<a href="https://kyzylorda-news.kz/">Kyzylorda-news.kz.</a> «Адамды адам еткен - еңбек» демекші, қашанда жұмысына асқан жауапкершілікпен, ұқыптылықпен қарап, адал маңдай терімен еңбек ету арқылы өзіне де, айналасындағы ағайынға да пайда келтіріп жүрген еңбексүйгіш жандар аз емес. Мәселен солардың бірі Жалағаш ауданы Аққұм ауылының азаматы Ерлан Жақсылықов. Бала кезінен еңбекке дағдыланған ағамыз бүгінде мал шарушылығының қыр-сырын игеріп, ауылдың 10 тұрғынын тұрақты жұмыспен қамтып отыр.&nbsp;Еңбек адамы Ерлан Жақсылықов алғашында азын-аулақ малымен бастап, уақыт өте мал шаруашылығының қыр-сырына қаныға бастапты. Қазір жеке малын мыңғыртып, осыдан жеті жыл бұрын «Нұрдәулет» шаруақожалығын құрып, ет бағытындағы жұмыстарды қолға алған. Еттен бөлек, сүт, айран, сыр, құрт секілді өнімдері аудан халқы арасында сұранысқа ие. Бүгінде шаруа қожалықта төрт-түліктің төртеуі де бағылады. &nbsp;Атап айтсақ, 1300 бас жылқы, 400 бас ірі қара, 50-60 түйе, 100 бас уақ малы бар.&nbsp;<img src="https://knadmin.beoblood.kz/uploads/2_3d6b47e32a.jpeg" alt="2.jpeg"><blockquote>«Еңбек еткен адам барлық нәрсеге қол жеткізеді. Еңбек етпей елге де өкпелеуге болмайды. Әрине қазір айтуға оңай, бірақ басында қиын болды. Дегенмен бұл қиындықтарды адал еңбек ету арқылы жеңіп шықтық. Ертеректе совхоздың малын бағып, сол жерден мал бағымын түсініп алдым. Сондықтан да қандай кәсіп бастасаңда ізденіс пен талпыныс керек. Қазір мал азығына жыл сайын 100 тонна жем мен 5 мың тонна пресс жоңышқа сатып аламын. Жем кенттегі «Элеватордан» келсе, жоңышқаны жергілікті шаруашылықтар жеткізіп береді. Сондай-ақ Қараөзектің бойында 5 мың гектар жайылымдық жеріміз де бар. Жаз жайлау сонда болса, бақташылар күріш алқаптары ашылғаннан көктемге дейін төрт-түлікті егіс алқаптарына жаяды. Мал азығынан мәселе жоқ. Ал жұмысшыларыма тоқталсам, шүкір қазір 10 ауыл тұрғынын, оның ішінде сауыншылары бар жұмыспен қамтып отырмын. Жалақылары уақытылы, 100 мың теңгеден кем емес», – дейді шаруа қожалық төрағасы Ерлан Жақсылықов.</blockquote>Бұған дейін мал басын көбейтуге ден қойған кәсіпкер енді төрт-түліктің басын асылдандыруға кіріскен. Осы мақсатта қазақтың ақбас асыл тұқымды бұқасынан 10 бас, «Әулиекөл» тұқымынан 2 бас бұқа алып келіпті.&nbsp;Төраға туған жерге тағызым етуді де әсте естен шығарған емес. Ауылдағы жағдайы төмен отбасыларға ет және сүт өнімдерін тегін үлестіруді әдетке айналдырған. Сонымен қатар былтыр Аққұм ауылындағы бір көшеге жарық жүргізіп беріпті. Төрағаның айтуынша келешекте туып-өскен ауылын көркейтуге ойда жүрген біраз жобалары да бар екен. Бір қынжылтатыны бүгінгі таңда жастардың арасында ата кәсіпке мойын бұратын жандарды табу қиындап баратын көрінеді. Ешкім мал баққысы келмейді. Сол себепті ауыл жастарын ауылда еңбек етуге, сол арқылы ел әлеуетін арттыру үшін күш жұмсауға шақырды.<blockquote>«Төрт-түліктің жай-күйін жақсы танимын. Бала кезден ауылда өскен соң болар мал бағу мен үшін таңсық іс емес. Ең бастысы, уақытылы жем-суын беріп, қоражайды тазалап отыру керек. Сонда ғана малдың күйі жақсы болады. Жұмысым өзіме ұнайды, айлығы да жақсы», – дейді шаруашылық малшысы Полатбек Бекмұратов.</blockquote>Еңбек еткен адамның қор болмайтыны белгілі. Ердің атын еңбек шығарады демекші, бүгінде Ерлан Жақсылықовты ауыл тұрғындарының бәрі құрметтейді. Өйткені ол өз адал еңбегі арқылы көпке үлгі десек болады.&nbsp; &nbsp;<figure class="image"><img src="https://knadmin.beoblood.kz/uploads/1_bab4ff2a17.jpeg" alt="1.jpeg"></figure>&nbsp;<figure class="image"><img src="https://knadmin.beoblood.kz/uploads/3_c538b92f1e.jpeg" alt="3.jpeg"></figure><figure class="image"><img src="https://knadmin.beoblood.kz/uploads/4_99480aba46.jpeg" alt="4.jpeg"></figure><figure class="image"><img src="https://knadmin.beoblood.kz/uploads/7_7e74518c33.jpeg" alt="7.jpeg"></figure>&nbsp;

Несібесін еңбектен тапқан кәсіпкер

<a href="https://kyzylorda-news.kz/">Kyzylorda-news.kz.</a> 12 қазанда Қазақстанның басым бөлігінде кең антициклонның әсерінен жауын-шашынсыз күн райы сақталады, деп хабарлайды Қазгидромет.&nbsp;
Қара теңіз аудандарынан келетін циклонның әсерінен еліміздің батысында жаңбыр жауады. Сондай-ақ батыста, оңтүстік-шығыс пен шығыста желдің күшеюі, шығыс және оңтүстік-шығыс аудандарының таулы аудандарында тұман күтіледі.&nbsp;

Сәрсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Нұрлыбек Нәлібаевтың төрағалығымен актив отырысы өтті. Жиында Сыр еліне арнайы келген ҚР Қаржы министрлігінің аппарат басшысы Абзал Бейсенбекұлы Қызылорда облысы бойынша Мемлекеттік кірістер департаментінің жаңа басшысы ретінде Аманов Ғани Мырзақабылұлын таныстырды.
Ғани Аманов 1979 жылы Қызылорда облысы, Қазалы ауданында дүниеге келген.
Алматы су шаруашылық техникумын есепші, Әл-Фараби атындағы Қазақ Мемлекеттік Ұлттық университетін құқықтану және Жансүгіров атындағы Жетісу мемлекеттік университетінің мемлекеттік және жергілікті басқару мамандықтары бойынша бітірген. Әл-Фараби атындағы Қазақ Ұлттық университетінің құқықтану магистрі.
Еңбек жолын 2003-2006 жылдары Алматы облысының Талдықорған қаласы бойынша Салық комитеті заң бөлімінің бас маманы, бөлім бастығы қызметтерінен бастаған.
2018 жылға дейін Алматы облысы, Астана және Алматы қалаларында Салық департаментінің басқарма бастығы жауапты қызметтерінде жұмыс жасаған.&nbsp;
2018-2021 жылдар аралығында «Астана ЭКСПО 2017» корпоративтік қорының Бас директоры, Bolashaq Investment компаниясының атқарушы директоры қызметтерін атқарған.
2021 жылдан қазіргі уақытқа дейін Қазақстан Республикасы Қаржы министрлігі Мемлекеттік кірістер комитеті Кадр және ішкі әкімшілендіру департаментінің директоры қызметін атқарып келді.
Бұған дейін Қызылорда облысы бойынша Мемлекеттік кірістер департаменті басшысы қызметін атқарған Орынов Ғалымжан Қалдыкөзұлы ротация тәртібімен республикамызда жаңадан құрылған Ұлытау облысына департамент басшысы лауазымына тағайындалды.
Басқосуда «Азаматтарға арналған үкімет» коммерциялық емес акционерлік қоғамы басқарма төрағасының бұйрығымен «Азаматтарға арналған үкімет» коммерциялық емес акционерлік қоғамы облыстық филиалы директоры лауазымына тағайындалған Абибуллаева Аида Ибрагимқызы таныстырылды.
Аида Абибуллаева еңбек жолын 1998 жылы Сот орындаушылар мен приставтар департаментінің сот орындаушысы ретінде бастаған.
2000-2004 жылдары ҚР Бас прокуратурасы Құқықтық статистика және арнайы есепке алу комитетінің Қызылорда облысы бойынша басқармасының прокуроры, аға прокуроры.
2004-2007 жылдары Қызылорда облысының Әділет департаментінің Жалағаш аудандық әділет басқармасының басшысы. 2007-2017 жылдары «Халыққа қызмет көрсету орталығы» Қызылорда облысы бойынша филиалының директоры, 2017 жылдан осы жылдың қыркүйек айына дейін «Қазпошта» АҚ облыстық филиалының директоры қызметін атқарып келді. Аида Ибрагимқызы жауапты қызметпен қатар халық аманатын арқалаған облыстық мәслихат депутаты. Бұған дейін мемлекеттік корпорацияның облыстық филиалының директоры қызметін атқарған Тобаева Айнұр Шорабекқызы биылғы жылдың қыркүйек айынан бастап орталық аппаратына басқарма төрағасының орынбасары басшылық лауазымына ауысқан.
Аймақ басшысы жаңа қызметке кіріскен сала басшыларына сәттілік тілеп, мемлекет мүддесіне қызмет етудің асқан жауапкершілік екенін еске салды.&nbsp;
<blockquote>«Әрбір азамат туған еліне адал еңбек етіп, перзенттік борышын өтеуді парыз санайды. Бұл ретте жерлесіміз Ғани Мырзақабылұлы жауапты қызметтің тізгінін ұстап, ел игілігі үшін қызмет етуге келді. Президент Қасым-Жомарт Кемелұлы Тоқаев салық түсімін өңірлердің өзіне бере бастағанын айтып, бұл жұмысты жалғастыру қажеттігіне ерекше тоқталды. Алдағы уақытта осы салада бірлесіп атқаратын жұмыстар жеткілікті. Департамент басшысы қызметіне тағайындалған Ғани Мырзақабылұлы аймақтың әлеуметтік-экономикалық дамуына аянбай қызмет етеді деген сеніміміз мол. Бүгінгі күнде «Азаматтарға арналған үкімет» коммерциялық емес акционерлік қоғамы облыстық филиалында 1000-ға жуық қызметкер жұмыс жасап, жеке және заңды тұлғаларға мемлекеттік қызметтерді «бір терезе» қағидаты бойынша көрсету, жылжымалы мүлік кепілін тіркеу, ғимараттар мен құрылыстарды техникалық тексеру, мемлекеттік жер кадастрын жүргізу, зейнетақы және әлеуметтік қамсыздандыру жұмыстарын жүзеге асырады. Аида Ибрагимқызы өзінің осы уақытқа дейін жинақтаған мол тәжірибесін пайдалана отырып облыстағы мемлекеттік қызмет көрсету сапасын жаңа деңгейге көтереді деп сенім артамыз. Сіздерді жаңа қызметтеріңізбен құттықтай отырып, алдағы атқарар жауапты жұмыстарыңызға сәттілік тілейміз, - деді Нұрлыбек Нәлібаев.</blockquote>
<figure class="image"><img src="https://knadmin.beoblood.kz/uploads/311141668_404829831838267_895840021701020435_n_348b52e2e4.jpg" alt="311141668_404829831838267_895840021701020435_n.jpg"></figure>
<figure class="image"><img src="https://knadmin.beoblood.kz/uploads/311194877_404829881838262_8276231160941642291_n_7c5849513c.jpg" alt="311194877_404829881838262_8276231160941642291_n.jpg"></figure>
<figure class="image"><img src="https://knadmin.beoblood.kz/uploads/311409555_404829925171591_6368387468644579282_n_29f60c72c7.jpg" alt="311409555_404829925171591_6368387468644579282_n.jpg"></figure>

Қызылорда: Актив отырысында сала басшылары таныстырылды

<a href="https://kyzylorda-news.kz/">Kyzylorda-news.kz.</a> Қызылорда облысында газдандыру бағытында ілкімді істер атқарылуда. Бүгінде Қызылорда, Арал, Байқоңыр қалалары және 17 ауылдық елді мекен газдандыру желісіне қосылған.&nbsp;
2022 жылы 14 газбен жабдықтау жобаларын жүзеге асыруға 5,8 млрд теңге бөлінген. Оның ішінде, 4,3 млрд теңгесі республикалық, 542 млн теңгесі облыстық бюджеттен бөлінсе, «Ауыл – ел бесігі» бағдарламасы аясында – 795,0 млн теңге, «Жұмыспен қамту жол картасы» бағдарламасы аясында 257,0 млн теңге қаралған.
Жыл басынан бергі 9 айдың қорытындысы бойынша Қазалы қаласы, Шиелі ауданының Алғабас, Ақмая елді мекендерін газдандыру мен Тереңөзек кентіндегі газдандырылмай қалған көшелерге газ құбырын тарту жобалары аяқталып, пайдалануға берілді. Биылғы жылдың ІІ жартыжылдығында Қармақшы ауданындағы Төретам кенті мен Ақай ауылын, Арал ауданындағы Сексеуіл кентін газдандыру және Шиелі ауданындағы Тартоғай елді мекенінде АГТС орнату жобалары жүзеге асырылуда.&nbsp;
Ал, Қызылорда қаласына қарасты Наурыз және Махамбет елді мекендерінде 2021 жылы басталған &nbsp;газдандыру жобасының құрылыс жұмыстары 2023 жылға өтпелі жобалардың қатарында.&nbsp;
Сонымен қатар, аймақ басшысының тапсырмасымен 2022-2025 жылдар аралығында 42 ауылдық елді мекенді газ құбырына қосу жұмыстарын жалғастыру жоспарлануда.
Айта кету керек, облыс әкімі Нұрлыбек Нәлібаев БАҚ-на берген сұхбатында аудан орталықтары толықтай газға қосылғанын және облыстың газдандыру деңгейін биылғы жылы 68%-ға дейін жеткізу жоспарланғанын айтқан болатын.
Шынында, аймаққа қарасты ауылдық елді мекендерін газдандыру халықтың әлеуметтік ахуалын жақсартумен қатар, облыс экономикасына қосымша серпін беретіні анық.
<img src="https://knadmin.beoblood.kz/uploads/d32333e1_ea39_4954_9575_34d90dd73d9e_0bda6ef902.jpg" alt="d32333e1-ea39-4954-9575-34d90dd73d9e.jpg">
<img src="https://knadmin.beoblood.kz/uploads/691bb227_f469_4db9_8b97_53367806d188_dc8f62fe9f.jpg" alt="691bb227-f469-4db9-8b97-53367806d188.jpg">
&nbsp;

Сыр елінде 2025 жылға дейін 42 ауыл көгілдер отынға қосылмақ

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Нұржан Ахатов алтын құрсақты аналарды марапаттады.Аудан әкімі Нұржан Ахатов әкімдікте көпбалалы аналарды қабылдап, «Алтын алқа» және «Күміс алқа» төсбелгілерін табыс етті.Қабылдау барысында киелі Шиелі жерінде тұрып жатқан 19 көпбалалы ана аталған марапатқа ие болды. Оның үшеуі - алтын алқа, он алтысы - күміс. Осылайша &nbsp;аналарды салтанатты түрде құттықтаған аудан басшысы аналарға ізгі ілтипатын білдіріп, ақжарма тілектерін арнады.Жиын барысында алтын құрсақты аналар да сөз алып, мемлекеттің жасап жатқан қамқорлығына зор алғыстарын білдіріп, жергілікті басшылықтың жұмысына сәттілік тіледі.<blockquote>«Мемлекет тарапынан көпбалалы аналарға көрсеткен құрметі мен аудан басшылығынан айтылған ізгі тілектер бізді қанаттандырып, қуантады. Әрбір ананың жүрегінде қуаныш сезімі орнап, жанарлары нұрланды. Елдің ертеңін ойлайтын, ұлтжанды, білімді ұрпақты дүниеге әкеліп, халық санын көбейтуге күш саламыз», - деді «Алтын алқа» иегері, көпбалалы ана.</blockquote>Айта кетейік, Шиелі ауданы бойынша 2478 батыр ана бар. Оның ішінде «Алтын алқа» иегерлері – 950 болса, «Күміс алқа» таққандардың саны – 1528. &nbsp;<figure class="image"><img src="https://knadmin.beoblood.kz/uploads/shieli1_27728d885e.jpg" alt="шиели1.jpg"></figure>

Шиелі ауданының әкімі алтын құрсақты аналарды марапаттады

<a href="https://kyzylorda-news.kz/">Kyzylorda-news.kz.</a> 11 қазанда Қазақстанның басым бөлігінде ауа райын ауқымды антициклон анықтайды. Онымен жауын шашынсыз күн райы қалыптасады, деп хабарлайды Қазгидромет.
Еліміздің тек батыс өңірлерінде жаңбыр мен найзағай болжанады. Барлық өңірде – екпінді жел, оңтүстік пен оңтүстік-батыста – шаңды дауыл, шығыста және оңтүстік-шығыстың таулы аймақтарында тұман күтіледі.&nbsp;

11 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Елімізде құқықтық тәртіпті орнату, сондай-ақ адамдардың қауіпсіз ортада қолайлы өмір сүруге жағдай жасау өзекті де маңызды мәселе болып табылады. Сондықтан да қоғамдық тәртіпті сақтау, қылмыстың алдын алу профилактикалық жұмысын күшейту керек. Саладағы осындай басым бағыттарға мемлекет басшысы Қасым-Жомарт Тоқаев Жолдауда ерекше тоқталған болатын.
Осы орайда мемлекеттiк органдарды, жеке және заңды тұлғаларды өңірдегі заңдылық пен құқық тәртiбiнiң жай-күйi туралы ақпараттандыру мақсатында брифинг өтті. Брифингте ҚР Бас прокуратурасының Құқықтық статистика және арнайы есепке алу жөніндегі Комитетінің Қызылорда облысы бойынша басқарманың азаматтық және әкімшілік салалардағы құқықтық ақпаратты қалыптастыру бөлімінің бастығы Тұрсынқожа Үсенов баяндама жасап, ағымдағы жылдың 9 айының қорытындысы бойынша облыстағы қылмыс ахуалы туралы ақпаратпен таныстырды.
Тұрсынқожа Үсеновтың айтуынша, 2022 жылдың 9 айымен облыс аумағында жалпы 2541 қылмыс тіркелген, бұл былтырғы жылдың 9 айымен салыстырғанда 12 пайызға &nbsp;төмендеген.
<blockquote>«Атап айтсақ, ауыр қылмыстар 10,8 пайызға, ауырлығы орташа қылмыстар 9,1 пайызға төмендесе, керсінше онша ауыр емес қылмыстар 4,8 пайызға өскен. Ал аса ауыр қылмыстар өз деңгейінде қалған. Жасалған қылмыстарды талдау барысында өткен жылмен салыстырғанда адам өлтіру 5,6 пайызға, қарақшылық 20 пайызға, тонау 24,4 пайызға, қорқытып алу 33,3пайызға,ұрлық 11,8 пайызға, мал ұрлығы 22,1 пайызға, алаяқтық 8,3 пайызға, интернет алаяқтығы 13 пайызға, бұзақылық 6,8 пайызға, зорлау 50 пайызға және есірткіге қатысты қылмыстар 2,9 пайызға төмендеген. Ал денсаулыққа ауыр зиян келтіру 3,7 пайызға өскен. Жалпы қылмыстың 33 пайызға немесе әрбір үшіншісін ұрлық қылмысы құрайды. Дегенмен, осы ұрлық қылмысының ішінде ұялы телефон ұрлау 199-тен 174-ке, пәтер ұрлығы 180-ден 88-ге төмендеген. Қоғамдық орында жасалған қылмыстардың саны 628-ден 598-ге дейін немесе 4,8 пайызға төмендеген. 1186 адам қылмыстық құқықбұзушылық жасаса, оның 975-ы яғни 82,2 пайызы жұмыссыздармен жасалған. Облыс көлемінде орын алған қылмыстардың 70,8 пайызы Қызылорда қаласында тіркелген. Екінші орында 5,5 пайызбен Шиелі ауданы, үшінші орында 5,1 пайызбен Арал ауданы ауданы тұр. Облыс бойынша қылмыс Қармақшы ауданында аз тіркелген, жалпы тіркелген қылмыстардың үлесіне шаққанда 3,3 пайызды құрап отыр. Тағы бір айта кететін жайт, Қылмыстың жай-күйін анықтаудың бір құралы Комитет әзірлеген «Қылмыстық құқықбұзушылықтар картасы» аналитикалық жүйесі болып табылады. Аталған карта келесі қағида бойынша жұмыс жасайды. Қылмыс жасалып, ол қылмыстық қудалау органдарында тіркеледі. Осы уақыттан бастап, қылмыс картада пайда болады, онда қылмыс жасалған күні, уақыты, мекен-жайы және қылмыстың түрі көрсетіледі. Бұл карта ғаламтор желісінде http://qamqor.gov.kz мекен-жайы бойынша кез-келген азаматқа қол жетімді», – дейді Тұрсынқожа Үсенов.</blockquote>
Сонымен қатар ҚР Бас прокуратурасының Құқықтық статистика және арнайы есепке алу жөніндегі Комитетінің Қызылорда облысы бойынша басқарманың қылмыстық саладағы құқықтық ақпаратты қалыптастыру бөлімінің бастығы Қанат Жалғасов та баяндама жасады.&nbsp;
Қанат Жалғасовтың айтуынша, Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің тапсырмасын орындау шеңберінде «е-Заң-Көмегі», «Е-сараптама», «Офлайн қосымша» жобалары іске қосылған. Сондай-ақ саланы цифрландыру мақсатында сот сараптамасының сотқа дейінгі тергеп-тексеру органдарымен өзара іс-қимыл процестерінің электрондық форматтағы Қызылорда облысы бойынша 1516 сараптама қортындысы енгізілген автоматтандырылған пилоттық жоба да жасалған. Сотқа дейінгі тергеу сатысында қылмыстық процесті жүргізетін органдардың адвокатты қорғаушы ретінде тағайындау, Заң көмегінің бірыңғай ақпараттық жүйесі арқылы мемлекет кепілдік берген заң көмегін есептеу және төлеу процестерін автоматтандыру мақсатында жұмыстар жүргізілуде.
Брифингте аталған салада облысымыздың құқық қоғау органдары тарапынан жүйелі түрде шешімін таппай келе жатқан құқықбұзушылықтар талданып, олардың алдын алуға қатысты бірқатар шешімдер қабылдануын қажет ететіндігі тұжырымдалып, басым бағыттар айқындалды. &nbsp;
<figure class="image"><img src="https://knadmin.beoblood.kz/uploads/Whats_App_Image_2022_10_10_at_16_04_15_dad9219180.jpeg" alt="WhatsApp Image 2022-10-10 at 16.04.15.jpeg"></figure>

Тұрсынқожа Үсенов: Аймақта 9 айда 2541 қылмыс тіркелген

<a href="https://kyzylorda-news.kz/">Kyzylorda-news.kz.</a> Қазалы ауданында өткен ауыл спортшыларының «Алтын күз – 2022» спартакиадасында 108 ұпай жинаған аудан құрамасы жеңімпаз атанды.
Қазалылықтар футбол, қол добы, тоғызқұмалақ, баскетболдан әйелдер командасы, үстел теннисінен жеңіс тұғырынан көрініп, 1 орын алды.&nbsp;
Ал, баскетболдан ерлер командасы, шахмат 2 орынға, бес асық, асық ату, қол күресі, волейболдан ерлер командасы 3 орынға қол жеткізді.
Қазалы ауданында ауыл спортшыларының «Алтын күз – 2022» спартакиадасы аяқталды. Спорттың 18 түрін қамтитын бұл бәсекеде аймақтың барлық аудандарының құрама командалары өнер көрсетті.&nbsp;
Бұқаралық спортты дамыту, ауылдық жерлерде салауатты өмір салтын қалыптастырып, спорттың маңызын арттыру мақсатында өткізілген спартакиадаға 1000-нан астам ауыл спортшылары қатысты.&nbsp;
Жарыс қорытындысына келетін болсақ, жалпы командалық есепте 108 ұпаймен Қазалы ауданының &nbsp;командасы – бірінші, 103 ұпаймен Жаңақорған ауданы – екінші, ал 101 ұпаймен Жалағаш ауданы үшінші орынға &nbsp;ие &nbsp;болды. Ал, 4 орынды Сырдария ауданы, 5 орын Қармақшы, 6 орын Шиелі, 7 орын Арал ауданының командалары иеленді.&nbsp;
Жеңімпаздар мен жүлдегер командаларды аудан әкімінің орынбасары Дәурен Тілеумбетов пен облыстық мәдениет және спорт басқармасының бұқаралық спорт бөлімінің басшысы Ғалым Сихымов құттықтап, марапаттарын табыстады.
Қазалы ауданының командасы футбол, қол добы, үстел теннисі, тоғызққмалақ, баскетболдан әйелдер командасы жеңіс тұғырынан көрініп, 1 орын алды. Ал, баскетболдан ерлер командасы, шахмат 2 орынға, бес асық, асық ату, қол күресі, волейболдан ерлер командасы 3 орынға қол жеткізді.
<figure class="image"><img src="https://knadmin.beoblood.kz/uploads/309433538_3478875272333395_3488149467711970459_n_ea1f34b299.jpg" alt="309433538_3478875272333395_3488149467711970459_n.jpg"></figure>

Қазалыда облыстық спартакиада жеңімпазы анықталды

<a href="https://kyzylorda-news.kz/">Kyzylorda-news.kz.</a> Дүйсенбі күні Қазақстанның басым бөлігіне ауқымды антициклон әсер етеді. Елдің басым бөлігінде жауын-шашынсыз ауа райы күтіледі, деп хабарлайды Қазгидромет.
Тек еліміздің шығыс аймактары циклон жырасының және соған байланысты атмосфералық фронттардың ықпалында болғандықтан, жауын-шашын (жаңбыр, қар) жауады.
Республика бойынша кей жерлерде желдің күшеюі, оңтүстікте, оңтүстік-батыста шаңды дауыл, батыста, солтүстікте және орталықта тұман күтіледі.

10 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Еліміздің солтүстік өңірлерінің ауа райына әлі де циклон жырасында болады. Атмосфералық фронтальды бөліктердің өтуімен жаңбыр жауады, деп хабарлайды Қазгидромет.
Еліміздің батыс жартысы антициклон жотасының ықпалында болып, жауын-шашынсыз ауа райы сақталады.
Республика бойынша кей жерлерде желдің күшеюі, оңтүстікте, оңтүстік-батыста шаңды дауыл, түнде батыста, солтүстік-батыста тұман күтіледі.

9 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда-Семей бағытындағы жолаушылар пойызында өрт шықты.
8 қазанда сағат 02.45-те полицияға Жамбыл облысындағы «Бурный-Сұрым» өткелінде Қызылорда-Семей бағытындағы жолаушылар пойызының &nbsp;электрқондырғысында өрт болғаны жөнінде хабарлама түсті. &nbsp;
Оқиға орнына көлік полициясының жедел-тергеу тобы келіп, дереу өртенген вагонның екі жағын ағытып, 34 жолаушыны қауіпсіз вагондарға шығарды.
<blockquote>«Пойыз бригадасымен бірлесіп, көлік полициясы патруль нарядының қызметкерлері Шамиль Керімбаев пен Ержан Майсупов жоғары кәсіби шеберлік көрсетіп, адам өміріне араша түсті», - делінген хабарламада.&nbsp;</blockquote>
Бірлескен іс-шараның нәтижесінде жолаушылар зардап шеккен жоқ.&nbsp;Бұл дерек бойынша тергеу басталды.
<figure class="media"><div data-oembed-url="https://www.youtube.com/watch?v=Pds695LGGnc&amp;t=6s"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/Pds695LGGnc?start=6" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қызылорда-Семей бағытындағы жолаушылар пойызында өрт шықты (ВИДЕО)

<a href="https://kyzylorda-news.kz/">Kyzylorda-news.kz.</a> Қызылордада қала күні аясында тұңғыш рет «Бала барысы» байрақты бәсекесі ұйымдастырылды. Облыс аумағынан 30 жасөспірім қатысқан жас балуандар додасына бірқатар компаниялар демеушілік жасады.
Бір айға созылған қала күні мерекесі салтанатты мәресіне жақындап келеді. Мереке ажарын келтірген «Жастар карнавалы», «Сырдың қырық қазаны» жобасы, «Кітап FEST» кітап фестивалі, «Неге маған жырламасқа, Сырда туған елімді» поэзия кеші, «Жастық шағымның куәсі - Қызылорда» ретро әндер фестивалі секілді түрлі-мәдени көпшілік шаралар легі бүгін «Балалар жылы» аясында кіші жасөспірімдер арасында ұлттық спортымызды насихаттау, балаларды салауатты өмір салтына баулу мақсатында шаһарда тұңғыш рет ұйымдастырылған «Бала барысы» байрақты бәсекесімен жалғасты. Облыс аумағынан 30 жасөспірім қатысқан жас балуандар додасына «Абай-Дәулет», «Ер-Ару», «Шаған құрылыс заттар» компаниялары демеушілік жасады.
Сонымен, бүгін «Евразия» спорт кешенінде ине шаншыр орын болмады. Бұл дегеніміз ауқымы, көкжиегі кең қазақ күресінің соңғы уақытта аса танымалдылыққа ие болуы деп ойлаймыз. Осы ретте, «Қазақстан барысы», «Әлем барысы» секілді дүбірлі додалар көптеген апайтөс алыптарды шыңдап, ұлттық спортымыз әлем жұртшылығының назарын аударғанын айта кеткен жөн.
Әрине, осындай ғажап күресі бар қазақтан әлем мойындаған күш атасы Қажымұқандай талай даңқты балуандардың шығуы заңдылық. 2011 жылы ұйымдастырылған алғашқы «Қазақстан барысы» турнирінде қызылордалық Ұлан Рысқұловтың топ жаруы Сыр елі жыр елі ғана емес, қасқыр жүректі балуандар туғызған қастерлі топырақ екенінің айқын дәлелі. Ұланның жеңісті жолын жалғаған Еламан Ерғалиев, Нұрым Сәлімгереев, Мақсат Исағабыловтар бүгінде үлкен ареналарда ел намысын абыроймен қорғап жүр.
Жоғарыда айтылған сайыпқыран ерлердің лайықты ізбасарлары қатысқан «Бала барысы» турнирін Қызылорда қаласының әкімі Асылбек Шәменов ашып беріп, балуандарға сәттілік тіледі.&nbsp;
<blockquote>«Сіздерге қарап тұрып қазақ күресінің келешегі кемел, болашағы жарқын боларына сенемін. Алдағы уақытта «Бала барысы» турнирінің дәстүрлі сипат алуына жүйелі жұмыстар жасалып, бұл байрақты бәсекеде айрықша күш-жігерімен танылған темір қанат жас түлектер көптеген дүбірлі додаларда Алашқа олжа салады деп ойлаймын», – деді қала әкімі.</blockquote>
Иығына қасқыр терісін ілген жас балуандар боз кілемге спорт кешенінің ішіне бір-біріне қарама-қарсы тігілген қос киіз үйден шығып, өз қарсыластарын «соқыр» жеребе арқылы анықтады.
Қалалық ашық біріншіліктің баса назар аударатын бір ерекшелігі, балуандардың әрбір қимылы жоғары технологиялы VAR жүйесі арқылы бақыланып, ютуб арнасында тікелей эфир жүргізілді.
Тартысты бәсекені ҚР Жазушылар Одағының мүшесі, талантты ақын Ақжол Түменбай жүргізіп, рухты сөздерімен балуандарға дем беріп отырды. Әр белдесуі жан алып, жан беріскен айқаспен өткен турнирдің ақтық сыны тіпті айта жүрерліктей болғанын жанкүйерлердің қызу қолдауынан сезілді. Жаңақорғандық Дінмұхамед пен қармақшылық Әлиханның белдесуінде спорт кешенінің іші «Әлем барысы» турнирінің финалы өтіп жатқандай әсерде қалдырды.
Осылайша, Сыр спортының болашақ дүлдүлдері бүгінгі сында аянып қалмады. Жарыстың нәтижесінде «Жанқылыш» лақап атымен қатысқан қармақшылық Бақытжан Архар «Көрермен көзайымы» атанса, ІІІ орын 50 мың теңге және «Қола белбеу» «Ақұдай» лақап атын иеленген Қызылорда қаласынан Исламбек Баймулдаевқа бұйырды. Жартылай жеңіс ұпайымен алда тұрып, соңғы секундтарда қарсыласына есе жіберген «Жаңақорған барысы» Дінмұхамед Ержанов ІІ орын 100 мың теңге мен «Күміс белбеуді» қанағат тұтса, І орын 150 мың теңге және «Алтын белбеуді» қармақшылық «Семетей» Әлихан Әлиасқаров жеңіп алып, арнайы жасалған ауыспалы «Тайтұяқты» қанжығасына байлады.
Қала әкімдігінің ұйымдастыруымен Ұлттық спортымызды насихаттап, жас балуандарға жігер беріп, теледидардан ғана көретін ғажап аураны сезіндірген байрақты бәсеке жыл сайын өткізілетін дәстүрлі додаға айналмақ.
<img src="https://knadmin.beoblood.kz/uploads/sport1_db0792ac0a.jpg" alt="спорт1.jpg"><img src="https://knadmin.beoblood.kz/uploads/kures1_65cc4ae9ee.jpg" alt="курес1.jpg"><img src="https://knadmin.beoblood.kz/uploads/sport_c68945df76.jpg" alt="спорт.jpg">

Қазақстан және Қызылорда облысының басты жаңалықтары