<a href="https://kyzylorda-news.kz/">Kyzylorda-news.kz</a>&nbsp; Президент Қасым-Жомарт Тоқаевтың төрағалығымен Қазақстан Республикасы Қауіпсіздік Кеңесінің шұғыл отырысы өтті.Жиында Ұлттық қауіпсіздік комитетінің төрағасы Ермек Сағымбаев, Ішкі істер министрі Ержан Сәденов және Бас прокурор Берік Асылов қазіргі халықаралық жағдайды ескере отырып, экстремизм мен терроризмге қарсы әрекет етудің өзекті мәселелері жөнінде баяндады.Отырыс барысында құқық қорғау және арнайы органдар қызметінің терроризмге қарсы күресті күшейту бойынша түрлі аспектілері қарастырылды.Мемлекет басшысы ел азаматтарының қауіпсіздігін қамтамасыз ету шараларын арттыруға бағытталған бірқатар нақты тапсырма берді.

Мемлекет басшысы Қауіпсіздік Кеңесінің шұғыл отырысын өткізді

<a href="https://kyzylorda-news.kz/">Kyzylorda-news.kz</a> Қазақстанның болашағы атом энергетикасымен тығыз байланысты.<blockquote>«Қазақстан атом электр станциялары» ЖШС бас директоры Тимур Жантикин Қазақстанда АЭС құрылысының технологияларын қай компаниялар жеткізе алатынын айтты, — деп хабарлайды <a href="https://kaz.caravan.kz/">Caravan.kz</a> медиа порталы.</blockquote>Оның айтуынша, 2019 жылы Қазақстан ядролық технологиялардың ең озық шетелдік жеткізушілерінен міндетті емес техникалық және коммерциялық ұсыныстар алған. Нәтижесінде Қытай, Оңтүстік Корея, Ресей, Франция және АҚШ-тың алты жеткізушісінен 13 заманауи реактор жобасы таңдалды.<blockquote>«Ұсынылған технологияларды алдын ала бағалау үшін біз әлемдік тәжірибе мен Атом энергиясы жөніндегі халықаралық агенттіктің (МАГАТЭ) ұсынымдары негізінде өзіміздің бағалау жүйемізді жасадық. Кейіннен бұл жүйені француздың әйгілі Assystem инжинирингтік компаниясы мақұлдады», — деді Жантикин.</blockquote>Қысқа тізімге төрт әлеуетті жеткізушінің ұсыныстары енгізілді:— HPR1000 реакторы бар қытайлық CNNC компаниясы; — APR1000 және APR1400 реакторлары бар кореялық KHNP; — VVER-1200 бар ресейлік Росатом; — EPR1200 технологиясымен француздық EDF.Технологияларды таңдаудан басқа, жобаның шамамен құны, оның мерзімі, қаржыландыру әдістері мен көздері туралы сұрақтар да талқыланды.<blockquote>«Қазақстанның болашағы атом энергетикасымен тығыз байланысты», — деді Жантикин.</blockquote>Ол атом электр станциялары әлемдегі ең қауіпсіз және сенімді энергия көздерінің бірі екенін айтты.Табиғи-климаттық факторларды, энергетикалық жүйенің сипаттамаларын және болжамды электр энергиясының тапшылығын ескере отырып, сарапшылар келесі қорытындыға келді:— бір блоктың ұсынылатын қуаты 1,4 ГВт дейін; — станцияның жалпы қуаты – 2,8 ГВт дейін; — АЭС үшін ұсынылатын орын – Алматы облысы, Үлкен ауылының жанындағы Балқаш көлінің ауданы.Қазақстанда атом электр станцияларын салу үшін ұсынылатын оңтайлы технология қауіпсіздік деңгейі жоғары және экономикалық көрсеткіштері жақсарған III және III+ буын қысымды су реакторлары болып табылады.Еске салайық, Қазақстан үкіметі АЭС құрылысы бойынша референдум өткізу туралы қаулы жобасын мақұлдаған болатын. Премьер-Министр Олжас Бектенов Энергетика министрлігіне үкімет аппаратымен бірлесіп, Президент Әкімшілігіне қаулы жобасын енгізуді тапсырды.Фото: gov.kz

Қазақстанда АЭС-ті кім сала алатыны белгілі болды

<a href="https://kyzylorda-news.kz/">Kyzylorda-news.kz</a>&nbsp; Дүниежүзілік ядролық қауымдастықтың вице-төрағасы Богдан Зронек (Чехия) декарбонизация және энергия қауіпсіздігі туралы сұхбат беріп, атом энергетикасын дамытудың стратегиялық тәсілдері мен жоспарларын көрсетті. Бұл туралы Stan.kz ақпарат агенттігі хабарлайды.Зронек Чехияның ұлттық энергетикалық саясатының Еуропалық Одақтың мақсаттарына сәйкестігін және климаттық мақсаттарға жету үшін көмір өндіруді азайтудың маңызын атап өтті. Ол Дукована мен Темелин алаңдарында жаңа атом блоктарын салу жоспарлары туралы айтты. Сондай-ақ атом станцияларын салу мен пайдалануда қазақстандық өнеркәсіпті пайдалану әлеуетін қарастырып отыр.Зронек атом энергетикасын қоғамдық қолдаудың маңызын және жаңа атом объектілері үшін орынды мұқият таңдау қажетін атап өтті. Сонымен қатар жобалардың экономикалық және техникалық аспектілері, соның ішінде өнеркәсіп пен бизнестің ұзақ мерзімді пайдасы, жеткізілім қауіпсіздігі және ықтимал тәуекелдерге төзімділік талқыланады.<blockquote>“Біз климатты қорғаудың ұлттық стратегиясымен, сондай-ақ ұлттық энергетикалық саясатпен расталған көміртексіздендіру үрдістерін ұстанамыз және бұл Еуропалық Одақтың мақсаттарына сай келеді. Сонымен қатар қазіргі әлемде көмір негізіндегі электр энергиясын өндіруді азайтудың экономикалық себептері бар. Сондықтан біз алдағы жылдары қандай энергия көздері қолжетімді болатынын болжауға тырысамыз. Біздің шешімімізге келсек, электр энергиясының шамамен жартысын атом энергиясынан, ал қалған бөлігін жаңартылатын көздерден және газдан алғымыз келеді”, – дейді Богдан Зронек.</blockquote>Ол Қазақстанның дәстүрлі түрде отынмен қамтамасыз ету саласында өте күшті екенін атап өтті.<blockquote>“Бұл саланы жалғастыру және кеңейту тұрғысынан сіздің ел үшін артықшылық болып саналады. Тұтастай алғанда, биыл қазақстандық өнеркәсіпті пайдалану немесе екі кезеңде де жаңа қуаттылықтарды құру әлеуеті бар деп есептеймін: құрылыс кезеңінде және әлеуетті атомдық блоктарды пайдалану және техникалық қызмет көрсету кезеңінде. Бұл – жергілікті өнеркәсіпті пайдалану және сіздердің қазіргі жағдайыңызға және жаңа электр станциясына арналған әлеуетті келісімшарттарға негізделген жеке шешімді құрудың үлкен әлеуеті. Өйткені олар әртүрлі болуы мүмкін. Кез келген зерттеу жобаcы мен объектілердің жұмысынан алынған тәжірибені пайдалану және оны жергілікті жағдайларға қолдану өте орынды. Сондықтан біз көп нәрсені бөлісе аламыз”, – дейді CEZ (Чехия) Дүниежүзілік ядролық қауымдастықтың вице-төрағасы.</blockquote>АЭС үлкен инвестицияны қажет еткенімен арзан, қауіпсіз және көміртексіз энергиямен қамтамасыз етеді.<blockquote>“Атом электр станциясының әр құрылысы бастапқы кезеңде айтарлықтай қомақты инвестицияны қажет етеді. Бұл өте жылдам ақша айналымы бар заманауи әлемде оңай емес. Екінші жағынан, ол жеткілікті арзан электр энергиясын және пайдалану кезінде өте төмен өзгермелі шығындарды, сонымен қатар өте ұзақ қызмет ету мерзімін және тұрақты және қауіпсіз өндірісті қамтамасыз етеді. Әрине, ол құрамында СО2 және шығарындысы жоқ электр энегиясын қамтамасыз етеді”, – дейді Богдан Зронек.</blockquote>Айтуынша, бұл таңдау Атом энергиясы жөніндегі халықаралық агенттіктің әдістемесіне, атап айтқанда TR 396: "Атом электр станцияларына арналған ұсыныстардың экономикалық бағалауы" құжатына негізделген.<blockquote>“Ұсынысты бағалау техникалық және коммерциялық талаптарды, кепілдер мен ықтимал қауіпті ескереді. Ал бағалау нәтижесі өндірілетін электр энергиясының түпкілікті құны болады. 3+ деңгейлі жобаны талап етеміз. Жоба сондай ақ қауіпсіздік негіздеріне толығымен сай келетін жергілікті шарттардың негізінде, жергілікті атомдық заңнаманың және еуропалық коммуналдық қызметтердің талаптарына толығымен сай келетін реттеуші органдардың талаптарына сәйкес лицензияланады”, – дейді ол.</blockquote>

Чехия компаниясының басшысы атом энергетикасын дамытудың стратегиялық тәсілдерін айтты

<a href="https://kyzylorda-news.kz/">Kyzylorda-news.kz</a>&nbsp;&nbsp; Премьер-Министр Олжас Бектеновтің төрағалығымен өткен Үкімет отырысында Қазақстанда атом энергетикасын дамыту перспективалары қаралды.&nbsp;Энергетика министрі Алмасадам Сәтқалиев баяндамасында ел экономикасының тұрақты өсуі электр энергиясына сұраныстың артуымен қатар жүретінін атап өтті. Өнеркәсіп, металлургия, көлік, IT, фармацевтика, ауыл шаруашылығы өнімдерін қайта өңдеу және басқа да секторларда жаңа жобаларды іске асыру үшін қазірдің өзінде электр энергиясының едәуір көлемі қажет.<blockquote>«Бұл жобалар жаңа жұмыс орындарын құруға, экономикалық өсуді ынталандыруға және азаматтардың әл-ауқатын арттыруға бағытталған. Алайда олардың дамуы елдегі энергия қуатының жетіспеушілігімен шектелуде. Егер жаңа тұрақты энергия көздерін – жаңартылатын, реттеуші және базалық қуаттарды салу бойынша шұғыл шаралар қабылданбаса, жағдай күрделене түсуі мүмкін», — деп мәлімдеді Алмасадам Сәтқалиев.</blockquote>&nbsp;Бүгінгі таңда электр энергиясын өндірудің негізгі үлесі өндірістің 66%-ын қамтамасыз ететін көмір стансаларына тиесілі. ЖЭК секторы өсімді көрсетуде: нысандар саны 148-ге жетті, өндіріс үлесі шамамен 6%.Энергетика министрлігінің болжамы бойынша 2035 жылға қарай Қазақстанда электр энергиясын тұтыну 152,4 млрд кВт/сағ дейін өседі. Бұл ретте бірқатар объективті себептер бойынша қолданыстағы энергия көздерін өндіру 135 млрд кВт/сағ-қа дейін төмендейді. Таяудағы 10 жылда Қазақстанға жиынтық қуаты 26,5 ГВт жаңа өндіруші қуаттарды енгізу қажет.&nbsp;Осы бағытта тиісті жұмыстар жүргізілуде. Жеке инвестициялар есебінен жұмыс істеп тұрған электр стансаларын жаңғырту және кеңейту бойынша 22 инвестициялық келісім жасалды. Ұлытау, Қызылорда, Түркістан облыстарында, Алматыда жалпы қуаты 3500 МВт-тан асатын маневрлі газ электр стансаларын салу бойынша жобалар портфелі іске асырылуда. Жаңа ЖЭО салу бойынша шаралар қабылданды. Сонымен қатар экономика мен халықтың өсуін ескере отырып, электр энергиясының болашақ тапшылығын қанағаттандыру үшін қолға алынатын шаралар әлі де жеткіліксіз. Министрдің айтуынша, әлемдік тәжірибе көрсеткендей, атом электр стансасын салу – шығатын қуаттарды ауыстыру және Қазақстанның энергияға тәуелсіздігін қамтамасыз ету үшін жалғыз дұрыс шешім саналады.

 АЭС салу – Қазақстанның энергияға тәуелсіздігін қамтамасыз етудің бірден-бір дұрыс шешімі

<a href="https://kyzylorda-news.kz/">Kyzylorda-news.kz</a>&nbsp; Қазақстан Премьер-Министрі Олжас Бектенов пен ОПЕК (The Organization of the Petroleum Exporting Countries) бас хатшысы Хайтам Әл-Гайс әлемдік мұнай нарығындағы ағымдағы ахуал мен ынтымақтастықтың өзекті мәселелерін талқылады.&nbsp;Үкімет басшысы ОПЕК-тің әлемдік мұнай нарығының тұрақтылығын қамтамасыз етудегі маңызды рөлін атап өтті. ОПЕК+ шеңберіндегі мұнай өндірушілер мен экспорттаушылардың келісілген әрекеттері орын алуы ықтимал жағымсыз салдарды азайтуға және нарықтағы жағдайды тұрақтандыруға көмектеседі.&nbsp;<blockquote>«Қазақстан ОПЕК+ шеңберінде өзара байланыстарды одан әрі тереңдетуге ниетті. Біз әрдайым ұйымның бастамаларын қолдап, басқа елдермен қатар ағымдағы ерікті міндеттемелер бойынша шектеулерді де қабылдап отырмыз», — деп атап өтті Олжас Бектенов.</blockquote>&nbsp;Хайтам Әл-Гайс Қазақстанның әлемдік мұнай нарығындағы маңызды рөлін, елімізде қабылданып жатқан шаралардың мұнай нарығындағы теңгерім мен болжамды баға белгілеуді қамтамасыз етуге әсерін атап өтті. &nbsp; &nbsp;Кездесу қорытындысы бойынша Олжас Бектенов пен Хайтам Әл-Гайс өзара табысты әрі нәтижелі іс-қимылды жалғастыру ниетін растады. &nbsp; Қазақстан 2016 жылдан бері ОПЕК+ келісімінің қатысушысы болып саналады. Елімізде 90-нан астам жер қойнауын пайдаланушы мұнай өндірумен айналысады.

Олжас Бектенов пен ОПЕК бас хатшысы Хайтам Әл-Гайс мұнай саласындағы өзара іс-қимыл мәселелерін талқылады

<a href="https://kyzylorda-news.kz/">Kyzylorda-news.kz</a>&nbsp; Премьер-Министр Олжас Бектеновтің төрағалығымен ғалымдар мен сарапшылар қауымдастығының қатысуымен өткен Үкімет отырысында Қазақстандағы атом энергетикасын дамыту перспективалары қаралды.&nbsp;Мәселені талқылау қорытындысы бойынша энергетика министрі Алмасадам Сәтқалиев «Республикалық референдум өткізу туралы» ҚР Президенті Жарлығының жобасы туралы» Үкімет қаулысының жобасын қарауға енгізуге ұсыныс жасады.Премьер-Министр Олжас Бектенов Қазақстанда атом энергетикасын дамыту мәселесі көптен бері көтеріліп келе жатқанын және бұл саланың келешегі зор екенін атап өтті. &nbsp;Бүгінде елімізде ядролық отын өндірісі толықтай дерлік игерілген, шағын реакторларды пайдалану тәжірибесі жинақталды. Бұл бағытта мамандар мен ғалымдарымыз да бар. Кадр даярлауға да көңіл бөлініп келеді.Үкімет басшысы атом энергетикасын дамытудың келесі кезеңіне көшу дұрыс қадам екенін атап өтті. Бұл, әсіресе, еліміздің энергетикалық инфрақұрылымына жүктеме артып отырған бүгінгідей жағдайда бұл мәселенің маңызы айрықша. Біз қазірдің өзінде энергетикалық қуат тапшылығын тартып отырмыз.<blockquote>«Сонымен қатар шикізат базасы өзімізде, яғни уран бағасының ауытқуы бізге әсерін тигізбейді. Бұл электр энергиясына тұрақты әрі болжамды тарифтерді қамтамасыз етуге мүмкіндік береді. Біздің еліміз сияқты ең көп энергия пайдаланатын экономиканы дамытуға дәл осы атом энергетикасы негіз болып, халықтың тұрмыс деңгейін одан әрі арттыруға мүмкіндік беруге тиіс. Әлемдік тәжірибе көрсетіп отырғандай, атом энергетикасы экономиканың көптеген салаларында инновацияларды қолдануға ынталандырады. Әрі отандық өнеркәсіптің дамуына да үлкен серпін береді. Сондықтан біз өзімізде баламасы жоқ тұрақты және сенімді энергия көзінен тыс қала алмаймыз», — деген Олжас Бектенов отырысқа қатысушыларға Үкімет қаулысының жобасына дауыс беруді ұсынды. Құжат бірауыздан қолдау тапты.</blockquote>Отырыс қорытындысы бойынша Үкімет басшысы Энергетика министрлігіне Үкімет Аппаратымен бірлесіп Президент Әкімшілігіне Жарлық жобасын енгізуді тапсырды.

Үкімет Қазақстанда АЭС салу бойынша республикалық референдум өткізу мәселелері бойынша қаулы қабылдады

<a href="https://kyzylorda-news.kz/">Kyzylorda-news.kz</a> &nbsp; 15 қыркүйекте Шиелі ауданы әкімінің сайлауы өткізіледі. Сайлауды өткізу мен ұйымдастыруға арналған Күнтізбелік жоспарға сәйкес, 23 тамыз күні сағат 18.00-де кандидаттарды тіркеу аяқталды. Кандидаттар үшін үгіт кезеңі 23 тамыз сағат 18.01-ден 14 қыркүйек сағат 00.00-де аяқталады. 14 қыркүйек – тыныштық күні, 15 қыркүйек – дауыс беру күні.Аудан әкімі болуға үмітті 3 кандидат тіркелді. Оның 2-і өзін-өзі ұсыну, 1-і саяси партия атынан ұсынылды.Қазір кандидаттар үгіт шараларын жүргізуде. Ол үшін сайлаушылармен кездесу орындары және үгіттік баспа материалдарын ілетін орындар белгіленді.Ауданда барлығы 40 сайлау учаскесі бар. Мұнда 272 учаскелік сайлау комиссиясы қызмет атқаруға дайын. Барлық учаскелер талапқа сай жабдықталып, дауыс беру құпиялылығы сақталады.Аудан бойынша 50 мыңнан аса сайлаушы тізімге енген.Тұрғындар үшін <a href="https://l.facebook.com/l.php?u=http%3A%2F%2Fwww.saylau.orda.gov.kz%2F%3Ffbclid%3DIwZXh0bgNhZW0CMTAAAR3J3pjFIrv3VLu6NP8RlqAia0fK-gOqSGi2D9qUw33ZfW-0Oxb-lkQ6jHg_aem_IEVVwEaZoiQXvntfZD5tEQ&amp;h=AT3jWPtQQf59hQzu7yj3pdG-94jQRAY_gzhAj0KDd__gBPAw-C7knnoOro18iAfdvgiEIWz4c6FH4v3jo3jZPbHF47gagKE79mqLDjrluRgBTAglK7tQhVyd9XoEoURnr2b2&amp;__tn__=-UK-R&amp;c[0]=AT1axdKDqunfg4w7o2wvOf4hMurSPliMyJBJgD8--xNtXhQUdMOhZUjXjCP7yHTOnE5XlGmGoTNJU_dHi0G3A5xOdGpWQD2QRbwauD2CdIGIN4JPzQiUIQt1_2CKUDdK5M9HBGM0ojp0b-pY6gqyG3rT70yIki5BlHRNhyguC_CS7W1ipOxYzRb1">www.saylau.orda.gov.kz</a> арнайы платформасы іске қосылды. Мұнда әрбір сайлаушы өзінің ЖСН нөмірін теру арқылы өз учаскесін таба алады. Сондай-ақ, гугл карта арқылы учаскеге баратын жолды, комиссияның мекен-жайы мен комиссия құрамын көре алады.Бұл платформа телеграм арнасында да қолжетімді.<figure class="image"><img src="https://knadmin.beoblood.kz/uploads/457097626_480090858317135_1075158963817314616_n_4179de8681.jpg" alt="457097626_480090858317135_1075158963817314616_n.jpg"></figure>&nbsp;<figure class="image"><img src="https://knadmin.beoblood.kz/uploads/456995889_480090861650468_3408257599534627081_n_5b6c95f190.jpg" alt="456995889_480090861650468_3408257599534627081_n.jpg"></figure>&nbsp;<figure class="image"><img src="https://knadmin.beoblood.kz/uploads/457038679_480090884983799_7227029815827639729_n_8ece31eddf.jpg" alt="457038679_480090884983799_7227029815827639729_n.jpg"></figure>

Шиелі ауданы әкімінің сайлауы: Кандидаттар тіркелді

<a href="https://kyzylorda-news.kz/">Kyzylorda-news.kz</a>&nbsp; Қазақстан атом электр станциясын салуға соңғы үлгідегі реакторларды қолдануды жоспарлап отыр. Заманауи технологиялар зиянды қалдықтардан қорғап қана қоймай, қауіпсіздікті үздіксіз қамтамасыз етуге қауқарлы, деп хабарлайды 24kz арнасы.&nbsp;Қазақстан атом электр станцияларында соңғы үлгідегі реакторларды қолдануды жоспарлап отыр. Олардың бірнеше қабаттан тұратын қауіпсіздік жүйесі апаттың алдын алуға қауқарлы.Ұлттық ядролық орталық бас инженерінің орынбасары Денис Зарваның айтуынша, атом реакторлары ішкі және сыртқы күштерге төзімді. Заманауи қорғаныс жүйесі қауіптің кез келген түріне тойтарыс бере алады. Штаттан тыс жағдайды жойып, реакторды қалыпты режимге қайтарады.<blockquote>Қазір әлемде реакторлардың 3+ буыны қолданылады. Қазақстанда да сондай реакторлар салу жоспарланған. Мамандар қауіпсіздікке өте көп мән берген. Оның қорғанысы бірнеше қабаттан тұрады. Сондықтан апат болу ықтималдығы өте төмен. Есеп бойынша 10 млн жылда бір рет штаттан тыс жағдай болуы мүмкін. Ал реакторлардың қолдану мерзімі 60-80 жылдан аспайды, - дейді «ҚР Ұлттық ядролық орталығы» РМК бас инженерінің орынбасары Денис Зарва.</blockquote>Ал Атом энергетикасы жөніндегі халықаралық агенттіктің бұрынғы қызметкері Тарик Рауф болашақта атом қуатына сұраныс артады деген пікірде.Біріккен ұлттар ұйымының дерегінше, әлемдегі 60 ел ауаға зиянды шығындылардың таралуын қысқарту бойынша міндеттеме алған. Бұл қатарда Қазақстан да бар.<blockquote>Бірнеше қуат көзін пайдаланған дұрыс. Көптеген мемлекет қазір суды осы мақсатта қолданып жүр. Мұнай мен газдан бас тартып, атом энергиясын, баламалы қуат көздерін пайдалануға болады. Сондықтан алдағы 40-50 жылда атом қуатының маңызы артады. Сондай-ақ ол елдің тұрақты дамуы мен көмірқышқыл газының шығындысын азайтуға ықпал етеді, - дейді Атом энергетикасы жөніндегі халықаралық агенттіктің бұрынғы бөлім басшысы Тарик Рауф.</blockquote>Агенттіктің дерегінше, қазір әлемнің 31 елінде 400-ден астам энергетикалық блоктар жұмыс істеп тұр. Олардың қуаты 300 гигаваттан асады. Ал 15 мемлекет соңғы үлгідегі 59 реактор салып жатыр. Атом электр станциясының саны бойынша АҚШ оқ бойы озық тұр. Онда 90 энергетикалық блок жұмыс істейді.фото: darminaopel.ru

Қазақстан АЭС салуға соңғы үлгідегі реакторларды қолданбақ

&nbsp;<a href="https://kyzylorda-news.kz/">Kyzylorda-news.kz</a>&nbsp; Қазақстан Республикасының Президенті жанындағы Қазақстанның стратегиялық зерттеулер институтының тапсырысы бойынша 2024 жылғы 7-18 тамыз аралығында телефон арқылы сауалнама жүргізілді. Іріктемелі жиынтық көлемі 1200 респондентті құрады. Сауалнамаға 17 облыстан және республикалық маңызы бар Астана, Алматы және Шымкент қалаларынан 18 жастан асқан респонденттер қатысты.Жалпы, сауалнамаға қатысқандардың көпшілігі (53,1%) АЭС салу идеясын қолдайды. АЭС салу идеясын қолдайтындар оған үлкен үміт артады, соның ішінде 2030 жылға қарай электр тапшылығы мәселесі шішіледі деп сенеді.АЭС салу идеясының қарсыластары (32,5%) негізінен ықтимал апаттар мен олардың қоршаған ортаға тигізетін зардаптарына алаңдаушылық танытады. Сонымен қатар әрбір оныншы респондент (14,4%) өз таңдауын әлі жасаған жоқ.Сондай-ақ, респонденттердің жартысы (51,0%) өздерін АЭС құрылысына қатысты референдумда «қолдау» немесе «қарсы» деп дауыс беру үшін жеткілікті ақпарат пен білім деңгейіне ие деп санайды. Респонденттердің тағы 12,2%-ы толық емес ақпаратқа ие екенін мойындайды. Сауалнамаға қатысқандардың 31,6%-ы мүлдем ешқандай ақпаратқа ие емес, ал 5,2%-ына жауап беру қиынға соқты.Сауалнама барысында респонденттердің 42,6%-ы АЭС салу мәселесі бойынша референдумға қатысуға толыққанды ниет білдірді. Тағы 16,4%-ы қатысу мүмкіндігін айтты. Респонденттердің 25,3%-ы референдумға қатыспауды жоспарлайды, 8,9%-ы шамасы қатыспайды, ал 6,8%-ы жауап беруге қиналды.

Халық АЭС салу идеясына қалай қарайды – әлеуметтік сауалнаманың нәтижелері

<a href="https://kyzylorda-news.kz/">Kyzylorda-news.kz</a> Душанбеге мемлекеттік сапармен келген Қасым-Жомарт Тоқаевты «Қасри Миллат» сарайында Тәжікстан Президенті Эмомали Рахмон қарсы алды, деп хабарлайды Ақорданың ресми сайты.<img class="image_resized" style="width:730px;" src="https://www.akorda.kz/public/assets/media/uploadMedia/1724326322_DAA_6054_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1724326335_KZ3_5422_2.jpg">Ресми шара кезінде Мемлекет басшысының құрметіне зеңбіректен 21 рет оқ атылды. Мұнан соң Құрмет қарауылының бастығы екі ел басшыларына рапорт берді. Қазақстан мен Тәжікстанның мемлекеттік әнұрандары шырқалып, Қасым-Жомарт Тоқаев пен Эмомали Рахмон бір-біріне делегация мүшелерін таныстырды.Бұдан кейін мемлекеттер басшылары Ақ залға өтіп, шағын құрамда келіссөз жүргізді.<img class="image_resized" style="width:730px;" src="https://www.akorda.kz/public/assets/media/uploadMedia/1724327391_DAA_6436_2.jpg">Қасым-Жомарт Тоқаев Қазақстан мен Тәжікстанның көпжақты серіктестігінің берік негізі саналатын жоғары деңгейдегі тұрақты кездесулерге баса мән беретінін айтты.<blockquote>– Ең алдымен, ежелгі тәжік жеріне табаным тиген сәттен бастап көрсеткен сый-құрметіңіз бен қонақжайлық көңіліңіз үшін шын жүректен ризашылығымды білдіремін. Қазақстан мен Тәжікстан арасындағы қарым-қатынас барлық бағытта қарқынды дамып келеді. Біз – сенімді одақтас елдерміз. Қазақстан тарапы Тәжікстанның қазақ халқына деген тілеулес ниетін жоғары бағалайды. Бірақ мұнымен тоқтап қалуға болмайды. Біз алға қарай жылжуымыз керек. Бұл сапар – ынтымақтастығымызды дамытуға тың серпін беруді көздейді. Бүгін Одақтастық қатынастар туралы шартқа қол қойылады. Меніңше, бұл құжаттың тарихи маңызы зор. Осы орайда бірқатар өзекті мәселе бойынша мазмұнды пікір алмасамыз деп ойлаймын, – деді Қазақстан Президенті.</blockquote><img class="image_resized" style="width:730px;" src="https://www.akorda.kz/public/assets/media/uploadMedia/1724327423_KZ8_4750_2.jpg">Өз кезегінде Эмомали Рахмон екіжақты ынтымақтастықты жоғары бағалап, Қазақстан мен Тәжікстанның стратегиялық серіктестігін одан әрі нығайтуға ниетті екенін мәлімдеді.<blockquote>– Құрметті Қасым-Жомарт Кемелұлы, Тәжікстанға қош келдіңіз! Елімізге мемлекеттік сапармен келгеніңізге қуаныштымыз. Бұл сапар екіжақты қарым-қатынасымызға тың серпін беретініне сенімдімін. Саяси, сауда-экономикалық, мәдени-гуманитарлық және қауіпсіздік салаларындағы ықпалдастығымыз қарқынды дамып келеді. Сізбен екі ел ынтымақтастығының қазіргі жай-күйі мен перспективасын, сондай-ақ халықаралық және аймақтық күн тәртібіндегі мәселелерді талқылауға әзірмін, – деді Тәжікстан Президенті.</blockquote>Келіссөз барысында сауда-экономикалық, көлік-транзит, энергетикалық, мәдени-гуманитарлық ынтымақтастық, сондай-ақ цифрландыру, ауыл шаруашылығы мен су ресурстары салаларындағы ықпалдастық мәселелері талқыланды.Бұдан бөлек, Қазақстан мен Тәжікстан экономикасын дамытуға тың серпін беретін инвестициялық жобаларды іске асырудың перспективалары қарастырылды.<img class="image_resized" style="width:730px;" src="https://www.akorda.kz/public/assets/media/uploadMedia/1724327476_KZ8_4651_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1724327437_DAA_5876_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1724326362_KZ4_6960_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1724328472_photo_5348485120186769145_y.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1724327464_KZ3_5329_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1724326376_DAA_5873_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1724326376_KZ3_5390_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1724326376_KZ3_5452_2.jpg"><img class="image_resized" style="width:730px;" src="https://www.akorda.kz/public/assets/media/uploadMedia/1724326376_KZ4_7005_2.jpg">

Қазақстан мен Тәжікстан президенттері шағын құрамда келіссөз жүргізді

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында «Ауылда денсаулық сақтауды жаңғырту» ұлттық жобасына қатысты мәселелер қаралып, тиісті тапсырмалар берілді.Үкімет отырысынан кейін облыс әкімі Нұрлыбек Нәлібаев арнайы мәжіліс өткізіп, талқыланған мәселеге орай аймақтағы жағдайды бағамдады.<blockquote>«Ұлттық жоба аясында өңірде биыл қолға алынған 9 дәрігерлік амбулатория және 2 фельдшерлік-акушерлік бекет 1 қазанға дейін пайдалануға беріледі. Құрылыстың жалпы құны – 3 млрд 500 млн теңге. Бұған Үкімет резервінен 2 млрд теңге берілді. Шиелі ауданындағы 30 төсектік инфекциялық бөлімше мен көпбейінді аурухананың құрылыс жұмыстары басталды. Айта кету керек, жүйелі жұмыстардың нәтижесінде Шиелі ауданындағы 30 төсектік инфекциялық бөлімшені салу ұлттық жобадан тыс, жоспарға қосымша енгізіліп, қазір 1 млрд 300 млн теңге қаржысы бөлінді. Арал ауданында дәл осындай инфекциялық бөлімше жобасы дайын. Ұлттық жоба аясында салынатын Арал аудандық ауруханасының қосымша құрылысы жобасын мемлекеттік сараптамадан өткеннен кейін екеуін біріктіріп қаржыландыруды Денсаулық сақтау және Қаржы министрліктерімен пысықтау қажет», – деді аймақ басшысы.</blockquote>Облыстық денсаулық сақтау басқармасына жобалардың қаржыландырылуын бақылауда ұстау тапсырылды.Айта кетейік, Шиелі аудандық көпбейінді ауруханасына салынатын қосымша құрылыс жобасының мемлекеттік сараптамадан оң қорытындысы алынды. Мұнан бөлек, Арал, Қазалы, Жаңақорған көпбейінді аудандық ауруханаларының қосымша құрылысы жобасы мемлекеттік сараптама қарауына енгізілді. Қорытындыны тамыз айында алу жоспарлануда.Нұрлыбек Машбекұлы ұлттық жоба аясында салынатын нысандар Мемлекет басшысының және Үкіметтің ерекше назарында екенін қаперге салып, құрылысқа қарқын қосуды тапсырды. Ең бастысы, ғимараттар сапалы болуы тиіс. Жауапты мекеме басшыларына барлық нысанның халыққа ыңғайлы, жайлы болуы керектігі ескертілді. Сондай-ақ, тазалығы, қасбеті талапқа сай болуын қатаң қадағалау керек. Жаңа дәрігерлік амбулаторияларды мамандармен, жаңа санитарлық автокөлікпен қамтамасыз ету назардан тыс қалмауы қажет.Фото: Қызылорда облысы әкімінің баспасөз қызметі

Ұлттық жоба халық игілігіне қызмет етуі тиіс

<a href="https://kyzylorda-news.kz/">Kyzylorda-news.kz</a> &nbsp;Бірінші жартыжылдықтың қорытындысы бойынша Қызылорда облысы ауыл шаруашылығы өнімдері көлемін арттыру бойынша жоғары көрсеткіштерге қол жеткізді. Бұл туралы ҚР Премьер-министрі Олжас Бектеновтің төрағалығымен өткен Үкімет отырысында айтылды.ҚР Ауыл шаруашылығы министрі Айдарбек Сапаровтың мәліметіне қарағанда, Сыр өңірі минералдық тыңайтқыштарды пайдалану көрсеткіші бойынша 1-орында, суды үнемдеу технологияларын енгізу бойынша 2-орында. Мұнан бөлек, өңірде арнайы техника паркін жаңарту көрсеткіштері жоғары.Облыс әкімі Нұрлыбек Нәлібаев Үкімет басшысына егіс құрылымын әртараптандыру және су үнемдеу технологияларын енгізу шараларын баяндады.<blockquote>«Мемлекет басшысының ауыл шаруашылығындағы жалпы өнім көлемін 2 есе арттыру жөніндегі тапсырмасын орындау үшін Қызылорда облысында 2024-2028 жылдарға арналған жол картасы бекітілді. Жол картасында 2024 жылға 18 көрсеткіш белгіленген, бүгінгі күні 5 көрсеткіш орындалды, 13 көрсеткіш жыл қорытындысымен толық орындалады. Биылға бөлінген 3 млрд. 700 мың текше метр су лимитіне сәйкес ауыл шаруашылығы дақылдары 190,9 мың гектарға, оның ішінде күріш 82 мың 400 гектарға егілді. Өткен жылмен салыстырғанда күріш егісі 6 мың 600 гектарға қысқарып, мал азықтық дақылдар көлемі 2 мың 400 гектарға ұлғайды. 2028 жылға қарай күрішті 72 мың 200 гектарға дейін оңтайландырып, су үнемдеу технологиясы арқылы мал азықтық және жүгері, көкөніс, бақша дақылдары көлемін көбейтеміз», – деді аймақ басшысы.</blockquote>Күріш мелиоративтік дақыл болғандықтан, су үнемдеудің бірден-бір жолы – лазерлік тегістеу. Кейінгі жылдары шаруалар күріш атыздарына жасалған лазерлік тегістеу арқылы суды 20 пайызға дейін үнемдеп, өнімділікті 30 пайызға дейін көтеруге болатынына көз жеткізді. Биылғы күріш егістігінің 55 мың гектары лазерлік тегістелді. Алдағы жылдары барлық алқап лазерлік тегістеуден өткізілетін болады. Осылайша егіс көлемі азайғанмен агротехнологияларды қатаң сақтау, минералды тыңайтқыштарды өз деңгейінде пайдалану, тұқым сапасын жақсарту, жаңа сорттарды өндіріске енгізу арқылы өнімділікті 20-25 пайызға дейін арттыруға толық мүмкіндік бар. Осының есебінен жыл сайын 450-460 мың тонна күріш өндіру көзделуде. Бұл көлем еліміздің күрішке қажеттілігін толық қамтамасыз етеді және экспорттық әлеует сақталады.Аймақта күріштен басқа дақылдарға су үнемдеу технологияларын енгізу былтыр 872 гектар болған, биыл 4 мың 393 гектарға жеткізілді. Алдағы жылдары оның көлемі 34 мың 200 гектар болмақ. Бұл бағытта 3 ірі инвестициялық жоба қолға алынуда. «Таң ЛТД» ЖШС қытайлық компаниямен бірлесіп, 3 мың гектарға тамшылатып суару әдісімен дән жүгері, «РЗА Агро» ЖШС жаңбырлатып суару әдісімен 1000 гектарға сүрлемдік жүгері, «Camel Pro» ШҚ 800 гектарға жоңышқа екті.Облысқа инвестиция тарту мақсатында агроөнеркәсіптік кешендегі 2024-2026 жылдары іске асырылатын инвестициялық жобалардың жол картасы әзірленді. Онда 51,3 млрд. теңгенің 30 инвестициялық жобасы қамтылған. Биыл 13 инвестициялық жоба жоспарланып, бүгінгі күні 6-уы іске қосылды. Атқарылған шаралардың нәтижесінде биылғы 6 айда ауыл шаруашылығының жалпы өнімі 104 пайызға артты. Оның ішінде өсімдік шаруашылығының өнімі 104,4 пайызға, мал шаруашылығының өнімі 104,3 пайызға ұлғайды.Нұрлыбек Машбекұлы өз баяндамасында биыл көктемгі егін егу және дала жұмыстарына «Кең дала-2» жобасы шеңберінде 10 млрд. теңге жеңілдетілген несие бөлінгенін айтып, Сыр диқандарына қолдау көрсеткені үшін Үкімет басшысына алғысын жеткізді.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Саясат