<a href="https://kyzylorda-news.kz/">Kyzylorda-news.kz</a> Қазан айының 3-4 күндері Астана қаласында ҚР Судьяларының ІХ съезі өтті. Судьялар съезі – Қазақстанның сот жүйесін талқылап қана қоймай, оны жетілдіру жолдарын қарастырып, маңызды стратегиялық шешімдер қабылдайды. Жоғарғы соттың жұмысын жеңілдету мақсатында келер жылдан бастап кассациялық сот жұмысын бастамақ. &nbsp;Өңірлік коммуникациялар қызметінің ақпарат алаңында жауапты сала мамандары келіп судьялардың ІХ съезінде талқыланған мәселелерді айтты.<blockquote>– Мемлекет басшысының қатысуымен өткен жиынның ерекшелігі – географиясының ауқымы мен биліктің үш тармағының да бірдей қатысуында. Себебі, атқарушы, заң шығарушы және сот билігі бірге қатысқан жиын болды. Ел Президенті сот жүйесіндегі реформаларға, сот жұмысына оң бағасын берді. Әсіресе, биылғы жылы сот отырыстары өте ұтымды ойластырылып, адамдардың құқықтық сауаттылығын арттыра түскенін жеткізді. Жаңа кассациялық соттардың сот төрелігін жүргізудегі тиімділігін, сот практикасының бірыңғай болуын қамтамасыз ететінін баса айтты. Жалпы, бұл жиыннан алған әсерім мол. Себебі, 19 жылдық судьялық еңбек жолымда осындай алқалы жиынға қатысу мүмкіндігі алғаш рет бұйырды,- деді Қызылорда облыстық сотының судьясы Шолпан Маликова.</blockquote>&nbsp;Қазақстанның соты тәуелсіздік жылдарында үлкен даму белестерінен өтті. Осы жылдар ішінде үздіксіз жүзеге асырылған реформалар саланың аяғынан тік тұрып, өзіндік бет-бейнесін қалыптастыруына, жұмысын жүйелеуіне ықпал етті.<blockquote>– Соттың беделін биіктетіп, судьялар тәуелсіздігін нығайтуда жыл сайынғы Президент Жолдаулары мен әр төрт жыл сайын ұйымдастырылатын республика судьялары съезінің орны зор. Бүгінде соттағы жаңашылдықтардың күретамырына айналған "Судьялар одағы" республикалық қоғамдық бірлестігі де бастауын осы съезден алған болатын. Бұл бірлестік 1996 жылғы алғашқы съезде өз жұмысын бастады. Міне содан бері Судьялар одағы сот жүйесінде іске асырылып жатқан іргелі жобалар мен жаңашылдықтардың, заңнамаларға енгізілген өзгерістердің, қоғамдағы айтулы бастамалардың жаршысы болып келеді,- деді Қызылорда облысының мамандандырылған ауданаралық экономикалық сотының төрағасы, Судьялар одағының Қызылорда облысы бойынша филиалының төрағасы Бақытбек Елшібеков.</blockquote>&nbsp;Бүгінде мемлекеттік қызметшілер мен азаматтық қызметшілердің қызмет әдебі кодексі бар. Әдептілік қағидаттары жинақталған кодекс судьялар қауымының да басты бағдар етер құжатының бірі.&nbsp;<blockquote>– Бұл кодекс судьялардың кәсіби және қызметтен тыс өміріндегі мінез-құлықтарының этикалық ережелерін анықтауымен бағалы. 1996 жылы республика судьяларының І съезінде қабылданған Әдеп кодексіне бірнеше жаңғыртулар жасалып, бүгінгі күнге дейін судьялардың қызметтегі және қызметтен тыс кездегі әдебінің басты талаптарын белгілеген болатын. Міне, осы жылдар бойы судьялардың қорғаны болған Әдеп кодексін заман талабына сай қайта дайындау қажеттілігі туындап отыр. Бұл өзгеріс бүгінгідей жаңа технология жетістіктері жаппай қолданысқа енгізіліп, ақпараттар тасқынын сүзгіден өткізу мүмкіндігі төмен кезеңде аса өзекті болып отыр. Кодекс көпшіліктің көкейіндегі талап пен тілекке толық сәйкес келуі үшін судьялардан арнайы жұмыс тобы құрылған еді. Осы жұмыс тобының құрамында маңызды құжаттың дайындалуына атсалысу мен үшін үлкен мәртебе. Жалпы Әдеп кодексін дайындау ісінен республика судьяларының ешқайсысы шет қалған жоқ. Алдымен жергілікті жерлердегі судьялар кодекске қатысты өз пікір-ұсыныстарын білдіріп, сол бойынша құжаттың негізі жасалды,- деді Қызылорда облысының мамандандырылған ауданаралық әкімшілік сотының төрағасы Гүлжан Мырзатаева.</blockquote><img src="https://knadmin.beoblood.kz/uploads/dep_kodeksi_sudyalardy_basty_tiregi_c71deeeba4.jpg" alt="Әдеп кодексі – судьялардың басты тірегі.jpg">Фото: ser-per.kz

 Әдеп кодексі – судьялардың басты тірегі

<a href="https://kyzylorda-news.kz/">Kyzylorda-news.kz</a> Қызылорда облысы бойынша Қылмыстық-атқару жүйесі департаментіне қарасты 68 мекемесінде жазасын өтеуші сотталған азаматша өзінің бұрын некеде болған жұбайы мен қайта некесін қиды.Ашып айтатын болсақ сотталған азаматша тергеу изоляторында ҚР ҚК-нің 190 бабы 3 бөлігі 4 тармағы бойынша 3 жылға бас бостандығынан айырылған. Қазіргі таңда өзінің бұрынғы некеде болған жұбайымен қайта некесін заңдастыру мақсатында мекеменің заңгер маманының көмегіне жүгініп, АХАТ бөлімінің маманы арнайы келіп, неке куәлігін табыстады.&nbsp;Жазасын өтеуші азаматшаның айтуынша, қателікпен шалыс басып екіге айрылдық. Енді міне бізді тағдыр қайта тоғыстырып өз некемізді заңдастырып жатырмыз. Бұл үшін қуаныштымыз. Сонымен қатар, мекеме басшылығына, мекеме заңгеріне және АХАТ бөлімінің маманына өз алғысымызды білдіреміз деді, – жазасын өтеуші азаматша.

Қызылордада сотталған азаматша некесін қиды

<a href="https://kyzylorda-news.kz/">Kyzylorda-news.kz</a> Қызылорда облысында биыл заңсыз айналымнан 1,3 тоннадан астам есірткі <a href="https://kaz.inform.kz/news/kizilorda-oblisinda-biil-13-tonnadan-astam-esrtk-tarklend-d657ba/">тәркіленді</a>.Қызылорда облысының полицейлері есірткі қылмысына қарсы күресті үздіксіз жүргізіп келеді. Биыл жыл басынан бері заңсыз айналымнан 1,3 тоннадан астам есірткі, оның ішінде 48,9 келі марихуана, 324,9 грамм синтетикалық есірткі, 1 келі гашиш тәркіленді.<blockquote>«Екі есірткі зертханасы анықталды. Жедел-іздестіру іс-шараларының нәтижесінде меф және a-PVP синтетикалық есірткіні аса ірі мөлшерде тасымалдаудың төрт дерегі белгілі болды. Бұл бағытта Қызылорда, Ақмола және Ақтөбе облыстарының тұрғындары құрықталды. Есірткі жарнамасы бар 50-ден астам граффити жойылды. Әлеуметтік желіде мониторинг жүргізу барысында «Киберқадағалау» ақпараттық жүйесіне синтетикалық есірткіні жарнамалайтын 141 сайт бұғатталды», – деп мәлім етті Қызылорда облыстық Полиция департаментінен.</blockquote>Еске салсақ, бұдан бұрын Қызылордада тұрғын үйге қарақшылық шабуыл жасап, екі адамды ауыр жарақаттаған күдікті сотталды.Фото: Полиция.кз

Қызылорда облысында биыл 1,3 тоннадан астам есірткі тәркіленді

Құрметті Қызылорда қаласы тұрғындары мен қонақтары!Қызылорда облысының аумақтық қорғанысбригадасымен арнайы-тактикалық оқу-жаттығуды дайындау жәнеөткізу жөніндегі іс-шаралар жоспарынасәйкес 2024 жылғы 16-17 қазан аралығында Қызылорда қаласында әскери жиын өткізілуде.Осыған орай, әскери жиын барысындағы қалалық ипподромда өтіп жатқан атыс-ұрыс жаттығуларына түсінушілік танытуларыңызды сұраймыз.Облыстық жұмылдыру дайындығы басқармасы

Қызылорда қаласында әскери жиын өткізілуде

<a href="https://kyzylorda-news.kz/ru">Kyzylorda-news.kz</a>&nbsp; 2024 жылдың 15 қазанында Талғар қаласында 16 жастағы Шерзат Полаттың өліміне қатысты брифинг өтті. Алматы облысының прокуроры Берік Адамов бүгінге дейін тергеу барысында ешқандай заң бұзушылық анықталмағанын айтты, деп хабарлайды<a href="https://kaz.zakon.kz/okiga/6050769-prokuratura-sherzat-polatty-lmne-atysty-sotty-ashy-tun-srama.html"> Zakon.kz.</a>Оның айтуынша, жағдайды байсалды және әділ бағалау қажет.<blockquote>"Біз бұл істі ерекше бақылауда ұстап отырмыз, сараптама жүргізілуде, ешқандай заң бұзушылық анықталған жоқ. Өрттің шығу себебін де анықтап жатырмыз. 600 куәгерден жауап алынып, сараптамалар жалғасуда. Оқиға орнында канистрлер табылды, біз оларды зерттеп жатырмыз. Моральдық шығын бағаланады. Біз кінәлілерді тауып, жазалауды жақтаймыз. Шерзаттың туыстары қорғауға алынған. Барлығына сабыр мен сабырлы болуды сұраймын. Әлеуметтік желілерде жалған жаңалықтар мен митингке шақырулар көп — бұл жұмысты қиындатады", — деді спикер.</blockquote>Сондай-ақ, ол прокуратура бұл іс бойынша сот талқылауын онлайн режимде, яғни ашық сот талқылауын сұрайтынын қосты.Сурет: Алматы облысының өңірлік коммуникациялар қызметі

Прокуратура Шерзат Полаттың өліміне қатысты соттың ашық өтуін сұрамақ

<a href="https://kyzylorda-news.kz/ru">Kyzylorda-news.kz</a> Үкімет қаулысымен Кеген Ахметұлы Тұрсынбаев төтенше жағдайлар вице-министрі қызметіне тағайындалды. Бұл туралы Үкіметтің Баспасөз қызметі хабарлады, деп жазады&nbsp;<a href="https://egemen.kz/">Egemen.kz</a>.Кеген Тұрсынбаев 1971 жылы Шығыс Қазақстан облысында дүниеге келген. Ленин комсомолы атындағы екі мәрте Қызыл Тулы Рязань жоғары әуе десанттық командалық училищесін, Л.Н. Гумилев атындағы Еуразия ұлттық университетін, РФ Президенті жанындағы Ресей халық шаруашылығы және мемлекеттік қызмет академиясын бітірген.Әр жылдары ҚР Республикалық ұланы, ҚР Ұлттық қауіпсіздік комитетінің Шекара қызметі қатарында қызмет еткен.2020-2021 жылдары Шығыс Қазақстан облысы бойынша Тұтынушылардың құқықтарын қорғау комитеті департаментінің басшысы болып жұмыс істеген.2021-2022 жылдары — ҚР Президенті Іс басқармасының бөлім бастығы болды.2022-2024 жылдары ҚР Ішкі істер министрлігінің құрылымында басшылық қызметтер атқарды.&nbsp;2024 жылғы сәуірден бастап қазіргі уақытқа дейін — ҚР ТЖМ Азаматтық қорғаныс және әскери бөлімдер комитетінің төрағасы болды.Фото: primeminister.kz

Төтенше жағдайлар вице-министрі тағайындалды

<a href="https://kyzylorda-news.kz/ru">Kyzylorda-news.kz</a> Ол бұған дейін осыған ұқсас әрекеті үшін жазаға тартылса да құқықбұзушылықты қайталап отыр.Қызылорда облысында келінін балағаттаған әйел жазаланды. Оған бірнеше тәулікке қамауға алу және алкогольді ішімдік тұтынуына тыйым салу жазасы тағайындалды, деп хабарлайды <a href="https://halyq-uni.kz/aleumet/40985-kyzylorda-oblysynda-kelinin-balagattagan-ene-10-t-ulikke-kamaldy/">Halyq Un</a>i.Сотта Б. есімді әйелдің үйіне сырттан мас болып барып, адамдарды сыйламай, келініне балағат сөздер айтып, отбасының шырқын бұзғаны анықталды. Ол бұған дейін 2024 жылы 11 сәуірде осыған ұқсас әрекеті үшін ӘҚБтК-нің 73-бабы 1-бөлігімен әкімшілік жазаға тартылып, ескерту алса да одан еш нәтиже шығармай, құқықбұзушылықты қайталап отыр.&nbsp;Сотта жәбірленуші Ә. мұндай жағдайдың жиі болып тұратынын атап көрсетіп, оған жаза қолдануды сұраған.<blockquote>Б.-ның құқықбұзушылық әрекеті өзінің кінәсін мойындаған жауабымен, сондай-ақ сотта зерттелген іс құжаттарымен толық дәлелденген. Сот қаулысымен Б. жоғарыда аталған баппен кінәлі деп танылып, 10 тәулік мерзімге әкімшілік қамаққа алу жазасы тағайындалды. Сонымен қатар, аудандық ПБ-ның ерекше талап белгілеу туралы ұсынысы қанағаттандырылып, Б.-ның мінез-құлқына 3 ай мерзімге алкогольдік ішімдік ішуге, есірткі, психотроптық заттарды қолдануға толық көлемде тыйым салуды міндеттейтін ерекше талап белгіленді,&nbsp;– делінген&nbsp;Арал аудандық соты баспасөз қызметінің хабарламасында.</blockquote>фото: Halyq Uni

Қызылорда облысында келінін балағаттаған ене 10 тәулікке қамалды

<a href="https://kyzylorda-news.kz/">Kyzylorda-news.kz</a> Бұйрық 12 қазаннан бастап күшіне енді.&nbsp;2024 жылғы 8 қазанда Ғылым және жоғары білім министрінің бұйрығымен азаматтық алу немесе Қазақстан азаматтығын қалпына келтіру кезінде мемлекеттік тілді бастапқы деңгейде, Қазақстан Республикасы Конституциясының негіздерін және Қазақстан тарихын білуге қойылатын талаптар бекітілді, деп хабарлайды<a href="http://sn.kz/"> Skifnews.kz </a>ақпарат порталы.Құжатқа сәйкес азаматтық алу немесе қалпына келтіру барысында мемлекеттік тілді білу деңгейі кем дегенде 36 балл, Қазақстан Республикасы Конституциясының негіздері бойынша кемінде 9 балл, және Қазақстан тарихы бойынша кем дегенде 15 балл жинау қажет.Фото: gov.kz

Қазақ тілін білмейтіндерге Қазақстан азаматтығы берілмейді

<a href="https://kyzylorda-news.kz/ru">Kyzylorda-news.kz</a> Қорғаныс министрлігі мерзімді әскери қызметке шақырудың тәртібі туралы мәлімдеме жасады.Биыл күзде әскер қатарына шақырылған 20 мыңнан астам азамат міндетін өтемесе, әкімшілік және қылмыстық жауапкершілікке тартылады, деп хабарлайды <a href="http://skifnews.kz/">Skifnews.kz</a> ақпарат порталы.<blockquote>"Әскери қызметке шақырылған азаматтар жергілікті әскери басқару органының шақыру комиссиясына келуге міндетті", – деп басып айтты ҚР Қарулы Күштері Бас штабы Ұйымдастыру-жұмылдыру жұмысы департаменті бастығының орынбасары Фархат Айдарбаев.</blockquote>Шақыру қағазы әскерге баруы керек адамның жеке өзіне немесе жұмысына, оқу орны бойынша ұйым басшыларына қол қойғызу арқылы, болмаса смс-хабарлама арқылы тапсырылады. Шақыру қағазын азаматтың жеке өзіне тапсыру мүмкін болмаған жағдайда, оның келуін қамтамасыз ету тиісті ішкі істер органдарына жүктеледі. &nbsp;Айта кетейік, егер хабарлама алған азамат әскерге бармаса, мерзімді әскери қызметке шақырылудан бас тартқаны үшін заңнамада әкімшілік және қылмыстық жауапкершілікке тартылады.Фото: mail.kz

Әскерге бармағандар қылмыстық жауапкершілікке тартылады

<a href="https://kyzylorda-news.kz/">Kyzylorda-news.kz</a>&nbsp; ҚР Сыбайлас жемқорлыққа қарсы іс-қимыл агенттігі еліміздің әр өңірі бойынша сыбайлас жемқорлық тәуекелдерінің картасын әзірледі. Қызылорда облысының картасына агроөнеркәсіптік кешен, жер, жолдар және инфрақұрылым, әлеуметтік сала, бизнес, сейсмикалық қауіпсіздік салалары енгізілген.<blockquote>«Департаменттің ұсынысы негізінде шартта көрсетілген артық талаптар жойылып, 1500-ден аса кәсіпкерлердің құқықтары қорғалды. &nbsp;Суару сумен қамтамасыз ету саласына келетін болсақ, «Көкарал» бөгеті бойынша бүгінгі күнге дейінгі жұмыстарды қабылдау актілеріне сәйкес, жұмыстар нақты іс жүзінде атқарылмағандығы анықталды. Қабылданған шаралар нәтижесінде мердігермен кемшіліктер жойылды және жетіспейтін құрылыс жабдықтары толықтай жеткізілді. Осылайша жоғарыда көрсетілген қаражат жымқырудың жолы кесілді», - деді Өңірлік коммуникациялар қызметіне берген сұхбатында Қазақстан Республикасы Сыбайлас жемқорлыққа қарсы қызметінің Қызылорда облысы бойынша департаментінің басшысы Қуаныш Ахметқалиев.</blockquote>Антикор өз қызметін басқа да мемлекеттік органдармен, қоғаммен және халықпен бірлесіп жалғастыратын болады.Фото: ardak.kz<img src="https://knadmin.beoblood.kz/uploads/cdb25698_a538_4d89_91bf_7805d898c1c6_827890e834.jpg" alt="cdb25698-a538-4d89-91bf-7805d898c1c6.jpg">

Өңірде сыбайлас жемқорлық тәуекелдері картасы жүзеге асырылуда

<a href="https://kyzylorda-news.kz/">Kyzylorda-news.kz</a> Қызылордада полиция қызметкерлері үйінің ауласына есірткі еккен тұрғынды анықтады, – деп хабарлайды <a href="https://polisia.kz/qyzylorda-turghyny-ujining-aulasyna-sora-ekken/">Polisia.kz</a>.Үйінің ауласына есірткі өсірген 54 жастағы қала тұрғынын Қызылорда полицейлері жедел шара барысында ұстады. Тұрғынның үйінен 34 түп сора өсімдігіне ұқсас шөп тәріздес зат дәлелдеме ретінде алынды.Сараптама қорытындысына сәйкес жалпы салмағы 3,6 келі сора өсімдігі болып шықты.Аталған дерек бойынша тергеу әрекеттері жүргізіліп, қылмыстық іс айыптау актісімен сотқа жолданды. Соттың үкімімен сотталушы кінәлі деп танылып, оған 3 жылға бас бостандығынан айыру жазасы тағайындалған.Фото: Полиция департаменті

Қызылорда тұрғыны үйінің ауласына сора еккен 

<a href="https://kyzylorda-news.kz/">Kyzylorda-news.kz</a>&nbsp; Мәжіліс депутаттары онлайн несие беруге <a href="https://kaz.zakon.kz/kogam-tynysy/6050128-deputat-onlayn-nesiege-tyyym-saludy-syndy.html">тыйым салуды</a> ұсынды. Себебі интернет алаяқтары тыйылар емес.Магеррам Магеррамовтың сөзінше, бізде кибер қауіпсіздікті қамтамасыз ету ақсап тұр.Әрі отандастарымыздың жеке деректері қалай тарап кеткенін құқық органдары әлі күнге анықтай алмай отыр. Ал алаяқтардың үстінен қозғалған 85 істің 45-і тоқтаған, деп жазады <a href="https://qazaqstan.tv/news/200175/">qazaqstan.tv.</a>Күдікті ретінде есепке алынған 218 адам шетелде жүр. Мәжілісмендер алданып қалған азаматтардың саны күн санап артып келе жатқанына алаңдап отыр.<blockquote>«Бұл жағдай біздің жеке деректерді қорғау жүйесі әлсіз екенін көрсетеді. Кез келген сипаттағы ақпарат, ЖСН немесе биометрия киберқылмыскерлер үшін таптырмас құрал бола алады. Жәбірленушілер алаяқтар рәсімдеген несие қарыздарын жылдар бойы төлеп жүр. Сондықтан электронды онлайн несиелеуге тыйым салу керек», – ҚР Парламенті Мәжілісінің депутаты Магеррам Магеррамов.</blockquote>Фото: pexels

Қазақстан және Қызылорда облысының жаңалықтары: Құқық