<a href="https://kyzylorda-news.kz/">Kyzylorda-news.kz</a> Шиелі ауданында Наурызнама мерекесі аясында ұлттық құндылықтарды ұлықтауға арналған Шаңырақ күні кең көлемде аталып өтті. Бұл мереке – отбасы құндылықтарын дәріптеп, ұрпақтар сабақтастығын нығайтуды көздейтін ерекше күн.Іс-шара неке қию рәсімімен басталып, жас отбасылардың қуанышты сәтіне куә болдық. Оларға ақжарма тілектер айтылып, аудан әкімінің орынбасары Самат Қыдырбекұлы аудан әкімінің атынан құттықтау сөз сөйлеп, шаңырақ шаттығына толсын деген ізгі ниетін білдірді. Сондай-ақ, жаңа өмірге қадам басқан жұбайларға естелік сыйлықтар табыс етілді.Мерекелік шара Наурыз батамен жалғасып, ақсақалдар жаңа отау иелеріне ақ тілектерін арнады. Аудан өнерпаздары әсем әндерін орындап, жиынға ерекше әсерлі көңіл күй сыйлады.Шараның келесі бөлімі тағылымды кездесуге ұласты. Кездесуді аудан әкімінің орынбасары жүргізіп, Жосалы кентінің ардагерлер кеңесінің төрағасы Ерболат Ұзақбаев, аудандық ата-аналар комитетінің төрағасы Мағауия Әлиев, Ақсақалдар кеңесінің төрағасы Шегебай Құндақбаев отбасы құндылығы, оның қоғамдағы орны туралы маңызды ойларын ортаға салды. Олар жастарға берекелі шаңырақ көтеру, өзара сыйластық пен татулықты сақтау, адалдық пен жауапкершілік жайында ақыл-кеңестерін айтты.Отбасылық құндылықтарды дәріптеу мақсатында кездесу барысында алтын шаңырақ иелері – отасқандарына 50 жыл бірге ғұмыр кешкен жандар арнайы құттықталып, оларға аудан әкімінің атынан сый-сияпат табыс етілді.

Берекелі отбасы – елдің тірегі

<a href="https://kyzylorda-news.kz/">Kyzylorda-news.kz</a> Биылғы жылы елімізде «Наурызнама» тұғырнамасы негізінде Ұлыстың ұлы күні ерекше аталып өтілуде. Бұл жолы наурызнама онкүндігінің үшінші күні «Шаңырақ» күні ретінде тойланды. Онкүндік негізінде қазақтың рухани дүниесі жанданып, тарихи-мәдени өркениет қайта жаңғырып жатыр десек те болады. Мейрамды Арал ауданы жұртшылығы да кең көлемде атап өтті.Орталық алаңдағы мерекелік шаралар легі түрлі дәстүрмен толысып, театрландырылған қойылымпен жандана түсуде. Ерекше маңызға ие онкүндіктің бүгінгі шараларына аудан әкімі Аманжол Оңғарбаев куә болып, отбасы құндылығын насихаттаған әр үйдегі қойылымдарды тамашалады.&nbsp;Сән-салтанаты келіскен кешті аудан тұрғындарымен қатар шет елден келген туристер де тамашалап, халқымыздың ежелгі дәстүрлеріне қанықты.Бүгінгі күн ертесімен «Шаңырағым – шаттығым» атты мерекелік концертпен бастау алды. Қаз қатар тігілген қараша үйлерде өткен шаралардың дені отбасы құндылығын дәріптей түскендей. Айталық жас отбасылардың салтанатты неке қию рәсімі, жаңа туған сәбидің ата-анасына туу туралы куәлік табыстау рәсімі және отасқандарына 50 жыл толған «Алтын той» иелерімен кездесу сынды рәсімдер орындалды.Бір үйде кондитерлік және тұрмыстық тұтыну өнімдерінің көрмесі өтсе, келесі киіз үй жанында ұлттық спорт түрі «Қол күресі» мен «Гір тасын көтеруден» сайыс болды. Халқымыздың ежелгі тұрмыс салтынан сыр шертетін мұражай да келушілерге есігін айқара ашты.«Шаңырақ» күніне сай бүгін «Шаңырақ көтеру», «Қыз ұзату», «Танабау байлау», «Бесікке салу» және «Тұсау кесу» сынды дәстүрлі қойылымдар көпшілікке ерекше көңіл-күй сыйлады. Бұл күні «Шаңырағым шаттығым», «Шаңырақ» және «Аманат» сынды театрландырылған қойылымдар да болды. Ал «Берекелі шаңырақ» атты жас отбасылардың неке қию рәсімі, «Отбасы – ең басты құндылық» қойылымдары мен «Ұлттық құндылық – тәрбиенің түп қазығы», «Ұлттық құндылық – ұлт қазынасы» ұлттық дәстүрлер көрсетілімдері жұртшылықтың ерекше құрметіне бөленді.Ертелі-кеш ұйымдастырылған дәстүрлі шаралар кешкілік «Шаңырақ – шаттық Отаны» атты Райым, Жетес би, Қаратерең, Жаңақұрылыс ауылдық округтеріндегі білім беру ұйымдары мен ауылдық клуб үйі өнерпаздарының мерекелік концертімен түйінделді.Айта кетейік, ертең, яғни 17 наурыз – Мәдениет және ұлттық салт-дәстүр күні мерекесіне орай кешкілік Аманөткел, Мергенсай, Сазды ауылдық округтеріндегі білім беру ұйымдары мен ауылдық клуб үйлері өнерпаздарының «Көктем құшағындағы Наурыз» атты театрландырылған мерекелік концерті өтеді.<img src="https://knadmin.beoblood.kz/uploads/Nauryznama_onk_ndigi_a9c8567f05.jpg" alt="Наурызнама онкүндігі.jpg"><img src="https://knadmin.beoblood.kz/uploads/Nauryznama_Aral_audany_0af9b300cf.jpg" alt="Наурызнама Арал ауданы.jpg">

Наурызнама: Шаңырақ күнін аралдықтар ерекше тойлады

<a href="https://kyzylorda-news.kz/">Kyzylorda-news.kz</a> Синоптиктер елімізде күн жылынып, кей өңірлерде жауын-шашын, көктайғақ болатынын болжап отыр, – деп хабарлайды <a href="https://kaz.inform.kz/news/kun-zhilinadi-aldagi-ush-kunde-kazakstan-halkin-kanday-aua-rayi-kutp-tur-88492d/">Қазақпарат.</a>Қызылорда облысында алдағы үш күнде ауа райы жылы және жауын-шашынсыз болады.&nbsp;Күндіз ауа температурасы + 20...+25°С, түнде + 4...+9°С.Фото: Нұрболат Нұржаубай

Алдағы үш күнде күн жылынады

<a href="https://kyzylorda-news.kz/">Kyzylorda-news.kz</a> Астанадағы Qazaqstan Venture Group қоры отандық және Орталық Азия елдерінің жасанды интеллект бағытындағы жобаларына 1 млрд долларға дейін инвестиция салады, – деп хабарлайды<a href="https://kaz.inform.kz/news/alemai-halikaralik-zhasandi-intellekt-ortaligi-biil-ashiladi-6a6c41/"> Қазақпарат.</a>Премьер-министр Олжас Бектеновтің «Ілгерілеуге бастаған алты жыл: Қазақстан орнықты даму жолында» мақаласында осындай дерек айтылады.Үкімет басшысы келтірген деректерге сүйенсек, Қазақстан IT-қызметтер экспортын ұлғайтып қана қоймай, Орталық Азия елдері арасында сенімді түрде көш бастап тұр.<blockquote>- Балабақшаларда «Отбасының цифрлық картасы», «Әлеуметтік әмиян» және цифрлық ваучерлер белсенді қолданылады, QazaqLaw (заңнамалық база бойынша көмекші), LLM ұлттық тілдік моделі жасалды, «Бизнестің цифрлық картасы» және басқа да жобалар әзірленуде. Соңғы бес жылда инновациялық өнім көлемі екі еседен астам, 1,1 триллион теңгеден 2,4 триллион теңгеге дейін өсті, - дейді Олжас Бектенов.</blockquote>Сондай-ақ, ол Президент тапсырмасымен жасанды зейіннің дамуына қолдау көрсету үшін «Астана» халықаралық қаржы орталығының базасында Qazaqstan Venture Group қорларының венчурлық қоры құрылғанын еске салады. Мұндағы қаржыландырудың мақсатты көлемі – 1 миллиард доллар.&nbsp;<blockquote>- Қор Қазақстан мен Орталық Азияның инновациялық жобаларына басымдық бере отырып инвестиция салады. Биыл еліміздің жедел цифрлық трансформациясына ықпал ететін Alem.ai халықаралық жасанды интеллект орталығы ашылады, - деп жазады Премьер-министр.</blockquote>Олжас Бектенов Үкіметтің алдында цифрландыру мен жасанды интеллект, көлік, энергетика, агроөнеркәсіп секторы және адам капиталының даму әлеуетін ұтымды пайдалану міндеті тұрғанын айтады.&nbsp;<blockquote>- Үкімет жүктелген міндеттерді орындауға бар күш-жігерін салады. Көріп отырғанымыздай, соңғы 6 жыл ішінде атқарылған жұмыс аз емес, бірақ алда бұдан да ауқымды міндеттер тұр, - деп түйіндеген ол мақаласын.&nbsp;</blockquote>Фото: freepik.com

Alem.ai халықаралық жасанды интеллект орталығы биыл ашылады

<a href="https://kyzylorda-news.kz/">Kyzylorda-news.kz</a> Ұлттық құндылықтарды насихаттау мақсатында &nbsp;Мемлекет басшысы 2024 жылы мақұлдаған Наурызнама тұжырымдамасына сәйкес &nbsp;14 &nbsp;наурыз «Көрісу күні-Амал мерекесінен» &nbsp;бастау алатын он күндік мереке жаңартылған форматта өкізіледі.&nbsp;Осыған орай ҚАЖД №60 мекеме қызметкерлері Қызылорда облыстық «Анаға тағзым» мәдени орталығымен бірлесіп «Амал келді, жыл келді» тақырыбында мерекелік шара өткізді.Іс-шараның мақсаты – көнеден келе жатқан ұлттық мейрамның мәнін ашып, ұмытылып бара жатқан &nbsp;әдеп-ғұрыптарымызды өскелең буынға дәріптеу.Іс-шарада «Аластау» дәстүрі, «Жарапазан» ғұрыптық әні, Бәдік жыры орындалып, «Тұсау кесер» рәсімдері көрсетілді. Қатысушылардың зеректігі мен білімін сынау мақсатында Наурыз айында өткізілетін «Ұйқыашар» жоралғысы, «Саумалық» айту салты, «Құтаю» рәсімдеріне қатысты сұрақтар қойылып, әр ғұрыптың &nbsp;мән-маңызы кеңінен түсіндірілді. Құлақ құрышын қандырар қазақтың ұлттық ән-жырлары нақышына келтіріп орындалды.Аталған іс-шарада тұсаукесер рәсімі орындалды. №60 мекеме бастығының орынбасары, әділет подполковнигі Алтынбек Ускенбаев &nbsp;аға лейтенант Айбек Орынбаевтың ұлы Нұрғиса Нұрдидардың тұсауын кесіп, ақ батасын берді.Сонымен қатар рәсім бойынша арнайы кәдесыйларын табыстап, кішкентай батырдың қолына қамшыны ұстатып, қамшының қасиеті туралы шағын мағұлұмат беріп өтті.<blockquote>– Қашанда қазақ халқы үшін қамшы сыйлау-құрметтің белгісі. Қамшы-қазақ халқының қолөнері,сонымен қатар мәдени өміріндегі, тарихындағы, тұрмыс-тіршілігіндегі,рухани дүниетанымындағы материалдық көне мұраға айналған құнды жәдігері. Қамшыда кие болады, қамшыда айбар болады, қолына қамшы ұстаған азамат айбарлы көрінеді. Сондай жақсы ниетпен, әрі салт-дәстүрді жас ұрпақтың санасына сіңіру мақсатында осы қамшыны сыйлауды жөн көрдім. Кішкентай Нұрдидардың қадамы оң болсын, елдің баласы болсын. Халқына, отанына адал қызмет қылсын, – деді мекеме бастығы орынбасары, әділет подполковнигі Алтынбек Ускенбаев.</blockquote>

Мерекелік іс-шарада тұсаукесер рәсімін өткізді

<a href="https://kyzylorda-news.kz/">Kyzylorda-news.kz</a>&nbsp; Жаңару айында өтіп жатқан сайлау науқандары наурыз нышандарымен айшықталуда.Жаңақорған жұрты бүгін Жайылма және Қыркеңсе ауылдық округтерінің әкімдерін сайлауға белсене қатысуда. Сондай-ақ, бүгін Жалағаш ауданындағы Аққыр ауылының тұрғындары жаңа әкім сайлауға дайын.Маңызды күнде комиссия мүшелері сайлаушыларды ұлттық киіммен қарсы алып, қызмет көрсетіп, наурыз мерекесін сезіндіруде.Өз таңдауын жасап, дауыс беруге келген сайлаушылар да учаскелерге ұлттық киім барып, Әз-Наурызға мерекелік әр берді.&nbsp;Ал, Аққыр ауылының Аналар кеңесінің әжелері дауыс беріп, маңызды күнде бірліктің үлгісін көрсетті. Сондай-ақ, Қостанбай би көшесінің тұрғындары топтасып келіп, өз таңдауларын жасады. Олар туған жердің дамуы жолында ауыл әкімі болуға үмітті азаматқа дұрыс таңдау жасау қажетпіз деген ойды алға тартты.Дауыс беру күні сайлаушылардың көңіл-күйін көтеру мақсатында учаске алдында ұлттық спорт түрлерінен жарыс өткізілді. &nbsp; Жайылма ауылдық округінде 774 сайлаушы, Қыркеңсе ауылдық округінде 1050 сайлаушы, Аққыр ауылдық округінде 537 сайлаушы тіркелген. &nbsp; &nbsp;Айта кетейік, учаскеге келіп дауыс беруге мүмкіндігі жоқ азаматтар өтініш беру арқылы тасымалданатын жәшік арқыл таңдау жасай алады.&nbsp; Дауыс беру кешкі 20.00-ге дейін жалғасады.&nbsp;&nbsp;Еске салайық, әкімдер 4 жыл мерзімге сайланады.

Сайлаушылар мен комиссия мүшелері сайлауға ұлттық киіммен келді

<a href="https://kyzylorda-news.kz/">Kyzylorda-news.kz</a>&nbsp; Наурыз мерекесі қарсаңында айналаны қоқыстан тазарту, бұлақ көзін ашу, көшет отырғызу дәстүрі қалыптасқан.Бүгін "Таза Қазақстан" республикалық экологиялық бағдарламасы аясында өңірдің барлық елді мекенінде санитарлық тазарту, абаттандыру және көркейту-көгалдандыру жұмыстары жүргізілуде.«KazStroyCapital LTD Kyzylorda» компаниясы «Қызылорда қаласын көгалдандыру» және «Қызылорда қаласының жасыл белдеуі» жобаларын мемлекеттік-жекеменшік әріптестік аясында іске асыруға кірісті. Кызылорда қаласындағы өндірістік базаға 15 техника әкелінді. Қосымша 38 техника жолда, олар алдағы екі апта ішінде жеткізіледі.Аймақ басшысы Нұрлыбек Нәлібаев сенбілік барысында жаңа техникаларды көріп шықты.Екі апта ішінде қалада көгалдандыру жұмыстары басталады, яғни ағаш отырғызу, суару жүйесін салу және тиісті инфрақұрылым жеткізу жоспарланған. Аймақ басшысы жұмыс сапасын қатаң қадағалауды тапсырды.Бүгінгі сенбілікке Қызылорда қаласы және аудандардағы 954 мекемеден 10 610 адам, 198 арнайы техника жұмылдырылды. Полигондарға 219,5 тонна қоқыс шығарылды.Облыс әкімінің тапсырмасына сәйкес елді мекендер аумағының санитарлық тазалығы қатаң бақылауға алынып, жұмыс үздіксіз жалғасуы қажет.Қала аумағында ұйымдастырылған сенбілікке 128 мекемеден 1872 адам қатысып, 81 техника іске қосылды. Жұмысқа "Қызылорда тазалығы", "Жасыл Қызылорда", құрылыс мекемелерінің, орман шаруашылығының техникалары жұмылдырылды. Орталық полигонға 300 текше метр қоқыс шығарылды.Фото: Қызылорда облысы әкімінің баспасөз қызметі

"Таза Қазақстан": Облыс тұрғындары жаппай сенбілікке қатысты

<a href="https://kyzylorda-news.kz/">Kyzylorda-news.kz</a> Қызылорда облысындағы алкогольден бас тартқан елді мекендерде қылмыс та тоқтаған. Соның бірі – Өзгент ауылы. Бұл ауылдық округте ішімдік сатылмағалы 10 жылға жуықтапты, деп хабарлайды<a href="https://baq.kz/qyzylorda-oblysyndagy-18-auylda-ishimdik-satylmaydy-200009282/">&nbsp;BAQ.KZ</a>Зияда Ядыгарованың дүкен ашқанына 20 жыл болған. Кейінгі 10 жыл көлемінде ауыл ақсақалдарының ұсынысы бойынша ішімдік сатуды тоқтатқан.<blockquote>Бұл бастамадан кейін табысым азайып қалған жоқ. Керісінше кәсібім өрге басып, шағын дүкенім кеңейді, – дейді ол.</blockquote>Өзгент ауылының негізгі тіршілік көзі – егін және мал шаруашылығы. Сондықтан мұндағы дүкендерде арақ-шарап емес, ағарған көбірек сатылады. Жалпы ішімдік сатуды мұндағы дүкендердің барлығы осыдан 10 жыл бұрын тоқтатқан. Содан бері бұл елді мекен аудандағы ең үздік ауылдардың қатарына еніп отыр.1800-ден аса тұрғыны бар ауылдың көшелеріне түгел жол төселген. Екі жыл бұрын жаңа мәдениет үйі пайдалануға берілген. Спорттық ойын алаңдары да жеткілікті.<blockquote>Ауылдық округтен кейінгі 5 жыл көлемінде қылмыс тіркелмеген. Мал ұрлығы және басқа да бөтеннің мүлкін ұрлау бойынша қылмыс та тіркелмеді, – деді учаскелік полиция инспекторы Сүйіндік Асылбаев.</blockquote>Облыстық прокуратураның мәліметі бойынша 49 ауылдық округте кейінгі екі жыл бойы қылмыс тіркелмеген. Ал 18 елді мекендегі дүкендер алкогольдік сусын сатудан біржола бас тартқан.Фото: freepik.com

Қызылорда облысындағы 18 ауылда ішімдік сатылмайды

<a href="https://kyzylorda-news.kz/">Kyzylorda-news.kz</a> &nbsp;Себебі «Болашақ» бағдарламасының ақпараттық жүйесі мен шекара қызметінің «Бүркіт» атты базасы ұштастырылды. Бұл туралы Ғылым және жоғары білім министрі Саясат Нұрбек айтты деп хабарлайды &nbsp;<a href="https://t.me/atamekenbusiness_qaz">atamekenbusiness_qaz</a> телеграм арнасы.<blockquote>«Болашақпен» оқыған бүкіл стипендия иегерлеріне бұл талаптар сақталады. Олардың тізімін шекара қызметіне береміз. Шекараға кіргенде не шыққанда бізге бірден сигнал түседі. Бүкіл стипендия иегерлеріне ашық ескертіп қояйын. Біліп жүрсін. Енді біз кім шықты, кім келді, кім қайтқан жоқ – бәрін біліп отырамыз», – деді министр.</blockquote>Сөзінше, шетелде оқып, борышын өтемей жүрген 200-300-дей адам айқындалды. Осы уақытқа дейін түлектер түрлі қулыққа барған, деді Саясат Нұрбек.<blockquote>«Түлектер ауылдық жерлерге барады. Себебі ауылдарда жұмыс өтілі – бес жыл емес, үш жыл. Ауылдық жерлердегі бір мекемеде тіркеледі, алайда өзі қалада жұмыс істейді. Енді біз тек қана бірінші жұмысында тіркелген салықтарды ғана қабылдайтын болдық», – деді министр.</blockquote>Фото: видео скриншот

Енді «Болашақпен» оқығандардың елге кіріп-шыққаны бақылауға алынады

<a href="https://kyzylorda-news.kz/">Kyzylorda-news.kz</a> Дағыстан Республикасының Цифрлық даму министрі Юрий Гамзатов мессенджерді теріс пиғылды адамдар жиі қолданатынын баса айтты. Бұған Махачкала әуежайындағы тәртіпсіздіктерді мысал етіп <a href="https://kaz.inform.kz/news/dagistan-men-sheshenstanda-telegram-bugattaldi-c6c0a1/">көрсетті</a>, деп хабарлайды ТАСС ақпарат агенттігі.Дағыстан Республикасының Цифрлық даму министрі Юрий Гамзатовтың журналистерге айтуынша, Telegram мессенджері құқық қорғау органдарының сұрауы бойынша Дағыстан мен Шешенстанда (Солтүстік Кавказ федералды округі) бұғатталған.<blockquote>– Telegram-ды Солтүстік Кавказ федералды округінің екі аймағында – Шешенстан мен Дағыстанда бұғаттау туралы шешім федералдық деңгейде құқық қорғау органдарының ұсынысы негізінде қабылданды. Оны теріс пиғылды адамдар жиі қолданады, соның бір мысалы ретінде Махачкала әуежайындағы тәртіпсіздіктерді келтіруге болады. Болашақта Telegram қайта қосылуы мүмкін, – деді ол.&nbsp;</blockquote>2024 жылдан бері Солтүстік Кавказдың бірқатар аймағында Telegram мессенджерінің жұмысында ақаулар байқалған. Гамзатов танымал мессенджердің аналогтарын пайдалануды ұсынды.<blockquote>– Әзірге жақсы аналогтар бар, мысалы «ВК», – деді министр.</blockquote>2023 жылдың қазан айында Таяу Шығыстағы жағдай шиеленіскен сәтте Тель-Авивтен рейстер келгенде Махачкала әуежайында жаппай тәртіпсіздіктер болды. Тәртіпсіздікке қатысушылар «Ұйташ» халықаралық әуежайында құны 24 миллион рубльден асатын мүлікті қиратып, бүлдірген. 30 мемлекеттік қызметкерге қатысты заңсыз әрекеттер жасалып, оның 23-і әртүрлі дәрежедегі дене жарақаттарын алған.Фото: &nbsp;freepik.com

Дағыстан мен Шешенстанда Telegram бұғатталды

<a href="https://kyzylorda-news.kz/">Kyzylorda-news.kz</a>&nbsp; Бүгін Амал күнінде облыс әкімі Нұрлыбек Нәлібаев Қызылорда қаласы Жаппасбай батыр көшесіндегі 60 пәтерлік тұрғын үйдің кілтін табыстады. Салтанатты рәсімге зиялы қауым өкілдері, жауапты сала басшылары мен қала тұрғындары қатысты. Аймақ басшысы жаңа қоныс иелерін Амал күнімен және алдағы Наурыз мейрамымен құттықтап, өңірдегі ауқымды жобаларға тоқталып өтті.<blockquote>«Мемлекет басшысы Қасым-Жомарт Кемелұлының қатысуымен Бурабайда Ұлттық құрылтай өтуде. Алқалы жиында құрылтайдың бесінші отырысын келер жылы Сыр елінде өткізу туралы шешім қабылданды. Бұл – біздің аймағымыз үшін тарихи сәт. Өйткені алты Алаштың астанасы болған, тоғыз жолдың торабында орналасқан өңіріміз ел болашағы үшін маңызды шешімдер қабылданатын орталыққа айналады. Оған қоса, бүгін көктемнің келгенін айқын сездіретін Амал күнінде, Наурыз мейрамы қарсаңында жаңа пәтер кілттері табысталуда.Мемлекет басшысы Қасым-Жомарт Кемелұлы халықты тұрғын үймен қамтамасыз ету мемлекеттің әлеуметтік саясатының басым бағыты екенін атап өтті. Президентіміздің, Үкіметтің ерекше қолдауының арқасында бүгінде облысымыздың бюджеті 750 млрд теңгеге жетті. Өздеріңіз білесіздер, осыдан үш жылдай уақыт бұрын аймақ бюджеті 364 млрд теңге болатын. Өсім 206 пайызды құрады. Бұл қомақты қаражат аймақтағы ең өзекті деген мәселелерді шешуге, тұрғындардың өмір сүру сапасын жақсартуға және ауқымды инфрақұрылымдық жобаларды іске асыруға жұмсалуда.Мемлекеттің қолдауын сезініп, баспаналы болуға ниет еткен әрбір отбасы үшін бүгін айтулы күн! Баспаналы болу отбасын, әсіресе балаларды қуанышқа кенелтеді. Қоныс тойларыңыз құтты болсын! Шаңырақтарыңыз шаттыққа бөленіп, ішінен балалардың әсем күлкісі мен үлкендердің қуанышты үні естілсін! Ұлтымыздың мерейін өсіріп, бар болмысымызды айшықтайтын қасиетті Наурыз мерекесі елімізге, әрбір отбасына бірлік пен қуаныш, құт-береке, бақыт пен молшылық әкелсін! Ұлыс оң болсын, ақ мол болсын!»,– деді Нұрлыбек Машбекұлы.</blockquote>Іс-шарада ел ағаларына, жаңа тұрғын үйді салған құрылысшыларға облыс әкімінің Алғыс хаты табысталып, Қызылорда қаласы және Арал ауданының құрметті азаматы Имамадин Оңғарбаев батасын берді.Фото: Қызылорда облысы әкімінің баспасөз қызметі

Қызылордалықтар Амал күнінде қоныс той тойлады

<a href="https://kyzylorda-news.kz/">Kyzylorda-news.kz</a> Мәжіліс депутаты, Ұлттық құрылтай мүшесі Еділ Жаңбыршин Ұлттық құрылтай аясында өткен секцияда фонограммаға тыйым салу керегін айтты, деп хабарлайды <a href="https://baq.kz/deputat-fonogrammaga-tyyym-bolsa-dimash-siyaqty-talanttar-kobeyetinin-aytty-200009607/">BAQ.KZ тілшісі.</a><blockquote>Біз фонограммаға тыйым салуымыз керек. Халықты алдамауымыз керек. Халықтың алдына шыққан әнші, әртіс жан дауысымен айтуы қажет. Себебі халық оған ақша төлеп, оның дауысын тыңдауға келіп отыр. Сондықтан әнші айтатын әнін жанды дауыспен айтқаны дұрыс, - дейді депутат.</blockquote>Сонымен қатар Жаңбыршын әншілер жанды дауыспен ән айтса, шынайы таланттар табылатынын қоса кетті.<blockquote>Фонограммасыз ән айтса, онда біз шынайы таланттарды таба аламыз. Димаш сияқты дауысы бар, әртүрлі тембрде айтатын, компьютермен әрленбеген шынайы дауыспен айтатын таланттарды шығара аламыз. Осылайша дәстүрлі әртістерді сахнаға шығара аламыз, оларға сұраныс та артады. Себебі олар әрқашан жанды дауыста айтады, - деп атап өтті Мәжіліс депутаты.</blockquote>Оның сөзінше, депутаттар фонограммаға тыйым салу бойынша министрлікке норма берген.Фото: pixabay.com

Қазақстан және Қызылорда облысының жаңалықтары: Қоғам