<a href="https://kyzylorda-news.kz/">Kyzylorda-news.kz.</a>&nbsp; Алматыда 27 ақпанда өтетін MTK Fight Night турниріне қатысушылардың салмағын өлшеу рәсімі өтті. Бұл туралы &nbsp;<a href="https://www.sports.kz/news/kamshyibek-kunkabaev-proshel-vzveshivanie-pered-boem-za-titul-wbo">Sports.kz</a> хабарлайды.
Кештің басты жекпе-жегінде Қазақстан құрамасының капитаны Қамшыбек Қоңқабаев (2-0, 2 КО) бірінші ауыр салмақтағы WBO Asia Pacific чемпионы бос атағы үшін Украина өкілі Сервер Эмурлаевпен (23-1, 9 КО) жұдырықтасады. Екі қарсылас та өз санаттарының лимиті – 90,7 келіден аспады.
Естеріңізге сала кетейік, бастапқыда қазақстандықтың қарсыласы солтүстік ирландиялық боксшы Стивен Уорд (13-1, 4 КО) болуы керек еді. Бірақ ол жеке себептермен ұрыстан шығуға мәжбүр болды.
Сондай-ақ шоу аясында рингке өзге де қазақстандық және шетелдік боксшылар шығады. Турнир 27 ақпанда Нұр-Сұлтан уақытымен 17:00-де басталады. Тікелей эфир Sporttimekz және IFL TV YouTube арналарында, сондай-ақ ESPN арналарында көрсетіледі.

Қамшыбек Қоңқабаев WBO титулы үшін айқас алдында салмақ өлшеді

<a href="https://kyzylorda-news.kz/">Kyzylorda-news.kz</a>. Аймақта ел Тәуелсіздігінің 30 жылдығын атап өту жөніндегі облыстық кешенді іс-шаралар жоспары әзірленген болатын. Онда ақпан айы – «Қазақстан спорттық ұлт» спорт айы болып белгіленген. Айлық аясында 69 спорттық сайыс өткізілді. Оған 5444 спортшы қатысып, өзара бақ сынады.
Спорттық жарыстардың 3-і республикалық, 15-і облыстық, 46-сы қалалық және аудандық деңгейде ұйымдастырылды. Тоғызқұмалақтан онлайн форматта өткізілген республикалық турнирге еліміздің барлық өңірінен 144 спортшы қатысты. Сондай-ақ, еркін күрестен және волейболдан республикалық турнир өтті. Оған өзге облыстардан 610 спортшы келді. Ал гандболдан және волейболдан облыстық біріншілік өткізілді.
<blockquote>
 Бұл жарыстарды ұйымдастырудағы басты мақсатымыз – Еліміздің Тәуелсіздігінің 30 жылдығын мерекелеу, жасөспірімдер мен жастарды патриоттық сезімге тәрбиелеуге және дене шынықтыру және спорт арқылы салауатты өмірге баулу. Аталған жарыстардың барлығы карантин талаптарын сақтай отырып, көрермендерсіз, салтанатты шараларсыз өткізілді, – деді облыстық дене шынықтыру және спорт басқармасының басшысы Жақсылық Оспанов.
</blockquote>
Өңірде наурыз айында халық балуаны Қажымұқан Мұңайтпасұлының 150 жылдығына орай жастар арасында қазақ күресінен республикалық турнир, самбодан жасөспірімдер арасында ҚР чемпионаты болады.
Сәуір айында қазақ күресінен «Алтын белбеу» облыстық іріктеу турнирі, мәнерлеп сырғанаудан Элизабет Тұрсынбаеваның жүлдесіне арналған «Көктем жұлдыздары» республикалық турнирін өткізу жоспарлануда.

Қызылордада ақпан айында 69 спорттық сайыс ұйымдастырылды

<a href="https://kyzylorda-news.kz/">Kyzylorda-news.kz.</a> Қазақстан Токио олимпиадасының кезекті жолдамасын иеленді. Бұл жолы су добы спортынан ұлттық құрама төртжылдықтың басты додасына лицензияны ұтып алды.
Олимпиада жолдамасы ойнатылатын Азия іріктеуі турнирі өткен жылы Нұр-Сұлтанда өтуі қажет еді, алайда коронавирус пандемиясына байланысты жарыс ақпан айына шегірелген.
Дегенмен әледегі коронавирус ахуалы әлі жақсармағанына байланысты Азия федереациясы құрлықтық доданы өткізбеуді шешті. Олимпиадаға қалған жолдамалар ұлттық құрамаларға үлестіріліп берілді.
Роттердамда өткен Токио олимпиадасының ресми жеребе тарту рәсімінде Қазақстан құрамасы да қатысты. Су добының Азия федерациясы олимпиадаға жолдаманы Джакартада өткен Азиада жеңімпаздарына беруді жөн көрепті.&nbsp;
Су добынан&nbsp;Қазақстан&nbsp;құрамасы олимпиадада В тобына түсіп,&nbsp;Аустралия, Хорватия, Сербия, Испания, Черногория&nbsp;құрамаларына қарсылас атанды. Ал А тобында&nbsp;Оңтүстік Африка,&nbsp;АҚШ,&nbsp;Венгрия,&nbsp;Грекия,&nbsp;Жапония,&nbsp;Италия&nbsp;ұжымдары өнер көрсетеді.&nbsp;
Айта кетерлігі, су добынан Қазақстан құрамасы 2000 жылғы Сидней, 2004 жылғы Афины және 2012 жылғы Лондон олимпиадаларына қатысқан.&nbsp;Дәл қазіргі сәтте Қазақстан қоржынында Токио олимпиадасына 44 спорт түрінен жолдама бар.&nbsp;
<a href="https://stan.kz/news-343711/">Stan.kz</a>

Қазақстан Токио олимпиадасының кезекті жолдамасын иеленді

<a href="https://kyzylorda-news.kz/">Kyzylorda-news.kz.</a> Жеңіл атлетикадан Өскеменде өткен Қазақстан чемпионатында жаңа рекорд тіркелді, деп хабарлады <a href="https://24.kz/kz/zha-aly-tar/sport/item/457059-zhe-il-atletikadan-aza-stan-rekordy-zha-ardy">«Хабар 24»</a>.
Кедергілер арқылы жүгіру бойынша 60 м қашықтықта Давид Ефремов жаңа рекорд авторы атанды. Ол тиісті қашықтықты 7.65 секундта бағындырды.
Айта кетерлігі, бұған дейінгі рекорд та Давид Ефремовке тиісті болатын.

Жеңіл атлетикадан Қазақстан рекорды жаңарды

<a href="https://kyzylorda-news.kz/">Kyzylorda-news.kz</a>. Matchroom Boxing промоутерлік компаниясының жетекшісі Эдди Хирнорта IBF/IBO нұсқасы бойынша орта салмақтағы әлем чемпионы Генадий Головкин (41-1-1, 36 КО) мен осы санатта WBA Super белбеуінің иегері жапон спортшысы Риота Муратамен (16-2, 13 КО) болатын жекпе-жек туралы айтты, деп хабарлайды <a href="https://www.inform.kz/kz/golovkinnin-promouteri-ush-titul-ushin-alem-chempionymen-otetin-aykastyn-kunin-aytty_a3755400">ҚазАқпарат</a>.
<blockquote>
 «Головкин мен Мурата арасындағы айқас жылдың соңына қарай ұйымдастырылуы мүмкін. Бұл – әдетте жапондар 31 желтоқсанда өткізетін жекпе-жектің түрі. Біз Мунгиямен де айқас туралы келіссөздер жүргізіп жатырмыз, бұл да керемет кездесу болмақ. Бірақ GGG Муратамен айқасты желтоқсан айында қарастырады деп ойлаймын. Әрине, «Канело» да бұл жекпе-жекті желтоқсан айында нысанаға алады. Алдағы екі аптада не болатынын көрейік», — деп мәлімдеді Хирн IFL.tv-ге берген сұхбатында.
</blockquote>
35 жастағы Мурата 2019 жылдың 23 желтоқсанында Йокогамада канадалық Стивен Батлерді (28-3-1, 24 КО) нокаутқа жіберген сәттен бастап шаршы алаңға шыққан жоқ. Головкинге келетін болсақ, ол өзінің соңғы жекпе-жегін өткен жылдың 18 желтоқсанында АҚШ-та өткізді, онда GGG міндетті қарсыласы поляк боксшысы Камил Шереметаны (21-1, 5 КО) жеңген болатын.

Головкиннің промоутері үш титул үшін әлем чемпионымен өтетін айқастың күнін айтты

<a href="https://kyzylorda-news.kz/">Kyzylorda-news.kz</a>. Шаһарда сәуір айында мәнерлеп сырғанаудан спорт шебері Элизабет Тұрсынбаеваның жүлдесіне арналған республикалық турнир өтеді. Бұл туралы өңірлік коммуникациялар қызметінің ақпараттық алаңында өткен брифингте Коньки тебушілер федерациясының бас хатшысы Байтақ Тұрсынбаев мәлімдеді.
<blockquote>
 «Мәнерлеп сырғанау секциясында 60 бала жаттығады. Жақында көршілес елден жаңа жаттықтырушы келді. Андрей Васильевич мәнерлеп сырғанаудан спорт шеберіне үміткер, жастар арасында Ресей чемпионатының және халықаралық турнирлердің қатысушысы және жүлдегері. 10 жылдан аса бапкерлік қызмет атқарған. Ижевск, Набережные Челны, Мензелинск қалаларында жұмыс жасаған. Шәкірттері облыстық және жалпы Ресейлік жарыстарда жүлдегер атанған. Біз үш жылға келісім шартқа отырдық. Алдағы уақытта балаларды мұз үстінде өрнек салуға үйрететін болады. Сондай-ақ, “Мұз айдыны” кешенінде Шорт-трек спорт түрі де бар. Бүгінде жас спортшыларымыз жүлделі орындарды иеленуде», – деді Байтақ Әбілханұлы.
 «Мұз айдыны» кешенінде спорттың 13 түрінен үйірме бар. Оның 8-і олимпиадалық спортқа бағытталған. Бүгінде жас спортшыларды республикалық, халықаралық турнирге дайындау мақсатында жаңадан жаттықтырушыларды да жұмысқа алдық. Алдағы уақытта спортшылардың жарыстарға қатысып, көк туымызды көкке желбірететініне кәміл сенемін, – деді «Мұз айдыны» спорт кешенінің директоры Илья Ильин.
</blockquote>
Әлем бойынша Қазақстан мәнерлеп сырғанаудан алда келе жатқан сегіз мемлекеттің ішіне кіреді. Бұл жақсы көрсеткіш, үлкен жетістік десекте болады.
<blockquote>
 «Жас спортышаларымызды болашақта әлемдік аренада көргім келеді. Айта кететін жайт, мәнерлеп сырғанау спортына баланы 4 жастан берген дұрыс. Себебі, бала 1-2 жыл мұзға аяғын нық басып үйренуі керек. Осыдан кейін барып, бапкерлер секіру сынды жаттығуларды үйрете бастайды», – деді Мәнерлеп сырғанаудан жаттықтырушы Андрей Васильевич.
</blockquote>
<img src="https://kyzylorda-news.kz/wp-content/uploads/2021/02/151729312_1233557660373077_8664856352479646645_o.jpg" alt="" />

Қызылордада сәуір айында мәнерлеп сырғанаудан турнир өтеді

<a href="https://kyzylorda-news.kz/">Kyzylorda-news.kz</a>. “Қайсар” жанкүйерлерінің сүйікті футболшысы Мақсат Байжанов бүгін қасқырлардың Түркиядағы жаттығуына келіп қосылды.
Мақсат жаңа маусымда өзі түлеткен команданың намысын қорғауға ниетті.
Айта кетейік, Мақсат Байжанов Ел біріншілігінде ең көп ойын көрсеткен футболшы. Сондай-ақ Байжанов отандық футболшылардың құрметіне берілетін Серік Жейлитбаев атындағы сыйлықтың иегері.

Мақсат Байжанов «Қайсарға» қосылды

<a href="https://kyzylorda-news.kz/">Kyzylorda-news.kz.</a> Қызылорда облысында өткен жылы 8 жаңа спорт нысаны салынды. Бұл туралы аймақ басшысы Гүлшара Әбдіқалықова 2020 жылғы облыстың әлеуметтік-экономикалық дамуының қорытындылары бойынша халық алдындағы есепті кездесуінде айтты.
Қызылорда облысында өткен жылы бюджет есебінен 8 жаңа спорт нысаны салынды. Мемлекеттік-жекешелік әріптестік шеңберінде 60секциялы 5 жоба жүзеге асырылды. Арал ауданы Жақсықылыш кентінде 1 жобаның құрылысы жалғасуда.
<blockquote>
 «Биыл Қызылорда қаласының сол жағалауында көгалдағы хоккей және Тасбөгет кенті мен Ақай, III Интернационал ауылдарында денешынықтыру-сауықтыру кешені құрылыстарын бастаймыз», – деді облыс әкімі.
</blockquote>

Қызылорда облысында былтыр 8 жаңа спорт нысаны салынды

<a href="https://kyzylorda-news.kz/">Kyzylorda-news.kz.</a> Токиодағы жазғы Олимпиада ойындарын ұйымдастырушылар жеңімпаз спортшылар мойнына тағылатын медаллдардың үлгісін көпшілік назарына ұсынды. Бұл туралы&nbsp;<a href="https://twitter.com/Olympics/status/1361616349500502016?ref_src=twsrc%5Etfw%7Ctwcamp%5Etweetembed%7Ctwterm%5E1361616349500502016%7Ctwgr%5E%7Ctwcon%5Es1_&ref_url=https%3A%2F%2Fuz.sputniknews.ru%2Fworld%2F20210216%2F16014217%2FKak-budut-vyglyadet-medali-Olimpiady-v-Tokio--pervye-foto.html">Olympics</a>&nbsp;ұйымының твиттердегі парақшасында жазылды деп хабарлайды&nbsp;<a href="https://uz.sputniknews.ru/world/20210216/16014217/Kak-budut-vyglyadet-medali-Olimpiady-v-Tokio--pervye-foto.html">Sputnik</a> .
Токио ойындарының эмблемасы мен дәстүрлі итимацу үлгісі медальдың қақ ортасында орналасқан.&nbsp;
<blockquote>
 These <a href="https://twitter.com/Tokyo2020?ref_src=twsrc%5Etfw">@Tokyo2020</a> medals! ?<a href="https://twitter.com/hashtag/Toyko2020Tuesday?src=hash&ref_src=twsrc%5Etfw">#Toyko2020Tuesday</a> <a href="https://twitter.com/hashtag/Tokyo2020?src=hash&ref_src=twsrc%5Etfw">#Tokyo2020</a> <a href="https://t.co/6aGoFHXTQe">pic.twitter.com/6aGoFHXTQe</a>
 — Olympics (@Olympics) <a href="https://twitter.com/Olympics/status/1361616349500502016?ref_src=twsrc%5Etfw">February 16, 2021</a>
</blockquote>
Айта кетейік, мұндай дизайнды жапондықтар жазғы спорт ойындарын өткізуге дайындық барысында, яғни 2019 жылы ұсынған. Ал дәстүрлі шара былтыр жазда өту тиіс болғанымен, коронавирус пандемиясы оның ұйымдастырылуына өзіндік әсерін тигізді.&nbsp;
​Бастапқы кезде бұл шараны мүлдем тоқтатып тастау мәселесі көтерілді. Кейіннен ресми Токио Олимпиада өткізу құқығын сақтай отырып, оны жай ғана кейінге шегеру шешімін қабылдады.&nbsp;
Ал медальдарға қатысты қызықты сәттің бірі 2019 жылы болды: жергілікті тұрғындар медаль жасау үшін екі жыл бойы ақаулы смартфондар мен планшеттерді және компьютерлерді жинауды қолға алды. Сөйтіп, бірлескен күш-жігердің арқасында жиналған 80 мыңнан астам гаджеттің бағалы металдары алынып, медаль жасау үшін балқытылды.
Ал оның жобасын жасауды жапондық дизайнер Дзюнъити Каваниси қолға алды.

Токио Олимпиадасының медалі қандай болады?

<a href="https://kyzylorda-news.kz/">Kyzylorda-news.kz.</a>&nbsp;ҚР Тәуелсіздігінің 30 жылдығына орай тоғызқұмалақтан Қызылорда облысының ашық онлайн біріншілігі аяқталды.
Жарыс <a href="http://www.playok.com/?fbclid=IwAR2d-dpWHxwmfqX_7aQ3rI27YBFOyCKITY5KzxgVIvlIixzZLsS7xSKOX4Y">www.playok.com</a> сайтының тоғызқұмалақ алаңында швейцар жүйесімен 11 турда өтті. Жарысқа еліміздің барлық өңірлерінен 144 спортшы қатысты.
Нәтижесінде ҚР халықаралық дәрежедегі спорт шебері, Азия чемпионы, батысқазақстандық Жарасхан Сағынбаев бірінші орынды жеңіп алды. Спорт шебері, Азия чемпионы, қызылордалық Дамир Ахметов – күміс жүлдені иеленді.
Қазақстанның еңбек сіңірген спорт шебері, тұңғыш Әлем чемпионы, шымкенттік Ғалымжан Темірбаев пен спорт шебері, Азия чемпионатының жүлдегері, қарағандылық Асылхан Қожанәсіп – қола жүлделерді еншіледі.
Жеңімпаз бен жүлдегерлер облыстық дене шынықтыру және спорт басқармасының диплом, медаль, естелік сыйлықтарымен марапатталды.

Қызылордада тоғызқұмалақтан ашық біріншілік өтті

<a href="https://kyzylorda-news.kz/">Kyzylorda-news.kz</a>. Чемпиондар лигасының форматы 2024 жылы өзгеруі мүмкін. Негізгі Еуропа кубогының жаңа құрылымы әлі жарияланбаған. Оны Еуропа футбол одағының Атқарушы комитеті де мақұлдауы керек. Бірақ реформаның жобасы қазірдің өзінде белгілі. Өзгерістер ең алдымен топтық сатыда болады.
Негізгі өзгерістер
<ul>
<li>Турнирдің топтық кезеңіне қатысатын клубтар саны 32-ден 36-ға дейін артады;</li>
<li>Бөлек топтар болмайды. Барлық 36 команда бірыңғай турнир кестесінде бақ сынайды, командалар бір-бірімен қысқартылған швейцариялық жүйеде ойнайды;</li>
<li>Қазіргі уақытта командалар топтық кезеңде алты ойын өткізеді, ал жаңа Чемпиондар Лигасының топтық кезеңіндегі ойындар саны 10-ға жетеді (бес рет өз алаңында және бес рет қонақта). Алайда айналмалы жүйе болмайды: бір клуб он ойында он түрлі қарсыласпен ойнайды;</li>
<li>Топтық кезеңнің соңында 1-8 орын алған командалар плей-офф кезеңіне өтеді, ал 9-24 орын алған командалар 1/8 финалға шығу үшін қосымша тур ойнайды;</li>
</ul>
<img src="https://kyzylorda-news.kz/wp-content/uploads/2021/02/ba13ecc42a05fa7e531e1965c8559d22.jpeg" alt="" />
Қосымша 100 ойын
Жаңа форматтағы ойындар саны көбейеді. Қазіргі уақытта топтық кезеңде 96 ойын бар. Реформа 18 ойыннан тұратын 10 турды, барлығы 180 матчты қамтиды. Топтық кезең мен жартылай финал арасындағы плей-офф кезеңіне өту үшін қосымша тур өтеді, осы кезеңде тағы 16 ойын өткізіледі. Нәтижесінде Чемпиондар лигасындағы ойындар саны тағы 100-ге көбейеді.
Топтық кезеңнің кеңеюі күнтізбені қатаңдатады, қосымша төрт ойынға орын табу керек (топтық кезеңде қазір 6 ойын, жаңа формат бойынша 10 ойын болады). Ойындар санын көбейтетіні әзірге белгісіз. Бұл жағдайда ішкі кубок ойындарының жалғасына қауіп төнеді. Күзде ұлттық құрама ойындарына бөлінетін ФИФА күндері қысқаруы мүмкін. Қазір осындай үш үзіліс бар, оның бірін құрбан етуге болады.
Формат әлі бекітілген жоқ, сондықтан бұл жобада өзгерістер болуы мүмкін. Бірақ көптеген клубтар топтық кезеңде он емес, сегіз раунд өткізгісі келеді. Алайда ұсынылған формат сақталған.
<img src="https://kyzylorda-news.kz/wp-content/uploads/2021/02/76bb87f7e9418749bf0c92c90b70597e.jpeg" alt="" />
Үздік клубтарға арналған жеңілдіктер
Чемпиондар лигасын жаңартудың маңызды аспектісі бұл топ клубтардың жеңілдік алуы. Неліктен УЕФА қатысушы командалар санын 32-ден 36-ға дейін арттырғысы келеді? Себебі, ірі командалар Чемпиондар лигасына өте алмаған кезде қосымша төрт орын оларға мүмкіндік туғызады.
Мәселен Англияда қазір Чемпиондар лигасына алғашқы төрт команда өтеді. “Челси” қазіргі уақытта премьер-лигада бесінші орында, яғни “көктер” негізгі еурокубокқа жолдама алмайды. Бірақ жаңа жүйе коэффициенті жоғары клубтарға тарихи нәтижелер арқылы Чемпиондар Лигасына қатысуға мүмкіндік береді. Егер, қазір ЧЛ-ға жаңа формат енгізіліп, Челси ішкі лигада бесінші орында тұрақтап қалған жағдайда, ЧЛ-ға жолдама алатын еді.
<img src="https://kyzylorda-news.kz/wp-content/uploads/2021/02/aa97c6cccb4c102b295c2f5a5c11c40e.jpeg" alt="" />
Сонымен қатар, УЕФА ішкі лиганы 5-7 орынмен аяқтаған және тікелей жолдама ала алмаған екі үлкен командаға Чемпиондар лигасына қатысу құқығын береді. Мысалы қазір АПЛ-де бұл орындарды “Челси”, “Вест Хэм Юнайтед” және “Эвертон” иеленіп тұр. Жаңа ережеге сәйкес, АПЛ-дің үздік төрт командасына “Челси” мен “Вет Хэм Юнайтед” қосылып Чемпиондар лигасына өтеді. Лиганың максималды квотасы – алты. “Эвертон” Еуропа лигасына жолдама алады. Ал Еуропа лигасына квоталар саны көбейтілмейді.
<img src="https://kyzylorda-news.kz/wp-content/uploads/2021/02/88880a51406f12883db8c488da36ff65.jpeg" alt="" />
Мұның бәрі не үшін?
Мұның бәрі УЕФА-ның жетекші клубтары жабық Суперлига құрады деген алаңдаушылыққа байланысты. Мұндай турнир туралы қауесет соңғы жылдары жиі айтылып жүр. Топ клубтар Чемпиондар лигасына жолдама ала алмай, көп қаржы жоғалтып жатқанына наразы. Сонымен қатар, топ-клубтар топ-клубтармен ойнағысы келеді және жаңа формат бұған мүмкіндік береді.
<a href="https://massaget.kz/layfstayl/sport/64480/">massaget.kz</a>

Чемпиондар лигасының жаңа форматы қалай болады?

<a href="https://stan.kz/">Kyzylorda-news.kz.</a> Шымкент қаласында парадзюдодан ерлер мен әйелдер арасында ҚР кубогы өтті.
Қазақстанның барлық өңірі қатысқан дүбірлі додада қызылордалық спортшылар 2 алтын, 1 күміс, 1 қола медальмен жалпы командалық есепте II орынды иеленді.
Жекелей есепте 57 келіде Даяна Федосова мен 78 келіден жоғары салмақта өнер көрсеткен Айдана Кенжетай жарыстың жеңімпазы атанды. Қос спортшы да жарыс барысында 2 кездесу өткізіп, қарсыластарынан басым түсті.
73 келіде Азамат Тұрымбетов күміс, +78 келіде Әсем Аманбек қола жүлделерді еншіледі.Енді спортшылар, Әлем чемпионы Олжас Оразалыұлы, Азамат Тұрымбетов пен Даяна Федосова ақпан айының соңында Грузияның Тблиси қаласында оқу-жаттығу жиыны мен турнирге, сәуірде Анталияда, мамырда Бакуде және маусым айларында Англияда өтетін лицензиялық Гран-При жарыстарына қатысуы жоспарлануда.
Спортшыларды жарысқа Жанарбек Сансызбаев, Руслан Беркімбай және Қайрат Төленов дайындады.

Қазақстан және Қызылорда облысының жаңалықтары: Спорт