&nbsp;<a href="https://kyzylorda-news.kz/">Kyzylorda-news.kz.</a> Бүгін «AMANAT» партиясы Қызылорда облыстық филиалы атынан облыстық мәслихат депутаттығына үміткерлер Мақсұт Нәлібаев, Аида Әбибуллаева, Айсұлу Қасымова, Жорабек Нұрымбетов, Мағжан Ералиев «Қазақтелеком» АК ұжымымен кездесіп, үгіт жұмыстарын жүргізді.&nbsp;Кездесуде сөз алған Мақсұт Нәлібаев партияның сайлауалды бағдарламасының ішінде инфрақұрылымдық жүйелерді жақсарту мәселесіне басымдық берілгенін айтып өтіп, алдағы 5 жылда аймағымызда электр және жылумен жабдықтау желілерінде атқарылар жұмыстар барысын баяндады.&nbsp;<blockquote>«Облыстағы электрмен жабдықтау &nbsp;жүйелері желілерінің жалпы ұзындығы 10 мың шақырымнан асады, сонымен қатар әртүрлі кернеудегі 1837 қосалқы станция бар. Олардың тозу дәрежесі 69% құрап, жаңғыртуды қажет етуде. Жылумен жабдықтау желілерінің тозу деңгейі 46,9% құрайды. Осы бағытта партия өзінің сайлауалды бағдарламасында ауқымды жобаларды жүзеге асыруды мақсат етіп отыр. Бұл жұмыстар нәтижесінде, электр желілерінің тозу деңгейі 69%-дан 65%-ға, жылу жүйелерінің тозу деңгейі 46,9%-дан 39,8%-ға дейін төмендейтін болады»,- деді үміткер.</blockquote>Бүгінде облыста тұрғындардың 97,8% орталықтандырылған ауыз сумен қамтамасыз етілген. Соңғы екі жылда 22 елді мекен газдандырылған. Кездесу барысында осы бағытта алда жасалатын жұмыстарды облыстық мәслихат депутаттағына үміткер Айсұлу Қасымова атап өтті.&nbsp;<blockquote>«АMANAT» партиясының облыстық филиалы бұл сайлауға да &nbsp;халықтың сұранысы негізінде алдағы 5 жылға дайындалған нақты жоспармен келіп отыр. Мұнда ең алдымен әлеуметтік салаға, тұрғын үй коммуналдық шарушалығы, ауылшарушалығы және экология мәселелеріне назар аударылып отыр. Бағдарлама аясында 32 елді мекенді сапалы ауыз сумен қамтамасыз етіледі. Ауылдарды газдандыру жұмыстары жалғасып, 64 жоба іске асырылады. Сондықтан үнемі игі істердің басында жүріп, елмен етене қанасқан партияға Сіздерді қолдап дауыс беруге шақырамын»- деді.</blockquote>Өз кезегінде сөз алған үміткер Аида Әбибуллаева жас ұрпақ мемлекетіміздің стратегиялық бағытының қозғаушы күші болуы керек екендігін айта келе, «Облыс бойынша жастардың жұмыссыздық деңгейі 4,0%-ды құрайды және тұрғын үй кезектілігінде 7244 жастар тұр». Осы ретте, «AMANAT» партиясы жастар үшін әлеуметтік лифт қалыптастыруға, жас отбасылар үшін тұрғын үй мәселесін шешуге, жұмысқа орналасуға, білім беруге баса назар аударып отырғандығын жеткізді.&nbsp;Кездесу соңында ұжым қызметкерлері өздерін толғандырған сауалдарын қойып, ұсыныс –пікірлерін білдірді.&nbsp;Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді<figure class="image"><img src="https://knadmin.beoblood.kz/uploads/4754ab6e_0783_47ad_9f14_cad3c008c553_7f8c9471aa.jpg" alt="4754ab6e-0783-47ad-9f14-cad3c008c553.jpg"></figure>&nbsp;<figure class="image"><img src="https://knadmin.beoblood.kz/uploads/f3bff80a_4322_424e_b732_648e791307b2_c0a7f724a3.jpg" alt="f3bff80a-4322-424e-b732-648e791307b2.jpg"></figure>

AMANAT: Халықтың тұрмыс-тіршілігі басты назарда

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда медициналық колледжі ұжымымен кездесіп, үгіт насихат жұмыстарын жүргізген «АMANAT» партиясы Қызылорда облыстық филиалы атынан облыстық мәслихатқа үміткерлер Раушан Базарбай мен Мұрат Жұмаділаев жетекші партияның денсаулық сақтау саласы бойынша алдағы атқарлатын жұмыстары атап өтті.&nbsp;Кездесуде сөз алған үміткер Раушан Базарбай ең алдымен медицина саласының дамуын жетілдіріп, ауыл халқының денсаулығын жақсартудың маңыздылығына тоқталды.<blockquote>Медицина саласы еліміздегі ең күрделі әрі жауапты сала. Халық денсаулығы қоғам байлығы. Осы мақсат жолында «АMANAT» сенімге құрылған адалдық партиясы ретінде алдағы 5 жылда «Халықпен бірге!» деп аталатын Сайлауалды бағдарламасында денсаулық сақтау саласын түбегейлі жақсартуды мақсат етіп отыр. Ол үшін: кезең- кезеңімен қаржыландыруды ұлғайтуға, денсаулық сақтау саласы қызметкерлерін мемлекеттің қамқорлығына кіруіне кепілдік беріп, олардың мәртебесін заңнамалық түрде бекітіп, жұмыс жағдайын жақсартауға ықпал етпек. Сондықтан партия мүшесі ретінде Сіздер артқан сенім үдесінен көрінуге уәде етемін. «Халық сөйлесін» жобасы аясында арнайы жұмысшы топ әрбір аймақ, әрбір тұрғынның мәселесін мұқият зерделеп, оның тиісті дәрежеде орындалуын толыққанды қамтамасыз етеді. Сіздерді 19 наурызда «АMANAT» партиясын қолдап, дауыс беруге шақырамын.Сіздердің әрбір ұсыныс-тілектеріңіз ескерілетінін жеткізгім келеді, – деді Раушан Базарбай.</blockquote>Ал, үміткер Мұрат Жұмаділдаев партия қолдауымен алдағы уақыттарда облыста 30 медициналық нысан пайдалануға берілетіндігін атап өтіп, сайлаушыларды әділ және дұрыс таңдау жасауға шақырды.Кездесуге партия атынан бір мандаттық сайлау округі бойынша облыстық мәслихатқа үміткер Мағжан Ералиевте қатысып, өзінің сайлауалды бағдарламасымен таныстырды.Жиын қорытындысында студенттер мен колледж оқытушылары сауалдарын қойып, сайлау науқанында белсенділік танытатындарын жеткізді.Қызылорда облыстық мәслихаты депутаттарының сайлауында партиялық тізімді ұсынған «AMANAT» партиясы Сайлау қорының қаражатынан төленді<figure class="image"><img src="https://knadmin.beoblood.kz/uploads/1f28a2d8_3a18_43d0_a7a6_020dda3f0667_c278959495.jpg" alt="1f28a2d8-3a18-43d0-a7a6-020dda3f0667.jpg"></figure>&nbsp;<figure class="image"><img src="https://knadmin.beoblood.kz/uploads/20d816d1_7e28_45f1_8048_acdd55769091_7b679db4ca.jpg" alt="20d816d1-7e28-45f1-8048-acdd55769091.jpg"></figure>

«AMANAT»: Өңірде 30 медициналық нысан салынады

<a href="https://kyzylorda-news.kz/">Kyzylorda-news.kz.</a> Елімізде жан-жақты жаңару процесі жүріп жатыр. Қазақстандықтар жалпыхалықтық референдумда қолдаған конституциялық реформалар саяси жүйеге елеулі серпін береді. Жаңа Қазақстанды құру аясында Мемлекет басшысы Қасым-Жомарт Тоқаев жаңа сайлау жүйесін ұсынды.Сайлау үдерісін реформалау туралы Қазақстан Республикасының Президенті «Жаңа Қазақстан: жаңару мен жаңғыру жолы» атты халыққа Жолдауында мәлім етті. Мемлекет басшысы барлық азаматтардың құқығын толықтай есепке алатын неғұрлым үйлесімді аралас сайлау жүйесіне көшуді ұсынды. Қасым-Жомарт Тоқаевтың айтуынша, пропорционалды-мажоритарлық модель республикалық деңгейде де, өңірлік деңгейде де сайлаушылардың мүдделерін жақсырақ көрсететін болады. Мәжілістің депутаттық корпусы 70 пайызы пропорционалды және 30 пайызы мажоритарлық негізде схема бойынша құрылады. Сонымен қатар, облыстар мен республикалық маңызы бар қалалар мәслихаттарының сайлауында аралас үлгі енгізіледі.Пропорционалды және мажоритарлық жүйелердің үйлесуі саяси партиялардың азаматтық қоғамның негізгі институттарының бірі ретіндегі рөлін сақтайды. Бұл ретте сайлау үдерісінің неғұрлым әділ өтуіне және тиімді мемлекеттік басқаруға жағдай жасалады. Мемлекет басшысы аралас сайлау үлгісін енгізу азаматтардың электоралдық белсенділігін арттырып, елді жаңғыртуға атсалысатынына сенім білдірді. Әлемдік тәжірибе көрсеткендей, сайлауды ұйымдастыру жүйесі үнемі өзгеріп отырады, әділ және ашық сайлау өткізудің оңтайлы шешімдері қарастырылып жатыр. Коммуникациялық технологиялар қарқынды дамыған заманда кандидаттар мен партиялардың әлеуметтік желілердегі белсенділігі үлкен маңызға ие. Президент тиісті нормалар мен ережелерді бекітіп, әлеуметтік желілерде үгіт-насихат жүргізуге рұқсат беруді ұсынды.Сайлауды ұйымдастыру мен өткізуде аумақтық сайлау комиссияларына ерекше рөл беріледі. Олардың жұмысын кәсіби деңгейге көшіру маңызды, сайлаушылардың бірыңғай электронды базасын құру қажет.Сайлаушылардың өкілді билікке сенімін арттыру мәселесінде мәслихаттарға ерекше назар аудару қажет. Осыған байланысты Мемлекет басшысы мәслихат төрағасы лауазымын құруды ұсынды. Мәслихаттардың ықпалын арттыру үшін облыс әкімдерін тағайындаудың қазіргі тәртібін өзгерту қажет. Бұл ретте Президенттің облыстар мен республикалық маңызы бар қалалар әкімдерінің лауазымдарына баламалы негізде кемінде екі кандидат ұсыну құқығын реттейтін заңнамаға тиісті өзгерістер енгізу қажеттілігі атап өтілді. Осылайша, Президент мәслихаттарда қарау нәтижелерін ескере отырып, облыстар мен республикалық маңызы бар қалалардың әкімдерін тағайындайды.Қазақстандағы конституциялық реформалардың қисынды жалғасы ағымдағы жылдың наурыз айында Мәжіліс пен мәслихаттардың кезектен тыс сайлауын өткізу. Өздеріңізге белгілі, Қазақстан Республикасының Президенті осындай ұсынысты қыркүйектегі Жолдауында ұсынған болатын. Енді Мәжіліс депутаттарының 70 пайызы партиялық тізім бойынша, 30 пайызы бір мандатты округтер бойынша сайланады. Облыстар мен республикалық маңызы бар қалалардың мәслихаттарына сайлау 50-ден 50-ге дейінгі арақатынаста аралас сайлау жүйесі бойынша өтеді. Ал аудандар мен облыстық маңызы бар қалалардың мәслихаттарына сайлауда азаматтар бір мандатты округтердегі кандидаттарға ғана дауыс береді. Мәжіліс пен мәслихаттарды құрудың жаңа моделі сайлаушылардың мүддесін қорғап, азаматтық қоғамның одан әрі дамуына қолайлы жағдай туғызады деп сенеміз.Конституциялық реформаны жүзеге асыру аясында саяси партияларды тіркеу тәртібі айтарлықтай жеңілдетілді. Сайлау бюллетеньдеріне «барлығына қарсымын» деген бағанды енгізу туралы бұрын қабылданған шешімнің ерекше маңызы бар. Елді демократияландыру жолындағы маңызды қадам партиялардың Мәжіліске кіруіне қойылатын шектеуді 7-ден 5 пайызға дейін қысқарту болды. Сайлау үдерісіндегі маңызды жаңалықтардың қатарында депутаттық мандаттарды бөлу кезінде әйелдерге, жастарға және ерекше қажеттіліктері бар адамдарға 30 пайыздық квотаны заңнамалық тұрғыдан бекіту болды.Биылғы маңызды өзгерістердің бірі мажоритарлық жүйенің енгізілгені. Бұл мәселе қоғамда көптен айтылып жүрген-ді. Билік халықтың үнін естіді. Алдағы Қазақстан Республикасы Парламенті Мәжілісінің сайлауына қатысты ерекше белсенділік пен қызығушылық байқалады. Кейбір өңірлерде бүгінде бір депутаттық мандат үшін отызға дейін үміткер бақ сынауда.Жандос Жазкен, журналист

Өзекті өзгеріс саяси жүйені сауықтырады

<a href="https://kyzylorda-news.kz/">Kyzylorda-news.kz.</a>&nbsp; Мәжіліс аралас сайлау жүйесі бойынша 98 депутаттан тұрады.

Мәжіліс аралас сайлау жүйесі бойынша 98 депутаттан тұрады 

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысынан алдағы Мәжіліс пен жергілікті мәслихат депутаттығына 590 үміткер ұсыным берген. Соның ішінде 215 кандидат тиісті заң нормаларына сәйкес тіркеуден өтіп, кәуілігін алып үлгерген.&nbsp;&nbsp;Облыстық сайлау комиссиясында қалған үміткерлердің құжаты жіті тексеріліп жатыр. Бүгінде ұсынылған 590 кандидаттың 559-ының сәйкестендіру құжаты расталған. Десе де, 41 азамат өз өтініші негізінде саяси додаға түсуден бас тартыпты.&nbsp;Қазіргі таңда, Парламент Мәжілісінің депутаттығына 14, облыстық мәслихатқа 55, қалалық және аудандық мәслихатқа 424 адам өз кандидатурасын ұсынып отыр. Жалпы жергілікті мәслихаттарға барлығы 152 мандат берілген.<blockquote>Біз құжаттары сәйкес деп шешім қабылдағаннан кейін салық органдарына өздерінің кірістері туралы декларация тапсырып келетін болады. Жалпы тіркеу бізде 18 ақпан күні сағат 18-00 де аяқталады. Тіркеу аяқталғаннан кейін үгіт-насихат жұмыстары аяқталады», - дейді облыстық сайлау комиссиясының төрағасы Әділбек Ерсұлтанов.</blockquote><a href="qazaqstan.tv">Qazaqstan.tv</a>&nbsp;&nbsp;

Қызылорда облысынан 215 кандидат тіркеуден өтті

<a href="https://kyzylorda-news.kz/">Kyzylorda-news.kz.&nbsp;</a> Мемлекет басшысы «Қазақстан Республикасының Тұңғыш Президенті – Елбасы туралы» Қазақстан Республикасы Конституциялық заңының күшi жойылды деп тану туралы» Қазақстан Республикасының Конституциялық заңына қол қойды, деп хабарлайды <a href="https://akorda.kz/kz/memleket-basshysy-kazakstan-respublikasynyn-tungysh-prezidenti-elbasy-turaly-kazakstan-respublikasy-konstituciyalyk-zanynyn-kushi-zhoyyldy-dep-tanu-turaly-kazakstan-respublikasynyn-konstituciyalyk-zanyna-kol-koydy-1512142">Ақорда</a>.Конституциялық заңның мәтіні баспасөзде жарияланды.Айта кетейік, бұған дейін 13 қаңтарда ҚР Парламенті палаталарының бірлескен отырысында «ҚР Тұңғыш Президенті – Елбасы туралы» Конституциялық заңның күшi жойылды деп тану туралы» Конституциялық заң <a href="https://www.inform.kz/kz/parlament-elbasy-turaly-kuzhattyn-kushin-zhoyatyn-konstituciyalyk-zandy-kabyldady_a4023081">қабылданған</a> болатын.<blockquote>«Атап айтқанда, Конституцияға енгізілген түзетулерге сәйкес Қазақстан Республикасы Тұңғыш Президентінің мәртебесі мен өкілеттігі Республика Конституциясымен және конституциялық заңмен айқындалады деген норманы көздейтін Конституцияның 46-бабы 4-тармағы алынып тасталды. Осыған орай, құқықтық негіздің жоқ екендігін ескере отырып, бұл заң жобасымен Конституциялық заңның күшін жою көзделеді», - деген еді Мәжілістің заңнама және сот-құқықтық реформа комитетінің төрағасы Арман Қожахметов.</blockquote>

Тұңғыш Президент туралы заңның күші жойылды

<a href="https://kyzylorda-news.kz/">Kyzylorda-news.kz.&nbsp;</a> Бүгін Қазақстан Республикасы Президентінің Кеңесшісі Мәлік Отарбаев Қызылорда облысына жұмыс сапарымен келді. Өңірге сапары аясында Мәлік Нұржанұлы бірқатар нысанның жұмысымен танысып, облыс әкімі Нұрлыбек Нәлібаевпен кездесті.Аймақ басшысымен кездесуде облыстың әлеуметік-экономикалық дамуы, оның ішінде ақпараттық саясатты жүзеге асыру мен өзге де әлеуметтік мәселелер талқыланды.Мемлекет басшысының кеңесшісі Қызылорда облысының басты медиахолдингі – «Сыр медиа» ЖШС жұмысымен танысып, БАҚ өкілдерімен кездесті. Журналистермен елдегі саяси, экономикалық, әлеуметтік реформалардың бағыт-бағдары туралы пікір алмасты.Әрі қарай Мәлік Отарбаев Ә.Тәжібаев атындағы облыстық әмбебап ғылыми кітапханасын аралап, шығармашылық және зиялы қауым өкілдерімен пікірлесті.Бұдан әрі Президент кеңесшісі Қорқыт Ата атындағы Қызылорда университеті ғалымдарының ізденістерін, ғылыми-зерттеу жұмыстарын көрді, оқу орны музейін тамашалайды. Мұнан бөлек, кеңесшінің сапар бағдарламасында облыстық «Жастар ресурстық орталығы», «Достық үйі» және облыстық тарихи-өлкетану музейінің жұмысымен танысу бар.Ертең ҚР Президентінің кеңесшісі аудандарды аралап, ауыл тұрғындарымен кездеседі.

ҚР Президентінің Кеңесшісі Мәлік Отарбаев  облыс әкімімен кездесті

Қазақстан-2022: реформалар векторы және қоғам жаңғыруының қисыны

<a href="https://kyzylorda-news.kz/">Kyzylorda-news.kz.</a>&nbsp; ҚР Палраменті Сенатының төрағасы лауазымына Мәулен Әшімбаевтың кандидатурасы мақұлданды, деп хабарлайды ҚазАқпарат.Жасырын дауыс беру кезінде барлық сенаторлар Мәулен Әшімбаевтың кандидатурасын бірауыздан қолдады.Бұған дейін Президент Қасым-Жомарт Тоқаев Сенат Төрағасы лауазымына Мәулен Әшімбаевтың кандидатурасын <a href="https://www.inform.kz/kz/prezident-senat-toragasy-lauazymyna-maulen-ashimbaevtyn-kandidaturasyn-usyndy_a4027961">ұсынған болатын.</a>Мәулен Сағатханұлы Әшімбаев 1971 жылғы 28 қаңтарда Алматыда туған.Әл-Фараби атындағы Қазақ ұлттық университетін және Тафтс университетінің Флетчер атындағы құқық және дипломатия мектебін (АҚШ) бітірген. Экономист - политэкономия мұғалімі, халықаралық қатынастар магистрі. Саяси ғылымдар кандидаты.1993-1994 жылдары Баспасөз және бұқаралық ақпарат министрлігінің жүйесінде жұмыс істеген. 1994 жылғы мамыр – 1995 жылғы наурыз аралығында – Қазақстан Республикасы Жоғарғы Кеңесі депутатының көмекшісі.1995 жылғы маусым – қараша аралығында – Қауіпсіздік Кеңесі Аппаратының консультанты. 1995 жылғы қараша – 1999 жылғы сәуір аралығында - Қазақстан Республикасы Президенті Әкімшілігі Сараптау және стратегиялық зерттеулер орталығының бас сарапшысы, сектор меңгерушісі, басшысының бірінші орынбасары.1999 жылғы сәуір – 2000 жылғы мамыр аралығында – Қауіпсіздік Кеңесі Сараптау орталығының меңгерушісі. 2000 жылғы мамыр – 2002 жылғы ақпан аралығында – Қауіпсіздік Кеңесі Сараптау орталығының меңгерушісі – Қазақстан Республикасы Президенті жанындағы Стратегиялық зерттеулер институтының директоры.2002 жылғы ақпан – 2005 жылғы мамыр аралығында – Қазақстан Республикасының Президенті жанындағы Стратегиялық зерттеулер институтының директоры. 2005 жылғы мамыр – 2006 жылғы сәуір аралығында – Қазақстан Республикасы Қауіпсіздік Кеңесі хатшысының орынбасары.2006 жылғы сәуір – 2011 жылғы қазан аралығында – Қазақстан Республикасы Президенті Әкімшілігі Басшысының орынбасары. 2012 жылғы қаңтар – 2018 жылғы ақпан аралығында –бесінші, алтыншы шақырылымдағы Қазақстан Республикасы Парламенті Мәжілісінің депутаты, Халықаралық істер, қорғаныс және қауіпсіздік комитетінің төрағасы.2018 жылғы ақпан – 2019 жылғы маусым аралығында – «Nur Otan» партиясы Төрағасының бірінші орынбасары. 2019 жылғы шілде – желтоқсан айларында – Қазақстан Республикасы Президентінің көмекшісі. 2019 жылғы желтоқсан - 2020 жылғы мамыр аралығында – Қазақстан Республикасы Президенті Әкімшілігі Басшысының бірінші орынбасары.2020 жылдың мамырында Қазақстан Республикасы Президентінің Жарлығымен Қазақстан Республикасы Парламенті Сенатының депутаты болып тағайындалды, алтыншы шақырылымдағы Қазақстан Республикасы Парламенті Сенатының Төрағасы болып сайланды.2023 жылы қаңтарда Президент Жарлығымен Сенат депутаты болып қайта тағайындалды.«Парасат», «Құрмет» ордендерімен, Қазақстан Республикасының Құрмет грамотасымен және мерекелік медальдармен марапатталған.

Мәулен Әшімбаев Сенат төрағасы болып сайланды

<a href="https://kyzylorda-news.kz/">Kyzylorda-news.kz.</a>&nbsp; Соңғы жылдары жүргізілген саяси өзгерістер, сайлау заңнамасын мақсатты түрде либералдандыру Қазақстанда партия құру ісіне тың серпін берді. Бұндай пікірді Мемлекет басщысы Қасым-Жомарт Тоқаев сенат отырысында білдірді, деп хабарлайды ҚазАқпарат.<blockquote>«Жақында ғана Мәжіліс пен мәслихаттарға сайлау науқаны өз жұмысын бастады. Бұл негізгі мемлекеттік институттарды кешенді түрде жаңғыртудың соңғы сатысы болмақ. Мәжіліс пен мәслихаттардың аралас моделін қалыптастыруға көшіп жатырмыз. Барлық әлеуметтік топтың мүддесін қорғау тұрғысынан мұның мәні зор. Бұл өзгеріс өкілді билік тармақтарының барлық деңгейіне айтарлықтай ықпал етеді. Соңғы жылдары жүргізілген саяси өзгерістер, сайлау заңнамасын мақсатты түрде либералдандыру Қазақстанда партия құру ісіне тың серпін берді. Ұзақ уақыттан бері елімізде алғаш рет бірнеше жаңа партия ресми түрде тіркелді. Аталған деректі аралық қорытынды ретінде атап өтуге болады. Бұл – алға қарай жасалған маңызды қадам», деп атап өтті ҚР Президенті.</blockquote>Сондай-ақ Мем лекет басшысы реформалар одан әрі жалғасатынын қадап айтты.<blockquote>«Жалпы, кез келген сайлауда қоғамның саяси кемелдігі сыналады. Қоғамда пікірталас қызу жүреді. Сын – азаматтық қоғамның ажырамас бөлшегі және аталған ұғым Қазақстанға да тән. Бұл – менің берік ұстанымым. Қоғамды трансформациялау және жаңғырту жөнінде қабылдаған шараларымыз халықтың мұң-мұқтажын шешуге бағытталған. Реформалар одан әрі жалғасады», - деді Қасым-Жомарт Тоқаев</blockquote>

 Қасым-Жомарт Тоқаев: Реформалар одан әрі жалғасады

<a href="https://kyzylorda-news.kz/">Kyzylorda-news.kz.</a> &nbsp;Мемлекет басшысы Қасым-Жомарт Тоқаев Парламент Сенатының отырысына қатысып жатыр, деп хабарлайды Ақорданың Телеграм-арнадағы ресми парақшасы.Онда Мемлекет басшысы еліміз дамудың жаңа кезеңіне қадам басқанын айтты. Былтыр конституциялық реформаның қолға алынғанын еске салды.<blockquote>«Ата заңға аса маңызды өзгерістер енгіздік. Қараша айында Президент сайлауы өтті. Жуырда Сенат депутаттарының бір бөлігі сайланды. Сонымен қатар, менің Жарлығыммен бірнеше сенатор тағайындалды. Осымен Сенаттың құрамын жаңғырту үдерісі аяқталды.</blockquote><blockquote>Депутаттардың жартысына жуығы жаңарды. Мұнда әр аймақтың, соның ішінде жаңадан құрылған облыстардың өкілдері бар. Қазақстан халқы Ассамблеясының мүшелеріне арнайы квота берілді. Осылайша, Сенатта түрлі санаттағы қоғам өкілдері барынша қамтылды. Жалпы, бұл Палата мемлекеттік басқару саласында айрықша рөл атқарады. Оған Конституцияға сәйкес маңызды міндеттер жүктелген. Заң шығару қызметін сапалы атқару үшін барлық жағдай жасалған», - деді Президент.</blockquote>Оның пайымынша, палата өз жұмысын абыроймен атқарып келе жатыр. Сенаторлар ауқымды реформаларды жүзеге асыруға белсене атсалысты.<blockquote>«Осы орайда, баршаңызға шынайы ризашылығымды білдіремін. Жаңа депутаттар Сенаттың қызметіне тың серпін береді деп сенемін», - деп атап өтті Қасым-Жомарт Тоқаев.</blockquote>

Президент Сенат отырысына қатысып жатыр

<a href="https://kyzylorda-news.kz/">Kyzylorda-news.kz.</a> Бүгін шаһар басшысы Асылбек Шаменов VII шақырылымдағы қалалық мәслихат депутаттарымен кездесті.Жиында бірқатар кадрлық өзгерістермен таныстырған қала әкімі бұған дейін қалалық сайлау комиссиясының төрағасы қызметін атқарып, өзінің бай тәжірибесімен сайлау жұмыстарын жоғары деңгейде ұйымдастыра білген Ергешбаев Әбдіқадыр Нәлқожаұлына қаланың ең жоғары марапаты «Құрмет» грамотасын тапсырып, шынайы алғысын білдірді.ҚР Президентінің, ҚР Парламенті Мәжілісі мен мәслихат депуттарының, былтыр елімізде ұзақ жылдардан кейін екінші рет өткен республикалық Референдумды, оған қоса қалаға қарасты кент және ауылдық округ әкімдерінің сайлауын әділ үйлестірген Әбдіқадыр Нәліқожаұлының атқарған абыройлы міндеті облыстық сайлау комиссиясының қаулысымен 2023 жылғы 23 қаңтардан бастап Баймырзаев Ғалым Қонақбайұлына жүктелетінін айтқан Асылбек Өмірбекұлы:&nbsp;<blockquote>- Өңірдің мәдениет және білім саласының дамуына өз үлесін қосқан азамат бұған дейін облыс және қала әкімдігінде бірқатар жауапты қызметтерді атқарды. Сондай-ақ, сайлау жұмыстарын тиісті деңгейде ұйымдастыруда білім-біліктілігін танытты. Алдағы уақытта қалалық сайлау комиссиясының жұмысын жоғары деңгейде үйлестіреді деп сенім білдіремін – деді.</blockquote>​Шаһар басшысы VII шақырылымның депутаттарына өңірдің өзекті әлеуметтік-экономикалық мәселелерін шешіп, саяси және экономикалық реформаларды жүргізуге белсенді атсалысып, қоғамдағы тұрақтылық пен заң үстемдігін қамтамасыз еткен табысты жұмыстары үшін ризашылығын білдірді.<blockquote>- Халық қалаулысы болу қашанда үлкен құрмет және абырой жүгін арқалау деген сөз. Өздеріңіздің қолдауларыңыздың арқасында қаланың әлеуметтік-экономикалық жағдайын жақсарту бағытында біршама жұмыстар жүзеге асырылды. Екі жыл көлемінде Қызылорда қалалық мәслихатының 30 сессиясы өткізіліп, 100-ден аса шешім қабылданды. Сессияда қала тұрғындарын ауыз су және аяқ сумен қамтамасыз ету, білім беруді дамыту, қоғамдық қауіпсіздікті сақтау және қалалық бюджетті талқылау секілді маңызды мәселелер қаралды. Мұнда әрқайсыңыздың қосқан үлестеріңіз зор, тұрғындардың өтініштері мен сұраныстарын мұқият қарап, олармен жиі кездесу ұйымдастырып, билік пен халық арасында алтын көпір бола білдіңіздер – деген қала әкімі Асылбек Шаменов алда үлкен саяси науқан келе жатқанын тілге тиек етіп, жаңадан сайланатын депутаттар да осындай қарқынды жұмысты жалғастырып, қаланың жан-жақты дамуына және оның жаңғыруына ерекше үлесін қосатынынына сенемін деді.</blockquote>Халық қалаулыларына айтылған алғаусыз ақ тілек, шынайы лебіздерден соң Сыр елінің дамуына қосқан үлестері үшін қала әкімінің «Алғыс» хаты тапсырылды.Сонымен қатар, келелі басқосу қорытындысында қалалық мәслихаттың төрағасы Ибадулла Құттықожаев, қалалық ардагерлер кеңесінің төрағасы Сұлтанбек Тәуіпбаев сөз алып, елдік мүдде жолында елеулі еңбек еткен депуттарға ықылас-пейілдерін жеткізді.<figure class="image"><img src="https://knadmin.beoblood.kz/uploads/326686228_940036330277685_223791139092317033_n_7fa05dbc9f.jpg" alt="326686228_940036330277685_223791139092317033_n.jpg"></figure>&nbsp;<figure class="image"><img src="https://knadmin.beoblood.kz/uploads/326734295_2443716482443537_5582505525313061760_n_afca4f8f4b.jpg" alt="326734295_2443716482443537_5582505525313061760_n.jpg"></figure>&nbsp;<figure class="image"><img src="https://knadmin.beoblood.kz/uploads/326681608_1359556558126124_8769875085810732289_n_e926b15127.jpg" alt="326681608_1359556558126124_8769875085810732289_n.jpg"></figure>

Қазақстан және Қызылорда облысының жаңалықтары: Саясат