<a href="https://kyzylorda-news.kz/">Kyzylorda-news.kz</a>&nbsp; Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен актив отырысы өтті.Жиында статистика саласында ұзақ жылдар бойы қажырлы еңбек еткен, Қазақстан Республикасы Стратегиялық жоспарлау және реформалар агенттігі Ұлттық статистика бюросының Қызылорда облысы бойынша департаментіне қарасты Арал ауданының статистика бөлімін абыроймен басқарған Еламан Сәдібекұлы Қапановты құрметті еңбек демалысына шығарып салу рәсімі өтті.Аудан басшысы өз сөзінде тәжірибелі маман, білікті басшы Еламан Сәдібекұлының саладағы сүбелі еңбегіне жоғары баға беріп, оның еңбек жолына жан-жақты тоқталды. Сондай-ақ ауданның ең жоғары марапаты – Арал ауданының Құрмет грамотасын табыстап, иығына дәстүрлі шапан жапты.Басқосуда білім саласының ардагері, Арал ауданының Құрметті азаматы Ә.Әуезов пен аудандық мәслихат төрағасы Б.Төрахметов пайғамбар жасқа жетіп, ұзақ жылғы еңбегінің жемісін көріп, зейнет демалысына шыққалы отырған Еламан Сәдібекұлын мерейлі жасымен құттықтап, лебіздерін білдірді.Көрсетілген ерекше құрметке ризашылығын білдірген Еламан Сәдібекұлы қызмет атқарған салада жинақтаған мол тәжірибесімен алдағы уақытта да бөлісуге дайын екенін атап өтті.Фото: Арал ауданы әкімдігі

Статистика саласынан зейнеткерлікке шықты

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жаңадан салынатын кітапхана мен драма театрдың құрылыс алаңына барды.Мемлекет басшысы Ұлттық құрылтайдың бесінші отырысында Қызылорда қаласында жаңа драма театр және тәулік бойы жұмыс істейтін кітапхана салу туралы айтқан болатын.<blockquote>«Қызылордада жаңа драма театр салу жоспарымызда бар, биыл құрылысты бастауымыз керек. Өткен сапарымда облыстың зиялы қауым өкілдерімен кездескен кезде заманауи кітапхана салу керек деп айттым. Енді бұл құрылыс биылдан бастап жүргізіледі», – деді Қасым-Жомарт Кемелұлы өз сөзінде.</blockquote>Заманауи, көпфункционалды кітапхана салуға инвестор есебінен 20 млрд. теңге қаралған. Бұл еліміздегі кітапхана инфрақұрылымын дамытуға, оқырмандарға қолжетімділікті арттыруға және өңірлерде ақпараттық мәдениет деңгейін көтеруге бағытталған.Жоба бойынша ғимараттың аумағы 13 000 шаршы метр, 1 миллионнан астам кітап қорын сақтауға арналған. Жыл сайын 250-300 мың оқырманға қызмет көрсетеді. Каталогтар, заманауи ашық форматтағы оқу залдары, 50 адамның цифрлық ресурстармен жұмыс істеуіне қолайлы электронды бөлме қарастырылады. Инновациялық бағыттағы медиа-лаб бөлмесі мен подкаст студиясы болады. Бұл бастама – халықтың білімге, мәдениетке және заманауи ақпарат көздеріне қолжетімділігін арттыртын маңызды қадам.<img src="https://knadmin.beoblood.kz/uploads/whatsapp_image_2026_02_03_at_19_12_58_d812959e56.webp" alt="whatsapp-image-2026-02-03-at-19.12.58.webp">Ал драма театрдың жаңа ғимаратының салынуы – қазақ театр өнерінің қарашаңырағы саналатын аймақтағы тұрақты көрермендер үшін зор қуаныш, үлкен сый. Н.Бекежанов атындағы облыстық драма театр былтыр бір жылдың ішінде төрт бірдей халықаралық фестивальда топ жарды. Материалдық базасы барынша нығайып, мамандардың кәсіби тұрғыда жетілуіне жағдай жасалды, баспанамен қамтамасыз етілді.Жаңа ғимарат артистердің дайындығына, түрлі сахналық көріністер мен ауқымды декорациялар құруға мүмкіндік береді, кең тынысты дыбыс жүйесі мен соңғы үлгідегі жабдықтар қойылым сапасын арттыра түседі.Фото: Қызылорда облысы әкімінің баспасөз қызметі

Қызылордада жаңа кітапхана мен драма театр салынады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев кинорежиссер, суретші, Қазақстанның еңбек сіңірген қайраткері, «Тарлан» сыйлығының иегері Рүстем Әбдірашовпен кездесті.Кездесуде режиссер отандық кино өндірісінің бүгінгі жай-күйі, күрескер тұлғалар туралы тарихи фильмдер түсіруге қатысты жоспарын бөлісті. Қазақстандық киноиндустриядағы ең табысты картиналар, Мемлекет басшысының тапсырмасымен қолға алынған «Кинематография туралы» заңға өзгерістер мен толықтырулар енгізудің бүгінгі бағыты туралы әңгіме қозғады.Рүстем Әбдірашев суретші ретінде еңбек еткен «Отырардың күйреуі», «Көзімнің қарасы» фильмдері Мемлекеттік сыйлыққа ие болған. 2004 жылдан бері кинорежиссердің «Қаладан келген қыз» фильмі ТМД және Балтық елдеріндегі, «Шәкен жұлдыздары» кинофестивальдерінің бас жүлдесін, «Золотой витязь» фестивалінде «Ең үздік режиссура» номинациясымен марапатталған. «Сталинге сыйлық» туындысы Францияда өткен XV халықаралық Азия фильмдерінің «Синемас Азия» фестивалінде Гран-приді жеңіп алды.«Құрақ көрпе», «Қазақ хандығы. Алтын тақ», «Алмас қылыш» фильмдері көрермен мен сыншылардың жоғары бағасына ие болған.

Аймақ басшысы кинорежиссер Рүстем Әбдірашовпен кездесті

<a href="https://kyzylorda-news.kz/">Kyzylorda-news.kz</a> Бүгін Қазақстанда Ұлттық басылым күні аталып өтуде. Осы датаға орай Қызылорда қаласындағы Назарбаев Зияткерлік мектебінің оқушылары Т. Жүргенов атындағы шығармашылық үйіне танымдық экскурсиямен барды.Жас зияткерлер облыстық «Сыр бойы», «Кызылординские вести», «Ақмешіт жастары», қалалық «Ақмешіт апталығы», жеті аудандық газеттерін және «Kyzylorda-News.kz» ақпарат агенттігін біріктіретін «Сыр медиа» медиахолдингінің қызметімен танысты.«Кызылординские вести» аймақтық басылымның бөлім редакторы Мира Жакибаева мекеменің құрылымы, журналист мамандығының ерекшеліктері және өңірдегі бұқаралық ақпарат құралдарының қоғамдағы маңызы туралы кеңінен әңгімелеп берді.Журналистер мұражайында оқушылар алғашқы газеттердің нөмірлерін, архивтік құжаттарды, алғашқы баспа құрылғысын және өңірдегі баспа ісінің қалыптасу тарихын айқындайтын бірегей экспонаттармен танысуға мүмкіндік алды.<img src="https://knadmin.beoblood.kz/uploads/0bbf87e6_051b_4104_a161_8db6e13d9f0d_8c489e9049.jpg" alt="0bbf87e6-051b-4104-a161-8db6e13d9f0d.jpg">Сонымен қатар заманауи баспахананың жұмысын көріп, газеттің материал дайындалуынан бастап оқырман қолына жеткенге дейінгі толық өндірістік үдерісімен танысты. Мұндағы баспа машинасы сағатына 35 мың данаға дейін газет шығаруға мүмкіндік береді. Бұл жерде облыстық басылымдарымен қатар республикалық газеттер мен журналдар да басылып шығады.Экскурсия аясында «Кызылординские вести» газетінің бас редакторы Ботагөз Ажарбаевамен және «Сыр медиа» мекемесінің бас директоры Марат Аралбаевпен кездесіп, &nbsp;облыстық баспа ісінің тарихы, дамуы мен цифрландыру жағдайындағы журналист мамандығының талаптары мен болашағы туралы ақпарат алды.Аталған шара оқушылардың дүниетанымын кеңейтіп, медиасала жұмысының қыр-сырын тереңірек түсінуге және болашақ мамандықты таңдауда кәсіби бағыт-бағдар алды.

Ұлттық басылым күні: қызылордалық зияткерлер өңірдегі баспа ісінің қалыптасу тарихымен танысты

<a href="https://kyzylorda-news.kz/">Kyzylorda-news.kz</a> &nbsp; Премьер-министр Олжас Бектеновтің төрағалығымен Ғылым академиясының ғылыми жобаларын іске асыру, оның әлеуетін экономика мен өңірлердің түрлі салаларын дамытуға тарту мәселелері жөнінде кеңес өтті. Күн тәртібінде басымдықтарды анықтаудағы жаңа тәсілдер, өңірлік ғылымды дамыту жайы талқыланды.Аймақ басшысы Нұрлыбек Нәлібаев кеңеске селекторлық режим арқылы қатысты. Одан кейін арнайы жиын өткізіп, жауапты сала басшыларына бірқатар тапсырма жүктеді.<blockquote>«Президентіміздің ұсынысымен өңірімізде өткен Ұлттық құрылтайдың қорытынды бесінші отырысы тарихи миссиясы айрықша мазмұнға ие алқалы жиын болды. Құрылтайда еліміздің келешек бағдары айқындалып, қоғамдағы ең өзекті мәселелер ашық талқыланды.Мемлекет басшымыздың бұған дейінгі ауқымды саяси реформаларының жалғасы ретінде Конституциялық, Парламенттік және мемлекеттік басқару жүйесіндегі реформалар туралы бастамалар көтерілді.Өткен аптада Астана қаласында Конституциялық реформа жөніндегі комиссия отырысында Ата Заңға енгізілетін түзетулер талқыланып, жаңа Конституция жобасы ұсынылды.Өзгерістер негізінен биліктің құрылымдарын қайта қарауды, адам құқықтарын күшейтуді, мемлекеттік басқарудың жаңа институттарын енгізуді қамтыды. Ата Заңымыздың жаңа мәтінінің басты идеясы ретінде білім мен ғылым, мәдениет пен инновация анықталған.Президентіміз Ғылым және технологиялар жөніндегі Ұлттық кеңес отырысында ғылым мен технологияның стратегиялық маңызын ерекше атап, өңірлерде әкімдіктер жанынан ғылыми кеңестер құруды тапсырған болатын. Аталған бастама өңірлік ғылымды дамытуға, жаңа ғылыми жобаларды жүзеге асыруға жаңа серпін береді және бұл бағытта жүйелі жұмыстар жүргізуіміз қажет.Ғылым мен өндірістің өзара байланысын күшейту, өңірдің салалық ерекшелігіне сәйкес қолданбалы зерттеулер санын арттыру, жас ғалымдарды тартуды кешенді түрде ұйымдастыру керек. Ғылыми зерттеулер мен жобалар өңір экономикасының түрлі салаларын одан әрі дамытуға, тиімділігін арттыруға бағытталуы тиіс», – деді Н.Нәлібаев.</blockquote>Президент тапсырмасына сәйкес, өңірде ғылыми-зерттеу ұйымдарын экономиканың түрлі салаларын дамытуға тартуда тиісті жұмыстар жүргізілуде.Негізгі 3 жоғары оқу орны, атап айтсақ, Қорқыт ата атындағы Қызылорда университеті, «Қызылорда Болашақ» университеті мен Қызылорда Ашық университетінде 791 профессор-оқытушы бар. Соңғы бес жылда білім алушылар саны 32%-ға артқан,қазір 20 мыңға жуық (19 720) студент оқиды.Үздік шетелдік университеттер филиалын ашу туралы Президент тапсырмасы орындалды. Қорқыт ата университеті базасында Кореяның СеулТех университетінің филиалы ашылды.Қазіргі таңда қос дипломды, бірлескен білім беру бағдарламалары жүзеге асырылуда.Жасанды интеллект, киберқауіпсіздік және информатика жоғары мектебінде 4 білім беру бағдарламасы бойынша 240 студент заманауи зертханаларда бірнеше тілде оқиды. Алдағы уақытта жоғары білікті кадрлар облыстың ғана емес, еліміздің ІТ саласын дамытуға, экономикаға жасанды интеллект пен озық технологияларды енгізуге үлес қосады.Ғылымды дамытуда 2023 жылдан бері гранттық және бағдарламалық-нысаналық қаржыландыру механизмі арқылы 23 ғылыми жоба жүзеге асырылуда.Одан бөлек, Ыбырай Жақаев атындағы қазақ күріш шаруашылығы ғылыми-зерттеу институтында 7 ғылыми жоба қолға алынды.Институт базасында өңірдің топырақ-климаттық ерекшеліктеріне бейімделген дәнді дақылдардың жаңа сорттарын шығару, су үнемдеу технологияларын енгізу мәселелері жан-жақты зерттеліп келеді.Аймақта ғылыми-зерттеу, тәжірибелік-конструкторлық жұмыстармен 9 кәсіпорын айналысады, 400-ден аса қызметкер жұмыспен қамтылған. Аталған компаниялар 2024 жылы ғылыми жұмыстарға 1 млрд. 300 млн. теңге қаржы бөлген. Бұл көрсеткіш 2020 жылмен салыстырғанда бес есе артты.Әкімдік жанынан ғылыми кеңес құрылып, жұмыс жоспары бекітілді.2026-2030 жылдарға арналған облыстың даму жоспарына «Жалпы өңірлік өнімдегі ғылыми-зерттеу жұмыстары шығындарының үлесі» көрсеткіші енгізілді. Қолданбалы ғылыми зерттеулерді қаржыландыру үшін тиісті қаражат бөлу мәселесі де басты назарда.Фото: Қызылорда облысы әкімінің баспасөз қызметі

Ғылыми жобалар әлеуетін пайдалану мәселелері талқыланды

<a href="https://kyzylorda-news.kz/">Kyzylorda-news.kz</a> 2025 жылы Жалағаш ауданының әлеуметтік-экономикалық дамуында оң динамика қалыптасты. Негізгі макроэкономикалық көрсеткіштер өсіммен орындалып, инвестициялық белсенділік пен кәсіпкерлік қарқыны артты. Өңірлік коммуникациялар қызметінің ақпарат алаңында Жалағаш ауданының әкімі Ардақ Ибраимов ауданда өткен жылы атқарылған жұмыстарды баяндады.<blockquote>– Өткен жылы аудан экономикасының негізгі салалары тұрақты өсім көрсетті. Өнеркәсіп өнімінің көлемі 102,3 пайызға, өңдеу өнеркәсібі 108,2 пайызға жетті. Инвестициялар тарту 101,3 пайызды, бөлшек сауда 100,2 пайызды құрады. Ауыл шаруашылығының жалпы өнімі 100 пайызға орындалып, тұрғын үй көлемі 104,3 пайызға, құрылыс жұмыстары 115,1 пайызға артты. Аудан бюджеті 9,2 млрд теңге болып бекітіліп, жыл соңында 9,5 млрд теңгеге нақтыланып, толық игерілді. Өз кірістеріміз 2,6 млрд теңгені құрап, 116,8 пайызға орындалды. Қазіргі таңда ауданда шағын және орта кәсіпкерлікті дамыту бағытында 2 806 кәсіпкерлік субъектісі тіркелген. Мемлекет басшысының тапсырмасына сәйкес жүзеге асырылып жатқан «Ауыл Аманаты» жобасы аясында 166,5 млн теңгеге 33 жоба қаржыландырылып, 35 жаңа жұмыс орны ашылды. Сонымен қатар, Ұлттық цифрлық инвестициялық платформа арқылы жалпы құны 1 млрд теңгені құрайтын 4 инвестициялық жоба іске асырылып, өңдеу саласында жаңа өндірістер ашылды. Бұдан бөлек, құны 51 млрд теңге болатын «Harvest Agro Holding» компаниясының ірі инвестициялық жобасы қолға алынды. Бұл аудан үшін тәуелсіздік жылдарындағы ең ауқымды инвесторлық жоба болмақ, – деді Ардақ Ибраимов.</blockquote>Жалағаш ауданы экономикасында ауыл шаруашылығы жетекші салалардың бірі. Аймақтың табиғи-климаттық және топырақ ерекшеліктеріне сай ауданда ауыл шаруашылығы негізінен суармалы егіншілікке, оның ішінде күріш өсіруге бейімделген. Мемлекеттік қолдау шаралары мен заманауи агротехнологияларды енгізу нәтижесінде су тапшылығына қарамастан егін және мал шаруашылығы бағыттарында нақты нәтижелерге қол жеткізуде.<blockquote>– Бүгінде аудан аумағында 338 ауыл шаруашылығы құрылымы жұмыс істейді. Оның 202-сі егін шаруашылығымен, 136-сы мал шаруашылығымен айналысады. Өткен жылы 209 шаруашылық 36 712 гектар алқапқа егіс орналастырса, оның 19 357 гектары күріш өнімі болды. Су тапшылығына қарамастан, егін жинау жұмыстары толық аяқталып, орташа өнімділік гектарына 60,1 центнерден айналып, 116 331 тонна өнім жиналды. Осы көрсеткіштердің нәтижесінде аудан «Ауыл шаруашылығы саласына инвестиция тарту бойынша озат аудан» атанды. Сонымен қатар, шаруашылықтар өздерінің материалдық-техникалық базасын нығайтуға басымдық беріп 27 жаңа ауыл шаруашылығы техникасын сатып алды. Айта кету керек, биыл аудан бойынша 36 678 гектар алқапқа ауыл шаруашылығы дақылдарын орналастыру жоспарланып отыр. Сондай-ақ, бізде мал шаруашылығы саласы да тұрақты даму үстінде. Қазіргі таңда ауданда 32 687 бас мүйізді ірі қара, 24 231 бас уақ мал, 33 763 бас жылқы, 765 бас түйе және 10 251 бас құс өсірілуде. Бұдан бөлек, жер ресурстарын тиімді пайдалану бағытында пайдаланылмай жатқан немесе заң талаптарын бұза отырып қолданылған жалпы көлемі 11 624 гектарды құрайтын 24 жер учаскесі мемлекет меншігіне қайтарылды. Ал ауыл шаруашылығы мақсатындағы 31 908 гектар жер қайта айналымға енгізіліп, жеке және заңды тұлғаларға берілді, – деді Ардақ Ибраимов.</blockquote>Аймақ басшысының қолдауымен Жалағаш ауданында жол, ауыз су, электр және газ инфрақұрылымын дамыту бағытында кешенді жұмыстар жүргізілуде. Елді мекендердің инженерлік желілерін жаңғырту мен тұрғындардың тұрмыс сапасын арттыруға басымдық берілген.<blockquote>– Өткен жылы аудан аумағында жол саласын дамытуға бюджеттен 2 млрд теңге бөлінді. Нәтижесінде, аудандық маңызы бар 1 автомобиль жолы мен кент және ауылдық округтердегі 37 ішкі көше күрделі жөндеуден өткізіліп, 8 көшеге тас төсеу жұмыстары жүргізілді. Қазіргі таңда елді мекендерге бағытталған негізгі күре жолдардың барлығы толық күрделі жөндеуден өткен. Ел Президентінің, Үкімет басшысының және облыс әкімінің қолдауымен ауданаралық жолдарға қатысты мәселелер толық шешімін тапты. Сонымен қатар, жол саласын одан әрі дамыту мақсатында 13 жобаға бюджеттік өтінім жолданды. Аймақ басшысының шеткері елді мекендерді дамыту жөніндегі тапсырмасына сәйкес, Жаңадария және Аққыр ауылдарындағы 5 көшені күрделі жөндеуден өткізуге ағымдағы жылы бюджеттен тиісті қаржы бөлінді. Бұл жұмыстар аталған ауылдардағы көше жолдары мәселесін толық шешуге мүмкіндік береді, – деді Ардақ Ибраимов.</blockquote>Сондай-ақ, аудан халқын ауыз сумен қамту мәселесінде де нақты нәтижелер орындалып, электр желілерін жаңарту бағытында да бірқатар жобалар әзірленген.<blockquote>– Бүгінгі таңда аудан тұрғындары 100 пайыз орталықтандырылған ауыз сумен қамтылған. Өткен жылы Есет батыр елді мекенінде ауыз су жүйесін қайта жаңғырту жобасы аясында тиісті қаржы, құрылыс-монтаждау жұмыстары басталды. Аудан бойынша электр желілерінің жалпы ұзындығы 457,5 шақырымды құрайды, орташа тозу деңгейі – 32,5 пайыз. Жалағаш кенті, Еңбек және М.Шәменова ауылдарының электр желілерін жөндеу үшін демеушілер есебінен жобалау-сметалық құжаттама әзірленіп, бюджетке ұсынылды. Одан бөлек, аудан халқының 50 пайызы көгілдір отынмен қамтылған. Өткен жылдың қараша айында Қаракеткен және Далдабай елді мекендерін газдандыру үшін облыстық бюджеттен қаржы бөлініп, құрылыс жұмыстары басталды. Сонымен қатар, Бұқарбай батыр елді мекенін газдандыру мақсатында жобалау-сметалық құжаттама әзірленіп, салалық министрлікке бюджеттік өтінім жолданды,- деді Ардақ Әбдіғаппарұлы.</blockquote>Жалағаш ауданында халықтың өмір сүру сапасын арттыру, әлеуметтік тұрақтылықты қамтамасыз ету және адами капиталды дамыту бағытында кешенді жұмыстар жүзеге асырылуда. Жұмыспен қамту, білім беру мен денсаулық сақтау салалары – өңірдің орнықты дамуының негізгі тіректерінің бірі.<blockquote>– Әлеуметтік салада айтарлықтай оң нәтижелерге қол жеткіздік. Халықты жұмыспен қамту, жаңа жұмыс орындарын ашу – басты міндеттеріміздің бірі. Өткен жылы аудан бойынша жалпы жұмыссыздық деңгейі 5,1 пайызды, ал жастар арасындағы жұмыссыздық 3,8 пайызды құрады. Ұлттық жоба аясында 16 жоба бойынша 175 адамды жұмыспен қамту жоспарланған болса, нақты 183 адам жұмыспен қамтылып, жоспар 105,1 пайызға орындалды. Сонымен қатар, әлеуметтік жағынан осал отбасыларға қолдау көрсету мақсатында жыл басынан бері 60 млн теңгеге жуық қайырымдылық көмегі көрсетілді. Жұмыссыздықты төмендету үшін кәсіпкерлікті дамытуға, жаңа бизнес бастамаларды қолдауға басымдық беріліп отыр, – деді Ардақ Әбдіғаппарұлы.</blockquote>Әлеуметтік саладағы оң өзгерістер білім беру жүйесінде де нақты нәтижелермен көрініс табуда.<blockquote>– 2024–2025 оқу жылын ауданымыздағы 20 мектепте 6 603 оқушы аяқтады. Оның ішінде 450 түлек мектеп бітіріп, үлкен өмірге қадам басты. «Алтын белгі» иегерлері – 16 түлек, үздік аттестат алғандар саны – 48. Алдағы 2025–2026 оқу жылына дайындыққа 262,5 млн теңге бөлініп, 5 мектепке жөндеу жүргізілді, 3 мектеп жанынан жаңа спорт алаңдары салынды, 2 мектептің спорт алаңдары күрделі жөндеуден өтті. Оқушылардың қауіпсіздігін қамтамасыз ету мақсатында барлық білім беру ұйымдары 100 пайыз бейнебақылау жүйесімен қамтылып, полиция бөлімдерімен толық интеграцияланды, – деді Ардақ Ибраимов.</blockquote>Денсаулық сақтау саласында да инфрақұрылымды жаңғырту мен медициналық қызмет сапасын арттыруға бағытталған нақты қадамдар жасалуда.<blockquote>– Ауданда жаңа аурухана мен заманауи емхананың пайдалануға берілуі халыққа көрсетілетін медициналық қызметтің сапасын айтарлықтай жақсартты. Республикалық бюджеттен қаржы бөлініп, Қаракеткен ауылдық округінде дәрігерлік амбулатория салынды. Сонымен қатар, аудандық аурухананың материалдық-техникалық базасын нығайту мақсатында лизинг арқылы 62,4 млн теңгеге заманауи ультрадыбыстық диагностикалық аппарат алынды. Бұдан бөлек, рентген-маммографиялық және стационарлық цифрлық рентген-флюорографиялық аппараттар сатып алынып, медициналық қызметке енгізілді, – деді Ардақ Әбдіғаппарұлы.</blockquote>

Жалағаш ауданында экономикалық көрсеткіштерінде өсім бар

«AMANAT» партиясының «Кітап – AMANAT» партиялық жобасы аясында аудандық партия филиалының және аудандық кітапхананың бірлесе ұйымдастыруымен ақын, Қазақстан Жазушылар одағының Қызылорда облыстық филиалының төрайымы, «Сырдария ауданының Құрметті азаматы» Қаршыға Есімсейітовамен кездесу өткізілді.Кездесуді «AMANAT» партиясы Сырдария аудандық филиалының Атқарушы хатшысы Ақтөре Ибрагимұлы ашып жүргізді. Іс-шараға аудан әкімінің орынбасары Димаш Байдушев, ақын, халықаралық «Алаш» әдеби сыйлығының иегері Қатира Жәленова, «Тоқтыбаев» бастауыш партия ұйымының төрайымы Жанна Сәркеева, аудандық мәдениет және тілдерді дамыту бөлімінің басшысы Анар Қалдыбаева, ауданның зиялы қауым өкілдері, ардагерлер, кітапхана оқырмандары, «Руханият» орталығында орналасқан мекемелердің басшылары мен қызметкерлері, партия мүшелері қатысты.Іс-шара барысында ақынның өлдері оқылып, оның сөзіне жазылған әндер шырқалды. Сонымен қатар өмірі мен шығармашылығына арналған бейнефильм көрсетілді. Кездесу соңында ақынға құрмет көрсетілді.Ардақты ақындар аудандық партия филиалы мен аудандық кітапхана ұжымына «Кітап – AMANAT» партиялық жобасы аясында бірлесе ұйымдастырған кездесу кеші үшін шынайы алғыстарын айтты.

Ардақты ақынмен кездесу кеші өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев опера әншісі, Қазақстанның еңбек сіңірген қайраткері Айгерім Алтынбекпен кездесті.Аймақ басшысы опера әншісінің өнер жолындағы жетістіктеріне, өңірдің мәдениет саласында атқарылған жұмыстарға тоқталды.<blockquote>«Ең алдымен Айгерімді еліміздің ұлттық мерекесі – Республика күніне орай Мемлекет басшысының қолынан «Қазақстанның еңбек сіңірген қайраткері» атағын алуымен, әлемдегі ең беделді театрлардың бірі – Италиядағы атақты «Ла Скала» театрының академиясына тағылымдамадан өтуге қабылдануымен Өзімнің және Сыр жұртшылығы атынан шын жүректен құттықтаймын! Бұл – тек сіздердің отбасылық жетістіктеріңіз ғана емес, елімізбен қатар, аймағымыздың өнері мен мәдениетінің халықаралық деңгейде мойындалуының жарқын көрінісі.Президентіміз Қасым-Жомарт Кемелұлы «Еліміздің келешегі ойы ұшқыр, терең білімді, заманауи көзқарастағы жастардың қолында» деген болатын. Айгерімнің шығармашылық жолы, үздіксіз ізденісі мен кәсіби шеберлігі жас буын үшін үлгі.Қазір «Сыр елі – жыр елі» атанған өңірімізде өнерпаздарға қолайлы орта қалыптастыру, өнерлі, дарынды жастардың шығармашылығын шыңдауға бағытталған маңызды жобалар жүзеге асырылуда.Соның бір жарқын көрінісі Өзіңіз білім алған, ел мәдениетінің өркендеуіне өлшеусіз үлес қосқан өнерпаздарды түлеткен Қазанғап атындағы Қызылорда музыкалық колледжінің ғимаратын жатақханасымен қосып заманауи үлгіде жаңадан салып пайдалануға бердік», – деді Нұрлыбек Машбекұлы.</blockquote>Кездесуде облыстың Құрмет грамотасын алған Айгерім Алтынбек, қазақы дәстүрге сай сый-сияпат иеленген анасы Кеңескүл Ақтілеуқызы көрсетілген құрметке ризашылық білдірді.Биыл сырбойылық опера әншісі Айгерім Алтынбек әйгілі тенор Хосе Каррерастың Астана қаласында өткен мерейтойлық қоштасу және Италиядағы әлемдік турына, Андреа Боччелидің Ежелгі Помпей амфитеатрының сахнасында өткен тарихи концертіне қатысты. «Ла Скала» театрының академиясына тағылымдамадан өтуге қабылданды. Бұл – қазақстандық опера өнері үшін зор жетістік.<img src="https://knadmin.beoblood.kz/uploads/Ajma_basshysy_opera_nshisi_Ajgerim_Altynbekpen_kezdesti_bb6ffc0bc4.jpg" alt="Аймақ басшысы опера әншісі Айгерім Алтынбекпен кездесті.jpg">Әнші республикалық және халықаралық вокалдық байқауларда жүлделі орындарға ие болып, Қазақстанның атын әлемдік сахнада кеңінен танытты.Ол 2014-2016 жылдары Қызылорда облыстық филармониясында солист қызметін атқарған. Қазір Роза Бағланова атындағы «Қазақконцерт» мемлекеттік академиялық концерттік ұйымының әртісі ретінде шығармашылық қызметін жалғастырып келеді.Фото: Қызылорда облысы әкімінің баспасөз қызметі

Аймақ басшысы опера әншісі Айгерім Алтынбекпен кездесті

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев қаладағы Руханият орталығында әр саланың шылбырын қаққан, өз кәсібінде жетістіктерге жетіп, белсенділігімен көзге түсіп жүрген аудан жастарымен кездесті.Алдымен орталықтың кіреберісінде аудан жастарының жетістіктері мен өз қолдарымен жасаған өнер туындыларын көріп, жасанды интеллекттің көмегімен жүзеге асып жатқан бірнеше жұмыстың нәтижесімен танысты.«Жаңа дәуірдің жасампаз жастары» атты еркін форматтағы емен-жарқын жүздесу кешін аудандық «Толқын» газетінің бас редакторы, ақын А.Сайлауов тізгіндеп, ерекше кешке ауданымыздың белсенді жастары мен елге қызмет етіп жүрген орта буын өкілдерінің қатысып отырғанын жеткізді.Басқосуда алдымен аудан әкімі Аманжол Сақыпұлы сөз алып, ел жастарын мерекелерімен құттықтап, өзінің ізгі лебізін білдірді.<blockquote>– Құрметті жастар! Баршаңызды алда келе жатқан Жаңа жыл мерекесімен құттықтаймын! Өтіп бара жатқан жыл аудан жастары үшін ізденіс пен ілгерілеудің, баянды бастама мен белсенділіктің жарқын жылы болды. Жастар қоғамдық өмірдің барлық саласында – мәдениетте, білімде, спортта, әлеуметтік және волонтерлік бағыттарда жоғары белсенділік танытып, нақты нәтижелерге қол жеткізді. Мемлекет басшысы жастарға әрдайым ерекше сенім артып келеді. Себебі елдің ертеңі – білімді, еңбекқор, отаншыл жастардың қолында. Сіздердің жасампаз істеріңіз – ел дамуына қосылған нақты үлес. Алдағы уақытта да сіздердің тың идеяларыңыз бен батыл бастамаларыңызға жан-жақты қолдау көрсетіле береді. Бірлесе еңбек етіп, жаңа белестерді бағындыра берейік. Баршаңызға зор денсаулық, шығармашылық табыс, биік мақсат пен жарқын болашақ тілеймін, – деді аудан басшысы.</blockquote>Мұнан соң аудандық Жастар ресурстық орталығының директоры Берік Сұлтаниязов аудан жастарымен жыл көлемінде атқарылған жұмыстармен және алдағы міндеттерімен таныстырып өтті.Жерлесіміз, жас ақын, республикалық «Алтын домбыра» айтыс аламанының І орын иегері Бексұлтан Орынбасар замандастарына, жерлестеріне деген ыстық лебізін білдіріп, аудан жастары мен ел азаматтарына арнаған жүрекжарды тілегін жеткізді.<img src="https://knadmin.beoblood.kz/uploads/Aral_audanyny_kimi_zhastarymen_zh_zdesti1_9be83d0f9e.jpg" alt="Арал ауданының әкімі жастарымен жүздесті1.jpg">Басқосуда еркін форматтағы спикерлер сессиясы өтті. Мұнда жастардың жұмыспен қамтылуы және мемлекеттік қайтарымсыз гранттар иеленуі мәселелері бойынша Мансап орталығының директоры Ж.Алдашев, «2025 жылы аудан жастарының қатысуымен өткізілген іс-шаралар туралы» Жастар ресурстық орталығының маманы Ә.Тоқтамысұлы және «AMANAT» партиясы аудандық филиалы жанындағы «Жастар рухы» жастар қанатының 2025 жылы атқарған жұмыстары туралы «Жастар рухы» жастар қанатының жетекшісі Е.Сабырбай сөз сөйледі.Бұл басқосуда жастар тарапынан түрлі сұрақтар қойылып, аудан әкімінің жұмысына, тұлғалық болмысына қатысты да сауалдар жолданды. Адалдықты, білімді және жауапкершілікті басты ұстаным еткен Аманжол Сақыпұлы жастарға жастық шағынан естелік сыр шертіп, өзіндік ой-пікірін ортаға салды.<img src="https://knadmin.beoblood.kz/uploads/Aral_audanyny_kimi_zhastarymen_zh_zdesti2_3ab41e37ac.jpg" alt="Арал ауданының әкімі жастарымен жүздесті2.jpg">Аудан жастарымен болған жүздесуде Жұмысшы мамандықтар жылы аясында бір топ белсенді жастарға, жастар жанашырларына және аудандағы жұмысшы жас мамандарға аудан әкімінің Алғыс хаттары табысталды.Фото: Аудан әкімінің баспасөз қызметі

Арал ауданының әкімі жастармен жүздесті

<a href="https://kyzylorda-news.kz/">Kyzylorda-news.kz</a> Бауыржан Момышұлына «Халық қаһарманы» атағын беру туралы2025 жылғы 25 желтоқсан ҚАУЛЫ ЕТЕМІН: 1. Ұлы Отан соғысында көрсеткен ерлігі мен батылдығы үшін Ұлы Отан соғысына қатысушы Бауыржан Момышұлына (марқұм) «Халық қаһарманы» атағы беріліп, айрықша ерекшелік белгісі – Алтын жұлдыз бен «Отан» ордені тапсырылсын. 2. Осы Жарлық қол қойылған күнінен бастап қолданысқа енгізіледі. Қазақстан Республикасының Президенті Қ.Тоқаев Астана, Ақорда, 2025 жылғы 25 желтоқсан № 1137 [19:55, 25.12.2025] Әзиз Сыр Медиа Сайт: Бауыржан Момышұлына «Халық қаһарманы» атағын беру туралы 2025 жылғы 25 желтоқсан ҚАУЛЫ ЕТЕМІН: 1. Ұлы Отан соғысында көрсеткен ерлігі мен батылдығы үшін Ұлы Отан соғысына қатысушы Бауыржан Момышұлына (марқұм) «Халық қаһарманы» атағы беріліп, айрықша ерекшелік белгісі – Алтын жұлдыз бен «Отан» ордені тапсырылсын. 2. Осы Жарлық қол қойылған күнінен бастап қолданысқа енгізіледі. Қазақстан Республикасының Президенті Қ.Тоқаев Астана, Ақорда, 2025 жылғы 25 желтоқсан № 1137

Мемлекет басшысы Қасым-Жомарт Тоқаев Бауыржан Момышұлына «Халық қаһарманы» атағын беру туралы Жарлыққа қол қойды

<a href="https://kyzylorda-news.kz/">Kyzylorda-news.kz</a> Қызылордада ҚР Президенті атынан «Ғажайыпқа толы Жаңа жыл» атты балаларға арналған дәстүрлі шырша мерекесі өтті. Ерекше безендірілген кеңістік, алтын реңкті шамдар, аспалы шырақтар, әртүрлі костюм киген ертегі кейіпкерлері балалардың жаңажылдық көңіл-күйін көтере түсті.Ертеңгілікке Қызылорда қаласынан және аудандардан үздік, өнерлі, қабілетті, білім бәсекелерінде жетістікке жеткен 200-ге жуық оқушы қатысты. Бүлдіршіндер Мемлекет басшысы Қасым-Жомарт Кемелұлының құттықтауы мен естелік сыйлықтарын алып, театрландырылған қойылым тамашалады.Аймақ басшысы Нұрлыбек Нәлібаев балаларды Жаңа жыл мерекесімен құттықтап, ақжарма тілегін арнады.<blockquote>«Мемлекет басшымыз Қасым-Жомарт Кемелұлының өздеріңізге арнаған жаңажылдық құттықтауы, сыйлықтары мен ұмытылмас әсерлі сәттер сіздерге қуаныш пен шаттық сыйлады деп сенемін. Сіздер – тыныштық пен тұрақтылық орнаған Тәуелсіз Қазақстанымыздың жарқын болашағысыздар. Ата-ананың ең үлкен мақсаты – баласын жақсы, адал азамат етіп өсіру. Ал, мемлекетіміз бен қоғамның басты мақсаты – елге ие болатын білімді де отаншыл ұрпақ тәрбиелеу. Сіздердің лайықты өмір сүріп, жақсы білім алуларыңыз үшін жағдай жасау – біздің басты мақсатымыз.Президентіміздің бастамасымен «Адал азамат» біртұтас тәрбие бағдарламасының қабылдануы, «Келешек мектептері» ұлттық жобасының жүзеге асырылуы, «Білімді қолдау», «Қазақстан халқына» қорларының құрылуы – сіздердің игіліктеріңіз үшін жасалған нақты істердің айқын көрінісі.Өңірімізде жас ұрпаққа сапалы білім беру, спортқа, өнерге баулу үшін барлық жағдай жасалуда. Заманауи мектептер, физика-математика бағытындағы «Білім-инновация» лицей-интернаты, «Сыр жұлдыздары» шығармашылық-инновациялық академиясы, Оқушылар сарайы, музыкалық колледж, жаңа стадион мен Теннис орталығы тұрақты қызмет көрсетіп келеді.Бірер күннен соң халқымыздың жеті қазынасының бірі саналатын Жылқы жылын жақсылықпен, жақсы үмітпен қарсы аламыз. Осындай жарқын сәтте сіздердің жүздеріңіздегі қуанышты көру еліміздің ертеңіне деген сенімімізді нығайтады.2026 жылды көтеріңкі көңіл-күймен қарсы алып, ата-аналарыңызды жақсы жаңалықтармен қуантыңыздар. Жаңа жылда армандарыңыз орындалып, Тәуелсіз елімізбен бірге өсіп-өркендей беріңіздер!», – деді Нұрлыбек Машбекұлы.</blockquote><img src="https://knadmin.beoblood.kz/uploads/602356112_1167777182210191_1915177917418025090_n_9b16474b61.jpg" alt="602356112_1167777182210191_1915177917418025090_n.jpg">Мерекеде Желаяқ, Күншуақ, Тәттібек, Люми сияқты кейіпкерлер, Жаңа жылдың басты қонақтары – Аяз ата мен Ақшақар балаларға арналған қойылымдар ұсынды. Ғажайыпқа толы мерекені күткен, ертегілер еліне саяхат жасаған жеткіншектер ән айтып, би биледі.<img src="https://knadmin.beoblood.kz/uploads/600334630_1167777202210189_8941959125254264710_n_849bc86901.jpg" alt="600334630_1167777202210189_8941959125254264710_n.jpg">

Қызылордада ҚР Президенті атынан «Ғажайыпқа толы жаңа жыл» атты шырша мерекесі өтті

<a href="https://kyzylorda-news.kz/">Kyzylorda-news.kz</a> «Кеше Бауыржан Момышұлының туғанына 115 жыл толды. Даңқты қолбасшының нағыз ерлік жолы елімізбен қатар, шетелдерде өте танымал.Халқымыз оны қаһарман тұлға ретінде құрмет тұтады. Бірақ әйгілі батырға ресми түрде «Халық қаһарманы» атағы берілмеген. Облыс жұртшылығы, зиялы қауым өкілдері, тіпті, жастарымыз да осы мәселені көтеріп жүргенін білеміз. Тарихи әділдікті қалпына келтіруіміз керек.Сондықтан мен Мемлекет басшысы ретінде Бауыржан Момышұлына «Халық қаһарманы» атағын беру туралы шешім қабылдадым. Тиісті Жарлыққа бүгін қол қойдым, бұл құжат міндетті түрде жарияланады.Батырдың есімі нағыз отаншылдық пен өшпес ерліктің символы ретінде әрдайым көпке үлгі-өнеге болуға тиіс.Баукеңнің ерлігі жай аңыз емес, бұл – нақты құжаттармен дәлелденген, Ұлы Отан соғысына қатысқан батырлар мойындаған сөзсіз ерлік. Елге ерлігімен танылған, еңбегі сіңген азаматтарын бағалай білген жұрт ешқашан ұтылмайды».Фото: Ақорда

Қазақстан және Қызылорда облысының жаңалықтары: Руханият