<a href="https://kyzylorda-news.kz/">Kyzylorda-news.kz.</a> «Ауыл» партиясынан түрлі деңгейдегі жергілікті мәслихаттарға кандидат Асқар Болатбек, Әлия Аяпбергенова, Абзал Жиенбаев, Байқоңыр Сейдалин, Гүлназ Омарова, Балтабек Жоламанұлы Ұлытау облысында зиялы қауым өкілдерімен кездесті.Кандидаттардың зиялы қауым өкілдерімен және ауылдық мәдениет үйлері­нің қызмет­керлерімен кездесуі «Ұлытау – ұлт ұйытқысы» тақырыбында өтті. Кандидаттар үгіт-насихат жұмыс­тарын жүргізіп, қатысушылармен ауыл­дағы мәдениет саласына қажет қолдау туралы сөз қозғады.<blockquote>«Біздің сайлауалды бағдарламамызда ауыл­дық аумақтарды жақсартуға қажет барлық аспек­ті ескерілген. Қазіргі таңда ауыл мен қала арасында бірден көзге ұратын әлеуметтік теңсіздік бар. Ол экономиканың нақты секторына және ауылдың демографиялық әлеуетіне зиян келтіретін қайтымсыз урбанизация үдерісін бастады. Ауыл тұрғыны, әсіресе әйелдер мен жастар үшін қалаға бару «барса келмеске» айналды. Сондықтан «Ауыл» партиясы ауыл мен қала арасындағы қызмет сапасының айырмашылығын айтарлықтай қысқартуды көздейді. Қала тұрғынына берілген барлық жағдай мен жайлылық ауыл тұрғынында да болуға тиіс», деді Абзал Жиенбаев.</blockquote>Бұдан кейін кандидаттар Ұлытау облысының ауыл шаруашылығы өндірушілерінің дөңгелек үстеліне қатысты. Жиналыста кандидаттар «Ауыл» партиясы Парламент Мәжілісінде «Азық-түлік қауіпсіздігі туралы» жаңа заңды қабылдауға бас­тамашы болуға дайын екенін атап өтті.«Бұл заң ауыл халқын сапалы және тұрақты әлеу­меттік қамтамасыз етуге, ауыл инфра­құры­лымын тұрақты бюджеттік қаржыландыруға, аграр­шылар мен отандық азық-түлік өндіруші­лерін сөз­сіз мемлекеттік қолдауға берік кепілдіктер береді», деді кандидаттар.Сондай-ақ «Ауыл» партиясының делегация­сы Сәтбаев қаласында болып, «Қазақстан» спорт­тық-сауықтыру кешенінің ұжымымен кездесті. Кешен қызметкерлері партияның сайлауалды бағдарламасымен танысып, өздерін қызықтыр­ған сұрақтарын қойды. Кандидаттар айтылған мәселелерді, ұсыныстарды назарда ұстап, құзырлы органдармен бірге проблеманы шешудің жолын қарастыруға уәде берді.

Қала тұрғынына берілген барлық жағдай ауыл тұрғындарына да жасалуы тиіс

<a href="https://kyzylorda-news.kz/">Kyzylorda-news.kz.</a> Қазақстан Халық партиясынан Мәжіліс депутаттығына кандидат, партия төрағасының орынбасары Асхат Асылбеков Маңғыстау облысындағы «ӨзенМұнайГаз» ЖШС ұжымымен кездесті.Партия өкілі серіктестік ұжымына Халық пар­тиясының сайлауалды бағдарламасын таныс­тырды. А.Асылбеков партия елде қалыптасқан жүйенің мәнін түбегейлі өзгертуді талап ететінін, билік пен байлық Қазақстан халқына тиесілі болатын әділетті қоғам құруды қолдайтынын және билік өкілеттіктерін бөлуде тежеу мен тепе-теңдіктің саяси жүйесін сақтауды жақтайтынын жариялады.<blockquote>«Біз азаматтардың құқығы мен бостандығы барлығынан жоғары тұратын нағыз халықтық мемлекет құруды қолдаймыз. Жер мен жер қойнауы халыққа тиесілі болу керек», деді ол.</blockquote>Кандидат Жаңа Қазақстанға жалдамалы қыз­меткерлердің&nbsp; әлеуметтік және еңбек құқығын толық қорғайтын жаңа Еңбек кодексі қажет екенін мәлімдеді.<blockquote>«Экономикада орта тап құруға және кедей­лікті жоюға мүмкіндік беретін жаңа тәсілдерді енгізу маңызды. Халық партиясы ел аумағын­да өз азаматтарымыз өндірген тауарлардан, көрсеткен қызметтерден қосымша құн салығын алып тастауды және айналымға 5% мөлшерінде бірыңғай салық енгізуді қолдайды», – деді партия өкілі.</blockquote>Кездесуде білім, медицина, құрылыс сала­ларындағы өзекті мәселелер де талқы таразысына салынды. Кандидат мемлекеттік мекемелерде (арнаулы орта және жоғары) білім беру мен денсаулық сақтау мамандарын тегін оқыту, әйелдердің зейнетке шығу жасын 58-ге бекіту, ал 4 және одан көп бала тәрбиелеп отырған аналарды 55 жасқа дейін зейнетке шығару ұсынысын қолдайтынын, бұл бағытта жүйелі жұмыстарды жалғастыра беретінін айтты. Кандидаттар сайлауалды бағдарламада банктерге азаматтардың артық төлемдерін қайтарып беру туралы талап қойғандарын мәлімдеді.<blockquote>Кандидат халықтың қарызға батқанын, онлайн несиенің салдарынан елімізде алаяқтардың қаптап кеткенін, жастардың құмар ойынының құрбанына айналып бара жатқанын да алға тартты. «Қазір онлайн несиенің жарнамасы қаптап кетті. Халық мәжбүрліктен несие алып, қарызға батып отыр. Алаяқ компаниялар елді қанап жатыр. Осыларды мемлекет ауыздықтауы керек», деді кандидат.</blockquote>

Еңбек кодексін өзгертуді ұсынды

<a href="https://kyzylorda-news.kz/">Kyzylorda-news.kz.</a>&nbsp; «Ақ жол» партиясының төрағасы Азат Перуашев, партия төрағасының орынбасары Қазыбек Иса, партияның Жетісу облыстық филиалының төрағасы Ермек Егінбаев пен Мәжіліс және жергілікті мәслихат депутаттығына кандидаттар бастаған «Ақ жол» партиясы республикалық штабының мүшелері Талдықорған қаласының еңбек ұжымдарымен кездесу өткізді.Ақжолдықтар еліміздегі ең ірі аккумулятор зауыты – «Қайнар-АБК» ЖШС жұмысшыларымен кездесті. Кәсіпорында 1200-ден астам адам еңбек етіп, мекеме 40 жылдан астам табысты дамып келеді. Жиын барысында партия басшысы жұмысшыларға партияның саяси бағдарламасын таныстырып, «Ақ жол» жұмысындағы басым бағыттарды атады. Сондай-ақ мұндай салаларға мемлекеттік қолдаудың жаңа тетіктері қажет екенін айтты. Қызметкерлер баспананың қолжетімділігі, БЖЗҚ-дағы қаражатты басқару, тұтыну несиелерінің жоғары пайыздық мөлшерлемесі туралы сұрақтар қойды. Зейнеткерлікке шығу жасын төмендету, еңбек жағдайлары ауыр, зиянды және аса зиянды жұмыскерлердің 1 және 2 тізімдерін қайтару туралы өтініштер айтылды.Одан кейін «Ақ жол» кандидаттары Талдықор­ған­дағы көпсалалы аурухананың медицина қызметкерлерімен кездесті. Азат Перуашев нарықтық медициналық сақтандыруға көшу, дәрігерлерге бәсекеге қабілетті еңбекақы төлеу, МӘМС шоттарын жекелендіру, саламатты өмір салтын насихаттау, денсаулық сақтау саласын цифрландыру бойынша партияның ұстаны­мын баяндады. Қазыбек Иса «Ақ жол» фракциясы мен Денсаулық сақтау министрлігі арасындағы медициналық мін­детін атқару кезінде COVID-19 инфекциясын жұқ­тырған медицина қызметкерлеріне төлемдерді алып тастауға жол берілмейтіндігі туралы өткір пікірталастары туралы, медицина қызметкерлері­нің құқығы мен мәртебесі туралы заң қабылдау туралы депутаттық сауалдарды тілге тиек етті. Аурухана дәрігерлері мен медбикелері несие пайызының жоғарылығына, баспананың қолжетімсіздігі­не, жедел жәрдем бригадаларының бұзақы­лар әрекетінен қорғалмағандығына шағымданды. Сұрақтарға жауап берген партия өкілдері «Ақ жол» партиясының бастамасымен қабылданған жеке тұлғалардың банкроттығы туралы заңының қолдану тәртібін түсіндіріп, Ұлттық банкпен несие мөлшерлемелерін төмендетуге қатысты пікірталастары жөнінде айтты.

Медицина саласы назардан тыс қалмайды

<a href="https://kyzylorda-news.kz/">Kyzylorda-news.kz.</a>&nbsp; «Байтақ» жасылдар партиясының өкілдері «Дауыс» қоғамдық байқаушылар коалициясы» республикалық қоғамдық бірлестігі мүшелерімен кездесті. Жүздесу аясында екі тарап сайлау кезіндегі әділдікті бақылаудың методологиясымен бөлісті.«Дауыс» қоғамдық байқаушылар коалиция­сы» республикалық қоғамдық бірлестігінің төраға­сы Төлеген Күнәділов жүйелі түрде жұмыс істеу­ге бел буғандарын атап өтті. «Заң шеңберінде комиссия құрылды. Бүгінде 10 мыңдай байқаушы бар, алдағы уақытта олардың санын екі еселеуді жос­парлап отырмыз. Адамдар қаншалықты белсен­ді болса, соғұрлым сайлауды әділ, бұрмалау­сыз өткізуге болады», деді қоғамдық бірлестік төрағасы.Жасылдар партиясының жетекшісі өз кезе­гінде ұйым инфрақұрылымдары арқылы 9 600 бай­қаушы қоюды жоспарлап отырғанын, сондай-ақ күні кеше ЕҚЫҰ-дан байқаушылар келіп жұмыс барысын тексеріп, ешқандай кедер­гілер жоқ екенін мәлімдегенін айтты. Айта кетсек, алдағы сай­лауға партия атынан 187 үміткер қатысады. Олар­дың 20-ы (18-і партиялық тізім бойынша, екеуі мажоритарлық жүйеге сәйкес) Мәжіліс депу­таттығына, 167-сі (91-і партиялық тізім бойын­ша,76-сы мажоритарлық жүйеге сәйкес) қалалық мәслихат депутаттығына үміткер.«Бұл жолғы сайлау ерекше болады. Халықтың белсенділігі артты, себебі жаңа тұлғалардың пайда болғанын көрді. Біз кандидаттарымызға сенімдіміз. Олардың ниеті таза, жалпы біз қай жақтан алсақ та, таза идеологияны ұстанамыз. Президентіміз «Жаңа Қазақстан – Әділетті Қазақстан» деп айтқан болатын, сондықтан сайлау әділетті болатынына сенеміз», деді «Байтақ» жасылдар партиясының төрағасы Азаматхан Әміртай.Жалпы, партия атынан Мәжіліс депутаттығына тізім бойынша 18 кандидат ұсынылған. Олардың қатарында әйелдер квотасы бойынша – 4, жас­тар квотасымен – 1 және мүгедектігі бойынша 1 үміткер бар. Тағы төрт үміткер мажоритарлық жүйе бойынша сайлауға қатысады. Ал жергілікті мәслихаттарға 160 кандидат тіркелген. Естеріңізге салсақ, «Байтақ» жасылдар партиясы 2022 жылдың соңында экологиялық тұрақты қоғам құру, халықтық демократия және экологияға ұқыпты қарау қағидаттарын қолдау мақсатында құрылған болатын.

Сайлау-2023: Халықтың белсенділігі артты

<a href="https://kyzylorda-news.kz/">Kyzylorda-news.kz.</a>&nbsp;Жалпыұлттық социал-демократиялық партиясы атынан Парламент Мәжілісінің депутаттығына партиялық тізімі бойынша кандидат Анаргүл Әбенова Батыс Қазақстан облысының Теректі, Бөрлі және Шыңғырлау аудандары бойынша «Үгіт-насихат пойызын» іске қосты.Өңірлерге сапар барысында Анаргүл Әбенова жергілікті сайлаушылармен кездесіп, партияның сайлауалды бағдарламасының басым бағыттары жөнінде баяндап, жиналған қауымның сұрақтарына жауап берді. «Үгіт-насихат пойызы» аясында ЖСДП белсенділері еліміздің бірқатар өңірін аралап, сайлаушылармен кездесулер өткізді.Кандидат партияның сайлауалды бағдар­лама­­сын­да білім беру саласының дамуына ере­кше көңіл бөлінге­нін атап өтті. Медицина және білім беру салаларына ІЖӨ-ден жылына ең кемі 5-7%-ды бөлу ұсынылған. Жалпыұлттық социал-демократиялық партия өкілдері мұндай шара дәрігерлер мен мұғалімдер еңбекақысының банк қызметкерлері деңгейіне дейін көтеруге мүмкіндік беретінін айтты.Кандидат мемлекет алдында тұрған басты мәселе жем­қорлыққа қарсы күрес екенін атап өтті. Оның пікі­рінше, ол үшін ең алдымен саяси реформаларды жүзеге асыру керек және мәжілістің рөлін күшейту керек.<blockquote>«Ашықтық пен әділдікке негізделген азаматтық қоғам құру – қазіргі күннің басты талабы. Бұған бастайтын бірден-бір жол – жемқорлықты түп-тамырымен жою. Елімізде сыбайлас жемқорлыққа қарсы күрес қаншалықты нәтижелі атқарылып жатқанын нақты айту қиын. Мемлекет қаржысына қол сұққан шенеуніктердің темір торға тоғытылуы мәселенің шешіліп жатқанын аңғартпаса керек. Проблеманың себеп-салдарымен күресу маңызды. Реформалардың бірі бюджет процедураларын жетілдірумен айқындалады. Әр елді мекенде өзіне тиесілі ашық бюджет жасақталып, нақты уақыт режімінде онлайн түрде мемлекет қаржысының қалай және қайда жұмсалып жатқандығы ашық көрсетіліп отыруы керек. Сондай-ақ орталық және жергілікті атқару органдарында барлық деңгейдегі депутаттар мен шенеуніктердің кіріс-шығысы туралы міндетті жария декларацияны шұғыл түрде енгізу қажет», деді кандидат.</blockquote>&nbsp;

Мемлекет алдында тұрған басты мәселе жем­қорлыққа қарсы күрес

<a href="https://kyzylorda-news.kz/">Kyzylorda-news.kz.</a> &nbsp;Ақпарат ашық әрі қолжетімді болуы үшін облыс әкімінің тапсырмасымен <a href="https://saylau.orda.gov.kz/?fbclid=IwAR02bX_zZwpSR2pPN3TJ5uMKADsxXWP4y_uUfgK1BCtT1TGJkjfxFbDz1pM">https://saylau.orda.gov.kz</a> платформасы жетілдірілді.Мамандар әр аудан, әр ауылдағы сайлау округтері мен учаскелердің орналасқан орындарын картамен белгілеп, GPS навигатор арқылы оған қалай баруға болатынын да қолжетімді етті.Сайт арқылы 7 аудан және қаладағы округтердің нөмірі, байланыс деректері мен оларға тиесілі шекаралар анық көрсетілген.Платформадан кез келген азамат ЖСН-ін теру арқылы өз учаскесін оп-оңай тауып алады.&nbsp;Телеграм десеңіз <a href="https://t.me/sailau_kzoBot?fbclid=IwAR2jxmljz3uX84KidznryxdmDLxQUTCVt4L2Onx9fsfgXaQXxzSUv5a2kxQ">https://t.me/sailau_kzoBot</a> бот жұмыс істейді.&nbsp;Мобильді қосымша керек десеңіз smart qyzylorda бар.&nbsp;24/7 режимде жұмыс істейтін тегін 109 call орталығы сайлауға қатысты сауалдарыңызға жауап беруге дайын!Қысқасы, сайлауға дейін қай учаскеге барып, дауыс беретініңізді бар болғаны бір минутта анықтап алыңыз!

Қызылорда облысының тұрғындары өз сайлау учаскелерін қалай біле алады?

<a href="https://kyzylorda-news.kz/">Kyzylorda-news.kz.</a> Жалпыұлттық социал-демократиялық партиясының тізімі бойынша кандидат Ажар Сағындықова мәдениет қызметкерлері, зиялы қауым өкілдері және жастармен кездесу өткізді. Іс-шара С.Торайғыров атындағы Павлодар облыстық әмбебап ғылыми кітапханасында ұйымдастырылды.Бүгінде мәдениет мәселелеріне жеткілікті көңіл бөлінбейді. Кітапханашылар, мұрағатшылар, әртістер, мұражай қызметкерлері бюджет саласы өкілдерінің арасында ең төменгі жалақы алып отыр. Бұл ретте, партияның сайлауалды бағдарламасында мәдениетке ерекше көңіл бөлінген. ЖСДП балалар мен жастардың бұқаралық спорты мен мәдени бос уақытын тегін дамыту арқылы толыққанды мәдени, шығармашылық және спорттық тұлғаны дамытуды қамтамасыз ету қажет деп санайды.Бұдан бөлек, кандидат партияның сайлауалды бағдарламасының өзге де басым бағыттарын баяндады.<blockquote>– Қазақстанда билік халыққа тиесілі болуы қажет. Еліміз жалпыхалықтық гүлдеу үшін қажетті барлық алғышарттарға ие. Бірақ, өкінішке қарай, олигархат пен жемқорлық тамырының тереңге кеткені сон­шалық, мемлекетіміздің дамуына қатысты эко­номикалық және әлеуметтік күн тәртібінде тұрған көптеген жүйелі мәселе ушығып отыр. Еліміздің барлық дерлік бағыттағы дамуы бойынша біз шенеу­ніктердің жарқын болашаққа қатысты бітпейтін уәделеріне толы әдемі саяси баяндамаларын көріп отырмыз. Жылдар өтеді, уәде етілген уақыт таяғанда бастапқы бағыттан бас тартуға түрлі сылтаулар табылады. Қарапайым азаматтар болса, жыл сайын кедейлене түсуде, еліміздің ағымдағы даму деңгейі және 2022 жылдың қорытындысы бойынша 25 пайыздық азық-түлік инфляциясы осының тікелей айғағы. Мақсатымыз – халықтың әл-ауқаты деңгейін арттыру. Бұл – партияның Парламент Мәжілісінің сайлауына түсудегі басты себептерінің бірі. Қазіргі жағдайдан мемлекетіміз тек социал-демократия идеясы арқылы шыға алатынына сенеміз. Әлеуметтік тәртіп түбегейлі қайта қарастырылуы қажет. Бүгінде біз қоғам, бизнес және мемлекетті тепе-теңдік жағдайына қайтаруымыз керек. Біз әр шешім азаматтарымыздың игілігіне жұмыс істеп, пайдасына асырылатын әлеуметтік-жауапты тәртіпті орната алатынымызға сенеміз, – деді ол.</blockquote>

Ажар Сағындықова: Қазақстанда билік халыққа тиесілі болуы қажет

<a href="https://kyzylorda-news.kz/">Kyzylorda-news.kz.</a> Жалпыұлттық социал-демократиялық партиясының тізімі бойынша кандидат Талғат Омаров «Астана су арнасы» кәсіпорны ұжымымен үгіт-насихат кездесуін өткізді.<blockquote>«Қазақстанда бай әрі табысты болудың мызғымас шарттары ешкімге жасырын емес – әркімнің иелігіңде не банк, не пайдалы қазба орны болуы керек. Мұндай игіліктерді биліктегілерге – шенеуніктерге, олардың туыстарына не достарына бір табан жақын болсаң иеленесің. Корпоративтік, олигархиялық экономика мемлекеттің бәсекеге қабілеттілігін төмендетеді. Оны басқаратындар балама, қайта өңдеу секторларының дамуына, кәсіпорын қожаларының мықты табының қалыптасуына қызығушылық танытпайды. Санаулылардың пайдаға кенеліп, миллиондаған адамның кедейлікте күн кешуі – нағыз теңсіздік. Біз егжей-тегжей тексеру жүргізіп, ұрланып, оффшорға жасырылғанның бәрін елімізге қайтаруға міндеттіміз. Жобамен есептегеннің өзінде Ұлттық қордың үшеуіне тең келетін әлеует шетелде жатқаны мәлім. Бұл – азаматтарымыздың ақшаға шаққандағы болашағы. Экономикалық ресурстардың заңсыз шоғырлануына қарсы іс-қимыл мәселелері жөніндегі ведомствоаралық комиссия құрамына бізді қосуын талап етеміз. Біз 90-жылдардағы жекешелендіруден мол пайдаға кенелген ірі бизнесмендерді IPO өткізіп, орта кәсіпкерлерге активтерін бөліп беруін талап етеміз, олар болса экономикамыздың жаңа буынына айналады. Банкротқа ұшыраса, экономикаға зияны тиіп кететін компаниялар бізге қажет емес. Стратегиялық қор мен жер қойнауын бақылау үшін табиғи қазбаларды өндіру және экспорттаумен айналысатын салаларды бірте-бірте мемлекеттендіруге байқау жарияланады. Ұлттық өңдеуші өнеркәсіпке басымдық беріледі. Әділетсіз келісімшарттар қайта қаралатын болады, ал еліміз үшін кесірін тигізетін шарттар бұзылатын болады. Барлық келісімшарт тек Қазақстан аумағында жасалады және тіркеледі, ал олар бойынша барлық төлемдер тек отандық резидент банк­тер арқылы жүргізіледі. Бұл мәселе партияның басты назарында», – деді кандидат.</blockquote>

Азаматтардың мүддесін қорғау – абыройлы іс

<a href="https://kyzylorda-news.kz/">Kyzylorda-news.kz.</a> Қазақстан Халық партиясының сайлауалды үгіт-насихат жұмысы Түркістан облысында жалғасты. Парламент Мәжілісі депутаттығына кандидат, ҚХП төрағасының орынбасары Асхат Асылбеков Жетісай ауданының халқымен кездесті.Спикер Жетісай жұртына партияның сайлауалды бағдарламасын таныстырды. «Қазақстанның әрбір азаматына ғасырлар бойғы бабаларымыздың арман-мұратын жүзеге асыруға мүмкіндік беру қажет. Бұл үшін жер телімі кейінгі ұрпаққа өмір бойы пайдалану құқығымен мұра ретінде қалуға тиіс. Осы құқық ел азаматтарына ғана берілуі керек», деді ол.Кандидат агросаланы дамытудағы мемле­кеттің іс-қимылы көңілден шықпайтынын атап өтіп, жылдар бойы зерттеліп, негізі қалып­тас­қан кооперация жүйесі әлем бойынша ауыл шаруа­шылығын дамытудағы табыстың басты құпиясы екенін мәлімдеді.<blockquote>«Көптеген ел ауыл шаруашылығы өнім­дерін жеткізушілермен, қайта өңдеу кәсіпорын­дарымен, университеттермен, зерттеу орта­лықтарымен, көлік-логистика, инжиниринг және консалтингтік компаниялармен, қаржы институттары, инвесторлармен шаруашылық техникасын бірлесіп пайдалану бойынша ынтымақтастық орнатады. Нәтижесінде, бұл іске баса мән берген елдерде агросала ерекше қарқынмен дамып жатыр», деді А.Асылбеков.</blockquote>Бұдан кейін кандидат өмір сүру сапасы нашарлаған және зардап шеккен санаттағы отбасыларды қолдау тиісті деңгейде жүргізіл­мейтініне тоқталды.<blockquote>«Мемлекет 4 және одан да көп баласы бар көпбалалы отбасыларға тегін баспана беруі қажет. Сондай-ақ ипотеканы үш балаға дейінгі отбасыларға қолжетімді етуі керек. Міндетті шарттардан бастапқы жарнаны алып тастауды және төмендетілген пайыздық мөлшерлемелерді (жылдық 2-ден 5%-ға дейін) белгілеуді ұсынамыз. Екінші баладан бас­тап 25%, ал 4-ші бала туған кезден мемлекет есебінен ипотека енгізуді ұсынамыз», деді партия өкілі.</blockquote>Спикер дәл осы күні сарыағаштықтармен де жүздесті. Мұнда А.Асылбеков жастар мәселесі мен қандастардың жағдайын тілге тиек етті.&nbsp;

Табыстың бастауы – кооперация

<a href="https://kyzylorda-news.kz/">Kyzylorda-news.kz.</a> Жалпыұлттық социал-демократиялық партиясының тізімі бойынша кандидат Наурыз Сайлаубай Жетісу облысындағы «Талдықорған кабель зауыты» ЖШС ұжымымен үгіт-насихат кездесуін өткізді. Іс-шара барысында кандидат партияның сайлауалды бағдарламасының басым бағыттарын баяндады.<blockquote>«Тәуелсіз Қазақстанда билік халыққа тиесілі болуы қажет. Қазақстан жалпыхалықтық өркендеу үшін қажетті барлық алғышартқа ие. Бірақ, өкінішке қарай, олигархат пен жемқорлық тамырының тереңге кеткені соншалық, мемлекетіміздің дамуына қатысты экономикалық және әлеуметтік күн тәртібінде тұрған көптеген жүйелі мәселе ушығып отыр. Қазақ­стан­ның барлық дерлік бағыттағы дамуы бо­йынша біз шенеу­ніктердің жарқын болашаққа қатысты біт­пей­тін уәделеріне толы әдемі саяси баяндамаларын көріп отырмыз. Жылдар өтеді, уәде етілген уақыт таяған­да бастапқы бағыттан бас тартуға түрлі сылтау табылады. Қарапайым халық жыл сайын кедейленіп барады: еліміздің ағымдағы даму деңгейі және 2022 жылдың қорытындысы бойынша 25 пайыздық азық-түлік инфляциясы – осының тікелей айғағы. Біздің мақсатымыз – азаматтардың әл-ауқат деңгейін арттыру. Бұл – партияның Парламент Мәжілісінің сайлауына түсудегі басты себептерінің бірі. Қазіргі жағдайдан мемлекетіміз тек социал-демократия идеясы арқылы шыға алатынына сенеміз. Әлеуметтік тәртіп түбегейлі қайта қарастырылуы қажет. Бүгінде біз қоғам, бизнес және мемлекетті тепе-теңдік жағдайына қайтаруымыз керек. Бұл дегеніміз – азаматтардың қайта пайда табуы, бизнестің олигархат не мемлекеттің қудалауы мен қысымынан қорықпай, адал жұмыс істеп, салық төлеуі. Біз әр шешімі азаматтарымыздың игілігіне жұмыс істеп, пайдасына асырылатын әлеуметтік-жауапты тәртіпті орната алатынымызға сенеміз», - деді ол.</blockquote>«Жемқорлық мемлекетті күйретеді, адамдар ара­сын­­дағы сенімді азайтады. Парақорлықпен күрес кезінде, әсіресе саяси деңгейде, батыл шаралар қол­да­ныл­­маса, еліміз тұрақты даму жолына түсе алмайды деп есептейміз. Мемлекет пен экономиканы әділ бас­қару жүйесін қалыптастыру үшін, ең алды­мен, сая­си жүйемізді өзгертуге тиіспіз», деді кандидат.

Уәде орындалуымен құнды

&nbsp;<a href="https://kyzylorda-news.kz/">Kyzylorda-news.kz.</a> ҮЕҰ өкілдері қоғамдық іс-шаралардың ұйытқысы саналады. Тәрбиелік мәні жоғары талай &nbsp;шаралардың бастаушысы болған ұйымның қоғамға берер пайдасы орасан.&nbsp;Бүгін «AMANAT» партиясы Қызылорда облыстық филиалы атынан ҚР Парламенті Мәжілісі мен облыстық мәлихат депутаттығына &nbsp;үміткерлер &nbsp;үкіметтік емес ұйымдар өкілдерімен бас қосып, партияның сайлауалды бағдарламасындағы елдік бағыттағы жұмыстарды талқылады.&nbsp;<blockquote>Қазіргі таңда «AMANAT» партиясы «Халықпен бірге!» атты сайлауалды бағдарламасын халыққа ұсынды. Бір жыл бойына 200 мыңнан астам адамның талап-тілектері тыңдалды. Сайлауалды бағдарламаның өзі халықтың ең негізгі он ұсынысы негізінде жүзеге асты. Еліміздің экономикасын, халықтың әл-ауқатын дамыту тұрғысында партияның бірнеше жоспары бар. Бұл игілікті істер әрине халықтың қолдауымен жүзеге аспақ. Сондықтан Сіздерді 19 наурызда белсенді болып, &nbsp;«AMANAT» партиясына дауыс беруге шақырамын»,- деді үміткер Гүлшат Мұсаева.</blockquote>Кездесу барысында ҚР Парламенті Мәжілісіне партия атынан бір мандаттық сайлау округі бойынша үміткер Мархабат Жайымбетовте сөз алып, өзінің сайлауалды бағдарламасымен таныстырды. Сонымен қатар қатысушылардың сауалдарына жауап беріп, ұсыныс пікірлерін тыңдады.Жалпы үгіт кезеңі басталғалы партияның облыстық сайлауалды штабымен &nbsp;600 ден астам іс шаралар ұйымдастырылып, үміткерлер түрлі сала өкілдерімен кездесті.&nbsp;Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді<figure class="image"><img src="https://knadmin.beoblood.kz/uploads/a2476b98_8e41_4c75_8834_138e01143ae3_5e0dbe16cc.jpg" alt="a2476b98-8e41-4c75-8834-138e01143ae3.jpg"></figure>&nbsp;<figure class="image"><img src="https://knadmin.beoblood.kz/uploads/1c6207fc_66e7_4651_8bd4_3f53dfc26459_29372cacaf.jpg" alt="1c6207fc-66e7-4651-8bd4-3f53dfc26459.jpg"></figure>

Қоғамдық ұйым халықтық шаралардың ұйытқысы

<a href="https://kyzylorda-news.kz/">Kyzylorda-news.kz.</a> 23-24 ақпанда Орталық сайлау комиссиясының мүшелері Константин Петров пен Сәбила Мұстафина 2023 жылғы 19 наурызға тағайындалған Парламент Мәжілісі мен мәслихаттары депутаттарының кезектен тыс сайлауын әзірлеу мен өткізу мәселелері бойынша Алматы қаласы, Алматы және Жетісу облыстарында өткен көшпелі семинар-кеңестерге қатысты.Іс-шараларға жергілікті атқару­шы органдарының өкілдері, облыс прокуратураларының қызметкерлері, аумақтық сайлау комиссиялары­ның мүшелері, кандидаттардың сайлауалды штабтарының өкілдері, халықаралық байқаушылар мен БАҚ өкілдері қатысты.Орталық сайлау комиссиясының мүшелері қатысушыларға сайлау заң­намасының барлық жаңалығын және сайлау алдындағы үгітті қар­жыландыру мәселелерін түсіндірді, сондай-ақ 29 бірмандаттық округ бойынша Мәжіліс депутаттығына кандидаттарды тіркеу бойынша қорытындыларды жеткізді.Облыс әкімі аппараты бас­шысының орынбасары Бақытгүл Нүсіпова облыста барлығы 458 сайлау учаскесі құрылғанын баяндады. Облыс аумағындағы барлық сайлау учаскесі жұмысын бастады. Оларды материалдық-техника­лық жарақтандыру, оның ішінде мүге­дектігі бар адамдар үшін қажетті жағ­дайларды ескере отырып шаралар қабылданды.Дауыс беру күні мүгедектігі бар азаматтарды сайлау учаскелеріне жеткізу үшін «Инватакси» қыз­метінің 24 автокөлігінің жұмысын ұйымдастыру жоспарланып отыр. Сондай-ақ түсіндіру жұмыстарын жүргізу мақсатында облыстың барлық аудандары мен қалаларында 17 Call-орталық, телеграм-бот және «Сайлаушылар тізімінде өзіңді тексер» онлайн-сервисі жұ­мыс істейді. Тәулік бойы бір уақытта 10 қоңырауды қабылдай алатын бірыңғай байланыс орталығы жұмыс істейді. Қоғамдық байқауды бірың­ғай үйлестіруді қамтамасыз ету үшін Жетісу облысы бойынша 11 адамнан тұратын үйлестірушілердің тізімі және «Дауыс» қоғамдық байқаушылар коалициясы РҚБ филиалынан және ҮЕҰ серіктестерінен 886 адамнан тұратын тәуелсіз байқаушылар пулы қалыптастырылды.Осы тәрізді жұмыс Алматы облысында да жүргізіліп келеді. Әкім аппаратының басшысы Төлеген Сәрсембаев облыс тұрғындары өз­дерінің сайлау учаскесі туралы ақ­паратты және өздерін сайлаушылар тізімінен «Сайлаушыларды іздеу» онлайн-сервисінде, телеграм-ботта, сондай-ақ 10 ауданда және Қонаев қаласында бар Call-орталықтар арқылы тексере алатынын хабарлады.Бүгінгі таңда кандидаттардың сайлаушылармен кездесулерін өткізу үшін 197 үй-жай және көрнекі үгіт-насихат жүргізу үшін 709 орын анықталды. Сайлау учаскелерінде мүмкіндігі шектеулі 1353 азамат үшін ерекше жағ­дай қамтамасыз етілген. Бүгінгі таңда 601 учаскенің 595-і пандустармен, 390-ы кіре берісте тактильді көрсеткіштермен қамтамасыз етілген.Бұдан басқа, дауыс беру кезе­ңінде мүгедектігі бар адамдар үшін барлық учаскеде бұрыштар ұйым­дастырылады және кабиналар жаб­дықталады, есту қабілеті бұзылған сайлаушылар үшін ым тілі мамандары тартылады, сондай-ақ облыс орта­лығында және барлық ауданда дауыс беру күні «Инватакси» қызметінің 18 автокөлігі тартылады.ОСК мүшелері барған облыстар мен Алматы қаласында аумақтық сайлау комиссиялары үшін нақты кейстер негізінде іскерлік ойын түрінде тренингтер өткізілді.Ұйымдастырылған ойын барысында сайлау комиссияларының мүшелері дауыс берудің барлық барысын қамтитын учаскелерде дауыс беру үдерісін көрсетті. Олар дауыс беру күні учаскелік сайлау комис­сияларының дауыс берушілерді тіркеуден бастап, бюллетеньдер беру және барлық жұмыс аяқталғанға дейін қалай жұмыс істейтінін көрсетті.Семинар-кеңес соңында Орталық сайлау комиссиясының мүшелері аумақтық сайлау комиссияларының мүшелерін қызықтыратын сұрақтарға жауап берді.

Қазақстан және Қызылорда облысының жаңалықтары: Саясат

Қала тұрғынына берілген барлық жағдай ауыл тұрғындарына да жасалуы тиіс

Еңбек кодексін өзгертуді ұсынды

Медицина саласы назардан тыс қалмайды

Сайлау-2023: Халықтың белсенділігі артты

Мемлекет алдында тұрған басты мәселе жемқорлыққа қарсы күрес

Қызылорда облысының тұрғындары өз сайлау учаскелерін қалай біле алады?

Ажар Сағындықова: Қазақстанда билік халыққа тиесілі болуы қажет

Азаматтардың мүддесін қорғау – абыройлы іс

Табыстың бастауы – кооперация

Уәде орындалуымен құнды

Қоғамдық ұйым халықтық шаралардың ұйытқысы

Орталық сайлау комиссиясының мүшелері көшпелі семинар-кеңестерге қатысты

Қазақстан және Қызылорда облысының жаңалықтары: Саясат

Қала тұрғынына берілген барлық жағдай ауыл тұрғындарына да жасалуы тиіс

Еңбек кодексін өзгертуді ұсынды

Медицина саласы назардан тыс қалмайды

Сайлау-2023: Халықтың белсенділігі артты

Мемлекет алдында тұрған басты мәселе жем­қорлыққа қарсы күрес

Қызылорда облысының тұрғындары өз сайлау учаскелерін қалай біле алады?

Ажар Сағындықова: Қазақстанда билік халыққа тиесілі болуы қажет

Азаматтардың мүддесін қорғау – абыройлы іс

Табыстың бастауы – кооперация

Уәде орындалуымен құнды

Қоғамдық ұйым халықтық шаралардың ұйытқысы

Орталық сайлау комиссиясының мүшелері көшпелі семинар-кеңестерге қатысты

Мемлекет алдында тұрған басты мәселе жемқорлыққа қарсы күрес