Облыс әкімі Нұрлыбек Нәлібаев Парламент Сенатының депутаттары Наурызбай Байқадамов, Руслан Рүстемов және жауапты сала басшыларымен бірге 11 мың орындық стадионның құрылыс алаңына барды.Жаңа стадион жанында 1000 орындық автотұрақ алаңы, 40 орындық VIP автотұрақ бар. Ғимараттың батыс секторында спортшылардың жаттығу алаңы, жуыну аймағы және киім ауыстыруға, төрешілер мен жаттықтырушыларға арналған, емдік массаж &nbsp;бөлмелері қарастырылған. Медпункт, допингтік бақылау бөлмесі, комментатор кабиналары, конференц зал орналасқан.&nbsp;Ал шығыс секторында &nbsp;ауыр атлетика, бокс, гимнастика және акробатика, күрес, жаттығу залдары, қыздырыну бөлмесі бар.Сондай-ақ, жанкүйерлерге арналған санитарлық, тамақтану және демалыс аймақтары, кафетерий, VIP-аймақтармен және VIP-кабинеттермен қамтылған. &nbsp;4 автобусқа арналған автотұрағы, жылу қазандығы, қоқыс төгетін орын және резервуармен жабдықталған. Газон төселген стандартты өлшемдегі футбол алаңы бар. Сондай-ақ, мұнда балалар мен жастар үшін түрлі спорт секциялары жұмыс істейді. Стадион қыркүйек айында пайдалануға беріледі.&nbsp;Одан кейін аймақ басшысы өңірдегі электр және жылу энергиясының тапшылығын шешу мақсатында Мемлекет басшысының тапсырмасымен салынған жаңа жылу-электр орталығының құрылыс барысымен танысты.Инвестор «Акса энерджи» түрік компаниясы &nbsp;орталық құрылысына 137 млрд.теңгеден астам инвестиция салды.&nbsp;Жоба аясында 2 &nbsp;газ турбиналық қондырғы, 95 МВт-тық бу турбинасы, 2 &nbsp;бу, 4 &nbsp;жылу қазандығы &nbsp;салынады. Бүгінде құрылыстың 70 пайызға жуық жұмысы біткен.Бұдан бөлек, бюджет есебінен &nbsp;15 млрд.теңгеге &nbsp;орталыққа дейінгі 45 шақырым газ құбыры, автоматтандырылған газ тарату станциясы салынды.Құрылыс алаңында 1200-ден астам адам және 130 арнайы техника жұмыс жасауда. Жұмысшылардың негізгі бөлігі - жергілікті тұрғындар.Станцияны осы жылдың 4 тоқсанында іске қосу жоспарланған. Бірінші кезекте 1 газотурбиналық қондырғы мен 2 жылу қазандығы, 2026 жылы қалған қондырғылар қосылады.&nbsp;Жаңа станция облыстың электр энергиясына деген қажеттілігін толығымен қамтамасыз етеді.Сонымен қатар, өңірдің энергетикалық әлеуетін едәуір күшейтіп, &nbsp;ұзақ мерзімді тұрақты &nbsp;дамуына негіз қалайды.Облыс әкімі бұл жобалардың аймақтың әлеуметтік-экономикалық дамуында маңызды рөл атқаратынын айтып, сапаға баса мән беруді тапсырды.<img src="https://knadmin.beoblood.kz/uploads/FB_IMG_1754891530081_55c6c8d1a0.jpg" alt="FB_IMG_1754891530081.jpg">Фото: Қызылорда облысы әкімінің баспасөз қызметі

Ауқымды жобалар құрылысы бақылауда

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысының бастамасымен жүзеге асырылып жатқан «Таза Қазақстан» экологиялық жобасы аясында Қызылорда облысының Қазалы ауданында экологиялық жағдайды жақсарту, халыққа жайлы өмір сүру ортасын қалыптастыру және заманауи демалыс инфрақұрылымын дамыту бағытында ауқымды жұмыстар жүргізілуде.Қазалы мәдени-демалыс кешені – жаңа тыныс, жаңа серпін.Жуырда ашылған Қазалы мәдени-демалыс кешені аудан тұрғындары мен қонақтарының сүйікті орнына айналды. Кешен екі негізгі бөліктен тұрады: Жеңіс саябағы және отбасылық демалыс саябағы. Жеңіс саябағы Ұлы Жеңістің 80 жылдық мерейтойына орай ашылса, отбасылық саябақтың ашылуы 5 маусым – Дүниежүзілік қоршаған ортаны қорғау күніне тұспа-тұс келді.Кешен аумағында «Құрметті азаматтар» тақтасы, «Хан тағы», ротонда, пергола, фонтан, шахмат және теннис үстелдері, жарықтандыру жүйелері, велосипед жолақтары, «Даңқ», «Тағзым», «Киелі қазақ елі», «Ғашықтар» аллеялары, спорттық алаңдар және балалар ойын алаңдары орнатылған.Сондай-ақ, жеке кәсіпкерлердің қолдауымен мейрамханалар, тамақтану орындары, аквапарк, аттракциондар, картинг, батут сынды демалыс және ойын-сауық нысандары да бой көтерді.Кешен аумағын көгалдандыру аясында 20 мыңға жуық ағаш көшеттері – қарағай, аққайың, туя, катальпа, үйеңкі және жеміс ағаштары отырғызылды.Абаттандыру – аудан көркін арттырудың басты бағыты.Аудан орталығында халыққа қолайлы жағдай жасау мақсатында Орталық алаң, «Руханият» орталығы алдындағы сквер сынды нысандар толық абаттандырылды. Жаңа фонтан, брусчаткалар, балалар және тренажер алаңдары орнатылып, ауданның сәулеттік келбеті жаңа деңгейге көтерілді.Қазалы теміржол вокзалы жаңаруда.Биыл сәуір айында тарихи маңызы бар, 120 жылдық Қазалы теміржол вокзалына «Қазақстан Темір Жолы» ҰК АҚ қаржыландыруымен күрделі жөндеу жұмыстары басталды. Жоба аясында ғимарат іргетасы мен қабырғалары нығайтылып, шатыр, есік-терезелер толық жаңартылып, жолаушыларға арналған күту залдары заманауи стандарттарға сай жабдықталады.Мүмкіндігі шектеулі жандарға арналған қолжетімділік элементтері мен қауіпсіздік жүйелері орнатылады. Сонымен қатар, вокзал маңын көгалдандыру және брусчатка төсеу жұмыстары да қарастырылған. Қазіргі таңда жөндеу жұмыстарының басым бөлігі аяқталуға жақын.Бұдан бөлек, «Таза Қазақстан» республикалық экологиялық жобасы аясында өңірдің барлық елді мекендерінде санитарлық тазарту, абаттандыру және көркейту-көгалдандыру жұмыстары жүргізілуде.Бүгінгі күнге тазалық шараларына барлығы 190 мыңнан аса (191 663) еріктілер, қоғам қайраткерлері, бюджет саласы мен кәсіпорын қызметкерлері қатысты.Нәтижесімен 8 мың тонна (8 125) астам қоқыс қалдықтары шығарылып, елді мекендердегі 471 скверлер мен парктер, 221 тарихи-мәдени ескерткіштер,998 әлеуметтік нысандар (мектептер, бала-бақшалар, спорт, денсаулық сақтау және т.б.), 2 820 өнеркәсіп және бизнес нысандары, 35 су объектілері (өзендер, көлдер, жасанды су айдындары, субұрқақтар, арықтар және т.б), мен 23 124 көшелердің бойы(4 025 көп қабатты үйлер мен 19 099 жер үйлердің аулалары) тазартылды. Оған540-тан аса техника (545) жұмылдырылды.Жыл басынан облыс бойынша 240 700 дана өңірдің климатына сәйкес жерсінетін қарағаш, терек және сырталының көшеттері егілді.<img src="https://knadmin.beoblood.kz/uploads/1_yzylorda_oblysyny_azaly_audanynda_zamanaui_m_deni_demalys_infra_rylymy_ar_yndy_damuda_f7b2d01ff5.jpg" alt="1 Қызылорда облысының Қазалы ауданында заманауи мәдени-демалыс инфрақұрылымы қарқынды дамуда.jpg">

Қазалы ауданында заманауи мәдени-демалыс инфрақұрылымы қарқынды дамуда

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев «BI-Holding» ЖШС директорлар кеңесінің мүшесі Бауыржан Исабаевпен кездесті. Онда атқарылған жұмыстар мен алдағы жоспарлар талқыланды.Аймақ басшысы «BI-Holding» ЖШС атқарған жұмыстарға алғысын білдірді.Еске салайық, мердігер компания Қызылорда қалалық мәдени және демалыс паркін қайта жаңғыртудан өткізіп, "Сыр жұлдыздары" шығармашылық-инновациялық орталығын салды. Президент саябағын қайта жаңғырту жобасына түзетулер енгізіліп, оған 300 орындық балалар лагері және қысқы бақ қосылды. Қазіргі таңда осы жобалар шеңберінде бірлесіп жұмыс атқарылуда.Аймақ басшысының қолдауымен қайта жаңғыртылған парк кіреберісіне жаңадан арка орнатылды. Қоршауы толықтай жаңартылды. Келушілердің жас ерекшеліктеріне сәйкес 20-ға жуық аттракцион, кафе орналастырылатын және балалар ойын алаңдары қарастырылған. Ашық аспан астында концерттік бағдарлама қоюға 100 адамдық амфитеатр сахнасымен бірге салынған.Шығармашылық-инновациялық орталық 500 орынға арналған. Оның ішінде 68 орындық 2 бассейн, топтық жаттығу бөлмесі, фитнес, үстел ойындары кабинеті, 2 жекпе-жек, 4 үстел теннисі залы, әр залда ұлдар және қыздардың киім ауыстыру бөлмесі бар. Көркемдік- эстетикалық бағытты таңдаушыларға балалар шығармашылық шеберханасы, сәндік-қолданбалы өнер, дыбыс жазу, робот жасау және жасанды интеллект, 3Д модельдеу, КИП және автоматтандыру, киберспорт және математика кабинеттері, биотехникалық лаборатория қызмет көрсетеді.Президент саябағында бой көтеретін «BOTANICUM» ботаникалық білім беру орталығы аумағын заманауи стандарттарға сай абаттандыру және көгалдандыру жоспарланған.300 орындық балалар лагеріне 6 гектар жер учаскесі белгіленген.Бұл жерде спорт блогы, іс-шараларға арналған event-аймақ, 4 тұрғын аумақ, қонақ үй үлгісіндегі шағын ғимарат, 5 дәстүрлі үлгідегі киіз үй, ашық бассейн, стадион, футбол алаңы, сахна және басқа да демалыс орындары мен техникалық құрылыс нысандары салынады.Фото: Қызылорда облысы әкімінің баспасөз қызметі

Алдағы жұмыс бағыты талқыланды

<a href="https://kyzylorda-news.kz/">Kyzylorda-news.kz</a> Бүгін Премьер-министр Олжас Бектеновтің төрағалығымен сауданың цифрлық трансформациясы, ана мен бала өлімін төмендету жөніндегі шаралар талқыланған Үкімет отырысы өтті.Басқосуға облыс әкімі Нұрлыбек Нәлібаев селекторлық режимде қатысты.Үкімет отырысынан кейін аймақ басшысы арнайы жиын өткізіп, жауапты сала басшыларына тапсырмалар жүктеді.«Бүгінгі Үкімет отырысында сауданың цифрлық трансформациясы, ана мен бала өлімін төмендету мәселелері қаралды.Өңірімізде электронды сауданы дамыту бағытындағы жұмыстарды әлі де күшейтуіміз қажет.Кәсіпкерлік палатасы, жергілікті кәсіпкерлерді электронды сауда негіздеріне оқытуды тұрақты түрде жалғастыру керек. Қала, аудандарда «Қазпошта» желісінің мүмкіндіктерін кеңінен насихаттап, тауар өндіруші кәсіпкерлердің «Постмаркет» платформасына тіркелуін қамтамасыз етіңіздер.Өңірімізде ана мен бала денсаулығын қорғау бағытында жоспарлы әрі жүйелі жұмыс бар.Облыстық денсаулық сақтау басқармасы, статистика департаменті, Ұлттық ғылыми денсаулық сақтауды дамыту орталығының филиалы, Қызылорда қаласы, аудан әкімдіктерімен бірлесіп, аймақтағы демографиялық көрсеткіштердің нақты әрі біркелкі болуын қатаң бақылауға алыңыздар.Ана мен бала денсаулығын сақтау саласындағы негізгі көрсеткіштер жыл соңына дейін толық орындалуы тиіс. Жүкті әйелдер мен балалар денсаулығын нығайтуда медициналық көмек сапалы әрі қолжетімді болуы өте маңызды», – деді Н.Нәлібаев.Қазіргі таңда өңірімізде тауарлар мен қызметтерді өткізу үшін интернет-ресурстарды пайдаланатын 12 кәсіпорын тіркелген (оның 3-і ресми сайт, 9-ы маркетплейс пайдаланушылар). Олар өткен жылы 48 мыңнан астам тапсырыс жасап, сауда айналымы 292 млн. теңгеге жетті. Тапсырыстарды сақтау мен жеткізу бағытында интернет дүкендердің тарату пункттері жұмыс істейді. Интернет дүкендер өткен жылы 1 млн-нан астам тапсырыс қабылдаған. Өңірімізде «Қазпошта» желісінің 11 супермаркеті бар.Ана өлімі көрсеткіші соңғы 5 жылда 12 есеге дейін төмендеді. Қабылданған нақты шаралар нәтижесінде нәресте өлімі өткен жылмен салыстырғанда 9 жағдайға, соңғы 5 жылда 21 пайызға азайды.Көпбейінді облыстық аурухана базасында жоғары қауіп тобындағы жүкті әйелдерге акушерлік көмек көрсететін 70 төсектік перинаталды бөлімше ашылып, жұмыс жасауда. Жергілікті бюджеттен 1 млрд. 500 млн. теңге қаржы бөлініп, бөлімшеге заманауи құрал-жабдықтар алынды.Соңғы 3 жылда жергілікті бюджеттен медицина қызметкерлерінің біліктілігін арттыруға 375 млн. теңге қаралып, оның 192 млн. теңгесі мамандарды шет елдерде оқытуға бағытталды.Ана мен бала саулығына қажетті материалдық-техникалық базаны нығайту мақсатында медициналық мекемелер 4 млрд. 700 млн. теңгеге құрал-жабдықтармен қамтылды.Балаларға стационарлық медициналық көмектің қолжетімділігін арттыруда облыс орталығынан қалалық балалар ауруханасын ашу жұмыстары басталды. Аурухана базасында даму бұзылыстары бар 3 жасқа дейінгі балаларға арналған ерте араласу орталығын ашу үшін «Қазақстан халқына» қоры арқылы 125 млн. теңгеге құрал-жабдықтар алынып, мамандар біліктік жетілдірді.Аталған қордың қолдауымен Жаңақорған ауданында «Қамқорлық» оңалту орталығы ашылды. Осындай орталық жақын күндері Арал ауданында пайдалануға беріледі.Одан бөлек, «Сәби» қайырымдылық қоры арқылы облыстық балалар ауруханасына 700 млн. теңгеге жөндеу жұмыстары жүргізіліп (қабылдау бөлімі, жарақат бөлімі, операциялық блок), құрал-жабдықтар алынады.Жиында облыс әкімі жаңа оқу жылы қарсаңындағы міндеттерді пысықтап, тапсырмалар берді.«Қала, аудан әкімдері 1 апта ішінде білім беру нысандарының аумағындағы жол белгілерін, жаяу жүргіншілер жолдарын қалыпқа келтіріп шығыңыздар.Облыстық білім, мәдениет, архивтер және құжаттама, дене шынықтыру, спорт және туризм, денсаулық сақтау, жұмыспен қамтуды үйлестіру және әлеуметтік бағдарламалар басқармалары, Қызылорда қаласы, аудан әкімдіктерімен бірлесіп, өздеріңізге қарасты мекемелердің ғимараттарындағы ағымдағы жөндеу, күрделі жөндеу жұмыстарын 20 тамызға дейін аяқтау керек», -деді Н.Нәлібаев.Фото: Қызылорда облысы әкімінің баспасөз қызметі

Үкімет отырысында талқыланған мәселелер бойынша тапсырмалар жүктелді

<a href="https://kyzylorda-news.kz/">Kyzylorda-news.kz</a>Түрікменстан, Аваза қаласыПрезидент Қасым-Жомарт Тоқаев ең әуелі конференцияны шақыру бастамасын көтергені үшін Түрікменстан Президенті Сердар Бердімұхамедовке ризашылығын білдірді. Сондай-ақ теңізге шығар жолы жоқ дамушы елдердің проблемаларын шешуге және мүмкіндіктерін пайдалануға бейіл танытқаны үшін БҰҰ Бас хатшысы Антониу Гутерришке алғыс айтты.<blockquote>– Жиырма жылдан астам уақыт бұрын Қазақстан Теңізге шығар жолы жоқ дамушы елдерге арналған БҰҰ-ның алғашқы конференциясын өткізіп, жетекші рөл атқарды. Яғни еліміз бұл үздіксіз үдеріске бастапқы жылдардан бері қатысып келеді. Осы тарихи оқиға барысында Алматы іс-қимыл бағдарламасы қабылданды. Бұл құжат теңізге шығар жолы жоқ дамушы елдер тобының мәселелерін жаһандық дамудың күн тәртібіне тұңғыш рет шығарды. Бүгін біз алдымызда тұрған міндеттерді одан әрі ілгерілету мақсатында Авазада бас қосып отырмыз, – деді Мемлекет басшысы.</blockquote><img src="https://knadmin.beoblood.kz/uploads/2_dd002f70b7.jpg" alt="2.jpg">Президенттің айтуынша, осы топ құрамындағы 32 дамушы елде жарты миллиардтан астам адам тұрады. Олардың көпшілігі қаржыландыруға және технологияға қол жеткізуде, сондай-ақ жаһандық нарыққа жол табуда кездесетін кедергілермен бетпе-бет келеді.<blockquote>– Аймақтағы шектеулі байланыс – теңізге шығар жолы жоқ дамушы елдердің басты проблемасы. Бұл транзит және сауда шығыны, сондай-ақ геосаяси факторларға осалдық секілді біршама экономикалық қиындық тудырады. Аталған кедергілер азаматтардың әл-ауқатына әсер етіп, бәсекеге қабілеттілікті төмендетеді. Түрлі қақтығыстар, экономикалық санкциялар, жеткізу тізбегінің бұзылуы және жаһанда сенімсіздіктің белең алуы жағдайды одан әрі ушықтыра түседі. Дегенмен Қазақстан теңізге шығар жолы жоқ дамушы мемлекеттерді жаһандық мәселелердің шешімін табуға атсалысатын тең құқылы әрі перспективті серіктес ретінде қарау керек деп санайды. Мұндай елдердің үні анық естілуге тиіс, ал біздің өзара ынтымақтастығымыз терең, ұжымдық ұмтылысымыз батыл болуы қажет, – деді Қасым-Жомарт Тоқаев.</blockquote><img src="https://knadmin.beoblood.kz/uploads/3_5039e80177.jpg" alt="3.jpg">Мемлекет басшысы Қазақстанның Аваза іс-қимыл бағдарламасын тұрақты, инклюзивті және орнықты келешекке жеткізер жол картасы ретінде толық қолдайтынын мәлімдеді.<blockquote>– Бұл маңызды бастама транзиттік елдердің, халықаралық даму ұйымдары мен қаржы институттарының саяси қолдауына ие болуға тиіс. Көлік, энергетика және цифрлы инфрақұрылым сияқты басты секторларға инвестицияны ынталандыруға арналған жаңа қаржы тетіктері керек, – деді Президент.</blockquote><img src="https://knadmin.beoblood.kz/uploads/4_399e34d35a.jpg" alt="4.jpg">Қасым-Жомарт Тоқаев климаттың өзгеруін тағы бір түйткіл ретінде атады.<blockquote>– Теңізге шығар жолы жоқ көптеген дамушы ел су тапшылығы, мұздықтардың еруі, шөлейттену секілді экстремалды табиғи құбылыстарға душар болып отыр. Бұл проблемаларды шешу үшін өңір елдерінің ортақ күш-жігері мен белсенді халықаралық қолдау қажет. Дегенмен, менің ойымша, климаттың өзгеруіне қарсы күрес шаралары теңгерімді әрі инклюзивті сипатын сақтап, елдердің даму жолындағы сұраныстарына сай болуға тиіс. Климаттық өзгерістермен күреске жұмылу мақсатында Сіздерді келесі жылы сәуір айында Біріккен Ұлттар Ұйымымен бірге Астанада ұйымдастырылатын Өңірлік экологиялық саммитке шақырамын, – деді Мемлекет басшысы.</blockquote><img src="https://knadmin.beoblood.kz/uploads/5_dee190288a.jpg" alt="5.jpg">Президент Қазақстанның серіктестермен бірге аймақтағы өзара байланысты нығайту, цифрлық трансформацияны ілгерілету және ұзақ мерзімді әрі орнықты өсімге ықпал етуді көздейтін елеулі шаралар қабылдап жатқанын жеткізді.<blockquote>– Біз Орта дәліз және «Солтүстік – Оңтүстік» бағдары бойындағы көлік жолдары мен транзит инфрақұрылымын дамытуға баса мән береміз. Түпкі мақсатымыз – темір жолдың, автокөлік жолдарының, сондай-ақ авиация мен логистика орталықтарының біртұтас желісін құру. Бұл Қазақстанның Еуразиялық транзит хабы ретіндегі позициясын нығайтады. Қазіргі кезде Азия мен Еуропа арасындағы құрлық арқылы тасымалданатын жүктің 85 пайызға жуығы еліміз арқылы өтеді. Біз сондай-ақ цифрландыруға инвестиция құйып жатырмыз. Астана қаласында Alem.AI жасанды интеллект орталығы құрылды. Жуырда суперкомпьютер іске қосылды. Ғылыми ынтымақтастыққа әрдайым ашықпыз. Серіктестерімізді қатарымызға қосылуға шақырамыз, – деді Қасым-Жомарт Тоқаев.</blockquote><img src="https://knadmin.beoblood.kz/uploads/6_13ee78611b.jpg" alt="6.jpg">Мемлекет басшысы өңірлік күн тәртібі жөнінде пікір білдіріп, елдердің мүмкіндігі географиямен шектелмейтінін Орталық Азия тәжірибесі көрсетіп отырғанын айтты.<blockquote>– Қазір теңізге шығар жолымыз болмағанымен, келешекте амалын табамыз. Яғни құрлық арқылы байланыс орнатудың маңызы арта түседі. Біздің өңірдің әлеуметтік-экономикалық дамуы орнықты. Саяси ерік-жігер, стратегиялық инвестиция мен халықаралық серіктестік болса, теңізге шығатын жолдың жоқтығы кедергі емес, керісінше, өсімге ынталандырады. Орталық Азия өзара тиімді ықпалдастық қанат жайған аймаққа айналғанына куә болып отырмыз. Өңірдің сауда, инвестиция, көлік, байланыс және ресурстарды орнықты басқару салаларында даму әлеуеті жоғары. Екі күн бұрын Қазақстан мен Біріккен Ұлттар Ұйымы арасында Орталық Азия мен Ауғанстанға арналған орнықты даму мақсаттары жөніндегі өңірлік орталығын құру туралы келісімге қол қойылды. Оның штаб-пәтері Алматыда орналасқан. Бұл тұтас аймақ үшін маңызды жетістік әрі Аваза бағдарламасының игі мақсаттарына толық сай келеді. Қазақстанның осы бастамасын қолдағаны үшін БҰҰ Бас хатшысына және Орталық Азиядағы серіктестерімізге тағы да ризашылығымды білдіремін, – деді Президент.</blockquote><img src="https://knadmin.beoblood.kz/uploads/7_1d403e9033.jpg" alt="7.jpg">Қасым-Жомарт Тоқаев сөзін қорытындылай келе, Қазақстанның теңізге шығар жолы жоқ дамушы елдер тобының мақсаттары мен қағидаттарына бейіл екенін растады.<blockquote>– Теңіз қатынасы жоқ дамушы елдердің жаһандық күн тәртібінен тыс қалмауын халықаралық серіктестікті нығайту арқылы ғана қамтамасыз ете аламыз, – деді Мемлекет басшысы.</blockquote>

Мемлекет басшысы Теңізге шығар жолы жоқ дамушы елдерге арналған Біріккен Ұлттар Ұйымының үшінші конференциясында сөз сөйледі

<a href="https://kyzylorda-news.kz/">Kyzylorda-news.kz</a> &nbsp;Премьер-министрдің орынбасары Қанат Бозымбаев Қызылорда облысына жұмыс сапары кезінде облыс әкімі Нұрлыбек Нәлібаевпен бірге Жалағаш ауданы Таң ауылындағы «Таң LTD» жауапкершілігі шектеулі серіктестігінің жұмысымен танысты.«Таң LTD» ЖШС биыл 3668 гектар жерге егін екті. Оның 1226 гектары күріш, 75 гектары қант құмайы, 379 гектары жаңа жоңышқа, 661 гектары ескі жоңышқа, 700 гектары жүгері. Серіктестік 300 тұрғынды жұмыспен қамтыған.Премьер-министрдің орынбасары вегетациялық кезеңдегі қиындықтардан өту үшін барлық тиісті шаралар қабылдануы керек екенін айтты.Еске салайық, су тапшылығына байланысты қалыптасқан жағдайға тұрақты мониторинг және кеңінен түсіндірме жұмыстарын жүргізу үшін барлық ауданда арнайы жұмысшы топтары құрылды.Қазіргі таңда, барлық каналдан су алу кестесі бекітіліп, су кезекпен берілуде. Қашыртқыдағы суды екінші мәрте пайдалану үшін облыста 324 насос қондырғысы қосылған.Сондай-ақ, магистральді және шаруашылықаралық каналмен кезектестіріп су беру кестесі әзірленіп, осы кестеге сәйкес жұмыс атқарылуда, яғни жалпы егілген егістің 98%-ы кезекпен суарылуда.Күріштің өсу фазасына сәйкес толық пісіп-жетілу уақыты 115-125 тәулік.Жедел ақпаратқа сүйенсек, облыс бойынша егілген күріштің 8,8 мың гектары түтікке шығу, 37,1 мың гектары масақтану, 30,3 мың гектары гүлдеу, 4,7 мың гектары сүтті пісу фазасында.Фото: Қызылорда облысы әкімінің баспасөз қызметі

Премьер-министрдің орынбасары Жалағаш ауданына барды 

<a href="https://kyzylorda-news.kz/">Kyzylorda-news.kz</a> &nbsp;Бүгін Премьер-министрдің орынбасары Қанат Бозымбаев Қазалы ауданына жұмыс сапарымен барды. Облыс әкімі Нұрлыбек Нәлібаевпен бірге Қарашеңгел ауылындағы «РЗА» акционерлік қоғамының жұмысымен танысты.«РЗА» АҚ – 2000 жылы құрылған және су үнемдеу технологияларын енгізген алдыңғы қатарлы ауыл шаруашылығы кәсіпорыны. Негізгі бағыты – ауыл шаруашылығы өнімдерін өндіру және өңдеу. Биыл 4706 гектар жерге егін еккен. Оның 2238 гектары күріш, 419 гектары жүгері, 702 гектары жаңа жоңышқа және 1347 гектары ескі жоңышқа. Шаруашылықта 210 адам тұрақты жұмыспен қамтылған.Ауыл шаруашылығы техникалары да жеткілікті, паркінде 25 трактор, 15 комбайн, 2 шөп шапқыш, 3 тіркеме және 11 экскаватор-погрузчик бар. Климаттың өзгеруі мен су тапшылығына байланысты кәсіпорын 2021 жылдан бері су үнемдеу технологияларын енгізе бастады. Бұл мақсатта 600 миллион теңгеге арнайы жобаны жүзеге асырды. Германиядан дренажды құбырлар мен арнайы соқа сатып алып, Испаниядан әкелінген жаңбырлатып суару жабдығы орнатылды. Жаңа технологиялар суды тиімді пайдалануға, өнімділікті арттыруға, экологиялық тұрақтылыққа айтарлықтай оң ықпал етті.Аудандағы суармалы жер көлемі 31 024,3 гектар, оның 17 445 гектарына ауыл шаруашылығы дақылдары, атап айтқанда дәнді дақылдар 5 881 гектарға, майлы дақылдар 500 гектарға, малазықтық дақылдар 8 900 гектарға, картоп, көкөніс, бақша дақылдары 2 164 гектарға егілді. Күріш көлемі 5 636 гектар. Егін шаруашылығымен 9 шаруашылық айналысады, барлығы күріш егеді.Вегетациялық кезең басталғалы бері жоспардағы 295,03 млн текше метр судың 259,6 млн текше метрі, яғни 88 пайызы жеткізілген.Сапар барысында Қанат Бозымбаев «Басықара» гидроторабының жұмысын тексеріп, шаруашылық жетекшілерімен кездесуде халықаралық келісімдер туралы айтты.Вице-премьердің айтуынша, көрші мемлекеттермен жүргізілген келіссөздердің нәтижесінде вегетациялық кезеңді аяқтауға жеткілікті су көлемін алу жоспарланып отыр. Осы келісімдер аясында 15 тамызға дейін Өзбекстаннан секундына 200 текше метр, ал Қырғызстаннан 150 текше метр су жеткізіледі деп күтілуде.<img src="https://knadmin.beoblood.kz/uploads/Premer_ministrdi_orynbasary_azaly_audanynda_y_agrosektordy_zhaj_k_jimen_tanysty_5c74114a2a.jpg" alt="Премьер-министрдің орынбасары Қазалы ауданындағы агросектордың жай-күйімен танысты.jpg"><img src="https://knadmin.beoblood.kz/uploads/2_Premer_ministrdi_orynbasary_azaly_audanynda_y_agrosektordy_zhaj_k_jimen_tanysty_4e330ebe2c.jpg" alt="2 Премьер-министрдің орынбасары Қазалы ауданындағы агросектордың жай-күйімен танысты.jpg"><img src="https://knadmin.beoblood.kz/uploads/3_Premer_ministrdi_orynbasary_azaly_audanynda_y_agrosektordy_zhaj_k_jimen_tanysty_8f3f108ac1.jpg" alt="3 Премьер-министрдің орынбасары Қазалы ауданындағы агросектордың жай-күйімен танысты.jpg">Фото: Қызылорда облысы әкімінің баспасөз қызметі

Премьер-министрдің орынбасары Қазалы ауданындағы агросектордың жай-күйімен танысты

<a href="https://kyzylorda-news.kz/">Kyzylorda-news.kz</a>&nbsp; Премьер-министрдің орынбасары Қанат Бозымбаев Қызылорда облысына жұмыс сапарымен келді. Вице-премьер облыс әкімі Нұрлыбек Нәлібаевпен бірге Сырдария ауданына қарасты Нағи Ілиясов ауылындағы «Мағжан и К» шаруа қожалығының жұмысымен танысты. Шаруашылықта бүгінде 360 адам еңбек етеді. Егін алқаптарына 2985 гектар күріш, 780 гектар бидай, 769 гектар ескі жоңышқа егіліп, 2000 гектар жерге лазерлік тегістеу жұмыстары жүргізілді.Шардара су қоймасы мен Көксарай су реттегішінің 2025 жылдың вегетацияаралық кезеңінің жұмыс режиміне сәйкес, биылғы 1 сәуірге дейін осы қоймаларға 6,7 млрд. текше метр су жинау жоспарланған. (Шардара - 5,2 млрд., Көксарай - 1,5 млрд.) Алайда небәрі 5,9 млрд. текше метр су, яғни жоспарланған көлемнен 737 млн. текше метр кем жиналды.Шілденің 30-ы күнгі мәлімет бойынша Шардара су қоймасына жоғарыдан түскен су көлемі секундына 158,1 текше метр, қоймадағы нақты су көлемі 571 млн. текше метр. Бұл жоспардағыдан 1 529 млн. текше метрге кем. Мемлекетаралық су шаруашылығын үйлестіру комиссиясы отырысында қоймада 2 268 млн. текше метр болады деп белгіленген.Су тапшылығына байланысты қалыптасқан жағдайға тұрақты мониторинг және түсіндірме жұмыстарын жүргізу үшін барлық ауданда арнайы жұмысшы топтары құрылды.Қазіргі таңда, барлық каналдан су алу кестесі бекітіліп, су кезекпен берілуде. Қашыртқыдағы суды екінші мәрте пайдалану бағытында облыста 324 насос қондырғысы іске қосылған.Сондай-ақ, 5 магистральді және 3 шаруашылықаралық канал арқылы кезектестіріп су беру кестесінің жоспары әзірленіп, соған сәйкес су жұмыс атқарылуда. Жалпы егілген егістің 98%-ы кезекпен суарылуда. Күріштің өсу фазасына сәйкес толық пісіп-жетілу уақыты 115-125 тәулік.&nbsp;Жедел ақпаратқа қарағанда, егілген күріштің 8,8 мың гектары түтікке шығу, 37,1 мың гектары масақтану, 30,3 мың гектары гүлдеу, 4,7 мың гектары сүтті пісу фазасында.Премьер-министрдің орынбасары вегетациялық кезеңнің күрделі жағдайда өтуіне байланысты атқарылған жұмыстарға тоқталды.Бүгін Өзбекстан тарапы 200 текше метр, Қырғызстаннан 150 текше метр, шамамен 300 текше метрден астам су 15 тамызға дейін жіберілетін болып шешім қабылданды. Жүргізілген келіссөздер нәтижесінде алдағы уақытта су көлемі жеткілікті болады деп күтілуде», - деді Қ.Бозымбаев.&nbsp;Фото: Қызылорда облысы әкімінің баспасөз қызметі

Премьер-министрдің орынбасары "Мағжан и К" шаруа қожалығының жұмысымен танысты

<a href="https://kyzylorda-news.kz/">Kyzylorda-news.kz</a> Елімізде 2025 жыл «Жұмысшы мамандықтар жылы» деп жарияланды. Бұл бастама жұмысшы мамандықтарының маңыздылығын арттыруға, жастарды осы салаға тартуға және еңбек нарығында сұранысқа ие мамандықтар бойынша білікті кадрларды даярлауға бағытталған. Ал мұндай мамандарды даярлап, кәсіби білім беруде өңірдегі Мұрат Саламатов атындағы Қызылорда қызмет көрсету және сервис колледжінің жұмысы жолға қойылған. Соған сәйкес Мұрат Саламатов атындағы Қызылорда қызмет көрсету және сервис коллледжінің директоры Болатбек Ахметовпен әңгіме өрбіттік.– Болатбек Әбиұлы, ең әуелі жұмысшы мамандықтар жылының маңыздылығына тоқталып өтсеңіз.<blockquote>– Өздеріңізге белгілі, биылғы жылды Мемлекет басшысы Қасым-Жомарт Тоқаев «Жұмысшы мамандықтар жылы» деп жариялады. Бұл жыл еңбек нарығында сұранысқа ие білікті мамандарды даярлап, жастарды осы салаға көптеп тартуға мүмкіндік береді. Президентіміздің бұл шешімі мемлекетімізде бірқатар бағыттар бойынша нақты шараларды жүзеге асыруды көздейді. Мәселен, бірінші кезекте кәсіби білім беруді дамыту жоспарға қойылып отыр. Яғни жұмысшы мамандықтарына арналған колледждер мен оқу орталықтарының материалдық-техникалық базасын жақсарту, білім беру бағдарламаларын заманауи талаптарға сәйкестендіру қайта қаралады. Сондай-ақ өндірістік тәжірибе мен дуальды оқытуды күшейту арқылы түлектердің жұмысқа орналасу мүмкіндіктері артып келеді. Оған қоса жалақы мен еңбек жағдайларын жақсарту да басты назарда. Мамандардың әлеуметтік қорғалуы мен еңбек жағдайларының жақсаруы олардың жұмысқа деген ынтасын арттырады. Осыған байланысты мемлекет еңбек ақыны көтеру, әлеуметтік пакеттерді кеңейту, еңбек қауіпсіздігін қамтамасыз ету секілді шараларды іске асыруға басымдық бермек.</blockquote><blockquote>Қазір қоғамда еңбегі еленбей қалатын маман иелері өте көп. Осындай еңбек адамдарының бейнесін қоғам алдында көрсетіп, құрметке бөлеу, жастар арасында жұмысшы мамандықтарына қызығушылық ояту мақсатында ақпараттық-насихаттық жұмыстар жүргізу маңызды рөл атқарады. Мәселен, еңбек ардагерлері мен үздік жұмысшыларды марапаттау, олардың жетістіктерін елге көрсету арқылы жастарға үлгі етуге болады. Сонымен қатар жұмысшылардың өмір сүру сапасын арттыру мәселесі де күн тәртібінен түспей келеді. Яғни, қызметтік тұрғын үймен қамтамасыз ету, балаларға арналған білім беру және бос уақытты тиімді өткізу орындарын ашу арқылы жұмысшылардың өмір сапасын көтеру жоспарлануда.</blockquote><img src="https://knadmin.beoblood.kz/uploads/2_Zh_mysshy_mamandy_tardy_dayarlaudy_zhauapkershiligi_zho_ary_f1cf6460e2.webp" alt="2 Жұмысшы мамандықтарды даярлаудың жауапкершілігі жоғары.webp">– Жаңа оқу жылы басталуға жақын. Жұмысшы мамандық иелерін даярлайтын оқу орнының алдағы жоспары қандай? Колледж қандай мамандықтар бойынша білім береді? Мамандықтарды талапкерлер өздері таңдап келе ме?<blockquote>– Қызылорда қызмет көрсету және сервис колледжі – жарты ғасырлық шежірелі бай тарихымен, көпжылдық білім және ғылым саласындағы тәжірибесімен ерекшеленген аймақтағы білім ордасы. Біз, бәсекеге қабілетті, заман талабына сай жаңаша ойлайтын жоғары деңгейлі білікті мамандар даярлауда отансүйгіштік бағытта тәрбиеленген мамандарды дайындап жатқандығымызды сеніммен айта аламыз. Сондай-ақ ол техникалық және кәсіптік білім беру саласының имиджін көтеруге септігін тигізетіні сөзсіз.</blockquote><blockquote>Әр өңір өзінің экономикалық әлеуетіне қарай қажетті маман иелерін даярлауда түрлі деңгейдегі бағдарламалар бойынша жастарды ынталандырып, кәсіби білімін жетілдіруге күш салады. Біздің де жоспарлы жұмыстарымыз жоқ емес.Бүгінде колледжде 7 мамандық 9 біліктілік бойынша білім береді. Ол мамандықтардың барлығы еңбек нарығына қажет және сұранысқа ие. Нақтылап өтсем, «Тамақтандыруды ұйымдастыру», «Сандық техника (түрлері бойынша)», «Радиотехника, электроника және телекоммуникациялар», «Машиналар мен жабдықтарды пайдалану (өнеркәсіп салалары бойынша)», «Тігін өндірісі және киімдерді үлгілеу», «Маркетинг (салалар бойынша)», «Автомобиль жолдары мен аэродромдар құрылысы және пайдалану» бойынша білім береді. Яғни осы мамандықтар арқылы талапкерлер «Кондитер-безендіруші», «Аспаз», «Электронды және сандық техникаларға қызмет көрсету және жөндеу жөніндегі механик», «Телекоммуникациялық жабдықтар мен байланыс арналарын электромонтаждаушы- реттеуші», «Жабдықты баптаушы», «Арнайы тігінші», «Модельер-пішуші», «Сатушы» мен «Жол-құрылыс машиналарының машинисі» бойынша біліктілігін арттырып, нағыз маман иесі болып шығады.Шыны керек, қазір ата-аналар мен 9 сынып оқушылары әрбір оқу орнының жетістігіне үңіліп, оқытушылар құрамына қарай таңдау жасау қажет екенін енді түсініп келе жатыр. Әлеуметтік желі арқылы кез келген ақпаратты жылдам әрі тез ала алады. Сол арқылы колледждің жұмысымен танысуға келеді.Оның үстіне колледж тарапынан жыл бойы кәсіби бағдар жұмыстары қарқынды жүргізіледі. Біз баламен қатар ата-анамен де кәсіби бағдар жұмыстарын жүргізуіміз қажет.Мектепте жасөспірім шақта оқуға ынтасы болмай жүрген балаға «Колледжге түссең, шәкіртақы аласың» десең, бала ерекше өзгеріп жаңадан дем пайда болып, мамандыққа деген ынтасы ашылады. Яғни, біз баланы «Сен жамансың! Сенің қолыңнан келмейді!» деп емес, оның бойындағы ашылмай жүрген жаңа қырларын оятып, оны дамытуға көмектесуіміз керек.</blockquote><img src="https://knadmin.beoblood.kz/uploads/Zh_mysshy_mamandy_tardy_dayarlaudy_zhauapkershiligi_zho_ary_fb749fe28f.webp" alt="Жұмысшы мамандықтарды даярлаудың жауапкершілігі жоғары.webp">– Колледждің материалдық-техникалық базасы қандай және басқа қандай жаңа тың жаңалықтарды әкелу жоспарларыңызда бар?<blockquote>– 2013 жылы Қызылорда облысы еңбек ресурстары балансы негізінде колледж қызмет көрсету және сервис бағытындағы мамандар даярлауға салаландырылды. Соған сәйкес «Электргазбен пісіруші», «Жол құрылыс машиналарын техникалық пайдалану», «Автокөлікті жөндеу, пайдалану және қызмет көрсету», «Мұнай және газ кен орындарын пайдалану» мамандықтары қысқартылып, нәтижесінде «Тоңазытқыш-сығымдағыш машиналар және қондырғылары», «Радиотехника және байланыс», «Телекоммуникациялық құралдармен тұрмыстық техникаларды жөндеу және қызмет көрсету» мамандықтары бойынша мемлекеттік тапсырыс орналастырылды. Одан қала берді 2012 жылы жергілікті бюджет есебінен – 10 миллион теңге қаржы бөлініп, «Тамақтандыруды ұйымдастыру» мамандығы бойынша зертханасы жаңа үлгідегі жабдықтармен жабдықталды. Оған қоса «Best – Service LTD фирмасы» ЖШС демеушілігімен – 10 миллион теңге көлемінде абаттандыру жұмыстары және «Аспаз» зертханасына күрделі жөндеу жұмыстары жүргізілді. «Жол құрылыс машиналарын техникалық пайдалану» мамандығы бойынша 10 миллион теңгеге «Автокран» автокөлігі алынды.2014 жылы жергілікті бюджет есебінен «Радиотехника және байланыс» және «Телекоммуникациялық құралдар мен тұрмыстық техникаларды жөндеу және қызмет көрсету (салалар бойынша)» зертханасы құны 13085,0 мың теңгенің жаңа қондырғы, құрылғылармен толықты.Сонымен қатар республикалық бюджет есебінен 25000,0 миллион теңге қаржы бөлініп, «Тоңазытқыш-сығымдағыш машиналар және қондырғылары» мамандығы бойынша зертханалық құрал-жабдықтар алынып толық жабдықталды. Колледждің ішкі және сыртқы бөлігінде 24 бейнебақылау орналасқан. 2016 жылы толық күрделі жөндеуден өтіп, 360 орындық оқу орнында 17 теориялық оқу кабинеті жұмыс жасап тұр. Қазір облыстың мамандықтар атласына сәйкес жаңа мамандықтар ашу жоспарлануда, сол себепті колледж аумағынан өз қаражатымыз есебінен жылыжай құрылысын бастадық. Ондағы мақсат – алдағы уақытта жылыжай шаруашылығы мамандығына лицензия алу, жаңа мамандық ашу. Осы себепті біз жастарды жаңа мамандыққа бағыттап, теориямен тәжірибені ұштастыра отырып үйретуіміз керек.</blockquote><img src="https://knadmin.beoblood.kz/uploads/1_Zh_mysshy_mamandy_tardy_dayarlaudy_zhauapkershiligi_zho_ary_2c50c95648.webp" alt="1 Жұмысшы мамандықтарды даярлаудың жауапкершілігі жоғары.webp">– Сұранысқа сай мамандық иелерін даярлауда оқытушылық құрамның жұмысы маңызды рөл атқарады. Қазір білімі мен біліктілігі ұштасқан қанша инженер-ұстаздар жұмыс істейді?<blockquote>– Иә, білім беруде педагог мамандардың жұмысында жауапкершілік болуы шарт. Өйткені білім алушыда соның ырқына қарай қозғалып отырады. Қазіргі студенттермен де тіл табысу оңай емес. Шындығында ұстаздардан бөлек, мен өзім де үнемі білім алушылармен бірге боламын. Кез келген ұйымдастырылған шараның басында болып, жас болмасам да солармен бір толқында тілдесіп отырамын.Бұдан бөлек, колледжде барлығы 57 инженер педагог жұмыс істейді. Оның ішінде 3 магистр, 1 кандидат, 2 зерттеуші, 12 сарапшы, 24 модератор бар. Өз кезегінде белгіленген мамандықтарына сәйкес сағаттық тағылымдамадан өтіп, білімдерін тұрақты жетілдіріп отырады.Осы ретте білім алушылар туралы да айтпай кетуге болмас. Себебі жоғарыда айтқан ұстаздардың еңбегінің арқасында ерекше көзге түсіп, білімге құштарлығы артқан студенттеріміздің арасында колледж абыройын асқақтатып жүргендері де бар.Мәселен, жыл сайын аймақта «Worldskills Qyzylorda – 2025» кәсіби шеберлік байқауы ұйымдастырылады. 2022 жылғы «WorldSkills» чемпионатында білім алушыларымыз «Аспаз ісі», «Кондитер ісі», «Сән технологиясы» құзыреттіліктері бойынша қатысып, аймақтық деңгейден «Аспаз ісінен» Арайлым Дастанова І орын, «Кондитерлік ісінен» Динара Туремурат ІІІ орын иеленді. Сол секілді 2023 жылы да аталған чемпионатта «Аспаз ісі», «Сән технологиясы» құзыреттіліктері бойынша қатысып, аймақтық деңгейден «Аспаз ісінен Арайлым» Дастанова І орын, «Сән технологиясынан» Әйгерім Кенжеғалиева ІІІ орын иегері атанды. 2024 жылы Азамат Нәни «Аспаз ісі» бойынша І орын, Гүлбану Асылбекова «Кондитерлік іс» құзыретінен І орын, Әйгерім Кенжеғалиева «Сән технологиясы» құзыретінен ІІІ орын иемденді. Сондай-ақ 2025 жылы жуырда ғана Зейнулла Бақытбек «Аспаз ісі» құзыретінен І орын, Гүлбану Асылбекова «Кондитерлік іс» құзыретінен І орын, Гүлім Тұрсынбай мен Нұрай Мәлікқызы «Сән технологиясы» құзыретінен ІІ орын иегерлері атанды.60 жылға жуық тарихы бар колледжден талай түлек түлеп ұшып, бүгінде еліміздің түкпір-түкпірінде абыройлы еңбек етіп келеді. Қоғамдағы орнын тауып, тұлға болып қалыптасып, ел дамуына зор үлес қосып жүр.Құрметті, талапкер! Бүгінгі сенің таңдауың – сенің жарқын болашағың! Сондықтан келешегіңе көз тастап, өзің қалаған мамандығыңның майталманы болудың кірпішін осы бастан қала. Келіңіз, Мұрат Саламатов атындағы Қызылорда қызмет көрсету және сервис колледжі есігін айқара ашады.</blockquote>– Сұхбатыңыз үшін рақмет!Әңгімелескен Нұр БАҚЫТ

Болат АХМЕТОВ: Жұмысшы мамандықтарды даярлаудың жауапкершілігі жоғары

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария өзенінің бойындағы Қызылорда су торабына барып, нысанның қазіргі жағдайымен танысты.1956 жылы іске қосылған стратегиялық маңызды нысан аймақтың ауыл шаруашылығын сумен қамтамасыз етуде негізгі рөл атқарады. Су торабы арқылы Қызылорда қаласы мен Сырдария, Жалағаш және Қармақшы аудандарындағы 120 мың гектар суармалы алқап, 250 мың гектар жайылым мен шабындық суарылады. Сонымен қатар, гидротехникалық кешен тасқын судың алдын алу және өзен ағысын реттеу міндетін атқарады.Қызылорда су торабы республикалық меншікте, ҚР Су ресурстары және ирригация министрлігінің «Қазсушар» РМК теңгерімінде. Нысанның су өткізу қуаты жаз айларында 1200 м³/сек, қыс мезгілінде 500-600 м³/сек.Су торабы арқылы «Сол жаға» және «Оң жаға» магистральді каналдарына су жеткізіледі. «Сол жаға» каналы 225 м³/сек су өткізе алады, 90 мың гектар жерді қамтиды, оның 45 мың гектары – күріш егістігі. Ал «Оң жаға» каналының жобалық қуаты 110 м³/сек. Бұл арна арқылы Қызылорда қаласы аумағындағы бау-бақша, шабындық және жайылымдық алқаптарға су беріледі.<img src="https://knadmin.beoblood.kz/uploads/2_Ajma_basshysy_yzylorda_su_torabyny_azirgi_zha_dajyn_k_rdi_2a8b13f74f.jpg" alt="2 Аймақ басшысы Қызылорда су торабының қазіргі жағдайын көрді.jpg"><img src="https://knadmin.beoblood.kz/uploads/Ajma_basshysy_yzylorda_su_torabyny_azirgi_zha_dajyn_k_rdi_326bcf2707.jpg" alt="Аймақ басшысы Қызылорда су торабының қазіргі жағдайын көрді.jpg">Фото: Қызылорда облысы әкімінің баспасөз қызметі

Аймақ басшысы Қызылорда су торабының қазіргі жағдайын көрді

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының бастамасымен «Таза Қазақстан» республикалық экологиялық жобасы аясында Қызылорда облысының Арал ауданында санитарлық тазалықты сақтау, абаттандыру және тұрғындардың өмір сүруіне қолайлы жағдай жасау бағытында ауқымды жұмыстар атқарылуда.Соңғы жылдары аудан аумағында қолға алынып жатқан ауқымды жобалармен қатар құрылыс жұмыстары да қарқынды жүруде. Олардың дені бүгінде халық игілігіне пайдалануға берілді. Сонымен қатар, бюджет қаражаты есебінен Арал қаласындағы көпқабатты тұрғын үй, кіре беріс қақпа күрделі жөндеуден өтіп, жаңаша кейіпке енді.Соңғы үш жылда 104,0 млн. теңгеге қаладағы көппәтерлі 6 тұрғын үйге күрделі жөндеу жұмыстары жүргізілген. Соның ішінде тұрғындарға қолайлы орта қалыптастыру мақсатында 16 пәтерлі тұрғын үйді жөндеу жұмыстары биыл аяқталып, пайдалануға берілді.Сонымен қатар, қаланың кіре беріс қақпасын қайта жаңғыртуға15 млн. 700 мың теңге қаралып, ескі қақпаның сыртқы бөлігі қайта жаңартылды. Жарық шамдары қайта орнатылып, қазақы оюмен әрленді.Ауданға қарасты елді мекендер ішінде санитарлық тазалық пен абаттандыруға мән беріп, тұрғындар үшін жайлы өлкеге айналған үлгілі елді мекендер қатарында Аманөткел ауылы алғашқылардың бірі болып аталады. 2024 жылы аймақта өткен «Үлгілі елді мекен» конкурсында «Үлгілі ауыл» номинациясы бойынша &nbsp;III орын иеленді.Ауыл халқының негізгі кәсібі балық және мал шаруашылығы болып табылады. Қазіргі таңда, заманауи тенологиямен тамшылатып суару арқылы егін шаруашылығы қарқынды дамуда.Тоғыз жолдың торабында орналасқан елді мекеннің 5 көшесіне асфальт жолдары төселген және 7 көшесіне түнгі жарық шамдары орнатылған. Әлеуметтік-экономикалық дамуы, өсу қарқыны, географиялық орналасу жағдайына орай келешегі де бар.Елді мекендегі 7 мыңға жуық қаратал, терек және жеміс-жидек ағаштары бар саябақ бүгінде ауыл тұрғындарының демалыс орнына айналған. Орталығындағы «Тағзым» алаңы мен «Нұртуған» кесенесі аумағына отырғызылған 300-ден астам терек, қаратал ағаштары күтіп бапталуда.Биылғы жылы елді мекендегі әлеуметтік нысандардың аумақтары толық абаттандырылып, барлығы 1000-ға жуық ағаш көшеттері егілді.2025 жылы Арал ауданындағы республикалық, облыстық және аудандық маңызы бар автомобиль жолдары бойында жасыл белдеулер құру жөніндегі іс-шаралар жоспары бекітілген.Осыған сәйкес, Аманөткел елді мекеніне кіре беріс автомобиль жолының бойында аумағы 0,5 гектарды құрайтын жасыл белдеу құру жоспарлануда.Онда 200 түп терек және қара тал ағаштары отырғызылды. Жоба 2025-2026 жылдың көктем және күз айларында демеушілік есебінен жалғасын табатын болады.Қазіргі таңда қаладағы тарихы және архитектуралық сәулеті жөнінен ескі ғимарат саналатын Арал теңізі станциясының вокзал ғимараты күн тәртібінде тұр. Ғимарат мемлекет меншігіндегі тарихи-мәдени нысан саналғандықтан оның құрылыс жұмыстарын жүргізу алдағы уақытта нақтыланатын болады.<img src="https://knadmin.beoblood.kz/uploads/1_Aralda_Taza_aza_stan_ekologiyaly_zhobasy_17b601e54e.jpg" alt="1 Аралда «Таза Қазақстан» экологиялық жобасы.jpg"><img src="https://knadmin.beoblood.kz/uploads/1_Aral_02dae09980.jpg" alt="1 Арал.jpg"><img src="https://knadmin.beoblood.kz/uploads/Aral_bfe1f78028.jpg" alt="Арал.jpg">

Аралда «Таза Қазақстан» экологиялық жобасы аясында қарқынды жұмыстар жүргізілуде

Қазақстан және Қызылорда облысының басты жаңалықтары