<a href="https://kyzylorda-news.kz/">Kyzylorda-news.kz</a>&nbsp; Жуырда Қазалы ауданында "Нұра топтық су құбыры" шаруашылық жүргізу құқығындағы РМК мамандарының, сондай-ақ, бұқаралық ақпарат өкілдері, депутаттар мен аудан тұрғындарының қатысуымен сумен жабдықтау қызметіне тариф жобасын бекіту бойынша жария тыңдалым өтті.Қазақстан Республикасы ұлттық экономика министрінің 2019 қарашадағы №90 бұйрығымен бекітілген тарифтерді қалыптастыру қағидаларына сәйкес, филиалдың суды магистральдық құбыр жолдары және таратушы желілер арқылы беру қызметтері бойынша тарифтерді және тарифтік сметаларды бекітуге берген өтінімдері 2023 жылдың 29 желтоқсанында келіп түскен. Соған сәйкес, келіп түскен өтінімдерді уәкілетті орган 90 күн ішінде қарап, жұмыс жүргізеді.Филиалдың жобалық орташа босату тарифі 1 текше метрге ҚҚС-сыз суды магистралдық құбыр жолдары және таратушы желілер арқылы беру қызметі биылға – 956,72 теңгені құрап отыр. Ал, алдағы 2025 жылға – 1112,71 теңге, 2026 жылға – 1045,04 теңге, 2027 жылға – 1192,92 теңгеге, сондай-ақ, 2028 жылға – 1162,31 теңге, 2029 жылға – 1243,30 теңгеге дейін өсімді арттыру көзделген.Сонымен бірге, суды таратушы желілер арқылы беру қызметі үшін биылғы тариф – 725,54 теңге болып бекітілді. Ал, 2025 жылға – 753,38 теңге, 2026 жылға – 753,39 теңге, 2027 жылға – 779,90 теңге, 2028 жылға &nbsp;– 829,02 теге, 2029 жылға – 869,21 теңгеге дейін тарифті ұлғайтуға ұсыным берілді.Департамент қазіргі таңда қолданыстағы нормативтік-құқықтық актілерге сәйкес, филиалдың тарифтерін бекітуге ұсынған құжаттары қарастыруда. Сонымен бірге, "шикізат және материалдар", "жанар-жағармай" және тағы басқа баптары бойынша түзетпелерді енгізуді қолға алуда.Жария тыңдауда аудан тұрғындар тарифке қатысты алаңдаушылықтарын айтып, ұсыныс-пікірлерін ортаға салды. Ал, депутаттар болса, комитет нормаларға сай жұмыс жасау керектігін жеткізді. Алдағы уақытта бастамашыл ұжым тариф қымбаттығына қатысты мәселелерді реттеп, айтылған сын-ескертпелерді ескеріп, жұртшылыққа қонымды шешім қабылдайды деген сенім бар.Айта кетейік, өңірді дамытуға және жергілікті атқарушы органдардың жұмысының тиімділігін арттыруға, сондай-ақ тұрғындарды сумен қамтамасыз етуге бағытталған Табиғи монополияларды реттеу департаментінің тарифке қатысты шешімі 2024 жылдың 15-мамырында қабылданады.Фото: Нұрболат Нұржаубай

Қазалыда тарифтерді қалыптастыру қағидалары қайта қаралды

<a href="https://kyzylorda-news.kz/">Kyzylorda-news.kz</a> Қазақстан халқы Ассамблеясының мүшелері еліміздегі су басқан аймақтарда қол ұшын созып, қайырымдылық көмек көрсетуде белсенділік танытып жатыр.«Жүректен-жүрекке» қайырымдылық акциясы аясында Қызылорда облыстық Қазақстан халқы ассамблея мүшелері, Корей этномәдени бірлестігі, Татар орталығы, «Ассамблея жастар» ұйымы судан зардап шеккен аймақтардағы азаматтарға гуманитарлық көмек жинауда. Үш күнге жуық жиналған заттардың арасында азық-түлік, күріш, төсек-орын, гигиеналық және тұрмысқа қажетті химиялық заттар, дәрі-дәрмектер бар.Корей этномәдени бірлестігінің төрағасы Денис Пактың айтуынша Корей орталығына корей кәсіпкерлер орталығы, қаладағы «Любовь», «Надежда» шіркеулері, Корей этномәдени бірлестігі орталығының ардагерлері, жастары, белсенділері ақшалай қолдау білдірген.&nbsp;Жиналған 1 млн теңге қаражатқа олар 1 тонна азық-түлік, 1 тонна гигиеналық және тұрмыстық, химиялық заттарды, дәрі-дәрмектерді, көрпе-төсектерді әкеліп, «Ассамблея жастар» ұйымының белсенділерімен бірлесіп, оларды сұрыптап, арнайы ҚХА, Қазақстан Корей қауымдастығы және Татар орталығының эмблемаларын жабыстырды.Өз кезегінде Корей этномәдени бірлестігінің белсендісі Елена Ан барша қызылордалықтарды судан зардап шеккен аймақтарға көмек қолын созуға шақырды. Бірлік пен ынтымақтастықта бұл қиындықты жеңетіндігімізді алға тартты.<blockquote>− Бұл барша елдің басына келген ауыр жағдай. Ел болып бірлесе көтеруіміз керек. Әрине қиын, десе де бұлттың артынан күн шығатыны секілді, бұл қиындықтың артынан да күн шығып, елімізді жарқын болашақтың күтіп тұрғанына сенімім мол. Еліміз аман, жұртымыз тыныш болса екен, − деді ол.</blockquote>Ал Корей этномәдени бірлестігінің төрағасы Денис Пак өз кезегінде көмек қолын созып жатқан барша жанға алғысын білдірді.&nbsp;− Елімізде орын алған жағдайға байланысты бізде өз үлесімізді қосу мақсатында 3 күн бойы гуманитралық көмек жинадық. Жиналған қаржыға барынша қажетті дүниелерді алдық. Осы ретте бізге қолдау білдірген жандарға барынша риясыз алғысымды білдіремін. Қандай жағдай болса да осылай бір-бірімізге қолдау білдірсек, бұл қиындықты да бірлесе еңсереріміз сөзсіз, − деді.

Ассамблея мүшелері қайырымдылық көмек көрсетуде белсенділік танытып жатыр

&nbsp;<a href="https://kyzylorda-news.kz/">Kyzylorda-news.kz</a>&nbsp;&nbsp; Бүгін «Amanat» партиясының аудандық филиалы жанындағы Партиялық бақылау комиссиясының мүшесі, аудандық мәслихаттағы депутаттық фракция мүшесі Марат Бакуов өзі сайланған Қалжан ахун ауылындағы бірқатар сауда нысандарындағы азық-түлік бағаларына мониторинг жұмыстарын жасады.&nbsp;Мониторинг жұмыстары барысында елді мекендегі «Ернұр», «Ақниет» және «Айнель» дүкендеріндегі әлеуметтік маңызы бар азық-түлік өнімдерінің бағаларына мониторинг жасалып, бағалар шекті бағадан аспағандығы анықталды. Жалпы партиялық бақылау комиссиясының мүшелері өздері сайланған округтердегі баға тұрақтылығына ұдайы назарда ұстап келеді. – Жалпы халықтың тұрмыс сапасын арттыру мақсатында мемлекет тарапынан елеулі жұмыстар атқарылуда. Өз кезегінде жетекші партия тарапынан халықтың әлеуметтік жағдайын ұдайы назарда ұстау – күн тәртібінен түспейді. Біз бүгін Қалжан ахун ауылындағы бірқатар дүкендерді аралап, баға тұрақтылығын басты назарға алынды. Бұл ретте, сауда дүкендерінің иелеріне &nbsp;негізсіз бағаны көтеруге болмайтындығын ескерттік. Сонымен қатар азық түлік өнімдерінің сапасына мән беру керектігі айтылды, – дейді мәслихат депутаты. Мұндай іс-шаралар жетекші пария тарапынан алдағы уақытта тұрақты жалғасын табатын болады.&nbsp; &nbsp;

Азық-түлік бағасына мониторинг жасалды

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы Қасым-Жомарт Кемелұлы Тоқаевтың бастамасымен үшінші рет Атырау қаласында өткізілген Ұлттық құрылтай ұлттық сипатқа ие.&nbsp;Осы ретте жастар арасында мемлекеттік тілді дәріптеу аясында ұйымдастырылатын тіл айлығы туралы Өңірлік коммуникациялар қызметі алаңында брифинг өткен болатын. Жиын барысында облыстық қоғамдық даму басқармасы басшысының орынбасары Артур Қамбаров, Халықаралық «Қазақ тілі» қоғамы облыстық филиалының төрағасы, тіл жанашыры Аңсат Сәдуақас, облыстық «Жастар ресурстық орталығы» КММ директорының орынбасары Қорған Өтегенов қатысты.Құрылтай отырысында Президент ана тілдің қолдану аясын кеңейте түсу мемлекеттік саясаттың басты бағыты болып қала беретінін, күнделікті өмірдегі қажеттілікті арттыру арқылы тілдің тұғырын нығайта беру керектігін мәлімдеді.&nbsp;«Бұл үрдісті одан әрі дамытудың ең тиімді әрі төте жолы – ағартушылық» – деп атап өткен болатын.Мемлекеттік тіл – қазақ елінің басты ұлттық коды.Қандай мемлекет болсын, ондағы мемлекеттік тілдің өмір сүріп, қызмет етуінің негізгі шарттарының бірі – тілді қолданушылар санының жеткілікті болуы. Бүгінде елдегі халықтың 70%- ын қазақ ұлты құрап отыр. Біздің өңірде 96,1%.Мемлекеттік тіл мәртебесіне ие болып отырған қазақ тілі – әлемдегі алты мыңға жуық тілдің ішіндегі қолдану өрісі жағынан жетпісінші, ал тіл байлығы мен көркемдігі, оралымдығы жағынан алғашқы ондық қатарында.Ұлттың ұлт болып қалыптасуы ең алдымен ұлттық құндылықтарды дәріптеуден басталады.Ұлттық құндылықтар – әрбір ұлттың болмысында ғасырлар бойы атадан балаға мирас болып келе жатқан адамгершілік қағидаттары.Халықтың қазынасы – тілі, ділі, салт –дәстүрі, әдебиеті мен өнері ұлтымыздың рухани байлығы.Осы орайда, ұлттық құндылықтарымызды дәріптеп, салт-дәстүрлерімізді насихаттау мақсатында халқымыздың жыл басы және жаңару айы – наурыздан бастап Сыр өңірінде биылғы жыл – «Руханият жылы» деп жарияланды.Мемлекет басшысы Қ.Тоқаев «Егемен Қазақстан» газетіне берген сұхбатында: «Ана тілімізді, салт-дәстүрімізді, ұлттық сана-сезімді, қоғамдағы татулық пен келісімді, береке-бірлікті сақтай алмасақ, келер ұрпақ бізді кешірмейді.&nbsp;Әсіресе, мемлекеттік тілдің мәселесі өте маңызды. Тіл – ұлттың тұғыры, ұрпақтың ғұмыры. Қазақ тілі қазақты әлемге таныта алады. Қазақтың тілі – халықтың төлқұжаты. Мұны әрдайым есте ұстау керек. Біле білсек, ұлттық қауіпсіздік тілімізді қадірлеуден басталады» – деген болатын. Олай болса, тіліміздің тұғыры биіктей берсін!&nbsp;Фото: atr.kz

Аймақта мемлекеттік тілді дәріптеу қолға алынады

<a href="https://kyzylorda-news.kz/">Kyzylorda-news.kz</a> &nbsp;Ертең – бүкіләлемдік авиация және косманавтика күні. 1961 жылы көкек айының бұл күні Юрий Гагарин Байқоңыр ғарыш алаңынан ғарышты бағындыруға аттанып, тарихта аты қалды. Содан бері 63 жыл өтті. Мереке қарсаңында аспан әлемімен астасып жүрген авиация мамандары мен ғарышкерлер туралы қызықты фактілермен бөлісе өтейік.Әлемдегі ең үлкен жолаушылар ұшағы – Airbus A380. Оның үлкендігі сонша бір рейсте 850 жолаушыны тасымалдай алады. Алғашқы коммерциялық рейс 1914 жылы 1 қаңтарда АҚШ-тың Санкт-Петербург және Тампа қалалары арасында жасалды.Уақыт бойынша ең ұзақ рейс – Сингапурдан Нью-Йоркке дейін, ол шамамен 18 сағатты алады.1923 жылы құрылған Аэрофлот – әлемдегі ең көне авиакомпаниялардың бірі, ол әлі күнге дейін тұрақты халықаралық рейстерді басқарады.Стюардесса Хелен Бертран 1930 жылы жолаушылар ұшағында жұмыс істеген алғашқы әйел болды. Boeing 747 бастапқыда әскери-көлік ұшағы ретінде пайдалануға арналған, бірақ кейіннен ең танымал жолаушылар лайнерлерінің біріне айналды.Ғарышта болған алғашқы адам кеңестік ғарышкер – Алексей Леонов. Бұл сапар 1965 жылы 18 наурызда Восход-2 миссиясы кезінде болды.Юрий Гагарин 1961 жылы 12 сәуірде «Восток-1» кемесімен ғарышқа ұшқан алғашқы адам. Оның ұшуы 108 минутқа созылды.Астронавт Джон Гленн 1962 жылы 20 ақпанда «Достық-7» кемесімен жерді айналып өткен алғашқы американдық.Валентина Терешкова алғашқы әйел ғарышкер болды. Ол 1963 жылы 16 маусымда «Восток-6» кемесімен ұшты.Ғарыштағы ең ұзақ ұшуды ресейлік ғарышкер Валерий Поляков жасады. Ол 1994-1995 жылдары Мир станциясындағы миссия кезінде орбитада 437 күн, 17 сағат 58 минут өткізді.Крис Хадфилд 2013 жылы Халықаралық ғарыш станциясында болған кезде Дэвид Боуидің «Space Oddity» әнінің мұқабалық нұсқасын жазғаны үшін бүкіл планетаға танымал болды.&nbsp;Фото: egemen.kz

12 сәуір – алғаш рет Байқоңырдан «Восток» ғарыш кемесінің  ұшқан күні

<a href="https://kyzylorda-news.kz/">Kyzylorda-news.kz</a> &nbsp;Адамзат баласы бұл дүниені арманның арқасында құрды деген пайым бар.&nbsp;Кезінде аспандағы құсқа қарап «менде ұшсам екен» деп қиялға ерік бергендердің арқасында бүгін сол көкті бағындыруға шамамыз жетті. Қазақ қилы заманды бастан өткеріп, еліміз талай кезеңдерді артта қалдырды. Соның бірі – соғыс жылдары. Осы орайда көкті бағындырған қазақ ұшқыштары туралы шолу жасағанды жөн көрдік.Сын сағаттта кез келген Кеңес одағының азаматы майданға аттанып, елін қорғау міндеттелді.&nbsp;Қаншама жан оққа ұшып, аяусыз мерт болды. Бұл – жерде жүргендердің кешкен азабы болса, көкте ұшып, жаудың бетін ойсырата қайтарғандардың жағдайы едәуір мүшкіл болатын. Алайда аспанда айласын асыра білген бірнеше қазақ ұшқыштары ерен еңбегі үшін жоғары бағаланып, заман батыры деген атаққа ие болды.Талғат Бигелдинов – Екінші дүниежүзілік соғыс кезінде жауға көк аспанда қалықтап жүріп, ержүректікпен тойтарыс берген тарихи тұлға.&nbsp;Т.Бигелдинов соғысқа аттана салысымен фашистік «мессерді» құлатып, жеңіліс таппаған. Соғыс жылдарынан соң небәрі 35 жасында авиациямен қош айтысқан батыр Талғат ұшақ басқармаса да, осы сала аясында көптеген жыл қызмет атқарды.Соғыстың 2,5 жылында ұшқыш 305 рет әуе көлігін ұрысқа көтеріп, бес ұшақты өзі және екі ұшақты топ құрамында болып атып түсірді.&nbsp;Әуеден 20-дан астам танкті, екі локомотивті, техникасы мен тірі күші бар вагондарды, сондай-ақ бірнеше артиллериялық қондырғылардың көзін жойған. Шығыс Еуропадағы қалаларды азат еткені және Берлинді алғаны үшін Бигелдинов екінші рет «Алтын Жұлдыз» медалімен марапатталды.Қатардағы жауынгер Талғат Бигелдинов соғыс соңын Халық Қаһарманы атағымен тәмамдап, ең ержүрек майдангер атанды.&nbsp;Батырдың құрметіне Ақтөбедегі әскери оқу орнына аты беріліп, ол туралы кино да түсірілді. 2014 жылдың күрең күзінде батыр ата мәңгілік сапарға аттанды. Ердің есімі елдің есінде болатыны хақ.Хиуаз Доспанова – Екінші дүниежізілік соғыс кезінде қазақтан шыққан жалғыз әйел-ұшқыш.&nbsp;Жауынгерлік рухы жоғары, қайсар Хиуаз балалық шағынан ұшқыш болғысы келген. Өкініштісі, батыр қыз туралы көбісі біле бермейді. Немістердің жүрегіне үрей ұялатқан қызыл әскер ұшқышы Доспанова «түнгі мыстан» атанған деседі. Олай деудің себебі, түнде 102 рет ұшу операциясын жүргізіп, 15902 келі әртүрлі калибрлі бомбаларды тастаған. Сол айласы арқылы фашистік әскерлерге қырғидай тиіп, тас- талқан еткен. Жалпы 300-ден астам ұшу операциясын жүргізген.Соғыс сұрапылы Хиуаздың денсаулығын нашарлатса да, майданнан кейін Халық Қаһарманы билік басында болып, ел жанашыры атанған.&nbsp;Біз батыр Хиуаз Доспанова және өзге де соғыс ардагерлерінің жауынгерлік ерлігін әрқашан жадымызда сақтап, бейбіт күннің қадірін жоғары бағалай бермекпіз.Дүниежүзілік соғыс күнтізбемізде ойып орын алды. Дегенмен өмір жалғаса берді. 1961 жыл – әлем тарихындағы айтулы күн. Адамзаттың ең үздік жетістіктерінің бірі – көкке ғарыш кемесін көтеріп, аспан әлеміне сапарлауы. 1961 жылы 12 сәуірде «Байқоңыр» ғарыш айлағынан тұңғыш рет Юрий Гагарин ғарышқа ұшты. Ал тұңғыш қазақ ғарышкері Тоқтар Әубәкіров 1991 жылы ғарышта 7 күн болып қайтты. Ол Кеңес одағының батыры, Қазақстан Халық Қаһарманы, авиация генерал-мойоры. Саяси-қоғамдық істерге белсене қатысып, халық жанашыры атанды.Талғат Мұсабаев – Қызыл кітапқа енген қазақ ғарышкері. Ғарышқа 3 рет аттанып, бірінші рет ұшқанында 125 күн, екінші рет 207 күн, ал үшіншісінде 7 күн болған. Космосқа өзімен бірге Қазақстанның туын, Байқоңыр ғарыш айлағының бір уыс топырағын және Құран Кәрімді алып ұшқан.Қазақтың 3-інші ғарышкері – Айдын Айымбетов. Қазақстанның халықаралық аренадағы дәрежесін көтере білген ғарышкер Айдын Ақанұлы – тәуелсіз Қазақстанның тұңғыш ғарышкері. Ол космоста болуды 22 жыл бойы күтіп, 2015 жылы ғарышқа аттанды. Ғарыш кеңістігінде 10 күн болып, айтулы зерттеу жұмыстарын жүргізді.<blockquote>– Ғарышқа ұшу мүмкіндігі миллиондаған адамның ішінде маған бұйырғаны үшін тағдырға ризамын.&nbsp;Ғарышта алған білімім мен тәжірибемді ел игілігіне тиімді пайдалану – азаматтық және адамдық борышым, – дейді Халық Қаһарманы, ғарышкер Айдын Айымбетов.</blockquote>

Байқоңырдан ұшқан қазақтың Тоқтары

<a href="https://kyzylorda-news.kz/">Kyzylorda-news.kz</a>&nbsp; «Жастар ресурстық орталығы» Байқоңыр қалалық бөлімінің ұйымдастыруымен жастар арасында діни экстремизм мен терроризмнің алдын алу мақсатында сала мамандарын тарта отырып Байқоңыр қаласындағы №272 орта мектебінің оқушылармен кездесу өткізді.Кездесу барысында орталықтың аға кеңесшісі А.Ердаулетов тақырып аясында сөз қозғап және сала мамандары РФ қарасты жастар саясаты бөлімінің бас маманы А.Алехина, РФ ІІМ өкілдігінің жасөспірімдер ісі инспекторы Р.Арсланов және ҚР ІІМ Байқоңыр қалалық өкілдігінің жасөспірімдер ісі инспекторы Е.Баймағанбетов толықтай ақпараттармен бөлісіп, видеоролик көрсетілді.<blockquote>− Бүгінгі жастар үнемі ізденіске, таным процесіне құштар келеміз. Осындай сәттерде ата-ана ести алмаған жауаптарды, ақпараттарды адам ұялы телефон арқылы ғаламтордан табады. Осындай сәттерде интернет беттерінде пайдалы ақпараттан бөлек зиянды, деструктивті ақпараттар да бар екенін ескерген жөн. Осы тұрғыда жастарды діни білім алуда абай болуға шақырамын, − деді «Жастар ресурстық орталығы» Байқоңыр қалалық бөлімінің аға кеңесшісі А.Ердаулетов.</blockquote>Жиын соңында сала мамандары жастарға діни білім алудағы басты қателіктер жөнінде сөз қозғап, тиісті мекемелерге жүгінуге кеңес берсе, ал жастар тарапы өз сұрақтарына тұшымды жауап алып, еркін пікір алмасумен аяқталды.<img src="https://knadmin.beoblood.kz/uploads/41a3d13b_bf47_48d5_a46d_d0ab0caf5947_e4b12d0423.jpg" alt="41a3d13b-bf47-48d5-a46d-d0ab0caf5947.jpg">

Діни білім алуда абай болған жөн

Жұмысы жүйелі Қазалы 

<a href="https://kyzylorda-news.kz/">Kyzylorda-news.kz</a> &nbsp;Қазақстан – көп ұлтты бауырына басқан мемлекет.&nbsp;Елімізде шоғырланған өзге ұлт өкілдері құшағы кең қазақ елін тек қоныс көрмей, отанындай сыйлайды. Дәлел – мемлекеттік тілде еркін сөйлейтін әрі салт-дәстүрді жетік меңгергендер көбейген. Осы орайда қызылордалық Елена Пак және Дильфура Байрахтаровамен оқырманды таныстырғанды жөн көріп отырмыз.<h2 style="margin-left:0cm;">Қазақ тілімен бірге тудым</h2>Дильфура Байрахтарова Қармақшы ауданы «III Интернационал» ауылында дүниеге келген. 25 жылдық еңбек өтілі бар мұғалім №108 орта мектебінде тарих-география пәнінен дәріс береді.– Қазақ тілін қалай үйрендіңіз?<blockquote>– Қазақ тілін үйрену үшін арнайы сабақ өттім деп айта алмаймын.&nbsp;Себебі қазақ тілімен бірге тудым. Кішкентайымнан ана тілімдей болып кетті. Мектеп пен жоғары білім ордасында да орысша білім алдым. Дегенмен ортам, айналам қазақы болды. Сол себептен бе, осы тілді еркін игердім. Мемлекеттік тілде сүйсіне кітап, журнал мен газет оқимын. Ауылда 14 түрлі өзге ұлт өкілі тұрды. Мен орыс, түрік, қазақ тілінде еркін ойымды жеткізе аламын. Бұдан бөлек өзбек, кәріс ағайындарын түсінемін. Кәріс тілі жабық тіл, сондықтан үйрену оңай емес. Бірақ сөздерін түсінемін.</blockquote><img class="image_resized" style="width:39.21%;" src="https://knadmin.beoblood.kz/uploads/aza_tilinde_erkin_s_jlejtin_zge_lt_kilderi_k_beyude_1_90651c8db0.jpg" alt="Қазақ тілінде еркін сөйлейтін өзге ұлт өкілдері көбеюде 1.jpg">– Қазақ тілінде сөйлейтін өзге ұлт өкілін көргенде таңырқайтындар көп пе?<blockquote>– Менің ойымша бұл таңғалатын жағдай емес.&nbsp;Қазақстанда өсіп-өнген соң ол – парыз.</blockquote>– Қазақ тілін білетіндігіңіз сізге қаншалықты көмектесті?<blockquote>– Жоғарыда айтқанымдай, мемлекеттік тіл білу – азаматтық борыш. Қазақ тілінде еркін сөйлеуімнің көмегі тиген сәттер көп. Студенттік шақта ұстаздарым риза болатын. Кейіннен қоғам белсендісі атандым. Жиын, кездесу мен мінберлерде сөз сөйледім. Мемлекеттік тілді меңгеру арқылы 2021 жылы облыстық мәслихатдепутаты, 2023 жылдан бастап Қармақшы аудандық мәслихатының VIII шақырылым депутаты атандым. Жетістіктерімнің барлығы ана тіліме айналған қазақ тілінің арқасы деп ойлаймын.</blockquote><h2 style="margin-left:0cm;">Хакім Абайдың 120 өлеңін жатқа білетін кәріс қызы</h2>Қызылорда облысы, Шиелі ауданы, Ақмая ауылында дүниеге келген Елена Пак №49 орта мектепті үздік аяқтаған соң, Қорқыт ата атындағы Қызылорда университетінде филология мамандығын тәмамдаған.&nbsp;Бүгінде «Қоғамдық даму басқармасына қарасты «Қоғамдық келісім» КММ-де жұмыс істейді.<blockquote>– Қазақ тілін меңгеруде қиындық болмады. Еркін сөйлеуіме ауылдағы қазақ балалары мен мұғалімдердің қосқан үлесі зор. Ата-анам кәріс ұлтының өкілдері. Ол кісілер қазақ тілін жақсы түсінеді, алайда таза қазақша сөйлей алмайды. Әрине, қай қоғамда өмір сүрсек те адамзаттың басты қатынас құралы саналатын тілдің маңызға ие екені белгілі. Бірнеше тілді еркін меңгерген адамның білімі мен дүниетанымы да кеңейе түсетіні рас. Тіл білгендіктен кез келген ортада емін-еркін сөйлеп, ойымды жеткізе аламын, – дейді кейіпкер.</blockquote>Еленаның айтуынша, мектеп қабырғасында дәстүрлі түрде өтетін ақындар оқуларына жиі қатысқан.&nbsp;Поэзияға жақын болған соң қазақ тілінде өлең жаттау жеңіл және өлеңдер есінде мықтап сақталған.<blockquote>– Ұстазым Бибігүл Сұлтанованың арқасында республикалық деңгейге дейін жетіп, жұлдызым жанған сәттер болды.&nbsp;Хакім Абайдың 120 өлеңін жаттағанмын. Сол кездегі басты мақсатым жаттаған өлеңдердің максималды санына жету болды. Есейе келе туындының мағынасына мән беріп оқитын болдым. М.Мақатаев, Ф.Оңғарсынова, Қ.Сарин, А.Елгезек ағаларымыздың да шығармашылығын жақсы көремін.</blockquote>Қазір қазақ тілінде сөйлейтін өзге ұлт өкілдеріне таңғалатын адам жоқ секілді.&nbsp;Себебі мемлекеттік тілді трендке айналдырып жүрген өзге ұлт өкілдері, блогерлер мен тіл жанашырлары көп, – деді Е. Владимировна.&nbsp;Фото: кейіпкерден

Қазақ тілінде еркін сөйлейтін өзге ұлт өкілдері көбеюде

<a href="https://kyzylorda-news.kz/">Kyzylorda-news.kz</a>&nbsp; Қызылорда облыстық Филармониясының ұйымдастыруымен Жыраулар үйінде Қазақстанның еңбек сіңірген қайраткері, профессор, жырау Алмас Алматовтың «Сыр бойындағы жыраулық дәстүр және бүгінгі өзекті мәселелер» тақырыбында шеберлік дәрісі өтті.&nbsp;Аталған мәдени шараны Қызылорда облысының мәдениет, архивтер және құжаттама басқармасының басшысы Мира Жомартқызы ашып, биыл Сыр бойында «Руханият жылы» аясында аймақ басшысының қолдауымен өнер орталықтары мен мәдени нысандардың бой көтергені және бұл бастама рухани мұрамыздың қайта жанданып ұлт мүддесі үшін қызмет атқаратыны жайында баяндады. Соның ішінде Қызылорда облыстық филармониясы жанынан ашылған Жыраулар үйінің келешегінде Республикалық, Халықаралық деңгейде ғылыми- практикалық конференциялар мен фестивалдерге нық қадам басып, ғылыми бағытта да бой көрсетуі жайында өз ойын ортаға салып жырау А. Алматовтың жыраулық өнерге сіңірген еңбегін жоғары бағалап Алғыс хатпен марапаттады.Келесі кезекте Алмас Нұрмаханұлы сөз алып Жыраулық өнердің өткен тарихымен бүгініне тоқталып, ғылыми тұрғыда бағыт-бағдар берді.&nbsp; Шеберлік дәрісі дөңгелек үстел басындағы талдау, пікір алмасу барысында және орындаушылық тұрғыда екі бөлімде өтті.&nbsp;Сыр сүлейлерінің ізбасарлары жыршы-жыраулары және Дәстүрлі өнер институтының директоры Наку Мирманов, «Дәстүрлі музыка өнері және хареография» б.б.б жетекшісі Шакирова Мақпал Иманайқызы бастаған аға оқытышы магистрлер: Руслан Ахметов, Шолпан Бимбетова, Ақмарал Ноғайбаева, Марат Сүгірбай, Майра Сәрсенбаевалар шәкірттерімен, Қазанғап атындағы Қызылорда музыкалық колледжі «Ән салу» бөлімінің оқытушылары: Рахметов Айдос Сәндібекұлы, Бисенбек Төлеубаев, Нұрбек Жүзбенбетов, Зүлфия Баймұрзаевалар шәкірттерімен, Арал аудандық мәдениет орталығына қарасты (Қарақұм ауылы) «Дәріқұл жырау» үйірмесінің жетекшісі ұстаз Өмірзақов Ғанибек Тайқошқарұлы, Қармақшы аудандық К.Рүстембеков атындағы жыраулар үйіне қарасты «Базар жырау» үйірмесінің жетекшісі Өтегенов Руслан Еркінұлы, М. Қалауов атындағы Қызылорда өнер мектебінің ұстазы Жадыра Қожатаева, Шиелі аудандық өнер мектебінің ұстазы Нұртілек Ақтаевтар шәкірттерімен қатысып Сыр бойындағы жыраулық дәстүр және бүгінгі өзекті мәселелерін талқылап орындаушылық тәсілдері аясында тәжірибе алмасты.&nbsp;Шеберлік сағатының қонағы Х.Досмұхамедов атындағы Атырау университетінің профессоры, Өнертану ғылымдарының кандидаты Бақыт Тұрмағамбетова «Ұстаз бен шәкірт арасындағы рухани байланыстың биік деңгейдегі жетістігін көріп, Сыр бойындағы жыраулық, жыршылық өнер озық үлгіде ілгерілеп бара жатқанына куә болдым», − деп өз пікірін қосты.&nbsp;Үш жарым сағатқа созылған шеберлік дәрісі өз мазмұнын аша білді. Алдағы уақытта да еліміздің әр аймағындағы өнер қайраткерлерімен шеберлік дәрістері жалғасатын табатын болады.Шара соңында қатысушы, тыңдаушы ұстаздармен шәкірттерге Алғыс хаттары табысталып, жырау Алматов Алмасбек Нұрмаханұлы өз батасын берді.<img src="https://knadmin.beoblood.kz/uploads/fa2a18f8_fd5b_447d_b00b_1997bb1692f3_37aa05118b.jpg" alt="fa2a18f8-fd5b-447d-b00b-1997bb1692f3.jpg"><img src="https://knadmin.beoblood.kz/uploads/0c269683_f2a7_43c6_8981_17d25f09ebb6_e31c354f61.jpg" alt="0c269683-f2a7-43c6-8981-17d25f09ebb6.jpg">

Сыр бойындағы жыраулық дәстүр және бүгінгі өзекті мәселелер

<a href="https://kyzylorda-news.kz/">Kyzylorda-news.kz</a> &nbsp;Қазір облыста бьюти-индустрияға бет бұрғандардың қатары қалың. Жыл өткен сайын арулардың сұлулыққа деген көзқарасы өзгеріп, әдемілік үшін пластикалық отаның кішігірім түрлері де жасалуда. Сырбойылық арулармен тілдесіп қаладағы сұлулық салондарының мүмкіндіктері, пластикалық отаның артықшылығы мен кемшілігі туралы әңгімелестік.Пластикалық ота – қазір әлемдегі ең танымал сұлулыққа бағытталған хирургияның бағыты. Жылына 11 млн-нан астам отаның осы түрі жасалынады. Оның да түрлері көп. Атап айтсақ, блефаропластика, ринопластика, маммопластика, липофилинг және де басқалары. Мұрынға жасалынатын отаның құны 150 мың теңгеден 300 мың теңгеге дейін, ал артық салмақтан арылу үшін 1 млн-нан 3 млн теңгеге дейін қаражат қажет. Әлемде пластикалық операция жасайтын клиника көп. Соның ішінде Джонс Хопкинс емханасы, Грейт-Ормонд-стрит ауруханасы және Гарвард медициналық мектебі үштіктің көшін бастап тұр.Биылғы жылдың тренді ретінде «табиғи сұлулық» пен бет-әлпетке жеңіл-желпі түзетулер жасау қарастырылуда. Жалпы көптеген қыз-келіншек көздеріне қабақ жасатып, бет пен маңдай, мойынның терісін тарту, жақ пен мұрынның мүсінін өзгерту деген сияқты қауіпті процесске келісім береді. Әлемде Оңтүстік Корея көш бастап тұр. Ал Қазақстанда ернін үлкейтуші қыздар жыл санап артып келеді. Инъекция арқылы жүретін бұл процессті араға уақыт салып қайта қайталап отыру қажет. Дегенмен көпшілігі өзі қалаған ерінді көре алмай, көріксіз нәтижеге ие болады.<blockquote>– Менің ернімнің формасы өздігінше әдемі еді. Туған күніме орай өзіме шағын сыйлық жасайын деп шештім. Формасын аз-маз үлкейткім келіп, қаламыздағы косметологтарға жүгіндім. Процесс ұзақ емес, маған бағасы да ұнады. Арнайы ауруды сездірмейтін жақпамай жақса да, ернімнің қатты ауырғанын сездім. Бастапқы күндері бұрын ине салдырғандар секілді көгеріп, ісінді. Бірнеше күннен кейін көгергені қайтып, ісігі басылды. Алайда ерін жасатудың қажеті жоқ екенін кеш түсіндім. Себебі жасандының аты жасанды, табиғи сұлулықтың орнын баса алмайды. Шамалы уақыттан соң инъекция тарап кетеді, сондықтан албырт шешім қабылдап, өз сұлулығыңызға қиянат жасамаңыз, – деп өкінішін білдірді Айсұлу Әбілқай.</blockquote>Дегенмен бұл барлығының пікірі осындай дегенді білдірмейді. Қалаған нәтижені көргендер қайта жасатудан еш қашпайды. Бұған тәуелді болып, ажарын басқа да әдістермен «әдемілеуші» қыздар жеткілікті.<blockquote>– Ерекше ерін жасатқаныма біраз уақыт болды. Өзім қалаған нәтижені ала алдым. Бұл заман талабына сай және қауіпті деп айта алмаймын. Өз ісінің маманы болған, жақсы косметологтарға жүгінсек қатерлі болмайды деп ойлаймын. Көпшіліктің пікірі маған қарсы болса да, мен өзімді жақсы сезінемін. Алдағы уақытта тағы да түзетулер жасатамын деген ойым бар, – деп пікірлер легін жалғастырды қызылордалық Алуа Оразғали.</blockquote>Пластикалық ота қауіпті деп атауға себеп көп. Ең сорақысы, сұлу боламын деп ота үстелінде жан тәсілім еткен қыздар бар. Ғаламтор кеңістігінде зардап шеккендердің қорқынышты фотолары мен жантүршігерлік диагноздары туралы мақала мен пост жеткілікті. Көптеген ауру осы ота кесірінен асқынуы мүмкін екендігін ешкім ескермейді. Мәселен, невроз, ішкі қабынулар, инфекция, көздің көру қабілеті, басқа да психологиялық және физикалық дерттерді деніңізге жиып алуыңыз мүмкін. Сапасыз отадан кейін байырғы қалпыңызға оралу мүлде мүмкін болмайды. Бұрын ота жасатып, кейін зардабын шеккендердің бүгінде беті қисық, ота орнында тыртық, ал жүректерінде қаяу бар.Әлемнің сұлулық аренасында жұлдыз болып жанған кейбір хас сұлулар бүгінде пластикалық отаның кесірінен халық көзіне көрінуге ұялатын халге жетті. Мәселен, «супермодель» терминін енгізген Дженис Дикинсонның қазіргі келбеті түбегейлі өзгерген. Табиғи сұлулығынан жұғым да қалмаған Дженис әжімдермен күресемін деп отаның көмегіне жүгінген. Келесі кейіпкеріміз «арыстан әйел» атанған Джоселин Вильденштейн. Ерекше сұлулық символы болған Джоселин пластикалық отаның барлық түрін қолданып көрген. Жұбайының көңілінен шыққысы келген швейцарлық ару қанша талпынса да, ақыр соңы жалғыз қалды. Жасаған операциялары оны танымал қылғанымен, халық пластикалық оталардың ең сәтсіз мысалы ретінде ғана біледі. Жас Джоселин өте көрікті әйел болған. Бірақ енді ол жасаған олқылықтың орнын ештеңе толтыра алмайтынын есте сақтаған абзал.XXI ғасырдағы өте өзекті мәселелердің бірі – дене бітімі. Салауатты өмір салтын ұстанушылар көп болғанымен, физикалық белсенділіктің күшіне сенбейтіндер жетерлік. Арықтауға арналған коктейль, препарат көп. Оны дәрігердің нұсқауынсыз қабылдап, расымен артық салмақтан арылып жатқан жандар бар. Өкінішке қарай, құрамы тексерістен өтпеген кейбір дәрілер кері әсер етіп, арықтаудың бұл тәсілі де өлімге әкелген жағдайлар аз емес. Бұрын тек бетке жасалатын операция қазір дененің де сұлбасын келтіруге қауқарлы бола бастаған. Яғни, артық салмақпен күресіп жүрген жандар ұзақ уақыт бойы спортпен шұғылданып салмақ тастағанша, аз уақыт ішінде арықтаудың жолын іздейді. Дене бітімінің формасын өзгертемін деушілер арнайы операцияның көмегіне жүгініп жатады. Алайда отаның орнында ұсқынсыз тыртық қалып, кейін жасыру мүмкін болмайтынын ескермейді.&nbsp;Фото: Нұрболат Нұржаубай

Аймақта бьюти-индустрия дамып келеді

&nbsp;<a href="https://kyzylorda-news.kz/">Kyzylorda-news.kz</a>&nbsp;«AMANAT» партиясы облыстық филиалының Партиялық бақылау комиссиясы жанындағы мониторингтік топ денсаулық сақтау өкілдерімен бірге қаладағы мемлекеттік жекеменшік әріптестік шартымен жұмыс жасап жатқан емханалардың жағдайына, ондағы халыққа көрсетілетін медициналық қызметтердің қол жетімділігі мен сапасына мониторинг жүргізді.Зерделеу тобы алдымен 16 мыңнан астам қала тұрғыны қамтылған «Қызылорда темір жол ауруханасы» ЖШС болды. Бұл серіктестік құрамында емхана мен аурухана бар. Мұндағы емхана мен ауруханаға 2022 жылдан бері кезең кезеңімен жұмысты тоқтатпастан күрделі жөндеу жұмыстары жүргілізіп жатыр. Емхана талапқа сай көптеген жаңа құрал-жабдықтармен қамтамасыз етілген.Ауруханаға барлық бөлімге жаңа керуеттер, тумбалар алынған. Халықтың кедергісіз кіріп шығуы үшін емхана алды тегістеліп брусчатка төселген. Мүмкіндігі шектеулі жандарға қалыпты орта қалыптастырылған.Мұнан соң зерделеу тобы «ALEXEY SULTAN-AKHMET» ЖШС-нің (Жеке серіктес) емханасында болды. Емхана мемлекеттік-жекеменшік әріптестік негізде жұмыс жасағандықтан заманауи медициналық жабдықтары бар жаңа ғимаратқа көшірілген. Бүгінгі таңда бұл жоба заманауи медицинаның барлық критерийлеріне сәйкес келетін жабдықты пайдалана отырып, жоғары білікті медицина мамандарымен 40 000-ға жуық қала тұрғындарының игілігі үшін медициналық қызмет көрсетуде. Жеке серіктестің өз қаражаты есебінен сатып алынған техникалар қатары жыл сайын жаңартылып отыр.Жалпы жоба іске қосылғаннан бастап 7 жыл ішінде емханаға бекітілген тұрғындардың саны ,азаматтардың өз еркімен тіркелуі негізінде 7000 адамға өскен. «Бұл жобаның сөзсіз сәттілігін көрсетіп отыр»,- дейді емхана басшылығы.Партиялық мониторингтік топ сонымен қатар 1972 жылы С. Макаренко атындағы балалар үйіне арналып салынған Баласағұн №5А мекен -жайындағы №6 емхананың №3 ЖТД бөлімінде болды. Типтік емес ғимарат емханаға пайдалануға 2017ж берілген.Ғимаратқа осыдан 8 жыл бұрын ағымдағы жөндеу жұмыстары жүргізілген екен. Ғимараттың жалпы ауданы 2168,8 м/кв болғанымен, мониторингтік топ оның 3/1 бөлігі пайдаланылмай отырғандығын анықтады. Сондай-ақ аумақтағы 14 мыңнан астам халыққа медициналық қызмет көрсетіп отырған ғимаратқа күрделі жөндеу қажет екенін айтты. Дегенмен қазіргі таңда «Проект Сервис ЖШС» - мен жобалау сметасы дайындалған екен.Үш емхананың жағдайын бағамдаған мониторинг топ, әрбір ұжым тарапынан айтылған ұсыныстарды тиісті басқармаларға жеткізетінін және партиялық бақылауға алатындарын айтып тарқасты.

Қазақстан және Қызылорда облысының жаңалықтары: Қоғам