<a href="https://kyzylorda-news.kz/">Kyzylorda-news.kz</a> 23-26 шілде аралығында қысқа мерзімді еңбек демалысына шығады.Мемлекет басшысы Қасым-Жомарт Тоқаев қысқа мерзімді демалысқа шықты. Бұл туралы Ақорданың баспасөз қызметі хабарлады.&nbsp;«Мемлекет басшысы Қасым-Жомарт Тоқаев 23-26 шілде аралығында қысқа мерзімді еңбек демалысына шығады», – делінген хабарламада.&nbsp;Сурет: www.gov.kz

Мемлекет басшысы еңбек демалысына шықты

Қасым-Жомарт Тоқаев Бельгияның Ұлттық күніне орай Король Филиппке құттықтау жеделхатын жолдады, деп хабарлайды El.kzақпарат агенттігі.<blockquote>Қазақстан мен Бельгияны берік достық пен өзара құрметке негізделген тығыз серіктестік қарым-қатынас байланыстыратынын ерекше атап өткім келеді, – деп жазылған жеделхатта.</blockquote>Президент Қасым-Жомарт Тоқаев Король Филипптің барлық игі бастамасына табыс, Бельгия халқына бақ-береке тіледі.

Мемлекет басшысы Бельгия Королін құттықтады

<a href="https://kyzylorda-news.kz/">Kyzylorda-news.kz</a> Күні кеше Қазалы ауданы Әйтеке би кенті мен Жаңақорған ауданындағы Сунақата ауылдық округінің әкім сайлауы өткізілді.&nbsp; Сайлау процесі 14 учаскеде ұйымдастырылды. Сайлауға таңмен таласа келген сайлаушылар мен алғаш рет таңдау жасаған азаматтар белсене қатысты.&nbsp; Қазалы ауданының Әйтеке би кенті әкіміне 2 кандидат дауысқа түсті. Кандидат Әбиев Әліби Берікұлы үшін дауыс беруге қатысқан сайлаушылар санынан – 15482 дауыс, Картабаев Казыбек Каржаубаевич үшін – 2007 &nbsp;дауыс, барлығына қарсы – 184 дауыс берілді. &nbsp; Нәтижесінде Әбиев Әліби Берікұлы Қазалы ауданының &nbsp;Әйтеке би кентінің әкімі болып сайланды. Алиби Берікұлы 1978 жылы туған, ұлты қазақ, &nbsp;Қазалы ауданының экономика және қаржы бөлімінің басшысы, Әйтеке би кентінде тұрады. «AMANAT» партиясынан ұсынылған.&nbsp;<img src="https://knadmin.beoblood.kz/uploads/Whats_App_Image_2024_07_15_at_13_02_00_8367508782.jpeg" alt="WhatsApp Image 2024-07-15 at 13.02.00.jpeg"> Ал, Сунақата ауылдық округі бойынша 3 кандидат түсті. Дауыс беруге қатысқан 698 адамның кандидат Абсадықов Марат Қалилаұлына 8 дауыс, кандидат Жұмаділлаев Ақылмұрат Исмайлұлына 366 дауыс, Кошкарбеков Нуркен Орынбековичке 299 дауыс берілді. Дауыс беру қорытындысымен Сунақата ауылдық округінің әкімі болып Жұмаділлаев Ақылмұрат Исмайлұлы сайланды. 1977 жылы туған, ұлты қазақ, Сунақата ауылдық округінің әкімі, Жаңақорған кентінде тұрады. Сайлауға өзі-өзін ұсынған.<img src="https://knadmin.beoblood.kz/uploads/Whats_App_Image_2024_07_15_at_13_02_01_5ee4031edf.jpeg" alt="WhatsApp Image 2024-07-15 at 13.02.01.jpeg">Фото: freepik.com

Әйтеке би кенті мен Сунақта ауылдық округінің әкімі сайланды

<a href="https://kyzylorda-news.kz/">Kyzylorda-news.kz</a> Президент қауіпсіздік саласындағы өзара сенім мен ынтымақтастықты нығайтуды бірінші маңызды бағыт ретінде атады, деп хабарлайды&nbsp;<a href="https://egemen.kz/">Egemen.kz</a>&nbsp;Ақорданың баспасөз қызметіне сілтеме жасап.<blockquote>«Қазіргі күрделі ахуал – негізінен халықаралық қатынастар жүйесіндегі дағдарыс салдары. Осы ретте халықаралық құқықтың кемшін тұстарын түзеп, геосаяси тұрғыдан жікке бөлінуге жол бермеу мақсатымен, түптеп келгенде, жаһандық ауқымдағы бейбітшілік пен қауіпсіздікті нығайту үшін ШЫҰ өзінің тұрақтандырушы және жасампаздық рөлін күшейтуге тиіс», деді Президент.</blockquote>Мемлекет басшысының айтуынша, Шанхай ынтымақтастық ұйымы бүкіл Еуразия құрлығындағы бейбітшілік пен қауіпсіздікті қамтамасыз етуге кепіл болатындай айрықша мүмкіндіктерге ие. Ұйымға мүше мемлекеттерге «Әділ әлем, келісім және даму жолындағы жаһандық бірлік туралы» ШЫҰ бастамасын жүзеге асыру дәл осы мақсатпен ұсынылды.Президент Әскери саладағы сенім шаралары туралы келісімді әзірлеп, қабылдайтын уақыт келгенін айтты. Бұл ретте «Үш зұлым күшпен» күрес мәселесі әрдайым жіті назарда болуға тиіс.Қасым-Жомарт Тоқаев киберқауіпсіздікті күшейту Ұйымға мүше елдерге ортақ тағы бір маңызды міндет екеніне назар аударды. Сонымен қатар ШЫҰ-ға мүше мемлекеттердегі ақпараттық инфрақұрылымның тұрақты жұмысын қамтамасыз ету үшін ұдайы ақпарат алмасуға, үздік тәсілдер мен озық тәжірибелерді қолдануға бағытталған арнайы механизм әзірлеуді ұсынды.Қазақстан Президентінің пікірінше, бүгін халықаралық ақпараттық қауіпсіздікті қамтамасыз ету мәселелері бойынша қабылданатын Өзара іс-қимыл жоспары аталған мақсаттарға сай келеді.Фото: Akorda.kz

Мемлекет басшысы «Шанхай ондығына» кіретін елдер үшін стратегиялық маңызы бар бағыттарды атады

<a href="https://kyzylorda-news.kz/">Kyzylorda-news.kz</a> Тәуелсіздік сарайында өтіп жатқан «ШЫҰ плюс» саммитінде сөйлеген сөзінде Президент Қасым-Жомарт Тоқаев санкциялық қақтығыстар әлемдік экономикаға айтарлықтай зиян келтіретінін тілге тиек етті, деп хабарлайды El.kz ақпарат агенттігі.Мемлекет басшысы бұл өз кезегінде одан әрі даму перспективаларын тарылтатынын атап өтті.<blockquote>ШЫҰ елдері экономиканың жоғары өсу қарқынын көрсетіп отыр, 4-тен 9% - ға дейін. ШЫҰ мемлекеттерінің жаһандық ЖІӨ-дегі үлесі қазірдің өзінде 30% -ды құрайды. Бүгінгі таңда қатысушы елдердің сыртқы саудасы 8 трлн доллардан асады. Бұл бүкіл әлемдік сауданың төрттен бірі, – деді Тоқаев.</blockquote>Сондай-ақ мемлекет басшысы әлемдік қоғамдастық экономиканы декарбонизациялау бағытын жалғастыруы тиіс екенін және бұл мемлекеттердің дамуына нұқсан келтірмеуі қажет екенін айтты. Бұдан өзге Президент биыл Қазақстанда бұрын-соңды болмаған су тасқыны туралы айтты және бұл жаһандық жылынудың салдары екенін жеткізді.

Мемлекет басшысы: ШЫҰ елдері экономиканың жоғары өсу қарқынын көрсетіп отыр

<a href="https://kyzylorda-news.kz/">Kyzylorda-news.kz</a> Шежірелі өлке Шиеліге Мемлекет басшысының кеңесшісі Мәлік Отарбаевтың келгені мәлім. Кезекті отырыс Шиелі ауданы бойынша ҚМДБ өкілдерімен кездесуге ұласты. Президент кеңесшісі, әуелі, аудан және ауыл имамдарына Мемлекет басшысының сәлемін жеткізіп, айтулы мерекемен құттықтады.– Біз қазірде тұғырлы тәуелсіздігіміздің арқасында дінге қызмет етіп, халықты иман мен ізгілікке шақыруға мүмкіндік алып отырмыз. Бүгінгі мереке осындай игі істерді еске салады. Ендеше, Рәміздер күні баршамызға құтты болсын!Ақиқат жолында атқарып жатқан жұмыстарыңызға өз атымнан, Қ.Кемелұлының атынан алғыс айтқым келеді. Еліміздегі ішкі және сыртқы тұрақтылықты сақтауда сіздердің үлкен үлестеріңіз бар. Президент қызметтеріңізді жоғары бағалайды, – деді Мәлік Нұржанұлы.&nbsp;&nbsp;&nbsp;Бұдан кейін Ұлттық құрылтайда көтерілген адам тәрбиесі, қоғам тәрбиесі, қоғамның мәдениетін көтеру бағыттары сөз болды. М.Отарбаев, әсіресе, жастарды барынша тазалық пен мәдениетке үйрету керегін ашық айтты. Сондай-ақ биыл республикалық деңгейде бастау алған "Таза Қазақстан" жобасы тазалық акциясы ретінде басталғанымен, оның негізгі мәні қолда бар дүниені таза ұстауға үндейтінін жеткізді.&nbsp;Жиын барысында қозғалған тағы бір тақырып – ұлттық әдебиет пен әлем әдебиетіне назар аудару. Президент кеңесшісі озық ойлы ұлтқа айналудың бір ғана жолы – кітапта екенін әрі білім-ғылымсыз діттеген мақсатқа жете алмайтынымызды тиек етті. Сонымен қатар кейбір мешіттер тек діни әдебиетпен қамтылғанын, олардың қатарын ұлттық әдебиетпен толықтырудың маңызын атап өтті.&nbsp;– Қазіргі таңда дін жолында қызмет етіп жатқан кейбір азаматтардың ұлттық әдебиеттен алыстап кеткені жасырын емес. Мұны олардың айтқан әңгімелерінен байқаймыз. Тілдері шорқақ, жұтаңдай бастады. Салдарынан жат нәрселер мен ұғымымызға сай келмейтін дүниелер айтылуда.&nbsp;Адамның кеудесін басқан татты кітап кетіре алады десек, оның біріншісі – Құран, екіншісі – хадис, ал үшіншісі – ұлттық әдебиет пен әлем әдебиеті. Осы тұста қазақтың барлық құндылығын өзіміздің шығармалар арқылы алсақ, нұр үстіне нұр болар еді. Себебі қазақ жазушылары ешқашан имансыздықты насихаттаған емес, – деді ол.Бұл мәселе төңірегінде өз сөзінде:&nbsp;"Жалпы, мен Мемлекет басшысы және азамат ретінде қазақ әдебиетін әрдайым қолдаймын. Туындылар оқырмандарға қолжетімді болуы керек деп ойлаймын. Ал жазушыларымыздың шығармалары халық арасында, әсіресе, жастар арасында сұранысқа ие болуы керек. Мұның бәрі – мемлекеттің ғана емес, жазушыларымыздың да міндеті. Оқырман қауым қаламгерлерден халыққа рухани азық болатын тың дүниелер күтеді. Жазушылар одағы осы жұмысқа ұйытқы болады деп сенемін",&nbsp;–&nbsp;деген еді Президент.Дін өкілдері де айтылған пікірге үн қосып, көркем мінез бен ішкі мәдениеттің мәніне тоқталды. Жиын қонақтары тарапынан әйгілі ғұламалар мен зиялы өкілдер хақында фильмдер мен кітаптар көбірек шықса деген ұсыныс айтылды. Ауданның бас имамы Бақыт Ұлжаев өңірдегі бүгінгі діни ахуалдың қалыпты екенін әрі құлшылық орындарында сауатты, жоғары білімді мамандар қызмет етіп жатқанын баяндады.– Уақыт өткен сайын ауданымыз білікті имамдармен толығып жатыр. Бұны ел ішіндегі тыныштықтың нәтижесі деп білеміз. Мемлекетіміздегі сондай мамыражайлықты сақтауға жағдай жасап, ынтымақ орнатып отырған Президентімізге дұғай-дұғай сәлем айтыңыз, – деді ол.&nbsp;Сонымен қатар М.Нұржанұлы күтпеген жерден орын алған көктемгі су тасқыны кезінде ынтымақ пен бірлікке мұрындық болған аудан жұртына Мемлекет басшысының атынан алғыс айтты. Бұл істің үлкен имандылыққа балатынын, халық бірлігін насихаттау – негізгі ұстанымымыз екенін жеткізді. Отырыс соңында қосымша ұсыныс-тілектер айтылып, әдеби кітаптарды мешіттерге үлестіруге тапсырма берілді.&nbsp;Жастармен жүздестіПрезидент кеңесшісі бұдан кейін Жастар орталығына ат басын бұрып, ел ертеңі – жалынды жастармен жүздесті. Мемлекет басшысы құрылтайдағы сөзінде:&nbsp;"Озық ойлы ұлт болу үшін бүкіл қоғам сана-сезімін өзгертіп, жаңа құндылықтарды орнықтыруы керек. Әрбір адам "адал азамат" деген атқа лайық болса, елімізде әділ қоғам орнайды. "Адал адам – адал еңбек – адал табыс" – бір-бірінен ажырамайтын ұғымдар. Осы үш таған – озық әрі табысты елге айналудың басты кілті", – деп атап өткен болатын. Жастармен жүргізілген жиында Қ.Тоқаевтың осындай бастамалары мен ұсыныстары талқыланды. Сондай-ақ мемлекет тарапынан жас буынға көрсетіліп жатқан көмектер турасында әңгіме өрбіді. "Ел ертеңі – жастарға қолдау білдіру – мемлекеттің басты назарында", – деді Мәлік Нұржанұлы.Жиын барысында пайымды пікірлер айтылып, орнықты ұсыныстар ортаға салынды.&nbsp;Мемлекет ұсынып отырған түрлі бағдарламалардың игілігін көріп отырған бірқатар жастар өз алғыстарын жеткізді.Кездесулер легі Бәйгеқұм ауылдық округінде қорытындыланды. М.Отарбаев мұнда "Адал адам" мәдени-тәрбие орталығының жұмысымен танысып, жазғы демалыс маусымында тәлім алып жатқан бүлдіршіндердің өнерін тамашалады. Сондай-ақ әжелер ансамблінің, сан аспапты сайратқан өнерпаздардың әдемі әуенін тыңдап, дәстүрлі тұсаукесер рәсіміне қатысып, қазақы дәмнен ауыз тиді. Балалар болса, арнайы театр қойылымына куә болып, күндерін жағымды нотада тәмамдады.Президент кеңесшісі Мәлік Нұржанұлының талай талантты төрінде тоғыстырып, тұғырынан түлеткен, ақынның&nbsp;елі, батырдың жеріне айналған Шиелі шаһарына сапары осылайша аяқталды. Ол киелі мекенді қазіргі таңдағы әлеуеті жоғары, күн санап дамып келе жатқан аудандардың бірі ретінде бағалап, үздіксіз атқарылып келе жатқан кешенді жұмыстардың нәтижелі болуына тілектестік білдірді.

Шиелі: Сәтті аяқталған сапар

Фото: egemen.kz<a href="https://kyzylorda-news.kz/">Kyzylorda-news.kz</a> Барша қауымға белгілі, жалпы жұртқа жария бір ақиқат бар. Еліміз кейінгі бес жылдың бедерінде мүлде өзгеріп, билік құрылымынан бастап қоғамдық-саяси санаға дейін түбегейлі жаңғырып жатыр. Бұл жаңғыру батыл қадамдарға, байыпты шешімдерге табан тірейтіні сөзсіз. Президент Қасым-Жомарт Тоқаев бастамашы болған сол саяси бағдар жөнінде тарқатып айтқан жөн болар.&nbsp;Әділеттілік – қоғамның жаңа қағидасыМемлекет – аса күрделі құры­лым. Оны реформалау және қандай да бір өзгеріске әкелу – қиынның қиыны. Мұны жүзеге асыру үшін халықты ұйыстыра­тын алып идея қажет екені айтпаса да белгілі. Мемлекет басшысы Қасым-Жомарт Тоқаев би­лік­ке келген тұста қоғамның мұн­дай идеяға деген сұранысы аса жоғары еді. Президент ұсынған «Әділдік» феноменінің бірден ел идеологиясының тұтқасына айналуы – осының айғағы.«Әділдік» ұғымы ұлттық ре­фор­ма­лар­дың басты ұранына айналды. Бұл ұстаным ауқымды өзгерістердің үшта­ға­ны саналатын саяси, әлеуметтік-эко­номикалық және қоғамдық сана рефор­ма­сының өзегі ретінде берік бекіді. Сонымен қатар бұл өзгерістерді нақты идеяны арқау еткен, түпкі мұраты ай­қын­далған байыпты бастама ретінде қа­былдаған абзал.<img class="image_resized" style="width:1057.3px;" src="https://egemen.kz/media/2024/06/11/snimok-ekrana-2024-06-11-233546.jpg" alt="в">&nbsp;Саяси институттар трансформациясыҚасым-Жомарт Кемелұлы Президент лауазымын қолға алғаннан бері іске асқан саяси реформалардың түпкі мазмұны елдегі демократия инс­титуттарын дамытуды көздейді. Бұл – саяси жүйені жаңғыртуға, азаматтардың құқықтары мен бостандықтарын қор­ғауға, сондай-ақ мемлекеттік бас­қа­рудың тиімділігін арттыруға негіз болды.Саяси реформалар туралы сөз қоз­ға­ғанда Конституцияны өзгертуге бағытталған жалпыұлттық референдум туралы атап өту – заңдылық. Бұл ретте Президенттің өзгерісті әркім өзінен бастауы керек деген ұстанымы жалпыға бірдей үлгі болғаны анық. 2022 жылы енгізілген Конституциялық өзгерістердің басты жаңалығы – Президенттің өкілет­тігін бір мерзіммен шектеу туралы ше­шім. Бұл «Әділдік» феноменінің нақты орын­далғанын көрсетті.Сондай-ақ референдум аясында Пар­ла­менттің рөлін күшейту және құқық қорғау органдарының қызметін жақ­сартуға бағытталған шаралар қолға алынды. Бұл реформалар саяси жүйенің тұрақтылығы мен тиімділігін арттыруға және халықтың билікке деген сенімін нығайтуға мүмкіндік береді. Билік тармақтары арасындағы тепе-теңдікті қам­тамасыз етіп, демократиялық инсти­туттардың нығаюына ықпал етеді. Мемлекет басшысының саяси рефор­ма­ларының тағы бір тармағы саяси партияларды тіркеуді жеңілдету болды. Бұл өзгеріс саяси аренада жаңа партиялардың пайда болуын жеңілдетіп, саяси әралуандыққа жол ашты.Жергілікті өзін-өзі басқару жүйесі де айтарлықтай өзгеріске бет алды. 2021 жылы алғаш рет ауыл әкімдері тікелей сайлау арқылы сайлана бастағанын білесіздер. Бұл қадам жергілікті мәсе­ле­лерді тиімді шешуге және азамат­тар­дың өз өңірлеріндегі басқару үдерісіне белсенді араласуына мүмкіндік береді.Саяси трансформацияның тағы бір маңызды бөлігі – Парламенттің рөлін күшейту туралы шешім. Парла­менттің атқарушы билікті бақылау функцияларын күшейту арқылы заңна­малық органның ықпалы артты деуге толық негіз бар.<img class="image_resized" style="width:1057.3px;" src="https://egemen.kz/media/2024/06/11/daa_2901-1.jpg" alt="президент">Президент ұсынған саяси реформа­лар­дың бір жаңалығы – адам құқық­тарын қорғауға бағытталған шара­лар. Мемлекет басшысы адам құқықтарын қорғау механизмдерін жетілдіретін және азаматтық қоғамды дамыта түсе­тін қолдау шараларын енгізді. Конс­титуциялық сот қайта қалпына келті­рілді. Заңдылықты қадағалайтын про­кура­тура мен Адам құқығы жөніндегі уә­кіл конституциялық мәртебеге ие болды. Бұл қадамдар халықаралық стан­дарт­тарға сай келетін құқықтық жүйені қа­лыптастырды.Аталған реформалар елдің саяси жүйесін жаңғыртуға, қоғамның саяси өмірге белсенді қатысуын қамтамасыз етуге, сондай-ақ билік тармақтары ара­сын­дағы тепе-теңдікті сақтауға жол ашты. Түптеп келгенде, бұл ауқымды шара­лар Әділетті Қазақстанның нықтап орнығуына мүмкіндік берді.&nbsp;Әлеуметтік-экономикалық реформаларҚасым-Жомарт Тоқаев елдің әлеумет­тік-экономикалық дамуын қамта­масыз ету мақсатында да ауқымды реформалар жүргізіп келеді. Бұл – қоғамдағы әлеу­меттік әділеттілікті нығайтуға, эко­но­микалық өсімді қамтамасыз етуге және халықтың өмір сүру деңгейін жақ­сартуға бағытталған.Президент Тоқаевтың бастамасымен Конституцияға концептуалды өзгеріс енгізілді. Яғни жер мен оның қойнауындағы байлық халықтың мен­ші­гі ретінде айқындалды. Бұл қағида әлеуметтік саясаттың тірегіне айналды.Нақты дәлел: «Ұлттық қор – бала­лар­ға» бағдарламасы іске қосылды. Бағдар­лама арқылы еліміздегі әр балаға Ұлттық қордан қаражат бөліне бастады. Бұл шараның түпкі мақсаты – әлеуметтік теңсіздікті азайтып, балалардың өмір сүру жағдайын жақсарту. Бағдарлама өскелең ұрпаққа инвестиция салып, олардың білім алуына, денсаулығын жақ­сартуға және өмір сүру деңгейін арттыруға мүмкіндік беруге тиіс.Шағын және орта бизнесті қолдау жұмыстары да артты. Бизнесті тексеруге үш жылға дейін мораторий жарияланды. Заңсыз алынған активтерді елге қайтарып, экономикалық айналымға түсіре бастады. Еліміздің логистикалық мүмкіндіктерін молайту арқылы табыс түсімін арттыруға жіті мән бе­рілуде. Алдағы уақытта Қазақстанды логис­ти­калық хабқа айналдыру жөнінде ауқым­ды міндеттер қойылды. Соған сәйкес инфрақұрылымды дамытудан бас­тап, қалыптасқан жүйені цифрландыру жұ­мысын қарқынды жалғастыруға ай­рық­­ша мән беріліп отыр.Президент индустрияландыру және инновацияларды дамытуға үлкен мән береді. Осы бағытта экономиканың әрта­рап­тандырылуы және жаңа технология­ларды енгізу мемлекеттің маңызды міндеттеріне айналды. Индустриялық-инновациялық даму бағдарламалары арқылы өндіріс орындарын құру, ғы­лыми зерттеулерді қолдау және жоға­ры технологиялық салаларды дамыту көзделіп отыр. Цифрландыру саяса­тын жаңғыртып, бұл бағыттағы жетістік­те­рімізді еселеуге жаңа мүмкіндіктер жасалып келеді.Бұрын назар аударылмаған энерге­ти­калық, инженерлік жүйені түбегейлі жаңарту бастамасы қолға алынды. Ұлт­тық қауіпсіздік, халықтың өмір сүру сапасына тікелей әсер ететін бұл сала ондаған жыл бойы қараусыз қалып келгені ешкімге жасырын емес. Мемлекет басшысы бұл олқылықтар түзелмей тұр­мыс түзелмейтінін жақсы біледі және білгендіктен нақты шешімдер қабылдап келеді.Әлеуметтік серіктестік қағидаттары да – ерекше тоқталуды қажет ететін тақырып. Еліміз еңбек қатынастарын реттеу, жұмысшылардың құқықтарын қорғау және еңбек жағдайларын жақ­сарту мәселелерін айтарлықтай кү­шейтті. Әлеуметтік серіктестік аясында жұмыс берушілер мен жұмысшылар арасындағы диалогті нығайту, еңбек құқықтарын қорғау және өндірістік дау­ларды шешу тетіктерін жетілдіру маңызды орын алады.Әлеуметтік саланың әуелгі тірегі саналатын денсаулық сақтау және білім жүйесі де түбегейлі реформаға ұшырады. Аталған сала мамандарының жалақысын екі есеге дейін ұлғайту тура­лы шешім қабылданды. Бұл білікті мамандардың салаға келуіне жаңаша серпін бергені сөзсіз. «Педагог мәртебесі туралы» заң қабылданды. Ғылымның дамуына айтарлықтай көңіл бөлініп келеді. Ұлттық ғылым академиясы өзінің тарихи тұғырына қайта қонды.Алдағы уақытта жоғарыда біз атап өткен әділеттілікке негізделген әлеуметтік және экономикалық сая­сат қағидасы – еліміздің қуатының, хал­қымыздың әл-ауқатының негізгі сенімді күші болып қалатыны даусыз.&nbsp;Қоғамдық сананың серпілісіМемлекет басшысы Қасым-Жомарт Тоқаевтың күллі реформасының өзе­гін­де «Заң мен Тәртіп» ұстанымы тұр. Шын мәнінде «Әділдік» феномені осы екі түсінік үстемдік құрмай тамыр жая алмасы анық.Ұлт көсемі Әлихан Бөкейханның «Заң адам үшін жазылады. Адам заң үшін тумай­ды» деген сөзі бар. Еліміз қабылдаған қабырғалы құжаттар ең әуелі азаматтарымыз, олардың әлеуметтік жағдайын жақсарту, оларды кертартпа қоғамдық кеселдерден сақтау үшін жазылған.Бұл ретте елімізде синтетикалық есірт­кі саудасын, құмар ойын жарнамасын, тұрмыстық зорлық-зомбылықты, браконьерлікті ауыздықтайтын бірқатар заң қабылданды.<img class="image_resized" style="width:1057.3px;" src="https://egemen.kz/media/2024/06/11/kz3_5093_1.jpg" alt="а">Мұның бәрі Әділетті Қазақстанды тұғырына шығарып, нық орнатуға бағыт­талған қадамдар. Түбегейлі ре­фор­малар өз миссиясын орындады. Бірақ реформаларды жүзеге асыру – бір бөлек, оны орнықтыру – бір бөлек дүние. Бұл үшін қоғамдық сана да жаңғыруға тиіс.Президентіміз ұлттың жаңа сапасын қалыптастыратын жаңа құндылықтар тізімін, яғни «Адал азаматтың» бейнесін айқын көрсетті. Бұл не үшін қажет? Қоғамдық ұстанымдар мен қолдау негізінде оң бағыттағы реформалардың іске асуы және берік орнығуы үшін қажет. Себебі адал азамат – ескі жүйеге оралмаудың кепілі, әділеттілік құнды­лық­­тарының қорғаны.Мемлекет басшысы Қасым-Жомарт Тоқаевтың көшбасшылығымен еліміз бес жылды еңсерді. Бұл ұзақ жылдар бойы сірескен саяси жүйені серпілткен бес жыл болды. Қордаланған әлеу­меттік мәселелердің түйінін шешкен бес жыл болды. Экономикалық өрлеуді қамтамасыз ету үшін батыл ұмтылыс жасаған бес жыл болды. Ең бастысы, қоғам жылдар бойы күткен әділеттілікті төрге оздырған бес жыл болды. Бұл бес жыл алдағы жетістіктеріміздің жолашарына айналатыны анық.&nbsp;Берік УӘЛИ,Қазақстан Республикасы Президентінің кеңесшісі – Президенттің Баспасөз хатшысы&nbsp;

Реформаның үштағаны: жасампаздық пен жаңғыру жолы

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Мемлекеттік қызмет – бұл мемлекеттік басқару жүйесінің негізі, қоғам мүддесі үшін жүзеге асырылатын қызмет түрі. Мемлекеттік қызмет мемлекет пен қоғам арасындағы байланысты қамтамасыз етіп, халықтың әл-ауқатын жақсарту, құқықтарын қорғау, қауіпсіздігін қамтамасыз ету және басқа да әлеуметтік-экономикалық мәселелерді шешу мақсатында жүзеге асырылады.</h4>Осы орайда Қазақстан Республикасының Мемлекеттік қызмет істері агенттігінің Қызылорда облысы бойынша департаментінің Мемлекеттік қызмет басқармасының басшысы Жасұлан Шынтасов «Мемлекет басшысының мемлекеттік қызметке кіруде артық кедергілерді жою және мемлекеттік қызметтен шығу тәртібін жеңілдету туралы тапсырмасына сәйкес Мемлекеттік қызмет істері агенттігі жаңа тәсілдер әзірлеген болатын. Сәйкесінше, Мемлекет басшысының 2022 жылғы 30 желтоқсандағы №177-VII ҚРЗ Қазақстан Республикасының Заңымен «Қазақстан Республикасының мемлекеттік қызметі туралы» Заңына бірқатар өзгерістер мен толықтырулар енгізілді» дейді.<blockquote>− Атап айтқанда, заңның мемлекеттiк әкiмшiлiк қызметке кiру, біліктілік талаптары, «Б» корпусының мемлекеттік әкімшілік лауазымдарына мемлекеттік қызметке алғаш рет кіретін немесе қайтадан кіретін азаматтарды іріктеу, «Б» корпусының мемлекеттік әкімшілік лауазымына орналасуға арналған конкурс және мемлекеттік қызметшілердің жұмысын бағалауға қатысты баптарына өзгерістер мен толықтырулар енгізілді. Аталған өзгерістер мен толықтырулар нәтижесінде мемлекеттік әкімшілік лауазымдарға конкурстық рәсімдерді өткізбестен тағайындалу құқығы бар тұлғалардың шеңбері кеңейтіліп, мемлекеттік қызметке кіру шарттары біршама жеңілдетілді. Қазіргі таңда мемлекеттік грантпен жоғары оқу орындарын аяқтаған үздік түлектер аудандық және ауылдық деңгейдегі төменгі лауазымдарға уәкілетті органмен немесе оның аумақтық бөлімшелерінің келісуі бойынша конкурстық іріктеусіз тікелей тағайындала алады. Бұл білікті жастарды мемлекеттік қызметке ынталандыруға, жас мамандардың аудан мен ауылдық аймақтарға оралуына, сонымен қатар өңірлердегі кадр тапшылығын азайтуға септігін тигізіп, мемлекеттік қызметке кіруді жеңілдетеді. Енгізілген өзгерістерге сәйкес, ҚР Президенті жанындағы Мемлекеттік басқару академиясының жоғары үлгерімін көрсеткен түлектері оқуды бітіргеннен кейін бір жыл ішінде елорданы қоспағанда, жергілікті органдардағы жекелеген басшылық емес лауазымдарға конкурстық іріктеусіз тағайындау мүмкіндігі қарастырылды – деді басқарма басшысы.</blockquote>Сонымен бірге «Б» корпусының жоғары лауазымдарына уәкілетті органның келісімімен облыстық бюджеттен қаржыландырылатын облыстың атқарушы органдардың басшысы лауазымдарына конкурстық іріктеусіз тікелей тағайындау мүмкіндігі берілуде. Бұл өз кезегінде бірінші басшылардың өз қызметшілері үшін жауапкершілігін арттырады.Тағы бір өзгеріс, енді мемлекеттік әкімшілік лауазымдарына қойылатын біліктілік талаптары уәкілетті органмен немесе оның аумақтық бөлімшесімен, яғни ҚР Мемлекеттік қызмет істері агенттігінің немесе оның аумақтық департаменттерінің келісімімен бекітілуде.Айта кету керек, бұған дейін мемлекеттік әкімшілік лауазымдарына қойылатын біліктілік талаптары мемлекеттік органдардың бірінші басшыларымен бекітіліп келген болатын.Мемлекеттік қызметшілердің жұмысын бағалауға қатысты енгізілген өзгерістерге сәйкес, енді екі тоқсан бойы тиімсіз деп бағаланған қызметшілердің лауазымы төмендетіледі, ал төмен тұрған бос мемлекеттік лауазым болмаған немесе мемлекеттік қызметші ұсынылған мемлекеттік лауазымнан бас тартқан кезде мемлекеттік қызметші атқаратын мемлекеттік лауазымынан шығарылады.Бұл аппаратты тиімсіз мемлекеттік қызметшілерден босатуға ықпалын тигізіп, мемлекеттік қызметтен шығу тәртібін жеңілдетеді. Қазіргі таңда агенттікпен мемлекеттік қызметке іріктеу мен оны өткеруді толық цифрландыру арқылы «Е-қызмет» ықпалдастырылған ақпараттық жүйесін жаңғырту бойынша жұмыстар жүргізілуде.«Е-қызмет» жүйесінің сыртқы порталында іске асырылатын мемлекеттік қызметке жаңа іріктеу алгоритімі әзірленді, онда конкурстық рәсімді өткізу форматы қайта қаралды. Конкурстық рәсімнің жаңа форматы үміткерлерге алдын ала белгіленген уақытта өтетін әңгімелесуден басқа барлық кезеңде, кез келген уақытта және әлемнің кез келген нүктесінен конкурсқа қатысуға мүмкіндік береді.«Е-қызметте» барлық маңызды ақпараттық жүйелермен интеграция жасалған. Ол мемлекеттік қызметке үміткерлерді артық құжат жинаудан босатады. Өзге ақпараттық жүйелерден үміткер туралы ақпарат алу, оның соттылығы немесе өзге бұзушылықтарға қатысы бар-жоғын тексеру, біліктілік талаптарына сай келуін қарау – мұның бәрін автоматты түрде жүйе өзі жасауда.Мемлекеттік қызметтегі кадрлық процестерді одан әрі цифрландыру мақсатында биыл «Е-қызмет» жүйесінің 14 модулі жаңартылады. Оның ішінде «Тәртіптік бақылау», «Бағалау», «Іс-сапарлар», «Тағылымдама», «Оқыту» модульдері бар. Бұл жұмыс 2023 жылы аяқталып, жаңартылған жүйе осы жылдың басынан барлық мемлекеттік органдарға қосылуда.ҚР Мемлекеттік қызмет істері агенттігімен мемлекеттік қызметті жетілдіру жөнінде заң жобасын әзірленді.Онда: Біріншіден Президент шешімімен саяси қызметшілерді «сенім жоғалтуына» байланысты жұмыстан шығару мүмкіндігі енгізіледі. Мұндай себеппен шығарылған қызметші мемлекеттік қызметке үш жыл бойы қайтып келе алмайтын болды.Екіншіден, өзге өңірге ротацияланған қызметшіге үй жалдауға төлем енгізілді. Бұл қызметшілерді өңірлерге ротациялануға ынталандыруда.Үшіншіден, мемлекеттік органдарға нақты бір жобаны атқару үшін уақытша шарт (контракт) бойынша жұмыскерді алуға мүмкіндік берілді. Мұндай жұмыскерлер мемлекеттік лауазымдарды атқармайды және белгіленген уақытқа ғана алынатын болады. Бұл жаңашылдық Мемлекеттік басқаруды дамыту тұжырымдамасына сай енгізілуде.Төртіншіден, мемлекеттік қызметшілердің жұмыс уақыты режимінің сақталуы реттелетін болды. Мемлекеттік органдардың жұмыс уақыты режимінің сақталуына мониторинг жүргізілуде.Бесіншіден, мемлекеттік органдардағы басқарушы және атқарушы лауазымдар саны реттеледі. Қазіргі кезде кейбір мемлекеттік органдарда бір не екі қызметшіден құрылған бөлімшелер бар. Біздің мақсатымыз – мемлекеттік органдардың оңтайлы және тиімді құрылымын қалыптастыру.Мемлекет басшысының Жолдауында Агенттікті толыққанды стратегиялық HR институты етіп қалыптастыру тапсырмасына сәйкес басты назар мемлекеттік органдардың операциялық кадр қызметін сүйемелдеуден, персоналды басқару, іздеу, «тұрақтандыру» және дамыту мәселелеріне ауысуда.Бұл ретте кадр рәсімдерін цифрландыруға, конкурстың ашықтығын қамтамасыз етіп, меритократия қағидатын күшейтуге назар аударылуда.Бүгінде агенттікпен рекрутинг (қызметкерді іздеу, тарту), талант-менеджмент, ассесмент (бағалау) және өзге де жаңа құралдар жүзеге асырылуда. Агенттік мемлекеттік қызметшілердің құқықтарын қорғап, кадр саясатының тиімділігін қамтамасыз етіп, мемлекеттік қызметке «кіруден» бастап зейнетке шыққанға дейін сүйемелдеуді жүзеге асырады.Екіншіден, мемлекеттік органдардағы кадр қызметтерінің рөлі ұлғайып, олар өз органдарында HR стратегиясын жоспарлайтын болды. Сондай ақ оларға кадрлық шешімдер қабылдау құқығын беру ұсынылды (бағалау, марапаттау, жазалау, т.б.).Үшіншіден, мемлекеттік қызметтегі HR құралдар қайта қарастырылады. Атап айтқанда, мемлекеттік қызметшілерге қойылатын талаптар мен құзыреттерді, оларды бағалау және оқыту жүйелерін, әдеп жөніндегі уәкілдің қызметін қайта қарастыру ұсынылады. Бұл ұсыныстардың жүзеге асуы агенттікті стратегиялық HR институты ретінде қалыптастыруға мүмкіндік берді.<blockquote>− Мемлекет басшысы атап өткендей, «Жастар кадрлық резерві – мемлекеттің резерві». Жастар кадрлық резерві қазіргі таңда өзінің тиімділігін көрсетіп отыр. Жыл өткен сайын қабілетті, дарынды жастардың бұл жобаға қатысуға қызығушылығы артуда.Бүгінде Өңірлік жастар кадр резервіне іріктеудің үшінші кезеңі аяқталып, осы жылдың тамыз айында мәре қорытындысы белгілі болады. Жеңімпаздар қатарынан білікті де білімді мамандарды көреміз деген үміттеміз.Жалпы, әрбір мемлекеттік қызметші мемлекетшіл болуы керек. Ол үшін тек білімді және құзыретті болу жеткіліксіз. Алаш қайраткері Әлихан Бөкейхан «Ұлтқа қызмет ету білімнен емес, мінезден» деген. Бұл жерде мінез деп адамның ішкі рухын, адамдардың игілігі үшін елге қызмет етсем деген жүрек қалауын айтып отыр емес пе?! Елге қызмет ету – абыройлы міндет. Осы қағиданы әрбір мемлекеттік қызметші қаперінде ұстауы керек.Түйіндей айтқанда, біздің негізгі міндетіміз – халыққа әділ, адал, ашық қызмет көрсететін кәсіби мемлекеттік аппарат қалыптастыру, − деді Ж.Шынтасов.</blockquote>&nbsp;Ә.ТекебайФото:turantimes.kz

Жасұлан Шынтасов: «Халыққа ашық қызмет көрсететін кәсіби мемлекеттік аппаратты қалыптастыруымыз қажет»

<a href="https://kyzylorda-news.kz/">Kyzylorda-news.kz</a>&nbsp; Мемлекет басшысы 31 мамыр – Саяси қуғын-сүргін және ашаршылық құрбандарын еске алу күніне орай Х әлеуметтік желісіндегі парақшасында арнайы жазба жариялады.<blockquote>– Біз жыл сайын 31 мамыр күні өткен ғасырдағы саяси қуғын-сүргін және ашаршылық құрбандарын еске аламыз.Мемлекетіміз қуғын-сүргіннен жазықсыз жапа шеккен жандарды ақтау, төл тарихымыздың ақтаңдақ беттерін объективті әрі тыңғылықты зерделеу жұмыстарына баса мән беріп отыр.Біз өткен замандағы қасіретті оқиғалардан тағылым алып, оны ұлт жадында сақтай білуіміз керек. Сонда ғана кез келген сынақтан сүрінбей өтіп, әділетті мемлекет және өркениетті қоғам құру жолындағы биік белестерді бағындыра аламыз, – деп жазды Президент.</blockquote><img src="https://knadmin.beoblood.kz/uploads/f5007572_b6d0_4a53_80d8_908ce49545fb_979caebdb1.jpg" alt="f5007572-b6d0-4a53-80d8-908ce49545fb.jpg">Фото: Әлеуметтік желіден алынған

Мемлекет басшысы: Біз өткен замандағы қасіретті оқиғалардан тағылым алуымыз керек 

<a href="https://kyzylorda-news.kz/">Kyzylorda-news.kz</a> &nbsp;Бүгін Қазақстан халқы саяси қуғын-сүргін құрбандарын еске алады. «Ешкім де, ештеңе де ұмытылған жоқ». Екінші дүниежүзілік соғыстың Кеңес одағы үшін аяқталған күнін осындай ұранмен қарсы алатын елдер бар. Бұл ұран біздің қоғамға да сыналап енгенімен, қазір мағынасы мен қолданылатын кезеңі өзгеріске ұшырап отыр. Қазақ қоғамы қазір бұл сөзді 9 мамырдан гөрі 31 мамырда жиі еске алады. Өйткені, саяси қуғын-сүргіннің ашылмаған ақтаңдақтары әлі жетерлік. Сол олқылықтың орнын толтыру үшін Президент Қасым-Жомарт Тоқаевтың пәрменімен құрылған Саяси қуғын-сүргін құрбандарын толық ақтау комиссиясы 4 жыл бойы (2019-2023) жұмыс істеді, деп хабарлайды <a href="https://kaz.inform.kz/news/bugn-sayasi-kugin-surgn-kurbandarin-eske-alatin-kun-6d419e/">Казинформ</a>.Осы кезеңде комиссия ХХ ғасырдың 20-50 жылдарындағы саяси қуғын-сүргін құрбандарын ақтау жұмыстарын жүргізді. Мемлекеттік комиссия құрамында 425 ғалым мен зерттеуші, оның ішінде 260-тан аса маман аймақтық комиссияда еңбек етті. Олар Қазақстанның түкпір-түкпіріндегі 60-тан астам мемлекеттік және ведомстволық архивте сақталған құжаттарды зерделеді. Соның арқасында 2,6 миллионнан астам құжат пен материалдан құпия белгісі алынып тасталды.Мемлекеттік комиссия саяси қуғын-сүргінге ұшыраған 311 мыңнан астам адамды ақтау үшін қолданыстағы заңнама аясында нақты жұмыс жүргізді. Осы еңбектің қорытындысын ғылыми тұрғыда рәсімдеу үшін жиналған материалдардың 72 томдық жинағы бір сериямен әзірленді.Қазір осы комиссияның жұмысын Президент тапсырмасымен құрылған XX ғасырдағы саяси қуғын-сүргін материалдарын зерделеу орталығы жалғастырып отыр. Бұл орталыққа арнаулы мемлекеттік архивтерден репрессия құрбандарына қатысты 688 мыңнан астам іс және 48 мыңға жуық есепке алу карточкасы берілген. Аталған құжаттар цифрлы форматқа көшіріліп, электронды қор жасақталып жатыр.Ресми деректерге сүйенсек, Сталин заманындағы қуғын-сүргіннің кезінде ғана Қазақстан аумағында Карлаг, Степлаг, АЛЖИР сияқты 11 арнайы лагерь болған. Ондағы 2 миллионға жуық тұтқынның бестен бір бөлігі өзге республикалардан айдап әкелінді. Нақтырақ айтсақ, 800 мың алман ұлтының, 550 мың Кавказ халықтарының өкілі, 18,5 мың кәріс пен Қиыр Шығыс халықтары күшпен көшіріліп әкелінді. Жалпы ХХ ғасырда қазақ жеріне Мәскеудің пәрменімен 5,6 млн бөгде елдің азаматтары көшірілді. Бұл сол кездегі қазақ халқының санынан көп еді, өйткені ұлттың басым бөлігін екі толқынмен жүрген алапат ашаршылықтар жойып кеткен болатын.1921 және 1954 жылдар аралығында Қазақстанда 3,7 млн адам сотталып, 640 мыңы атылған. Соның ішінде саяси себеппен 103 мың адам сотталып, 25 мың адам саяси себеппен атылған. Бұл 25 мың адамның арасында елде басшылық қызметтер атқарған 650 адам да бар. Қазір Алаш арыстары деген атпен ұлықталып жүрген асыл тұлғалардың бәрі осы 650 адамның қатарында болды.Саяси қуғын-сүргін дегенде еске ашаршылық та түседі. Өкінішке қарай, ғалымдар да, ресми тарих та ашаршылықтан ажал құшқан қазақ саны туралы бір тоқтамға келе алмай жүр. Бір деректерде 1921-22 және 1930-1933 жылдары жүрген ашаршылықтардың кезінде қырылған қазақтың саны 1 млн адам делінсе, тағы бір көздерде 2-3 млн адамға жеткені айтылады. Тағы бір топ ашаршылық жалмаған буынның жалпы санын 4-5 миллионға дейін апарып тірейді.Жалпы жаппай саяси қуғын-сүргін құрбандарын ақтау туралы заң алғаш рет 1993 жылдың 14 сәуірінде қабылданған болатын. Содан бергі 30 жылдың ішінде құжат 7 рет жаңартылыпты. Соңғы жаңарту 2023 жылдың 19 сәуірінде енгізілген. Заңдағы ақталуға жататын тұлғалар мен ақталуға жатпайтын тұлғалардың санаты 30 жыл бұрынғы редакциясындағыдай өзгеріссіз қалған. Тек 6-баптың «а» тармағындағы «зорлық-зомбылық» деген сөздің орнына «терроризм» деген сөз қойылған.Сонымен, қолданыстағы заң бойынша саяси-қуғын сүргін құрбаны ретінде жаппай ақталуға жататын тұлғалар мынандай айыптары үшін сотталған болуы керек:4-бап. Мынадай айыптары үшiн сотталғандардың бәрi ақталған адамдар деп жарияланады:а) революцияға қарсы үгiт-насихат жүргiзгенi;б) шiркеудi мемлекеттен бөлу туралы ережелердi бұзғаны (дiни топтардың алым қаражаттарын күштеу арқылы жинағаны, дiни құрыптарды атқаруға бөгет жасағаны үшiн айыптау бойынша сотқа тарту жағдайларынан басқа реттерде), яғни 1958 жылғы 25 желтоқсандағы «Мемлекеттiк қылмыстар үшiн қылмыстық жауапкершiлiк туралы» КСРО Заңы қабылданғанға дейiн қолданылған РКФСР Қылмыстық кодексiнiң 58, 122, 123, 125, 126-баптары бойынша;в) кеңеске қарсы үгiт және насихат жүргiзгенi;г) мешiт пен шiркеудi мемлекеттен және мектептi мешiт пен шiркеуден бөлу туралы заңдарды бұзғаны;д) КСРО-ның қоғамдық құрылысын даттайтын қасақана өтiрiк қауесеттер таратқаны үшiн, яғни Қазақ КСР Қылмыстық кодексiнiң 56, 130 (1992 жылғы 26 маусымдағы Қазақ КСР-iнiң Заңы қабылданғанға дейiн қолданылған редакцияда) 170-1 баптары бойынша.5-бап. Мынадай саяси себептермен сотталған адамдардың бәрi ақталуға жатады:а) мемлекеттiк және басқа қылмыстары үшiн сотталғандар;б) саяси қуғын-сүргiндермен байланысты жазасын өтеп жатқан бас бостандығынан айыру орындарынан, айдаудан, жер аударудан, арнайы қоныс аударудан, не бас бостандығын шектей отырып ықтиярсыз еңбекке тарту орындарынан қашып шыққаны үшiн сот емес органдар шешiмдерiмен сотталғандар немесе жазаланғандар;в) саяси тұтқындардың бас бостандығынан айыру орындарында қарсыласу қозғалысына қатысқаны үшiн сот емес органдар шешiмiмен сотталғандар немесе жазаланғандар;г) Бүкiлодақтық Төтенше Комиссия, Саяси бас басқарма - Айрықша Саяси бас басқарма, Iшкi iстер халық комиссариаты басқармасы - Iшкi iстер халық комиссариаты, Мемлекет қауiпсiздiгi министрлiгi, Iшкi iстер министрлiгi органдарының, прокуратура мен оның алқалары, «айрықша кеңестер», «екiлiк», «үштiк», сот қызметiн жүзеге асыратын басқа да органдар шешiмдерi бойынша қылмыстық жазаға тартылғандар.6-бап. Осы Заңның 5-бабында аталған, соттар негiздеп айыптаған, сондай-ақ сот емес органдардың шешiмдерiмен қылмыстық жазаға тартылған, iстерiнде мына төмендегi жасаған қылмыстары жеткiлiктi дәлелденген адамдар ақталуға жатпайды:а) шетелге қашып немесе ұшып кетуден басқа Отанды сатудың барлық формалары; қарулы көтерiлiс немесе қарулы бандылар құрамында Республика аумағына революцияға қарсы мақсатта басып кiру және олар жасаған кiсi өлтiрулерге, басқа да күш көрсету әрекеттерiне; тiмiскiлiк, зорлық-зомбылық, бүлдiру әрекеттерiне қатысу;б) жай халық пен әскери тұтқындарға қатысты күштеу әрекеттерi, сондай-ақ Ұлы Отан соғысы кезiнде осындай әрекеттер жасауына басқыншылар мен Отанын сатқандарға деп берушiлiк;в) қарулы бандыларды ұйымдастыру және олар жасаған кiсi өлтiрулерге, басқа күштеу әрекеттерiне қатысу.Фото: infohub.kz

Бүгін - саяси қуғын-сүргін құрбандарын еске алатын күн

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қазақстан халқына арнаған «Жаңа жағдайдағы Қазақстан: іс- қимыл кезеңі» атты Жолдауында аудандық маңызы бар қалалар, ауылдар, кенттер, ауылдық округтер әкімдерін жергілікті тұрғындардың өздері тікелей сайлайтынын айтып: «Қоғамдық пікір сауалнамалары ауыл әкімдерінің сайлау арқылы қызметке келуіне қатысты сұраныстың артқанын көрсетіп отыр. Бұл маңызды қадамды жан-жақты ойластырып, дәйекті түрде жүзеге асырған жөн. Мұндай жүйенің қалай жұмыс істейтінін нақты білуіміз керек. Алайда, бұл мәселенің шешімін кейінге қалдыруға болмайды. Келесі жылы бірқатар ауылдық округ әкімдерінің өкілеттік мерзімі аяқталады. Ауыл әкімдерінің тікелей сайлауын өткізуге болады деп ойлаймын» деген болатын.Иә, кент пен ауыл әкімдерін тікелей сайлау – Президент реформаларының бірі. Жексенбі күні ауданымыздағы Жосалы кенті, ІІІ Интернационал және Ақжар ауылдық округі әкімінің сайлауы өтті. Таңғы 7.00-де сайлау учаскелері ашылып, тұрғындар дауыс беруге жиналды. Сайлау учаскелері барлық талаптарға сай жабдықталып, бюллетеньдермен қамтылды. Сондай-ақ, мүгедектігі бар азаматтарға қолайлы жағдайлар жасалып, үйден дауыс беруге өтініш қалдырған азаматтар үшін тасымалданатын жәшіктер апарылды.Ауданда өтіп жатқан үш бірдей сайлауға жергілікті тұрғындар жауапкершілікпен қарады. Ерте келген сайлаушыларға да арнайы сыйлықтар берілді. Ел үшін маңызды болған науқанға адамдардың жанашырлығы байқалады.Сайлау науқанына әрдайым қатысып, азаматтық борышымды атқарамын. Сайлау бұл – халықтың пікірін ескеру. Сол үшін бүгін зайыбым Зылиха екеуміз дауысымызды бағдарламасы бізге ұнаған үміткерге бердік. Ел сенімін арқалаған азамат кентіміздің көркеюіне өз үлесін үлес қосады деген сенімдеміз, – дейді кент тұрғындарының бірі Берік Ахметов.&nbsp;

Қармақшылықтар ауыл әкімдерін сайлауға белсене қатысты

<a href="https://kyzylorda-news.kz/">Kyzylorda-news.kz</a> Жаслан Мәдиев Цифрлық даму, инновациялар және аэроғарыш өнеркәсібі министрі болып тағайындалды.<blockquote>«Мемлекет басшысының Жарлығымен Жаслан Хасенұлы Мәдиев Қазақстан Республикасының Цифрлық даму, инновациялар және аэроғарыш өнеркәсібі министрі лауазымына тағайындалды», - деп хабарлады Ақорданың баспасөз қызметі.</blockquote>

Қазақстан және Қызылорда облысының жаңалықтары: Саясат