<a href="https://kyzylorda-news.kz/">Kyzylorda-news.kz</a> Жаңақорған ауданында республикалық референдумға қатысу жоғары деңгейде өтуде. Аудан тұрғындары саяси науқанға белсенді қатысып, өз таңдауларын жасауда.&nbsp;Қызығы, дауыс берген тұрғындардың ең егдесі де осы ауданның тұрғыны. Биыл 101 жасқа толған Тәжбен Исабекова апамыз да референдумнан қалыс қалмай, азаматтық борышын орындады. Ғасырлық ғұмыр кешкен қазыналы қария өз шаңырағында дауыс беріп, ел болашағына бейжай қарамайтынын көрсетті.Айта кетейік, тұрғындардың дер кезінде әрі қолайлы жағдайда дауыс беруі үшін Жаңақорған ауданында барлығы 42 референдум учаскесі жұмыс істеп тұр. Учаскелерде барлық қажетті жағдай жасалып, тұрғындардың еркін таңдау жасауына мүмкіндік қарастырылған.

Ғасыр жасаған әже дауыс берді

<a href="https://kyzylorda-news.kz/">Kyzylorda-news.kz</a> Жаңақорған ауданы, Түгіскен ауылында тұратын Атымтаевтар әулетінің келіндері бір мезетте референдум учаскесіне барып, дауыс берді.Олар ел өміріндегі маңызды саяси науқанға бір отбасының мүшелері ретінде бірліктерін көрсетіп, белсенді түрде қатысуды жөн санаған. Бұл сәт ауыл тұрғындарына да ерекше әсер қалдырды. Бұл отбасының ынтымағы мен ауызбіршілігін көрсетіп қана қоймай, өзгелерге де үлгі болды. Учаске комиссиясының мүшелері де әулет келіндерінің белсенділігін атап өтіп, оларға алғыстарын білдірді. Жалпы, Түгіскен ауылында тұрғындар референдумға белсенді қатысып, өз таңдауларын жасауда.

Бір әулеттің келіндері бір мезетте барып дауыс берді

<a href="https://kyzylorda-news.kz/">Kyzylorda-news.kz</a>&nbsp; Арал ауданы Сазды ауылының жастары дауыс беруге ерекше форматта – мотоциклдермен келді. Мотошеруге қатысушылар ауыл көшелерімен жүріп өтіп, бір мезетте сайлау учаскесіне жетті. Шеруге қатысқан жастар ұлттық киім киіп, қазақтың салт-дәстүрін дәріптей отырып, азаматтық белсенділіктің жарқын үлгісін көрсетті.<blockquote> -Бүгін достарымызбен бірге, мотоциклмен дауыс беру учаскесіне келіп, өз таңдауымды жасадық. Бұл бастама ауыл тұрғындарының бірлігі мен белсенділігін көрсететіні анық. Әрбір дауыс – мемлекет болашағы үшін маңызды деп ойлаймын, менде өз болашағым үшін таңдау жасадым»- деді Алматов Асылжан.</blockquote>

Сазды ауылының жастары мотоцикл шеруін жасап, өз таңдауларын жасады

<a href="https://kyzylorda-news.kz/">Kyzylorda-news.kz</a> Жалағаш ауданы, М.Шәменов ауылдық округіндегі №133 референдум учаскесінде еңсесін тіктеген М.Шәменов елді мекеніндегі жұртшылық саяси науқанды ерекше көңіл-күймен қарсы алды.Әсіресе, таңдауын жасап, ел ісіне атсалысуға асыққан бір топ алтын құрсақты батыр аналар көрген көзді сүйсіндірді. Батыр ана Бисен Кішкенбаева мен Айткүл Бегалиева отбасымен бірге келіп, дауыс беріп, өз таңдауын жасады.Сондай-ақ, жиырма жылдан астам тарихы бар «Асыл ана» әжелер ансамблі де өз таңдауларын жасап, маңызды шараға атсалысты. «Ел ертеңі үшін жасалған әр істе тек бірлік керек» деген ақжаулық иелері ізгі тілектерін жаудырып қоя берді.«Біз жас емеспіз, бірақ қазақ халқының ертеңі үшін, тәуелсіз еліміздің мәңгілік болуы үшін әрбіріміздің қосар үлесіміз бар екенін білеміз. Референдумның маңыздылығын ескергендіктен, барлығымыз бірге дауыс беруге келдік. Мақсат, абырой ортақ болса, кез келген белесті бағындыруға болады. Бұл жолда тек қана сәттілік тілейміз» дейді алтын құрсақты батыр аналар.Иә, төл өнерді дәріптеп, қазақы салт-дәстүрімізді насихаттап жүрген «Асыл ана» әжелер ансамбілінің аудандағы алар орны ерекше. Әсіресе мәдениет саласының көш ілгері болуына үлкен үлесін қосты.Қазіргі таңда 14 алтын құрсақты ана, батыр аналардың осы жолдағы жұмысын жандандырып, өнерді өрге сүйреп келеді.

 «Асыл ана» әжелер ансамблі ортақ істе белсенділік танытты

<a href="https://kyzylorda-news.kz/">Kyzylorda-news.kz</a> Өнегелі әулет ретінде танылған бұл отбасы ел болашағына бейжай қарамай, өз азаматтық ұстанымдарын білдіріп, референдумда өз таңдауларын жасады. Мұндай үлгілі отбасылардың қоғамдық маңызды шараларға қатысуы – жастарға үлгі, қоғам үшін үлкен мәнге ие.&nbsp;

«Мерейлі отбасы» байқауының жеңімпазы – Әбсадықовтар отбасы да белсенділік танытып, дауыс беруге қатысты

<a href="https://kyzylorda-news.kz/">Kyzylorda-news.kz</a> Бүгін еліміз үшін маңызды саяси науқан республикалық референдум аясында Қазақстанның Еңбек Ері, белгілі қоғам қайраткері Абзал Ералиев дауыс беру учаскесіне келіп, өз таңдауын жасады. Ол референдумға қатысу әрбір азаматтың ел болашағына деген жауапкершілігін білдіретін маңызды қадам екенін атап өтті.<blockquote>– Мемлекет тағдырына қатысты маңызды шешімдер қабылданатын сәтте халықтың белсенділігі аса маңызды. Әрбір азамат өз таңдауын жасап, елдің ертеңіне бейжай қарамайтынын көрсетуі тиіс. Сондықтан бүгін мен де азаматтық борышымды орындап, дауыс бердім, – деді Абзал Ералиев.</blockquote>

Қазақстанның Еңбек Ері Абзал Ералиев республикалық референдумда өз таңдауын жасады

<a href="https://kyzylorda-news.kz/">Kyzylorda-news.kz</a> Арал ауданында өтіп жатқан референдумға ауданның өнер саласының өкілдері де белсенді қатысып, өз таңдауларын жасады. Арал қаласындағы №46 референдум учаскесіне бір топ мәдениет саласының қызметкерлері келіп, ел болашағына қатысты маңызды саяси науқанда азаматтық міндеттерін орындады.Аудан мәдениетінің дамуына үлес қосып жүрген өнер иелері мұндай тарихи кезеңдерде халықтың белсенді болуы маңызды екенін атап өтті. Олардың айтуынша, елдің болашағы әр азаматтың жауапкершілігіне байланысты.Өнер адамдарының белсенділігі тұрғындарға үлгі болып, қоғамдағы бірлік пен жауапкершіліктің маңызын көрсетті.

Аудан өнерпаздары референдумда дауыс берді

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы №278 мектепте орналасқан №349 референдум учаскесінде қоғам қайраткері Сайлаубай Әбішев дауыс берді.Ол бүгін өтіп жатқан маңызды саяси науқанға алғашқылардың бірі болып келіп, өз таңдауын жасады. Таңғы уақытта дауыс беру учаскесіне келген қоғам қайраткері азаматтық белсенділіктің үлгісін көрсетті.Сайлаубай Әбішев референдумның ел үшін маңызы зор екенін атап өтіп, әрбір азаматтың өз дауысын беруі мемлекет болашағы үшін маңызды екенін жеткізді.

Қоғам қайраткері Сайлаубай Әбішев референдумда дауыс берді

<a href="https://kyzylorda-news.kz/">Kyzylorda-news.kz</a>&nbsp; Референдумда Облыстық ардагерлер кеңесінің төрағасы Серік Дүйсенбаев та өз таңдауын жасады. Ол дауыс беру учаскесіне келіп, ел болашағына қатысты маңызды саяси науқанға белсенді түрде қатысатынын білдірді.Ардагерлер кеңесінің төрағасы бұл күннің ел үшін маңызы зор екенін атап өтті. Оның айтуынша, әрбір азаматтың дауысы мемлекеттің дамуына әсер ететін маңызды шешім.<blockquote>– Бүгін мен өз азаматтық борышымды орындап, референдумға қатысу үшін дауыс беру учаскесіне келдім. Әрбір дауыс ел болашағына деген жауапкершіліктің көрінісі. Біздің таңдауымыз мемлекетіміздің ертеңгі бағытын айқындайтын маңызды қадам. Сондықтан мен де ел тағдырына бейжай қарамай, өз таңдауымды жасауға дайынмын, – деді Серік Дүйсенбаев.</blockquote>

Облыстық ардагерлер кеңесінің төрағасы өз таңдауын жасады

<a href="https://kyzylorda-news.kz/">Kyzylorda-news.kz</a>&nbsp; Қызылорда облысында референдум заң аясында өткізілуде. Қазіргі кезде дауыс берушілердің нөпірі жоғары.Маңызды науқан аясында Сырдария ауданындағы Жас сайлаушылар клубының мүшелері маңызды бастама көтеріп, дауыс берушілерге автоволонтер ретінде қызмет көрсетуде.-Біз жас сайлаушылар клубының мүшелері ретінде маңызды саяси науқан референдумға өз үлесімізді қосқымыз келді. Ауданымыздағы қарияларды, өздігінен жүріп келуі қиын аға-әпкелерімізді учаскеге жеткізейік деп автоволонтер ретінде бастама жасап жатырмыз. Өзіміз де дауыс беріп, клуб мүшелерінің арасында алғаш дауыс беретіндер де бар. Біз үшін қызық әрі жауапты кезең болды. Наурыз айы жақсылық жасайтын айда осылай дауыс беруші азаматтарға көмек көрсетіп жатырмыз. Кешке дейін учаскеге адамдарды жеткізіп, өзіміздің үлесімізді қосуға әрдайым дайынбыз,-деді Бейбарыс Көпболсынов.Айта кетейік, Қызылорда облысында 378 учаске бар, ал Сырдария ауданында 18 учаске тіркелген.Фото: Сырдария ауданы

Жас сайлаушылар клубының мүшелері референдумда автоволонтер ретінде көмек көрсетуде

<a href="https://kyzylorda-news.kz/">Kyzylorda-news.kz</a>&nbsp; Қазалы ауданы Әйтеке би кентіндегі Оқушылар үйінде орналасқан №56 референдум учаскесінде тұрғындар саяси науқанға белсенді қатысып, өз таңдауын жасауда.Наурызнама онкүндігі аясында учаске маңында арнайы Этноауыл ұйымдастырылып, ұлттық дәстүрлер кеңінен насихатталуда. Этноауылда алтыбақан құрылып, келушілерге ерекше мерекелік көңіл-күй сыйлады. Дауыс беруге келген тұрғындарға наурыз көже мен қазақтың ұлттық сусындары ұсынылып, ұлттық нақыштағы қонақжайлықтың үлгісі көрсетілді.Сондай-ақ, жыршы-термешілер де өз өнерлерін ортаға салды. Ал жасы үлкен қарияларымыз бен ақ жаулықты аналарымыз елдің амандығын тілеп, ақ баталарын беріп, жастарды бірлікке, ел болашағына бейжай қарамауға шақырды.

Қазалы: №56 референдум учаскесінің аумағына «Этноауыл» тігілді

<a href="https://kyzylorda-news.kz/">Kyzylorda-news.kz</a> &nbsp;Бүгін елімізде Мемлекет басшысының бастамасымен республикалық референдум өткізіліп, барша қазақстандықтар саяси науқанға белсене атсалысуда.&nbsp;Қазалы ауданының әкімі Алмасбек Есмахановта қалыс қалмай, Әйтеке би кентіндегі аудандық Оқушылар үйінде орналасқан №56 референдум учаскесіне барып, өз таңдауын жасады.Ауданда жалпы 38 референдум учаскесі болса, оның 13-і аудан орталығы Әйтеке би кентінде жұмыс жасауда. Барлық дауыс беру учаскелерінің жұмысы таңғы сағат 7.00-де Мемлекеттік Әнұранмен басталды.Айта кетейік, барша ел азаматтары үшін референдумда дауыс беру уақыты кешкі сағат 20:00- де аяқталатын болады.

Қазақстан және Қызылорда облысының жаңалықтары: Референдум