<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласындағы «КБИ», «Мұнайшы», Коммунизм», «Шанхай», «Әл-Фараби», «Бәйтерек», «Титов», «Қызылжарма» ауылдық округі, «Гагарин» тұрғын аудандарының орталықтандырылған ауыз су жүйелеріне жоспарлы жуу, шаю және залалсыздандыру жұмыстары жүргізіледі.&nbsp;Осы орайда 19 қазан күні кешкі сағат 21.00-ден 20 қазан күні таңғы сағат 06.00-ге дейін аталған тұрғын аудандарының орталық ауыз су жүйелеріне ауыз су беру уақытша тоқтатылатын болады.<blockquote>«Ауыз суды пайдаланар алдында кранды ашып, хлордың иісі толық кеткенше ауыз суды пайдаланбауды сұраймыз. Ведомстволық мекемелерде 2023 жылы 20 қазан күні сағат таңғы 06.00-ден бастап суды ағызып, хлордың иісі толық жойылғанға дейін жауапты кісілерді бекіту қажет», - делінген қала әкімдігінің таратқан хабарламасында. &nbsp;</blockquote><figure class="image"><img src="https://knadmin.beoblood.kz/uploads/cu_96fa64bb14.png" alt="cу.png"></figure>

Қызылорда қаласында ауыз су уақытша тоқтатылады 

<a href="https://kyzylorda-news.kz/">Kyzylorda-news.kz.</a>&nbsp; Қазақстан Республикасы Мәдениет және ақпарат министрлігі Дін істері комитетінің«Қызылорда облысы тұрғындары арасында ақпараттық түсіндіру жұмыстары бойынша семинар және әр-түрлі форматтағы іс-шараларды ұйымдастыру және өткізу» арнайы жобасы аясында &nbsp;дін мәселелері бойынша РАТТ мүшелері қоғамда дәстүрлі рухани-адамгершілік құндылықтарды қалыптастыру және діни экстремизмнің алдын алу бағытында семинарлар мен әртүрлі форматтағы 21 іс-шара өткізді.Іс-жоспар аясында РАТТ мүшелері Астана қаласы «Діндерді зерттеу орталығы» ЖШС маманыА.Бейсембі, &nbsp;Нұр-Мүбарак ЕИМУ Философия кафедрасының меңгерушісі, философия ғылымдарының кандидаты А.Рыскиева, Ұлытау облысы, «Діндерді зерттеу орталығы» КММ директоры Ж.Қанапия, ҚР Президенті жанындағы Мемлекеттік басқару академиясы Қызылорда облысы бойынша филиалының доценті, психология ғылымдарының кандидаты А.Аяғанова, ҚР Бас прокуратурасы жанындағы Құқық қорғау органдары академиясының құрметті профессоры, ҰҚК отставкадағы подполковнигі, психология маманы, сарапшы Л.Шакимова шақыртылды.РАТТ мүшелері Қызылорда қаласында, Шиелі ауданының ауылдық округтерінде және Сырдария ауданының Тереңөзек кентінде жастармен, студенттермен, ұстаздармен, еңбек ұжымдарымен, жазасын өтеушілермен кездесулер өткізіп,«Қазіргі қазақ қоғамындағы қыз баланың рөлі», «Жастар арасында рухани құндылықтарды түсіндіру және діни сауаттылықты арттыру», «Зайырлы мемлекеттің сипаттары және қоғамдағы қыз баланың рөлі» т.б. тақырыптаында әңгіме-сұхбаттар құрды.&nbsp;Осы күндері РАТТ мүшелері теолог,дінтанушы,исламтанушы мамандар Қызылорда облысының «Дін мәселелерін зерттеу орталығы»КММ қызметкері Б.Оспановтың, Ұлытау облысының «Ақниет»ақпараттық насихаттау және оңалту орталығы» ҚҚ өкілдігінің қызметкері М.Тұрапбайдың, Шымкент қаласы «Ақниет»ақпараттық насихаттау және оңалту орталығы» ҚҚ басшысы, дінтанушы, теолог Д.Оспановтың, Шымкент қаласы, «Дін мәселелерін зерттеу орталығы»КММ қызметкері С.Тілләбектің қатысуымен Қызылорда қаласында, Жалағаш ауданының Бұқарбай, Еңбек ауылдық округтерінде, Абай, Қызылжарма ауылдық округтерінде ауыл тұрғындарымен,колледж ұстаздарымен, студенттермен, медицина саласы қызметкерлерімен, әскери қызметшілермен, төтенше жағдайлар қызметкерлерімен, жаттықтырушылармен және спортшылармен «Діни экстремизм мен терроризмге қарсы іс-қимыл», «Радикалды діни ағымдардың зайырлы қоғамға әсері», «Діни радикализмнің зардаптары», «Жат діни ағым белгілері, одан сақтану жолдары», «Жастарда жалған діни ағымдарға қарсы иммунитет қалыптастыру – уақыт талабы», «Ұлттық қауіпсіздіктегі радикализм аспектілері», «Азаматтардың діни сенімге байланысты медициналық қызметтен бас тартуының салдары» және т.б. тақырыптар аясында21кездесу ұйымдастырылды.Сонымен қатар, ҚР Мәдениет және ақпарат министрлігі Дін істері комитетінің арнайы жобасы аясында Қызылорда облысы дін істері басқармасының қолдауымен 2023 жылдың 5-6 қазана ралығында Ә.Тәжібаев атындағы Қызылорда облыстық әмбебап ғылыми кітапханасының мәжіліс залында дін мәселелері бойынша өңірлік ақпараттық-түсіндіру тобы мүшелеріне арналған 2 күндік «Дін мәселелері бойынша білікті мамандар даярлау» тақырыбында оқыту семинары &nbsp;ұйымдастырылды.Оқыту семинарына РАТТ мүшелері Нұр-Мүбарак Египет Ислам Мәдениеті университетінің оқытушысы, дінтану доценті, философия докторы (PhD) Т.Абылов, Шымкент қаласының «Ақниет»ақпараттық насихаттау және оңалту орталығы» ҚҚ басшысы, дінтанушы, теолог Д.Оспанов, ҚР Бас прокуратурасы жанындағы Құқық қорғау органдары академиясының құрметті профессоры, психология маманы, сарапшы Л.Шакимова, «Конфессияаралық және өркениетаралық диалогты дамыту жөніндегі Н.Назарбаев атындағы орталығы» КеАҚ Діни ахуалды талдау және мониторинг департаментінің директоры, әлеуметтану ғ.к. Т.Жақиянов қоғамда дәстүрлі рухани-адамгершілік құндылықтарды қалыптастыру және діни экстремизмнің алдын алу бағытында дәрістер оқып, практикалық сабақтар өткізді.&nbsp;Аталған шараға дін мәселелері бойынша Қызылорда қаласы және аудандардағы ақпараттық-түсіндіру тобының 100-ден астам мүшелері, атап айтқанда теолог, психолог мамандар, мешіт қызметкерлері, әлеуметтік сала қызметкерлері, ҮЕҰ өкілдері т.б. мамандар қатысты.<figure class="image"><img src="https://knadmin.beoblood.kz/uploads/e980af70_eae9_47a0_8992_bba9bd7f3141_d8e1b8f503.jpg" alt="e980af70-eae9-47a0-8992-bba9bd7f3141.jpg"></figure>&nbsp;

РАТТ мүшелері Қызылордада ақпараттық-түсіндіру жұмыстарын жүргізді

<a href="https://kyzylorda-news.kz/">Kyzylorda-news.kz.</a> Жылу беру Қызылорда қаласында 13 қазанда, ал облысқа қарасты барлық аудандарда 13-16 қазан аралығында басталды. Бүгінде облыс орталығындағы 700 көпқабатты тұрғын үй мен 757 нысан жылуға қосылды. Қалған тұрғын үйлер мен әлеуметтік нысандарды жылуға қосу жұмыстары жүргізілуде.&nbsp;Бұл туралы Қызылорда облысының Өңірлік коммуникациялар қызметінің ақпарат алаңында облыстық энергетика және тұрғын үй-коммуналдық шаруашылық басқармасының басшысы Болатбек Ысмағұлов хабарлады.<blockquote>Жалпы, облыс бойынша 1064 әлеуметтік нысан және 845 орталықтандырылған жылу жүйесіне қосылған барлық көп қабатты тұрғын үйлер толығымен жылумен қамтамасыз етіледі. Жылу беру маусымына 237,7 мың тонна көмір қажет. Оның ішінде, тұрғындарға 205 мың тонна, әлеуметтік нысандар үшін 33 мың тонна. Осыған дейін облысқа 100 мың тонна көмір жеткізілді, - деді Болатбек Әбулхайысұлы.</blockquote>Қызылорда қаласы бойынша жылу желілерінің ұзындығы – 190,02 шақырымды құрайды. Қала бойынша орталықтандырылған жылу жүйесіне барлығы 1537 нысан қосылған.&nbsp;<blockquote>Қазіргі таңда, қаланы жылумен қамтамасыз ету мақсатында «Қызылордажылуэлектрорталығы» МКК-ндағы бірнеше жылу көздерінің негізгі қондырғылары штаттық режимде жұмыс істеуде, - деді «Қызылордажылуэлектрорталығы» МКК директоры Медет Усаин.</blockquote>

Қызылорда облысына 100 мың тонна көмір жеткізілді

<a href="https://kyzylorda-news.kz/">Kyzylorda-news.kz.</a>&nbsp;5 қараша күні Сырдария және Шиелі ауданы әкімінің сайлауы өтеді.&nbsp;Сайлау күні Сырдарияда - 18, Шиеліде - 40 сайлау учаскесі қызмет атқаратын болады. Онда барлығы 388 комиссия мүшесі сайлау науқанын өткізуге атсалысады.&nbsp;Сайлау өтетін учаскелердің барлығы талапқа сай жабдықталады. 20 қазаннан бастап учаскелер ашылып, сайлаушылар тізімдерімен жұмыс жасау басталады.Комиссия мүшелері сайлаушылардан дауыс беру құқығын беретін есептен шығару куәлігіне өтініштер қабылдайды. &nbsp;Сайлау науқаны күні дауыс беруші азаматтарға қолайлы жағдайлар жасалады, ал мүгедектігі бар азаматтар үшін арнайықолжетімділік болады.&nbsp;Бүгінгі күні Шиелі ауданында - 560, Сырдарияда - 299 дауыс беруге құқылы мүгедекті бар азамат тіркелген. &nbsp;Барлық сайлау үйі бірінші қабатта орналасқан және ақпараттық портал inva.gov.kz-теқолжетімділік картасына енгізілген.Дауыс беру үй-жайлары ішінде ақпараттық тақтада кандидаттар туралы негізгі ақпараттар көрсетіледі. Мүгедектігі бар азаматтар үшін арнайы кабиналар жасақталады және есту, көру қабілеті төмен азаматтарға құлаққаптар мен үлкейткіш құралдар алынады.&nbsp;Бюллетенді дұрыс толтыру жолдары көрсетілген арнайы трафареттер,көру қабілеті төмен азаматтар үшін аудио форматтағы материал да қолжетімді болады.&nbsp;Айта кетейік, Сырдария ауданында 22101, Шиелі ауданында 50402 сайлаушы тіркелген.&nbsp;

Сайлау: Шиелі және Сырдарияда 859 мүгедектігі бар сайлаушының дауыс беруге құқығы бар

<a href="https://kyzylorda-news.kz/">Kyzylorda-news.kz.</a>&nbsp;Қазақстанның басым бөлігі кең ауқымды антициклонның ықпалында болады, деп хабарлайды Қазгидромет.Сондықтан күн ашық, жауын-шашын жаумайды. Тек елдің батысында атмосфералық фронттардың өтуіне байланысты жаңбыр жауады.Еліміздің батысында, оңтүстік-шығысында жел күшейеді. Республика бойынша түнгі және таңертеңгі уақытта тұман түседі.Жетісу облысының орталығында, таулы аудандарында 1-3 градусқа дейін үсік жүреді.

17 қазанға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Қазгидромет Қазақстан бойынша 17-19 қазанға арналған ауа райы болжамын жариялады.Алдағы үш күнде ауа-райының тұрақсыз сипаты еліміздің батысы мен солтүстік-батысында сақталады. Түнде еліміздің солтүстік-батысында қар араласы жауын-шашын болып, жел күшейеді.Қазақстанның қалған бөлігінде ауа-райы ашық болады деп күтілуде. Тек 18-19 қазан күндері еліміздің солтүстігінде аздаған жауын-шашын болуы мүмкін. Республика бойынша түнгі және таңертеңгі сағаттарда тұман болады деп болжануда.Түнде Қазақстанның басым бөлігінде ауа температурасы 0-10 градусқа дейін жылиды.Сондай-ақ республиканың оңтүстік-шығысындағы таулы аудандарда 3 градус аяз болады деп күтілуде. Күндізгі уақытта ауа температурасы 10-18 градустан 5-15 градусқа дейін төмендейді. Ал еліміздің шығысында, оңтүстігінде, оңтүстік-шығысында термометрлер бағандары біртіндеп шығыста 5-15 градустан 10-18 градусқа, Қазақстанның оңтүстігінде, оңтүстік-шығысында 10-22 градустан 15-25 градусқа дейін жоғарылайды.

Алдағы күндерге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Отбасы, әйелдер және балалардың құқықтарын қорғау мәселелері бойынша "111" бірыңғай сенім телефоны құрылады. Бұл туралы Stan.kz ақпарат агенттігі хабарлайды.Премьер-министрдің орынбасары Тамара Дүйсенованың басшылығымен өткен кеңесте балалар мен жасөспірімдер арасындағы тұрмыстық зорлық-зомбылық пен қорқыту мәселелері талқыланды.Осы тапсырманы орындау үшін тұрмыстық зорлық-зомбылық пен буллингтің құрбаны болған қазақстандықтар 16 қазаннан бастап тәулік бойы "111" бірыңғай мемлекеттік байланыс орталығына жүгіне алады.Атап өтілгендей, қоңырау қалалық нөмірлер мен ұялы байланыс операторлары үшін тегін болады.<blockquote>"Азаматтарға қажетті көмек мәтіндік диалог арқылы да берілед3. Қиын жағдайға тап болған қазақстандықтарға көмек көрсету үшін білікті психологтар мен заңгерлер тартылды. Бірыңғай сенім телефоны мемлекеттік шұғыл қызметтер тізбесіне 101, 102, 103 және т.б. нөмірлермен тең енгізіледі. Бұл азаматтарға ықтимал құқық бұзушылықтар мен қылмыстардың алдын алу арқылы жедел көмек көрсетуге мүмкіндік береді", – деп толықтырды министрлер кабинеті.</blockquote>

Әйелдер және балалардың құқығын қорғау мәселелері бойынша сенім телефоны пайда болды

<a href="https://kyzylorda-news.kz/">Kyzylorda-news.kz.</a>&nbsp;Қазақстандықтар бүгіннен бастап push-хабарламалардың жаңа түрін алатын болады. Хабарламалар диагностикалық тексеру картасының жарамдық мерзімі аяқталғаны туралы алдын ала хабарлайды. &nbsp;Жаңартулар азаматтарға құжаттың жарамдылық мерзімі туралы 30 күн бұрын ескертуге мүмкіндік береді. Жіберілген push-хабарламалар eGov mobile мобильді қосымшасының «Хабарламалар» бөлімінде қолжетімді.Егер мобильді қосымша орнатылмаған болса, пайдаланушыға қосымшаны жүктуге сілтемесі бар 1414 нөмірінен қосымшаға жаңа хабарлама келгені туралы SMS жіберіледі.<blockquote>«Президенттің «көрінбейтін мемлекет» тұжырымдамасы аясында біз азаматтарға қажетті қызметтерді көрсетуді және ол туралы алдын ала хабардар етуді жалғасытырп жатырмыз. Push-хабарламалар азаматтарға ыңғайлы, себебі хабарламалар &nbsp;бір ай бұрын жіберіледі және азамттардың жаңа құжатты қайта рәсімдеуге уақыты болады. Осылайша, біз көлік иелеріне көптеген қауіптердің алдын алуға көмектесеміз. Бүгінде eGov mobile әртүрлі өмірлік жағдайларға арналған push-хабарландырулардың 15 түрін ұсынады. Уақыт өте бұл сан артады», - деп атап өтті «Ұлттық ақпараттық технологиялар» АҚ Басқарма төрағасы Ростислав Коняшкин.</blockquote>Сондай-ақ eGov мобильді қосымшасында цифрлық құжат – «Диагностикалық техникалық байқау картасы» қолжетімді. Жаңа құжатта техникалық жай-күй параметрлерінің тізбесі мен міндетті техникалық байқаудың нәтижелері көрсетілген көлік құралы мен оның тіркемелерінің иесі туралы мәліметтер бар. Құжаттың мерзімі өтіп кетсе, ол цифрлық құжаттарда көрсетілмейді.Көлік иелері электронды құжатты қағаз құжатпен қатар ұсына алады. Цифрлық &nbsp;құжатты eGov mobile &nbsp;мобильді қосымшасының басты бетіндегі «Цифрлық құжаттар» бөлімінде табуға болады. Құжат иесі оған QR коды арқылы қол жеткізе алады, бұл құжатты сұраған Тарапқа оның түпнұсқалығын тексеруге көмектеседі.Цифрлық құжат - түпнұсқа құжаттың аналогы. Қазіргі уақытта «Цифрлық құжаттар» сервисінде 29 құжат бар, оның ішінде жеке куәлік, жүргізуші куәлігі, ҚР азаматының паспорты және басқалар. Жаңартулар ҚР Индустрия және инфрақұрылымдық даму министрлігінің, ҚР цифрлық даму, инновациялар және аэроғарыш қызметі министрлігінің Мемлекеттік көрсетілетін қызметтер Комитетінің және «Ұлттық ақпараттық технологиялар» АҚ бірлескен жұмысы кезінде іске асырылды. &nbsp;

Көлік иелеріне құжатының мерзімі өткені туралы хабарлама жіберіледі

<a href="https://kyzylorda-news.kz/">Kyzylorda-news.kz.</a> Белгілі ақын, мемлекеттік сыйлықтың лауреаты Несіпбек Айтұлы 73 жасында дүниеден өтті.Несіпбек Айтұлы 1950 жылы Шығыс Түркістанның Тарбағатай аймағында туған. Ақын, мемлекеттік сыйлықтың лауреаты, Қазақстанның еңбек сіңірген қайраткері, «Парасат» орденінің иегері. Таңдамалы жеті томдығы «Фолиант» баспасынан жарық көрген эпик ақын.Еңбек жолын Шұбартау аудандық «Жаңа өмір» газетінде бастады. 1974 жылы Қазақ мемлекеттік университетінің журналистика факультетін бітірген.1974-1984 жж. «Балдырған» журналының поэзия бөлімінің меңгерушісі, «Жалын» баспасында редактор. 1984-1994 жж. Қазақстан Жазушылар одағында әдеби кеңесші. 1995-1996 жж. «Ақын» қауымдастығының директоры. 1997-2001 жж. «Қазақ әдебиеті» газетінде сын бөлімінің, «Жұлдыз» журналында поэзия бөлімінің меңгерушісі.2001 жылдан бастап Астана қаласына көшіп, Л.Н.Гумилев атындағы Еуразия ұлттық университетінде, Президенттік Мәдениет орталығында қызмет істеген.Қазақстан Жазушылар одағының секретариат мүшесі, Астана қаласындағы С.Сейфуллин атындағы мұражай директоры.Алғашқы кітабы 1974 жылы «Қозыкөш» деген атпен жарық көрді. «Жүректегі жаңғырықтар», «Әке туралы сыр», «Жаңбыр әні», «Түнделеп ұшқан тырналар», «Рухымның падишасы», «Мұқағали-Желтоқсан», «Бәйтерек», балаларға арналған «Балабақшаға барар жолда», «Желкілдеп өскен құрақтай», «Күміс күйме» («Серебряный сундучок»), «Қартаймайды күн неге?» атты кітаптары, Шығыстың ұлы шайыры Ә.Науаидың «Ескендір қорғаны», «Ләйлі-Мәжін» дастандарын тәржімалап, «Игорь жорығы туралы жыр», тағы басқа аударма кітаптары шыққан. Түріктің VІІ ғасырда өмір сүрген ұлы ақыны Жүніс Еміре, қытайдың көне дәуір ақыны Бо Цызюдың, француз ақыны ДЖ.Родаридың, сондай-ақ М.Исаковский, А.Барто, С.Михалков, С.Баруздин, В.Берестов, Т.Сыдықов, С.Жусуев өлеңдерін туған тілімізде сөйлеткен.«Бәйтерек»(2003), «Көз жасым» таңдамалы (2006), «Бөрітостаған» (2007), «Ерлікке ескерткіш» (2008), «Сардар» (2008), «Құланойнақ» (2009), «Арқатірек» (2010), «Наурызбай» (2011), «Ту» (2012), «Сарайымнан шыққан сөз» (2014), «Дариға, дәурен» (2018) және тағы басқа кітаптары жарық көрді.

Ақын Несіпбек Айтұлы дүниеден озды

<a href="https://kyzylorda-news.kz/">Kyzylorda-news.kz.</a> Жұмыссыздықты шешудің әртүрлі амалы бар. Қолынан келгені кәсіп ашады. Бүгінде мемлекет шағын және орта бизнес саласына көңіл бөліп, көптеген жеңілдіктер қарастырып келеді. Соның бірі – қайтарымсыз гранттар.Арал аудандық Отбасын қолдау орталығында 2021—2025 жылдарға арналған кәсіпкерлікті дамыту жөніндегі ұлттық жобасы бойынша жаңа бизнес идеяларды іске асыруға арналған мемлекеттік грант алушыларының өнімдерінің жәрмеңкесі өткізілді.Жәрмеңкеде грант алушылар өздерінің дайындап әкелген кондитерлік және наубайхана өнімдерін, жартылай дайын өнімдерді, балық, ет өнімдері және тігін шеберханасының бұйымдары, саз балшықтан жасалған бұйымдар, той-табақ бұйымдарын шығарды.Шараға арнайы қатысқан аудан әкімінің орныбасары Б. Жұмағұлов қатысушыларға жылы лебізін білдірді.<blockquote>«Өткен жылыда осындай игі істер көп болды. Биылда өз жалғасын тауып, көптеген өнімдер шығарылып, біршама жобалар қолға алынуда. Осындай ерекше дүниелерді жасап, сүйікті істеріңізбен айналысып жатқандарыңызға қуаныштымыз. Сіздерге сәттілік тілей отырып, тұтынушыларыңыз көп болып, өнімдеріңіз молая берсін демекпін. Мемлекет ұсынған мүмкіншілікті пайдаланып, аудандық өнім жатқандарыңызға шынайы алғысымыз шексіз»- деді, аудан әкімінің орынбасары.</blockquote>Жәрмеңкеге барлығы 32 кәсіпкер қатысты. Оның ішінде көп балалы, атаулы әлеуметтік көмек алушылар, мүгедектер, он сегіз жасқа дейінгі мүгедек бала күтуші және жастар бар. Түрлі өнімдер келген жұртшылыққа ұсынылып, ерекше заман талабына сай дайындалған өнімдер тұрғындарды қуантты. Алдағы уақытта аталмыш жәрмеңке дәстүрлі түрде ұйымдастырылып отыратын болады.<figure class="image"><img src="https://knadmin.beoblood.kz/uploads/391705241_3654630114865348_7181062382129285302_n_f960c3e202.jpg" alt="391705241_3654630114865348_7181062382129285302_n.jpg"></figure>

Аралда жас кәсіпкерлердің жәрмеңкесі өтті

<a href="https://kyzylorda-news.kz/">Kyzylorda-news.kz.</a> Экология және табиғи ресурстар министрі Ерлан Нысанбаев киік санын реттеуге қатысты жоспарымен бөлісті, деп хабарлайды <a href="https://kaz.inform.kz/">Kazinform.</a><blockquote>«Биологиялық негіздемеге сәйкес, киік санын реттеудің екі түрі ұсынылды. Біріншісі – коралдық (киіктерді айдап кіргізетін қоршау) әдіс. Бұл іс-шара әдетте күндіз жүргізіледі. Екіншісі – түнгі уақытта ату. Біз бірінші жолмен жүрдік. Алайда, ауа райының жағдайына және көлікті тиімді пайдалану мүмкіндігінің жоқтығына байланысты еінші әдісті жоспарлап отырмыз. Мен жауаптан қашпаймын, киік санын реттеу қажет», - деді министр Орталық коммуникациялар қызметіндегі баспасөз мәслихатында.</blockquote>Ведомство басшысының атап өтуінше, бүгінде киік саны тарихи көрсеткіштен асып кетті.<blockquote>«Бұл қасқыр сынды тахи реттеушінің жоқтығын орын алып отыр. Бұрын жұт, құрғақшылық болып, жайылым болмай қалатын. Мұнан бөлек, ауру таралатын», - деді Ерлан Нысанбаев.</blockquote>Министрдің дерегінше, осы уақытқа дейін коралдық әдіспен 90-нан астам киік ауланды. Сонымен қатар 14 киік атып алынды.

Елімізде киіктерді ату басталады

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев «Арманда» республикалық форумын өткізу үшін Қызылорда облысына іссапармен келген медиаменеджер, қоғам қайраткері Арман Давлетяров, қоғам белсендісі, журналист Ләйлә Сұлтанқызы және белгілі теолог Нұрлан имам Асановпен кездесті. Кездесуде форумның бастамашысы әрі ұйымдастырушысы Арман Давлетяров іс-шараның негізгі мақсаты туралы айтты.Күні кеше өткен жиында жойылуға таяу мамандықтар мен сұранысқа ие қызмет түрлері жөнінде кең мағлұмат берілді. Спикерлер өмірлік тәжірибелерін айтып берді. Отбасы құндылығы, гендерлік теңдік және әйелдің қоғамдағы рөлі туралы тақырыптар қозғалды. Дін мен ұлттық салт-дәстүрді ұштастыру, ұлттың болмысына сай жастарға әдет-ғұрыпты дәріптеу тетіктері де талқыға салынды. Қатысушылар түрлі сауал қойып, емін-еркін диалог өрбіді.Айта кетейік, бұл іс-шараны облыстар арасында алғашқы болып Қызылорда өңірі өткізуде.Аталған жоба аясында форум спикерлері өңірлердегі балалар мен қарттар үйлерін және тағы басқа әлеуметтік мекемелерді аралап, студенттер мен аз қамтылған отбасылармен кездесіп, игі іс жасауға атсалысады. Олардың жалпы аудиториясы 10 миллионға жуық адамды құрайды.Аймақ басшысы форум ұйымдастырушыларының жұмысына сәттілік тіледі.<figure class="image"><img src="https://knadmin.beoblood.kz/uploads/392938761_626936569627591_2643640334005522299_n_21a31cbc38.jpg" alt="392938761_626936569627591_2643640334005522299_n.jpg"></figure>

Қазақстан және Қызылорда облысының жаңалықтары: Қоғам