<a href="https://kyzylorda-news.kz/">Kyzylorda-news.kz.</a> Қызылорда қаласы әкімдігінің қолдауымен алғаш рет өтіп жатқан «Қызылорда дауысы» конкурсын қалалық мәдениет және тілдерді дамыту бөлімі ұйымдастыруда. Идея авторы – Қазақстан Республикасының еңбек сіңірген қайраткері, эстрада жұлдызы Мадина Садуақасова.
«Қызылорда дауысы» конкурсына 200-ден астам өнерпаз ниет білдіріп, арасынан шашасына шаң жұқпаған 12 қатысушы іріктеп алынды.
Олар: Аякөз Аралбайқызы, Мөлдір Кулахметова, Назым Даулетқызы, Сафуан Көрегенов, Ердана Райханұлы, Арайлым Берик, Құралай Мейрамбек, Еркебұлан Қаламбай, Бағылан Қараман, Айжан Қыдырбек, Луца Константин, Бақдәулет Исабеков.
Жүзден жүйрік шығатын «Қызылорда дауысы» байқауының жеңімпазын әділ қазылар алқасы анықтайтын болады.

Тұңғыш рет «Қызылорда дауысы-2020» эстрада байқауы басталды

<a href="https://kyzylorda-news.kz/">Kyzylorda-news.kz</a>. Қызылорда облысына ҚР Мәдениет және спорт министрі Ақтоты Райымқұлова келді.
Министрдің Сыр еліне жұмыс сапары барысында А.Тоқмағамбетов атындағы қалалық мәдениет үйіндегі үйірмелердің, жаңадан алынған дыбыс жазу студиясының, сондай-ақ, қалалық Жастар театрының жұмысымен танысты.
Мәдениет үйінің жанындағы барлық үйірме өнерпаздарының өнерін тамашалаған Ақтоты Райымқұлова жүрекжарды лебізін білдіріп, Сыр елінің қасиет қонған өлке екеніне ешкімнің күмәні болмайтынын жеткізді.
<img src="https://kyzylorda-news.kz/wp-content/uploads/2020/12/132041897_894850191345480_2801866137399295169_o.jpg" alt="" />
<img src="https://kyzylorda-news.kz/wp-content/uploads/2020/12/131910312_894847261345773_3410111533671157897_o.jpg" alt="" />
<img src="https://kyzylorda-news.kz/wp-content/uploads/2020/12/132032300_894847368012429_2927829870701408574_o.jpg" alt="" />

Қызылордаға ҚР Мәдениет және спорт министрі жұмыс сапарымен келді

Kyzylord-news.kz. Қазалы ауданындағы жұмыс сапарының екінші күнінде Гүлшара Әбдіқалықова Қазалы қаласында жүргізілген абаттандыру жұмыстары барысымен танысты.
Ауданның 2020-2021 жылдар аралығындағы құрылыс, жол жөндеу, газдандыру және «Жасыл белдеу» жұмыстарының атқарылу барысын көрді.
Қазалы қаласында «Жұмыспен қамту-2020 жол картасы» бағдарламасы аясында 8 көшеге абаттандыру жұмыстары жүргізіліп, жарық шамдары орнатылған. Нәтижесінде, жаяу жүргіншілер жолы салынып, 47 адам жұмыспен қамтылды. Бағдарлама аясында 4 көшеге ағымдағы жөндеу жұмыстары өтіп, 5 адам жұмысқа орналасқан. Қала орталығындағы Ғ.Мұратбаев атындағы саябаққа да абаттандыру жұмысы жүргізіліп, 9 адамды жұмыспен қамтуға мүмкіндік туды. Мұнан бөлек Қазалы қаласындағы мәдениет үйі, қалалық емхана, №17 орта мектеп пен «Шағала» БСДО ғимараты ағымдағы жөндеуден өтіп, 24 адам жұмысқа орналасты.
Аймақ басшысы мұнан соң Бекарыстан би ауылына келді. Елді мекендегі «Ауыл ел бесігі» бағдарламасы аясында Ү.Түктібаев көшесіне жүргізілген жол жөндеу, жарықтандыру, жаяу жүргіншілерге арналған жолды назарға алды. Сонымен қатар, ауыл тұрғыны Болат Сәдуовтың үйіне кіріп, жүргізілген су желісін көрді.
Облыс әкімі Гүлшара Әбдіқалықова Ақсуат елді мекеніндегі жаңадан пайдалануға берілген балабақшаға да барды. «Балауса» балабақшасы 90 орынға лайықталған. Бөбекжайдың құрылысы өткен жылы басталып, ағымдағы жылы толық аяқталды.
Мұнан соң өңір басшысы Ақсуат ауылындағы жаңадан салынған клубтың салтанатты ашу рәсіміне қатысты. 150 орынға арналған мәдени орынның құрылысы 2020 жылдың мамыр айында басталған. Мердігер мекеме «Болашақ» ЖШС қос қабатты ғимараттың құрылыс жұмыстарын уақытында аяқтап, ақсуаттық өнерпаздар мен тұрғындарды толғантқан мәселе шешімін тапты. Облыс әкімі елді мекен халқын жаңа нысанның ашылуымен құттықтады.
<blockquote>
 Соңғы уақытта Сыр елінде серпінді жұмыстар атқарылып, көптеген нысан ел игілігіне берілуде. Бұның бәріне біз тәуелсіздіктің арқасында қол жеткіздік. Сондықтан сіздерді ең алдымен «Тәуелсіздік күні» мерекесімен құттықтаймын. Мерейлі мереке қарсаңында Ақсуат ауылында жаңа ауылдық клуб пайдалануға берілуде. Жаңа нысан ауылдағы мәдени шаралардың ұйытқысы болып, өнерлі жастардың өрісін кеңейтеріне сенеміз. Тұрғындар осында келіп түрлі іс-шараларды тамашалайтын болады. Жаңа ауылдық клубтың ашылуымен тағы да сіздерді құттықтаймын. Ауыл өнерпаздарының еңбегі еселене берсін, – деді облыс әкімі Г.Әбдіқалықова.
</blockquote>
Шарада сөз алған ауылдық ардагерлер кеңесінің төрағасы Қуаныш Рзахан аймақ басшысына алғысын жеткізіп, жаңа ауылдық клубтың жұмысына сәттілік тіледі.
Аймақ басшысы Қазалы ауданындағы жұмыс сапарын қорытындылап, әрі қарай Сырдария ауданына жалғастырды.
<img src="https://kyzylorda-news.kz/wp-content/uploads/2020/12/fb_img_1608205038701.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608205041613.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608205044598.jpg" alt="" />

Қазалыда жаңа ауылдық клуб ашылды

<a href="https://kyzylorda-news.kz/">Kyzylorda-news.kz</a>. Бұл туралы қала әкімі «Жастар театрының» халықаралық байқау қорытындысы бойынша&nbsp; марапатталу салтанатында айтты.
Ағымдағы жылы халықаралық театр фестивалінде Абай Құнанбайұлының 175 жылдығына арналған Оңталап Нұрмахановтың «Қалың елім, қазағым, қайран жұртым…» трагифарсын тамашалаған өнер ұжымы 1 млн.теңгенің грант сертификатын жеңіп алып, ең жоғарғы І дәрежелі дипломға ие болған болатын.
«Жастар театры» 2016 жылы қала әкімдігінің қолдауымен Асқар Тоқмағамбетов атындағы мәдениет үйі жанынан құрылған. Құрылған 4 жыл ішінде репертуары бірнеше қойылыммен толығып, өскелең ұрпаққа киелі сахна өнерін дәріптеп, талантты жастар өнер сахнасында шыңдалып келеді.&nbsp; Жас театр аз уақытта түрлі деңгейдегі байқауларға, фестивальдерге қатысып, жүлделі орындарға ие болып жүрген шығармашыл ұжымға айналды.
Қала әкімі қазақ өнерінің көшін жалғап, өнердің киесін сақтап, ұрпақтар сабақтастығы мен ұлы өнерді насихаттап жүрген театр ұжымына&nbsp; аймақтың мәдениет саласын дамытуға қосқан үлестері үшін алғыс білдіріп, алдағы шығармашылық жолдарына табыс тіледі. Сонымен қатар, алдағы жылы театрдың 5 жылдығы кең көлемде аталып өтіп, «Жастар театры» жеке мекеме ретінде құрылатынын айтты.
Шара соңында өнер ұжымы Халықаралық театр фестивалінің ең жоғарғы І дәрежелі дипломымен марапатталып, арнайы сертификаттар мен медальдарға ие болды.
<img src="https://kyzylorda-news.kz/wp-content/uploads/2020/12/05-1-scaled.jpg" alt="" />
<img src="https://kyzylorda-news.kz/wp-content/uploads/2020/12/02-2-scaled.jpg" alt="" />

Нұрлыбек Нәлібаев: «Жастар театры» &#8211; тарлан тұлғалардың лайықты жалғасы

<a href="https://kyzylorda-news.kz/">Kyzylorda-news.kz</a>. Күйші-композитор, ақын-жырау, Қазақстанның еңбек сіңірген қайраткері Мұрат Сыдықовтың 80 жасқа толуына орай «Домбыра жүрек жырлайды» атты республикалық онлайн күйшілер конкурсы өткізілген болатын. Бұл сайысқа Қазақстанның әр аймағынан 26 талапкер қатысып өнер көрсетті.
Арал аудандық мәдениет үйінде аталған конкурсты қорытындылауға және жеңімпаздарды марапаттауға арналған мерекелік кеш өтті.
Жиынға облыстық мәдениет архивтер және құжаттама басқармасының басшысы Мира Рақымжанқызы қатысып, өнер иесінің өмір жолы мен шығармашылығына кеңінен тоқталды.
Басқарма басшысы өз сөзінде Мұрат Сыдықовтың өнерде биікке көтерілуіне жары әрі ақылман кеңесшісі Базар Қостаеваның да зор үлесі бар екендігін айтып, бақытын өнерден тапқан жандарды мерейтойымен құттықтады. Облыс әкімі мен басқарманың арнайы құттықтауын және Қазақстанның салалық мәдениет, спорт, туризм және ақпарат қызметкерлерінің кәсіптік одағының «Еңбек Даңқы» төс белгісін табыстап, сый-сияпат көрсетті.
Мерекелік кеште «Домбыра жүрек жырлайды» республикалық онлайн күйшілер конкурсының ауданнан қатысқан жүлдегерлеріне арнайы марапаттар табысталды.
Жиында танымал өнер тұлғасының «Балықшы қыз», «Шаттанамын», «Махамбеттің толғауы», «Мұраттың төкпесі» сынды әндері мен күйлері жеке орындаушылардың және Қазанғап атындағы ұлт-аспаптар оркестрінің сүйемелдеуімен нақышына келтіріле орындалды.
<img src="https://kyzylorda-news.kz/wp-content/uploads/2020/12/130965757_2858723207789380_5104476469492364831_o.jpg" alt="" />
<img src="https://kyzylorda-news.kz/wp-content/uploads/2020/12/130935288_2858723161122718_3431759262581180875_o.jpg" alt="" />
<img src="https://kyzylorda-news.kz/wp-content/uploads/2020/12/130973333_2858723144456053_8608208379771560336_o.jpg" alt="" />
<img src="https://kyzylorda-news.kz/wp-content/uploads/2020/12/130552944_2858723117789389_3837397174328223358_o.jpg" alt="" />

Қазақстанның еңбек сіңірген қайраткері Мұрат Сыдықов 80 жасқа толды

<a href="https://kyzylorda-news.kz/">Kyzylorda-news.kz</a>. Жақында «Дарын» мемлекеттік сыйлығының иегері атанған жыршы Күнсұлу Түрікпен бүгін Өңірлік коммуникациялар қызметінің ақпараттық алаңына келіп, журналистермен тілдесті.
Дәстүрлі өнердің дара қызы жастайынан жыршы-жыраулардың ізін жалғап, халықаралық, республикалық додаларда топ жарып келеді. Мәселен, халықаралық деңгейде ұлттық өнерді насихаттайтын «Men qazaqpyn» мегажобасының жеңімпазы атанды. Бүгінде Нұр-Сұлтан қаласында «Қазақконцерт» мемлекеттік концерттік ұйымында жыршы. «Дарын» мемлекеттік жастар сыйлығының «Халық шығармашылығы» номинациясы Сырдың қызына бұйырды.
<blockquote>
 “Сырдың жері «алтын құрсақты» топырақ. Қаншама талатты тумалар дүниеге келген қасиетті өлке. Оны өнер иелері әрқашан биік белестерді бағындыруымен дәлелдеп келеді. Ақындық пен жыраулық тарихта еншісі айырылмаған өнер. Мемлекеттік сыйлық өз саласының шебері атанған әр саладағы жастарға шабыт сыйлайды. Зор жауапкершілікті жүктейді. Жоғары марапаттардың бастау болған жастар сыйлығы маған ғана емес Сыр мәдениетіне берілген баға”, – деді Күнсұлу Түрікпен.
</blockquote>
Жыршының жыр қорында «Қобыланды батыр», «Көрұғлы», «Қыз Жібек», «Алпамыс батыр» халық жырларымен қатар «Шаһнаманың» «Зухраб батыр», А.Керейұлының «Өсиет» және Сыр сүлейлерінің жыр-дастандары мен терме-толғаулары бар.

Күнсұлу Түрікпен: Мемлекеттік сыйлық жастарға шабыт сыйлайды

<a href="https://kyzylorda-news.kz/">Kyzylorda-news.kz</a>. Үш дүркін «Алтын домбыра» иегері, айтыскер ақын Мұхтар Ниязов туған жеріне келді. Аймақ басшысы Г.Әбдіқалықованың қабылдауынан кейін журналистермен кездесіп, пікірлесті.
Тоғызыншы мәрте ұйымдастырылған аламан айтыс Нұр-Сұлтан қаласында өтті. Айта кетейік, Сырдың мақтанышы Мұхтар Ниязов «Алтын домбыра» айтысының барлығына қатысқан. Осыған дейін екі рет бас жүлдені қанжылаған болатын. Үшінші мәрте жеңіс тұғырынан көрініп, «Алтын домбыраның» мәңгі иегері атанды.
<blockquote>
 «Сырға барсаң жыршымын деме» деген сөзді ауызбен бәріміз айтамыз. Бірақ іспен дәлелдеуге дайын болуға бәріміз атсалысуымыз керек. Бұған дейін де солай болған. Қаншама халықаралық додаларда топ жарып жүрміз. Алдағы уақытта да бұнымен тоқтамаймыз. Бұл шыққан биігіміздің басы деп ойлаймын. Пандемияға байланысты биыл айтыс үш кезең бойынша ұйымдастырылды. Ең бірінші кезеңде Бекарыс Шойбековпен, одан кейін Арқалықтың ақыны Айбек Қалиевпен, сосын Семейлік Серік Қуанмен айтыстым. «Арық сөйлеп, семіз шық» дейді. Халық бағасын өзі береді, – деді Мұхтар Ниязов.
</blockquote>
Биыл додада 20 ақын бақ сынады. Сегіз ақын жартылай финалға сөз сайыстырды.

Мұхтар Ниязов: Бұл шыққан биігіміздің басы

<a href="https://kyzylorda-news.kz/">Kyzylorda-news.kz</a>.&nbsp;Бүгін облыс әкімінің орынбасары Наурызбай Байқадамов бастаған Сыр халқы Тәуелсіздік мерекесі қарсаңында өткен «Абай тағылымы – Тәуелсіздіктің тірегі» атты республикалық ақындар аламынында топ жарып, үшінші мәрте «Алтын домбыра» иегері атанған <a href="https://www.facebook.com/muhtar.niyazov?__cft__[0]=AZWwIAyYKfjGRTY27sm5f56uFX2asQMZVY-jMsjpurtpj3_ggBHLxsOljdVhiQAuFnoIn8uWP6OdkUUew5ieiUuzEJzbSS3v6XTKD0-SEqKuZ48LiTB1QLqCHpsYGaZaKyA&__tn__=-]K-R">Мұхтар Ниязов</a> пен Ұлттық мұрамыздың шамшырағын өшірмей, дәстүрлі өнерді дәріптеп жүрген, кеше ғана «Дарын» мемлекеттік жастар сыйлығын иеленген жыршы <a href="https://www.facebook.com/turikpenkunsulu?__cft__[0]=AZWwIAyYKfjGRTY27sm5f56uFX2asQMZVY-jMsjpurtpj3_ggBHLxsOljdVhiQAuFnoIn8uWP6OdkUUew5ieiUuzEJzbSS3v6XTKD0-SEqKuZ48LiTB1QLqCHpsYGaZaKyA&__tn__=-]K-R">Күнсұлу Түрікпен</a>ді «Қорқыт ата» әуежайынан зор қошеметпен күтіп алды.
Қазақ баласының рухани құбыласы дана Абайдың өмірі мен өнегесін жырға қосқан Елорда төріндегі дүлдүлдер додасында от ауыз, орақ тілді кіл жүйріктер арасынан үздік шығып, дара ойын кестелі сөзбен көркем жеткізген айтыстың ақтаңгерін жерлестері жеңісімен құттықтап, аймақ абыройын асқақтатып, мерейін тасытқаны үшін алғыс айтып, лебіздерін білдірді.
Қазақ руханиятының алтын қазынасы, ғасырдан ғасырға, ұрпақтан ұрпаққа ұласып келе жатқан мәдени мұрамызды дәріптеп, талай додада шашасына шаң жұқтырмай, өзгелерден оза шауып жүрген, өңір руханиятына ерекше олжа салған үш дүркін «Алтын домбыра» иегеріне ақын Кенжебай Жүсіп арнау айтты.
«Құрмет» орденінің иегері, Қызылорда қаласының Құрметті азаматы батагөй қария <a href="https://www.facebook.com/sabi.ansat?__cft__[0]=AZWwIAyYKfjGRTY27sm5f56uFX2asQMZVY-jMsjpurtpj3_ggBHLxsOljdVhiQAuFnoIn8uWP6OdkUUew5ieiUuzEJzbSS3v6XTKD0-SEqKuZ48LiTB1QLqCHpsYGaZaKyA&__tn__=-]K-R">Sabi Ansat</a> ақ батасын берді.
<blockquote>
 «Бұл менің ғана емес барша Сыр жұртшылығының жеңісі алғаш «Алтын домбыраны» иеленгенімде, түбінде бұл жүлде Қызылорданың музейінен орын алатын болады деп өзіме уәде бергенім есімде. Шамам келгенше тырыстым. Осы уақытта маған қолдау білдірген жерлестеріме алғыс білдіремін» – деді.
</blockquote>
Айта кетейік, Алтын домбыра айтысында үшінші мәрте үздік шыққан ақтаңгер бұған дейін 2012 және 2016 жылдары топ жарып, кіл жүйрікте шын жүйрік екенін дәлелдеген болатын.
<img src="https://kyzylorda-news.kz/wp-content/uploads/2020/12/130743984_2729216334011774_1314205207826334482_o.jpg" alt="" />

Қызылордалықтар үш дүркін  «Алтын домбыра» иегерін күтіп алды

Kyzylorda-news.kz. Айтыстың ақтаңгері Мұхтар Ниязов бүгін үшінші мәрте «Алтын домбыра» иегері атанды.
Бүгін Қазақстан Республикасы Мəдениет жəне спорт министрлігінің ұйымдастыруымен Nomad City Hall залында «Абай тағылымы – Тәуелсіздіктің тірегі» атты республикалық ақындар айтысының ақтық мәресі өтті.
Дүбірлі доданың нәтижесінде Мəдениет жəне спорт министрі Ақтоты Райымқұлова «Алтын домбыра» мен республикалық ақындар айтысындағы бас жүлдені Мұхтар Ниязовқа табыстады. Ал 1-орынды Бекарыс Шойбеков, 2-орынды Еркебұлан Қайназар, 3-орынды Серік Қуан иеленді.
Тәуелсіздік мерекесі қарсаңында еліміздің мәдениет саласына, оның ішінде ұлтымыздың дәстүрлі айтыс өнерінің дамуына өлшеусіз үлес қосқан Дариға Мұштанова, Серік Ыдырысов, Ақмарал Леубаева, Әбілхайыр Сыздықов, Жібек Болтанова «Қазақстан Республикасы Мәдениет саласының үздігі» төсбелгісімен марапатталды.
Айта кету керек, бүгінде Мұхтар Ниязов Қызылорда қалалық мәдениет және тілдерді дамыту бөлімінің басшысы қызметін атқарады.
<img src="https://kyzylorda-news.kz/wp-content/uploads/2020/12/fb_img_1607435335219.jpg" alt="" />

Мұхтар Ниязов – үшінші мәрте «Алтын домбыра» иегері

<a href="https://kyzylorda-news.kz/">Kyzylorda-news.kz</a>. Қызылорда облыстық Қазақстан халқы Ассамблеясының ұйымдастыруымен Достық үйінде «Еңбегі жанған арулар» форумы өтті.
Форумға «Қоғамдық келісім» КММ-нің директоры Азамат Мукеев, Аналар кеңесінің төрайымы Нұрсәуле Мұсаева, Аналар кеңесінің мүшесі, «Бойтұмар Ханым» қоғамдық қорының төрайымы Рахима Ахметова, облыстық іскер әйелдер қауымдастығының төрайымы Манат Алмашева, облыстық Ассамблея жұмысын жетілдіруде елеулі үлесі бар белсенді қыз-келіншектер, әр салада еңбек етіп жүрген нәзік жандар, аудан орталықтарынан келген ақ жаулықты аналар, «Берекелі шаңырақ» отбасылық байқауының жеңімпаздары және БАҚ өкілдері қатысты.
Жылулық ескен шарада «Анамның бейнесі» суреттер галереясы және бейнесі мәңгілікке жүргемізде сақталған «Қазақ аруларының» портреттері қойылды. Сондай-ақ қазақ әйелінің ұлттық әшекей бұйымдарының көрмесі көпшіліктің назарына ұсынылды.
Форумда «Қоғамдық келісім» КММ-нің директоры Азамат Мукеев тұтастықтың құтты шаңырағына айналған Ассамблеяның жұмысын ілгерлетуге атсалысып жүрген нәзік жандыларға ризашылығын білдіре отырып, «Қазақстан халқы Ассамблеясына 25 жыл» мерекелік медалін «Қазақстан» РТРК» АҚ Қызылорда облыстық филиалы директорының орынбасары Айсұлу Қасымова, Қармақшы аудандық Аналар кеңесінің мүшесі Дильфура Байрактарова, «Жомарт» қоғамдық бірлестігінің жетекшісі, Аналар кеңесінің мүшесі Майя Наримова, Назарбаев Зияткерлік мектебінің баспасөз хатшысы, Журналистер мен сарапшылар клубының төрайымы Елена Рыбина және Ж.Нұрманов атындағы №198 орта мектебінің директоры, Аналар кеңесінің мүшесі Анжела Садықбековаға табыстады.
Мұнан соң форум жылдағы дәстүрлі түрде өткізілетін «Берекелі шаңырақ» байқауының жеңімпаздарын марапаттау рәсіміне ұласты. Жүлделі бірінші орынды Жалағаш ауданы Цой отбасы, екінші орынды Қазалы ауданы Жұмаевтар отбасы, үшінші орынды Қызылорда қаласы Есиндер отбасы иеленді. Жеңімпаздарды Аналар кеңесінің төрайымы Нұрсәуле Мұсаева құттықтап, облыстық Ассамблея тарапынан әзірленген диплом мен бағалы сыйлықтарын тарту етті.
Сонымен қатар «Ақ орамал» жобасының ұйымдастырушысы Рахима Ахметова қатысушыларға зор алғысын білдіріп, атқарылған ауқымды шараларға шолу жасады. Осы ретте облыс көлемінде өткізілген «Ақ орамал» жобасы туралы бейнекөрсетілім көрсетілді. Тағылымы мол шара соңында еңбегімен елді нұрландырып жүрген асыл жанды 10 анаға ерекше номинациялар берілді.
<img src="https://kyzylorda-news.kz/wp-content/uploads/2020/12/129679438_2811301592522336_3438618608037724293_o.jpg" alt="" />
<img src="https://kyzylorda-news.kz/wp-content/uploads/2020/12/129842991_2811316602520835_2134921729179762405_o.jpg" alt="" />

Қызылордада аруларға арналған форум өтті

<a href="https://kyzylorda-news.kz/">Kyzylorda-news.kz</a>. 3 желтоқсанда Ресейдің «Виктория» ұлттық музыка сыйлығы тапсырылады. Әнші Димаш Құдайберген байқаудың «Үздік поп әнші» аталымында Your love әнімен ұсынылған, деп хабарлайды <a href="https://lenta.inform.kz/kz/dimash-kudaybergen-viktoriya-muzyka-baykauynyn-finalyna-shykty_a3724340">ҚазАқпарат</a>.
«Виктория» сыйлығын тапсыру рәсімі Кремль сарайында өтеді. Биылғы байқауда көрермен болмайды. Алайда концерттің телевизия нұсқасы 18 қаңтарда «Россия-1» телеарнасы көрсетеді.
«Виктория» сыйлығын ақын, меценат Михаил Гуцериев, композитор, продюсер Игорь Крутой, жазушы, медиа-менеджер Юрий Костиндер ұйымдастырған.
Финалға шыққандар «Үздік жыл әні», «Үздік поп әнші», «Үздік хип-хоп орындаушы», «Үздік рок-группа немес рок әнші», «Жыл композиторы», «Жыл ақыны» секілді 14 номинацияда бақ сынайды. Онда қазіргі заманауи музыканың барлық бағыты қамтылған.
2020 жылы әртістердің көбі онлайн концерт қоюға мәжбүр болды. Сондықтан ұйымдастыру комитеті «Жылдың онлайн концерті» деген аталым ашты.
Байқау сахнасына Niletto, Филипп Киркоров пен Dava, Полина Гагарина, Artik&amp;Asti, «Виктория-2019» сыйлығының иегерлері Димаш Құдайберген мен Zivert; Николай Басков, Артем Качер, Polina және биыл әндері Ресейде хитке айналған өнерпаздар бар.

Димаш Құдайберген «Виктория» музыка байқауының финалына шықты

Kyzylorda-news.kz. Қорқыт ата атындағы Қызылорда университетінде «Мұстафа Шоқай – түркі халықтарының азаттығы мен бірлігі жолындағы қозғалыстың көшбасшысы» атты халықаралық ғылыми-тәжірибелік конференция өтті.&nbsp;
ZOOM платформасында өткізілген конференция ғылыми кітапхананың дәстүрлі және виртуалды көрмесімен сүйемелденді.
Конференцияға қатысқан спикерлер арасында Қызылорда облысы әкімінің орынбасары Н.Байқадамов, Қорқыт Ата атындағы Қызылорда университетінің ректоры Б.Кәрімова, ҚР ҰҒА академигі, Абай атындағы ҚазҰПУ профессоры М.Қойгелдиев, ҚР ҰҒА академигі, Л.Н.Гумилев атындағы Еуразия ұлттық университетінің профессоры, Д.Қамзабекұлы, Стамбул Мимар Синан университетінің профессоры Әбдіуақап Қара, Өзбекстан Ғылым академиясы тарих институтының аға ғылыми қызметкері, профессор Раджабов Кахрамон, Қорқыт ата атындағы Қызылорда университеті «Мұстафа Шоқай» ғылыми орталығының ғылыми жетекшісі, профессор Б.Әбдіжәлел, Қ.А.Ясауи атындағы Халықаралық қазақ-түрік университетінің профессоры, Т.Хазретәлі, Қорқыт Ата атындағы Қызылорда университеті «Қазақ тілі мен әдебиеті және журналистика» кафедрасының меңгерушісі, филология ғылымдарының кандидаты Ғ.Тұяқбаев болды.
Конференция барысында түркі халықтарының бірлігі мен азаттығы жолындағы күреске саналы ғұмырын арнаған Мұстафа Шоқайдың өмірлік жолына, саяси-қоғамдық еңбегіне жан-жақты шолу жасалды.
Атап айтқанда, Д.Қамзабекұлы Мұстафа Шоқай мен Смағұл Сәдуақасұлының сабақтастық тағылымы туралы баяндамасында ұлт жанашырларының еңбегі жан-жақты зерделенді.
&nbsp;Сонымен қатар Мұстафа Шоқай мен әулетіне кеңес үкіметі жасаған қиянат жайында талқыланып, оның Еуропадағы ел тәуелсіздігі жолындағы күресі туралы толыққанды ақпарат берілді.
Өзбекстандық ғалым К.Раджабов сөз барысында Шоқайдың еңбектеріндегі кеңестік жүйеге қарсы қарулы күрес мәселесіне қатысты ой толғап, тарихи деректерден мысалдар келтірді.
Әзірбайжандық ғалым Дилгам Ахмад баяндамасын Мұстафа Шоқайдың Әзірбайжанға саяси эмиграциясы кезеңіне арнады. Ғалым Шоқай мен өз елінің азаттық күрескерлері арасындағы тығыз саяси байланыс пен ұлт бостандығы жолындағы мүдделерінің үндесуі мен жақындығын ерекше атап өтті.
Шараға қатысушылар конференция барысында Шоқай мәселесіне қатысты өз пікірлерімен бөлісіп, ойларын ортаға салды.
Сонымен бірге, қатысушылар тарапынан берілген ұсынымдар арасынан Қызылорда облысы Шиелі ауданына Мұстафа Шоқай есімін беру мен аймақтағы жоғары оқу орындарының үздік оқитын студенттеріне «Мұстафа Шоқай» атындағы арнаулы стипендия тағайындау мәселелері көпшіліктің көңілінен шықты.
Университет ректоры Бейбіткүл Кәрімова шараны қорытындылай келе, бүгінгі қоғам өткен тарихтан сабақ алып, ұлтымыздың біртуар тарихи тұлғаларын танудың маңыздылығын баса айтты.
<img src="https://kyzylorda-news.kz/wp-content/uploads/2020/11/127889061_2115493595254722_4719926224791694633_o.jpg" alt="" />
<img src="https://kyzylorda-news.kz/wp-content/uploads/2020/11/128159508_2115493708588044_1597216597356206276_o.jpg" alt="" />
<img src="https://kyzylorda-news.kz/wp-content/uploads/2020/11/127643792_2115615508575864_3643459765732484542_n.jpg" alt="" />

Қазақстан және Қызылорда облысының жаңалықтары: Мәдениет

Тұңғыш рет «Қызылорда дауысы-2020» эстрада байқауы басталды

Қызылордаға ҚР Мәдениет және спорт министрі жұмыс сапарымен келді

Қазалыда жаңа ауылдық клуб ашылды

Нұрлыбек Нәлібаев: «Жастар театры» – тарлан тұлғалардың лайықты жалғасы

Қазақстанның еңбек сіңірген қайраткері Мұрат Сыдықов 80 жасқа толды

Күнсұлу Түрікпен: Мемлекеттік сыйлық жастарға шабыт сыйлайды

Мұхтар Ниязов: Бұл шыққан биігіміздің басы

Қызылордалықтар үш дүркін «Алтын домбыра» иегерін күтіп алды

Мұхтар Ниязов – үшінші мәрте «Алтын домбыра» иегері

Қызылордада аруларға арналған форум өтті

Димаш Құдайберген «Виктория» музыка байқауының финалына шықты

Қызылордада халықаралық ғылыми-тәжірибелік конференция өтті

Қазақстан және Қызылорда облысының жаңалықтары: Мәдениет

Тұңғыш рет «Қызылорда дауысы-2020» эстрада байқауы басталды

Қызылордаға ҚР Мәдениет және спорт министрі жұмыс сапарымен келді

Қазалыда жаңа ауылдық клуб ашылды

Нұрлыбек Нәлібаев: «Жастар театры» &#8211; тарлан тұлғалардың лайықты жалғасы

Қазақстанның еңбек сіңірген қайраткері Мұрат Сыдықов 80 жасқа толды

Күнсұлу Түрікпен: Мемлекеттік сыйлық жастарға шабыт сыйлайды

Мұхтар Ниязов: Бұл шыққан биігіміздің басы

Қызылордалықтар үш дүркін «Алтын домбыра» иегерін күтіп алды

Мұхтар Ниязов – үшінші мәрте «Алтын домбыра» иегері

Қызылордада аруларға арналған форум өтті

Димаш Құдайберген «Виктория» музыка байқауының финалына шықты

Қызылордада халықаралық ғылыми-тәжірибелік конференция өтті

Нұрлыбек Нәлібаев: «Жастар театры» – тарлан тұлғалардың лайықты жалғасы