<a href="https://kyzylorda-news.kz/">Kyzylorda-news.kz</a> Мемлекет басшысының, Үкіметтің тұрақты қолдауы негізінде және аймақ басшысының үйлестіруімен қаланың жол - көлік инфрақұрылымы қарқынды дамуда. Биыл осы бағытқа 36 млрд. теңге бөлінді. Бөлінген қаражатқа қала, кент және ауылдық округтердегі 99 көшеге орташа жол жөндеу, қайта жаңғырту, жол және көпір құрылыстарын салу жұмыстары жүргізілуде.Қазіргі уақытта Әуежай жолы және Шиелі ауданынан кіреберіс айналма көпірден, аспалы көпірге дейінгі аралық кеңейтілуде.Сонымен қатар, Қожа Ахмет Яссауи және Тәуелсіздіктің 25 жылдығы көшелері қайта жаңғыртылуда. Қ.Яссауи көшесін жақын күндері ел игілігіне табыстау жоспарлануда.Осы жұмыстардың жалғасы ретінде, жуырда ғана магистралды көшелердің бірі – Жаппасбай батыр көшесі қайта жаңғыртылып, 2 жолақтыдан 4 жолақтыға ауыстырылды. Жүріс бөлігінің ені 14 метрге кеңейтілді.Н. Назарбаев даңғылынан Тәуелсіздіктің 25 жылдығы даңғылына дейінгі аралыққа жаңа жол салынып, көлік ағынын реттеуге жағдай жасалынды.Ең ұзын көшелердің бірі саналатын Е.Көшербаев көшесіне де жаңғырту жұмыстары жүргізіліп, пайдалануға берілді. Сол секілді М.Шоқай көшесі күрделі жөндеуден өткізілді.Бүгінгі күні ауқымды жұмыс Қорқыт ата көшесінде атқарылуда. Жөндеу жұмыстарының барысын пысықтаған қала әкімі Нұржан Сәбитұлы жауапты мердігерлерге сапаға мән беруді тапсырды.Айта кету керек, алдағы күндері ұзындығы9,6 шақырымды құрайтын «Қызылорда - Жезқазған» бағытының қалаішілік автомобиль жолына да жөндеу жүргізілетін болады.<img src="https://knadmin.beoblood.kz/uploads/zhol_cad848d7b7.jpg" alt="жол.jpg"><img src="https://knadmin.beoblood.kz/uploads/zhol_2_48e7bca590.jpg" alt="жол 2.jpg"><img src="https://knadmin.beoblood.kz/uploads/zhol_3_6cba154a49.jpg" alt="жол 3.jpg">

Қызылорда: Жолдар жөнделіп, көшелер көркеюде

<a href="https://kyzylorda-news.kz/">Kyzylorda-news.kz</a> Бүгін аймақтық халықтық штаб төрағасы Алмасбек Есмаханов Тереңөзек кенті мәдениет үйінде АЭС салуды қолдау жөніндегі республикалық халықтық штаб мүшелері Мархабат Жайымбетов, Мұрат Әбеновпен бірге білім саласы өкілдерімен жүздесті. Еркін форматта өткен жиында Президент Жолдауынан туындайтын міндеттер, АЭС мәселесі жан-жақты талқыланды.«Алты алаштың баласы бас қосса, төрдегі орын ұстаздікі»,- деп бекер айтылмаған. Қоғамның мәдениетті де, білімді болуы да білім саласы мамандарымен тығыз байланысты.Жиында республикалық Халықтық штаб мүшесі Мұрат Абдуламитұлы сөз алып, Қазақстан энергетика секторын трансформациялаудың маңызды кезеңінде тұрғанын, энергетикалық кешенді дамыту бағытын таңдау мемлекеттің ұзақ мерзімді дамуына айтарлықтай әсер ететінін атап өтті.<blockquote>«Орташа алғанда, атом электр станциясын пайдалану кезеңінде жоғары және орта арнаулы білімі бар шамамен 2000 адамнан тұратын қызметкер қажет. Осы мақсатта болашақта атом энергетикасын дамытудың мемлекеттік бағдарламасы аясында кадрларды даярлау жоспары жеке әзірленіп, қабылданбақ. Оның негізінде қажетті мамандар даярланатын болады. Бұл біздің аймақтың білім саласы үшінде тиімді болмақ. Сала мамандарының пікірінше электр қуатын тұтыну көлемі елімізде жыл сайын 3 пайызға артуда. Ал өзімізге қажетті электр қуатын өндіруде көмірдің рөлі басымырақ. Бүгінде электр қуатының 70 пайызы көмірден өндіріледі. Осыны бағамдай келе елде АЭС салу мәселесі туындап отыр. Президет бұл ұсынысын халық таңдауына бергені – саяси стратегиялық қадам деп түсінуіміз керек», – деді Мұрат Әбенов.</blockquote>Қазір әлемнің алпауыт елдері дамыған, озық технологиялар көмегімен халықтың әлеуетін, ішкі экономикасының тиімділігін арттыруда. Оның ішінде уран өндірісінен туатын атом энергиясы да бар. Қазір ғалымдар атом станциясының соңғы моделін, яғни «3+» буынын ойлап тапты. Бұл механизм суды да аз қажет етеді. Қоршаған ортаға да зияны тимейді, әрі көп мөлшерде энергия өндірмек.Штаб мүшесі Мархабат Жайымбетов энергетика саласы төңірегінде кеңінен ақпарат беріп өтті.<blockquote>«Бүгінде ауаға тарайтын көмірқышқыл газы артып, экология ластауда. Осы орайда, дамыған елдер жасыл энергия саналатын атом электр станция жұмысын жандандырып, нәтижесін көруде. Атом энергетикасы қоршаған ортаға қолайлы, ел экономикасына тигізетін септігі мол сала. Қазір энергияның басым бөлігі көмірден өндіріліп жатыр. Негізенен электр қуатын жел, су, күн сәулесінен көздерінен алуға болады. Алайда бұл ауа-райына тәуелді болғандықтан тұрақты эенергия көзі болып табылмайды», – деді ол.</blockquote>Басқосуда сала өкілдері де атом энергиясының тиімді тұстары төңірегіндегі ойларын ортаға салып, жалпы референдумның ел болашағы үшін маңызды қадам болмағын тілге тиек етті.

АЭС салу маңыздылығы түсіндірілді

<a href="https://kyzylorda-news.kz/">Kyzylorda-news.kz</a> Облыс көлемінде жылу беру маусымына дайындық жұмыстары жүйелі жүргізілуде. Жергілікті бюджет және кәсіпорын қаржысы есебінен 2 газотурбиналық қондырғының генераторы мен 11 қазандыққа күрделі, 1 турбина мен 15 қазандыққа ағымдағы жөндеу жүргізілуде. Қазіргі уақытта жұмыстың 98 пайызы орындалды.Жылу желілерін жаңғыртуға бағытталған 6 жобаны іске асыруға бюджеттен тиісті қаржы бөлініп, 9,5 шақырым жылу желісінің 8,6 шақырымына жөндеу жүргізілді. Облыстағы 1 067 әлеуметтік нысан қысқа 100 пайыз дайын.<blockquote>“Қызылорда жылу электр орталығының биылғы 2024-2025 жылғы маусымға дайындығы доспарға сәйкес жүргізіліп жатыр. Дайындықты көктем айларынан бастап кеттік. Іс-шара жоспарының 98 пайызы орындалды. Оның ішінде атап өтетін болсақ негізгі қондырғылардан алтыншы бу қазандық, тоғызыншы бу қазандық олар ағымдағы жөндеуден өтті. Ескі станцияның ішіндегі бу қазандығына да ағымдағы жөндеу жүргізілді. Бүгінгі күні іштегі системалардың барлығы суға толтырылып соңғы сынақтардан өткізіп жатыр”, - деді Қызылорда ЖЭО бас инженері Наурыз Сатханов.</blockquote><img src="https://knadmin.beoblood.kz/uploads/zhylu_1_d1d0107e7e.jpg" alt="жылу 1.jpg"><img src="https://knadmin.beoblood.kz/uploads/zhylu_2_c103e3a9e1.jpg" alt="жылу 2.jpg"><img src="https://knadmin.beoblood.kz/uploads/zhylu_3_7ad89b0d01.jpg" alt="жылу 3.jpg"><img src="https://knadmin.beoblood.kz/uploads/zhylu_4_4fa7a362d2.jpg" alt="жылу 4.jpg"><img src="https://knadmin.beoblood.kz/uploads/zhylu_6_fa18ca9137.jpg" alt="жылу 6.jpg">

Жылу беру маусымына дайындық жүйелі

<a href="https://kyzylorda-news.kz/">Kyzylorda-news.kz</a> Желіде әскериге белгісіз біреудің “әлімжеттік” көрсетіп жатқаны түсірілген видео тарады. Кадрлардан &nbsp;Ұлттық ұлан&nbsp;әскери киімін киген жауынгердің сарбазды ұрып-соғып, балағаттап жатқанын байқауға болады. Бұл туралы <a href="https://stan.kz/zhelide-ylttik-ylannin-kiimin-kigen-askeridin-sarbazdi-406760/">Stan.kz</a> ақпарат агенттігі хабарлайды.Еліміздің Ұлттық ұланның "Батыс" өңірлік қолбасшылығы бұл ақпаратты растады.<blockquote>"Аталған факті бойынша 2024 жылдың 23 қыркүйегінде "Батыс" РМК Әскери полициясы қылмыстық кодекстің 440-бабының 1-бөлігі (Әскери қызметшiлер арасында бағыныштылық қатынастар болмаған кезде олардың арасындағы өзара қарым-қатынастардың жарғылық қағидаларын бұзу)&nbsp;бойынша сотқа дейінгі тергеуді бастады. Тергеу жалғасып жатыр. Оқиғаның мән-жайын анықтау үшін барлық қажетті шаралар қабылданды", –&nbsp;делінген хабарламада.</blockquote>Айта кетейік, бұған дейін Қазақстанның Қорғаныс министрлігі&nbsp;әскердегі өлімнің 90%-ы әлімжеттіктен емес, отбасылық кикілжіңдер үшін болатынын мәлімдеген еді.&nbsp;Фото: Видеодан скрин

Желіде Ұлттық ұланның киімін киген әскеридің сарбазды ұрып-соққаны түсірілген видео тарады

<a href="https://kyzylorda-news.kz/">Kyzylorda-news.kz</a> &nbsp;6 қазан күні еліміз бойынша республикалық референдум өткізіледі. Маңызды саяси науқанда Қызылорда өңірінің 492381 азамат дауыс беруге құқылы. Жауапты кезенде аймақта 380 учаскелік комиссия құрылып, 2652 комиссия мүшесі қызметке тартылды.Референдумды ашық әрі заң талабына сай өткізу УРК тікелей міндеті. Комиссия құрамына енген әрбір азаматтың білім деңгейін жетілдіру және әдістемелік көмек көрсету мақсатында Қызылорда облысының өңірлік оқу орталығы және Қызылорда облысының аумақтық референдум комиссиясының ұйымдастыруымен учаскелік комииссия мүшелері үшін оқыту өткізілді.Салалық тақырыптарға мамандаған кәсіби лекторлар референдум өткізудегі құқықтық және құжаттамалық мәселелер, дауыс беруші азаматтардың тізімімен жұмыс жүргізу, байқаушылар, БАҚ өкілдерімен жұмыс жүргізудің тиімді шарттары тақырыбында ой бөлісті.Басқосуларда Қызылорда қаласындағы және аудандардағы құқық қорғау саласының өкілдері референдум кезінде құқық бұзушылықты болдырмау, дауыс беру учаскелерінде тәртіп ережелерін сақтау мәселелері бойынша негізгі ережелерді түсіндірді.Оқу семинарында лекторлар комиссия мүшелерін рөлдік ойындарға бөліп, ситуациялық жағдайларға негізделген практикалық кейстерді талқылады.Қызылорда қаласындағы 3 күндік оқытуға 683 комиссия мүшесі тартылды. Әрі қарай лекторлар семинарды көшпелі форматта барлық аудандарында жалғастырды. Мұнда 1065 комиссия мүшесі оқытылды.Оқытуға төраға, төраға орынбасары, хатшы және жаңадан қосылған комиссия хатшылары шақырылды. Арнайы оқытудан өткен комиссия мүшелері каскад әдісімен өзге де мүшелері оқытады.Айта кетейік, Қызылорда өңірінде дауыс беруші азаматтардың өз учаскесін анықтау үшін referendum.orda.kz сайты және 109 бірыңғай байланыс орталығы іске қосылды. Сондай-ақ, тізімге тіркелген әрбір дауыс беруші азаматқа шақыру қағаздары мен смс хабарламалар жіберілетін болады.<img src="https://knadmin.beoblood.kz/uploads/AES_fcd6a46081.jpg" alt="АЭС.jpg">

Референдум: Қызылордада 2652 учаскелік комиссия мүшесі қызмет атқаруға дайын

<a href="https://kyzylorda-news.kz/">Kyzylorda-news.kz</a> Бір аптаның ішінде үш қыздың секіріп өлуі – трагедия…Танымал журналист Бибігүл Дәулетбекқызы Алматыда бірінен соң бірі өз-өзіне қол салып, көз жұмған қыздар туралы пікір білдірді, деп хабарлайды <a href="https://sn.kz/sn-akparat-agyny/116474-zhurnalist-dalbasa-ngime-balalardy-olimge-itermelep-zhatkan-eshkandai-da-oiyn-emes">Skifnews.kz</a> ақпарат порталы.Оның пайымдауынша, оқушы қыздардың суицидке баруы – трагедия.Бұл туралы ойын журналист Instagram желісіндегі Stories бөлімінде жазды.<blockquote>«Алматыда тағы да 12 жасар қыз көп қабатты үйден секіріп қайтыс болды. Бір аптаның ішінде үш қыздың секіріп өлуі – трагедия… Бұл балаларды өлімге итермелеп жатқан ешқандай да ойын емес! Далбаса әңгіме! Немқұрайлылық! Иә, өздеріңіз жіберген қателіктер…», – деп жазды журналист.</blockquote><img src="https://knadmin.beoblood.kz/uploads/Bez_nazvaniya_3e40a50fae.jpg" alt="Без названия.jpg">Фото: Бибігүл Дәулетбекқызының фейзбуктегі парақшасынан

Журналист: Бос әңгіме, балаларды өлімге итермелеп жатқан ешқандай да ойын емес!

<a href="https://kyzylorda-news.kz/ru">Kyzylorda-news.kz</a>&nbsp; Бүгін Темірбек Жүргенов атындағы шығармашылық үйінде «Бейбіт атомның артықшылықтары» тақырыбында «Сыр медиа» ЖШС-на қарасты БАҚ өкілдерімен ТЕDx форматында кездесу өтті.БАҚ саласының өкілдері биліктің төртінші буыны деп бекер айтылмаған. Қоғамның өзекті мәселелерінен бұқараны хабар қылып, толассыз ақпарат ағынында сарапталған мақалалар мен сюжеттерін халыққа ұсынып келеді.Жиында қалалық халықтық штаб төрағасы Ибадулла Құттықжаев Қазақстан энергетика секторын трансформациялаудың маңызды кезеңінде тұрғанын, энергетикалық кешенді дамыту бағытын таңдау мемлекеттің ұзақ мерзімді дамуына айтарлықтай әсер ететінін атап өтті.<blockquote>«Қазіргі уақытта Қазақстанның энергетикалық секторы елімізде өндірілетін барлық электр энергиясының шамамен 70% – қамтамасыз ететін көмір электр станцияларына аса тәуелді. Дегенмен, жерасты қорларының да сарқылар уақыты таяу. Демек, жасыл энергия сатысына көшетін кез келді. Осы орайда Мемлекет басшысының АЭС салу ұсынысы оның көрегенділігі, ал халықтың таңдауына бергені – саяси стратегиялық қадам деп түсінуіміз керек», – деді Ибадулла Құттықжаев.</blockquote>Қазір әлемнің алпауыт елдері дамыған, озық технологияларының көмегімен халықтың әлеуетін, ішкі экономикасының тиімділігін арттыруда. Оның ішінде уран өндірісінен туатын атом энергиясы да бар. Қазір ғалымдар атом станциясының соңғы моделін, яғни «3+» буынын ойлап тапты. Бұл механизм суды да аз қажет етеді. Қоршаған ортаға да зияны тимейді, әрі көп мөлшерде энергия өндіреді деп отыр. Бұл орайда сөз алған штаб мүшесі, Мұхиджан Кәрімбаев энергетика саласы маманы ретінде кеңінен ақпарат беріп өтті.<blockquote>«Қазір энергияның басым бөлігі көмірден өндіріліп жатыр. Алайда өндірлегн өнімнен ауаға тарайтын улы газдың да үлесі көп. Оның үстіне ғаламның климаты өзгеріп, келешекте көптеген мәселелер туындауы мүмкін. Париж конвенциясы бойынша көмірден электр қуатын өндіруді шектеп, 2060 жылға дейін мәселені оңтайлы шешу шаралары қабылдануда. Негізенен электр қуатын жел, су, күн сәулесінен көздерінен алуға болады. Алайда бұлардың барлығы тұрақты энергия көздеріне жатпайды»,-деді ол.</blockquote>Басқосуда сала өкілдері де атом энергиясының тиімді тұстары төңірегіндегі өз ойларын ортаға салып, жалпы референдумның ел болашағы үшін маңызды қадам болмағын тілге тиек етті.<figure class="image"><img src="https://knadmin.beoblood.kz/uploads/Syr_media_1_92e0bb67d3.jpg" alt="Сыр медиа 1.jpg"></figure><figure class="image"><img src="https://knadmin.beoblood.kz/uploads/aes_644dc5ce32.jpeg" alt="аэс.jpeg"></figure>

Бейбіт атомның артықшылықтары

<a href="https://kyzylorda-news.kz/">Kyzylorda-news.kz</a> АЭС салуды қолдау жөніндегі Халықтық штаб мүшелері Мархабат Жайымбетов, Мұрат Әбенов және Мұрат Ергешбаев «Қызылорда» сауда үйінің тұтынушыларымен ЭКСПРОМТ-кездесу өткізді.&nbsp;Аймағымыздағы беделді сауда үйінің біріне айналған «Қызылорда» супермаркеті жергілікті халықтың көп шоғырланатын, сауда жасайтын алаңына айналды. Ірі сауда орталықтары секілді бұнда да электр қуаты сұранысқа ие.&nbsp;<blockquote>Кездесуде штаб мүшесі Мұрат Әбенов: "Осыдан он жыл бұрын Қызылорда облысы 12 млн. тонна мұнай өндірсе, бүгінде оның көлемі үш есеге азайып отыр. Жер қойнауындағы байлықтардың сарқылуы елдің әлауқатына да әсер етеді. Сондықтан, тұрақты энергия көзі ретінде атом энергетикасын дамыту тиімді. Себебі, еліміз уран өндіруден алдыңғы қатардан орын алады. Бүгінде сала мамандары уранды өндіріп, керекті таблеткаларын әзірлеуде. Жұмыстың қиынын істеуде. Демек, оның тиімді тұсын да пайдаланып, сарқылмас электр қуатын өндіруіміз қажет, – деді.&nbsp;</blockquote>Ал жасыл энергияның балама түрлері жайлы сөз қозғаған штаб мүшесі Мұрат Ергешбаев: Халық тарапынан күн сәулесінен де энергия өндіру бойынша пікірлер айтылуда. Күн, жел, су секілді табиғи факторларға тікелей қатысы бар нәрселерден тұрақты энергия көзі шықпайды. Оның үстіне күн сәулесінен қуат алатын құрылғылардың да тоқ бергіш батареялары белгілі бір деңгейде қоршаған ортаға зиян. Оны халықаралық ережелерге сай пайдалану керек, мерзімі өткен соң сол ережелер аясында өңдеу керек. Ал атом энергетикасында уранды қайта өндеп, пайдалануға да болады, – деді.&nbsp;

АЭС: Штаб мүшелері сауда үйінің тұтынушыларымен экспромт-кездесі өткізді

<a href="https://kyzylorda-news.kz/">Kyzylorda-news.kz</a> АЭС салуды қолдау жөніндегі республикалық халықтық штаб өкілдері, ҚР Парламенті Мәжілісінің депутаттары Мархабат Жайымбетов, Мұрат Әбенов және Мұрат Ергешбаев медицина саласының өкілдерімен кездесті.Басқосуда еліміздегі атом энергетикасын дамыту тиімділігі мен пайдасы талқыланды. Ағымдағы жылы Мемлекет басшысының Қазақстан халқына Жолдауында да атом энергетикасын іске асыру, елдегі электр қуаты жетіспеушілігінің алдын алу мәселесі сөз болған еді. Жалпы, бүгінде оңтүстік өңірлерде электр қуаты жетіспеушілігі салдарынан қажетті тоқ көзін шетелден сатып алудамыз. Еліміздегі күн сайын өсіп жатырған моно қалалар мен мегаполистер, ауқымды құрылыс жобалары және демографиялық ахуал электр қуатына деген сұранысты арттыруда. Соның негізінде, еліміздің жер қойнауындағы уранды бейбіт атом өндіру үшін пайдалану – бүгінгі күннің басты қажеттілігіне айналды.<blockquote>Жиында сөз алған штаб мүшесі Мұрат Әбенов: "Бірнеше жыл бұрын Корей мемлекетінде болып, олардың атом энергетикасын өндіру технологиясымен таныстым. Атом станциясы маңында қуатты дамыған қалаларды байқадым. Ең қызығы, станцияның маңайында жеміс-жидек сатып отырған азаматтарды да көзім шалды. Сонда, уранды өндеу кезінде оның бар зияны, тарататын радиациясы сол жерде қалатынын, атом энергетикасының маңайындағыларға зияны тимейтініне көзім жетті. Жалпы, адамзат баласы қолданып жүрген кез келген нәрсенің өзінің зияндығы бар. Ұшақ та радиация бөледі, желдеткіштің ішіндегі фрион да улы заттардың бірі. Бірақ, жоғарғы технологияның арқасында олар арнайы бактың ішінде өңделіп, зияны жақын жерге тарамайды, – деді.</blockquote>Бүгінде қоғам тарапынан атом станциясынан тарайтын радиацияның әсері кеңінен талқылануда. Бұл мәселе бойынша ғалымдар, атом станциясының III+ буынының радиция әсерінің адам баласына зияны жоқ екенін айтуда. Атом технологиясын дамыту сатысында радиация әсері мүлде жойылатынын атап өтуде.Атом станциясының халықаралық стандарттары жайлы сөз қозғаған штаб мүшесі Мұрат Ергешбаев: МАГАТЭ ұйымы ғаламдағы атом станциясылының халықаралық заңдылықтарға сай салынуын, жұмыс жасауын қадағалайды. Қоғамдық санада радиациялық қауіп туралы стереотип сақталуда. Осы жерде айта кететін жайт, радиацияланған ядролық отын қалдық емес, қайта өңдеу нәтижесінде пайдалы материалдардың 90%-дан астамын қайта пайдалануға болатындығын атап өтті.Ал, халықтық штаб мүшесі Мархабат Жайымбетов энергетикалық қажеттілік төңірегінде ойымен бөлісті.<blockquote>«Энергетика саласында көп жылдан бері еңбек еткендіктен, қоғам үшін электр қуаты қажеттілігінің маңызды екенін білеміз. Осыдан біршама жыл бұрын қаламызда бірнеше сағаттап жарық болмай қалған кездер бәріміздің есімізде. Дегенмен, өздеріңізге белгілі қаламызда жаңадан жылу-электр орталығы салынуда. Түркия елінен келген инвесторлар 215 млрд. теңгеге жылуды да, электр көзін де өндіретін орталық салуда. Олар келер кезде біз қажетті құрылғылардың сапалы, төзімді, қауіпсіз болуы жайлы талап қойдық. Олар талапты қабылдап, өңірімізге инвестиция құйды. Дегенмен, өңірдегі электр қуатының жетіспеушілігі бұнымен шешілмейді. Бір атом станциясының өзі 12 пайыз қажеттілігімізді өтей алады», –деді.</blockquote>Кездесуде медицина саласының өкілдері атом энергетикасының адам денсаулығына әсері, мамандарды даярлау, атом құрылысы және халықаралық шарттар жайлы сауалдар жолдап, штаб мүшелерімен пікір алмасты.<img src="https://knadmin.beoblood.kz/uploads/AES_da43b1437e.jpg" alt="АЭС.jpg">

 АЭС: Штаб мүшелері медицина саласының өкілдерімен кездесті

<a href="https://kyzylorda-news.kz/">Kyzylorda-news.kz</a> Аягөзде қаза тапқан әскери қызметкер Нұрсұлтан Алдамұратовтың туыстары оның өлімі туралы ресми нұсқаны жоққа шығарып отыр. Бұл туралы <a href="https://rus.azattyq-ruhy.kz/incidents/73135-smert-voennosluzhashchego-v-aiagoze-rodnye-ne-veriat-v-suitsid-nursultana-aldamuratova">Azattyq ruhy </a>сайтына сілтеме жасап хабарлайды.Марқұмның анасы Ботакөз Ысқақова ұлының өз өзіне қол жұмсағанына сенбейтінін айтты.<blockquote>"Ол ешқашан&nbsp;өз-өзіне қол жұмсау туралы&nbsp;шешім қабылдамас еді. Ұлым ондай адам емес еді. Ешқашан қателік жасамаған, адал еңбек етті. Өз-өзіне қол жұмсайтындарды түсінбейтінін айтатын. Ол “адам қалай өз-өзіне қол жұмсайды” деп сұрайтын.&nbsp;Сондықтан баламның өз-өзіне қол жұмсағанына сенбеймін", – дейді сарбаздың анасы.</blockquote>Анасының сөзінше, ұлы бір апта бұрын бастығының шотына ақша аударған.<blockquote>"15 қыркүйекте ол маған 213 мың теңге аударды. Біраз уақыттан кейін&nbsp;ақшаны қайта шотына аударуды сұрады.&nbsp;Ол нөмірден қателескенін, ақшаны&nbsp;бастығының шотына аудармақ болғанын айтты. Бұл әрекеттер&nbsp;күмән тудырды. Неге ол өз басшысына мұндай ақшаны аударып жүргенін түсінбедім”, –&nbsp;дейді анасы.</blockquote>Фото:&nbsp;azattyq-ruhyМарқұм Нұрсұлтанның айтуынша, гарнизон басшылығы қызметкерлерге бөлінген қаржының сақталуына қамқорлық жасаған.<blockquote>"Бастығы оған жәрдемақыны аударуды тапсырған, әйтпесе әріптестері одан осы ірі соманың бір бөлігін талап ететінін ескерткен. Сонда мен “бұл ақшаны неге бастыққа беру керек” деп сұрадым. Сонда ол бастығынан ақша сұрай ма? Мен оған бұл ақшаны аудармауға кеңес бердім. Ол да менімен келісіп, дәл солай ойлайтынын айтты. Енді осы жағдай күмән тудырып тұр. Меніңше бұл қиянатты басшылық жасаған сияқты. Оның бастығының аты – Нұржан Нұрқабаев", – деді&nbsp;Ботакөз Ысқақова.</blockquote>Айта кетейік, Аягөз гарнизоны болған оқиғаның себептері мен мән-жайын анықтап жатыр. Қылмыстық іс қозғалды.Еске салайық, бұған дейін 19 қыркүйекте Аягөз гарнизоны әскери бөлімнің офицерінің мәйіті жұмыстан тыс уақытта&nbsp;пәтерінен табылған еді. Алдын ала мәлімет бойынша, офицер асылып қалған.&nbsp;Фото:&nbsp;azattyq-ruhy<figure class="media"><div data-oembed-url="https://youtu.be/_LykKYPfhEw"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/_LykKYPfhEw" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Аягөзде “суицид жасады” деген офицер өлерінің алдында бастығына 213 мың теңге жіберген

<a href="https://kyzylorda-news.kz/">Kyzylorda-news.kz</a> АЭС салуды қолдау жөніндегі Республикалық халықтық штаб мүшелері, ҚР Парламенті Сенатының депутаттары Наурызбай Байқадамов пен Руслан Рүстемов Шиелі ауданына іс-сапары барысында аудан ақсақалдарымен кездесті.Онда күн тәртібіндегі АЭС саулы мәселесі жөнінде ой бөлісті.Алдағы онжылдықтарда энергетика саласында жағдай күрделенуі мүмкін. Сондықтан проблеманы болдырмауды бүгіннен бастап қарастыру керек. Бұл туралы ҚР Парламенті Сенатының депутаты Наурызбай Байқадамов атап өтті.«Болашақта еліміз дамыған мемлекеттер қатарында болуы үшін АЭС ауадай қажет. Қазіргі таңда АЭС ті әлем пайдалануда. Біз жұмыс жасап отырған станцияларға арнайы барып көрдік. Елдің көбісінің көкейлерінде жүрген сұрақтарының бірі АЭС-ті қай мемлекет соғады? Бұл мәселе бойынша 6 мемлекет қатысып, 4 мемлекет арнайы сараптамадан өткен. Бізге дәл кәзір АЭС салу қажет пе? қажет емес пе? міне осыны Президент халыққа салып отыр», – деді Наурызбай Байқадамов.Жиында АЭС салуды қолдау жөніндегі Республикалық халықтық штаб мүшесі Руслан Рүстемов АЭС құрылысы елдің экономикасы мен энергетикалық қуатын арттыратынын тілге тиек етті. «Бүгінде Жасыл энергияны пайдалану дамыған елдерде қарқынды жүзеге асуда. АЭС құрысын жан-жақты зерттеген ғалымдар бірнеше саты қорғаныс қабатын қалыптастырған. Атом энергиясы арқылы еліміздің әл-ауқаты түзеліп, мыңдаған жұмыс орындары ашылып, жаңа маман иелерін дайындауға ықпал етеді және болашақта электр тапшылығын шешудің бір ден бір жолы», – деді ол.Кездесуде ардагерлер толғандырған сауалдарын қойып, атом электр станциясының болашағына қатысты өз ойларын білдіріп, Мемлекет басшысының Жолдауда айтқан АЭС салу бастамасын қолдайтындықтарын білдірді.

Сенаторлар Шиелі ауданының ақсақалдарымен кездесті

<a href="https://kyzylorda-news.kz/">Kyzylorda-news.kz</a>&nbsp;Ақтаулық келіншек желіде күйеуінің соққыларынан жағы құрысып, сөйлей алмай қалғанын мәлімдеп, дабыл қақты. 10 жыл тұрмыстық зорлық-зомбылыққа шыдаған әйел соңғы рет зәбір көрген кезде тіпті аяғы баспай қалып, ауруханаға түскен. Бұл туралы<a href=""> Stan.kz</a> хабарлады.&nbsp;6 баланың анасы Ақсұңқар 18 қыркүйекте күйеуінің соққысынан ауыр жағдайда ауруханаға түскен. Сөзінше, ер адам оны жаздық үйге кіргізіп, іштен кілттеп, аямай ұрған.<blockquote>“Үнемі көлікпен проблемасы бітпейді. Бір күні жол апатын жасап, 4 көлікпен соқтығысты да, 1 миллион қарызға кірді. Үйге келіп, бар ашуын менен алды. Осындай жағдайға тап болғанына мені кінәлап, жаздық үйге кіргізіп алып, ұрды. Қайын әпкем мен апа көмектесе алмай, сыртта есікті түртіп тұрды. Мені соққыға жығып жатқанын қыздарым да естіп, сыртта шырылдап жылап тұрды. Бірақ олардың “қой” дегеніне қарамай, ұруын жалғастырды”, –&nbsp;деді 27 жастағы келіншек.</blockquote>Айтуынша, осыдан кейін әйелдің аяғы баспай, жағы қозғалмай, бет-аузы, мұрны қанап дереу ауруханаға жеткізілген. Бірақ күйеуі ауруханадағыларға “құлап қалды” деп айтқан, ал әйел сол мезетте жағы қозғалмағасын тіл қатпапты. Алайда құрбысынан көмек сұрап,&nbsp;жазып үлгерген.<blockquote>“Жағым ауырып, 4 күн нәр татпадым. Дәретханаға адамдардың көмегімен барып жүрмін. Ұрудың әдісін де үйреніп алған. Денеме жарақат түсіп, көгеріп қалмасын деп басым мен жағымнан ұра берген”, –&nbsp;деді ол.</blockquote>Ақсұңқар бұған дейін де тұрмыстық зорлық-зомбылық көріп жүрген. Тіпті бұрын қолын сындырған дейді.<blockquote>“3 қыздан кейін ұл жоқ деп шу шығарады. Мойныма пышақ салған күні де болды. Үйге сол кезде полиция шақырттым, бірақ асты-үстіме түсіп, енді қаталамаймын деген соң кешірдім. Бірақ тағы қайталанып отыр. Енді кешірмеймін, ажырасып, ұрғаны үшін жазаға тартамын”, –&nbsp;деді Ақсұңқар.</blockquote>Одан бөлек Ақсұңқардың бір қызының құлағының мүкістігі бар. Қазір ол қызының отасына ақша жинап жүр.Күйеуінің озбырлығынан шаршаған келіншек әділдік сұрайды. Ол ауруханаға түскен соң полицияға арыз жазды. Алайда күйеуі тергеу изоляторына қамауға алынбапты.Stan.kz тілшісі Маңғыстау облыстық полиция департаментіне сауал жолдады.<blockquote>“Денсаулыққа қасақана жеңіл зиян келтiру дерегі бойынша қылмыстық іс тіркелді. Полиция қажетті тергеу амалдарын жан-жақты жүргізіп жатыр.&nbsp;Болған оқиғаның мән-жайы анықталуда. Ер адамға қатысты "ешқайда кетпеу" бұлтартпау шарасы қолданылды. Өзге ақпарат тергеу мүддесі үшін жария етілмейді”, –&nbsp;деп мәлімдеді Маңғыстау облыстық полиция департаментінің баспасөз қызметі.</blockquote>Фото: stan.kz

Қазақстан және Қызылорда облысының жаңалықтары: Қоғам