<a href="https://kyzylorda-news.kz/">Kyzylorda-news.kz</a> Қызылорда қаласында дауыс беру күні тұрғындардың мәдени белсенділігін арттыру және кітап оқуға деген қызығушылықты қолдау мақсатында бірқатар референдум учаскесі жанында шағын Bookcrossing – кітап алмасу бұрышы ұйымдастырылды.Бұл бастамаға дауыс беруге келген бірнеше тұрғын қатысып, өздерімен бірге әкелген кітаптарын ортақ бұрышқа қалдырып, оның орнына өздеріне қызықты басқа кітаптарды алып кету мүмкіндігіне ие болды.Кітап алмасу бұрышында негізінен көркем әдебиет, балаларға арналған шағын кітаптар мен танымдық еңбектер қойылды. Оқырмандаркітаптарды қарап шығып, өзара пікір алмасып, әңгіме өрбіткен сәттер де болды. Ұйымдастырушылардың айтуынша, бұл шағын мәдени бастама адамдардың кітапқа деген ықыласын арттыруға және рухани байланысын нығайтуға бағытталған.

Дауыс беру учаскесінде шағын кітап алмасу бұрышы ұйымдастырылды

<a href="https://kyzylorda-news.kz/">Kyzylorda-news.kz</a> «Референдум – 2026» онлайн марафонында жасанды интеллект, волонтерлық мәдениет, киберспорт мүмкіндіктері талқыланды.&nbsp; Экология мәселелерін технология арқылы реттеуге болады деген, жас ғалымдар марафонның инновациялық алаңында өнертабыстарын ұсынды.Сағат 09:00-ден басталған онлайын шара бұл жолы таралу ауқымымен ерекшеленіп отыр. Қазақстан телерадиокорпорациясының аймақтық филиалдары мен АҚШ, Ресей, Түркия, Қытай, Бельгия елдеріндегі өкілдіктерінің тілшілері тікелей қосылуда.&nbsp;&nbsp;Бұл медиа кеңістіктің тағы бір ерекшелігі алғаш рет арнайы ұйымдастырылған инновациялық алаң. Сол алаңда отандық ғалымдар жаңа жобаларын көпшілікке ұсынды.&nbsp;Мысалы, жас өнертапқыш Аделия Анаш келешекте адам ағзасына салынуы мүмкін механикалық жүрек&nbsp;жобасын&nbsp;және майтабан диагнозын анықтауға арналған «ақылды» ұлтарақты көпшілік назарына ұсынды. Сонымен қатар, жас ғалым Нарминахон Иманғалиева ластанған ауадан принтерге арналған қара бояу өндіруге мүмкіндік беретін инновациялық жобасын таныстырды. Жоба экологиялық мәселелерді технологиялық шешімдер арқылы реттеуге бағытталған. Жас ғалымдар өз ізденістерінің нәтижелі болатынына толық сенімді.&nbsp;Робототехникалық жобаның авторы Айсұлу Тілеуқұлова ерекше балаларға арналған жаңа технология туралы тарқата баяндап берді. Оның айтуынша, жаңа технология баланың дене тепе-теңдігін дамытуға арналған робототехникалық платформа. Платформа церебралды сал ауруы, аутизм және басқада неврологиялық диагнозы бар балаларға арналған.Сонымен қатар қазақстандық жас ғалым Манат Нұрсұлтан спортшылардың қозғалысын талдауға арналған сенсорлық құрылғы технологиясын таныстырды. Оның айтуынша, бұл құрал қазіргі уақытта спорт саласында, әсіресе футболда қолданылып жатыр. Жоба Mirai Motion датчиктер жиынтығы деп аталады. Бұл технологияны әзірлеу барысында нанотехнология элементтері қолданылған.Онлайн марафон алаңында Петропавл қаласынан келген Төтенше жағдайлар департаментінің мамандары өрт сөндіруге арналған роботтың мүмкіндіктерін көрсетті. Мұндай роботтар төтенше жағдайлар кезінде адам өміріне қауіп төндірмей жұмыс істеуге мүмкіндік береді.Іс-шараға саясаткерлер мен сарапшылар, өнерпаздар ғана емес танымал спортшылар да арнайы қонақ ретінде қатысып, өз ойларымен бөлісті. Олардың қатарында әлем чемпионы Ризабек Айтмұхан мен Гиннесс рекордтар кітабының рекордсмені Сергей Цирюльников&nbsp;бар.Марафонның дискуссия алаңында «Қазақстандағы жасанды интеллектінің дамуы» тақырыбы жан-жақты талқыланды. Сарапшылар жасанды интеллект технологияларының экономика, білім беру, медицина және медиа салаларына ықпалын, сондай-ақ оның болашағымен мүмкін болатын тәуекелдерін талқылады.Қазақстанда жасанды интеллектті дамытудағы басты міндет – білікті кадрлар даярлау. Бұл туралы Қазақстандағы жасанды интеллектті дамыту қауымдастығы төрағасының орынбасары Анар Төлеубаева айтып, ел цифрлық үкіметті дамыту бойынша әлемдік рейтингте 24-орында тұрғанымен, жасанды интеллект деңгейі бойынша 76-орында екенін, сондықтан инфрақұрылыммен қатар мамандарды даярлау және азаматтардың ЖИ-ді күнделікті өмірде қолдану дағдыларын дамыту маңызды екенін атап өтті.Сонымен қатар марафон барысында қоғам үшін өзекті тағы бір тақырып – «Волонтерлік: жаңа азаматтық мәдениет» талқыланды. Соңғы жылдары еріктілер қозғалысы қарқынды дамып, жастар белсенділігінің маңызды бағытына айналып келеді. Волонтерлік мәдениеттің қалыптасуы азаматтық жауапкершілік пен әлеуметтік ынтымақтастықтың жаңа үлгісін көрсетеді.«Ұлттық волонтерлік желі» ұйымының мемлекеттік органдармен өзара іс-қимыл бөлімінің басшысы Айбек Досымбетовтың айтуынша, кез-келген елде волонтерліктің дамуына ұлттық мәдениет пен дәстүр үлкен әсер етеді. Батыс елдерінде волонтерлік көбіне заң мен реттеліп, кей жағдайда жұмыс күшінің тапшылығына байланысты қалыптасқан. Ал Қазақстанда бұл қозғалыс азаматтардың елге қызмет ету ниетінен туындайды.Онлайн марафон аясында Қазақстан Республикасының Орталық референдум комиссиясы жанындағы пресс-орталық референдум барысы туралы ресми ақпараттарды тұрақты түрде таратып отыр.&nbsp;Тікелей трансляция:YouTube -&nbsp;<a href="https://www.youtube.com/live/XI1B-nqakuI?si=gxL0PPqqmZy-46-C">https://www.youtube.com/live/XI1B-nqakuI?si=gxL0PPqqmZy-46-C</a>Facebook - <a href="https://www.facebook.com/share/v/1EckJhg5S2/">https://www.facebook.com/share/v/1EckJhg5S2/</a>Instagram - <a href="https://www.instagram.com/qazaqstantv/live/17987331689950875%20/">https://www.instagram.com/qazaqstantv/live/17987331689950875 /</a>TikTok -<a href="https://vt.tiktok.com/ZS9R1bfLPhNoH-xhVsr/">https://vt.tiktok.com/ZS9R1bfLPhNoH-xhVsr/</a>Telegram - <a href="https://t.me/qazaqstantv?livestream">https://t.me/qazaqstantv?livestream</a>

«Референдум – 2026» онлайн марафоны жалғасуда.  Көрермен назарына өзекті мәселелер және  өнертабыстар ұсынылды

<a href="https://kyzylorda-news.kz/">Kyzylorda-news.kz</a> &nbsp;Арал ауданындағы «Аралтұз» акционерлік қоғамының қызметкерлері референдумға бір мезетте қатысып, азаматтық белсенділіктің үлгісін көрсетті.Тұз өндірісінде еңбек ететін жұмысшылар дауыс беру арқылы ел болашағына бейжай қарамайтынын білдірді. Аралтұз акционерлік қоғамы өңіріміздегі ірі өндіріс орындарының бірі. Кәсіпорында 1200-ге жуық тұрғын жұмыс жасайды.<blockquote>-Біз бүгін ұжымымызбен бірге референдумға келіп, дауыс бердік. Әр азаматтың өз таңдауын жасап, елдің дамуына үлес қосуы маңызды деп санаймын. Сондықтан жұмыс орнымыздан кейін арнайы келіп, азаматтық борышымызды орындадық. Еліміз аман, халқымыз бірлікте болсын»-деді ауысы шебері Сынаев Бауыржан.</blockquote>

«Аралтұз» акционерлік қоғамының тұз өндірісі жұмысшылары бір мезгілде дауыс берді

<a href="https://kyzylorda-news.kz/">Kyzylorda-news.kz</a> &nbsp;Референдум барысында денсаулығына байланысты сайлау учаскесіне келе алмайтын азаматтар комиссия арқылы өтініш қалдырып, үйден дауыс беруде.Арнайы жылжымалы референдум жәшіктерімен референдум комиссиясының мүшелері әр үйге барып, тұрғындардың таңдау жасауына жағдай жасап отыр. Бұл шара — әрбір сайлаушының конституциялық құқығын толық іске асыруға бағытталған.Үйде дауыс беру процесі де жалпы тәртіпке сәйкес жүргізілуде. Комиссия мүшелері бюллетеньдерді сайлаушыға табыстап, дауыс беру құпиялығы қатаң сақталуын қамтамасыз етуде.Айта кетейік, дауыс беру 20.00-ге дейін жүзеге асады.

Референдумға келе алмаған азаматтар үйден дауыс берді

<a href="https://kyzylorda-news.kz/">Kyzylorda-news.kz</a> &nbsp; Бүгін Қызылорда облысында еліміздің қоғамдық-саяси өміріндегі маңызды науқан аясында дауыс беру процесі ұйымдасқан түрде басталды. Өңір бойынша 351 дауыс беру учаскесі таңғы сағат 07:00-де өз жұмысын бастап, тұрғындарды қабылдауға кірісті.Дауыс беру барысының ашықтығы мен заң талаптарына сай өтуін қамтамасыз ету мақсатында учаскелерде «Дауыс» қоғамдық бақылаушылар коалициясының 2106 мүшесі бақылау жүргізуде. Олар дауыс беру процесінің талаптарға сәйкес өтуін қадағалап, азаматтардың өз таңдауларын еркін білдіруіне жағдай жасалуда.Таңсәріден бастап өңір тұрғындары белсенділік танытып, учаскелерге келіп дауыс беруде. Көптеген учаскелер маңында мерекелік көңіл күй қалыптасып, спорттық сайыстар мен мәдени-көпшілік іс-шаралар ұйымдастырылуда. Сонымен қатар әжелер ансамбльдері өнер көрсетіп, жергілікті өнерпаздар ән мен жырдан шашу шашуда.Дауыс беру орындарына спортшылар, мәдениет және әлеуметтік сала қызметкерлері, түрлі еңбек ұжымдарының өкілдері келіп, өздерінің азаматтық ұстанымдарын білдіріп, ел болашағына қатысты таңдауларын жасауда. Алғашқылардың бірі болып келген тұрғындарға бірқатар учаскелерде арнайы сыйлықтар табысталып, бұл бастама халықтың белсенділігін арттыруға ықпал етуде.Жалпы, өңірде дауыс беру процесі жоғары деңгейде ұйымдастырылып, заң талаптарына толық сәйкес өтуде. Қоғамдық бақылаушылардың мәліметінше, қазіргі уақытқа дейін ешқандай заң бұзушылықтар тіркелмеген.Сыр жұртшылығы осылайша ел тағдырына бейжай қарамай, бірлік пен жауапкершіліктің үлгісін көрсетіп келеді. Әрбір дауыс – елдің ертеңіне деген сенім мен жарқын болашаққа бағытталған маңызды қадам.&nbsp;Жандос Тұсмағамбетов«Самұрық инновациялық идеяларды дамыту орталығы» қоғамдық қорының директоры,&nbsp;«ДАУЫС» қоғамдық байқаушылар коалициясының Қызылорда облысы бойынша жетекшісі

Қызылорда облысында дауыс беру науқаны жоғары деңгейде өтуде

<a href="https://kyzylorda-news.kz/">Kyzylorda-news.kz</a> Бүгін мәдениет саласында 38 жыл еңбек еткен композитор, Қазақстан Республикасының Мәдениет саласының үздігі Сәбит Ұлықпанұлы №226 сайлау учаскесіне арнайы келіп, референдумға қатысып, өз таңдауын жасады.Өнер саласында ұзақ жылдар еңбек еткен композитор азаматтық белсенділіктің әр адам үшін маңызды екенін атап өтті. Оның айтуынша, елдің болашағына қатысты маңызды шешімдер қабылданатын мұндай саяси науқандарға қатысу – әрбір азаматтың жауапкершілігі.Сәбит Ұлықпанұлы референдумның жоғары деңгейде ұйымдастырылғанын айтып, комиссия мүшелерінің жұмысына оң бағасын берді. Сонымен қатар, ол барша қазақстандықтарды елдің дамуына бей-жай қарамай, осындай маңызды күндері өз таңдауын жасауға шақырды.

Сәбит Ұлықпанұлы референдумда дауыс берді

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда облысында еліміздің қоғамдық-саяси өміріндегі маңызды науқан аясында дауыс беру процесі ұйымдасқан түрде басталды. Өңір бойынша 351 дауыс беру учаскесі таңғы сағат 07:00-де өз жұмысын бастап, тұрғындарды қабылдауға кірісті.Дауыс беру барысының ашықтығы мен заң талаптарына сай өтуін қамтамасыз ету мақсатында учаскелерде «Дауыс» қоғамдық бақылаушылар коалициясының 2106 мүшесі бақылау жүргізуде. Олар дауыс беру процесінің талаптарға сәйкес өтуін қадағалап, азаматтардың өз таңдауларын еркін білдіруіне жағдай жасалуда.Таңсәріден бастап өңір тұрғындары белсенділік танытып, учаскелерге келіп дауыс беруде. Көптеген учаскелер маңында мерекелік көңіл күй қалыптасып, спорттық сайыстар мен мәдени-көпшілік іс-шаралар ұйымдастырылуда. Сонымен қатар әжелер ансамбльдері өнер көрсетіп, жергілікті өнерпаздар ән мен жырдан шашу шашуда.Дауыс беру орындарына спортшылар, мәдениет және әлеуметтік сала қызметкерлері, түрлі еңбек ұжымдарының өкілдері келіп, өздерінің азаматтық ұстанымдарын білдіріп, ел болашағына қатысты таңдауларын жасауда. Алғашқылардың бірі болып келген тұрғындарға бірқатар учаскелерде арнайы сыйлықтар табысталып, бұл бастама халықтың белсенділігін арттыруға ықпал етуде.Жалпы, өңірде дауыс беру процесі жоғары деңгейде ұйымдастырылып, заң талаптарына толық сәйкес өтуде. Қоғамдық бақылаушылардың мәліметінше, қазіргі уақытқа дейін ешқандай заң бұзушылықтар тіркелмеген.Сыр жұртшылығы осылайша ел тағдырына бейжай қарамай, бірлік пен жауапкершіліктің үлгісін көрсетіп келеді. Әрбір дауыс – елдің ертеңіне деген сенім мен жарқын болашаққа бағытталған маңызды қадам.

<a href="https://kyzylorda-news.kz/">Kyzylorda-news.kz</a> Референдум – халықтың өз еркін тікелей білдіретін ең құдіретті демократиялық құралдардың бірі. Оның мәні мен маңызы – ел тағдырын билік емес, тікелей халықтың өзі айқындайтындығында. Мұндай шешімдер азаматтардың мемлекет ісіне деген жауапкершілігін арттырып, қоғам мен билік арасындағы сенім мен бірлікті бекітетін тарихи механизм болып табылады.Референдум елдегі маңызды мәселелерді ашық талқылауға, әр азаматтың ойын еркін білдіруіне мүмкіндік береді. Әр пікір сараланып, түрлі көзқарастар ескеріліп, қоғамдық талқылау арқылы қабылданған шешім шынайы халықтық қолдауға ие болады. Бұл – демократияның, әділдіктің және ашықтықтың айқын көрінісі.Сондықтан референдум – тек саяси рәсім емес, ол – халқымыздың бірлігі мен еркіндігінің, мемлекеттің тұрақтылығы мен өркендеуі жолындағы нақты көрініс. Халықтың белсенді қатысуы әр дауыс – елдің болашағын айқындайтын нақты күшке айналады. Бұл – Қазақстанның жаңа серпілісі, ұлттық сананың оянуы, тәуелсіздік тарихындағы тарихи белес. Әрбір азаматтың таңдауы – мемлекетіміздің берік негізін құрып, ортақ мақсатқа бағытталған жауапкершіліктің жарқын көрінісі. Осындай бірлік пен саналы таңдау арқылы ел гүлденген, дамыған, әділ әрі мықты мемлекетке айналу жолында ұрпаққа аманат қалдырады.<img src="https://knadmin.beoblood.kz/uploads/124724c9_ec35_44d7_8997_08333fa8598b_382ca1a834.jpg" alt="124724c9-ec35-44d7-8997-08333fa8598b.jpg">

«Өскен өңір» газетінің бас редакторы Нұрболат  Сәдуақасұлы өз таңдауын жасады

<a href="https://kyzylorda-news.kz/">Kyzylorda-news.kz</a> &nbsp; Еліміз үшін маңызды қоғамдық-саяси шара – референдум аясында «Мерейлі отбасы» ұлттық байқауының номинанты атанған қызылордалық Кожабековтар отбасы да өз таңдауын жасап, референдумға қатысып, дауыс берді.Отбасы мүшелері референдумға қатысу – әрбір азаматтың азаматтық парызы екенін атап өтіп, елдің болашағына бейжай қарамайтындықтарын көрсетті. Олар қоғам өміріндегі маңызды шешімдерге халықтың қатысуы ел дамуы үшін аса маңызды екенін айтты.<img src="https://knadmin.beoblood.kz/uploads/Merejli_otbasy_ltty_baj_auyny_nominanty_ozhabekovtar_otbasy_referendumda_dauys_berdi_3063cdf73a.jpg" alt="«Мерейлі отбасы» ұлттық байқауының номинанты Қожабековтар отбасы референдумда дауыс берді.jpg">Кожабековтар отбасы қоғамда үлгілі жанұялардың бірі ретінде танылып, ұлттық құндылықтарды дәріптеп жүрген отбасылардың қатарында. Олар бірлік пен татулықтың, отбасылық тәрбиенің маңызын айтып, тұрғындарды референдумға белсенді қатысуға шақырды.Осындай өнегелі отбасылардың референдумға қатысуы қоғамдағы азаматтық жауапкершіліктің артып, ел болашағына деген ортақ көзқарастың қалыптасуына ықпал етеді.

«Мерейлі отбасы» ұлттық байқауының номинанты Қожабековтар отбасы референдумда дауыс берді

<a href="https://kyzylorda-news.kz/">Kyzylorda-news.kz</a> &nbsp; Орталық референдум комиссиясының мәліметінше, сағат 16:00-дегі жағдай бойынша 8 029 286 азамат өз таңдауын жасаған. &nbsp;

Референдумда қазақстандықтардың 64,43%-ы дауыс берді

<a href="https://kyzylorda-news.kz/">Kyzylorda-news.kz</a> &nbsp;Арал аудандық ардагерлер кеңесінің төрағасы Әділбек Әйімбетов референдумның маңыздылығы туралы пікір білдіріп, тұрғындарды белсенді болуға шақырды. Ардагерлер әрдайым ортаңғы буын мен жастарға жол сілтеуші, бағыт-бағдар беруші.Оның айтуынша, ел тағдырына қатысты маңызды шешімдер қабылданатын сәттерде халықтың бірлігі мен жауапкершілігі ерекше көрінеді. Ардагерлер қауымы әрқашан елдің тұрақтылығы мен дамуын қолдап келеді.Әділбек Әйімбетов сондай-ақ жастарға үлгі болу үшін үлкен буын өкілдері референдумға белсенді қатысып, азаматтық ұстанымдарын көрсетіп отырғанын айтты.<blockquote>– Бүгін аудан ақсақалдарымен бірге келіп, өз дауысымызды бердік. Дауыс беру учаскесіне келген халыққа ақ батамды бердім. Жастарымыз аман болсын, еліміз тыныш, жұртымыз берекелі болсын деп тілек айттым. Осындай маңызды күні халықтың белсенді қатысып жатқанын көріп, қуанып тұрмын. Еліміз аман, жұртымыз тыныш, болашағымыз жарқын болсын деп тілеймін. Елдің ертеңі үшін әр азамат өз таңдауын жасауы керек, – деді қария.</blockquote>

Арал аудандық ардагерлер кеңесінің төрағасы Әділбек Әйімбетов өз таңдауын жасады

<a href="https://kyzylorda-news.kz/">Kyzylorda-news.kz</a> &nbsp;Денсаулық жағдайына байланысты референдум учаскелеріне &nbsp;келе алмаған тұрғындардың дауыс беруіне арнайы жағдай жасалды. Комиссия мүшелері алдын ала түскен өтініштер негізінде арнайы жылжымалы референдум жәшігін алып, азаматтардың үйлеріне барып, дауыс беру процесін ұйымдастырды.Бұл шара тұрғындардың конституциялық құқықтарын толық жүзеге асыруына мүмкіндік беріп, әрбір азаматтың ел болашағына қатысты өз таңдауын жасауына жағдай туғызды. Үйінде дауыс берген тұрғындар көрсетілген құрмет пен қолдау үшін алғыстарын білдіріп, мұндай мүмкіндік халыққа қолайлы әрі маңызды екенін атап өтті.

Қазақстан және Қызылорда облысының жаңалықтары: Референдум

Дауыс беру учаскесінде шағын кітап алмасу бұрышы ұйымдастырылды

«Референдум – 2026» онлайн марафоны жалғасуда. Көрермен назарына өзекті мәселелер және өнертабыстар ұсынылды

«Аралтұз» акционерлік қоғамының тұз өндірісі жұмысшылары бір мезгілде дауыс берді

Референдумға келе алмаған азаматтар үйден дауыс берді

Қызылорда облысында дауыс беру науқаны жоғары деңгейде өтуде

Сәбит Ұлықпанұлы референдумда дауыс берді

Қызылорда облысында дауыс беру науқаны жоғары деңгейде өтуде

«Өскен өңір» газетінің бас редакторы Нұрболат Сәдуақасұлы өз таңдауын жасады

«Мерейлі отбасы» ұлттық байқауының номинанты Қожабековтар отбасы референдумда дауыс берді

Референдумда қазақстандықтардың 64,43%-ы дауыс берді

Арал аудандық ардагерлер кеңесінің төрағасы Әділбек Әйімбетов өз таңдауын жасады

Референдум 2026: Денсаулық жағдайына байланысты сайлау учаскелеріне келмеген тұрғындарға жағдай жасалды