Ойынды ермек етіп, ойыңды еліктірме 

<a href="https://kyzylorda-news.kz/">Kyzylorda-news.kz.</a>&nbsp; Өңірде «Өрт-2024» РКШОЖ өткізілуіне сәйкес Қызылорда қаласындағы «Эдельвейс» саяжайының маңында «Төтенше жағдайларды жою штабы» жасақталды.​Штаб отырысы кезінде Қызылорда облысы Төтенше жағдайлар департаментінің бастығы полковник Руслан Қайрақбаевқа азаматтық қорғау жүйелерінің қызметтерінің өкілдері оқу-жаттығудың практикалық кезеңіне қатысуға дайын екендіктерін баяндады.​Осыған орай оқу-жаттығудың практикалық кезеңі басталды.​Қызылорда қаласынан 7 шақырым қашықтықта, «Шіркейлі» каналының оң жақ жағалауында белгісіз азаматтың ашық отты пайдалану барысында тоғай алқаптарында өрт шығып, жақын орналасқан шаруа қожалықтарына, тұрғын үйлерге қауіп төнді. Өртті жақын орналасқан жеке шаруа қожалықтарының тұрғындары көріп, ол туралы «112» телефон нөміріне хабарлады. Оқиға орнына Қызылорда орман және жануарлар дүниесін қорғау мекемесінен 1 АЦ автокөлігі, 1 ХТЗ тракторы, 1 Уаз көлігімен 15 адам келіп, жағдайды нақтылады. Өрттің ауданы шамамен 2000 шаршы метр болуына орай, желдің күшеюіне байланысты&nbsp;орталықтан көмек сұрады. Өрт аумағында шаруа қожалықтарының жалдамалы екі малшысы жоғалып кеткендігі жөнінде хабарлаған.<blockquote>– Жалпы оқу-жаттығу барысына 48 бірлік техника, 1 бірлік тікұшақ, 170 адам жұмылдырылды. Олар жауынгерлік қанат жаю ұйымдастырылып, өрт сөндірушілер өрт ошағын 2 «Б» оқпанымен сөндіруге кірісті. Ал 6 қызметкер соққыштармен (хлопушкалармен) өрт сөндіру жұмысын атқарды. Өрттің одан әрі таралуын болдырмау үшін трактордың соқасымен жерді жыртып, өртке қарсы минералды жолақтар жасады. Өзара іс-қимыл алгоритмдеріне сәйкес арнайы және шұғыл қызметтер оқиға орнына жолданды. №4 өрт сөндіру бөлімінің 2 АЦ техникасымен 12 қызметкер, Ақсуат ауылдық округі әкімшілігіне қарасты Ерікті өртке қарсы құрылымының 1 техникасымен 15 адам, №6 өрт сөндіру бөлімінің 2 негізгі өрт сөндіру автокөлігімен 12 қызметкер өрт сөндіру жұмысына жұмылдырылды, –&nbsp;Қызылорда облысы ТЖД бастығы Руслан Қайрақбаев.</blockquote>​Апаттар медицинасы орталығы филиалының көлігімен 1 зардап шегуші қауіпсіз аймаққа тасымалданып, «Қазәуеқұтқару» мекемесінің тікұшағы арқылы ауруханаға жедел жеткізілді.​Командалық-штабтық машинаның экипажына интернет байланысы орнатылып, Төтенше жағдайлар министрлігімен және Қызылорда облысы ТЖД-мен аудио-видеобайланыс орнатылып, ақпарат алмасу жұмысы ұйымдастырылды.​Оқу-жаттығуға&nbsp;жедел құтқару жасағының 1 техникасымен 2 кинологиялық есебі, 5 қызметкері қатысып, малшыны іздестіріп, тапты. Апаттар медицинасы орталығының филиалының қызметкерлері өрт сөндіру штабының жанына орналасқан медпункт ішінде зардап шеккендерге алғашқы дәрігерлік көмек көрсетті.​Сонымен бірге азаматтық қорғау қызметтерінің&nbsp;күш-құралдары да ТЖ аймағына келіп, әрқайсысы өз міндеттерін атқарды.&nbsp;Осылайша&nbsp;арнайы топ&nbsp;өртті дер кезінде сөндірді.&nbsp;

Қызылордада «Өрт-2024» РКШОЖ практикалық кезеңі ұйымдастырылды

Суицид: Жас өренннің өмірі қымбат

Шетелдегі жұмыс: Артықшылығы мен кемшілігі

<a href="https://kyzylorda-news.kz/">Kyzylorda-news.kz.</a> Қазақстан Республикасының Мемлекеттік статистика туралы заңына өзгерістер мен толықтырулар енгізілді. Ондағы өзгерістер статистикалық деректерді жинау тетігін жетілдіруге бағытталған. Бұл туралы Өңірлік коммуникациялар қызметінің ақпарат алаңында облыстық статистика департаменті басшысының орынбасары Гүлмира Нұрқабылова мәлімдеді.<blockquote>– Мемлекеттік статистика туралы Заңының 12-1 және 12-2-баптары жаңа редакцияда қабылданды. Бұл заң жобасы қабылданғаннан кейін формаларды қысқарту процесі жеделдей түседі. Есептемелерді кәсіпкерлік субъектілері, бюджеттік ұйымдар тапсырады, сондай-ақ, сауалнамаға қарапайым азаматтар қатысатын болады. Бұл – жүктеме. Ал, өз уақытында тапсырмағаны анықталса немесе күмәнді деректер байқалса арнайы жауапкершілік қаралған. Аталған өзгерістер 2024 жылғы 8 маусымнан бастап күшіне енетін болады,- деді Гүлмира Жеткергенқызы.</blockquote>Айта кетейік,&nbsp;Қазақстан Республикасы Стратегиялық жоспарлау және реформалар агенттігі Ұлттық статистика бюросы (бұдан әрі – Бюро) пайдаланушылар және респонденттермен әрдайым кері байланысты қолдау мақсатында Бюроның Фронт-офисі құрылды.Фото: Қызылорда облысының Өңірлік коммуникациялар қызметі

Статистика туралы заңға өзгерістер енгізілді

<a href="https://kyzylorda-news.kz/">Kyzylorda-news.kz</a>&nbsp; М.Мәметова атындағы Қызылорда педагогикалық жоғары колледжінде «Шетел тілі» бөлімінің ұйымдастыруымен ұрпақтар арасындағы сабақтастық идеясын ілгерлету, үш ұрпақтың бағыты бойынша «Дана әже, асыл ана, тәрбиелі немере» тақырыбында отбасылар арасында байқау өтті.Мақсаты – білім алушыларды ізгілікке, үлкенді құрметтеуге, халқымыздың салт-дәстүрінен нәр алуға, ой-өрісін дамыту, өнерге баули отырып инабаттылық пен мейірімділікке тәрбиелеу.Аталған жанұялық байқауға бөлім ішінен 5 отбасы қатысып, 5 тур бойынша бақ сынады. Атап айтсақ:1.«Отбасын таныстыру» кезеңі(отбасылар түрлі шығармашылық қабілеттеріне қарай өз отбасыларын таныстырды)2. «Атадан қалған асыл сөз» кезеңі(Ырым-тыйым сөздер қолдана отырып сахналық қойылым ұйымдастыру)3. «Brain ring» интеллектуалды сайыс кезеңі(Сұрақ-жауап және мақал-мәтел жасырылған ұяшықты таңдау)4. Өнерлі ұрпақ – кемел болашақ» отбасылық өнерлерін дәріптеу кезеңі өз өнерлерін көрсету бағыттары бойынша бәйгеге түсті.Әділқазы алқаларының шешімі, сайыс нәтижесіне сай ШТ-М-22 тобынан қатысқан Камаловтар отбасы бас жүлдені жеңіп алып, басқа да отбасылар «Өнерлі отбасы», «Кемеңгер отбасы», «Білімді отбасы» және «Мерейлі отбасы » номинацияларымен марапатталды.&nbsp;Фото: aqmeshit-zhastary.kz

Отбасылар арасында байқау өтті

<a href="https://kyzylorda-news.kz/">Kyzylorda-news.kz.</a> Отбасының шаттығы саналатын балаға, оның тәрбиесіне ата-ана қашанда жауапкершілікпен қарап, бойына жақсы қасиеттер сіңіруге тырысқан. Мектеп пен отбасы ынтымақтастығын арттыру мақсатында Тұрар Рысқұлов атындағы №222 орта мектепте мектепішілік ата-аналар жиналысы өтті.Жиналыс барысында биылғы оқу жылының қорытындысы, оқушылардың жазғы тынығуын ұйымдастыру,балалардың өмірге деген құлшынысын арттыру, зорлық-зомбылықсыз балалық шақты қамтамасыз ету, жазғы маусымдағы оқушылардың құқық бұзушылықтарының, яғни, буллинг, кибербуллинг, лудомания, есірткі, әлеуметтік желі зияндылығының алдын алу, сыбайлас жемқорлықтың алдын алу, балалар қауіпсіздігіне, яғни, су, өрт, жол апаттарының алдын алуға баса назар аудару мәселелері қаралды.Аталған мәселелер бойынша баяндама жасаған мектеп директоры Мақсұт &nbsp;Мукеев 2023-2024 оқу жылын қорытындылап, &nbsp;оқу үлгерімі жоғары, үлгілі тәртібімен, ерекше талантымен көзге түскен, облыстық, қалалық байқаулар мен олимпиада жеңімпаздарын атап, олардың ата-аналарына алғыс білдірді.Оқушылардың жазғы тынығуын ұйымдастыру бойынша жазғы лагерь ұйымдастырылатынын жеткізді. Лагерьге әлеуметтік санаттар бойынша құжаттар қабылданатынын айтты.Оқушылардың жазғы демалыс уақытын тиімді өткізу үшін түрлі өнер, спорттық үйірмелерге қатыстыруға арналған түсіндірме жұмыстары жүргізілді.Облыстық жастар денсаулық орталығының психолог маманы Раушан &nbsp;Жұмаділдаева мен «Сенімен болашақ» қоғамдық бірлестігінің психологі Гафура Нұрболатқызы балалардың өмірге деген құлшынысын арттыру мен зорлық-зомбылықсыз балалық шақты қамтамасыз етіп, суицидтің алдын-алуға байланысты арнайы дайындалған бейнероликтер көрсетті. Адамның кей кездерде стресске қарсыласа алмауы, дұрыс шешім қабылдауда қиналуы, мәселені шеше білудегі қабілетсіздіктерінің алдын алу мен жасөспірімдерге тән репродуктивті денсаулыққа байланысты кеңестер берді.Қызылорда ҚПБ ЖПҚБ ЮПБ УПИ полиция капитаны Нұрлан Жакиев ата-аналарға жаз маусымындағы оқушылардың құқық бұзушылықтарының алдын алу шараларына қатысты жасөспірімдер арасындағы қылмыс пен құқық бұзушылық фактілері мен зорлық-зомбылықтың алдын алуға бағытталған түсіндірме жұмыстарын жүргізді. ҚР Әкімшілік құқық бұзушылық туралы кодексінің 442, 127, 132, 200, 434, 435, 437 баптарын толықтай түсіндірді. ҚР Қылмыстық кодексінің 120, 121, 122, 123, 124, 190, 191, 188, 187, 293 баптары бойынша кәмелетке толмағандарды тәрбиелеу жұмыстарына тоқталып, баланың заңды өкілі ата-ана болғандықтан, оның заңға қайшы әрбір әрекетіне солар жауапты екенін ескертті. Ата-аналарға буллинг, кибербуллинг, лудомания, есірткі, әлеуметтік желі зияндылығы туралы ақпарат берілді.Жол қауіпсіздігінің алдын алу мақсатында жолда жүру ережесі мен жол қауіпсіздігінің алдын алуға байланысты арнайы дайындалған бейнероликтер көрсетілді.Сыбайлас жемқорлықтың алдын алуға қатысты ата-аналарға мектеп директоры &nbsp;Мақсұт Ахметұлының «Мектеп бітіру кешін өткізу туралы» &nbsp;бұйрығы таныстырылып, мектеп бітіру кеші мен оқу жылын аяқтауға байланысты ешқандай ақша жиналмау қажеттігі ата-аналарға қатаң ескертілді. Бұйрыққа сәйкес құқық бұзушылықты болдырмау және сыбайлас жемқорлық тәуекелдерін жою мәселелері түсіндірілді.Қызылорда қаласы Төтенше жағдайлар басқармасының офицері аға лейтенанты Дулат Сейілов жиналыс барысында ата-аналарға жаз мезгіліндегі суға шомылу, өрт қауіпсіздігінің алдын алу бойынша бірқатар ережелерге қатысты кеңес берді. Шомылуға рұқсат етілетін аймақтардың аз екендігін ескере отырып, балалардың суға шомылуын қатаң назарда ұстау қажеттігіне байланысты арнайы бейнероликтер көрсеті. Балалар арасында су, өрт, жол қауіпсіздігінің алдын алуға байланысты ата-аналарға жаднамалар таратылды.Мейрамгүл ДАУЫЛБАЙҚЫЗЫ&nbsp;

Бала қауіпсіздігі – басты назарда

<a href="https://kyzylorda-news.kz/">Kyzylorda-news.kz.</a> Халық қауіпсіздігі үшін қалтқысыз қызметтегі Қайрат Қыдыралиұлы құтқарушы ғана емес төрт дөңгелекті темір тұлпардың қыр сырын меңгерген техник-механик. Әңгімемізге арқау болған 22 жылдан аса тәжірибесі бар бүгінгі күннің батырымен ұялы байланыс арқылы сұхбатымызды өрбіттік.&nbsp;Қайрат &nbsp;Қыдыралиұлы&nbsp;радиациялық-химия бөлімнің бас құтқарушы лауазымын абыроймен атқарып келе жатқан кәсіби маман 2 ұл 1 қыз тәрбиелеп отырған ардақты әке, аяулы жар. Бүгінде ол 2 айға жуық &nbsp; Қостанай, Ақтөбе, Батыс Қазақстан, Атырау облыстарына аттанған Сыр құтқарушылар қатарында. Айта кету керек топан судың алдын алу және жою кезіндегі қажетті техникаларға уақытылы күтім көрсетіліп, олардың үздіксіз жұмыс жасап тұруына жоғары санатты құтқарушы Қайраттың еңбегі орасан зор. Ол бұл өнер атадан балаға берілген қасиет болса керек.Бала кезден әкемнің көлік жөндеп жатқанда қасында жүріп, қатты қызығатынмын. Ал қазір өзімнің балаларым менің жанымда дәл солай құрақ ұшып техника жөндеуге көмек көрсетеді. Өмір алма кезек деген осы шығар, − деп жымиып еске алды.Төтенше жағдай кезінде жұмыстың дұрыс үйлестірілуі және ұжымның ауызбіршілігі аса маңызды. &nbsp;Осы орайда өз әріптестерімен мақтанған кейіпкеріміз, қандай жағдай болмасын ел амандығы үшін кез-келген жағдайда көмек көрсетуге дайын екендіктерін айтты. Ол өзінің көп жылғы еңбегінің арқасында ІІ дәрежелі&nbsp;«Құтқарушы», «Құтқару операцияларына белсенді қатысқаны үшін», ІІІ дәрежелі «Төтенше жағдайлар жүйесіне еңбегі сіңген қызметкер» &nbsp;төс белгісі сондай-ақ, ТЖМ &nbsp;бірнеше мәрте алғыс хатын иелеген Қайратты құтқарушының жоғары санатты бас құтқарушыға дейінгі мансап баспалдағы&nbsp;жас құтқарушыларға үлгі өнеге. Расында ол қызметке қабылданған жас буынға кәнігі құтқарушыға тән қасиеттерді игертіп, мамандықтың қыр сырын үйретуде таптырмас ұстаз екенін ұжым әлде қашан мойындаған. Қауіпті әрі жанқиярлық мамандықты өмірлік ұстанымына айналдырған кейіпкеріміз сұхбат барысында қызмет бабында кездескен түрлі оқиғаларымен бөлісті. &nbsp;Сондай-ақ, табиғи және техногендік сипаттағы апат салдарынан зардап шеккен тұрғындар мен олардың мал-мүлкін &nbsp;құтқару қашанда абыройлы және ер азаматтарға лайықты қызмет. Сондықтан да &nbsp; қай уақытта болмасын құтқарушы мамандығының мәртебесі биік деп есептейді.Мейрамгүл ДАУЛБАЙҚЫЗЫ,

Техниканың тілін тапқан қайратты құтқарушы

Несие несібеден айырмасын

Азық бағасына бақылау керек

Жазалаумен мәселе шешілмейді

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың тапсырмасына сәйкес әлеуметтік жағынан осал отбасылардың өмір сүру сапасын жақсарту, олардың экономикалық дербестігіне және азаматтардың өмірлік қиын жағдайдан шығуына қолдау көрсету мақсатында Арал қаласында «Отбасын қолдау» орталығы ашылып, қызмет көрсетуде. Мейірім азайып, қамқорлық көрсетуден алыстап бара жатқан бүгінгі қоғамның қасіретіне айналған тұрмысы төмен, психологиялық тұрғыдан әлсіз отбасылар мен адамдардың, оның ішінде балалардың бар болуы және олардың санының жыл санап артып бара жатқаны кім-кімді де алаңдатады. Ендеше осындай санатқа жатқызылған немесе аталған орталықтың көмегіне мұқтаж жандар хабардар болсын деген ниетпен «Отбасын қолдау» орталығы жөнінде хабардар болайық.&nbsp;«Арал ауданының жұмыспен қамту және әлеуметтік бағдарламалар бөлімі» КММ-нің «Арал аудандық отбасын қолдау орталығы» коммуналдық мемлекеттік мекемесін құру туралы Арал ауданы әкімдігінің 2023 жылғы 11 сәуірдегі №57-қ қаулысымен жаңадан отбасын қолдау орталығы құрылған болатын. Орталықта 17 қызметкер еңбек етуде. Ғимарат қала аумағындағы Ш.Уәлиханов тұйығының бойында №2а ғимаратында орналасқан. Аптасына бес күн сағат 9.00-19.00 аралығында қызмет көрсетеді. Мамандар тұрғындарды қабылдап, тегін кеңес береді. Сондай-ақ кеңесті +7 72433 2-65-98 телефонына хабарласу арқылы алуға болады. Айта кетерлігі, жаңа мекеме халық үшін қажетті қызмет көрсетеді.Бұл орталық ұсынатын қызмет түрлері аз емес және олардың көбі, әсіресе қазіргі кезде өте маңызды мәселелер санатына жататын әлеуметтік тұрғыда аз қамтылған отбасыларға қатысты. Орталықтың басты бағыты – әлеуметтік жағдайы төмен, көп балалы, аз қамтылған отбасы мүшелеріне ақпараттық-кеңестік және ресурстық қолдау көрсету болып табылатындықтан, орталық қызметінің бірнеше мақсаты бар. Атап айтар болсақ, олар: зорлық-зомбылық көрген отбасыларға жәрдемдесу; мүгедектігі бар адамдарға әлеуметтік порталда жұмыс жасау үшін өз-өзіне қызмет көрсетуге жәрдемдесу; ардагерлерге қызмет көрсету. Сонымен қатар психолог-логопед маманының қабылдауында болып және психологиялық, әлеуметтік және құқықтық кеңестер алуға да болады. Кәсіптік бағыт-бағдар беретін қысқа мерзімді тігін, массаж, шаштараз, маникюр және ұсақ моншақтар үйрету курстарын ұйымдастыру және тағы басқа қажетті сұраныстарға байланысты қызметтер көрсету арқылы қорғауды және көмек көрсетуді қамтамасыз етеді.Қазір осы мақсатта орталық аудан аумағындағы тұрғындарға ішкі істер бөлімімен, оқу орындарымен, аудандық ауруханамен, білім бөлімімен, қала, кент, ауылдық округ әкімдерімен және аудан әкімдігіне қарасты бөлімдермен бірге өмірде қиын жағдайға тап болған немесе оның туындау қауіп-қатері бар отбасыларды анықтап, тиісті қызмет көрсетуде. Сондай-ақ мүгедектігі бар адамдарға және олардың отбасы мүшелеріне, осал топтағы азаматтардың жеке қабілеттері, дағдыларын ескеріп, жұмыс іздеулері мен жұмысқа орналасуларына ықпал етеді.<blockquote>– Өкінішке қарай біздің қызметке жүгінетіндер саны көбеймесе азаймайды. Өйткені тұрмыс тауқыметін тартқандар мен тұрмыстық зорлық-зомбылық көргендердің дені алдымен орталықтың қызметіне жүгінеді. Жыл басынан бері қиын өмірлік жағдайға тап болған 287 адам (отбасылар) анықталып, осы отбасыларға жан-жақты көмек түрлері бойынша жұмыс жасалып келеді. EGOV web-порталы арқылы өтініштер беру бойынша көмек көрсетіледі. Атап айтар болсақ, оңалтудың жеке бағдарламасы бойынша 265 адамға, мемлекеттік атаулы әлеуметтік көмекке – 43 отбасыға (172 адам), тұрғын үй көмегіне – 9 адамға, жер телімін алуға – 5 адамға, балабақшаға кезекке қою – 6 адамға қызмет көрсетілді. Одан бөлек аудан бойынша 522 отбасыға 5646,5 мың теңге көлемінде қайырымдылық көмектер көрсетілді. Ағымдағы жылдың бірінші жарты жылдығында айтулы күндері керемет көңіл-күй сыйлау мақсатында былтыр мерекелік 9 іс-шара өткізілді,-дейді «Отбасын қолдау орталығының» директоры Әділжан Өтегенов.</blockquote>Иә, окінішке орай бүгінде қоғамда неше түрлі жағымсыз жағдайлар орын алып жатыр. Тіпті бір шаңырақ астында тұратын ерлі-зайыптылар арасында тұрмыстық-зорлық зомбылық та аз емес. Оның бірін білсек, бірін білмейміз. Сол үшін адам қандай жағдай болмасын оны жеңу жолын қарастыру қажет.-Тағы айта кетерлігі, орталық қызметіне жүгінетін адамдар да осы қоғамның нақты мүшесі болғандықтан оларға барынша адамгершілікпен, түсіністікпен қарау керек. Сондықтан мұндай жағдайға тап болған ересектер мен балаларды, тіпті бүтін отбасын осы қоғамдық орталарға қайта бейімдеп, оларға психологиялық тұрғыда қолдау білдіріп, аяғына тұрып кетуіне барлығымыз қолдан келгенше көмек көрсетсек құба-құп болар еді. Өйткені өмірден өз орнын таба алмаған адамдардың тұрмыстық қылмыстарды жасауға деген бейімділігі де өте жоғары болатыны белгілі. Сондықтан оларды қатарға қосуға қоғам болып атсалысуымыз керек деп есептеймін,-деді Әділжан Өтегенов.

Қазақстан және Қызылорда облысының жаңалықтары: Қоғам