<a href="https://kyzylorda-news.kz/">Kyzylorda-news.kz</a> Жалағаш кентіндегі №153 референдум учаскесінде референдумға дауыс беру уақытында басталды.Ауыл тұрғындарының белсенділігі де жоғары. Референдум учаскесіне келушілердің қатарында ауыл шаруашылығында табысты еңбек етіп келе жатқан, Жалағаш ауданының құрметті азаматы, «Мираж» шаруа қожалығының төрағасы Мейрамбек Бақтыбаев та бар.<blockquote>«Осындай ел тағдыры шешілетін сын сағатта әрбіріміздің дауысымыз маңызды. Сондықтан, елмен бірге мен де келіп, өз таңдауымды жасадым. Бұл референдумның маңызы зор, байыпты бастама. Алдағы уақытта да елімізде тыныштық, тұрақтылық болып, егемендігіміз мәңгі болсын.» - деген шаруашылық төрағасы барлық ауыл тұрғындарының маңызды шарада белсенділік танытуы өңірдегі береке мен бірліктің үлгісі екенін жеткізді.</blockquote>

«Мираж» шаруа қожалығының төрағасы Мейрамбек Бақтыбаев дауыс берді

<a href="https://kyzylorda-news.kz/">Kyzylorda-news.kz</a> &nbsp;Жаңақорған ауданында өтіп жатқан республикалық референдум барысында учаскелік комиссия мүшелері дауыс беру процесінің ашық әрі заң талаптарына сай өтуін қамтамасыз етуде. Олар сайлау учаскелерінде тұрғындарды қарсы алып, дауыс беру тәртібін түсіндірумен қатар, референдумға қатысушыларға қажетті бағыт-бағдар беріп, ұйымдастыру жұмыстарын жүргізуде.Аудан бойынша барлығы 42 сайлау учаскесі жұмыс істеуде. Жалпы 46 073 сайлаушы тіркелген. Дауыс беру барысының ашық әрі әділ өтуін 228 байқаушы бақылап отыр.Аудан тұрғындары да маңызды саяси науқаннан қалыс қалмай, белсенді түрде қатысып, ел болашағына өз үлестерін қосуда.

Учаскелік комиссиялар дауыс беру процесін ұйымдастырып, референдумға қатысушылармен жұмыс жүргізуде

<a href="https://kyzylorda-news.kz/">Kyzylorda-news.kz</a> 2026 жылғы 15 наурызда елімізде республикалық референдум өтіп, ел тарихындағы маңызды саяси науқан жүзеге асуда. Бұл күні әрбір қазақстандық өз таңдауын жасап, мемлекет болашағына қатысты маңызды шешім қабылдауға қатысу мүмкіндігіне ие.Осыған орай Жалағаш ауданында да тұрғындардың дауыс беруіне қолайлы жағдай жасау бағытында бірқатар игі бастамалар қолға алынды. Солардың бірі – автоволонтерлердің тегін көлік қызметін ұйымдастыруы.Жалағаш кенті бойынша белсенді азаматтардан құралған автоволонтерлер тұрғындарды дауыс беру учаскелеріне тегін жеткізіп, азаматтардың өз конституциялық құқықтарын жүзеге асыруына қолдау көрсетуде. Бұл бастама әсіресе қарт адамдар мен жеке көлігі жоқ тұрғындар үшін үлкен көмек болуда.Айта кету керек, Жалағаш ауданының тұрғындары қайырымдылық пен қоғамдық игі істерден қалыс қалмайды. Қоғамға пайдасын тигізуді мақсат еткен жүрегі кең азаматтардың қатары жыл сайын артып келеді.Әрбір саяси науқан кезінде игі дәстүрге айналған бұл бастама биылғы республикалық референдум барысында да жалғасын тауып, тұрғындардың белсенді қатысуына өз үлесін қосуда.

Жалағаш: Автоволонтерлер дауыс беруші қарттарға көмек көрсетуде

<a href="https://kyzylorda-news.kz/">Kyzylorda-news.kz</a> &nbsp; Сырдария ауданында автоволонтерлер референдум күні қарт адамдарға және сайлау учаскесінен шалғай жатқан азаматтарға ерекше қолдау көрсетіп, оларды дауыс беру учаскелеріне тегін тасымалдауда.Жастар өз көліктерімен тұрғындарды сайлау орындарына жеткізіп, олардың азаматтық борышын орындауына мүмкіндік жасап отыр. Мұндай бастама әсіресе көлігі жоқ немесе қозғалысы шектеулі тұрғындар үшін маңызды болып саналады.<blockquote>– Елге қызмет көрсету, көмектесу, елжандылық таныту – біздің басты міндетіміз. Әркез қоғамдық маңызы бар шараларда, ел болашағы үшін жасалып жатқан саяси науқандарда осындай бастамаларды жалғастырып, қоғамға өз үлесімізді қосамыз, – дейді автоволонтерлер жетекшісі Н.Сейтжан.</blockquote>Бұл әрекет тұрғындардың сайлауға белсенді қатысуына септігін тигізіп, қоғамдағы бірлік пен жауапкершіліктің нығаюына үлес қосуда

Сырдариялық автоволонтерлер тұрғындарға дауыс беруге көмек көрсетуде

<a href="https://kyzylorda-news.kz/">Kyzylorda-news.kz</a> Қазақстанға халықаралық миссия құрамында келген Армения Республикасының Орталық сайлау комиссиясының төрағасы Ваагн Овакимян республикалық референдум барысы туралы өз әсерімен бөлісті.Біз үшін ең бастысы – басқа елдерде сайлау мен референдумдардың қалай ұйымдастырылатынын көру. Бір-біріміздің тәжірибелерімізді зерттеп, қандай тиімді тәсілдерді қолдануға болатынын саралаймыз. Бұл – достық әрі кәсіби тәжірибе алмасу, – деді ол.Бақылаушы әсіресе сайлау учаскелеріндегі ұйымдастыру жұмыстарына назар аударды.Мен барған барлық учаскеде мемлекеттік рәміздер – ту, елтаңба, сондай-ақ азаматтарға арналған ақпараттық бұрыштар қойылған. Арменияда мұндай бұрыштар мектептерде бар. Ал мұнда олардың әлдеқайда жүйелі ұйымдастырылғанын көрдім. Бұл біз үшін өте қызықты әрі пайдалы тәжірибе, – деп атап өтті ол.Сондай-ақ Ваагн Овакимян дауыс беру барысында бәрі тыныш әрі реттелген екенін де жеткізді.Дауыс беру процесі бірқалыпты өтуде, азаматтар еркін әрі сенімді түрде дауыс беріп жатыр. Барлығы әр адамға қолайлы әрі жеңіл қатысуға мүмкіндік беретіндей ұйымдастырылған. Мұндай процесті бақылау – тәжірибе жинап, үйренудің жақсы мүмкіндігі. Бұл – референдумды жоғары деңгейде ұйымдастырып, азаматтарға құрмет көрсетудің айқын үлгісі. Қазақстанға бейбітшілік, бірлік және тұрақты даму тілеймін, – деді ол.

Қазақстандағы учаскелерде бәрі жан-жақты ойластырылған – Армения ОСК төрағасы референдум туралы

<a href="https://kyzylorda-news.kz/">Kyzylorda-news.kz</a> &nbsp;Түркия Республикасы Жоғарғы сайлау кеңесінің төрағасы Ахмет Йенер Астана қаласындағы №149 сайлау учаскесіне барып, Қазақстанда өтіп жатқан жаңа Конституция бойынша референдум туралы пікір білдірді.Ахмет Йенер ең алдымен Қазақстан халқына сәлем жолдап, Наурыз мейрамының басталуымен тұспа-тұс келген Амал күнімен құттықтады.<blockquote>«Ең алдымен Қазақстан халқына сәлем жолдаймын. Наурыздың бастауы саналатын Амал күніне орай түрік халқының да ыстық сәлемін жеткізгім келеді. Бүгін Қазақстанда маңызды күн – Конституция бойынша референдум өтуде», – деді ол.Ол сондай-ақ өзі аралаған сайлау учаскелерінде азаматтардың белсенділігі жоғары екенін атап өтті. Оның сөзінше, дауыс беру процесі жақсы өтіп жатыр, ал учаске қызметкерлері кәсіби дайындықтан өткен.«Біз барған сайлау учаскелерінде халықтың қызығушылығы жоғары екенін байқадық. Учаске қызметкерлерінің бізге деген қарым-қатынасы өте жақсы болды. Бұл Қазақстанның Орталық сайлау комиссиясы шамамен 70 мыңға жуық учаске қызметкерін сапалы дайындағанын көрсетеді. Осы ретте ОСК төрағасы Нұрлан Әбдіров пен оның жанындағы қызметкерлерге алғыс айтқым келеді», – деді ол.</blockquote>Ахмет Йенер сайлау учаскелерінде бақылаушылардың да жұмыс істеп жатқанын айтып, мұны демократияның маңызды белгісі деп бағалады.<blockquote>«Қазіргі уақытта дауыс беру ашық әрі тыныш жағдайда өтіп жатқанын көріп отырмыз. Біз алған ақпаратқа сәйкес, осы сәтте сайлаушылардың қатысу деңгейі шамамен 40 пайызға жуық. Бұл күн соңына қарай көрсеткіш 70–75 пайыздан жоғары болуы мүмкін екенін білдіреді», – деді ол.</blockquote>Түркия Жоғарғы сайлау кеңесінің төрағасы сондай-ақ Қазақстан мен Түркиядағы сайлау жүйелерін салыстырып, екі елдегі тәжірибенің көп жағынан ұқсас екенін атап өтті.<blockquote>«Әр елдің сайлау жүйесі өз ерекшелігіне қарай қалыптасады. Дегенмен жалпы алғанда екі елдегі сайлау тәжірибесінің шамамен 70 пайызы ұқсас. Мысалы, мұнда мүмкіндігі шектеулі азаматтарға дауыс беру үшін белгілі бір уақыттан кейін үйлеріне барып, дауыс беру мүмкіндігі жасалады. Түркияда да осындай тәжірибе бар, бізде жылжымалы сайлау жәшіктері қолданылады. Сонымен қатар көру қабілеті нашар азаматтарға арналған арнайы траферет екі елде де бар», – деді Ахмет Йенер.</blockquote>Оның айтуынша, кейбір техникалық айырмашылықтар сайлаушыларды тіркеу жүйесінде ғана кездеседі. Бұл әр мемлекеттің өз заңнамасы мен жағдайына байланысты қалыпты құбылыс екенін атап өтті.Ахмет Йенер референдум нәтижелері Қазақстан халқы мен елдегі демократиялық үдерістер үшін пайдалы болады деген сенім білдірді.

Түркия Жоғарғы сайлау кеңесінің төрағасы Қазақстанның референдумға сапалы дайындалғанын атап өтті

<a href="https://kyzylorda-news.kz/">Kyzylorda-news.kz</a> &nbsp;Әзербайжан Республикасының Орталық сайлау комиссиясының төрағасы Панахов Мазаир Магоммедоглы бүгін Қазақстандағы референдумның өту барысын өзі бақылап жүр.Делегация осы уақытқа дейін 50 сайлау учаскесінде болып үлгерді. Сапар барысында дауыс беру процесі жоғары деңгейде ұйымдастырылғаны атап өтілді. Яғни барлық учаскелер қажетті жабдықтармен қамтамасыз етілген, санитарлық және техникалық талаптар сақталған, ал дауыс беру тыныш әрі реттелген жағдайда өтіп жатыр.Учаскелерде жұмыс істеп жатқан бақылаушылар да ұйымдастыру деңгейінің жоғары екенін және қызметкерлердің жақсы дайындалғанын атап өтті. Барлық техникалық және ұйымдастырушылық мәселелер бақылауда, бұл азаматтардың өз дауысын қауіпсіз әрі қолайлы жағдайда беруіне мүмкіндік береді.

Әзербайжанның ОСК төрағасы Қазақстандағы 50 сайлау учаскесін аралады

<a href="https://kyzylorda-news.kz/">Kyzylorda-news.kz</a> &nbsp;І топ мүгедектігі бар азамат, қоғамдық белсенді С. Сиюов референдум күні дауыс беру учаскесіне келіп, өз таңдауын жасады. Ол азаматтық борышын орындап, ел үшін маңызды саяси науқанға қатысу әрбір тұрғынның жауапкершілігі екенін атап өтті.Оның айтуынша, мүмкіндігі шектеулі азаматтар үшін жасалып жатқан жағдайлар олардың қоғам өміріне белсенді араласуына мүмкіндік береді. Референдум барысында да ерекше қажеттілігі бар азаматтардың дауыс беруіне барлық жағдай қарастырылғанын айтып, бұл қолдаудың маңызын атап өтті.Ол азаматтарды бейжай қалмай, ел болашағына қатысты маңызды шешім қабылдауда өз дауысын беруге шақырды. Оның референдумға қатысуы – азаматтық белсенділік пен қоғамдағы тең мүмкіндіктердің айқын көрінісі.

Қызылорда облыстық мүгедектер қоғамының төрағасы, қоғам белсендісі Сағатбек Сиюов өз таңдауын жасады

<a href="https://kyzylorda-news.kz/">Kyzylorda-news.kz</a> Мемлекетіміз көпбалалы аналарға әрдайым ерекше құрмет көрсетеді, өйткені олар – елдің жүрегі, отбасының тірегі, қоғамның алтын қазығы. «Алтын алқа» мен «Күміс алқа» иегерлері тек ұрпақ тәрбиелеп қана қоймай, өз үлгісімен тұтас қоғамға өнеге көрсетеді, елдің болашағына өлшеусіз үлес қосады. Әрбір олардың жасаған еңбегі – мемлекеттің тұрақтылығы мен бірлігінің кепілі.Бүгінгі референдумда аналардың белсенді түрде өз дауыстарын беруі – ел тағдырына бей-жай қарамай, мемлекет келешегіне жауапкершілікпен қараған нақты әрекет. Бұл – болашақ ұрпақ үшін жасалған тарихи таңдау, әрбір отбасы үшін – патриотизмнің, ерліктің және азаматтық борыштың жарқын көрінісі.Көпбалалы аналардың азаматтық ұстанымы мен белсенділігі – қоғамға үлгі, олардың таңдауы – ел бірлігінің, тұрақтылығының және болашаққа сенімнің символы. Әрбір дауыс – тек жеке таңдау емес, ол – Қазақстанның ертеңіне қосылған асыл үлес, тәуелсіз еліміздің жарқын келешегіне бағытталған маңызды қадам. Аналарымыздың әрбір әрекеті – халқымыздың рухын көтеріп, елдің еңсесін биік ұстайтын күшке айналады.

Шиелі ауданында Алтын, Күміс алқа иегерлері белсенділік көрсетті 

<a href="https://kyzylorda-news.kz/">Kyzylorda-news.kz</a> Республикалық референдумда Қызылорда облысының жастары «Мен алғаш рет дауыс бердім» акциясына белсенді қатысып, азаматтық жауапкершіліктің жоғары үлгісін көрсетті.Өңір жастары, әсіресе ауыл жастары, қоғамдық маңызы зор саяси науқанға ерекше қызығушылық танытып, өз таңдауларын жасауға асыға келгені байқалды.Облыс бойынша референдум күні 36 жас 18 жасқа толып, алғаш рет дауыс беру құқығына ие болды. Олар референдум учаскелерінде арнайы ұйымдастырылған фотозонада естелік суретке түсіп, ерекше көңіл-күй мен қуанышты эмоцияларын бөлісті. Олардың қатарында Жас сайлаушылар клубының мүшелері де бар.<blockquote>Жас дауыс берушілердің айтуынша, бұл күн олардың өміріндегі маңызды белес болды. «Бүгін алғаш рет дауыс беріп, өз таңдауымды жасадым. Бұл — мен үшін үлкен жауапкершілік әрі мақтаныш», — деді жас қатысушылардың бірі. Ал тағы бір жас: «Болашағымызға бейжай қарамай, өз пікірімізді білдіру — әрбір жастың міндеті деп ойлаймын», — деп атап өтті.</blockquote>Айта кетейік, дауыс беру 20.00-ге дейін жүзеге асады.

Қызылорда жастары “Мен алғаш рет дауыс бердім” атты ерекше фотоаймағында

<a href="https://kyzylorda-news.kz/">Kyzylorda-news.kz</a> &nbsp;Референдум күні дауыс беруші азаматтар үшін бірнеше платформалар іске қосылған. Соның бірі – тізімде мүлдем жоқ азаматтарды уақытша тіркеу. Қызылорда қаласында 5 арнайы учаске жабдықталған. Мұнда Халыққа қызмет көрсету орталығының мамандары жұмыс жасауда. Яғни дауыс берушілер тізімінде жоқ азаматтарды уақытша тіркеп, оларға дауыс беруге жағдай жасап отыр.<blockquote>-Біздің №198 референдум учаскесінде онлайн сервис арқылы 13 азамат уақытша тіркеліп, олар дауыс берді. Жеке куәлігін көрсету арқылы мүлдем тіркеуде болмаған азаматтар онлайн сервис көмегімен уақытша тіркелуде,-деді комиссия төрағасы.</blockquote> Айта кетейік, осы уақытқа дейін Қызылорда қаласындағы 5 учаскеде 44 азамат уақытша тіркеліп, дауыс берген.

Тізімде жоқ азаматтар онлайн сервистер арқылы тіркелуде

<a href="https://kyzylorda-news.kz/">Kyzylorda-news.kz</a> Жалағаш кентіндегі №31 орта мектепте орналасқан №130 референдум учаскесінде «AMANAT» партиясы Жалағаш аудандық филиалының атқарушы хатшысы Қаншагүл Мұстафаева бастаған аманаттықтар да өз таңдауын жасады. Партия қатары жыл сайын жастармен толығып келеді.<img src="https://knadmin.beoblood.kz/uploads/AMANAT_partiyasy_filialyny_at_arushy_hatshysy_z_ta_dauyn_zhasady_562806b5f3.jpg" alt="«AMANAT» партиясы филиалының атқарушы хатшысы өз таңдауын жасады.jpg"><blockquote>-Бүгін баршамыз үшін ерекше жауапты күн. Конституция мен тәуелсіздік егіз ұғым. Конституция - еліміз тәуелсіздігінің баянды болуының кепілі. Жаңа Ата заңымыздың аясында қазақ халқының ұлттық намысы мен қадір-қасиеті оянады, рухани құндылықтарымыз да қайта оралады деп есептеймін. Осындай жауапты сәтте ел болшағына сеніммен қараймыз, біз өз таңдауымызды жасадық, - деді Қаншагүл Мұстафаева.</blockquote>

Қазақстан және Қызылорда облысының жаңалықтары: Референдум