<a href="https://kyzylorda-news.kz/">Kyzylorda-news.kz</a> &nbsp;Жаңақорған ауданында бүгінде 600-ге жуық түрлі этнос өкілдері бір шаңырақ астында тату-тәтті өмір сүріп, өзара достық пен ынтымақтастықты нығайтып келеді.Бүгінгі саяси науқаннан да қалыс қалмай, №307 және №308 сайлау учаскелеріне тәжік, кәріс және өзге де этнос өкілдері келіп, өз азаматтық таңдауларын жасап, дауыс берді.

Жаңақорғанда түрлі этнос өкілдері референдумға белсенді қатысуда

<a href="https://kyzylorda-news.kz/">Kyzylorda-news.kz</a> &nbsp;Бүгін республикалық референдум аясында - «Референдум – 2026» атты онлайн марафон басталды.Ауқымды шараны «Қазақстан» телерадиокорпорациясы ұйымдастырып отыр.09:00-де басталған онайын марафон 01:00-ге дейін жалғасады. Он алты сағатқа созылатын шара барысында қоғамдағы өзекті тақырыптар талқыланып, ел дамуына қатысты бастамалар мен инновациялық жобалар таныстырылады. Шара шымылдығын 100 домбырашыны “Балбырауын” күйімен ашты.Іс-шара барысында тұңғыш рет отандық өнертапқыштар жасаған роботтар марафон жүргізушілеріне көмектеседі, сондай-ақ голограмма технологиясы арқылы еліміздің жетістіктер тізбегі ұсынылады.Марафонда 5 негізгі алаң жұмыс істейді:1. Басты сахна – қоғам қайраткерлері, сарапшылар мен танымал тұлғалардың қатысуымен өтетін негізгі пікірталас алаңы;2. Ток-шоу алаңы – білім беру, креатив индустрия, цифрландыру, жасанды интеллект және жастар мәдениетіне қатысты өзекті тақырыптар талқыланатын студия;3. Инновация алаңы – жасанды интеллект жобалары, роботтар, отандық стартаптар мен IT өнімдер таныстырылатын арнайы кеңістік. Мұнда роботтандыру мен ЖИ бағытындағы жаңа бастамалар көрсетіледі; (тұңғыш рет ұсынылырып отыр)4. Орталық коммуникациялар алаңы – республиалық референдумның өту барысына қатысты ресми органдар өкілдері мен сарапшылар әр екі сағат сайын тікелей эфирде пікір білдіреді;5. Экспресс-камера&nbsp;– шараға қатысушы көрермен пікірін жеткізетін интерактивті формат. Журналистер қонақтар мен қатысушылардан блиц-сұхбат алып, азаматтардың шараға қатысты көзқарасын, көңіл күйі мен азаматтық ұстанымын көрсетеді.Онлайн марафонда «Киберспорт», «Инклюзивті қоғам», «Әйелдердің құқықтары мен балалардың қауіпсіздігі», «Бала тәрбиесі: дәстүр мен заманауи әдістердің сабақтастығы», «Патриотизм», «Жасанды интеллектінің дамуы»«Креативті индустрия», «Волонтерлік – жаңа азаматтық мәдениет», «Білім беру», «Ұлтты ұйыстырған мереке», «Ұлттық музыка – жаңа форматта», «Коучинг қызметін реттеу» секілді өзекті тақырыптар талқыланады.Марафон барысында АҚШ, Ресей, Түркия, Қытай, Бельгия мемлекеттерінен, сондай-ақ еліміздің аймақтарынан меншікті тілшілер тікелей қосылады.Медиа шарада алғаш рет ұйымдастырылған инновация алаңында отандық өнертапқыштардың ерекше жобалары таныстырады. Атап айтқанда, Aleem ағылшын тілін үйрету қосымшасының авторы&nbsp;Асылжан Алтай, болашақта адам ағзасына салынуы мүмкін механикалық жүрек жобасының авторы Аделия Анаш, сал ауруы диагнозы бар адамдарға өте қолайлы жасалған жаңа арба, сондай-ақ майтабан диагнозын анықтауға арналған «ақылды» ұлтарақ» жобалары көпшілік назарына ұсынылады.Сонымен қатар Төтенше жағдайлар департаментінің мамандары өрт сөндіруге арналған роботтың мүмкіндіктерін таныстырады. Жасанды интеллект арқылы жұмыс істейтін робот иттер де қатысады. Олар белгіленген аумақты автономды түрде аралап, бейнеақпаратты бірден басқару орталығына жібереді. Бұдан бөлек, шахтерлердің қауіпсіздігін арттыруға арналған «Mainsafe» атты смарт-қолғап таныстырылады. Бұл қолғап өндірістік қауіпсіздікті күшейтуге арналған заманауи технологиялық шешімдердің бірі. Сондай-ақ Ластанған ауадан принтерге арналған қара бояу өндіруге мүмкіндік беретін инновациялық жоба да ұсынылады.Медиа алаңда халықаралық UAE SWAT Challenge турнирінде әйелдер арасында бірінші орын алған «Томирис» арнайы жасағы да қатысып, өз тәжірибелерімен бөліседі. Іс-шараға еліміздің саясаткерлер, сарапшылар, қоғам қайраткерлері, өнер және спорт өкілдері қатысады. Олардың қатарында киберфутболдан Қазақстан ұлттық құрамасының ойыншысы Абылайхан Ахметов, әлем чемпионы Ризабек Айтмұхан және басқа да танымал тұлғалар бар.Онлайн марафон отандық бұқаралық ақпарат құралдарының YouTube, Facebook, Instagram, TikTok, Telegram әлеуметтік желілеріндегі ресми парақшаларында тікелей көрсетіледі. «Референдум – 2026» арнайы Telegram арнасы да жұмыс істеп, көрермендер шараның онлайн нұсқасына қосыла алады.Наурызнама онкүндігі аясындағы – Қайырымдылық күніне орай онлайн марафон барысында «Қайырымды жан» номинациясының жеңімпаздары марапатталады.Марафон сахнасында BAYANSULU, AUKA, KOBA&nbsp;сияқты танымал жас жұлдыздар өнер көрсетеді. Шараны бастан аяқ DJ MONOGAMM музыкамен сүйемелдейді.Марафон аясында Қазақстан Республикасының Орталық референдум комиссиясының пресс-орталығы сайлау учаскелерінің ашылуы, дауыс берудің басталуы және дауыс беру процесі туралы ресми ақпараты тұрақты түрде жарияланып отырады.«Референдум – 2026» онлайн марафоны қоғамдағы маңызды тақырыптарды кеңінен талқылауға, пікір алмасуға және еліміздегі инновациялық жобаларды таныстыруға арналған ірі ақпараттық алаң.

«Референдум – 2026» республикалық онлайн марафоны басталды

<a href="https://kyzylorda-news.kz/">Kyzylorda-news.kz</a> Қармақшы ауданында өтіп жатқан республикалық референдумда өнегелі отбасылар да белсенділік танытуда.Жосалы кентіндегі Қармақшы аграрлы-техникалық колледжінде орналасқан №96 референдум учаскесіне Ахметов Мустахим мен Бегалиева Баян келіп, өз таңдауларын жасады.40 жыл отасқан үлгілі жұп референдум учаскесіне ұлттық киіммен келіп, саяси науқанға қатысып, кейінгі ұрпаққа өнеге көрсетті.Бұл бастама ұл болашағына бей-жай қарамай, отбасы құндылығының маңызын көрсетіп отыр.

Өнегелі отбасы референдумда өз таңдауын жасады

<a href="https://kyzylorda-news.kz/">Kyzylorda-news.kz</a> Қазалы қаласындағы №66 учаскеде “Ғибрат әжелер” ансамблі республикалық референдумға қатысып, өз таңдауларын жасап, дауыс берді. Ақ жаулықты аналарымыз ел болашағына бейжай қарамай, азаматтық белсенділіктің жарқын үлгісін көрсетті. Олар жас ұрпаққа өнеге болып, ел тағдырына жауапкершілікпен қараудың маңызын тағы бір мәрте дәлелдеді.

«Ғибрат әжелер» ансамблі референдумда дауыс берді

<a href="https://kyzylorda-news.kz/">Kyzylorda-news.kz</a> Таңғы уақыттан бастап өз таңдауын жасауға келген тұрғындардың арасында алғаш рет дауыс беріп жатқан жастар да бар. Олар үшін бұл күн – азаматтық жауапкершілікті сезінетін, ел болашағына бейжай қарамайтынын білдіретін маңызды сәт. Учаске мүшелері алғаш рет дауыс берушілерге жылы лебіздерін білдіріп, арнайы дайындалған естелік сыйлықтарды табыстады. Жастар да өз кезегінде бұл күннің маңызын сезініп, үлкен жауапкершілікпен таңдау жасайтындарын айтты.Сонымен қатар, туған күні дәл осы референдум күнімен тұспа-тұс келген дауыс берушілерге де ерекше құрмет көрсетілді. Дауыс беруге келген азаматтарға ізгі тілектер айтылып, шағын сый-сияпаттар табысталды. Бұл тосын сыйлар олардың мерекелік көңіл-күйін одан әрі көтеріп, маңызды күнді ерекше әсермен есте қалдыруға себеп болды. Учаскеге келген тұрғындар мұндай құрмет пен ықыластың азаматтарға деген ерекше назардың белгісі екенін атап өтті.Бұдан бөлек, дауыс беруге келген ең жасы үлкен азаматқа да арнайы құрмет көрсетілді. Ақсақалдың өмірлік тәжірибесі мен ел тағдырына бейжай қарамай, референдумға қатысуы жастарға үлгі болды. Учаске мүшелері оған алғыс айтып, естелік сыйлық табыстады. Жалпы, мұндай игі бастамалар референдум күніне ерекше мазмұн беріп, тұрғындардың азаматтық белсенділігін арттыруға ықпал етті. Бұл шаралар халықтың бірлігі мен ел болашағына деген жауапкершілігін тағы бір мәрте айқындай түсті.

Референдум: Дауыс беру учаскелерінде ерекше белсенділік пен көтеріңкі көңіл-күй байқалды

<a href="https://kyzylorda-news.kz/">Kyzylorda-news.kz</a> Қызылорда облыстық қоғамдық кеңесінің төрағасы С. Тәуіпбаев бүгін өтіп жатқан референдумға қатысып, өз таңдауын жасады. Ол бұл маңызды саяси науқан әрбір азаматтың ел дамуына деген жауапкершілігін көрсететінін атап өтті. Сондай-ақ, тұрғындарды азаматтық белсенділік танытып, референдумға қатысуға шақырып, халықтың пікірі ел болашағын айқындауда ерекше маңызға ие екенін жеткізді.<img src="https://knadmin.beoblood.kz/uploads/515eda02_738c_47c2_a334_0e74f393f8f3_2b3671ef1d.jpg" alt="ызылорда облыстық қоғамдық кеңесінің төрағасы Сұлтанбек Тәуіпбаев">

Қызылорда облыстық қоғамдық кеңесінің төрағасы  Сұлтанбек Тәуіпбаев өз таңдауын жасады

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданында өтіп жатқан республикалық референдумда ауданның спорт саласындағы мақтаныштары да белсенділік танытуда.Бүгін Азия чемпионы, самбодан жастар арасындағы әлем чемпионатының қола жүлдегері, сондай-ақ республикалық және облыстық додалардың бірнеше дүркін чемпионы Асемай Рүстемова Омар Шораяқұлы атындағы №30 орта мектебінде орналасқан №100 учаскесіне келіп, өз таңдауын жасады. Тәртіп пен талаптан тәрбиеленіп, нәтижеге қол жеткізген қыз алғашқы болып барды.Ауданымыздың белгілі спортшысы азаматтық борышын орындап, ел болашағына қатысты маңызды саяси науқанға қатысу әрбір азаматтың міндеті екенін атап өтті.

Азия чемпионы референдумда өз таңдауын жасады

<a href="https://kyzylorda-news.kz/">Kyzylorda-news.kz</a>&nbsp; Әйтеке би кентіндегі Қазалы көлік-техникалық жоғары колледжінде орналасқан №92 референдум учаскесінде таңғы сағат 07:00-ден бастап дауыс беру қарқынды жүргізілуде. Дәл қазіргі уақытта мұнда 250 тұрғын келіп, өз таңдауларын жасап үлгерді.Таң азанмен туған жердің жарқын болашағы жолында өз дауыстарын беру үшін «Қамқор локомотив жөндеу зауытының» қызметкерлері ұжыммен бірге келіп, республикалық референдумға белсенді түрде қатысты. Теміржолшылар ел болашағына бейжай қарамайтындықтарын көрсетіп, жаңа Конституция жобасына қатысты өз пікірлерін білдірді.Олардың айтуынша, мұндай маңызды саяси науқанда әр азаматтың дауысы елдің ертеңіне әсер етеді. Сондықтан теміржол саласының мамандары да қоғамдық маңызы зор бұл науқаннан шет қалмай, азаматтық белсенділік танытты.Жалпы, Қазалы ауданында референдум күні тұрғындардың қатысу белсенділігі жоғары. Аудан халқы елдің болашағына қатысты маңызды шешім қабылданатын бұл күнге жауапкершілікпен қарап, дауыс беруге белсенді қатысуда.

Қазалылық теміржолшылар референдумда дауыс берді

<a href="https://kyzylorda-news.kz/">Kyzylorda-news.kz</a> &nbsp;Жалпыхалықтық референдум – Тәуелсіз Қазақстанның даму жолындағы айрықша маңызға ие тарихи қадам болды. Бұл – ел тағдырына қатысты маңызды мәселелерді халықтың еркін таңдауы арқылы айқындайтын, демократиялық құндылықтардың айқын көрінісі ретінде бағаланатын саяси оқиға. Мұндай сәттерде әрбір азаматтың дауысы мемлекетіміздің болашағын айқындайтын үлкен күшке айналады.Референдумға қатысу – тек азаматтық құқық қана емес, сонымен бірге Отан алдындағы зор жауапкершіліктің белгісі болып табылады. Әрбір қазақстандық өз таңдауын жасап, ел ертеңіне бейжай қарамайтынын және тәуелсіз еліміздің өркендеуіне үлес қосуға дайын екенін көрсетеді.Бұл бастама мемлекетіміздің тұрақты дамуына, қоғамдағы әділдік пен бірлікті нығайтуға, сондай-ақ болашақ ұрпақтың жарқын келешегін қамтамасыз етуге бағытталған маңызды бетбұрыс болып есептеледі.Иіркөл кенішінің мамандары да осы маңызды саяси науқаннан тыс қалмай, референдум учаскесіне келіп, өз дауларын берді. Өйткені ел тағдыры шешілетін мұндай сәтте әрбір азаматтың белсенділігі – мемлекетіміздің берік болашағына қосылған үлкен үлес болып саналады.

Иіркөл кенішінің мамандары референдумға белсенді қатысты

<a href="https://kyzylorda-news.kz/">Kyzylorda-news.kz</a>&nbsp; Бүгін қаланың екі аумағында азық-түлік өнімдерінің жәрмеңкесі ұйымдастырылуда. Сондай-ақ, таңертеңнен бастап қаладағы қоғамдық көліктер жолаушыларға тегін қызмет көрсетуде

Бүгін автобустар тегін қызмет көрсетуде

<a href="https://kyzylorda-news.kz/">Kyzylorda-news.kz</a> Қызылорда облысында бүгін еліміздің қоғамдық-саяси өміріндегі маңызды науқан аясында дауыс беру процесі өз деңгейінде басталды. Өңір бойынша барлығы 351 дауыс беру учаскесінде қоғамдық бақылау жұмыстары ұйымдастырылып, «Дауыс» қоғамдық бақылаушылар коалициясының 1502 мүшесі сайлау учаскелерінде өз міндеттерін атқаруда.Таңғы сағат 7:00-де барлық учаскелер өз жұмысын бастап, дауыс беру процесі заң талаптарына сәйкес ашық әрі әділ өтіп жатыр. Қоғамдық бақылаушылар дауыс беру барысының айқын әрі заң талаптарына сай өтуін қадағалап, азаматтардың өз таңдауларын еркін білдіруіне жағдай жасалуда.Бүгін таңсәріден бастап өздерінің азаматтық белсенділігін танытып, алғашқы болып дауыс беруге келген тұрғындарға бірқатар учаскелерде арнайы сыйлықтар табысталды. Бұл – тұрғындарды ел тағдырына бейжай қарамай, қоғамдық-саяси өмірге белсенді қатысуға шақыратын игі бастамалардың бірі.Жалпы, Сыр өңірінің тұрғындары бұл маңызды күнде бірлік пен жауапкершіліктің үлгісін көрсетіп, өз таңдауларын жасап жатыр. Әрбір дауыс – ел болашағына деген сенім мен азаматтық ұстанымның көрінісі.Қоғамдық бақылаушылардың қатысуы дауыс беру процесінің ашықтығы мен әділдігін қамтамасыз етудің маңызды тетігі болып табылады. Бұл өз кезегінде азаматтардың демократиялық құндылықтарға деген сенімін арттырып, қоғамдағы тұрақтылық пен бірлікті нығайтуға сеп болады.Бүгінгі таңдау – ертеңгі жарқын болашақтың кепілі. Сондықтан әрбір азаматтың белсенділігі ел дамуының маңызды қадамы екені сөзсіз.

Сыр өңірінде маңызды саяси науқан басталды

<a href="https://kyzylorda-news.kz/">Kyzylorda-news.kz</a> Қызылорда қаласындағы Қорқыт Ата атындағы университетінің №5 оқу ғимаратында орналасқан №253 референдум учаскесінде комиссия мүшелері дауыс берушілерге ұлттық киіммен қызмет көрсетуде.Еліміздегі маңызды саяси науқан – референдум күні таңғы сағат 07:00-де басталды.Ұлттық киім кию арқылы олар қазақ халқының мәдениеті мен салт-дәстүрін дәріптеп, дауыс берушілерге ерекше мерекелік көңіл-күй сыйлауды мақсат еткен.№253 учаскелік комиссиясының мүшесі Жолаева Лаула Мұхтарқызы дауыс беру процесінің басталғанын хабарлап, учаскенің жұмыс барысымен таныстырды.

Қазақстан және Қызылорда облысының жаңалықтары: Референдум