<a href="https://kyzylorda-news.kz/">Kyzylorda-news.kz</a> Қазіргі таңда елімізде тәртіп сақтау мәселесі ерекше назарға алынуда. Әсіресе, қоғамдық орындарда заң бұзушылықтардың жиі орын алуы, жол ережелерінің сақталмауы, экологиялық талаптардың еленбеуі қоғамдағы тәртіпке әсер етуде. Мұндай құқық бұзушылықтардың алдын алу мақсатында мемлекет көптеген шаралар қабылдауда, оның ішінде айыппұл жүйесі де бар.Негізінен айыппұл – құқықтық тәртіпті сақтаудағы маңызды тетік. Ол заңбұзушылықтардың алдын алуға, жауапкершілік пен тәртіпті нығайтуға бағытталған. Дегенмен айыппұлдың тиімділігі, әділдігі және оның қоғамға тигізетін әсері туралы пікірлер де әртүрлі.Айыппұл о&nbsp;не деген ғайып бұл?Соңғы уақытта «көлікті бес минуттан артық қыздыруға болмайды» деген пікір қоғамда кеңінен талқыланып, белгілі бір дәрежеде үрей туғызған еді. Бұл жөнінде мәжіліс депутаты, «AMANAT» партиясы&nbsp;фракциясының мүшесі Снежанна Имашева осы аталған мәселеге байланысты пікір білдірген еді.<blockquote>–&nbsp;«Жол қозға­лысы туралы» заң мен жол қозғалысы ережелерінде көлікті бес минуттан артық қыздыруға тыйым салатын ешқандай нақты норма жоқ. Дегенмен бұл пікірдің пайда болуына байланысты бірнеше заң тармақтарына назар аудару қажет.&nbsp;«Бес минут» ережесі «тоқтау» мен «тұ­раққа қою» ұғымдарын дұрыс түсінбеуден туындаған. Яғни, жүргізуші көлікті бес минуттан артық тоқтатып қойса, бұл «тұрақ» болып саналады. Ал көлі­ктің қозғалтқышы тұрғындарға айтар­лықтай қолайсыздық тудырмаса, онда әкім­шілік құқықбұзушылық болып саналмайды. Егер тұрғын ауданда ауыр жүк көлігімен немесе трактормен тұрып, шу мен түтіннен тұрғындар қолайсыз жағдайға тап болса, олар шағымдануы мүмкін. Мұндай жағдайда 597-бапқа сәйкес, көлік құрал­да­рын тоқтату немесе тұраққа қою ережелерін бұзғаны үшін 5 айлық есептік көрсеткіш көлемінде айыппұл салынуы мүмкін, – деді ол.</blockquote>Иә, бұл мәселе қоғамда үлкен дау туғызған еді. Жақында мәжіліс депутаты Нартай Аралбайұлы әлеуметтік желіде аталған мәселеге қатысты &nbsp;тыйым салатын норманы алып тастағанын мәлім етті.<blockquote>– Көлігі бес минуттан артық оталып тұрған адамдарды жазалау туралы шешімді депутаттар қайта қаруды ұсынды. Ал уәкілетті министрлік оны мақұлдады. Осылайша көпшілік арасында дау тудырған мәселе өз шешімін тапты, – деді ол.</blockquote>Жол қозғалысы жүйелі болуы керекЕлімізде заңбұзушылықтарға қарсы белгілі бір айыппұл мөлшері енгізілген.&nbsp;Әкімшілік полиция басқармасының мәліметінше 2024 жылғы 3 қазандағы №131-VIII санды Қазақстан Республикасының Заңына өзгерістер мен толықтырулар енгізілді. Атап айтсақ, 592-бап бойынша көлік құралының белгiленген жүру жылдамдығын&nbsp;сағатына оннан жиырма километрге дейiн арттыру – 5 АЕК 19 660 теңге, жиырмадан қырық километрге дейiн – 10 АЕК 39 320 теңге, қырықтан алпыс километрге дейін 20 АЕК 78 640 теңге, алпыс және одан көп километрден астам шамаға арттыру –&nbsp;40 АЕК, яғни, 157 280 теңге көлемінде айыппұл төлеуге алып келеді.&nbsp;Ал егер осы баптың 3-1-бөлігінде көзделген әкімшілік жаза қолданылғаннан кейін бір жыл ішінде тағы қайталанса 60 АЕК, яғни, 235 920 теңге төлеуге мәжбүр етеді. Былайша айтқанда белгіленген жол жүру жылдамдығын арттырған сайын айыппұл мөлшері де артатынын естен шығармаған жөн.Сондай-ақ, қала аумағында былтырғы жылдан бастап автокөліктер көп жүретін көше бойларына жол қауіпсіздігі мен жол көлік оқиғаларының алдын алу мақсатында әкімшілік құқық бұзушылықтарды автоматты түрде анықтайтын жалпы саны 10 дана «Сергек» стационарлы жылдамдық өлшегіш құрылғылары жұмыс істеуде.Ресми мәліметтерге сүйенсек, осы жылдан бастап аталған құрылғымен&nbsp;548&nbsp;құқық бұзушылық анықталып, &nbsp;7 млн 225 мың 353&nbsp;теңге айыппұл салынған. Оның ішінде құқық бұзушылыққа қатысты 5 млн 658 мың 218&nbsp;теңге көлемінде қаржы өндірілген. &nbsp;Ал аталған құрылғы&nbsp;екі бағытта жылдамдық асырған және&nbsp;жол ережелерін сақтамаған автокөліктерді анықтайды.Тәртіпке бағынған құл болмайдыШыны керек қазір қоғамда адамдар бұл тәмсілді ұмытқандай. &nbsp;Біреуі кез келген жерге «былш» еткізіп түкірсе, енді бірі қоғамдық орында балағат сөз айтады. Мұндай әбес қылыққа айналаңдағы адамдардың жай жиіркенішпен қарағаны былай тұрсын, заң жүзінде жазаға тартылады.Қазақстан заңнамасында балағат сөз айтқаны үшін жауапкершілік бұрыннан көзделген. Ол үшін 100 АЕК-ке дейін айыппұл салу немесе 120 сағатқа дейін түзеу, я болмаса қоғамдық жұмыстарға тарту түрінде жауапкершілік көзделген. Жаза сот арқылы ескерту немесе 5 тәулікке дейін қамаққа алу түрінде болуы мүмкін Ал ұсақ бұзақылыққа қоғамдық орындарда балағаттау, жеке тұлғаларға тиісу, ғимараттарды және өзге де құрылыстарды, тұрғын үй-жайларды бүлдіру сондай-ақ, жеке тұлғалардың тыныштығын бұзатын басқа да әрекеттерге тиісті айып мөлшері де заң жүзінде бекітілген.Әлемдік тәжірибеге үңілсек, жағымсыз әдеттен тез арылуға үйрететін тәсіл көп. Соның бірі – Үндістан елі. 2020 жылы ел үкіметі көшеде түкіргендерге 500 рупий (3 мың теңге) көлемінде айыппұл салатын заң шығарды.&nbsp;Ал Үндістанда індет кеңінен таралғанда бұл жазаны күшейтіп, 12 жылға дейін бас бостандығынан айыратын болды. Себебі, үнділік дәрігерлер құрт ауруы, COVID-19 індеті ауада таралған түкірікпен жұғатынын анықтаған.Қырғыз &nbsp;елінде &nbsp;насыбай &nbsp;атып, жерге &nbsp;түкірген &nbsp;адамға 5500 сом көлемінде айыппұл &nbsp;салады. &nbsp;Теңгемен есептесек 30 &nbsp;мың теңге.Лондонда байқаусызда көшеде түкіріп қойса 100 фунт стерлинг (55 мың теңге) айыппұл өтейді. Ал, өркениеттің ордасы атанған Сингапурда ауызға да, қолға да ерекше абай болған жөн. &nbsp;Себебі, &nbsp;жерге тастаған қоқыс үшін 1000 доллар (338 мың теңге) төлеуді міндеттеген.&nbsp;Мұнан бөлек&nbsp;елде тәртіпті бұзған, табиғатты ластаған адамға бірден айыппұл салынады. Мәселен, қоғамдық көлікте тамақтану немесе алкогольді ішімдік ішудің өзі мыңдаған доллар айыппұлға әкелуі мүмкін. Бұл елде сағыз шайнаған былай тұрсын оны сатуға да тыйым салған.АҚШ-та жылдамдықты асырғаны үшін азаматтар 1000-2500 доллар көлемінде айыппұл төлейді. Оның мөлшері жол ережесінің қай штатта бұзылғаны байланысты. Ішімдік ішіп, рөлге отырғандар үшін де әр өңірдің дербес заңдары бар. Оның ең қаталы Иллинойс штатында. Онда өмір бойына жүргізушілік куәлігінен айыру, 3 жыл түрмеге тоғыту және 25 000 доллар айыппұл төлету қарастырылған.Ал Қытайда оқушылар да айыппұл арқалауы мүмкін. Мұндай жаза сабаққа кешігіп келетіндерге, үй тапсырмасын орындамайтындар мен мектеп ережесін сақтамайтындарға қолданылады. Мұндағы мақсат – балалардың &nbsp;оқу үлгерімін жақсартып, темірдей тәртіп қалыптастыру. Десе де бұл әдіс-тәсіл қоғам тарапынан жиі сынға ұшырайды екен. Бұл ел тұрғындары үшін оқушыларға шамадан тыс қысым көрсету күйзеліске ұшыратып, мотивацияның төмендеуіне әкелуі мүмкін.Қорыта келгенде, айыппұл жүйесі – тек жазалау құралы ғана емес, ол қоғамда тәртіп орнатудың маңызды механизмі болып табылады. Қазақстанда, сондай-ақ әлемнің басқа да дамыған мемлекеттерінде айыппұлдың кеңінен қолданылуы азаматтардың құқық бұзушылықтарға деген жауапкершілігін арттырып, тәртіпті сақтауға ықпал етеді. Тәртіп бұзу – тек жеке адамның мәселесі емес, ол бүкіл қоғамның қауіпсіздігі мен әл-ауқатына әсер етеді. Сондықтан да әрбір азамат өз әрекетіне жауап беріп, заңды құрметтеу арқылы қоғамдық тәртіпті сақтауға атсалысуы қажет.Аружан ЕРАЛЫФото: Нұрболат Нұржаубай

Тәртіп бұздың ба, айыппұл төле: Жаңа өмірге бейімделу қағидаты

<a href="https://kyzylorda-news.kz/">Kyzylorda-news.kz</a> Қызылорда қаласы ҚАЖ департаментіне қарасты 60 мекемесі жедел бөлімінің жедел ақпаратына сәйкес, мекеме аумағына тыйым салынған затты жеткізуге әрекеттенген азамат ұсталды. Оқиға мекеменің негізгі қоршауының жанында болған. Белгісіз біреу тыйым салынған затты лақтыруға әрекет жасаған сәтте, жедел бөлім қызметкерлері шұғыл әрекет етіп, күдікті ретінде Д. есімді азаматты құрықтады.&nbsp;Оқиға орнына жедел тергеу тобы шақыртылып, тексеру барысында 4 телефон , 5 қуаттағыш, 1 құлаққап тәркіленді. Аталған дерек бойынша Қазақстан Республикасының Әкімшілік құқық бұзушылық туралы кодексінің 481-бабы негізінде әкімшілік хаттама толтырылып, іс-құжаттар сотқа жолданды.&nbsp;Мекеме бастығы Мақсұт Өтетлеуовтың айтуынша, мекеме аумағына тыйым салынған заттарды өткізуге әрекеттену – заң бұзушылық және ол үшін қатаң жаза қарастырылған. Құқық бұзушылықтардың алдын алу мақсатында жедел бақылау жұмыстары жүйелі түрде жүргізіліп, қауіпсіздік шаралары күшейтілуде. Соған қарамастан, сотталғандардың таныстары, туыстары тыйым салынған заттарды әрекеттермен өткізуге тырысады. Бірі тамақ ішіне жасырса, енді бірі аяқ киім табанына жасырып өткізбек болады.&nbsp;Осыған орай, мекеме әкімшілігі сотталғандардың туыстары мен таныстарын заң талаптарын сақтауға шақырады, өйткені, заңды білмеу – жауапкершіліктен босатпайды.Фото: ҚАЖ

Заңды білмеу – жауапкершіліктен босатпайды

<a href="https://kyzylorda-news.kz/ru">Kyzylorda-news.kz</a> Ұлттық қауіпсіздік комитеті прокуратураның үйлестіруімен Жетісу облысының екі тұрғынына қатысты Денсаулық сақтау министрлігінің ақпараттық жүйелеріне заңсыз қол жеткізу фактісі бойынша қылмыстық істі тергеуді аяқтады, деп хабаролайды <a href="https://baq.kz/damumed-zhuyesine-zansyz-kirgender-ustaldy-200007310/">BAQ.KZ&nbsp;</a> ҰҚК баспасөз қызметіне сілтеме жасап.Осы жылдың 30 қаңтарында Талдықорған қаласы сотының шешімімен олар Қылмыстық кодекстің 205-бабының 2-бөлігінде және 208-бабының 2-бөлігінде көзделген қылмыстарды жасағаны үшін кінәлі деп танылып, 300 айлық есептік көрсеткіш мөлшерінде айыппұл салуға сотталды, - деп жазды ҚР ҰҚК баспасөз қызметі.Тергеу барысында медициналық қызметкерлердің тіркелгілерін заңсыз иемдену арқылы олардың ҚР Денсаулық сақтау министрлігінің "Тіркелген халық тізілімі" және "Damumed" ақпараттық жүйелеріне заңсыз қол жеткізгені анықтады.Фото: gov.kz

"Damumed" жүйесіне заңсыз кіргендер ұсталды

<a href="https://kyzylorda-news.kz/">Kyzylorda-news.kz</a> Полиция қызметкерлері Қызылордада такси жүргізушісіне қарақшылық шабуыл жасаған екі күдіктіні ұстады. Бұл туралы <a href="https://polisia.kz/qyzylordada-taksi-zhurgizushige-shabuyl-zhasaghan-eki-kudikti-quryqtaldy/">Polisia.kz</a> хабарлады.&nbsp;Белгілі болғандай, қаскүнемдер такси тоқтатып, қала орталығына апарып тастауды сұраған. Жүргізуші айтылған жерге бағыт алған уақытта автокөлік салонының артында отырған біреуі оны ұрып-соққан. Жәбірленушінің телефонын, қолда бар ақшасын тартып алып, көліктен түсіріп кеткен.&nbsp;Кейін автокөлікті қала сыртына тастап, оқиға орнынан іздерін суытқан.&nbsp;Қылмыскерлерді ұстау бойынша арнайы жоспар енгізілді. Көп ұзамай полицейлер Шымкент қаласының жедел қызметкерлерімен бірлесіп, жедел іздеу жұмыстарын жүргізу барысында екі күдіктіні қолға түсірді. Олардың Алматы облысының тұрғыны екені анықталды.&nbsp;Күдіктілер қамауға алынды. Қазіргі кезде тергеу әрекеттері жүргізіліп жатыр.Фото: Polisia.kz

Қызылордада такси жүргізушісіне шабуыл жасаған екі күдікті ұсталды  

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің Есірткі қылмысына қарсы іс-қимыл басқармасы «Спорт есірткіге қарсы!» ұранымен, оқушылар арасында үстел теннисінен жарыс ұйымдастырды.Жарыс барлық аудан орталықтарында және Қызылорда қаласында өткізіліп, оған 8-11 сынып оқушылары қатысты.Облыстың 95 оқу орнының теннисшілері қарсыластарымен жеке кездесулерде жарысты.Төрешілер алқасы әр өңірде I,II,III орындардың иегерлерін анықтады.Үстел теннисін ұнататын жүз жиырма бес спортшы осы таңғажайып ойында допты ұрып-соғудың күші мен ептілігін өлшеді. Жанкүйерлер әрбір сәтті қадамды қошеметпен қарсы алды.Бірнеше сағат ішінде төрешілер ең мықтыларын анықтады. Жарыс барысында үздіксіз күрес жүргізіліп, қызғануға тұратын жас спортшылардың жеңіске деген ұмтылысы, жақсы эмоциялар мен керемет көңіл-күйі жарыстарды мерекеге айналдырды.Балалар өздерінің спорттық мүмкіндіктерін көрсете алды, үздік деп танылғандар: Кенішбай Бақдәулет (Қызылорда қаласының №212 мектеп-гимназиясы), Немат Уайда (Жаңақорған ауданының №51 орта мектебі), Байзақ Мирас (Арал ауданының №260 орта мектебі), Сайлаубаев Тимур (Қазалы ауданының №249 мектеп-лицейі), Нұртуғанұлы Бекжан (Қармақшы ауданының №99 орта мектебі), Сайфулла Маржан (Жалағаш ауданының № 201 мектеп-лицейі), Абдулла Нұрислам (Сырдария ауданының №44 орта мектебі), Ақберген Абдат (Шиелі ауданының №244 орта мектебі).Фото: Полиция департаменті

Қызылордада жастар арасында жарыс өтті

<a href="https://kyzylorda-news.kz/">Kyzylorda-news.kz</a> «Есірткі, психотроптық заттар, сол тектестер, прекурсорлар мен күшті әсер ететін заттар мәселелері бойынша кейбір заңнамалық актілерге өзгерістер мен толықтырулар енгізу туралы» заңы бойыншаҚұрметті азаматтар! Қазақстан Республикасының Президентімен есірткінің заңсыз айналымына қарсы іс-қимыл мәселелері бойынша заңға қол қойылды (2024 жылғы 27.12.). Осыған байланысты 2025 жылғы 3 наурызда күшіне енетін оның құқықтық салдарын түсіндіріп кетейін. Бұл қандай өзгерістер? Біріншіден, есірткі бизнесін ұйымдастырушылар және есірткі таратушылар, оның ішінде «есірткі жасырушылар» үшін қылмыстық жауапкершілік бөлінген. Егер олар үшін Қылмыстық кодекстің 297-бабы бойынша бірыңғай жаза қолданылған болса, енді есірткі жасырушылар ҚК сол 297 бабы бойынша бірақ төмендетілген санкциялармен тартылатын болады:<ul><li style="text-align:justify;">1 бөлігі бойынша енді 5 жылдан 8 жылға дейін бас бостандығынан айыруды құрайды, бұрын 5 жылдан 10 жылға дейін болған. Бұл егер адам аз мөлшерде есірткі өткізгені үшін ұсталса (мысалға, марихуана 50 граммға дейін; гашиш 5 граммға дейін, мефедрон 0,02 граммға дейін, АльфаПВП 0,01 граммға дейін);</li><li style="text-align:justify;">2 бөлігі бойынша енді 6 жылдан 10 жылға дейін бас бостандығынан айыруды құрайды, бұрын 6 жылдан 12 жылға дейін болған. Бұл егер адам ірі мөлшерде есірткі өткізгені үшін ұсталса (марихуана 1 килограммға дейін; гашиш 200 граммға дейін, мефедрон 0,02 граммнан 1,5 граммға дейін, АльфаПВП 0,01 граммнан 1 граммға дейін);</li><li style="text-align:justify;">3 бөлігі бойынша енді 7 жылдан 12 жылға дейін бас бостандығынан айыруды құрайды, бұрын 10 жылдан 15 жылға дейін болған. Бұл егер адам ірі мөлшерде есірткі өткізгені үшін ұсталса (марихуана 1 килограммнан астам; гашиш 200 граммнан астам, мефедрон 1,5 граммнан астам, АльфаПВП 1 граммнан астам). Бас бостандығынан айыру орындарында отырған көптеген есірткі жасырушылар бұл заңды бірінші рет аттап өткен жастар. Сондықтан мемлекет түзету жолына тұрған жастарға ертерек еркіндікке шығып жаңа өмір бастауға мүмкіндік береді. Бұл да түрмеде отырған халық санының үлесін азайту бойынша маңызды қадам. Бұл жаңа енгізілімдер нені білдіреді? Заң енгізілгеннен кейін заңның кері күші әрекет ете бастайды (ҚК 6-бабы), себебі жаңа нормалар олардың жағдайын жақсартады. Бұл санаттағы адамдардың шартты-мерзімінен бұрын босатуға, сондай-ақ жазаның өтелмеген бөлігін одан да жұмсақ түрімен ауыстыруға құқығы болады (айыппұл, бас бостандығын шектеу). Анықтама ретінде: қазір колонияларда есірткі қылмыстары үшін шамамен 4 мың сотталушы отыр (9,4%), әйелдер -225 (0,5%) және 9 (0,02%) кәмелетке толмағандар. Бірден айта кетейін, әрбір үкім сотпен дербес қаралатын болады (айлық мерзім). Бұл үшін сотталушы жазасын өтеп жатқан мекеме әкімшілігінің ұсынымы немесе оның өзінің өтінішхаты қажет (ҚК 72, 73-баптары, ҚПК 161, 162 және 169-баптары). Болжам бойынша есірткі қылмыстарын жасаған 1 мыңнан астам сотталушы осы құқығын пайдалана алады. Анықтама ретінде: алдын ала деректер бойынша соттармен 2 430 сотталушыға қатысты істер қайта қаралады, оның ішінде:<ul><li style="text-align:justify;">бас бостандығынан айыру орындарынан 427 сотталушыны босату (әйелдер – 17, кәмелетке толмағандар – 0).</li><li style="text-align:justify;">ШМББ – 894 (әйелдер – 87, кәмелетке толмағандар – 0);</li><li style="text-align:justify;">ЖЖА-1109 (әйелдер – 152, кәмелетке толмағандар – 0). Екіншіден, заңмен біржола ҚК 297-1 жеке бабы енгізілуде, онымен есірткі бизнесін ұйымдастырушылар және есірткі өндірушілер, сондай-ақ лауазымды тұлғалар үшін жаза қатаңдайды. Оларға 15 жылдан 20 жылға дейін немесе бас бостандығынан айыру қаупі төніп тұр. Анықтама ретінде: 1 бөлім – 5 жылдан 10 жылға дейін; 2 бөлім – 6 жылдан 12 жылға дейін; 3 бөлім – 10 жылдан 15 жылға дейін; 4 бөлім – 15 жылдан 20 жылға дейін немесе өмір бойы. Және үшіншіден, күшті әсер ететін заттардың, сондай-ақ есірткіні өндіру, әзірлеу, қайта өңдеу кезінде қолданылатын прекурсорлардың заңсыз айналымы үшін қылмыстық жауапкершілік бірінші рет енгізілуде. Анықтама ретінде: прекурсорлар – қос мақсаттағы бұл заттар металлургиялық, фармацевтикалық, химиялық, мұнайгаз және басқа да салаларда кеңінен қолданулады (толуол, сірке, тұз, күкірт қышқылдары, ацетон, эфедра шөбі, сірке қышқылының ангидриді). Мысалға, тұз қышқылынсыз дәнекерлеу, сондай-ақ қалайылау кезінде металдар тез және тиімді тазаланбайды. Тұз қышқылынсыз марганец, өндірістік темір және басқа да кең тараған металлдарды алу да қиынға соғады. Ацетонды қолданбаса медицинада дәрілік препараттарды алу барысында экстракцияларды бөлуге мүмкін болмайды. Бұған дейін қылмыстық жауапкершілік тек прекурсорлардың контрабандасы үшін көзделген. Аталған өзгерістер прекурсорлар мен күшті әсер ететін заттардың айналымына бақылауды күшейтуге мүмкіндік береді. Енгізілген өзгерістер қылмыстық жауапкершіліктің бұдан да әділетті жүйесін құруға, сондай-ақ қоғамды есірткінің заңсыз айналымы салдарынан қорғау бойынша шараларды күшейтуге мүмкіндік береді деп пайымдаймыз.</li></ul></li></ul>Ардақ Әбішұлы ДөненовҚызылорда облысының Полиция департаменті&nbsp;Есірткі қылымысына қарсы іс-қимыл басқармасы бастығының орынбасары полиция подполковнигі

Есірткі, психотроптық заттар мәселелері бойынша кейбір заңнамалық актілерге өзгерістер енгізілді

<a href="https://kyzylorda-news.kz/">Kyzylorda-news.kz</a> &nbsp;2024 жылы Қызылорда облысының соттарына 22733 талап қою түскен. Талап қоюлардың басым көпшілігі неке және отбасы дауы, жер дауы, залал өндіру санаттары бойынша. Республикада азаматтық істер бойынша медиация қолдану бойынша көрсеткіші 43,1 құраса, Қызылорда облысында 40%, бұл деңгейдің төмендегенін көрсетеді.Бұл туралы Қызылорда облыстық сотының азаматтық істер жөніндегі сот алқасы төрағасының міндетін атқарушы Светлана Жуынтаева баяндады.<blockquote>– Дау мұраты – біту. Алайда, сотқа келген тараптар өзара ымыраға келіп, дауды татуластыру жолымен аяқтауға онша ынта таныта қоймайды. Мұның өздері үшін де тиімсіз екенін түсіну қажет. Себебі, сот шешімінің орындалу барысында қиындықтар кездеседі, тіптен орындалмай қалуы да мүмкін. Өзгерістер де орын алуы ғажап емес. 2025 жылдың 1 шілдесінен бастап, елордада үш дербес кассациялық сот жұмыс істейді. Азаматтық істерді қарайтын кассациялық сотқа сот шешімі заңды күшіне енген соң алты ай ішінде кассациялық шағым беріледі. Кассациялық соттарда 2027 жылдың 1 шілдесінедейін жеке тұлғалар үшін талап қою сомасы 2000есептік көрсеткішке дейінгі, заңды тұлғалар үшін 30000 айлық есептік көрсеткішке дейінгі істер қаралады. 2027 жылдың 1 шілдесінен бастап бұл ерекшеліктер алынып тасталып, азаматтық істердің барлығы кассациялық соттарда қарауға жатады,- деді Светлана Нағашыбайқызы.</blockquote>Қылмыстық істерді қарау сапасы 2023 жылмен салыстырғанда 1,7 пайызға жақсарған.<blockquote>– Өткен жылы аппеляция, кассация сатысында күші жойылып, өзгертілгендер 4,9 пайызды құрайды, республикалық көрсеткіш - 5,9 пайыз болатын болса, 2023 жылы апелляция, кассация сатысында күші жойылып, өзгертілгендер 6,6 пайызды құраған. Ақтау үкімдеріне тоқтала кетсек. 2023 жылы 9 ақтау үкімі болды. 2024 жылы ақтау үкімі 5 адамды құрап отыр. Яғни, ақтау үкімінің біршама азайғанын айтуға негіз бар,- деді Қызылорда облыстық сотының қылмыстық істер жөніндегі сот алқасының төрағасы Жанат Бекжанов.</blockquote>Әкімшілік істер жөніндегі сот алқасының сот төрелігін жүргізу сапасын көтеруге жұмыс жүргізілмек.&nbsp;<blockquote>– Біркелкі сот практикасының сақталуын қамтамасыз етіп, талаптардың негізсіз қайтарылуын болдырмауға жұмыс істейтін боламыз. Әкімшілік рәсімдер мен әкімшілік актілердің біркелкілігін қамтамасыз ету мақсатында мемлекеттік органдармен жұмыс жалғасатын болады - деді облыстық соттың судьясы Шолпан Маликова.</blockquote><img src="https://knadmin.beoblood.kz/uploads/borifing_sud_66c83d13f3.webp" alt="брифинг суд.webp">Фото: Нұрболат Нұржаубай

Сот алқасының шешімімен 358 іс татуласу ісімен аяқталған	

<a href="https://kyzylorda-news.kz/">Kyzylorda-news.kz</a> «Есірткіге жол жоқ!» тақырыбында жалпы және орта арнаулы оқу орындарының оқушы, студенттері арасында нашақорлыққа қарсы үндеу жасау байқауы ұйымдастырылды, деп хабарлайды <a href="https://polisia.kz/">polisia.kz</a>.Сайыстың негізгі мақсаты – жасөспірімдер арасында есірткі мәселесін түсіндіру денгейін кеңітіп, сайыскерлердің жеке ойын білдіру мүмкіндігін айқындау болып табылды.Байқау екі кезеңде өтті. Бірінші кезеңді Қызылорда қаласының және аудан орталықтарының білім бөлімдері ұйымдастырды, оның қорытындысы бойынша Есірткі қылмысына қарсы іс-қимыл басқармасына сайыстың екінші кезеңіне қатысу үшін үздік жұмыстар жолданды.Байқауға қатысушылар видео үндеу әзірлеп, оны БАҚ пен ақпараттық порталдарда жариялады. Өз жұмыстарында нашақорлық мәселесі, оның төңірегінде туындайтын қиындықтар жайлы айтып, нашақорлықтан аулақ болу керектігі жайлы пікірлерімен бөлісті. Балалар өз ойларын ұсынуға шығармашылықпен қарады, әртүрлі ақпаратты қолданды, нашақорлық проблемасын жариялауда шеберлік танытты.Сайыстық комиссияның шешіміне сәйкес 25 қатысушы ынталық танытқаны үшін, ал 21 жеңімпаз деп танылды.&nbsp;Байқаудың жүлдегерлері: Бақытжанқызы Нұрай, Шакизада Інкар, Ертуғанқызы Шынар, Өтемұрат Нұрсая (Қазалы ауданы №16 мектеп- лицей, №226 мектеп-гимназия оқушылары); Ерболова Еркеназ, Жеткербай Меруерт (Қармақшы ауданы №107,85 орта мектеп оқушылары), Бейбіт Аянат, Дулаткызы Перизат (Қызылорда қаласы N43,203 орта мектеп оқушылары).Фото: Полиция департаменті

Жас тілшілер есірткіге қарсы үндеу жасады

<a href="https://kyzylorda-news.kz/">Kyzylorda-news.kz</a> ІІМ есірткі қылмысына қарсы іс-қимыл бөлінісі прокуратураның үйлестіруімен Қызылорда облысында жедел-іздестіру іс-шараларының нәтижесінде 40 жастағы ер адамды ұстады, – деп хабарлайды <a href="https://polisia.kz/qyzylorda-oblysynda-politsiya-esirtki-osiretin-fitozerthananyng-zhumysyn-toqtatty/">Polisia.kz</a>&nbsp;Cырдария ауданының тұрғыны өзінің үйінде аса ірі мөлшерде есірткі затын сақтап, қарасора өсірумен айналысқан. Кейін оны таратуды көздеген.Тінту барысында ыдыстарға отырғызылған 86 түп қарасора, есірткі затын өсіруге арналған жабдықтар, сондай-ақ екі дана пластикалық ыдысқа салынған кептірілген марихуана тәркіленді. Жалпы 2,7 кг кептірілген марихуана және 10 кг қарасора өсімдігі анықталды. Күдікті ұсталды. Оған қатысты қылмыстық іс қозғалды. Тергеу жалғасып жатыр.Фото: Polisia.kz

Қызылордада полиция есірткі өсіретін фитозертхананың жұмысын тоқтатты

<a href="https://kyzylorda-news.kz/">Kyzylorda-news.kz</a> Полиция департаментінің басты міндеті – қылмысқа қарсы күрес жүргізу, жол қауіпсіздігін сақтау, есірткіге қарсы іс-шараларды жүзеге асыру және тұрғындармен ашық әрі тиімді байланыс орнату. Қызметкерлердің кәсіби деңгейін арттыру мен заманауи технологияларды енгізу арқылы полиция жұмысының сапасы жақсарған. Облыстың криминогендік ахуалы тұрақты. 2024 жылы ауыр және аса ауыр қылмыстар, ауырлығы орташа және онша ауыр емес қылмыстарды ашу пайызы жоғарылаған. Бұл туралы Қызылорда облыстық полиция департаменті бастығының орынбасары полиция полковнигі Тоқтыбаев Серік мәлімдеді.<blockquote>- Былтыр қылмыс саны 10 пайызға азайды. Сонымен қатар ұрлық 28,2 пайызға, мал ұрлығының 48,5 пайызға тіркелуі төмендеді. Жалпы қылмыстың негізгі түрлері бойынша ашу көрсеткіші жақсарды. Қазіргі таңда киберкеңістікте өте өзекті болып отырған қылмыс түрі – ғаламтордағы алаяқтық. Интернет кеңістіктегі қызмет көрсету түрлері көбейген сайын, оның айла-тәсілі де түрленіп жатыр. Олардан облыс тұрғындарын сақтандыру мақсатында қауіпсіздік шараларын қолдану туралы түсіндірме жұмыстары кеңінен жариялануда. Заманауи технологияның көмегімен атқарылған жұмыстың нәтижесінде аталған қылмыстың 88 дерегі ашылып, 76 интернет-алаяқ құрықталды, - деді Серік Әбдімәуленұлы.</blockquote><img src="https://knadmin.beoblood.kz/uploads/Za_men_t_rtip_ajma_ta_kriminogendik_ahual_t_ra_ty_d1fa9b9c5e.jpg" alt="Заң мен тәртіп аймақта криминогендік ахуал тұрақты.jpg"><img src="https://knadmin.beoblood.kz/uploads/Za_men_t_rtip_ajma_ta_kriminogendik_ahual_t_ra_ty_1_339f55bdbe.jpg" alt="Заң мен тәртіп аймақта криминогендік ахуал тұрақты 1.jpg">

Аймақта криминогендік ахуал тұрақты 

<a href="https://kyzylorda-news.kz/">Kyzylorda-news.kz</a> &nbsp;Сыбайлас жемқорлыққа қарсы іс-қимыл агенттігі Қызылорда облысы бойынша департаменті қызметкерлерінің қатысуымен «Тәртіпті өзіңнен баста!» акциясы аясында&nbsp;Е.Әуелбеков атындағы дарынды балаларға арналған N4 облыстық мектеп-интернатында&nbsp;кездесу өтті.Іс-шараның бұл форматы «Заң және тәртіп» идеологиясын ілгерілетудегі, сондай-ақ өскелең ұрпаққа жауапкершілік, адалдық және құқықтық нормаларды дәріптеудегі маңызды құрал.Кездесу аясында жоғары сынып оқушыларына сыбайлас жемқорлық құқық бұзушылықтардың мәні мен салдары, сондай-ақ осы құбылыспен қалай күресу керектігі туралы айтылды.Антикор ардагері Б.Ниязов сыбайлас жемқорлықтың зиянды әсерлерін түсіндіріп, жастарды адалдық, әділдік және жауапкершілік сияқты моральдық құндылықтарға тәрбиелеудің маңыздылығын, сонымен қатар, сыбайлас жемқорлықпен күресте әрбір азаматтың рөлі мен жауапкершілігін, қоғамдағы әділеттілік пен адалдықты нығайту үшін жастардың белсенділігі мен құқықтық сауаттылығын арттыру қажеттігі бойынша пікір білдірді.«Тәртіпті өзіңнен баста!»&nbsp;акциясы Абай атындағы дарынды балаларға арналған мектеп оқушыларымен кездесіп, пікір алмасумен жалғасты.&nbsp;

«Тәртіпті өзіңнен баста!» акциясы өтті

<a href="https://kyzylorda-news.kz/">Kyzylorda-news.kz</a> Қызылорда облысының ПД Есірткі қылмысына қарсы іс-қимыл басқармасы оқушы, студенттер арасында «Біз есірткіге қарсымыз!» ұранын ұстана отырып, есірткіге қарсы қолөнер бұйымдарын әзірлеу байқауын ұйымдастырды.Сайыстың негізгі мақсаты – жасөспірімдер арасында есірткі мәселесін түсіндіру денгейін кеңітіп, сайыскерлердің жеке ойын білдіру мүмкіндігін айқындау болып табылды.Байқау екі кезеңде өтті. Бірінші кезеңді Қызылорда қаласының және аудан орталықтарының білім бөлімдері ұйымдастырды, оның қорытындысы бойынша Есірткі қылмысына қарсы іс-қимыл басқармасына сайыстың екінші кезеңіне қатысу үшін 68 үздік жұмыс жолданды.Байқауға қатысушылар есірткіге қарсы қолөнер бұйымдарын әзірлеп, өздерінің замандастарына есіртікінің зияндылығы жөнінде үндеу дайындап бейнеролик әзірлеп, оны әлеуметтік желілерде жариялады.Өз жұмыстарында балалар нашақорлық проблемасы туралы өз пікірлерімен бөлісіп, оның салдары неге апаратындығы, оның алдын алу жайлы айтып, нашақорлық проблемасын түрлі фигура, панно, картина, т.б. бұйымдарда және жасау тәсілдерінде шығармашылықпен қарап, түрлі ақпаратты пайдаланып шеберіктерін танытты. Авторлар өз дизайнын жүзеге асыру үшін әртүрлі материалдар мен әдістерді пайдаланды.Сайыстық комиссияның шешіміне сәйкес 68 қатысушынң 10-ны ынталық танытқан деп белгіленсе, келесі 10-ны жүлдегер атанды.Байқаудың облыстық жеңімпаздары: Сырдария ауданы №131 орта мектеп оқушысы Мәжит Мерей мен Шиелі ауданы №244 орта мектеп оқушысы Бекжаппаров Дархан – 1 орын; Қазалы ауданы №№17,266 оқу орындарының оқушылары Ілиясова Азиза мен Нағашыбай Әділет – 2 орын; Арал ауданы №73 мектеп оқушысы Нағыманова Ақжарқын мен Қазалы ауданы №288 орта мектеп оқушысы Алпамыс Айқын, Шиелі ауданы №49 мектеп оқушысы Дүкенбаев Саламат, Қармақшы ауданы №№185,80,27 оқу орындарының оқушылары Ерғали Ақерке, Жүсіпбек Гүлсая, Жапашова Аружан – 3 орын иеленді.Фото: Полиция департаменті

Қазақстан және Қызылорда облысының жаңалықтары: Құқық