<a href="https://kyzylorda-news.kz/">Kyzylorda-news.kz</a> Бүгін Ұлттық мереке – Республика күні қарсаңында Мемлекет басшысы Қасым-Жомарт Кемелұлы Тоқаевтың «Қазақстан Республикасының мемлекеттік наградаларымен наградтау туралы» Жарлығы шықты.Жарлықта еліміздің әлеуметтік-экономикалық және мәдени дамуына, халықтар арасындағы достық пен ынтымақты нығайтуға қосқан елеулі үлесі мен белсенді қоғамдық қызметі үшін бір топ азамат мемлекеттік наградалармен марапатталғаны жарияланған.Аталған Жарлық бойынша ІІІ дәрежелі «Барыс» ордені Қызылорда облысының әкімі Нұрлыбек Машбекұлы Нәлібаевқа берілді.Бұл марапатқа ел азаматтары Қазақстан Республикасының мемлекеттігі мен егемендігін нығайту ісіндегі, бейбітшілікті, қоғамның топтасуы мен Қазақстан халқының бірлігін қамтамасыз етудегі, мемлекеттік, өндірістік, ғылыми, әлеуметтік-мәдени және қоғамдық қызметтегі, халықтар арасындағы ынтымақтастықты нығайтудағы, ұлттық мәдениеттерді жақындастыру мен оларды өзара байытудағы, мемлекеттер арасындағы достық қатынастарды нығайтудағы айрықша еңбегі үшін ұсынылады.Фото: облыс әкімдігі&nbsp;

Мереке қарсаңындағы марапат

<a href="https://kyzylorda-news.kz/">Kyzylorda-news.kz</a>&nbsp; &nbsp;Республика күні – халықтың рухын көтеріп, бірлікті бекемдейтін, ынтымақты арттыратын айшықты мереке.Мемлекет басшысы Қасым-Жомарт Кемелұлы: «Республика күні елдің мемлекет құру жолындағы тарихи қадамының символы болу керек» - деген болатын.Ұлттық мереке аясында облыс көлемінде өтетін іс-шаралар туралы облыс әкімінің орынбасары Ш.Байманов журналистерге арналған баспасөз конференциясында айтып берді.<div class="raw-html-embed"><iframe src="https://www.facebook.com/plugins/video.php?height=476&amp;href=https%3A%2F%2Fwww.facebook.com%2Fqyzylorda.press%2Fvideos%2F922336109784385%2F&amp;show_text=false&amp;width=267&amp;t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe></div>Республика күнін жоғары деңгейде атап өтудің облыстық іс-шаралар жоспары әзірленіп, бекітілген.Жоспар кешенді әрі негізгі шараларды қамтыған 50 тармақтан тұрады.Қала және аудан орталықтарын көрнекі безендіруге ерекше мән берілген.Мереке мазмұнын толық ашу үшін &nbsp;қоғамдық-бұқаралық, мәдени-көпшілік, ағартушылық-зияткерлік, ғылыми-танымдық және спорттық шаралар 18 қазаннан бастау алды. Тарихи тұлғалар және Сыр өңірінің әлеуметтік-экономикалық, мәдени-рухани дамуында өзіндік қолтаңбасы бар азаматтардың мерейтойлары кеңінен аталып өтті.Облыс әкімінің қатысуымен Қазалы ауданының Абай ауылы "көгілдір отынға" қосылды. Әйтеке би кентінде 200 келушіге арналған спорт кешені ашылды, 120 пәтерлі 60 тұрғын үйдің кілті әлеуметтік осал топтағы отбасыларға табысталды.19 қазаннан бері қала және аудандарда «Алтын күз-2024» мерекесі аясында ауыл шаруашылығы өнімдерінің жәрмеңкесі, «Таза Қазақстан» экологиялық акциясы аясында жаппай сенбіліктер, &nbsp;«Менің аулам», «Менің көшем», «Менің туған жерім» атты экологиялық отбасылық сайыстар өткізілді.21-26 қазан аралығында қайырымдылық ұйымдар және ерікті азаматтар әлеуметтік осал топтағы тұрғындарды қолдау мақсатында «Жанашыр жүрек» жаппай қайырымдылық акциясын ұйымдастыруда. Білім мекемелерінде тәрбие сағаттары, танымдық кештер, &nbsp;Мемлекеттік әнұранды жаппай орындау, патриоттық әндер байқауы өткізілуде.23 қазанда ауыл спортшылары арасында «Алтын күз - 2024» облыстық XXXVII спартикадасы болады.24 қазаннан &nbsp;«Қыран елім – Қазақстаным!» акциясы аясында Мемлекеттік әнұранды жаппай орындау, көпқабаты үй балкондарына мемлекеттік ту ілу &nbsp;флэш-мобтары, Отан туралы шығармалар орындау челленджі ұйымдастырылады.Сонымен бірге облыс әкімінің қатысуымен салтанатты концерт өтіп, өңірдің, &nbsp;елдің дамуына сүбелі үлес қосқан жерлестеріміз марапатталады.25 қазан күні &nbsp;барлық аудандар мен Қызылорда қаласының Мемлекеттік рәміздер аллеясында «Қыран елім – Қазақстаным!» Мемлекеттік туды салтанатты көтеру шарасы өткізіледі.&nbsp;Фото: facebook Жастар Рухы Кызылорда

Республика күні бекітілген облыстық іс-шаралар жоспары аясында атап өтіледі 

<a href="https://kyzylorda-news.kz/">Kyzylorda-news.kz</a> Қалалық № 20 кітапхананың ұйымдастыруымен &nbsp;Абай атындағы үш тілді дарынды баларға арналған мектеп оқушыларының қатысуымен қазақ халықына шешендігімен аты қалған &nbsp;Әйтеке би Байбекұлының – 380 жылдығына арналған «Әйтеке бидің ақ жолы» атты тарихи кеш өтті.Іс-шара барысында журналист, ақын, Қазақстан жазушылар одағы Қызылорда обылыстық филиалының төрағасы Қаршыға Есімсейітова &nbsp;Өзбекстан жеріне барып Әйтеке бабамыздың Нұрата тауының етегінде мәңгілік мекен тапқаны жайында өзінің журналтстік жолында атқарған үлкен еңбегі туралы өскелең ұрпаққа мол мағлұмат берді.Сонымен бірге Қазақстан журналистер одағының мүшесі, филология ғылымдарының кандидаты, «Ұстаз мәртебесі» &nbsp;газетінің бас редакторы Нұрлан Көбегенұлы, Әйтеке би Байбекұлының 380 жылдығына байланысты жыл басынан бері өтіп жатқан іс-шаралардың маңызы және Әйтеке бабамыздың өмірі мен шешендік сөздері болашақ жастарға үлгі өнеге болып үлкен рухани байлық беретіні жайлы айтып өтті.Шараға Қызылорда обылыстық &nbsp;филормониясы, Жыраулар үйінің дәстүрлі орындаушысы, республикалық, халықаралық байқаулардың лауреаты Әділхан Қуаңбаев, Абай атындағы ДБА мектебінің тарих пәнінің мұғалімі &nbsp;Асқар Шарманов қатысып, Әйтеке бидің еңбегі мен өмірі ұдайы өскелең ұрпаққа тереңдетіліп оқылуы керек деді.Тарихи кеште жастар да өз білген-түйгендерін ортаға салып, Әйтеке би Байбекұлы туралы тың ақпараттарды білді.<img src="https://knadmin.beoblood.kz/uploads/d9d94f4c_f053_4b27_b629_251c4c9f8d0d_045cecd45f.jpg" alt="d9d94f4c-f053-4b27-b629-251c4c9f8d0d.jpg">

«Әйтеке бидің ақ жолы» атты тарихи кеш өтті

<a href="https://kyzylorda-news.kz/">Kyzylorda-news.kz</a> Отбасы - тәрбие институты. Бала балалық шағында отбасынан не алса, оны кейін өмір бойы есінде сақтайды. Бірде бір тәрбие орталығы шаңырақтағы тәрбиемен салыстыруға келмейді. Өйткені үйде бала ең алдымен өзінің мінез-құлық нормаларын қалыптастырып, ортамен қарым-қатынасты игереді. Жасөспірімдер кезеңінде ата-аналар қандай қателіктер жібереді?&nbsp;Баланың психологиялық дамуына ата-ананың мінез-құлқы қаншалықты ықпал етеді? Осы және өзге де сұрақтар баспасөз алаңында талқыланды. «Бала тәрбиесіндегі ата-ана жауапкершілігі» тақырыбында Өңірлік коммуникациялар қызметінің жанынан құрылған сарапшылар тобы ойын ортаға салып, журналистердің сұрақтарына жауап берді.&nbsp;<blockquote>«Балаға қазақы тәрбиені сіңіргіміз келсе ата-әжені үйге қайтаруымыз керек. Абайды да Шоқанды да тәрбиелеген әжелері. «Ұяда не көрсең, ұшқанда соны ілесің» дегендей бала үйінде көрген тәрбиесі өмір бойына оның әдетіне айналады. Қазақ баланы «ұят болады, обал болады, сауап болады» деген үш қағидамен тәрбиелеген. Қандай жағдай да осы үш қағидамен баланы тоқтата білді, балаға демеу болды, алға қарай жылжуына жәрдем берді», - деді Қорқыт ата Қызылорда университетінің сыбайлас жемқорлыққа қарсы комплеанс-офицері, сарапшы Әлібек Жаппасбаев.</blockquote>Бала тәрбиесінде алғашқы ұстаз, басты тұлға ол өзінің ата-анасы. Сондықтан әке де, шеше де балаларының жан дүниесіне үңіліп, мінез-құлқындағы ерекшеліктерді жете білгені жөн. Балалармен әңгімелескенде олардың пікірімен де санасып отырған орынды. Бұл туралы Қызылорда қаласындағы №257 мектептің ата-аналар комитетінің өкілі &nbsp;Жанат Қараманова тарқатып айтып берді.&nbsp;<blockquote>«Өз баласымен ашық сөйлесе алмай, сырласа білмейтін ата-аналар "Екеуміз де жұмыстамыз, кешкісін үй шаруасынан қол тимейді, баламен сөйлесуге уақыт жоқ" дегенді айтады. Бұл дұрыс емес. Баламен сөйлесуге тіпті арнайы уақыт бөлудің қажеті жоқ. Әке мен шеше ұл-қыздарымен үй шаруасында жүріп-ақ әңгімелесіп, ой бөлісуге неге болмасқа?! "Әкеге қарап ұл өсер, анаға қарап қыз өсер" дейді халық даналығы. Отбасындағы басты мәселелердің бірі – баланың бойына барлық жақсы қасиеттерді дарытып, жанында жүрген жолдастарына дейін мән беруі керек. Сондай-ақ, табиғат сыйлаған дарыны болса соны дамытып, дұрыс білім алуына жағдай жасау да ата-ананың өмірлік парызы,-деді Жанат Тұяқбайқызы.&nbsp;</blockquote>Жақсы ата-ана жақсы балаларды тәрбиелейді. Болашақ ата-аналар арнайы әдебиеттерді оқу немесе тәрбиенің арнайы әдістерін меңгеру арқылы жақсы ата-ана боламын деп ойлайды. Бірақ тек білім алу жеткіліксіз. Сарапшылар баланы тәрбиелегісі келген ата-ана алдымен өз бойын түзеу керегін айтты.&nbsp;<blockquote>«Балалы әр бір ата-ана еш себепке қарамастан бала тәрбиесіндегі жауапкершілікті естен шығармауы керек. Бала үшін алғашқы ұстаз – ата-ана. Одан кейін білім беру ұйымдарындағы мұғалімдері. Кез келген бала жасаған тәртіпсіздігі мен басына түскен қиындығын ата-анасына қорықпай жеткізе білуі керек. Ата-анасы баланың мінсіз болғанын қалап, дауыс көтеріп ұрыса беретін болса, бала ешқашан ата-анаға ашылып әңгімесін айтпайды. Өйткені олар жазаланудан қорғады. Сондықтан жасөспірім шақта баламен дұрыс қарым-қатынас орнату маңызды», - деді Қызылорда облысы «Орда» жоғары колледжінің әдіскері, сарапшы Айнұр Бекенова.&nbsp;</blockquote><img src="https://knadmin.beoblood.kz/uploads/464244022_2125888194473348_4749369575442273421_n_47442baea4.jpg" alt="464244022_2125888194473348_4749369575442273421_n.jpg">Фото: anabol.kz

Бала тәрбиесіндегі ата-ананың жауапкершілігі тең болуы керек

<a href="https://kyzylorda-news.kz/">Kyzylorda-news.kz</a> &nbsp;Қазақстандағы танымал жастар жобасы «Жайдарманда» кадрлық өзгерістер орнады. Жобаның жаңа атқарушы директоры болып Жанасыл Болатбек <a href="https://turkystan.kz/article/250750-zhaidarman-zhobasyna-zhana-basshy-tagaiyndaldy">тағайындалды.</a>Жобаның Қазақстан бойынша 20-дан астам филиалы, 150 өкілдігі бар. Оның ішінде 5 республикалық лига мен 3 500 команданы қоса алғанда, 10 000-нан астам шара ұйымдастырып үлгерген. Айта кету керек, бұған дейін жобаның атқарушы директоры болған Есен Елеукен республикалық телеарнаның бас продюсері қызметіне тағайындалды.<blockquote>«Бұл ретте «Жайдарман» жобасының хабарлауы бойынша ойындар кестесі өзгермейді және келесі JAIDARMAN TOP финалдық ойыны жоспарланғандай 23 қарашада Астана қаласының Орталық концерт залында өтеді», - делінген хабарламада.</blockquote>Жанасыл Болатбек - Осыған дейін «Жайдарман» жобасының бас продюсері қызметін атқарған. Сонымен бірге Atameken Business телеарнасының Digital бөлімін басқарды. Елімізге танымал бірнеше жобалардың ұйымдастырушысы қызметін атқарды.Фото: instagram/jaidarman_production

«Жайдарман» жобасына жаңа басшы тағайындалды

<a href="https://kyzylorda-news.kz/">Kyzylorda-news.kz</a> Қызылорда облысында зейнет жасына жеткен ерлі-зайыптылар некеге тұрды. Некесін қидырған ер адамның жасы 75-те болса, әйел адамның жасы 62 жаста. Бұл туралы «Азаматтарға арналған үкімет» мемлекеттік корпорациясының облыстық филиалы мәлімдеді.Есенбай мен Құлбике Ташкенбаевтар ұзақ уақыт бойы қарым-қатынастарын заңдастырмай келген. Араға 25 жыл өткен соң бүгін заңды некеге тұрып отыр. Ерлі-зайыптылардың айтуынша, күнделікті қарбалас күндермен АХАТ-қа өтініш беруді ұмытып кеткен.Осы жылы ғана қарым-қатынасымызды ресми түрде тіркеуге қол жеткізілді. Өтінішті онлайн режимінде бердік. Онлайн түрде өзіміз жасай алмас едік, бізге немерелеріміз көмектесті. Осылайша енді қазір қолымызда неке қию туралы куәлігіміз бар», – дейді Есенбай Тәшкенбаев.<blockquote>«Тағдыр бізді біріктірді, мен оған өте қуаныштымын. Бұрын мен адамдар осы жаста үйленеді деген ойдан ұялатынмын. Бірақ, жинақталған өмірлік тәжірибе мен даналық осындай қадамға саналы түрде баруға мүмкіндік береді», – деді Құлбике Ташкенбаева.</blockquote>«Азаматтарға арналған үкімет» мемлекеттік корпорациясының Қызылорда облыстық филиалының ресми деректеріне сәйкес, жыл басынан бері өңірде 3 224 отбасы некелерін қидырған. Олардың басым көпшілігі 25 пен 34 жас аралығында. Сонымен қатар, биыл 60 жастан асқан 23 отбасы заңды некеге тұрған. Ал өткен жылы некелерін қидырған зейнет жасындағы азаматтардың саны 15 болған.Естеріңізге сала кетейік, некені тіркеуге өтінішті АХАТ басқармасында немесе электрондық үкімет порталы арқылы беруге болады. Өтінімді қарау мерзімі – 15 жұмыс күні. Сондай-ақ, жаңадан отау құрған жас жұбайлар С.Бейбарыс көшесі, 1а мекенжайында орналасқан Неке сарайында некелерін салтанатты түрде қию қызметі қолжетімді.<img src="https://knadmin.beoblood.kz/uploads/78c1afa7_92cc_4c09_b783_2ae41ed23a81_6abfe075c5.jpg" alt="78c1afa7-92cc-4c09-b783-2ae41ed23a81.jpg">

Қызылорда облысында қанша неке тіркелді?

<a href="https://kyzylorda-news.kz/">Kyzylorda-news.kz</a> 25 қазан Республика күніне орай ұйымдастырылған «AMANAT» партиясының кубогіне арналған «AMANAT CUP» XХIІ Республикалық пікірсайыс турнирі аяқталды.«AMANAT» партиясы жанындағы «Жастар Рухы» Жастар қанаты мен Ұлттық пікірсайыс федерациясы ұйымдастырып жатқан турнирдің финалдық ойындарына ҚР Парламенті Мəжілісінің депутаттары Самат Нұртаза, Болат Керімбек, Максим Рожин, журналист, «Уəде» тележобасының авторы Ерболат Мұхамеджан, Қызылорда облысы əкімінің орынбасары Шахмардан Байманов, «AMANAT» партиясы Қызылорда облыстық филиалының төрағасы Алмасбек Есмаханов жəне «Жастар Рухы» төрағасы Ақерке Искандерова, сондай-ақ жергілікті мəслихат депутаттары мен қоғам белсенділері қатысты.Турнирдің Американдық парламенттік формат ойындарының финалында «Қорқыт ата» фракциясы - Жакен Нұрхан, Жакен Нұркен (Алматы қаласы мен Ақтөбе облысынан құрылған команда) мен «Ақеспе» фракциясы - Əлішбаев Мұхаммедəлі, Есенов Темірлан (Алматы қаласы) кубокты ортаға салса, Линкольн-Дуглас форматында Жəкен Нұркен мен Есенов Темірлан үздік спикерлікке таласты.Ақтық сайыста төрешілік еткен журналист, «Уəде» тележобасының авторы Ерболат Мұхамеджанның айтуынша зияткер, сөзге шешен жастардың пікірін ашық білдіруіне мүмкіндік беру керек дейді:<blockquote>«AMANAT CUP бұл – пікірсайыс үшін дұрыс дәстүр қалыптастырып келе жатқан турнир. Ерекшелігі - жыл сайын Қазақстанның әр өңірінде өтуі. Бұл әр аймақта пікірсайыстың дамуына деген серпін. Осы сынды турнирлер көп болуы керек, әрі қарай дамуы керек. Тек қана «AMANAT» партиясы ғана емес, басқа да партиялар күш жұмылдырып, ықпал етуі керек деп ойлаймын. Болашақ мықты саясаткерлерді, кадрларды қалыптастаруда пікірсайыстың маңызы зор»,- деді Ерболат Мұхамеджан.</blockquote>Екі күнге жалғасқан ойын нəтижесі бойынша қазақ лигасында «AMANAT CUP» кубогы мен 600 000 теңгені Алматы қаласының «Ақеспе» фракциясы (Әлімбаев Мұхаммедәлі, Есенов Темірлан), 400 000 теңгемен ІІ орынды Алматы қаласы мен Ақтөбе облысынан құралған «Қорқыт ата» фракциясы (Жәкен Нұрхан, Жәкен Нұркен), ал Алматы облысынан «Райым» фракциясы (Бейсенәлі Құбыла, Жақсылық Ботагөз) жүлделі ІІІ орын мен 200 000 теңгені қанжығаларына байлады.Сонымен қатар, орыс лигасында кубок пен 600 000 теңгені Павлодар облысының «Қосжар» фракциясы (Жақсылык Бекхан, Итегулов Ақылжан), астаналық «Құмбазар» (Ролан Мұхитжан, Құнанбай Бердалы) 400 000 теңгемен ІІ орынды, ал жүлделі ІІІ орын мен 200 000 теңгені Қызылорда облысының «Амангелді» фракциясы (Бекжан Айзере, Төлебай Ердаулет) қанжығаларына байлады.Жастар қанаты əзірлеген Темірлан Есенов (қазақ лигасы), Жақсылык Бекхан (орыс лигасы) «Үздік спикер» номинациясын,&nbsp;«Үздік төреші» атағын қазақ лигасынан Архат Сарсенбаев пен орыс лигасынан Айжан Орынбасар иеленді.2024 жылғы «AMANAT CUP» жеңімпазы, «Ақеспе» фракциясының спикері Темірлан Есенов турнирден алған әсерімен бөлісті:<blockquote>«Биылғы «AMANAT» партиясының кубогіне арналған «AMANAT CUP» XХIІ Республикалық пікірсайыс турнирі қатысушылар арасында өте тартысты өтті. Осыған дейін өзге өңірлерде өткен турнирлерге қатысқан болатынмын. Міне, биыл кубокты иелену бұйырған екен. Жоғары ұйымдастырушылық деңгей &nbsp;мен әділ төрешілік үшін «Жастар Рухы» және Ұлттық пікірсайыс федерациясына рахметімді айтамын. Шын мықтылар сөз таластырған қызықты турнирге куә болдық. Сөзге шешен, тәуелсіз пікірі қалыптасқан жастар қатары көбейе берсін»,- деді Т. Есенов.</blockquote>Турнир үшінші жыл қатарынан «Жастар Рухы» серіктесі Ислам ынтымақтастығы ұйымы Жастар форумының Еуразиялық өңірлік орталығының қолдауымен өтуде.Ұйымдастырушылардың айтуынша Қазақстанның барлық аймақтарынан келген пікірсайысшылар Қызылорда қаласында 3 000 000 теңге көлеміндегі ақшалай жүлдеқор мен кубокқа таласты. Турнирде 120 жастан жиналған 60 фракция (қазақ-орыс) Британды, Америкалық жəне ЛД форматындато ойнады.<img src="https://knadmin.beoblood.kz/uploads/Amanat_1_3ee620b28d.jpg" alt="Аманат 1.jpg"><img src="https://knadmin.beoblood.kz/uploads/Amanat_2_1df654737a.jpg" alt="Аманат 2.jpg">&nbsp;

«AMANAT CUP» XХIІ Республикалық пікірсайыс турнирі мәресіне жетті

<a href="https://kyzylorda-news.kz/">Kyzylorda-news.kz</a> Талғарда кісі қолынан қаза тапқан 16 жасар Шерзат Болаттың ісі бойынша Алматы облысының бірнеше жоғары лауазымды полиция қызметкері <a href="https://kaz.inform.kz/news/sherzat-bolattin-olm-almati-oblisinda-brneshe-politsiya-kizmetker-lauaziminan-bosatildi-e250a6/">отставкаға</a> кетті.Ішкі істер министрі Ержан Сәденов Алматы облысы полиция департаментінің басшы құрамымен осы жылдың тоғыз айындағы жедел қызметтің қорытындысы бойынша жиын өткізді.Сонымен қатар, ҚР Ішкі істер министрлігі басшысының бұйрығымен бірқатар жоғары лауазымды полицей қызметінен босатылды:Алматы облысы полиция департаменті бастығының бірінші орынбасары Серік Шалқаров;Талғар аудандық полиция бөлімінің бастығы Нұржан Күнтүнов;Полиция департаментінің Алматы облысы бойынша экстремизмге қарсы күрес басқармасының басшысы Ұлан Байтақов;Алматы облыстық полиция департаменті криминалдық полиция басқармасының бастығы Руслан Смағұлов;Алматы облыстық полиция департаментінің ұйымдасқан қылмысқа қарсы күрес басқармасының бастығы Дулат Қайыр;Алматы облыстық полиция департаментінің ұйымдасқан қылмысқа қарсы күрес басқармасы бастығының орынбасары Жанат Омаров.Жедел кеңестің қорытындысы бойынша министр өңірдегі құқықтық тәртіпті және қоғамдық қауіпсіздікті қамтамасыз ету жөнінде нақты тапсырмалар берді.ІІМ басшысы Талғар ауданында кәмелетке толмаған баланы өлтіру фактісі бойынша тергеу жүргізіп жатқан жедел-тергеу тобын жеке тыңдады. Бұл бойынша нақты тапсырмалар берілді.Фото: polisia.kz

Шерзат Болаттың өлімі: Алматы облысында бірнеше полиция қызметкері лауазымынан босатылды

Қазалы: Тарихы тағылымға, бүгіні берекеге толы мекен

<a href="https://kyzylorda-news.kz/">Kyzylorda-news.kz</a> Цифрлық даму, инновациялар және аэроғарыш өнеркәсібі Вице-министрі Асхат Оразбек 2024 жылғы 16 қазанда Мәжілістегі пленарлық отырыста нөмірлік жоспарды мемлекетке қайтару бастамасын қолға алуды жоспарлап отырғанын мәлімдеді, деп хабарлайды <a href="https://kaz.zakon.kz/quqiq/6050832-azastanda-SIMkartalardy-satuda-zhaa-erezheler-engzlu-mmkn.html">Zakon.kz.</a>Мәселе депутат Асхат Рахымжановтың киберқылмыс туралы сұрағынан кейін көтерілді. Ол алаяқтықтың бұл түрі тек онлайн режимінде ғана емес, сонымен қатар азаматтар туралы толық ақпаратқа ие банктердің өзінде белең алуда екендігін айтты.<blockquote>"ХҚКО-ларға, EGOV порталына, ұялы байланыс операторларына деректердің құпиялылығы бөлігіне байланысты көптеген сұрақтар бар. Сондай-ақ, алаяқтарды іздеу бойынша іс жүзінде ешқандай әрекет атқармайтын полиция қызметкерлерінің пассивтілігін атап өткім келеді. Алаяқтыққа қатысы бар ұялы байланыс операторларына қандай шаралар қарастырылған? Банктер мен МҚҰ-ның ақпараттық қауіпсіздігін қамтамасыз ету және күшейту, сондай-ақ алаяқтық схемаларды анықтау, алдын алу бойынша іс-шаралар ұйымдастырылды ма? Алаяқтық білігін тоқтату үшін қандай заңнамалық нормалар әзірлеу керек?",- деп сұрады депутат.</blockquote>ІІМ өкілі Айдос Рысбаев алаяқтар қазақстандық SIM-карталар арқылы қоңырау шала бастағанын атап өтті.<blockquote>"Біз осы фактілерге жол бермеу бойынша жұмыс жүргізіп жатырмыз. Бүгінгі таңда ірі үш топ құрықталды. Олардан 19 құрылғы, 3,5 мыңға жуық SIM-карта тәркіленді. Қылмыстық істі тергеу аясында біз бұл SIM карталардың қылмыскерлердің қолына қалай түскенін анықтаймыз. Іс ІІМ басшылығының тұрақты бақылауында", — деп толықтырды ол.</blockquote>Фото: gov4c.kz

Қазақстанда SIM-карталарды сатуда жаңа ережелер енгізілуі мүмкін

<a href="https://kyzylorda-news.kz/">Kyzylorda-news.kz</a> Бүгін біз өз өмірін қауіп-қатерге тігіп, ел тыныштығын сақтауға үлес қосып жүрген құтқарушылардың кәсіби мерекесі. Апаттың алдын алу, тосын жағдайларда жедел әрекет ету және адамдардың өмірін сақтау – нағыз ерліктің көрінісі.Іс-шара ҚР ТЖМ генерал-майор Шыңғыс Әріновтың құттықтау сөзімен басталып, Қызылорда облысының Төтенше жағдайлар департаментінің бастығы, полковник Руслан Қайрақбаевтың құтқарушыларға жылы лебізімен жалғасты. Одан соң қайта жаңғыртылған «Отқа оранған өреңдер» атты мемориалды ескерткішке гүл шоқтары қойылды. Мерейлі мерекеде қызметтік міндеттерін үлгілі орындаған және жоғары нәтижелерге қол жеткізген бірқатар қызметкерлер ведомствалық наградалармен марапатталды. Атап айтқанда, Сырдария ауданы Төтенше жағдайлар бөлімінің бастығы Қанат Шарафадиновке «Азаматтық қорғау подполковнигі» кезекті арнаулы атағы берілсе, Төтенше жағдайлардың алдын алу бөлімінің бастығы Бейбітхан Спанов «Азаматтық қорғау жүйесін дамытуға қосқан үлесі үшін» төс белгісімен марапатталды. Қызметкерлерден бөлек, көп қабатты тұрғын үйдің терезесін сүртпек болып, құлап кете жаздаған әйелді жедел әрекет етіп, құтқарып қалғаны үшін Каипов Олег пен жазғы кезеңде 2 жасар баланы бассейнде суға батудан құтқарғаны үшін Хұсайын Айсұлтан да марапат иегері болды.

Бүгін - құтқарушылар күні 

<a href="https://kyzylorda-news.kz/">Kyzylorda-news.kz</a> Қызылорда облыстық Жастар ресустық орталығында &nbsp;визажист &nbsp;Серік Арайлым қыз-келіншектерге &nbsp;тегін шеберлік сабағын өткізді. Бұл шараға Қызылорда қалалық пробация есебіндегі әйел азаматшалар да қатысты. Тәжірибелі визажист Серік Арайлым оларға бет әрлеудің түрлі техникаларын, декоративті косметиканы дұрыс таңдау жолдарын үйретті. Сонымен қоса&nbsp;бетке арналған жақпа майларды дұрыс қолдануға,макияж жасау кезінде жиі жіберілетін қателіктер жайлы кеңестер берді.<blockquote>–&nbsp;Бүгін тәжірибелі маманнан көп нәрсе үйрендік.&nbsp;Макияжды әдемі жасау үшін өнерлі болу керек деп ойлаймын.&nbsp;Визажист бүгінгі қоғамда ең көп сұранысқа ие&nbsp;мамандықтардың бірі. Сондықтан осы визажистпен кездесуді асыға күттім. Бет әрлеудің әдіс -тәсілдерін үйреніп, сертификат алдым. Әрбір қыз баласы бетін әрлеп,боянып жүру керек деп есептеймін.Болашақта менде кәсіби визажист болғым келеді.Бүгінгі кездесуді ұйымдастырған Жастар ресурстық орталығы мен пробация қызметіне алғысым шексіз деді,-есептегі азаматша.</blockquote>

Қазақстан және Қызылорда облысының жаңалықтары: Қоғам