Kyzylorda-news.kz. Бүгін&nbsp;жыр алыбы&nbsp;Жамбыл Жабаевтың 175 жылдық мерейтойын&nbsp;республика көлемінде&nbsp;ресми&nbsp;түрде&nbsp;<a href="https://turkystan.kz/article/140136-zhambyl-zhabaevty-175-zhyldy-mereytoyy-bastaldy/">мерекелеу басталды.</a>&nbsp;ҚР&nbsp;Мемлекеттік хатшысы&nbsp;Қырымбек Көшербаев елордадағы Жамбыл ескерткішіне гүл&nbsp;шоқтарын қойып, Қ.Қуанышбаев атындағы Мемлекеттік академиялық қазақ музыкалық драма театрының жаңа ғимаратында өткен мерейтойлық жылдың салтанатты ашылуына&nbsp;ресми тұлғалармен, мәдениет және ғылым қайраткерлерімен, Алматы және Жамбыл облыстарынан келген делегация өкілдерімен бірге қатысты.
<img src="https://turkystan.kz/wp-content/uploads/2021/02/foto-28.jpg" alt="foto 28" title="Жамбыл Жабаевтың 175 жылдық мерейтойы басталды 2" />
Мерекелік кештің қонақтары жаңа театр фойесінде ұйымдастырылған Жамбыл Жабаев мұражайының экспозициясымен танысты. Салтанатты іс-шара Жамбылдың 175 жылдығына арналған мерекелік концертпен жалғасты. Жамбылдың өмірі мен өнері туралы баяндама жасаған ҚР Мәдениет және спорт министрі Ақтоты Райымқұлова жиынды ашты. Қ.Қуанышбаев атындағы Мемлекеттік академиялық қазақ музыкалық драма театры мен «Астана Опера» мемлекеттік опера және балет театры симфониялық оркестрінің әртістері көрермен назарына «Жыр алыбы – Жамбыл» атты театрландырылған қойылым ұсынды. Ұлы ақынның баға жетпес мұрасын, өзіндік ерекшелігі мен дарынын ашып көрсететін әдеби-музыкалық композицияда оның айтыстары мен әйгілі «Кең байтақ Қазақстаным», «Ақындарға арнау», «Күләшқа», «Ленинградтық өренім!» және т.б. шығармалары орындалды. Сонымен қатар, мерекелік бағдарламада Құрманғазы атындағы Қазақ ұлттық халық аспаптары оркестрі, Н.Тілендиев атындағы «Отырар сазы» академиялық фольклорлық-этнографиялық оркестрі, «Жастар» театры және «Астана Балет» театрының әртістері, сондай-ақ, «Қорқыт» этно-ансамблі, «Құлансаз» фольклорлық-этнографиялық ансамблі, К.Әзірбаев атындағы Жамбыл облыстық филармониясы және «Акак» комузшылар ансамблінің (Қырғызстан) жеке орындаушылары өнер көрсетті.
<img src="https://turkystan.kz/wp-content/uploads/2021/02/foto-34.jpg" alt="foto 34" title="Жамбыл Жабаевтың 175 жылдық мерейтойы басталды 3" />
Ақтоты Райымқұлова, ҚР Мәдениет және спорт министрі:
<img src="https://turkystan.kz/wp-content/uploads/2021/02/foto-13-300x200.jpg" alt="foto 13" title="Жамбыл Жабаевтың 175 жылдық мерейтойы басталды 4" />
– Әуреге салған пандемия жағдайында Абайдың 175 жылдығын лайықты түрде атап өттік. Міне, тағы бір ұлы тойдың кезегі келіп тұр. Биыл ұлтымыздың ұлы жыршысы Жамбылдың 175 жылдығын атап өткелі отырмыз. Қазақтың рухани қос алыбы Абай мен Жамбылдың әрбір мерейтойы мемлекетіміздің мәртебелі белестерінің межесіндей. Біз уақыт аламанының әр айналымында өрісті істерімізді ақыл таразасына салып келеміз. Қос тұлғаның торқалы тойында ұлтымыздың жоғары жетістіктеріне баға беріп, рухани өрлеудегі түбірлі істерімізді түгендеу дәстүрге айналды. Тәуелсіздікті жаңа алып, ел еңсесін енді көтеріп жатқанда Тұңғыш Президент-Елбасы Нұрсұлтан Назарбаев ұлы даланың ұлы тұлғаларының мерейтойларын ел болып атап өту жөнінде шешім қабылдады. Мұны жұртшылық әруақты сыйлап, құндылықтарды құрметтеп, өткенін көреген деп білетін ұлы халықтың ұлағатты ұйғарымы ретінде қабылдады. Араға ширек ғасыр салып, XIX ғасырдың ортасында өмірге келген екі ұлы ақыннынң 175 жылдықтары рет-ретімен жоғары деңгейде&nbsp; мерекеленуде. Ұлтымыздың осындай ұлы тұлғаларынсыз ғасыр сырын, ғасыр мұңын түсіну бізге әлдеқайда қиын соғар еді. Жамбылдың 175 жылдығына орай, биыл республика бойынша 500-ге жуық әлеуметтік, имидждік, ғылыми, танымдық іс-шаралар жоспарланған. Бұдан бөлек, ақын туралы фильмдер түсріліп, өлеңдерінің жаңа жинақтары шығарылады және кітап көрмелерін ұйымдастыру, мерейтойлық монета, пошта маркасын әзірлеу және тағы басқа іс-шараларды өткізу көзделіп отыр.
Салтанат Жамбылова, Жамбыл Жабаев әдеби-мемориалды музейінің меңгерушісі, ақынның немересі:
<img src="https://turkystan.kz/wp-content/uploads/2021/02/foto-1-300x210.jpg" alt="foto 1" title="Жамбыл Жабаевтың 175 жылдық мерейтойы басталды 5" />
– Жамбыл атамыздың 175 жылдығына арналған іс-шараны облыс көлемінде тойлауды қаңтар айынан бастап кеттік. Ал республика көлеміндегі алғашқы іс-шара бүгін ұйымдастырылып отыр. Біле білсеңіз, атаның өзі тұрған үйі бір жылдан кейін музейге айналды. Атамыздың туғанына биыл 175 жыл толса, музейіміздің ашылғанына биыл 75 жыл болды. Бүгінгі іс-шараға атаның киген киімдерін, қолданған заттарын, алған сыйлықтарын жұртшылық білсін, көрсін деген мақсатпен осында алып келдік. Жалпы, біздің музейдегі бағалы заттардан көрме ұйымдастыру ісі тек бас қаламен шектелмейді. Бізді Көкшетау, Атырау, Қызылорда облыстарындағы музей меңгерушілері шақырып жатыр. Сонымен қатар, республика бойынша Жамбыл атындағы мектептерде онлайн режимде байланыс орнатудамыз.
Мырзатай Жолдасбеков, мемлекет және қоғам қайраткері, филология ғылымдарының докторы, профессор:
<img src="https://turkystan.kz/wp-content/uploads/2021/02/foto-12-300x200.jpg" alt="foto 12" title="Жамбыл Жабаевтың 175 жылдық мерейтойы басталды 6" />
–Былтыр бір жыл бойы Абай атамыздың 175 жылдығын тойладық. Осылайша, ұлы ақынды білетін әлем жұртшылығы оны бұрынғыдан бетер тани түсті. Ал енді биыл Жамбыл атамыздың 175 жылдығын тойлатқалы отырмыз. Ғабит Мүсірепов ағамыз Жамбылдың 125 жылдығына арнап «Феномен Феникс» атты мақала жазған. Сол мақалада ол «Жамбыл дүниеге екі рет келген адам, бір рет тоғыз ай, тоғыз күн толғатып, ана құрсағынан туды, сосын жасы жетпістен асқанда заман құрсағынан тағы бір туды» деп тауып айтқаны бар. Жалпы, кезінде Жамбылдың революцияға дейінгі өмірі туралы материал аз болды. Мен Жамбылдың өмірі туралы докторлық диссертация қорғадым. Негізі, ол кісі төңкеріс алдындағы өмірді ашық сипаттаған.
Ұзынағаш, Қаратас,
Қалқабайдай қайран жас.
Бекеттен нан қоймайды,
Жалаң аяқ, жалаң бас.
Қайтіп жаның ашымас,
Неткен заман қатыбас.
Еткен еңбек, төккен тер
Қалай түкке татымас?!, – деп өз заманының сипатын керемет жеткізген. «Жамбылдың балалық шағы» деген көркем фильмге сценарий жаздым. Ол кісі туралы бірнеше кітап жазып шығардым. Көпшілік биылғы мерейтой аясында Жамбыл туралы көп мәліметке қанық болады деп ойлаймын.
&nbsp;Сауытбек Әбдірахман, ҚР Парламент Мәжілісінің депутаты:
<img src="https://turkystan.kz/wp-content/uploads/2021/02/foto-2-300x200.jpg" alt="foto 2" title="Жамбыл Жабаевтың 175 жылдық мерейтойы басталды 7" />
–Бүгінгі мерейтой– елдегі бір жақсылықтың белгісі. Себебі былтыр Абайдың 175 жылдығын тойлау кезінде мұндай кеш өткізуге, көп адам жинауға мүмкіндік болмады. Ал қазір елдің барлық өңірі қауіпті қызыл аймақтан шығып, көктемнің самалы ескелі тұрған жақсы шақта ұлы Жамбылдың тойы басталғалы жатыр. «Ұлы Жамбыл» деген сөз баяғы штамптардың, стандарттардың қайталануы емес. Жамбыл заман ауысқан кезде уақыт сынына қайтадан түсті. Тәуелсіздік алған алғашқы жылдарда Жамбыл мұрасына сыни көзқарас күшейді, өзі сүрген заманды көтере мақтап, саясаттың сойылын соққан ақын деген пікірлер көп айтылды. Бірақ уақыт өте келе, көпшіліктің Жамбылдың шын мәнінде эпик-ақын, бүкіл бір заманның сөзін жеткізген, сол дәуірдің шындығын ашқан сөз зергері екеніне көзі жетті. Жамбылдың өз заманының көсемдеріне арнаған жырларының көркемдігі қайран қалдырады. Оның сыртында ақынның айтыстары, қисса-дастандары да ерекше. 1996 жылы Мәдениет министрінің бірінші орынбасары қызметін атқарып жүргенімде Санкт-Петербургте ұйымдастырылған Жамбыл туралы кешке қатыстым. Сол кештің соңында Ресей Мемлекеттік Думасының бір депутаты «Бала күнімда анам мені Жамбылдың «Колыбельная» әнімен ұйықтататын» деді. Қазақ ақынының өлеңі өзге елдің бесік жырына айналуы деген ғажап нәрсе! Осылайша, Жамбылды қай жағынан қарасақ та, керемет тұлға екенін байқаймыз. Ең қиын жылдарда халықтың сөзін сөйлеп, қазақтың даңқын асқақтатқан ұлы бабамызды қалай құрметтесек те жарасады.
Дәулеткерей Кәпұлы, Қазақстан Жазушылар одағы Нұр-Сұлтан қалалық филиалының төрағасы:
<img src="https://turkystan.kz/wp-content/uploads/2021/02/foto-6-300x226.jpg" alt="foto 6" title="Жамбыл Жабаевтың 175 жылдық мерейтойы басталды 8" />
–«Ұлы даланың Гомері» атанған Жамбыл Жабаевтың шығармашылығын қай ғасырға насихаттасаң да, өлмейді, сөнбейді деп білемін. Өйткені Жамбыл – екі ғасырдың арасындағы алтын көпір. Жамбыл Кеңес дәуірінің біраз жақсылығын көрді. Көп адам оның Сталинді жырлауын, саясатқа араласуын алға тартып, шығармашылығын мансұқтағысы келеді. Бірақ, олар қателеседі. Жамбылдың эпикалық шығармаларын алып қарасаңыз, оның таңды таңға ұрып жырлайтын жырлары қазақ даласындағы синкреттік өнер – жыраулық дәстүрдің ең үлкен ірі тұлғасы екенін байқайсыз. Жамбыл сондай тұлға ретінде қаралуы керек және осы тұрғыда насихатталуы қажет. Жамбылдың ізбасары Кенен Әзірбаев «Жамбыл жыры» дастанында ақынның тұлғасын толық ашып берген. Мысалы, Романовтар әулетінің 300 жылдық тойына шақырылмаған Жамбыл қазақ-қырғыз ақындарының думандатып отырған жеріне кіріп келіп, былай деп айтқаны бар:
Атам батыр Қарасай,
Ағам ақын Сүйінбай,
Петроград, Алматы,
Бір жылдық жол арасы-ай.
Патшаның қуын қарашы-ай!
Өзі келмей істеткен
Айдалаға тамаша-ай.
Қазақ пенен қырғыздың
Табақ-табақ еті мен
Тойғызып жатыр сабасы-ай.
Өңшең ұлық өгіздей,
Біз бұзау мен танасы-ай.
Сол кезде ұлықтарға жақын болған ақын-жыршыларды осылайша сынап, «Жұртқа керек өлеңді, ауылға барып айталық» деп ақындардың барлығын тұрғызып алып кеткен. Түсініп тұрғаныңыздай, Жамбылдың өз заманында ақындық миссиясы болған. Сол себепті Жамбылды ағаш атқа мінгізгенді қойып, бұрын қалай керемет ұлықталса, қазір де солай құрметтеу керек.

Жамбыл Жабаевтың 175 жылдық мерейтойы басталды

<a href="https://kyzylorda-news.kz/">Kyzylorda-news.kz</a>. Мемлекеттік хатшы Қырымбек Көшербаевтың төрағалығымен Қазақстан Республикасы Президентінің жанындағы Қоғамдық сананы жаңғырту бағдарламасын іске асыру жөніндегі Ұлттық комиссияның отырысы өтті.
Бейнебайланыс форматында өткен отырыста бағдарламаны іске асырудың ағымдағы қорытындылары талқыланып, одан әрі атқарылатын жұмыстың басым бағыттары айқындалды.
Қырымбек Көшербаев отырысты аша келе, Мемлекет басшысы Қасым-Жомарт Тоқаев «Тәуелсіздік бәрінен қымбат» бағдарламалық мақаласында Тұңғыш Президент – Елбасы Нұрсұлтан Назарбаев бастамашы болған «Рухани жаңғыру» бағдарламасын одан әрі дамытудың құнды бағдарларын айқындағанын атап өтті. Біріншіден, Тәуелсіздігіміздің қастерлі құндылықтарын қорғау мен қастерлеу, екіншіден, қоғамдық дамудың өзекті мәселелері бойынша нақты мемлекеттік ұстаным екенін айтты.
Мемлекеттік хатшы жаһанданудың заманауи сын-қатерлері мен тегеуріндері жағдайында «Рухани жаңғыру» бағдарламасы адам капиталын дамытудың басты бағдары әрі қоғам үшін жаңа идеологиялық күн тәртібін қалыптастырудың тетігі екенін жеткізді.
Премьер-Министрдің орынбасары Ералы Тоғжановтың айтуынша, 2020 жылы «Рухани жаңғыру» бағдарламасының іс-шаралар жоспарын жүзеге асыру аясында 8 миллионнан астам адам қамтылған 30 000 іс-шара өткізілген. Бағдарламаны іске асырудың жаңа құнды тәсілдері мен тетіктері шаралардың аясын үш негізгі бағыт бойынша кеңейтуге мүмкіндік берді. Атап айтқанда: «Тұлғалық даму», «Ұлттық бірегейлік және халықаралық мәртебені арттыру», «Мемлекеттің, азаматтық қоғамның және жергілікті қоғамдастықтардың дамуы». Сонымен қатар арнайы 4 жаңа жоба енгізілді. Олар: «Үнем – қоғам қуаты», «Дәстүр мен ғұрып», «Құқықтық мәдениет» және «Еңбек – елдің мұраты».
«Туған жер» арнайы жобасының аясында өткен жылы отандық меценаттар негізгі аймақтық инфрақұрылымдық объектілерді дамытуға 10 млрд теңге көлемінде қаржы бөліп, әлеуметтік маңызы бар 537 нысан салып, 445 нысанға жөндеу жұмыстарын жүргізді.
Отырысқа қатысушыларға Қоғамдық сананы жаңғырту бағдарламасын іске асырудың арнайы Жол картасы ұсынылды.
Жиында талқыланған мәселелер бойынша белгілі ғалым, тарих ғылымдарының докторы, профессор Талас Омарбеков, «Ұлттық киноны қолдау мемлекеттік орталығы» КЕАҚ Басқарма төрағасы Есетжан Қосубаев, Шығыс Қазақстан облысы Бородулиха ауданының меценаты Константин Поп, ҚР Президентінің «Болашақ» халықаралық стипендиясы стипендиаттары қауымдастығының атқарушы директоры Лаура Демесинова сөз сөйледі.
Отырыс қорытындысы бойынша Үкіметке «Рухани жаңғыру» бағдарламасының 2021 жылға арналған Жол картасын сапалы әрі тиімді іске асыруды қамтамасыз ету бойынша бірқатар тапсырма берілді.
Мемлекеттік хатшы Ұлттық комиссияның ұсыныстары мен ұсынымдарын қарастыруды тапсырды. Атап айтқанда, Қазақстанның толық академиялық тарихын жазу үшін «Халық тарихы» атты жобалық кеңсені ашу, «Кинодағы және теледидардағы тарих» атты арнайы жобаның тақырыптарын күшейту, «Киелі Қазақстан» арнайы жобасы аясында туризмді дамыту, отандық Сайлаушылар банкін қалыптастыру. Әсіресе балалар мен жасөспірімдер үшін сапалы мәдени-ағартушылық және білім беру контентін қалыптастыру қажеттілігіне назар аударылды.

Қоғамдық сананы жаңғырту бағдарламасын іске асыру жөніндегі Ұлттық комиссияның отырысы өтті

Kyzylorda-news.kz. Бүгін «Қазақстанның еңбек сіңірген өнер қайраткері», «Парасат», «Құрмет» ордендерінің иегері, танымал композитор Кеңес Дүйсекеевтің туған күні.
Ән әлеміне қайталанбас қолтаңба қалдырған көрнекті сазгер тірі болғанда 75 жасқа толар еді. Сыр перзенті саналы ғұмырында «Толғау» симфониясының, «Жалаңтөс батыр» симфония поэма-картинасының, «О, дүние» кантатасының, «Жыл мезгілдері» романстар циклінің, «Мәди», «Аққу Жібек» мюзиклінің, «Алдар көсе» опереттасының, симфония-концерттер, аспаптарға арналған концерттер, камералық оркестрге шығармалар, соната, рапсодия, вариациялар және 200-ден астам әндердің авторы атанған.
Қазіргі таңда қазақ сахнасындағы көптеген өнерпаз Кеңес Дүйсекеевтің әндерін өз қоржындарына қосып, композиторды тәлімгер тұтады. Сазгер ұстаздық жолында да еселі еңбек етті. Білікті ұстаздың алдын көрген танымал тұлғалар қатарында әнші Димаш Құдайберген де бар.
Айта кетейік, Кеңес Дүйсекеев 2020 жылдың шілде айында коронавирус індетінен көз жұмған болатын.

Бүгін композитор Кеңес Дүйсекеевтің 75 жылдығы

<a href="http://kyzylorda-news.kz./">Kyzylorda-news.kz.</a> Қазақ эстрада жұлдызы Мейрамбек Беспаевтың дерттен тез айығуын тілеген Ақсуат ауылдық округінің тұрғыны, әжей Сәбира Әбілдаева бір күннің ішінде әлеуметтік желінің жұлдызына айналған болатын.
Желіде желдей ескен бейнежазбада әжей «Мейрамбек, тәуір болып кет, жаным. Қазақтың атын шығара бер. Жақсы болып шық, айналайын» деп ақ тілегін жеткізді.
Бұл бейнежазба әп-сәтте әншінің өзіне де жетіп, Мейрамбек Беспаев қызылордалық әжейге іздеу салған болатын. Бір күннен соң әнші мен әжей тікелей бейнебаланысқа шығып, сөйлесті.
<blockquote>
 «Мейрамбек баламды «Бозторғай» әнін шырқағаннан бастап жақсы көремін. Ауырып қалды деп естіген соң, қазақтың біртуар азаматы еді, неге сырқаттанып қалды екен деп уайымдадым. Сол уақыттан бастап дастархан басында немерелерімнен Мейрамбек сауықты ма? Хабар бар ма? Ауруханадан шығып па? деп сұрай бастадым», – дейді Сәбира Әбілдаева.
</blockquote>
Әнші сырбойылық әжейге арнайы сый да жіберген. Алматыдан жеткен сыйды ауыл әкімі Мәмбетәлі Ақмырзаев арнайы табыстады.
Әжейдің желіде жұлдыз болуына оның немересі себеп болған.
<blockquote>
 «Видеоны әнші ауырып қалды деген кезде түсірген болатынбыз. Бейнежазбаны желіге салу туралы ойланып жүріп, ең алдымен әжемнен сұрадым, ол егер Мейрамбек Беспаев көретін болса сал ғой деді. Әйтпесе, мен де видеоны желіге жүктеуге ұялдым. Өзгелерде қарт әжесімен ойнап отыр ма деген ой бола ма деген ой болды. Сонан соң достарыма репост жасатып едім, бір күннің ішінде әнші өз парақшасына салып қойыпты», – дейді әжейдің немересі Алмас Иманғали.
</blockquote>
Желіде жұлдыз болған қызылордалық әжей қазіргі таңда қыз бен ұлдан тараған 8 немере сүйіп отыр.

Мейрамбек Беспаевтың денсаулығына алаңдаған қызылордалық әжей желі жұлдызына айналды (ВИДЕО)

Kyzylorda-news.kz. Қызылорда қаласында республикалық ақындар айтысы өтті.
Қала әкімдігінің ұйымдастыруымен кіл жүйріктер жиналған Сырдағы айтыс аламанында республикаға танымал ақындармен қатар қызылордалық жас ақындар да сынға түсті.
Жыр додасының ашылу салтанатында арқалы ақындарға қала әкімі сәттілік тіледі.
<blockquote>
 «Қызылордада дәл қазір ұлттық өнердің, айтыстың, Тәуелсіздіктің дүбірлі тойы басталмақшы. Бұл айтыс Тәуелсіздігіміздің 30 жылдығына арналған ауқымды шаралардың бастамасы болмақ. Ұлттық өнерге сусап қалған ағайынды рухани серпілтіп, жыр көрігін қыздырыңыздар», – деді қала әкімі Нұрлыбек Нәлібаев.
</blockquote>
Текті өнерді төрге оздырып, ұлт мұрасы ұлықталған жыр додасында құрдастар әзілі, жастық жалын, іні мен аға сыйластығы көрініс тапты.
Дүлдүлдер дүбірінің әділ бағасын жазушы, Халықаралық «Алаш» әдеби сыйлығының лауреаты, Қазақстанның еңбек сіңірген қайраткері, драматург Роза Мұқанова, Қазақстан Жазушылар Одағының мүшесі, Қадыр Мырза Әли атындағы мәдениет және өнер орталығының директоры, белгілі айтыскер ақын Бауыржан Халиолла және ҚР мәдениет қайраткері, ақын, режиссер-сценарист Оңталап Нұрмаханов берді.
Тәуелсіздік тағылымын жастардың санасына сіңіру, азат елдің жарқын жетістіктерін кеңінен дәріптеу, рухани бай мұраны, қасиетті Отанды жырға қосуды мұрат еткен айтыс қорытындысында ІІІ орынды павлодарлық Рауан Қайдаров пен қызылордалық Ержеңіс Әбдиев қанжығаларына байлады. Сөз бәйгесінің ІІ-орыны өскемендік Серік Қуанғанға бұйырды. Арқалықтан келген Алаштың аяулы ақыны Айбек Қалиев пен атыраулық ақын Шалқарбай Ізбасаров І орынды өзара бөлісті. Ақмешіттегі айтыс аламанында бас жүлдені Ақтаудан ат басын бұрып, Сыр жұртының алдында сәтті өнер көрсеткен Нұрлан Мұсаев иеленді.
<img src="https://kyzylorda-news.kz/wp-content/uploads/2021/02/fb_img_1612583395601.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583400864.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583435004.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583382972.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583407123.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583418673.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583415441.jpg" alt="" />
<img src="https://kyzylorda-news.kz/wp-content/uploads/2021/02/fb_img_1612583431708.jpg" alt="" />

Қызылордада республикалық ақындар айтыс өтті

Kyzylorda-news.kz. Қызылорда облысының мәдениет, архивтер және құжаттама басқармасының басшысы Мира Абуова облыстық Н.Бекежанов атындағы қазақ академиялық музыкалық драма театрының жаңа басшысын таныстырды.
Театр басшысының міндетін атқарушы болып мәдениет саласында 10 жылдан астам тәжірибесі бар Баймырзаев Ғалым Қонақбайұлы келді.
Ғалым Баймұрзаев Қызылорда облыстық мәдениет басқармасының жетекші маманы қызметінен бастап, бас маманы, бөлім басшысы, Қызылорда қалалық мәдениет және тілдерді дамыту бөлімінің басшысы, қалалық мәдени-демалыс паркінің директоры, Ә.Тәжібаев атындағы облыстық әмбебап ғылыми кітапханасының басшысы қызметтерін атқарған.
Мәдениет саласында ұзақ жылдар еңбек еткен театр директоры, “Қазақстанның еңбек сіңірген қайраткері» құрметті атағының иегері Әбдікәрімов Мұхит Сұлтанұлы құрметті демалысқа шықты.
Басқарма басшысы Мира Абуова театрдың жаңа басшысы Ғалым Баймұрзаевқа үлкен сенім мен жауапкершілік жүктелгенін атап өтіп, ел Тәуелсіздігінің 30 жылдығына орай театрда рухани мәні зор тарихи қойылымдарды көрерменге ұсыну, театр ұжымының жұмысын жандандыру, шығармашылық құрамның жоғары көркемдік деңгейде жұмыс жасауын ұйымдастыруға бағытталған нақты міндеттер қойды.
<img src="https://kyzylorda-news.kz/wp-content/uploads/2021/02/fb_img_1612582564158.jpg" alt="" />

Нартай Бекежанов атындағы театрға жаңа басшы келді

<a href="https://kyzylorda-news.kz/">Kyzylorda-news.kz</a>.&nbsp;Тәуелсіздіктің 30 жылдығына орай «Қоғамдық келісім» мекемесі ауқымды шараларды қолға алып, жаңа жобаларды жүзеге асырмақ. Бұл туралы «Қоғамдық келісім» КММ директоры Бауыржан Мастеков Өңірлік коммуникациялар орталығында өткен брифингте хабарлады.
<blockquote>
 “ҚР Тәуелсіздігінің 30 жылдығы мен «Алғыс айту» күніне орай аймақ басшысы Гүлшара Наушақызының бастамасымен республикалық ғылыми-тәжірибелік конференциясын және «Қазақстан. Тәуелсіздік. Ассамблея» тақырыбында салтанатты шараны өткізуді жоспарлап отырмыз. Одан бөлек облыс әкімінің орынбасары Серік Әбжәлиұлы Ахметтің бекітумен кешенді шаралар жоспары әзірленді. 18 ақпан мен 1 наурыз аралығында мазмұнды шаралар облысымыздың барлық аудандарында түрлі форматта өтеді. Қоғамда ынтымақтастық пен өзара қолдауға бағытталған «Еліме алғыс айтамын» айдарын ашу, «Шын жүректен» тақырыбында материалдар мен бейнероликтер әзірлеу, «30 жылға – 30 тілек» әр сала үздіктерін қатыстыра отырып құттықтаулар түсіру, тәрбие сағаттарын ұйымдастыру, «30 игі іс» қайырымдылық акциясы аясында «Жүрек жылуымен» қоғамның осал топтарына гуманитарлық көмек көрсету және тағы басқа мазмұнды шаралар қарастырылды. Сыр өңіріндегі әр этностың рухани құндылықтары, қазақ жеріне келу тарихы жайлы, оның тілі мен мәдени мұраларын насихаттау мақсатында «Ұлылық ұясы», «Ізгілікке толы жылдар» айдарымен арнайы бейнесюжеттер жарық көруде. Елге еңбегі сіңген этнос өкілдері жайлы арнайы «Тұлғалар» айдарын жүргізбекпіз, -деді Бауыржан Мәстеков.
</blockquote>
Тәуелсіздік алғаннан кейін құрылған ең алғашқы этномәдени орталық ол – облыстық татар этнмәдени бірлестігі. Бірлестікке биыл 30 жыл толды. Осыған сәйкес бірлестіктің жоспарланған жұмыстары жайлы облыстық Татар этномәдени бірлестігінің жетекшісі Галия Гизатуллина толымды мағлұмат беріп өтті.
Ал облыстық Қазақстан халқы Ассамблеясы жанындағы «Жаңғыру жолы» жастар қозғалысының жетекшісі Алина Новикова пандемия кезінде волонтерлік бағытында атқарылған игі жұмыстарға тоқталып, алдағы ауқымды жоспарлармен бөлісті.

Достық үйі жаңа жобаларды жүзеге асырады

<a href="https://kyzylorda-news.kz/">Kyzylorda-news.kz</a>. Қызылорда облысында республикалық айтыс өтеді.
Жыр додасы Қызылорда қала әкімдігінің қолдауымен, қалалық мәдениет және тілдерді дамыту бөлімінің ұйымдастыруымен 5 ақпан күні сағат 11.00-де А.Тоқмағамбетов атындағы мәдениет үйінде өтеді.
ҚР Тәуелсіздігінің 30 жылдығына орай ұйымдастырылатын “Мәңгілік ел – мұратым” атты ақындар айтысына кіл жүйріктер қатысып, кім жүйрік екенін анықтайтын болады.
<img src="https://kyzylorda-news.kz/wp-content/uploads/2021/02/146071641_932751877555311_7533868868248762495_o.jpg" alt="" />

Қызылордада республикалық айтыс өтеді

<a href="https://kyzylorda-news.kz/">Kyzylorda-news.kz</a>. Биыл Мұқағали Мақатаевтың 90 жылдығы қарсаңында Қызылорда қаласындағы Назарбаев Зияткерлік мектебі&nbsp;#Мұқағалиға90жылNIS отбасылық жыр эстафетасын бастады.
«Зияткерлік мектеп оқушысына оқуға ұсынылатын 100 кітап» жобасы аясында ұйымдастырылған шараға оқушылар мен ата-аналар белсенді қатысуда. Мектеп қауымдастығы қазақ поэзиясына үлкен қолтаңба қалдырған ақиық ақын Мұқағали Мақатаевтың шығармашылығынан тәрбиелік мәні зор өлеңдерін жатқа айтып, әлеуметтік желі арқылы көпшілікке насихаттауда.
Алғашқы болып «Номад» шаңырағының оқушысы Надира Атымтай мен анасы Бахытжан Рахманбердіқызы эстафетаны бастап, ақынның «Не деген керемет күн» туындысын таныстырды.
<blockquote>
 “Мұқағали атаның бұл өлеңіндегі табиғаттың әсем көрінісі көңілімді ерекше тербеді, сол себепті осы шығарманы анам екеуміз жатқа оқуды ұйғардық”, – дейді Надира Атымтай.
</blockquote>
Отбасылық челлендж аясында қатысушылар Мұқағали Мақатаевтың өлеңдеріне жазылған&nbsp; әсем әндерден шашу шашып, тыңдармандарға ерекше әсер қалдырды.
<blockquote>
 “Қазақ сөз өнерінің зергері деп танылған қаламгер еңбектері адалдық пен жан тазалығына, шынайылыққа үндейді. Оқушылар мен ата-аналарды ақынның шоқтығы биік шығармаларымен таныстыра отырып, ақын өлеңдеріндегі елжандылық, құрмет, сүйіспеншілік құндылықтарын өскелең ұрпаққа дәріптеу мақсатында ұйымдастырылды”, – дейді жоба координаторы Ақбота Жұмабаева.
</blockquote>
Эстафета ақынның туған күніне дейін&nbsp; жалғасады. Мектеп ұжымы әдеби&nbsp; эстафетаға барша халықты үлес қосуға шақырады. Ол үшін ақын шығармашылығынан сүйікті өлеңін мәнерлеп оқыған видеоларды #Мұқағалиға90жылNIS&nbsp; хэштегімен әлеуметтік желіге жүктеу қажет.

Қызылордада отбасылық жыр эстафетасы басталды (ВИДЕО)

<a href="https://kyzylorda-news.kz/">Kyzylorda-news.kz</a>. Қызылорда облысының «Қоғамдық келісім» КММ және «Тілдерді оқыту орталығы» КММ-нің бірлесіп ұйымдастыруымен Достық үйінде Тәуелсіздіктің 30 жылдығына орай «Тіл – достықтың діңгегі» тақырыбында этнос өкілдері арасында тіл танымдық сайыс өтті.
Шара этнос оқушылары арасында қазақ тілін білу деңгейін көтеру, оқып үйренуге деген қызығушылығы мен ықыласын арттыру мақсатында ұйымдастырылды.
Барлығы 5 кезеңнен тұратын сайыста бақ сынған үш топқа «Қоғамдық келісім» КММ директорының орынбасары М.Дәулетбаева, Назарбаев Зияткерлік мектебінің ұйымдастырушы-модераторы Г.Шынтасова, «Қызылорда облысының тілдерді оқыту орталығы» КММ-нің әдіскері Ж.Ерекешова төрелік етті.
Топты таныстыру, сөйлемді толықтыру, сұрақ-жауап, мәнерлеп оқу, мақал-мәтел айту сынды кезеңдерден құралған сайыста жүлделі бірінші орынды – бірлігі бекем «Бірлік» тобы, екінші орынды – татулықты ту еткен – «Татулық» тобы, үшінші орынды – достыққа берік «Достық» тобы иеленді.
Жеңімпаздарға алғыс және сыйлықтар табысталды.
<img src="https://kyzylorda-news.kz/wp-content/uploads/2021/01/1.jpg" alt="" />

Қызылордада өзге ұлт өкілдері арасында сайыс өтті

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Қорқыт ата атындағы Қызылорда университетінің «Қорқыттану және өлке тарихы» ғылыми-зерттеу институтының директоры, филология ғылымдарының докторы, профессор Бағдат Кәрібозұлымен кездесті. Жүздесу барысында аймақ басшысы сөз өнері мен руханияттың дамуына елеулі үлес қосып жүрген Бағдат Кәрібозұлының ел игілігі жолындағы еңбегін ерекше бағалап, құрметін білдірді.
<blockquote>
 Сіздің жас ұрпақ тәрбиелеу ісіндегі еңбегіңіз өз алдына бір белес. Қырық жылға жуық өңіріміздегі іргелі оқу орнында қызмет етіп, сонымен бірге қорқыттануға, өлкетануға байланысты қыруар жұмыстарды атқардыңыз. Шығыс халқына ортақ құнды мұралардан бастап, әдебиет әлемінің бүгінгі есімдеріне дейінгі аралықты қамтыған 200 томдық «Сырдария кітапханасының» жауапты редакторы болып, жергілікті қаламгерлердің шығармаларының жарыққа шығуына атсалыстыңыз. Ел ішіндегі фольклорлық мұраларды жинақтап, ұрпағымыздың төл тарихын тануына да өлшеусіз еңбек сіңіріп келесіз. Сізге деніңізге саулық, отбасыңызға амандық тілеймін, – деді Гүлшара Әдбіқалықова.
</blockquote>
Өз кезегінде Бағдат Кәрібозұлы кездесуге шақырып, ілтипат танытқан облыс әкіміне ризашылығын білдіріп, рухани-мәдени бағыттағы келелі ұсыныстарын жеткізіп, ой бөлісті. Атап айтсақ, саңлақ жырау Базар Оңдасұлының 180 жылдық мерейтойын облыс деңгейінде атап өту және Қырымбек Елеуұлының қолдауымен басталған «Сыр өңірінің фольклорлық антологиясы» жобасына сай жинақ том шығаруды ұсынды.
Облыс әкімі Сыр елінің рухани-мәдени кеңістігінде мол мұра ретінде қалатын жинақ шығару ісін қолдайтынын және айтылған ұсыныстарға ерекше мән берілетінін айтып, бірлесіп жұмыс істеуге дайын екендігін қаперге салды.
Кездесу соңында облыс әкімі Гүлшара Әбдіқалықова ғалым, профессор Бағдат Кәрібозұлына жас ұрпақ тәрбиелеудегі шығармашылық қызметіне табыс тіледі.
Еске салайық, Бағдат Кәрібозұлы 200 томдық «Сырдария кітапханасын» жарыққа шығарумен айналысып, осы кітапхананың жауапты редакторы болды. Ғалымның басшылығымен университеттің бір топ ғалымдары Қорқыттану бағытында ғылыми-зерттеу жұмыстарын жүргізіп, 2019 жылы «Қорқыт ата туралы аңыздар мен әңгімелер» хрестоматиялық жинағы шығарылды. «Менің Отаным-Қазақстан» сериясы бойынша оның жетекшілігімен «Қазалы», «Қызылорда», «Сырдария», «Жаңақорған», «Қармақшы», «Отан үшін от кешкендер» кітаптары жарыққа шықты.

Облыс әкімі филология ғылымдарының докторы, профессор Бағдат Кәрібозұлымен кездесті

<a href="https://kyzylorda-news.kz/">Kyzylorda-news.kz</a>. Айтыскер ақын Мұхтар Ниязов Арал ауданына барып, тұрғындармен кездесті.
Кездесуде аудан тұрғындары «Алтын домбыраны тамашалап, жас өрендер ақынды арнайы жыр-шумақтарымен қарсы алды. Жас айтыскер ақын Алмат Қойбағаров өзінің арнауын тарту кетті.
Тағылымды шарада сөз тізгінін ең алдымен аудан әкімі Мұхтар Оразбаев алып, Мұхтар Мәуленұлына ізгі лебізін білдірді.
<blockquote>
 «Сіздің ұлттық өнер жолында туған жырларыңыз халық жүрегіне жетіп, елдің ыстық ықыласына бөленіп келе жатқанына куәміз. Ата-бабамыздан мұра болып қалған айтыс өнерінің қаймағын бұзбай, келешек ұрпаққа аманат етуде де қосар үлесіңіз зор. Сондықтанда сөз қадірін ұғынған Сіздей ардақты азаматты қашанда мақтан тұтамыз! Сізді барша аралдықтардың атынан үшінші мәрте дәстүрлі «Алтын домбыра» республикалық ақындар айтысының жеңімпазы атануыңызбен шын жүректен құттықтаймын!»,- дей келе халқымыздың ғасырдан-ғасырға жалғасып келе жатқан киелі айтыс өнерін құрметтеп, жаңғырту, кейінгі ұрпақтың санасына сіңіру баршамыздың міндетіміз екендігін ерекше атап өтті. Сонымен қатар дәстүрімізге сай ақынның иығына шапан жауып, арнайы құттықтау хатын табыс етті.
</blockquote>
Ізгі лебіздер тізгінін одан әрі ҚР-ның еңбек сіңірген мәдениет қайраткері, Қазақстан Журналистер Одағының мүшесі, дербес зейнеткер Шәкірат Дәрмағамбетов, күйші – композитор, ақын-жырау, Қазақстанның еңбек сіңірген қайраткері, ҚР композиторлар Одағының мүшесі, Құрмет» орденінің және «Халық алғысы» медалінің иегері Мұрат Сыдықовтар жалғап, сахна төрінде аталық өсиеттерін ортаға салып, жеңімпаз ақынға ақ баталарын берді.
Ақынмен жүздесу шарасында айдынды Арал өлкесінің жас ақындары Ерасыл Сейтжан мен Ақылбек Бекболат ақынның өнері тақырыбында айтысып, кеш иесінің батасын алды.
Ғасырлар жемісі, ұлттық құндылығымызды дәріптеу мақсатында ұйымдастырылған шарада теңізді өлкенің төл өнерпаздары ән мен жырдан шашу шашты. Кеш соңында қатысушылар ақынға сауалдарын жолдап, Арал туралы жырлау үшін ақыннан қонақ кәде сұрады. Ақын айбынды Арал туралы жүрекжарды жырын төкпелеп, Арал жұртына деген ризашылығын жеткізді.
<img src="https://kyzylorda-news.kz/wp-content/uploads/2021/01/141018083_2893467407648293_680542046577565029_o.jpg" alt="" />
<img src="https://kyzylorda-news.kz/wp-content/uploads/2021/01/140811606_2893467744314926_2316779597930643945_o.jpg" alt="" />
<img src="https://kyzylorda-news.kz/wp-content/uploads/2021/01/140786406_2893467730981594_41114551871110955_o.jpg" alt="" />
<img src="https://kyzylorda-news.kz/wp-content/uploads/2021/01/140947181_2893467600981607_9102923056368326116_o.jpg" alt="" />
<img src="https://kyzylorda-news.kz/wp-content/uploads/2021/01/141335796_2893467657648268_3545477046931651482_o.jpg" alt="" />
<img src="https://kyzylorda-news.kz/wp-content/uploads/2021/01/140720898_2893467447648289_8809235499575221654_o-edited.jpg" alt="" />
<img src="https://kyzylorda-news.kz/wp-content/uploads/2021/01/140536259_2893467540981613_8519361303988719975_o.jpg" alt="" />

Қазақстан және Қызылорда облысының жаңалықтары: Мәдениет

Жамбыл Жабаевтың 175 жылдық мерейтойы басталды

Қоғамдық сананы жаңғырту бағдарламасын іске асыру жөніндегі Ұлттық комиссияның отырысы өтті

Бүгін композитор Кеңес Дүйсекеевтің 75 жылдығы

Мейрамбек Беспаевтың денсаулығына алаңдаған қызылордалық әжей желі жұлдызына айналды (ВИДЕО)

Қызылордада республикалық ақындар айтыс өтті

Нартай Бекежанов атындағы театрға жаңа басшы келді

Достық үйі жаңа жобаларды жүзеге асырады

Қызылордада республикалық айтыс өтеді

Қызылордада отбасылық жыр эстафетасы басталды (ВИДЕО)

Қызылордада өзге ұлт өкілдері арасында сайыс өтті

Облыс әкімі филология ғылымдарының докторы, профессор Бағдат Кәрібозұлымен кездесті

“Алтын домбыра” иегері Аралдықтармен кездесті

Қазақстан және Қызылорда облысының жаңалықтары: Мәдениет

Жамбыл Жабаевтың 175 жылдық мерейтойы басталды

Қоғамдық сананы жаңғырту бағдарламасын іске асыру жөніндегі Ұлттық комиссияның отырысы өтті

Бүгін композитор Кеңес Дүйсекеевтің 75 жылдығы

Мейрамбек Беспаевтың денсаулығына алаңдаған қызылордалық әжей желі жұлдызына айналды (ВИДЕО)

Қызылордада республикалық ақындар айтыс өтті

Нартай Бекежанов атындағы театрға жаңа басшы келді

Достық үйі жаңа жобаларды жүзеге асырады

Қызылордада республикалық айтыс өтеді

Қызылордада отбасылық жыр эстафетасы басталды (ВИДЕО)

Қызылордада өзге ұлт өкілдері арасында сайыс өтті

Облыс әкімі филология ғылымдарының докторы, профессор Бағдат Кәрібозұлымен кездесті

&#8220;Алтын домбыра&#8221; иегері Аралдықтармен кездесті

“Алтын домбыра” иегері Аралдықтармен кездесті