&nbsp;<a href="https://kyzylorda-news.kz/">Kyzylorda-news.kz</a> Сырдария ауданында&nbsp; электр желілерінің тозығы жетуіне байланысты жаңғырту жұмыстары өткен жылы басталды. «Қуатты өңірлер – ел дамуының драйвері», «Ауыл – ел бесігі» бағдарламалары аясында 2023 жылы Аманкелді, Айдарлы, Жетікөл және Қоғалыкөл елді мекендерінің электр бағаналары мен желілері, трансформаторлары толық жаңартылған болатын.&nbsp;Сондай-ақ, былтыр аудандағы үлкен ауыл – Шағанда да бұл жұмыстар бастау алған еді. Жоба құны – 1,1 млрд. теңге. 2023 жылы 227 млн. теңге бөлініп, толық игерілді.Биыл аталған елді мекендегі электр бағаналары мен желілерін, трансформаторларды жаңарту жұмыстары жалғасуда. Аудан әкімі Берік Сәрменбаев атқарылып жатқан жұмыстарды көрді.&nbsp;Мердігер мекеме – "Энергомера" ЖШС-нің өкілі жоспарлы жұмыстар жүргізіліп жатқанын атады. Бүгінгі күнге 38 шақырым электр желісі жаңартылып, 190 бағана орнатылған.Аудан әкімі электр бағаналары мен желілерін, трансформатордарды толық ауыстырғаннан кейін елді мекенде бұған қатысты мәселе болмайтынын жеткізді. Сондықтан мердігер мекеме өкілдеріне жұмыстарды сапалы әрі мерзімінде атқаруды ескертті. Тиісті салалық орынбасар мен бөлім басшысына және ауыл әкіміне үнемі бақылауда ұстауды тапсырды.

Шағанда электр бағаналары мен желілері жаңартылуда

<a href="https://kyzylorda-news.kz/">Kyzylorda-news.kz.</a> Шиелі ауданы – ежелден халық тығыз қоныстанған, ұлттық құндылықтарды сақтай білген, тарихи терең һәм өркениеті жағынан кемел өңір. Бүгінде ауданның әлеуметтік-экономикалық және ауыл шаруашылығы қарқынды даму үстінде.&nbsp;Әлеуметтік-экономикалық дамуыАуданда экономикалық тұрғыдан алғанда тұрақты жағдай қалыптасты. Кірістер бойынша, өңірдің бюджеті ағымдағы жылдың 1 қазанға болжамдалған 9 млрд. 461 млн. 532 мың теңгенің орнына 10 млрд. 66 млн. 103 мың. теңгеге немесе 106,4 пайызға игерілді.Ал шығыстар бойынша, 9 млрд. 710 млн. 999 мың теңге жоспарланды. 9 айдың қорытындысымен 9 млрд. 709 млн. 730 мың теңгеге немесе 100,0 пайызға жүзеге асты.Инвестиция игілігіАуданның өнеркәсіп өнімдерін өндіруші мекемелері мен кәсіпорындары 56 млрд. 839 млн. теңгенің өнеркәсіп өнімдерін өндірді. Сондай-ақ 2022 жылдың осы кезеңінің салыстырмалы бағасымен алғанда 113,8 пайызды құрады. Өңірде инвестицияның да игілігі сезілуде. Мәселен, өңдеу өнеркәсібі өнімі көлемі 27 млрд 80 млн. теңгеге жетіп, 136,6 пайызды құрап отыр.Құрылыс жұмыстары қарқындыШиеліде құрылыс жұмыстары да қарқын. 2023 жылдың 1 қазанға жалпы құрылыс жұмыстарының көлемі 10 млрд. 815 млн теңге. Өткен жылмен салыстырсақ 192,1 пайызды құрады. Жеке тұрғын үй құрылысы ауданы 57363 шаршы метрді құрап, өткен жылдың тиісті кезеңімен 117,1 пайызды көрсетіп отыр. Сонымен қатар бөлшек сауда көлемі де 9,9 млрд. 79 млн теңге болып, өткен жылмен салыстырғанда 107,7 пайызбен игі жұмыстар жүргізілді.Кәсіпкерлікке – кең өрісАуданда шағын және орта бизнесті дамытуда да жүйелі жұмыс жолға қойылған. Өңірде 7367 шағын және орта бизнес субъектілері тіркелген. Оның ішінде жұмыс жасап тұрған кәсіпкерлердің үлесі 99,2 %-ға жетті.Жұмыссыздықпен жоспарлы күресЖұмыссыздықпен де күрес жүйелі жүргізілуде. Статистикалық мәліметтерге сәйкес 36213 экономикалық белсенді халықтың 34406 адамы жұмыспен қамтылған. Жұмыссыздар саны 1807 адам, жалпы жұмыссыздық деңгейі 5,0 пайызды құрайды. Ауданда бос жұмыс орындарға жәрмеңке тұрақты өткізіліп тұрады.Айта кетейік, 2023 жылы 3096 жаңа жұмыс орындарын құру жоспарланды. Есепті мерзімге 2717 жаңа жұмыс орны ашылып жылдық меже 87,8 пайызға орындалды.Ауыл шаруашылығы – аудан тірегіАлдынғы толқын аға буынның еткен еңбектері қашанда келер ұрпаққа үлгі-өнеге. Ауыл шаруашылығы дамып, халықтың әл-ауқатын күннен-күнге жақсаруда. Аудан бойынша ауылшаруашылығы құрылымдары 31 млрд. 500 млн. теңгенің өнімін өндірді. Былтырғы жылдың осы кезеңінің салыстырмалы бағасымен алғанда 102,5 пайызды көрсетсе, ал мал шаруашылығында осы жылдың 1 қазанға дейін ірі қара 93 089 басты, уақ мал 141 241 басты, жылқы 24 819 басты, түйе 1705 басты, құс 30 079 басты құрап отыр.Ауданда атқарылған жұмыс ауқымды және алдағы жоспар жүйелі. Атап айтсақ, газетіміздің алдыңғы сандарында «49 көше жөнделмек» деген мақалада: «Халық үніне құлақ түрген кент әкімі А.Өмірәлі биыл 49 көшеге орташа жөндеу жұмыстары жүргізілетінін жеткізді» деген сөз бар. Расымен, көшеге шығып қалсаңыз, асфальт төселген, жөндеу жұмыстары жүргізілген әдемі көшелерді көресіз. Бұл дегеніміз – нақтылы атқарылған жұмыстың нәтижесі.

Шиелінің өндірісі өрге, тірлігі төрге озған

<a href="https://kyzylorda-news.kz/">Kyzylorda-news.kz.</a> «Елді телісі мен тентегінен таныма, ері мен серісінен таны» деген данагөй халқымыз. Расында, көкпар десе делебесі қозып, бәйге шапса жүлде алатын қазақ жігіттерінің бәсі бөлек. Көкпарға білегі құрыш, жігері қылыш, жүйрік шабандоз ғана топқа түседі. Осындай ұлттық спортты дәріптеп жүрген аудан жастарының бірі – Заманбек Бураханов.Кезінде ата-бабаларымыз асаудың құлағында ойнап, жүзден жүйрік, мыңнан тұлпар бәйге атын баптауға ерекше мән берген. Десе де, бүгінде тақымы атқа тисе арқаланып кететін тұлпарға қанат бітіруге қызығушылық танытатындар некен-саяқ. Ал біздің кейіпкеріміз жүйріктің бабын тауып жүрген азамат.Жиделіарық ауылының тумасы Заманбек: «Шынымды айтсам, көкпарға бала кезімнен қатты қызықтым. Әкем де бетімнен қақпады. Бәйге болады десе жетіп барып, ойынды таңдана тамашалайтынмын. Себебі сәйгүліктің шабысы, жүздеген дүлдүлдер бас қосқан білектілер қиқулап салымға таласқан сәт маған ерекше ұнайтын», – дейді.Осылайша кейіпкеріміз әкесінің тәлім-тәрбиесімен, спортқа бейім бола бастайды. Бала кезінен Заманбектің арғымаққа деген қызығушылығы ерекше еді. Соны байқаған ұстазы, спорт шебері Жасұлан Айтбай жылқыға мінудің қыр-сырын үйретеді. Ағалық ақылымен қамқорлығын, жанашырлығын көрсететін. Одан әрі өзінің шымырлығымен көзге көрініп жүрді. Соның нәтижесінде бүгінде ол Атыраудағы «Нарын» құрама командасының белді мүшесі.Аудандық турнирлерде өзінің белсенділігімен ең үздік шабуылшы атағын жеңіп алған. Сондай-ақ 2021 жылы ересектер арасындағы көкпардан Қазакстан Республикасының Чемпионатының және 2023 жылы жастар арасынан қола жүлдегеріне ие болған. Бұның барлығы тынымсыз жаттығу мен ерен еңбектің жетістігі деп білеміз.«Ер қанаты – ат» деген тәмсіл сөз бекер айтылмаса керек-ті. Жылқыны жанына серік еткен ер азаматтың ат баптауы да ерекше. Сонымен қатар әр аттың өзіне тән мінез-құлқын білетін ол: Мінезі жоқ жылқы бәйге алмайды. Ойнақтап, тепсініп тұратын арғымақтың жалын тартып мінгені ұнайды. Өзімнің «Талисман» атты арғымағым додаға өте шыдамды. Негізінен әр атты танып білуге бір тәулік қана қажет. Ол үшін шыдамдылық, атқа деген үйірсектік болса болғаны. Ең алдымен жалынан сипалап, құлағын қасып, құлағына сыбырлап бойын үйретіп алу керек. Еті үйренген жүйріктің одан кейін жалынын тартып өз ырқыңа көңдіру қиындық тудырмайды», – дейді.Б.з.д. V ғасырда өмір сүрген Гиппократ қоршаған ортаның адамға әсерін байқап: «Ат үстінде жүру – тек қана жаралы адамды ғана жазып қоймай, меланхоликтерге жаман ойлардан арылып, керісінше көңілін сергітіп, жақсы ойлар ойлауға жәрдемдеседі» депті. Ал қазақ жылқы шаруашылығын ерекше бағалайды. Кезінде данагөй ақсақалдар баяу, яғни тұйық мінезді балаларына арғымақты баққызған деседі. Өйткені аттың құлағында ойнаған баланың өмірге деген артады әрі мығым, шымыр болып ер жетеді екен.

Заманбек Бураханов: Мінезі жоқ жылқы бәйге алмайды

<a href="https://kyzylorda-news.kz/">Kyzylorda-news.kz.</a> Ауданда өзекті мәселелерді қозғап, тиісті мемлекеттік органдарға жеткізетін ұйымдардың бірі – қоғамдық кеңес.Себеі кеңестің міндеті – елдің жоғын жоқтап, мәселесін көтеру. Осы бағытта&nbsp;аудан әкімі Ардақ Ибраимовтың қатысуымен аудандық қоғамдық кеңес отырысы өтті. Оған қоғамдық кеңес мүшелері, бөлім басшылары мен БАҚ өкілдері қатысты. Кеңес төрағасы Оразбек Меңдібайұлы ашқан жиында бірқатар мәселе көтеріліп, алдағы міндеттер айқындалды.Мемлекет басшысы Қасым-Жомарт Тоқаев халыққа арнаған Жолдауында «Халық үніне құлақ асатын мемлекет» тұжырымдамасын іске асырып, азаматтық қоғамды нығайтуға шақырды. Оны жүзеге асыру мақсатында аудандық деңгейдегі мемлекеттік органдардың халықпен тығыз жұмыс жасауы үшін ауданның қоғамдық кеңесі өзіндік үлесін қосып отыр. Қоғамдық кеңестің мақсаты – азаматтық қоғамның мүдделерін білдіру, мемлекеттік органдармен өзара іс-қимылын дамыту, – деді Оразбек Ахметов.&nbsp;Өздеріңіз білетіндей, былтыр аймақ басшысының қолдауымен және бірлескен жұмыстардың нәтижесінде ауданда ауқымды жобалар жүзеге асырылып, тіректі салаларда серпінді қадамдар жасалды. Республика, облыс көлемінде болып жатқан оң өзгерістермен бірге ауданда да бірқатар нәтижелі жұмыс атқарылды. Жиында аудан әкімі Ардақ Ибраимов атқарылған жұмыстар мен алдағы міндеттер жайын тілге етті.&nbsp;<blockquote>– Аудан бюджеті 2023 жылы 10,8 млрд теңгені құрап, 99,9 пайызға атқарылды. Өткен жылы жалпы құны 5,6 млрд теңгені құрайтын 40 жоба жүзеге асырылып, ел игілігіне пайдалануға берілді. Атап айтқанда, облыстық бюджеттен 2,5 млрд теңге бөлініп, жол жөндеу бағытында 11 жоба іске асырылды. Сонымен қатар Жалағаш кенті және 5 елді мекеннің 20 көшесіне жөндеу жұмыстары жүргізілді. Халықты таза, сапалы ауыз сумен қамтамасыз ету – назарда тұрған басты міндеттердің бірі. Өткен жылы Аққұм, Мәдениет елді мекендерінің ауыз су жүйесін кеңейту және «Ақтерек» учаскесінің су ұңғымалары және су жинау-тарату кешенінің құрылысы мен сумен жабдықтау жүйесінің құрылыс жұмыстары аяқталып, пайдалануға берілді. Қазіргі таңда аудан тұрғындары 100 пайыз орталықтандырылған ауыз сумен қамтамасыз етілген. Сондай-ақ тұрғындарды газбен қамту – әлі де өзекті мәселелердің бірі. Бұл бағытта да ауданда бірқатар жоба жүзеге асырылуда, – деді аудан басшысы.</blockquote>Айта кетейік, қазіргі таңда Жалағаш кентіндегі 2 861 тұрғын үй және 20 әлеуметтік, 127 кәсіпкерлік нысан орталықтандырылған газ желісіне қосылған. Биыл Ақсу, М.Шәменов елді мекендерінде газдандыру жұмыстары жалғасады. Қазіргі таңда мердігер мекеме құрылыс-монтаждау жұмыстарын жүргізуде. Мұнан бөлек 2023 жылы Ақсу, Қаракеткен елді мекендерінің электр желілерін қайта жаңғырту жұмыстарына республикалық бюджеттен 270,3 млн теңге бөлініп, жөндеу жұмыстары толық аяқталды.ҚР Ұлттық қоры есебінен халықтың әлеуметтік жағынан осал топтарына тұрғын үй сатып алуға 528 млн теңге бөлініп, 51 жеке тұрғын үй сатып алынды. Қазіргі таңда белгіленген санатқа жататын мұқтаж 51 отбасына тұрғын үй кілті табысталды. Сондай-ақ Жалағаш кентінен теміржол арқылы жаяу жүргіншілерге арналған аспалы көпір құрылысына облыстық бюджеттен 325,4 млн теңге қаржы бөлініп, құрылыс жұмыстары жүргізілді.&nbsp;«Ауылдық денсаулық сақтауды жаңғырту» ұлттық жобасы аясында республикалық бюджеттен 752,8 млн теңге бөлініп, Мырзабай ахун және Есет батыр елді мекендерінен дәрігерлік амбулатория құрылысы аяқталып, аймақ басшысының ауданға жасаған жұмыс сапары барысында аталған нысандар ел игілігіне пайдалануға берілді.<blockquote>– Биыл ауданда 24 жобаны іске асыруға бюджеттен 3,4 млрд теңге қаржы бағытталды. Оның ішінде ең ірі екі жоба бар. Президентіміздің бастамасымен қолға алынған «Жайлы мектеп» Ұлттық жобасы аясында облыс көлемінде 21 мектеп салынатын болса, соның бірі біздің ауданда бой көтереді.Қазіргі таңда 300 орындық «Жайлы мектептің» жер телімі белгіленді. Биыл мектеп құрылысы басталып, келер жылы ел игілігіне пайдалануға беруді жоспарлап отырмыз, – деді аудан әкімі.&nbsp;</blockquote>Сондай-ақ биыл аймақ басшысының қолдауымен жалпы құны 1,6 млрд теңгені құрайтын «Руханият» орталығы ғимаратының құрылысы жүзеге аспақ. Музей, кітапхана, мұрағат, неке қию залы, ардагерлер және аналар кеңесі, жастар орталықтары, азаматтық қоғам өкілдері мен тарихи-мәдени, рухани ұйымдарын біріктіретін типтік үлгідегі «Руханият» орталығы жыл соңына дейін ел игілігіне пайдалануға беріледі деп жоспарлануда.&nbsp;Кеңес мүшелері жиында атқарылған нәтижелі жұмыстарға оң баға беріп, алда орындалуы тиіс мәселелерді талқылап, ұсыныс-пікірлерін білдірді. Қоғамдық кеңес мүшелері аудан тұрғындарының көкейінде жүрген өзекті мәселелерді ортаға салды. Олар кентте көғалдандыру жұмысын қолға алып, тал егу жұмысын жандандыруды ұсынды. Сондай-ақ жастар бас қосатын спорттық алаң стадион мен орталық алаңға күрделі жөндеу жұмыстарын жүргізу керектігін де назарға салды. &nbsp;Жиын соңында биыл да ауданның өркендеп, дамуы жолында қарқынды жұмыстарды жалғасатынын айтқан аудан басшысы ұсыныстар бойынша тиісті сала басшыларына тапсырмалар беріп, орындалуын қатаң бақылауда ұстайтынын айтты.&nbsp;Фото: freepik

Қоғамдық кеңес мүшелерінің кезекті отырысы өтті 

<a href="https://kyzylorda-news.kz/">Kyzylorda-news.kz.</a> Даму кәсіпкерлікті дамыту қоры» АҚ әйелдердің бизнесін қаржыландыратын жаңа бағдарламаға 10 миллиард теңге бөлді.«Үміт» бағдарламасы кәсіпкерлерге бизнесті дамыту үшін мол мүмкіндіктер ұсынады. Бағдарламаны іске қосу үшін бөлінген бастапқы қаражат – 10 миллиард теңге. Бұл бағдарлама аясында Қазақстанның барлық өңірі, соның ішінде ауыл, шағын және моно қалалардағы кәсіпкер әйелдер екінші деңгейлі банктер арқылы несие ала алады. Инвестиция және айналым қаражатын толықтыруға берілетін несиенің максимал мерзімі – 84 айға дейін, шекті сомасы 100 миллион теңге.Қолдау экономиканың барлық секторларын қамтиды. Тек қаржы және сақтандыру саласы, жылжымайтын мүлікпен жасалатын операциялар және көтерме-бөлшек сауда ғана кірмейді.Сондай-ақ, бағдарлама аясында аруларға «Даму» Қоры Еуропа қайта құру және даму банкімен (EBRD) әріптестігі аясында тегін оқу курстары мен тренингтер ұсынады. Бұл халықаралық ұйыммен бірлескен бағдарлама кәсіпкер әйелдерге бизнесті басқару және нарықтағы табысты бәсекелестік үшін қажетті кәсіби машық, білім мен құралдарға ие болуға мүмкіндік береді.<blockquote>Әйелдер кәсіпкерлігін қолдау шаралары әйелдер басқаратын кәсіпорындар санын жыл өткен сайын арттыратынын атап өткен жөн. &nbsp;Бұл туралы «Даму» Қорының Басқарма төрайымы Гаухар Бурибаева: «Үкімет Қазақстандағы шағын және орта бизнесті, оның ішінде әйелдер кәсіпкерлігін дамытуға көп көңіл бөледі. Шағын және орта бизнес иелері құрылымындағы әйел кәсіпкерлердің үлесі «Даму» Қоры қолдаған жобалардың жалпы санының 47%-ына жетті. Қор жұмыс істей бастаған уақыттан бері әйел кәсіпкерлердің 96 мың жобасына 2 893 млрд теңге сомасында қолдау көрсетті. Бизнестегі арулар бизнес-идеяларын жүзеге асыру, компаниясын дамыту мен жаңа жұмыс орындарын ашу үшін берілген мемлекеттік қолдауды тиімді пайдаланатыны қуантады», – деп мәлімдеді.</blockquote>«Даму» Қоры – Қазақстанда шағын және орта бизнесті дамытуды көздейтін мемлекеттік қолдау құралдарын жүзеге асыратын қаржы агенттігі. Қордың жалғыз акционері – «Бәйтерек» ұлттық басқарушы холдингі» АҚ.

"Үміт" атты жаңа бағдарлама басталды

<a href="https://kyzylorda-news.kz/">Kyzylorda-news.kz.</a> «Өнер – таусылмас азық, жұтамас байлық» деп бекер айтпаса керек. Әр адамның өзінің ерекше бойына біткен таланты болады. Осы қасиет арқылы адамдар көпке танылып, дарынымен, талантымен, өнерімен өрге жүзеді. Бала кезінен белгілі бір үйірмеге қатысып, жан-жақтылығын дамытады. Сондай орталардың бірі – Шиелі өнер мектебі.Тарихқа көз жүгіртсек, алғашында аудандық балалар музыка мектебі болып құрылған мекеменің іргетасы 1968 жылы қаланған. Аталған жылы 4 мұғаліммен біріккен мектеп кейін бірте-бірте үлкейеді. 1980-1990 жылдары дағдарыс уақыты кезеңінде Шиелінің орталығында бір уақытта бес мектеп болып тұрған. Кейін 1991-1992 жылдар аралығында Кеңес Одағы тарқағаннан соң, қаражаттың жетіспеушілігінен төрт мектеп жабылып, содан осы балалар музыка мектебі қалады.Уақыт өте келе, 2020 жылдан бастап аталған мектептің атауы «Шиелі өнер мектебі» деп өзгереді. Бүгінде мектепке 2022 жылдан бері Нариман Мизамбаев басшылық етіп келеді.Өнер мектебінде домбыра, дәстүрлі, эстрадалық ән салу, қобыз, би, баян, саксофон, аккардеон, гобой кластары бойынша 61 мұғалім дәріс береді.<blockquote>– Бұл өнер ордасына мен бір жарым жылдан бері басшылық етемін. Мені шәкірттердің өнерге деген қызығушылығы, құрметі қуантады. Өнер мектебінің негізгі мақсаты – балалардың музыкалық сауатын ашу, қызығушылығын арттыру, аспаптарда ойнауға үйрету және ұлттық музыкалық аспаптарды кеңінен насихаттау. Жалпы өнер ордасында 720 оқушы тәлім-тәрбие алып жатыр. Жалпы мектепте 6-16 жас аралығындағы балалар қабылданады. 2021-2022 оқу жылында 70 оқушы өнер ордасын аяқтаған, – дейді өнер мектебінің директоры.</blockquote>Оқушылар түрлі деңгейдегі өнер байқауынан оза шауып жүр. Өнерпаздың сайыста тәжірибе алатындығын ескерсек, өнер мектебінің атқарып жатқан жұмысы оқушылардың талай бәйгеде бақ сынап, жүлде иеленіп жүргенінен толық аңғаруға болады. Ұстаз мерейін арттырып, талай шәкірт асуларды бағындырып жүргені жасырын емес. Атап айтар болсақ, облыстық жас музыканттар байқауынан Әлижан Ғалымжанұлы сертификат алса, «Ақ шағала» байқауында «Аяла» би тобы ІІ орынды иеленді. Абдулла Әділбековте жас музыканттар сайысына қатысып, ІІІ орынды жеңіп алған.Республикалық деңгейде топ жарып жүрген Әйгерім Әшімова, Мырзатай Тұрманов, Шыңғысхан Егеубай, Кәусар Әріпхан, Мерей Ибатулла, Бақдәулет Русланұлы, Інжу Серікбай мен Айзере Аяпбергенованы ерекше атап өткеніміз жөн болар.Одан бөлек, өнер мектебінде мұғалімдерден құралған «Сырлы саз» халық аспаптар ансамблі және Қошқарбек Тасбергенов атындағы халық аспаптар оркестрі жұмыс істейді. Талай концерттің шымылдығын ашқан ансамбльге жоғары санатты ұстаз Нариман Әшімханұлы жетекшілік етеді. Аудандық, облыстық көлемдегі мәдени іс-шаралардың көркін келтіріп жүр.Өнер мектебінің тағы бір ерекшелігі, мүмкіндігі шектеулі 6 баланы тегін оқытады. Негізі жеке орындаушыларға – 2000 теңгеден болса, топтық биге – 1000 теңгеден. Мектеп мұғалімдері білікті жастармен толығуда.Сондай-ақ редакциямызбен өнер мектебін аралап жүргенімізде, көкірегі ояу, көзі ашық, білімді жастарды кезіктірген едік. Олардың айтуынша, өнер оларды әдемілікке, ізігілікке, басқаша әлемге баулиды.

Шиелі өнер мектебі – таланттылар мекені

<a href="https://kyzylorda-news.kz/">Kyzylorda-news.kz.</a> "Қазгидромет" Алматы мен тағы екі қаланың тұрғындарына бүгін метеорологиялық жағдай қолайсыз болатынын ескертті, деп хабарлайды Sputnik Қазақстан.<blockquote>"2024 жылдың 7 наурызында Ақтөбе, Алматы, Жезқазған қалаларында ауаның ластануына байланысты метеорологиялық жағдай қолайсыз болады деп болжанып отыр", - деп жазылған хабарламада.</blockquote>Қолайсыз метеорологиялық жағдай кезінде атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлар (тымық, әлсіз жел, тұман, инверсия) үйлесім табады.Халыққа арналған ұсыныстар:көшеде, әсіресе тас жолдардың немесе басқа ластаушы көздердің маңында жүру уақытын қысқартыңыз. Балалар мен жүкті әйелдер ұзақ уақыт серуендеуден бас тарту керек;созылмалы өкпе ауруларымен, жүрек-қан тамырлары, аллергиялық аурулармен ауыратын адамдар көшеде жүргенде өздерімен бірге қажетті дәрі-дәрмекті алып жүруі керек;ашық ауада физикалық белсенділікті шектеңіз. Дене шынықтыру және спорттық іс-шаралар жабық спорт кешендерінде өткізілуі керек.Фото: freepik.com

Синоптиктер алматылықтарға ескерту жасады

Қармақшы аудандық қоғамдық кеңесте өткен жылы 36 мәселе қаралып, оң шешімін тапқан 

<a href="https://kyzylorda-news.kz/">Kyzylorda-news.kz</a>. Қазақстанда 10 260 057 миллион әйел тұрады, деп хабарлайды <a href="https://sputnik.kz/20240307/qazaqstanda-ayelderdin-kobi-qay-onirde-turady-42751282.html">Sputnik Қазақстан.</a>Бүгінде әйелдердің 63,6%-ы қалада, 36,3%-ы ауылда тұрады. Өңірлер бойынша әйелдердің ең көп саны Алматы қаласында – 1 196 450, Түркістанда – 1 049 866 және Алматы облыстарында – 766 092 тіркелген.Жас құрамы бойынша 18 жасқа дейінгі қыздар саны – 3,3 млн, 18-ден 60 жасқа дейінгілер – 5,3 млн, 60 және одан үлкен жастағылар – 1,6 млн әйел.фото: Қызылорда қаласы әкімінің баспасөз қызметі&nbsp;

Қазақстанда әйелдердің көбі қай өңірде тұрады ?

<a href="https://kyzylorda-news.kz/">Kyzylorda-news.kz.</a> Пітір садақа еліміз бойынша жан басына 640 теңге болып бекітілді. Бұл туралы Өңірлік коммуникациялар қызметінде өткен баспасөз мәслихатында Қазақстан мұсылмандары діни басқармасының Наиб мүфтиі Кенжәлі Қоңыратбайұлы айтты.Оның айтуынша, пітір садақаны Рамазан айының басынан Айт намазына дейін беруге болады.&nbsp;<blockquote>«Биыл пітір садақа еліміз бойынша екі килограмм ұнның орташа бағасы есебінен 640 теңге мөлшерінде бекітілді», - деді Кенжәлі Қоңыратбайұлы.</blockquote>Наиб мүфти сондай-ақ кәсіпкерлерге Бас мүфтидің әлеуметтік маңызы бар тауарлар мен азық-түлік өнімдеріне бағаны төмендету туралы өтінішін жеткізді.<blockquote>«Еліміздің Бас мүфти Наурызбай қажы Тағанұлы отандастарымызды қасиетті ай кезінде мешіттерде өткізілетін «Рамазан қоржыны», «Рамазан сыйы»,«Рамазан тәттісі», «Жомарт жұма» сияқты қайырымдылық акцияларына өз үлестерін қосуға және кәсіпкерлерді әлеуметтік маңызды азық-түлік өнімдерінің бағасын барынша төмендетуге шақырады», - деді ол.</blockquote>Биыл қасиетті Рамазан айы 11 наурызда басталып, 9 сәуірге дейін жалғасады.Фото: muftyat.kz

Биылғы пітір садақа мөлшері белгілі болды

&nbsp;<a href="https://kyzylorda-news.kz/">Kyzylorda-news.kz</a>. Адам баласы үшін ананың орны қашанда биік. Жұмақ - ананың табанының астында деген сөздің мәні аяулы жанның қадірін ерекше асқақтатып тұрғандай. Бір қолымен бесікті, екінші қолымен әлемді тербететін аналарға жүрекжарды лебізімізді күн сайын білдірсек те артық етпейді. Шұғылалы көктемнің 8-ші жұлдызы Халықаралық әйелдер күніне Жаңақорған аудандық білім бөлімінің басшысы Бекжан Есенбаев кент орталығындағы Мұхамеджан Қаратаев атындағы №51 мектепке арнайы барып, аяулы арулар мен ардагер ұстаздарды мерейлі мерекемен құттықтап, ыстық ықыласын білдірді.<blockquote>– Әлемдегі кез-келген ұлт алдымен ананы құрметтейді, ананың алдында басын иеді. Қазақ халқы әйел затының қадір-қасиетін жоғары бағалап, беделін биік қойған. Жер – ана, Отан – ана, тілдің өзін анаға теңеп, оның құдыретін осылай бағалады. Міне, біз ана ұғымын осындай мәртебелі еттік. Асыл дінімізде де «Анаңды Меккеге үш рет апарсаң да ақ сүтін ақтай алмайсың», «Жұмақ ананың табанының астында» деген киелі ұғым бар. Сондықтан қай қоғамда болмасын нәзік жандылардың орны – төр. Кешегі ел егемендігін алған алмағайып, тоқырау тұста азаматтарға тіреу болып, маңдай терін төгіп, елді осынау тығырықтан аналар алып шықты. Сондықтан барша аруларды, аналарды, ақ самайлы әжелерді Аналар мерекесімен шын жүректен құттықтаймын! – деп ардагер мұғалімдерге құрмет көрсетіп, алғысын білдірді.</blockquote>Ана көңілінің дархандығына, ана жүрегінің ізгілігіне тең келер құдірет жоқ. Ана алақанының жылылығынан асқан жылулық жоқ. Бойға қуат, көңілге шуақ дарытатын күш те ананың жүзінде, бір ауыз сөзінде, жүрегіндегі мейірбандықта жатыр. Бір сөзбен айтқанда, мына жарық дүниедегі ең күшті құдірет – ана мейірімі. Сондықтан оларға ілгері ізет, көшелі құрмет арта береді. Көктеммен бірге келген мейрамға орай ұйымдастырылған кеш аудан өнерпаздарының концерттік бағдарламасына жалғасты.Одан әрі сан салада қызметте жүрген жандарға, ардагер еңбеккерлерге құрмет көрсетіп, алғысын білдірді. Ауданның әлеуметтік-экономикалық өсіп-өркендеуіне үлес қосып жүрген мамандық иелерін марапат мінберіне көтерді. Азаматтық қорғау горнизоны қызметкерлерінің аналары «Офицердің анасы» медалімен марапатталды.<blockquote>– Перзентіміздің ел үшін еңбек етіп, халықтың ұлы болып қызмет атқарып жүргені біздер үшін үлкен мәртебе. Елдік жолында еңбек ету бұл әрбір азаматтың асыл парызы, осы жолда жүрген ерлердің еңбегі де ескерусіз қалмайды. Ең бастысы, мемлекеттің келешегі, ертеңі жолында жұмыла жүк көтеріп жүрген ұл-қыздарымыз аман болсын. Осындай марапат биігіне көтеріп жатқан жандарға мың алғыс! – деді Сырғақыз Тұртанова.</blockquote>Сондай-ақ, Күміс алқа иелері сахна төріне көтерілді. Сан салада еңбек етіп жүрген жандарға облыс әкімінің «Алғыс хаты» және аудан әкімінің «Құттықтау хаты» табыс етілді.Ана көңілінің дархандығына, ана жүрегінің ізгілігіне тең келер құдірет жоқ. Ана алақанының жылылығынан асқан жылулық жоқ. Бойға қуат, көңілге шуақ дарытатын күш те ананың жүзінде, бір ауыз сөзінде, жүрегіндегі мейірбандықта жатыр. Бір сөзбен айтқанда, мына жарық дүниедегі ең күшті құдірет – ана мейірімі. Сондықтан оларға ілгері ізет, көшелі құрмет арта береді.Көктеммен бірге келген мейрамға орай ұйымдастырылған кеш аудан өнер-паздарының концерттік бағдарла¬масына жалғасты. Әуезді ән, мың бұралған бимен өріліп, көрермендерге керемет көңіл-күй сыйлады. Әуезді ән, мың бұралған бимен өріліп, көрермендерге керемет көңіл-күй сыйлады. Міне, адамзаттың анаға деген құрметі шексіз екенін осыдан көруге болады. Өйткені, анасы бар адамдар ешқашан қартаймайды.&nbsp;

Жаңақорғандық ұстаздар құрмет төрінде

<a href="https://kyzylorda-news.kz/">Kyzylorda-news.kz.</a> Ол бозбала шағынан шаруашылық жұмысында. Осы аралықта майталман механизатор ретінде көпшілікке танылды. Техника ақауын дауысынан танып, аңғаратын кәнігі жүргізуші. Ала жаздай дала төсін дүбірге бөлеп, аптап ыстыққа қарамастан егістік басынан табылады.Төлеубек Әбілдаев Сырдария ауданына қарасты «Бесарық» шаруашылығында 35 жылдан бері жұмыс істеп келеді. Егін өсіріп, оны күзде жинау&nbsp;сынды жауапкершілігі зор жұмыстың басы-қасында. Көктемде алқапқа күріш сеуіп, содан күзде шашау шығармай жинап алғанша дамылсыз күндерді далада өткізеді.Жұбайы Күлсара Көрпебаева да – осы шаруашылықта аспаз. Ауыл шаруашылығында ұзақ жыл еңбек етіп келе жатқан әйелдердің жұмысы оңай емес.&nbsp;<blockquote>– Отағасы екеуміз шаруашылық жұмысына бірге барып, бірге қайтамыз. Аспаз болғаныма көп жылдар өтті. Жалпы далада әзірленген астың дәмі ерекше. Жай күндері 30-40 адамға тамақ пісірсем, егін науқаны кезінде одан екі есе көбейеді, – дейді ол.</blockquote>Осы аралықта түрлі мерекелерде басшылық тарапынан марапатталып, бағалы сыйлықтарға ие болды. Бұл – адал еңбекке елдің ықыласы.Төлеубектің айтуынша, қазір шаруашылық алдағы маусымға дайындық үстінде. Иә, «бір жылдығын ойлаған дән егеді, он жылдығын ойлаған тал егеді, мың жылдығын ойлаған ұрпағына білім нәрін егеді» деген даналық сөз бекер айтылмаса керек-ті. Еңбек адамы – қашанда елдің құты. Кез келген істе төккен тер өтеусіз қалмайды. Өйткені адал еңбек ешқашан құндылығын жоймайды.Ел ырысын еселеуде ауыл еңбеккерлері қарап қалмайды. Төлеубек пен Күлсара сөзімен де, ісімен де өскелең ұрпаққа үлгі болып келеді.&nbsp;Фото: Нұрболат Нұржаубай

Қазақстан және Қызылорда облысының жаңалықтары: Қоғам

Шағанда электр бағаналары мен желілері жаңартылуда

Шиелінің өндірісі өрге, тірлігі төрге озған

Заманбек Бураханов: Мінезі жоқ жылқы бәйге алмайды

Қоғамдық кеңес мүшелерінің кезекті отырысы өтті

"Үміт" атты жаңа бағдарлама басталды

Шиелі өнер мектебі – таланттылар мекені

Синоптиктер алматылықтарға ескерту жасады

Қармақшы аудандық қоғамдық кеңесте өткен жылы 36 мәселе қаралып, оң шешімін тапқан

Қазақстанда әйелдердің көбі қай өңірде тұрады ?

Биылғы пітір садақа мөлшері белгілі болды

Жаңақорғандық ұстаздар құрмет төрінде

Адал еңбек еткеннің еңсесі биік

Қазақстан және Қызылорда облысының жаңалықтары: Қоғам

Шағанда электр бағаналары мен желілері жаңартылуда

Шиелінің өндірісі өрге, тірлігі төрге озған

Заманбек Бураханов: Мінезі жоқ жылқы бәйге алмайды

Қоғамдық кеңес мүшелерінің кезекті отырысы өтті

"Үміт" атты жаңа бағдарлама басталды

Шиелі өнер мектебі – таланттылар мекені

Синоптиктер алматылықтарға ескерту жасады

Қармақшы аудандық қоғамдық кеңесте өткен жылы 36 мәселе қаралып, оң шешімін тапқан

Қазақстанда әйелдердің көбі қай өңірде тұрады ?

Биылғы пітір садақа мөлшері белгілі болды

Жаңақорғандық ұстаздар құрмет төрінде

Адал еңбек еткеннің еңсесі биік

Қазақстанда әйелдердің көбі қай өңірде тұрады ?