<a href="https://kyzylorda-news.kz/">Kyzylorda-news.kz.</a> Мемлекет басшысының төрағалығымен Қауіпсіздік Кеңесінің отырысы өтті, деп хабарлайды <a href="https://www.akorda.kz/kz/prezident-kauipsizdik-kenesinin-otyrysyn-otkizdi-2703548">Ақорда</a>.
Онда ұлттық қауіпсіздікті қамтамасыз ету жүйесін қайта құру және нығайту шаралары қарастырылды.
Қауіпсіздік Кеңесінің Төрағасы Қасым-Жомарт Тоқаев қазіргі уақытта елдегі ахуал толығымен тұрақталғанын және құқықтық тәртіп қайта қалпына келгенін атап өтті. Тұлғалардың, қоғам мен мемлекеттің қорғалу деңгейін арттыру үшін барлық шара қабылданып жатыр.
<img src="https://www.akorda.kz/public/assets/media/uploadMedia/1643276624_KZ3_6204.jpg" alt="" />
Президент барлық мемлекеттік органдар өткен оқиғадан сабақ алуға тиіс екенін айтты. Жаңғыртылған ұлттық қауіпсіздік жүйесі сын-қатердің кез келген қиындығына төтеп беруге дайын болуы қажет. &nbsp;
<blockquote>
 – Бұдан былай қылмыстық топтар мен террористер қалаларымызды басып алып, азаматтар мен олардың отбасыларының бейбіт өміріне қол сұғып, мемлекеттілігімізге қауіп төндірмеуі үшін шаралар қабылдауға міндеттіміз. Ұлттық қауіпсіздік жүйесін қайта құру ісінің мақсаты да осы, – деді Қасым-Жомарт Тоқаев.
</blockquote>
Қауіпсіздік Кеңесінің басшысы қауіпсіздікке жауап беретін барлық құрылымның өз жұмыстарын өзгертуі керек екенін атап өтті. Бұл ретте, олардың өзара іс-қимылдары барынша теңгерімді болуға тиіс.
Мемлекет басшысы ұлттық қауіпсіздіктің барлық бағытын нығайту жөніндегі нақты шараларды кешіктірмей жүзеге асыруға кірісуді тапсырды. Қауіпсіздік Кеңесі отырысының барысында ұлттық қауіпсіздік жүйесін реформалауға бағытталған нақты шешімдер қабылданды.

Қасым-Жомарт Тоқаев: Қауіпсіздікке жауап беретін барлық құрылым өз жұмыстарын өзгертуі керек

<a href="https://kyzylorda-news.kz/">Kyzylorda-news.kz.</a> «Nur Otan» партиясы Саяси кеңесінің отырысы өтеді. Бұл туралы партия төрағасының бірінші орынбасары Бауыржан Байбек мәлімдеді.
<blockquote>
 «Nur Otan» Саяси кеңесі Бюросының қаулысымен (Жарғының 9.5. тармағына сәйкес) 27 қаңтарда партияның Саяси кеңесінің отырысын өткізу туралы шешім қабылданды», – деп жазды ол <a href="https://mobile.twitter.com/BauyrzhanBaibek">Twitter-де</a>.
</blockquote>

Ертең «Nur Otan» Саяси кеңесінің отырысы өтеді

<a href="javascript:void(0)"><img src="https://www.akorda.kz/img/close_button.png" alt="Close button" /></a>
<a href="https://kyzylorda-news.kz/">Kyzylorda-news.kz.</a> Қасым-Жомарт Тоқаев Орталық Азия елдері мен Қытай арасындағы дипломатиялық қатынастардың 30 жылдығына орай бейнебайланыс режимінде «Орталық Азия – Қытай» саммитіне қатысты, деп хабарлайды <a href="https://www.akorda.kz/kz/prezident-kasym-zhomart-tokaev-ortalyk-aziya-kytay-atty-memleket-basshylarynyn-sammitine-katysty-2501130">Ақорда</a>.
Іс-шараға Қазақстан Президентінен бөлек, ҚХР төрағасы Си Цзиньпин, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Гурбангулы Бердімұхамедов және Өзбекстан Президенті Шавкат Мирзиёев қатысты.
Қазақстан Президенті сөйлеген сөзінде Қытай басшысының осындай маңызды әрі дер кезінде қолға алынған іс-шараны өткізу туралы бастамасына ризашылығын білдірді.
<blockquote>
 – Біз бірнеше ғасырдан бері тарихи қарым-қатынас орнатып келеміз. Тату көрші болғанымызды және өзара тиімді ынтымақтастықтың осындай табысты тәжірибесін шын жүректен бағалаймыз. Құрметті Төраға Си Цзиньпин, Сіздің беделді және тиімді басқаруыңызбен Қытай Халық Республикасы өзінің дамуында таңғаларлық жетістіктерге жетті. Қытай қазір өрлеудің барлық негізгі көрсеткіштері бойынша әлемдік көшбасшылар тобына кіруге лайық, – деді Мемлекет басшысы.
</blockquote>
Қасым-Жомарт Тоқаев Қазақстан-Қытай ынтымақтастығының зор қарқындылығымен, жоғары сенімге және шынайы тату көршілікке негізделуімен ерекшеленетінін атап өтті.
<blockquote>
 – Бүгінде екіжақты сауда жаңа рекордтық деңгейге жетіп отыр.&nbsp; Өткен жылдың 11 айының қорытындысы бойынша бұл көрсеткіш 17 миллиард долларға дейін жеткен. Қытайдың Орталық Азия елдеріне құйған 40 миллиард доллар инвестициясының жартысы Қазақстанға тиесілі. Сондықтан біздің еліміздің Қытайға аймақтағы ең ірі сауда-инвестициялық серіктес атануы заңды, – деді Президент.
</blockquote>
Президент шетелдік инвесторларды, оның ішінде қытайлық серіктестерін одан әрі жан-жақты қолдауға мүдделі екенін жеткізді.
<blockquote>
 – Қазіргі кезде Қазақстан Үкіметі инвесторларға барынша қолайлы жағдай жасауға бағытталған жаңа инвестициялық саясат әзірлеуде. Мұндай саясат – Қазақстанның жаңа экономикалық бағдарының ажырамас бөлігі, – деді Мемлекет басшысы.
</blockquote>
Қасым-Жомарт Тоқаев энергетика саласындағы өзара ықпалдастықтың және инфрақұрылымдық, оның ішінде «Бір белдеу – бір жол» мегажобасы аясындағы жобаларды іске асырудың стратегиялық сипатын атап өтті. Президенттің айтуынша, өткен 30 жылдың ішінде Орталық Азия мемлекеттері тату көршілікке және бір-біріне тұрақты қолдау көрсетуге негізделген шынайы ынтымақтастық орната алды.
<img src="https://www.akorda.kz/public/assets/media/uploadMedia/1643108068_KZ4_2334.jpg" alt="" />
Мемлекет басшысы Қытайдың БҰҰ Қауіпсіздік Кеңесінің тұрақты мүшесі ретінде еуразиялық кеңістікте бейбітшілікті, қауіпсіздік пен ілгерілеу ісін нығайтуда маңызды рөл атқаратынын айтты. Бұл, әсіресе, терроризм, экстремизм және трансұлттық қылмысқа қарсы күреске байланысты. Бұл ретте, Қасым-Жомарт Тоқаев биылғы қаңтар айының басында елімізге лаңкестердің асқан қаныпезерлікпен шабуыл жасаны туралы айтты.
<blockquote>
 – Мемлекет, ұлт ретінде бұл қайғылы оқиғадан сабақ алдық және тез арада қалпымызға келетініміз сөзсіз. Қазіргі кезде мемлекеттік басқару ісін, ұлттық қауіпсіздік жүйесін және экономикалық саясатты қайта форматтау және реформалау бағытында барынша жұмыс жүргізілуде. Осылайша жаңа Қазақстан құру ісіне кірісіп кеттік, – деді Қазақстан Президенті.
</blockquote>
Мемлекет басшысы Орталық Азияның зор әлеуетін ашуға бағытталған жаңа шешімдер мен тетіктерді іздеу мәселесіне ерекше мән берді. Президенттің айтуынша,&nbsp; соңғы жылдары өңіраралық ынтымақтастық жаңа әрі сапалы деңгейге көтерілді және мемлекеттердің қарқынды және сенімді диалогы, оның ішінде тұрақты консультативті кездесулер форматындағы шаралар негізгі рөл атқарады.
<img src="https://www.akorda.kz/public/assets/media/uploadMedia/1643108068_KZ4_2421.jpg" alt="" />
Сонымен қатар бірлескен кәсіпорындар санының артқаны, өнеркәсіп, энергетика, машина жасау, ауыл шаруашылығы және басқа да секторлардағы маңызды жобалардың іске асырылып жатқаны айтылды. Сауда кедергілері біртіндеп жойылуда. Заманауи өткізу бекеттері ашылып, қосымша әуе және теміржол бағыттары іске қосылып жатыр.
<blockquote>
 – Біз шекарадағы кедендік тәртіпті ретке келтіру үшін заңсыз әрекет етіп, бизнеске түрлі кедергі жасаған теріс пиғылды кәсіпкерлермен күрес жүргізе бастадық. Заңға қайшы мұндай әрекеттермен күрестің нәтижесін жақын арада көретінімізге сенімдімін. Қазақстанға келетін импорттарға және үшінші елдерге жасалатын транзитке зиян келмейді. Үкіметке және құқық қорғау органдарына тиісті тапсырмалар бердім, – деді Қасым-Жомарт Тоқаев.
</blockquote>
Қазақстан Президенті «Орталық Азия – Қытай» өзара іс-қимыл форматының үлкен мүмкіндіктерін тиімді пайдалану қажеттігіне баса мән берді. Осыған байланысты Мемлекет басшысы ортақ мүдделерді ескере отырып, мынадай міндеттерді шешуді назарға алу қажеттігін атап өтті.
Ең алдымен, Мемлекет басшысы сауда-экономикалық ынтымақтастықты одан әрі нығайту үшін барынша күш салу керек екенін айтты. Оның пікірінше, бұл сауда айналымы құрылымын әртараптандыруды, кедергілерді жоюды, кеден ісін ретке келтіруді және инновациялық шешімдер енгізуді көздейді.
<blockquote>
 – Қазақстан Қытайға экспортталатын тауар түрлерін 135-ке жеткізуге әзір, оның ішінде ауыл шаруашылығы және азық-түлік өнімдерінің ақшалай көлемі бір миллиард доллардан асады. Осыған байланысты сауда және көлік бойынша өзара бірлескен тәсілдерді әзірлеу үшін министрліктер деңгейінде «Орталық Азия – Қытай» консультациялар механизмін іске қосуды ұсынамын, – деді Президент.
</blockquote>
<img src="https://www.akorda.kz/public/assets/media/uploadMedia/1643108171_KZ4_2836.jpg" alt="" />
Қасым-Жомарт Тоқаев «Бір белдеу – бір жол» жобасын одан әрі&nbsp; ілгерілетуді, оның ішінде жоғары қосымша құн салығы бар ірі жобаларды іске асыру арқылы бірлескен жұмыстарды жандандыруды екінші міндет ретінде атады.
<blockquote>
 – Ең алдымен, бұл цифрландыру, жасыл технологиялар және инновациялар салаларына қатысты. Себебі Қытайдың бұл салалардағы табысы айқын, – деді Президент.
</blockquote>
Мемлекет басшысы көлік-транзит бағыттарын әртараптандыруды және интеграцияланған логистикалық шешімдерді, соның ішінде жаңа құрлықтық дәліздерді іске қосу арқылы енгізу мәселесін келесі басым міндет ретінде белгілеп берді. Оның айтуынша, Қазақстан осы мақсатқа 2025 жылға дейін 20 миллиард доллар&nbsp; инвестиция салуды жоспарлап отыр. Бұның Қытайдан келетін транзит ағынын кеңейтуге және аймақтағы елдердің артып келе жатқан сұраныстарын қанағаттандыруға ықпал ететіні сөзсіз.
Сонымен қатар Қасым-Жомарт Тоқаев орнықты дамудың жаңа моделін енгізудің, атап айтқанда 2060 жылға қарай экономиканы декарбонизациялаудың және көміртегінен бейтараптыққа қол жеткізудің өзектілігін атап өтіп, осы саладағы тығыз ықпалдастықты жолға қоюды және озық тәжірибелерді алмасуды ұсынды.
Президент аймақтағы қауіпсіздікті қамтамасыз ету мәселесіне арнайы тоқталды. Осы ретте Мемлекет басшысы Азиядағы өзара іс-қимыл және сенім шаралары жөніндегі кеңестің айтарлықтай мүмкіндігіне назар аударды. Мемлекет басшысының айтуынша, АӨСШК-ті трансформациялау ісі қазіргі сын-қатерлер мен қауіптерге қарсы іс-қимыл жөніндегі ұжымдық күш-жігерді сапалы әрі жаңа деңгейге шығаруға мүмкіндік береді.
<img src="https://www.akorda.kz/public/assets/media/uploadMedia/1643109368_KZ3_5250.jpg" alt="" />
Бүгінгі саммит барысында айтылған бастамаларды жүзеге асыру үшін Қасым-Жомарт Тоқаев сыртқы саяси ведомстволардың басшыларына тиісті іс-қимылдар жоспарын қабылдауды және оның сапалы орындалуын қамтамасыз етуге тапсырма беруді ұсынды.
Мемлекет басшысы сөзінің соңында ҚХР Төрағасы Си Цзиньпинді және бүкіл қытай халқын ай күнтізбесі бойынша келе жатқан Жаңа жылмен құттықтап,&nbsp; Бейжіңде өтетін алдағы XXIV Қысқы Олимпиада ойындарының табысты болуына тілектестік білдірді.
<blockquote>
 – Олимпиаданың «Ортақ болашақ үшін бірге!» атты ұраны Орталық Азия мемлекеттері мен Қытайдың орнықты дамуы үшін қолайлы жағдай жасау ісіне темірқазықтай жол сілтесін, – деді Қазақстан Президенті.
</blockquote>
Қасым-Жомарт Тоқаевтың сөзін тыңдаған Си Цзиньпин Қазақстанның тәуелсіздігін, егемендігін және қауіпсіздігін қорғау жөніндегі күш-жігеріне Қытай тарапынан жан-жақты қолдау көрсетілетінін мәлімдеді.
<blockquote>
 – Сіздің сенімді басшылығыңызбен барлық келеңсіздіктің еңсерілетініне, ал Қазақстанның қуаты артып, орнықтылығы күшейе түсетініне сенімдімін, – деді ҚХР Төрағасы.
</blockquote>
Саммит қорытындысы бойынша дипломатиялық қатынастардың 30 жылдығына орай Бірлескен мәлімдеме қабылданды.

Президент Қасым-Жомарт Тоқаев «Орталық Азия – Қытай» атты мемлекет басшыларының саммитіне қатысты

Мемлекет басшысы отандық бизнес өкілдерімен кездесті

Kyzylorda-news.kz. Президент елдің адам құқықтары бойынша ұстанған және саяси жаңғыруға негізделген бағыты сақталатыны туралы мәлімдеді.
<blockquote>
 «Қазақстан халықаралық міндеттемелеріне және адам құқықтары мен заң үстемдігі саласындағы әмбебап қағидаттарға бейілдігін сақтайды. Біз саяси жаңғыруға негізделген бағытымызды ешқашан өзгертпейміз», – деп жазды Мемлекет басшысы Twitter желісіндегі парақшасында.
</blockquote>

Қасым-Жомарт Тоқаев: Біз саяси жаңғыруға негізделген бағытымызды ешқашан өзгертпейміз

<a href="https://kyzylorda-news.kz/">Kyzylorda-news.kz.</a> «Nur Otan» партиясының кезектен тыс XXI Съезі өткізіледі, деп мәлімдеді партия төрағасының бірінші орынбасары Бауыржан Байбек.
<blockquote>
 «Nur Otan» партиясы Саяси кеңесінің қаулысымен 2022 жылғы 28 қаңтарда партияның кезектен тыс XXI Съезін өткізу туралы шешім қабылданды. Коронавируске байланысты шектеу шараларын ескере отырып, ол онлайн-форматта өтеді», – деп жазды Б.Байбек <a href="https://mobile.twitter.com/BauyrzhanBaibek">Twitter</a>-де.
</blockquote>

28 қаңтарда «Nur Otan» партиясының кезектен тыс съезі өтеді

<a href="https://kyzylorda-news.kz/">Kyzylorda-news.kz.</a> ҚР Президентінің Жарлығымен Руслан Фатихұлы Жақсылықов Қазақстан Республикасының Қорғаныс министрі лауазымына тағайындалды, деп хабарлайды Ақорда.
«Руслан Фатихұлы Жақсылықов Қазақстан Республикасының Қорғаныс министрі лауазымына тағайындалсын», – делінген ҚР Президентінің жарлығында.
Сонымен қатар Мемлекет басшысының өкімімен Руслан Фатихұлы Жақсылықов Қазақстан Республикасы Ішкі істер министрінің орынбасары – Ұлттық ұланның Бас қолбасшысы лауазымынан босатылды.

ҚР Қорғаныс министрі  тағайындалды

<a href="https://kyzylorda-news.kz/">Kyzylorda-news.kz.</a> Nur Otan партиясы кезектен тыс съезге дайындықты бастап кетті. Бұл туралы партия төрағасының бірінші орынбасары Бауыржан Байбек мәлімдеді, деп хабарлайды Sputnik Қазақстан.
Ол Елбасы құрған Nur Otan партиясы елдің бірлігі мен қоғамның тұрақтылығына бағытталған жұмысын одан әрі жалғастыруы керек екенін атап өтті.
<blockquote>
 “Қазіргі таңда біз алда болатын кезектен тыс Съезд жұмысына дайындықты бастап кеттік”, – деді Байбек бейнебайланыс режимінде партияның өңірлік филиалдарымен өткен жиналыста.
</blockquote>
Ол қаңтардың қасіретті күндерінде Назарбаевтың баршаны президент Қасым-Жомарт Тоқаевтың маңайына топтасып, елдің амандығы мен бірлігін сақтап қалу үшін бірге әрекет етуге үндегенін еске салды.
<blockquote>
 “Кім не десе де, Nur Otan партиясы – президент жариялаған реформаларды толық және сапалы жүзеге асыруға әлеуеті толық жететін бірден-бір қоғамдық-саяси күш. Партиямыз мемлекет басшысы алға қойған міндеттерді орындау үшін бар күш-жігерін – қоғамдық ұйымдарды, депутаттық фракцияларды, түрлі қызметте жүрген 800 мыңға тарта барлық мүшесін ортақ мақсатқа жұмылдыруға дайын”,– деп түйіндеді Байбек.
</blockquote>

Nur Otan партиясы кезектен тыс съезге дайындалып жатыр

<a href="https://kyzylorda-news.kz/">Kyzylorda-news.kz.</a> Қазақстан Республикасының Тұңғыш Президенті – Елбасы Нұрсұлтан Назарбаев Қазақстан халқына үндеу жасады, деп хабарлайды elbasy.kz сайты.
***
Құрметті отандастар!
Ардақты ағайын! 2022 жыл халқымыз үшін күрделі де қатерлі сынақтан басталды.
Баршаңызға мәлім, ұйымдасқан экстремистік топтар елімізде жаппай тәртіпсіздік орнатып, террористік шабуыл жасады.
Соның салдарынан бейбіт тұрғындарымыз зардап шекті.
Қасіретті оқиға кезінде қаза болғандардың жақындары мен туған-туыстарының қайғысына ортақтасып, көңіл айтамын.
Лаңкестер елдігіміз бен егемендігімізге, тыныштығымыз бен тұтастығымызға қауіп төндіріп, жұрттың берекесін қашырды.
Президентіміз Қасым-Жомарт Кемелұлы Тоқаевтың шұғыл шешімдерінің арқасында ел іргесі сөгілген жоқ.
Мемлекет басшысын қолдау – баршамыздың азаматтық борышымыз.
Ендігі кезекте осы оқиғадан сабақ алып, мұндай бассыздыққа жол бермеуге тиіспіз.
Бабаларымыз ғасырлар бойы аңсаған тәуелсіздіктің отыз жылы ішінде атқарған істеріміз аз емес.
Қазақстан әлемге танылған еңселі елге айналды.
Ұлан-ғайыр шекарамыз түбегейлі бекітілді.
Елімізде іргелі реформалар жүзеге асып, Орталық Азияда көш бастадық.
Еуразия жүрегінде, Сарыарқа төсінде жаңа астанамыз бой көтерді.
Бірлік барда ешбір жау сағымызды сындыра алмас.

Елбасы Қазақстан халқына үндеу жасады

Kyzylorda-news.kz. Алматыдан Ұжымдық қауіпсіздік шарты ұйымының ресейлік бітімгершілік күштері елдеріне оралды. Бұл туралы Ресей қорғаныс министрлігінің баспасөз қызметі мәлім етті, деп хабарлайды&nbsp;<a href="https://stan.kz/">Stan.kz</a>.&nbsp;
Мәскеу облысына Ресей Аэроғарыш күштерінің әскери-көлік авиациясының&nbsp;18 Ил-76 ұшағы ұшып келді. Ресейліктер Мәскеу облысындағы Чкаловский әуежайына қайта оралатыны атап өтілді.
<hr />
ҰҚШҰ бітімгершілік күштері Қазақстан президенті Қасым-Жомарт Тоқаев өз миссиясының аяқталғанын жариялағаннан кейін 13 қаңтарда Қазақстаннан кете бастады. Әскерилерді қайтарудың соңғы процесі 19 қаңтарда аяқталуы тиіс.
Айта кетсек, Ақтауда&nbsp;2 қаңтарда автокөлік газы&nbsp;бағасының күрт көтерілуіне байланысты жаппай наразылық басталды. Маңғыстау облысында басталған ереуіл еліміз бойынша жаппай тәртіпсіздіктерге ұласты. Осыған орай Қазақстандағы&nbsp;жағдайды тұрақтандыру үшін бітімгершілік миссиясы жіберілді.

Ресейлік бітімгершілік күштері Қазақстаннан кетті

<a href="https://kyzylorda-news.kz/">Kyzylorda-news.kz.</a>&nbsp; «Біздің бірлігіміз – орталық биліктің айналасына топтасуда ғана емес, біздің бірлігіміз – қоғам болып топтасуымызда. Бірінші кезекте, біз – Қоғамдық сенім кеңесі екенімізді ұмытпауымыз керек. Яғни, біз қандай да бір мемлекеттік органның мүддесін қорғамаймыз, бізде қандай да бір билік өкілеттіктері жоқ. Біз өз пікіріміз арқылы халықтың кейбір топтарының, әрқайсымыздың мүдделерімізді жеткіземіз», – деп бастады өз сөзін «Media Holding»Atameken Business» ЖШС Бас директоры Орталық коммуникациялар қызметі алаңында өткен дөңгелек үстел отырысында.
Қанат Сахариянов көптеген кәсіпкерлермен, өте бай, орта және шағын бизнес өкілдерімен сөйлескенін айтты. Барлығы бизнес орталық органдардың шешімдерін бірауыздан қолдайды деп мәлімдеген.
<blockquote>
 «Бизнесмендер құрылған қорға міндетті түрде қаржы салады. Себебі осы шабуылдар кезінде қиын жағдайға тап болған шағын бизнеске көмектесу керек. Бұл бір. Екіншіден, президент айтқандай, бұл жарналар тұрақты болуы тиіс, яғни бұл жай ғана «қазір шыққан өртті сөндіріп тастау» ғана емес, бұл біршама жүйелі, өткір әлеуметтік мәселелерді шешуге бағытталған ұзаққа созылатын әрекет. Жақында ғана «ҚазАзот» басшысы осы Қорға 500 млн теңге салғанын білесіздер. Яғни, мен айтқым кеп отырғаны, біз қазір қоғамды «оң» және «оң емес», «кедей» және «бай» деп бөлмеуіміз керек. Президенттің мәлімдемесінен кейін олигархтарға қарсы толқулар басталды. Олигархтар да біздің қоғамның бір бөлігі, егер әр мемлекеттің тарихын қарасаңыз, онда мұндай кезеңдер әр елде болды. Батыста шамамен 100 жыл бұрын. Ал бізде қазір болып жатыр. Біз ұлттық қоғамдық сенім кеңесінің мүшелері ретінде қоғамның жіктелуіне жол бермеуіміз керек. Қазіргі кезде қоғамды біріктіру бағытында жұмыс жүргізуіміз керек. Депутаттық корпусқа алғысымды білдіргім келеді, өйткені бұл күндері мүмкіндік пайда болған кезде барлығы бірден үн қатып, бізге эфирге келді. Бізге көп депутаттар келді, азаматтық белсенділік танытқандарыңыз үшін рахмет. Мен барлық фракциялар туралы айтып отырмын. Ең өткір сұрақтар қойылды, ең өткір пікірлер айтылды. Депутаттық корпус жаңа қырынан көрінді деп айтар едім. Менің ойымша, біз осы бағыттағы жұмысты жалғастырамыз. Біз жеке меншікті тәуелсіз арнамыз, сондықтан эфирде барлық пікірлердің айтылуына жол береміз. Біз мұны өз миссиямыз деп санаймыз», – деп түйіндеді спикер.
</blockquote>

Қанат Сахариянов: Қоғамның жіктелуіне жол бермеуіміз керек

<a href="https://kyzylorda-news.kz/">Kyzylorda-news.kz.</a>&nbsp; Жаңа үкіметке жаңа адамдар келіп, жаңа Қазақстанды құратын симбиоз болады деп үміттенеміз. Қазақстанның жаңартылатын энергетика қауымдастығының бас директоры Арман Қашқынбеков осылай деп есептейді. Ұлттық қоғамдық сенім кеңесінің мүшесі Орталық коммуникациялар қызметі алаңында сөз сөйлеп, күрделі міндетті қалай шешуге болатынын айтып берді.
<blockquote>
 &nbsp;«Экология және тұрақты даму мәселелері әрдайым еліміздің күн тәртібінде. Біз қай елде тұратынымызды, қайда ұмтылатынымызды білеміз – бұл таза, экологиялық, «жасыл» Қазақстан. Президент ештеңеге қарамастан, ілгерілеуді жалғастыратын міндет қойды: бұл 2060 жылға қарай декарбонизация, жаңартылатын энергия үлесін арттыру, ESG, SDG параметрлері мен түсініктерін енгізу (БҰҰ-ның 17 тұрақты даму мақсаттары). Онда іс жүзінде бүкіл әлем мен әрбір мемлекет ұмтылатын барлық нәрсе жазылған. Бұл сапалы білім беру, медицина, таза энергетика, халық табысының артуы, осы параметрлер әрдайым өзекті болады. Сондықтан біз жақында ғана таныстырылған үкімет кәсіпқойлардан тұрады деп үміттенеміз (әрине, онда жаңа адамдар жоқ деген наразылық болды), бірақ реформалар процесі бір күндік емес екенін түсінуіміз керек және онда жаңа көзқарастағы, оның ішінде мемлекеттік қызметте жұмыс тәжірибесі жоқ жеке сектордан жаңа адамдар және жаңа «жасыл» Қазақстанды құратын осындай симбиоз болады деп сенеміз. Бұл міндет оңай емес», – деп атап өтті спикер. &nbsp;&nbsp;
</blockquote>
Сондай-ақ, ол бұл проблеманы жою үшін және болашақта бұған жол бермес үшін көрсетілген наразылықтардың бейбіт және қауіпсіздік саласындағы себептерін емес, салдарын талдау маңызды екенін жеткізді.

Қазақстан және Қызылорда облысының жаңалықтары: Саясат