Фото: turkystan.kz<a href="https://kyzylorda-news.kz/">Kyzylorda-news.kz.</a>&nbsp; ҚМА Қызылорда облысы бойынша департаменті &nbsp;«Qnet» &nbsp;қаржы пирамидасымен айналысқан 3 күдіктіні қамауға алды.Күдіктілер Қызылорда қаласының аумағында «Qnet» компаниясының құрылымдық бөлімшесін ұйымдастырған азаматтар желілік маркетинг және электрондық коммерция деген желеумен Қызылорда қаласының 35 тұрғынынан 2019-2022 жылдың қаңтар айы аралығында 44 млн теңгеге жуық &nbsp;көлемде ақша қаражаттарын тартқан.Тергеу барысында жәбірленушілердің компанияға 840 мыңнан &nbsp;1 млн 200 мың теңге көлемінде &nbsp;қаржы салғаны анықталды.Сот санкциясы негізінде үш күдікті қамауға алынды.Сотқа дейінгі тергеу жұмыстары жүргізіліп жатыр. ҚР ҚПК 201-бабына сәйкес басқа ақпарат жарияланылмайды.ҚР Конституциясының 77-бабының 3-тармағының 1-тармақшасына және ҚР Қылмыстық-процестік кодексінің 19-бабының 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әркім кінәсіз деп есептеледі

Қызылордада «Qnet»  қаржы пирамидасымен айналысқан 3 күдікті қамауға алынды

Фото: AIQYN<a href="https://kyzylorda-news.kz/">Kyzylorda-news.kz.</a>&nbsp;Көлік министрі 2023 жылғы 3 қарашадағы "Орал қаласынан РФ шекарасына дейінгі (Саратов қаласына) республикалық маңызы бар жалпыға ортақ пайдаланылатын автомобиль жолын (учаскесін) ақылы негізде пайдалану туралы" бұйрыққа қол қойды, деп хабарлайды<a href="https://kaz.zakon.kz/"> Zakon.kz</a>.II санаттағы республикалық маңызы бар жалпыға ортақ пайдаланылатын автомобиль жолының Орал – Ресей Федерациясының шекарасы (Саратовқа дейін) учаскесі ақылы негізде пайдаланылатыны анықталды.Бұл ретте жол жүру баламалы жол бойынша жүзеге асырылуы мүмкін: "Атырау – Орал" республикалық маңызы бар автомобиль жолының "Орал – Чапаево" учаскесі, республикалық маңызы бар "Чапаево – Жалпақтал – Казталовка – Ресей Федерациясының шекарасы" тас жолы."Ақылы жолдың (учаскенің) бастапқы нүктесі – 4 км, ақылы жолдың (учаске) ​​аяқталу нүктесі – 102+90 км.Автомобиль жолындағы жолақтың ені кемінде 3,75 метрді құрайды, тас жолдағы жолақтардың саны екі бағытта 1 жолақты құрайды.Ақылы жолдың (учаске) ​​ұзындығы 98,9 км. Ақылы жолдың қызмет ету мерзімі – 20 жыл.Бір бағыттағы бүкіл маршруттың бағасы:16 орындық автобустар мен жүк көтергіштігі 2,5 тоннаға дейін – 142 теңге; 32 орынға дейінгі автобустар мен жүк көтергіштігі 5,5 тоннаға дейін – 284 теңге; 32-ден астам орындық автобустар және пойыздың жүк көтерімділігі 10 тоннаға дейінгі жүк көліктері – 426 теңге; жүк көтерімділігі 10 тоннадан 15 тоннаға дейінгі жүк көліктері – 568 теңге; Жүк көтергіштігі 15 тоннадан жоғары жүк көліктері, тіркемелерді, жүк тракторларын қосқанда – 710 теңге. Сонымен қатар, ай сайынғы және жылдық абоненттік төлем бар. Осылайша, жазылудың айлық құны көліктің өткізу қабілетіне байланысты 1-ден 5 АЕК-ке дейін (2023 жылы 3450 теңгеден 17250 теңгеге дейін) болады.Бір жыл ішінде ай сайынғы төлем 12-ден 60 АЕК-ке дейін (41 400-ден 207 000 теңгеге дейін) құрайды.Бұйрық 2023 жылдың 1 желтоқсанынан бастап қолданысқа енгізіледі.2023 жылдың 10 қазанынан бастап республикалық маңызы бар, III санаттағы жалпыға ортақ пайдаланылатын автомобиль жолының Орал – Ресей Федерациясының шекарасы (Самараға дейін) учаскесі, Ресей Федерациясының шекарасы – Шымкент учаскесі ақылы болды.2023 жылдың 8 қазанынан бастап жалпыға ортақ пайдаланылатын республикалық маңызы бар Павлодар – Қалбатау автожолы, 9 қазаннан бастап – Бейнеу – Ақжігіт учаскесі ақылы жолға айналды.

Қазақстанда 1 желтоқсаннан бастап тағы бір жол ақылы болады

Фото: fingramota.kz<a href="https://kyzylorda-news.kz/">Kyzylorda-news.kz.</a> Жұмыс іздеушілер жұмыс қарастырған кезде делдалдар мен жалған жұмыс берушілерге жиі жолығып жатады. Рекрутинг алаяқтардың айла-амалдарына қалай түспеуге және күмәнді ұсыныстарды қалай танып-білуге болатынын Fingramota.kz-пен бірге қарастырамыз.№ 1 схема. Мессенджерлер арқылы «жұмысқа орналасу»Telegram және WhatsApp сияқты мессенджерлерде жұмыс ұсынатын көптеген арналар мен топтық чаттар бар. Алайда, әлеуетті жұмыс берушіні таңдауда мұқият болу керек және ешқандай жағдайда ешкімге жеке деректеріңізді жібермеу керек. Мысалы, мессенджерде сізге қандай да бір интернет-дүкеннің тауарларына оң пікірлер жазу туралы жұмыс ұсынылды делік. Бір пікір – 2 000 теңге, ал жұмыс беруші сіз күніне 200 000 теңге ақша таба аласыз деп уәде береді. Сіз келісесіз, содан кейін сізден жеке куәлігіңіздің суретін, банк карточкасының суретін және тіркелген мекенжайыңызды жіберуді сұрайды. Сіз бірнеше күн жұмыс істеуіңіз мүмкін, тіпті ақша да аласыз, бірақ содан кейін олар сізбен байланысын тоқтатады. Уақыт өте келе сізге банктен қоңырау шалып, ай сайынғы кредит жарнасын төлеуді талап етеді. Полицияда бірдеңені дәлелдеуіңіз екіталай, себебі қарыз алу кезінде сіз өзіңіз жұмыс берушіге жіберген барлық қажетті деректерді бергенсіз.№ 2 схема. Әлеуметтік желілер мен маркетплейстер арқылы «жұмысқа орналасу»Алаяқтар түрлі әлеуметтік желілер арқылы жұмысқа орналасуға белсенді шақыратын жағдайлар жиілеп кетті. Алаяқтық схемасы мынадай: азаматтарды қызығарлық ұсыныстармен жұмысқа орналасуға шақырады. Егер қызығушылық танытып, көрсетілген нөмірге немесе тікелей аккаунтқа жазсаңыз, сізден шағын тестілік тапсырманы орындауды және көрсетілген шотқа «кепіл» ретінде азғантай сома аударуды сұрайды және бұл сома жай ғана формальды екеніне және оны төлегеннен кейін сізге теріп берген мәтіндер үшін бірден қаламақы беріледі деп сендіреді. Ақшаны аударғаннан кейін алаяқтар сізді бұғаттайды және орындаған тапсырма үшін төлемді де, аударған кепіл жарнаңызды да ала алмайсыз.Соңғы кездері әлеуметтік желілерде маркетплейстерде ақша табу курстарын жиі кездестіруге болады. Алаяқтар мұны да пайдаланып қалуға тырысып бағуда және алдаудың жаңа схемасын жасап үлгерді: оның мәні мынада – Сіз танымал интернет-дүкендердің жалған веб-сайтына кіріп, қызметкер ретінде тіркелуіңіз керек.Алайда, тіркелу кезінде Сізден телефон нөмірін көрсету және балансты толтыру талап етіледі. Осылайша, алаяқтар азаматтардың төлем карточкаларының деректерін қолды етеді. Бұған дейін алаяқтар адамдардың деректерін пікіртерімнен өткені үшін ақша төлеуді уәде етіп алатын.№ 3&nbsp;схема.&nbsp;Алдымен жеке деректер – содан кейін «жұмысқа орналасу»!&nbsp;Алаяқтардың бірінші міндеті – жұмыс іздеп жүрген адамды құрығына түсіру. Жұмысқа аламыз деп кепілдік беру – бұл нақты әрі тартымды тұжырым. Мысалы, адамға жеделдетілген бағдарлама бойынша оқудан өту ұсынылады, содан кейін ол 100% қызметке қабылданады-мыс. Жұмысқа тұрушы оқудың немесе курстың ақысын төлейді, ал төлемді алғаннан кейін жалған жұмыс беруші ізін суытады. Нәтижесінде – жұмыс та жоқ, кепілдік те жоқ.Сізге рекрутер қоңырау шалып немесе жазып, белгісіз бір компанияға жұмысқа шақырады. Содан кейін ол жеке куәліктің көшірмесін және жеке деректері бар басқа құжаттарды жіберуді сұрайды, жеке нөмірге келетін SMS-код арқылы еңбек шартына қол қою қажет деп алдайды. Шын мәнінде бұл деректер сіздің атыңызға кредит алу үшін қажет.Мұндай жағдайларда қарапайым ережені есте сақтау маңызды – адал жұмыс беруші немесе қашықтан кадрларды іріктеу агенттігі еңбек шартын SMS-код арқылы қол қою жолымен рәсімдемейді. Бұл тек алаяқтар болуы мүмкін!Толығырақ "<a href="https://fingramota.kz/kk/post/zhmys-izdep-aldanyp-almayz-zhalan-rekuterlerdi-arbauyna-alaj-tspeuge-bolady">Абайлаңыз, алаяқтар</a>" бөлімінен оқыңыздар&nbsp;

Жұмыс іздеп, алданып қалмаңыз: Жалған рекутерлердің арбауына қалай түспеуге болады?

<a href="https://kyzylorda-news.kz/">Kyzylorda-news.kz.</a>&nbsp; «Қазгидромет» РМК-сы қарашаның 21-і күнгі күн райы болжамын жариялады.Кәспорынның болжамына қарағанда, Қазақстанның басым бөлігі солтүстік-батыс антициклонының ықпалында болып, күн жауын-шашынсыз болады.Тек республиканың батысы мен оңтүстігіне Оңтүстік Каспий циклоны және онымен байланысты атмосфералық ағындардың әсерінен жаңбыр, қар жауады, оңтүстікте жаңбыр жауады.Қазақстан бойынша тұман түсіп, жел күшейеді, батыс және солтүстік-батыста желдің екпіні 23-28 м/с-ке күшейіп, көктайғақ болады.

21 қарашаға арналған ауа райы болжамы 

Фото:<a href="https://azattyq-ruhy.kz/news/56149-kazakstannyn-kai-onirinde-balalar-sany-basym-statistika"> Азаттық рухы</a><a href="https://kyzylorda-news.kz/">Kyzylorda-news.kz.</a> Жыл сайын 20 қарашада бүкіл әлем Дүниежүзілік балалар күнін атап өтеді. Атаулы мереке 1954 жылдан бастап дәстүрлі мерекелер тізіміне енген. Cодан бері 69 жыл көлемінде бұл мереке маңызын жойған емес. Мерекеге орай, облыстық білім басқармасының ұйымдастыруымен 15-25 қарашада «Дүниежүзілік балалар күні: балаларға арналған өмір» атты республикалық онкүндік өтуде.&nbsp;Бұл туралы Өңірлік коммуникациялар қызметінің ақпарат алаңында облыстық білім басқармасы басшысының орынбасары Қали Бектұр баяндады.<blockquote>«Аталған онкүндікке білім беру ұйымдарының оқушылары, жетім және ата-анасының қамқорлығынсыз қалған балаларға арналған білім беру ұйымдарының тәрбиеленушілері, мемлекеттік органдардың, педагогикалық, ата-аналар қоғамының, бизнес-құрылымдардың, үкіметтік емес ұйымдардың өкілдері &nbsp;қатысады. Балалық шақтың өзекті мәселелерін барынша қамту үшін Дүниежүзілік балалар күніне &nbsp;«Балалық шақты бірге қорғайық», «Бақытты бала – бейбіт елдің тірегі», «Күндей күлген анамның, баласы болып қаламын!» атты танымдық, тақырыптық, мәдени және спорттық іс-шаралар қамтылған», - деді Қали Асанханұлы.</blockquote>Қазақта «Бала бауыр етің» деген қасиетті сөз бар. Осы орайда бала құқығын қорғауда бұл мерекенің маңызы зор.

«Дүниежүзілік балалар күні: балаларға арналған өмір» атты республикалық онкүндік өтуде

<a href="https://kyzylorda-news.kz/">Kyzylorda-news.kz.</a> Бүгін аудан әкімі Серік Сермағамбетов Біріккен ұлттар ұйымының «Даму» бағдарламасының жоба әзірлеушісі Гүлнар Магузумова мен халықаралық сарапшы Николай Денисовті қабылдады.Сарапшы топ өкілдері Арал теңізі бассейніндегі климаттың өзгеруіне бейімделуді арттыруға арналған ауылшаруашылық тәжірибелерімен бөлісті.Сондай-ақ, тұрақты орман өсіру арқылы өмір сүруді нығайту мәселелерін ортаға салып, инновациялық қаржылық құралдармен қолдау көрсетілетін де жеткізді.Өз кезегінде, аудан басшысы Серік Сағитжанұлы өңірдегі табиғи ерекшеліктерді түсіндіре келе, «Қамыстыбас», «Ақшатау» көлдер жүйесін суландыру бағытында атқарылған жұмыстарға тоқталды. Сонымен бірге, «Ауылшаруашылығын дамытудың 2022-2024 жылдарға арналған Жол картасы» аясында жүргізілген егін көлемін арттыру бойынша және балық, мал шаруашылығында жеткен жетістіктерді де атап өтті.<figure class="image"><img src="https://knadmin.beoblood.kz/uploads/404459565_3678141729180853_9059417736540772003_n_313b4690b7.jpg" alt="404459565_3678141729180853_9059417736540772003_n.jpg"></figure>

Аудан әкімі біріккен ұлттар ұйымының «Даму» бағдарламасының сарапшы топ өкілдерін қабылдады

<a href="https://kyzylorda-news.kz/">Kyzylorda-news.kz.</a>&nbsp;Мемлекеттік қолдау нәтижесінде биыл өңірде жұмыс жасап тұрған шағын және орта бизнес субъектілерінің саны 10,3 пайызға артып, 70 977-ге жетті.Жыл басынан бері кәсіпкерлікті қолдауға мемлекеттік бағдарламалар аясында 24 млрд теңге бөлініп, 3,5 мыңнан астам жоба қаржыландырылды. Мемлекеттік қолдау тетігіне қаралған қаражат өткен жылмен салыстырғада 20 пайызға артты.Нәтижесінде шағын және орта кәсіпкерлікте жұмыспен қамтылғандар саны 15,8 пайызға өсіп, 124 376 адамға жетті. Мемлекет басшысының бөлшек салықты енгізу және салықтық ынталандыру шарасын қабылдау бастамасын республика көлемінде алғашқылардың бірі болып Қызылорда облысы орындады.Биыл облыста 35 мың кәсіпкердің мүддесі қамтылған бөлшек салықтың пайыздық мөлшерлемесі 4 пайыздан 2 пайызға төмендетілді. «Ауыл аманаты» жобасын іске асыру үшін облысқа биыл 3 млрд теңге бөлінді. Бүгінге жалпы құны 1,6 млрд теңгені құрайтын 198 жоба мақұлданды.Жастардың кәсіпкерлік бастамаларына 2,5 пайызбен 2,3 млрд теңге жеңілдетілген несие табысталды. Айта кетейік, іріктеу барысында өндірістік жобаларға басымдық берілді.Алдын ала болжам бойынша жыл қорытындысымен шағын және орта бизнестің жалпы өңірлік өнімдегі үлесі 2022 жылмен салыстырғанда 2,4 пайызға артып, 21,5 пайызға жетпек.

Сыр өңірі шағын бизнесті қолдау бойынша көшбасшылар қатарында

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында жыл басынан бері 387 өрт оқиғасы орын алды. &nbsp;Өрт оқиғалар көбіне қауіпсіздік ережелеріне салғырт қараудан, тұрмыстық пештердің техникалық жағдайына мән бермеуден, балаларды қараусыз қалдырудан орын алуда. Бұл туралы Қызылорда облысы Төтенше жағдайлар департаменті бастығының орынбасары азаматтық қорғау полковнигі Нұрсұлтан Ибрагимов мәлімдеді.Оның айтуынша жатақханалардағы өрт оқиғаларының алдын алу мақсатында 2023 жылғы 13-17 қарашада Қызылорда облысының көлемінде «Жатақхана» жедел-профилактикалық іс-шарасы ұйымдастырылған. &nbsp;<blockquote>«Жергілікті әкімдіктермен бірлесе облыс бойынша 1430 тұрғыны бар 15 тұрғын жатақхана нақтыланды. Жылу беру маусымына дайындық кезеңі басталғанан бастап барлығы 35 000 тұрғын үй секторының ауласы араланды. Тұрғындармен 180 рет кездесу ұйымдастырылып, оларға электр жабдықтарын, газ баллонды, пешті, газ пешін қолдану талабы түсіндірілді. 452 тұрғын үйде 474 өрт қауіпсіздігі талаптарының бұзылуы анықталды», - дейді Нұрсұлтан Ибрагимов.</blockquote>&nbsp;Айта кетейік, профилактикалық жұмыстардың нәтижесінде 10 айдың қорытындысы бойынша өрт саны өткен жылғымен салыстырғанда 2,1% азайған.&nbsp; &nbsp;

Қызылорда облысында өрт оқиғасы азайды 

ФОТО:<a href="https://inkaraganda.kz/"> Индустриальную Караганду</a><a href="https://kyzylorda-news.kz/">Kyzylorda-news.kz.</a>&nbsp; Отбасы банк депозит бойынша жылдық тиімді сыйақы мөлшерлемесі 17,1% дейін болатын жаңа тарифтік бағдарламаны іске қосты.Бүгін Отбасы банк («Бәйтерек» холдингініңеншілесұйымы) «Табысты» тарифтік бағдарламасын іске қосты. Бұл Отбасы банкін де жұмыс істеп тұрған «Баспана» депозитіне балама болады.Жаңа депозит бойынша сыйақы мөлшерлемесі 5,5% құрайды. Жыл сайынғы 20% мемлекеттік сыйлықақыны ескере отырып (сыйлықақы 200 АЕК-тенаспайтынсомағаесептеледі) жылдық тиімді мөлшерлеме 17,1%-ға жетеді.Жаңа депозит шеңберіндегі бұл мөлшерлеме, жинақтау кезеңі бірнеше рет ұзартылса да, өзгеріссіз қалады.«Табысты» тарифтік бағдарламасы бойынша жинақтау мерзімі кемінде 3 жыл.Тағы бір маңызды артықшылығы – Отбасы банк клиенттері, аталмыш депозитпен жылдық 8,5% мөлшерлемемен (ЖТСМ 8,8%-дан бастап) тұрғын үй несиесін ала алады. Ол 5 жылға дейінгі мерзімге беріледі.<blockquote>Біз клиенттеріміздің сұранысы бойынша «Табысты» тарифтік бағдарламасын іске қосып жатырмыз. Максималды табыс көруге және оны көбейтуді көздеген клиенттеріміз үшін. Сауалнама нәтижелері бойынша респонденттердің 63 пайызы Отбасы банкінде жылдық 5,5 пайыздық мөлшерлемемен ақша жинауға дайын. Олардың көпшілігі 20-дан 100 мың теңгеге дейінгі депозиттерді ай ма ай толықтыруға дайынбыз деп жауап берді. Респонденттердің 30%-ға жуығы Отбасы банкінде депозит ашудың маңызды факторы ретінде – төмен мөлшерлемемен заем алу мүмкіндігін атап өтті. 8,5% (ЖТСМ 8,8%-дан бастап) несие мөлшерлемесі тұрғын үй құрылыс жинақтары туралы заң талаптарына сәйкес қалыптастырылды. Онда тұрғын үй заемы бойынша жинақ пен несиелендіру арасындағы сыйақы мөлшерлемесінің айырмашылығы 3 пайыздан аспауы керек делінген. Бұл біздің клиенттер үшін өте қолайлы жағдай деп есептеймін. Бүгінгі таңда депозит ашып, кірісті арттырып қана қоймай, ол арқылы тұрғын үй мәселесінде шешуге болады», - деп атап өтті «Отбасы Банк» АҚ Басқарма төрайымы Ләззат Ибрагимова.</blockquote>«Табысты» депозиті бойынша ең төменгі келісімшарт сомасы 6 млн теңге.«Табысты» – болашақта тұрғын үй заемына айналатын депозит. Яғни, жетіспейтін 50% сомаға Отбасы банкінің клиенті жылдық 8,5% (ЖТСМ 8,8%-дан бастап) мөлшерлемесі бойынша ипотека ала алады. Бұл депозит бойынша аралық немесе алдын ала заем жоқ. Сондай-ақ «Табысты»салымының кәдімгі депозитке және керісінше ауысу мүмкін болмайды.Жаңа депозит арқылы мемлекеттік бағдарламалар мен «Өз үйім» бағдарламасына қатысу мүмкін болмайды.«Табысты» депозитін банк кеңесшілері арқылы ашуға болады. Олардың мәліметтерін банктің <a href="https://hcsbk.kz/ru/network-agents/">сайты</a> арқылы білуге болады. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Отбасы банк депозит бойынша жаңа бағдарламаны іске қосты

<a href="https://kyzylorda-news.kz/">Kyzylorda-news.kz.</a> Синоптиктер 21-23 қарашада Қазақстанда ауа райы қандай болатыны туралы болжам жасады.Болжамға сәйкс, таяудағы үш тәулікте Қазақстанның басым бөлігі белсенді циклонның ықпалында болады. Жаңбыр мен қар түрінде жауын-шашын болады. Қатты жауын-шашын (жаңбыр, қар) 22 қарашада батыста, солтүстік-батыста, 22-23 қарашада оңтүстікте, оңтүстік-шығыста болады деп күтіледі. Республика бойынша 15-28 м/с жел күшейеді, солтүстік жартысында қарлы боран, көктайғақ болады деп күтіледі.<blockquote>"Кезеңнің аяғына қарай еліміздің батысында ауа температурасының 2-12 аязға дейін төмендеуі күтіледі, республиканың шығысында түнде температураның 8-13 аяздан 0-5 жылуға дейін көтерілуі күтіледі, Қазақстанның қалған аумағында температуралық фонда айтарлықтай ауытқулар күтілмейді", - делінген хабарламада.</blockquote>

21-23 қарашада Қазақстанда ауа райы қандай болады?

<a href="https://kyzylorda-news.kz/">Kyzylorda-news.kz.</a>2024 жылы қай санаттағы жұмысшылардың жалақысын және қаншаға арттыру жоспарланғаны белгілі болды, &nbsp;деп хабарлайды <a href="https://kaz.tengrinews.kz/kazakhstan_news/2024-jyilyi-kmderdn-jalakyisyi-osed-enbekmin-jauabyi-355748/">Tengrinews.kz</a>.Редакция бұл сауалды Еңбек және халықты әлеуметтік қорғау министрлігіне жолдаған. Ресми сауалға берілген жауапта, еңбек заңнамасына сәйкес министрлік қызметшілерге еңбекақы төлеуді реттейді. Олардың еңбегіне ақы төлеу жүйесі мемлекеттік органдар мен қазыналық кәсіпорындардың барлық қызметкерлеріне бірдей.<blockquote>Мемлекет басшысының 2021 жылғы 1 қыркүйектегі "Халық бірлігі және жүйелі реформалар - ел өркендеуінің берік негізі" атты Қазақстан халқына жолдауында айтылған тапсырмасын орындау үшін 2022 жылғы 1 қаңтардан бастап лауазымдық міндеттеріне түзету коэффициентін қолдану арқылы азаматтық қызметкерлердің жекелеген санаттарының (педагогтерді, медициналық және әлеуметтік қызметкерлерді қоспағанда) жалақысын кезең-кезеңімен арттыру басталды, - делінген жауапта.</blockquote>2022 жылы бұл коэффициенттің мөлшері 1,23 болса, 2023 жылы 1,45-ке жетті. 2024 жылы ол 1,71-ге, ал 2025 жылы 2,0-ге дейін көтеріледі. Осылайша, төрт жыл ішінде азаматтық қызметкерлердің жалақысы екі есеге өседі.Сондай-ақ, министрлік Мемлекет басшысының тапсырмасы бойынша 2024 жылғы 1 қаңтардан бастап ең төменгі жалақы мөлшерін (ЕТЖ) 70 мыңнан 85 мың теңгеге дейін арттыру жоспарланғанын хабарлады.Министрліктің болжамына сәйкес, осыған орай меншіктің әртүрлі нысанындағы кәсіпорындарда барлық салада жұмыс істейтін 1,8 миллионға жуық жалдамалы қызметкердің табысы өседі. gov.kz мәліметіне сүйенсек, ҚР Еңбек кодексіне сәйкес қазыналық кәсіпорындар мен мемлекеттік мекемелерде штаттық лауазымды атқаратын адамдар азаматтық қызметкерлер саналады.

2024 жылы кімдердің жалақысы өседі?

<a href="https://kyzylorda-news.kz/">Kyzylorda-news.kz.</a>&nbsp; Қызылордалық полицейлердің кәсіби-қызметтік дайындығы жетілдіріліп жатыр. Қызылорда облысы полиция департаментінде полиция қызметкерлерінің жауынгерлік дайындықтарын арттыру, төтенше жағдайлардағы тактикалық іс-қимылдарын қалыптастыруға бағытталған арнайы және жұмылдыру даярлық басқармалары жұмыс жасайтыны белгілі.Мемлекет басшысы Қазақстан халқына арнаған жолдауларында құқық қорғау қызметкерлері, оның ішінде ішкі істер органдары қызметкерлері үнемі өздерінің кәсіби қабілетін, біліктілігін арттырып отыру қажеттігін көрсеткен болатын. Осыған сәйкес, ІІО қоғамдық тыныштық пен халықтың қауіпсіздігінің күзетінде тұратын, алғашқы соққыны өздеріне қабылдайтын полиция қызметкерлерінің жауынгерлік дайындық деңгейлерінің заман талабына сай болуын басты мақсаты етеді. Қазіргі таңда арнайы оқу-жаттығу полигонына облыстың әр аудандарынан полиция қызметкерлері келіп, жауынгерлік даярлықтарын жетілдіруде.&nbsp;Арнайы және жұмылдыру даярлық басқармасының білікті мамандары ату, қоян-қолтық күрес, қалқанмен, резинка таяқшасымен жұмыс істеу секілді шеберліктерді үйретумен қатар, теориялық сабақтар өткізіп, біліктіліктерін шыңдауда. Аталған сабақтарға департаменттің басқарма, бөлім қызметкерлерімен қатар, сыртқы қызмет салалары, яғни патрульдік полиция қызметкерлері, учаскелік, ювеналдық полиция инспекторлары, кезекші бөлім қызметкерлері де қатысып жатыр.&nbsp;Қызметкерлермен өткізілген сабақ барысында түрлі деңгейдегі элементтер аралас жаттығулар, сынақ тапсырмалар қолданылды. Бұл қызметкерлердің экстремалды жағдайлардағы психологиялық тұрақтылығына ықпал ететіндігі сөзсіз. Барлық жаттығулар қозғалыс дағдыларын және моральдық-еріктік қасиеттерін дамытуға, қызметтік және әскери дайындығының жоғары деңгейде болуына, қырағылық танытуға, қасындағы әріптесіне жауапкершілікпен қарауға, бір-біріне сенімді болуға бағытталады.&nbsp;Мәселен, бір жаттығу – қауіп-қатер кезіндегі полиция қызметкерлерінің біркелкілігін көздеп, бір тәртіппен, бірдей бұйрықпен ұйымдасып, іс-қимыл жасауын мақсат етсе, енді бір жаттығу кез келген сәтте атылатын оқ пен төнген қатерге дайын болуын, рефлекторлық әрекетін дамытуды көздейді.&nbsp;Бұдан бөлек, полиция қызметкерлеріне практикалық біліммен қатар, теориялық ақпараттар да беріліп отырады. Мәселен, жергілікті полиция қызметінің патрульдік полиция батальонының жеке құрамы үшін арнайы құралдарды қолдану қағидалары мен әдістерін, соның ішінде газды гранаталар мен табельдік қаруларын қолдану бойынша сабақтар өткізді. Алған білімдерін бекітіп, іс барысында көрсету үшін арнайы сабақтар өткізілетінін де айта кеткен жөн.&nbsp;Сондай-ақ әр аптаның жұма күндері аппарат жеке құрамына, ал аптаның сәрсенбі, жұма күндері патрульдік полиция батальонының қызметкерлеріне арнайы-тактикалық даярлық сабақтарында қызметкерлердің өздерінің қауіпсіздіктерін сақтай отырып, күдікті автокөлікті тексеру, бағынбаған жүргізушіні автокөліктен шығарып, тінту әдістемелік сабақ жүргізілуде. Әр аптаның сәрсенбі, бейсенбі күндері барлық қалалық және аудандық полиция бөлімдерінің кезекші бөліністері қызметкерлерінің біліктілігін арттыру мақсатында атыс, арнайы даярлық және дене шынықтыру даярлықтарынан қосымша сабақтар ұйымдастырылып жатыр. Айта кетерлік жайт, аталған оқу-жаттығу сабақтары арнайы полигонда және “Динамо” дене шынықтыру спорт қоғамымен бірлесіп өткізіліп жатыр.&nbsp;Жаттығу мен сабақ түрлерінен бөлек, полиция қызметкерлерін психикалық даярлау дәрістері де өтеді. Аталған дәрістердің қызметкерлердің әлеуметтік құзіреттілігін жоғарылатуда, тұлғааралық қатынастарды қалыптастырып, бірлесіп іс-әрекет жасауда, қақтығыстарды конструктивті түрде шешуде маңызы зор. Сондай-ақ қызметкерлердің кәсіби-психологиялық дайындықтарын жетілдіріп, эмоционалды бұзылыстарының алдын алуға, қызметкерлердің күрделі жағдайларда дұрыс әрекет етуге де болатындығын ескерген жөн. Қызметкерлермен өткізілген тренинг барысында көптеген жаттығу, ойын элементтері аралас тапсырмалар қолданылады.<figure class="image"><img src="https://knadmin.beoblood.kz/uploads/d3f6bb41_74e9_46c3_a572_a91dcac4e13c_67b3ac2e82.jpeg" alt="d3f6bb41-74e9-46c3-a572-a91dcac4e13c.jpeg"></figure>

Қазақстан және Қызылорда облысының жаңалықтары: Қоғам

Қызылордада «Qnet» қаржы пирамидасымен айналысқан 3 күдікті қамауға алынды