<a href="https://kyzylorda-news.kz/">Kyzylorda-news.kz</a> Сенат төрағасы Мәулен Әшімбаев «Қазақстан Республикасында бала құқықтарын қорғау: даму жолындағы жетістіктер мен алдағы басымдықтар» атты конференцияға қатысты, деп хабарлайды <a href="https://baq.kz/zorlyq-zombylyqtyn-kez-kelgen-turi-ushin-zhauapkershilik-kusheydi-ashimbaev-200002530/">BAQ.KZ.</a>Сенат пен ЮНИСЕФ бірлесіп ұйымдастырған іс-шара Қазақстанның Біріккен Ұлттар Ұйымының Бала құқықтары туралы конвенциясын ратификациялағанына 30 жыл толуына арналды. Конференцияда депутаттар, мемлекеттік органдардың, сараптамалық және ғылыми қоғамдастықтардың өкілдері аталған бағыттағы бірлескен жұмыстың мақсат-міндеттерін белгілеп, бала құқықтарын қорғау жөніндегі бастамаларды одан әрі арттыруды көздейтін ұсынымдар әзірледі.Мәулен Әшімбаев атап өткендей, БҰҰ-ның Бала құқықтары туралы конвенциясы әлем бойынша балалардың құқықтарын қорғауды қамтамасыз етуге арналған негізгі құжат. Конвенция – Қазақстан тәуелсіздік алғаннан кейін ратификациялаған алғашқы халықаралық шарттардың бірі. Сондықтан ол балалардың құқықтары мен мүдделерін қорғау саласындағы ұлттық заңнаманы жетілдіру ісінде маңызды рөл атқарды.Балалардың құқықтары мен заңды мүдделерін қамтамасыз ету – Қазақстанның мемлекеттік саясатының маңызды бағыттарының бірі. Бұл мәселеге Президентіміз Қасым-Жомарт Кемелұлы Тоқаев үнемі баса мән беріп келеді. Бала құқықтары туралы конвенция әлемдік қоғамдастық үшін үлкен маңызға ие және ол біздің Біріккен Ұлттар Ұйымының Балалар қорымен (ЮНИСЕФ) ынтымақтастығымызға негіз болды. Осы жылдар ішінде Қазақстан мен ЮНИСЕФ бірлесіп, түрлі бағдарламалар мен бастамаларды іске асырды. Бала құқықтары жөніндегі уәкіл институты құрылды. Білім беру сапасын жақсарту және инклюзивті білім беру жүйесін қалыптастыруға арналған реформалар жүзеге асырылып жатыр. ЮНИСЕФ-тің көмегімен елде бала құқықтарының іске асырылуын бағалау және оған мониторинг жүргізу үшін Қазақстан балаларының хал-ахуал индексі енгізілді, – деп, Палата Спикері Қазақстанда «Ұлттық қор – балаларға» бағдарламасы Бала құқықтары жөніндегі конвенцияның ратификацияланғанына 30 жыл толған кезеңде қолға алынуының символикалық мәніне назар аударды.Конференция барысында бала мүддесін қорғауға кедергі келтіретін қазіргі сын-қатерлер және оларды еңсеру жолдары, соның ішінде аталған бағыттағы ұлттық құқықтық жүйені жетілдіру мәселелері талқыланды.Мәулен Әшімбаев өз сөзінде Қазақстанның ЮНИСЕФ-пен ынтымақтастығының негізгі басымдықтарының бірі бала құқықтарын қорғау саласындағы халықаралық озық тәжірибелерді интеграциялау мүмкіндігі екенін айтты. Сондай-ақ Парламент Сенатының ЮНИСЕФ-пен бірлескен заңнамалық бастамаларына, оның ішінде балалардың өмір сүру сапасын жақсартуға, осал санаттағы балалары бар отбасыларды әлеуметтік қолдауға арналған құқықтық тетіктерге назар аударды.<blockquote>Елімізде балаларға қатысты зорлық-зомбылыққа нөлдік төзімділік айрықша маңызға ие. Осыған байланысты биыл сәуір айында Мемлекет басшысының тапсырмасымен ел заңнамасына өзгерістер мен толықтырулар енгізілді. Сол арқылы балаларға қатысты зорлық-зомбылықтың кез келген түрі үшін жауапкершілік айтарлықтай күшейді. Осы және басқа да бастамалар Президентіміз Қасым-Жомарт Кемелұлы Тоқаев қолға алған реформалардың ажырамас бөлшегі екенін атап өткен жөн. Оның бәрі Әділетті Қазақстан қалыптастыруды көздейді. Біз алдағы уақытта да ЮНИСЕФ-пен серіктестікті нығайтуды жалғастыра береміз және жаңа идеялар мен жобаларды іске асыруға дайынбыз, –деп, Мәулен Әшімбаев бала құқықтарын қорғау жолындағы тиімді бірлескен жұмыс үшін ЮНИСЕФ-ке және барлық серіктестерге ризашылық білдірді.</blockquote>Іс-шара барысында сарапшылар басқа да өзекті мәселелерді талқылады. Нақты айтқанда, баланың қалыптасуына ақпараттық кеңістік пен цифрлық технологиялардың әсері кеңінен сөз болды. Форумға қатысушылар мұндай проблемаларды шешу үшін ведомствоаралық кешенді тәсіл қажет екенін айтты.<blockquote>Қазақстан балаларға қатысты зорлық-зомбылыққа қарсы күресте тұрақты ілгерілеп келеді. Бұл бағыттағы цифрлық әлемге қатысты ахуал да көңіл көншітеді. Биыл сәуірде әйелдердің құқықтары мен балалардың қауіпсіздігін қамтамасыз ету туралы жаңа заң қабылданды және тың заңнамалық бастамалар да қолға алынып жатыр. Осыларды ескере отырып, қазір Қазақстан балаларды қорғау жүйесін нығайтудың маңызды кезеңінде деуге толық негіз бар. ЮНИСЕФ Қазақстанмен ынтымақтастықты және елдің әрбір бала үшін қауіпсіз болашақ қалыптастыруға қосқан үлесін жоғары бағалайды. Ұйым алдағы уақытта да бұл саладағы реформаларды қолдауға дайын. Біз бірлесіп, жаңа сын-қатерлерді еңсереміз және бала құқықтары толығымен жүзеге асырылатын әлем құра аламыз, – деді ЮНИСЕФ-тің Қазақстандағы Өкілі Рашед Мустафа Сарвар.</blockquote>Сонымен қатар Конференцияда Бала құқықтары жөніндегі уәкіл Динара Зәкиева, Оқу-ағарту министрі Ғани Бейсембаев, ЮНИСЕФ-тің халықаралық консультанты Лидия Галеано, С.Аманжолов атындағы ШҚМУ Психология және коррекциялық педагогика кафедрасының профессоры Ирина Мацкевич және тағы басқа сарапшылар сөз сөйледі.Фото: &nbsp;Сенат&nbsp;

Зорлық-зомбылықтың кез келген түрі үшін жауапкершілік күшейді – Әшімбаев

<a href="https://kyzylorda-news.kz/">Kyzylorda-news.kz</a> Доллардың қымбаттауы азық-түлік бағасына қалай әсер ететінін Ұлттық банк төрағасы Тимур Сүлейменов түсіндіріп берді, деп хабарлайды<a href="https://el.kz/dollardyn-qymbattauy-azyq-tulik-bagasyna-qalay-aser-etedi-suleymenov-zhauap-berdi_400004300/"> El.kz</a>Сүлейменов доллар бағамының өсуі азық-түлік өнімдерінің бағасына әсер етпейді деп сендірді.<blockquote>Еліміздің азық-түлік қауіпсіздігін қамтамасыз ету деңгейі жоғары. Соңғы жылдары Ауыл шаруашылығы министрлігі мен фермерлер біріге отырып, ішкі ұсынысты арттырды. Сол себепті азық-түлік бағасы айтарлықтай өзгереді деп ойламаймын, - деп нақтылады ол.</blockquote>Сондай-ақ Ұлттық банк төрағасы нарықта «ойыншы» ретінде әрекет етіп, Ұлттық қордан трансферттер сататынын алға тартты. &nbsp;<blockquote>Нарықты реттемейміз, тек интервенциялар арқылы нарықты «тыныштандыруға» тырысамыз, - деді Сүлейменов.</blockquote><span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Фото: nnm.ru

Доллардың қымбаттауы азық-түлік бағасына қалай әсер етеді? Сүлейменов жауап берді

<a href="https://kyzylorda-news.kz/">Kyzylorda-news.kz</a> Алматыда жеке сот орындаушысы әлеуметтік маңызды санаттағы істердің өндіріп алу бағыты бойынша бірқатар заңбұзушылықтарға жол берген,&nbsp;деп хабарлайды<a href="https://el.kz/zheke-sot-oryndaushysy-litsenziyasynan-ayyryldy_400004322/"> El.kz </a>ақпарат агенттігі.Қала прокуратурасының мәліметінше, алимент өндіріп алуға байланысты 6 атқарушылық іс жүргізу кезінде заңбұзушылықтар анықталды. Сот орындаушысы іс жүргізулерді бір өңірден екінші өңірге негізсіз жолдай отырып, жасанды жолмен созбалаңдыққа салуға жол берген.<blockquote>Сондай-ақ, бұғаттауларды заңсыз алып тастау, берешектерді өндіріп алу бойынша шараларды уақтылы қабылдамау және уәкілетті органдардың талаптарын елемеу жағдайлары анықталды, – делінген прокуратура хабарламасында.</blockquote>Алатау ауданы прокуратурасының қадағалау актісі бойынша Алматы қалалық сотының қаулысымен жеке сот орындаушысы мемлекеттік лицензиясынан айырылды.Қаулы заңды күшіне енді.<span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Фото: El.kz/Ербол БЕКБОЛАТ

Жеке сот орындаушысы лицензиясынан айырылды

<a href="https://kyzylorda-news.kz/">Kyzylorda-news.kz</a> Елімізде 1 желтоқсаннан бастап не өзгереді? <a href="https://baq.kz/1-zheltoqsannan-bastap-ne-ozgeredi-200002287/">BAQ.KZ</a> тілшісі шолу жасап көрді.Тәуелсіздік күні16 желтоқсан – қазақ тарихындағы ең бір елеулі дата. Ол – Тәуелсіздік күні.Қазір 16 желтоқсан ұлттық мереке болып есептелмейді. Бұл мәртебе 25 қазан – Республика күніне берілген. Дегенмен 16 желтоқсанның символикалық мәні мен тарихи маңызы солғын тартып қалған жоқ.Желтоқсанда неше күн демаламыз?Желтоқсан айында 5 күн жұмыс істейтін қазақстандықтар 10 күн, ал 6 күн жұмыс істейтін азаматтар 6 күн демалады.Желтоқсан айындағы басты мереке 16 желтоқсан – Тәуелсіздік күні дүйсенбіге келіп тұр. Мерекеге орай 5 күн жұмыс істейтін азаматтар 14,15,16 желтоқсан үш күн қатарынан демалады. 6 күндік жұмыс кестесі бойынша 14 желтоқсан жұмыс күні, ал 15 және 16 желтоқсан – демалыс.31 желтоқсан жұмыс күні екенін естен шығармаймыз.Елге көлік әкелу тәртібі өзгеруі мүмкін1 желтоқсаннан бастап елімізге көлік әкелу тәртібі өзгеруі мүмкін. Мемлекеттік кірістер комитетінің мәліметінше, бұл жаңа көліктерге яғни зауыттан шыққанына 3 жыл болмаған автомобильдерге қатысты болмақ.Қазақстан Республикасы Өнеркәсіп және құрылыс министрлігінің түсіндірмесіне сәйкес, дайындалған күнінен бастап 3 жылдан аз уақыт өткен және КҚТМ негізінде әкелінетін көлік құралдарын КҚТМ-да көрсетілген, ЕЭК Кеңесінің 2021 жылғы 12 қарашадағы № 130 шешімімен бекітілген ЕАЭО кедендік аумағына сәйкестігі міндетті бағалауға жататын өнімді ЕАЭО кедендік аумағына әкелу қағидаларының 10-тармағының б) тармақшасын қолдана отырып ресімделген тұлғалар ғана әкелуге құқығы бар, – делінген комитет хабарламасында.Жаңа ереже бойынша, Қазақстанға көлік құралдарын әкелетін заңды тұлғалар көліктің техникалық регламент талаптарына сәйкестігін растайтын КҚТМ құжатына ие болуы тиіс.Комитеттің хабарлауынша, бұл өзгерістер 2024 жылдың 1 желтоқсанынан бастап күшіне енеді.Қазақстандықтардың Ресейге кіру тәртібі өзгереді1 желтоқсаннан бастап қазақстандықтар Ресейге кірген кезде биометриялық деректерін тапсыруға міндеттеледі.Қазақстан Республикасының Ресей Федерациясындағы елшілігінің мәліметінше,&nbsp;Ресей Федерациясы Үкіметінің 2024 жылғы 7 қарашадағы №1510 қаулысына сәйкес, Ресейде елге кіру және шығу кезінде шетел азаматтарынан (оның ішінде Қазақстан азаматтарынан) және азаматтығы жоқ адамдардан биометриялық деректерін жинау бойынша эксперименттік жоба басталды.Эксперименттің бірінші кезеңінде,&nbsp;2024 жылғы 1 желтоқсаннан 2026 жылғы 30 маусымға дейін&nbsp;Мәскеу қаласының халықаралық әуежайларына (Домодедово, Шереметьево, Внуково және Жуковский), сондай-ақ Орынбор облысындағы «Маштаково» автомобиль өткізу пункті арқылы келетін Қазақстан азаматтары биометриялық деректерін – бет бейнесі мен саусақ іздерін тапсыруға міндетті.Жазғы дөңгелекпен жүрген жүргізушілер айыппұл төлейді2024 жылғы 1 желтоқсаннан 2025 жылғы 1 наурызға дейін қазақстандық жүргізушілер қысқы дөңгелекпен жүруге міндетті.Оны елемеу ӘҚБтК-нің 590-бабы бойынша&nbsp;5 АЕК (18 460 теңге)&nbsp;көлемінде айыппұл салуға әкеп соғады. Температураның нөлден жоғары болуы немесе қардың болуы маңызды емес.Оқушылар қысқы каникулға шығадыБалалар екінші тоқсанды аяқтап, қысқы каникулға шығады.ІІ тоқсан – сегіз оқу аптасы, қысқы демалыс – 10 күн, 2024 жылғы 30 желтоқсаннан 2025 жылғы 8 қаңтарды қоса алғанда.Ереже бұзғандар айыппұл төлейді4 желтоқсаннан бастап халықаралық және республикалық маңызы бар тас жолдарда орташа жылдамдықты асырған көлік жүргізушілеріне айыппұл салынады. Айыппұл мөлшері 5-тен 40 АЕК-ке дейін (18 460 теңгеден 147 680 теңгеге дейін) өзгереді. Жылдамдықты 60 шақырымнан асырғандар 150 мың теңгеге жуық төлейді.Тарифтер қымбаттайдыҰялы байланыс операторлары желтоқсанда ұялы байланыс пен интернет бағасы қымбаттайтыны туралы хабарлама таратты.Қыс қандай болады?Синоптиктер Қазақстанда алдағы 2024-2025 жылғы қыс мезгіліне арналған ауа райы болжамын ұсынды.2024 жылдың желтоқсаны еліміздің басым бөлігінде қар жауып, бұрқасын, екпінді жел күтіледі. Оңтүстік облыстарда жауын-шашын жаңбыр мен бұрқасын түрінде жауады, таулы аймақтарда қалың қар жаууы мүмкін. Еліміздің батысы мен оңтүстігінде көктайғақ болып, тұман түседі.Солтүстік және орталықта айдың бірінші жартысында түнде -18, -23 градустан -7, -12 градусқа дейін, күндіз -4, +1 градустан -8, -13 градусқа дейін. Айдың екінші жартысында түнде -25, -37 градусқа дейін, күндіз -15, -25 градусқа дейін суық болады, дегенмен кей күндері аяз төмендейді.Оңтүстік және оңтүстік-шығыста түнде -10, -18 градустан 0, -5 градусқа дейін, күндіз 0, -5 градустан +3, +12 градусқа дейін болады. Желтоқсанның аяғында аяз түнде -15, -22, күндіз -5, -13 градусқа дейін күшейеді.2025 жылғы қаңтарда Қазақстанның басым бөлігінде ауа температурасы климаттық нормаға жақын болады деп күтілуде. Қарлы күндер де, жауын-шашынсыз кезең де болуы мүмкін. Ақпан айында еліміздің басым бөлігінде ауа температурасы орташа деңгейден 1 градусқа жоғары болады. Жалпы, 2024-2025 жылдардағы қыста жауын-шашынның көпжылдық нормадан асатын температуралық режимі климаттық норма шегінде болады деп күтілуде, алайда жауын-шашынның тоқтауы және ауа температурасы нормадан төмен болмайды.Диқандарға қаржы беріледіПремьер-министр Олжас Бектенов Ауыл шаруашылығы министрлігі мен «Бәйтерек» холдингіне тез арада өтінімдер пулын жинақтап, 1 желтоқсаннан бастап 2025 жылғы көктемгі егіс және жиын-терім жұмыстарын сапалы жүргізу үшін дихандарды қаржыландыру жұмыстарына кірісуді тапсырды.Азық-түлік корпорациясы фермерлерден астықты қолайлы бағамен тікелей сатып алуды қамтамасыз етуі керек.Фото: Halyq Uni

1 желтоқсаннан бастап Қазақстанда не өзгереді?

<a href="https://kyzylorda-news.kz/">Kyzylorda-news.kz</a> &nbsp;2024 жылғы 25 қарашадағы жағдай бойынша 12 835 азаматқа зиянды еңбек жағдайларында ұзақ уақыт жұмыс істеген адамдарға арналған арнаулы әлеуметтік төлем тағайындалды. Бұл жайлы ҚР Еңбек және халықты әлеуметтік қорғау министрлігі мәлімдеді, - деп хабарлайды <a href="https://massaget.kz/news/208-myin-tenge-kazakstandyiktarga-arnaulyi-aleumettk-tolem-121131/?fbclid=IwY2xjawG2ashleHRuA2FlbQIxMQABHWC-kZ_uk0-uu_MNzmgORZ9lxFn-j7VGaFKzMvizkopJaKCAWKRTLjjmow_aem_-YS9sWZp_yfSbtbYFZDIhQ">Massaget.kz</a> тілшісі.Бұл төлемді алуға жалпы 13 673 адам өтініш білдірген.<blockquote>"Екі көзден төленетін арнаулы әлеуметтік төлемге (республикалық бюджет және Бірыңғай жинақтаушы зейнетақы қоры) 3 151 адам жүгінді, оның ішінде 3 037 адамға тағайындалды. Төрт қаржыландыру көзінен берілетін АӘТ (республикалық бюджет, Бірыңғай жинақтаушы зейнетақы қоры, жұмыс беруші және өмірді сақтандыру ұйымы) тағайындауға 10 522 адам өтініш білдіріп, оның 9 798-іне тағайындалды", - деді министрлікте.</blockquote>Өңірлер бойынша арнаулы әлеуметтік төлемдерді алуға өтініш білдіргендердің ең көп саны Қарағанды ​​(2 көзден - 538 адам, 4 көзден - 1 835 адам), Қостанай (2 көзден - 340 адам, ал 4 көзден - 1 151 адам) және Шығыс Қазақстан (2 көзден - 283 адам, ал 4 көзден - 1 173 адам) облыстарында тіркелген.Арнаулы әлеуметтік төлемді алудың шарттары қандай?2024 жылдың 1 қаңтарынан бастап Қазақстанда зиянды еңбек жағдайларында ұзақ уақыт жұмыс істеген адамдарға арнаулы әлеуметтік төлем енгізілді.Арнаулы әлеуметтік төлем зиянды еңбек жағдайларында ұзақ уақыт жұмыс істеген адамдарға беріледі. Сондай-ақ мынадай талаптарға сай болуы керек:55 жасқа толу; Бірыңғай жинақтаушы зейнетақы қорында кемінде 7 жыл кәсіптік зейнетақы аударымдарының болуы.Төлем зейнеткерлік жасқа дейін төленеді. Арнаулы әлеуметтік төлемдерді алу үшін ол ары қарай зиянды жұмыстармен айналыспауы тиіс. Жұмыскерлер жеңіл жұмысқа ауыса алады, содан кейін олар жалақы мен төлем алады немесе демалысқа шығып, зейнетке шыққанға дейін арнаулы әлеуметтік төлем алады.Арнаулы әлеуметтік төлемнің мөлшері қандай?БЖЗҚ деректері бойынша оған 2024 жылы 37 мыңнан астам жұмыскер үміткер бола алады. Жалпы төлемнің орташа мөлшері 208 мың теңгеден асады. Әрбір жұмыскер үшін төлем мөлшері БЖЗҚ-дағы жинақтарына байланысты болады.Фото: depositphotos.com

208 мың теңге: қазақстандықтарға арнаулы әлеуметтік төлем тағайындалды

<a href="https://kyzylorda-news.kz/">Kyzylorda-news.kz</a> Қазақстанның «Байтақ» жасылдар партиясының ұйымдастыруымен бүгін Түркістан қаласында «ARAL - 2024» жасылдар партияларының халықаралық І саммиті өтті.&nbsp;Арал теңізінің ахуалы адамзатты алаңдатып отыр. Орталық Азия және Каспий маңы елдері қоршаған ортаны, соның ішінде Арал теңізін қорғау бағытында ортақ келісімдер мен шешімдер қабылдап келеді. Қазақстан Президенті Қасым-Жомарт Тоқаев биыл Бакудегі Дүниежүзілік климат саммитінде де Арал теңізін құтқару үшін нақты шаралар жасалып жатқанын атап өтті.Климаттық өзгерістерге төтеп беру, апатқа ұшыраған Арал аумағын оңалту, трансшекаралық өзендердің су қорын тиімді пайдалану, су үнемдеу технологияларын кеңінен қолдану — жауапкершілігі мен маңызы жоғары кешенді жұмыс. Қазақстанның «Байтақ» жасылдар партиясы айтулы мәселелерді шешу үшін түрлі деңгейде бірлескен күш-жігер қажет екеніне назар аударғысы келеді. Осы орайда тұңғыш рет бірқатар мемлекеттегі жасылдар партияларының басын қосып жатқан «ARAL - 2024» саммитінің арқалайтын жүгі ауыр.Саммитте күн тәртібіндегі экологиялық мәселелердің шешу жолдары және солардың түйінін тарқатудағы жасылдар партияларының рөлі сараланды. &nbsp;Сонымен қатар, Мемлекет басшысы Қасым-Жомарт Тоқаевтың тапсырмасымен қолға алынған «Таза Қазақстан» акциясының ықпалы да талқы тақырыбына айналды. «Байтақ» партиясы қоғамдағы экологиялық мәдениетті қалыптастыруға серпін беретін бастаманы қолдап, өз үлесін қосып келеді.&nbsp;Саммиттің ашылуында сөз алған «Байтақ» жасылдар партиясының төрағасы Азаматхан Әміртаев су қауіпсіздігі – Орталық Азиядағы ең өзекті мәселелердің бірі екенін атап өтті.<blockquote>«БҰҰ деректері бойынша, 2050 жылға қарай Орталық Азия халқының саны 90 миллион адамға жеткен кезде су тапшылығы 25-30 пайызға дейін болуы мүмкін. Сонымен қатар, егіншілікке пайдаланылатын су ресурстарына қажеттілік 2030 жылға дейін 30 пайызға артуы ықтимал. Бұл экономикалық көрсеткіштер мен азаматтардың табыс деңгейіне де кері әсерін тигізеді, – деп атап өтті А.Әміртаев. – Су тапшылығы мәселесі аймақта қақтығыстар мен тұрақсыздық қаупін, әсіресе сыртқы күштердің араласу қаупін туындатады. Қазіргі уақытта Орталық Азия елдері арасында су және климаттың өзгеруі мәселелері бойынша бірлескен ынтымақтастықты және өңірлік интеграцияны белсендіру қажеттілігі туындап отыр. Аймақ елдері серіктестік пен тату көршілік жолын ұстануы тиіс».</blockquote>Сонымен қатар, ол «Байтақ» партиясының Қазақстан гидросферасын сақтауға қосқан үлесіне тоқталды. Мысалы, партия су ресурстарын ұтымды пайдалану бойынша семинарлар мен түсіндіру жұмыстарын жүргізуде, Арал және басқа өңірлерді көгалдандыру жобаларын жүзеге асыруда, сондай-ақ ағынды және ластанған суларды тазарту мен қайта пайдалану бойынша жаңа технологияларды енгізуде.Ал Қырғызстан Жасылдар партиясының төрағасы Еркін Бөлекбаев аймақ республикалары үшін экологиялық қауіпсіздікті қамтамасыз ету ұлттық қауіпсіздіктің құрамдас бөлігі ретінде өзекті мәселе екенін атап өтті.<blockquote>«Қырғызстан Жасылдар партиясы экологиялық мәселелердің салдары экожүйелер мен халық денсаулығына қазірдің өзінде әсер етіп жатқанына алаңдаушылық білдіреді», – деді Е.Бөлекбаев.</blockquote>Спикердің айтуынша, бүгінде Қырғызстанда қоршаған ортаны қорғау тек коммерциялық мүдделер мен баюды көздейтіндердің қысымына төтеп бере алмай отыр. Адам факторы мұздықтардың еруіне әкеліп, ерекше алаңдаушылық туғызуда. Болжамдарға сәйкес, 2025 жылға қарай Қырғызстандағы мұздықтардың ауданы орта есеппен 30-40%-ға қысқаруы мүмкін. Қазірдің өзінде шамамен 604 мың қырғызстандық ауыз су тапшылығын сезінуде.<blockquote>«Бұл – мемлекеттің экологияға жауапты органдары өздеріне жүктелген міндеттерді орындай алмай отырғанын тағы бір рет дәлелдейді. Табиғатты қорғау қызметінің жекелеген бағыттары мүлдем іске аспай жатқанын, жалпы көптеген олқылықтар жіберілгенін сарапшылар айтудай-ақ айтып келеді, – деп нақтылады Е.Бөлекбаев. – Қырғызстан су ресурстарын тұрақты басқару және климаттың өзгеруіне бейімделу үшін инновациялық технологиялар мен халықаралық ынтымақтастықты пайдалану мүмкіндіктеріне ие. Су мәселелері бойынша өзара әрекеттестік Орталық Азия елдерінің әлеуметтік-экономикалық дамуы үшін ерекше маңызды».</blockquote>Ресейдің экологиялық «Жасылдар» партиясының тең төрайымы Александра Кудзагова табиғатта болып жатқан ауқымды үдерістер мен өзгерістерді халыққа жеткізуде «жасыл» партиялардың рөлі зор екенін атап өтті. Су тасқын сияқты табиғи апат 50 жылға жетпей қайта қайталанады, ал кейіннен бұл құбылыс қалыпты жағдайға айналуы мүмкін. «Жасыл» партиялар – ғылыми білімдерді халыққа түсіндіретін, апаттардың алдын алуға көмектесетін маңызды күш-құрал.<blockquote>«Росгидрометтің деректері бойынша, Қазақстанмен шектесетін Ресей облыстарында жазда жауын-шашын мөлшері азаяды. Қалмақия, Астрахань және Волгоград облыстары мен Дағыстанда шөл және жартылай шөл аудандарының аумағы жыл сайын 500 шаршы километрге ұлғаюда, – деп атап өтті А.Кудзагова. – Біздің ойымызша, Орталық Азияда КСРО-дан мұраға қалған гидротехникалық жүйені кеңейту жұмыстарын дереу бастау қажет. Бұл жүйе қазіргі және болашақ климаттық жағдайларға бейімделмеген. Жаңа су қоймаларын және осы су қоймаларын байланыстыратын жаңа каналдар салу қажет».</blockquote>Өз баяндамасында А.Кудзагова атом энергетикасын дамытуды қолдау және оның артықшылықтары туралы да айтты. Бұл тек экономикаға ғана емес, сонымен бірге су мәселелерін шешуге де ықпал етеді.Моңғолияның «Азаматтық ерік» Жасыл партиясы төрағасының орынбасары Тогоочийн Бат-Эрдэнэ «Жасыл синергия: өңірлік экологиялық мәселелерді шешу және ынтымақтастық мүмкіндіктері» тақырыбында баяндама жасады.Өзбекстан экологиялық партиясы атынан партияның Орталық кеңесі Атқарушы комитетінің бөлім жетекшісі Комилжон Жураев сөз сөйледі. Ол партияның ауаның ластануын болдырмау, биологиялық әртүрліліктің қысқаруын азайту және климаттың өзгеруіне бейімделу бойынша ауқымды жұмыстарына белсенді қатысып отырғанын атап өтті.<blockquote>«Бүгін I жасыл партиялар саммиті аясында біз барлық қатысушыларды тек табиғатты ғана емес, адамдардың тағдырын да бұзатын экологиялық апаттардың алдын алу үшін күш-жігерді қолдауға шақырамыз. Арал апаты, оның салдарын біз Өзбекстан жақсы білеміз, баршамызға сабақ болуы керек. Тек бірлескен әрекеттер арқылы біз климаттық өзгерістердің салдарын жеңілдетіп, биологиялық әртүрлілікті сақтай аламыз, – деді К.Жураев. – Біздің ойымызша, Өзбекстан экологиялық партиясы болашақтың жасыл дамуға тиесілі екеніне сенеді. Жасыл даму бейбітшілікті нығайтады, үйлесімділікті қамтамасыз етеді және барлық халықтың гүлденуі үшін тұрақты негіз қалайды. Табиғат үшін, бейбітшілік үшін және болашақ үшін бірігейік».</blockquote>Іс-шараның қорытындысында спикерлер «ARAL – 2024» жасыл партиялардың I саммиті экологиялық мәселелердің ауқымын түсініп қана қоймай, сондай-ақ бірлескен тиімді ынтымақтастық үшін платформа құруға арналғанын атап өтті. Олар тек бірлесе отырып қана климаттық сын-қатерлерді шешуге, экожүйелерді нығайтуға және табиғи байлықты сақтауға қадам жасауға болатынын айтты. Жиналғандар Қазақстандық «БАЙТАҚ» жасылдар партиясының төрағасыА.Әміртаевтың жасылдар саммитін тұрақты негізде өткізу қажеттілігі туралы мәлімдемесін қолдады.Саммит барысында Қазақстан, Қырғызстан, Өзбекстан, Ресей және Моңғолия жасыл партиялары арасында ынтымақтастық туралы меморандумға қол қойылды. Атап айтқанда, тараптар табиғатты қорғау шараларын өткізу, халық арасында экологиялық білім мен үгіт-насихатты бірлесіп кеңейту, сондай-ақ қоршаған ортаны қорғау және табиғи ресурстарды пайдалану саласындағы тәжірибе мен білім алмасу жөнінде келісімге келді.<img src="https://knadmin.beoblood.kz/uploads/9ddce133_8871_413b_8cdc_000b9e5a442d_71e26900ec.jpg" alt="9ddce133-8871-413b-8cdc-000b9e5a442d.jpg"><img src="https://knadmin.beoblood.kz/uploads/be3c6b39_8b5a_47d8_bc12_703eb7d77bda_92754f5d10.jpg" alt="be3c6b39-8b5a-47d8-bc12-703eb7d77bda.jpg"><img src="https://knadmin.beoblood.kz/uploads/e9b66039_6114_4e2b_a74c_b6e523dfb733_6412ffae3e.jpg" alt="e9b66039-6114-4e2b-a74c-b6e523dfb733.jpg">

Түркістанда «ARAL - 2024» жасылдар партияларының халықаралық I саммиті өтті

<a href="https://kyzylorda-news.kz/">Kyzylorda-news.kz</a>&nbsp; Аймақ басшысы Нұрлыбек Нәлібаевтың төрағалығымен облыс әкімдігі жанындағы терроризмге қарсы күрес комиссиясының отырысы өтті.Облыстық полиция департаменті бастығының міндетін атқарушы Ермахан Абдраманов террористік тұрғыдан осал объектілердің терроризмге қарсы қорғанысын қамтамасыз ету туралы баяндады.Облыстық дін істері басқармасының басшысы Дінмұхамед Ермеков ақпарттық-түсіндіру тобы мүшелерін адрестік жұмыстарға қатыстырудың маңыздылығын және т.б мәселелер туралы айтты.Сонымен қатар, діни экстримизм және терроризм профилактикасының тиімділігін арттыруда жүзеге асырылған әлеуметтік жобалар туралы Жалағаш ауданының әкімі Ардақ Ибраимов және Шиелі ауданының әкімі Айтбай Жандарбеков баяндады.Облыс әкімі жиында көтерілген мәселелер бойынша жауапты тұлғаларға бірқатар тапсырма берді. Облыстық полиция департаментіне, дін істері басқармасына, Қызылорда қаласы және аудан әкімдеріне осал объектілерді нығайту, экстремизм мен терроризм профилактикасы шараларының тиімділігін арттыру және әлеуметтік жобалардың қаржысын игеруді жүктеді.<img src="https://knadmin.beoblood.kz/uploads/Terrorizmge_arsy_k_res_komissiyasyny_otyrysy_tti_2_1b30d08db5.jpg" alt="Терроризмге қарсы күрес комиссиясының отырысы өтті 2.jpg"><img src="https://knadmin.beoblood.kz/uploads/Terrorizmge_arsy_k_res_komissiyasyny_otyrysy_tti_1_0501c7808e.jpg" alt="Терроризмге қарсы күрес комиссиясының отырысы өтті 1.jpg">Фото: Қызылорда облысы әкімінің баспасөз қызметі

Терроризмге қарсы күрес комиссиясының отырысы өтті

<a href="https://kyzylorda-news.kz/">Kyzylorda-news.kz</a> &nbsp;Өздеріңізге белгілі, облыс әкімінің тапсырмасына сәйкес, бір апта бұрын шаһар басшысы Нұржан Ахатов қала іргесіндегі «Ягодка» және «Пищевик» саяжайларының тұрғындарымен кездескен болатын. Онда басты көшелерге тас төсеу, аялдама мен жарық бағаналарын орнату, тал бұтақтарын кесу және жол белгілерін орнату мәселелері көтерілген еді. Қала әкімі саяжай мәселесі салғырт қарауға болмайтынын, оны алдағы он күн ішінде орындау қажеттігін жауапты сала басшыларына жүктеді.Қазір қос саяжайда қызу жұмыстар жүргізілуде. Өңірдегі ірі жол салушы мекеме «УАД» ЖШС-нің демеушілігімен ұзындығы екі шақырым болатын негізгі көшеге тас төсеу жұмыстары басталып кетті. Ал, қаланың коммуналдық мекемелері тазалық жұмыстарын ұйымдастырып, ағаштарды балақтап, жарық бағаналары мен үш аялдама орнатты.Айта кету керек, келер жылы Қызылорда қаласының Бас жоспары қайта бекітіледі. Аймақ басшысының тапсырмасына сәйкес, бас жоспарға қала аумағындағы саяжайлар енгізіледі. Заңды мәртебесін иеленетін саяжайларға инфрақұрылым жүргізілетін болады.<img src="https://knadmin.beoblood.kz/uploads/T_r_yndardy_talap_tilegi_oryndaldy_1_eac1d325a0.jpg" alt="Тұрғындардың талап-тілегі орындалды 1.jpg"><img src="https://knadmin.beoblood.kz/uploads/T_r_yndardy_talap_tilegi_oryndaldy_2_a157a2341f.jpg" alt="Тұрғындардың талап-тілегі орындалды 2.jpg"><img src="https://knadmin.beoblood.kz/uploads/T_r_yndardy_talap_tilegi_oryndaldy_3_2de5139d42.jpg" alt="Тұрғындардың талап-тілегі орындалды 3.jpg">

Тұрғындардың талап-тілегі орындалды

<a href="https://kyzylorda-news.kz/">Kyzylorda-news.kz</a> &nbsp;Кеше, 28 қарашада Қызылорда облыстық ҚХА жанындағы Ғылыми-сарапшылық тобының қорытынды отырысы өтті.Аталмыш отырысқа Ғылыми - сарапшылық топ мүшелері, «Қоғамдық келісім» КММ қызметкерлері, ҚХА жанындағы құрылым мүшелері қатысты.&nbsp;Іс-шараны облыстық Қазақстан халқы Ассамблеясы жанындағы Ғылыми-сарапшылық тобының жетекшісі Айтжан Оразбақов жүргізіп, күн тәртібіндегі &nbsp;мәселелерге сәйкес ойын ортаға салды.ҒСТ мүшесі Талғат Телеубаев “Қазақстан халқы Ассамблеясы қоғамдық келісімнің маңызды тетігі” &nbsp;және ҒСТ мүшесі Дәулет Омаров “2025 жылы Қазақстан халқы ассамблеясының 30 жылдығына арналған іс-шаралар жоспарын талқылау” тақырыптарын қозғады.Отырыс барысында Ғылыми-сарапшылық топтың мүшелері жас ғалымдар арасында жоба байқауларын ұйымдастыру, жас ғалымдар клубын құрып, оның құрамына педагогикалық, экономикалық, әлеуметтік бағытта білім алып жүрген жас ғалымдарды енгізу және методикалық жәрдем беру арқылы өңірдегі 11 этнос өкілдерінің тарихын зерттеп, зерделеп, “Сыр өңіріндегі көп этностың тарихы” тақырыбында Қазақстан халқы Ассамблеясының 30 жылдығына арналған жинақ шығару жоспарға енгізілді.&nbsp;Отырыс соңында “Қоғамдық келісім” КММ директоры Бақытжан Камалов жыл бойына қоғамдық келісім мен жалпыұлттық бірлікті нығайту бағытында сүбелі үлес қосқан ҒСТ мүшелерін марапаттады.<figure class="image"><img src="https://knadmin.beoblood.kz/uploads/MW_6_A0250_2527c28f9e.jpg" alt="MW6A0250.jpg"></figure>

Қызылорда: Ғылыми-сарапшылық топтың қорытынды отырысы өтті 

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаев «Мемлекеттік сатып алу туралы» жаңа заңнаманы іске асыруға қатысты арнайы жиын өткізіп, жауапты сала басшыларына, аудан әкімдеріне бірқатар тапсырма берді.<blockquote>«Парламент Мәжілісінің депутаттарына құрылысы тоқтап, қазіргі таңда жүрмей тұрған нысандар бойынша мердігерлердің жауапкершілігін арттыру жөнінде айтқан ұсыныстарымыз жаңа заңда қолдау тапты.Атап айтқанда, шарттық міндеттемелерді кешіктіргені және орындамағаны үшін сот шешімі шықса, сол мердігерлер 2025 жылдан бастап мемлекеттік сатып алуға қатыса алмайды. Сонымен қатар, алдағы жылдан бастап бюджет қаржысы есебінен салынатын құрылыстарға барынша жергілікті тұрғындарды жұмысқа орналастыруымыз керек. Бұл ретте, құрылысқа қосалқы мердігер тартуға тыйым саламын. Сондай-ақ, сапаға баса назар аудару керегін тағы да ескертемін.Мемлекеттік сатып алу кезінде сыбайлас жемқорлыққа, мүдделер қақтығысына жол бермеу бағытындағы шараларды күшейтіңіздер. Әсіресе, бір көзден сатып алуға тұрақты мониторинг жүргізіңіздер. Конкурстарды ұйымдастыру барысында сыбайлас жемқорлық тәуекелдерінің алдын алу және болдырмау үшін профилактикалық шаралар қабылдаңыздар», – деді Нұрлыбек Машбекұлы.</blockquote><img src="https://knadmin.beoblood.kz/uploads/Zh_A_A_ZA_NAMANY_ISKE_ASYRU_M_SELELERI_ARALDY_1_9f145178f8.jpg" alt="ЖАҢА ЗАҢНАМАНЫ ІСКЕ АСЫРУ МӘСЕЛЕЛЕРІ ҚАРАЛДЫ 1.jpg"><img src="https://knadmin.beoblood.kz/uploads/Zh_A_A_ZA_NAMANY_ISKE_ASYRU_M_SELELERI_ARALDY_2_0b848add06.jpg" alt="ЖАҢА ЗАҢНАМАНЫ ІСКЕ АСЫРУ МӘСЕЛЕЛЕРІ ҚАРАЛДЫ 2.jpg"><img src="https://knadmin.beoblood.kz/uploads/Zh_A_A_ZA_NAMANY_ISKE_ASYRU_M_SELELERI_ARALDY_3_993cc26e40.jpg" alt="ЖАҢА ЗАҢНАМАНЫ ІСКЕ АСЫРУ МӘСЕЛЕЛЕРІ ҚАРАЛДЫ 3.jpg">Фото: Қызылорда облысы әкімінің баспасөз қызметі

Жаңа заңнаманы іске асыру мәселелері қаралды

&nbsp;<a href="https://kyzylorda-news.kz/">Kyzylorda-news.kz</a> Сыбайлас жемқорлыққа қарсы қызметтің Қызылорда облысы бойынша департаменті мен қоғамда сыбайлас жемқорлыққа қарсы мәдениетті қалыптастыру бағытында өңірдегі квазимемлекеттік және жеке сектор субъектілерімен түрлі форматтағы кездесулер жүргізілуде.Осы орайда, өңірлік Антикордың бас маманы Ж.Қозбағарова «Азаматтарға арналғанүкімет» мемлекеттік корпорациясы» облыстық филиалы қызметкерлерімен кездесу өткізді. Кездесуге аталған филиал директорының орынбасары А.Серекеев пен Ішкі қауіпсіздік жөніндегі уәкілетті тұлғасы Т.Алтаев қатысты.Кездесудің мақсаты – сыбайлас жемқорлықтың алдын алу, оны болдырмау жолдарын түсіндіру, заңнамаға енгізілген өзгерістер мен толықтырулар бойынша ақпарат беру.Ж.Қозбағарова мекеме қызметкерлеріне «Қазақстанның сыбайлас жемқорлыққа қарсы саясатын 2022-2026 жылдарға арналған тұжырымдамасының» &nbsp;негізгі ережелері мен талаптары, квазимемлекеттік сектор субъектілеріндегі комплаенс-қызметтер қызметінің бағыттары, сыбайлас жемқорлық тәуекелдеріне ішкі талдау жүргізу қағидалары туралы баяндады.Іс-шара соңында сыбайлас жемқорлықтың алдын алуға бағытталған әлеуметтік бейнероликтер көрсетіліп, қатысушылардан туындаған сауалдарға жауап берілді. &nbsp;

«Азаматтарға арналған үкімет» мемлекеттік корпорациясының» қызметкерлерімен кездесу өтті

<a href="https://kyzylorda-news.kz/">Kyzylorda-news.kz</a> Ресей президенті Владимир Путин "<a href="https://kazpravda.kz/n/rossiya-kazahstan-soyuz-vostrebovannyy-zhiznyu-i-obrashchennyy-v-budushchee/">Казахстанская правда</a>" газетінде жарияланған мақаласында Қазақстанда жаңа орыс мектептерін салуға қолдау білдіретінін айтты. Ол Қазақстанның оңтүстігінде, қазақтар тығыз қоныстанған үш қалада, атап айтқанда Қызылорда, Тараз және және Түркістанда жаңа орыс мектептерінің ашылатынына үміт білдірген, деп хабарлайды <a href="https://sn.kz/">Skifnews.kz </a>ақпарат порталы.<blockquote>"Ресей Қазақстанда орыс мектептерін салуды және орыс тіліндегі білім сапасын арттыруды қолдайды. Таяуда Қызылорда, Тараз және Түркістанда жаңа орыс мектептері салынады деп сенеміз", – деп жазды Путин.</blockquote>Сонымен қатар ол Қазақстан Президенті Қасым-Жомарт Тоқаевтың "орыс тілін қолдау жөніндегі халықаралық ұйым" құру бастамасына алғыс білдірді.Қазір Қазақстанда шамамен 7 мың мектеп бар, соның ішінде 1160-ы – таза орыс тілінде білім береді, ал 2 мыңнан астамы аралас мектептер.Былтыр күзде Қазақстанның оңтүстігінде үш орыс мектебін ашу жоспары туралы айтылған кезде, журналистер оқу-ағарту министрі Ғани Бейсембаевқа "қазақтар көп тұратын аймақтарда неге орыс мектептері ашылады?" деген сауал қойған. Министр бұл сұраққа "Біз көптілділікті дамытудамыз. Балаларымыз бәсекеге қабілетті болуы үшін көп тілде білім алуы қажет. Ата-аналардың бұған қарсылығы жоқ. Барлық мектептер мемлекеттік стандарттарға сай жұмыс істейді" деп жауап берген еді.Ол бұл бастаманың артында ешқандай саяси мүдде жоқ екенін және орыс мектептерінде сабақты Ресейден келген мұғалімдер жүргізетінін атап өтті. Ресей президентінің бұл мәлімдемесі оның Қазақстанға мемлекеттік сапары қарсаңында жарияланды. Өз кезегінде Қазақстан президенті Қасым-Жомарт Тоқаев Ресейлік "Известие" басылымына мақаласын ұсынды.<blockquote>"Іргелес жатқан Ресей қалаларында Қазақстан мектептері ашылады деп сенеміз", – деді Тоқаев мақалада.</blockquote>Оның айтуынша, қазір Ресейдің жоғары оқу орындарында 60 мыңға жуық қазақстандық студент білім алып жатыр. Бұған қоса, Астанада Мәскеу Халықаралық қатынастар мемлекеттік институтының филиалын, ал Омбыда Әл-Фараби атындағы Қазақ ұлттық университетінің өкілдігін ашу жоспарланып отыр.Фото: Pixabay

Қазақстан және Қызылорда облысының жаңалықтары: Қоғам