<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Бауыржан Байбекке «Nur Otan» партиясы Төрағасының бірінші орынбасары лауазымындағы көп жылғы жұмысы үшін алғыс айтты.
Бұл туралы Президенттің баспасөз хатшысы Берік Уәли <a href="https://www.facebook.com/100003403233694/posts/4661431093980286/">Facebook</a>-тегі парақшасында жазды.

Мемлекет басшысы  Бауыржан Байбекке  жұмысы үшін алғыс айтты

<a href="https://kyzylorda-news.kz/">Kyzylorda-news.kz.</a> Мұрат Нұртілеу Қазақстан Республикасы Президенті әкімшілігінің басшысы лауазымына тағайындалды, деп хабарлайды&nbsp;<a href="https://www.akorda.kz/kz">Ақорда.</a>&nbsp;
Мемлекет басшысының өкімімен Мұрат Нұртілеу&nbsp; Ұлттық қауіпсіздік комитеті төрағасының бірінші орынбасары лауазымынан босатылды.
<img src="https://kyzylorda-news.kz/wp-content/uploads/2022/02/fb_img_1643689393504.jpg" alt="" />

Қазақстан президенті әкімшілігінің жаңа басшысы тағайындалды

<a href="https://kyzylorda-news.kz/">Kyzylorda-news.kz.</a> «ҚР Парламенті Мәжілісінің жаңа сайланған Төрағасы Ерлан Жақанұлы Қошанов, деп жазды өзінің <a href="https://www.facebook.com/100003403233694/posts/4658231884300207/">Facebook</a> парақшасында ҚР Президентінің баспасөз хатшысы Берік Уәли.
Ерлан Жақанұлы Қошанов1962 жылы Қарағанды облысында туған.
1984 жылы Қарағанды политехникалық институтын бітірді. 1999 жылы – Қазақ мемлекеттік басқару академиясын бітірді.
Институт бітірген соң Жезқазған кен-металлургия комбинаты байыту фабрикасының слесары, шебері болып істеді. 1988-1990 жж. – жұмыскер және ауыл жастары бөлімінің нұсқаушысы, Қазақстан ЛКЖО Жезқазған облыстық жастар проблемаларының әлеуметтік-экономикалық бөлімінің меңгерушісі.
1990-1995 жж. – Жезқазған облыстық комитетінің сыртқы экономикалық байланыс комитетінің жетекші маманы, бөлім бастығы, төрағасының орынбасары, төрағасы.
1995-1999 жж. – Қазақстан Республикасы Парламент Сенатының депутаты. 1999-2001 жж. – Қазақстан Республикасының Парламентіндегі ҚР Үкіметінің өкілі.
2001-2003 жж. – Қазақстан Республикасы Премьер-Министрі Кеңсесі Басшысының орынбасары – Қазақстан Республикасының Парламентіндегі ҚР Үкіметінің өкілі.
2003-2006 жж. – Қазақстан Республикасының Көлік және коммуникация вице-министрі. 2006-2007 жж. – Қазақстан Республикасы Көлік және коммуникация министрлігінің азаматтық авиация комитетінің төрағасы.
2007-2012 жж. – Қазақстан Республикасы Премьер-Министрі Кеңсесі Басшысының орынбасары – Қазақстан Республикасының Парламентіндегі ҚР Үкіметінің өкілі.
2012-2017 жж. – Қазақстан Республикасы Премьер-Министрі Кеңсесінің Басшысы.
2017-2019 жж. – Қарағанды облысының әкімі.
2019 жылдан бері Мемлекет басшысының Жарлығымен Қазақстан Республикасы Президенті Әкімшілігінің Басшысы қызметін атқарып келді. «Парасат» (2013), «Құрмет» (2007) ордендерімен және мерейтойлық медальдарымен марапатталды.
Қазақ, орыс, неміс тілдерін меңгерген.

ҚР Парламенті Мәжілісінің жаңа төрағасы сайланды

<a href="https://kyzylorda-news.kz/">Kyzylorda-news.kz.</a> 31 қаңтарда партияның Саяси кеңесінің қаулысымен “Nur Otan” партиясының саяси кеңесі бюросының жаңа құрамы бекітілді.&nbsp;
Партияның саяси кеңесінің бюросына келесі адамдар бекітілді:&nbsp;
<ul>
<li>Тоқаев Қасым-Жомарт Кемелұлы – Қазақстан Республикасының&nbsp; президенті, партия төрағасы</li>
<li>Әшімбаев Мәулен Сағатханұлы – Қазақстан Республикасы парламенті сенатының төрағасы&nbsp;</li>
<li>Қошанов Ерлан Жақанұлы Қазақстан – Республикасы президенті әкімшілігінің басшысы&nbsp;</li>
<li>Саиров Ерлан Бияхметұлы Қазақстан – Республикасы парламенті мәжілісінің&nbsp;депутаты</li>
<li>Қыдырәлі Дархан&nbsp;Қуандықұлы – “Егемен Қазақстан”&nbsp; песпубликалық газеті”&nbsp;АҚ басқармасының төрағасы</li>
<li>Өрісбаев Аббат Жәңгірханұлы – Маңғыстау облысы&nbsp;мәслихатының депутаты&nbsp;</li>
<li>Қалтаева&nbsp;Ляззат Молдабекқызы – Қазақстан Республикасы парламенті сенатының&nbsp;депутаты</li>
<li>Зенченко Геннадий Геннадьевич – “Зенченко и К” КС директоры</li>
<li>Паули&nbsp;Элина Сергеевна –&nbsp; “Жастар” ғылыми-зерттеу&nbsp;орталығы директорының&nbsp;орынбасары</li>
</ul>

&#8220;Nur Otan&#8221;: Саяси кеңес бюросының құрамына өзгерістер енгізілді

<a href="https://kyzylorda-news.kz/">Kyzylorda-news.kz.</a> Бүгін «Nur Otan»&nbsp;партиясының кезектен тыс&nbsp;XXI Съезі өтіп, оған еліміздің барлық өңірінен 389 делегат онлайн-форматта қатысты, деп хабарлайды партияның баспасөз қызметі.&nbsp;
Жиын қарсаңында партияның Саяси кеңесінің қаулысымен бекітілген күн тәртібіне сәйкес қатысушылар үш мәселені қарады: 1. Партияның Төрағасын сайлау туралы; 2. Жарғыға өзгерістер мен толықтырулар енгізу туралы; 3. Саяси кеңес құрамына өзгерістер енгізу туралы.
1. Партияның Төрағасын сайлау туралы
Партияның кезектен тыс&nbsp;XXI Съезінің шешімімен елдің Тұңғыш Президенті – Елбасы Нұрсұлтан Әбішұлы Назарбаевтың ұсынысы бойынша Қазақстан Республикасының Президенті Қасым-Жомарт Кемелұлы Тоқаев бірауыздан «Nur Otan» партиясының Төрағасы болып сайланды.
2. Жарғыға өзгерістер енгізу туралы
Осы уақытқа дейін партиялық жарна жалақының ең төменгі мөлшеріне байланыстырылып, ең төменгі жалақының 0,7%-ін немесе жылына 3570 теңгені құрағаны белгілі.&nbsp;
Мемлекет басшысының шешіміне сәйкес осы жылдың қаңтарынан бастап барлық мемлекеттік төлемдерді ең төменгі жалақыға байланыстыру алынып тасталды.&nbsp;
Партия Жарғысына сәйкес партиялық жарнаның мөлшерін бекіту Съездің айрықша құзыретіне жататындықтан, бүгін делегаттар партиялық жарнаны айлық есептік көрсеткішке байланыстыра отырып есептеу туралы шешім қабылдады. Бұл айлық есептік көрсеткіштің 0,1-ін, яғни жылына 3676 теңгені құрайды.&nbsp;
Съездің 389 делегатының 389-ы Жарғыға өзгерістер енгізуге дауыс берді.
3. Партияның Саяси кеңесінің құрамына өзгерістер енгізу туралы
389 делегаттың 389-ы Саяси кеңес құрамының өзгерістеріне дауыс берді.&nbsp;
Оған партия мүшелерінің санына пропорционалды түрде барлық өңірдің өкілдері енді.&nbsp;
Жалпы, партияның жоғары өкілді органы 55%-ке жаңарды.
Әйелдердің үлесі 33,7%-ке дейін өсті. 35 жасқа дейінгі жастардың үлесі 6 есеге, 13%-ке дейін артты. Орташа жас мөлшері 4 жылға төмендеп, 47 жасты құрады. Мемлекеттік қызметшілер саны үштен бірге қысқарды.
Саяси кеңестің құрамында азаматтық сектордың өкілдері айтарлықтай артты.
Білім беру саласының өкілдері 2 есеге (10%) артты. ҮЕҰ мен БАҚ үлесі 2 еседен астамға, 15,2%-ке ұлғайды.&nbsp;
&nbsp;<a href="https://nurotan.kz/api/file/2751668">Партияның Саяси кеңесінің құрамы</a>

Nur Otan партиясының Саяси кеңесінің жаңа құрамы

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Nur Otan партиясының төрағасы қызметінде көп отырмауы мүмкін екенін мәлімдеді, деп хабарлайды ҚазАқпарат.
«Бұл ретте мен Мемлекет басшысы ретінде ашық әрі адал саяси бәсекелестіктің кепілі боламын. Менің конституциялық міндетім – биліктің барлық тармағының келісіп әрекет етуін және мемлекеттік органдардың халық алдындағы жауапкершілігін қамтамасыз ету», – деген Президент бұл жайт оның кез келген партиялар мен қозғалыстардың қызметінен алшақ болу керектігін меңзейтінін ескертті.
«Сондықтан біраз уақыттан кейін, мүмкін, осы жылдың соңына қарай, менің Nur Otan-ға одан әрі төрағалық етуімнің орындылығы туралы мәселеге қайта оралуымыз мүмкін», – деді Мемлекет басшысы.

Қасым-Жомарт Тоқаев: Менің Nur Otan басшылығында қалуым туралы мәселені қайта қарауымыз мүмкін

<a href="https://kyzylorda-news.kz/">Kyzylorda-news.kz.</a> «Nur Otan» партиясының кезектен тыс ХХІ съезінде ҚР Президенті Қасым-Жомарт Тоқаев партия төрағасының бірінші орынбасары лауазымын өзгертуді ұсынды, деп хабарлайды ҚазАқпарат.
«Партия құрылымын қайта қарап және оңтайландыру арқылы өзінің ұйымдастырушылық тиімділігін арттыруы керек. Партия аппаратын сервистік модельге қарай құруға басымдық берілуі тиіс»,- деді ҚР Президенті.
Мемлекет басшысы партияның ұйымдастырушылық құрылымын да қайта қарау керектігін баса айтты.
«Атап айтқанда, партия төрағасының бірінші орынбасарының орнына атқарушы хатшы, сонымен қатар тиісті бағыттар бойынша өзге де хатшылар позициясын қарастыру керек. Партияның жанынан құрылған қоғамдық кеңестер ашық және нақты алаңдарға айналуы, оларда ең өткір тақырыптар бойынша ұсынымдар әзірленуі тиіс. Олар өзекті проблемаларды шешудің іс жүзіндегі шынайы тетігіне трансформациялануы қажет», – деді Қасым-Жомарт Тоқаев.
Айта кетейік, партия съезіндегі Мемлекет басшысының сөйлеген сөзі ҚР Президенті баспасөз қызметінің Twitter-дегі парақшасында жариялануда.

Тоқаев «Nur Otan» партиясы төрағасының бірінші орынбасары лауазымын өзгертуді ұсынды

<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев «Nur Otan» партиясының Төрағасы болып сайланды.
«Қазақстан Республикасының Тұңғыш Президенті – Елбасы Нұрсұлтан Назарбаев Мемлекет басшысы Қасым-Жомарт Тоқаевты «Nur Otan» партиясының Төрағасы етіп сайлау туралы ұсыныс енгізді.», – делінген ҚР Президенті баспасөз қызметінің Twitter-де жариялаған ақпаратында.
Партияның кезектен тыс XXI Съезінің шешімімен Қазақстан Республикасының Президенті Қасым-Жомарт Кемелұлы Тоқаев бірауыздан «Nur Otan» партиясының Төрағасы болып сайланды.

Қасым-Жомарт Тоқаев «Nur Otan» партиясының Төрағасы болып сайланды

<a href="https://kyzylorda-news.kz/">Kyzylorda-news.kz.</a> «Nur Otan» партиясының съезі өтіп жатыр.
<blockquote>
 «Nur Otan» партиясының кезектен тыс XXI Съезі жұмысын бастады. Оған еліміздің барлық өңірінен 389 делегат онлайн-форматта қатысып отыр», – делінген ҚР Президенті баспасөз қызметінің Twitter -де жариялаған ақпаратында.
</blockquote>
Съезге бейнеконференцбайланысы режимінде ел басшылығы, Саяси кеңес мүшелері, аймақтық филиалдар өкілдері, депутаттар мен үкімет мүшелері қатысуда.
Бекітілген күн тәртібіне сәйкес партияның Төрағасын сайлау, Жарғыға өзгерістер мен толықтырулар енгізу, Саяси кеңес құрамына өзгерістер енгізу туралы мәселелер қаралады.

«Nur Otan» партиясының съезі басталды

<a href="https://kyzylorda-news.kz/">Kyzylorda-news.kz.</a> Мемлекет басшысының төрағалығымен Қауіпсіздік Кеңесінің отырысы өтті, деп хабарлайды <a href="https://www.akorda.kz/kz/prezident-kauipsizdik-kenesinin-otyrysyn-otkizdi-2703548">Ақорда</a>.
Онда ұлттық қауіпсіздікті қамтамасыз ету жүйесін қайта құру және нығайту шаралары қарастырылды.
Қауіпсіздік Кеңесінің Төрағасы Қасым-Жомарт Тоқаев қазіргі уақытта елдегі ахуал толығымен тұрақталғанын және құқықтық тәртіп қайта қалпына келгенін атап өтті. Тұлғалардың, қоғам мен мемлекеттің қорғалу деңгейін арттыру үшін барлық шара қабылданып жатыр.
<img src="https://www.akorda.kz/public/assets/media/uploadMedia/1643276624_KZ3_6204.jpg" alt="" />
Президент барлық мемлекеттік органдар өткен оқиғадан сабақ алуға тиіс екенін айтты. Жаңғыртылған ұлттық қауіпсіздік жүйесі сын-қатердің кез келген қиындығына төтеп беруге дайын болуы қажет. &nbsp;
<blockquote>
 – Бұдан былай қылмыстық топтар мен террористер қалаларымызды басып алып, азаматтар мен олардың отбасыларының бейбіт өміріне қол сұғып, мемлекеттілігімізге қауіп төндірмеуі үшін шаралар қабылдауға міндеттіміз. Ұлттық қауіпсіздік жүйесін қайта құру ісінің мақсаты да осы, – деді Қасым-Жомарт Тоқаев.
</blockquote>
Қауіпсіздік Кеңесінің басшысы қауіпсіздікке жауап беретін барлық құрылымның өз жұмыстарын өзгертуі керек екенін атап өтті. Бұл ретте, олардың өзара іс-қимылдары барынша теңгерімді болуға тиіс.
Мемлекет басшысы ұлттық қауіпсіздіктің барлық бағытын нығайту жөніндегі нақты шараларды кешіктірмей жүзеге асыруға кірісуді тапсырды. Қауіпсіздік Кеңесі отырысының барысында ұлттық қауіпсіздік жүйесін реформалауға бағытталған нақты шешімдер қабылданды.

Қасым-Жомарт Тоқаев: Қауіпсіздікке жауап беретін барлық құрылым өз жұмыстарын өзгертуі керек

<a href="https://kyzylorda-news.kz/">Kyzylorda-news.kz.</a> «Nur Otan» партиясы Саяси кеңесінің отырысы өтеді. Бұл туралы партия төрағасының бірінші орынбасары Бауыржан Байбек мәлімдеді.
<blockquote>
 «Nur Otan» Саяси кеңесі Бюросының қаулысымен (Жарғының 9.5. тармағына сәйкес) 27 қаңтарда партияның Саяси кеңесінің отырысын өткізу туралы шешім қабылданды», – деп жазды ол <a href="https://mobile.twitter.com/BauyrzhanBaibek">Twitter-де</a>.
</blockquote>

Ертең «Nur Otan» Саяси кеңесінің отырысы өтеді

<a href="javascript:void(0)"><img src="https://www.akorda.kz/img/close_button.png" alt="Close button" /></a>
<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев Орталық Азия елдері мен Қытай арасындағы дипломатиялық қатынастардың 30 жылдығына орай бейнебайланыс режимінде «Орталық Азия – Қытай» саммитіне қатысты, деп хабарлайды <a href="https://www.akorda.kz/kz/prezident-kasym-zhomart-tokaev-ortalyk-aziya-kytay-atty-memleket-basshylarynyn-sammitine-katysty-2501130">Ақорда</a>.
Іс-шараға Қазақстан Президентінен бөлек, ҚХР төрағасы Си Цзиньпин, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Гурбангулы Бердімұхамедов және Өзбекстан Президенті Шавкат Мирзиёев қатысты.
Қазақстан Президенті сөйлеген сөзінде Қытай басшысының осындай маңызды әрі дер кезінде қолға алынған іс-шараны өткізу туралы бастамасына ризашылығын білдірді.
<blockquote>
 – Біз бірнеше ғасырдан бері тарихи қарым-қатынас орнатып келеміз. Тату көрші болғанымызды және өзара тиімді ынтымақтастықтың осындай табысты тәжірибесін шын жүректен бағалаймыз. Құрметті Төраға Си Цзиньпин, Сіздің беделді және тиімді басқаруыңызбен Қытай Халық Республикасы өзінің дамуында таңғаларлық жетістіктерге жетті. Қытай қазір өрлеудің барлық негізгі көрсеткіштері бойынша әлемдік көшбасшылар тобына кіруге лайық, – деді Мемлекет басшысы.
</blockquote>
Қасым-Жомарт Тоқаев Қазақстан-Қытай ынтымақтастығының зор қарқындылығымен, жоғары сенімге және шынайы тату көршілікке негізделуімен ерекшеленетінін атап өтті.
<blockquote>
 – Бүгінде екіжақты сауда жаңа рекордтық деңгейге жетіп отыр.&nbsp; Өткен жылдың 11 айының қорытындысы бойынша бұл көрсеткіш 17 миллиард долларға дейін жеткен. Қытайдың Орталық Азия елдеріне құйған 40 миллиард доллар инвестициясының жартысы Қазақстанға тиесілі. Сондықтан біздің еліміздің Қытайға аймақтағы ең ірі сауда-инвестициялық серіктес атануы заңды, – деді Президент.
</blockquote>
Президент шетелдік инвесторларды, оның ішінде қытайлық серіктестерін одан әрі жан-жақты қолдауға мүдделі екенін жеткізді.
<blockquote>
 – Қазіргі кезде Қазақстан Үкіметі инвесторларға барынша қолайлы жағдай жасауға бағытталған жаңа инвестициялық саясат әзірлеуде. Мұндай саясат – Қазақстанның жаңа экономикалық бағдарының ажырамас бөлігі, – деді Мемлекет басшысы.
</blockquote>
Қасым-Жомарт Тоқаев энергетика саласындағы өзара ықпалдастықтың және инфрақұрылымдық, оның ішінде «Бір белдеу – бір жол» мегажобасы аясындағы жобаларды іске асырудың стратегиялық сипатын атап өтті. Президенттің айтуынша, өткен 30 жылдың ішінде Орталық Азия мемлекеттері тату көршілікке және бір-біріне тұрақты қолдау көрсетуге негізделген шынайы ынтымақтастық орната алды.
<img src="https://www.akorda.kz/public/assets/media/uploadMedia/1643108068_KZ4_2334.jpg" alt="" />
Мемлекет басшысы Қытайдың БҰҰ Қауіпсіздік Кеңесінің тұрақты мүшесі ретінде еуразиялық кеңістікте бейбітшілікті, қауіпсіздік пен ілгерілеу ісін нығайтуда маңызды рөл атқаратынын айтты. Бұл, әсіресе, терроризм, экстремизм және трансұлттық қылмысқа қарсы күреске байланысты. Бұл ретте, Қасым-Жомарт Тоқаев биылғы қаңтар айының басында елімізге лаңкестердің асқан қаныпезерлікпен шабуыл жасаны туралы айтты.
<blockquote>
 – Мемлекет, ұлт ретінде бұл қайғылы оқиғадан сабақ алдық және тез арада қалпымызға келетініміз сөзсіз. Қазіргі кезде мемлекеттік басқару ісін, ұлттық қауіпсіздік жүйесін және экономикалық саясатты қайта форматтау және реформалау бағытында барынша жұмыс жүргізілуде. Осылайша жаңа Қазақстан құру ісіне кірісіп кеттік, – деді Қазақстан Президенті.
</blockquote>
Мемлекет басшысы Орталық Азияның зор әлеуетін ашуға бағытталған жаңа шешімдер мен тетіктерді іздеу мәселесіне ерекше мән берді. Президенттің айтуынша,&nbsp; соңғы жылдары өңіраралық ынтымақтастық жаңа әрі сапалы деңгейге көтерілді және мемлекеттердің қарқынды және сенімді диалогы, оның ішінде тұрақты консультативті кездесулер форматындағы шаралар негізгі рөл атқарады.
<img src="https://www.akorda.kz/public/assets/media/uploadMedia/1643108068_KZ4_2421.jpg" alt="" />
Сонымен қатар бірлескен кәсіпорындар санының артқаны, өнеркәсіп, энергетика, машина жасау, ауыл шаруашылығы және басқа да секторлардағы маңызды жобалардың іске асырылып жатқаны айтылды. Сауда кедергілері біртіндеп жойылуда. Заманауи өткізу бекеттері ашылып, қосымша әуе және теміржол бағыттары іске қосылып жатыр.
<blockquote>
 – Біз шекарадағы кедендік тәртіпті ретке келтіру үшін заңсыз әрекет етіп, бизнеске түрлі кедергі жасаған теріс пиғылды кәсіпкерлермен күрес жүргізе бастадық. Заңға қайшы мұндай әрекеттермен күрестің нәтижесін жақын арада көретінімізге сенімдімін. Қазақстанға келетін импорттарға және үшінші елдерге жасалатын транзитке зиян келмейді. Үкіметке және құқық қорғау органдарына тиісті тапсырмалар бердім, – деді Қасым-Жомарт Тоқаев.
</blockquote>
Қазақстан Президенті «Орталық Азия – Қытай» өзара іс-қимыл форматының үлкен мүмкіндіктерін тиімді пайдалану қажеттігіне баса мән берді. Осыған байланысты Мемлекет басшысы ортақ мүдделерді ескере отырып, мынадай міндеттерді шешуді назарға алу қажеттігін атап өтті.
Ең алдымен, Мемлекет басшысы сауда-экономикалық ынтымақтастықты одан әрі нығайту үшін барынша күш салу керек екенін айтты. Оның пікірінше, бұл сауда айналымы құрылымын әртараптандыруды, кедергілерді жоюды, кеден ісін ретке келтіруді және инновациялық шешімдер енгізуді көздейді.
<blockquote>
 – Қазақстан Қытайға экспортталатын тауар түрлерін 135-ке жеткізуге әзір, оның ішінде ауыл шаруашылығы және азық-түлік өнімдерінің ақшалай көлемі бір миллиард доллардан асады. Осыған байланысты сауда және көлік бойынша өзара бірлескен тәсілдерді әзірлеу үшін министрліктер деңгейінде «Орталық Азия – Қытай» консультациялар механизмін іске қосуды ұсынамын, – деді Президент.
</blockquote>
<img src="https://www.akorda.kz/public/assets/media/uploadMedia/1643108171_KZ4_2836.jpg" alt="" />
Қасым-Жомарт Тоқаев «Бір белдеу – бір жол» жобасын одан әрі&nbsp; ілгерілетуді, оның ішінде жоғары қосымша құн салығы бар ірі жобаларды іске асыру арқылы бірлескен жұмыстарды жандандыруды екінші міндет ретінде атады.
<blockquote>
 – Ең алдымен, бұл цифрландыру, жасыл технологиялар және инновациялар салаларына қатысты. Себебі Қытайдың бұл салалардағы табысы айқын, – деді Президент.
</blockquote>
Мемлекет басшысы көлік-транзит бағыттарын әртараптандыруды және интеграцияланған логистикалық шешімдерді, соның ішінде жаңа құрлықтық дәліздерді іске қосу арқылы енгізу мәселесін келесі басым міндет ретінде белгілеп берді. Оның айтуынша, Қазақстан осы мақсатқа 2025 жылға дейін 20 миллиард доллар&nbsp; инвестиция салуды жоспарлап отыр. Бұның Қытайдан келетін транзит ағынын кеңейтуге және аймақтағы елдердің артып келе жатқан сұраныстарын қанағаттандыруға ықпал ететіні сөзсіз.
Сонымен қатар Қасым-Жомарт Тоқаев орнықты дамудың жаңа моделін енгізудің, атап айтқанда 2060 жылға қарай экономиканы декарбонизациялаудың және көміртегінен бейтараптыққа қол жеткізудің өзектілігін атап өтіп, осы саладағы тығыз ықпалдастықты жолға қоюды және озық тәжірибелерді алмасуды ұсынды.
Президент аймақтағы қауіпсіздікті қамтамасыз ету мәселесіне арнайы тоқталды. Осы ретте Мемлекет басшысы Азиядағы өзара іс-қимыл және сенім шаралары жөніндегі кеңестің айтарлықтай мүмкіндігіне назар аударды. Мемлекет басшысының айтуынша, АӨСШК-ті трансформациялау ісі қазіргі сын-қатерлер мен қауіптерге қарсы іс-қимыл жөніндегі ұжымдық күш-жігерді сапалы әрі жаңа деңгейге шығаруға мүмкіндік береді.
<img src="https://www.akorda.kz/public/assets/media/uploadMedia/1643109368_KZ3_5250.jpg" alt="" />
Бүгінгі саммит барысында айтылған бастамаларды жүзеге асыру үшін Қасым-Жомарт Тоқаев сыртқы саяси ведомстволардың басшыларына тиісті іс-қимылдар жоспарын қабылдауды және оның сапалы орындалуын қамтамасыз етуге тапсырма беруді ұсынды.
Мемлекет басшысы сөзінің соңында ҚХР Төрағасы Си Цзиньпинді және бүкіл қытай халқын ай күнтізбесі бойынша келе жатқан Жаңа жылмен құттықтап,&nbsp; Бейжіңде өтетін алдағы XXIV Қысқы Олимпиада ойындарының табысты болуына тілектестік білдірді.
<blockquote>
 – Олимпиаданың «Ортақ болашақ үшін бірге!» атты ұраны Орталық Азия мемлекеттері мен Қытайдың орнықты дамуы үшін қолайлы жағдай жасау ісіне темірқазықтай жол сілтесін, – деді Қазақстан Президенті.
</blockquote>
Қасым-Жомарт Тоқаевтың сөзін тыңдаған Си Цзиньпин Қазақстанның тәуелсіздігін, егемендігін және қауіпсіздігін қорғау жөніндегі күш-жігеріне Қытай тарапынан жан-жақты қолдау көрсетілетінін мәлімдеді.
<blockquote>
 – Сіздің сенімді басшылығыңызбен барлық келеңсіздіктің еңсерілетініне, ал Қазақстанның қуаты артып, орнықтылығы күшейе түсетініне сенімдімін, – деді ҚХР Төрағасы.
</blockquote>
Саммит қорытындысы бойынша дипломатиялық қатынастардың 30 жылдығына орай Бірлескен мәлімдеме қабылданды.

Қазақстан және Қызылорда облысының жаңалықтары: Саясат

Мемлекет басшысы Бауыржан Байбекке жұмысы үшін алғыс айтты

Қазақстан президенті әкімшілігінің жаңа басшысы тағайындалды

ҚР Парламенті Мәжілісінің жаңа төрағасы сайланды

“Nur Otan”: Саяси кеңес бюросының құрамына өзгерістер енгізілді

Nur Otan партиясының Саяси кеңесінің жаңа құрамы

Қасым-Жомарт Тоқаев: Менің Nur Otan басшылығында қалуым туралы мәселені қайта қарауымыз мүмкін

Тоқаев «Nur Otan» партиясы төрағасының бірінші орынбасары лауазымын өзгертуді ұсынды

Қасым-Жомарт Тоқаев «Nur Otan» партиясының Төрағасы болып сайланды

«Nur Otan» партиясының съезі басталды

Қасым-Жомарт Тоқаев: Қауіпсіздікке жауап беретін барлық құрылым өз жұмыстарын өзгертуі керек

Ертең «Nur Otan» Саяси кеңесінің отырысы өтеді

Президент Қасым-Жомарт Тоқаев «Орталық Азия – Қытай» атты мемлекет басшыларының саммитіне қатысты

Қазақстан және Қызылорда облысының жаңалықтары: Саясат

Мемлекет басшысы Бауыржан Байбекке жұмысы үшін алғыс айтты

Қазақстан президенті әкімшілігінің жаңа басшысы тағайындалды

ҚР Парламенті Мәжілісінің жаңа төрағасы сайланды

&#8220;Nur Otan&#8221;: Саяси кеңес бюросының құрамына өзгерістер енгізілді

Nur Otan партиясының Саяси кеңесінің жаңа құрамы

Қасым-Жомарт Тоқаев: Менің Nur Otan басшылығында қалуым туралы мәселені қайта қарауымыз мүмкін

Тоқаев «Nur Otan» партиясы төрағасының бірінші орынбасары лауазымын өзгертуді ұсынды

Қасым-Жомарт Тоқаев «Nur Otan» партиясының Төрағасы болып сайланды

«Nur Otan» партиясының съезі басталды

Қасым-Жомарт Тоқаев: Қауіпсіздікке жауап беретін барлық құрылым өз жұмыстарын өзгертуі керек

Ертең «Nur Otan» Саяси кеңесінің отырысы өтеді

Президент Қасым-Жомарт Тоқаев «Орталық Азия – Қытай» атты мемлекет басшыларының саммитіне қатысты

“Nur Otan”: Саяси кеңес бюросының құрамына өзгерістер енгізілді