<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев коронавирус пандемиясына қатысты төтенше жағдай бойынша Жарлық қабылдады.
<blockquote>
 «Мен Мемлекет қызметінің тұрақтылығын қамтамасыз ету шаралары туралы Жарлыққа қол қойдым. Бұл құжат мемлекеттік органдардың тиімділігін арттырып, билік вертикалін нығайтып, дағдарыс жағдайында барлық қажетті шешімдерді жедел қабылдауға мүмкіндік береді. Қажет болса, салық саласын да қамтиды. Жарлық дәрі-дәрмек пен өзге де қажетті сатып алударды оңтайландырылған тәртіпте, әсіресе отандық өндірушілерден сатып алу құқығын береді. Осылайша, біз қазіргі төтенше жағдайда өте маңызды болып отырған уақыт пен қаржыны үнемдейміз. Халқымыздың даналығы мен жоғары азаматтық жауапкершілігі, қоғам мен мемлекеттің үйлесімді жұмыстары барлық қиындықтарды еңсеруге мүмкіндік беретініне сенімдімін», деді Мемлекет басшысы.
</blockquote>
Естеріңізге сала кетсек, кеше ҚР Президентінің Жарлығымен Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты азаматтардың өмірі мен денсаулығын қорғау мақсатында Қазақстан Республикасының барлық аумағында 2020 жылғы 16 наурыз 08 сағат 00 минут пен 2020 жылғы 15 сәуір 07 сағат 00 минут аралығында&nbsp;<a href="https://kyzylorda-news.kz/kogam/qazaqstan-respwblikasynda-toetenshe-zhaghdaj-engizildi-49698/">төтенше жағдай енгізілді.</a>

Президент төтенше жағдайға байланысты арнайы Жарлық шығарды

Қасым-Жомарт Тоқаевтың ел халқына жолдаған үндеуінің толық мәтіні

<a href="https://kyzylorda-news.kz/">Kyzylorda-news.kz.</a> Ералы Тоғжанов бастаған үкімет делегациясы бүгін Қызылорда облысында болды.
Қазақстан Республикасы Премьер-Министрінің орынбасары Сыр өңіріне сапары барысында облыстағы туберкулезге қарсы диспансерде және жұқпалы аурулар ауруханасында болып, бірқатар кездесулер өткізді.
<blockquote>
 «Біздің елімізде коронавирустың таралуын болдырмау үшін шұғыл шаралар қабылданғанын білесіздер. Өкінішке қарай, Қазақстанда коронавирус қаупі туралы ақпарат расталды. Бүгін біздің алдымызда коронавирустық пневмонияға қарсы тұру маңызды міндеті тұр», – деп атап өтті Ералы Тоғжанов.
</blockquote>
Аурудың алдын алу үшін еліміздің аймақтарында оқшаулануға арналған ауруханалар дайындалған. Бұған дейін хабарланғандай, облыстардағы барлық медициналық мекемелер белсенді жұмыс істеп, шекаралық карантин бекеттері құрылды, медицина қызметкерлері оқытылып, жеке қорғаныс құралдарымен қамтамасыз етілді.
Қызылорда облысында коронавирустық инфекция тіркелмеген. Облыста 100 орындық провизорлық стационар және 400 орындық карантин орталығы қажетті құрал-жабдықтармен, медициналық қорғаныс құралдарымен және дәрі-дәрмектермен жабдықталған. Сонымен қатар ҚР Үкіметі қабылдаған шараларға сәйкес коронавирустық инфекцияның таралуын болдырмау үшін қажетті шаралар қабылдануда.
Қазақстан Республикасы Премьер-Министрінің орынбасары короновирус инфекциясы бар науқастарға медициналық көмек көрсетуге арналған медициналық ұйымдардың дайындығы мен жабдықталу деңгейімен танысу нәтижелері бойынша қажетті дәрі-дәрмектермен және медициналық ұйымдарды қажетті медициналық жабдықтармен, жеке қорғаныс құралдарымен қамтамасыз етудің маңыздылығын атап өтті.
Сондай-ақ инфекциялық ауруханалардың пациенттерді қабылдауға дайындығы мен қажет болған жағдайда қосымша орындарды жедел беру қажеттілігі және эпидемиологиялық жағдайға тұрақты мониторинг жүргізуге ерекше назар аударылды.
Премьер-Министрдің орынбасары Ералы Тоғжановтың Қызылорда облысының әкімі Қуанышбек Ысқақовпен және мұнай-газ секторының өкілдерімен кездесуінде жаңа мұнай кен орындарын игеру, осы салаға жаңа технологияларды енгізу, сондай-ақ мұнай сервисіндегі тарифтерді индекстеу мәселелері ерекше өзекті болды.
Қуанышбек Ысқақовтың айтуынша, Қызылорда облысында орташа жалақы 150 235 теңгені құрайды, бұл ел бойынша орташа деңгейден төмен.
Жалпы, жұмыспен қамтуды қамтамасыз ету мақсатында ағымдағы жылы мемлекеттік бағдарламаларды жүзеге асыру аясында 13 мыңнан астам жаңа жұмыс орындарын құру жоспарлануда.
Сонымен қатар, облыс әкімдігі жұмыс орындарын сақтау туралы 3 мыңға жуық ірі және орта кәсіпорындармен меморандумдарға қол қойған. Облыстың 30 ірі және орта кәсіпорындармен жұмысшылардың бақыланатын ағымына арналған Жол картасына қол қойылды. Аталған карта бойынша кәсіпорындардан жұмысшылардың жұмыстан босатылған кезінде олардың мүдделері кадрлық қажеттілікке сәйкес қолдау табады.
Ералы Тоғжанов өңірлерді дамыту мәселелері ел басшылығының ерекше бақылауында екенін атап өтті.
<blockquote>
 «Облыста дағдарысқа қарсы шараларды жүзеге асыру үшін, әсіресе өндіріс нысандарының тұрақты жұмыс істеуі мен жұмыс орындарын сақтау тұрғысынан кешенді шаралар қабылдау қажет. Өндіріс көлемінің қысқаруына байланысты жұмысшылардың босатылуына жол берілмейді. Бұл күрделі мәселе», – деп атап өтті ҚР Премьер-Министрінің орынбасары.
</blockquote>
Өңірдегі кездесулердің қорытындысы бойынша Қазақстан Республикасы Премьер-Министрінің орынбасары Ералы Тоғжанов Энергетика министрлігіне және облыс әкімдігіне бірқатар проблемалық мәселелерді шешуде мұнай-газ саласының өкілдерімен ынтымақтастықты күшейтуді тапсырды.
Ең алдымен, өндіріс жоспарларын қайта қарау және мұнай бағасының өзгеруіне байланысты дағдарысқа қарсы жол карталарын әзірлеу тапсырылды.
Еңбек міндеттемелерін орындау аясында Ералы Тоғжанов еңбек дауларын болдырмау, жұмыс орындарын сақтау және кәсіпорындардың жұмысшыларына уақтылы жалақы төлеу жөнінде нақты шаралар қабылдауды тапсырды.
Сондай-ақ коронавирустық инфекцияның жергілікті жерлерде енуіне және таралуына жол бермеуге бағытталған шараларды күшейту қажеттілігі айтылды.
Еске салайық, ҚР Президенті Қасым-Жомарт Тоқаевтың тапсырмасымен Премьер-Министрдің басшылығымен елдегі экономикалық жағдайдың дағдарысқа қарсы жоспарын әзірлеу үшін <a href="https://kyzylorda-news.kz/kogam/qasym-zhomart-toqaev-shughyl-aereket-etw-shtabynyng-kengesin-oetkizdi-49448/">жедел әрекет ету штабы құрылды</a>.
Мемлекет басшысы Үкіметке халық алдындағы барлық міндеттемелерді толығымен орындауды, жұмыспен қамтуды және әлеуметтік тұрақтылықты қамтамасыз ету жөніндегі шараларды күшейтуді тапсырды.
Айта кетейік, 13-15 наурызда Қазақстан Республикасы Премьер-Министрінің орынбасары Ералы Тоғжанов бастаған үкімет делегациясы Маңғыстау, Атырау, Ақтөбе, Батыс Қазақстан және Қызылорда секілді Қазақстанның бес облысында болды.

Ералы Тоғжанов бастаған үкімет делегациясы Қызылорда облысында болды

<a href="https://kyzylorda-news.kz/">Kyzylorda-news.kz.</a> Ертең, яғни, 16 наурыз күні Президент Қасым-Жомарт Тоқаев телевизия арқылы үндеу жасайды, деп хабарлайды Мемлекет басшысының баспасөз хатшысы Берік Уәли&nbsp;<a href="https://www.facebook.com/profile.php?id=100003403233694&__tn__=lC-R&eid=ARB5X-GPbGAI25RMO6tPGbzLak4hPN6DKhP9swpg326QOVLJz83Boruy_6MQ9QSaVX5nto_9MB2QcCVR&hc_ref=ARRdaRyGKHhljHeF5aDn1SjKsLJDpfB14OtgLLk2Nc_b2RoYU_FB34vUhP_ZGQBlQeg&__xts__[0]=68.ARC4G8Wsts9uRXILiW0fEM3QDeWOkofu2z5BJyuc-ilmI981YKEUp9W1z9x1i8oUbSQnOT-SHi_HJ2lK6to_BKp3X4h6sAavM9p5cHwX5agzkpnW-yIJcmTAjvkfw71DFlm9y66IQGWVASwH9CUwh3590AwU56aatu1mWJJDKqFsaFQwrbTK4N8hORcZoreappIKYydNm8QN-fePsOZbsBNNoD8vcQpmPEGsd8MAeZD70RdTPGCeRF23afp6eqCqy2hDGzzXyMQYzzPs38xmiiKO1FTSHDXFxIs-28bk4T0B4xqpOGp5KDZZuh5H2aNmmkxX7AD2cxmrE4t89hzJnYYauA">Facebook</a>-тегі парақшасында.
Еске сала кетейік, Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты Мемлекет басшысы азаматтардың өмірі мен денсаулығын қорғау мақсатында Қазақстан Республикасының барлық аумағында 2020 жылғы наурыздың 16-ы, сағат 08:00-ден 2020 жылғы 15 сәуір күнгі сағат 07:00-ге дейін <a href="https://kyzylorda-news.kz/kogam/qazaqstan-respwblikasynda-toetenshe-zhaghdaj-engizildi-49698/">төтенше жағдай енгізді.</a>
Президент төтенше жағдай кезеңінде төтенше жағдай режимін қамтамасыз ететін Мемлекеттік комиссия құрды. Оның құрамына Премьер-Министр, бірқатар жоғары мемлекеттік орган басшылары кірді. Жарлыққа сәйкес, төтенше жағдай кезінде мынандай шаралар мен уақытша шектеулер енгізіледі.
1) қоғамдық тәртіптің сақталуы, аса маңызды мемлекеттік және стратегиялық, ерекше режимдік, режимдік және ерекше қорғалатын объектілердің, сондай-ақ халықтың тыныс-тіршілігін және көлік қызметінің жұмыс істеуін қамтамасыз ететін объектілердің күзетілуі күшейтіледі;
2) ірі сауда нысандарының жұмыс істеуіне шектеу қойылады;
3) сауда ойын-сауық орталықтарының, кинотеатрлардың, театрлардың, көрмелердің және адамдар көп жиналатын басқа да объектілердің қызметін тоқтата тұрады;
4) карантин енгізіледі, санитариялық-эпидемияға қарсы ауқымды іс-шараларды, оның ішінде Қазақстан Республикасы Қорғаныс министрлігінің және ішкі істер органдарының халықтың санитариялық-эпидемиологиялық саламаттылығы саласындағы қызметті жүзеге асыратын құрылымдық бөлімшелерінің қатысуымен жүзеге асырылады;
5) ойын-сауық, спорттық және басқа да бұқаралық іс-шараларды, сондай-ақ отбасылық, салт-дәстүр іс-шараларын өткізуге тыйым салынады;
6) Қазақстан Республикасының және шет мемлекеттердің дипломатиялық қызметінің персоналын, сондай-ақ, Қазақстан Республикасы Сыртқы істер министрлігінің шақыруымен Қазақстан Республикасына келетін халықаралық ұйымдар делегацияларының мүшелерін қоспағанда, Қазақстан Республикасының аумағына көліктің барлық түрлерімен кіруге, сондай-ақ оның аумағынан шығуға шектеулер белгіленеді.

Қасым-Жомарт Тоқаев телевизия арқылы үндеу жасайды

<a href="https://kyzylorda-news.kz/">Kyzylorda-news.kz</a>. Қазақстан Республикасы Президентінің Жарлығына сай елде төтенше жағдай енгізілді. Осыған орай Төтенше жағдай режимін қамтамасыз ету жөніндегі мемлекеттік комиссияның құрамы бекітілді, деп хабарлайды Ақорданың&nbsp;баспасөз қызметі.
***
Қазақстан Республикасы Президентінің 2020 жылғы 15 наурыздағы № 285 Жарлығына
Қазақстан Республикасының Президенті жанындағы Төтенше жағдай режимін қамтамасыз ету жөніндегі мемлекеттік комиссияның құрамы
Мамин Асқар Ұзақбайұлы – Қазақстан Республикасының Премьер-Министрі, комиссия төрағасы
Қойшыбаев Ғалымжан Тельманұлы – Қазақстан Республикасы Премьер-Министр Кеңсесінің Басшысы, комиссия хатшысы
Исекешев Әсет Өрентайұлы – Қазақстан Республикасы Президентінің көмекшісі – Қазақстан Республикасы Қауіпсіздік Кеңесінің Хатшысы
Смайылов Әлихан Асханұлы – Қазақстан Республикасы Премьер-Министрінің бірінші орынбасары – Қазақстан Республикасының Қаржы министрі
Скляр Роман Васильевич – Қазақстан Республикасы Премьер-Министрінің орынбасары
Тоғжанов Ералы Лұқпанұлы – Қазақстан Республикасы Премьер-Министрінің орынбасары
Мырзалин Мәлік Кеңесбайұлы – Қазақстан Республикасы Президенті Әкімшілігі Басшысының орынбасары
Нұрдәулетов Ғизат Дәуренбекұлы – Қазақстан Республикасының Бас Прокуроры
Мәсімов Кәрім Қажымқанұлы – Қазақстан Республикасы Ұлттық қауіпсіздік комитетінің Төрағасы
Шәкіров Асқар Оразалыұлы – Қазақстан Республикасы Парламент Сенаты Төрағасының орынбасары
(келісім бойынша)
Божко Владимир Карпович – Қазақстан Республикасы Парламент Мәжілісі Төрағасының орынбасары (келісім бойынша)
Қасымов Қалмұханбет Нұрмұханбетұлы – Қазақстан Республикасы Мемлекеттік күзет қызметінің бастығы
Ермекбаев Нұрлан Байұзақұлы – Қазақстан Республикасының Қорғаныс министрі
Тұрғымбаев Ерлан Заманбекұлы – Қазақстан Республикасының Ішкі істер министрі
Абаев Дәурен Әскербекұлы – Қазақстан Республикасының Ақпарат және қоғамдық даму министрі
Бекетаев Марат Бақытжанұлы – Қазақстан Республикасының Әділет министрі
Біртанов Елжан Амантайұлы – Қазақстан Республикасының Денсаулық сақтау министрі
Нұрымбетов Біржан Бидайбекұлы – Қазақстан Республикасының Еңбек және халықты әлеуметтік қорғау министрі
Атамқұлов Бейбіт Бәкірұлы – Қазақстан Республикасының Индустрия және инфрақұрылымдық даму министрі
Сұлтанов Бақыт Тұрлыханұлы – Қазақстан Республикасының Сауда және интеграция министрі
Тілеуберді Мұқтар Бескенұлы – Қазақстан Республикасының Сыртқы істер министрі
Дәленов Руслан Ерболатұлы – Қазақстан Республикасының Ұлттық экономика министрі

Төтенше жағдай режимін қамтамасыз ету жөніндегі мемкомиссияның құрамы бекітілді

<a href="https://kyzylorda-news.kz/">Kyzylorda-news.kz.</a> 2020 жылдың 18 наурызына белгіленген «Nur Otan» партиясы Саяси кеңесінің отырысы өтпейтін болды. Бұл туралы Бауыржан Байбек <a href="https://twitter.com/BauyrzhanBaibek/status/1238689698236837888">Twitter-дегі</a> парақшасында жазды.
<blockquote>
 «Коронавирус инфекциясы тарау қаупіне байланысты енгізілген шектеу шараларына орай 2020 жылдың 18 наурызына белгіленген «Nur Otan» партиясы Саяси кеңесінің отырысы өтпейтін болды» делінген хабарламада.
</blockquote>

18 наурызда «Nur Otan» партиясы Саяси кеңесінің отырысы өтпейтін болды

<a href="https://kyzylorda-news.kz/">Kyzylorda-news.kz.</a> Қызылорда облыстық мекемелер үйінде облыс әкімінің орынбасары, әйелдер істері және отбасылық демографиялық саясат жөніндегі комиссия төрағасы Наурызбай Байқадамовтың төрағалығымен облыстық әйелдер кеңесінің отырысы өтті.
Кеңес отырысында қаралған негізгі мәселе – облыстық әйелдер кеңесінің төрайымын қайта сайлау.
Осыған дейін бұл қоғамдық ұйымның басшысы болған Нұрсәуле Мусаева облыстық Қазақстан халқы ассамблеясы жанындағы Аналар кеңесінің төрайымы ретінде жұмыс атқара беретін болды. Ол – Қазақстан халқы Ассамблеясының мүшесі.
Облыстық әйелдер істері және отбасылық демографиялық саясат жөніндегі комиссия төрағасының орынбасары Ақмарал Әлназарова Нұрсәуле Дүйсембайқызына облыс көлемінде отбасы мәртебесін арттыруға және отбасылық дәстүрлер мен құндылықтарды халық арасында кеңінен насихаттап, отбасы-демографиялық саясаттың жүзеге асуына қосқан қажырлы еңбегі үшін облыс әкімінің Алғыс хатын табыстап, облыстық ҚХА жанындағы Аналар кеңесіндегі жұмысына жеміс тіледі.
Облыстық әйелдер кеңесінің төрайымына облыстық мәслихаттың депутаты, көп жылдар облыстық кәсіподақ комитетінің төрайымы болған, білім саласы ұстаздарының кәсіподақ комитетін басқарған Райкүл Байназарова сайланды
Айта кетейік, Райкүл Мансұрқызы 1957 жылы Қызылорда облысы, Жалағаш ауданында дүниеге келген. Білімі жоғары, Қызылорда педагогикалық институтын, Алматы Заң академиясын бітірген. Математика пәнінің мұғалімі, заңгер.
Студент кезінде облыстық комсомол комитетінің бюро шешімімен 3&nbsp;жыл студенттер құрылыс отрядтарының облыстық штабында комиссар қызметін атқарған.
Институт бітіргеннен кейін 1983 ж. дейін Н.Гоголь атындағы Қызылорда педагогикалық институтында студенттер кәсіподақ ұйымының төрайымы болып қызмет жасады.
ОЛ 1983-1987 жылдары – ағарту, жоғарғы білім және ғылым қызметкерлері кәсіподағының облыстық комитетінің хатшысы болып сайланған.
1987 жылдан осы кезге дейін – білім және ғылым қызметкерлері кәсіподағының облыстық комитетінің төрағасы болып қызмет жасап келді.
Облыстық маслихаттың ІІ (1999 жыл), ІІІ (2003 жыл), V (2012 жыл), VІ (2016 жыл) шақырылымының депутаты болып сайланған.
Отырыста қоғам қайраткері Д.&nbsp;Ақмағанбетова, облыстық ардагерлер кеңесі төрағасының орынбасары К.&nbsp;Ермағамбетова өз пікірлерімен бөлісті.
Облыс әкімінің орынбасары Н.Байқадамов Райкүл Мансұрқызын құттықтап, жұмысына сәттілік тіледі.
<img src="https://kyzylorda-news.kz/wp-content/uploads/2020/02/aielder-kenesi-3.jpeg" alt="" />
<img src="https://kyzylorda-news.kz/wp-content/uploads/2020/02/aielder-kenesi-4.jpeg" alt="" />
<img src="https://kyzylorda-news.kz/wp-content/uploads/2020/02/aielder-kenesi-1.jpeg" alt="" />

Қызылорда облыстық әйелдер кеңесінің төрайымы сайланды (ФОТО)

<a href="https://kyzylorda-news.kz/">Kyzylorda-news.kz.</a> Қазақстан Президенті Абу Даби қаласының ең көрікті жерлерінің бірі – шейх Заид мешітіне барып, Біріккен Араб Әмірліктерінің негізін қалаушы және алғашқы Президенті шейх Заид бен Сұлтан Әл Нахаянның рухына тағзым етті, деп хабарлады Ақорданың баспасөз қызметі.
<blockquote>
 Қасым-Жомарт Тоқаев шейх Заид мешітіндегі Құрметті қонақтар кітабына «Өз халқының ұлы перзенті, Әмірліктердің негізін қалаушы шейх Заид бен Сұлтан Әл Нахаянның рухына тағзым етемін. Бауырлас Әмірліктер халқының ырысы мол, берекесі баянды, мерейі лайым үстем болуына шын жүректен тілектеспін!», – деген қолтаңба қалдырды.
</blockquote>

Мемлекет басшысы шейх Заид мешітіне барды

<a href="https://kyzylorda-news.kz/">Kyzylorda-news.kz.</a> Бүгін Президент Қасым-Жомарт Тоқаевтың төрағалығымен Қазақстан Республикасы Үкіметінің кеңейтілген отырысы өтеді.
Кеңейтілген отырыста Үкімет еліміздің 2019 жылғы әлеуметтік-экономикалық даму қорытындыларының есебін береді.
Сондай-ақ Мемлекет басшысының Үкіметке ел дамуының негізгі бағыттары бойынша берген тапсырмаларының орындалу барысы талқыланады.

Бүгін Президенттің төрағалығымен Үкіметтің кеңейтілген отырысы өтеді

<a href="https://kyzylorda-news.kz/">Kyzylorda-news.kz.</a> 2020 жыл бастала салысымен орын алған Иран мен АҚШ арасындағы саяси ахуал бүкіл әлем жұртын дүр сілкіндірді. АҚШ тарапынан Иранның беделді әскери басқарушысы генерал Сүлейманиге қарсы қастандық ұйымдастыруы&nbsp;соңғыларының төзімін тауысқан секілді.
Таяу Шығыс елі Құрама Штаттардың Иракта орналасқан әскери базасына шабуылдап, бірнеше зымыран жаудырған еді. Сырт мемлекеттер бұл жайттан қапы қалмады: қазірдің өзінде Ресей Федерациясы Иранды қолдайтынын жеткізді. Аталған жағдай басқа мемлекеттерді, әсіресе Қазақстанды айналып өтпейтіні анық. Қазақстан жұртын алдағы уақытта не болмақ деген өткір сұрақ мазалайтыны тағы бар.
“Иран тағы бір әлемдік соғыс бастауға батылы жетпейді”
Қазақстандық қоғам қайраткері, саясаттанушы әрі&nbsp;танымал блогер Досым Сәтпаевтың сөзінше, Иранның&nbsp; АҚШ-тан көрсетілетін қысымға бойлары үйреніп кетіпті. Олар өздерінің жаулары ретінде Дональд Трамппен қоса Ұлыбритания басшылығын да көретінін жасырмайды.&nbsp;
<blockquote>
 «Мен 2015 жылы Иранда болып қайтқанмын. Осы жылы ирандық сарапшыларымен тілдестім. Олардың сөздерінен Таяу Шығыс елінің&nbsp;тек АҚШ-ты ғана емес Ұлыбританияны жау көретіндіктерін аңғардым. Иран елі 1950 жылы Ұлыбританиямен болған кикілжіңді ұмытпаған сияқты. Өздерінің мұнай кен орындарынан айырылып қалған Ұлыбритания АҚШ-пен бірігіп, елде әскери қақтығыс ұйымдастырып, ел билігінің өзгеруіне себепші болыпты. Иран батыстағы одақтастары ретінде Германия мен Францияны мойындайды», – дейді саясаттанушы.&nbsp;
</blockquote>
Сөзінше, Иран батыс елдеріне тәуелділіктен арылған. Бұл жағдай мемлекет экономикасын қайта құруға әкеліпті. Дегенмен Иран мұндай мықты одақтастары бола тұра, Иран&nbsp;тағы бір әлемдік соғыс бастауға батылы жетпейді дейді сарапшы.&nbsp;
<blockquote>
 «Бәрінің үрейін туғызатын Үшінші дүниежүзілік соғыс тақырыбын ашып айта берейік. Бұл тақырып сонау 1979 жылы Кеңес одағының&nbsp;кезде сол баяғы Иранның қатысуымен басталған еді. 70-ші жылдары ислам революциясы орын алды. Осы мәселеге қатысты&nbsp;АҚШ президенті Рональд Рейган кейбір мемлекеттерді «зұлымдық шеңберінің» қатарына қосты. Айтылған “шеңбердің” құрамына АҚШ басшысы Кеңес одағын, Иранды, Солтүстік Корея, Кубаны кіргізген еді. Байқап отырғанымыздай, Иран 70-жылдардың өзінде АҚШ-тың қас жауына айналған. Бұған таңқалудың қажеті жоқ, өйткені америкалықтардың одақтасы Израиль де Иранға қарсы шыққан”, – деп қосты Досым Сәтпаев.
</blockquote>
Саясаттанушы екі ел арасындағы ахуал ХХ ғасырда пайда болған дейді.&nbsp;
<blockquote>
 “Үшінші дүниежүзілік соғыс басталады деп айтып келе жатқанына 40 жылдан асты. Негізі қазіргі кезде соғысқа бастамашы болған жағдай ретінде генерал Сүлейманидің өлімі&nbsp;айтылады. Алайда 2012 жылы осыған ұқсас жайттың болғанын естен шығармаған жөн. Бұл жылы Иранның ядролық қаруын құрастырумен және зерттеумен айналысқан беделді маман қаскөйлердің құрбанына айналған еді. Мұның артында Израиль мен АҚШ тұрғанын жоққа шығару мүмкін емес. Ал 2000 жылы Израиль мен АҚШ Иранның ядролық орталығына кибершабуыл жүргізген. Бұл әрекеттердің басты мақсаты Иранның әскери күшін қуаттандыруға кедергі болу еді. Яғни бұл жағдайлар Иран мен АҚШ-тың арасындағы кикілжің кеше басталған дүние еместігін көрсетеді. АҚШ-тың мемлекет ішінде мәселе тудырған кезде, назардың барлығын шетелге аударатын әдетін ұмытпайық. АҚШ-тың қазіргі басшысы Дональд Трамп өзінің алдындағы әріптестері Билл Клинтон, Джордж Буштан қапы қалмайтынын дәлелдеді”, – дейді Досым Сәтпаев.
</blockquote>
Бұған қоса ол АҚШ-тың Сүлейманиге қарсы қастандық ұйымдастыруы, Иранның АҚШ-тың әуе базасына шабуылдауы келісімге келудің бір жолы екендігін айтты. Дональд Трамп Америка жұртына өзін батыл әрі сабырлы саясаткер ретінде, ал Иран билігі өзінің халқына&nbsp; сөзінде тұра алатындығын көрсете алды дейді саясаттанушы.&nbsp;
“Иран оңай олжаға айналатын мемлекеттер қатарына кірмейді”
Белгілі қазақстандық политолог Расұл Жұмалы өзінің&nbsp;Tengrinews.kz сайтының тілшісіне берген сұқбатында АҚШ пен Иран арасындағы қақтығыс бүкіл әлемнің назарын аударып қана қоймай, басқа да мемлекеттердің алаңдатушылығын тудырғанын айтты. Дегенмен болған жайттарды ескергеннің өзінде соғыстың тұтану қаупі жоқ екен.&nbsp;
<blockquote>
 «Қалың жұрттың Үшінші дүниежүзілік соғыс туралы айтып дүрлігіп кеткені өтірік емес, десек те кикілжің мұндай маштабқа жете қоймайды-ау. Үшінші дүниежүзілік соғыс болмаса да, Таяу және Орта Шығыс елдерін қамтитын жергілікті соғыс орнауы ғажап емес. Иранның шабуылына қарамастан, бұл мемлекеттің соғыс бастауға қауқары жетпейді. Дегенмен олар АҚШ-тың қысымына құр қарап отыра бермейтіні сөзсіз. Иранның АҚШ әскери базасына шабуылдауы тек стратегиялық әрекет деп атауға болады. Иран үкіметі өз халқына сыртта көз алартып тұрған жауды көрсетіп, оларды біріктіруді мақсат етті. Иран көршілес жатқан Ирак және Ливия сияқты жай жатқан ел емес, бұл елдің әскери күші мықты. Ел ішіндегі шиеліністерге қарамастан Иран оңай олжаға айналатын мемлекеттер қатарына кірмейді», – дейді саясаттанушы.&nbsp;
</blockquote>
Расұл Жұмалы да Иран мен АҚШ арасындағы қақтығыстардың терең тарихы бар екендігін атап өтті. Бұл мәселені АҚШ-тағы&nbsp;жаңадан келген республикалықтар партиясының өкілі Дональд Трамптың билік тізгінін&nbsp;қолға алуы өршітіп жіберген.&nbsp;
<blockquote>
 «Дональд Трамптың әрекетін түсіндіру оңай шаруа емес. Оның саясат жүргізуі менеджер немесе бизнесменнің тәсіліне ұқсайды. Десек те ол кезінде берген&nbsp;уәделерінде тұрып 2019 жылы Сирия аумағынан америкалық әскерлерді шығарған болатын. Үш жыл ел басқарған кезінде ол бірде-бір рет соғыс отын тұтатпады. Ресей немесе Солтүстік Корея болмасын, ол барлығымен келіссөздер жүргізуге тырысты. Меніңше, АҚШ санкция жариялаумен немесе гибридтік соғыспен ғана шектеледі. Бұл жағдай ұзаққа созылып кетуі мүмкін”, – деп қосты ол.&nbsp;
 “Қазақстан&nbsp;барлығына да дайын болған жөн. Иран – Қазақстанмен Каспий теңізі арқылы көрші жатқан мемлекет, сол себепті біз алыста жатырмыз деп айта алмаймын. Қазақстанның сақ болғаны дұрыс. Біз қазіргі таңда республикамыздың қорғанысына мұқият көңіл бөлуіміз шарт. Оған қоса Таяу Шығыстағы мәселені назардан тыс қалдырмауымыз керек. Ирак пен Сириядағыдай соғыс басталса, босқындар басқа жаққа ығыса бастайды. Ал Иранның изоляцияда жатқанын ескерсек, Каспий теңізінің халық үшін алтын көпір болатыны белгілі. Мемлекеттің солтүстігінде Түркіменстан мен Қазақстан орналасқан. Босқындар мәселесі тек болжам ғана,&nbsp;дегенмен бұл туралы да ұмытпағанымыз жөн. Тағы бір мәселе – &nbsp;мұнай нарығы. Қазіргі кезде мұнай бағасы кез-келген ауытқушылыққа тәуелді, сол себепті осы саланы да бақылауда ұстау қажет», – деп аяқтады сөзін Расұл Жұмалы.&nbsp;
</blockquote>
“Үшінші дүниежүзілік соғыс басталады деп шошудың керегі жоқ”
Жоғарыдағы саясаттанушылардың&nbsp;Үшінші дүниежүзілік соғыс болмайды деген сөзін тағы бір сарапшы Айдос Сарым қолдады. Сөзінше, Таяу Шығыстағы кикілжіңнің үлкен дауға ұласуы екіталай.&nbsp;
<blockquote>
 «Менің ойымша, дүниежүзілік соғыс болмайды. Дегенмен Таяу Шығыстағы мемлекеттер&nbsp;біразға дейін шулайтыны белгілі, салдарынан мұнай бағамы артып кетеді. Меніңше, қазіргі заманда кімге де үлкен соғыстың қажеті шамалы. Мүмкін қандай да бір зымырандық шабуылдар, терактар мен жарылыстар орын алады. Алайда Үшінші дүниежүзілік соғыс басталады деп шошудың керегі жоқ. Иран мемлекеті өз көзімен Сирия мен Иракта болған жағдайды көрген болатын. Сол себепті маштабты соғысқа жол берілмейтіні сөзсіз. Мүмкін экономикалық соғыс орнайды. Бірақ бұл жағдайдың өзі Біріккен Араб Әмірліктерінің ЭКСПО ұйымдастырып жатқанын ескерсек, күмән туғызады. Себебі қазірдің өзінде БАӘ басшылары аталған шараға көп қаражат жұмсап, оған үлкен үміт артып отыр. Ал егер Таяу&nbsp;Шығыста терактар мен жарылыстар көбейсе,&nbsp;бұл аймаққа туристер&nbsp;аттап аяқ баспайды. Бірақ жергілікті киілжіңдер мен мәселелерді жоққа шығарудың қажеті жоқ»,&nbsp;– деді Айдос Сарым.&nbsp;
</blockquote>
“Екі елдің саясатынан тек сол мемлекеттердің азаматтары зардап шегеді”
Тағы бір сарапшы Марғұлан Сейсембай Иран мен АҚШ арасында туындаған мәселені қозғамай кетпеді. Айтуынша, екі елдің саясатынан тек сол мемлекеттердің тұрғындары зардап шегеді.&nbsp;
<blockquote>
 «Трамптың ойыны қанған секілді. Өзінің бизнесінде жүргізген тәсілдерін&nbsp;саясатқа араластырудың мүлдем қажеті жоқ. Күш көрсетіп, бетпақтық таныту – саясаткерге жат қылық. Ал қазір мәселеге тиек болған жағдай – халықаралық саясат. Қанша жерден мықты болсаң да, сенен де өткен бірбеткей табылары анық.&nbsp;Әрине, ирандықтар АҚШ-тың жеңбек түгелі, оның маңайына жолай алмас, дегенмен бұл саясаттың ащы нәтижесін Америка халқы тартады. Иран қарулы қақтығыста АҚШ-тың ғана емес, теракт ұйымдастыру арқылы бүкіл әлемінің қанын ішеді. Ал америкалықтар қорғанысты одан бетер күшейтіп, өздері бастаған қауіптің құрбанына өз елдерінің және басқа мемлекеттердің азаматтарын айналдырады. Сонымен бұл кикілжіңнен кім ұтты: 1. Әлемнің арнайы қорғаныс қызметтері; 2. Әскери-өндірістік кешендер; 3. Қорғаныс министрліктері; 4. Қорғаныс жүйесін жасап шығарушылар; 5. Жаһандану мен Америка саясатына қарсы болған саясаткерлер. Кімдер ұтылды: 1. Адам құқығы мен бостандығы; 2. Қоғам; 3. Жазықсыз адамдар», – деді Марғұлан Сейсембай.&nbsp;
</blockquote>
Сонымен қазақстандық саясаттанушылардың&nbsp;ойлары бір жерден шықты. Олардың сөздеріне сүйене отырып Үшінші дүниежүзілік соғыс басталады деп&nbsp;қорқудың керегі жоқ деп кесіп айтуға болады. Десек те қандай жағдай болмасын Қазақстанның шетелдегі жағдайларға құлақ түріп қарап, сақ болуы өте маңызды.&nbsp;
Негізінен бұл оқиға тек алдағы уақытта басталатын Дональд Трамп импичментінің бетпердесі болған секілді. АҚШ басшысы осылайша ел алдындағы беделін көрсете алды. Америкалық президенттің мықты ойыншы екендігін ескеру шарт. АҚШ-тың Үшінші дүниежүзілік соғысқа түрткі болуы әлем жұртынан бөлек, америкалықтардың қазіргі биліктегілерге қарсы бағытталуына алып келер еді. Ал алдағы уақытта АҚШ -та президент сайлауы мен Трамптың лауазымының сақтап қалатынын анықтайтын Сенат отырысының жақындауын атап өтсек, республикалықтардың өздерін құртатын әрекетке баруының мүмкін еместігін дәлелдейді.&nbsp;
<a href="https://stan.kz/kazakstannin-barligina-dayin-bolgani-zhon-belgili-sayas-326207/">Stan.kz</a>

«Қазақстан барлығына дайын болғаны жөн»: Таяу Шығыстағы кикілжіңнің арты Үшінші дүниежүзілік соғысқа ұласуы мүмкін бе?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Мемлекет басшысы Қасым-Жомарт Тоқаев «1994 жылғы 10 желтоқсандағы Қазақстан Республикасының Үкіметі мен Ресей Федерациясының Үкіметі арасындағы «Байқоңыр» кешенін жалға беру шартына өзгеріс енгізу туралы хаттаманы ратификациялау туралы» Қазақстан Республикасының Заңына қол қойды, деп хабарлайды&nbsp;<a href="http://www.akorda.kz/kz/legal_acts/laws/memleket-basshysy-1994-zhylgy-10-zheltoksandagy-kazakstan-respublikasynyn-ukimeti-men-resei-federaciyasynyn-ukimeti-arasyndagy-baikonyr-kesh">Ақорда</a>.
Заңның мәтіні баспасөзде жарияланады.

ҚР Президенті «Байқоңыр» кешенін жалға беру туралы заңға қол қойды

<a href="https://kyzylorda-news.kz/">Kyzylorda-news.kz.</a> Ұлттық қоғамдық сенім кеңесінің мүшесі Саясат Нұрбек ұсыныстар пакеті туралы айтып берді, деп хабарлайды <a href="https://www.inform.kz/kz/sayasat-nurbek-sheteldegi-etnikalyk-kazaktarga-zherdi-paydalanu-kukygyn-beru-kerek_a3596656">ҚазАқпарат</a>.
<blockquote>
 «Ұлттық кеңестің әлеуметтік мәселелері бойынша тобы білім, ғылым, денсаулық сақтау, еңбек нарығын дамыту, тіл, көші-қон бойынша ұсыныстар пакеттерін дайындап, тиісті мекемелермен тығыз жұмысты атқардық. Жұмыстарды ең төменгі деңгейден бастадық, себебі негізгі мәселелер сол жерде шешіледі. Атап айтқанда, жоғары білім және ғылым, мектепке дейінгі және орта білім, техникалық және кәсіптік білім, сондай-ақ еңбек нарығын болжау мен біліктілікті арттыру тұрғысында ұсыныстар пакеті дайындалды», – деді С.Нұрбек Ұлттық қоғамдық сенім кеңесінің отырысында.
</blockquote>
Оның айтуынша, Денсаулық сақтау министрлігімен ынтымақтастық аясында денсаулық сақтау саласындағы жұмыс тиімділігін арттыру бойынша ұсыныстар пакеті дайындалды.
<blockquote>
 «Қазіргі уақытта осы жұмысты нығайту керек. Денсаулық сақтау саласында әлі де тығыз байланыс орнатылмай жатыр», – деді ол.
</blockquote>
Бұдан бөлек, Саясат Нұрбек қандастарға қатысты бірнеше ұсынысын жеткізді. Бірінші – шетелдегі этникалық қазақтарға жерді пайдалану құқығын беру. Бұл қазір өте қызу талқыланып жатқан мәселе. Тағы бір ұсыныс 18 қараша күнін Ұлттық көші-қон күні деп белгілеуге қатысты.
<blockquote>
 «Жалпы, үш айдың ішінде мемлекеттік органдармен өте егжей-тегжейлі жұмыс істедік», – деді ол.
</blockquote>

Қазақстан және Қызылорда облысының жаңалықтары: Саясат