<a href="https://kyzylorda-news.kz/">Kyzylorda-news.kz.</a> 2020 жыл бастала салысымен орын алған Иран мен АҚШ арасындағы саяси ахуал бүкіл әлем жұртын дүр сілкіндірді. АҚШ тарапынан Иранның беделді әскери басқарушысы генерал Сүлейманиге қарсы қастандық ұйымдастыруы&nbsp;соңғыларының төзімін тауысқан секілді.
Таяу Шығыс елі Құрама Штаттардың Иракта орналасқан әскери базасына шабуылдап, бірнеше зымыран жаудырған еді. Сырт мемлекеттер бұл жайттан қапы қалмады: қазірдің өзінде Ресей Федерациясы Иранды қолдайтынын жеткізді. Аталған жағдай басқа мемлекеттерді, әсіресе Қазақстанды айналып өтпейтіні анық. Қазақстан жұртын алдағы уақытта не болмақ деген өткір сұрақ мазалайтыны тағы бар.
“Иран тағы бір әлемдік соғыс бастауға батылы жетпейді”
Қазақстандық қоғам қайраткері, саясаттанушы әрі&nbsp;танымал блогер Досым Сәтпаевтың сөзінше, Иранның&nbsp; АҚШ-тан көрсетілетін қысымға бойлары үйреніп кетіпті. Олар өздерінің жаулары ретінде Дональд Трамппен қоса Ұлыбритания басшылығын да көретінін жасырмайды.&nbsp;
<blockquote>
 «Мен 2015 жылы Иранда болып қайтқанмын. Осы жылы ирандық сарапшыларымен тілдестім. Олардың сөздерінен Таяу Шығыс елінің&nbsp;тек АҚШ-ты ғана емес Ұлыбританияны жау көретіндіктерін аңғардым. Иран елі 1950 жылы Ұлыбританиямен болған кикілжіңді ұмытпаған сияқты. Өздерінің мұнай кен орындарынан айырылып қалған Ұлыбритания АҚШ-пен бірігіп, елде әскери қақтығыс ұйымдастырып, ел билігінің өзгеруіне себепші болыпты. Иран батыстағы одақтастары ретінде Германия мен Францияны мойындайды», – дейді саясаттанушы.&nbsp;
</blockquote>
Сөзінше, Иран батыс елдеріне тәуелділіктен арылған. Бұл жағдай мемлекет экономикасын қайта құруға әкеліпті. Дегенмен Иран мұндай мықты одақтастары бола тұра, Иран&nbsp;тағы бір әлемдік соғыс бастауға батылы жетпейді дейді сарапшы.&nbsp;
<blockquote>
 «Бәрінің үрейін туғызатын Үшінші дүниежүзілік соғыс тақырыбын ашып айта берейік. Бұл тақырып сонау 1979 жылы Кеңес одағының&nbsp;кезде сол баяғы Иранның қатысуымен басталған еді. 70-ші жылдары ислам революциясы орын алды. Осы мәселеге қатысты&nbsp;АҚШ президенті Рональд Рейган кейбір мемлекеттерді «зұлымдық шеңберінің» қатарына қосты. Айтылған “шеңбердің” құрамына АҚШ басшысы Кеңес одағын, Иранды, Солтүстік Корея, Кубаны кіргізген еді. Байқап отырғанымыздай, Иран 70-жылдардың өзінде АҚШ-тың қас жауына айналған. Бұған таңқалудың қажеті жоқ, өйткені америкалықтардың одақтасы Израиль де Иранға қарсы шыққан”, – деп қосты Досым Сәтпаев.
</blockquote>
Саясаттанушы екі ел арасындағы ахуал ХХ ғасырда пайда болған дейді.&nbsp;
<blockquote>
 “Үшінші дүниежүзілік соғыс басталады деп айтып келе жатқанына 40 жылдан асты. Негізі қазіргі кезде соғысқа бастамашы болған жағдай ретінде генерал Сүлейманидің өлімі&nbsp;айтылады. Алайда 2012 жылы осыған ұқсас жайттың болғанын естен шығармаған жөн. Бұл жылы Иранның ядролық қаруын құрастырумен және зерттеумен айналысқан беделді маман қаскөйлердің құрбанына айналған еді. Мұның артында Израиль мен АҚШ тұрғанын жоққа шығару мүмкін емес. Ал 2000 жылы Израиль мен АҚШ Иранның ядролық орталығына кибершабуыл жүргізген. Бұл әрекеттердің басты мақсаты Иранның әскери күшін қуаттандыруға кедергі болу еді. Яғни бұл жағдайлар Иран мен АҚШ-тың арасындағы кикілжің кеше басталған дүние еместігін көрсетеді. АҚШ-тың мемлекет ішінде мәселе тудырған кезде, назардың барлығын шетелге аударатын әдетін ұмытпайық. АҚШ-тың қазіргі басшысы Дональд Трамп өзінің алдындағы әріптестері Билл Клинтон, Джордж Буштан қапы қалмайтынын дәлелдеді”, – дейді Досым Сәтпаев.
</blockquote>
Бұған қоса ол АҚШ-тың Сүлейманиге қарсы қастандық ұйымдастыруы, Иранның АҚШ-тың әуе базасына шабуылдауы келісімге келудің бір жолы екендігін айтты. Дональд Трамп Америка жұртына өзін батыл әрі сабырлы саясаткер ретінде, ал Иран билігі өзінің халқына&nbsp; сөзінде тұра алатындығын көрсете алды дейді саясаттанушы.&nbsp;
“Иран оңай олжаға айналатын мемлекеттер қатарына кірмейді”
Белгілі қазақстандық политолог Расұл Жұмалы өзінің&nbsp;Tengrinews.kz сайтының тілшісіне берген сұқбатында АҚШ пен Иран арасындағы қақтығыс бүкіл әлемнің назарын аударып қана қоймай, басқа да мемлекеттердің алаңдатушылығын тудырғанын айтты. Дегенмен болған жайттарды ескергеннің өзінде соғыстың тұтану қаупі жоқ екен.&nbsp;
<blockquote>
 «Қалың жұрттың Үшінші дүниежүзілік соғыс туралы айтып дүрлігіп кеткені өтірік емес, десек те кикілжің мұндай маштабқа жете қоймайды-ау. Үшінші дүниежүзілік соғыс болмаса да, Таяу және Орта Шығыс елдерін қамтитын жергілікті соғыс орнауы ғажап емес. Иранның шабуылына қарамастан, бұл мемлекеттің соғыс бастауға қауқары жетпейді. Дегенмен олар АҚШ-тың қысымына құр қарап отыра бермейтіні сөзсіз. Иранның АҚШ әскери базасына шабуылдауы тек стратегиялық әрекет деп атауға болады. Иран үкіметі өз халқына сыртта көз алартып тұрған жауды көрсетіп, оларды біріктіруді мақсат етті. Иран көршілес жатқан Ирак және Ливия сияқты жай жатқан ел емес, бұл елдің әскери күші мықты. Ел ішіндегі шиеліністерге қарамастан Иран оңай олжаға айналатын мемлекеттер қатарына кірмейді», – дейді саясаттанушы.&nbsp;
</blockquote>
Расұл Жұмалы да Иран мен АҚШ арасындағы қақтығыстардың терең тарихы бар екендігін атап өтті. Бұл мәселені АҚШ-тағы&nbsp;жаңадан келген республикалықтар партиясының өкілі Дональд Трамптың билік тізгінін&nbsp;қолға алуы өршітіп жіберген.&nbsp;
<blockquote>
 «Дональд Трамптың әрекетін түсіндіру оңай шаруа емес. Оның саясат жүргізуі менеджер немесе бизнесменнің тәсіліне ұқсайды. Десек те ол кезінде берген&nbsp;уәделерінде тұрып 2019 жылы Сирия аумағынан америкалық әскерлерді шығарған болатын. Үш жыл ел басқарған кезінде ол бірде-бір рет соғыс отын тұтатпады. Ресей немесе Солтүстік Корея болмасын, ол барлығымен келіссөздер жүргізуге тырысты. Меніңше, АҚШ санкция жариялаумен немесе гибридтік соғыспен ғана шектеледі. Бұл жағдай ұзаққа созылып кетуі мүмкін”, – деп қосты ол.&nbsp;
 “Қазақстан&nbsp;барлығына да дайын болған жөн. Иран – Қазақстанмен Каспий теңізі арқылы көрші жатқан мемлекет, сол себепті біз алыста жатырмыз деп айта алмаймын. Қазақстанның сақ болғаны дұрыс. Біз қазіргі таңда республикамыздың қорғанысына мұқият көңіл бөлуіміз шарт. Оған қоса Таяу Шығыстағы мәселені назардан тыс қалдырмауымыз керек. Ирак пен Сириядағыдай соғыс басталса, босқындар басқа жаққа ығыса бастайды. Ал Иранның изоляцияда жатқанын ескерсек, Каспий теңізінің халық үшін алтын көпір болатыны белгілі. Мемлекеттің солтүстігінде Түркіменстан мен Қазақстан орналасқан. Босқындар мәселесі тек болжам ғана,&nbsp;дегенмен бұл туралы да ұмытпағанымыз жөн. Тағы бір мәселе – &nbsp;мұнай нарығы. Қазіргі кезде мұнай бағасы кез-келген ауытқушылыққа тәуелді, сол себепті осы саланы да бақылауда ұстау қажет», – деп аяқтады сөзін Расұл Жұмалы.&nbsp;
</blockquote>
“Үшінші дүниежүзілік соғыс басталады деп шошудың керегі жоқ”
Жоғарыдағы саясаттанушылардың&nbsp;Үшінші дүниежүзілік соғыс болмайды деген сөзін тағы бір сарапшы Айдос Сарым қолдады. Сөзінше, Таяу Шығыстағы кикілжіңнің үлкен дауға ұласуы екіталай.&nbsp;
<blockquote>
 «Менің ойымша, дүниежүзілік соғыс болмайды. Дегенмен Таяу Шығыстағы мемлекеттер&nbsp;біразға дейін шулайтыны белгілі, салдарынан мұнай бағамы артып кетеді. Меніңше, қазіргі заманда кімге де үлкен соғыстың қажеті шамалы. Мүмкін қандай да бір зымырандық шабуылдар, терактар мен жарылыстар орын алады. Алайда Үшінші дүниежүзілік соғыс басталады деп шошудың керегі жоқ. Иран мемлекеті өз көзімен Сирия мен Иракта болған жағдайды көрген болатын. Сол себепті маштабты соғысқа жол берілмейтіні сөзсіз. Мүмкін экономикалық соғыс орнайды. Бірақ бұл жағдайдың өзі Біріккен Араб Әмірліктерінің ЭКСПО ұйымдастырып жатқанын ескерсек, күмән туғызады. Себебі қазірдің өзінде БАӘ басшылары аталған шараға көп қаражат жұмсап, оған үлкен үміт артып отыр. Ал егер Таяу&nbsp;Шығыста терактар мен жарылыстар көбейсе,&nbsp;бұл аймаққа туристер&nbsp;аттап аяқ баспайды. Бірақ жергілікті киілжіңдер мен мәселелерді жоққа шығарудың қажеті жоқ»,&nbsp;– деді Айдос Сарым.&nbsp;
</blockquote>
“Екі елдің саясатынан тек сол мемлекеттердің азаматтары зардап шегеді”
Тағы бір сарапшы Марғұлан Сейсембай Иран мен АҚШ арасында туындаған мәселені қозғамай кетпеді. Айтуынша, екі елдің саясатынан тек сол мемлекеттердің тұрғындары зардап шегеді.&nbsp;
<blockquote>
 «Трамптың ойыны қанған секілді. Өзінің бизнесінде жүргізген тәсілдерін&nbsp;саясатқа араластырудың мүлдем қажеті жоқ. Күш көрсетіп, бетпақтық таныту – саясаткерге жат қылық. Ал қазір мәселеге тиек болған жағдай – халықаралық саясат. Қанша жерден мықты болсаң да, сенен де өткен бірбеткей табылары анық.&nbsp;Әрине, ирандықтар АҚШ-тың жеңбек түгелі, оның маңайына жолай алмас, дегенмен бұл саясаттың ащы нәтижесін Америка халқы тартады. Иран қарулы қақтығыста АҚШ-тың ғана емес, теракт ұйымдастыру арқылы бүкіл әлемінің қанын ішеді. Ал америкалықтар қорғанысты одан бетер күшейтіп, өздері бастаған қауіптің құрбанына өз елдерінің және басқа мемлекеттердің азаматтарын айналдырады. Сонымен бұл кикілжіңнен кім ұтты: 1. Әлемнің арнайы қорғаныс қызметтері; 2. Әскери-өндірістік кешендер; 3. Қорғаныс министрліктері; 4. Қорғаныс жүйесін жасап шығарушылар; 5. Жаһандану мен Америка саясатына қарсы болған саясаткерлер. Кімдер ұтылды: 1. Адам құқығы мен бостандығы; 2. Қоғам; 3. Жазықсыз адамдар», – деді Марғұлан Сейсембай.&nbsp;
</blockquote>
Сонымен қазақстандық саясаттанушылардың&nbsp;ойлары бір жерден шықты. Олардың сөздеріне сүйене отырып Үшінші дүниежүзілік соғыс басталады деп&nbsp;қорқудың керегі жоқ деп кесіп айтуға болады. Десек те қандай жағдай болмасын Қазақстанның шетелдегі жағдайларға құлақ түріп қарап, сақ болуы өте маңызды.&nbsp;
Негізінен бұл оқиға тек алдағы уақытта басталатын Дональд Трамп импичментінің бетпердесі болған секілді. АҚШ басшысы осылайша ел алдындағы беделін көрсете алды. Америкалық президенттің мықты ойыншы екендігін ескеру шарт. АҚШ-тың Үшінші дүниежүзілік соғысқа түрткі болуы әлем жұртынан бөлек, америкалықтардың қазіргі биліктегілерге қарсы бағытталуына алып келер еді. Ал алдағы уақытта АҚШ -та президент сайлауы мен Трамптың лауазымының сақтап қалатынын анықтайтын Сенат отырысының жақындауын атап өтсек, республикалықтардың өздерін құртатын әрекетке баруының мүмкін еместігін дәлелдейді.&nbsp;
<a href="https://stan.kz/kazakstannin-barligina-dayin-bolgani-zhon-belgili-sayas-326207/">Stan.kz</a>

«Қазақстан барлығына дайын болғаны жөн»: Таяу Шығыстағы кикілжіңнің арты Үшінші дүниежүзілік соғысқа ұласуы мүмкін бе?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Мемлекет басшысы Қасым-Жомарт Тоқаев «1994 жылғы 10 желтоқсандағы Қазақстан Республикасының Үкіметі мен Ресей Федерациясының Үкіметі арасындағы «Байқоңыр» кешенін жалға беру шартына өзгеріс енгізу туралы хаттаманы ратификациялау туралы» Қазақстан Республикасының Заңына қол қойды, деп хабарлайды&nbsp;<a href="http://www.akorda.kz/kz/legal_acts/laws/memleket-basshysy-1994-zhylgy-10-zheltoksandagy-kazakstan-respublikasynyn-ukimeti-men-resei-federaciyasynyn-ukimeti-arasyndagy-baikonyr-kesh">Ақорда</a>.
Заңның мәтіні баспасөзде жарияланады.

ҚР Президенті «Байқоңыр» кешенін жалға беру туралы заңға қол қойды

<a href="https://kyzylorda-news.kz/">Kyzylorda-news.kz.</a> Ұлттық қоғамдық сенім кеңесінің мүшесі Саясат Нұрбек ұсыныстар пакеті туралы айтып берді, деп хабарлайды <a href="https://www.inform.kz/kz/sayasat-nurbek-sheteldegi-etnikalyk-kazaktarga-zherdi-paydalanu-kukygyn-beru-kerek_a3596656">ҚазАқпарат</a>.
<blockquote>
 «Ұлттық кеңестің әлеуметтік мәселелері бойынша тобы білім, ғылым, денсаулық сақтау, еңбек нарығын дамыту, тіл, көші-қон бойынша ұсыныстар пакеттерін дайындап, тиісті мекемелермен тығыз жұмысты атқардық. Жұмыстарды ең төменгі деңгейден бастадық, себебі негізгі мәселелер сол жерде шешіледі. Атап айтқанда, жоғары білім және ғылым, мектепке дейінгі және орта білім, техникалық және кәсіптік білім, сондай-ақ еңбек нарығын болжау мен біліктілікті арттыру тұрғысында ұсыныстар пакеті дайындалды», – деді С.Нұрбек Ұлттық қоғамдық сенім кеңесінің отырысында.
</blockquote>
Оның айтуынша, Денсаулық сақтау министрлігімен ынтымақтастық аясында денсаулық сақтау саласындағы жұмыс тиімділігін арттыру бойынша ұсыныстар пакеті дайындалды.
<blockquote>
 «Қазіргі уақытта осы жұмысты нығайту керек. Денсаулық сақтау саласында әлі де тығыз байланыс орнатылмай жатыр», – деді ол.
</blockquote>
Бұдан бөлек, Саясат Нұрбек қандастарға қатысты бірнеше ұсынысын жеткізді. Бірінші – шетелдегі этникалық қазақтарға жерді пайдалану құқығын беру. Бұл қазір өте қызу талқыланып жатқан мәселе. Тағы бір ұсыныс 18 қараша күнін Ұлттық көші-қон күні деп белгілеуге қатысты.
<blockquote>
 «Жалпы, үш айдың ішінде мемлекеттік органдармен өте егжей-тегжейлі жұмыс істедік», – деді ол.
</blockquote>

Саясат Нұрбек: Шетелдегі этникалық қазақтарға жерді пайдалану құқығын беру керек

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Қазақстанның Тұңғыш президенті Нұрсұлтан Назарбаевқа “Бейбітшілік кілемі” табысталды. Ұлт көшбасшысы ерекше сыйлықты Біріккен Араб Әмірліктерінің Қазақстандағы төтенше және өкілетті елшісі Мұхаммед әл-Джабердің қолынан алды.
Елбасының баспасөз қызметінің мәліметінше, Назарбаевтың елшімен кездесуі барысында екі жақты қатынастарды нығайтудың, Қазақстан мен БАӘ арасындағы өзара тиімді ынтымақтастықты дамытудың, мәдени байланыстарды кеңейтудің маңыздылығы жайлы айтылды.
<blockquote>
 “Қазақстан тәуелсіздігін алғаннан бері біздің қарым-қатынасымыз өте қарқынды дамып келеді. Біз әрдайым БАӘ басшылығымен тығыз байланыста болдық. Осының арқасында елдеріміз арасындағы визасыз режим мәселесін шештік, рейстердің санын көбейттік. Бұл туристердің артуына жол ашып, тұтастай экономикалық қатынастардың кеңеюіне әсер етті, – деді Нұрсұлтан Назарбаев.
</blockquote>
Ал Мұхаммед аль-Джабер БАӘ басшылығы атынан Қазақстанның одан әрі табысты дамуы мен өркендеуін тілей отырып, Нұрсұлтан Назарбаевты және Қазақстан халқын Тәуелсіздік күнімен құттықтады.
<blockquote>
 “Қазақстан Орталық Азиядағы маңызды серіктестердің бірі. Біз визасыз режим туралы келісімге қол жеткізуді оң бағалаймыз. Бұл кәсіпкерлер арасындағы байланыстарды жеңілдетуге және инвестициялық белсенділікке ықпал етеді”, – деді елші.
</blockquote>
Сонымен қатар, дипломат Нұрсұлтан Назарбаевқа мәртебелі шейх Фатима бинт Мұхаммед бин Заидтің гуманитарлық жобасы аясында жасалған “Бейбітшілік кілемін” табыстады. Гуманитарлық жоба кілем тоқудың дәстүрлі қолөнерін насихаттауға және соғыс бейнелерінің осы өнерге енуіне қарсы тұруға бағытталған. Жоба аясында қолөнершілер бейбіт және гүлденген өмір туралы өздерінің көзқарастарымен кілемдер тоқиды.
<img src="https://kyzylorda-news.kz/wp-content/uploads/2019/12/20nazarbayev2.jpg" alt="" />

Нұрсұлтан Назарбаевқа &#8220;Бейбітшілік кілемі&#8221; сыйға берілді

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаевтың Жарлығымен Иманғали Нұрғалиұлы Тасмағамбетов зейнеткерлік жасқа толуына байланысты Қазақстан Республикасының Ресей Федерациясындағы Төтенше және Өкілетті Елшісі қызметінен босатылды, деп хабарлайды Ақорда.

Иманғали Тасмағамбетов Ресейдегі Елші қызметінен босатылды

<a href="https://kyzylorda-news.kz/">Kyzylorda-news.kz.</a> Дүйсенбі 9 желтоқсанда Парижде «норманд төрттігінің» кездесуі өтті. Ресей, Украина, Франция және Германияның басшылары – Владимир Путин, Владимир Зеленский,&nbsp;Эммануэль Макрон және Ангела Меркель бір үстел басында отырды.
Әлем елдерінің&nbsp;басшыларының кездесуінің негізгі мақсаты – Украинаның оңтүстік шығысындағы дағдарыс мәселесін шешу. Алайда кездесу барысында аздаған келеңсіз жайт болды, – деп хабарлайды <a href="https://www.mk.ru/politics/2019/12/09/zelenskiy-okonfuzilsya-pered-putinym-v-parizhe.html">“Московский комсомолец”</a>.
Кездесудің төрт мүшесі мәжіліс залына кірген кезде Зеленский Путинге арналған креслоға бағыт алған. Сол кезде monsieur Poutine деп жазылып тұрған креслоға&nbsp;Ресей президенті келген кезде Зеленский қателескенін түсініп, орындықтың басқа тұсына өтіп кетті.&nbsp; Зеленский орындыққа отырып, бірден қолына су алды. Артынша тағы бір келеңсіз жайт болды. Орнына отырған Украина президенті журналистерге қарап суретке түсу керек екенін түсінбей қалды. Макрон мен Путин Зеленскийге журналистерге қарап, суретке түсу керек екенін түсіндірді.&nbsp;
Сонымен қатар, ресейлік журналистер Париждегі саммитте Владимир Зеленскийдің сөзі орыс тілінде қолмен жазылғанын аңғарып қалған. Украина президентінің шпаргалкасын Кремль пулының тілшісі Дмитрий Смирнов суретке түсіріп алған.
Артынша Елисей сарайында Зеленский мен Путиннің кездесуі өтті. Ол бір сағаттан аса уақытқа созылды.&nbsp; Айта кетейік, бұл – Ресей және Украина президенттерінің алғашқы кездесуі. Бұған дейін олар тек телефон арқылы сөйлескен.
<img src="https://kyzylorda-news.kz/wp-content/uploads/2019/12/10putin2.jpg" alt="" />

Путин мен Зеленскийдің алғашқы кездесуінде келеңсіз жайт болды (ВИДЕО)

Қазақстан Президентінің Германияға сапары барысында жалпы құны 2,4 млрд долларды құрайтын отыз экономикалық құжатқа қол қойылды, деп хабарлайды <a href="http://lenta.inform.kz/kz/prezidenttin-germaniyaga-saparynda-2-4-mlrd-kuraytyn-30-kuzhatka-kol-koyyldy_a3591952">ҚазАқпарат</a>.
Бұл туралы бейсенбі кешке журналистерге Kazakh Invest ұлттық компаниясының басқарма төрағасы Бауыржан Сартбаев қол қою рәсімнен кейін айтып берді.
<blockquote>
 «Мемлекет басшысының Германияға ресми сапары аясында жалпы құны 2,4 млрд доллар отыз экономикалық құжатқа қол қойылды. Оның ішінде қайта өңдеу және машина жасау секілді салалар бар», – деді Б.Сартбаев.
 «Олардың басым бөлігі өзара байланысты және жоғары қосымша құны бар өнім өндіреді», – деп атап өтті Kazakh Invest ұлттық компаниясының басқарма төрағасы.
 «Сондай-ақ бүгін қол қойылған басты құжаттардың бірі – Kazakh Invest пен Герман экономикасының шығыс комитеті арасында инвестиция саласындағы ынтымақтастықты нығайту жөніндегі бірлескен жоспар. Ол салалардың басым бағытын және нақты ынтымақтастық жобаларын анықтайды», – деп тоқталды ол.
</blockquote>
Айта кетерлігі, Герман экономикасының шығыс комитеті ГФР-дың Орталық, Шығыс, Оңтүстік шығыс Еуропа, Оңтүстік Кавказ және Орталық Азиядағы 29 мемлекеттегі экономикалық мүддесіне жауапты.

Қасым-Жомарт Тоқаев Германияға сапарында 2,4 млрд долларды құрайтын 30 құжатқа қол қойды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Нұрсұлтан Назарбаевқа екінші Орталық Азия елдері басшыларының консультативтік кездесуінде құрметті төраға мәртебесі берілді.
Бұл туралы ҚР Тұңғыш Президенті – Елбасы Нұрсұлтан Назарбаевтың баспасөз хатшысы Айдос&nbsp; Үкібай Twitter-дегі парақшасында жазды.

Нұрсұлтан Назарбаевқа жаңа мәртебе берілді

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Бірінші басшыларды өздеріне тікелей бағынышты адамдарының сыбайлас жемқорлық қылмысын жасағаны үшін дербес тәртіптік жауапкершілікке тартылуына қатысты заңға қол қойылды, деп хабарлайды <a href="https://sputniknews.kz/society/20191128/12144328/Toqaev-zanga-qol-qoydy.html">Sputnik Қазақстан</a>.
<blockquote>
 «Мемлекет басшысы «Қазақстан Республикасының кейбір заңнамалық актілеріне мемлекеттік қызмет және сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы” заңға қол қойды», – делінген Ақорда&nbsp;сайтында.
</blockquote>
Заң жобасы мемлекеттік қызметшілердің әлеуметтік қорғалуын арттыруға, конкурстық рәсімдерді жетілдіруге, мемлекеттік органдардың кадр мәселесін шешу жөніндегі мобильдікті арттыруға, мемлекеттік қызметшілердің жеке жауапкершілігін жоғарылатуға, кадр тапшылығын азайтуға ықпал ететін болады.
Еске сала кетсек, мамырда&nbsp;Қасым-Жомарт Тоқаевтың төрағалығымен жемқорлыққа қарсы іс-қимыл мәселелері жөнінде жиын өткен болатын. Мемлекет басшысы биліктің жемқорлыққа қарсы іс-қимыл жоспарының&nbsp;жеті негізгі шарасын&nbsp;атап өтті.&nbsp;
Президент қол астындағы қызметкерлердің жемқорлыққа қатысы болса, орталықта да, өңірлерде де бірінші басшылар тікелей жауап беретінін айтты. Ол кешенді алдын алу шараларын қолға алуды тапсырған болатын.
Қасым-Жомарт Тоқаев жемқорлықтың тамырына балта шаппаса, ұлттық қауіпсіздік пен мемлекеттің болашағына нұқсан келтіретінін айтып, бұл дертпен бір жеңнен қол, бір жағадан бас шығарып күресуге шақырды.

Басшылар қандай жағдайда отставкаға кетуі тиіс – Тоқаев заңға қол қойды

<a href="https://kyzylorda-news.kz/">Kyzylorda-news.kz.</a> Қазақстан мен Қырғызстан шекарасындағы “Қордай” өткізу пункті келесі жылы толығымен жаңарады. Жөндеу жұмыстары 2020 жылдың наурызына жоспарланған. Бұл туралы индустрия және инфрақұрылымдық даму министрі Бейбіт Атамқұлов мәлімдеді, деп хабарлайды&nbsp;<a href="https://sputniknews.kz/society/20191121/12086777/qazaq-qyrgyz-shekarasy.html">Sputnik Қазақстан</a>.
Сенат “2003 жылғы 25 желтоқсандағы Қазақстан үкіметі мен Қырғызстан үкіметі арасындағы мемлекеттік шекара арқылы өткізу пунктері туралы келісімге өзгерістер енгізу туралы хаттаманы ратификациялау туралы” заң жобасын қабылдады.
Министрдің айтуынша, хаттама “Сарытөбе” және “Ауқатты” автомобиль өткізу пунктерінің мәртебесін екіжақтыдан “көпжақты халықаралыққа” ауыстыруды көздейді. Бұдан бөлек, “Нововоскресеновка” өткізу бекетінің атауы “Сыпатай батыр” деп өзгертіледі.
Қазір екі ел арасында 11 автокөлік өткізу пункті бар. Олардың бесеуі – көпжақты халықаралық, ал алтауы – екіжақты.
<blockquote>
 “Екіжақты өткізу пунктерінің төртеуінен өтетін адамдар мен көліктердің қарқыны төмен болғандықтан, олар 2010 жылы жабылған. Жұмыс істеп тұрған жеті өткізу бекетінен жылына 11 миллиондай адам, 1 миллион 300 мыңдай жеңіл көлік және 400 мыңнан астам жүк көлігі өтеді”, – деді Атамқұлов.
</blockquote>
Ол 2018 жылы автомобиль көлігімен жүк тасымалдау Қазақстан мен Қырғызстан арасында 48 процентке артып, 1,7 миллион тоннаны құрағанын атап өтті.
<blockquote>
 “Екі ел арасында адамдар мен көліктер ең көп өтетін пункт Қордай болғандықтан, алғашқы кезеңде оны жаңартуға бағытталған жұмыстар жүргізілуде. Құрылысты бастау 2020 жылдың наурызына жоспарланған”, – деді ведомство басшысы.
</blockquote>
Министрдің айтуынша, сол себепті “Сарытөбе” және “Ауқатты” автомобиль өткізу пунктерін “көпжақты” халықаралыққа ауыстыру көзделіп отыр. Біріншіден, “Қордай” өткізу пункті жөндеу жұмысына жабылғанда, шекарадан өтушілер аталған екі пункті пайдаланады.
Екіншіден, үшінші елдердің жүк көліктері осы пунктер арқылы өтуге мүмкіндік ала отырып, Қазақстанның транзиттік әлеуетін одан әрі жақсартуға ықпал етеді.
Үшіншіден, шекара маңында орналасқан елі мекендердің қарым-қатынасын нығайтып, экономикалық ахуалды жақсартуға септігін тигізеді.
Төртіншіден, “көпжақты” өткізу пунктерінің көбеюі үшінші ел адамдарының кез келген өткелден жүріп өтуіне мүмкіндік береді. Сондай-ақ, адамдардың шекарада шоғырлануын азайтады.
Хаттаманы ратификациялау бюджет қаражатын жұмсауды қажет етпейді, деді министр.

Қазақ-қырғыз шекарасынан өту жеңілдей түседі

<a href="https://kyzylorda-news.kz/">Kyzylorda-news.kz.</a> Гонконгте жаппай наразылық кезінде қазақстандық студент тұтқындалды, деп хабарлайды&nbsp;<a href="https://stan.kz/gonkongtegi-kaktigis-kezinde-kazakstandik-student-tytki-324475/">Stan.kz</a>.&nbsp;
Ведомстводағылардың мәліметінше, Гонконг полициясы қазақстандық студенттің тұтқындалған туралы елшілерімізге хабарлаған. Белгілі болғандай, Баптист университетінің 1-курсында оқып жатқан Нүкпи Әбілқайыр 18 қарашада биліктің наразылыққа шыққандармен қақтығысы кезінде тұтқындалыпты.&nbsp;
<blockquote>
 «Консулымыз тұтқындалған жас жігітке барып, кездесті. Денсаулығы тұрақты. Оң қолының шынтағында жарақат бар. Полицейлер тұтқындаған кезде құлап, сол кезде жарақаттаған екен», – дейді министрліктің баспасөз қызметі өкілдері.&nbsp;
</blockquote>
Сонымен қатар министрліктегілер жас жігіттің ұсталу жағдайына қатысты шағымы жоқ екенін айтты.&nbsp;
20 қарашада алдын ала отырыс өтті. Елшілер аталған ісіті айрықша бақылауға алды. Олар отандасымыздың құқығы сақталғанын қадағалайтын болады.&nbsp;
Сонымен қатар қазіргі уақытта қазақстандық жігіт үшін қорғаушылар іздестірілуде. Соңғы уақытта мұнда 4 мыңнан аса адам тұтқындалғандықтан, қораушылар жетіспеушілігі байқалуда.&nbsp;
Бұған дейін СІМ Гонконгтағы жаппай наразылық үшін қазақстандық студенттерді елге оралуға шақырған еді.

Гонконгтегі қақтығыс кезінде қазақстандық студент тұтқындалды

<a href="https://kyzylorda-news.kz/">Kyzylorda-news.kz.</a> Сыртқы істер министрлігі Гонконгта оқып жатқан қазақстандық студенттерді елге қайтару шараларын қабылдап жатыр. Бүгінгі күнге дейін 118 студент Отанға оралды, жақын күндері 48 студент Қазақстанға қайтады. Бұл деректі СІМ ресми өкілі Айбек Смадияров мәлімдеді, деп хабарлайды <a href="https://aikyn.kz/policy/sayasat/12475-gonkongtaghy/">Aikyn.kz</a>.
Қарашаның басында Гон­конг­тың бірнеше жоғары оқу орындары өз студенттеріне уақытша қа­шық­тықтан оқу әдісіне көшуді ұсынған. Ал шетелдік студенттерге қауіп­сіздік үшін «өз елдеріңізге қайта бері­ңіздер» дегенді құлаққағас етті. Осылайша, гонконгтық шәкірттер қысқы каникулға ерте шықты. ВВС-дің орыс қызметінің жазуын­ша, Гонконг билігі тарапынан атал­ған ұсыныс түсісімен бі­рінші болып қытайлық студенттер бас сауғалаған. Өйткені қаладағы ұзаққа созылған қақтығыс қа­рашаның басында университет қалашықтарына жетті. Дүйсенбі күні түнде полиция Гон­конг­тағы Политехникалық универ­си­тетті қоршап, ғимарат ішіне бекі­ніп алған 500-дей наразы азаматты сыртқа шығармай жатқаны жария­ланған еді.
Гонконгта оқып жатқан аза­мат­тарына қауіп төнген соң көп­теген мемлекет қамдана бастады. Жоға­рыда айтқан 118 қазақстандық сту­дентті қайтару, оларды аэро­портқа жеткізу ісімен Қазақстан­ның Гон­конг­тағы Бас консулдығы мен қазақ­стандық студенттер қа­уымдастығы айналысқан. Сыртқы істер минис­трлігінің мәлімде­уінше, шәкірттер екінші семестрге, яғни 2020 жылдың қаңтарына дейін сабағын тоқтата тұрады немесе қашықтықтан оқыту әдісі бойынша онлайн базаға көшпек. Иә, бас амандығы қашанда алғашқы орында. Гонконгтағы толқу басылмай тұрып, басқасын ойлауға дәл қазір негіз жоқ.
Айта кету керек, Гонконг білім сапасының жоғарылығымен де әлемге танылған шаһар. Ондағы университетте білім бірден екі тілде беріледі: ағылшынша, қытайша. Екіншіден, Гонконг ЖОО-ның дип­ломы әлемнің кез келген же­рінде бағаланады. Үшіншіден, Еу­ро­па мемлекеттері мен АҚШ-тың универ­ситеттерімен салыс­тырған­да, оқу бағасы сәл де болса төмен. Оған қоса, қалада көлік инфрақұ­рылымы өте жоғары дең­гейде да­мыған. Мұнда қоғамдық көліктер тәулік бойы тоқтаусыз жүреді. Метро жұмыс істеп тұр. Бір жағы құрлықпен шектесіп, екінші жағы теңізге кіріп жатқан қалада паром қызметі де қатынас көлігі саналады. Аспанмен астасқан зәулім ғима­рат­тар саны жағынан Гонконг қаласы Нью-Йорктің ал­дына түседі. Студент атаулыға осы­дан артық не қажет? Білім қуып, жер көрмекші жас үшін тап­тырмас орын да – осы. Times Higher Education журна­лы­ның жазуынша, бүгінде Гонконг уни­верситетінде әлемнің 78 мем­ле­ке­тінен 22 мың студент дәріс алуда.Гонконгта толқу биылғы маусым айында басталды. Халық Қытай­дың Гонконгтың ішкі ісіне ара­лас­қанына наразылық танытып, биліктен демократияға бастайтын нақты қадамдарды талап етіп көшеге шыққан.
«Бір ел, екі жүйе» саясатына селкеу түсті ме?
Гонконг 1997 жылдан бері Қы­тайдың арнайы әкімшілік ауданы саналады. Қалаға ерекше статус берілген. Осы уақытқа дейін ҚХР Гонконгтың сыртқы саясаты мен қорғанысын қамтамасыз еткені­мен, Гонконг ішкі саясаты мен экономика­сын өзі шешіп келді.
Оған дейін Ұлыбритания ота­рында болып келген аралдағы эконо­микалық құрылымды өзгертуге ҚХР аса асыға қойған жоқ. Себебі Гон­конг – коммунистік жүйедегі Қы­тайдың батыс елдеріне һәм эконо­микасына ашылған терезесі секілді еркін арал болды. Кейбір деректерде «Қытай эконо­микасының әкесі» саналатын Дэн Сяопин Гонконгтың еркіндігі мен экономикалық құры­лымын өзгер­тпеуді өсиет етіп кеткен деседі.
Қытайдың бұл ұстанымы осы уақытқа дейін өзін ақтағаны рас. Гонконг Қытайдың автономия­сында болғанымен, өзіндік заңы, саяси жүйесі бар. Ең бастысы, сот жүйесі тәуелсіз әрі ағылшынның сот жүйе­сіне ұқсас тәсілмен жүзеге асады. Бұл Гонконгта батыс инвес­торларының еркін жұмыс істеуіне кепілдік береді. Бүгінде батыстың компаниялары ҚХР-дың киім-кешек өндірісі мен телефонын жинақтауға үлкен инвестиция салып отырса, Қытай Еуропадағы электрстансалары мен жол құры­лысын, үлкен көпірді белсенді жүргізіп отыр. Мұны айтып отыр­ғанымыз, аталған жобадағы мил­лиардтаған доллар қаржы Гонконг қаржы жүйесі арқылы өтеді.&nbsp;&nbsp;
Bloomberg ақпарат агенттігінің жазуынша, АҚШ-тың мемлекет­тік хатшысы Майкл Помпео Гон­конг­тағы оқиғаға алаңдайтынын мәлім­деп, Кэрри Лэмнен шеру­ші­лердің нақты талабын анықтайтын тәуелсіз тексеріс жасауды сұрады. Ал АҚШ Сенатының көшбасшысы Митч Мак­конелл дүйсенбі күні Сенат оты­рысында «Әлем Гон­конг­тағы ерік-жігері мықты аза­маттарды АҚШ қол­дайтынын түсінуі тиіс» деп мәлімдеді.
Қытай Коммунистік партия­сының соңғы съезінде ҚХР төра­ғасы Си Цзиньпин «Бір ел, екі жүйе» принципінің тиімді бол­ғанын айтып, мақтап сөйлегенде, Гонконг тұрғын­дары 2047 жылға дейінгі автономия келісімі сақта­лады деп ұққаны рас. Алайда Қытай басшылығының соң­ғы кездегі Гонконгтың ішкі саясатына араласып, қатаң талап қоя бастауы қаладағы бұрынғы еркіндік келмеске кететінін байқататындай. Әйтсе де, ҚХР-дың Шыңжаң аймағын шырмап отырған қатал саясаты геосаяси тұрғыда әлемдік маңызы бар еркін аймақ Гонконгқа жүре қоя ма? Біз­діңше, бұл ұстаным дүниежүзілік нарықта үстемдік құруға ұмтылған алып мемлекет үшін ұпай бермесі анық.

Қазақстан және Қызылорда облысының жаңалықтары: Саясат

«Қазақстан барлығына дайын болғаны жөн»: Таяу Шығыстағы кикілжіңнің арты Үшінші дүниежүзілік соғысқа ұласуы мүмкін бе?

ҚР Президенті «Байқоңыр» кешенін жалға беру туралы заңға қол қойды

Саясат Нұрбек: Шетелдегі этникалық қазақтарға жерді пайдалану құқығын беру керек

Нұрсұлтан Назарбаевқа “Бейбітшілік кілемі” сыйға берілді

Иманғали Тасмағамбетов Ресейдегі Елші қызметінен босатылды

Путин мен Зеленскийдің алғашқы кездесуінде келеңсіз жайт болды (ВИДЕО)

Қасым-Жомарт Тоқаев Германияға сапарында 2,4 млрд долларды құрайтын 30 құжатқа қол қойды

Нұрсұлтан Назарбаевқа жаңа мәртебе берілді

Басшылар қандай жағдайда отставкаға кетуі тиіс – Тоқаев заңға қол қойды

Қазақ-қырғыз шекарасынан өту жеңілдей түседі

Гонконгтегі қақтығыс кезінде қазақстандық студент тұтқындалды

Гонконгтағы қазақ студенттері аман ба?

Қазақстан және Қызылорда облысының жаңалықтары: Саясат

«Қазақстан барлығына дайын болғаны жөн»: Таяу Шығыстағы кикілжіңнің арты Үшінші дүниежүзілік соғысқа ұласуы мүмкін бе?

ҚР Президенті «Байқоңыр» кешенін жалға беру туралы заңға қол қойды

Саясат Нұрбек: Шетелдегі этникалық қазақтарға жерді пайдалану құқығын беру керек

Нұрсұлтан Назарбаевқа &#8220;Бейбітшілік кілемі&#8221; сыйға берілді

Иманғали Тасмағамбетов Ресейдегі Елші қызметінен босатылды

Путин мен Зеленскийдің алғашқы кездесуінде келеңсіз жайт болды (ВИДЕО)

Қасым-Жомарт Тоқаев Германияға сапарында 2,4 млрд долларды құрайтын 30 құжатқа қол қойды

Нұрсұлтан Назарбаевқа жаңа мәртебе берілді

Басшылар қандай жағдайда отставкаға кетуі тиіс – Тоқаев заңға қол қойды

Қазақ-қырғыз шекарасынан өту жеңілдей түседі

Гонконгтегі қақтығыс кезінде қазақстандық студент тұтқындалды

Гонконгтағы қазақ студенттері аман ба?

Нұрсұлтан Назарбаевқа “Бейбітшілік кілемі” сыйға берілді