<a href="https://kyzylorda-news.kz/">Kyzylorda-news.kz.</a>&nbsp; Қазгидромет синоптиктері 5 мамыр, жұмаға арналған ауа райы болжамын ұсынды.Ауқымды антициклон әсерінен Қазақстан аумағының басым бөлігінде жауын-шашынсыз ауа райы сақталады.Алайда Оңтүстік циклон және оған байланысты фронттардың жүріп өтуімен елдің оңтүстік-батысында жаңбыр жауады, найзағай жарқылдайды.Кей уақытта қатты жаңбыр жауады, еліміздің оңтүстік-шығысы пен шығысында жауын-шашын (жаңбыр, қар) жауады.Республика бойынша жел күшейеді, шаңды дауыл соғады, оңтүстік-батыста тұман түседі.Түнде Алматы, Жетісу облысында, Ұлытау облысының шығысында, Жамбыл облысының таулы аудандарында, Ақтөбе облысының солтүстігінде, Қостанай облысының оңтүстік-шығысында 1-6 градусқа дейін үсік сақталады.Түркістан облысының солтүстігінде, батысында және таулы желдің күші 15-20, екпіні 23-28 м/с жетеді, таулы аудандарында жел қарқыны 30 м/с асады.

Жұмаға арналған ауа райы болжамы

Kyzylorda-news.kz. Бүгін облыс әкімі Нұрлыбек Нәлібаевтың төрағалығымен келер жылдың бюджетін қалыптастыру мәселелері бойынша мәжіліс өтті.Аймақ басшысы бюджет заңнамасына сәйкес биылғы 15 мамырға дейін бюджеттік бағдарлама әкімшілері салалық министрліктерімен жұмыс жасауы тиіс екенін айтты. Бағдарлама әкімшілері 2024 жылдың бюджетін қалыптастыру үшін бюджеттік өтінімдерді &nbsp;енгізу керек.<blockquote>«Биылғы бюджет өткен жылмен салыстырғанда &nbsp;360 млрд. теңгеден 593 млрд. теңгеге артты. Бұл - орталық мемлекеттік органдармен жасалған жұмыстардың нәтижесі. Алайда, әр сала бойынша алдын-ала талдау көрсеткендей, келесі жылғы бюджетті қалыптастырудағы жұмыстар толыққанды емес. Алдағы жылдың бюджетінде осы жылмен салыстырғанда өсу қарқынын қалыптастыру қажет», - деп ескертті Нұрлыбек Машбекұлы.</blockquote>Жиында облыстық басқарма басшылары өз салалары бойынша жүргізілген жұмыстарды баяндап, алдағы уақытқа қойылған міндеттеріне тоқталды.Жиын қорытындысымен облыс әкімі 2024 жылдың бюджетін осы жылдың бекітілген бюджетінен кемінде 10-20 пайызға арттыруды тапсырды. Уақыт тығыз болғандықтан, 2024 жылға бюджетті қалыптастыру жұмыстары осы жылдың 5 маусымына дейін аяқталуы керек. Аймақ басшысы аталған мәселе қатаң бақылауға алынатынын ескертті.<img src="https://knadmin.beoblood.kz/uploads/IMG_20230504_WA_0002_ce09b456cd.jpg" alt="IMG-20230504-WA0002.jpg"><img src="https://knadmin.beoblood.kz/uploads/IMG_20230504_WA_0005_09a8ad36d1.jpg" alt="IMG-20230504-WA0005.jpg"><img src="https://knadmin.beoblood.kz/uploads/IMG_20230504_WA_0004_06b5a2c9c2.jpg" alt="IMG-20230504-WA0004.jpg">

Қызылорда: Алдағы жылдың бюджетіне қатысты мәселелер талқыланды

<a href="https://kyzylorda-news.kz/">Kyzylorda-news.kz.</a> 1 мамыр – Қазақстан халқының бірлігі күні мерекесі және Жеңіс күні қарсаңында қазақстандықтардың қатысуымен «Еркін елдің ұрпағы» атты жалпыұлттық патриоттық диктант өтті.Диктант Қызылордада Достық үйінде үстіміздегі жылдың 4 мамырында сағат 10:00-де басталды.Аталған шараға 30-дан астам этномәдени бірлестіктердің, Қызылорда облыстық қоғамдық даму басқармасының «Қоғамдық келісім» КММ-нің қызметкерлері қатысты. &nbsp;Жалпыұлттық диктант этносаралық қатынас тілі ретінде мемлекеттік тілдің қолданылу аясын кеңейту арқылы қазақстандық бірегейлікті қалыптастыру, қоғамдық келісім мен ел бірлігін нығайту мақсатын көздейді. Айта кету керек, комиссия құрамында облыстық тілдерді оқыту орталығының мамандары болып, қатысушылардың сауаттылығын бағалады.Мемлекет басшысы Қасым-Жомарт Тоқаев «Болашағын Отанымызбен байланыстыратын әрбір азамат қазақ тілін үйренуге ден қоюға тиіс» деген болатын. Бүгінгі өткен диктанттың міндеті де осы. Қазақстан халқын топтастырушы фактор ретінде мемлекеттік тілдің рөлін нығайту.Сыр жастары жалпұлттық патриоттық диктантқа белсенді қатыстыСынымен қатар Мемлекет басшысының тапсырмасымен мамыр айының атаулы мерекелері қарсаңында өткен «Еркін ел ұрпағы» тақырыбындағы жалпыұлттық патриоттық диктант жазуда Сыр жастары да белсенділік танытты.Ұлттық бірегейлікті қалыптастырып, еліміздің тәуелсіздігі мен егемендігін дәріптеу, ұлттық салт-сананы бойына сіңірген патриоттық рухтағы ұрпақ тәрбиелеу – бүгінгі шараның басты мақсаты. Қазақстандықтардың мемлекеттік тілді білу деңгейлерін анықтап, сауатты жазу дағдыларын қалыптастыру, диктант мәтіні арқылы ұлттық құндылықтарға тәрбиелеуге үндейтін шарада қатысушылар өз білім деңгейлерін және қаншалықты сауатты жазатындықтарын тексеруге мүмкіндік алмақ.&nbsp;Аталмыш шараға барша Сыр жастары да асқан қызығушылықпен қатысуда. Тіл тазалығы мен қазақы құндылықтар ерекше сақталған аймақта жастардың мұндай бастамасы көпке үлгі болары анық. Себебі сол арқылы мемлекеттік тілдің қолданылу аясы кеңейіп, оның қоғамдық маңызы арта түспек.Диктант мәтіні – 141 сөзден тұрады. Диктантқа онлайн, офлайн қатысуға мүмкіндік бар. Қатысушылардың жасына шектеу қойылмаған.Қызылордалық тәртіп сақшылары да диктант жазды«Еркін ел ұрпағы» тақырыбында өткен шараға Қызылорда облысы полиция департаментінің қызметкерлері де атсалысты.Мамыр мерекелері мен Жеңіс күні қарсаңында өткізілген жалпыұлттық патриоттық диктант Ақпарат және қоғамдық даму, Оқу-ағарту, Ғылым және жоғары білім министрліктері мен жергілікті атқарушы органдармен ұйымдастырылды.Жалпы, бұл патриоттық сарындағы шараның мақсаты ел егемендігі мен Тәуелсіздігін дәріптеу, ұлттық құндылықтар мен ұлттық мұраттарды бойына сіңірген патриоттық рухтағы ұрпақ тәрбиелеу. Сонымен қатар қатысушылардың мемлекеттік тілде сауатты жазу дағдыларын қалыптастыру және осы диктант мәтіні арқылы ұлттық құндылықтарға тәрбиелеу болып табылады.Қызылорда облысы полиция депаратментінің 30-ға жуық қызметкерлері диктант жазуға қатысты. Жалпыұлттық диктант еліміз бойынша белгіленген бір уақытта жүргізілді.Диктант жұмысы бағаланбайды және қатысушылардың саны мен жазу сауаттылығының жалпы пайызы шығарылатын болады.Аталған шараға Қызылорда облыстық қоғамдық даму басқармасының қызметкерлері де атсалысып, диктант жұмысына қатысты.&nbsp;Шараға қатысушыларды басқармасының басшысы Алмасбек Есмаханов алда келе жатқан мамыр мерекелерімен құттықтап, диктант жұмысына сәттілік тіледі.<img src="https://knadmin.beoblood.kz/uploads/Whats_App_Image_2023_05_04_at_17_31_45_fb56e30d8f.jpeg" alt="WhatsApp Image 2023-05-04 at 17.31.45.jpeg"><img src="https://knadmin.beoblood.kz/uploads/344769380_2183616305172630_2216876671194274574_n_4ac964cbcb.jpg" alt="344769380_2183616305172630_2216876671194274574_n.jpg">

Қызылордалықтар жалпыұлттық патриоттық диктант жазды

<a href="https://kyzylorda-news.kz/">Kyzylorda-news.kz.</a>&nbsp;Бейсенбіде елімізде шаңды дауыл, қатқақ, найзағай болады, деп хабарлайды Қазгидромет.Атмосфералық фронттардың әсерінен республиканың батысында нөсер жаңбыр, кей уақытта найзағай мен бұршақ жауады.Оңтүстік-шығыс пен шығыста жаңбыр мен қар түсуі ықтимал.Республика бойынша жел күшейеді, оңтүстікте, оңтүстік-шығыста, батыста - шаңды дауыл, солтүстік-батыста тұман түседі.

4 мамырға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Қызылорда олысыеың әкімі Нұрлыбек Нәлібаев кезектілік тәртібімен жазылған азаматтарды қабылдады. Жеке қабылдауға 12 адам келді, оның ішінде бiреуi өтiнiшiн онлайн-байланыс арқылы жеткізді.Қабылдауға келген тұрғындардың басым бөлігі тұрғын үй алу, жұмысқа орналасу және тұрғылықты мекен-жайына қажетті инфрақұрылым жүргізуге көмек сұрады.Облыс әкімі Нұрлыбек Нәлібаев қабылдауға келген азаматтардың мәселелері жан-жақты зерттеліп, шешімі заң талаптарына сәйкес қарастырылатынын жеткізді. Кейбір мәселелер бойынша жауапты тұлғалар заң аясында түсіндірме беріп, шешу жолдарын ұсынды.Мәселен, Тасбөгет кентіндегі С.Сейфуллин көшесін асфальттауды сұраған 81 жастағы зейнеткерге бұл көшенің алдағы уақытта орташа жөндеуден өтетіні айтылды. Жол жөндеу жұмыстары жақын арада басталмақ.Сондай-ақ, 58 жастағы қала тұрғыны өзі тұратын жатақханаға газ кіргізуге көмек сұрады. Аймақ басшысы 2 апта ішінде үйдің жағдайын тексеріп, газ құбырын жүргізу мүмкіндігін қарастыруды тапсырды.Айта кетейік, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<figure class="image"><img src="https://knadmin.beoblood.kz/uploads/344913210_724069139467517_3188896413264494548_n_59d3b8609d.jpg" alt="344913210_724069139467517_3188896413264494548_n.jpg"></figure>&nbsp;<figure class="image"><img src="https://knadmin.beoblood.kz/uploads/344749108_552110540449929_3743770536587105877_n_daecc791c9.jpg" alt="344749108_552110540449929_3743770536587105877_n.jpg"></figure>

Облыс әкімі тұрғындарды жеке мәселелерімен қабылдады

&nbsp;<a href="https://kyzylorda-news.kz/">Kyzylorda-news.kz.</a> Биыл Ұлы Отан соғысына – 78 жыл. Осыған орай, Сыр өңірінен шыққан Ұлы Отан соғысының 6 ардагеріне мемлекет тарапынан 1,5 млн.теңге көлемінде бірретік жәрдемақы берілмек. Бұған қоса, тылда еңбек еткен екі мыңнан аса азамат пен оларға теңестірілген жандарға 138 мың теңге көлемінде қаржы төленеді. Бұл туралы Өңірлік коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев хабарлады.<blockquote>-Жыл сайын Ұлы Отан соғысы ардагерлеріне барынша әлеуметтік қолдау шаралары жүргізілуде. Биыл да бұл үрдістен жаңылмай өңірімізден шыққан батыр ардагерлерімізді құрметтеу шаралары ұйымдастырылады. Қазіргі таңда аймағымызда 6 Ұлы Отан соғысының ардагері мен оларға теңестірілген 4 177 азамат бар. Оларға мемлекет тарапынан ай сайын орта есеппен 178 мың теңге зейнетақы және 55 200 теңге арнаулы мемлекеттік жәрдемақы төленуде. Ал соғыс жылдарында қажырлы еңбегі мен мінсіз әскери қызметі үшін бұрынғы Кеңестік Социалистік Республикалар Одағы ордендерімен және медальдарымен марапатталған 10 ардагерге 207 мың теңге көлемінде қаржылай жәрдемақы беріледі. Сонымен қатар мамыр айының 6-10 аралығында ардагерлерге арналған қайырымдылық акциясын ұйымдастыратын боламыз, - деді басқарма басшысы Ғабит Жаңабаев.</blockquote>Айта кетейік, 5 мамыр күні Н.Бекежанов атындағы Қызылорда облыстық қазақ академиялық музыкалық драма театрында Ұлы Жеңістің - 78 жылдығына арналған салтанатты шара өтеді. Ал 9 мамыр күні қаладағы «Мәңгілік алау» мемориялына салтанатты түрде гүл шоқтарын қою рәсімі өткізіледі.

Ұлы Отан соғысының ардагерлеріне бірретік жәрдемақы беріледі

<a href="https://kyzylorda-news.kz/">Kyzylorda-news.kz.</a>&nbsp; Бұл тұралы Үкімет отырысында ҚР Индустрия және инфрақұрылымдық даму министрі Марат Қарабаев баяндады.ҚР Премьер-Министрі Әлихан Смайыловтың төрағалығымен өткен жиында қалалар мен ауылдық елді мекендерді сумен жабдықтау, орта мерзімді кезеңге арналған азық-түлік қауіпсіздігін қамтамасыз ету жоспарын іске асыру мәселелері қаралды.Ведомство басшысының айтуынша, қалалық елді мекендерді сумен қамту бойынша Қызылорда облысы 100% көрсеткішке қол жеткізген. Үздіктер қатарында Солтүстік Қазақстан, Маңғыстау, Атырау, Жетісу, Батыс Қазақстан, Ұлытау, Ақтөбе және Алматы облыстары бар. Сонымен қатар Қызылорда облысы ауылдық елді мекендерді ауыз сумен қамту бойынша 98,1% көрсеткішпен аймақтар арасында 5-ші орынға тұрақтаған.Үкімет отырысынан соң облыс әкімі Нұрлыбек Нәлібаев Премьер-Министр берген тапсырмаларды пысықтау мақсатында жиын өткізді. Аймақ басшысы Үкімет 2025 жылдың соңына дейін елді мекендерді 100 пайыз ауызсумен қамтамасыз ету міндетін қойғанын айтып, ауызсу жеткізілмеген ауылдарда тиісті жұмысты тез арада бастауды тапсырды.<blockquote>«Бүгінгі күні облыстағы 230 ауылдық елді мекеннің 198-і немесе тұрғындардың 98,1 пайызы орталықтандырылған су жүйесіне қосылған. Дегенмен, Арал, Қазалы, Қармақшы және Шиелі аудандарында барлығы 32 ауылдық елді мекенде ішкі су құбыры салынбаған. Бұл ауылдар тасымал арқылы немесе тікелей скважинадан ауызсу пайдалануда. Біз белгіленген уақыт – 2025 жылды күтпеуіміз керек. Ішкі су жүйелерін салу жоспарланған барлық елді мекендердің жобалау құжаттарын биыл аяқтау қажет», – деді Нұрлыбек Машбекұлы.</blockquote>Күн тәртібіндегі екінші мәселе – Қазақстан Республикасының азық-түлік қауіпсіздігін қамтамасыз етудің 2022 – 2024 жылдарға арналған жоспарының Сыр өңірінде іске асырылу барысы. Облыс әкімі аймақтың өнім өңдіру әлеуеті жоғары екенін, егін шаруашылығын әртараптандаруға бетбұрыс жасау қажеттігін атап өтті. Осыған орай, Қызылорда қаласы және аудан әкімдеріне көктемгі егін егу кезеңінде майлы, көкөніс, бақша, жем-шөп дақылдарының алқаптарын ұлғайту тапсырылды. Әртараптандыру арқылы азық-түлік түрлері мен өндірісін кеңейтіп, жергілікті ауыл шаруашылығы тауарөндірушілеріне «Байқоңыр» ӘКК» АҚ-мен бірлесіп, қаржылық заем беру керек. Сонымен қатар тиісті басшыларға көкөніс өнімдерін өндіріп, тұрақтандыру қорына өткізу жұмыстарын ұйымдастыру жүктелді.Мұнан бөлек, облыс диқандары өндірген өнімдерді сақтайтын қоймалардың қуаттылығын ұлғайту үшін оларды әр ауданда қажеттілікке қарай салу керек. Жиында ауыл шаруашылығы кешеніндегі инвестициялық салымдардың көлемін ұлғайту мақсатында азық-түлік өндірісіне инвесторлар тарту шараларын қабылдау міндеттелді. Сонымен қатар, облыстық кәсіпкерлік және өнеркәсіп басқармасына Қызылорда қаласындағы ет комбинаты, Жаңақорған мен Қармақшы аудандарындағы құс фабрикасы құрылыстарын 2023 жылдың соңына дейін аяқтау жөнінде тапсырма берілді.

Қызылорда облысы сумен қамту көрсеткіші бойынша республикада алдыңғы қатарда

<a href="https://kyzylorda-news.kz/">Kyzylorda-news.kz.</a> Қазақстанның 14 облысында ескерту жарияланды, деп хабарлайды Қазгидромет.Қызылорда қаласында күндіз 2 мамырда шаңды дауыл күтіледі. Жел солтүстік-шығыстан соғады, күндіз күші 15-20 м/с болады.

2 мамырға арналған ауа райы болжамы

Kyzylorda-news.kz. Бүгін Қызылорда қаласындағы «Сыр-Ана» монументі алаңында 1 мамыр – Қазақстан халқының бірлігі күніне орай мерекелік іс-шара ұйымдастырылды.Көпшілік жиналған алаңда қазақ халқының, басқа да ұлттардың дәстүрлі қолөнер бұйымдары мен ұлттық тағамдар көрмесі ашылды. Гүлдер фестивалі Мамыр мерекесінің сәнін келтіріп, жұртшылыққа ерекше көңіл-күй сыйлады.Облыс әкімі Нұрлыбек Нәлібаев аймақ тұрғындарын бейбітшіліктің, келісімнің мерейлі мейрамымен құттықтады.<blockquote>«Ұлы мақсаттарды ұлықтаған, достыққа құшағын айқара ашқан Қазақстан халқы Президентіміз Қасым-Жомарт Кемелұлы Тоқаевқа сенім артып, дамудың жаңа көшін бастады. Мемлекет басшысы Қазақстан халқы Ассамблеясының «Әділетті Қазақстан: бірлік, тұрақтылық, даму» атты ХХХІІ сессиясында «Халқымыз бірлік пен тыныштықтың қадірін біледі. Бұл – небір қиын-қыстау заманды өткерген, қазақ жерінен пана тапқан барша этностар үшін де қымбат құндылықтар. Осы құндылықтарды бағалай білгеннің арқасында жұртымыз бейбіт өмір сүріп жатыр. Бұл – теңдессіз жетістік!», - деп елдегі тұрақтылық пен келісімнің негіздерін атады.Бүгінде елімізде 130-дан астам, облысымызда 35 ұлт пен ұлыс өкілдері тату-тәтті өмір сүруде. Олар Әділетті Қазақстанның қалыптасып, өсіп-өркендеуі, бәсекеге қабілетті болуы жолында аянбай еңбек етуде. Айналамызда болып жатқан жағдайларға зерделей қарасақ, бейбітшілік пен тыныштықтың қадірі арта түсері анық. Сондықтан біз бірлігімізді болаттай берік етіп сақтауымыз қажет», - деді аймақ басшысы.</blockquote>Мерекелік шараның концерттік бағдарламасында Сыр еліндегі барлық ұлт өкілдері өнер көрсетті. Әсем ән мен әсерлі би арқылы жиналған көпшілікке мерекелік көңіл-күй сыйлады. Әсіресе патриоттық әндер бірлік пен татулық ұғымын ұлықтап, мән-мағынасын айшықтай түсті.<img src="https://knadmin.beoblood.kz/uploads/IMG_20230501_WA_0004_8d5cbd8dda.jpg" alt="IMG-20230501-WA0004.jpg"><img src="https://knadmin.beoblood.kz/uploads/IMG_20230501_WA_0003_fee33fdfd1.jpg" alt="IMG-20230501-WA0003.jpg"><img src="https://knadmin.beoblood.kz/uploads/IMG_20230501_WA_0006_a364e4ca32.jpg" alt="IMG-20230501-WA0006.jpg"><img src="https://knadmin.beoblood.kz/uploads/IMG_20230501_WA_0007_45d8abc151.jpg" alt="IMG-20230501-WA0007.jpg"><img src="https://knadmin.beoblood.kz/uploads/IMG_20230501_WA_0005_79e7f4f69c.jpg" alt="IMG-20230501-WA0005.jpg"><img src="https://knadmin.beoblood.kz/uploads/IMG_20230501_WA_0009_872354eefb.jpg" alt="IMG-20230501-WA0009.jpg"><img src="https://knadmin.beoblood.kz/uploads/IMG_20230501_WA_0008_a7c0066265.jpg" alt="IMG-20230501-WA0008.jpg"><img src="https://knadmin.beoblood.kz/uploads/IMG_20230501_WA_0010_da571ad90b.jpg" alt="IMG-20230501-WA0010.jpg">

Қызылордалықтар Қазақстан халқының бірлігі мерекесін атап өтті

<a href="https://kyzylorda-news.kz/">Kyzylorda-news.kz.</a>&nbsp;Қазақстан ондаған жылдар бойы көптеген ұлттар мен ұлыстардың Отаны болып келеді. Бүгінде түрлі ұлт өкілдері Қазақстанды өз жерім деп біліп, қазақ халқын туғанындай көреді. Осыған орай, қазақстандықтардың басын біріктіретін бірден-бір мереке – 1 мамыр – Қазақстан халықтары бірлігі күні деп атап өтіледі.Қазақстан халқы бірлігі күні Қазақстанда қалай атап өтіледі&nbsp;Қазақстандықтар жыл сайын 1 мамыр - Қазақстан халқының бірлігі күнін атап өтеді. Бұл мереке 1995 жылдың 18 қазанында белгіленіп, мейрам 1996 жылдан бастап кеңінен тойланып келеді. "Мерекелер туралы" ҚР Заңында ол мемлекеттік мәртебеге ие, сол себепті бұл күн елде ресми түрде демалыс күні деп бекітілген. Биыл 1 мамыр жексенбімен тұспа-тұс келгендіктен, заңға сәйкес (5-бап) келесі дүйсенбі күні, яғни 2 мамыр қазақстандықтар үшін демалыс күні деп жарияланды.&nbsp;Жалпы елімізде бұл мерекенің пайда болуына ел халқының ұлттық құрамының ерекшеліктері мен өзгерістері бірден-бір себеп болды. ХХ ғасырға дейін республика көлемінде титулды ұлт – қазақтар басым болса, соңғы он жылдықта ел аумағына түрлі себептермен өзге ұлт өкілдері келіп қоныстанып, тұрақтап қалды. Төменде басқа ұлттардың Қазақстанға көшуінің басты себептерін ұсынбақпыз:&nbsp;ХХ ғасырдың басында қазақтың бос жатқан жерлеріне Орталық Ресей губерниялары шаруаларының қоныс аударуы.&nbsp;КСРО-дағы ұжымдастыру саясаты және 1930 жылдардағы ашаршылық қазақ халықтың санын едәуір азайтты.&nbsp;Содан бастап жылдар бойы Қазақстан аумағына өзге мемлекеттерден миллиондаған азаматтар қоныс аударды: поляктар, украиндықтар, литвалықтар, Поволжье немістері, Кавказ халықтары және т.б. ұлт өкілдері.&nbsp;1950 жылдары бүкіл КСРО-дан қоныс аударушылардың тағы бір толқыны тың игеру үшін қазақ еліне табан тіреді.&nbsp;Нәтижесінде Қазақстандағы қазақтардың саны біршама азайды (кей жылдары олардың пайыздық үлесі тіпті 30%-дан аспады). Жағдай тек КСРО ыдырағаннан кейін ғана өзгерді. Одақтас республикалардың бөлінуі және өздерін егемен ел деп жариялауы нәтижесінде, елден көптеген еуропа ұлттары үдере көше бастады. Десе де жылдар өте келе елде бала туу көрсеткіші артып, жергілікті тұрғындар саны өсті. Бүгінгі таңда қазақ халқы ҚР-дағы негізгі этникалық топты құрап отыр.&nbsp;КСРО ыдыраған жылдары, кейін де Қазақстаннан көшіп кеткен ұлт пен ұлыстар саны көп болса да, олардың кейбірі Қазақстанды өз Отаны деп қабылдап, күні бүгінге дейін елде тұрақтап қалды. Міне осы ұлт пен ұлыстардың бірлігі мен олардың мызғымас ынтымағын айғақтайтын бірден-бір мереке – Қазақстан халықтарының бірлігі күні болып отыр. Елімізде бұл мереке – патриотизм мен адалдық мейрамы ретінде қабылданады. Елімізде тұратын басқа этностардың барлық топтары өздерінің ұлттық дәстүрлерін, мәдениетін, өзіндік ерекшелігін сақтауға мүмкіндік алды, бұл әрбір халықтың дамуы үшін негіз қалаушы болды.&nbsp;Қоныс аударушылардың өздері үшін үйге айналған Қазақстанға деген алғысы жаңа Отанға деген адалдық пен махаббатқа әкелді. Қазақстан халқының бірлігі күні бұл қарым-қатынасты білдіреді, барлық этностардың одан әрі бірігуіне, достық пен келісімде бірге өмір сүруіне қызмет етеді. Ұлттық мәселені дұрыс шешу ауыр ұлтаралық қақтығыстарды болдырмауға көмектесті, елімізде сындарлы этносаралық қатынастар қалыптасты. Республика аумағында тұратын барлық өзге ұлттар өз салт-дәстүрлері мен мәдениетін, тұрмыс-салтын сақтап қалуға мүмкіндік алды. Сол себепті еліміздегі көптеген басқа ұлттар мен ұлыстар қазақ халқына тек алғысын айтады.Қазақстан халқы бірлігі күні - еліміздегі барлық ұлттардың ынтымағы мен бірлігін нығайтатын, достастық қарым-қатынасты нығайтатын айтулы мереке болып қала бермек. Бұл ретте ұлтаралық татулықты сақтаудағы ел саясатының рөлі де басым болды. Оған дәлел, бүгінгі күнге дейін Қазақстанда ұлтаралық қақтығыстардың болмауы, керісінше олардың арасындағы конструктивті этникааралық қарым-қатынастың дамуы болып отыр.&nbsp;Мерекенің ерекшеліктері және оны атап өтуге қатысты салт-дәстүрлер&nbsp;Кеңес заманында 1 мамыр жұмысшылардың өз құқықтары үшін күресін дәріптеу мақсатында, жұмысшылардың халықаралық ынтымақтастық күні ретінде аталып өтті және бұл күні барлық жұмысшыларға құрмет көрсетілді. 1 мамыр неліктен Бірлік күні деп аталады? Тәуелсіз Қазақстанда еңбекшілердің ынтымақтастығы мерекесі жаңа сипатқа ие болды. Ол елдің тарихи ерекшелігін — оның көпұлтты құрамын көрсететін, бейбіт елде ұлттар мен ұлыстар татулық пен бірлікте өмір сүре әрі дами алатындығын насихаттайтын айтулы күнге айнала білді.&nbsp;1995 жылы ҚР ел президенті басшылық ететін, әлемнің басқа бірде бір елінде кездеспейтін, Қазақстан халқы Ассамблеясы сынды теңдессіз ұйым құрылды. Ол жалпықазақстандық бірлік моделін қалыптастыруда маңызды рөл атқарады және ұлттық мәселеде мемлекеттік саясатты іске асыра отырып, қоғамда тұрақтылықты қамтамасыз етеді.&nbsp;Қазақстан халқы Ассамблеясы этносаралық қатынастар саласындағы барлық құрылымдардың жұмысын, оның ішінде еліміздің барлық өңірлеріндегі көптеген этномәдени бірлестіктерді дамыту жұмысын үйлестіреді. Мұндай мәдени орталықтар еліміздің барлық қалалары мен елдімекендеріндегі Қазақстан халқының бірлігі күніне орай өтетін салтанатты іс-шаралардың басты ұйымдастырушылары болып табылады.&nbsp;Қазақстанда 1 мамырды қалай атап өтеді?&nbsp;Мерекеге дайындық алдын-ала басталады – әр қала немесе ауыл тұрғындары тұрғылықты жерін ретке келтіріп, жолдар мен тротуарларды, саябақтар мен аулаларды қыстан кейін тазалайды, ағаштар мен жол жиектерін ағартады, көшелерге мерекелік көрініс береді. Сондай-ақ мерекеге қатысты елде қалыптасқан ерекше дәстүрлер де бар: 1 мамыр күні ертемен ҚР Президенті аталған жалпыхалықтық мерекемен барлық ел тұрғындарын құттықтайды. Салтанатты шара еліміздің түкпір-түкпірінен келген талантты жұлдыздар мен шығармашылық ұжымдар қатысатын мерекелік концертпен жалғады Бұл күні елдің түкпір-түкпірінде түрлі мерекелік іс-шаралар, жәрмеңкелер өтеді, балаларға арналған ойын алаңдары жұмыс істеп, байқаулар мен шерулер ұйымдастырылады. Түрлі этностардың мәдени орталықтары көрмелер, байқаулар, фестивальдар өткізеді, өздерінің ұлттық шағын музейлерін ашады. Бұл қазақстандықтарға өзге ұлттардың мәдениеті, әдет-ғұрыптары және салт-дәстүрлерімен таныстыруға мүмкіндік береді.&nbsp;<a href="https://kaz.nur.kz/kaleidoscope/1967425-1-mamyr-qazaqstan-xalqy-birligi-kuni-turaly-ne-bilemiz/">NUR.KZ</a>

1 мамыр - Қазақстан халқының бірлігі күні 

Kyzylorda-news.kz. Қазгидромет синоптиктері 1 мамыр, дүйсенбіге арналған ауа райы болжамын ұсынды.&nbsp;Атмосфералық фронттардың өтуіне байланысты республиканың оңтүстігінде, оңтүстік-шығысында, шығысында жаңбыр жауады.Оңтүстігінде, оңтүстік-шығысында жауын найзағаймен қатар жауады.Ал Қазақстанның басым бөлігінде Солтүстік антициклонның әсерінен жауын-шашынсыз ауа райы сақталады.Ел бойынша жел күшейеді, солтүстікте - тұман, оңтүстікте – шаңды дауыл соғады.Түнде Ақмола, Павлодар, Солтүстік Қазақстан, Қостанай облыстарының солтүстігінде 1-7 градус үсік, Қарағанды, Ұлытау облыстарында топырақ бетінде 1-3 градусқа дейін үсік жүреді.

1 мамырға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін Жалағаш ауданының Таң ауылында егін егу науқанының басталуына орай «Дала күні» семинар-кеңесі өтті. Ауданға жұмыс сапарымен барған облыс әкімі Нұрлыбек Нәлібаев ауыл шаруашылығы саласында атқарылған жұмыстарды пысықтап, семинар-кеңеске қатысты.Алдымен аймақ басшысы «Таң» ЖШС ет өнімдері цехының жұмысымен танысты. Цехта күніне 5 ірі қара мал сойылып, ет өнімдері шығарылады.Әрі қарай Нұрлыбек Машбекұлы «Дала күні» семинар-кеңесі аясында ұйымдастырылған ауыл шаруашылығы техникаларының және өнімдерінің көрмесін тамашалады. Жабдықтаушы мекеме өкілдерімен пікір алмасты.Облыс әкімі шараға жиналған қонақтармен бірге танапқа алғашқы дән себу рәсімін өткізді. Шаруашылық үздіктерін «Еңбек ардагері» медалімен, «Ауыл шаруашылығы саласының үздігі» төсбелгісімен және облыстың ең жоғары наградасы – «Қызылорда облысының Құрмет Грамотасымен», облыс әкімінің Алғыс хатымен марапаттады.Іс-шарада Қызылорда облысының Құрметті азаматы Жарылқасын Шәріпов бата берді.Егіс алқабындағы «Дала күні» семинар-кеңесінің пленарлық мәжілісінде аймақ басшысы аграрлық саланы өркендетудің біздің өңір үшін өмірлік маңыздылығын атап өтті. Шаруалар қол жеткізген айтарлықтай жетістіктерге тоқталды.<blockquote>«Мемлекет басшысы еліміздің әлеуметтік-экономикалық даму мәселелері жөніндегі кеңейтілген кеңесте азық-түлік инфляциясын тұрақтандыру үшін Үкіметтің алдында агроөнеркәсіп кешенінің тұрақты өсімін қалыптастыру міндеті тұрғанын атап өтті. Осы міндетті орындаудың бірден-бір жолы – жергілікті жерде өндірілетін өнім көлемін арттыру. Биыл облыста 195,6 мың гектарға егін егуді межелеп отырмыз. Оның ішінде негізгі дақыл – күріш 83,9 мың гектарға себіледі.Сонымен қатар, әлеуметтік маңызы бар картоп, көкөніс, бақша өнімдерін егу үшін 5 500 жергілікті тұрғынға қосымша 3 300 гектар жер дайындау жұмыстары жүргізілуде», – деді облыс әкімі.</blockquote>Бүгінде «Шардара» су қоймасында 5,03 млрд. текше метр, «Көксарай» су реттегішінде 1,79 млрд. текше метр су бар. «Арал-Сырдария» бассейндік инспекциясының мәліметіне қарағанда, 2023 жылдың вегетациялық кезеңіне 3,8 млрд.текше метр су пайдалану лимиті белгіленген, бұл былтырғы жылмен салыстырғанда 200 млн. текше метрге артық.Душанбе қаласында өтетін Мемлекетаралық су шаруашылығын үйлестіру комиссиясының (Қазақстан, Қырғызстан, Өзбекстан, Тәжікстан, Түркменстан елдері кіреді) кезекті отырысында су пайдалану маусымындағы Сырдария өзенінің сулылығы болжамына сәйкес Шардара су қоймасына түсетін көлем нақтыланады. Болжам нақтыланған соң су лимиттері қайта белгіленеді.Биылғы қыс-көктем айларында Нарын-Сырдария каскадындағы қоймалардан төменгі ағысқа жіберілген мол судың арқасында каналдар мен көлдер жүйелері, шабындықтар суландырылды, Арал теңізінің суы 18,5 млрд. текше метрден 20,140 млрд. текше метрге көбейді.Коммуналдық меншікке алынған 226 су шаруашылығы нысанын тазалау, жөндеу жұмыстары кезең-кезеңімен атқарылуда. Биыл облыстық бюджет есебінен елді мекендерді аяқ сумен қамтамасыз ету үшін 78 шақырым болатын 7 каналды тазалау, (226,0 млн.теңге) елді мекендерге 21 дана насос қондырғысын жеткізіп беру (301,4 млн.теңге) және 27 каналға (111,7млн.теңге) жоба-сметалық құжат әзірлеу жұмыстары жүргізіледі.Сонымен бірге, шаруашылықаралық каналдардың 68,0%-ы, ішкі шаруашылықаралық каналдардың 79,0%-ы тазалаланды. Су құрылыстарының шаруашылықаралық каналдарының 48,0 %-на, ішкі шаруашылық каналдардың 70 %-на және насос қондырғылардың 83%-на, гидробекеттердің 88%-на жөндеу жұмыстары жүргізілді.«Жасыл Қазақстан» ұлттық жобасы шеңберінде 2025 жылға қарай 16 магистралды және шаруашылық каналын цифрландыру жоспарланған. «Қазсушар» РМК Қызылорда филиалы оның 5-не (2 магистралды, 3 шаруашылықаралық канал) жоба-сметалық құжаттама әзірлеп, мемсараптама қорытындысы алынды.Суды тиімді пайдалану мақсатында облыс әкімдігі мен Австралияның «Rubicon Global» компаниясы арасында аймақтың суландыру жүйелерін автоматтандыру, цифрландыру жобасын іске асыру туралы меморандумға қол қойылды. Меморандум республикалық меншіктегі Қызылорда солжаға магистральды каналы бойындағы (облыстағы 60% егіс келемі орналасқан) аумақтардың суландыру жүйесін жаңғыртуды көздейді. Қазіргі таңда «Rubicon Global» компаниясы Қызылорда сол жаға магистральды (Шіркейлі) каналына зерттеу жұмыстарын жүргізіп, жобасын ұсынды.Жиында жауапты мекеме басшылары мен шаруа қожалықтарының иелері қолға алынған жұмыстарды, өзекті мәселелерді ортаға салды. Мәжілісті қорытындылаған аймақ басшысы ауыл шаруашылығы экспортының үлесін арттыру, шаруашылықтарды қажетті жанар-жағармаймен қамту және егілген өнімді мұқият баптап, уақытылы жинап алу бойынша тапсырма берді.

Қазақстан және Қызылорда облысының басты жаңалықтары