<a href="https://kyzylorda-news.kz/">Kyzylorda-news.kz.</a> Елдегі карантинге байланысты&nbsp; Мәдениет және спорт министрлігінің «Бірге еңсереміз» атты жобасы аясында тоғызқұмалақтан Қазақстанның ерлер мен әйелдер арасындағы ұлттық құрама командалары арасында онлайн жүйеде жолдастық кездесу өтеді.
Қазақстан тоғызқұмалақ федерациясының ұйымдастыруымен өтетін жолдастық кездесуге Сыр спортшысы, Әлем чемпионатының жүлдегері, ашық Азия Кубогының жеңімпазы Бексұлтан Бостандықов қатысады.
Ойындар &nbsp;4 сәуір –&nbsp; 2 мамыр аралығында әр сенбі күні сағат 16:00-17:00-де iggamecenter.com сайтынан және тоғызқұмалақтан ҚР бас жаттықтырушысы – Серік Ақтаевтың Instagram-дағы @aktayevserik парақшасынан тікелей эфирде көруге болады.

Қызылордалық тоғызқұмалақшы онлайн жүйеде бақ сынасады

<a href="https://kyzylorda-news.kz/">Kyzylorda-news.kz.</a> DAZN стриминг қызметінің атқарушы төрағасы Джон Скиппер короновирус жұқтырғанын растады. Оның сөзінше, қазір ол індеттен айығып, жұмысына оралды, деп хабарлайды <a href="https://kaz.tengrinews.kz/allsports/kanelo-men-golovkin-jekpe-jektern-otkzetn-dazn-basshyisyi-306885/">Tengrinews.kz.</a>
Портал мәліметінше, ол өзін әлсіз сезінгендіктен 16 наурызда коронавирусқа сараптама тапсырған. Сараптама оның COVID-19 жұқтырғанын көрсеткен. DAZN басшысы ауруханаға жатудан бас тартып, Нью-Йорктегі үйінде карантинде болған. 62 жастағы Джон Скиппер екі аптадан соң вирустан айыққан.
Айта кетейік, наурыз айының басында DAZN әлемнің 200 елінде трансляция жасайтынын мәлімдеген еді. Алайда коронавирус пандемиясына байланысты барлық спорттық шара кейінге қалды.

«Канело» мен Головкин жекпе-жектерін өткізетін DAZN басшысы коронавирус жұқтырған

<a href="https://kyzylorda-news.kz/">Kyzylorda-news.kz</a>. <a href="https://l.facebook.com/l.php?u=http%3A%2F%2Figgamecenter.com%2F%3Ffbclid%3DIwAR0s8QK53U9rABqtfSBbYgxaSASsB5QFiv8RcaTW28kixW6Xx1pkPVSOWjY&h=AT1wmIEeExpW4E3z1SgU58vZpHVvubRPxwEk0ZfgZDvwYrNDt0htEUmyKudJuIKqtggHU4yGQJepP_qdZPjFJLd0T6cdjs4cqkeM4TT1sQ4btjZDhTf5Gt1L4U8UQOBM1HOj&__tn__=-UK-R&c[0]=AT3e2l___RPJnqCXLX_Lkdg2av4NT5hL5hRvuGGjG88KAyDn3Jn3LXKQH5I1mBGwSHtDhzCrgEti9SxcrDfR7AtnhzWcZ8jF5AqD407-IRIJLSd7KaS5aWICdVakOaqafLw0JJpAhJV7ObMa1EcU">iggamecenter.com</a>&nbsp;сайтында онлайн жүйеде тоғызқұмалақтан ересектер арасында Қызылорда облысының жекелей чемпионаты өтті. Жарысқа Қызылорда қаласы мен аудандардан 106 тоғызқұмалақшы қатысып, үздіктер анықталды.
Жекелей чемпионат рапид түрі бойынша 9 турда өткізілді.
<img src="https://kyzylorda-news.kz/wp-content/uploads/2020/04/fb_img_1585823249956.jpg" alt="" />
Нəтижесі бойынша:
Ерлер:
1-орын Ерұлан Амангелді (Жалағаш);
2-орын Бексұлтан Бостандықов (Қызылорда);
3-орын Ермұхамед Әләйдар (Жаңақорған);
3-орын Рауан Ыбрай (Қызылорда).
Əйелдер:
1-орын Бекзат Əмір (Қызылорда);
2-орын Ұлдана Маханбетамин (Қазалы);
3-орын Мадина Әлібек (Жалағаш);
3-орын Қызғалдақ Әскербекқызы (Сырдария).
Жарыстың «Үздік ойыншылары» номинациясына Дидар Ади (Жалағаш), Құлмұхаммед Қашқынбай (Қызылорда), Аяна Ұлықпан (Қызылорда) ие болса, Серік Еркебаев (Қазалы) «Тарлан ойыншы» атанды.
<img src="https://kyzylorda-news.kz/wp-content/uploads/2020/04/fb_img_1585823252623.jpg" alt="" />
<img src="https://kyzylorda-news.kz/wp-content/uploads/2020/04/fb_img_1585823241904.jpg" alt="" />

Қызылордада тоғызқұмалақтан облыстық чемпионат онлайн түрде өтті

<a href="https://kyzylorda-news.kz/">Kyzylorda-news.kz.</a> Еркін күрестен елімізде 4 спортшы əлемдік рейтингте үздік үштіктің қатарында болса, оның екеуі – Сыр балуандары.
Олар: 65 келіде әлем чемпионатының финалисі Дәулет Ниязбеков пен&nbsp; 79 келідегі Ғалымжан Өсербаев.
Айта кетейік, былтыр Нұр-Сұлтан қаласында өткен Əлем чемпионатында жерлесіміз Дəулет Ниязбеков 65 келі салмақта&nbsp; күміс жүлдені иеленіп, Токио Олимпиада ойындарының жолдамасын жеңіп алған болатын.

Сыр спортшылары əлемдік рейтингте  үздік үштікке енді

<a href="https://kyzylorda-news.kz/">Kyzylorda-news.kz.</a> Қазақстандық спортшылар мен жаттықтырушылар карантин кезінде онлайн сабақ өткізеді. Сабақ мәдениет және спорт министрлігі, Ұлттық Олимпиада комитетінің және «Сарыарқа» велотрегінің Instagram парақшасында өтеді, деп хабарлайды&nbsp;<a href="https://sputniknews.kz/society/20200330/13438496/sportshylar-onlayn-sabaq.html">Sputnik Қазақстан</a>.
Кестеде гимнастика, бокс, еркін күрес және басқа да спорт түрі бар.
<blockquote>
 «Біз қазақстандықтарға таңғы сегізден бастап жаттығуға қатысуды ұсынамыз. Бұған дейін мұндай жаттығуды Олимпиада чемпионы Серік Сәпиев, бокстан әлем чемпионатының жүлдегері Бақытжан Қожабеков, джиу-джитсудан әлем чемпионы Мөлдір Мекенбаева жүргізді», – деді спортты дамыту дирекциясының баспасөз қызметінде.
</blockquote>
Сонымен қатар көрсетілген парақшалардан 30-31 наурызда сағат 14.00-де дұрыс тамақтану мен тоғызқұмалақ тарихын тыңдауға болады.
Ал сәуірдің басынан бастап қазақ күресі, бокс, велоспорттан сабақтар, коньки спорты мен паралимпиадалық спорт түрлерін дамыту туралы дәрістер, таэквондо және еркін күрестен сабақтар онлайн түрде өткізіледі.
Жаттығулардан кейін кешкі сағат 18:00-де қазақстандықтардың назарына отандық спортшылармен сұхбат ұсынылады.
Мотивациялық табыс жолымен Серік Сәпиев, Василий Левит, Гузель Манюрова бөліседі. Сондай-ақ, шахматтан әлем чемпионы Динара Сәдуақасова, әлем чемпионатының күміс жүлдегері Элизабет Тұрсынбаеваның әкесі әрі жаттықтырушысы Байтақ Тұрсынбаев сұрақтарға жауап береді.

Спортшылар мен жаттықтырушылар онлайн сабақ өткізеді

<a href="https://kyzylorda-news.kz/">Kyzylorda-news.kz.</a> Қазақстан ұлттық құрамасы мен&nbsp;«Қайрат» қақпашысы Игита «Әлемнің ең үздік қақпашысы» атағына ие болды, деп хабарлайды&nbsp;<a href="https://24.kz/kz/zha-aly-tar/sport/item/383663-igita-lemni-zdik-a-pashysy-atandy">Prosports.kz</a>.
Футзал әлеміндегі жеке марапаттар бойынша дауыс беру нәтижелері futsalplanet.com ресми сайтында жарияланды.
«Қайрат» ҚФ капитаны Игита әлемдегі ең үздік қақпашы ретінде үш рет танылғаннан кейін (2015, 2016, 2018) төртінші рет құрметті марапатқа бүгін ие болды.
Игита 693 ұпай жинады, испандық қақпашы Хуанходан 20 ұпайға озып кетті. Үшінші орын 655 ұпай жинаған «Спортинг» қақпашысы Гиттаға бұйырды.

Игита әлемнің үздік қақпашысы атанды

<a href="https://kyzylorda-news.kz/">Kyzylorda-news.kz</a>. Токиода өтетін жазғы Олимпиада ойындары бір жылғa, 2021 жылға ауыстырылды. Бұл туралы бүгін Халықаралық Олимпиада комитеті мәлімдеді, деп хабарлайды&nbsp;<a href="https://olympic.kz/kk/article/11945">Қазақстан Олимпиада комитеті.</a>
Aталған шешім бүгін, 24 наурызда қабылданды. Жапония премьер-министрі Синдзо Aбэ мен Халықаралық Олимпиада комитетінің президенті Томaс Бах бірлесе осындай шешімге келді. &nbsp;
Қоңырау-конференц кезінде коронавирус індетінің жылдам таралуының салдарынан әлемде жағдайдың ушыққанын тілге тиек етті. &nbsp;
Осы жағдайды ескере отырып, ХОК президенті мен Жапония премьер-министрі Олимпиада ойындары 2020 жылдан 2021 жылдың жазынан кейінге қалдырмай өткізу туралы шешімге келді. &nbsp;
<blockquote>
 “Токиодағы Олимпиада ойындары осындай қиын кезде әлемге үміт сыйлауы мүмкін. Олимпиада алауының сәулесі шуағын шашып тұрады. Сондықтан, Олимпиада алауы Жапонияда қалады деген шешім қабылданды”, – делінген хатта.
</blockquote>
Айта кетерлігі, XXXII жазғы Олимпиада ойындары Токиода 2020 жылдың 24 шілдесі мен 9 тамызы арасында өтуі тиіс еді.

Токиодағы Жазғы олимпиада ойындары 2021 жылға ауыстырылды

<a href="https://kyzylorda-news.kz/">Kyzylorda-news.kz.</a> Канада олимпиада комитеті 2020 жылғы Олимпиада ойындарына өз спортшыларын жібермейтінін жария етті.
Канада спортшылардың денсаулығы мен қауіпсіздігі маңызды екендігін айтып, Халықаралық олимпиада және Халықаралық параолимпиада комитеттері мен Дүниежүзілік денсаулық сақтау ұйымын Олимпиада ойындарын бір жылға кейінге қалдыруға шақырды.
2016 жылғы Рио Олимпиадасына Канададан 314 спортшы қатысып, 22 медальға ие болған еді.
Канададан кейін Аустралия олимпиада комитеті де коронавирус кеңінен етек алған қазіргідей жағдайда Токио Олимпиадасына өз құрамасын жинай алмайтынын, сондықтан келесі жылға әзірленетінін мәлім етті.
Рио Олимпиадасына Аустралиядан 421 спортшы барып, 29 медальмен бұл елдің құрамасы жалпыкомандалық есепте 8-орынға көтерілген болатын.
Халықаралық олимпиада комитетінің президенті Томас Бах 2020 жылғы Олимпиада ойындарына байланысты түпкілікті шешім төрт аптадан кейін қабылданатынын жеткізді. Оның сөзіне қарағанда, Жапониядағы жағдай біртіндеп түзеліп келеді. Ұйымдастыру комитеті 24 шілде мен 9 тамызға жоспарланған жарысты бір айға немесе 45 күнге шегеру мәселесін де қарастыруы мүмкін.

Коронавирус: 2 ел Олимпиадаға қатыспайтынын мәлімдеді

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласында пара пауэрлифтингтен өткен ҚР-ның командалық чемпионатында облыс құрамасы табысты өнер көрсетіп, 
3-орынды иеленді.
Ел чемпионатына еліміздің барлық аймағынан 17 команда қатысты.
Нəтижесінде Мүгедектерге арналған спорт клубының спортшылары Кабира Асқарова (50 келі), Станислав Шакиев (59 келі) жəне Айгүл Байжанова (86 келі) Қазақстан жеңімпазы атанды.
50 келіде Фариза Төлжан (Мүгедектер спорт клубы), “Қажымұқан” спорт клубының спортшылары, 79 келіде Дана Темірхан күміс, 55 келіде Нарқыз Абдрасилова қола жүлделерге ие болды.
Сондай-ақ, командалық чемпионатпен қатар өткен жастар арасындағы ел чемпионатында Дана Темірхан мен 
Нарқыз Абдрасилова бірінші орындарға ие болды.
Спортшыларды жарыска облыстың аға жаттықтырушысы Бахытбек Рысбаев жəне жаттықтырушылар Еркебұлан Зайдашов пен Кабира Аскарова дайындады.
<img src="https://kyzylorda-news.kz/wp-content/uploads/2020/03/qyzylorda-komandasy-para-pawjerliftingten-2.jpg" alt="" />

Қызылорда командасы пара пауэрлифтингтен ел чемпионатында үшінші орынды иеленді

<a href="https://kyzylorda-news.kz/">Kyzylorda-news.kz.</a>&nbsp;Ел біріншілігінің екінші турында “Қайсар” “Оқжетпеске” қонаққа барды.
Стойчо бапкер бұл ойында құрамға өзгеріс орнатты. Алғашқы турда алаңға шыққан Режиналдоның орнына бірінші минуттан Александр Колевке сенім артты. Жанкүйерлерсіз басталған матчта қонақтар сауатты ойнап, кездесудің 10-минутында есеп ашты.&nbsp;Ілияс Әмірсейтовтың қапталдан асырған добына шабуылшы Элгуджа Лобжанидзе бірінші жетіп, Абжанов қорғаған қақпадан саңылау тапты.
Кездесудің екінші жартысында Карпович құрамдағы бар шабуылшыларын алаңға шығарғанымен қасқырлар қорғаныста сыр бермеді. Осылайша “Қайсар” кезекті жеңісіне жетіп, турнирлік кестеде 3-орынға жайғасты.

«Қайсар» «Оқжетпесті» жеңді

<a href="https://kyzylorda-news.kz/">Kyzylorda-news.kz.</a> Қызылордада облыстық Жастар ресурстық орталығының ұйымдастыруымен өнер адамдарының арасында қазақ күресінен тұңғыш рет «Өнер барысы» өтті.
Бір ерекшелігі – спорттық додада, аты айтып тұрғандай, бірде-бір кәсіпқой спортшы болмады. Бозкілемде алғашқы рет аймақтағы өнер және мәдениет саласында жүрген 21 жас белдесіп, 75 келіге дейін және 75 келіден жоғары 2 салмақ дәрежесі бойынша бағы мен баптарын қатар сынап көрді.
Аталған жарысқа «Мағжан и К» ЖШС және қаладағы «Биали» спорттық киімдер дүкені демеушілік жасады.
Додаға қатысқандардың басым көпшілігі – жайдарманшы, асаба, әншілер мен бишілер болды. Олардың қатарында Ақылбек Скендіров, Құттыбай Сағындықов, Асылхан Дүкенбаев секілді жайдарманшылар, Бекзат Молдабергенов, Олжас Нұрәлиев секілді әншілер бар.
Бүгін таңертең ерте басталған дода түс ауа бір-ақ аяқталды. Бозкілемдегі белдесу нәтижесінде 75 келіге дейінгі салмақ дәрежесі бойынша І орынды жайдарманшы Асылхан Дүкенбаев еншіледі. Қалған ІІ және ІІ орындарды облыстық филармония солисі Бекзат Молдабергенов пен әнші Әлішер Абдраманов өзара бөлісті.
Ал, 75 келіден жоғары салмақ дәрежесі бойынша жайдарманшы Ақылбек Скендіров жеңімпаз атанды. ІІ орынды жайдарманшы Нұрперзент Болат, ІІІ орынды әнші Олжас Балтахожа иеленді.
Қазақ күресінен өнер адамдарының арасында өңірімізде тұңғыш рет өткізілген «Өнер барысының» жеңімпаздарына облыс әкімінің орынбасары Н. Байқадамовтың дипломдары мен медальдар, демеушілер атынан қаржылай сыйлықтар, арнайы белбеу табыс етілді.
Айта кетейік, жарыстың марапаттау салтанатында 75 келіге дейінгі салмақ дәрежесі бойынша жеңімпаз атанған жайдарманшы Асылхан Дүкенбаев өзіне берілген қаржылай сыйлығы мен медаль, белбеуін алудан бас тартты.
<blockquote>
 – Бүгінгі «Өнер барысында» жеңімпаз атанғаныма қуаныштымын, әрине. Бірақ, мен медаль мен қаржылай сыйлығымды, белбеуді алудан бас тартамын. Мені осы жарысқа қатысуға шақырған Құттыбай Сағындықов болатын. Ал, «Тасбөгетте осындай мықты жаттықтырушы бар» деп спортзалға ертіп апарып, жаттығуыма көп көмектескен, кеңесін берген бауырым, досым – Бекзат Молдабергенов. Бүгін Бекзатпен ақтық сында белдесуге шықтық. Мен жеңімпаз атандым. Десек те, жаңа атап өткенімдей, мен жүлдемнен бас тартып, сыйлықтарымның бәрін Бекзат досыма беремін. Осылай болғаны дұрыс, – деп түсіндірді Асылхан Дүкенбаев бұл әрекетін.
</blockquote>
Ал, Бекзат Молдабергеновтің өзіне сыйлаған ІІ орынның медалін Асылхан Дүкенбаев жайдарманшы әріптесі Құттыбай Сағындықовқа сыйға тартты.
Осылайша, Қызылордада өнер адамдарының арасында өткен тұңғыш «Өнер барысы» жайдарманшылар мен әншінің жүлде алмасқан жарысы ретінде есте қалды.
Нұрсұлтан МЫҚТЫБАЙ
Суреттерді түсірген Нұрболат Нұржаубай
ЕСКЕРТУ: Эксклюзивті материалды «Kyzylorda-news.kz» ақпарат агенттігінің жазбаша рұқсатынсыз көшіріп басуға болмайды.
<img src="https://kyzylorda-news.kz/wp-content/uploads/2020/03/05-6.jpg" alt="" />
<img src="https://kyzylorda-news.kz/wp-content/uploads/2020/03/02-37.jpg" alt="" />
<img src="https://kyzylorda-news.kz/wp-content/uploads/2020/03/04-9.jpg" alt="" />
<img src="https://kyzylorda-news.kz/wp-content/uploads/2020/03/03-21.jpg" alt="" />
<img src="https://kyzylorda-news.kz/wp-content/uploads/2020/03/01-42.jpg" alt="" />
<img src="https://kyzylorda-news.kz/wp-content/uploads/2020/03/07-2.jpg" alt="" />
<img src="https://kyzylorda-news.kz/wp-content/uploads/2020/03/06-5.jpg" alt="" />
<img src="https://kyzylorda-news.kz/wp-content/uploads/2020/03/09-1.jpg" alt="" />
<img src="https://kyzylorda-news.kz/wp-content/uploads/2020/03/010-1.jpg" alt="" />
<img src="https://kyzylorda-news.kz/wp-content/uploads/2020/03/011-3.jpg" alt="" />

Жайдарманшы Асылхан Дүкенбаев «Өнер барысының» жүлдесін алудан бас тартты (ФОТО)

<a href="https://kyzylorda-news.kz/">Kyzylorda-news.kz.</a> Қазалылық 83 жастағы желаяқ Аққоян Ырсалиев Түркия мемлекетінің Анталия қаласында өткен марафонның жеңімпазы атанды.
Халықаралық жарысқа жергілікті желаяқтармен бірге Франция, Германия және Қазақстан мемлекетінің 80-нен асқан спортшылары қатысты.
Жүгіруді жастайынан жанына серік еткен Аққоян Ырсалиев 1000-нан аса спортшылардың арасынан дара шығып, алтын медальді ұтып алды.

Қазақстан және Қызылорда облысының жаңалықтары: Спорт