<a href="https://kyzylorda-news.kz/">Kyzylorda-news.kz</a>. Қазақ фильмінің алтын қорынан елеулі орын алған “Тақиялы періште” фильмінде Тайлақтың рөлін сомадаған Әлімғазы Райымбеков дүниеден өтті, деп хабарлайды&nbsp;<a href="https://sputnik.kz/">Sputnik Қазақстан</a>.
Қаралы хабарды “Қазақфильм” киностудиясы растады.
Әлімғазы Райымбеков 85 жасында дүниеден өтті. Ол&nbsp;1936 жылы 1 желтоқсанда Алматы облысында дүниеге келген.
Совхозда көлік жүргізушісі болып қызмет еткен. Содан кейін 1965 жылы алғашқы “Ән қанатында” фильміне шақырту алды.
1966 жылы “Қилы кезең” фильміне түсті.
1968 жылы “Тақиялы періште” кинофильміндегі Тайлақтың рөлін сомдады. Осы кезден бастап жұртшылыққа кеңінен таныла бастады. Фильмнің режиссері – Шәкен Айманов.
1978 жылы “Қан мен тер” фильмінде эпизоттағы рөлді сомдаған.
Саналы ғұмырында барлығы 12 кинофильмге түскен.
Әлімғазы Райымбеков Алматы облысының құрметті азаматы, 2016 жылы мәдениет және спорт министрлігінің құрмет грамотасымен марапатталды.

Қазақтың Тайлағы дүниеден өтті

<a href="https://kyzylorda-news.kz/">Kyzylorda-news.kz</a>.&nbsp; АҚШ президенті Джо Байденнің инагурациялау апталығының ашылуына арналған салтанатты <a href="https://dimashnews.com/dimash-sister-cities-international-is-sharasynda-oner-korsetti/">іс-шара</a> өтті. Онда Димаш қазақтың «Самалтау» халық әнін орындады.
Дәстүр бойынша салтанатты шараны бауырлас қалалардың халықаралық қауымдастығы –&nbsp;<a href="https://sistercities.org/">Sister Cities International</a>&nbsp;ұйымы өткізді.
Коронавирустық инфекцияның пандемиясына байланысты биыл шара онлайн-режимде өтті.
Мерекеде белгілі спикерлер мен орындаушылар сөз сөйледі, олардың ішінде: губернатор Билл Анабутти, Джозефина Биверс, генерал-майор Армандо Кабада, конгрессмен Элеонора Холмс Нортон, майор Тим Келлер, сенатор Боб Менендез, АҚШ теңіз оркестрі, Кэрол Робертсон Лопез және басқалар бар.
Салтанатты рәсім кезінде Димаш қазақтың халық әні «Самалтауды» орындады. Бұл АҚШ-тың сайланған президентін инагурациялау апталығын ашатын іс-шарада Sister Cities International мен АҚШ және Қазақстан қарым-қатынасының бүкіл тарихында Қазақстаннан алғаш рет әртіс қатысқан кез болды.
Димаш SCI өкілдеріне шақырғандары үшін алғысын білдірді.
Sister Cities International бас директоры Лерой Аллала өз кезегінде қазақстандық орындаушының шығармашылығы адамдарды, олардың мәдениеті мен тілін біріктіретінін атап өтті. Мұның бәрі Президент Эйзенхауэрдің елдер арасында бейбіт қарым-қатынас орнату туралы көзқарасының ажырамас бөлігі болып табылады.
Сонымен қатар Димаштың 20 қаңтарда&nbsp;<a href="https://sistercities.org/">Sister Cities International</a>&nbsp;ресми сайтында тағы бір ән орындауы көрсетілетіндігі жарияланды.
Бір аптаға созылатын мерекелердің ортасында DimashNews редакциясы SCI бас директоры Леро Аллалмен кездесуге мүмкіндік берді, оның ұйымы өткізетін салтанатты іс-шара туралы көбірек білуге мүмкіндік алды.

Димаш АҚШ президентін ұлықтау апталығының ашылу салтанатында ән шырқады (ВИДЕО)

<a href="https://kyzylorda-news.kz/">Kyzylorda-news.kz</a>.&nbsp; Мәнерлеп сырғанаушы Элизабет Тұрсынбаева Димаш Құдайбергеннің әніне Бурабай көлінде би билеп, көпшіліктің қошеметіне ие болып жатыр.
<blockquote>
 «Кеше тұңғыш рет Бурабайға барып қайттым. Тұмса табиғаттың көркін тамсанумен бірге уақытты жақсы өткіздім. Армандарымның бірі орындалды: мен көлде Димаш Құдайбергеннің «Біл» әнінің сүйемелдеуімен би биледім. Кейінгі кезде сол ән санамда сайрап тұратын болыпты», – деп жазды мәнерлеп сырғанаушы&nbsp;<a href="https://www.instagram.com/p/CJ582IUpdnQ/">Instagram</a>&nbsp;парақшасында.
</blockquote>
Элизабет Тұрсынбаеваның жанкүйерлері жазба астында жағымды пікір қалдырып жатыр. Керемет көрініс, ертегідегідей деген пікірлерді көріп, бидің көпшілікке ұнағанын аңғаруға болады.

Элизабет Тұрсынбаева Бурабайда мұз үстінде Димаштың әніне би биледі

<a href="https://kyzylorda-news.kz/">Kyzylorda-news.kz</a>. Қызылордада облыстық “Рухани жаңғыру” және Қызылорда Халық шығармашылық орталығының қызметкерлері Президент Қасым-Жомарт Тоқаевтың “Тәуелсіздік бәрінен қымбат” атты мақаласы талқылап, негізгі бағыттарына тоқталды.
Жиында қос орталықтың қызметкерлері мақалада айтылған басым бағыттар мен міндеттерді жүзеге асыру мақсатында атқаратын жоспарларын ортаға салды.
“Рухани жаңғыру” орталығының басшысы Уәлихан Ибраев жастар бойына ұлттық құндылықтарымызды сіңіріп, тәуелсіздіктің қадір-қаиетін арттыруға аянбай үлес қосуымыз керектігін баса айтты.
<blockquote>
 Орталық қызметкері, тарихшы Жайна Сыдықова бұл орайда: “Жастар арасында батырлар жыры, дастандар, толғауларды талдау арқылы жергілікті жердегі жер-су атаулары, тарихи оқиғалар мен тұлғалар туралы тарихи танымды қалыптастыру қажет. Жергілікті архивтерде сақталған құжаттармен жүйелі жұмыс жасау, Сыр бойындағы тарихи орындар мен аңыздар негізінде балаларға арналған танымдық кітапшалар мен фильмдер дайындау ісін нақты қолға алған жөн”, – деген ұсынысын білдірді.
</blockquote>
Ал, Қызылорда облыстық Халық шығармашылық орталығының директоры Жанат Ашанқызы мақала міндеттейтін шараларды тілге тиек етіп, бойына ұлттық болмысымызды сіңіріп өскен ұрпақ тәрбиелеу басты міндет екенін жеткізді.
<blockquote>
 “Президент мақаласындағы: “Наурыз мейрамын атап өту тұжырымдамасын жасап, көктем мерекесінің мазмұнын байыта түскен жөн. Бүкіл қоғамды ұйыстыратын құндылықтар неғұрлым көп болса, бірлігіміз де соғұрлым бекем болады” деп атап өткен сөзіне үлкен мән беріп, осы бағытта үлкен жұмыстар қолға алынуы керек”, – деді Жанат Ашанқызы.
</blockquote>
Облыстағы маңызды қос орталықтың қызметкерлері жиын соңында Мемлекет басшысы мақаласындағы айтылған дүниелерді іске асыруда бірлесе жұмыс жасауға уағдаласып, тарқасты.
<img src="https://kyzylorda-news.kz/wp-content/uploads/2021/01/whatsapp-image-2021-01-11-at-18.46.53.jpeg" alt="" />
<img src="https://kyzylorda-news.kz/wp-content/uploads/2021/01/whatsapp-image-2021-01-11-at-18.46.51.jpeg" alt="" />
<img src="https://kyzylorda-news.kz/wp-content/uploads/2021/01/whatsapp-image-2021-01-11-at-18.46.52.jpeg" alt="" />

Қызылордада орталық қызметкерлері Президент мақаласы туралы пікір алмасты

<a href="https://kyzylorda-news.kz/">Kyzylorda-news.kz.</a> Мемлекет басшысы қазақ тілін білмейтін азаматтарға үндеу жасады. Қасым-Жомарт Тоқаев бұл туралы <a href="https://egemen.kz/article/260146-tauelsizdik-barinen-qymbat">“Егемен Қазақстан”</a>&nbsp;газетінде жарияланған “Тәуелсіздік бәрінен қымбат” атты мақаласында қозғады.
Президент ниет пен ынта болса, ана тілді қысқа уақытта меңгеріп шығуға болады дейді. Сондай-ақ мемлекеттік тілді білу – Қазақстанның әрбір азаматының парызы, тіпті, міндеті екенін айтты.
<blockquote>
 “Осы орайда мен барша қазақстандықтарға, оның ішінде қазақ тілін әлі жете меңгермеген отандастарыма үндеу тастағым келеді. Жастар ағылшын тілін немесе басқа да тілдерді аз ғана уақытта меңгере алатынын көріп отырмыз. Тұтас буын алмасқан осы жылдарда қазақ тілін үйренгісі келген адам оны әлдеқашан біліп шығар еді. Халқымызда “Ештен кеш жақсы” деген сөз бар. Ең бастысы, ынта болуы керек”, – деді Президент.&nbsp;
</blockquote>
Мемлекет басшысы қазақ тілді кеңінен қолдану басқа тілдерге, әсіресе орыс тіліне шектеу қойылады дегенді білдірмейтінін атап өтті. Барша этнос өкілдерінің ана тілін, салт-дәстүрін дамытуға мүмкіндік жасала береді. Жастар бірнеше тіл білу өздерінің көкжиегін кеңейтіп, көкірек көзін оятатынын жете түсінгені абзал.&nbsp;
<blockquote>
 “Бүгінде мемлекеттік тілді білетін қазақтың да, өзге этнос өкілдерінің де үлесі едәуір артты. Қазақ тілін, шын мәнінде, бүкіл халқымызды біріктіруші факторға айналдырудың барлық құқықтық тәсілдері және кепілдіктері қалыптасты. Мәселе – ниетте. Ниеттің дұрыс болуы қазақ тілін меңгергісі келетін адамдарға да, осы мақсатқа жетуге жағдай жасайтын Үкіметке де байланысты”, – деді мемлекет басшысы.
</blockquote>
Президенттің айтуынша, тіл игеру үшін балалар әдебиетінің атқаратын рөлі зор. Сондықтан, қазақ қаламгерлерінің үздік шығармаларына қоса, балаларға арналған шетел жазушыларының да таңдаулы туындыларын аударып, көптеп басып шығаруды және таратуды қолға алған жөн. Оған сұраныс жоғары, деп түйіндеді Тоқаев.

Қасым-Жомарт Тоқаев үндеу жасады

Kyzylorda-news.kz. Мемлекет басшысы әнші, КСРО-ның халық әртісі Роза Бағланованың есімін мәңгі сақтау үшін шаралар қабылдауды тапсырды. Бұл туралы Касым-Жомарт Тоқаев Twitter-дегі парақшасында жазды.
<blockquote>
 «2022 жылдың 1 қаңтарында қазақтың бұлбұл әншісі Роза Бағланованың туғанына 100 жыл толады. Ол – Қазақстанның және КСРО-ның халық әртісі, Қазақстанның Халық қаһарманы. Майдан даласында ән салған Р.Бағланова қазіргі күнге дейін еліміздегі және шетелдегі ән сүйер қауым арасында кеңінен танымал. Оның есімін мәңгі сақтау үшін шаралар қабылдауды тапсырдым»,- делінген хабарламада.
</blockquote>
Роза Бағланова 1922 жылдың 1 қаңтарында Қызылорда облысының Қазалы қаласында дүниеге келген. 1941 жылы Қызылорда педагогикалық институтын бітірген. Ол 1955 жылы Қазақстанның және 1967 жылы бұрынғы КСРО халық артисі, 1996 жылы Халық қаһарманы атағын алған.

Тоқаев: Роза Бағланованың есімін мәңгі сақтау үшін шаралар қабылдауды тапсырдым

Kyzylorda-news.ru. Биыл мәдениет саласы үшін табысты жыл болды. Кеше ғана үшінші мәрте «Алтын домбыра» иегері атанған айтыскер ақын Мұхтар Ниязовтың жеңісі күллі Сыр жұртшылығына үлкен қуаныш сыйлады. ҚР Мәдениет және спорт вице-министрі мен айтыста қазылық еткен қазақ өнерінің майталмандары Сыр еліне арнайы келіп, Алтын домбыраны облыстық тарихи-өлкетану музейіне тапсыру шарасына қатысты.
Сонымен қатар, жыршы, Сыр сүлейлерінің ізбасары Күнсұлу Түрікпеннің «Дарын» мемлекеттік жастар сыйлығын иеленуі де дәстүрлі өнерді дәріптеу мақсатында Сыр мәдениетіне үлкен серпін берер игі жұмыстардың бірі болды.
Жыл басынан бері «Жұмыспен қамтудың 2020-2021 жылдарға арналған жол картасы» аясында мәдениет саласы бойынша 22 жоба жүзеге асырылып, бүгінде оның 20-сы аяқталды.
2020 жылдың наурыз айынан бастап 11 респбуликалық, 3 аймақтық, 60 облыстық байқау конкурстар онлайн форматта өткізілді.
Сондай-ақ, облыс мәдениет үйлері мен клубтардағы үйірме өнерпаздары шет елдерде өткен 13 халықаралық байқауға барлығы 80 өнерпаз қатысып, 45 өнерпаз жүлделі орынға ие болды.
Республика көлемінде өткізілген 26 халықаралық байқауға 50 өнерпаз қатысып, 43-і жүлделі орынды иеленді. 39 республикалық байқауға 90 өнерпаз қатысып, 57-і жеңімпаз атанып, арнайы дипломдармен марапатталды.
Жыл көлемінде облыс кітапханаларының кітап қоры 4 490 487 дананы құрап, 36 905 дана жаңа кітаппен толықты. Оның ішінде 29038 данасы қазақ тіліндегі әдебиеттер.
Есепті мерзімде облыс музейлерінде 5 625 экскурсия, 755 лекция, 548 көрме ұйымдастырылып, оған 155089 келуші қамтылды.
Н.Бекежанов атындағы қазақ академиялық музыкалық драма театрында есепті мерзімде 170 спектакль қойылса, оның ішінде 115 спектакль онлайн форматта, облыстық филармонияда өткізілген 160 концерттің 140-ы онлайн форматта өткізілді.
Театр репертуары биылғы жылы Думан Рамазанның «Абылай ханның арманы», Рахымжан Отарбаевтың «Нашақорлар жайлы новелла», Хұсейін Жүсіпұлының «Ешкімге керегі жоқ ауыл», Жан Мольердің «Ақымақ болған басым-ай» спектаклімен толықты.
«Рухани жаңғыру» бағдарламасы аясында тарихи-мәдени мұраларымызды сақтау, қорғау, пайдалану мақсатында ежелгі Бәбіш мола және ортағасырлық Сортөбе, Жанкент, Сығанақ, Қышқала, Асанас қалашықтарына қазба жұмыстары жүргізілді.
Биылғы жылғы үлкен жетістіктердің бірі Қазақстан Республикасы Мәдениет және спорт министрлігінің ұйымдастыруымен өткен «Рухани қазына» республикалық фестиваліне өңірімізден 14 мәдениет ұйымдары қатысып, 5 номинация бойынша үздік деп танылды.

Сыр мәдениеті үшін табысты жыл болды

2020: Қызылорда облысындағы елеулі оқиғалар

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp;Бүгін Нартай Бекежанов атындағы қазақ академиялық музыкалық драма театрында облыс әкімі Гүлшара Әбдіқалықованың қатысуымен «Алтын домбыраны» табыстау рәсімі болып өтті.
Шараға ҚР Мәдениет және спорт вице-министрі Нұрғиса Дәуешов, ақын, Қазақстанның еңбек сіңірген қайраткері Жүрсін Ерман, әнші, композитор Қазақстанның Халық әртісі Алтынбек Қоразбаев, халықаралық «Алаш» сыйлығының иегері, Қазақстан Жазушылар Одағы басқармасы төрағасының бірінші орынбасары Ғалым Жайлыбай және т.б. зиялы қауым өкілдері қатысты.
Шарада мәртебелі меймандар «Алтын домбыраны» айтыстың Ақтаңгері, үш мәрте «Алтын домбыра» иегері Мұхтар Ниязовқа табыстап, Сыр елінің өнері мен мәдениетіне құрмет білдірді. Ал, Мұхтар Ниязов өзіне тән жыр шумағымен «Алтын домбыраны» облыс әкіміне табыстады.
Аймақ басшысы Гүлшара Әбдіқалықова «Алтын домбыраның» Сыр жұрты үшін ерекше мақтаныш екенін айтып, айтыс Ақтаңгері Мұхтар Ниязовқа автокөлік кілтін тарту етті.
Айта кетейік, Сыр жеріне арнайы жеткен «Алтын домбыра» облыстық тарихи-өлкетану музейінің «Мәдениет және өнер» залына қойылатын болады.
<img src="https://kyzylorda-news.kz/wp-content/uploads/2020/12/132888901_898406637656502_7881923783495622262_o-1.jpg" alt="" />
<img src="https://kyzylorda-news.kz/wp-content/uploads/2020/12/132688985_898407080989791_7857761747942741142_o.jpg" alt="" />
<img src="https://kyzylorda-news.kz/wp-content/uploads/2020/12/133137278_898406670989832_7191725141525717173_o.jpg" alt="" />
<img src="https://kyzylorda-news.kz/wp-content/uploads/2020/12/132715506_898406707656495_4045038113315439511_o.jpg" alt="" />

Сыр еліне «Алтын домбыра» жетті

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы Назарбаев Зияткерлік мектебінің «Самға» би тобы Лондонда өткен халықаралық шығармашылық фестивалінде 1-орын иеленді.&nbsp;
Қашықтан ұйымдастырылған шарада көптеген мемлекеттің шығармашалық топтарымен бақ сынасқан жас зияткерлер қазақ биін орындап, үздік деп танылды.
Сондай-ақ, ұлттық өнерді әлемге танытуда&nbsp; 11-сынып оқушысы Баян Сарибаева жеке орындауда ерекшеленді. Польшаның&nbsp; «DIGI-TALENTY. JESIEN-2020» халықаралық фестивалінде «Қыз қиялы» атты&nbsp; би қойылымымен бірінші дәрежелі диплом иегері атанды.&nbsp;&nbsp;&nbsp;
Айта кетейік,&nbsp;«Самға» би тобы Зияткерлік мектеп жанынан құрылған. Бүгінде ұжымның 50-ден астам белсенді&nbsp; мүшесі&nbsp; әртүрлі жанрдағы хореографияны меңгеріп, мәдени мұраны насихаттап келеді.
Ұжымның жетекшілері кәсіби хореографтар Жұлдызай Мауленова мен Ақмарал Алибекова оқушылардың жан-жақты және шығармашылық потенциалын дамытуда зор үлес қосып келеді.
Балалардың талантын ашуда және ұлттық өнерді&nbsp; жаңғыртудағы еңбектері үшін педагогтары да ұйымдастырушылардың Алғыс хаттарымен марапатталды.
<img src="https://kyzylorda-news.kz/wp-content/uploads/2020/12/whatsapp-image-2020-12-22-at-16.44.47-1.jpeg" alt="" />

Қызылорда: «Самғаның» бишілері Польша мен АҚШ-та топ жарды

<a href="https://kyzylorda-news.kz/">Kyzylorda-news.kz.</a>&nbsp; Қазалы ауданына қарасты Бекарыстан би ауылында тарихта ерекше орны бар Асандар көтерілісінің 90 жылдығына арналған «Азаттықты аңсаған арыстарым» атты облыстық жыршы-термешілер фестивалі өтті.
Шараның шымылдығын аудан әкімі Мұрат Ергешбаев ашып, игі тілегін білдірді.
Сахна төріне көтерліген дүлділдер Өмірзақ Жанболат, Серік Жақсықұлов, Қуаңбаев Әділхан, Сүгірбай Марат, Бимбетова Шолпан, Сарсенбаева Майралар өте жоғары деңгейде өнер көрсетті.
Кеш соңында Қазалы ауданының мәдениет және тілдерді дамыту бөлімінің басшысы Болат Жолтаев сөз сөйледі:
<blockquote>
 “Осындай өнегелі жандардың өнерін өскелең ұрпаққа дәріптеп, насихаттау біздің парызымыз.Сондықтан бүгінгі шарада өнер көрсеткен өзіндік мақамы бар жыршы-жырауларға алғыс айтамыз. Өнер жолындағы асуларыңыз асқақтап, халықтың көзайымына айнала беріңіздер”, – деген аудандық мәдениет және тілдерді дамыту бөлімінің басшысы Болат Жолтаев фестивалге қатысушылардың барлығына да диплом мен арнайы қаржылай сыйлық табыстады.
</blockquote>
<img src="https://kyzylorda-news.kz/wp-content/uploads/2020/12/132190415_2780952558792583_7877252152979313050_o.jpg" alt="" />
<img src="https://kyzylorda-news.kz/wp-content/uploads/2020/12/132404939_2780952615459244_1882965876966801220_o.jpg" alt="" />

Қазалы ауданында облыстық жыршы-термешілер фестивалі өтті

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласы әкімдігінің қолдауымен өткен дүбірлі доданың финалдық кезеңі өз мәресіне жетті. Жаңа жобаның жаңа жұлдызы – қызылордалық Аягөз Аралбайқызы.
Айта кету керек, кеше «Қызылорда дауысы-2020» эстрада байқауы Қызылорда қаласында тұңғыш рет өтті. Конкурсқа 200-ден астам өнерпаз ниет білдіріп, арасынан 12 жүйрік іріктелген болатын.
<img src="https://kyzylorda-news.kz/wp-content/uploads/2020/12/qyzylorda-dawysy.jpg" alt="" />

Қазақстан және Қызылорда облысының жаңалықтары: Мәдениет

Қазақтың Тайлағы дүниеден өтті

Димаш АҚШ президентін ұлықтау апталығының ашылу салтанатында ән шырқады (ВИДЕО)

Элизабет Тұрсынбаева Бурабайда мұз үстінде Димаштың әніне би биледі

Қызылордада орталық қызметкерлері Президент мақаласы туралы пікір алмасты

Қасым-Жомарт Тоқаев үндеу жасады

Тоқаев: Роза Бағланованың есімін мәңгі сақтау үшін шаралар қабылдауды тапсырдым

Сыр мәдениеті үшін табысты жыл болды

2020: Қызылорда облысындағы елеулі оқиғалар

Сыр еліне «Алтын домбыра» жетті

Қызылорда: «Самғаның» бишілері Польша мен АҚШ-та топ жарды

Қазалы ауданында облыстық жыршы-термешілер фестивалі өтті

“Қызылорда дауысы” байқауының жеңімпазы анықталды

Қазақстан және Қызылорда облысының жаңалықтары: Мәдениет

Қазақтың Тайлағы дүниеден өтті

Димаш АҚШ президентін ұлықтау апталығының ашылу салтанатында ән шырқады (ВИДЕО)

Элизабет Тұрсынбаева Бурабайда мұз үстінде Димаштың әніне би биледі

Қызылордада орталық қызметкерлері Президент мақаласы туралы пікір алмасты

Қасым-Жомарт Тоқаев үндеу жасады

Тоқаев: Роза Бағланованың есімін мәңгі сақтау үшін шаралар қабылдауды тапсырдым

Сыр мәдениеті үшін табысты жыл болды

2020: Қызылорда облысындағы елеулі оқиғалар

Сыр еліне «Алтын домбыра» жетті

Қызылорда: «Самғаның» бишілері Польша мен АҚШ-та топ жарды

Қазалы ауданында облыстық жыршы-термешілер фестивалі өтті

&#8220;Қызылорда дауысы&#8221; байқауының жеңімпазы анықталды

“Қызылорда дауысы” байқауының жеңімпазы анықталды