<a href="https://kyzylorda-news.kz/">Kyzylorda-news.kz</a> Егер сіз кредит алуға бел бусаңыз, оны ресімдеу және қаржы ұйымдарымен іс-әрекеттесудің негізгі қағидаларынан басқа, оның сомасы жөнінде де ойлану қажет.Fingramota.kz-пен толығырақ қарастырайық.Кірісіңіз жоғары және кредиттік тарихыңыз тамаша болғанның өзінде де кредитті өзіңіз қалаған, кез келген сомаға ала алмайсыз. 16 тамыздан бастап кредиттерге белгілі бір шектеулер қойылады.Айтпақшы, кез-келген соманы алуға болады. Алайда, оны тек &nbsp;банктен және кепілмен &nbsp;ала аласыз. &nbsp;Жаңа қағидаларға сәйкес кепілді банктік қарыздар бойынша шектеулер болмайды және кредиттің мөлшері сіз банкке ұсынатын кепілдің құнына ғана байланысты болады.Ал кепілсіз қарыздар бойынша шектеулер нақты белгіленген – 2200 АЕК, ол 2024 жылы &nbsp;8 122 400 теңгені&nbsp;құрайды. Одан көп сома беруге банктің құқығы жоқ.Микроқаржы ұйымдарында шектеулер бұдан да қатал. Кепілсіз микрокредиттің ең жоғары сомасы банкке қарағанда екі есе аз &nbsp;– 1100 АЕК немесе 4 061 200 теңге. Кепілді&nbsp;микрокредиттерге де шектеулер бар.Ломбард кепілмен 8 000 АЕК-ке дейін немесе 29 536 000 теңге&nbsp;бере алады. Ал МҚҰ 20 000 АЕК-ке дейін немесе 73 840 000 теңге. Бұл ретте, мұндай ірі микрокредиттер негізінен бизнесті дамытуға берілетінін атап өтеміз, ал кепілзатқа кәсіпкердің жылжымалы және жылжымайтын мүлігі қойылады.Кредиттер сомасын шектеу практикасы әлемдік тәжірибеге сәйкес келеді.Мәселен, АҚШ-та арнайы құрал – «кредиттік желі» қолданылады. Банк қарыз алушының ықтимал кірісін бағалайды және әдетте 5 жылдағы ықтимал табыстан аспайтын лимитті белгілейді. &nbsp;Көршілес Ресейде банктер кепіл алу негізінде 30 млн рубльге (шамамен 160 млн теңге) дейін бере алады. Ал МҚҰ кепіл болған кезде жеке тұлғаларға небәрі 1 млн рубльге (5,2 млн теңге) дейін және заңды тұлғаларға 5 млн рубльге (26 млн теңге) дейін береді.Әрине, кредит сомасы бойынша заңнамалық шектеулер қойылмайтын елдер де бар. Бірақ ол уақытта мұндай шектеулерді әдетте кредиторлардың өздері, яғни өздеріне тәуекелдерді қабылдағысы келмейтін банктер мен МҚҰ енгізеді.Ал Қазақстанда шектеулерді ірі сомаға кепілсіз тұтынушылық қарыздар беруді тежеу және азаматтардың борыш жүктемесінің өсуіне жол бермеу үшін енгізді.Барлық жаңа өзгерістер ресми түрде тіркелді - Агенттік Басқармасының «Тұтынушылық банктік қарыз және тұтынушылық микрокредит сомасына қойылатын талаптарды бекіту туралы» 2024 жылғы 16 тамыздағы № 61 қаулысы қабылданды.Қаулы Мемлекет басшысы ағымдағы жылғы 19 маусымда қол қойған «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» Қазақстан Республикасының Заңын іске асыру үшін қабылданды.Осы Заңмен енгізілген жаңа өзгерістер жөнінде біздің Fingramota.kz сайтымыздан оқыңыздар.Кредиттік шарт жасамас бұрын не білу керекҚаржылық қажеттіліктеріңіз бен мүмкіндіктеріңізді бағалаңыз. &nbsp;Кредит, егер дұрыс мақсатқа пайдаланылса, өте ыңғайлы қаржы құралы болып табылады. Қарыз алу туралы шешім қабылдай отырып, алдымен барлық тәуекелдерді бағалап алыңыз. Кредитті ресімдеу алдында:кірістер мен шығыстарды ескере отырып, қаржылық мүмкіндіктеріңізді есептеңіз; кредитке кететін күтілетін шығыстардың өсуін ескере отырып, өз мүмкіндіктеріңізді талдаңыз; кредитті алу шартта белгіленген мерзімде борыштың негізгі сомасын (кредитордан алынған соманы) қайтару, сондай-ақ кредитті пайдаланғаны үшін сыйақы, комиссиялар және басқа да төлемдер төлеу міндетін қамтитынын түсіну қажет. Борыш жүктемесі коэффициенті туралы ұмытпаңыз! Қарыз бойынша ай сайынғы төлем сіздің кірісіңіздің 50%-нан аспауға тиіс. Кредит бойынша ай сайынғы төлемді төлегеннен кейін сізде бір ересек адамға ең төменгі күнкөріс деңгейінен және отбасының әрбір кәмелетке толмаған мүшесіне ең төменгі күнкөріс деңгейінің жартысынан кем емес мөлшерде қаражат қалуы керек.Қарыз мақсатын және өтеу әдістерін анықтап алыңыз.Кредиттер әр түрлі:кредитор қарыз алушының әр түрлі мұқтаждарына белгілі бір соманы берген кезде нысаналы емес; нысаналы - жылжымайтын мүлікті, жер учаскесін сатып алуға, білім беру, емдеу және басқаларға қысқа мерзімді, өтеу мерзімі бір жылға дейін қоса алғанда берілетін; ұзақ мерзімге берілетін ұзақ мерзімді (12 айдан астам). Кредиттер сондай-ақ қарыздың ең жоғары сомасымен, сыйақы мөлшерлемесімен, кепілдің болуымен немесе болмауымен ерекшеленеді.Кредит шартына қол қоймас бұрын, кредитті өтеудің ыңғайлы әдісін таңдау керек. Атап айтқанда:негізгі қарызды тең үлеспен өтеуді білдіретін сараланған әдіс. Негізгі қарыз тең үлеспен өтелуі есебінен ай сайынғы төлем ай сайын азаяды, ал пайыздар қарыздың қалдығына есептеледі. Егер сіз мерзімінен бұрын өтеуді жоспарласаңыз, бұл тиімді; кредит берудің бүкіл мерзіміне созылған ай сайынғы төлемдер тең аннуитеттік әдіс. Яғни берешекті өтеу кредиттеудің бүкіл мерзімі ішінде тең төлемдермен жүзеге асырылады. Негізгі қарыз бойынша төлемдер ұлғаяды, ал сыйақы бойынша төлемдер азаяды, тиісінше басында төлемдердің негізгі сомасы сыйақыны өтеуге кетеді. Бірнеше қаржы ұйымының ұсыныстарын салыстырыңыз.Кредит ресімдегіңіз келетін бірнеше кредит ұйымының сайттарына мониторинг жүргізіп, олардың өнімдерін талдаңыз.Ең жақсы нұсқаны таңдап, банк менеджерінен кредиттеудің барлық шарттарын нақтылаңыз: қарыз сомасы, төлемдердің мерзімі мен мөлшері, кредит алу немесе мерзімінен бұрын өтеу кезінде комиссиялар бар-жоқтығы, барлық пайыздармен және төлемдермен кредиттің толық құны қандай болады, артық төлем қанша болады және басқа да маңызды мәселелер.Fingramota.kz қаржы сауаттылығын арттырайық!Фото: Fingramota.kz

Кредитті қайдан және қанша сомаға алуға болады? Шекті сомалар белгіленді  

<a href="https://kyzylorda-news.kz/">Kyzylorda-news.kz</a> Қызылорда қаласының №2 сотында зорлық-зомбылыққа қатысты қылмыстық іс қаралды.Полиция майоры әйелін өлімші етіп сабап, басынан бөтелкемен ұрып, еденге сұлатып тастаған. Өміріне қауіп төнгенін сезген әйел қорыққаннан балконнан секіріп кеткен.&nbsp;Нәтижесінде, жәбірленушінің денсаулығына «ауыр» дәрежелі зиян келіп, І топ мүгедектігі тағайындалған.Сот талқылауында сотталушы өзіне тағылған айыпты мойындамады.2022 жылғы сот-медициналық сараптамасының қорытындысына сәйкес жәбірленушінің денсаулығына «ауыр» дәрежедегі зиян, ал 2024 жылғы қосымша сараптама қорытындысына сәйкес, жеңіл дәрежедегі зиян келгені бекітілген.Жәбірленуші материалдық шығын және моральдық зиян өндіруді сұраған.Сотталушы ҚК-нің 105-бабының 1-бөлігінде көзделген қылмыстық құқық бұзушылықтар жасағаны үшін кінәлі деп танылып, 1 жыл 6 ай бас бостандығынан айыру жазасы тағайындалып, қылмыстық-атқару жүйесінің қауіпсіздігі барынша төмен мекемелерде өтеуге белгіленді, ҚК-нің 49-бабы негізінде «майор» шенінен айыруға деп тағайындалды.Азаматтық талап бойынша материалдық шығын 4 054 181 теңге және моральдық зиян 5 000 000 теңге өндірілді."Үкім заңды күшіне енген жоқ" деп хабарлады Қызылорда қаласының №2 соты.Фото: Depositphotos

Қызылорда: Әйелін мүгедек қылған полиция майоры бір жарым жылға сотталды

<a href="https://kyzylorda-news.kz/">Kyzylorda-news.kz</a>&nbsp; &nbsp;Басында кінәлілер жазаланады деп уәде етілген, бірақ кейіннен сарбаз өзін атып өлтірген деген ақпарат шықты.Алматыға контракт бойынша ауысқан сарбаз көп ұзамай мерт болды.&nbsp;Анасына қаралы хабар жеткізгендер басында кінәлілер жазаланатынын айтып, кейін ұлы өзін-өзі өлтіргенін хабарлаған, деп жазады&nbsp;<a href="http://sn.kz/">Skifnews.kz&nbsp;</a>ақпарат порталы.&nbsp; Instagram желісінде сарбаздың анасы ұлының фотосуреттерін жариялап, баласының өліміне кінәлілерді жауапқа тартуды сұрайды. Астанадағы міндетті әскери қызметтен кейін Алмаз есімді сарбаз Алматыға контракт бойынша ауысқан. Көп ұзамай ұлының қазасы жайында анасына суық хабар келеді. Басында кінәлілер жазаланады деп уәде етілген, бірақ кейіннен сарбаз өзін атып өлтірген деген ақпарат шықты. Анасы мұндай тұжырымға сенбей отыр. &nbsp;Коллаж: sn.kz / syrymitkulov

«Анасы өзін атып өлтірді дегенге сенбейді»: Алматыда тағы бір сарбаз мерт болды

<a href="https://kyzylorda-news.kz/">Kyzylorda-news.kz</a>&nbsp; Құжатқа сәйкес, сарбаз 22 тамызда қайтыс болған, бірақ қайғылы оқиға 7 қыркүйекте ғана хабарланды.Желіде «Оймашы» оқу полигонында қаза тапқан сарбаз туралы мәліметтер жазылған құжат пайда болды. Аталмыш құжатта Марат Барқұловқа 22 тамыз күні оқ тиіп, көз жұмған. Алайда, Қорғаныс министрлігінің ресми өкілі Руслан Жанғулин бұл ақпаратты жоққа шығарды, деп хабарлайды<a href="https://kyn.kz/36453/ma-ystauda-y-sarbaz-eki-apta-b-ryn-k-z-zh-m-an-or-anys-ministrligi-zhelide-tara-an-zhat-a-atysty-pikir-bildirdi"> KYN.KZ</a> ақпарат агенттігі.Құжатқа сәйкес, сарбаз 22 тамызда қайтыс болған, бірақ қайғылы оқиға 7 қыркүйекте ғана хабарланды.Жағдайды анықтау үшін «NewTimes.kz» редакциясы қаза тапқан сарбаздың туыстарымен байланысқа шықты. Мараттың туған әпкесі Әдияның айтуынша, құжат шындыққа сәйкес келмейді, өйткені олар соңғы рет 4 қыркүйекте телефон арқылы сөйлескен.Қорғаныс министрлігі бұл оқиға туралы «ескі үлгідегі бланкіде толтырылған оқиғалар туралы есеп формасы» деп түсіндіріп, фатальды қате кеткенін айтты.Марат Барқұловтың денесі бүгін, 9 қыркүйек күні, Шығыс Қазақстан облысы Самар ауылына жеткізілді. Сарбаздың әпкесі әлеуметтік желіде бірнеше жазба жариялады.«Оқ оның бетіне тигенде, ол құлап түскен. Бірақ ол әлі демалып жатқан. Елестетіп көріңізші, сол кезде «мен өліп бара жатырмын» деп ойлағанын. Ол бәрін және бізді ойлады. Әскерден оралғанда мені бәрі-бәрі қарсы алса деп армандаған еді», — деп жазды Instagram парақшасында Әдия Аманжолқызы.Айта кетсек, Маңғыстау облысындағы ҚР ҚМ әскери бөлімдерінің бірінің взвод командирі Марат Барқұловтың бетіне абайсызда оқ тиген. Жарақаттың салдарынан сарбаз ауруханаға барар жолда қайтыс болды. Қайғылы оқиға бойынша Батыс өңірлік әскери-тергеу басқармасы ҚР Қылмыстық кодексінің 99-бабының 1-бөлігіне (қасақана адам өлтіру) сәйкес сотқа дейінгі тергеу амалдарын бастады.Қорғаныс министрлігінің баспасөз қызметі ведомство басшысы бұл істі ерекше бақылауға алғанын мәлімдеді. Арнайы комиссия құрылып, қайғылы жағдайдың барлық мән-жайлары жан-жақты тексерілуде.Қорғаныс министрлігі кінәлілер қатаң жауапкершілікке тартылатынын, ал қаза тапқан сарбаздың отбасына жан-жақты көмек көрсетілетінін мәлімдеді.Сурет: kyn.kz

Маңғыстаудағы сарбаз екі апта бұрын көз жұмған: Қорғаныс министрлігі желіде тараған құжатқа қатысты пікір білдірді

<a href="https://kyzylorda-news.kz/">Kyzylorda-news.kz</a> Қызылорда облысы бойынша Қылмыстық-атқару жүйесі департаментіне қарасты №68 мемлекеттік мекемесінің жедел бөлім қызметкерлері жыл басынан бері жүйелі жұмыс жүргізіп келеді.«Допинг» тақырыбында Қызылорда облыстық полиция департаментінің Есірткі қылмысына қарсы іс-қимыл басқармасымен және Қызылорда желілік полиция бөлімі Есірткі қылмысына қарсы іс-қимыл тобының мамандары мен кинолог мамандар бірлесіп, арнайы аумақта тінту шараларын жүргізді. Нәтижесінде есірткі табылған жоқ.Алайда заңсыз қару бойынша жедел ақпарат түскен жағдайлар кездесті.&nbsp; Жедел бөлім қызметкерлері оқиға орнына жедел тергеу тобымен бірге барып, қарумен бірге оқтар тапқан. Айғақ заттар Шымкент-Самара тас жолында, нақтыласақ, Белкөл кентіне қарасты Әзербайжан көпірінің сол жақ төңірегінен анықталды. Жедел ақпаратты тексеру барысында талдың&nbsp; арасынан ақ матаға оралған ұңғысы кесілген 16 калибрлі аңшы мылтығы&nbsp; және үш оқ шықты. Бұл дерек бойынша тергеп-тексеру амалдары жүргізіліп, тиісті шаралар қолданылды. Сонымен бірге мекемеге келетін сәлем-сауқатты тексеру барысында жедел бөлім қызметкерлерінің жедел ақпаратына&nbsp; сәйкес жаңғақ ішіне жасырылған 8,59 гр өткір иісті марихуана белгілі болды.Аталмыш бөлім қызметкерлері – өз ісінің білікті мамандары. Олар өз қызметтерін тыңғылықты атқарғандықтан, рұқсат етілмеген заттардың анықталуы азайған. Қылмысты ашуда, қылмыстық жауапқа тартуда тергеу іс-әрекеттерімен қатар, жедел-іздестіру әрекеттерінің де рөлі аз емес.№68 мекеменің Жедел бөлім қызметкерлері өз міндеттерін мүлтіксіз атқарғаны үшін марапатталып, еңбектері бағаланды.Мөлдір ЖолдасбекқызыҚызылорда облысы бойынша ҚАЖД

ҚАЖ департаменті есірткіге қарсы шара өткізді

<a href="https://kyzylorda-news.kz/">Kyzylorda-news.kz</a>&nbsp; Мен ҚР-ның Қорғаныс министрінен бұл істі қолға алуын сұраймын.&nbsp;Маңғыстау облысындағы "Оймаша" полигонында байқаусызда оқ тиіп, көз жұмған сарбаздың әкесі баласының абайсызда тапқанына сенбейді, деп хабарлайды <a href="https://kyn.kz/36434/b-l-abaysyzda-bol-an-zha-day-emes-ma-ystau-poligonda-k-z-zh-m-an-sarbazdy-kesi-isti-ministrdi-z-ba-uylauyna-aluyn-s-rady-video">KYN.KZ</a> ақпарат агенттігі.Ол ұлының өліміне қатысты әлеуметтік желіде видео үндеу жолдап, Қорғаныс министріне бұл жағдайды өз бақылауына алуын сұрады.<blockquote>“Ақтауға бара жатырмын. Баламның бетіне тигін тапаншадан шыққан оқ абайсызда тиген деп отыр. Офицер тапаншаны ермек қылып ойнап отырып, шүріппені абайсызда басып алыпты. Мен ҚР-ның Қорғаныс министрінен бұл істі қолға алуын сұраймын. Бұл абайсызда болған жағдай емес. Тапанша атылу үшін алдымен, оны оқтау керек, сосын сақтандырғыштан шығарылуы керек қой. Ол қалай бірден атылып кетеді. Тапанша ол ойыншық емес, онымен офицер ойнамады деп ойлаймын. Бәрін бір адамға жапқалы отыр. Қазір тергеу Ақтау қаласындағы тергеу шараларына жол жүріп бара жатырмыз. Мен істің мән-жайын бүге-шігесіне дейін анықтап қарағанын талап етемін ”, - дейді сарбаздың әкесі.</blockquote>Фото: kyn.kz

«Бұл абайсызда болған жағдай емес»: Маңғыстау полигонда көз жұмған сарбаздың әкесі істі министрдің өз бақуылауына алуын сұрады 

Оқиғаның мән-жайы анықталуда және қылмыстық іс қозғалдыМаңғыстау облысындағы "Оймаша" полигонында "Батыс" өңірлік қолбасшылығы бөлімдерінің жиыны кезінде сарбаз көз жұмды, <a href="https://kyn.kz/36429/betine-o-tigen-ma-ystauda-sarbaz-k-z-zh-mdy">KYN.KZ</a> ақпарат агенттігі.&nbsp;Мәліметке сүйенсек, лагерь бойынша кезекші, гвардия лейтенантый 17:10 шамасында ПМ 9 мм тапаншасынан оқ атқан. Салдарынан тапаншаның оғы қатардағы жауынгер Марат Ерболұлы Барқұловтың бетіне тиген.&nbsp;Сарбаз жедел ауруханаға жеткізіліп, 17:40 шамасында көз жұмды. Ақтау гарнизоны баспасөз қызметінің хабарлауынша, сарбаздың өліміне себеп: қаруды дұрыс пайдаланбаған.&nbsp;Қазір оқиғаның мән-жайы анықталуда және қылмыстық іс қозғалды.Фото: kyn.kz

Бетіне оқ тиген: Маңғыстауда сарбаз көз жұмды

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың төрағалығымен терроризмге қарсы күрес комиссиясының кезекті отырысы өтті.Онда «Экстремизмге және терроризмге қарсы іс-қимылдың мемлекеттік жүйесін дамытудың 2023-2025 жылдарға арналған кешенді жоспарының» Қызылорда облысында орындалуы қаралды. Сондай-ақ, аймақты дінтанушы-теолог мамандармен қамтудың, шетелдік күмәнді теологиялық білім алудың тиімсіздігі туралы ақпараттық-түсіндірмелік жұмыстардың, Арал және Қазалы аудандарында деструктивті діни ағымдар профилактикасын ұйымдастырудың нәтижесі сараланды.Мәжіліс қорытындысымен облыс әкімі сала басшыларына осы жұмыстарды қарқынды жүргізуді тапсырып, бірқатар міндеттер жүктеді.<img src="https://knadmin.beoblood.kz/uploads/7_5ba2cecf8c.jpg" alt="7.jpg"><img src="https://knadmin.beoblood.kz/uploads/8_f88aa2854b.jpg" alt="8.jpg"><img src="https://knadmin.beoblood.kz/uploads/9_19179d3135.jpg" alt="9.jpg">Фото: Қызылорда облысы әкімінің баспасөз қызметі

Терроризмге қарсы күрес комиссиясының кезекті отырысы өтті

<a href="https://kyzylorda-news.kz/">Kyzylorda-news.kz</a>&nbsp;Қызылорда облысы көлемінде көшелер мен қоғамдық орындарда тиісті қоғамдық тәртіпті сақтау мен қылмыстың алдын алу мақсатында «Құқықтық тәртіп» жедел-профилактикалық іс-шарасы өтуде.&nbsp;Іс шараның 3 күнінде тәртіп сақшылары 25 қылмыс ашты.&nbsp;Сонымен қатар, 785 әкімшілік құқық бұзушылық деректері анықталса, оның ішінде мүлдем төзбеушілік принципі &nbsp;бойынша ұсақ бұзақылық ҚР ӘҚБтК-нің /434 бабы/- 15, спирттік ішімдікті ішу немесе қоғамдық орындарда мас күйінде келу /440/-86, кәмелетке толмағандардың түнгі уақытта жүруі /442/-77, түнгі тыныштықты бұзу бойынша (437-бабы) - 51 дерек анықталған.Жол қозғалысы қауіпсіздігін қамтамасыз ету бойынша жүргізушілердің көлік құралын мас күйінде жүргізу /608 бабы/-17, көлік құралын басқару құқығынан айрылған жүргізушілер/612/3 бабы/-4дерек анықталып, барлығына тиісті әкімшілік хаттамалар толтырылып, әкімшілік сотқа жіберілді.Жалпы облыс көлемінде криминогендік ахуалды сейілту, құқық тәртібі мен жол қозғалысы қауіпсіздігін қамтамасыз ету шараларын кең көлемде жүргізу мен қылмыстың алдын алуға бағытталған бұл жедел-профилактикалық іс-шараның өту барысы департамент бастығының қатаң бақылауында.&nbsp; &nbsp;<img src="https://knadmin.beoblood.kz/uploads/451999750_465309189570730_6153883674864761419_n_440699f57b.jpg" alt="451999750_465309189570730_6153883674864761419_n.jpg">

Қызылордада «Құқықтық тәртіп» жедел-профилактикалық іс-шарасы өтіп жатыр 

<a href="https://kyzylorda-news.kz/">Kyzylorda-news.kz</a> Партияның қалалық филиалының депутаттық фракция отырысы өтті.Алдымен мемлекет басшысы Қ.Ж Тоқаевтың Қазақстан халқына Жолдауынан туындайтын мақсат-міндеттер талқыланды.Фракция отырысына партияның қалалық филиалының төрағасы Ибадулла Дүйсенбайұлы Құттықожаев қатысты.<blockquote>&nbsp;– «Мемлекет басшысының Жолауда атап өткеніндей Атом энергиясын пайдалану дамыған экономикалық мемлекеттерде кеңінен қолданылуда. Қазірде АЭС салу мәселесіне байланысты жалпыхалықтық референдум өткізілу жоспарланып отыр. Уран өндіруден еліміз алғашқы орында. Сондықтан, АЭС салу мәселесі де келешек ұрпақ үшін жарқын болашақтың кепіліне айналары анық. Бүгінде ғалымдар АЭС салу мәселесін жан-жақты саралай отырып, оның қауіпсіздігін қамтамасыз ету сатыларына мән беруде. АЭС экологиялық тұрғыда таза, қолайлы әрі қаншама азаматтарды жұмыс орнымен қамтымақ. Оның ішінде ғылыми жолда еңбек етіп жүрген жастарамыз да бар,» – деді.</blockquote>Фракция отырысында Мемлекет басшысының халыққа Жолдауынан туындаған мәселелер талқыланып, тоғыз бағыт бойынша фракция мүшелері пікір алмасты. Соның ішінде темір жол саласындағы өзекті мәселелер, тариф құнын реттеу, темір жол құрылысын жүргізу бойынша фракция мүшесі, темір жол саласының ардагері Ибраким Асқарұлы Басықараев пікір білдірді.Ал білім саласындағы реформалар бойынша фракция мүшесі Айгүл Нажмадинқызы Мұсабаева пікір білдірді.<blockquote>«Өздеріңізге белгілі келер жыл «Жұмысшы мамандықтар» жылы болып жарияланды. Білім саласындағы ең маңызды мәселенің бірі – жастарды кәсіптік-техникалық мамандықтарға баулу. Себебі еңбек адамдары қашан да ел экономикасында ілгері күшке ие»,-деді фракция мүшесі.</blockquote>Жиында партияның қалалық филиалының Атқарушы хатшысы Гүлшат Исақызы Мұсаева:<blockquote>«Мемлекет басшысы Жолдауда «Amanat» партиясының бастамасымен жүзеге асырылып жатқан «Ауыл аманаты» жобасының жалпы нәтижесінің жаман еместігі, енді осы жоба аясында тағы бір жаңа тәсілді, яғни «тауар несиесін» беру мәселесін қарастыру қажеттілігін атап өтті. Ауылдың әлеуетін арттыруға арналған тиімді бірегей жоба жеке кәсіпкерге 8,6 млн. (2024 жылы: 9,2 млн.) теңге, өндірістік кооперативке 28 млн.(2024 жылы: 29.5 млн.) теңгеге дейін 2,5 пайыздық мөлшерлемемен несие алып, өз ісін бастауына үлкен мүмкіндік. Сонымен қатар, «Amanat» партиясы ұсынған азаматтардың қаржылық сауатын арттыруға арналған «Қарызсыз қоғам» жобасын атады. Мектептерде, жоғары оқу орындарында қаржылық және цифрлық сауаттылық негіздерін үйрететін білім бағдарламасын енгізу қажеттілігіне тоқталды»,-деді.</blockquote>

Фракция мүшелері мемлекет басшысының халыққа Жолдауын талқылады

&nbsp;<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасының Мемлекеттік қызмет істері агенттігінің Қызылорда облысы бойынша департаменті қызмет алушылардың бұзылған құқықтарын қалпына келтіру бойынша тиісті жұмыстарды жүйелі түрде жүргізіп келеді.Бұл ретте басты қағида – құқығы бұзылған азаматтардың заң шеңберінде мүдделерін қорғау және құқығын сақтау.Департаментке мемлекеттік көрсетілетін қызметтер сапасына қатысты қызмет алушылармен түсірілген шағымдар заң шеңберінде қаралып, тиісті шаралар қолданылуда.Мәселен, биылғы жылдың шілде айында Департаментке қызмет алушының«Сауда-саттықты (аукциондарды) өткізуді талапетпейтін мемлекет меншігіндегіжер учаскелеріне құқықтарды алу» (1-кезең)мемлекеттік көрсетілетін қызметбойынша өтінішіне Ақай ауылдық округі әкімінің аппаратыменбас тарту фактілеріне қатысты шағымы келіп түсті.Шағым негізінде Департаментпен Қармақшы аудандық ауылшаруашылығы мен жер қатынастары бөліміне жоспардан тыс тексеру жұмыстары жүргізілді.Тексеру нәтижесінде жер қатынастары жөніндегі уәкілетті органның қызметкерімен жер комиссиясы қорытындысының бір данасы Қағида талаптарында көрсетілген тәсілдердің бірімен қызметті алушыға жолданбай, Бөліммен мемлекеттік қызметті көрсету тәртібі бұзылғандығы анықталды.Анықталған бұзушылықтарды жою туралыДепартаментпен Бөлімге берілген ұсынудың нәтижесінде,Бөлім тарапынанмемлекеттік қызметті көрсету тәртібі бұзылғандығыүшін Бөлімнің маманына тәртіптік жаза қолданылды. Бөлім қызметкерлеріне түсіндірме жұмыстары жүргізілді. Сонымен қатар қызметті алушыға жер комиссиясы қорытындысының бір данасы беріліп, бұзылған құқықтары қалпына келтірілді.Атап өту қажет, мемлекеттік қызметтерді сапалы әрі мерзімінде көрсету және оларды көрсету нәтижесімен қызмет алушылардың құқықтары мен заңды мүдделерінің сақталуы – мемлекеттік аппараттың тиімділігін бағалаудың негізгі көрсеткіштерінің бірі болып қала бермек. Мемлекеттік қызметтерді көрсету барысындағы жеке және заңды тұлғалардың құқықтарының сақталуы Департаменттің жіті бақылауында.Департамент әрдайым қоғаммен сындарлы диалог орнатуға, заңдық түсіндірмелер жүргізуге мүдделі.Егер мемлекеттік қызмет көрсету кезінде Заңнама талаптарының сақталмағанына куә болсаңыз, яғни мемлекеттік қызмет көрсету мерзімі бұзылса, мемлекеттік қызмет көрсетуден негізсіз бас тартылса, артық құжаттар талап ету фактісі орын алса немесе мемлекеттік қызмет көрсету тәртібі бұзылса, Сіз құқығыңызды Департаментке шағымдану арқылы &nbsp;қорғай аласыз.Біздің мекен-жайымыз: Қызылорда қаласы, Сұлтан Бейбарыс көшесі,1Байланыс нөмірлері: 8 (7242) 70 56 36, 8 (7242) 70-00-40.Қазақстан Республикасының Мемлекеттік қызмет істері агенттігінің&nbsp;Қызылорда облысы бойынша департаментіФото: ef.arsu.kz

Басты қағида – заң шеңберінде қызмет алушының құқығын қорғау

&nbsp;<a href="https://kyzylorda-news.kz/">Kyzylorda-news.kz</a> &nbsp; &nbsp;ҚР Қаржылық мониторинг агенттігінің заңсыз онлайн құмар ойындар мен лудоманияға қарсы іс-қимыл мәселелері бойынша ведомствоаралық кездесу өткізді, деп хабарлайды&nbsp;<a href="https://egemen.kz/">Egemen.kz</a>.Мемлекет басшысының заңсыз құмар ойындармен байланысты қауып қатерлерді бейтараптандыру туралы тапсырмасын орындау мақсатында ҚМА-ның бастамасымен ведомствоаралық кездесу өткізіліп, заңсыз онлайн құмар ойындарға және лудоманияға қарсы күрес мәселелері талқыланды.Аталған жиынға Қаржы нарығын реттеу және дамыту агенттігінің төрағасы Мадина Әбілқасымова, қаржы министрі Мәди Такиев, туризм және спорт министрі Ермек Мыржықпаев, Ұлттық банк төрағасының орынбасары Ақылжан Баймағамбетов, мәдениет және ақпарат вице-министрі Қанат Искаков қатысты.ҚМА төрағасы Дмитрий Малахов жиынды аша отырып, құмар ойындар мен лотерея қызметін реттеуге бағытталған бірқатар шаралардың қолданыстағы заңнамада қарастырылғанын атап өтті.<blockquote>«Біз бірлесіп бұл мәселені шешу жолдарын талқылау үшін жиналдық. Бұл қоғам мен мемлекет үшін өте маңызды және біз бұл салада шұғыл әрекет етуіміз қажет», деді Д.Малахов.</blockquote>Айта кетейік, өткен жылы ҚМА Мәдениет және ақпарат министрлігімен бірлесіп, TikTok-та жаппай карта ойындарын ұйымдастырудың алдын алды. 300-ден астам ұйымдастырушы аккаунты анықталып, құқыққа қайшы контенттің эфирін жедел түрде бұғаттауға мүмкіндік беретін жасанды интеллект енгізді.Қазіргі уақытта Instagram-дағы заңсыз лотереяларды ұйымдастырушыларға қарсы жұмыс жүргізіліп жатыр.Агенттік осы әрекеттерге қатысы бар адамдарды жауапкершілікке тартуға қатаң бағытталған.ҚМА азаматтарды заңсыз лотереяларға тартатын адамдарды анықтауда Мәдениет және спорт министрлігіне көмек көрсетуге, сондай-ақ төленбеген салықтарды қосымша есептеу үшін Мемлекеттік кірістер комитетіне ақпарат ұсынуға дайын.Оған қоса, онлайн-казиноларға қарсы күрес бойынша ауқымды жүйелі жұмыс жүргізіліп жатыр. Осы жылдың басынан бастап 6 мыңнан астам осындай сайттар бұғатталып, көшірмелері тәулік ішінде жойылды.Заңсыз онлайн-құмар ойындарға қарсы күресте олардың қаржылық операцияларын тоқтату маңызды мәселе болып табылады.&nbsp;&nbsp;Шетелдік ұйымдастырушылар қазақстандық ойыншылардан тікелей ақша қабылдай алмайды, сондықтан олар жергілікті төлем ұйымдары мен банктерді пайдаланады.Алайда, құмар ойындар туралы жаңа заң күшіне енгеннен кейін, интернет-казиноға жасалатын транзакциялар шектеледі. Ал банктер мен төлем ұйымдары көмек көрсеткені үшін жауапкершілікке тартылады.Бұл мәселе бойынша ҚМА, Мәдениет және спорт министрлігі және Ұлттық банк бірлесіп жұмыс істеп, заңсыз ақша аударымдарын анықтап, бұғаттауды жүзеге асырады.Жиын соңында қатысушылар құмар ойындарға патологиялық тәуелділіктен жас ұрпақты қорғауға бағытталған шаралар мен іс-қимыл алгоритімін қамтитын ынтымақтастық туралы Меморандумға қол қойды.Фото: favoritnr1.com

Қазақстан және Қызылорда облысының жаңалықтары: Құқық