<a href="https://kyzylorda-news.kz/">Kyzylorda-news.kz</a> Ақмола облысындағы Атбасар қаласында&nbsp;ер адам балаларды көлігінен шығарып,&nbsp;шыбықпен аяусыз ұрып жатқаны көрсетілген видео тарады. Бұл туралы <a href="https://stan.kz/akmola-oblisinda-er-adam-balalardi-shibikpen-ayausiz-yr-404527/">Stan.kz</a> ақпарат агенттігі хабарлайды.Кадрларда ер адам алдымен көлігін тоқтатады. Кейін&nbsp;терек бұталарын жұлып алып, көлігінен балаларды шығарып әрбірін ұра бастаған.&nbsp;Балалардың жағдайы туралы ақпарат жоқ.Ақпаратты Ақмола облысының полиция департаменті&nbsp;растады.<blockquote>"Бұл факт Атбасар аумағында орын алды. Полиция қызметкерлері қылмыстық кодекстің 109-бабы "Ұрып-соғу" бойынша сотқа дейінгі тергеп-тексеруді бастады. Бйнежазбадағы адамды анықтау және оны қылмыстық жауапкершілікке тарту бойынша іс-шаралар жүргізілуде", – делінген хабарламада.</blockquote>Фото желі кадрларынан

Желіде балаларды шыбықпен аяусыз ұрған ер адамның видеосы тарады

<a href="https://kyzylorda-news.kz/">Kyzylorda-news.kz</a> Өзгертілген сызбаларды Taplink-тен көруге болады, деп хабарлайды <a href="https://baq.kz/elordada-sammitke-baylanysty-17-avtobustyn-bagyty-ozgeredi-337948/">BAQ.KZ.</a>Астана қаласының тұрғындары мен қонақтары 9 тамызда Астанада "Орталық Азия+Жапония" Диалогының бірінші саммитінің, сондай-ақ Орталық Азия мемлекеттері басшыларының 6-Консультативтік кездесуінің өткізілуіне байланысты, №3, 4, 4А, 14, 19, 21 29, 29А, 32, 40, 43, 50, 58, 66, 84, 202, 203 бағдарлардың қозғалыс сызбасы уақытша өзгереді, - деп жазылған хабарламада. &nbsp;&nbsp;

Елордада саммитке байланысты 17 автобустың бағыты өзгереді

<a href="https://kyzylorda-news.kz/">Kyzylorda-news.kz</a> Желіде барлық қазақстандықтарға&nbsp;140 мың теңгеден басталатын жаңа арнайы әлеуметтік төлем пайда болғаны туралы ақпарат тарауда.&nbsp;Еңбек және халықты әлеуметтік қорғау министлігі мұның алаяқтардың жаңа тұзағы екенін айтып, халықты сақ болуға шақырды. Бұл туралы <a href="https://stan.kz/news-404508/">Stan.kz</a> ақпарат агенттігі хабарлайды.Деректерге сүйенсек, белгісіз адамдар төлемді тексеру үшін сілтемеге өтуді ұсынады.<blockquote>“Төлемнің мұндай түрі жоқ екенін хабарлаймыз. Тиісінше, хабарламада көрсетілген сілтеме алаяқтар үшін азаматтардың жеке деректерін алу тәсілі болуы мүмкін. Алаяқтармен өзара әрекеттесуді болдырмау үшін сілтемеге өтпеуілеріңізді сұраймыз. Мемлекеттік қолдаудың тиісті шаралары туралы ресми ақпарат тек қана 1414 нөмірінен СМС-хабарламалар арқылы таратылады. Азаматтардан тек ресми көздердегі ақпаратты пайдалануын сұраймыз.”, –&nbsp;делінген хабарламада.</blockquote>Министрлік жалған ақпарат тарату заңмен жазаланатынын еске салды.&nbsp;Фото: iStock

"Қазақстандықтарға 140 мың теңге төлем беріледі": Министрлік желіде алаяқтардың жаңа тәсілмен аладап жатқанын ескертті

<a href="https://kyzylorda-news.kz/">Kyzylorda-news.kz</a> &nbsp;Түркияның&nbsp;Мугла қаласының Милас ауданына ресейлік және қазақстандық туристерді тасымалдап апара атқан микроавтобус&nbsp;жантүршігерлік апатқа ұшырады. Бұл туралы <a href="https://stan.kz/turkiyada-kazakstandik-turister-mingen-avtobus-zhol-apa-404507/">Stan.kz </a>ақпарат агенттігі &nbsp;<a href="https://www.muglagazetesi.com.tr/milasta-feci-kaza-cok-sayida-yarali-var-165240h.htm#google_vignette">Мuglagazetesi</a> порталына сілтеме жасап хабарлайды.Алдын ала мәліметтер бойынша, апат салдарынан 13 турист зардап шегіп ауруханаға жеткізілген.<blockquote>“Алынған ақпаратқа сәйкес, 112-ші топқа таңғы сағат 7:00 шамасында мидибустың аударылып, ішінде зардап шеккендер бар деген хабар келді. Милас-Кору жолындағы оқиға орнына бірнеше жедел жәрдем көліктері, полиция, өрт сөндіру және құтқару бригадалары жіберілді”, –&nbsp;делінген хабарламада.</blockquote>Оқиға орнына келген бригадалар зардап шеккен ресейлік және қазақстандық 13 адамды мидибустан шығарып, жедел жәрдем көлігімен ауруханаларға жеткізген. Полиция оқиға бойынша тергеудің басталғанын жеткізді.Фото:&nbsp;muglagazetesi

Түркияда қазақстандық туристер мінген автобус жол апатына ұшырады

<a href="https://kyzylorda-news.kz/">Kyzylorda-news.kz</a> &nbsp;Белгілі коуч Елдос Сметовтің анасымен жүрген видеосы туралы өз ойын айтты. Бұл туралы ол Instagram-дағы арнасында жазды, – деп хабарлайды <a href="https://qandastar.kz/korykpa-balam-maman-keledi-kasynda-belgili-kouch-eldos-smetovti-kulki-kyldy/">Ozgeris.Info.</a>Коуч Елдос Сметовпен бірге өмірлік жары емес, анасы жүріп келе жатқан видеоны жариялап арнайы жазба қалдырды.«Неге қазақ жігіттері жұбымен жүрмейді?<blockquote>Қолына баласын алып алады. Жан-жағында ата-анасы. Әйелі сонша баланы туып, оны күтіп-баптап, жанында мотиватор болып отырған жоқ па?</blockquote><blockquote>Ата-аналар біліңдер, бала – қонақ», – деп жазды Роза Әшірбаева.</blockquote>Сондай-ақ ол Чемпионның анасымен қосақтасқан суретін жариялап: қорықпа балам, мамаң келеді қасыңда, — деп мазақ етті.Фото ©️ Instagram

«Қорықпа балам, мамаң келеді қасыңда»: Белгілі коуч Елдос Сметовті күлкі қылды

<a href="https://kyzylorda-news.kz/">Kyzylorda-news.kz</a>&nbsp; Продюсер Баян Мақсатқызы сәбиін үйге тастап, өзі түсірілім алаңына келді, деп хабарлайды <a href="https://kyn.kz/36020/50-zhasynda-ana-atan-an-bayan-ma-sat-yzy-s-biin-tastap-t-sirilim-ala-ynda-zh-r">KYN.KZ</a>&nbsp;Баян Мақсатқызы бұрын-соңды болмаған жанрда фильм түсіруді бастап кетті.<blockquote>“Керемет іс-шараның ашылуында тұрмыз. Әуелі мені үшінші рет ана атануыммен құттықтап қойсаңыздар болады. Қызымды үйге қалдырып, түсірілім алаңына келдім. Бұрын-соңды болмаған жанрға&nbsp;фильм түсіруді бастап кеттік. Барлығы кәсіби түрде жүзеге асырылады. Комедия жанрын таңдадық”, – деді продюсер.&nbsp;</blockquote>Осы ретте желі қолданушылары кеше ғана ана атанған продюсердің түсірілім алаңында жүргеніне таңқалды.Сурет: Видеодан скриншот

50 жасында ана атанған Баян Мақсатқызы түсірілім алаңына барды

Шілде айының 19 жұлдызында Қазақстан Республикасының Мемлекеттік қызмет істері агенттігінің алқалы жиыны болып өтті. Онда өңірлердің 1 жартыжылдық жұмыс нәтижелері қорытындыланды. &nbsp;2024 жылдың І шілдедегі жағдайы бойынша Қызылорда облысындағы мемлекеттік қызметшілердің штат саны &nbsp;3 349 &nbsp; &nbsp;бірлікті құрайды. Оның 15-і саяси мемлекеттік қызметші, 3 334-і «Б» корпусының мемлекеттік әкімшілік қызметшілері. &nbsp; Бос орындар саны - 56 (1,7 %) құрайды. Айта кету қажет, бос орындарды дер кезінде мамандармен толтырып отыру көрсеткіші бойынша біздің өңіріміз көш басында.&nbsp; Басшы лауазымдағы әйелдер саны – 305 (9,3%) құрайды. &nbsp; Нақты қызмет атқаратын мемлекеттік қызметшілердің 3 129-ы немесе 95,1% жоғары білімді.&nbsp; Аймақтағы 790 (24%) мемлекеттік қызметші 35 жасқа дейінгі жастар.&nbsp; Мемлекеттік қызметшілердің 3 274-і (99,5%) қазақ ұлтының, қалған &nbsp;19-ы өзге ұлт өкілдері.&nbsp; Өңірімізде 24 Қазақстан Республикасы Президенті жанындағы Мемлекеттік басқару академиясының, 4 «Болашақ» бағдарламасының түлектері мемлекеттік қызметте жұмыс жасайды. Есепті кезеңде 36 қызметші немесе 1,1% өз еріктерімен қызметтен кеткен. Өткен жылдың І ж.ж. бұл көрсеткіш 37 (1,1%) құраған. Яғни, осы кезеңде кадр тұрақтылығы қамтамасыз етілген деп айтуға болады. Сонымен қатар, 2 мемлекеттік қызметші теріс себептермен жұмыстан босатылған (екеуі де білім саласының басшылары). Мемлекеттік әкімшілік қызметке кіруге үміткерлерді тестілеуге 1201 адам қатысып, оның 292 немесе 24,3% шекті мәннен төмен емес нәтижеге ие болды. Құқық қорғау органдарына алғаш кіретін азаматтарды тестілеуге&nbsp; 320 адам қатысып, оның 94 немесе 29,4% өтті.&nbsp; Қызылорда облысындағы барлық деңгейдегі мемлекеттік органдарда 322 (оның ішінде, ішкі конкурс – 157, жалпы конкурс – 165) &nbsp;бос лауазымдарға орналасуға конкурстар өткізілді. Конкурстарға 395 (оның ішінде, ішкі конкурс – 95, жалпы конкурс – 300) адам қатысып, орта есеппен бір орынға 1,3 адамнан келді. Өткізілген конкурстар нәтижесінде 217 (оның ішінде, ішкі конкурс – 84, жалпы конкурс – 133) үміткер бос лауазымдарға қабылданды. Ішкі конкурстардың нәтижесімен жұмысқа қабылданған 84 &nbsp;үміткердің 60-ы, яғни 71,5% (жергілікті атқарушы органдар бойынша 78,8%) жоғары лауазымдарға тағайындалды. Осы көрсеткіштерден өңірімізде меритократия қағидатына басымдылық беріліп келетінін байқауға болады. 2023 жылдан бері аудандық және ауылдық елді мекендерде мемлекеттік органдардың төменгі бос лауазымдарына мемлекеттік грантпен үздік бітірген түлектерді қызметке орналастыру жұмыстары жалғасуда. Өткен кезеңде қолданыстағы мемлекеттік қызмет туралы заңының осы тетіктерін пайдалана отырып, 3 түлек бос тұрған лауазымдарға тағайындалып, қызметтерін атқаруда.&nbsp;Әдеп жөніндегі кеңеспен алты айда 6 &nbsp;отырыс өткізіліп, 34 мәселе қаралды. Қаралған мәселелердің 13 тәртіптік істер болса, 21 профилактикалық бағыттағы есептер мен талдау қорытындылары.&nbsp; Яғни, қаралған мәселелердің 38,2% тәртіптік істер, 61,8% профилактикалық бағыттағы есептер мен талдау қорытындылары. Кеңес отырыстарында Әдеп кодексінің талаптарын бұзу бойынша 2 тәртіптік іс, мемлекеттік қызметке кір келтіретін теріс қылықтар бойынша 11 тәртіптік іс қаралды. Нәтижесінде 9 тәртіптік іс тоқтатылса, Әдеп кодексінің талаптарын бұзғаны үшін 1 қызметші, мемлекеттік қызметке кір келтіретін тәртіптік теріс қылықтарға жол бергені үшін 3 қызметші тәртіптік жауапкершіліктерге тартылды. Барлық қаралған мәселелер жергілікті бұқаралық ақпарат құралдарында жарық көрді. Осылайша, қабылданып жатырған шешімдердің ашықтығы қамтамасыз етіліп келеді. Профилактикалық мәселелерді қарау нәтижесімен Әдеп жөніндегі кеңеспен 117 ұсыныс енгізілді. Ұсыныстар толығымен орындалды. Сонымен бірге, Әдеп жөніндегі кеңес мүшелерімен 64 жеке қабылдау өткізіліп, 104 азамат қабылдауда болды. Мемлекеттік қызмет саласын бақылау бағытында 76 жолданым қаралған, оның ішінде 33 басқармамен құзыреті шегінде қаралды, 42 басқа органдарға жолданды, 1 жолданым иесінің өтініші бойынша қараусыз қалдырылды. Бұл бағытта барлығы 23 тексеру жүргізілді, оның ішінде 6 профилактикалық бақылау шаралары және 17 жоспардан тыс тексерулер. Барлығы 143 бұзушылық анықталып, мемлекеттік қызмет саласындағы заңнама бұзушылықтарын жою туралы мемлекеттік органдарға 11 нұсқама енгізіліп, нұсқамалар толық орындалды. Мемлекеттік көрсетілетін қызметтер бағытына тоқталатын болсақ, өңірімізде мемлекеттік органдармен 374 мемлекеттік қызмет түрі көрсетіледі (жергілікті атқарушы органдармен - 173, аумақтық мемлекеттік органдармен – 201). Жалпы облыстағы қызмет беруші мекемелер тарапынан&nbsp; есепті кезеңде 3 417 749 қызмет көрсетілген. Оның ішінде жергілікті атқарушы органдармен – 2 925 880 (85,6%), аумақтық мемлекеттік органдармен – 491 869 (14,4%). Бұл бағытта барлығы 35 бақылау іс шаралары өткізілді, оның ішінде: профилактикалық бақылау – 6, жеке және заңды тұлғалардың жолданымдары бойынша – 21 тексеру, мемлекеттік органдардың хабарламалары бойынша – 8 тексеру жүргізілді. Профилактикалық бақылау, жеке және заңды тұлғалардың жолданымдары бойынша тексеру және қашықтықтан мониторинг нәтижесінде жалпы 2081 бұзушылық анықталды. Ең жиі орын алатын бұзушылықтардың қатарында: қызмет көрсету тәртібін бұзу – 1500; жұмыс кестесін сақтамау – 363; мемлекеттік қызмет көрсету мерзімін бұзу – &nbsp;119; артық құжаттар талап ету – 62 дерек және өзге де бұзушылықтар бар. Мемлекеттік қызмет көрсету сапасына қатысты 36 өтініш түсті, 21-і бойынша тексерулер жүргізілді, негізді жүгінгендердің ішінен 7 қызмет алушының дәлелдері расталып, құқығы қалпына келтірілді және қорғалды. Мемлекеттік органға сұрау салу арқылы 1 қызмет алушының дәлелдері расталып, құқығы қалпына келтірілді. Рұқсат құжаттарын беру мерзімі мен тәртібін бұзғаны үшін&nbsp; ҚР ӘҚБтК - нің 465 – бабы бойынша лауазымды тұлғаларға 19 әкімшілік хаттама &nbsp;толтырылып, &nbsp;1 070 680 теңге көлемінде айыппұл салынды.&nbsp; Басқа да бұзушылықтарға жол бергені үшін мемлекеттік органдар мен ұйымдардың 56 қызметкері тәртіптік жазаға тартылды. Есепті кезеңде 29 мекемеде қоғамдық мониторинг жұмыстары жүргізіліп, нәтижесінде мүдделі мемлекеттік органдар мен ұйымдарға кемшіліктерді жою бойынша 10 ұсыныс енгізілді. Сондай-ақ, Қызылорда қаласы мен аудандарда&nbsp; 20 қоғамдық қабылдау жүргізіліп, 171 азаматқа тиісті түсіндірмелер мен жауаптар берілді. Қоғамдық кеңестердің 10 отырысында мемлекеттік көрсетілетін қызметтер бағыты бойынша – 19 мәселе қарастырылды. Департамент жанындағы Ведомствоаралық жұмыс тобының 2 отырысы өткізіліп, хаттамалық тапсырмаға сәйкес 8 мемлекеттік органға 19 ұсыныс берілді. «Елге қызмет» арнайы телебағдарламасының 13 жобасы жарық көрді. «Ең алдымен адамдар» арнайы оқу бағдарламасының 8 семинары өткізілді, оның ішінде 235 тыңдаушы қамтылды. 57 онлайн жәрмеңке өткізілді, оның ішінде 21 (қалалық) облыстық және 36 аудандық деңгейде. Онлайн жәрмеңкеге қатысушыларды қамту саны – 9998. Жалпы осы жұмыстардың барлығы мемлекеттік көрсетілетін қызметтердің сапасының артуына, азаматтарға қолайлы жағдайлар жасауға, бір сөзбен айтқанда клиентке бағдарланған мемлекеттік аппаратты қалыптастыруға бағытталған. Негізгі бағыттардың бірі бұл арыз шағымдармен жұмыс. 2024 жылдың 6 айында Департаментке барлығы 153 өтініш келіп түскен, оның 147 жеке, 6 заңды тұлғадан. Азаматтарды жеке сұрақтарымен 37 рет қабылдау өткізіліп, барлығы 57 адам қабылданды. Есеп беру мерзімінде 151 өтініш қаралды, оның: 98 - сәйкесінше түсіндірме берілді, 5–тоқтату туралы шешім қабылданды, 48(31%)- &nbsp;басқа мемлекеттік органдарға жіберілді. &nbsp; &nbsp; &nbsp; Келіп түскен өтініштердің жалпы санынан – 61 шағым, 59 арыз, 33 – өзге өтініштер. Барлық өтініштер бойынша белгіленген мерзімдерде заңды шешімдер қабылданды. Бұқаралық ақпарат құралдарында және департаменттің қызметі туралы әлеуметтік желілерде барлығы 1313 жазба жарияланды. Алдағы уақытта да аумақтық департамент алдына қойған негізгі мақсаттарды орындау бағытында кешенді жұмыстарды жалғастыратын болады. &nbsp;Е.Мендалиев,&nbsp;департамент басшысы, Әдеп жөніндегі кеңестің төрағасы&nbsp;фото:Еgov.kz &nbsp;&nbsp;

Қызылордада мемлекеттік қызмет саласында 6 айда 2 мыңнан аса бұзушылық анықталған

<a href="https://kyzylorda-news.kz/">Kyzylorda-news.kz</a> &nbsp;Желіде елімізде 2024 жылдың 1 қазанынан бастап пойыз билеті қымбаттайтынын туралы ақпарат тарады. Көлік министрлігі ақпаратты түсіндірді. Бұл туралы <a href="https://stan.kz/">Stan.kz</a> ақпарат агенттігі хабарлайды.Ақпаратқа сәйкес жол жүру ақысы 20% көтерілмек. Министрліктің хабарлауынша, кейбір бағыттар бойынша тариф көтеріледі.<blockquote>«Елімізде 140 жолаушы тасымалы бағыты бар. Оның 62-сінде тариф көтеріледі. Бұл өзгерістер көлік паркін жаңарту, көрсетілетін қызметті жақсарту және қызметкерлердің жалақысын көтеру үшін қажет. Ескере кететін нәрсе соңғы 10 жылда әлеуметтік маңызы бар бағыттар бойынша жолаушыларды тасымалдау бағасы көтерілген жоқ (инфляция деңгейіне индексациялауды қоспағанда)», – делінген ведомство хабарламасында.</blockquote>Министрлік жолаушылар вагондарының паркі 2667 бірлікті құрайтынын, оның 44% тозғанын нақтылады.<blockquote>«Автопаркті жаңартуды жеке тасымалдаушылар да, ұлттық тасымалдаушылар да жүзеге асырып жатыр. Осылайша, 2023 жылы 118 бірлік, 2024 жылы 140 бірлік вагон сатып алынса, 2025 жылдан бастап жыл сайын 200 бірліктен астам вагон сатып алу жоспарланған. Ал 2030 жылға қарай сатып алу 1200 бірлікке жетеді, әлеуметтік маңызы бар бағыттар бойынша жолаушыларды тасымалдау бағасын (тарифін) көтеру «Темір жол көлігі туралы» Заңның 12-бабына сәйкес жүзеге асырылады», – делінген ақпаратта.</blockquote>Автопаркті жаңарту жұмыстарына байланысты пойыз билеттерінің бағасы 2024 жылдың 1 қазанынан бастап көтеріледі деп жоспарланып отыр.Еске салсақ, бұған дейін Қазақстан мен Қытай арасында алғашқы туристік пойыз іске қосылғаны туралы жазған едік.Фото: ҚТЖ

Қазақстанда пойыз билеттері қымбаттайды

<a href="https://kyzylorda-news.kz/">Kyzylorda-news.kz</a> &nbsp;Бұл туралы Сыбайлас жемқорлыққа қарсы іс-қимыл агенттігінің ресми өкілі Данияр Бекайдаров айтты, деп хабарлады&nbsp;<a href="https://ulysmedia.kz/">Ulysmedia.kz.</a><blockquote>– Антикор Бишімбаевтың туысының арызы бойынша сотқа дейінгі тергеуді аяқтады. Заңға Астана қаласының тұрғыны (әйел) тартылды. Ол ірі көлемде алаяқтық жасау күдігіне ілінді. Яғни, “Бишімбаевтың жазасы жеңілдейді” деп уәде беріп, 100 млн теңге алмақ болған. Сонымен қатар, күдіктінің әрекеті ірі көлемде пара беруге итермелеу бабына да келеді. Оның қылмыстық әрекетінің басқа да эпизодтары тексеріле бастады. Ол қамауда. Тергеу аяқталды.&nbsp; Тараптар іспен танысып жатыр, –&nbsp;деді ол бүгінгі брифингте.</blockquote>Бұған деййін Қуандық Бишімбаев сот үкіміне сәйкес барынша қатаң режимдегі мекемеге жіберілгені хабарланған еді.Еске сала кетсек, 13 мамырда&nbsp;Астанада әйелін аса қатігездікпен қинап өлтірді деп айыпталған экс-министр Қуандық Бишімбаевқа сот үкімі&nbsp;<a href="https://qaz.ulysmedia.kz/news/15261-bishimbaevka-sot-ukimi-shykty/">шыққан еді</a>.&nbsp;Астана қаласындағы қылмыстық істер жөніндегі мамандандырылған ауданаралық сотында әйелін аса қатігездікпен өлтірді деп айыпталған экс-министр Қуандық Бишімбаев 24 жылға сотталды.&nbsp;Астанадағы "Гастро-орталық" директоры, Бишімбаевтың туысы Бақытжан Байжанов Салтанат Нүкенованың өліміне байланысты іс бойынша "қылмысты жасырды" деген күдікпен сотқа тартылған. Сот үкімімен ол 4 жылға бас бостандығынан&nbsp;<a href="https://qaz.ulysmedia.kz/news/15274-bishimbaevtyn-inisi-baizhanovka-ukim-okyldy/">айырылды</a>.Коллаж Ulysmedia.kz

«100 млн теңгеге Бишімбаевтың жазасын жеңілдетеміз»: Астана тұрғынының ісі сотқа түсті

<a href="https://kyzylorda-news.kz/">Kyzylorda-news.kz</a> &nbsp;&nbsp;<a href="https://www.instagram.com/p/C-S3D79Cyk9/?img_index=2">НеМолчи</a> қоры Шымкент ауруханасының қызметкері ауруханаға өзіне қол салмақ болған екі қыздың түскенін мәлімдеді. Сөзінше, олар зорлық-зомбылықтың құрбаны болған. Қаскөйлердің ішінде полиция қызметкері бар көрінеді. Бұл туралы <a href="https://stan.kz/zorlap-videoga-tusirgen-shimkentte-21-zhane-15-zhastagi-404369/">Stan.kz </a>ақпарат агенттігі хабарлайды.&nbsp;<a href="https://www.instagram.com/p/C-S3D79Cyk9/?img_index=2">НеМолчи</a> қорының хабарлауынша, 30 шілдеде 21 және 15 жастағы әпкелі-сіңлілер Т.Орынбаев атындағы гипербариялық оксигенация орталығының&nbsp;токсикология бөліміне түскен. Сондағы қызметкердің сөзінше, олар өздеріне қол салмақ болыпты.<blockquote>“Қыздарды зорлап, видеоға түсірген екен. Біреуге айтса, видеоны таратамыз деп қорқытқан. Қаскөйлердің ішінде полицей де бар. Қыздар арыз жазды және олармен психолог жұмыс істеп жатыр. Олар әлі ауруханада жатыр”, –&nbsp;делінген хатта.</blockquote>Дерек бойынша&nbsp;олар&nbsp;4 ай бұрын зорлаған. Кейін тағы да зорламақ болғанда&nbsp;қыздар шыдамай, өздеріне қол салды.&nbsp;Шымкент қалалық ІІД баспасөз қызметі бұл іске күдіктілердің ұсталғанын хабарлады.<blockquote>"Қазіргі уақытта осы факті бойынша қылмыстық іс қозғалып, күдіктілер уақытша ұстау изоляторына қамалды.&nbsp;Қазіргі таңда тергеу әрекеттері жүргізіліп жатыр. Күдіктілердің бірі ҚАЖ мекемесінің бұрынғы бақылаушысы екенін хабарлаймыз", –&nbsp;деп хабарлады полиция.</blockquote>Алайда басқа ақпаратты беруден бас тартты.&nbsp;

Шымкентте 21 және 15 жастағы әпкелі-сіңлі өздеріне қол салып, ауруханаға түскен

<a href="https://kyzylorda-news.kz/">Kyzylorda-news.kz</a>&nbsp; Төрт адамның өліміне себепкер болған жағдай Аршалы ауданы Арнасай ауылынан 2 км жерде, Астана су қоймасында тіркелді.Астанадағы су қоймасында төрт адамнан тұратын отбасы суға батып кетті, &nbsp;деп хабарлайды <a href="https://sn.kz/">Skifnews.kz</a> ақпарат порталы.Өңірлік ТЖД баспасөз қызметінің хабарлауынша, оқиға Ақмола облысы Арнасай ауылынан 2 километр жерде болған.Өңірлік ведомствоның баспасөз қызметі төрт адамның өліміне себепкер болған жағдай Аршалы ауданы Арнасай ауылынан 2 км жерде, Астана су қоймасында тіркелгенін хабарлады.<blockquote>«Төртеуі де – бір отбасының мүшелері. 1980 жылғы әйел мен 2001 жылғы қыздың денесін куәгерлер алып шықты. Ал 1977 жылғы және 2000 жылғы ер адамдардың денесін Ақмола облыстық және Астана қалалық ТЖД құтқарушылары іздестіріп жатыр», – делінген ТЖД хабарламасында.</blockquote>ТЖД өкілдері отбасы шомылуға тыйым салынған аумақта суға түскенін мәлімдеді.Фото: өңірлік ТЖД баспасөз қызметі

Астанада бүтін бір отбасы суға батып кетті

<a href="https://kyzylorda-news.kz/">Kyzylorda-news.kz</a>&nbsp; Танымал продюсер Баян Мақсатқызы тосын жаңалығын бөлісті, - деп хабарлайды <a href="https://massaget.kz/">Massaget.kz</a>Бұл туралы ол әлеуметтік желідегі парақшасында бөлісті.&nbsp;"Сені ұзақ күттік, 3 келі бақытымыз. Қызымыз дүниеге келді. Алагөзова", - деп жазған ол.&nbsp;Еске салайық, бұған дейін <a href="https://massaget.kz/basty-zhaalytar-438/111835/">үшінші рет әже атанатын</a> Баян Алагөзова қызының жүктілігіне көзқарасын білдірген еді.&nbsp;<img src="https://knadmin.beoblood.kz/uploads/2_3f411bc1ea.png" alt="2.png"><img src="https://knadmin.beoblood.kz/uploads/3_9edb0b88cb.png" alt="3.png">Фото: instagram.com/bayanmaxatkyzy/

Қазақстан және Қызылорда облысының жаңалықтары: Қоғам