<a href="https://kyzylorda-news.kz/">Kyzylorda-news.kz.</a> Қармақшы ауданының әкімі Мұса Қалдарбеков жерлесіміз «Әлем Барысының» жүлдегері Мақсат Исағабыловты қабылдап, алғыс хатпен 500 мың теңгенің сертификатын табыстады.
Қабылдауға аудандық мәслихат хатшысы Марат Наятұлы, аудан әкімінің орынбасары Жарқын Омаров, аудандық ардагерлер кеңесінің төрағасы Қаршыға Есдәулетов, «Достық Жер МК», «Абай Дәулет» шаруашылықтарының басшысы Мұрат Сәрсембаев және Мақсаттың бапкері Әділбек Серікбаев пен аудандық дене шынықтыру және спорт бөлімінің басшысы Нұрбол Мырзабаев қатысты.
<blockquote>
 «Ауданымызда тұрғындардың спортпен шұғылдануы үшін барынша жағдай қалыптасқан.Аудан спортшылары өткен жылы ҚР біріншіліктері мен чемпионаттарында 25 – алтын, 20 – күміс, 25 – қола медальды жеңіп алса, Әлем Кубогында 1-қола, Әлем чемпионатында 2-күміс және Азия чемпионатында 1-алтын медалды жеңіп алды. Мақсаттың жеңісі Сыр спорты үшін ерекше», – деді аудан басшысы.
</blockquote>
Айта кетейік Мақсат Исағабылов 1994 жылы Қармақшы ауданында дүниеге келген, 2002 жылы аудандық балалар мен жасөспірімдер спорт мектебіне самбо күресі бөлімшесіне қабылданды.
Мақсат жасөспірімдер және жастар арасында самбо күресінен, қазақ күресінен және дзюдодан Қазақстан Республикасы біріншіліктерінің жүлдегері және жеңімпазы атанған.
Дзюдо және қазақ күресінен «Қазақстан Республикасының спорт шебері», самбо күресінен «Қазақстан Республикасының халықаралық дәрежедегі спорт шебері» атағын иеленген, бірнеше республикалық және халықаралық турнирлердің жеңімпазы, ел біріншілігінің жеңімпазы, «Қазақстан Барысы» республикалық турнирінің қатысушысы.
Өткен жылы Моңғолия астанасы Ұлан-батыр қаласында өткен қазақ күресінен Азия чемпионатында 100 кг жоғары салмақ дәрежесінде чемпион атанса, Қызылорда қаласында өткен қазақ күресінен Қазақстан Республикасының чемпионатында 100 кг салмақ дәрежесінде қола жүлдегер және чемпионаттың түйе палуандар сайысында күміс жүлдені иеленді.
Нұр-Сұлтан қаласында өткен «Әлем Барысы» – 2019 халықаралық турнирінде қола жүлдегер атанды.&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;
Қазіргі таңда Мақсат Қызылорда облысының жоғары спорт шеберлігі мектебінің қазақ күресі бөлімінде жаттығуда, жаттықтырушылары «Қазақстан Республикасына еңбегі сіңген жаттықтырушы» Әділбек Серікбаев және Болат Кенеев.

Қармақшы ауданының әкімі «Әлем барысының» жүлдегері Мақсат Исағабыловты қабылдады

<a href="https://kyzylorda-news.kz/">Kyzylorda-news.kz.</a> 14-16 ақпан аралығында «Мұз айдыны» спорт кешенінде мемлекет және қоғам қайраткері Дінмұхамед Қонаевты еске алуға арналған волейболдан ардагерлер арасында он бірінші халықаралық турнир өтті.
Облыста алғашқы мәрте ұйымдастырылған жарысқа Өзбекстан, Қырғызстан мемлекеттерінен, Нұр-Сұлтан, Алматы, Байқоңыр қалаларынан және Алматы, Жамбыл, Түркістан, Шығыс Қазақстан, Маңғыстау, Қызылорда облыстарынан 12 команда, 50 жастан жоғары 150-дей ардагер қатысты.
Үш күнге созылған жарыстың нəтижесінде Алматы қаласының “КАЗНАУ” командасы І орынды жеңіп алды. ІІ орынды Байқоңыр қаласының командасы иеленді. Шығыс Қазақстан жəне Түркістан облыстары ІІІ орынға табан тіреді.
<img src="https://kyzylorda-news.kz/wp-content/uploads/2020/02/17turnirzhenimpaz2.jpg" alt="" />
<img src="https://kyzylorda-news.kz/wp-content/uploads/2020/02/17turnirzhenimpaz3.jpg" alt="" />
<img src="https://kyzylorda-news.kz/wp-content/uploads/2020/02/17turnirzhenimpaz4.jpg" alt="" />

Қызылордада өткен халықаралық турнирдің жеңімпазы анықталды

<a href="https://kyzylorda-news.kz/">Kyzylorda-news.kz.</a> Қызылорда қаласындағы Евразия спорт кешенінде Ауған соғысы ардагерлерінің құрметіне арналған армиялық қоян-қолтық ұрысынан күштік құрылымдар және құқық қорғау органдары арасында Қызылорда гарнизоны бастығының кубогына арналған сайыс өтті.
Сайысқа Жамбыл, Түркістан облыстарының әскери бөлімдері мен жергілікті құқық қорғау органдары және күштік құрылым өкілдері қатысты. Әскерилер арасындағы бәсекеде 11 команда, 107 спортшы бақ сынасты. Жауынгерлер 55, 60, 65, 70, 75, 80 және 80 келіден жоғары салмақта өнер көрсетті.
Сайыс қорытындысымен І орынды Қызылорда қаласындағы 66597 әскери бөлімі жеңіп алды. Ал ІІ орынды Тараз қаласынан қатысқан Оңтүстік өңірлік қолбасшылығының қызметкерлері қанжығаға байлады. Қажымұқан атындағы спорт клубының спортшылары ІІІ орынға ие болды. Жеңімпаздар ақшалай сыйлыққа ие болды.
<blockquote>
 «Әскери қызметкерлер бұл спорт түрінен де жоғары шеберліктерін көрсетті. Бірінші орынға ие болған 66597 әскери бөлімінің командасында Әлем чемпионы бар. Халықаралық дәрежеде ойын көрсетіп жүрген қызметкерлеріміз бұл сыннан да сүрінбей өтті. Аталған жарыс биыл алғаш рет ұйымдастырылып отыр. Алдағы жылдарда дәстүрлі шараға айналдырамыз деген жоспар бар», – деді 66597 әскери бөлімінің дене дайындығы және спорт қызметінің бастығы Нұрдидар Құдайбергенов.
</blockquote>

Қызылордалық 66597 әскери бөлімі жеңіске жетті

Ауыр атлетикадан төрт дүркін әлем чемпионы Илья Ильин Шымкентке келіп, М.Әуезов атындағы Оңтүстік Қазақстан мемлекеттік университетінің жастарымен кездесті. Басқосуда спорт шебері өзінің спорттық жетістіктерге жету жолындағы қажырлы іс-әрекеті мен мақсаткерлігін, жігерлі ұмтылысы туралы әңгімелеп берді, &nbsp;деп хабарлайды <a href="https://lenta.inform.kz/kz/il-ya-il-in-shymkenttik-universitettin-kurmetti-professory-atandy_a3614911">ҚазАқпарат.</a>
Басқосуда зілтемірші өмірде кездесетін түрлі кедергілерді жеңе білу, ұстамдылық пен парасаттылық туралы өзінің көкейге түйген ойларымен бөлісті.«Алдағы уақытта өзімді спорт менеджері ретінде сынап көрсем деймін. Адам бұл өмірде бәріне дайын болуы керек. Үйренуден жалықпаңыздар» деген ол студенттердің сауалдарына да жауап берді.&nbsp;Жастарды әсіресе Илья Ильиннің спорттағы бағындырған белестері қызықтырды. Айта кетейік, еріктілер жылына орай ұйымдастырылған бұл шараның мақсаты жастарды спортқа, тазалыққа, еңбекқорлыққа баулу болды. Сондай-ақ өмірде жетістігі мол тұлғалардың өмір жолын үлгі етіп, жастардың өмірде дұрыс жол таңдауына көмектесу болды. Шара соңында Илья Ильинге жоғары оқу орнының «Құрметті профессоры» атағы берілді.&nbsp;Еске салайық, допинг дауынан кейін додаларға қатыса бастаған әйгілі спортшы жуырда ғана Өзбекстанда ауыр атлетикадан өткен халықаралық чемпионатта топ жарған болатын.

Илья Ильин шымкенттік университеттің «Құрметті профессоры» атанды

Kyzylorda-news.kz. Бүгін мұз айдыны спорт кешенінде Д.Қонаевты еске алуға арналған волейболдан ардагерлер арасында халықаралық турнир өтуде. Облыста алғашқы рет ұйымдастырылған жарысқа Өзбекстан, Қырғызстан мемлекеттерінен, Нұр-Сұлтан, Алматы, Байқоңыр қалаларынан және Алматы, Жамбыл, Түркістан, Шығыс Қазақстан, Маңғыстау Қызылорда облыстарынан 12 команда, 50 жастан жоғары 120 ардагер спортшы қатысуда.
Жарыстың құрметті қонағы ретінде қоғам қайраткері Олжас Сүлейменов қатысып, Алматы қаласының «КАЗНАУ» команда құрамында ойын көрсетті. Айта кетейік, айтулы жарыс бұған дейін Алматы, Тараз, Атырау қалаларында өтіп келген.
Шарада облыс әкімінің орынбасары Н.Байқадамов аға буынның үлгілі жолына негізделген дүбірлі бәсеке ардагерлерге құрмет көрсету болса, екінші жағынан бұқаралық спортты дамытудың тиімді тәсілі екендігін айтты.
“Өскелең ұрпақтың патриоттық рухын көтеретін тағылым мен тәрбие шарасына айналған, командалық ойын спорт түрі – волейболдың жыл санап бұқаралық сипаты артуда. Қазіргі таңда облысымызда осы спорт түрімен 28 мыңнан астам адам шұғылданады”,- деді облыс әкімінің орынбасары Н.Байқадамов.
Халықаралық турнирдің ақтық ойыны мен жарыстың жабылу салтанаты 16 ақпан күні сағат 12.00- 13.00-де өтеді деп жолспарлануда.
<img src="https://kyzylorda-news.kz/wp-content/uploads/2020/02/86459930_2221388887964168_3544583750010535936_o.jpg" alt="" />
<img src="https://kyzylorda-news.kz/wp-content/uploads/2020/02/84982388_2221388741297516_4250616853816147968_o.jpg" alt="" />
<img src="https://kyzylorda-news.kz/wp-content/uploads/2020/02/86176947_2221388951297495_6595077344212287488_o.jpg" alt="" />
<img src="https://kyzylorda-news.kz/wp-content/uploads/2020/02/86731130_2221388557964201_3935385246635130880_o.jpg" alt="" />
<img src="https://kyzylorda-news.kz/wp-content/uploads/2020/02/86757065_2221388824630841_7592867928622497792_o.jpg" alt="" />
<img src="https://kyzylorda-news.kz/wp-content/uploads/2020/02/86728161_2221388801297510_1834435314429460480_o.jpg" alt="" />

Қызылордада волейболдан ардагерлер арасында халықаралық турнир өтуде

Kyzylorda-news.kz. Қызылорда қаласындағы Евразия спорт кешенінде Ауған соғысы ардагерлерінің құрметіне арналған армиялық қоян-қолтық ұрысынан күштік құрылымдар және құқық қорғау органдары арасында Қызылорда гарнизоны бастығының кубогына арналған сайыс өтіп жатыр.
Оған Жамбыл, Түркістан облыстарының әскери бөлімдері мен жергілікті құқық қорғау органдары және күштік құрылым өкілдері қатысуда. Әскерилер арасындағы бәсекеде 11 команда бақ сынауда. Жауынгерлер 55, 60, 65, 70, 75, 80 және 80 келіден жоғары салмақта күш сынасуда.
Финал кешкі сағат 18.00 де болмақ.
Бұған дейін <a href="https://kyzylorda-news.kz/kogam/kenges-aeskerlerining-awghan-zherinen-shygharylghanyna-31-zhyl-foto-45167/">хабарлағанымыздай</a> Кеңес әскерлерінің Ауған жерінен шығарылғанына 31 жыл толуына орай “Ауған. Сөнген шоқ, өшкен арман…” атты жауынгерлерді еске алуға арналған митинг өткен болатын.
<img src="https://kyzylorda-news.kz/wp-content/uploads/2020/02/57d7de47-d81d-4fb1-bf80-7519a959575a-1.jpg" alt="" />
<img src="https://kyzylorda-news.kz/wp-content/uploads/2020/02/83915616_613643359193738_5841173088976240640_o-1.jpg" alt="" />
<img src="https://kyzylorda-news.kz/wp-content/uploads/2020/02/4df0fae7-c3c0-45a9-a90d-461d885d6ab5-1.jpg" alt="" />
<img src="https://kyzylorda-news.kz/wp-content/uploads/2020/02/86443176_613643119193762_4218994963825819648_o.jpg" alt="" />

Қызылордада Ауған соғысы ардагерлерінің құрметіне арналған турнир өтіп жатыр

<a href="https://kyzylorda-news.kz/">Kyzylorda-news.kz.</a> Қызылорда қаласы “Евразия” спорт кешенінде ауыр атлетикадан ерлер мен əйелдер арасында ҚР жекелей жəне командалық чемпионаты мен кубогы аяқталды.
Алты күнге созылған жарыс нəтижесінде облыс спортшылары 3 алтын, 1 күміс, 3 қола медаль иеленіп, жалпыкомандалық есепте ерлер (230 ұпай) мен əйелдер (214 ұпай) командалары екінші орындарды иеленді.
Жекелей есепте 59 келі салмақта Аяжан Нұржан (73+97=170), 89 келіде Евгений Ломанов (160+175=335) жəне 96 келіде Рүстем Сыбай (155+190=345) Қазақстан жеңімпазы атанды.
96 келіде Шахизат Əбдіраманов күміс жүлдеге ие болса, 81 келіде Динара Қыпшақбай мен Арыстанбек Жаханша, 87 келіде Асылзат Дөненбаева қола жүлделерді иеленді.
Ерлер мен əйелдер арасында Алматы облысының спортшылары бірінші орынды алса, ерлер арасында Қарағанды, əйелдер арасында Қостанай облысының командалары үшінші орындарға ие болды.
<img src="https://kyzylorda-news.kz/wp-content/uploads/2020/02/14shtangisty2.jpg" alt="" />
<img src="https://kyzylorda-news.kz/wp-content/uploads/2020/02/14shtangisty3.jpg" alt="" />
<img src="https://kyzylorda-news.kz/wp-content/uploads/2020/02/14shtangisty4.jpg" alt="" />

Қызылордалық зілтеміршілер командалық есепте  екінші орында тұр

<a href="https://kyzylorda-news.kz/">Kyzylorda-news.kz.</a> Бүгін Арал қаласындағы орталық стадионда волейболдан 2005-2006 жылдары туылған жасөспірім қыз балалар арасында белгілі спортшы Асхат Ахановты еске алуға арналған республикалық турнирдің ашылу салтанаты өтті.
Турнирдің ашылу салтанатына аудан әкімі Мұхтар Оразбаев қатысып, өз сөзінде №62 орта мектептің түлегі, белгілі волейболшы Асхат Ахановтың өмір жолына тоқталып, спортшының қалдырған өнегесі мен ізін кейінгі ұрпаққа насихаттау мақсатында еске алу турнирінің жыл сайын ұйымдастырылып келе жатқандығын тілге тиек етті. Сонымен қатар, спорт саласындағы жетістіктерін айта келе жарысқа қатысушыларға сәттілік тіледі.
Айта кетейік, биыл ауданда XІX мәрте өткізіліп жатқан турнирге еліміздің 7 аймағынан: Нұр-Сұлтан, Шымкент қалалары, Маңғыстау, БҚО, Ақтөбе, Түркістан және Қызылорда облыстарынан 25 команда, құрамында жалпы саны 300-ге жуық жасөспірім қыздар қатысып, бақ сынауда.
Төрт күнге жоспарланған жарыстың ойындары Арал қаласындағы №19 Арал ауданының ОРМБЖ мектебінде және №14 мектеп-лицейдің спорт залдарында өткізіледі.
<img src="https://kyzylorda-news.kz/wp-content/uploads/2020/02/13aralturnir2.jpg" alt="" />
<img src="https://kyzylorda-news.kz/wp-content/uploads/2020/02/13aralturnir3.jpg" alt="" />
<img src="https://kyzylorda-news.kz/wp-content/uploads/2020/02/13aralturnir4.jpg" alt="" />

Аралда волейболдан республикалық турнир басталды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>15-16 ақпан күндері «Мұз айдыны» спорт кешенінде мемлекет және қоғам қайраткері Дінмұхамед Қонаевты еске алуға арналған волейболдан ардагерлер арасында XI халықаралық турнир өтеді.
Облыста алғашқы мәрте ұйымдастырылған жарысқа Өзбекстан, Қырғызстан мемлекеттерінен, Нұр-Сұлтан, Алматы, Байқоңыр қалаларынан және Алматы, Жамбыл, Түркістан, Шығыс Қазақстан, Маңғыстау Қызылорда облыстарынан 12 команда, 50&nbsp;жастан жоғары 120 ардагер спортшылар қатысады.
Жарыстың құрметті қонағы ретінде қоғам қайраткері Олжас Сүлейменов қатысады. Сондай-ақ, ол Алматы қаласының «КАЗНАУ» командасының құрамында ойын көрсетеді.
Айта кетейік, айтулы жарыс бұған дейін Алматы, Тараз, Атырау қалаларында өтіп келген.
15 ақпан 10.00 – салтанатты ашылуы
10.30 – жарыстың басталуы
16 ақпан 12.00 – ақтық ойын
13.00 – жарыстың жабылу салтанаты

Қызылордада волейболдан ардагерлер арасында халықаралық турнир өтеді

<a href="https://kyzylorda-news.kz/">Kyzylorda-news.kz.</a> Қызылорданың «Қайсары» Түркиядағы оқу-жаттығу жиыны барысында Өзбекстанның «Металлург» командасымен жолдастық кездесу өткізді.
Аталған ойын 2:2 есебімен тең аяқталды. Кездесудің бірінші кезеңінде қызылордалық футболшылар қарсыластар қақпасына екі гол соғып үлгерді. Алдымен 11-минутта Алвин Фортеш есеп ашса, одан кейін 45-минутта Иван Пешич қанжығасын майлады. Ал екінші кезеңнің 53 және 63-минуттарында өзбекстандық клуб қос гол соғып, таразы басын теңестіріп кетті. &nbsp;
«Қайсар» оқу-жаттығу жиынын 17 ақпан күні аяқтайды. Ал 29 ақпанда Қостанай қаласында Қазақстан суперкубогы ойынында елорданың «Астана» клубымен шеберлік байқасады.

«Қайсар» Түркияда өзбекстандық клубпен кездесті

<a href="https://kyzylorda-news.kz/">Kyzylorda-news.kz.</a> &nbsp;Өзбекстан астанасы Ташкентте ауыр атлетикадан өткен халықаралық турнирде жерлесіміз Илья Ильин чемпион атанып, еліміздің Əнұранын шырқатты.
Ол 102 келі салмақта сынға түсіп, жұлқа көтеру 160, серпе көтеру 195 келіні көтеріп, қоссайыс нəтижесінде 355 келіні бағындырды.
Ол Токиодағы Олимпиада ойындарына жолдама алу үшін ұпай жинайтын жарыстарға кезеңімен қатысуда.
Енді сəуір айында Нұр-Сұлтан қаласында ауыр атлетикадан өтетін Азия чемпионатына Илья Ильин бастаған Сыр спортшылары Евгений Ломанов, Рүстем Сыбай, Рахат Бекболат жəне Айсамал Сансызбаева қатысады.
Айта кетейік, қызылордалық ауыр атлет допинг дауынан кейін тағы да чемпион атанды.
Динара МАХАНОВА
<img src="https://kyzylorda-news.kz/wp-content/uploads/2020/02/12iliya2.jpg" alt="" />
<img src="https://kyzylorda-news.kz/wp-content/uploads/2020/02/12iliya3.jpg" alt="" />

Илья Ильин – чемпион

<a href="https://kyzylorda-news.kz/">Kyzylorda-news.kz.</a> Қызылорданың «Қайсар» командасы құрамында биыл ресейлік қорғаушы Алексей Шумских ойын көрсететін болды.
А.Шумских 1990 жылдың 1 шілдесінде Ресейдің Барнаул қаласында дүниеге келген. Үлкен футболға алғашқы қадамын жергілікті «Динамо» клубында бастаған ол кәсіби деңгейде Ресейдің «Торпедо» (Мәскеу), «Спортакадемклуб», «Сатурн-2», «Нефтехимик», «Зенит» (Пенза), «Строгино», «Калуга», «Химки», «Томь» клубтарының намысын қорғады. 2018-2019 жылдарда ол «Томь» клубында 45 ойында жасыл алаңға шығып, қарсыластар қақпасына 4 гол соқты.

Қазақстан және Қызылорда облысының жаңалықтары: Спорт