Қазалы ауданының әкімі Алмасбек Есмаханов пен аудан прокуроры Мадияр Бекпанов аудан аумағында жүзеге асырылып жатқан ірі инвестициялық жобалардың орындалу барысымен танысып, нысандарға кешенді бақылау жүргізді.Алдымен аудан орталығы - Әйтеке би кентінде жеке кәсіпкер Үржамал Ешжанованың жүзеге асырып жатқан құны 650 млн. теңгені құрайтын сауда үйінің құрылысын көрді. Аталған жоба аудан тұрғындарын сапалы қызметпен қамтып, жаңа жұмыс орындарын ашуға мүмкіндік береді.Мұнан кейін Басықара ауылындағы «АралРыбторг» ЖШС-нің құны 650 млн теңге болатын тауарлы балық өсіру тоғаны жобасының іске асу барысы зерделенді. Бұл жоба өңірде балық шаруашылығын дамытуға, жергілікті өнім көлемін арттыруға және ауыл шаруашылығы саласының әлеуетін күшейтуге бағытталған. Жалпы тоғанда балық өсіру жобасының 308 млн. теңге қаржысы кәсіпкердің өз қаражаты есебінен, қалған 342 млн.теңгесі «Байқоңыр Әлеуметтік Кәсіпкерлік корпорациясы» АҚ арқылы несие алуға құжаттары ұсынылып отыр.Нысандарды аралау барысында инвестициялық жобалар бойынша құрылыс жұмыстарының барысы, жоспарланған мерзімдер, қаржыландыру мәселелері, инженерлік инфрақұрылыммен қамту, жер телімдерінің заңдылығы жан-жақты қаралып, талқыланды.Аудан әкімі Алмасбек Әбілқасымұлы инвестициялық жобалар аудан экономикасын дамытуға, жаңа жұмыс орындарын ашуға, тұрғындардың әл-ауқатын арттыруға бағытталған маңызды бастамалар екенін атап өтіп, олардың іске асу сапасы мен мерзіміне ерекше көңіл бөлу қажеттігін жеткізді.Ал, аудан прокуроры Мадияр Ертарғынұлы инвестициялық жобаларды іске асыру барысында заңдылықтың сақталуы, кәсіпкерлердің құқықтарының бұзылмауы және мемлекеттік органдар тарапынан негізсіз кедергілерге жол бермеу мәселелеріне тоқталып, прокуратура тарапынан бизнесті қорғау және жобаларды сүйемелдеу бағытында тұрақты бақылау жүргізілетінін жеткізді.Аудан аумағында жүзеге асып жатқан инвестициялық жобаларды аралау барысында жауапты мекемелерге жобалардың іске асуын тұрақты бақылауда ұстап, туындаған мәселелерді уақтылы шешу жөнінде тапсырмалар берілді.

Қазалы: Инвестициялық жобалардың іске асырылуы бақылауда

Бүгін Қызылордада Ұлттық құрылтайдың секцияларының отырысы басталады, – деп хабарлайды <a href="https://kaz.inform.kz/news/ulttik-kuriltay-bugn-zhumis-sektsiyalarinin-otirisi-bastaladi-39c65a/">Қазақпарат</a>.Атап айтқанда, 20 қаңтар күні Қызылорда қаласында Ұлттық құрылтайдың бесінші отырысы өтеді. Отырысқа Мемлекет басшысы, танымал мемлекет және қоғам қайраткерлері, саяси партиялардың, үкіметтік емес сектордың, бизнес-қауымдастықтардың, сараптамалық қауымдастықтың және облыстардың қоғамдық кеңестерінің өкілдері қатысады деп жоспарланған.Ал 19 қаңтар күні 4 жұмыс секциясының отырысы өтеді: – «Азаматтық қоғам»; – «Мәдениет. Өнер. Руханият»; – «Әлеуметтік-экономикалық даму»; – «Білім және ғылым».Ұлттық құрылтай мүшесі Серік Ақылбайдың айтуынша, Ұлттық құрылтайдың Қызылорда қаласында өтетін бесінші отырысына дайындық қарқыны өте жақсы.<blockquote>- Бұған дейін өткен төрт құрылтайда көтерілген тақырыптар бойынша бірқатар заң қабылданып, біраз мәселе шешілді. Ал 20 қаңтарда өтетін бесінші отырыста Парламентті реформалау тақырыбы қаралады деп ойлаймын. Құрылтай аясында құқықтық ағарту мәселесі туралы сөйлеуім мүмкін. Жалпы биылғы отырыс жылдағыдан ертерек өткелі жатыр және оған қызу дайындық жүріп жатыр, - деді С. Ақылбай.</blockquote>Ал Мәжіліс депутаты, Ұлттық құрылтай мүшесі Сергей Пономаревтің пайымынша, Ұлттық құрылтай қоғамдағы өзекті мәселелерді талқылаудың маңызды алаңына айналды. Оның аясында қала мен ауыл тұрғындарын нақты алаңдататын тақырыптар көтеріледі.<blockquote>- Ұлттық құрылтайда әркімнің ашық әрі нақты сөйлеуіне мүмкіндігі бар сенім кеңістігі қалыптасты. Онда түрлі тақырыптар көтеріледі, яғни сыртқы және ішкі саясат, мемлекеттілік, коммуналдық бағыт, сондай-ақ басқа да кез келген мәселе қаралады, - деді депутат.</blockquote>Осы орайда ол талқыланған мәселелерге қатысты маңызды шешімдер жасалып, заң жобалары әзірленіп жатқанын еске салды. Құрылтай мүшелері көтерген өзекті тақырыптардың барлығы назардан тыс қалмайды.<blockquote>- Бесінші отырыста жасанды интеллект және онымен байланысты мәселелер, цифрландыру туралы сөз қозғалады деп санаймын. Сонымен қатар, мемлекеттік тілді жаңа тәсілдермен, тіпті стандартты емес әдістермен үйрену туралы ұсыныстар болады деп ойлаймын. Әрине, қоршаған ортаны қорғау мәселесі де назардан тыс қалмайды... Атап айтқанда, жұмыс өте ауқымды. Парламенттік реформа тақырыбын талқылайтынымызға сенімдімін. Жалпы, Құрылтай мүшелелерінің көкейінде жүрген осы мәселелер жан-жақты қаралады деген ойдамын, - деді С. Пономарев.</blockquote>Коллаж: Kazinform / Freepik / Akorda

Ұлттық құрылтай: бүгін жұмыс секцияларының отырысы басталады

Облыс әкімі Нұрлыбек Нәлібаевтың төрағалығымен өткен мәжілісте коммуналдық сала жұмысының тиімділігі мен қоғамдық орындардағы қауіпсіздікті қамтамасыз ету жайы талқыланды. Күн тәртібінде өңірдегі тұрақты қоғамдық-саяси ахуалды сақтау және тұрғындарға көрсетілетін қызметтердің сапасын арттыру мәселелері де қамтылды.<img src="https://knadmin.beoblood.kz/uploads/FB_IMG_1768758664149_d7cd41b6fb.jpg" alt="FB_IMG_1768758664149.jpg">Аймақ басшысы жауапты сала жетекшілеріне тұрғындардан &nbsp;келіп түсетін өтініштер мен ұсыныстарды жедел қарауды, туындаған түйткілдерді уақытылы шешуді тапсырды. Сондай-ақ коммуналдық қызметтердің үздіксіз жұмысын қамтамасыз ету, &nbsp;бақылауды күшейту қажеттігін атап өтті.<blockquote>“Коммуналдық қызмет сапасы халықтың күнделікті тұрмысына тікелей әсер етеді. Сондықтан су, жарық, жылу және газбен қамтуда іркілістер болмауы тиіс”, – деді Нұрлыбек Машбекұлы.</blockquote>Сонымен қатар, қоғамдық көліктердің қатынасын реттеуді және электр желілерінде орын алуы ықтимал авариялық жағдайлардың алдын алуды тапсырды.<img src="https://knadmin.beoblood.kz/uploads/FB_IMG_1768758661809_847f9c296f.jpg" alt="FB_IMG_1768758661809.jpg">

Коммуналдық қызметтердің үздіксіз жұмысы қатаң бақылауда 

Қазгидромет дүйсенбіде ауа райына байланысты ескерту жасады.Ауа райының қолайсыздығына байланысты Қызылорда облысының оңтүстігінде тұман күтіледі.Фото: Нұрболат Нұржаубай&nbsp;

Қар, аяз, көктайғақ: дүйсенбіде ауа райына байланысты ескерту жасалды

Жалағаш ауданыны әкімі Ардақ Ибраимовтың төрағалығымен мәжіліс өтті. Жиында мемлекеттік бағдарламалар аясында кәсіпкерлікті дамыту, халықтың әл-ауқатын арттыруға бағытталған шаралар және аймақ басшысы тарапынан берілген тапсырмалардың орындалу барысы қаралды.Мәжілісте аудан әкімі кәсіпкерлік саласының өңір экономикасындағы маңызын атап өтіп, бұл бағыттағы жұмыстарды жүйелі түрде жүргізудің қажеттігін айтты.«Кәсіпкерлік негізгі салалардың бірі болып табылады. Мемлекеттік және өңірлік бағдарламалар аясында шағын және орта бизнесті бастауға және дамытуға бағытталған жеңілдетілген несие қаражаттары мен мемлекеттік гранттар арқылы қаржыландыру, сондай-ақ жұмыспен қамтудың тиімді тетіктерін кеңейту бойынша нақты міндеттер жүзеге асырылуы тиіс, – деді А.Ибраимов.Сонымен қатар, «Ауыл аманаты» жобасының іске асырылу барысы да қаралды. Аталған жоба аясында 2025 жылы «Байқоңыр» әлеуметтік-кәсіпкерлік корпорациясы» АҚ арқылы жалпы сомасы 166,5 млн теңгені құрайтын 33 жоба қаржыландырылып, нәтижесінде 35 жаңа жұмыс орны құрылды.Жиын қорытындысы бойынша тиісті сала басшыларына, сондай-ақ кент және ауылдық округ әкімдеріне мемлекеттік бағдарламалардың тиімді орындалуын қамтамасыз ету, кәсіпкерлік бастамаларды қолдау және тұрғындардың табысын арттыру бағытында нақты тапсырмалар берілді.

Кәсіпкерлікті дамыту мәселелері қаралды 

Қармақшы ауданының әкімі Жандос Еркінбек бекітілген кестеге сәйкес аудан тұрғындарын жеке мәселелері бойынша қабылдап, ұсыныстарын тыңдады.Қабылдауға жазылған 20-ға жуық азаматтар тұрғын үй және ауыз су мәселелерін айтса, енді бірі тұрақты жұмысқа орналыстыру жөнінде талаптарын жеткізді. Тұрғын үй қажеттілігімен келген адамдарға аудан тұрғындарын баспанамен қамту әр санат бойынша жүргізілетіндігі түсіндірілді. Сондай-ақ тұрақты жұмыс сұрап келген азаматтарға мамандығына сәйкес және қоғамдық жұмысқа орналасу бойынша жауапты бөлім басшыларына заң шеңберінде барлық мүмкіндіктерді қарастыруды тапсырды.Жеке қабылдау барысында Жандос Еркінбек көтерілген әрбір мәселелерді сала мамандарымен бірге мұқият зерделеп, айтылған өтініш пен ұсыныс бойынша жауапты басшыларға нақты тапсырмалар жүктеді.

Тұрғындарды қабылдап, өтінін-тілектерін тыңдады

<a href="https://kyzylorda-news.kz/">Kyzylorda-news.kz</a> Бүгін, араға он жыл салып, туған жеріме сағынышымды арқалап қайтып келемін. Топырағында аунап, балалықтың бал дәуренін кешкен қасиетті өлкемде алтын ұя мектебімді бітірген соң студенттік шағымды осында өткіздім. Жүрегімдегі үлкен үміт пен асқақ арман мені осы қалаға жетеледі. Арманыма ақырын қадам басқаныммен, бөтен ортаға сіңіп кету алғашқы кезде маған оңайға соқпады.Жаңа орта, жаңа адамдар. Бәрі де маған беймәлім. Сол беймәлімдіктің ішінде өзімді табуға тырыстым. Бейімделу қиын болмады, себебі мені қабылдаған ортада жылулық та, қолдау мен шабыт та қатар жүрді. &nbsp;Бірақ, Сыр елі − жыр еліме аңсарым ауып тұратын. &nbsp;Елде қалған әке-шешем мен бауырларым болса, жазғы демалыстарында маған асығатын. Студенттік шақтың қарбалас өміріне бой алдырып, қолым тимеген соң ата-анамды қасыма шақыртып, осында тұрақтап қалуын өтінетінмін. Алайда үлкен кісілер бұл жақтың тұрмысына бейімделе алмайтындарын айтып, қоныс аударуға келіспеді. Сөйтіп, жылына бір мәрте ғана келіп, мені баладай еркелетіп, сағыныштарын басып қайтатын. Әр сапарында Қызылорданың иісі сіңген естеліктер мен түрлі сыйлықтарын ала келетін.Таңғы 6-ға таяп қалғанда келе жатқан пойыз дауысын естіп, жадырап тұрмын. Осы күнді маңдайыма жазған Аллаға шүкір айтып, келіп жеткен пойызға қарай адымдадым. Жүрегім алып-ұшып, қызық сезімдемін. Берілген орныма жайғасып пойыз жүре бастағанда терезеден қарап тұрып, табиғатпен үнсіз қоштастым. 10 жыл бойы бауырына басып, мені көтере білген жер анаға рақметімді айттым.…Мен шексіз бақытты адаммын. Қанша жыл жырақта жүрсемде, барлық ғажайып жерді көрсем де кіндік қан тамған жерге ешқандай жер тең келмейтінін ұғындым. Пойыз дыбыс беріп, Қызылорда вокзалына тоқтағанда екі аяғымнан жан кетіп, өзімді қалықтап ұшқалы тұрған құс секілді сезіндім. Арқалаған дорбаммен сыртқа түсіп, тізерлеп отыра қалдым да аспанға қарап, армансыз ауасын жұттым. Көптен күткен сәтте, мені сағынышпен күткен достарым мен туыстарым қуанышпен қарсы алды. Табаным туған жердің қасиетті топырағына тиген сәтте жүрегім толқып, риясыз шаттыққа бөлендім. Бәріміз бірге, асықпай қара шаңыраққа бет түзедік.«Туған жерім Қызылордам! Сен мен кеткелі біраз өсіп, өзгеріпсің. Бала кезде ойнаған аулаға ғимараттар салыныпты. Елден қалмай көркейіп келе жатқаныңды көріп қуандым. Ата-анамның сені тастап кете аламайтынын да түсінгендеймін. Бұрын мен жүрген жолдарға жарық қосылып, жайнатып жіберіпті. Мені кешір! Жыл сайын келіп сәлем бермегенім үшін кінәлімін», − деп, түнде масахана ішінде жатып, туған жеріме ақтарылдым.Таң шапағы біліне бергенде қораздың шақырған даусынан ояндым. Көз салсам, басына ақ орамалын таққан анам таза ауамен тыныстап, қоңыр самаурын қасында шәйін ішіп отыр екен. Ал, аула ішінде әкем малға жем-шөп беріп, күндегідей еңбегіне қызу кірісіпті. Қарбаласы толастамайтын үлкен шаһарда шаршап, таңды әрең атыратынмын. Ал, туған жерімнің қоңыр самалы мен саф ауасы жанымды сергітіп, қиындықсыз ояндым. Тұра сала, анамның алдына жатып балаша еркелеп, басымды сипатқан соң, әкеме қарай беттедім. Ол кісі ұзақ жылдар бойы мал шаруашылығымен айналысып келеді. Өзінің жаны сүйіп, жақсы көріп жасағандықтан шаршадым демейтін. Міне, осыдан 10 жыл бұрын көрген көрінісімді қайтадан көріп тұрғаныма көздерім риза. Қора қопсытып, тамақтандырып жатқан әке жанына келгенімде «құлыным» деген сөзінен кішкентай балаға айналғым келді..Түс ауа үйге достарым келіп, көлікпен табиғаттың әсем жерлерін араладық. Алысып ойнаған тұстарға келіп ұзақ кідіріп, сол шақтарды көз алдымнан өткізіп «қайта келмес күндерім-ай »,− деп ауыр күрсініп, келесі аялдамаға тартамыз. Бұрын көше басына жетпей үлкен төмпешік құмдар төгіліп тұрушы еді. Жаз мезгілінде жалаң аяқ бассаң шекеңе дейін терлеп, табаныңды күйдіреді. Сол бір төмпешіктердің орнында қазір зәулім үйлер сап түзеп тұр. Иә, бұл көркейіп әсем қалаға айналғанының белгісі болса да, бала кезімнің ыстық кезеңдері жойылғандығын ойлап көңілім жабырқайды..Әкемнің маған сыйлаған асыл тұқымды аты бар. Бұрын өзім қарап, баптайтынмын. Арман қуып кетер шағымда Құлагерді қимай, біраз қиналғаным әлі есімде. Қорадағы жалғыз үйшікте меңірейіп тұрған Құлагеріме жақындап, жібектей жалынына алақанымды тигізіп біраз тұрдым да, жанарындағы мөлдір дүниеге ұзақ үңілдім. Мені күтіп әбден сағынған секілді. Жанары жасқа толып, тұмсығын иығыма арта берді. Қақпаны ашып, соңыма жетектедім де, үйден аса бергенде үстіне шабармандар секілді мініп, шаба жөнелдім. Сол кездегі маңдайдан ескен самал желмен, шаңның иісін айтсаңшы…Осылайша мен ұзақ жыл бойы аңсап күткен шаққа жетіп, бұрын атауы Ақмешіт болған туған өлкем Қызылордама келіп, жаңа бастамаларға жол аштым. Қайда жүрсем де, жүрегім тулап, шын мәнінде рақаттанып демалатын жерім – осы қасиетті мекен екенін бүкпесіз айта аламын. Жылдар жылжып, ғасырлар алмасса да, өзіндік тарихы бар Сыр елі – менің мәңгілік мақтанышым. Өзге қалада жүргенде өзің өндіретін ақ күріштен ас әзірлеп, сенің топырағыңнан біткен дақылды ысырап қылмайтын едім.Қарақат Ыдырыс,Қорқыт ата атындағы Қызылорда университетінің4-курс студентіФото: freepik.com

Балалықтың ізімен...

Облыс әкімі Нұрлыбек Нәлібаев Orhun Medical компаниясы жаңа медициналық орталығының жұмысымен танысты. Орталықтың негізгі бағыты – позитронды-эмиссиялық томография мен компьютерлік томографияны біріктіретін жоғары технологиялық диагностика. Бұл онкологиялық ауруларды ерте анықтауға, дерттің таралу деңгейін бағалауға және емдеу тиімділігін бақылауға мүмкіндік береді.Аталған диагностикалық қызметті алу үшін өңір тұрғындары &nbsp;Алматы және Астана қалаларына баратын. Енді бұл қызмет тұрғылықты жері бойынша көрсетіледі. Медициналық орталықтың жобалық қуаты жылына 3 500 ПЭТ/КТ, 16 000 магниттік-резонанстық томография, 20 000 компьютерлік томография, 25 000 рентгенологиялық зерттеу және 10 000 маммография жүргізуге есептелген.Қызылорда қаласындағы орталықтың ашылуы Orhun Medical компаниясының Қазақстан өңірлерінде жоғары технологиялық онкологиялық көмекті дамытуға бағытталған жобасының екінші кезеңі болып саналады. &nbsp;Ұлытау, Түркістан, Ақтөбе тұрғындарына да қызмет етеді. Бірінші кезеңде Ақтау қаласында осындай орталық іске қосылған. Зерттеулер тегін мемлекеттік кепілдендірілген &nbsp;көлемі аясында жүргізіледі.Бұдан бөлек, медициналық орталықта халыққа МРТ, КТ, рентгенография, маммография, ультрадыбыстық диагностика, бейінді мамандардың кеңестері, зертханалық зерттеулер және емшара бөлмелерінің қызметтері қолжетімді болады. Орталық ақпан айында ашылады деп жоспарлануда.

Аймақ басшысы медициналық орталықтың жұмысымен танысты 

<a href="https://kyzylorda-news.kz/">Kyzylorda-news.kz</a> Жалағаш аудандық Руханият орталығында отбасы институтын нығайтуға, ұлттық құндылықтарды дәріптеуге бағытталған шара өтті.&nbsp;Іс-шараға жарты ғасыр отасқан «Алтын той» иелеріне және шаңырақ көтерген жас отбасыларға неке куәліктері салтанатты түрде табысталып, құрмет көрсетілді.Аудандық «Ұлағатты аналар» кеңесінің қатысуымен отбасы құндылығын насихаттауға, жас отбасылар арасындағы өзара сыйластық пен ұлттық тәрбиені қалыптастыруға арналған шеберлік сабағы ұйымдастырылды. Қатысушылар өмірлік тәжірибелерімен бөлісіп, өнегелі ой-пікірлерін ортаға салды.Есет батыр ауылында өнегелі өмірімен көпке үлгі болып жүрген берекелі әулеттер аз емес. Солардың бірі – отасқандарына 50 жыл толған Болатбек Әміров пен Зәуренай Байқасымова. Бүгінде олар ұл-қыз тәрбиелеп өсіріп, 7 бала мен 26 немеренің қызығына бөленіп, елге сыйлы, қадірлі отбасы ретінде ғұмыр кешіп келеді.Айта кетейік, аудандық азаматтық хал актілерін тіркеу бөлімінің 2025 жылғы мәліметіне сәйкес, ауданда 111 жас отбасының некесі қиылып, бірде-бір ажырасу дерегі тіркелмеген.<img src="https://knadmin.beoblood.kz/uploads/Ta_ylymdy_kezdesu_acc6531cb0.jpg" alt="Тағылымды кездесу.jpg">

Отбасы құндылығы ұлықталған тағылымды кездесу

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысуымен «Руханият» орталығында аудандық ардагерлер ұйымының кезекті есеп беру, сайлау конференциясы өтті. Конференцияға облыстық ардагерлер кеңесі төрағасының орынбасары М.Баекеев, Қазақсанның Еңбек Ері А.Ералиев, аудандық ардагерлер кеңесінің төрағасы М.Келдібаев, аудандық мәслихат төрағасы Е.Әжікенов, Ұлы Отан соғысының ардагері, Сырдария ауданының Құрметті азаматы, 104 жастағы қария Яхия Тасыров, сондай-ақ аудан ардагерлері, кент және ауылдық округ әкімдері қатысты.Конференция барысында аудан басшысы ардагерлер ұйымының аудан өміріндегі орны ерекше екенін атап өтті. Сонымен қатар аудан дамуы жолында атқарылып жатқан жұмыстарға қысқаша тоқталып, ардагерлерге өз алғысын білдірді.<blockquote>– Мемлекет басшысы Қасым-Жомарт Кемелұлы Тоқаев ардагерлермен кездесуде аға буынды Ұлттық құрылтайда және Жолдауда айтылған міндеттерді жүзеге асыруға, соның ішінде жастарға саналы тәрбие беру, нашақорлық пен лудомания секілді әлеуметтік кеселдерден сақтандыру, отбасы институтын дәріптеу ісіне белсенді атсалысуға шақырған болатын. Президентіміз атап өткендей, ардагерлер жастарға ақыл-кеңестерін айтып, үлгі-өнеге көрсетіп келеді. Сыр өңіріндегі жаңа бастамалар мен ауқымды жұмыстардың атқарылуына ардагерлер үлкен қолдау білдіруде. Мемлекет басшысының тапсырмасымен және аймақ басшысы Нұрлыбек Машбекұлы Нәлібаевтың қолдауымен облыста ауқымды жұмыстар атқарылуда. Әлеуметтік-экономикалық дамудың негізгі көрсеткіштері бойынша өңір республикада алдыңғы қатардан көрінуде. Соның ішінде қарттарға арналған жаңа нысандар да көптеп салынуда. Атап айтқанда, «Анаға тағзым», «Отбасы орталығы» ғимараттары өскелең ұрпаққа тәлім-тәрбие мен отбасы құндылықтарын дәріптеуде маңызды рөл атқарып келеді. Бүгінде Сырдария ауданы әлеуметтік-экономикалық тұрғыда қарқынды дамуда. Аудан ардагерлері аудан дамуына үнемі өз үлестерін қосып келеді. Аудан орталығында бой көтерген «Руханият орталығы» аға буын мен жастардың рухани ордасына айналды. Мұнда танымдық кездесулер өткізіліп, жас ұрпаққа тағылымды тәрбие беру бағытында жұмыстар жүргізілуде. &nbsp;Қазіргі таңда ауданда 15 ардагерлер кеңесі жұмыс істеп, атқарушы билік пен халық арасындағы алтын көпірге айналуда. Ауданда 74 тыл ардагері және 4678 зейнеткер бар. 140-тан астам ардагерге кәсіпкерлер мен ұйымдардың демеушілігімен шипажайларда тегін демалу және емделу мүмкіндігі жасалды. Сонымен қатар 200-ге жуық қартқа Түркістан облысындағы Арыстан баб, Қожа Ахмет Ясауи, сондай-ақ Оқшы ата мен Қорқыт ата кесенелеріне тарихи-танымдық саяхаттар ұйымдастырылды. Мерекелік және атаулы күндері сала ардагерлеріне тұрақты түрде құрмет көрсетіліп келеді. «Қарттарын ардақтай білген елдің рухы үстем, шаңырағы биік» деген қанатты сөз бар. Ардагерлердің мемлекет пен қоғам үшін орны ерекше. Тәуелсіз еліміздің дамуына өлшеусіз үлес қосқан қарияларымызды құрметтеу – әрбір азаматтың парызы, – деді Берік Әбдіғаппарұлы.</blockquote>Конференцияда аудандық ардагерлер кеңесінің төрағасы М.Келдібаев 2021-2025 жылдары ардагерлер ұйымдарымен атқарылған жұмыстар жөнінде баяндап, есеп берді. Сондай-ақ, облыстық ардагерлер кеңесі төрағасының орынбасары М.Баекеев аудандық ардагерлер ұйымының жұмысын жандандыруға қатысты ұсыныстарын жеткізді.Іс-шара соңында «Қызылорда облысының Құрметті ардагері» төсбелгісімен Ұлы Отан соғысының ардагері, Сырдария ауданының Құрметті азаматы Я.Тасыров және ауданның бірқатар ардагері аудан әкімінің және облыстық ардагерлер кеңесінің атынан Алғыс хатымен, "Құрмет грамотасымен" марапатталды.<img src="https://knadmin.beoblood.kz/uploads/Syrdariya_ardagerler_konferencziyasy_2_acdb0ec680.jpg" alt="Сырдария ардагерлер конференциясы 2.jpg">

Аудандық ардагерлер кеңесінің есеп беру конференциясы өтті

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев «AMANAT» партиясының «Ардагерлерді ардақтайық» жобасы аясында еңбек ардагерлері, ақын, Қазақстан Жазушылар одағының Қызылорда облыстық филиалының төрайымы, «Сырдария ауданының Құрметті азаматы» Қаршыға Есімсейітова мен ақын, халықаралық «Алаш» әдеби сыйлығының иегері Қатира Жәленованы қабылдады.Қабылдауға аудан әкімінің орынбасары Д.Байдушев, «AMANAT» партиясы Сырдария аудандық филиалының Атқарушы хатшысы А.Ибрагимұлы, аудандық мәдениет және тілдерді дамыту бөлімінің басшысы А.Қалдыбаева қатысты. Аудан басшысы қазақ поэзиясына өзіндік үнімен, сыршыл сезімімен, терең ойлы лирикасымен келген қаламгерлердің өмірі мен шығармашылығы туралы жақсы пікірлер айтып, еңбектерін жоғары бағалады.<blockquote>– Халқымызда «Ақын – елдің ардағы» деген даналық сөз бар. Сіздер өзіндік оқырманы қалыптасқан, әдеби ортада құрметке ие ақынсыздар, журналистика саласында ұзақ жыл табанды еңбек еткен майталман тұлғасыздар. Аймағымызда Нұрлыбек Машбекұлының бастамасымен мәдениет, өнер саласын және әдебиет өкілдерін қолдау жұмыстары жүйелі жүргізілуде. Сол іс-шаралардың көш басында өздеріңіздің жүрулеріңіз – ұрпақтар сабақтастығы. Ақын-жазушыларымыздың қарашаңырағы саналған Жазушылар одағының облыстағы филиалына жетекшілік ету – зор құрмет әрі жауапкершілігі зор міндет. Біз Жазушылар одағының бастамаларын қолдаймыз, бұл бағытта ауданымызда әдеби-мәдени, рухани-танымдық іс-шаралар мен кездесулер тұрақты түрде өткізіліп келеді. Игі іс-шараларды алдағы уақытта да жалғастыратын боламыз, – деді аудан әкімі.</blockquote>Кездесуде өңірдің әдеби-мәдени саласындағы жаңалықтар мен жетістіктер туралы айтылып, қаламгерлер өз естеліктерімен бөлісіп, алдағы жоспарларын ортаға салды. Өз кезегінде Қазақстан Жазушылар одағының облыстық филиалының төрайымы, «Сырдария ауданының Құрметті азаматы» Қаршыға Есімсейітова аудан басшысына «Шешім ІІІ» кітабын сыйға тартты. Ал ақын, халықаралық «Алаш» әдеби сыйлығының иегері Қатира Жәленова шығармашыл тұлғаларға қолдау көрсетіп келе жатқан аудан әкіміне шынайы ризашылығын білдірді.Мұнан соң, «Кітап – AMANAT» партиялық жобасы аясында қаламгерлермен оқырмандарлың &nbsp;кездесуі ұйымдастырылды.<img src="https://knadmin.beoblood.kz/uploads/Syrdariya_ardagerler_2_a8f40e86f6.jpg" alt="Сырдария ардагерлер 2.jpg">

Қаламгерлерге құрмет көрсетті

<a href="https://kyzylorda-news.kz/">Kyzylorda-news.kz</a> «Қазалы–Қожабақы–Бозкөл–Кәукей» автожолының 16-шақырымында Сырдария өзені арқылы өтетін «Қарлаң» көпірінің құрылысы қарқынды жүргізілуде. Аталған нысан «AMANAT» партиясының сайлауалды бағдарламасын іске асыру аясында жүзеге асырылып жатқандықтан, мұнда партиялық бақылау бекеті жұмыс істеп тұр.Осыған орай, бүгін аудандық партия филиалының Атқарушы хатшысы Нұрғиса Жалғасбаев, Партиялық бақылау комиссиясының төрағасы Әділбек Сарабеков, комиссия мүшелері Күншығар Әбілов пен Нұркен Ботабаев жауапты сала басшыларымен бірге құрылыс алаңына барып, атқарылып жатқан жұмыстардың барысымен танысты.Бас мердігер — «Нұрлы Тау ЛТД» ЖШС құрылыс жұмыстарын 2026 жылдың соңына дейін аяқтауды жоспарлап отыр. Бүгінгі күнге дейін 60 дана свайға бұрғылау және бетондау жұмыстары атқарылып, 3 ростверг, 1 ледорез, 2 ригель, 2 тіреу орнатылған, сондай-ақ кірме жолдар топырақпен көтерілген. Қазіргі таңда свайларға бұрғылау жұмыстары жалғасып, апалка құру және ригель орнату жұмыстары жүргізілуде.Партиялық бақылау комиссиясының мүшелері мұндай маңызды жобалардың сапалы әрі белгіленген мерзімде аяқталуы қажет екенін атап өтті. Сонымен қатар құрылыс жұмыстарының барлық кезеңі партиялық комиссияның тұрақты бақылауында болатынын және нысан толық пайдалануға берілгенге дейін бақылау жалғасатынын жеткізді.

Қазақстан және Қызылорда облысының жаңалықтары: Қоғам