<a href="https://kyzylorda-news.kz/">Kyzylorda-news.kz.</a> Қазақстан Республикасы мәдениет және спорт министрлігінің келісімімен, Ақмола облысы мәдениет, архивтер мен құжаттамалар басқармасы, облыстық халық шығармашылық және мәдени демалыс орталығы&nbsp;Абай Құнанбайұлының 175 жылдық&nbsp;мерейтойын мерекелеу аясында “Дара – Абай, дана – Абай” жазба ақындардың республикалық онлайн-айтысын өткізетінін жариялайды.
Жазба онлайн-айтысты ұйымдастырушылар:
Ақмола облысының мәдениет, архивтер мен құжаттамалар 
басқармасы ; 
Облыстық халық шығармашылық және мәдени демалыс орталығы; 
Қазақстан Жазушылар одағы Ақмола облыстық филиалы .
Жазба айтысты өткізу тәртібі мен шарттары
Айтысқа Қазақстанның барлық өңірлерінен жазба ақындар және айтыскерлер қатыса алады. Жасқа шектеу қойылмайды. Сөз сайысы үш кезеңнен тұрады: іріктеу кезеңі – мамыр-маусым айлары, жартылай кезең – шілде айы, ақтық мәре – тамыз айында.
Ақындар әлеуметтік желі парақшасында өзара онлайн айтысып, бір-біріне бір тәулік ішінде жауап беруі шарт. Егер әлдебіреуі уақытынан кешігіп, жауапсыз қалған жағдайда жеңілген болып есептеледі. Бұл айтыстар халық шығармашылығы орталығының сайтында және Facebook, Instagram парақшаларында жарияланып тұрады, ұнатқан ақынына оқырмандар өз дауысын беріп, пікір білдіре алады. Әр жұптың айтысы 4 кезектен аспауы керек. Сапасыз немесе әдепке қайшы жазылған сөздерге жол берілмейді.
Қатысушыларға қойылатын талаптар:&nbsp;
сөз өткірлігі, тапқырлығы; айтар ойының көркемдік деңгейі; ақынның берілген уақытты тиімді пайдалануы, тақырыпты аша білуі; қарсыласына ұтымды жауап қайтару шеберлігі. 
Облыстық халық шығармашылық және мәдени демалыс орталығы мен Қазақстан Жазушылар одағы Ақмола облыстық филиалы бірлесе отырып ұйымдастыру жұмыстарын қамтамасыз етеді. Қазылар алқасының құрамына есімі елге белгілі ақын-жазушылар, сыншылар кіреді.
Жазба ақындар мен айтыскерлердің қатысуымен қорытынды кеш тамыз айында өткізіледі. Кешке абайтанушы ғалымдар, ақындар мен өнер қайраткерлері қатысады.
&nbsp;Қатысушының ұсынатын құжаттары:
<ol>
<li>Өтінім;</li>
<li>Жеке куәлік көшірмесі;</li>
<li>Сапалы сандық сурет;</li>
<li>Қысқаша шығармашылық мінездемесі; 
Өтінім (үлгіге сәйкес) 2020 жылғы мамырдың 31-не дейін “Дара – Абай, дана – Абай” деген атпен ocnt.kokshetau@mail.kz және almas.1979@mail.ru электрондық мекен-жайы бойынша қабылданады.&nbsp;Байланыс телефондары: 8(716-2) 25-33-96; 8-707-044-44-40, 8-701-266-06-49. 
&nbsp;Ұйымдастыру алқасының атынан сөз сайысының жеңімпаздарына қомақты қаржы тағайындалып отыр. 
Бас жүлде – біреу; 
І орын – біреу; 
ІІ орын – екеу; 
ІІІ орын – үшеу; 
3 арнайы жүлде: Зілғара шешен Байтоқаұлы атындағы, Орынбай Бертағыұлы атындағы және әлеуметтік желіде ең көп дауыс жинаған “Үздік ақын” жүлдесі. Айтыс жеңімпаздары мен қатысушылары диплом және бағалы сыйлықтармен марапатталады. 
Жүлдегер арнайы шақырылып, Бурабай баурайында өтетін қорытынды кеште марапатталады. 
Үздік өлеңдер “Жазба ақындар айтысы” жыр-жинағында жарық көреді.</li>
</ol>

&#8220;Дара – Абай, дана – Абай&#8221; атты жазба ақындардың республикалық онлайн-айтысы өтеді

Kyzylorda-news.kz. Қармақшы ауданы әкімдігінің қолдауымен, аудандық ішкі саясат бөлімі, “Қармақшы жастары” жастар қоғамдық бірлестігі ұйымдастыруымен Ұлы жеңістің 75 жылдығына арналған “Ұрпаққа ұран болған-Ұлы жеңіс” атты облыстың онлайн жазба ақындар айтысы өз мәресіне жетті.
Айтулы шараға Қазалы, Шиелі, Сырдария, Қармақшы аудандарынан және Қызылорда қаласынан жыр жүйректері қатысты.
4 күн бойы фейсбук әлеуметтік желісінде халықтың көкейіндегі ойды дөп басып, қазіргі кезде елемізде болып жатқан жағдайларды жалынды жырларымен жүрекке жеткізді.
Бірінен-бірі асатын жас ақындардың бағындырар белестері мен алар асулары көп екіні, тартысты айтыстарынан аңғардық. Бәйге болғасын бірі озып, бірі қалып жатады. Елге белгілі Серік Ыдырысов, Берік Саймағанбетов, Арнұр Көшеней секілді ағаларымыз ақындарға қазылық етіп, таланттарға өз бағаларын берді.
Қазылар алқасының шешімімен: 
Бас жүлдені 
Қармақшылық Сырым Әділбеков қанжығасына байлады.
І орынды Сырдариялық Төрехан Совет, ІІ орын – Мөлдір Айтбай Кызылорда қаласы. ІІІ орын – Тұрар Бекмұрзаев Қармақшы ауданы.
Жауынгер, ақын Ә.Егізбаев атындағы арнайы жүлдемен Қазалылық Ғабит Кәдірбай, Кеңес Одағының батыры Т.Көмекбаев атындағы арнайы жүлдемен Бекжан Ержігіт /Шиелі ауданы/ марапатталды.
Ақындарға Қармақшы ауданы әкімдігінің атынан арнайы дипломдармен ақшалай сыйлық табысталды.

Қармақшыда облыстық жазба ақындар айтысы мәресіне жетті

<a href="https://kyzylorda-news.kz/">Kyzylorda-news.kz.</a> Назарбаев Зияткерлік мектептерінің білім алушылары арасында алғаш рет өткізілген «Біз біргеміз» қашықтан би фестивалінде қызылордалық зияткерлер 2 жүлделі орындарды иеленді.
60-қа жуық талантты жастардың басын қосқан байқау халық билері, қазіргі заман хореографиясы, спорттық балдық би, хип-хоп және k-pop бағыттары бойынша өткізілді. Алғашқы жанрда Қызылордадағы мектептің 11-сынып оқушысы Елжан Жарылқасын және 12-сынып оқушылары Гүлмарал Кеңесбек пен Жансая Серікбай өз өнерлерін көрсетсе, қазіргі заман билері бағытында 11-сынып оқушылары Мерей Исатай мен Назым Қуандық және 10-сынып оқушысы Баян Сарибаева бақтарын сынады.
Жансая мен Баян байқаудың ақтық кезеңіне жолдама алып, қорытындысы бойынша бірінші ару І орынды, ал екінші оқушы жүлделі ІІІ орынды иеленді. Сондай-ақ, фестиваль барысында би қойылымының креативті мазмұнымен ерекшеленген Мерей Исатай «Үздік қойылым» номинациясымен марапатталды.
Айта кету керек, І онлайн би фестивалін Шымкент қаласындағы физика-математика бағытындағы Назарбаев Зияткерлік мектебі ұйымдастырып, алдағы уақытта дәстүрлі түрде өткізуді жоспарлап отыр.
<img src="https://kyzylorda-news.kz/wp-content/uploads/2020/05/02-13.jpg" alt="" />
<img src="https://kyzylorda-news.kz/wp-content/uploads/2020/05/03-9.jpg" alt="" />
<img src="https://kyzylorda-news.kz/wp-content/uploads/2020/05/kashyktan-bi-konkwrsy-1.png" alt="" />

Қызылордалық оқушылар қашықтан би фестивалінде жеңімпаз атанды

<a href="https://kyzylorda-news.kz/">Kyzylorda-news.kz.</a> «Бала дауысы» ұлттық балалар ән конкурсының бесінші маусымына іріктеу қашықтан өтеді, деп хабарлайды <a href="http://lenta.inform.kz/kz/bala-dauysy-baykauynyn-5-mausymyna-irikteu-bastaldy_a3629871">ҚазАқпарат.</a>
Байқаудың 5-маусымына іріктеу 26 наурыз бен 25 сәуір аралығында ұйымдастырылады. Оған 8-12 жас аралығындағы балалар қатыса алады.
Онлайн-іріктеу турына қатысу үшін өтінімді толтырып, кез келген тілде және кез келген жанрда екі-үш ән үзінділері орындалған видеоны жіберу қажет. Іріктеу турының қорытындысы бойынша 17 финалист анықталады. Олар маусым айының басында Алматы қаласына шақырылатын болады.
«Бала дауысы» – бұл әлеуметтік жоба. Оның барлық кезеңдеріне қатысу тегін, ал жеңімпаздары мен жүлдегерлері еліміздің музыкалық оқу орындарында білім алуға гранттар мен ертегілер әлемі – Диснейлендке жолдама алады.
Байқаудың ұйымдастырушылары – Әлия Назарбаеваның «Жандану әлемі» қоры, ҚР Мәдениет және спорт министрлігі және ҚР Тұңғыш Президенті-Елбасы қоры.
Толық ақпаратты конкурстың ресми www.baladauysy.kz сайтынан білуге болады. Өтінімдер www.notka.kz сайтында 26 наурыздан бастап қабылданады.

«Бала дауысы» байқауының 5-маусымына іріктеу басталды

<a href="https://kyzylorda-news.kz/">Kyzylorda-news.kz.</a> Көптеген халықтар Жыл басын күн мен түннің теңелген кезінде қарсы алады. Әзербайжан, Иран, Ауғанстан, Тәжікстан, Қазақстан, Қырғызстан, Өзбекстан сияқты Жібек жолы бойындағы барлық мемлекеттер жаңа жылды осы күні атап өтеді. Бұл мейрам – Жер-Ананың оянып, көктем мезгілі келуінің нышаны.
Ежелгі грек шежірешісі Страбон да Наурыз мейрамы туралы жазған.
«Өте ежелден қазіргі кезге дейін Месопотамия тұрғындары бұл күнді атап өтеді. Мейрам күні саудагерлер саудасын, қолөнер шеберлері жұмысын тоқтатады. Олар көңіл көтеріп, отқа қайнатылған сусын мен тағам дайындайды» деп жазған ол.
Бұл ежелгі мәдениеттен мұра болып қалған және ислам дінімен қатысы болмаса да – мұсылман халқы кең көлемде атап өтетін мейрам. 2010 жылғы 23 ақпанда Біріккен Ұлттар Ұйымы Бас Ассамблеясының қарарымен бұл мейрам Халықаралық Наурыз күні деп танылған және ЮНЕСКО-ның Адамзаттың материалдық емес мәдени мұралары тізіміне енген.
Жапонияда көктемгі күн мен түннің теңелуін Сюмбун но хи деп атайды және үш күн бұрын мерекелеуді бастап кетеді. Бұл кезде бақта сакура гүлдейді. Жапондықтар өмірден өтіп кеткен туған-туыстарын еске алып, бейіт басына барады.
Славяндардың ежелгі сенімі бойынша Наурыз мейрамы 14 күн бойы — 22 наурызға дейін бір апта және кейін бір апта мерекеленген. Сол күндердің бірі Ярила күні деп аталған. Ярила – көктем мен күннің құдайы, ол уақытымен келсе көктем шығып, күзде мол өнім болады деген сенім болған. Осы мерекеде олар от жағып, жамандықтан арылу үшін үстінен секірген. Бұл мереке кейін Масленица деп аталып кетті.
Биыл Шығыс жыл санауы бойынша – Тышқан жылы. Қазақ халқының мүшелдік жыл санауы тышқан жылынан басталады. Ол бүгін – 22 наурызда кіреді. Қазақ халқы тышқан жылын ырыс-ынтымақта, бақ-берекелі жыл деп санаған.
Астрологтардың айтуынша, Тышқан жылы жеке өмірде де, қоғамда да ауқымды өзгеріс ала келеді. Бұл жылы жалқаулыққа, әлсіздікке жол бермей, адал еңбек етуге ұмтылған жөн.
Батыс елдерінде тышқан зиянды, ауру таратушы ретінде саналса, Шығыс елдерінде батыл, ақылды, қу, мақсатқа жетпей қоймайтын болып сипатталады. Демек, бұл жыл мақсатқа ұмтылатын еңбекқор адамдардың жолы болатын жыл деуге болады.
<a href="https://lenta.inform.kz/kz/tyshkan-zhylynan-kanday-zhaksylyk-kutuge-bolady_a3628294">ҚазАқпарат</a>

Тышқан жылынан қандай жақсылық күтуге болады?

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов облыстық «QYZYLORDA» телеарнасының директоры Жағыппар Қарабаланы&nbsp; 60 жасқа толған&nbsp; мерейтойына орай&nbsp; қабылдап, құттықтады.
Жағыппар Аманжолұлы 1960 жылы 5 наурызда Оңтүстік Қазақстан облысы, Мақтаарал ауданында дүниеге келген. С.М.Киров атындағы Қазақ Мемлекеттік, қазіргі Әл-Фараби атындағы Қазақ Ұлттық университетінің журналистика факультетін бітірген. Жоғары оқу орнын тәмамдап, 1982 жылы алғаш еңбек жолын Жезқазған облысында аудандық газеттен бастап, 1991 жылы Жезқазған облыстық «Сарыарқа» газетінің бөлім меңгеруші, 1992-1998 жылдар аралығында Қызылорда облыстық телерадиокомпаниясы түрлі қызметтер атқарып, 2005 жылдан бері «Қазақстан» РТРК» акционерлік қоғамының Қызылорда облыстық филиалының директоры қызметін абыроймен атқарып келеді.
Жағыппар Аманжолұлының БАҚ саласындағы еңбегі мемлекет тарапынан лайықты бағаланып, «Құрмет» ордені, ҚР Ақпарат саласының үздігі, ҚР Президентінің Алғыс хатымен, ҚР Тәуелсіздігіне – 15 жыл, Қазақстан Халқы Ассамблеясына – 20 жыл, ҚР Конституциясына – 20 жыл мерекелік медальдарымен, облыстың «Құрмет грамотасымен» марапатталған.
Облыс әкімі шарада мерейтой иесіне&nbsp; Қазақстан Республикасының Мемлекеттік хатшысы Қырымбек Көшербаев пен Қазақстан Республикасының Мәдениет және спорт министрі Ақтоты Райымқұлованың құттықтау хатын табыстады.
Жағыппар Аманжолұлын мерейтойымен құттықтап, ыстық ықыласын білдіру үшін мемлекет және қоғам қайраткері Әбдіжәлел Бәкір, халықаралық «Қазақ тілі» қоғамы Қызылорда облыстық филиалының төрағасы Сәдуақас Аңсатов пен&nbsp; ақпарат саласының өкілдері қатысты.
Аймақ басшысы Жағыппар Аманжолұлын мерейлі мерекесімен құттықтап, сый-сыяпатын көрсетті.
<blockquote>
 «Сіз іскер де білікті, ұйымдастырушылық қабілетіңізді танытып, абыройлы қызмет атқарып келесіз. Біз облыста журналистика саласының қарыштап дамуын, оның ішінде телевизияның өркендеп өсуін, заман талабына сай болуына әрқашан жан-жақты қолдау жасайтын боламыз. Сізді өзімнің және облыс тұрғындары атынан тағы да мерейтойыңызбен құттықтаймын. Деніңізге саулық, отбасыңызға амандық тілеймін. Тойыңыз тойға ұлассын», – деді облыс әкімі Қ.Ысқақов.
</blockquote>

Аймақ басшысы танымал тележурналист Жағыппар Қарабаланы мерейтойымен құттықтады

<a href="https://kyzylorda-news.kz/">Kyzylorda-news.kz.</a> Қызылорда&nbsp; облысы Полиция департаментінің Есірткі бизнесіне қарсы іс-қимыл басқармасының қызметкерлерімен облыс көлемінде орта&nbsp; және&nbsp; арнаулы&nbsp; орта,&nbsp; жоғары&nbsp; оқу&nbsp; орындарының хор топтары арасында есірткіге&nbsp; қарсы&nbsp; патриоттық әндер&nbsp; орындау сайысы&nbsp; ұйымдастырылды.
Сайысқа&nbsp; 53&nbsp; үміткер қатысып,&nbsp; тақырыпқа&nbsp; байланысты&nbsp; ізденіп, патриоттық әндер мен есірткі&nbsp; мәселесін&nbsp; кеңінен&nbsp; ашатын&nbsp; өздерінің шығарған рэп-композиция, әндерін &nbsp;орындады.&nbsp;
Құрылған&nbsp; сайыстық&nbsp; комиссия шешіміне&nbsp; байланысты&nbsp; 53 сайыскердің ішінен ынталық&nbsp; танытқаны&nbsp; үшін&nbsp; 20 сайыскер&nbsp; аталды.&nbsp; Олар:
Өздерінің&nbsp; тапқырлығы&nbsp; мен&nbsp; жеңіске&nbsp; ынталығын&nbsp; танытқан&nbsp; 27&nbsp; (9 –бірінші, екінші, үшінші орындар)&nbsp; сайыскер&nbsp; жеңімпаз&nbsp; атанды,&nbsp; олар:&nbsp; Қызылорда қаласы №264 мектеп-лицей, Қармақшы ауданы №275 орта мектеп, Қармақшы ауданы №185 орта мектеп, Арал ауданы № 262 мектеп-гимназия, Қызылорда қаласы №173 орта мектеп, Қызылорда қаласы №140 орта мектеп, Қармақшы ауданы №26 орта мектеп, Сырдария ауданы №35 мектеп – лицей, Жаңақорған ауданы №160 орта мектеп, Жаңақорған ауданы №247 орта мектеп, Қызылорда қаласы №215 орта мектеп, Қармақшы ауданы №108 орта мектеп, Арал ауданы № 83&nbsp; орта&nbsp; мектеп, Арал ауданы № 14 мектеп-лицей, Жаңақорған ауданы №51 орта мектеп, Қазалы ауданы №170 орта мектеп, Сырдария ауданы №210 орта мектеп, Шиелі ауданы №45 орта мектеп, Қармақшы ауданы №109 орта мектеп, Қызылорда қаласы №176 орта мектеп.
Жарыстың І орынын Шиелі ауданынан №50 орта мектеп жеңіп алды. ІІ орынды Қармақшы ауданындағы №107 орта мектеп алды. Жаңақорған ауданы №180 орта мектеп – ІІІ орын иеленді.
<img src="https://kyzylorda-news.kz/wp-content/uploads/2020/03/02-12.jpg" alt="" />
<img src="https://kyzylorda-news.kz/wp-content/uploads/2020/03/03-7.jpg" alt="" />

&#8220;Есірткісіз болашақ үшін&#8221;: Қызылордада  патриоттық әндер  байқауы  өтті

<a href="https://kyzylorda-news.kz/">Kyzylorda-news.kz.</a> Қорқыт ата атындағы Қызылорда мемлекеттік университетінің студенттері Абай өлеңдерін шырқап, өзге оқу орындарына жыр эстафетасын жолдады.
Әдеби-сазды шарада жастарды толғандырып жүрген бірқатар мәселе де сөз болды. 80 жылдан астам тарихы бар Қорқыт ата атындағы Қызылорда мемлекеттік университетінде тәлім алатын шәкірттер мамандық таңдау мен еңбек нарығын реттеу жүйесін қалыптастыру керектігін айтады. Білім ордасында құрылған 19 жастар ұйымы мен 9 студенттік кеңес тарапынан ұсынылған жобалар республикалық «Jas Otan»-ға бағдарламасына енгізілетін болды.
<blockquote>
 «ҚР 645-тен астам жатақхана болса, колледж, ЖОО-да соның 66-сы ешқандай санитарлық нормаға сай келмейді. Жекеменшік ЖОО-да біз 35 мың жастан анкета өткіздік. Соның қорытындысын 3 наурыз күні шығарамыз. Қандай ЖОО-да жемқорлық деңгейі жоғары болатын болса, біз тікелей Білім және ғылым министрлігімен осы мәселені шешумен айналысамыз», – дейді «Jas Otan» жастар қанатының төрағасы Елнұр Бейсенбаев.
</blockquote>

Қызылордалық жастар әуенді челлендж бастады

<a href="https://kyzylorda-news.kz/">Kyzylorda-news.kz.</a> Бүгін қаладағы «Мұрагер» мектебінде Абай Құнанбайұлының 175 жылдығына арналған&nbsp; «Абай – ақыл-ойдың алыбы» атты әдеби-сазды кеш өтті.
Шараны қала әкімінің орынбасары Мира Қазбекова ашып берді.
<blockquote>
 «Абай – қазақ болмысының айнасы. Ақынның дара тұлғасы халқымыздың руханиятын әлемге танытатын теңдесі жоқ құндылық. Дүние жүзі әдебиетінде Абай секілді ақын, ағартушы, ойшыл, сыншы кемде кем. Баршаңызға белгілі «Абай – челлендж» поэтикалық эстафетасы бүгінде республика көлемінде жалғасуда. Бұл эстафетаға қала әкімдігіне қарасты бөлімдер мен білім беру ұйымдары ерекше үлес қосып, кеңінен насихаттауда. Дара ақын Абайдың тағылымын жастардың санасына сіңіріп, ұлы тұлғаның ой-толғамдарын кеңінен дәріптеу, Абай Құнанбайұлының 175 жылдығын кеңінен насихаттау бүгінгі шараның негізгі мақсаты болып отыр», – деді қала әкімінің орынбасары.&nbsp;
</blockquote>
Кеш барысында Мира Жомартқызы «Абай – челлендж» поэтикалық эстафетасына өз үлесін қосқан балабақша тәрбиеленушілері мен оқушыларды және ардагер ұстаздарды қала әкімінің Алғыс хатымен марапаттады.
<img src="https://kyzylorda-news.kz/wp-content/uploads/2020/02/28abaimurager1.jpg" alt="" />
Шара қала мектептерінің қатысуымен дайындалған Ұлы ақын Абай Құнанбайұлының өмірі мен шығармашылығынан сыр шертетін әдеби-сазды кешке ұласты.
<blockquote>
 «Қалалық білім бөлімінің ұйымдастыруымен өтіп жатқан кезекті шарамыз Абайдың 175 жылдығына арналып отыр. Шара «Мұрагер» мектебінде ұйымдастырылғанымен қаладағы білім беру ұйымдарының оқушылары мен мұғалімдері қатыстырылуда. Кеш барысында М.Әуезовтің «Абай жолы» роман-эпопеясының «Қайтқанда» бөлімінен Абайдың бала күнінен көрініс қойылып, ақынның әндері орындалып, оқушылардың Абайға арнаған өлеңдері оқылды. Айта кетейін, осы Абайдың 175 жылдығы аясында мұғалімдердің жазғы еңбек демалысында Абайдың елі Жиделі-Байсын жеріне саяхат ұйымдастырмақшымыз. Оған ниет білдірген қаладағы мектеп мұғалімдері бара алады», – дейді қалалық білім бөлімінің әдіскері Рита Мұқашева.
</blockquote>
Абай мұрасы мәңгілік өміршеңдігімен құнды. Олай дейтініміз, жыл сайын өтетін Абай оқулары байқауына қатысуға ниет білдіретін, сөз ұғар оқушылар өсіп келеді. Тіпті осы байқау арқылы респубикалық кезеңдерде топ жарып, жоғарғы оқу орындарына білім грантын жеңіп алған қызылордалық оқушылар да бар.
<blockquote>
 «8 сыныптан бастап Абайдың өлеңдері мен қара сөздерін жатқа айтып, Абай оқулары байқауына қатысып жүрдім. Қазірде №7 орта мектеп-лицейінде қазақ тілі мен әдебиеті пәнінің мұғалімімін. Бұл мамандықты таңдауыма да осы Абай шығармашылығы әсер етті десем болады. Бүгінде Абайдың 130 өлеңін жатқа білемін. Бала күнімде жол көрсеткен Ұлы Абайдың кітаптары өмірлік серігіме айналды десем артық емес. Шәкірттерім де Абай оқуларына қатысып, жүлделі орындардан көрініп жүр», – деді мектеп мұғалімі Элиза Сұлтанова.
</blockquote>
«Өлмейтұғын артына сөз қалдырған» ұлт мақтанышы заманының ұлы ойшылы, ақын сазгер Абай Құнанбайұлы ұрпағымен бірге жасайды. Ақынның өнегілі өмірін елге таныстырып, кемеңгер ойшылдың шығармашылығын ұрпаққа насихаттаудан жалықпауымыз керек.
Кешті қорытындылаған №264 мектептің оқушылары ақынның әндерін орындап, өлеңдерінен үзінді оқыды.
Фариза ОМАРОВА
<img src="https://kyzylorda-news.kz/wp-content/uploads/2020/02/28abaimurager2.jpg" alt="" />
<img src="https://kyzylorda-news.kz/wp-content/uploads/2020/02/28abaimurager3.jpg" alt="" />
<img src="https://kyzylorda-news.kz/wp-content/uploads/2020/02/28abaimurager4.jpg" alt="" />
<img src="https://kyzylorda-news.kz/wp-content/uploads/2020/02/28abaimurager5.jpg" alt="" />
<img src="https://kyzylorda-news.kz/wp-content/uploads/2020/02/28abaimurager6.jpg" alt="" />
<img src="https://kyzylorda-news.kz/wp-content/uploads/2020/02/28abaimurager7.jpg" alt="" />
<img src="https://kyzylorda-news.kz/wp-content/uploads/2020/02/28abaimurager8.jpg" alt="" />
<img src="https://kyzylorda-news.kz/wp-content/uploads/2020/02/28abaimurager9.jpg" alt="" />

Қызылордада Абайдың 175 жылдығына арналған әдеби-сазды кеш өтті

<a href="https://kyzylorda-news.kz/">Kyzylorda-news.kz.</a> Алғыс айту күні мерекесі Сыр өңірінде бүгіннен бастау алды,&nbsp;деп хабарлайды <a href="https://24.kz/kz/zha-aly-tar/o-am/item/377317-al-ys-ajtu-k-nin-yzylordaly-tar-alaj-atap-tude">«Хабар 24»</a>.
Өткен ғасырдың 30-40 жылдары жаппай Қазақстанға жер аударылған сан алуан этностың бір шоғыры Қызылорда облысының Қазалы ауданында қоныстанып, тамырын тереңге жайған еді. Бүгінгі Қазақстан халқы Ассамблеясының 25 жылдығымен қабат келген мәдени шаралардың бірі осы Қазалыда өтуде.
Елімізде 130-дан астам ұлыс болса, Қазалы жерінде 14 этнос өкілдері тату тәтті өмір сүруде. Олардың ата-бабалары тағдырдың айдауымен жер бетіне тарыдай шашылғаны белгілі. Кеңпейіл қазақ халқы қолындағы барымен бөлісіп, бүгінгідей берекелі, бейбіт кезеңге бірге аяқ басуға бастамашы болғаны сөзсіз.
Дастарханда бірнеше ұлттық тағам қойылған. Бұл да – мерекелік шараның бір ерекшелігі.
Хәкім Абайдың өміршең өлеңдерін өмірлік өнеге еткен өзге ұлт өкілдері де аз емес. Соның бірі Наталия Баркова «Көзімнің қарасы» әнін орындып, көпшіліктің қошеметіне бөленді.
<blockquote>
 «Ұлы Абайдың қара сөздері, өлеңдері, әндері, күйлері терең мағынаға ие. Мен өзім қазақ мектебінде оқығанмын. Қазақ тілін жетік меңгердім. Сондықтан қазақ әндерін айтқанды ұнатамын. Осындай достыққа берік қазақ халқына деген алғысымды өнеріммен жеткізгім келді. Ұстаздық қызметте де жақсы жетістіктерге жетіп, еліміздің дамуына үлес қоса беремін. Мереке құтты болсын», – деді&nbsp; Әйтеке би кентінің тұрғыны Наталия Баркова.
</blockquote>
Тарихты танып, құндылықтарды қастерлеп, бірлікті нығайту. Иә, «Алғыс айту» күнінің түп төркіні осындай игі бастамалардан құрылғаны анық. Бірнеше ұлыстың өнерін бір сахнада тоғысты. Бұл да осы елде тамыр жайған талай ұлттың қазақ халқына деген алғаусыз алғысы, ыстық ықыласы болса керек.

Алғыс айту күнін қызылордалықтар қалай атап өтуде

<a href="https://kyzylorda-news.kz/">Kyzylorda-news.kz.</a> ҚР Мемлекеттік қызмет істері агенттігінің Қызылорда облысы бойынша департаменті мен ҚР Президентінің жанындағы Мемлекеттік басқару академиясының Қызылорда облыстық филиалы қызметкерлері ұлы ақын Абайдың 175 жылдық мерейтойына арналған «Абай – дана, Абай – дара қазақта» атты жылжымалы көрмемен танысты.
Қазақстанның барлық аймағына атбасын тіреуді көздеген көрме Сыр елінде С.Айтбаев атындағы көркемсурет галереясында орналасқан.
Мұнда ұлы ақын туралы мол мағлұматтар жинақталған «Абайдың «Жидебай-Бөрілі» мемлекеттік тарихи-мәдени және әдеби-мемориалдық қорық-музейімен» ұсынылды.
Департамент пен филиал қызметкерлері Абайдың өмірі мен шығармашылығына қатысты тарихи құжаттармен, архивтік деректермен, құнды қолжазбалармен, Абай оқыған Ахмет-Риза мешіт-медресесінің араб, түрік, парсы, шағатай тілдеріндегі кітаптарымен, этнографиялық бұйымдармен танысты.
<blockquote>
 «Ұлы ақынның ұлағатты өмірінен сыр шертетін, рухани нәр беретін жәдігерлермен танысу, әрбір мемлекеттік қызметшінің жұмысына тың серпін әкелетініне сенімдімін. Сол себепті сырбойылық барлық мемлекеттік қызметшілерді көрмемен танысуға шақырамын», – деді департамент басшысы Нұрман Талқанбаев.
</blockquote>
Жылжымалы көрмедегі құнды жәдігерлерді тамашалап, ерекше әсер алған қызметкерлер музей мамандарына алғыстарын білдірді.
<img src="https://kyzylorda-news.kz/wp-content/uploads/2020/02/28zhkorme2.jpg" alt="" />
<img src="https://kyzylorda-news.kz/wp-content/uploads/2020/02/28zhkorme3.jpg" alt="" />

Қызылордада Абайдың 175 жылдығына арналған жылжымалы көрме жалғасын табуда

<a href="https://kyzylorda-news.kz/">Kyzylorda-news.kz.</a> Қызылорда облысына жұмыс сапарымен келген «Nur Otan» партиясы төрағасының бірінші орынбасары Бауыржан Байбек пен Қызылорда облысының әкімі Қуанышбек Ысқақов Ұлы ақын Абай Құнанбайұлының 175 жылдығына арналған «Абай жолымен» атты республикалық ақындар айтысының ашылу салтанатына қатысты.
Аймақ басшысы айтыс – сөздің аламаны, халқымыздың өр рухының нәрі, сонымен қатар, идеологиялық тәрбиенің өткір құралы екенін атап өтті.
Қасиетті Сырдың бойы қазақ өнерінің қара шаңырағы және ортаймас ордасы 
екені – мойындалған шындық. Бұл киелі өлке ұлт өнерін асқақтатқан талай дүлдүлдер мен жүйріктерді дүниеге әкелген.
<blockquote>
 «Мысалы, сырнаймен төгілте жыр төккен Нартай, Сыр әуенін әуелете салған Әбілда Жүргенбаев, Мүтәліп Қыраубаев, сөз өнерін өрістеткен Манап Көкенов, Бибігүл Жаппасбаева, кеше ғана сексеннің сеңгіріне шыққан ақиық ақын Зәмеддин Ибадуллаев, ұстаздық пен айтысты қатар алып жүрген Серік Ыдырысов және айтыстың ақтаңгері, екі мәрте «Алтын домбыра» иегері Мұхтар Ниязовтың сөз сайысында ел намысының туын түсірмеген Кенжебай, Әбілқайыр, Нұрмат, Мейірбек сынды арынды ақындардың шабыттарын шыңдап, аққанат жырларын аспандатқан мекен», – деді облыс әкімі Қуанышбек Ысқақов.
</blockquote>
Қазақ халқының ұлы ақыны, ағартушы Абай Құнанбайұлының 175 жылдығына арналған республикалық «Абай жолымен» атты ақындар айтысына республикадан барлығы 12 ақын келді. Ал, ақындардың өнеріне Халық ақыны, Қазақстан Республикасының мәдениет және білім саласының үздігі Әсия Беркенова, ақын, Қазақстан Жазушылар Одағының мүшесі, республикалық «Жұлдыз» журналының бас редакторы Ғалым Жайлыбай, жырау, Қазақ ұлттық өнер академиясының профессоры, Қазақстанның еңбек сіңірген қайраткері Алмас Алматов пен ақын, журналист, публицист, Қазақстан Жазушылар одағының мүшесі Жанарбек Әшімжан және Қ.Мырзалиев атындағы өнер орталығының директоры Бауыржан Халиолла қазылық етті.
Республикалық ақындар айтысының ашылуынан кейін «Nur Otan» партиясы төрағасының бірінші орынбасары Бауыржан Байбек пен облыс әкімі Қуанышбек Ысқақов партия қатарына жаңа мүшелерді қабылдау салтанатты шарасына қатысты.
Бүгін Сыр елінде өтіп жатқан ақындар айтысының бас жүлдесін екі дүркін алтын домбыраның иесі, айтыстың ақтаңгері Мұхтар Ниязов иеленді. Ал І орынды оралдық Жансая Мусина қанжығасына байласа, ІІ орынды Нұр-Сұлтан қаласынан келген Әсем Ережеқызы иеленді. Қызылордалық Мейірбек Сұлтанхан мен Арқалықтың тумасы Айбек Қалиев ІІІ орынға жайғасты.
Жеңімпаздарды «Nur Otan» партиясы төрағасының бірінші орынбасары Бауыржан Байбек пен «Nur Otan» партиясы Қызылорда облыстық филиалының төрағасы, облыс әкімі Қуанышбек Ысқақов марапаттады.
<img src="https://kyzylorda-news.kz/wp-content/uploads/2020/02/28aitys2.jpg" alt="" />
<img src="https://kyzylorda-news.kz/wp-content/uploads/2020/02/28aitys3.jpg" alt="" />
<img src="https://kyzylorda-news.kz/wp-content/uploads/2020/02/28aitys4.jpg" alt="" />
<img src="https://kyzylorda-news.kz/wp-content/uploads/2020/02/28aitys5.jpg" alt="" />
<img src="https://kyzylorda-news.kz/wp-content/uploads/2020/02/28aitys6.jpg" alt="" />
<img src="https://kyzylorda-news.kz/wp-content/uploads/2020/02/28aitys7.jpg" alt="" />
<img src="https://kyzylorda-news.kz/wp-content/uploads/2020/02/28aitys8.jpg" alt="" />
<img src="https://kyzylorda-news.kz/wp-content/uploads/2020/02/28aitys9.jpg" alt="" />
<img src="https://kyzylorda-news.kz/wp-content/uploads/2020/02/28aitys10.jpg" alt="" />
<img src="https://kyzylorda-news.kz/wp-content/uploads/2020/02/28aitys11.jpg" alt="" />
<img src="https://kyzylorda-news.kz/wp-content/uploads/2020/02/28aitys12.jpg" alt="" />
<img src="https://kyzylorda-news.kz/wp-content/uploads/2020/02/28aitys13.jpg" alt="" />
<img src="https://kyzylorda-news.kz/wp-content/uploads/2020/02/28aitys14.jpg" alt="" />
<img src="https://kyzylorda-news.kz/wp-content/uploads/2020/02/28aitys15.jpg" alt="" />
<img src="https://kyzylorda-news.kz/wp-content/uploads/2020/02/28aitys16.jpg" alt="" />

Қазақстан және Қызылорда облысының жаңалықтары: Мәдениет

“Дара – Абай, дана – Абай” атты жазба ақындардың республикалық онлайн-айтысы өтеді

Қармақшыда облыстық жазба ақындар айтысы мәресіне жетті

Қызылордалық оқушылар қашықтан би фестивалінде жеңімпаз атанды

«Бала дауысы» байқауының 5-маусымына іріктеу басталды

Тышқан жылынан қандай жақсылық күтуге болады?

Аймақ басшысы танымал тележурналист Жағыппар Қарабаланы мерейтойымен құттықтады

“Есірткісіз болашақ үшін”: Қызылордада патриоттық әндер байқауы өтті

Қызылордалық жастар әуенді челлендж бастады

Қызылордада Абайдың 175 жылдығына арналған әдеби-сазды кеш өтті

Алғыс айту күнін қызылордалықтар қалай атап өтуде

Қызылордада Абайдың 175 жылдығына арналған жылжымалы көрме жалғасын табуда

«Абай жолымен» республикалық ақындар айтысының бас жүлдесін Мұхтар Ниязов иеленді (ФОТО)

Қазақстан және Қызылорда облысының жаңалықтары: Мәдениет

&#8220;Дара – Абай, дана – Абай&#8221; атты жазба ақындардың республикалық онлайн-айтысы өтеді

Қармақшыда облыстық жазба ақындар айтысы мәресіне жетті

Қызылордалық оқушылар қашықтан би фестивалінде жеңімпаз атанды

«Бала дауысы» байқауының 5-маусымына іріктеу басталды

Тышқан жылынан қандай жақсылық күтуге болады?

Аймақ басшысы танымал тележурналист Жағыппар Қарабаланы мерейтойымен құттықтады

&#8220;Есірткісіз болашақ үшін&#8221;: Қызылордада патриоттық әндер байқауы өтті

Қызылордалық жастар әуенді челлендж бастады

Қызылордада Абайдың 175 жылдығына арналған әдеби-сазды кеш өтті

Алғыс айту күнін қызылордалықтар қалай атап өтуде

Қызылордада Абайдың 175 жылдығына арналған жылжымалы көрме жалғасын табуда

«Абай жолымен» республикалық ақындар айтысының бас жүлдесін Мұхтар Ниязов иеленді (ФОТО)

“Дара – Абай, дана – Абай” атты жазба ақындардың республикалық онлайн-айтысы өтеді

“Есірткісіз болашақ үшін”: Қызылордада патриоттық әндер байқауы өтті