезі бір күні жоғарылататыны сөзсіз.Мінез! Бұл қыз да бір күні өзін қорлағандарға алғыс айтатын болады. Мінезі бар екен. Жарайсың! Кім не десе дей берсін! Мен сенің еркіндігің мен мінезіңді бағалаймын!- деп жазды.</blockquote>Осыған ұқсас пікірді түркістандық мұғалім, жас маман Аман Бақытұлы да айтып:&nbsp;<blockquote>“Мектептегі жұмысынан шыққан соң, мұғалімнің де жеке өмірі бар емес пе? Жұмыстан шығарардай ауыр қылмыс жасаған жоқ еді сол мұғалімдер.Әлі жеткеннің бәрі мұғалімді тоқпақтайтын заман болды ғой. Ашығын айтқанда, мұғалімнің өмірі тозаққа айналып барады. Таңның атысы, күннің батысы қағаз арқалау, бітпейтін құжат толтыру, ол аз десеңіз, оқушыңыздың әр қадамына жауапкершілік. Оқушы сүрініп құласа да, мұғалім жауапты. Оқушының миы сабақ қақпаса да, мұғалім кінәлі. Сыныптың әр шегесіне де мұғалім жауапты.Айта берсек, бітпейді. Ал енді мектептен тыс уақытта көңіл көтерсек те, жауапқа тартылады екенбіз! Оқушыларына қандай тәрбие береді деген “баппен” жауапқа тартыласыз! Бұлай кете берсе, жақында аяғы қисық, семіздерді мектеп жұмысқа алмайтын шығар!? Оқушыларға маймақ, семіз мұғалім қалай үлгі көрсетеді дейтін шығар. Бұл оқиғаға қатысты айтарым абсурд және надандық дер едім!”-дейді.</blockquote>Мұғалімнің жұмыстан тыс уақытта көңіл көтеруінде әлдебір кінә, күнә бар ма? Сіз қалай ойлайсыз?

"Семіз мұғалім қалай үлгі көрсетеді": Жұмысынан шығарылған қызылордалық мұғалімдерге әріптестері қолдау білдіруде

<a href="https://kyzylorda-news.kz/">Kyzylorda-news.kz</a> 2022 жылдан бастап Қарағанды қаласының мектептерінде 3 мыңға жуық оқушыға медициналық қызмет көрсетілмегені анықталды, деп хабарлайды El.kz&nbsp;ақпарат агенттігі.Қарағанды облыстық прокуратура мәліметінше, қаладағы мектептердің бірінің медициналық кабинетінде аллергиялық және шок реакциясының ауыр түрлерінде шұғыл емдеудің бір бөлігі ретінде қолданылатын, жарамдылық мерзімі өткен, «Преднизолон» ампулалары сақталған.Облыстың басқа мектептерінде жарамдылық мерзімі 5-7 жыл бұрын өтіп кеткен дәрілік препараттар табылды.Қадағалау шараларымен мерзімі өткен дәрі-дәрмектер жойылды, кінәлі тұлғалар жауапкершілікке тартылып, 7000 баланың құқықтары қорғалды.

Қазақстан және Қызылорда облысының басты жаңалықтары