<a href="https://kyzylorda-news.kz/">Kyzylorda-news.kz</a> Ақын, журналист, қоғам қайраткері Мәлік Аяповтың 80 жылдық мерейтойына орай, аудандық білім бөлімінің іс-шара жоспарына сәйкес Темірбек Жүргенов атындағы №123 мектеп-лицей базасында «Жүрегі шуақты, ізгі мұратты қаламгер» тақырыбында жас тарихшы ұстаздардың ашық пікір алаңы болып өтті.Ақынды еске алуға арналған шарада Мәлік Аяповтың күнделігіндегі естелік жазбалар оқылып, тарихи деректер мен ақын өміржолынан сыр шертетін бейне көрсетілім ұсынылды.Мәлік Аяпов 1944 жылы Жалағаш ауданы, Мырзабай ахун ауылында өмірге келген. Ол Қазақ Ұлттық университетінің журналистика факультетінде дәріс алып, өмір бойы шығармашылық жолмен жүрді. Айта кету керек, ол кісі еңбек жолын Жалағаш аудандық газетінде әдеби қызметкер болудан бастап, 40 жыл бойы осында еңбек етіп, редакторы болуға дейін жеткен. Осы жылдары "Көктем тынысы”, "Дала туысқандығы” атты жыр жинақтарын өмірге әкелсе, 2003 жылы Алматыдағы "Үш қиян” баспасынан "Киелі мекен” атты өлеңдер жинағы жарық көрген.Шара барысында аудандық білім бөлімінің әдіскері Г.Қопаева және аудан тарихшылары руханият әлеміндегі шоқтығы биік ақын, жазушы, жерлесіміз Мәлік Аяповтың шығармашылығына тоқталды.Шара соңында Мәлік Аяповтың дүниеден өткен соң ақынның артында қалған әдеби мұрасын көзінің қарашығындай сақтап, оны жүйелеп, жинақтап, кітап қылып жарыққа шығуына жол көрсеткен, ақынның жары, Жақсыгүл апай барша тілеулес жандарға алғысын білдіріп, аяулы жанның естеліктерімен бөлісті.

Жалағаштық жүрегі шуақты , ізгі мұратты қаламгер

&nbsp;<a href="https://kyzylorda-news.kz/">Kyzylorda-news.kz</a>&nbsp; Мемлекет басшысының бастамасымен қолға алынған «Таза Қазақстан» республикалық экологиялық акциясына орай Қызылорда облысының әкімі өз үндеуін жариялады.Игі бастамаға Аралдықтарда атсалысып, «Киелі мекен» апталығында тарихи-мәдени ескерткіштерге тазалық жұмыстарын жүргізді.&nbsp; Атап айтқанда, «Балықшылар» музейі мен Әбдіжәміл Нұрпейісов мұражайының аумағына әктеу, сырлау жұмыстарын және ағаш көшеттерін отырғызды. &nbsp; Акцияға қала тұрғындары, мәдениет және өнер саласының қызметкерлері барлығы 40-қа жуық адам қатысты.<img src="https://knadmin.beoblood.kz/uploads/9918a171_d59d_44c3_a6d4_7527f2d1db0f_1b8d91d876.jpg" alt="9918a171-d59d-44c3-a6d4-7527f2d1db0f.jpg">

 «Киелі мекен» апталығында Аралдағы тарихи-мәдени ескерткіштерге тазалық жұмыстарын жүргізді

<a href="https://kyzylorda-news.kz/">Kyzylorda-news.kz</a>&nbsp; &nbsp;Көктемгі тазалық айлығы да, басталғанына біршама уақыт өтті. Туған жеріміздің игілігі үшін жасалып отырған бұл іске аудандағы мекемелер мен ұжымдар белсенді араласуда. Тіпті, еліміз бойынша да, «Таза Қазақстан» республикалық акциясы ұйымдастарылып, барлық аймақта тазалық жұмыстары қарқынды жүргізілуде.Соған орай Қазалы ауданы әкімі Мейрамбек Шермағанбет еліміз бойынша өткізіліп жатқан тазалық акциясын насихаттау, тұрғындарды тазалыққа шақыру мақсатында Қазалы қаласындағы көше комитеттерінің төрағаларымен кездесу өткізді.<blockquote>– Өздеріңізге белгілі, жыл сайын көктемгі және күзгі уақыттары барлық жерде көркейту-көгалдандыру жұмыстары жүргізіледі. Бұл жұмыстар біздің ауданымызда күн тәртібінен түскен емес. Тазалық жүргізудің екі айлығын жариялап, сенбіліктер барысында аудандағы барлық мекеме, кәсіпорын қызметкерлері мен тұрғындар тазалық жұмыстарын жасап келеді. Әрине, мұның бәрі Сіз бен біздің туған жеріміздің көркеюіне алып келіп, үлкен ауызбіршілігімізді көрсетеді. Ал, осындай игі іске Сіздер, яғни, әрбір көшенің тұрғындары белсене атсалысып, тазалыққа үн қосар болсақ, бұл келер ұрпаққа деген үлкен үлгі-өнеге болмақ. Осы орайда, барша Қазалы қаласындағы көше тұрғындарын тазалыққа белсене атсалысуға шақырамын, – деді Мейрамбек Зинабдинұлы.</blockquote>Жиын барысында аудан басшысы тазалық жұмыстарына байланысты жауаптыларға бірқатар тапсырмалар жүктеді.Тазалық – күн тәртібінен түспейтін басты тақырып болғанымен, кейбір тұрғындар тарапынан тазалыққа деген немқұрайлылық байқалып отыр. Патриотизм сөзбен емес, іспен дәлелденуі тиіс. Барлық адам осы сөзге терең мән беріп, жанына таныстары мен достарын шақырып, нақты іске кіріспейінше, қоқыстар шашылып жата бермек. Анығын айтқанда, қоқыс біздің көшелерде емес, ол біздің санамызда жатыр. Одан құтылу үшін санамызды тәрбиелеп алғанымыз дұрыс.

Мейрамбек Шермағанбет: Патриотизм сөзбен емес, іспен дәлелденуі тиіс

&nbsp;<a href="https://kyzylorda-news.kz/">Kyzylorda-news.kz</a>&nbsp; Өткен аптада Қазалы ауданы әкімі Мейрамбек Шермағанбеттің төрағалығымен аудандық жастар ресурстық ғимаратында Әйтеке би көшесінде орналасқан кәсіпкерлерік нысандардың иелерімен санитарлық-тазалыққа байланысты кездесу өткізді.Қазіргі таңда аудан бойынша 5786 кәсіпкер тіркелген болса, оның – 3525-і Әйтеке би кентінде. Олардың негізгі бөлігі екі көшеде орналасқан.Атап айтқанда, Әйтеке би көшесінде – 71, Жанқожа батыр көшесінде – 39 кәсіпкерлік нысан бар. Алайда, бұлардың барлығы бірдей бүгінгі күн талабына сай келмей тұр.Сондықтан, Қазалы ауданы әкімі тазалыққа қатысты орын алып отырған кемшіліктерді айта отырып, алдағы уақытта бірлесе жұмыс жасап, туған жерімізді көркейтуге шақырды.– Халқымызда «Сын түзелмей, мін түзелмейді» деген жақсы сөз бар. Сондықтан, алдағы уақытта «Бір жағадан бас, бір жеңнен қол шығара» отырып, бірлесе жұмыс жасауға шақырамын. Ол үшін, біз өз тарапымыздан қолдан келгенше, жұмыстардың барлығын жасауға дайынбыз. Алдағы уақытта аудан орталығындағы Әйтеке би көшесіне қайта жаңғырту жұмыстарын жүргізіп, мүмкіндігінше, көше бойын барынша кеңейтіп, асфальттаймыз. Көше бойына толықтай жарықшамдар орнатып, жаяу жүргіншілер жолы да, дұрысталатын болады. Ал, Сіздерден көп қаржыны қажет етпейтін аулаларыңызды таза ұстап, туған жердің тазалығын сақтау ғана сұралады, – деді аудан әкімі.Шара соңында күн тәртібіндегі мәселеге байланысты кәсіпкерлер тарапынан ұсыныс-пікірлер айтылып, кәсіп иелері тазалыққа бір ауыздан қолдау білдіретіндіктерін жеткізді.

Қазалылық кәсіпкерлер қоршаған ортаны көркейтуге үлес қосады 

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысының тапсырмасына сәйкес елімізде бастау алған «Таза Қазақстан» республикалық акциясы аясында Сыр өңірінде «Таза Қазақстан - таза аймақ» науқаны ұйымдастырылды.&nbsp;Акцияның екінші аптасы «Киелі мекен» атауымен жалғасып, тарихи-мәдени ескерткіштердің аумағы тазартылатын болады. Аталған шараға қазыналы Қазалы ауданының тұрғындары ерекше қолдау білдіруде.Аудан халқы Жанқожа батыр кесенесі мен Ғ. Мұратбаевтың мемориалдық музейінің аумағына тазалық жұмыстары жүргізіп, ағаш көшеттерін отырғызды. Науқанға 40-тан аса халық белсенділік танытты.<img src="https://knadmin.beoblood.kz/uploads/a5ac387b_13aa_41af_89c7_f9b1d903142b_fbbfa34597.jpg" alt="a5ac387b-13aa-41af-89c7-f9b1d903142b.jpg">

Қазалы ауданында тарихи-мәдени нысандардың аумағы тазартылды

<a href="https://kyzylorda-news.kz/">Kyzylorda-news.kz.</a> Қоршаған ортаны қорғау – әрбір азаматтың басты парызы. Осыған орай, Мемлекет басшысының бастамасымен елімізде «Таза Қазақстан» республикалық экологиялық акциясы бастау алды.Сыр өңірінде де аталмыш бастаманы қолдау мақсатында «Таза Қазақстан - таза аймақ» атауымен игі бастама жалғасын тапты. &nbsp;Аймақ басшысы облыс халқына арнайы үндеу жолдап, экологиялық акцияға белсене қатысуға шақырды. Экологиялық акцияның әр аптасы белгілі бір тақырыптарға арналған болатын. Тиісінше, екінші апта «Киелі мекен» атауымен жалғасып, өңірдегі тарихи-мәдени нысандардың аумағы тазартылатын болады.Осынау игі шарада Жалағаш ауданындағы киелі нысандардың бірі - Бұқарбай батыр және Ұлы Отан соғысы ескерткішінің аумағы тазартылды. Сонымен қатар, &nbsp;жалағаштықтар кесене аумағына ағаш көшеттерін отырғызып, күл-қоқыстардан тазартты. Бұдан бөлек, аудан аумағында орналасқан тарихи-мәдени ескерткіштер мен музейлер аумағы да толық тазартылды.Шараға еріктілер, кент тұрғындары, мәдениет және өнер саласының қызметкерлері өз үлестерін қосты.<img src="https://knadmin.beoblood.kz/uploads/93b44ebd_a568_48c6_a348_e7f1c2899921_3bab6b85c0.jpg" alt="93b44ebd-a568-48c6-a348-e7f1c2899921.jpg">

Киелі мекен: Жалағаш ауданындағы тарихи-мәдени нысандардың аумағы тазартылды

<a href="https://kyzylorda-news.kz/">Kyzylorda-news.kz.</a> Мемлекет басшысының тапсырмасына сәйкес елімізде «Таза Қазақстан - таза аймақ» республикалық акциясы басталды. Бес аптаға созылған науқанда әр тақырып бойынша сенбілік ұйымдастырылып, көркейту-көгалдандыру іс-шаралары жүргізілуде. Ауқымы кең акцияға қала, аудан, ауылдық округтер түгел қатысып атсалысу жүктелген.Сенбіде экологиялық акция аясында ағаш отырғызу іс-шарасы өтті. Оған Қармақшы ауданы әкімі Жандос Еркінбек, ардагерлер, мекеме қызметкерлері белсенді жастар қатысты. Акцияға атсалысқандар Жосалы кентіндегі &nbsp;«Жасыл белдеуге» 120 түп ағаш отырғызды. Ағаш көшеттері Сыр елінің климаттық жағдайына сай таңдалып алынған. Алдағы сенбілікте 3000 түп тал егу жоспарлануда. Қазақ даналығы «Бұтақ жайған ағаш қартаймайды, ұрпақ жайған адам қартаймайды» дейді. Бұл адамзат баласының табиғатқа жасаған сыйы болса, өз кезегінде ағаш та адамға қажетті ауаны тазартып, реттеп отырады. Сонымен қатар сенбілікте мекеме қызметкерлері белгіленген аймақ бойынша көшеге тазалық жүргізіп, су жүретін арық көздерін қоқыстан тазартты. Талдардың түбін ақтаумен қатар шарбақтарды арнайы белгіленген түске сырлап, қыстан жиналған қоқыстарды арнайы техникамен шығарып тастады. «Киелі мекен» деген екінші атау алған апталықта «Қорқыт ата» мемориалдық кешенінде көркейту іс-шарасы ұйымдастырылды. &nbsp;Жиында аудандық қоғамдық кеңестің төрағасы Әбдірахман Құлдүйсенов сөз сөйлеп, қатысушыларға сәттілік тіледі.<blockquote>Тал – бейбітшіліктің нышаны. Табиғаттың нәзіктілігін түсінген адамға оны қорғау қажеттілігін де еске түсіреді. Ағаш отырғызу арқылы болашақ ұрпаққа, табиғат анаға, күллі жаратылысқа деген ықыласын оятып, адам баласының табиғатпен үйлесімді түрде дамитынын ұғындыру парызымыз, – деді ол.</blockquote>Кешеннің аумағы 8 гектар жерді қамтыса, акцияда 50 түп ағаш кіре беріс жолдың сол жағына отырғызылды. Жасыл желектерге Сырдария өзенінен насос арқылы су тартылып, суғарылуда. Бүгінде Қорқыт ата кешеніне жыл басынан бері үш мыңдай адам келсе, оның ішінде жүз отызға жуық турист қызығушылық танытқан.

Қармақшылықтар «Таза Қазақстан - таза аймақ» акциясына белсене қатысты

<a href="https://kyzylorda-news.kz/">Kyzylorda-news.kz.</a> «AMANAT» партиясы облыстық филиалының Атқарушы хатшысы Ләйлә Төрешова бастаған партия филиалы жанындағы мобильді топ өкілдері Қармақшы ауданына қарасты Иіркөл және Төребай би &nbsp;ауылдарында болып, халықтың толғандырған сауалдарына жауап берді.&nbsp;Жалпы 2 елді мекенде ұйымдастырылған мобильді қабылдауға 30-қа жуық тұрғын келді. Өтініштердің басым бөлігі жол, жарықтандыру, газдандыру, денсаулық, білім, спорт, несие алу жолдары саласына қатысты болды.Мәселен, Иіркөл ауылының тұрғыны, Изжанова Айгерім ауылға газ кіргізіп беру жөнінде мәселе көтерді.<blockquote>«Ауылда от жағу мәселесі қиындап келеді. Бүгін «АМАNAT» партиясының мобильді тобы азаматтарды қабылдап жатыр. Партияның қолдауымен газ мәселесі шешімін табады деген үмітіміз бар» - деді Айгерім.</blockquote>Ал, Төребай би ауылының тұрғыны Мұрат Жұмабаев ауылға жаңадан клуб салып беру жөнінде сауалын қойып, мәселенің шешілуіне ықпал жасауды сұрады.Қабылдау барысында ауыл тұрғындары тек жеке бастың емес, жалпы ауылдың проблемаларын айтқаны қуантады. Мобильді топ өкілдері қабылдауда көтерілген әрбір мәселені назарға алып, тиісті жұмыстар атқарылатынын және мәселе шешімін тапқанша «AMANAT» партиясының бақылауында болатындығын жеткізді.Атап өтейік, 2022-2023 жылдары облыс көлемінде шалғай елді мекендерде 763 тұрғынның қамтылуымен 51 мобильді қоғамдық қабылдау ұйымдастырылды. Оларда көтерілген 370 өтініш бойынша оң нәтижеге қол жеткізілді. 316 сұрақ бойынша түсіндірме, заңнама аясында кеңес беру жұмыстары жүргізілді. 77 мәселе қаржылық қолдауды талап етуіне байланысты кезең-кезеңімен &nbsp;жүзеге асырылып жатыр. Ағымдағы жылы мұндай көшпелі мобильді қабылдаулар жыл соңына дейін облыстың шалғай жатқан 14 елді мекенінде ұйымдастырылмақ.&nbsp;

«AMANAT»: Қос ауылда мобильді қабылдау өтті

<a href="https://kyzylorda-news.kz/">Kyzylorda-news.kz.</a> Қармақшы ауданы Омар Шораяқұлы атындағы №30 орта мектебінде Кеңесбек Әбішовтің атындағы арнайы «Кадет» сыныбының ашылу салтанаты болды. Жиынға Қармақшы аудандық білім бөлімінің басшысы Гүлзира Абдазиева, аудандық полиция бөлімі басшысының басшысының уақытша міндетін атқарушы полиция майоры Мерей Өмірбекұлы, ауған соғысы ардагерлер қоғамының бірлестік төрағасы Асқар Ерманов және аудандық ата-аналар комитетінің төрағасы Мағауия Әлиев қатысты.Оқушыларды зияткерлік, мәдени, физикалық, рухани даму, оларды қоғам өміріне бейімдеу, кәмелетке толмаған жасөспірімдерді әскери және азаматтық мансапта Отанына қызмет етуге даярлау негізін құру мақсатындағы шарада аудандық білім бөлімінің басшысы Гүлзира Абдазиева жас полицейлерге Елбасымыз бен еліміздің үмітін ақтап, болашақта өз елінің патриоттары болып өседі және біздің жас кадеттеріміз өздерінің міндеттерін жетік біліп, әскери тәртіпке бойұсынып, отаншылдық рухта тәлім-тәрбие мен білім алып өседі деген сенім білдірді.&nbsp;Сонымен қатар, Омар Шораяқұлы атындағы №30 орта мектебінің директоры Бауыржан Дүйсенбаев пен аудандық полиция бөлімі басшысының уақытша міндетін атқарушы полиция майоры Мерей Өмірбекұлы мен ынтымақтастық туралы меморандум бекіп, 20 бала кадет класына қабылданды.Салтанатты шара барысында жас кадеттер ант қабылдады. Жиынға арнайы қатысушы қонақтар кадет сыныбын ашудағы мақсат – ең алдымен жас ұрпақты отансүйгіштікке, патриотизмге тәрбиелеу болса, сонымен қатар, мектептегі құқықбұзушылықтың алдын алуға және өскелең ұрпаққа болашақ мамандығын таңдауға ықпал ететіндігін айтып, жылы лебіздерін білдіріп сәттілік тіледі.&nbsp; &nbsp;

Қармақшыда кадет сыныбы ашылды

<a href="https://kyzylorda-news.kz/">Kyzylorda-news.kz.</a> &nbsp; Облыс аумағында «Таза Қазақстан» республикалық акциясы аясындағы «Киелі мекен» апталығы бастау алды. Сыр өңірі – ежелден тарихи-мәдени ескерткіштер мен кесенелерге бай өлке. Мұнда мемлекет қорғауына алынған 567 тарихи-мәдени ескерткіш бар.Осы ретте, 14-20 сәуір аралығына жоспарланған «Киелі мекен» апталығында барлық тарихи-мәдени ескерткіштер, тарихи-өлкетану музейлерінің аумақтары абаттандырылады.Акцияның алғашқы күні Қызылорда қаласындағы «Қорқыт ата кітабының 1300 жылдығына арналған ескерткіш», Ұлы Отан соғысында қаза тапқандарға қойылған белгі, Амангелді Иманов, Жанқожа Нұрмұхамедұлы ескерткіштерінің маңайы тазартылды.Игі бастамаға аралдықтар да атсалысып, аудан тұрғындары «Балықшылар музейінің» ауласын &nbsp;көркейтті, Әбдіжәміл Нұрпейісов музейі аумағында әктеу, сырлау жұмыстарын жүргізіп, ағаш көшеттерін отырғызды. Аталған шараға мәдениет және өнер саласының қызметкерлері белсенді қатысты. Қазалы ауданының тұрғындары да акцияға ерекше қолдау білдіруде. Олар «Жанқожа батыр» кесенесі мен Ғ.Мұратбаевтың мемориалдық музейіне келіп, тазалық жұмыстарын жүргізді. Бұдан бөлек, қазақ хандығының астаналарының бірі болған «Жанкент» қалашығы мен «Бегім ана» мұнарасы, «Кердері» кесенелерінің аумақтары да абаттандырылды.«Киелі мекен» апталығында қармақшылықтар түркі жұртына ортақ қасиетті орын «Қорқыт ата ескерткіш-кешені» мен «Марал ишан», «Қалқай ишан» кесенелеріне тазалық жұмыстарын жүргізді.Ал, жалағаштықтар Бұқарбай батыр және Ұлы Отан соғысы құрбандарына арналған ескерткіштердің, «Түмен әулие» кесенесінің аумағына жиналды. Ағаш көшеттерін отырғызып, күл-қоқыстан тазартты.&nbsp;Сырдария ауданындағы «Асанас», «Қышқала» қалашықтары мен «Қалжан ахун» мешіт-медресесі аумағы тазартылып, игі бастамаға тұрғындар белсене атсалысты.Шиелі ауданындағы «Оқшы ата» қорымының айналасына да тазалық жұмыстары жүргізіліп, ағаш көшеттері отырғызылды.&nbsp;Жаңақорғандағы «Қорасан ата» кесенесі мен «Сығанақ» қалашығы, басқа да тарихи-мәдени ескерткіштер маңы қоқыстан тазартылды. Аталған акцияға аудан тұрғындары, мәдениет және өнер саласының қызметкерлері, сала ардагерлері ерекше қолдау білдірді. Жалпы «Киелі мекен» апталығындағы сенбілікке 3000 адам қатысты, 100-ге жуық іс-шара өтті. Тарихи-мәдени нысандардың маңайына 5000-ға жуық ағаш көшеттері отырғызылды.Апта соңына дейін «Жалаңтөс баһадүр» ескерткіші, «Саяси қуғын-сүргін құрбандарына арналған мемориалды ескерткіш», С.Қожанов, Ы.Жақаев бюсттері мен Мұстафа Шоқай, Бұқарбай Естекбайұлы, Ғани Мұратбаев ескерткіштері, Батырхан Шөкенов атындағы саябаққа тазалау жұмыстарын жүргізу жоспарланған.Облыс көлеміндегі көркейту-көгалдандыру және санитарлық-тазалық сенбіліктері тек акция кезінде ғана емес &nbsp;көктемнің алғашқы күні 1 наурыздан бастау алып, тұрақты түрде жүруде.<figure class="media"><div data-oembed-url="https://www.youtube.com/watch?v=f7FyLXMilko"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/f7FyLXMilko" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Сыр өңірінде «Таза Қазақстан» республикалық экологиялық акциясы аясында «Киелі мекен» апталығы басталды

<a href="https://kyzylorda-news.kz/">Kyzylorda-news.kz.</a> &nbsp;Шаһардың шырайлы болуы - тазалықтан. Мемлекет басшысының бастамасымен елімізде «Таза Қазақстан» республикалық экологиялық акциясы бастау алған болатын. Бұл акция Сыр өңірінде «Таза Қазақстан – Таза аймақ» атауымен жалғасын тапты.Акцияның әр аптасы арнайы тақырыпқа сай негізделген. Экологиялық акцияның екінші аптасы «Киелі мекен» тақырыбына арналды.Осыған сәйкес, 15 сәуір күні Ә.Тәжібаев атындағы облыстық әмбебап -ғылыми кітапханасының ұжымы Қызылорда қаласындағы «Қаламгерлер» аллеясында арнайы іс-шара ұйымдастырып, игі іске қолдау білдірді. Сонымен қатар, кітапханашылар Ә.Тәжібаевтың бюсті аумағы және Р.Бағланова ескерткішінің маңына тазарту жұмыстарын жүргізіп, қоқыстарды шығарды. Бұл акцияға ақын-жазушылар, кітапхана оқырмандары және кітапхана ұжымы қатысып, қаланың таза болуына өз үлестерін қосты.<blockquote>– Қазір елімізде «Таза Қазақстан» республикалық экологиялық акциясының «Киелі мекен» апталығы өтуде. Бұл игі шара – әрбір қазақстандықтардың басты парызы деп білемін. Себебі, әр азамат мемлекетті өз үйіндей таза ұстаса елімізде көркейіп, таза болады. Сондықтан, жүрген жерімізді ұқыптап ұстап, қаламыздың көркеюіне атсалысайық. Қазір Н.Бекежанов атындағы қазақ академиялық музыкалық драма театрының ұжымы да осы қаладағы ескерткіштердің аумағына тазалық жұмыстарын жүргізуде. Одан бөлек, ағаш көшеттерін де егіп, көгалдандыру жұмысына белсенді қатысуда, – деді ҚР Еңбек сіңірген әртісі Бақытбек Алпысбаев.</blockquote>Айта кетейік, республикалық «Таза Қазақстан» экологиялық акциясы 5 апта көлемінде түрлі тақырыптарға сәйкес өтетін болады.

 Тазалық – мәдениеттің белгісі

<a href="https://kyzylorda-news.kz/">Kyzylorda-news.kz.</a> &nbsp;Биылғы жылдың 12 сәуірі күні қалалық мәслихаттың әлеуметтік сала және қоғамдық қауіпсіздік мәселелері жөніндегі тұрақты комиссиясының кезекті отырысы өтті. Комиссия жұмысына қалалық мәслихат төрағасы Ибадулла Құттықожаев төрағалық етті.Комиссия отырысының күн тәртібіне «Жасөспірімдер мен кәмелетке толмағандар арасында тәрбие беру жұмыстары мен құқық бұзушылықтардың алдын алу туралы», «Қала бойынша мектеп асханаларының жай-күйі мен оқушыларды тамақтандыруды ұйымдастыру және сапасы туралы» мәселелері шығарылып, қаралды.Алдымен мәслихат депутаттары сала мамандарымен бірге «Бәйтерек» тұрғын ауданында орналасқан №287 мектебінде болып, оқушыларды тамақтандыруды ұйымдастыру мәселесін зерделеп, сала мамандарына тиісті ұсыныстарын енгізді. Зерделеу барысында депутаттар тарапын №287 мектептің шатырынан су кетуі және қосалқы жарық қондырғысы орнатылмауына байланысты мердігер мекемеге тиісті тапсырмалар берілді.Қалалық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Жеңісбек Файзуллаев, қалалық электр тораптары басқарма директоры Е.Қаленов, «Су жүйесі» МКК директоры Б.Әбдіғаппар мектепті орталықтандырылған кәріз су жүйесіне қосу мен аяқ сумен қамтамасыз ету алдағы уақытта шешілетіндігі туралы түсіндірме берді.Комиссия жұмысы қалалық мәслихатта сала мамандары, мектеп ата-аналары, мектеп басшыларының қатысуымен талқылау отырысымен жалғасып, күн тәртібіндегі мәселелер кеңінен талқыланды.Күн тәртібіндегі мәселелерге байланысты, қалалық полиция басқармасы ювеналды полиция басшысының орынбасары Ләззат Ахметова, «Тәрбие, спорт және қосымша білім беру» орталығының әдіскері М.Қаракөз, ата-аналар атынан №3 ІТ мектеп-лицейі ата-аналар комитетінің төрайымы, көп балалы отбасы А.Қосанова, Қызылорда облыстық бала құқықтары жөніндегі уәкілі Ж.Ұзақбаева, қалалық санитариялық-эпидемиологиялық бақылау басқармасының басшысы Г.Сыздықова хабарлама жасап, сауалдарға жауап берді.Сонымен қатар, комиссия отырысы барысында №3 ІТ мектеп-лицейі ата-аналар комитетінің төрайымы, көп балалы отбасы А.Қосанова: «Расында қазіргі таңдауы да, талғамы да бөлек жастарға қандай тәрбие беру ұтымды болмақ. Осы мәселенің жауабын қоғам болып, көтеріп отырумыз қажет деп түсінемін. Бүгінгі жиында ата-аналардың атынан қатысып отырғандығыма қуаныштымын. Осы жиынды пайдалана отырып, Өзім секілді ата-аналарды бала тәрбиесін ақсатып алмауға шақырамын» деді.Облыстық «Тәрбие, спорт және қосымша білім беру» орталығының әдіскері М.Қаракөз: «Ата-аналарды педагогикалық қолдау» орталығының жұмыстарын күшейту, тәрбие ісі жөніндегі орынбасарлары қызмет бағыттарын құқық бұзушылық профилактикасы жөніндегі менеджер лауазымын енгізу іс тәжірибесін ұсыну, білім алушылардың сабақтан тыс бос уақытын өткізуде педагог қызметкерлердің жауапкершілігінен босату, ата-ана жауапкершілігін күшейту» туралы ұсыныстарын жеткізді.Оқушыларды сапалы тамақтандыру мәселесіне байланысты сөз алған Қызылорда облыстық бала құқықтары жөніндегі уәкілі Ж.Ұзақбаева «Облыс басшысының қолдауымен біздің өңір 100 пайыз ыстық тамақпен қамтылып отырған еліміздегі бірден-бір аймақ екендігін атап өтті. Жапырақ Бегімбайқызы қаланың 18 мектебінде жүргізілген зерделеу жұмыстарының қорытындысы бойынша орын алған кемшіліктерді тізбектей келе, кәсіпкерлердің жауапкершілігін арттыру, бракераж комиссия жұмысын жүргізу, ыстық тамақты ұйымдастыру, нормативтік құжаттарды түсіндіру бойынша білім беру ұйымдарының басшыларына оқыту семинар өткізу, қалалық сараптама топтың жұмысын күшейту туралы ұсыныстарын айтты.Сонымен қатар, қалалық санитариялық-эпидемиологиялық бақылау басқармасының басшысы Г.Сыздықова 45 мектепте жүргізілген тексеру қорытындысы бойынша орын алған кемшіліктерді көрсетті. Әрбір мектеп асхана қызметкерлерімен тағамнан уланудың алдын алу, жеке бас гигиенасын сақтау бойынша түсіндірме жұмыстары жүргізілгендігін атап өтті.Өз кезегінде қалалық мәслихат төрағасы Ибадулла Дүйсенбайұлы комиссия отырысы барысында мектеп басшыларына көтерілген кемшіліктерді қалпына келтіру, әрбір мәселеден сабақ алу қажеттігі туралы ескертті.Комиссия отырысына қалалық мәслихат депутаттары, Қызылорда облысының білім басқармасының Кәмелетке толмағандарды бейімдеу орталығы" мекемесінің басшысы И.Қойшыбаева, Қызылорда облыстық бала құқықтары жөніндегі уәкілі Ж.Ұзақбаева, қалалық білім бөлімі басшысының міндетін атқарушы С.Қалмақова, қалалық санитариялық-эпидемиологиялық бақылау басқармасының басшысы Г.Сыздықова, қалалық полиция басқармасы ювеналды полиция басшысының орынбасары Ахметова Ләззат Сүндетқызы, «Тәрбие, спорт және қосымша білім беру» орталығының әдіскері М.Қаракөз, «Жастар ресурстық орталығы» директоры М.Жорабек, мектеп директорлары мен қала мектептерінің ата-аналар комиттерінің төрағалары, тиісті қалалық дербес бөлімдер мен мекеме басшылары және бұқаралық ақпарат құралдары өкілдері қатысты.

Қазақстан және Қызылорда облысының жаңалықтары: Қоғам