<a href="https://kyzylorda-news.kz/">Kyzylorda-news.kz</a> &nbsp;Қармақшы ауданында &nbsp;№250 мектеп - лицейінде орналасқан №99 референдум учаскесінің төрайымы Гүлжахан Мұнарбаева дауыс беру күніндегі учаске комиссияларының жұмыс тәртібі туралы мәлімет беруде.Ол комиссияның сайлаушыларды қабылдау, дауыс беру процесін ұйымдастыру және барлық ережелерді сақтау бойынша жұмыстардың ережеге сай жүргізіліп жатқанын атап өтті.

Референдум-2026: Сайлау жұмысының барысы бақыланды

<a href="https://kyzylorda-news.kz/">Kyzylorda-news.kz</a> &nbsp;Қазақстанда өтіп жатқан референдум барысында азаматтардың деректерін жедел әрі нақты тексеру мақсатында дауыс беру учаскелерінде электронды үкімет қызметтері қолжетімді етілді. Бұл бастама дауыс берушілер тізіміндегі мәліметтердің дұрыстығын қамтамасыз етіп, әрбір азаматтың дауыс беру құқығын кедергісіз жүзеге асыруына мүмкіндік береді.Учаскелерде арнайы мамандар азаматтарға кеңес беріп, қажетті ақпаратты анықтауға көмектесуде. Соның арқасында тұрғындар өздерінің тіркелген мекенжайын, қай дауыс беру учаскесіне бекітілгенін және дауыс берушілер тізімінде бар-жоғын онлайн режимде тексере алады. Ол үшін электронды үкімет порталы немесе мобильді қосымшаларды пайдалану жеткілікті. Бұл қызметтер халыққа барынша қолайлы әрі қолжетімді етіп ұйымдастырылған.Мұндай цифрлық шешімдер азаматтардың уақытын үнемдеп қана қоймай, сайлаушылар тізіміндегі мүмкін болатын қателіктерді азайтуға ықпал етеді. Сонымен қатар, референдум процесінің ашықтығы мен тиімділігін арттыруға бағытталған маңызды қадам болып табылады. Заманауи технологияларды пайдалану арқылы дауыс беру науқанының ұйымдастырылу сапасы артып, азаматтардың мемлекеттік маңызды шешім қабылдау үдерісіне белсенді қатысуына жағдай жасалуда.Осылайша, электронды үкімет қызметтерінің енгізілуі референдум барысының ашық әрі әділ өтуіне, сондай-ақ азаматтардың құқықтарын толыққанды жүзеге асыруына оң әсерін тигізуде. Заманауи цифрлық мүмкіндіктерді пайдалану қоғамдық-саяси науқандардың тиімді ұйымдастырылуына жаңа серпін беріп отыр.

Деректерді онлайн тексеру: Учаскелерде электронды үкімет қызметтері жұмыс істейді

<a href="https://kyzylorda-news.kz/">Kyzylorda-news.kz</a> &nbsp;Қармақшы ауданының Дауылкөл ауылдық округінде республикалық референдум аясында алтын құрсақты батыр аналар №109 референдум учаскесінде өз таңдауларын жасап, ел болашағына деген жауапкершілігін көрсеттіСонымен қатар ауданымыздың ардақты аналары мен үлгілі келіндері де ұлттық киімдермен референдум учаскелеріне келіп, өз дауыстарын беруде.

Батыр аналар дауыс берді

<a href="https://kyzylorda-news.kz/">Kyzylorda-news.kz</a> Қазақ күресінен әлем чемпионы, Әлем кубогінің иегері, «Еуразия Барысы» турнирінің жеңімпазы, халықаралық дәрежедегі спорт шебері Нұрым Сәлімгереев бүгін дауыс беру учаскесіне келіп, ел болашағына бейжай қарамай, өз таңдауын жасады.Белгілі спортшы бұл маңызды саяси науқанда әрбір азаматтың дауысы елдің ертеңі үшін аса маңызды екенін атап өтті. Оның айтуынша, елдің дамуы мен тұрақты болашағы үшін әрбір қазақстандық белсенділік танытып, азаматтық міндетін орындауы қажет.Нұрым Сәлімгереев өз кезегінде барша тұрғындарды қоғамдық-саяси өмірге белсенді араласып, ел тағдырына бейжай қарамауға шақырды.

Халықаралық дәрежедегі спорт шебері Нұрым Сәлімгереев өз таңдауын жасады

<a href="https://kyzylorda-news.kz/">Kyzylorda-news.kz</a> Жайылма ауылының «Жайылма жауһарлары» әжелер ансамблі референдум учаскесіне келіп, өз таңдауларын жасады. Өнерлі әжелер ел өміріндегі маңызды саяси науқаннан қалыс қалмай, азаматтық белсенділіктерін көрсетті.&nbsp;Жайылма ауылдық клубы жанынан құрылған «Жайылма жауһарлары» әжелер ансамблі 2019 жылы ұйымдастырылған. Топ құрамында 8 әже бар. Қазіргі таңда ауылдағы бірде-бір мәдени іс-шара бұл ансамбльдің қатысуынсыз өтпейді. Сонымен қатар, ұжым аудандық және облыстық байқауларда жүлделі орындарға ие болып, ауыл мәдениетінің дамуына өз үлестерін қосып келеді.

Жаңақорған әжелер ансамблі өз таңдауларын жасады

<a href="https://kyzylorda-news.kz/">Kyzylorda-news.kz</a> Қызылорда қаласында дауыс беру күні тұрғындардың мәдени белсенділігін арттыру және кітап оқуға деген қызығушылықты қолдау мақсатында бірқатар референдум учаскесі жанында шағын Bookcrossing – кітап алмасу бұрышы ұйымдастырылды.Бұл бастамаға дауыс беруге келген бірнеше тұрғын қатысып, өздерімен бірге әкелген кітаптарын ортақ бұрышқа қалдырып, оның орнына өздеріне қызықты басқа кітаптарды алып кету мүмкіндігіне ие болды.Кітап алмасу бұрышында негізінен көркем әдебиет, балаларға арналған шағын кітаптар мен танымдық еңбектер қойылды. Оқырмандаркітаптарды қарап шығып, өзара пікір алмасып, әңгіме өрбіткен сәттер де болды. Ұйымдастырушылардың айтуынша, бұл шағын мәдени бастама адамдардың кітапқа деген ықыласын арттыруға және рухани байланысын нығайтуға бағытталған.

Дауыс беру учаскесінде шағын кітап алмасу бұрышы ұйымдастырылды

<a href="https://kyzylorda-news.kz/">Kyzylorda-news.kz</a> «Референдум – 2026» онлайн марафонында жасанды интеллект, волонтерлық мәдениет, киберспорт мүмкіндіктері талқыланды.&nbsp; Экология мәселелерін технология арқылы реттеуге болады деген, жас ғалымдар марафонның инновациялық алаңында өнертабыстарын ұсынды.Сағат 09:00-ден басталған онлайын шара бұл жолы таралу ауқымымен ерекшеленіп отыр. Қазақстан телерадиокорпорациясының аймақтық филиалдары мен АҚШ, Ресей, Түркия, Қытай, Бельгия елдеріндегі өкілдіктерінің тілшілері тікелей қосылуда.&nbsp;&nbsp;Бұл медиа кеңістіктің тағы бір ерекшелігі алғаш рет арнайы ұйымдастырылған инновациялық алаң. Сол алаңда отандық ғалымдар жаңа жобаларын көпшілікке ұсынды.&nbsp;Мысалы, жас өнертапқыш Аделия Анаш келешекте адам ағзасына салынуы мүмкін механикалық жүрек&nbsp;жобасын&nbsp;және майтабан диагнозын анықтауға арналған «ақылды» ұлтарақты көпшілік назарына ұсынды. Сонымен қатар, жас ғалым Нарминахон Иманғалиева ластанған ауадан принтерге арналған қара бояу өндіруге мүмкіндік беретін инновациялық жобасын таныстырды. Жоба экологиялық мәселелерді технологиялық шешімдер арқылы реттеуге бағытталған. Жас ғалымдар өз ізденістерінің нәтижелі болатынына толық сенімді.&nbsp;Робототехникалық жобаның авторы Айсұлу Тілеуқұлова ерекше балаларға арналған жаңа технология туралы тарқата баяндап берді. Оның айтуынша, жаңа технология баланың дене тепе-теңдігін дамытуға арналған робототехникалық платформа. Платформа церебралды сал ауруы, аутизм және басқада неврологиялық диагнозы бар балаларға арналған.Сонымен қатар қазақстандық жас ғалым Манат Нұрсұлтан спортшылардың қозғалысын талдауға арналған сенсорлық құрылғы технологиясын таныстырды. Оның айтуынша, бұл құрал қазіргі уақытта спорт саласында, әсіресе футболда қолданылып жатыр. Жоба Mirai Motion датчиктер жиынтығы деп аталады. Бұл технологияны әзірлеу барысында нанотехнология элементтері қолданылған.Онлайн марафон алаңында Петропавл қаласынан келген Төтенше жағдайлар департаментінің мамандары өрт сөндіруге арналған роботтың мүмкіндіктерін көрсетті. Мұндай роботтар төтенше жағдайлар кезінде адам өміріне қауіп төндірмей жұмыс істеуге мүмкіндік береді.Іс-шараға саясаткерлер мен сарапшылар, өнерпаздар ғана емес танымал спортшылар да арнайы қонақ ретінде қатысып, өз ойларымен бөлісті. Олардың қатарында әлем чемпионы Ризабек Айтмұхан мен Гиннесс рекордтар кітабының рекордсмені Сергей Цирюльников&nbsp;бар.Марафонның дискуссия алаңында «Қазақстандағы жасанды интеллектінің дамуы» тақырыбы жан-жақты талқыланды. Сарапшылар жасанды интеллект технологияларының экономика, білім беру, медицина және медиа салаларына ықпалын, сондай-ақ оның болашағымен мүмкін болатын тәуекелдерін талқылады.Қазақстанда жасанды интеллектті дамытудағы басты міндет – білікті кадрлар даярлау. Бұл туралы Қазақстандағы жасанды интеллектті дамыту қауымдастығы төрағасының орынбасары Анар Төлеубаева айтып, ел цифрлық үкіметті дамыту бойынша әлемдік рейтингте 24-орында тұрғанымен, жасанды интеллект деңгейі бойынша 76-орында екенін, сондықтан инфрақұрылыммен қатар мамандарды даярлау және азаматтардың ЖИ-ді күнделікті өмірде қолдану дағдыларын дамыту маңызды екенін атап өтті.Сонымен қатар марафон барысында қоғам үшін өзекті тағы бір тақырып – «Волонтерлік: жаңа азаматтық мәдениет» талқыланды. Соңғы жылдары еріктілер қозғалысы қарқынды дамып, жастар белсенділігінің маңызды бағытына айналып келеді. Волонтерлік мәдениеттің қалыптасуы азаматтық жауапкершілік пен әлеуметтік ынтымақтастықтың жаңа үлгісін көрсетеді.«Ұлттық волонтерлік желі» ұйымының мемлекеттік органдармен өзара іс-қимыл бөлімінің басшысы Айбек Досымбетовтың айтуынша, кез-келген елде волонтерліктің дамуына ұлттық мәдениет пен дәстүр үлкен әсер етеді. Батыс елдерінде волонтерлік көбіне заң мен реттеліп, кей жағдайда жұмыс күшінің тапшылығына байланысты қалыптасқан. Ал Қазақстанда бұл қозғалыс азаматтардың елге қызмет ету ниетінен туындайды.Онлайн марафон аясында Қазақстан Республикасының Орталық референдум комиссиясы жанындағы пресс-орталық референдум барысы туралы ресми ақпараттарды тұрақты түрде таратып отыр.&nbsp;Тікелей трансляция:YouTube -&nbsp;<a href="https://www.youtube.com/live/XI1B-nqakuI?si=gxL0PPqqmZy-46-C">https://www.youtube.com/live/XI1B-nqakuI?si=gxL0PPqqmZy-46-C</a>Facebook - <a href="https://www.facebook.com/share/v/1EckJhg5S2/">https://www.facebook.com/share/v/1EckJhg5S2/</a>Instagram - <a href="https://www.instagram.com/qazaqstantv/live/17987331689950875%20/">https://www.instagram.com/qazaqstantv/live/17987331689950875 /</a>TikTok -<a href="https://vt.tiktok.com/ZS9R1bfLPhNoH-xhVsr/">https://vt.tiktok.com/ZS9R1bfLPhNoH-xhVsr/</a>Telegram - <a href="https://t.me/qazaqstantv?livestream">https://t.me/qazaqstantv?livestream</a>

«Референдум – 2026» онлайн марафоны жалғасуда.  Көрермен назарына өзекті мәселелер және  өнертабыстар ұсынылды

<a href="https://kyzylorda-news.kz/">Kyzylorda-news.kz</a> &nbsp;Арал ауданындағы «Аралтұз» акционерлік қоғамының қызметкерлері референдумға бір мезетте қатысып, азаматтық белсенділіктің үлгісін көрсетті.Тұз өндірісінде еңбек ететін жұмысшылар дауыс беру арқылы ел болашағына бейжай қарамайтынын білдірді. Аралтұз акционерлік қоғамы өңіріміздегі ірі өндіріс орындарының бірі. Кәсіпорында 1200-ге жуық тұрғын жұмыс жасайды.<blockquote>-Біз бүгін ұжымымызбен бірге референдумға келіп, дауыс бердік. Әр азаматтың өз таңдауын жасап, елдің дамуына үлес қосуы маңызды деп санаймын. Сондықтан жұмыс орнымыздан кейін арнайы келіп, азаматтық борышымызды орындадық. Еліміз аман, халқымыз бірлікте болсын»-деді ауысы шебері Сынаев Бауыржан.</blockquote>

«Аралтұз» акционерлік қоғамының тұз өндірісі жұмысшылары бір мезгілде дауыс берді

<a href="https://kyzylorda-news.kz/">Kyzylorda-news.kz</a> &nbsp;Референдум барысында денсаулығына байланысты сайлау учаскесіне келе алмайтын азаматтар комиссия арқылы өтініш қалдырып, үйден дауыс беруде.Арнайы жылжымалы референдум жәшіктерімен референдум комиссиясының мүшелері әр үйге барып, тұрғындардың таңдау жасауына жағдай жасап отыр. Бұл шара — әрбір сайлаушының конституциялық құқығын толық іске асыруға бағытталған.Үйде дауыс беру процесі де жалпы тәртіпке сәйкес жүргізілуде. Комиссия мүшелері бюллетеньдерді сайлаушыға табыстап, дауыс беру құпиялығы қатаң сақталуын қамтамасыз етуде.Айта кетейік, дауыс беру 20.00-ге дейін жүзеге асады.

Референдумға келе алмаған азаматтар үйден дауыс берді

<a href="https://kyzylorda-news.kz/">Kyzylorda-news.kz</a> &nbsp; Бүгін Қызылорда облысында еліміздің қоғамдық-саяси өміріндегі маңызды науқан аясында дауыс беру процесі ұйымдасқан түрде басталды. Өңір бойынша 351 дауыс беру учаскесі таңғы сағат 07:00-де өз жұмысын бастап, тұрғындарды қабылдауға кірісті.Дауыс беру барысының ашықтығы мен заң талаптарына сай өтуін қамтамасыз ету мақсатында учаскелерде «Дауыс» қоғамдық бақылаушылар коалициясының 2106 мүшесі бақылау жүргізуде. Олар дауыс беру процесінің талаптарға сәйкес өтуін қадағалап, азаматтардың өз таңдауларын еркін білдіруіне жағдай жасалуда.Таңсәріден бастап өңір тұрғындары белсенділік танытып, учаскелерге келіп дауыс беруде. Көптеген учаскелер маңында мерекелік көңіл күй қалыптасып, спорттық сайыстар мен мәдени-көпшілік іс-шаралар ұйымдастырылуда. Сонымен қатар әжелер ансамбльдері өнер көрсетіп, жергілікті өнерпаздар ән мен жырдан шашу шашуда.Дауыс беру орындарына спортшылар, мәдениет және әлеуметтік сала қызметкерлері, түрлі еңбек ұжымдарының өкілдері келіп, өздерінің азаматтық ұстанымдарын білдіріп, ел болашағына қатысты таңдауларын жасауда. Алғашқылардың бірі болып келген тұрғындарға бірқатар учаскелерде арнайы сыйлықтар табысталып, бұл бастама халықтың белсенділігін арттыруға ықпал етуде.Жалпы, өңірде дауыс беру процесі жоғары деңгейде ұйымдастырылып, заң талаптарына толық сәйкес өтуде. Қоғамдық бақылаушылардың мәліметінше, қазіргі уақытқа дейін ешқандай заң бұзушылықтар тіркелмеген.Сыр жұртшылығы осылайша ел тағдырына бейжай қарамай, бірлік пен жауапкершіліктің үлгісін көрсетіп келеді. Әрбір дауыс – елдің ертеңіне деген сенім мен жарқын болашаққа бағытталған маңызды қадам.&nbsp;Жандос Тұсмағамбетов«Самұрық инновациялық идеяларды дамыту орталығы» қоғамдық қорының директоры,&nbsp;«ДАУЫС» қоғамдық байқаушылар коалициясының Қызылорда облысы бойынша жетекшісі

Қызылорда облысында дауыс беру науқаны жоғары деңгейде өтуде

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда облысында еліміздің қоғамдық-саяси өміріндегі маңызды науқан аясында дауыс беру процесі ұйымдасқан түрде басталды. Өңір бойынша 351 дауыс беру учаскесі таңғы сағат 07:00-де өз жұмысын бастап, тұрғындарды қабылдауға кірісті.Дауыс беру барысының ашықтығы мен заң талаптарына сай өтуін қамтамасыз ету мақсатында учаскелерде «Дауыс» қоғамдық бақылаушылар коалициясының 2106 мүшесі бақылау жүргізуде. Олар дауыс беру процесінің талаптарға сәйкес өтуін қадағалап, азаматтардың өз таңдауларын еркін білдіруіне жағдай жасалуда.Таңсәріден бастап өңір тұрғындары белсенділік танытып, учаскелерге келіп дауыс беруде. Көптеген учаскелер маңында мерекелік көңіл күй қалыптасып, спорттық сайыстар мен мәдени-көпшілік іс-шаралар ұйымдастырылуда. Сонымен қатар әжелер ансамбльдері өнер көрсетіп, жергілікті өнерпаздар ән мен жырдан шашу шашуда.Дауыс беру орындарына спортшылар, мәдениет және әлеуметтік сала қызметкерлері, түрлі еңбек ұжымдарының өкілдері келіп, өздерінің азаматтық ұстанымдарын білдіріп, ел болашағына қатысты таңдауларын жасауда. Алғашқылардың бірі болып келген тұрғындарға бірқатар учаскелерде арнайы сыйлықтар табысталып, бұл бастама халықтың белсенділігін арттыруға ықпал етуде.Жалпы, өңірде дауыс беру процесі жоғары деңгейде ұйымдастырылып, заң талаптарына толық сәйкес өтуде. Қоғамдық бақылаушылардың мәліметінше, қазіргі уақытқа дейін ешқандай заң бұзушылықтар тіркелмеген.Сыр жұртшылығы осылайша ел тағдырына бейжай қарамай, бірлік пен жауапкершіліктің үлгісін көрсетіп келеді. Әрбір дауыс – елдің ертеңіне деген сенім мен жарқын болашаққа бағытталған маңызды қадам.

<a href="https://kyzylorda-news.kz/">Kyzylorda-news.kz</a> Референдум – халықтың өз еркін тікелей білдіретін ең құдіретті демократиялық құралдардың бірі. Оның мәні мен маңызы – ел тағдырын билік емес, тікелей халықтың өзі айқындайтындығында. Мұндай шешімдер азаматтардың мемлекет ісіне деген жауапкершілігін арттырып, қоғам мен билік арасындағы сенім мен бірлікті бекітетін тарихи механизм болып табылады.Референдум елдегі маңызды мәселелерді ашық талқылауға, әр азаматтың ойын еркін білдіруіне мүмкіндік береді. Әр пікір сараланып, түрлі көзқарастар ескеріліп, қоғамдық талқылау арқылы қабылданған шешім шынайы халықтық қолдауға ие болады. Бұл – демократияның, әділдіктің және ашықтықтың айқын көрінісі.Сондықтан референдум – тек саяси рәсім емес, ол – халқымыздың бірлігі мен еркіндігінің, мемлекеттің тұрақтылығы мен өркендеуі жолындағы нақты көрініс. Халықтың белсенді қатысуы әр дауыс – елдің болашағын айқындайтын нақты күшке айналады. Бұл – Қазақстанның жаңа серпілісі, ұлттық сананың оянуы, тәуелсіздік тарихындағы тарихи белес. Әрбір азаматтың таңдауы – мемлекетіміздің берік негізін құрып, ортақ мақсатқа бағытталған жауапкершіліктің жарқын көрінісі. Осындай бірлік пен саналы таңдау арқылы ел гүлденген, дамыған, әділ әрі мықты мемлекетке айналу жолында ұрпаққа аманат қалдырады.<img src="https://knadmin.beoblood.kz/uploads/124724c9_ec35_44d7_8997_08333fa8598b_382ca1a834.jpg" alt="124724c9-ec35-44d7-8997-08333fa8598b.jpg">

Қазақстан және Қызылорда облысының жаңалықтары: Референдум

Референдум-2026: Сайлау жұмысының барысы бақыланды

Деректерді онлайн тексеру: Учаскелерде электронды үкімет қызметтері жұмыс істейді

Батыр аналар дауыс берді

Халықаралық дәрежедегі спорт шебері Нұрым Сәлімгереев өз таңдауын жасады

Жаңақорған әжелер ансамблі өз таңдауларын жасады

Дауыс беру учаскесінде шағын кітап алмасу бұрышы ұйымдастырылды

«Референдум – 2026» онлайн марафоны жалғасуда. Көрермен назарына өзекті мәселелер және өнертабыстар ұсынылды

«Аралтұз» акционерлік қоғамының тұз өндірісі жұмысшылары бір мезгілде дауыс берді

Референдумға келе алмаған азаматтар үйден дауыс берді

Қызылорда облысында дауыс беру науқаны жоғары деңгейде өтуде

Қызылорда облысында дауыс беру науқаны жоғары деңгейде өтуде

«Өскен өңір» газетінің бас редакторы Нұрболат Сәдуақасұлы өз таңдауын жасады