2024 жылы 13 мамырда азаматтық некедегі әйелі Салтанат Нүкенованы өлтіру ісі бойынша айыпталушы бұрынғы ұлттық экономика министрі Қуандық Бишімбаевқа қатысты сот үкімі шықты, деп хабарлайды Zakon.kz.Сот сотталушы Қуандық Бишімбаевтың бұған дейін сотты болғанын атап өте келе:<blockquote>"Қуандық Бишімбаевты кінәлі деп танып, 24 жылға бас бостандығынан айыру туралы үкім шығарылады", деп жариялады.&nbsp;</blockquote>

Қуандық Бишімбаевқа сот  үкімі шығарылды

<a href="https://kyzylorda-news.kz/">Kyzylorda-news.kz</a> Соғыс… Осы бір сөз айтылғанда майданнан оралмаған оғландарын зарлана еске алып, бір Құдайға аманаттап отыратын, қайғыдан қан жұтқан қайран ана, жар, апа-қарындастың қасіреті елестейді. Иә, Ұлы Отан соғысына ауылдан талай боздақ аттанып, ел мен жер, бейбітшілік үшін жан берісіп, жан алысқаны айтпасақ та белгілі. Қолына қару ұстағаны майданға аттанса, қарттар мен әйелдер, бала-шаға майдан арсеналына айналып, тылда аянбай еңбек етті. Ұрыс даласында атылған оққа қарсы тұрмаса да, тылда еңбек еткен батырларымыз ашаршылықты, адам төзгісіз жұмысты басынан өткерді. Сондықтан Ұлы Жеңіске тыл ардагерлерінің қосқан үлесі өте зор. Соның бірі – Жалағаш ауданының тұрғыны, тыл ардагері Күлбағирам Тұрсынбаева.&nbsp;Мереке қарсаңында редакция ұжымы әжеміздің шаңырағына атбасын бұрып, сұхбаттасуды жөн көрдік. 90 жасқа таяған әжеміз аулада үй тірші­лігімен айналысып жүр екен. Бізді көр­ген әжеміз балаша қуанып қалды.&nbsp;«Соғысқа әкем МұхтарТұрсын­баев­ты және ауылдың ер-азаматтарын алып кетті. Ауылда бас көтеретін ешкім жоқ, ылғи кемпір-шалдар, қыз-келіншектер мен бала-шаға қалған. Мен соғыс бас­талған жылдары 5-6 жаста едім. Ол кезде ауыл халқы тары мен мақсары егеді. Біз таң атқаннан кеш батқанға дейін сол алқаптың басындамыз. Кіш­кентай болсақ та өгізге, атқа арба жегіп, алқапқа дәнді дақылдарды егуге жәр­дем бердік. Күздің кезінде шыққан өнімнің бір түйірін шашпай теріп, май­данға жөнелтіп отырдық. Онымен қоса әжелер балаларына жүннен киім тоқып, үйіндегі азық-түліктерін майданға жө­­­нел­­­­тетін» деп бастады әңгімесін Күлбағирам әже.«Өмір – таусылмайтын күрес» де­­мек­ші, әжеміздің бейнеттің ащы дә­мін татып, тынбай еңбектеніп келе жат­қан жанның бірі екенін әңгімесінен бай­қадық. Әрине, әжеміз айтып отыр­ған бұл деректер біз үшін ертегі секілді, бірақ сонысымен өте қызықты еді. Сон­дықтан әжеме сұрақ қоя отырып, әңгімесін ары қарай жал­ғауын өтіндім.&nbsp;Кейіпкеріміз тағы да біраз ойға шомып, әңгімесін жалғай берді.«Анам алқаптан бір уыс та­рыны қал­тасына салып, үйге алып келіпті. Әрине, бар аналық ойы сол та­рыны диірменнен өткізіп, балаларына талқан дайындап беру болса керек. Бірақ бригадир біліп, бір түйірін де қал­дырмай, алып қойыпты. Сонда анам да, біз де қыңқ еткен дауыс шығармай, ісімізге ұялып, бригадирден кешірім сұ­радық. Қазір ойласам, не деген жанкештілік, патриотизм деймін. Иә, ана­­мыз кешқұрым 2 түйір жүгеріні диір­меннен өткізіп, бізге сол ұннан нан жауып беретін. «Еңбектің наны тәтті» демекші, үйдегі бала-шаға таласып-тармасып жеп қоятынбыз», дейді тыл ардагері.&nbsp; &nbsp;Қаншама қиын күндерді артқа тас­тап, 1945 жылы қасіретті соғыс та аяқ­талды. Күлбағирам әжеміздің әкесі соғысқа 1942 жылы аттанып, 1946 жылы елге оралған. Әжеміз сол кезде не­бәрі 2-3 сыныптың оқушысы екен. Со­ғыстың қайда болғанын, қай жерде жараланғанын, бомбаның асты­нан қа­лай аман қалғанын, соғыстан кейін ауылды дамытуда бойындағы бар күш-жі­герін салғаны туралы әкесінің әңгімелерін кейіпкеріміз тыңдап өсіпті.Иә, батыр әжеміз өткен қиыншы­лық­тардың қайтарымы ретінде қа­зіргі таңда балаларының, немере-шө­бе­релерінің ортасында өмір сүріп отыр­ғанына шүкіршілік етеді. Бүгінде әже­міздің 30-дан астам немере-шөбересі бар. Балалық шағының алаңсыз күн­де­рін ұрлаған сұм соғысты есіне де алғысы келмейді.&nbsp;Ол соғыстан кейінгі жылдары жо­ғары білім алып, ауданымыздың бі­лім саласының да­муына үлес қосады. Аудандағы Т.Жүргенов атындағы да­рынды балалар мектебінде 35 жыл бойы ұстаздық етіп, мықты тұлғаларды тәрбиелеген. Батыр анамыздың тек бір ғана арманы бар, ол «Кейінгі ұрпақ соғыс көрмей, тек бейбітшілікте өмір сүрсе екен» дейді.«Ер есімі – ел есінде». Сұрапыл соғыстың ардагерлерінің есімі тарих­тың парағына алтын әріптермен мәң­гіге жазылып қалары анық. Көзі тірі­сінде құрмет көрсетіп, сыйлай білу – кейінгі ұрпақ, біздің парыз. Сұхбат со­ңында ақжаулықты әжемізден бата алып, көкірегіміз рухқа толы күйде редакцияға жол тарттық.Жандос ЖАЗКЕН

Тыл ардагері Күлбағирам Тұрсынбаева

<a href="https://kyzylorda-news.kz/">Kyzylorda-news.kz</a> 16-17 мамыр аралығында Солтүстік Қазақстан облысы делегациясының&nbsp;Арал ауданына жұмыс сапары жоспарлануда. Алматы, Жамбыл, Маңғыстау, Түркістан, Қызылорда, Жетісу облыстары, Шымкент, Алматы, Астана, Шымкент қалалары және де «Мәңгілік ел жастары – индустрияға!» («Серпін») жобасына қатысушылар қатарындағы және белгіленген квота шеңберінде өңірлерде оқып жатқан ауыл жастары қатарындағы түлектер шығу өңіріне/мемлекетіне қарамастан өңіраралық ерікті қоныс аударуға қатысады.Ерікті түрде өңіраралық қоныс аударуды мемлекеттік қолдау:1) көшуге материалдық көмек беруді;2) тұрғын үйді жалдау (жалға алу) және коммуналдық қызметтерге ақы төлеу бойынша шығыстарды өтеуді;3) қоныс аударуға жәрдем көрсететін жұмыс берушілерге субсидиялар беруді;4) қажет болған кезде техникалық және кәсіптік білім алу үшін оқытуға және қысқа мерзімді кәсіптік курстарға жіберуді;5) жаңа тұрғылықты жерінде жұмысқа орналасуға және кәсіпкерлікті дамытуға жәрдемдесуді қамтиды.Қоныс аударғаннан кейін комиссия отырысына қажетті құжаттарды өткізіп, оң шешім алғаннан соң бағдарлама қатысушыға және оның отбасы мүшелеріне – отағасына және әрбір отбасы мүшесіне бір рет 70 АЕК (258 440 теңге) мөлшерінде көшуге материалдық көмек (көшуге материалдық көмек жаңа тұрғылықты жерге келгеннен кейін) беріледі.Бағдарламаға қатысушының отбасына, оның ішінде жалғызбастыларына он екі айдан көп емес (тұрғын үй алғанға дейін) ай сайын тұрғын үйді жалдау (жалға алу) және коммуналдық қызметтерге ақы төлеу бойынша шығыстарды өтеуге мынадай мөлшерлерде материалдық көмек беріледі:1) қалалық жерлерге қоныс аударғандар үшін:- бір адам үшін – 20 АЕК мөлшерінде (73 840 тенге);- отбасы мүшелерінің саны екеуден төртеуге дейін болса – 25 АЕК мөлшерінде (92 300 тенге);- отбасы мүшелерінің саны бесеу және одан көп болған кезде – 30 АЕК мөлшерінде төленеді (110 760 тенге).2)ауылдық жерлерге қоныс аударғандар үшін:-бір адам үшін 15 АЕК (55 380 теңге) мөлшерінде;-отбасы мүшелерінің саны екеуден төртеуге дейін болған кезде 18 АЕК (66 456 теңге) мөлшерінде;-отбасы мүшелерінің саны бесеу және одан көп болған кезде 21 АЕК (77 532 теңге) мөлшерінде төленеді.Тұрғын үйді сатып алуға – 50% экономикалық ұтқырлық сертификаты беріледі (1160 АЕК- тен (4 282 720 тг) аспайтын сомада).Фото: ortcom.kz

Арал ауданында Солтүстік Қазақстан облысы делегациясының  жұмыс сапары жоспарлануда

<a href="https://kyzylorda-news.kz/">Kyzylorda-news.kz</a> Жалағаш кентінде орталықтандырылған газ желісі 2021 жылдың &nbsp;шілде айында пайдалануға берілген. Содан бері кенттегі 2 868 тұрғын үй, 12 әлеуметтік, 127 кәсіпкерлік нысан орталықтандырылған газ желісіне қосылған. Қазіргі таңда ауылдық елді мекендерді газдандыру жұмыстары басталып кетті. Аудандық мәслихаттағы «Amanat» партиясы депутаттық фракциясының отырысында аудан әкімінің орынбасары Әліби Байнахатов осылай деді.Кент тұрғындарының 90,7 пайызы газ тұтынадыСпикердің айтуынша, былтыр кент іргесіндегі Ақсу және М.Шәменов елді мекендерін газдандыру жұмыстарын бастауға облыс қазынасынан 83,8 млн теңге қаралған. Биыл газ құрылысына Ұлттық қордан 200 млн теңге, облыстық бюджеттен 36,3 млн теңге бөлінген. Бүгінде қос ауылда да газ құрылысы қарқын алған.&nbsp;Бұдан бөлек Жалағаш кентіндегі «Ақтерек» учаскесіндегі жаңа шағын ауданын газбен жабдықтау жүйесінің құрылысына ел тайқазанынан 603 млн теңге қаралған. Бүгінде ондағы газ құрылысы толық аяқталды.&nbsp;Әліби Қодарұлы аудандағы әлеу­мет­тік нысандардың жылу жүйелерін табиғи газға ауыстыруға «Ауыл – ел бесігі» жобасы аясында қаржы тартылғанын айтады. Мәселен, аталған бағдарлама аясында ауданға ел қазынасынан 25,5 млн теңге бөлінген. Бүгінде «Наркескен» спорт клубы мен аудандық кітапхана ғимаратын табиғи газға ауыстыру жо­лымен қазандықты қайта жаңғырту жұ­мыстары толығымен аяқталған. Ал был­тыр облыстық бюджеттен бөлінген қар­жыға 2 мектептің жылу жүйесін кө­гілдір отынға ауыстыру жұмыстарына жобалық-сметалық құжаттар дайын­дал­ған.&nbsp;Аудан әкімінің орынбасары ауылдық округтерді газдандыру жұмыстары әлі де жалғасатынын айтады. Бүгінде Бұқарбай батыр, Қаракеткен, Далдабай ауылдарында газ тарату желілерінің және жеткізуші газ құбырының құрылысына демеушілер есебінен ЖСҚ әзірленуде. Егер бұл жоба жүзеге асқан жағдайда аудан тұрғындарының 40 пайызы көгілдір отын тұтынады.Электр желілері жаңғыртыладыӘліби Байнахатов елді мекендердің электр желілерін жаңғырту бойынша соңғы жылдары ауданда ауқымды жобалар қолға алынғанын айтады. Қазіргі таңда ауданда электр желілерінің жалпы ұзындығы 457,5 шақырымды құраса, электр жүйелерінің орташа тозу деңгейі – 45,2 пайыз. Былтыр Ақсу, Қаракеткен елді мекендерінің электр желілері күрделі жөндеуден өтті. Ал Жалағаш кенті мен Еңбек, М.Шәменов елді мекендерінің электр жүйесін қайта жаңғырту жұмыстарына жобалау-сметалық құжаттар әзірлеу демеушілер есебінен жүргізіледі. Жоба жүзеге асқан жағдайда аудан бойынша электр жүйесінің тозу деңгейі 25 пайызға азаяды.Спикер ауызсу сапасын жақсарту, жалпы тұрғындардың тәулік бойы оған қол жеткізуіне жұмыс жасалып жатқанын айтады. Сөзінше, аудан тұрғындары толығымен орталықтандырылған ауыз сумен қамтамасыз етілген. 2022 жылы 4 жобаға 1,1 млрд теңге қаржы қарал­ған. Оның ішінде 2 елді мекеннің ауыз су желілерін кеңейту және жаңадан ашылатын «Ақтерек» учаскесінде су ұңғамасы мен су тарату желілерінің құры­лысы іске асырылып, былтыр бұл жоба да толық аяқталған.&nbsp;– Таң елді мекенін шаруашылық-ауыз сумен жабдықтау үшін жерасты суларын өндіруге арналған №2 Т барлау пайдалану ұңғымасын бұрғылап салу жұмысына жобалау-сметалық құжаттар әзірленіп, сараптамадан өткізілуде. Жоба­лаушы мекеме – «Пройнсет» ЖШС. Одан бөлек Бұқарбай батыр елді мекенінде 1, Жаңаталапта 1 су мұна­расын сатып алу үшін былтыр облыстық басқармаларға бюджеттік өтінім ұсынылды. Алдағы уақытта да тұрғын­дардың сапалы ауызсу тұты­нуына жұмыс жасаймыз, – деді Әліби Қодарұлы.16 көппәтерлі тұрғын үй күрделі жөндеуді қажет етедіАуданда 27 көппәтерлі тұрғын үй бар. 2014-2023 жылдары 10 көппәтерлі тұрғын үйге күрделі жөндеу жүргізілген. Бірақ әлі 16 көппәтерлі тұрғын үй күрделі жөндеуді қажет етеді.Биыл 2 тұрғын үйге күрделі жөндеу жұмыстарын жүргізуге ел қазынасынан 5,8 млн теңге қаралған. Қазіргі таңда Үркімбаев көшесіндегі көппәтерлі тұр­ғын үй жөнделуде. Дәл осы көшедегі тағы бір көппәтерлі тұрғын үйдің күрделі жөндеу жұмыстары мамыр айында басталады. Мұнан бөлек 3 көппәтерлі тұрғын үйге күрделі жөндеу жұмыстарын жүргізуге ЖСҚ әзірленеді.Шағын ауданда тұрғындарға 511 жер телімі беріледі2017 жылы Жалағаш кенті «Ақтерек» жер учаскесінде 170 гектарға түбегейлі-жос­парлау жобасы әзірленген. Онда тұр­ғындарға баспана салуға 511 жер те­лімін беру көзделген. Мұнан бөлек 26 көпқабатты тұрғын үй салынады. Бұл аумақта тұрғын үйдің жалпы ала­ңының 125,9 мың шаршы метрі ор­на­­­ластырылады. Осы орайда ин­же­­­­нерлік-инфрақұрылым жүргізу мақ­­­са­­тын­да су ұңғымалары және су жи­­­­нау-тарату кешеніне, тас жолдар, газ, электр мен ауыз су желілеріне жо­ба­­лар әзірленіп, республикалық және облыс­тық бюджеттен су ұңғымалары, су жинау-тарату кешеніне, газ желісіне, электр желісі мен ауыз су желілеріне құ­рылыс-монтаждау жұмыстарына то­лық­тай қаржы қаралған. 2022 жылдың соңында «Электр желілері» пайдалануға қабылданған. Ал былтыр мамыр айында «Су ұңғымалары және су жинау-тарату кешені» нысаны қабылданған. Сондай-ақ ауыз су желілері де толық аяқталды. Былтыр желтоқсанда газ желісінің құрылысы да толық жүзеге асқан.Әліби Байнахатов шағын ауданға инженерлік-инфрақұрылым құрылысы қар­жыландырылса, тұрғын үй салу үшін жер телімін сұраған азаматтардың то­лықтай өтініші ескерілетінін айтады. Жобаның жалпы құны – 2 млрд 506 млн теңге.&nbsp;Жалпы былтыр құрылыс бөлімі та­рапынан бірнеше жоба әзірленген. Олар­­дың қатарында Қаракеткен елді ме­кеніне 150 орындық ауылдық клуб құры­лысына жоба-сметалық құжаттар әзірлеу жұмыстары бар. Қазіргі таңда бұл жоба толық сараптамадан өтіп тұр. Былтыр облыстық мәдениет бас­­қармасына бюджеттік өтінім тап­сырылған. Жоба құны – 639,2 млн теңге. Мұнан бөлек Жаңаталап елді мекеніне 100 орындық ауылдық клуб құрылысына жоба-сметалық құжаттар әзірлеу жұмыстары жүзеге асқан. Бұл жоба да толық сараптамадан өтіп, тиісті басқармаға бюджеттік өтінім тап­сырылған.Спикер алдағы уақытта барлық ны­санның құрылыс сапасы бақылауда бо­латынын айтады. Сондай-ақ ол елді мекенде жүзеге асып жатқан жобаларда жергілікті халықтың да жұмыспен қам­тылуына ерекше мән беріліп жатқанын жасырмады.&nbsp;

Жалағаш ауданында құрылыс қарқынды дамуда

<a href="https://kyzylorda-news.kz/">Kyzylorda-news.kz</a> Жуырда Мемлекет басшысы Қасым-Жомарт Тоқаев «Қазақстан Республикасының кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгертулер мен толықтырулар енгізу туралы» және «Қазақстан Республикасы Әкімшілік құқық бұзушылық туралы кодексіне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» Қазақстан Республикасының Заңдарына қол қойды.Жаңа заң: Әйелдер мен балаларды қорғай ала ма?Мемлекет басшысы 2022 жылы 16 наурыздағы және 2023 жылы 1 қыркүйектегі Қазақстан хал­қына ар­­наған Жолдауларында әйелдер мен балаларға қатысты зор­лық-зом­­былық үшін жазаны қатаң­да­туды тапсырған. Газетіміздің өткен сандарында жазғанымыздай, ау­дан­да тұрмыстық зорлық-зомбы­лық – бүгінде өзектілігін жоймаған маңызды мәселе. Бұл келеңсіздікпен аудандық полиция бөлімінің қызмет­керлері тәулік бойы күресуде. Осы орайда Жалағаш аудандық полиция бөліміне қарасты жергілікті полиция қызметі бөлімшесінің әйелдерді зор­лық-зомбылықтан қорғау тобының инспекторы, полиция майоры Ұл­босын Ахметовамен тілдескен едік.<blockquote>– Президентіміз Қасым-Жомарт Тоқаевтың бұйрығымен әйелдер мен балаларға қатысты кез келген сипаттағы зорлық-зомбылық үшін жауапкершілікті қатаңдататын, сон­дай-ақ отбасы институтын, кә­ме­летке толмағандардың қауіпсіз­дігін нығайтатын нормалар енгізілді. Тұр­мыстағы зорлық-зомбылыққа тап болған нәзікжандылардың қатары күн сайын артуда. Сон­дық­тан тиісті шараларды дер кезінде қабылдап, алдын алмасақ, соңы қай­ғылы жағдаймен аяқталуы мүмкін, – дейді Ұлбосын Ахметова.</blockquote> Жаңа заң бойынша денсаулыққа қасақана жеңіл зиян келтіру және ұрып-соғу қылмыстық құқық бұзу­шылық ретінде таныл­ған. Денсау­лыққа қасақана ауыр­лығы орташа және ауыр зиян келтіруге қатысты жауапкершілік қатаңдатылған. Нақ­тырақ айтар болсақ, ұрып-соғу (ҚР ҚК 109-1 бабы) – 80 АЕК-ге дейінгі айыппұл және түзету жұмыстары, 80 сағат қоғамдық жұмыстар, қамауға алу – 25 күн. Ал ҚР ҚК 109-1 бабы 2-бөлігі бойынша, яғни қасақана ауыр­лығы орташа және ауыр зиян келтірсе, 200 АЕК-ге дейін айыппұл салу және түзету жұмыстары, 200 сағат қоғамдық жұмыстар, қамауға алу 50 күн болып бекітілген.Сонымен қатар жаңа заңда 16 жасқа толмаған балаларға сек­суал­дық сипатта тиіскені үшін қыл­мыс­тық жауапкершілік енгізілді. Кә­мелетке толмағандарды ұрлағаны және заңсыз бас бостандығынан айыр­ғаны үшін жаза айтарлықтай қа­таңдатылды. Кәмелетке толмаған­дарды жәбірлегені (буллинг, кибер­буллинг) үшін әкімшілік жауапкершілік алғаш рет енгізіліп отыр. Білім беру ұйымдарына кәмелетке толмағандар жасаған немесе оларға қатысты жа­салған заңға қайшы әрекеттер ту­ралы құқық қорғау органдарына дереу хабарлауға міндеттелді.16 жасқа дейінгі балалардың қауіп­­сіз­дігін қамтамасыз ету мақса­тында жол ақысын төлемегені үшін олар­ды қоғамдық көліктен мәж­бүрлеп түсіруге тыйым са­лынды. Қор­ғансыз нәзікжан­ды­лар мен кәмелетке толмаған жас­өспірімдер мемлекеттің жіті назарында.2 мыңнан астам бала зорлық-зомбылыққа тап болғанБылтыр елімізде тұрмыстық зор­лық-зомбылыққа қатысты 100 мыңға жуық арыз-шағым түскен. Оның 2 мыңнан астамы балаларға қарсы жасалған қылмыстарға байланысты. Олардың ішінде кәмелетке тол­мағандарға қатысты 700-ден аса жыныстық қылмыс тіркелген. Яғни күн сайын кемі 6 қылмыс тіркеледі. Оның ішінде азаптау, ұрып-соғу, боп­салау, қасақана қауіп-қатерге душар қылу сынды оқиғалар жиі кездеседі.Осындай заңсыздықтарға барған 79 мың адам әкімшілік жауап­кершілікке тартылса, 1000-ға жуық адамның үстінен қылмыстық іс қоз­ғалған. ҚР Парламенті Мәжі­лісінің де­пу­таты Қарақат Әбденнің айтуын­ша, күн сайын 6 балаға қатысты қыл­мыс жасалып, 300-ден ас­там адам тұрмыстық зорлық-зом­былыққа ұшырайды. Балалар ара­сында 1 күнде 5 қылмыс жа­салса, жылына 150 жеткіншек тере­зеден құлап кетіп, жазатайым жағ­дайға ұшыраған. Былтыр тұрмыстық зор­лық-зомбылық салдарынан 69 әйел мен 7 бала қайтыс болған. Ал жыл басынан бері «102» пультіне тұр­мыстық зорлық-зомбылыққа қа­­­­­­­тыс­­ты 21 мыңнан астам хабар­ла­­ма түскен. 34 мыңға жуық адам әкім­­шілік жауапкершілікке тар­тыл­ған. Еліміздегі отбасылық зорлық-зомбылықтың құрбаны болатын көп жағдайда нәзікжандылар мен кә­ме­леттік жасқа толмаған балалар екені анық. Ал әлемде әр сағат сайын онға жуық әйел немесе қыз өз отбасы мүшелерінің бірінің қолынан жасал­ған зорлық-зомбылықтан қайтыс бо­ла­ды.Аудандағы ахуал қалай?Былтыр Жалағаш ауданында әйел адамға қа­тысты жасалған құқық бұзушылық бойынша 100-ге жуық отбасынан хабарлама түс­кен. Аудандық полиция бө­лі­мінің жер­гілікті полиция қызметі бө­лімшесінің учаскелік полиция инс­пек­­торлары жеке бастың құқық­тарына қол сұғатын әкімшілік құқық бұзушылықтар бойынша ҚР әкімшілік құқық бұзушылық туралы кодексінің 73 бабына сәйкес 93 адамға шара көрген. Бұл тұста былтыр аудан бойынша 37 азамат сот шешімімен қамауға алынған. Оның 15-і осы заң аясында бірнеше мәрте қамалған. ҚР «Құқық бұзушылық профилактикасы туралы» Заңының талаптарына сай тұрмыстық ортада құқық бұзу­шылық жасаған адамдарға қа­тысты 77 қорғау нұсқамасы шыға­ры­лып, аудандық сотпен құқық бұ­­зушылардың мінез-құлқына 22 ерек­ше талап белгіленген. Жыл басынан бері отбасылық тұрғыдағы жанжалдардың 44 де­регі тіркеліп, оның 12-сі әкімшілік кодекстің 73 бабына сәйкес қамауға алынған. Қорғау нұсқамасын бұзған әкімшілік кодекстің 461 бабына сәй­кес 2 азаматқа шара көріліп, қа­мақ­қа алынса, 5-еуіне ескерту бе­ріл­ген. Ерекше талап шектеулерін бұз­­ғаны үшін әкімшілік кодекстің 669 бабының 3 бөлігімен 8 азамат қамауға алынған. Есепті мерзімде атқарылған профилактикалық жұ­мыстардың нәтижесінде 2023 жыл­мен салыстырғанда отбасылық тұр­­­ғы­да жасалған қылмыстар 100 па­йызға төмендеген.Аудандық сот мамандарының мә­ліметінше, былтыр тұрмыстық зор­лық-зомбылыққа қатысты 78 іс қаралған. Оның 31-іне жаза та­ғайындалса, 10-ына ескерту бе­ріл­ген, 21 азамат әкімшілік қа­мауға алын­ған. Ал жыл басынан бері олар 34 істі қарағанын айтады. Оның 5-еуіне ескерту берілсе, 16-сы қа­мауға алынған. 13 іс қысқартылып, 9-ы медиация арқылы татуласқан. Ал 21 азаматқа жаза тағайындалған.Мәселен, А.Е есімді азамат 12 наурыз күні сағат 18:30 шамасында әйеліне мас күйінде былапыт сөздер айтып, отбасы тыныштығын бұзған. Ол бұл әрекетті бұрын әкімшілік жа­за қолданылғаннан кейін бір жыл ішінде қайталаған. Сондықтан оған 10 тәулік мерзімге әкімшілік қа­мақ­қа алу түріндегі әкімшілік жаза та­ғайындалған.Мамандардың айтуынша, тұр­мыс­тық зорлық-зомбылықтың сал­да­рынан отбасындағы нәзікжан­дар ұрып-соғудың, қорқыту мен қор­­лаудың құрбаны болған. Сал­дарынан сәтсіз отбасылардың саны артып, ажырасуға бел буған отба­сылар қатары да артқан. Мәселен, был­тыр 39 отбасы ажырасса, биыл жыл басынан бері 12 отбасының ша­ңырағы шайқалған.Түйін: Бұл – жалпыға ортақ мә­селе. Шаңырақ шайқа­лмас үшін ата-аналар қыз баланың тәрбиесімен қатар ұл ба­лалардың да тәрбиесіне аса мән берген жөн. Ер бала шаңырақтың тұтқасы деп жатамыз. Ал сол ша­ңы­рақтың тұт­қасы бала күнінен ана­сы мен қыз баланы сыйлап өссе, бо­лашақта шаңырағының берекесін арт­тыратын жарына зорлық-зом­бы­лық көрсет­пейтіні анық.&nbsp;Ақтоты БҮРКІТБАЙФото: Нұрболат Нұржаубай

Тұрмыстық зорлық-зомбылыққа тоқтам бола ма?

<a href="https://kyzylorda-news.kz/">Kyzylorda-news.kz</a> Соңғы жарты жылда 500-ден астам қазақстандық автокөлік алаяқтарының құрбаны болды. Алаяқтар өздерінің болжамды құрбандарын кепілдендірілген көлік сатып алу арқылы тартады. Бұнымен мәселе тоқтамайды. Тіпті болашақ жәбірленуші кредитті өз атына рәсімдегені үшін «алым» алады. Fingramota.kz соңғы уақытта күннен күнге үдеп бара жатқан ірі автоалаяқтық схемасы жөнінде айтып береді.&nbsp;Автопрокат алаяқтығының схемасыАлаяқтардың ендігі айласы автопрокат түріндегі алаяқтықтың ірі схемасы, онда бір қарыздың сомасы 12 млн теңгеден 20 млн теңгеге дейін жетеді. &nbsp;Алаяқтықтың бұл түрі адамдарды тартымды болып көрініп, &nbsp;төмендегі талаптардан тұрады:&nbsp;алаяқтар азаматтарға сенім білдіре отырып, банктік қарыз немесе микрокредит ресімдеу арқылы сатып алынатын автомобильдерді жалға беру түрінде бизнеске қатысуды ұсынады; бұл ретте алаяқ бастапқы жарнаны төлейді және бірнеше ай бойы автокредит бойынша ай сайынғы төлемдерді жүзеге асырады; қарызды немесе микрокредитті ресімдеуге келіскені үшін алаяқ азаматтарға ақшалай сыйақы ұсынады; автокредиттерді өз бетінше ресімдегеннен кейін автокөлік алаяққа тиісті құжаттарды (сенімхат, жалдау шарты) ресімдемей беріледі; алаяқ біраз уақыттан кейін азаматтар үшін ай сайынғы төлемдерді төлеуді тоқтатады, құқық қорғау органдарының ақпараты бойынша автомобильдер Қазақстан Республикасынан тыс жерлерге шығарылады. Қарыз/кепіл шарттарына өз қолымен қол қоя отырып, қарыз алушы өзіне Қазақстан Республикасының Азаматтық кодексіне сәйкес шарттарда көзделген тәртіппен және мерзімдерде қайтаруға міндетті міндеттемелерді қабылдайтынын есте ұстаған жөн.Автокөлік сатып алуға кредит, микрокредит алған кезде кейіннен олардың деректерін ұрлай отырып азаматтарды адастыру қылмыстық құқық бұзушылық болып табылады (ҚР Қылмыстық кодексінің 190-бабы) және айтарлықтай мерзімге бас бостандығынан айыру жолымен жазаланады.&nbsp;Анықтама үшін:&nbsp;Автокөлік құралдарын сатып алуға қаржы берген екінші деңгейдегі банктер мен микроқаржы ұйымдарына қатысты жүргізілген құжаттамалық тексеру нәтижелері бойынша ҚР Қаржы нарығын реттеу және дамыту агенттігі (Агенттік) 2022 жылғы наурыздан бастап 2023 жылғы желтоқсанға дейінгі кезеңде кредиторлар автокредиттерді басқа қолданыстағы кредиттік міндеттемелер болған кезде, көбінесе қарыз алушылардың кірістерін растаусыз бергенін анықтады.&nbsp;Бұл ретте, Агенттіктің алған ақпаратына сәйкес қарыз алушылардың автокредит алу кезінде кредиторлар алдында өзіне қабылдаған барлық міндеттемелерді орындау үшін табысы жеткіліксіз болған. &nbsp;Кредиторлардың бұл бұзушылықтарын алаяқтар бірден өз пайдасына асырады және сенгіш азаматтарды алдайды.&nbsp;Алаяқтардың құрбаны болмас үшін не істеу керек?Кез келген ұсыныстарға әрдайым сын көзбен қараңыз, мейлі ол сату, автокөлік тасымалдау, қажетті құжаттарды ресімдеу және т.б., әсіресе егер сізге нарықтағы бағадан едәуір төмен бағаға көлік ұсынылған жағдайда абай болған жөн.Егер сізге автопрокат қызметі үшін гонорар ұсынылса, онда сізге алаяқтар жолықты деп санаңыз. &nbsp;&nbsp;Сізге банктік қарыздарды немесе микрокредиттерді тиімді шарттармен ресімдеуді ұсынатын делдалдарға сенбеңіз, кредит ресімдеу үшін оларға &nbsp;ақшалай сыйақы бермеңіз.Мәміле шарттары өте тиімді болып көрінсе де, кепілақы, аванс немесе автокөлік сатып алу кепілі ретінде ақша аудармаңыз.Автокөлікті сатып алғанда, сатушыны автоматтандырылған ақпараттық жүйе, сот кабинеті сияқты ашық көздер арқылы тексеріп көріңіз, теріс пікірлердің бар-жоғын тексеру үшін интернет-іздеу жүйелері арқылы сатушының деректерін тексеріңіз.Қарыздар мен микрокредиттер алу үшін тікелей банктерге немесе микроқаржы ұйымдарына жүгініңіз. Кез келген кредит – үлкен жауапкершілік екенін әрдайым есте ұстаңыз.Цифрлық тазалықты сақтаңыз! Бейтаныс адамдарға WhatsApp, Telegram және басқа мессенджерлер арқылы өзіңіз және картаңыз: құпиясөздер, логиндер, кодтар, ЭЦҚ-кілттер және басқа дербес деректер (ЖСН, жеке куәліктің немесе паспорттың нөмірлерін, төлем картасының деректемелерін: картаның артындағы үш таңбалы код (CVV/CVC-код), оның нөмірі, қолданылу мерзімі және т.б.) туралы мәліметтерді бермеңіз. Әлеуметтік желілерде жеке басыңызды куәландыратын құжаттарыңыздың және төлем карталарыңыздың суреттерін жарияламаңыз. Бейтаныс адамдардың нұсқауы бойынша вирустық, тыңшы немесе үшінші тұлғаларға сіздің құрылғыңызды қашықтан басқаруға мүмкіндік беретін (мысалы, AnyDesk немесе TeamViewer) қосымшаларды жүктемеңіз. Фишингтік сілтемелер бойынша өтпеңіз. Күмәнді сайттарда тіркеуден өтпей тұрып, олардың https:/-тан басталуға тиіс мекенжайын тексеріп алыңыз.Алдау дерегін дәлелдеу, оған қоса қаскүнемдерді іздеп табу кейде құқық қорғау органдарының қолынан келе бермейді. Сондықтан мәміле жасамас бұрын сатушыны мұқият тексеріңіз, төлем жасауға асықпаңыз, егер бір нәрсеге күдіктеніп тұрсаңыз заңгерден консультация алуыңызға болады. Сақ болыңыз және Fingramota.kz-пен бірге хабардарлығыңызды арттырыңыз!&nbsp;

Жалған автопрокат: алаяқтықтың жаңа схемасының құрбаны болмаңыз  

Сырдарияда әлеуметтік салаға көңіл бөлінуде

<a href="https://kyzylorda-news.kz/">Kyzylorda-news.kz</a> Өзіме таңсық дүниелерден бейнеролик жасағанды жақсы көремін. Бірде Жалағаш ауданынан ашылғанына көп болмаған «Tatty waffle» деп аталатын кішігірім кафеде видео түсірмек болдым. Кәсіпорын ішіндегі сондай дәмді иіс өзіне баурап барады, жұмысым аяқталған соң кейіпкерімнен кәсіпорынның бүгінгі тынысы жайында сұрадым. Кәсіпкер келіншек жаны жайсаң кісі болғасын ба, әңгімеміз жараса кетті.<blockquote>– Отау құрғаныма биыл 4 жыл болды. Бастапқы жылдары өзім бітірген мамандық бойынша дефектолог болып жұмыс жасадым. Кейін бала күтіміне байланысты демалысқа шықтым, бірақ үйде бос жүрмейін деп жолдасыма «осы кәсіпті бастап көрейік» деп ұсыныс тастадым. Біріншіден, ауданда бұндай кәсіп әлі қолға алынбаған, екіншіден, үнемі халықтың сұранысында жүретін тәттілер болғандықтан ойланбастан кірісіп кеттік. Жалпы дайындығымызға да көп уақыт кетпеді, небәрі бір айдың ішінде жалға алатын орын тауып, оны өзіміздің идеямызбен сәндеп ашып алдық. Қызығы сол, халыққа ұнаған болуы керек, алғашқы күндерден-ақ тұтынушылар қызығып келе бастады. Бірі кафеміздің ішіне қызықса, енді бірі орталықта мүңкіген вафлидің иісіне қызықты. Қазір кәсіпорынның ашылғанына 6 айға жуықтады. Кәсібімізді бұрынғыдан да кеңітіп, халыққа ұсынатын тәттілерді де көбейттік. Өзімнің сүйікті жұмысымды да таптым, – дейді жас кәсіпкер Аружан Бақытжанқызы.</blockquote>Соңғы жылдары кәсіпкерлік са­ла­­сының серпін алуына нәзік­жан­дылардың қосқан үлесі зор. Соның бірі бүгінгі кейіпкерімізбен әңгімелесу бары­сында оның жан-жақты екенін, қо­лы­­нан келгенше ауданның да көр­кеюіне ат салысқысы келетінін аң­ғардық. Өзі дефектолог ма­ман болып жұмыс істеп жүрсе де қосым­ша «шоколадты құлпынай» кәсібімен айналысып, бұл кәсіпті ауданға ал­ғаш алып келген қыздардың қата­рында. Ол бойжеткен кезінен дәмді тағамдар мен тәттілер пісіруге епті болды. Бұл іске қы­зы­ғушылығы басым Аружан­ның сол кездегі арманы ресторан ашу екен. Сол арманның жетегінде жүріп, кәсібінен нәсібін тауып жүр­ген кейіпкеріміз бүгінде ха­лықтың алғысын алып, талғампаз тұты­ну­шылардың көңілі­нен шығуда. Сондай-ақ жас кәсіпкер бүгінде 3 адамды тұрақты жұмыспен қамтып отыр.Бізге ұсынған гонконгтық ваф­лиді жеп отырып мәзірге көзіміз түсті. Жалпы дүкенде ваф­ли­­дегі бал­мұздақтан бөлек түрлі дәм­дегі лимонадтар, коктейль­дер, шо­коладты құлпынай, сонымен қатар жақында ғана қосылған бабл ти су­сындарын халыққа ұсынып жүр. Ба­ғалары да халық үшін қолжетімді. Тұтынуышлар көңілінен шыққанын адамдардың үзілмей келіп жатқа­нынан-ақ бай­қауға болады. Біз барғалы әлі де адам аяғы үзілмеді. – Кәсіппен айналысуға ең алғаш қадамым сұлулық салонынан бастау алды. Жолдасыммен отау құрғаннан кейін келіндік қызмет атқарып үлгер­мей кеттім. Бірақ араға уақыт салып, отағасының қолдауымен үй­де оты­рып-ақ «шоколадты құл­пы­най» әзір­леуді бастап көрдім. Ауданда әлі мұндай кәсіпті ешкім қолға ал­мағасын ба, бәріне қызық болған сияқты, тапсырыс көп түсті. Әсіресе тәттіні қыздар қауымы жақсы көреді ғой, 8 наурыз, түрлі туған күндер және тағы басқа мерекелерде көп тапсырыс түсіп жатады. Кейін бала күнгі арманымды орындап, кішігірім болса да кафе ашып алдық.&nbsp;Енді болашақта кафемізді үлкейтіп, мәзірге басқа да тәттілер қоссақ деп жоспарлап отырмыз, – дейді кейіп­керіміз.Байқасаңыз, қазір балмұздақты біздің кезіміздегідей тек жаз мез­гілінде ғана жемейді. Бұл өнім жыл он екі ай халықтың сұранысында. Кәсіпті бастағалы кафенің ашылуын уақытпен жарыса күтіп тұратын қонақтары да көп-ақ.Иә, қазіргі таңда екі қолға бір күрек таппай жүрген әйелдер көп. Сон­дай-ақ кез келген істі бас­та­ғанда тәуекелге бел буып, алған бе­тінен қайтпай, айқын мақсатына жететіндер де аз емес. Сондай тәуе­кел­шіл жандардың бірі – кейіпкеріміз Аружан Бақытжанқызы. Жеткен же­тіс­тігін аудан тұрғындарынан алған алғысына балаған ол берекелі кә­сібі арқылы туған жерінің дамып, көр­кеюі­не өзіндік үлес қосуды көздейді.&nbsp;Ақнұр АЛТЫНБЕК&nbsp;

Жалағаштағы кәсіпкер келіншек 

<a href="https://kyzylorda-news.kz/">Kyzylorda-news.kz</a> Азық-түлік арзандар емес, қымбаттап барады. Бұрын баға маусымдық мезгілдерде тұрақсызданып, кейін қалпына келіп жататын. Ал қазір қымбатшылық қалыпты жағдайға айналғандай. Үкімет әлеуметтік азық-түлік бағасының тұрақтылығына аса мән беріп, бірқатар бағдарламалар да енгізді. Нәтиже бар, бірақ халық күткендей емес. Әсіресе көкөністің бағасы қалтаға ауыр тиіп тұр.Статистикаға сүйенсек, елі­мізде әлеуметтік маңызы бар азық-түлік тауар­ларының баға индексі үш апта қатарынан төмендеген. Бағаның тө­мен­деуі қарақұмық жармасы, пияз, күн­бағыс майы, ұн және басқа да өнімдер бойынша байқалып отыр. Мау­сымаралық кезеңде көкөніс бағасының анақұрлым ауытқуына жол бермеу үшін ел нарығана Өзбекстан мен Тәжік­станнан «жасыл дәліз» арқылы және дел­далдар мен алыпсатарларсыз кө­көністер тиімдірек бағамен жеткізілетін болады. Нақтырақ айтсақ, Үкімет та­рапынан жалпы көлемі 4 мың тонна импорттық көкөністерді, оның ішінде 2 060 тонна картоп пен 1 940 тонна пияз жеткізуге келісім-шарт жасалған. Жалпы алғанда, әкімдіктер кемінде 18,6 мың тонна картоп, 7,2 мың тонна сәбіз және 5 мың тонна пиязға алдын ала келісім-шарт жасау қажет. Қазіргі уақытта қолда бар қорлардан 81 мың тонна көкөніс өнімдері пайдалануға берілген.Елімізде әлеу­­меттік маңызы бар азық-түлік өнім­де­рінің бағасы қатаң ба­қылауда екені белгілі. Үкімет жыл ба­сынан бері мүдделі органдармен бір­лесіп, тауар­лық үстеме бағаны асыр­ған 732 фактіні анықтап, 1 мыңнан астам әкімшілік іс қозғаса, 109 өнімсіз дел­дал бұғатталған. Жалпы жыл ба­сынан бері баға бел­гілеуге әсер ететін 2,5 мыңнан ас­там тізбекке талдау жасалып, сауда, салық және монополияға қарсы заңна­маларды бұзудың 800-ден астам тәуе­келі анықталған.Сыр өңірінде көкөніс бағасының көр­сеткіші басқа аймақтарға қарағанда әлдеқайда тұрақты. Жергілікті билік те алдағы уақытта бақша өнімдерінің бағасы тұрақты болатынын айтады. Иә, сырбойылықтар соңғы уақытта егістікті әртараптандыруға аса көңіл бөліп, көк­темде бақша дақылын егуді әдетке айналдырған.Мәселен, былтыр Жалағаш ауданында жеке тұр­ғындар та­ра­пынан картоп, көкөніс және басқа да бақша дақылдарын егуге 500 гек­тар жер бөлінген. Сол жерге 921 отбасы 217,3 гектар картоп, 63 гектар көкөніс, 219,7 гектар басқа да бақша дақылдарын еккен. Осылайша жа­ла­ғаштықтар еңбектің арқасында қыстық азығын жинап алған бо­латын.Биыл да бұл үрдіс жалғасын таппақ, тіпті бөлінетін жер көлемі де былтырғыдан көп екен. Ал шаруа қожалықтар былтыр 75 582 центнер картоп, 190022 центнер көкөніс және 283 824 центнер басқа да өнім алған. Өздеріңізге белгілі, жергілікті ша­руа адамдары өзінің өнімдерін жәр­меңкеге әкеліп, қолжетімді бағада сау­­далауды үрдіске айналдырған. Мә­селен, аудандағы «Ер-Әлі» ШҚ бұл мақ­сатта былтыр кар­топ­тың 1 келісін 120 теңгеден, сә­бізді 125 теңгеден сат­ты. Мұ­нан бөлек ау­дан бойынша «Байқоңыр» әлеумет­­тік кәсіпкерлік корпора­­циясы­ның тұ­­рақ­­тандыру қо­рын­дағы өнім­дері жыл­жы­малы жәр­мең­ке арқы­лы тұрғын­­дарға төмен ба­­­ғамен ұсынылуда. Бұл шаралар да бағаның тұрақтауына сеп болады.Фото: egemen.kz

Көкөніс бағасы қанша?

<a href="https://kyzylorda-news.kz/">Kyzylorda-news.kz</a> Тағы бір оқу жылы тәмамдалып, оқушылар жазғы демалысқа шығуға дайын отыр. Бұл уақыт&nbsp;–&nbsp;тоғыз ай бойы мектеп қабырғасында жүріп, біліммен шыңдалған жасөспірімдердің бос уақытын тиімді өткізуге берілетін мүмкіндік. Сондықтан олардың толыққанды демалып, жаңа оқу жылына тың күшпен, сергек серпінмен келуі маңызды. Әлбетте, бұл – білім саласы үшін де күн тәртібіндегі мәселенің бірі.&nbsp;Соңғы қоңырау соғылып, оқушылар үшін үш айдан тұратын демалыс уақыты басталған кезде әр ата-ана "Баламның жазғы демалысын қалай тиімді ұйымдастырсам болады?" деген сұраққа жауап іздейтіні белгілі. Бұл мәселені түрлі сауықтыру орталықтары мен демалыс лагерьлері сәтті шешеді. Бүгінде балалардың белсенді демалысын ұйымдастыру мақсатында кент, қала сыртынан немесе мектеп жанынан ашылған жазғы сауықтыру лагерьлері, тынықтыру ауысымдары, спорт кешендері мен шипажайлар жұмыс істейді. Аталған орындарда демалушылардың денсаулығын нығайтуға, шығармашылық және танымдық қабілетін арттыруға басымдық беріледі.&nbsp;&nbsp;&nbsp;&nbsp;&nbsp;&nbsp;&nbsp;&nbsp; Осы тақырып аясында&nbsp;облыс әкімінің бірінші орынбасары Д.Жаналиновтың&nbsp; "Қызылорда облысында 2024-2026 жылдардағы жазғы демалыс кезінде балалардың сауықтырылуын, демалысын, бос уақытын өткізуге бағытталған іс-шаралар жоспарын" орындау мақсатында Шиелі ауданы бойынша демалыс кезеңінде оқушыларды сауықтыру жұмыстарын жүргізу жоспарланғанын атап өту керек.Өткен оқу жылында аудан бойынша 1-10 сынып аралығында 17 713 бала жазғы демалыспен қамтылып, қамтылу көрсеткіші 76%-ды құраған болатын. Ал биыл 1-10 сынып аралығындағы 17 510 баланы 100% жазғы демалыспен және саяхатпен қамту жоспарлануда.ЛАГЕРЬЛЕР ЖҰМЫС ІСТЕЙДІБалалардың белсенді әрі пайдалы демалысын ұйымдастыру бағытында жалпы 180 балаға арналған Шиелі аудандық "Сыр ұланы" лагері жұмыс істейді. Биыл аталған демалыс орнына 654 бала барса, ауданның 91 жасөспірімі өзге ауданда демалдырылатын болады. Сондай-ақ мектеп жанындағы бір мезгіл тамақпен 32 мектепте 2 338 бала сауығып демалатын болса, бір мезгіл тамақсыз 38 мектепте 3 395 бала тынығатын болады.&nbsp;Бұдан бөлек, 7 мектеп жанынан құрылған шатырлы лагерьлерге 361 бала тартылса, 6 мектеп жанынан ашылған этнолагерьге 543 бала, ұлттық құндылықтар бойынша мектеп жанындағы 6 лагерьге 390 бала, 6 археологиялық лагерьге 257 бала, спортқа бейімделген 27 мектеп жанындағы лагерьлерге 1 318 бала қамтылады деп жоспарлануда.Білім қызметкерлерінің Шиелі аудандық кәсіподақ комитеті есебінен 60 бала өзге облыстардың лагерьлерінде демалса, кәсіпорындар есебінен 135 бала, демеушілік есебінен 153 бала, ата-анасының қатысуымен 350 бала сауықтырылады. Жалпы сауықтыру жұмыстары бойынша 10 045 бала қамтылмақ.Айта кету керек, жазғы демалыс кезінде мектептен тыс мекемелерде "Жайдары жаз –&nbsp;2024" бағдарламасы бойынша арнайы 15 үйірме жұмыс істейтін болады. Ал спорттық және мәдени іс шаралар "Арман"&nbsp;мәдениет үйі мен спорт кешенінде өткізілмек.Сондай-ақ, әр ауысым бойынша лагерь тынығушылары 1 күндік табиғат аясына саяхатқа шығып демалатын болса, аудандық Оқушылар үйінен "Көркемсурет", "Киімді модельдеу және дизайн", "Жас шахматшылар", "Халық биі",&nbsp; "Теннис", "Робототехника"&nbsp; үйірмелері лагерь ұжымымен бірлесіп жұмыс атқаратын болады.Қазіргі таңда лагерь ғимаратын жай жөндеуден өткізіп, спорт ойын алаңдарына тазалық жұмыстары жүргізілуде.ОҚУШЫЛАР ЖҰМЫСПЕН ҚАМТЫЛАДЫМектеп оқушыларының бос уақытын ұйымдастыру саламатты өмір салтын қалыптастырып, олардың шығармашылық тұрғыдан тәжірибе жинап, жеке қабілеттерінің шыңдалуына жағдай жасайды. Осы тұста жазғы демалыс кезінде оқушыларды еңбекпен қамту жоспары қарастырылған. Биыл аудандық&nbsp;жастар ресурстық орталығы арқылы "Жасыл ел" бағдарламасымен 20 бала жұмысқа тартылса, мектепішілік көгалдандыру бригадаларына 18 бала, көгалдандыру топтарына 610 бала, өндірістік кәсіпорындағы жұмыс, жазғы кезеңге арналған шарт бойынша 30 бала, жөндеу-құрылыс бригадаларына 203 бала, кәсібі бар жұмыс (отбасы ісі) орындарымен 235 бала, жалпы 1 353 бала қамтылады деп жоспарланды.Ал шығармашылық жұмыстар бойынша қызушылығына қарай 33 мектепте шығармашылық үйірмелерге 706 бала,&nbsp;31 мектепте шығармашылық клубтарға 763 бала, аулалық клубтарға 27 мектепте 625 бала тартылса, жалпы 2 094 бала шығармашылық бағытта жұмыс істейтін болады.Туристік бағыттағы жұмыстар бойынша 7 мектепте жорықтарға 179, 9 мектепте экскурсияларға 215 бала, облыс және республика бойынша 9 мектепте туристік танысу сапарларына 256 бала, көшпелі спорттық жиындарға 79 бала тартылып, жалпы 729 бала туристік бағытта жұмыс атқармақ.Интеллектуалды бағыттағы жұмыстар бойынша олимпиадалық резервтің 16 жазғы мектепке 455 бала, көшбасшылар активінің, "Жас Ұлан", "Жас қыран" мүшелерінің 29 жазғы мектепке 1 859 бала, жазғы тілдік 19 мектепке 464 бала, 25 пікірсайыс лагерлеріне 511 бала&nbsp;қамтылса, жалпы 3 289&nbsp;бала интеллектуалды бағыттағы жұмыстарға қатысады.Күн күлімдеп, жаз шыққан мерзімде балалар демалысын осылайша жоғары деңгейде ұйымдастыру жоспарлануда. Бүгінде оқушылардың жайлы жағдайы үшін қажетті барлық жағдайлар жасалып жатыр. Жаз мезгілінің қуаныш пен шаттыққа толы ұмытылмас естеліктері аталған жазғы демалыс лагерьлерінен бастау алары сөзсіз. Себебі бұл кезең олардың жалпы физиологиялық, дүниетанымдық тұрғыда жетіліп, дамуына әсер етеді. Ол үшін ұстаздар мен ата-аналар қауымы балалардың тынығу лагеріне баруына жағдай жасаса, нұр үстіне нұр болар еді.&nbsp;

Шиелі: Биыл 17 510 бала жазғы демалыспен қамтылмақ

Сот отырысы барысында К. кінәсін мойындап, жасаған ісіне өкініш білдірді. Астанада такси жүргізушісін қорлап, балағаттаған бұзақы 15 күнге қамауға алынды, деп хабарлайды<a href="https://sn.kz/sn-akparat-agyny/112516-astanada-taksi-zhurgizushisin-korlap-balagattagan-buzaky-tek-15-kunge-kamauga-alyndy"> Skifnews.kz </a>ақпарат порталы.Астана қаласының әкімшілік құқық бұзушылықтар жөніндегі мамандандырылған ауданаралық соты ұсақ бұзақылық жасау фактісі бойынша К.-ке қатысты істі қарады (ӘҚБтК 434-бабының 1-бөлігі). Істің мән-жайы бойынша, К. таксиде келе жатып, такси жүргізушісінің ар-намысы мен қадір-қасиетін қорлап, балағат сөздер айтқан."Өз іс-әрекетімен К. қоғамға құрметсіздік танытып, қоғамдық тәртіпті бұзды. Сот отырысы барысында К. кінәсін мойындап, жасаған ісіне өкініш білдірді.Жәбірленуші С. сурдоаудармашының көмегімен К. телефон қуаттағыш сымды талап еткенін, содан кейін оны қорлап, балағат сөздер айтқанын жеткізді. Денсаулық жағдайына байланысты оның әдепсіз қылығына жауап қатпай, тек көлікті тоқтатқан.Орын алған құқық бұзушылық К.-ның мойындау түсініктемелерінен басқа, оқиға орнынан түсірілген бейнежазбамен расталды", - делінген хабарламада.Осы баптың санкциясы 20 АЕК мөлшерінде айыппұл немесе 5-тен 15 тәулікке дейінгі мерзімге әкімшілік қамаққа алу түріндегі жауаптылықты көздейді.Сот қаулысымен К. ӘҚБтК 434-бабының 1-бөлігі бойынша әкімшілік құқық бұзушылық жасағаны үшін кінәлі деп танылып, 15 тәулікке қамауға алу түрінде жаза тағайындалды.Сот 15 тәулік қамауға алу түріндегі жазалау шарасын жасалған іс-әрекеттің дәрежесі мен сипатын, бұрын осыған ұқсас қоғамдық тәртіпті бірнеше рет бұзғанын ескере отырып тағайындады.Қаулы заңды күшіне енген жоқ.Фото: Нұрболат Нұржаубай

Такси жүргізушісін қорлап, балағаттаған бұзақы 15 күнге қамауға алынды

<a href="https://kyzylorda-news.kz/">Kyzylorda-news.kz</a> Осыдан бір жыл бұрын адамзаттың даму тарихының бірегей ошағы шежірелі өлкеге – 95 жыл толды. Шиелі экономикасы өркендеп, халқының әл-ауқаты өсіп келе жатқан аудандардың санатында. Талай тоқырауды басынан өткеріп, дағдарыстан кейінгі өсу – мұның барлығы ел болып қолдаудың, шұғыл шаралар мен дер кезінде қабылданған шешімдердің жемісі екені даусыз. Біріншіден, бекем бірлік, екiншiден, сол киелі мекенге маңдайының тері сіңген қарапайым шиеліліктердің еңбегi.49 КӨШЕ ҚАЛЫПҚА КЕЛДІДамудың даңғыл жолына көшкен шежірелі өлке бүгінгі күні қала іспеттес елді мекенге айналған жайы бар. Өйткені, киелі Шиелі мерейленіп, жыл сайын жаңарып, шарықтау үстінде. Жаңа ғимараттар бой көтеріп, қолға алынған жол жөндеу жұмыстары аудан көркіне көрік қосып, ажарын аша түсуде. Қоғамдық орындар жаңаша түрге еніп, әртүрлі заманауи нысандар да өзінше бір әр беруде. Шиелі аудандық орталықтандырылған кітапхана маңындағы жаңа демалыс орны, стадион маңындағы заманауи макет пен тау тұлғалар бейнеленген мурал көптің көзайымына айналып та үлгерді. Ал «Самара-Шымкент» тас жолының бойы, орталық алаң мен «Береке» сауда үйіндегі, Жақаев, Абдукаримов көшелеріндегі «лэд» экран кенттің сәнін одан әрі аша түскендей. Бұл да бір дамудың тың әдісі. Себебі көшелерге ілінген баннерлер күнге тозып, өңі қашып, үнемі жаңартып отыруға тура келеді. Қазіргі таңда «лэд» экраннан Шиелі ауданындағы мекемелердің атқарылған жұмыстары мен жарнамалар көрсетіліп тұрады.Өздеріңіз куә болғандай, Шиелі ауданында жол жөндеу жұмыстары жандануда. Айталық, аудан орталығының күре жолдары Әл-Фараби, Досбол датқа, Дәулеткерей, Байтұрсынов, Жақаев, Абылай хан, Бұдабай, Сейфуллин, Шәкәрім көшелеріне күрделі жөндеу жұмыстарды қарқынды түрде жүргізілді. Аталған жұмыстарды «Қызылорда Жолдары» ЖШС атқарды. Қоса кеткен жөн, күрделі жөндеу жұмыстары өтпелі кезеңмен жасалған. Яғни, 2023 жылы жалпы құны 1 миллард 555 миллион теңгені құрайтын жөндеу жұмыстарының 300 млн теңгесі бөлінсе, қалған қаражат 2024 жылы бөлінбек.Қазіргі сәтте Байтұрсынов, Ы.Жақаев көшелерінде жол жөндеу жұмыстары аяқталып, мұндағы асфальт жабындысының қалыңдығы 11 сантиметрді құрайды.Мамандардың мәліметінше, Шиелі кентінің көшелерін қалыпқа келтіру үшін облыстық бюджеттен жалпы ұзындығы 19,8 шақырым болатын 49 көшені орташа жөндеуге 564 млн теңге бөлініпті.«АУЫЛЫНА ҚАРАП, АЗАМАТЫН ТАНЫ»Нақ осы тәмсілді Шиелі ауданының әкімі Нұржан Ахатов өлкемізге келгелі берік ұстанды. Яғни, тазалық мәселесін мықтап қолға алғаны әмбеге аян. Соның арқасында кенттің шырайы күннен-күнге айшықтала түсуде. Шиелі ауданы әкімі Нұржан Сәбитұлы аудандық ардагерлер кеңесі ғимаратында қоғамдық мүшелері және ардагерлер кеңесі төрағаларымен еркін форматта кездесуде ұйымдастырған-ды. Жиын барысында өткен жылы аудан көлемінде жолдарды жөндеуге 3 млрд теңгеден астам қаражат тартылғандығын сөз етті. Қоғамдық кеңес мүшелері тарапынан көтерілген түрлі ұсыныс-пікірлерге орай Шиелі кентінде орталықтандырылған кәріз жүйесі құрылысы қолға алынатындығы, көркейту-көгалдандыру бағытындағы жұмыстар одан әрі жалғасын тауып, жас өскін, тал шыбықтарға тамшылатып суғару жүйесі жүргізілетіндігін айтты.Су саласы ардагерлер кеңесінің төрағасы Әлияр Сейітов: «Ауданда өткен жылы егілген тал көшеттердің 50%-ы алып тұр. Өйткені бұл тиімді ұйымдастырылған жұмыс. Көп жерлерде тамшылатып суғару әдісі қолға алынған. Негізі егілген көшеттің 30%-ы алынса, ол жаман емес. Дұрыс деген баға. Бұған дейін 10%-ға да жетпей келген» деді.Осы тұста байырғы бабалардың «Мың шыбық шаншып өсірсең, халқыңа орман салғаның, өзіңе қорған салғаның» деген сөзі сап ете қалады. Әр тұрғын көшет әкеліп отырғызуы тиіс. Себебі түрлі кеселден аулақ болу үшін ағашты көбейтіп, аулаларды абаттандыру қашанда маңызға ие.Шиелі «таза, жасыл аймақ» ретінде өзге өңірлерге үлгі болуы тиіс. Оған мүмкіндік мол. Сырттан келген қонақтар «қандай таза, шырайлы» деп тамсанып, таңданса, ол біздің де көңілімізді көркейтпей ме?! Сырттан келген сыншының көзі сүйсініп, өзіміз үшін мақтаныш сезімі ұялайтын ауыл мен көше тазалығы бәрімізге ортақ.

Қазақстан және Қызылорда облысының жаңалықтары: Қоғам

Қуандық Бишімбаевқа сот үкімі шығарылды