<a href="https://kyzylorda-news.kz/">Kyzylorda-news.kz</a> ҚР Тұңғыш Президент саябағы қазір халықтың қарасы үзілмейтін, отбасылық демалыс орны. Жасыл желекке оранған саябақта тынығушылар саны күн санап артып келеді. Шағын мерейтойларды атап өтудің де мүмкіндігі мол. Бір өкініштісі, қоршаған ортаға саналы көзқарасты қалыптастыруда және туған жердің тазалығын сақтау, табиғатын қорғауда әлі де бейқамдық бар. Осы жайларды ескерген қала әкімі саябақ көлемін кеңейту, ішкі тәртіп пен тазалықты сақтау мәселелерін жолға қоюды алға тартты.<blockquote>«Елге деп салынған әрбір нысан өз мақсатында жұмыс істеуі керек. Саябақты заманауи саябақ келбетінде көргенге не жетсін!? Сол үшін ешқандай қажеттілік пен мұқтаждық туындауы тиіс емес. Әрлеу керек пе, әрлейміз, абаттандыру десеңіз, оны да жасаймыз. Сонда ғана халық сұранысындағы демалыс мүмкіндігін сыйлай аламыз. Бұл жұмыстардың атқарылуына аймақ басшысы жан-жақты қолдау жасап отыр,»– деді шаһар басшысы Серік Салауатұлы.</blockquote>Президент паркінен денсаулық саябағына дейінгі аралық толық қамтылған, жан-жағында автокөліктер тұрағы бар, гүлзарлармен көмкерілген көркем келбет қалыптастырамыз. Оған мүмкіндік жеткілікті. Алдағы уақытта әрбір нысан зерттеле отырып, халықтың сұранасына сай тиісті үдеден шығуға жұмыс жасалады.Фото: Нұрболат Нұржаубай

Президент паркінен денсаулық саябағына дейінгі аралық жаңғыртылады

<a href="https://kyzylorda-news.kz/">Kyzylorda-news.kz</a> Нұрлан Қоянбаев Түркістан облысы әкімінің штаттан тыс кеңесшісі болып тағайындалды. Бұл туралы Stan.kz ақпарат агенттігі хабарлайды.Түркістан облысы&nbsp;әкімдігінің мәліметінше,&nbsp;облыс әкімі Дархан Сатыбалдының өкімімен Нұрлан Қоянбаев Түркістан облысы әкімінің шығармашылық индустрияны дамыту мәселелері жөніндегі штаттан тыс кеңесшісі болып тағайындалған.Нұрлан Қоянбаев 1979 жылы 19 шілдеде Қызылорда облысында дүниеге келген. 1996-2000 жылдары әл-Фараби атындағы Қазақ ұлттық университетінің тарих факультетінде білім алған. 2009-2011 жылдары экономика және құқық академиясының қаржы және несие факультетінде,&nbsp;2012-2015 жылдары ҚазҰУ-де халықаралық қатынастар мамандығы бойынша магистратурада&nbsp;білім алған.Қоянбаев бұған дейін президент&nbsp;телерадиокешенінің шығармашылық директоры, "Қазақстан" ұлттық телеарнасының бас продюсері қызметтерін атқарған. 2021 жылы президент жарлығымен "Шапағат" медалімен марапатталды.Фото: qazaqstan.tv

Нұрлан Қоянбаев Түркістан облысы әкімінің кеңесшісі болып тағайындалды

<a href="https://kyzylorda-news.kz/">Kyzylorda-news.kz</a>&nbsp; Халық арасында “Журналистің жегені жантақ, арқалағаны алтын”,- деген сөз бар. Бұл болған жайтты бүкпесіз баяндап, күрмеуі көп мәселенің шешілу жолына үңілетін журналист қауымына берілген шын баға. Журналист қаламының ұшында мың сан тағдыр болуы мүмкін. Дауылда да, жауында да қаймықпай қызмет жасау қаламгерлерге ғана тән қасиет. Елдің қуанышын да, қайғысын да қаламының ұшында тербеген журналистердің жұмысы жеделдікті талап етеді. Мерейлі мерекеге орай бүгін Өңірлік коммуникациялар қызметінің ақпарат алаңында баспасөз конференциясы өтті.<img src="https://knadmin.beoblood.kz/uploads/449200134_2033490260379809_3773606255573447622_n_c5679d0feb.jpg" alt="449200134_2033490260379809_3773606255573447622_n.jpg"><blockquote>– Ең алдымен баршаңызды 28 маусым – Бұқаралық ақпарат құралдары қызметкерлері күні мерекесімен құттықтаймын! Өздеріңіз білетіндей, ақпарат ағымы тоқтаусыз ағып жатқан қазіргі қоғамда ашық әрі шынайы жаңалықтарды дер кезінде халыққа жеткізу аса маңызды. Бұл ретте телеарналар, басылым және интернет сайттардың сапалы жұмыс жасап, әлеуметтік желілерде ерекше контент қалыптастыруы медиа саласының серпінді дамуына ықпал ететіні анық. Бұл өз кезегінде осы салада аянбай еңбек етіп, бар қажыр-қайратын жұмсайтын журналистер қауымының ерекше еңбегі деп білеміз. Бүгінде облыстың медиа кеңістігінде барлығы 149 бұқаралық ақпарат құралы жұмыс істеуде. Оның ішінде 120 баспа БАҚ, 26 интернет-сайт пен ақпараттық агенттіктер, 2 телеарна бар. Олардың 137-і облыстық, 2-еуі қалалық, 10-ы аудандық деңгейде ауқымды ақпараттар таратып, медиа саласының дамуына өз үлестерін қосуда. Аймақтың бұқаралық ақпарат құралдарының тек 1-еуі орыс тілінде ақпарат жарияласа, 5-і мемлекеттік және орыс тілдерінде, 14-і мемлекеттік тілде ақпарат таратады. Соңғы уақытта озық тәжірбиелерді пайдалана отырып медиа саласын дамыту аясы белсенді жүргізілуде. Оның ішінде, жасанды интеллектті пайдалана отырып халыққа қызықты ақпараттар тарату қазіргі таңда ерекше қарқын алып келеді. Бұл әрине, облыстың медиа саласы үшін өте қуанышты жаңалықтардың бірі деп білеміз,- деді облыстық қоғамдық даму басқармасының басшысы Алмасбек Есмаханов.&nbsp;</blockquote>&nbsp;“Сыр медиа” ЖШС де БАҚ саласында елеулі қызмет атқарып келеді.<img src="https://knadmin.beoblood.kz/uploads/449448919_2033490267046475_6806407754904215829_n_302d030c6b.jpg" alt="449448919_2033490267046475_6806407754904215829_n.jpg"><blockquote>– &nbsp;Қазіргі таңда бізде 1 республикалық, 2 облыстық, 1 қалалық және 7 аудандық басылым жұмыс жасайды. Одан бөлек, 13 ақпараттық агенттік бар. Бүгінде 207 штаттық бірлікте қызмет жасайды. Журналистердің әлеуетін жақсарту үшін және оқырмандарға жақсы, сапалы мақалалар беру үшін бөлек жүлделер қойдық. Оның ішінде эксклюзивті, сараптамалық материал жазған тілшілер арасынан арнайы комиссия үздігін анықтайды. Сондай-ақ, үздік дизайнерді де сыйақысыз қалдырмаймыз. Ең басты қуанышымыз, бүгін 95 жылдық тарихы бар “Сыр бойы” газетінің бас редакторы Президенттің қолынан марарат алатын болады. Баршаңызды мерейлі мерекемен құттықтаймын! Журналистердің жазары көп болсын,- деді “Сыр медиа” ЖШС директоры Марат Аралбаев.</blockquote>&nbsp;“Qyzylorda” телеарнасы 1991 жылы ашылған.&nbsp;<img src="https://knadmin.beoblood.kz/uploads/449397866_2033490277046474_7151358150593636085_n_2ac558a9ec.jpg" alt="449397866_2033490277046474_7151358150593636085_n.jpg"><blockquote>– Тәулігіне 15 сағат эфирге шығамыз. Өткен жылдан бастап Байқоңыр қаласында тілшілер пунктін аштық. Қазіргі кезде біз Байқоңырдан да ақпарат таратамыз. Жыл басынан бері жаңа 8 бағдарлама көрерменге жол тартты. Жалпы, телеарнада 32 бағдарлама жарық көреді. Мемлекеттік қызметкерлердің айтар сөзін халыққа жеткізу мақсатында “Anyqtimes” хабарын аштық. Одан бөлек, руханиятқа арналған “Parallel” деген бағдарлама бар. Ауылдың тыныс-тіршілігін көрсететін “Құдайы қонақ” бағдарламасы да көрермендердің көңілінен шығып үлгерді. Алдағы жаңа маусымға да тағы да осындай қызықты әрі пайдалы бағдарламалар әзірлеудеміз,- деді Qyzylorda телеарнасының директоры Нұрбек Әмиша.</blockquote><img src="https://knadmin.beoblood.kz/uploads/449118825_2033490240379811_2417711995322106492_n_d9f77bf9f4.jpg" alt="449118825_2033490240379811_2417711995322106492_n.jpg">Фото: Қызылорда облысының Өңірлік коммуникациялар қызметі

28 маусым – Бұқаралық ақпарат құралдары қызметкерлерінің кәсіби мерекесі

Сыр журналистикасындағы жасанды интеллект

<a href="https://kyzylorda-news.kz/">Kyzylorda-news.kz</a>&nbsp; &nbsp; «Дәрігер, жанымда сіз болыңызшы…» «Сіздің жылы сөзіңіздің өзі бізге қуат береді», «Қызымның есімін сіздің құрметіңізге Сәуле қойдым»… Иә, бұл – қазақ «бір аяғы көрде, бір аяғы жерде» дейтін жүкті аналардың сәбиін аман-есен бауырына басқан соң, дәрігерге деген риясыз ризалығы. Шыны керек, Сәуле Сәменқызының атына мыңдаған ана күн сайын алғыс айтады десек, артық айтқандық емес. &nbsp;Әрине, дәрігердің бәрі де өз ісіне жауапты. Алайда мамандығының қасиетін бойына сіңірген, аялы алақаны шипалы, жылы сөзі де қиналғанға күш беретін нағыз дәрігерлер санаулы ғана. Оларды «Құдай өзі дәрігер етіп жаратқан» деп жатады. Иә, Сәуле Сәменқызы табиғатынан дәрігер болып жаралғандай. Бүгінде облыстық перинаталдық орталықтың аты аталса, Сәуле Сәменқызының есімі қоса айтылады. Бір орталықтың бар жауапкершілігін көтеруге тырысқан, ана мен балаға қуаныш сыйлау үшін жан-тәнімен қызмет етіп келе жатқан, әрбір келушіні жақынындай көріп, елпілдей қарсы алатын Сәуле Сәменқызына арқа сүйеп келетін аналар аз емес. Көптің алғысына бөленген, қолы жеңіл дәрігерге елдің алғысы шексіз. Тіпті «сіз зейнетке шығып кетпей тұрып, тағы да босанып алсам деп жүрмін» деп жүктілігін жоспарлап жүргендер де кездеседі. Мұның бәрі дәрігерге деген &nbsp;алғаусыз сенім. Қай мамандық иесі болсын, нағыз маман атанып, халықтың алғысына бөлену кез келгенге бұйыра бермейтін бақыт. Бүгін біз мақаламызға арқау еткен кейіпкер – облыстық перинаталдық орталығы бас дәрігерінің пациенттерді қолдау және ішкі бақылау жөніндегі орынбасары, жоғары санатты акушер-гинеколог дәрігер Сәуле Сәменқызы алғыс арқалаған ақ халатты абзал жан. Ол мұндай дәрежеге қалай жетті? Барлық ананың сүйікті дәрігеріне айналудың қандай құпиясы бар?… Кішкентай Сәуленің анасы үнемі қолы тимей зыр жүгіріп жүретін-ді. Үстінде ақ халаты, қашан көрсең де жұмысқа асығып кетіп барады.Мұндайда бүлдіршін қыз анасы­на: «Қайда барасыз?» деп сұрақ қойып үлгереді. Ылғи да бір жауап: «Адамдарға көмектесуге бара жатырмын». Бала Сәуле үшін осы жауаптың өзі қызық. Анасы құдды ертегідегі сиқыршы немесе құт­қа­рушы періште сияқты. Әрдайым қиналған адамдарға көмектеседі, олар­ды құтқарып қалады. Ол анасын құтқарушы деп білді. Бала қиялында­ғы бейне тіпті бөлек. «Менің анам бол­маса, адамдарға кім көмектесе алар еді. Оның аппақ халаты да ерекше». Кейін есейе келе анасының ауылдағы перзентханада жұмыс істейтінін тү­сінді. Ауылдың 10 төсектік босану бөлімінде міндет бөлісетін шама жоқ. Мұнда осы ауылға жақын 5 елді мекеннің әйелдері келіп босанады. Мұндайда дәрігерге де, медбикеге де, тіпті кіші медицина қызметкеріне де қарап тұратын шама жоқ. Дәрігерге қолғабыс етіп, жүкті әйелдің жағдайын жасап, зыр жүгіріп жүргені. Күн-түн деп уақытпен санаспайды да. Әрдайым адамдарға көмектесуге бара жат­қан анасының осы бір бейнесі кішкентай қыздың жүрегіне «мен де сондай болсам ғой» деген ізгілік сәулесін ұялатты.<blockquote>– Қазақта «қыз анаға қарап бой түзейді» дейді ғой. Менің дәрігер болуыма анам ықпал етті. Бала күнімде анам үстіне ақ халатын іліп алып, жұмысқа асығып кетіп бара жатқаны көз алдымда қалып қойды. Әрдайым адамдарға көмектесу үшін жүгіріп жүретін, уақытпен санаспайтын, үс­тіндегі аппақ ха­латы өзіне әдемі жарасатын анамды көріп өскен мен әлемде ақ халат кигендерден артық ең қасиетті мамандық жоқ деп өстім. Тіпті дәрігерден басқа мамандық туралы ойламадым да. Осы мамандықты таңдауыма анамның ақ халатына сүйсінуім және «мен де адамдарға көмектесе алсам ғой» деген арман жетелеп әкелді. Анам ұзақ жылдар бойы ауылдың перзентханасында жұмыс істеді, – дейді дәрігер Сәуле Сәменқызы.</blockquote>Бала күнгі арман есейе келе мақ­сатқа жету жолындағы ізденіске алып келді. Оқысам, үйренсем, білсем деп өскен бойжеткеннің бар арманы – ақ халат киген дәрігер болу еді. &nbsp;Ең алдымен медициналық училищеге оқуға түскен ол диплом алған соң, жас маман ретінде 1982 жылы еңбек жолын туған жерден бастады. Сырдария ауданының, Шаған ауылындағы 10 тө­сектік перзентханада акушер болып бір жылдан аса уақыт жұмыс істеп, жоғары білім алуды ойлады. Арман қуып, жоғары оқу орнына түсіп, 1990 жылы дәрігер ретінде еңбек жолын жалғастырды. Сол жылдан бері Сәуле Сәменқызы өзі қалаған мамандықтың отына күйіп, суығына тоңып келеді. Акушер-гинеколог дәрігер ретінде әрбір жүкті әйелдің денсаулығы, дүниеге дені сау бала әкелу, ана­ның өмірі, әрбір сәбидің жарық дүниеге аман-есен келіп, анасымен қауышуы оның қызметі ғана емес, тілегіне ай­нал­ды. Перзентханаға келген әрбір жүкті әйелдің жағдайын жасап, жылы сөзбен дем беру, қиналған ана­ға дәрігер ретінде қолұшын беріп, шипалы алақанымен бар мейірімін төгуден шаршаған жоқ. Тіпті күн сайын­ғы оқиғалар, әрбір кезекшілік – жас дәрігер үшін үлкен тәжірибе. Әрбір сәтті көңілге тоқып, қолы қалт етсе зерттеуден, ізденуден жалықпаған маман уақытпен санаспай еңбек ете берді. Ең басты мақсатым – әр анаға қуаныш сыйлау, ана мен баланың бақытты сәтіне куә болу деген ұста­ныммен еңбек еткен жас дәрігер кейін ана мен бала десе, өз есімі қоса аталатынын, есімін ел танитын дәрігер болатынын сол кезде білмеген де болар. Перзентханаға айы-күні жетіп, толғатып келген немесе өлім мен өмір ортасында, жағдайы ауыр жүкті әйелді аман алып қалу үшін олармен бірге қиналып, бірге қуанатын дәрігердің әр күні қызық пен шыжыққа толы сәттермен өтіп жатты.<blockquote>– Менің мамандығым қызы­ғынан гөрі қиындығы мол дер едім. Себебі екі адамның өміріне жауап беру – үлкен жауапкершілік. Әрбір босанған анамен бірге қиналып, бірге толғатып, әрбір сәбиді анасымен аман-есен қауыштыру бақытына куә болу оңай жұмыс емес. Әрбір әйелдің денсаулығына алаңдап, түн ұйқың төрт бөлінетін сәттер де болады. Сырт көзге сыр бермесек те, әрбір анамен бірге қуанып, бірге қиналуды бастан өткереміз, – дейді ақ халатты абзал жан. Бала кезден ақ халаттың қасиетін сезініп, «құтқарушы» болу­ды арман­даған ол кейін есейе келе де осы қағи­даны өмірлік ұстанымы етті. Дәрігер ретінде ғана емес, адам ретінде де адамдарға жақсылық жасау арқылы жаны жадырайтын Сәуле Сәменқызы мықты дәрігер ғана емес, жақсы адам деген атқа лайық болуды ойлады.</blockquote>– Айналама жақсылық жасау – өмірлік ұстанымым. Жақсылық жаса­ған сайын жолың ашыла түседі дегенді бала кезден құлағымызға құйып өстік. Мамандығым да айналаңа қуа­ныш сыйлау ғой. Әр­дайым адамдардың көңіліне қа­раймын, ешкімді ренжіткім кел­мейді, өзгені қуантуға септігім тисе, мен үшін ең үлкен бақыт сол, – дейді кейіпкеріміз.Дәрігердің әрбір күні түрлі оқиға­ға толы. Кейде қуанатын, кейде қынжы­латын сәттер де бо­лады. Тіпті әрбір сәт қанша жыл өтсе де ұмы­тылмай, құдды бір кино лентасындай кейде тіз­бектеліп, көз ал­дыңа келе қалатыны бар.<blockquote>– Бұдан 10-15 жыл бұрынғы бір оқиға әлі де есімнен кетпейді. Бір жүкті әйел толғатып келді. Денсаулығында бо­сануға қарсы көр­сеткіштері болса да тәуекел етіп тұр. Онымен бірге біз де тәуекелге бел будық. Ол кезде кесарь тілігі 1000-ның бірінде ғана болатын еді. Сол әйел үшінші ке­зекшілігімде барып, аман-есен босанды. Жұ­мысқа келген сайын соның жанына жүгіріп барамын, тіпті аты-жөнін қа­ғазға жазып, терезеге іліп қойған­мын. Сол бір өмір мен өлімнің арасын­дағы сәт әлі есімнен кетпейді, тіпті сол әйел­дің аты-жөні де қан­ша жыл өтсе де ойымда жатталып қалған. Әрине, сол жылдардағы медицина мен бүгінгі жағдайды салыстыруға келмейді. Уақыт озған сайын медицинаның жетістіктері аз емес, жаңа технологиялар еніп, алға қарай даму үстінде. Дегенмен қай кезде де ана мен бала жайына, екі адамның өміріне алаңдайсың, – дейді дәрігер.</blockquote>Айта кетелік, жұмыс бары­сында талай оқиға болатыны сөзсіз. «Дүниеге сәби аман-есен келгенше әйелмен бірге «бір өліп, бір тірілетін» дәрігердің тебіренісін өзінен басқа кім түсінер? Әрбір анамен бірге қуанып, бірге жылағандай күй кешіп, білімі мен біліктілігінің арқасында талай анаға қуаныш сыйлаған акушер-гинеколог дәрігер Сәуле Сәменқызын анасындай жақсы көріп кеткен жас аналар аз емес. Бұл сөзімізге дәрігердің мыңдаған сәбиге кіндік шеше болып, тіпті қыз дүниеге келсе, есімін дәрігердің құрметіне Сәуле деп қоятындар да аз емес. Кейін көшеде кездесіп қалса, «Сәулеңіз қазір мектепте үздік оқушы» немесе «сіз сияқты мықты дәрігер болам дейді», «сізге ұқсайтын сияқты» деген жылы лебіздерді жиі естиді. Дәрігерге бұдан артық қандай құрмет болсын?!Алғашқы жұмыс күнінен бас­тап ана мен балаға қызмет етіп келе жатқан дәрігер білім мен ізденістің арқасында әрбір жүкті әйелдің жағдайын жүзіне қарап-ақ білетін білікті маманға айналды. Диплом алған сәттен бас­тап ана мен баланың ортасында қызмет етіп келе жатқан ол осы саланың жілігін шағып, майын ішкен маман десек артық айтқандық емес. Әріптестерінің өзі «Сәуле Сәменқызы қандай уәж айтар екен?» деп ақыл-кеңесін тыңдаудан жалықпайды. Білікті дәрігер де ешқашан «өзім білемге» салған емес. Қашан көрсең де құрақ ұшып, үлкенге, кішіге де, әрбір емделушіге де елжірей қарап, бәрін де тыңдауға дайын. Жоғарыда айтып өткеніміздей, Ақтөбе медициналық институтын бітірген ол еңбек жолын облыстық перзентханада 1990 жылы ординатор ретінде бастады. 2000 жылдан бастап обсервация бөлімінің меңгерушісі, 2005 жылдан босану бөлімінің меңгерушісі, 2013 жылдан ІІ аку­шерлік бөлім меңгерушісі қыз­метін атқарды. Бүгінде облыстық перинаталдық орталық бас дәрі­герінің пациенттерді қолдау және ішкі бақы­лау жөніндегі орынбасары қызметін атқарып келе жатқан ол тәжірибелі, білікті дәрігер ретінде құрметке ие. Алай­да ол қай кезде де ізденуден жалық­қан емес. Оның жұмыс бары­сында­ғы бір талабы – әрдайым іздену, оқу, білім алу. Өзі де кейінгі буынға бұл талапты орындауда үлгі болып келеді. Мәселен, білім жетілдіру мақ­сатында Сәуле Сәменқызы бір­неше шетелде болып, тәжірибе алмасты. Атап айтқанда, Литваның ғылыми денсаулық университеті, «Денсаулық сақтау менеджменті» бойынша қайта даярлаудан өтті. Денсаулық сақтау менеджменті саласы бойынша &nbsp;Польша еліндегі қоғамдық денсаулық мекте­бін­де тәжірибе алмасты. Бір сөз­бен айтқанда, 35 жыл бойы ана мен балаға қамқорлық жасау қызметінде ізденуден жалықпаған, білімі мен білігін ана мен баланың қуануына жұм­саған қажырлы еңбегі елеусіз қалған жоқ. Атап айтқанда, дәрігердің денсаулық саласына қосқан үлесі үшін әр жылдары ҚР Денсаулық сақтау министрлігінің «Кәсіби саладағы ерен еңбегі үшін», «Денсаулық сақтау ісінің үздігі», «Халық алғысы», «Жыл үздігі» медальдарын кеудесіне тақты. Мұнан бөлек, халық берген «Сәуле Жақанова – мықты дәрігер» деген бәрінен де жо­ғары марапаты бар.Сәуле Сәменқызы бүгінде ал­пыс­тың асуына абыроймен жет­кен білікті дәрігер. Отбасында немерелерінің сүйік­ті әжесі, құр­метке бөленген дәрі­гер, жас мамандарға үлгі болар ұстаз.Г.Мағлұм

Ел алғысы ең жоғары марапат

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Сырдария ауданының орталығы Тереңөзек кентінде 1971-1972 оқу жылында өнер мектебі ашылып, қазіргі уақытқа дейін жас өнерпаздарды өнерге баулып келеді. Қазіргі таңда өнер мектебінде 345 оқушы бар. Оларға 31 мұғалім домбыра, қобыз, баян, дәстүрлі ән, фортепиано, скрипка, хореография, вокал, труба – барлығы 9 мамандық бойынша сабақ беруде. Ұстаздардың 4-і педегог-зерттеуші, 2-і педагог-сарапшы, 10-ы педагог-модератор, біреуі - І санатты, үшеуі – ІІ санатты, 11 – педагог санатында жұмыс жасайды. Оқушылардың 124-і домбыра, 22-і қобыз, 52-і баян, 9-ы дәстүрлі ән, 10-ы фортепиано, 11-і скрипка, 110-ы хореография, 1-і труба, 6-ы вокал мамандықтарында білім алуды.Өнер мектебінде білім сапасын заман талабына сай ұйымдастыру басты міндет. Осы бағытта оқушылардың үлгерімінің сапасын арттыру, олардың орындаушылық шеберлігін шыңдау, оқушылардың түрлі өнер сайыстарына кеңінен қатысып, жүлделі орындарға ие болу жұмыстары жалғасуда.<blockquote>– Мұғалімдердің кәсіби біліктілігін көтеру мақсатында ұсатаздарға арналған біліктілікті арттыру курстары мен түрлі семинарлар, тәжірибе алмасу алаңдарына қатысу жоспарлы түрде жүзеге асырылмақ. 2024-2025 оқу жылында Сырдария өнер мектебінің 12 ұстазы біліктілік арттыру курсына қатысады. Біліктілік санатын алу үшін 13 ұстаз аттестациядан өтеді. Озық тәжірибе жұмысын анықтап, ұстаздардың сабақ беру шеберлігін арттыру мақсатында әрбір сынып жетекшісі жылына 2 рет ашық сабақ өткізіп, оған барынша ұстаздарды көптеп қатыстыру жоспарлануда. Оның ішінде жас мамандардың үлесі басым болады, – дейді өнер мектебінің директоры Марат Сәдуақас.</blockquote>Мектепте оқушылар ансамбілі, оқушылар қоры, "Тұмар", "Айтұмар", "Назкерім" бишілер тобы, қобызшылар ансамбілі, скрипкашылар ансамбілі, вокальдық топ жұмыс жасауда.Оқушылар мен ұстаздардың сахна мәдениетін дамыту, орындаушылық шеберліктерін дамыту, аудан тұрғындарына&nbsp;мәдени қызмет көрсету мақсатында өнерпаздар ауданда өтетін мәдени іс-шараларға қатысады.Алдағы уақытта, 2024-2025 оқу жылында республикалық жас музыканттар байқауы халық аспаптары арасында өткізіледі. Аталған байқауға мектеп оқушыларын, оның ішінде домбыра, қобыз, баян аспаптары бойынша қатыстырып, жүлделі орындарды жеңіп алу жоспарлануда. Домбыра, қобыз, баян бойынша аудандық кезеңге 20 бала, облыстық кезеңге 10 бала, республикалық кезеңге 4 бала қатыстыру бағытында дайындық жұмыстары жүргізілуде. Сонымен қатар жыл сайын өткізілетін ҚР Оқу-ағарту министрлігінің №514 бұйрығымен бекітілген жас музыканттар байқауы, "Ақ шағала" бишілер байқауы, "Ақберен" балалар шығармашылығының фестиваль байқауына қатысу үшін оқушылар дайындығы жалғастырылатынын атап өтті мектеп директоры.<blockquote>– Балалардың бос уақытын тиімді пайдалану, ата-ана мен балалардың сұранысын қанағаттандыру, оларға кәсіби білім беру өнер мектебі ұстаздарының басты міндеті. Балаларға ұлттық өнерді, ұлттық құндылықтарды үйрету арқылы оларды Отан сүйгіштікке, еңбекқорлыққа, адамгершілікке, ізденімпаздыққа тәрбиелеу үшін ұстаздар қауымы жұмыла жұмыс жасай беретін болады, – дейді мектеп басшысы Марат Сансызбайұлы.</blockquote>

Сырдария өнер мектебі оқушыларды ұлттық құндылықтарға тәрбиелеуде

<a href="https://kyzylorda-news.kz/">Kyzylorda-news.kz</a> Бүгінде Сырдария аудандық «Сұлу-ай» шығармашылық өнер орталығының өнерлі жас өрендері жазғы демалысты тиімді өткізу мақсатында көптеген шығармашылық байқауға қатысуда.Мәселен, «Сұлу-ай» шығармашылық өнер орталығына қарасты Іңкәрдария ауылындағы «Көркем оқу» үйірмесінің мүшесі Ақбота Ермаханова республикалық байқауда өз өнерін көрсетіп, ерекше өнерімен дараланып, қаншама үздіктердің арасынан топ жарып шыққан болатын.&nbsp;Нақтырақ айтқанда, жас өнерпаз Ақбота Ермаханова Шымкент қаласында өткен «Жауқазын» республикалық байқауында «Көркем сөз оқу» байқауында І орын иеленіп, аудан мерейін үстем етті. Осылайша, біздің мақтанышымызға айналған жас өреніміз Ақбота Түркия мемлекетінде ұйымдастыралатын халықаралық байқауға жолдама ұтып алды. Талай таланттар қатысқан байқауда &nbsp;өнерлі оқушы қазақтың ақиық ақыны Мұқағали Мақатаевтың «Мен сені сағынғанда» шығармасын орындап, көпшіліктің қошеметіне бөленді.Бұл жетістік - шәкіртін талай түрлі байқауларға дайындап, тәлімді тәрбие беріп, шығармашылығын шыңдап жүрген жетекшісі – Айкерім Жұмабекованың еңбегінің жемісі. Алдағы уақытта халықаралық байқауда бақ сынайтын жас өнерпазымызға сәттілік тілейміз. &nbsp;

Жас өнерпаз Түркияға жолдама ұтып алды

<a href="https://kyzylorda-news.kz/">Kyzylorda-news.kz</a> Ортақ отаудың &nbsp;шамын маздатып, әулеттің мақтанына айналып, берекелі тірлік кешкен отбасыларды көргенде сүйсініп, үлкендер жағы «бәрекелді», «тіліміз тасқа» деп мақтап, елге үлгі қылатынын &nbsp;күнделікті өмірде &nbsp;көріп жүрміз. &nbsp; Ата-бабалардың сән-салтанатпен жеткізген казақы салт-дәстүрінің қаймағы бұзылмай, ері ардақты, қызы салмақты болғанға не жетсін? Ата-ана салған сара жолмен жүріп, үлкендерден бата алып, жақсы отбасы атанып, өздерінен өрбіген ұрпағын ұлықты, қызын қылықты, ұлын білікті етіп тәрбиелеп, Отанға да, отбасына да адал қызмет етіп жүрген ерлі-зайыптыларды көргенде мерейің тасып, көңілің көтеріліп қалады. Қазақтай жайсаң да, ұлықты елдің перзенті болғаныңды мақтан етесің. Жаңа шаңырақ көтерген жас отбасылар сол үлгілі үрдістен тәлім алса дейміз.Шындығында неке Алланың қалауымен болады. Оның қасиет пен киеге толы болуы да сондықтан. &nbsp;Бақытты отбасы болу үшін тонның ішкі бауындай татулық пен мейірім керек. Татулықтың туын көтерер отағасы байсалды, байыпты болса, берекенің бесігін тербететін отанасы шыдамды, мейірімді болса, отаудың оты өшпейді, шаңырақ шайқалмайды. Сыр елінің мақтанына айналған бақытты шаңырақтың бірі – Сұлтановтар отбасын ел үлгі етеді.Өнегелі үрдісті бойына сіңірген әулет өткен жылы&nbsp;«Мерейлі отбасы» ұлттық конкурсының қалалық кезеңіне қатысып, жүлделі екінші орынды иемденіп, жеңімпаз атанған. Мерейлі отбасының ішкі тәртібі мен тәрбиесі ерекше. Үйдің отағасы Жеңіс Егізбаев 1958 жылы Қызылорда қаласында дүниеге келген. Ол түрлі мекемелерде электрик болып жұмыс істеп, «Қызылорда тазалығы» мекемесінен зейнеткерлікке шыққан. Жұбайы Кәмилә Егізбаева 1959 жылы дүниеге келген. Мамандығы – есепші. Қазір&nbsp;зейнеткер. Ерлі- зайыптылар1980 жылы шаңырақ көтерген. Үлкен ұлы Сәбит Сұлтан 1981 жылы Қызылорда қаласында дүниеге келген. Мұнай газ саласында еңбек етіп, қазір «Петро¬КазахстанҚұмкөлРесорсиз» ЖШС-да қаржы департаментінде салық бөлімінің басшысы қызметін атқарады. Еткен еңбегі еленіп, әр жылдары облыс әкімінің, басқарма басшысының алғыс хатымен, «Қайырымдылық керуені» атты республикалық акциясының алғыс хатымен марапатталған. Сұлтановтар отбасы &nbsp;спорттық сайыстан екі мәрте бас жүлде алған. Қоғамдық жұмысқа белсене араласады. Облыстық қоғамдық кеңестің мүшесі, қоғамдық кеңестің бюджет және қаржы мәселелері жөніндегі комиссия төрағасы, облыстық отбасылық-демографиялық саясат жөніндегі комиссияның мүшесі, сыбайлас жемқорлыққа қарсы іс-қимыл агенттігінің облыстық департаменті жанындағы арнайы мониторингтік топ мүшесі. &nbsp; &nbsp;Жұбайы Айнұр – көпбалалы ана, &nbsp;күміс алқа иегері. Екеуі 6 бала &nbsp;тәрбиелеп, ата-анасына қамқор болып отырған өнегелі отбасы. Отбасының ұстанымы тәрбиесі ерекше. Алғашқы кезекте өмірге әкелген перзенттерін жан-жақты тәрбиелеуге ұмтылады. Соның арқасында балалары өнермен қоса, спортпен де айналысып, мектептегі қоғамдық жұмысқа белсене араласады. Бір қуанарлығы, үлгілі отбасындағы балалар спорттың бірнеше түрімен айналысады. Олар өнерден де құралақан емес. Талай сайысқа қатысып, жеңіске жеткен. Қоршаған ортаны қорғап, күтіп баптау да бұл отбасына жат емес. Өз ауласын жасыл желекке айналдырып, аяқсу келмесе де, бау-бақшасын жайқалтып отыр. &nbsp;Үлкен қыздары Дариға зияткерлік мектеп оқушысы, америкалық «FLEX» бағдарламасы арқылы 1 жыл тегін оқу грантының иегері атанды. Екінші қызы Фарида халықаралық «Музыкальное созвездие» байқауының 1 орын иегері. Ұлы Ахмет қалалық велоспорт жарысының &nbsp;жүлдегері болса, екінші ұлы Ерсейіт қалалық «Үздік аула-2022» конкурсының «Ең жас бағбан» номинациясының иегері.Мәрттігімен айналасына шара¬патын тигізіп отырған Сәбит Сұлтан көп балалы отбасынан шыққан. Өмірдің ащы-тұщысын терең зерделейді. Оның бала күнгі арманы айналасындағы тұрмыс тауқыметіне ұшыраған жандарға қол ұшын созып көмектесу. Бүгінде өзі секілді он жігітті ұйымдастырып, үш жыл ішінде үш отбасыға баспана сыйлаған. Он жігіт, он түрлі саланың өкілі. Жомарт жандар ай сайын жалақыларынан түскен табыстан қайырымдылық жәшігіне қаражат жинайды. Асып-тасып бара жатқан дәулеті жоқ, бірақ жүректерінде мейірім мен иман байлығы бар азаматтар тұрмысы төмен отбасы¬ларына көмек беріп келеді.Жомарт жандар пәтерден-пәтерге &nbsp;жан сауғалап жүрген, өзі де, балалары да сырқат &nbsp;Нұргүл Боранбаеваға қала орталығынан 2 бөлмелі пәтер алып берді. 38 жастағы Нұргүл көз мүгедегі, 5 баласының мүмкіндігі шектеулі. Тағы мұнан бөлек, Аружан есімді қыз «Facebook» әлеуметтік желісі арқылы отбасындағы жағдайды баяндап, баспана алып беруге көмек сұрайды. Аружанның әкесі қайтыс болған. Ал анасы онкологиялық аурумен ауырады. Әлеуметтік жағдайы төмен. Көпбалалы отбасы 6 баланы тәрбиелеп, 1 баспанаға қол жеткізе алмай қиналып жүргенін көріп, Аружанның отбасына Сәбит бастаған команда қала орталығынан 3 бөлмелі пәтердің кілтін табыс еткен. Қазіргідей қиын жағдайда тығырықтан шығарып, көмек берген жомарт жігіттерге Аружанның алғысы шексіз. Тағы бір отбасын қанатының астына алған Сәбит бастаған жомарт азаматтар жалғызбасты Мәдина есімді келіншекке 2 бөлмелі жылы да, жайлы пәтер сыйлаған. «Оның қызы Айзере үйдегі мүгедек інісіне массаж жасап, сабағын оқып, ал кешкілік анасына тегеш-тегеш қамыр илеуге көмектеседі екен. Олар самса пісіріп, күнелтеді. Айзереден «кім болғың келеді?» деп сұрағам, ол құлағыма: «массажист» деп сыбырлады. «Неге?» деген сауалыма: «інім Айсұлтанды емдеп, аяққа тұрғызсам деймін» деді. Бұл сөзді естігенде көзіме еріксіз &nbsp;жас&nbsp;келді. Ол қыз болып әдемі көйлек туралы армандамайды, оның ойы – бауырының амандығы», – дейді біздің кейіпкеріміз ұлағатты отбасының ұйытқысы Сәбит Сұлтан.Қазақтың қара шаңырағының қасиетін, отбасылық одақтың бүтіндігін қастерлеп, кейінгі ұрпаққа ұлағатпен жеткізіп отырған Сұлтановтар отбасы қарапайымдылығымен ерекшеленеді. Ал қарапайымдылық, ізгіліқ қасиетті Алла жүрегі кең, адамгерші¬лігі мол, ақылы кемел, жан сарайы таза жандарға сыйға тартады.&nbsp;Сұлтановтар отбасында ұлттық болмысын қастерлейтін, өнерін бағалайтын, халқымыздың сан ғасырлық ғұрпын ұстанған ұрпақтар өсіп келеді. &nbsp;Осындай үрдіс әр шаңыраққа дарып, құт қонған мерейлі отбасылар көбейсе дейміз. Біздің елдің асыл мұраты &nbsp;да осы.

Жомарттық ақшада емес жүректе

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының қоғамдық даму басқармасының ұйымдастыруымен жергілікті журналистер арасында өткен «Мемлекеттік тіл және БАҚ» атты облыстық байқауының жүлдегерлері марапатталды.Байқаудың негізгі мақсаты - мемлекеттік тіл саясатын бұқаралық ақпарат құралдарында насихаттау жұмыстарын жандандыру, мемлекеттік тілдің өзекті мәселелеріне арналған мақалалар, бағдарламалар арқылы отандастарымыздың танымын кеңейту.Басқарма басшысының орынбасары А. Қамбаров кіріспе сөз сөйлеп, журналистерді алда келе жатқан кәсіби мерекелерімен құттықтап, еңбектеріне табыс тіледі.Байқауға қатысушылардың материалдарын Қазақстан Жазушылар одағы облыстық филиалының төрағасы, сарапшы журналист Қ. Есімсейітова бастаған қазылар алқасы сараптаудан өткізді.Сараптау алқасының төрағасы Қаршыға Құрмашқызы мемлекеттік тіл тақырыбына жазылған мақалалардың деңгейі туралы өз пікірін ортаға салды.Байқау қорытындысымен І орынға «Тіршілік тынысы» газетінің бас редакторы, жас ақын Ақтөре Ибрагимұлы, ІІ орынға Арал ауданының құрметті журналисі Жаңабай Кемал, ІІІ орынға «Жалағаш жаршысы» газеті бас редакторының орынбасары Жазкен Жандос Махмұтұлы лайықты болып табылды. Ал, ынталандыру сыйлығына «Qyzylorda» телеарнасының тілшісі Әшекова Гүлай Әбдуманапқызы, Арал аудандық «Толқын» қоғамдық-саяси газетінің тілшісі Жолдасов Оңталап Жексембайұлы, «Жаңақорған тынысы» газетінің тілшісі Патенова Мақпал Марқабайқызы, «Қызылорда ньюс» ақпарат агенттігінің тілшісі Кенжеғұлова Мөлдір Сабыржанқызы ие болды. Байқау жүлдегерлері басқарма басшысының Алғыс хатымен және естелік сыйлықтармен марапатталды.Барша марапат иелерін құттықтай отырып, ұлт мүддесі жолындағы еңбектеріне табыс тілейміз!<img src="https://knadmin.beoblood.kz/uploads/449032605_1581906349034096_5970180283062648745_n_1b72308203.jpg" alt="449032605_1581906349034096_5970180283062648745_n.jpg"><img src="https://knadmin.beoblood.kz/uploads/448934328_1581906342367430_7164502550547250062_n_b56f2a7e9b.jpg" alt="448934328_1581906342367430_7164502550547250062_n.jpg">

«Мемлекеттік тіл және БАҚ» атты облыстық байқаудың жеңімпаздары марапатталды

<a href="https://kyzylorda-news.kz/">Kyzylorda-news.kz</a>&nbsp; Әдетте өнер адамы туралы сөз қозғап, сол туралы оқырманға ойыңды жеткізу, оның жандүниесін толық түсінбей қалам тербеу қиынның қиыны. Ал әннің құпия, сұлу, сиқырлы әуезін жеткізу екінің бірінің қолынан келе бермейтін дарын. Біз айтқалы отырған өнер иесінің таланты мен сазгерлік қасиеті бір бөлек, ерекше тұлға. Бүгінде шығармашылығында 80-ге жуық әндері бар Сыр елінің дарынды тумасы Керекжан Құлмырзаевты танымайтындар кемде-кем.Киелі Қармақшы топырағында туылып, талантымен талайды таңқалдырып жүрген өнер иесінің есімі тек ел-жұртқа емес, әнсүйер қауымға «Қармақшым», «Мені ойла», «Ғашық жыры», «Көктем қыз», «Анашым», «Дос сағынышы», «Сағынамын сұлуым», «Ақ бөпешім», «Балапаным», «Жолықпаңыз», «Той жыры» сынды әндерімен жақсы таныс. Алдыңғы буын ағалар дәстүрін жалғастырып, әуелетіп әуен жазып, халықты ән құшағына бөлеп жүрген ағамыздың қай шығармасы болмасын тамаша күймен тыныстатып, сезім сиқырына баурап әкетеді. Композитор жазған әндер тақырыптарының ауқымы кең. Лирикалық сарын, баяу әрі ырғақты. Қолындағы баянымен сызылтып ән салғанда көпшілік шын ықыласпен тыңдайды.Керекжан Қожанұлы жастайынан музыкаға әуес болған. 3-4 жасында ән айтуды бастаған. Нағашыларында домбырашы, сырнайшы Шалқар деген кісі болса керек. Ең әуелі сол кісінің бір тілді гармонын дырылдытып тартып, кейін баян аспабында ойнауды Байдрахман жездесінен үйренеді.<blockquote>– 7 сынып оқып жүргенімде мәдениет үйінің қызметкері Базарбай Жүсіповтың сүйемелдеуімен сахнада ән айта бастадым. Баян, домбыра, гитара аспаптарында еркін ойнап, оркестр құрамында болдым. Кейін аудандық мәдени шараларға қатысып, ел-жұртқа танылдым, – дейді сазгер.</blockquote>1978 жылы Н.Гоголь атын­дағы Қызылорда педагогикалық ин­сти­­тутының «Музыка және ән» фа­культетіне түскен ол, сол кезден-ақ өнер жолында шабыты шыңдала бастайды. Облыстағы «Сыр сұлуы» ансамблінің белді мүшесі болады. 1980 жылы Ақтөбе қаласында өткен әншілер байқауында лауреат атанады. Институтты бітіргеннен кейін өзі оқыған мектепке ән-әуез пәні мұғалімі болып жұмысқа орналасады. Кейін еңбекқорлығымен көзге түсіп 1983 жылы аудандық мәдениет үйінің директорлық қызметіне тағайындалады. Осыдан кейін Керекжан Құлмырзаевтың творчестволық өмірі басталып, үлкен байқауларда биіктен көрінеді. 1987 жылы Алматы қаласында өткен Бүкілодақтық халық шығармашылығы фестивалінде лауреат атағын алады. Ауданда Жарқын Шәкәрімовтың ұйымдастыруымен «Жетіасар» фольклорлық ансамблі құрылып, ансамбльде Керекжанның орындауында орыстың халық әні «Метелица», Сегіз серінің әні «Ақбақай», Жаяу Мұсаның «Ақ сиса», Н.Тілендиевтің әні «Жан сәулем» республикалық телевидениенің «Алтын қорына» жазылады.Сазгердің шығармашылығында бүгінде 80-ге жуық әндері бар. Әндерінің басым көпшілігі жергілікті ақындар Қали Шыңғысов, Дастан Нәзікбаев, Серік Ыдырысов, Нағима Торманова, Тұрман Омаров, Гүлнар Есенсейітова, Мейрамбек Әбжатов, Тілеген Бекарыстанов, Сәнтөре Пірманов, Алтай Үсенов, Ордабек Өткелбай, Төлеген Айбергеновтың өлеңдеріне жазылған. Ал әндерін әнші Толқын Ізімбетова, Самал Ұзақбаева, Жанат Ермағанбетова, Ләйла Байқожаевалар орындап жүр.Әуесқой композитор өзінің асқаралы 60 жас мерейтойында Тәуелсіздіктің 25 жылдығына орай «Сыр Сұлуым – ән бағым» атты ән кешін өткізіп, жиырмаға жуық әнін көпшілікке паш еткен.Композитор өткен жылдың соңында&nbsp;Қазақстан Республикасының қоғам қайраткері» атты республикалық байқаудың жеңімпазы атанды. Қазақстан Республикасы «Bilim-Orkenieti» ұлттық инновациялық ғылыми-зерттеу орталығы ұйымдастырған байқау Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Жолдауының негізінде өткен. Байқаудың ережесі бойынша композитордың осы уақытқа дейінгі еңбек жолы, шығармашылығы, жеткен жетістіктері сарапқа салынып, қазылар алқасының шешімімен талапқа сай деп танылған.<blockquote>– «Талант тас жарады, тас жармаса бас жарады» деген. Бала кезден бойға біткен дарынның арқасында өнер иесі атандым. Еңбек жолында жүріп, шығармашылықпен айналысып, көптеген әнім өмірге келді. Талай ауданның өнерпаздарымен күннің ыстық-суығына қарамай далада концерт қойып, ауызбіршілікпен жұмыс істедік. Оның өзі мен үшін бір үлкен естелік, тарих.&nbsp;Міне осы атқарған еңбегім, жетістіктерімнің арқасында байқаудан жеңімпаз атандым. Оның өзі маған үлкен шабыт. Әлі де шығармашылығымды жалғастыратын боламын, – дейді өнер иесі.</blockquote>«Ақылың болса, ән тыңда» деген халық даналығы бекер айтылмаған. Ән – адамның жан дүниесін нұрландырып, қуанышқа бөлеп, рухты көтереді. Тамаша әндерді өмірге әкелген, сазгер Керекжан Құлмырзаевтың шығармашылығы міне, осындай әнге бай.Ерсін СӘДУҰЛЫ

Талантымен талайды таңқалдырған өнер иесі

<a href="https://kyzylorda-news.kz/">Kyzylorda-news.kz</a> &nbsp;Арал аудандық орталық кітапханада отандық әдебиетке деген қызығушылықты арттыруға, жұртшылықты оқуға ынталандыруға, отандық авторлар мен кітап шығарушыларды қолдауға бағытталған «Кітап-Amanat» жобасы аясында Аралдың төл перзенті, қарымды қаламгер қажырлы еңбек, арлы қаламымен, талайды тамсантып, қазақ деген халықтың басынан өткен аумалы-төкпелі заманның суретін шұрайлы тілімен, кемел ойымен кестелеген көркем әдебиет алыбы, көрнекті жазушы Əбдіжəміл Нұрпейісовтің 100 жылдық мерейтойына орай «Әдебиет әлемінің абызы» атты әдеби конференция өткізілді.Туған жерін тіршілігіне темірқазық етіп ұстаған, өмір бойы кіндік қаны тамған жерді шығармаларына арқау етіп келе жатқан қазақтың қабырғалы жазушысы Әбдіжәміл Нұрпейісовтің өмір жолы мен шығармашылығына арналған тағылымды кешке ауданның зиялы қауым өкілдері, жергілікті ақын жазушылар және оқырмандар қатысты.«Аманат» партиясы аудандық филиалының атқарушы хатшысы Талғат Қанатов жазушының руханият әлеміндегі орны мен әдеби дамуға қосқан үлесі туралы айтып, әдеби конференцияны ашып берді .Конференция барысында ОКЖ директоры Ж.Алишева «Аралдың асыл абызы», Мәдениет саласының ардагері,өлкетанушы Ж.Төребеков «Адамзат тағдырының жаршысы», Қалалық №1 кітапхана меңгерушісі Мергенбаева Айгүл «Ғасыр жасаған ғажап ғұмыр», №262 мектеп мұғалімі Ақбергенова Айгүл «Қаламгер және қаһарман» тақырыптарын ашып, жазушының өмір жолы мен шығармашылығы,ерекше қасиеттері мен қаламгерлік тұлғасы, артына қалдырған мол мұралары туралы кеңінен таныстырып өтті. Жергілікті ақын-журналистер Ж.Жақып,Т.Абылаев, А.Елеш жазушы туралы естеліктерімен бөлісіп, Е.Абдулла өзінің жазушыға арнаған жаңа «Бел-Аран» атты өлеңін оқып берді.Аудандық мәдениет орталығының термешілері Жоламанов Асқар Шолпан Балманованың Әбдіжәміл Нұрпейісовке арнауын орындаса, Ізекешова Зәуреш Әбілхан Махановтың "Аралым айдын шалқарым" термесін орындап,шараның шырайын келтірді.Шара аясында «Ғасыр шежіресі» атты кең көлемді, мазмұнды кітап көрмесі ұйымдастырылып, оқырман назарына ұсынылды.

«Әдебиет әлемінің абызы» атты конференция өтті

<a href="https://kyzylorda-news.kz/">Kyzylorda-news.kz</a> Әлемдік және дәстүрлі діндер лидерлері Съезіне биыл 20 жыл. 20 жыл уақытта Қазақстан өзінің бірлікке бастар саясатын әлемге мойындатып үлгерді. Астана - азды-көпті жаһандық дау-дамайларды шешетін диалог орталығына айналды. Осылайша, әлемге бейбіт елдің үлгісін көрсетті.2022 жылдың күзінде &nbsp;Съездің VII шақырылымы өтті. Дәл сол сәтте Қазақстан әлемнің назарында болды. Себебі, бұл кезекті жиынға 50-ден астам елден 100-ден аса делегация қатысты. Олардың ішінде, форумға Рим Папасы Франциск, Әл-Азхардың Жоғарғы имамы Ахмед Мохаммед Ахмед ат-Тайеб, Иерусалим Патриархы III Теофил, Ашкеназдың бас раввині Давид Лау, Израильдің Бас сефард раввині Ицхак Иосифтің және басқа да діни жетекшілер, сондай-ақ бірқатар халықаралық ұйымның өкілдері қатысты. Ислам, христиан, буддизм, иудаизм, индуизм, даосизм, зороастризм, синтоизм секілді бірнеше дін өкілдерін бір дөңгелек үстел үстіне жинаған шара, әлбетте әлем тарихында қалары сөзсіз. Үстел басына жиналған дін өкілдеріне ортақ бір ғана мақсат бар. Ол – барлық адамзатқа ортақ адамгершілік қағидатын насихаттау, тату болу.VII Съезд 4 секциялық отырыстан құралды. Бұл жолы қоғам назарын аудартқан «Әйелдердің қазіргі қоғамның әл-ауқаты мен тұрақты дамуына қосқан үлесі және әйелдердің әлеуметтік мәртебесін қолдаудағы діни қауымдастықтардың рөлі» тақырыбындағы 4 секциялық отырыс болды.Дәстүрлі дала мәдениетінде қазақ әйелдері өздерінің отбасылық қана емес, қоғам мүшесі ретіндегі әлеуетін өнер-білім саласында, сондай-ақ, қоғам кайраткерлері ретінде көрсетіп, өзін-өзі дамытуға мүмкіндігі болды. Қазақы ортада қарақан бастан гөрі отбасылық мүдденің жоғары тұруы әйелдердің қоғамдық-әлеуметтік белсенділігіне кедергі болған жоқ: өнер саласында атағы жалпақ жұртқа жайылған белгілі әншілер, ақындар, майталман күйшілер болды. Тарихта болған Болған ана, Домалақ ана, Дарабоз ана, Қарқабат ана, Қызай ана, Найман ана, Ұлпан аналар - рулы елдің бүтіндігіне қызмет еткен қайраткер тұлғалар болса, Қарқабат, Абақ, Қызай т.б. аналар рулы елдің ұранына айналып (Е.Мүсірепов), сол рудың атына негіз болды.Осылайша, қазақ әлімсақтан әйелдің, ананың қоғамдағы ролін жоғары бағалаған деген тұжырым жасауға толық негіз бар. Бүгінде әйелдердің рөлі бала тәрбиелеумен, үй шаруашылығын жүргізумен шектеліп қана қоймайды. &nbsp;Содан болар, қазіргі уақытта әйелдердің ролінен бөлек, олардың білім-көкжиегіне қыз бала кезінен аса назар аударылып жүр. «Ұлға білім берсең, сауатты ер шығады, қызға білім берсең, сауатты ел шығады» деген тәмсілдің халық арасында кеңінен таралып кеткені көңіл қуантады.Демек, бұл өркениетті көшке ілескен қазақ қоғамында да тақырып жөнінде өзгеріс табы байқалады.Қалай десекте қазақ халқы әйел затын аса ыждақатпен құрметтегенін жоққа шығаруға болмайды.Тәуелсiздiк жылдaрында Қaзақстан гендерлік сaясатты жүзеге асыру жолында белгілі бір жетістіктерге жетті. Бірінші кезекте бұл әйелдердін мүмкіндіктерін дамытуда, ер азаматтар мен әйел азаматтарының еңбек жағдайларының теңдесуі.Гендерлік теңдік идеясы «Әйелдердің дамуы» атты БҰҰ бағдарламасында белгіленген, оның негізгі ережелері, әйел – бұл әлемдік қоғамның экономикалық дауына өзінің шешуші жарнасын жасауға қабілетті, адамзаттың қолданылмаған ресурсы ретінде қаралады. Ал біздің еліміздегі гендірлік теңдік саясатының міндеттері билік құрылымына әйелдер мен ерлердің тең қатысуы, экономикалық тәуелсіздік үшін тең мүмкіндіктерді қамтамасыз ету, отбасындағы тең құқықтар мен міндеттер үшін талаптар құру, жыныс белгілері бойынша күштеу бостандығы, біздің қоғамымыздың дамуында әйелдердің рөлін бұдан әрі дамыту үшін жаңа мүмкіндіктер ашатын шешімдер қабылдау болып табылады.Дін көшбасшыларының секциялық отырыста бұл тақырыпқа аса мән беріп, әйелдердің қазіргі қоғамның әл-ауқаты мен тұрақты дамуына қосқан үлесі және әлеуметтік мәртебесін қолдаудағы діни қауымдастықтардың рөлін айқындағаны қуантарлық жайт.2023 жылғы 11 қазанда Астанада Әлемдік және дәстүрлі діндер лидерлері Съезі Хатшылығының ХХІ отырысы өтті. Бұл жылы да Қазақстан бір дөңгелек үстел басына ислам, христиан, иудаизм, буддизм, даосизм, синтоизм, индуизм, бахаи, және басқа да діндердің діни жетекшілерін, сондай-ақ 23 елдің саяси қайраткерлері мен халықаралық ұйымдардың өкілдерін жинады.Қоғамдағы өзекті тақырыптарды қамтыған XXI Хатшылықта &nbsp;қатысушылар Әлемдік және дәстүрлі діндер лидерлері Съезінің 2023-2033 жылдарға арналған «Діни лидерлер әділ және қауіпсіз әлем үшін» даму Тұжырымдамасын бекітті.Бұл Тұжырымдамада астын сызып мән беретін тақарыптардың бірегейі, басымдықты жастарға беру.Атап айтқанда, Съездер бағдарламасында Жас діни лидерлер форумын, сондай-ақ жас рухани қайраткерлер мен зайырлы жастардың қатысуымен басқа да іс-шараларды (секциялық отырыстарды) өткізу көзделетін болады. Жас лидерлерді Съезд қызметіне тарту алдағы жылдары өркениетаралық және конфессияаралық диалог дәстүрлерін сақтаудың кепілі болып табылады.Съездің құрылымдары қазіргі жас ұрпақты толғандыратын мәселелерді шешу үшін халықаралық жастар диалогы мен ынтымақтастықты дамытуға ықпал ететін болады. Съезд құрылымдары дінаралық және мәдениетаралық өзара түсіністікті ілгерілету мақсатында діни және зайырлы жастар ұйымдарымен, соның ішінде AIESEC, SIFE, Жастар түсіністігі үшін, Халықаралық жастар палатасы, Еуропалық құқық студенттері қауымдастығымен (ELSA) және басқа да ұйымдармен ынтымақтасатын болады. Осы мақсатта Съезд аясында жастар ұйымдары өкілдерінің қатысуымен түрлі іс-шаралар өткізіледі деп жоспарлануда. &nbsp;Съезге қатысушылар жастарды экстремистік идеологиялардың ықпалынан қорғап қалуды маңызды міндет деп санайды және жастар ортасында радикализмнің таралуына қарсы тұру кезінде халықаралық қоғамдастықтарға және ұлттық үкіметтерге жәрдем көрсетеді.Жалпы, бұл Тұжырымдама адамзаттың ең өзекті мәселелерін шешу үшін діни көшбасшылардың күш-жігерін біріктіру арқылы форумның алдағы жылдардағы дамуының жаңартылған көзқарасын ұсынады. Логикалық тұрғыдан, бұл идеяның оң екеніне анық көз жеткізуге болады. Себебі, жеңіс, күш бірлік болған жерде ғана болады.Н.ӨрғараКонфессияаралық және өркениетаралық диалогты дамыту жөніндегі&nbsp;Н.Назарбаев орталығының бас консультант

Қазақстан және Қызылорда облысының жаңалықтары: Мәдениет