<a href="https://kyzylorda-news.kz/">Kyzylorda-news.kz</a>. Коронавирус пандемиясына байланысты өткен жылы Халықаралық Олимпиада комитеті мен Олимпиада ұйымдастырушылары төрт жылдықтың басты додасын бір жылға кейінге шегерді. Енді олимпия ойындары 2021 жылы 23 шілдеде басталады.
Жақында өткен Халықаралық Олимпиада комитетінің жиынында Томас Бах 2021 жылдың қарбаласқа толы болатынын атап өтті. Өйткені, Токиодағы Олимпиада ойындарынан кейін 6 ай өткен соң қысқы Олимпиада ойындары басталады. Мұндай жайт тарихта алғаш рет орын алмақ.&nbsp;
Томас Бахтың айтуынша, Олимпиада ойындары мен барлық жарыстар және іс-шаралар жоспарланған уақытында өтеді. Осы салаға қызығушылық танытқан тараптардың бәрі де Ойынды сәтті өткізу үшін тынымсыз еңбектеніп жатыр.&nbsp;
Сондықтан, “Б” жоспарын ойластыруға негіз жоқ. Жапония нақты қадамдар арқылы бұл ойынды өткізуге дайын екенін көрсетіп, Қытай да қысқы ойындарды өткізуге әзір екенін мәлімдеді.&nbsp;
Олимпиаданың кейінге шегерілгеніне қарамастан, спортшыларымыз елдің бас санитария дәрігерінің жарлығына сәйкес жаттығулар жүргізіп жатыр. 2020 жылдың 17 тамызынан бастап Ұлттық Олимпиада комитетінің аккредиттелген спорт базасында барлық санитария-эпидемиология стандарты мен талабына сәйкес оқу-жаттығу жиындары қайта басталды.
Қазіргі уақытта Қазақстан еншісінде 17 спорт түрінен 42 лицензия бар. Оның ішінде:
<ul>
<li>Жеңіл атлетикадан 3 лицензия – Георгий Шейко, Ольга Рыпакова, Айман Ратова;</li>
<li>Велоспорттан (тас жолдағы) 4 лицензия;</li>
<li>Суда жүзуден 2 лицензия – Баландин Дмитрий, ашық аспан астында суда жүзуден 1 лицензия – Худяков Виталий;</li>
<li>Садақ ату спортынан 4 лицензия – Мұсаев Санжар, Ганкин Денис, Абдуллин Ильфат;</li>
<li>Құзға өрмелеу спортынан 1 лицензия – Ришат Хайбуллин;</li>
<li>Синхронды жүзуден 1 лицензия – Александра жəне Екатерина Немич;</li>
<li>Грек-рим күресінен 2 лицензия – Мейрамбек Айнағұлов, Асхат Ділмұхамедов; Əйелдер күресінен 2 лицензия – Валентина Исламова, Эльмира Сыздықова; Еркін күрестен 4 лицензия – Нұрислам Санаев, Дəулет Ниязбеков, Данияр Қайсанов, Əлішер Ерғали;</li>
<li>Спорттық гимнастикадан 1 лицензия – Милад Карими; Стенд атудан 1 лицензия – Рысбекова Сəрсенгүл; Нысана көздеуден 1 лицензия – Юрков Юрий;</li>
<li>Бессайыстан 2 лицензия – Потапенко Елена, Ильященко Павел;</li>
<li>WKF каратэден 1 лицензия – Дархан Асаділов;</li>
<li>Бокстан 9 лицензия – Сəкен Бибосынов, Серік Теміржанов, Зəкір Сафиуллин, Абылайхан Жүсіпов, Əбілхан Аманқұл, Бекзат Нұрдəулетов, Василий Левит, Қамшыбек Қоңқабаев, Надежда Рябец; Велотректен 3 лицензия.</li>
</ul>
<a href="https://massaget.kz/layfstayl/sport/64376/?fbclid=IwAR2PLkHn_yzgdWiC569Q8mEyMwtTKfu9Wa6RZIwndVEAtQqM_GODFDJ9hy4">Massaget.kz</a>

Қазақстан қоржынында Олимпиаданың неше жолдамасы бар?

<a href="https://kyzylorda-news.kz/">Kyzylorda-news.kz</a>. Бүгін «Қайсар» футбол клубы оқу-жаттығу жиынын өткізуге Түркияға кетті. Сырдың бас командасы қара теңіздің етегінде үшінші наурызға дейін болады.
Сұлтан Әбілдаевтан тәлім алатын команда осыған дейін екі рет облыста жаттығу жиынын өткізді. Жергілікті футболшылардың шеберлігін байқап көрді. Көзге түскен 12 аяқдопшыны бас бапкер Анталиядағы жиынға шақырған.
<blockquote>
 «Өздеріңізге белгілі, команданы Сұлтан Әбілдаев жаттықтырады. Оған Ерлан Шойтымов пен Қанат Шерімбетов көмектеседі. Өткен маусымда өнер көрсеткен ойыншылардың 80 пайызы командадан кетті. Легионерлерге қатысты мәселе жақын күндері шешімін табады. Түркияда жаңа ойыншыларды сынақтан өткіземіз. Негізгі басымдықты жергілікті ойыншыларға береміз. Негізгі мақсат алдағы бес жылдықта танымал ойыншылар шығару», – деді «Қайсар» ФК директоры Серік Досманбетов.
</blockquote>
Бізде талантты жастар жетерлік. Көпшілігіне мүмкіндік береміз. Оған қоса бірнеше шетелдік футболшылармен сөйлесіп отырмыз. Олардың мүмкіндігін жаттығу барысында тексереміз. Команданың намысын абыроймен қорғайтын, ең қажет деген ойыншыларды алатын боламыз, – деді команданың бас бапкері Сұлтан Әбілдаев.
«Қайсар» командасы Анталияда 5 жолдастық кездесу өткізеді. Ал ел біріншілігі 12-ші наурызда басталады.
Үшінші оқу-жаттығу жиынына мына ойыншылар шақырту алды. Қақпашылар: Марсель Исламқұлов, Нұрымжан Салайдын; 
Қорғаушылар: Елжас Сарбай, Олжас Алтаев, Иван Граф, Ілияс Әмірсеитов, Абылайхан Төлегенов; 
Жартылай қорғаушылар: Данияр Әлімжан, Бекзат Құрманбекұлы, Аян Құлмағанбетов Думан Нәрзілдаев; Шабуылшылар: Шоқан Абзалов, Өркен Махан.
Айта кетейік, команданың шабуылшысы Елжас Алтынбеков аздаған жарақатына байланысты қасқырлардың оқу-жаттығу жиынына кейінірек қосылатын болады.
<img src="https://kyzylorda-news.kz/wp-content/uploads/2021/01/142789154_1218982465163930_1245368214177664890_o.jpg" alt="" />

«Қайсар» ФК Түркияда бес жолдастық кездесу өткізеді

<a href="https://kyzylorda-news.kz/">Kyzylorda-news.kz</a>. Халықаралық Олимпиада комитетінің президенті Томас Бах Ұлттық Олимпиада комитеттерінің басшыларымен кеңейтілген телеконференция өткізді, деп хабарлады&nbsp;<a href="https://prosports.kz/kz/news/483657-tomas-bah-olimpiada-uakytynda-otedi-b-zhospary-zhok">Olympic.kz.</a>
Қазақстан Ұлттық Олимпиадалық комитетінің басшылығы да онлайн кездесуге қатысты.&nbsp; Күн тәртібінде өте маңызды мәселелер қаралды. Екі сағаттан аса уақыт бойы қатысушылар ғаламдық пандемия, спортшыларды вакцинациялау, БҰҰ резолюциясы мен алдағы Токио-2020 және Бейжің-2022 Олимпиадаларына дайындықты талқылады.&nbsp;
Жиын барысында сөз алған Томас Бах 2021 жылдың қарбаласқа толы болатынын атап өтті. Өйткені Токиодағы Олимпиада ойындарынан кейін 6 ай өткен соң қысқы Олимпиада ойындары басталады. Мұндай жайт тарихта алғаш рет орын алмақ.
Қазіргі сәтте ХОК екі ірі спорттық іс-шараға толыққанды дайындық жүргізуде.&nbsp; Томас Бах 2020 жылғы Токио Олимпиадасы қарсаңындағы түрлі сыбыстар мен қауесеттерге тойтарыс беру үшін Олимпиадалық қозғалыстың бірлесіп жұмыс істеуі қажеттігіне ерекше тоқталып өтті.&nbsp;
<blockquote>
 “Қазір Олимпиадалық қозғалыстың бар назары 2020 жылғы Токио ойындарына бағытталған. 21 қаңтардың кеші мен 22 қаңтар күнгі жаңалықтарда Жапонияның Олимпиаданы өткізуден бас тартатыны туралы арандатушылық бағыттағы жазбалар көп болды. Бірақ бұл жалған ақпарат. Мен баршаңызды тек қана ресми дереккөздер мен ХОК-тың ресми мәлімдемесіне сенуге шақырамын. 22 қаңтар күні Жапония билігімен телефон арқылы сөйлестім, олар Жапония билігі атынан ресми мәлімдеме мүлде болмағанын айтты”, – деді ХОК президенті.
</blockquote>
Оның айтуынша, Олимпиада ойындары мен барлық жарыс және іс-шаралар жоспарланған уақытында өтеді. Осы салаға қызығушылық танытқан тараптардың бәрі де Ойынды сәтті өткізу үшін тынымсыз еңбектенуде.
<blockquote>
 “Сондықтан “Б” жоспарын ойластыруға негіз жоқ. Жапония нақты қадамдар арқылы бұл Ойынды өткізуге дайын екенін баршамызға көрсетті. Сондай-ақ, елдегі саяси пікірталастарға қарамастан, Қытай да қысқы ойындарды өткізуге әзір”, – деп түйіндеді Томас Бах.&nbsp;
</blockquote>
ХОК басшысы Олимпиада ойындарына қатысушыларды вакцинациялау туралы да айтты. Томас Бах осы сұраққа қатысты&nbsp; Ұлттық Олимпиадалық комитеттерге көмектесуге уәде беріп, барлық спортшыны вакцина қабылдауға шақырды. Алайда вакцинациялау әр спортшының еркі бойынша жүргізіледі.

Токиодағы Олимпиададан  кейін қысқы Олимпиада ойындары басталады

<a href="https://kyzylorda-news.kz/">Kyzylorda-news.kz</a>.&nbsp;Қазақ күресінен өткен облыс біріншілігінде Қызылорда қаласы мен Шиелі ауданының балуандары жеңіске жетті.
№1 Қызылорда облысының олимпиадалық резервтің мамандандырылған балалар-жасөспірімдер мектебінде қазақ күресінен 2006-2007 жылы туған кіші жасөспірімдер арасында облыс біріншілігі мәресіне жетті.
Жарыс карантин талаптарын сақтай отырып, көрермендерсіз өткізілді. Балуандар бәсекесінде Шиелі ауданы мен Қызылорда қаласының спортшылары жақсы қырыннан таныла білді.Атап айтсақ, шиеліліктер Диас Маратұлы (38 келі), Марғұлан Қасымбек (42 келі), Қуаныш Қазнабек (55 келі), Ерасыл Халилаев (65 келі), қызылордалықтар Нұржан Тумырзаев (46 келі), Шейхрахман Бауыржанұлы (50 келі), Ардақ Мұңайтбас (70 келі), Сержан Қанатұлы (75 келі) жеңіс тұғырына көтерілді.
Сонымен қатар Түгіскен елді мекенінен Мирас Жұмақожа (60 келі) мен қазалылық Нұрдаулет Әмет (+75 келі) облыс чемпионы атанды.
Республикада эпидемиологиялық ахуал қалыпты болған жағдайда спортшылар ақпан айында Нұр-Сұлтан қаласында өтетін жасөспірімдер арасындағы Қазақстан Республикасының чемпионатына қатысады.

Қызылорда: Жеңімпаздар ел чемпионатына қатысады

<a href="https://kyzylorda-news.kz/">Kyzylorda-news.kz</a>. “Қайсар” футбол командасының екінші оқу-жаттығу жиыны аяқталды.
Қызылордада өткен дайындық барысы физикалық жаттығуларға негізделді. Премьер лигаға дайындығын ерте бастаған “Қайсар” 28 қаңтарда үшінші оқу-жаттығу жиынын өткізуге Түркияға аттанады. Сұлтан Әбілдаевтан тәлім алатын команда қара теңіздің етегінде ақпан айының соңына дейін болады.
Анталиядағы жиынға бас бапкер бірнеше ойыншыны қаралымнан өткізеді. Жалпы биыл команданың негізгі бөлігі жергілікті футболшылардан жасақталған. Болгар маманы Стойчо Младеновтың тұсында қосалқы құрамда қалған Өркен Махан, Шоқан Абзалов, Елжас Алтынбеков, Нұрым Салайдын секілді футболшылардың жұлдызы жарқырай түспек. Бүгінде команда құрамында өткен маусымнан 4-5 ойыншы қалды. Атап айтсақ, Думан Нәрзілдаев, Ілияс Әмірсейітов және Марсель Исламқұлов бар. Футбол инсайдтарының хабарлауынша, грузиялық шабуылшы Элгуджа Лобжанидзе мен Элфин Фортес қасқырлардың Түркиядағы жаттығу жиынында қосылады деген сыбыс бар.

&#8220;Қайсар&#8221; Түркияға аттанады

<a href="https://kyzylorda-news.kz/">Kyzylorda-news.kz</a>. Өскемен қаласында жеңіл атлетикадан 2004-2005 жылы туған жастар арасында ҚР чемпионаты өтуде.
Жарыстың алғашқы күнінде жерлесіміз Асқар Оразханұлы ядро итеруден І орынды жеңіп алды. Ол ядроны 15,66 метрге итеріп, қарсыластарынан басым түсті.
Жас спортшы биылғы жылдың қазан айында өтетін Азия чемпионатына қатысу үшін ұпай жинау жарыстарына қатысуда. Ел чемпионаты 24-қаңтарға дейін жалғасады.
Асқар Оразханұлы 2004 жылы Қызылорда қаласында дүниеге келген. Ол 9 жасында 4ОРМБЖМ-нің жеңіл атлетика бөлімшесіне Руслан Омаровтың тобына қабылданған.
Жеңіл атлет 2019 жылы Қарағандыда өткен ел чемпионатында кіші жасөспірімдер арасында чемпион болған. Сондай-ақ халықаралық жарыстардың чемпионы және жүлдегері.

Қызылордалық жеңіл атлет Қазақстан чемпионы атанды

<a href="https://kyzylorda-news.kz/">Kyzylorda-news.kz</a>. Олимпиада ойындары биыл 23 шілдеде өтеді.
<blockquote>
 «Олимпиада ойындарының уақыты өзгермейді. Байрақты бәсекенің ашылу салтанаты 23 шілдеде Токиодағы олимпиадалық стадионда өтуі керек. Оны барынша қауіпсіз қылуға тырысамыз», – деді Томас Бах.
</blockquote>
ХОК президенті арнайы мәлімдеме жасап, Олимпипда өтпейді деуге негіз жоқтығын қадап айтты. Бірақ оған келетін көрермендердің саны қысқартылуы мүмкін. Тіпті жүнкүйерсіз өтуі мүмкін екенін де алға тартты. Айта кетейік, Токио Олимпиадасы былтыр жазда болуы керек еді. Ғаламдық пандемияға байланысты ойын 2021 жылдың 23 шілдесі мен 8 тамызы аралығына ауыстырылды. Қазақстан құрамасы бұл ойындарға 40-тан аса лизензия жеңіп алды. Жазға дейін оның санын 100-ге жеткізу жоспарланып отыр.
<a href="https://24.kz/kz/zha-aly-tar/sport/item/450506-tomas-bakh-tokioda-y-olimpiada-a-atysty-m-limdeme-zhasady">Хабар 24</a>

Томас Бах Токиодағы Олимпиадаға қатысты мәлімдеме жасады

<a href="https://kyzylorda-news.kz/">Kyzylorda-news.kz.</a> ҚР V Жастар спорт ойындарының алдындағы грек-рим күресінен оқу-жаттығу жиыны “Мұз айдыны” спорт кешенінде өтуде.
Жастар құрамасының аға бапкері Ермек Көкетов жетекшілігімен оқу-жаттығу жиынына Қызылорда қаласы мен аудан спортшылары қатысуда. Төрт жылда бір мәрте ұйымдастырылатын ҚР V Жастар спорт ойындары аясында грек-рим күресінен жарыс 24-26 қаңтар аралығында өтеді. Жарыстың өтетін аймағы әзірге белгісіз.
Еліміздің барлық өңірінен қатысатын спортшылар 10 салмақта жүлделерді сарапқа салады.
Сыр елінен грек-рим күресінен жасөспірімдер арасында Қазақстан чемпионатының жүлдегерлері, спорт шеберіне үміткерлер 55 келіде Қасымхан Мейрамбекұлы, 60 келіде Ернат Кеңес, 67 келіде Нұрбол Бағдаулет, 72 келіде Берекет Ақбалаев бастаған және тағы басқа облыстың жастар құрамасы бақ сынайды.
<img src="https://kyzylorda-news.kz/wp-content/uploads/2021/01/balwan.jpg" alt="" />
<img src="https://kyzylorda-news.kz/wp-content/uploads/2021/01/sport1.jpg" alt="" />
<img src="https://kyzylorda-news.kz/wp-content/uploads/2021/01/kwres.jpg" alt="" />

Сыр балуандары V Жастар ойындарына дайындық жүргізуде

<a href="https://kyzylorda-news.kz/">Kyzylorda-news.kz</a>. Бүгін қызылордалық “Қайсар” футбол командасы екінші оқу-жаттығу жиынын бастады.
Бас бапкер Сұлтан Әбілдаев жиынға тек жергілікті футболшыларды шақыртты.
Жиынға шақырту алған футболшыларды атап өтер болсақ, Нұрымжан Салайдын, Нұрмат Сәрсенов (қақпашылар), Олжас Алтаев, Алдан Балтаев, Абылайхан Төлегенов, Руслан Дүйсенбаев, Елжас Сарбай, Ерболат Серік, Айбол Жахаев (қорғаушылар), Думан Нәрзілдаев, Ислам Әбілқасов, Ерболат Рүстемов, Бекзат Құрманбекұлы, Аян Құлмағанбетов, Бауыржан Мағжан, Самат Балымбетов (жартылай қорғаушылар), Өркен Махан, Шоқан Абзалов, Елжас Алтынбеков (шабуылшылар).
Айта кетейік, командаға келетін өзге футболшылар алдағы уақытта қосылатын болады.

&#8220;Қайсар&#8221; дайындықты бастады

Kyzylorda-news.kz. Коньки спорты федерациясының (мәнерлеп сырғанау, шорт-трек) кезектен тыс отырысы өтті.
Жиынға федерация мүшелері, жаттықтырушылар және ата-аналар қатысты.
Жиналыста федерация президенті Байтақ Тұрсынбаев соңғы үш жылдың жұмыстарын қорытындылады.
Соңғы үш жылда мәнерлеп сырғанаудан жасөспірім спортшылар республикалық, халықаралық жарыстарда табысты өнер көрсетіп, 49 медальді иеленді.
Сондай-ақ, 2019 жылы Сайтама қ. (Жапония) мəнерлеп сырғанаудан өткен Əлем чемпионатында Элизабет Тұрсынбаева күміс жүлдені еншілеп, төрт айналым элемент секірген əйелдер арасында мəнерлеп сырғанаушы ретінде тұңғыш тарихқа енді.
Соңғы екі жылда шорт-тректен 
Сыр спортшылары 24 медаль иеленді. Қазақстан чемпиондары, спорт шеберіне үміткерлер: Олжас Кулкеев, Диляра Туралиева, Айару Қайратқызы, Жансая Есен, Ұлту Құрманбай және күміс жүлдегерлер Ілияс Әбдіманап, Али Дайрабай, Мағжан Бақытжанұлы еліміздің намысын қорғады.
Жиын барысында коньки спорты федерациясының жаңа президенті лауазымына Мағжан Ералиев тағайындалды. Қазіргі таңда Мағжан Абзалұлы “Мағжан и К” ЖШС және “Абзал и К” ТС бас директоры қызметін атқарады. Ол өз кезегінде Сыр спортының дамуына, оның ішінде мәнерлеп сырғанау мен шорт-трек спортының жандануына үлес қосатындығын жеткізді.

Қызылорда облысының коньки спорты федерациясының президенті тағайындалды

2020: Қызылорда облысындағы елеулі оқиғалар

&nbsp;<a href="https://kyzylorda-news.kz/">Kyzylorda-news.kz.</a>&nbsp; “Nur Otan” партиясынан мәслихат депутаттығына үміткерлер Жұмбеков Дәулет Егембергенұлы және Дәрібаева Гүлсім Әбілқасымқызы партияның сайлауалды бағдарламасын түсіндіру мақсатында Шиелі ауданындағы споршылармен кездесіп, партияға дауыс беру мақсатында алдағы сайлауға белсенді қатысуға шақырды.
Сайлауалды бағдарламада бұқаралық спортты дамытуға да айрықша көңіл бөлініп отыр.
Мәселен, партия алдағы бес жылға арналған өз жоспарында ұлт денсаулығын нығайтуға, халықты бұқаралық спортпен айналысуға бағыттайтын болады. Ол үшін: 2022 жылы Шиелі кентінде денешынықтыру және сауықтыру кешенің салуға, жасөспірімдер мен балалар спорт мектептерінің материалдық-техникалық базасын нығайтуға және ұлттық спортты дамытуға (Ұлттық спорт тұрлерінен, қазақша күрес, ауыр атлетика, тоғыз құмалақ, бокс, футбол, еркін күрес, дзюдо) ықпал ететін болады.
Нәтижесінде, «Nur Otan» партиясы 2025 жылы ауданда дене шынықтырумен және спортпен шұғылданатын азаматтарды қамту деңгейін36 пайызға жеткізуді көздейді.
«Nur Otan» партиясының Қызылорда облысы Шиелі ауданының сайлау қоры қаражатының есебінен төленді.
<img src="https://kyzylorda-news.kz/wp-content/uploads/2020/12/fb8adf67-f990-4c40-8610-bf82726549f0.jpg" alt="" />

Қазақстан және Қызылорда облысының жаңалықтары: Спорт

Қазақстан қоржынында Олимпиаданың неше жолдамасы бар?

«Қайсар» ФК Түркияда бес жолдастық кездесу өткізеді

Токиодағы Олимпиададан кейін қысқы Олимпиада ойындары басталады

Қызылорда: Жеңімпаздар ел чемпионатына қатысады

“Қайсар” Түркияға аттанады

Қызылордалық жеңіл атлет Қазақстан чемпионы атанды

Томас Бах Токиодағы Олимпиадаға қатысты мәлімдеме жасады

Сыр балуандары V Жастар ойындарына дайындық жүргізуде

“Қайсар” дайындықты бастады

Қызылорда облысының коньки спорты федерациясының президенті тағайындалды

2020: Қызылорда облысындағы елеулі оқиғалар

Шиелі: Спорт майталмандарымен кездесу өтті

Қазақстан және Қызылорда облысының жаңалықтары: Спорт

Қазақстан қоржынында Олимпиаданың неше жолдамасы бар?

«Қайсар» ФК Түркияда бес жолдастық кездесу өткізеді

Токиодағы Олимпиададан кейін қысқы Олимпиада ойындары басталады

Қызылорда: Жеңімпаздар ел чемпионатына қатысады

&#8220;Қайсар&#8221; Түркияға аттанады

Қызылордалық жеңіл атлет Қазақстан чемпионы атанды

Томас Бах Токиодағы Олимпиадаға қатысты мәлімдеме жасады

Сыр балуандары V Жастар ойындарына дайындық жүргізуде

&#8220;Қайсар&#8221; дайындықты бастады

Қызылорда облысының коньки спорты федерациясының президенті тағайындалды

2020: Қызылорда облысындағы елеулі оқиғалар

Шиелі: Спорт майталмандарымен кездесу өтті

“Қайсар” Түркияға аттанады

“Қайсар” дайындықты бастады