<a href="https://kyzylorda-news.kz/">Kyzylorda-news.kz.</a> Қазақстан Халық партиясы төрағасының орынбасары, Мәжіліс депутаттығына кандидат Хаким Көшқалиев және ҚХП Атырау облыстық филиалының төрағасы, Мәжіліс депутаттығына кандидат Балжан Досмұхамбетова Атырау қаласында спорт саласының өкілдерімен жүздесті.Кездесу барысында спикерлер партияның сайлауалды бағдарламасымен таныстырды.<blockquote>– Қазақстан Халық партиясы социал-демокра­тиялық бағыттағы саяси күш ретінде еңбек адамы­ның құқықтарын қорғайды және ел азамат­тарының басым көпшілігінің мүддесін білдіреді. Өздеріңіз байқағандай, партия – адамзат үшін асыл құндылық денсаулық пен білімді тегін етуді талап етіп отырған негізгі саяси күш. Барлық деңгейдегі әкімдерді тікелей дауыс беру арқылы халық сайлауы керек, міндетін лайықты атқара алмаған жағдайда кері қайтаруға құзыреті болуға тиіс. Бір сөзбен айтқанда, билік халықтың қолында болуы керек. Ал Халық партиясы «Әділ Президент – ықпалды Парламент – халықтық Үкімет» құрамын ұсынып отыр, – деді Х.Көшқалиев.</blockquote>Өз сөзінде Х.Көшқалиев Президент Қ.Тоқаевтың реформалары әділетті қоғам құрудың алғы­шарты екенін атап өтті.<blockquote>– Реформалардың түпкі мақсаты – адам мен азамат, оның құқығы мен бостандығы барлығынан жоғары тұратын нағыз халықтық мемлекет құру. Осы орайда «Конституцияның 3-бабына сәйкес мемлекеттік биліктің бірден-бір бастауы – халық. Ол тиісті өкілеттіктерді бере отырып, биліктің заң шығарушы, атқарушы және сот билігі сынды 3 тармағын қалыптастырады, – деді кандидат.</blockquote>Оның айтуынша, барлық деңгейдегі мәслихат­тар атқарушы биліктен тәуелсіз жұмыс істеп, дербес қаржыландырылуы, ғимараты мен мүлкі болуы керек. Бұл үшін республикалық бюджетке өзгеріс енгізу қажет. Әкімдер жергілікті мәслихаттарға толық есеп беруге тиіс. Басқосу барысында алдағы сайлаудың әділетті өтуінің бірден-бір себебі – дауыстардың ұрланбауы деп түсіндірді кандидат:<blockquote>– Ол үшін сайлаушылардың саусақ ізін қолдану арқылы сайлау дауысын бұрмалаудың алдын алу ең тиімді шешімі болып саналады. Тек осылай ғана біз халықтың әділдікке деген сенімін қайтарамыз, – деді ол.</blockquote>&nbsp;

Мәслихаттар тәуелсіз болғаны жөн

<a href="https://kyzylorda-news.kz/">Kyzylorda-news.kz.</a> «Байтақ» партиясы атынан Парламент Мәжілісінің депутаттығына кандидат Қайрат Айтбай Түркістан облысына барды. Ол Түлкібас ауданына қарасты Рысқұл, Қожамберді, Көктерек, Түлкібас, Майтөбе, Көксағыз, Кемербастау, Елтай, Ақсу-Жабағылы елді мекендері тұрғындарымен және Ақсу-Жабағылы қорығының қызметкерлерімен кездесу өткізді.Кездесуге «Байтақ» партиясы Түркістан облысы филиалының төрағасы Нәлібай Бекжан, партияның тізіміне енгізілген Сейдулла Исмайлов, кандидаттар Ерлік Құлжан, Ерік Оспанов, Әлішер Есмағанбетов және Түлкібас ауданы бойынша штаб мүшелері қатысып, тұрғындармен пікір алмасты. Кездесу барысында аудан тұрғындары тарапынан экологиялық және әлеуметтік мәселелер жөнінде бірқатар сұрақ қойылып, ұсыныстар тыңдалды.<blockquote>– Мен де осы Түлкібастың тумасымын. Бізді қоршаған тау мен тастың қай қайсысы болсын, біздің балалық шағымыздың куәсі. Түлкібас ауданы – арнайы қорғалатын қорық аумағы­­мен астасып жатқан аудан. Өкініш­тісі, ауданы­мыздың бренді болған алмасы, қызғал­дағы, жан-жануары мен құстары бүгінде жойылып кетудің аз-ақ алдында тұр. Оны сақтап, болашақ ұрпаққа жеткізу сіз бен біздің қолымызда, – деді Қайрат Айтбай.</blockquote>Бұдан кейін республикалық штаб басшылығы Ақсу-Жабағылы табиғи қорығы қызметкер­лері­мен жүздесіп, мұражайды аралады. Экология­лық мәселелерді талқылады. Кейін Түлкібас ауданындағы табиғи газды тасымалдаумен айналысатын компанияға атбасын бұрып, сала мамандарына алдағы науқанның маңыздылығы түсіндірілді. Өңірде өндіріс ошақтары көп болғандықтан қазір экологиялық мәселелер де қордаланып келеді. Қоршаған ортаның тазалығы ауылдағы ағайын үшін маңызды. Сондықтан партия белсенділері аудандағы цемент және әк өндіретін зауытта болды. Еңбек ұжымымен кездесіп, тұғырнаманың негізгі бағыттары таныс­тырылды.Айта кетейік, өткен ғасырдың 50-жылдары негізі қаланған өндіріс ошағы қазір жылына 500 мың тонна цемент, 120 мың тонна әк өндіреді. 600 адамды жұмыспен қамтып отыр.

Табиғатты бірге қорғайық! 

<a href="https://kyzylorda-news.kz/">Kyzylorda-news.kz.</a> Сенат төрағасы Мәулен Әшімбаев­тың қа­ты­суымен «Ұлттық мүдде» диа­лог ала­ңы­ның кезекті отырысы өтті. Іс-ша­ра «Әділетті Қазақстанның ор­­тақ құн­дылықтары» тақырыбына арналды.Отырысқа қатысқан зиялы қауым өкіл­дері мен сарапшылар елімізде жүргізіл­ген қоғам­дық-саяси реформалардың нәтижелерін талқылады. Сондай-ақ Әділетті Қазақстан және интеллектуалды ұлт қалыптастыру барысындағы ұлттық құндылықтардың рөліне кеңінен тоқталды. Диалог алаңының жұмы­сын бастаған Мәулен Әшімбаев еліміз­де Мем­лекет басшысы Қасым-Жомарт Тоқаев­тың бастамасымен ауқымды реформалар жүргізіліп жатқанын атап өтті. Сондай-ақ ол Конституцияға енгізілген өзгеріс­тер Әді­лет­ті Қазақстан құру жолындағы маңыз­ды қадамдар болғанын тілге тиек етті. Сенат төрағасы заң шығару саласын­дағы жаңа­шыл­­дықтарға да назар аударды. Соның аясында бүгінде Сенат өңірлердің мүддесін қорғайтын Палата ретінде қалыптасып жатқаны белгілі.<blockquote>– Әділетті Қазақстан дегеніміз – бірінші кезек­те, барлық салаға әділеттілік қағидатын енгізу. Осы бағыттағы ортақ мақсаттарға қол жеткізу үшін мемлекеттік институттар мен азаматтық қоғамның күшін біріктіріп, әр істе ұлттық мүдде тұрғысынан саралап әрекет ету аса маңызды. Бүгінгідей сындарлы кезеңде ұлтты ұйытатын ортақ құндылықтарды дәріптеудің берері мол деп есептейміз, – деді Мәулен Әшімбаев.</blockquote>Өз сөзінде Палата спикері негізгі және халықтың мүддесі мен бүгінгі сұраныстарына сай келетін құндылықтар жөнінде айтты.<blockquote>– Бүгінгі тақырып туралы сөз қозғаған кезде «біздің ортақ құндылықтарымыз қандай?» деген заңды сауал туындайды. Бұл тұрғыда әркім әртүрлі көзқарас ұстануы мүмкін. Бірақ негізгі қағидалар бойынша бәріміздің пікіріміз бір жерден шығады деп ойлаймын. Біздің қоғамды Тәуелсіздік, әділеттілік, татулық, білім, еңбек және өзара жауапкершілік сияқты құндылықтар біріктіреді, – деді Мәулен Әшімбаев.</blockquote>Сонымен қатар отырыс барысында ортақ құндылықтарды дәріптеудің тетіктері туралы да сөз болды. Қатысушы­лар ұлттық мүддеге табан тірейтін дұрыс құндылықтарды өске­лең ұрпаққа, жас­тарға насихаттау кезін­де жүйелі жұмыс жүр­гізу және тиімді жолын табу аса маңыз­ды екенін айтты. Одан бөлек, медиасарапшылар мен креативті индуст­рияның өкілдері контенттердің жаңа үлгісін және оларды таратудың заманауи тәсілдерін ұсынды.Мәулен Әшімбаев талқылау барысында айтылған ұсыныстардың бәрі Сенаттың алдағы жұмысында ескерілетінін жеткізді.<blockquote>– Әділетті Қазақстан құру бастамасы елдігіміз бен егемендігіміз үшін аса маңызды қадам. Оны іске асыру тек мемлекеттің ғана мін­деті емес. Бұл – бүкіл ұлт болып жұмы­ла­тын маңызды міндет. Осы жолда ортақ құн­ды­лықтарды қалыптастырып, оларды дәріптеудің ұтым­ды, заманауи тетіктері мен формаларын табудың мәні зор. Бұл бағытта зиялы қауым, ғалымдар, мемлекеттік органдар, креативті индустрия мен өнер саласында қызмет етіп жүрген азаматтар, қоғамдық ұйымдар бірлесіп, бәріміз бірге нәтижелі еңбек етеміз деп сенемін, – деген Сенат төрағасы барша қатысушыларға белсенділік танытқандары үшін алғыс білдірді.</blockquote>Диалог алаңының отырысына сенаторлармен бірге мемлекет және қоғам қайраткері Дархан Мыңбай, Ұлттық спорт қауымдастығының президенті Ислам­­бек Салжанов, «Bilim Media Group» ком­пания­сының директоры Рауан Кенжехан­ұлы, медиасарапшы Мақпал Жұма­бай, мультипликатор, халықаралық кинофес­тивальдердің лауреаты Сақиолла Қасиет тағы басқа сарапшылар қатысты.Талқылауда медиасарапшы Мақпал Жұ­ма­бай мәдени креатив индустриясын дамы­туға қатысты өз ұсыныстарын ортаға салды.<blockquote>– Еліміздегі креатив индустрияның басым бағыты болып отырған IT саласын мә­дени креатив индустриядан ажырата білу қажет. Қазір ІТ саласын дамытудағы озық тәжірибелерді креатив индустрияға қол­­дану арқылы оны барынша жылдам дамы­ту­ға мүмкіндік бар. Сәтті жүзеге асы­рыл­ған ІТ хабтар тәжірибесінің негізінде креатив хабтарды дамыту ұсынысы бар. Креатив хаб дегеніміз шығармашылық және зияткерлік әлеуеті айқын көріне­тін өнер мамандары шоғырланып, қайта­лан­бас интелллектуалдық туындылар жасайтын, қоғамды рухани өркендеуге бастайтын креаторлардың тамыр жаятын жері. Бұл жерде адамзатқа ортақ мәдени құндылықтар өмірге келеді, – деді өз сөзінде медиасарапшы.</blockquote>

«Ұлттық мүдде» – рухани құндылықтар алаңы

<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы атынан Қызылорда облыстық мәслихатына үміткерлер «Көпбейінді облыстық аурухана» ұжымымен кездесу өткізді.Кандидаттар М.Нәлібаев, Ж.Қожарипова, А.Қасымова, М.Жұмаділдаев, Н.Шамұратов, Р.Базарбай партияның сайлауалды бағдарламасымен таныстырып, дансаулық сақтау саласын жетілдіруге қатысты атқарылатын жұмыстарды жеткізді.Кездесу барысында мамандар тапшылығы, ауруларды ерте диагностикалау және азаматтарды дәрі-дәрмекпен қамтамасыз ету проблемаларының баршылығы, «AMANAT» партиясы қазақстандық медицинаның жоғары стандарттарға сәйкес келуін және әрбір азамат денсаулық сақтаудың озық тәжірибелеріне тең қол жеткізетіндігін қолдайтыны, өңіріміз үшін жүрек-қан тамырлар және онкологиялық аурулары өзекті болып тұрғандығы турасында мәселелер талқыланды.<blockquote>«Жалпы «AMANAT» еліміздің белсенді партиясы ретінде халықпен байланысын үзген емес. Содан болар, партиямыздың 2027 жылға дейінгі сайлауалды бағдарламасы «Халықпен бірге!» деп аталды. Өз кезегінде, сайлауалды бағдарлама негізінде көпшілікті толғандырған мәселелерге жауап іздеп, оларды шешуге барынша атсалыспақпыз. Әсіресе ақ халатты абзал жандардың әлеуетін арттыруға, тар шеңберлі мамандарды даярлауда бірқатар бастамалар қолға алынбақ», - деді облыстық мәслихат депутаттығына үміткер Гүлшат Мұсаева.&nbsp;</blockquote>Депутаттыққа үміткер Мақсұт Нәлібаев кездесуде денсаулық сақтау саласындағы дәрігерлердің еңбек жағдайын көтеруді, сондай-ақ медицина қызметкерлерінің мәртебесін көтеру &nbsp;партия үшін негізгі мақсаттардың бірі екенін атап өтті.Жанат Кожарипова ұзақ жылдар бойы жинақтаған тәжірибесі мен біліктілігін пайдаланып қоғамдағы өзекті мәселелерді шешуге депутаттық қызмет арқылы атсалысуға бел байлағанын жеткізді. Осы жолда өзінің азаматтық ұстанымы мен саяси көзқарастары сай келетін «AMANAT» партиясымен бірге болуды таңдағанын айтып, дәрігерлерді аталған саяси партияға дауыс беруге шақырды.<blockquote>«Алдағы бес жылда аймағымызда 30 денсаулық сақтау нысанын салынады. &nbsp;Бұған дейін 6 медициналық нысан пайдалануға берілді. Сонымен қатар 26 білім беру нысаны және 4300 орынға 43 балабақша ашылады. Мұның барлығы халықтың жайлы өмір сүруінің айнымас шарты. Сол себепті партия алдағы уақытта жүйелі жұмыстың артуына ықпал етуге бар күшін салғалы отыр», – деді кездесу барысында Айсұлу Қасымова.</blockquote>Кездесуде сала мамандары өздерін толғандырған сауалдарын қойып, ұсыныстарын білдірді.Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді<figure class="image"><img src="https://knadmin.beoblood.kz/uploads/Amanat2_d654b7278f.jpg" alt="Аманат2.jpg"></figure><figure class="image"><img src="https://knadmin.beoblood.kz/uploads/Amanat1_885574d72e.jpg" alt="Аманат1.jpg"></figure>

Үміткерлер «Көпбейінді облыстық аурухана» ұжымымен кездесті

<a href="https://kyzylorda-news.kz/">Kyzylorda-news.kz.</a> «AMANAT» партиясының облыстық сайлауалды штабының мүшелері, &nbsp;«Қызылорда су жүйесі» мемлекеттік коммуналдық кәсіпорнына келді. Ұжыммен кездесу барысында партия кандидаттары өңірімізге су жинағыш нысан салудың маңызы, Арал теңізінің солтүстік бөлігін сақтау жөніндегі түйінді мәселелерді талқылады.&nbsp;Қызылорда облысы күріштің 90%-ын беріп отыр десек, мұның бәрі Сырдың ырысы екені анық. Сырдың суы Аралдың толқындарымен қауышып, теңіз жағалаған жұрттың қуанышы болатын. Қазір Арал теңізі мен Арал қаласының арасы жүздеген шақырымдық құмды төбеге айналып, «Үлкен Аралдан» біржолата айырылып қалдық. Ендігі міндет – «Кіші Аралды» сақтап қалу.Облыстық мәслихат депутаттығына кандидат Гүлнар Есқалиева бүгінгі таңда облыс тұрғындардың 97,8% орталықтандырылған сумен қамтамасыз етілген. Партия алдағы уақытта облыс халқын 100% сапалы ауыз сумен қамтылуы үшін 32 елді мекенді сапалы ауыз сумен қамтамасыз етуге ықпал ететіндігін атап өтті.<blockquote>«2021 жылы Арал теңізіне қажетті су көлемінің тек 15,6%, яғни 1,2 млрд. текше метр судың 199 млн. Текше метрі ғана түсті. Сол жылы Арал өңірінде қуаңшылық салдарынан жайылымдық жерлер құрғап, мал шығыны орын алып, төтенше жағдай жариялануы судың деңгейіне әсер еткені анық. Өткен 2022 жылы Сырдария өзенінен теңізге жоспарланған мөлшердің тек 16%-ы түсті. Біле білсек, Сыр өңірінің экономикалық және экологиялық жағдайы, халқының тыныс-тіршілігі Сырдария өзенінің сулығына және Арал теңізінің жағдайына тікелей байланысты. Дегенмен су тапшылығын азайтуда күріштіктің көлемін азайту керек дегенді жиі естиміз. Әрине, суды үнемдеу маңызды. Алайда күрішсіз Қызылорда облысының экологиялық ахуалы нашарлап, топырақ тұзданып, жарамсыз оазиске айналады», -деді үміткер Батырхан Базарбаев.</blockquote>Кездесу барысында партия атынан бір мандаттық сайлау округтері бойынша мәслихат депутаттығына үміткерлер де өз бағдарламаларымен танысытырып, ұжым қызметкерлерін «AMANAT» партиясын қолдап дауыс беруге шақырды.<figure class="image"><img src="https://knadmin.beoblood.kz/uploads/amanat_5cacd2e897.jpg" alt="аманат.jpg"></figure><figure class="image"><img src="https://knadmin.beoblood.kz/uploads/amanat1_0e6c5ba1f3.jpg" alt="аманат1.jpg"></figure>Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді

«AMANAT»: Арал теңізінің солтүстік бөлігін қалпына келтіру маңызды міндеттердің бірі

<a href="https://kyzylorda-news.kz/">Kyzylorda-news.kz.</a>&nbsp; Жалпыұлттық социал-демократиялық партиясының тізімі бойынша Парламент Мәжілісінің депутаттығына кандидат Мақсұт Насибулов Астанада жұмыссыз жүрген азаматтармен кездесті.Кездесу барысында жұмыспен қамтумен қатар, азаматтардың несие берешегі туралы мәселелер көтерілді. Кандидаттың мәліметінше, 7,4 млн азаматтың басында кем дегенде бір несие бар. Жыл сайын бұл көрсеткіш артпаса, төмендеген емес. Мәселен, соңғы 12 айдың қорытындысы бойынша несие алған отандастарымыздың саны 962 мыңға артқан.<blockquote>«Бұл мәселені тұрғындардың әлеуметтік жағдайын арттыру арқылы реттеуге болады. Ол үшін нарықта сұранысқа сай мамандықтарды оқытуды мықтап қолға алған жөн. Оқу ақысын субсидиялау сияқты қаржылық проблемалардың да шешілуі маңызды», – деді Мақсұт Насибулов.</blockquote>Кездесуде жастарды баспанамен қамту мәселесі де сөз болды. Еліміздің бараз өңірінде, соның ішінде Алматы қаласында жастар үшін баспана – ең өзекті мәселе. Қалада пәтердің бағасы тым жоғары. Әрине, еңбек жолын енді ғана бастаған жастар бірден пәтер сатып ала алмайтыны түсінікті. Бірақ солай екен деп еш қарекетсіз қол қусырып отыруға болмайды. Жастардың баспана алуына жан-жақты жағдай жасау керек. Бұл – мемлекеттің басты міндетінің бірі. Осы орайда Жалпыұлттық социал-демократиялық партиясы жергілікті әкімдіктер тиімді тәсілдер ойластыруы керек деп есептейді.<blockquote>«Әкімдік жалға берілетін тұрғын-үй салу үшін инвесторларға тартымды болатын тиімді тәсілдерді ойластыруға тиіс. Бірақ жалдамалы үйлер тым қымбатқа түспеуі керек. Ондай пәтерлер, ең алдымен, қолжетімді болуға тиіс. Жалпы, жастар үшін бас­паналы болу қол жетпес арманға айналмауы керек. Басында баспанасы бар жастардың ертеңгі күнге деген сенімі артады. Қалаларда тұрғын-үй тапшылығын азайту – аса маңызды міндет», – дейді кандидат.</blockquote>Мақсұт Насибулов халықтың басым бөлігінің кедейлігі туралы мәселені көтерді. Оның айтуынша, халықтың жаппай кедейлігі мемлекетке өте қымбатқа түседі. «Бұл ретте, мәселені шешу үшін тың тетіктерді іске қосу маңызды», деді ол.&nbsp;

Баспана тапшылығын азайту – басты міндет

<a href="https://kyzylorda-news.kz/">Kyzylorda-news.kz.</a>&nbsp; Азат Перуашев бастаған «Ақ жол» партиясының республикалық штаб мүшелері Алматы облысына барды. Олар «Rollton» және «Bigbon» брендтерімен өнім шығаратын Қонаев қаласындағы «Маревен Фуд» компаниясының еңбек ұжымымен кездесті.Мұнда жылына 40 мың тоннадан асатын 65 түрлі өнім шығарылады. Кәсіпорында 850 қызметкер жұмыс істейді, өндірген өнімдері оннан астам алыс және жақын шетелге экспортталып отыр.<blockquote>« «Ақ жол» партиясы – кәсіпкерлер мен отандық тауар өндірушілердің өкілі. Біз бизнестің мүдделерін қорғау және ілгерілету үшін көп жұмыс атқарып келеміз. Бұған дейін сіздердің компанияларыңыз «Ақ жол» партиясына кірістер органдарының экспортталатын өнімге қосымша құн салығын қайтарудан бас тарту мәселесімен жүгінген еді. Біз Бас прокурор мен Жоғарғы сотқа дейін жеттік, кәсіпорын талабының дұрыстығы дәлелденді. Партия алдағы уақытта да компанияның дамуын қадағалап, қажет болған жағдайда мұндай маңызды инвестициялық жобаны жүзеге асыруға көмектеседі. Оның үстіне, мәселе азық-түлік тауарлары бағасының инфляциясы соңғы жылдары қатты байқалған тамақ өнеркәсібі туралы болып отыр», – деді Азат Перуашев.</blockquote>Кездесу барысында «Ақ жол» лидері партияның саяси бағдарламасының басым бағыттарын атап өтті. Ол адал бәсекелестік, әлеуметтік саясат, сыбайлас жемқорлықпен күрес, былтырғы конституциялық реформа және шетелге заңсыз шығарылған қаржыны елге қайтару мәселелеріне жан-жақты тоқталды. Кездесу емін-еркін пікір алмасуға ұласып, компания қызметкерлері несиенің қолжетімділігі, тұрғын үй бағасы, балалар жәрдемақысы туралы сұрақтар қойды. Бағаны ұстап тұру мәселесіне қатысты «Ақ жол» төрағасы Ұлттық банктің базалық мөлшерлемені көтеріп, несиені қымбаттату саясатын сынға алды.<blockquote>«Бұл жерде екі маңызды жайт бар: біріншісі – нарықты отандық тауарлармен толтыру. Екіншісі – ақшаның құны. Өйткені нарықтағы жағдай тауар мен ақша массасының арақатынасы­мен анықталады. Ақша көп, ал тауар аз болған жағдайда, сәйкесінше тауар қымбаттайды. Ал ақша аз, тауар көп болғанда, керісінше, кері үдеріс жүреді. Бізде мынадай жағдай: бүгінде Ұлттық банк базалық мөлшерлемені көтеру, яғни ақша массасын азайту арқылы бағаның өсуін тежеуге тырысып отыр», – деді А.Перуашев.</blockquote>

Кәсіпкерлер құқығы қорғалады

<a href="https://kyzylorda-news.kz/">Kyzylorda-news.kz.</a> Астана қаласында «Байтақ» партиясының ұйымдастыруымен өткен «ЭкоХакатон» акциясы қоғам назарын қоқыс мәселесіне аударуды көздеді.Жер бетіндегі күрделі экологиялық ахуалдың бірі – қалдықтардың жайы. Технологиялық үдерістің нәтижесінде көп нәрсе қолжетімді. Солардың ішінде жүздеген жылдан астам уақыт сақталатын полиэтилен пакеттері, пластикалық бөтелкелер бар. Дүниежүзілік банктің есебінше, 2050 жылға қарай әлемдегі тұрмыстық қалдықтың көлемі 3,4 млрд тоннаға жетеді. Бұл келешекте Жер планетасының үлкен қоқыс полигонына айналатынын білдіреді. Бірқатар дамушы елде қалдықты бөліп жинау мәдениеті әлі күнге жолға қойылмаған. Өкінішке қарай, бұл қатарда Қазақстан да бар.Студенттермен кездесу барысында партия мүшесі және экобелсенді Мирас Аббасов саналы тұтынуға көшудің маңыздылығын атап өтті.<blockquote>«Қазіргі күні әлемді маркетолог мамандар билеп, өз тауарларын ұсынады. Ал біз өз кезегімізде нақтылай заттардың қаншалықты қажеті бар екенін санамыздан өткізуіміз керек. Мысалы, бір джинсы шалбар шығару сегіз мың литр суды қажет етеді және оған басқа да ресурстар қажет. Сондықтан әр затты алмас бұрын ой таразысынан өткізу керек», деді ол.</blockquote>Астана қаласында әзірге бір ғана қоқыс өңдейтін зауыт бар. Екіншісі әзірге жоспарда ғана тұр.&nbsp;<blockquote>«Қала көшелерінде ұшып жүрген пакеттер мен шашылып жатқан пластикалық бөтелкелерді реттеу үшін «ЭкоХакатон» қатысушылары жабық қоқыс жәшігін орнатуды ұсынды. Күн сайын Астанада 50 мың полиэтилен өнімі қоқысқа жөнелтіледі», деді М.Аббасов.</blockquote>Студенттерді мазалайтын экологиялық мәселелер – Есіл өзенінің ластануы мен Талдыкөл тағдыры. Сондай-ақ жастар қала тұрғындарының экобел­сенділігін арттыру мақсатында сенбілік­тердің форматын өзгертіп, экоквест, марафон сияқты қызықты іс-шараларды өткізуді ұсынды.<blockquote>«Байтақ» партиясының жасыл экономика бо­йынша хатшысы Шыңғыс Лепсібаев партияның Астана аумағында ғана емес Қазақстан бойынша экологиялық жағдайды жақсартудың жос­парымен бөлісті. Байтақтар көгалдандыру мен тұрғын үй-коммуналдық шаруашылығы саласында жаңа тәсілдерді қолдайды. Бар болғаны төрт жыл көлемінде партия мүшелері халықаралық стандартқа сәйкес келетін қала көрінісін көгал­дандыруды жоспарлап отыр.</blockquote>

Қалдықсыз қоғам қалыптастыруымыз керек 

<a href="https://kyzylorda-news.kz/">Kyzylorda-news.kz.</a> Қазақстан Халық партиясы Астана қалалық филиалының үгіт-насихат тобы «ҚТЖ – Жүк тасымалы» ЖШС ұжымымен кездесті. Парламент Мәжілісінің депутаттығына кандидаттар теміржолшыларды партияның сайлауалды бағдарламасын таныстырды.Партия өкілдері Әділетті Қазақстанның басты байлығы адам екенін атап өтті. «Халық партиясы – социал-демократиялық бағыттағы саяси күш. Ол халықтың мүддесін білдіреді. Жаңа Қазақстанға жалдамалы қызметкерлердің әлеуметтік және еңбек құқығын тиісінше қорғайтын жаңа Еңбек кодексі қажет», деді Астана қалалық мәслихатының депутаттығына үміткер Дархан Рамазанов.Партия еңбек адамын үнемі назарда ұстайды. Партия жаңа Еңбек кодексін қабылдауды талап етеді. «Жүк тасымалы саласында нәзік жандардың да ең­бек ететінін білеміз. Әйелдерге 63 жасқа дейін жұ­мыс істеу оңай емес. Сондықтан біз әйелдерді 58 жас­та зейнетке шығаруды талап етеміз», деді Парла­мент Мәжілісіне кандидат Нұрдәулет Оразханов.Ал Парламент Мәжілісінің депутаттығына үміткер Ирина Смирнова Көкшетаудағы «Евразия групп Қазақстан» компаниясының ұжымымен кездесіп, жиналғандарды партияның сайлауалды бағдарламасымен таныстырды.И.Смирнова партия елде қалыптасқан жүйені өзгертуді талап ететінін, ал халық сапалы медицина мен білімге қол жеткізгісі келетінін айтты. ҚХП сайлауалды бағдарламасында жастарды тұрғын үймен қамту ұсынылған. Ол үш санат бойынша жүзеге асады. Біріншісі – кейіннен сатып алу мүмкіндігімен жалға берілетін тұрғын үй. Баспананы жалға алу мерзімі – 14 жыл. Екіншісі – ипотекалық бағдарлама арқылы жылдық 4%-бен қолжетімді тұрғын үй. Баспананы сатып алу мерзімі – 14 жыл. Үшіншісі – ҚХП бағдарламасына сәйкес келетін басқа құрылыс салушылардан жаңа баспана және қайталама нарықтағы тұрғын үй. Мұнда да ипотекалық бағдарлама арқылы жылдық 4%-бен сатып алу мүмкіндігі қарастырылады. Сондай-ақ тұрғын үй алаңы 40 шаршы метрден 78 шаршы метрге дейін болуы шарт. Тұрғын үй кілті мемлекет ас үй сөрелерімен, кір жуғыш машинасымен, пешпен қамтамасыз етілгеннен кейін тапсырылуы қажет және тұрғын үйлерге іргелес аумақ балалар алаңдарымен, автотұрақ орындарымен жабдықталуға тиіс. «Біз жастардың сапалы өмір сүруіне жағдай жасауымыз керек», деді И.Смирнова.

Еңбек адамының жағдайы үнемі назарда

<a href="https://kyzylorda-news.kz/">Kyzylorda-news.kz.</a>&nbsp; «Respublica» партиясы атынан сайлауға түсетін кандидаттар небәрі 4 күннің ішінде 10 мың қазақстандықпен кездесті. Бүгінде еліміз бойынша 20 облыстық штаб жұмысын жалғастырып жатыр.Жақында «Respublica» партиясының төраға­лары мен кандидаттары Тараз қаласына барды. Мұнда жер­гілікті кәсіпкерлер, түрлі саладағы компа­ния­лардың еңбек ұжымдарымен кездесулер өтті. Көп­шіліктің алдында партия төрағасы Айдарбек Қожа­назаров, тең төраға Сырымбек Тау, Мәжіліс депу­тат­тығына кандидаттар – Қуаныш Шонбай, Қыр­мызы Жандосова, Екатерина Смолякова, Әсел Дә­кен, Олжас Болатбекұлы және Бақытбек Хамит сөз сөй­леді. Олар партия бағдарламасымен танысты­рып, «Елде нені өзгерту қажет?» деген сауалды талқылады.<blockquote>«Рас, біздің саясатта тәжірибеміз жоқ. Бірақ уәде беріп, кейін оны орындамай қалудан тәжірибеміз жоқ. Сіздерге беретін жалғыз уәдеміз мынау: Сіз «Respublica» партиясынан тек шындықты естисіз, кейде бұл шындық ащы болуы мүмкін», деді А.Қожаназаров.</blockquote>Екатерина Смолякова адамдарға өзгерістерге үміт сыйлайтын жаңа партия құрғаны үшін әріп­тес­теріне алғыс айтты. «Мен – қазақ тілі мен әде­бие­ті пәнінің мұғалімімін. Жастармен жұмыс істеу­де10 жылдан астам тәжірибем бар. Екі бала­ның анасымын. Балаларымның болашағын өзіме үл­гі бо­лат­ын адамдарға сенімді түрде тапсыр­ғым келеді, сол үшін де осы партияның қатарына қосы­­лып, өзгерістерге атсалыспақпын», деді Е.Смолякова.Партияның тең төрағасы Сырымбек Тау Қазақ­станда ауқымды реформалар жүргізілу керектігін айтты. Ең алдымен, қарызға белшесінен батқан ел азаматтарының жағдайын жақсартуға баса назар аудару керек. Ол ел тұрғындарының, тіпті азық-түлік алу үшін де несие алатынына қынжылды.Ал Алматы облысының Кербұлақ ауданында өткен кездесуде партияның тең төрағасы, Мәжіліс депутаттығына кандидат Динара Шүкіжанова: «Қазіргі сайлау кезеңі еліміз үшін ерекше, өйткені көп жылдардан бері алғаш рет жаңа партиялар тіркеліп, саяси науқанға белсенді түрде қатысып жатыр. Біз – «Respublica» партиясы, бизнес өкілдері, саяси аренаға жаңадан қадам басқанымызға қарамастан елді қалай өзгерту керектігін білеміз. Біз шын жүректен азат және гүлденген Қазақстанда өмір сүргіміз келеді», деді.

Өзгеріс ел өмірін жақсартады

<a href="https://kyzylorda-news.kz/">Kyzylorda-news.kz.</a>&nbsp; «Amanat» партиясының республикалық сайлауалды штабының мүшелері өңірлерде сайлаушылармен кездесуді жалғастырып келеді. Бұл жолы аманаттықтар Қарағанды облысында болып, тұрғындарды сайлауалды бағдарламасымен таныстырды.Теміртауда экологтар, қала белсенділері және өнеркәсіп кәсіпорындарының өкілдерімен кездесу барысында партияның «Халықпен бірге!» сайлауалды бағдарламасында көрсетілген экологиялық ахуалды жақсарту шаралары талқыланды.<blockquote>«Экология – азаматтардың өмір сүру сапасына әсер ететін маңызды факторлардың бірі. Сондықтан біздің сайлауалды бағдар­ламамыздың бүтіндей бір бөлімі қоршаған ортаны қорғауға арналып отыр. Біз өндіруші және энергетикалық компаниялардың заңнама аясында жұмыс істеуін қадағалаймыз. Заң талаптарын айналып өткісі келетіндерге мүмкін­дік берілмейді», – деді партия төрағасы Ерлан Қошанов.</blockquote>Сондай-ақ құжатта ластану деңгейі жоғары елді мекендердегі кәсіпорындардан шығатын қалдықтардың нормативін 40 пайызға дейін төмендету көзделген. Су балансын сақтау үшін 14 жаңа су қоймасын салу және жұмыс істеп тұрған 16 су қоймасын қайта жаңарту жоспарланып отыр.Костенко атындағы шахтада партиялықтар көмір өндірушілер мен металлургтер кәсіподақ ұйымдарының өкілдерімен кездесті. «Біліктілігі шетелдіктермен бірдей қазақстандық мамандар олармен тең жалақы алатын болады. Партиялықтар зиянды және қауіпті өндірістерде жұмыс істейтін жұмысшылардың зейнетке ерте шығу мүмкіндігіне қол жеткізеді. Еліміздің барлық кәсіпорнында еңбек медицинасы қызметі іске қосылады», деді партия басшылығы.Бұдан соң партиялықтар Қарағанды қаласын­дағы «Сұрыптау» теміржол стансасының еңбек ұжымымен көлік және логистика саласындағы өзекті мәселелерді талқылады.Сайлауалды бағдарламада еліміздегі темір­жолдарда пайдаланылатын отандық материал­дардың үлесін ұлғайту көзделіп отыр. Ескі вагондар Қазақстанда өндірілген жаңа вагондарға ауыстырылады.

Экология ахуалы талқыланды

<a href="https://kyzylorda-news.kz/">Kyzylorda-news.kz.</a>&nbsp; «Ауыл» партиясынан Парламент Мәжілісінің депутаттығына және жергілікті мәслихаттарға кандидаттар үгіт-насихат жұмысын Семей қаласындағы қоғамдық көліктерде жүргізді. Іс-шараға Мәжіліс депутаттығына кандидат – Қайрат Айтуғанов, Серік Егізбаев, Дәурен Рахымбек, Дәулеткерей Кәпұлы және Жандос Тұрсынғалиев қатысты.Парламент Мәжілісінің депутаттығына «Ауыл» партиясы атынан түсетін кандидаттар мен жергілікті мәслихаттар депутаттығына үміткерлер үгіт-насихат жұмысын күндізгі сағат 11.00-де қоғамдық қөліктердің соңғы аялдамасынан бастады. Алдымен автобустарды «Ауыл» партиясының сайлауға қатысты «Ауыл төрге шықсын!» сияқты ұрандар жазылған жарнамамен әрледі. Кейін кандидаттар мен белсенділер үш топқа бөлініп, қала тұрғындарымен, жолаушылармен кездесті. Іс-шара аясында автобусқа кірген жолаушыларға партияның сайлауалды бағдарламасының негізгі бағыттары түсіндірілді. Халық­тан жергілікті атқарушы органның жұмы­сын жақсартуға арналған ұсыныстарды жинады.<blockquote>«Партия әкімдер мен мәслихат депутаттары­ның халық алдындағы дербес жауапкершілі­гін күшейтеді. Ол үшін жергілікті мемлекет­тік басқару және өзін-өзі басқару туралы заңнаманы түбегейлі қайта қарайды. Олар халық алдындағы міндеттерін орындамаған жағдайда ең қатаң шараларды қолдануға қол жеткізеді», – деді Парламент Мәжілісі сайлауына «Ауыл» партиясы атынан түсетін кандидат Дәулеткерей Кәпұлы.</blockquote>Кейін кандидаттар автобустар тиесілі автопаркке барып, көлік жүргізушілерімен кездесті. Көлік жүргізушілері өздерін толғандыратын мәселелермен, атап өтсек, жалақы, еңбек жағдай­лары, жұмыс жүктемесі туралы сұрақтар­мен бөлісіп, еңбек адамының мәртебесін көтеру туралы ұсыныстарын партия өкілдеріне жеткізді.Кандидат Қайрат Айтуғановтың айтуынша, «Ауыл» партиясы Мәжіліске барғанда еңбек адамына ерекше құқықтық мәртебе беруге қол жеткізеді. Партияның ауылдықтарға ғана емес, қалалықтарға да ұсынатын көптеген бағыты бар екенін атап өтті. «Қуатты ауыл – елдің сенімді тірегі. Біз азық-түлік нарығынан артық делдалдарды ығыстыру үшін бар күшімізді саламыз. Фермерлерді ірі сауда орталықтарына мүмкіндігінше жақындатамыз», деді кандидат.

Қазақстан және Қызылорда облысының жаңалықтары: Саясат