<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев №375 референдум учаскесінде Конституцияға өзгерістер енгізуге байланысты республикалық референдумда дауыс берді.Қызылорда облысында 492 524 дауыс беруші тізімге енгізілген, 378 учаскеде 2642 комиссия мүшесі қызмет атқарады. Қызылорда қаласында 126 учаске бар, қалғаны аудандарда орналасқан.Учаскелер таңғы сағат 6.00-де ашылды. Дауыс беру таңғы сағат 7.00-ден басталып, 20.00-ге дейін жүргізіледі.<img src="https://knadmin.beoblood.kz/uploads/Ajma_basshysy_respublikaly_referendumda_dauys_berdi1_5165a9f2cd.jpg" alt="Аймақ басшысы республикалық референдумда дауыс берді1.jpg">Өңірде азаматтардың учаскесін анықтауға арналған 179 онлайн сервис жұмыс істейді. Сондай-ақ, уақытша тіркеу қызметімен айналысатын 5 онлайн учаске бар.Қимыл-қозғалысы қиын мүгедектігі бар азаматтарды тасымалдау үшін 67 инватакси, 49 учаскеде сурдоаудармашылар ымдау тілі қызметін көрсетуде.Айта кетейік, азаматтар өз учаскесін 4 платформа арқылы біле алады. https://referendum.orda.gov.kz сайты және арнайы телеграм боты үздіксіз жұмыс істейді. Бұл қызметтер «Smart Qyzylorda» мобильді қосымшасында қолжетімді.Азаматтар сайтқа кіріп, өз учаскесін анықтайды. Референдум комиссиясының мекен-жайы, байланыс деректері және комиссия мүшелерінің құрамы туралы ақпаратты біледі.Сондай-ақ 109 қызметінің диспетчерлері тұрғындар сауалдарына жауап береді.Фото: Қызылорда облысы әкімінің баспасөз қызметі

Аймақ басшысы республикалық референдумда дауыс берді

<a href="https://kyzylorda-news.kz/">Kyzylorda-news.kz</a> Еңбекші ауылдық округіндегі №297 сайлау учаскесіне 90 жастағы Күлжәмила Бекжапбарқызы келіп дауыс берді.Ғасырға жақындаған әже «саяси маңызы бар науқанда өз дауысымды беру үшін арнайы өз аяғыммен келдім» дейді. Бұл ел болашағы үшін жасалған ең маңызды қадамның бірі.

90 жастағы Күлжәмила Бекжапбарқызы сайлау учаскесіне келді 

<a href="https://kyzylorda-news.kz/">Kyzylorda-news.kz</a> Қазақстан Республикасының азаматы М.Әбдіхамитұлы Конституциялық кеңеске ұсыныс енгізіп, бұрынғы Конституция мәтініндегі «гимн» сөзін төл тілімізге жақын, ұлттық рухымызды айшықтайтын «Әнұран» атауымен алмастыруды ұсынды.Бұл ұсыныс мемлекеттік рәміздердің елдің рухани тірегі әрі тәуелсіздіктің айқын белгісі екенін ескере отырып жасалды. Әрбір атау мен ұғым халқымыздың тарихи жадын, ұлттық болмысын және мемлекеттік мәртебесін айқындайтыны сөзсіз.Бүгінгі өтіп жатқан референдум – ел болашағына қатысты аса маңызды шешім қабылданатын жауапты кезең. Мұндай тарихи сәтте әрбір азаматтың үн қосуы – мемлекет тағдырына деген жанашырлық пен ел ертеңіне сенімнің айқын көрінісі.Әрбір қазақстандықтың дауыс беруге қатысуы – ел дамуына бейжай қарамай, Отан алдындағы азаматтық парызын терең сезінетінін көрсетеді. Қоғамда ашық пікір білдірудің, белсенді азаматтық ұстаным танытудың маңызы айтарлықтай артып келеді.Әр берілген дауыс – тек жеке таңдау емес, ол – ортақ болашағын айқындайтын маңызды үлес болып табылады. Осындай бірліктің арқасында ел алға басып, тәуелсіз Қазақстанның келешегі одан әрі нығая түседі.

Конституциялық кеңеске ұсыныс енгізген М.Әбдіхамитұлы өз дауысын берді

<a href="https://kyzylorda-news.kz/">Kyzylorda-news.kz</a> Жаңақорған аудандық ардагерлер кеңесінің төрағасы Өмірсерік Тақырбасов республикалық референдумға қатысып, өз таңдауын жасады. Ол дауыс беру учаскесіне арнайы келіп, ел өміріндегі маңызды саяси науқанға азаматтық белсенділік танытты.

Аудандық ардагерлер кеңесінің төрағасы өз таңдауын жасады

<a href="https://kyzylorda-news.kz/">Kyzylorda-news.kz</a> Арал қаласындағы 44 сайлау учаскесіндегі референдумға халық жоғары белсенділікпен атсалысуда. Келушілер алтабақан теуіп, ұлттық тағамдардан дәм татуда.<blockquote>“Референдум учаскесі сағат 07:00-ден бастап ашылды. Комиссия мүшелері сайлаушыларды тіркеу, бюллетеньдерді беру және дауыс беру тәртібін сақтау жұмыстарын жауапкершілікпен атқаруда. Барлық рәсімдер ашықтық пен заңдылық қағидаларына сәйкес жүргізілуде.Бүгінгі референдум барысы жақсы өтіп жатыр. Бұл науқанның ашық әрі ұйымдасқан түрде өтуін айғақтауда. Аудан тұрғындарының жаппай келуі азаматтардың саяси белсенді болуының көрінісі. Таң сәріден бастап келушілер легі азаяр емес. Отбасы мүшелерінің бірлесіп келу жағдайлары жиі кездесуде.”-деді сайлау комиссиясының төрағасы С. Садықов.</blockquote>

Референдумға келуші халық белсенділігі жоғары

<a href="https://kyzylorda-news.kz/">Kyzylorda-news.kz</a> &nbsp;Жаңақорған ауданында бүгінде 600-ге жуық түрлі этнос өкілдері бір шаңырақ астында тату-тәтті өмір сүріп, өзара достық пен ынтымақтастықты нығайтып келеді.Бүгінгі саяси науқаннан да қалыс қалмай, №307 және №308 сайлау учаскелеріне тәжік, кәріс және өзге де этнос өкілдері келіп, өз азаматтық таңдауларын жасап, дауыс берді.

Жаңақорғанда түрлі этнос өкілдері референдумға белсенді қатысуда

<a href="https://kyzylorda-news.kz/">Kyzylorda-news.kz</a> &nbsp;Бүгін республикалық референдум аясында - «Референдум – 2026» атты онлайн марафон басталды.Ауқымды шараны «Қазақстан» телерадиокорпорациясы ұйымдастырып отыр.09:00-де басталған онайын марафон 01:00-ге дейін жалғасады. Он алты сағатқа созылатын шара барысында қоғамдағы өзекті тақырыптар талқыланып, ел дамуына қатысты бастамалар мен инновациялық жобалар таныстырылады. Шара шымылдығын 100 домбырашыны “Балбырауын” күйімен ашты.Іс-шара барысында тұңғыш рет отандық өнертапқыштар жасаған роботтар марафон жүргізушілеріне көмектеседі, сондай-ақ голограмма технологиясы арқылы еліміздің жетістіктер тізбегі ұсынылады.Марафонда 5 негізгі алаң жұмыс істейді:1. Басты сахна – қоғам қайраткерлері, сарапшылар мен танымал тұлғалардың қатысуымен өтетін негізгі пікірталас алаңы;2. Ток-шоу алаңы – білім беру, креатив индустрия, цифрландыру, жасанды интеллект және жастар мәдениетіне қатысты өзекті тақырыптар талқыланатын студия;3. Инновация алаңы – жасанды интеллект жобалары, роботтар, отандық стартаптар мен IT өнімдер таныстырылатын арнайы кеңістік. Мұнда роботтандыру мен ЖИ бағытындағы жаңа бастамалар көрсетіледі; (тұңғыш рет ұсынылырып отыр)4. Орталық коммуникациялар алаңы – республиалық референдумның өту барысына қатысты ресми органдар өкілдері мен сарапшылар әр екі сағат сайын тікелей эфирде пікір білдіреді;5. Экспресс-камера&nbsp;– шараға қатысушы көрермен пікірін жеткізетін интерактивті формат. Журналистер қонақтар мен қатысушылардан блиц-сұхбат алып, азаматтардың шараға қатысты көзқарасын, көңіл күйі мен азаматтық ұстанымын көрсетеді.Онлайн марафонда «Киберспорт», «Инклюзивті қоғам», «Әйелдердің құқықтары мен балалардың қауіпсіздігі», «Бала тәрбиесі: дәстүр мен заманауи әдістердің сабақтастығы», «Патриотизм», «Жасанды интеллектінің дамуы»«Креативті индустрия», «Волонтерлік – жаңа азаматтық мәдениет», «Білім беру», «Ұлтты ұйыстырған мереке», «Ұлттық музыка – жаңа форматта», «Коучинг қызметін реттеу» секілді өзекті тақырыптар талқыланады.Марафон барысында АҚШ, Ресей, Түркия, Қытай, Бельгия мемлекеттерінен, сондай-ақ еліміздің аймақтарынан меншікті тілшілер тікелей қосылады.Медиа шарада алғаш рет ұйымдастырылған инновация алаңында отандық өнертапқыштардың ерекше жобалары таныстырады. Атап айтқанда, Aleem ағылшын тілін үйрету қосымшасының авторы&nbsp;Асылжан Алтай, болашақта адам ағзасына салынуы мүмкін механикалық жүрек жобасының авторы Аделия Анаш, сал ауруы диагнозы бар адамдарға өте қолайлы жасалған жаңа арба, сондай-ақ майтабан диагнозын анықтауға арналған «ақылды» ұлтарақ» жобалары көпшілік назарына ұсынылады.Сонымен қатар Төтенше жағдайлар департаментінің мамандары өрт сөндіруге арналған роботтың мүмкіндіктерін таныстырады. Жасанды интеллект арқылы жұмыс істейтін робот иттер де қатысады. Олар белгіленген аумақты автономды түрде аралап, бейнеақпаратты бірден басқару орталығына жібереді. Бұдан бөлек, шахтерлердің қауіпсіздігін арттыруға арналған «Mainsafe» атты смарт-қолғап таныстырылады. Бұл қолғап өндірістік қауіпсіздікті күшейтуге арналған заманауи технологиялық шешімдердің бірі. Сондай-ақ Ластанған ауадан принтерге арналған қара бояу өндіруге мүмкіндік беретін инновациялық жоба да ұсынылады.Медиа алаңда халықаралық UAE SWAT Challenge турнирінде әйелдер арасында бірінші орын алған «Томирис» арнайы жасағы да қатысып, өз тәжірибелерімен бөліседі. Іс-шараға еліміздің саясаткерлер, сарапшылар, қоғам қайраткерлері, өнер және спорт өкілдері қатысады. Олардың қатарында киберфутболдан Қазақстан ұлттық құрамасының ойыншысы Абылайхан Ахметов, әлем чемпионы Ризабек Айтмұхан және басқа да танымал тұлғалар бар.Онлайн марафон отандық бұқаралық ақпарат құралдарының YouTube, Facebook, Instagram, TikTok, Telegram әлеуметтік желілеріндегі ресми парақшаларында тікелей көрсетіледі. «Референдум – 2026» арнайы Telegram арнасы да жұмыс істеп, көрермендер шараның онлайн нұсқасына қосыла алады.Наурызнама онкүндігі аясындағы – Қайырымдылық күніне орай онлайн марафон барысында «Қайырымды жан» номинациясының жеңімпаздары марапатталады.Марафон сахнасында BAYANSULU, AUKA, KOBA&nbsp;сияқты танымал жас жұлдыздар өнер көрсетеді. Шараны бастан аяқ DJ MONOGAMM музыкамен сүйемелдейді.Марафон аясында Қазақстан Республикасының Орталық референдум комиссиясының пресс-орталығы сайлау учаскелерінің ашылуы, дауыс берудің басталуы және дауыс беру процесі туралы ресми ақпараты тұрақты түрде жарияланып отырады.«Референдум – 2026» онлайн марафоны қоғамдағы маңызды тақырыптарды кеңінен талқылауға, пікір алмасуға және еліміздегі инновациялық жобаларды таныстыруға арналған ірі ақпараттық алаң.

«Референдум – 2026» республикалық онлайн марафоны басталды

<a href="https://kyzylorda-news.kz/">Kyzylorda-news.kz</a> Қармақшы ауданында өтіп жатқан республикалық референдумда өнегелі отбасылар да белсенділік танытуда.Жосалы кентіндегі Қармақшы аграрлы-техникалық колледжінде орналасқан №96 референдум учаскесіне Ахметов Мустахим мен Бегалиева Баян келіп, өз таңдауларын жасады.40 жыл отасқан үлгілі жұп референдум учаскесіне ұлттық киіммен келіп, саяси науқанға қатысып, кейінгі ұрпаққа өнеге көрсетті.Бұл бастама ұл болашағына бей-жай қарамай, отбасы құндылығының маңызын көрсетіп отыр.

Өнегелі отбасы референдумда өз таңдауын жасады

<a href="https://kyzylorda-news.kz/">Kyzylorda-news.kz</a> Қазалы қаласындағы №66 учаскеде “Ғибрат әжелер” ансамблі республикалық референдумға қатысып, өз таңдауларын жасап, дауыс берді. Ақ жаулықты аналарымыз ел болашағына бейжай қарамай, азаматтық белсенділіктің жарқын үлгісін көрсетті. Олар жас ұрпаққа өнеге болып, ел тағдырына жауапкершілікпен қараудың маңызын тағы бір мәрте дәлелдеді.

«Ғибрат әжелер» ансамблі референдумда дауыс берді

<a href="https://kyzylorda-news.kz/">Kyzylorda-news.kz</a> Таңғы уақыттан бастап өз таңдауын жасауға келген тұрғындардың арасында алғаш рет дауыс беріп жатқан жастар да бар. Олар үшін бұл күн – азаматтық жауапкершілікті сезінетін, ел болашағына бейжай қарамайтынын білдіретін маңызды сәт. Учаске мүшелері алғаш рет дауыс берушілерге жылы лебіздерін білдіріп, арнайы дайындалған естелік сыйлықтарды табыстады. Жастар да өз кезегінде бұл күннің маңызын сезініп, үлкен жауапкершілікпен таңдау жасайтындарын айтты.Сонымен қатар, туған күні дәл осы референдум күнімен тұспа-тұс келген дауыс берушілерге де ерекше құрмет көрсетілді. Дауыс беруге келген азаматтарға ізгі тілектер айтылып, шағын сый-сияпаттар табысталды. Бұл тосын сыйлар олардың мерекелік көңіл-күйін одан әрі көтеріп, маңызды күнді ерекше әсермен есте қалдыруға себеп болды. Учаскеге келген тұрғындар мұндай құрмет пен ықыластың азаматтарға деген ерекше назардың белгісі екенін атап өтті.Бұдан бөлек, дауыс беруге келген ең жасы үлкен азаматқа да арнайы құрмет көрсетілді. Ақсақалдың өмірлік тәжірибесі мен ел тағдырына бейжай қарамай, референдумға қатысуы жастарға үлгі болды. Учаске мүшелері оған алғыс айтып, естелік сыйлық табыстады. Жалпы, мұндай игі бастамалар референдум күніне ерекше мазмұн беріп, тұрғындардың азаматтық белсенділігін арттыруға ықпал етті. Бұл шаралар халықтың бірлігі мен ел болашағына деген жауапкершілігін тағы бір мәрте айқындай түсті.

Референдум: Дауыс беру учаскелерінде ерекше белсенділік пен көтеріңкі көңіл-күй байқалды

<a href="https://kyzylorda-news.kz/">Kyzylorda-news.kz</a> Қызылорда облыстық қоғамдық кеңесінің төрағасы С. Тәуіпбаев бүгін өтіп жатқан референдумға қатысып, өз таңдауын жасады. Ол бұл маңызды саяси науқан әрбір азаматтың ел дамуына деген жауапкершілігін көрсететінін атап өтті. Сондай-ақ, тұрғындарды азаматтық белсенділік танытып, референдумға қатысуға шақырып, халықтың пікірі ел болашағын айқындауда ерекше маңызға ие екенін жеткізді.<img src="https://knadmin.beoblood.kz/uploads/515eda02_738c_47c2_a334_0e74f393f8f3_2b3671ef1d.jpg" alt="ызылорда облыстық қоғамдық кеңесінің төрағасы Сұлтанбек Тәуіпбаев">

Қызылорда облыстық қоғамдық кеңесінің төрағасы  Сұлтанбек Тәуіпбаев өз таңдауын жасады

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданында өтіп жатқан республикалық референдумда ауданның спорт саласындағы мақтаныштары да белсенділік танытуда.Бүгін Азия чемпионы, самбодан жастар арасындағы әлем чемпионатының қола жүлдегері, сондай-ақ республикалық және облыстық додалардың бірнеше дүркін чемпионы Асемай Рүстемова Омар Шораяқұлы атындағы №30 орта мектебінде орналасқан №100 учаскесіне келіп, өз таңдауын жасады. Тәртіп пен талаптан тәрбиеленіп, нәтижеге қол жеткізген қыз алғашқы болып барды.Ауданымыздың белгілі спортшысы азаматтық борышын орындап, ел болашағына қатысты маңызды саяси науқанға қатысу әрбір азаматтың міндеті екенін атап өтті.

Қазақстан және Қызылорда облысының жаңалықтары: Референдум