<a href="https://kyzylorda-news.kz/">Kyzylorda-news.kz</a> &nbsp;Жазғы демалыс маусымы мен мектеп демалысы қарсаңында тәуліктік тұрғын үйді жалға беру туралы жалған хабарландыруларды орналастыруға байланысты интернет-алаяқтық фактілері көбейіп келеді.Алаяқтар пәтерлер мен үйлердің тартымды фотосуреттерін пайдаланып, төмен бағамен хабарландырулар жариялайды. Кейін әртүрлі сылтаулармен алдын ала төлем немесе кепілақы аударуды талап етеді. Ақша қаражатын алғаннан кейін байланысқа шықпай қояды немесе көрсетілген тұрғын үйдің мүлдем жоқ екендігі анықталады.Ағымдағы жылдың 5 айында республика аумағында болмаған қызметтерді көрсетуге байланысты 1700-ден астам қылмыстық құқық бұзушылық тіркелген, оның ішінде 130-ы Алматы облысында жасалған.Осындай қылмыстардың алдын алу мақсатында Алматы облысының прокуратурасы ірі интернет-платформалармен және цифрлық сервистермен өзара іс-қимылды жүйелі түрде жолға қоюда.Атап айтқанда, Алматы облысының прокуратурасы мен «OLX Group» ЖШС арасындағы ынтымақтастық туралы меморандум аясында интернет-алаяқтық фактілерін анықтау және жолын кесу бойынша тұрақты жұмыс жүргізілуде. Бірлескен іс-шаралардың нәтижесінде тәуліктік тұрғын үйді жалға беру туралы алаң талаптарына сәйкес келмейтін және құқыққа қайшы әрекеттердің белгілері бар 518 хабарландыру анықталып, бұғатталды.Қазіргі уақытта анықталған барлық хабарландыру авторларына қатысты прокуратураның тапсырмасы бойынша киберполиция қызметкерлері тексеру іс-шараларын жүргізуде.Жүргізіліп жатқан жұмыс бүгіннің өзінде алаяқтық сипаттағы контентті уақтылы анықтауға, оның таралуын шектеуге және азаматтарды алдаудың ықтимал жағдайларының алдын алуға мүмкіндік беруде.Алматы облысының прокуратурасы өңір тұрғындары мен қонақтарын интернет арқылы тұрғын үйді брондау кезінде қырағылық танытуға шақырады.Азаматтардың құқықтарын қорғау және интернет-алаяқтыққа қарсы іс-қимыл мәселелері Алматы облысы прокуратурасының тұрақты бақылауында және бұл бағыттағы жұмыс алдағы уақытта да жалғасатын болады.Фото: aikyn.kz

Алматы облысының прокуратурасы 500-ден астам жалған хабарландыруды бұғаттады

<a href="https://kyzylorda-news.kz/">Kyzylorda-news.kz</a> Қызылорда облыстық Өңірлік коммуникациялар қызметінің ақпарат алаңында Қызылорда облысы Полиция департаменті Есірткі қылмысына қарсы іс-қимыл басқармасының бастығы, полиция подполковнигі Біржан Бағысовтың қатысуымен брифинг өтті. Онда өңірде жүргізіліп жатқан есірткі қылмысының алдын алу шаралары мен «Қарасора-2026» республикалық жедел-профилактикалық іс-шарасының аралық қорытындылары таныстырылды.Спикердің айтуынша, Мемлекет басшысы жариялаған «Заң мен тәртіп» қағидаты аясында құқықтық тәртіпті қамтамасыз ету, заң үстемдігін нығайту және есірткі қылмысына қарсы күресті күшейту бағытында жүйелі жұмыстар жүргізілуде.Биылғы жылдың 1 маусымы мен 31 қазаны аралығында республика көлемінде өтіп жатқан «Қарасора-2026» арнайы жедел-профилактикалық іс-шарасының басталғанына 23 күн болды. Осы уақыт аралығында өңірдегі ахуалды бақылау және құқық бұзушылықтардың алдын алу мақсатында ауқымды күш пен техника жұмылдырылған.Атап айтқанда, іс-шараға 102 полиция қызметкері, 7 қызметтік іздестіру иті және 28 арнайы техника тартылған. Сонымен қатар облыс аумағында бес мобильді бекет жұмыс істеуде. Оның екеуі жылжымалы болса, үшеуі Жаңақорған, Арал аудандары мен Қызылорда–Жезқазған автожолы бойында орналасқан тұрақты бекеттер болып табылады.Жүргізілген жұмыстар нәтижесінде 38 есірткіге қатысты құқық бұзушылық анықталған. Оның 27-сі заңсыз есірткі өсіру дерегі болса, 11-і есірткіге байланысты қылмыстық теріс қылық ретінде тіркелген. Заңсыз айналымнан жалпы салмағы 92 келі 124 грамм есірткі заты тәркіленді. Оның ішінде 90 келі 99 грамм болатын 3800 түп сора өсімдігі, 1 келі 557 грамм марихуана және 462 грамм көкнәр өсімдігі бар.Есірткі өсірумен айналысқан 21 азамат анықталып, олардың 10-ы сот санкциясымен қамауға алынған.Заңсыз егістік алқаптарын анықтау мақсатында әскери тікұшақпен 15 рет әуеден бақылау жүргізілген. Нәтижесінде Қызылорда қаласында – 7, Арал ауданында – 3, Сырдария ауданында – 1 және Жаңақорған ауданында – 1 дерек бойынша барлығы 12 заңсыз есірткі өсіру фактісі анықталды.Сондай-ақ мобильді бекеттерде қызметтік іздестіру иттерін пайдалану арқылы есірткіге қатысты алты құқық бұзушылықтың жолы кесілді. Оның төртеуі «Қызылорда–Жезқазған» бақылау бекетінде, екеуі Арал ауданындағы бекетте тіркелген.Полиция департаменті басшылығы есірткі қылмысына қарсы іс-қимыл бағытындағы жұмыстарды тұрақты бақылауда ұстап отыр. Бұл бағыттағы профилактикалық және жедел шаралар алдағы уақытта да жалғасады.Брифинг барысында 26 маусым – Халықаралық нашақорлыққа және есірткінің заңсыз айналымына қарсы күрес күніне орай ұйымдастырылатын іс-шаралар туралы да кеңінен айтылды.Мемлекет басшысы Қасым-Жомарт Тоқаев өз Жолдауларында жастардың денсаулығын сақтау, заң мен тәртіп қағидатын нығайту және зиянды әдеттердің алдын алу мәселелеріне ерекше мән беріп келеді. Осыған сәйкес құқық қорғау органдары профилактикалық жұмыстарды күшейтіп, тұрғындардың құқықтық сауаттылығын арттыруға бағытталған кешенді шараларды жүзеге асыруда.Халықаралық нашақорлыққа қарсы күрес күні 1987 жылы Біріккен Ұлттар Ұйымының бастамасымен бекітілген. Бұл күннің негізгі мақсаты – қоғам назарын нашақорлық мәселесіне аудару, есірткінің таралуының алдын алу және мемлекеттердің осы қауіппен күрестегі күш-жігерін біріктіру.Осыған орай Қызылорда облысында есірткіге тәуелділіктің алдын алу, салауатты өмір салтын насихаттау және тұрғындардың құқықтық мәдениетін арттыру бағытында ауқымды іс-шаралар қолға алынған.Облыс әкімінің бірінші орынбасары Данияр Еренғалиұлының жетекшілігімен жергілікті атқарушы органдардың арнайы іс-шаралар жоспары бекітіліп, жауапты мекемелерге нақты міндеттер жүктелген. Бекітілген жоспар аясында білім беру ұйымдарында, жастар көп шоғырланатын орындарда және еңбек ұжымдарында 60 түрлі профилактикалық іс-шара өткізілді. Сонымен қатар бұқаралық ақпарат құралдарында тақырыпқа қатысты 98 материал жарияланған.Полиция департаментінің мәліметінше, аталған бағыттағы жұмыстар алдағы уақытта да жүйелі түрде жалғаса береді.Айта кетейік, 26 маусым күні сағат 20:00-де Қызылорда қаласындағы «Қалалық мәдени-демалыс» паркінде Полиция департаментінің ұйымдастыруымен мерекелік концерттік бағдарлама өтеді. Ұйымдастырушылар облыс тұрғындарын аталған шараға белсенді қатысуға шақырады.

«Қарасора-2026» іс-шарасы аясында 92 келіден астам есірткі тәркіленді

<a href="https://kyzylorda-news.kz/">Kyzylorda-news.kz</a>&nbsp; Қазақстан Республикасы Президентінің 2021 жылғы 26 ақпандағы №522 Жарлығына сәйкес,&nbsp;мемлекеттік органдар үшін басты басымдық&nbsp;–&nbsp;азаматтардың сұранысына жедел әрі мұқият жауап беретін сервистік модельге көшу болып айқындалған.Бұл бағытта мемлекет азаматтардың құқықтары мен заңды мүдделерін қорғауға, сондай-ақ олардың мемлекеттік аппаратқа деген сенімін нығайтуға ерекше мән беріп келеді.Осы міндеттер аясында Қазақстан Республикасы Мемлекеттік қызмет істері агенттігінің Қызылорда облысы бойынша департаменті&nbsp;(бұдан әрі – Департамент)&nbsp;қызмет алушылардың бұзылған құқықтарын қалпына келтіру бағытында жүйелі жұмыстар жүргізуде.2026 жылдың бірінші жартыжылдығының қорытындысы бойынша, мемлекеттік қызметтердің сапасына қатысты келіп түскен шағымдарды қарау нәтижесінде Департамент тарапынан ауқымды жұмыс атқарылды.Атап айтқанда,&nbsp;жоспардан тыс тексерулер&nbsp;негізінде&nbsp;8 қызмет алушының,&nbsp;сұрау салу арқылы 1 азаматтың, сондай-ақ&nbsp;жоспарлы тексерулер&nbsp;нәтижесінде&nbsp;1475 қызмет алушының&nbsp;бұзылған құқықтары қалпына келтірілді.Соның бір нақты мысалы ретінде ағымдағы жылдың екінші тоқсанында тіркелген жағдайды атап өтуге болады. Департаментке Шиелі ауданының тұрғыны – жеке кәсіпкер тарапынан&nbsp;«Құрылыс және реконструкция (қайта жоспарлау, қайта жабдықтау және қайта бейіндеу) жобаларын әзірлеу кезінде бастапқы материалдарды ұсыну»&nbsp;мемлекеттік қызметіне қатысты шағым келіп түсті.Аталған шағым негізінде Шиелі ауданының құрылыс, сәулет және қала құрылысы бөліміне&nbsp;(бұдан әрі – Бөлім)&nbsp;жоспардан тыс тексеру жүргізілді. Тексеру барысында Бөлімнің&nbsp;жеке кәсіпкердің өтінішіне негізсіз бас тартқандығы&nbsp;анықталды. Нақтырақ айтқанда, кәсіпкердің меншігіндегі жер учаскесі Шиелі кентінің аумағында орналаспағанына қарамастан, Бөлім тарапынан кенттің бас жоспары мен зираттың санитариялық қорғау аймағы негізге алынып, қызмет алушыға&nbsp;негізсіз бас тарту берілген.&nbsp;Бұл өз кезегінде кәсіпкерді орынсыз әуре-сарсаңға салған.Тексеру қорытындысы бойынша Департамент тарапынан Бөлімге бірқатар нақты ұсынулар енгізілді. Атап айтқанда, жеке кәсіпкердің бұзылған құқықтарын толық қалпына келтіру, қызметкерлер арасында мемлекеттік қызмет көрсету заңнамасының сақталуы бойынша түсіндіру жұмыстарын (семинарлар) ұйымдастыру, заң бұзушылыққа жол берген жауапты тұлғаның тәртіптік жауапкершілігін қарау және негізсіз бас тартуға жол берген лауазымды тұлғаға қатысты әкімшілік хаттама толтыру ұсынылды.Алайда Бөлім басшысының міндетін атқарушы өз кінәсін мойындамай, Департамент ұсынуымен келіспеген. Осыған байланысты жинақталған әкімшілік іс материалдары Шиелі аудандық сотына жолданды. Соттың қарауы нәтижесінде лауазымды тұлға Қазақстан Республикасының Әкімшілік құқық бұзушылық туралы кодексінің 465-бабының 2-бөлігі бойынша кінәлі деп танылып, оған 90 825 теңге мөлшерінде айыппұл салу туралы қаулы шығарылды.Нәтижесінде,&nbsp;Департаменттің ұсынуына сәйкес жеке кәсіпкерге жобалауға арналған сәулет-жоспарлау тапсырмасы (СЖТ) беріліп, оның бұзылған құқықтары толық көлемде қалпына келтірілді.&nbsp;Сонымен қатар, Департаментпен Бөлімге енгізілген ұсыну толықтай орындалды.Егер, Сіз мемлекеттік қызмет алу процесінде Заңнама талаптарының сақталмағанына куә болсаңыз, яғни мемлекеттік қызмет көрсету мерзімі бұзылса, мемлекеттік қызмет көрсетуден негізсіз бас тартылса, артық құжаттар талап ету дерегі орын алса немесе мемлекеттік қызмет көрсету тәртібі бұзылса, Өзіңіздің құқығыңызды Департаментке шағымдану арқылы &nbsp;қорғай аласыз. Біздің мекен-жайымыз: Қызылорда қаласы, Сұлтан Бейбарыс көшесі, 1.Байланыс нөмірлері: 8 (7242) 70 56 36,&nbsp;8 (7242) 70-00-40.З. Арынова,Қазақстан Республикасы Мемлекеттік қызмет істері агенттігінің Қызылорда облысы бойынша департаментінің Мемлекеттік қызметтер басқармасы бас маманы&nbsp;

Жеке кәсіпкердің бұзылған құқықтары қалпына келтірілді

<a href="https://kyzylorda-news.kz/">Kyzylorda-news.kz</a>&nbsp;Елордамыз Астана қаласында Мемлекеттік қызметшілер күніне орай Қазақстан Республикасы Мемлекеттік қызмет істері агенттігі төрағасының орынбасары Әлібек Ахмедьярдың қатысуымен жас мемлекеттік қызметшілермен семинар ұйымдастырылды.Іс-шараға Президенттік жастар кадр резерві мен Өңірлік кадр резерв мүшелері, сондай-ақ жоғары GPA көрсеткіші негізінде мемлекеттік қызметке конкурстан тыс қабылданып, қазіргі таңда орталық мемлекеттік органдардың аумақтық департаменттері мен жергілікті атқарушы органдарда қызмет атқарып жүрген жас мамандар қатысты.Бұл маңызды жиынға Қармақшы ауданының мемлекеттік қызметшілері де қатысып, кәсіби біліктіліктерін шыңдады. Семинар бағдарламасында «Digital Qazaqstan 2029» бастамасын іске асырудың негізгі бағыттары, цифрлық шешімдердің ауқымын кеңейту мәселелері, сондай-ақ жасанды интеллекттің мемлекеттік басқару тиімділігін арттырудағы және елдің дамуын ілгерілетудегі рөлі толық талқыланды.Қатысушылар Big Data негізінде талдау жасау, болжау және шешім қабылдауды қолдау бойынша тәжірибелік кейстермен танысты. Сонымен қатар цифрлық трансформация жағдайында деректерді стратегиялық ресурс ретінде тиімді пайдалану және цифрлық мемлекетті дамытудың жаңа тәсілдері жөнінде ақпараттар алды. Сонымен қатар семинар қорытындысында қатысушыларға арнайы сертификаттар да табысталды.

Жас мемлекеттік қызметшілер республикалық семинарға қатысты

<a href="https://kyzylorda-news.kz/">Kyzylorda-news.kz</a>&nbsp;Бүгінде өңірде 3219 мемлекеттік қызметші еңбек етеді. Оның 45,5 пайызы әйелдер болса, басшылық лауазымдардағы әйелдердің үлесі 20,3 пайызды құрайды. Мемлекеттік қызметшілердің 95,3 пайызы жоғары білімді мамандар, ал 24,1 пайызы - 35 жасқа дейінгі жастар. Бұл туралы Өңірлік коммуникациялар қызметінің ақпарат алаңында белгілі болды.Баспасөз конференциясында Қазақстан Республикасы Мемлекеттік қызмет істері агенттігінің Қызылорда облысы бойынша департаментінің басшысы, Әдеп жөніндегі кеңестің төрағасы Ерлеген Мендалиев мемлекеттік қызмет саласындағы өзекті мәселелер мен атқарылған жұмыстар туралы баяндады.<blockquote>– Мемлекеттік қызметтің басты мақсаты халыққа сапалы қызмет көрсету, азаматтардың құқықтарын қорғау және қоғамның мемлекетке деген сенімін нығайту. Бұл бағыттағы жұмыстар жүйелі түрде жалғасуда. Жыл басынан бері мемлекеттік органдарда 92 конкурс өткізіліп, оған 781 адам қатысты. &nbsp;Нәтижесінде 65 үміткер мемлекеттік қызметке қабылданды. Сонымен қатар өңірлік кадр резервіне алынған азаматтардың 52 пайызы конкурстық іріктеусіз бос лауазымдарға тағайындалды. Президенттік жастар кадр резерві арқылы да өңір жастарына жаңа мүмкіндіктер берілуде. Өткен жылғы іріктеу қорытындысымен Қызылорда облысынан үш жас маман резерв қатарына еніп, олардың екеуі республикалық деңгейдегі жауапты лауазымдарға тағайындалды, – деді Ерлеген Жәрдемұлы.</blockquote>Мемлекеттік көрсетілетін қызметтердің сапасын арттыру бағытында да бірқатар жұмыстар атқарылуда. Өңірде 396 түрлі мемлекеттік қызмет көрсетіліп, жыл басынан бері 1,38 миллионнан астам қызмет ұсынылған. Бақылау іс-шаралары барысында анықталған бұзушылықтарды жою және азаматтардың құқықтарын қорғау бойынша нақты шаралар қабылданған.Жиын соңында спикер мемлекеттік қызметшілерді кәсіби мерекелерімен құттықтап, мемлекеттік аппараттың ашықтығы мен тиімділігін арттыру, халыққа сапалы қызмет көрсету бағытындағы жұмыстар алдағы уақытта да жалғасатынын атап өтті.

Мемлекеттік қызметтің тиімділігі мен ашықтығы артып келеді

<a href="https://kyzylorda-news.kz/">Kyzylorda-news.kz</a>&nbsp;Жаз мезгілінде балалардың қауіпсіздігін қамтамасыз ету мәселесі ерекше өзекті болып отыр. Әсіресе, ата-аналардың қарауынсыз қалған бүлдіршіндердің көпқабатты тұрғын үйлердің терезелері мен балкондарынан құлап кету жағдайлары алаңдаушылық туғызуда. Өңірлік коммуникациялар қызметінің ақпарат алаңына келген облыстық ТЖД Төтенше жағдайлардың алдын алу басқармасының бастығы Асхат Оразбеков өңірдегі ахуал мен жүргізіліп жатқан түсіндіру іс-шаралары туралы баяндады.<blockquote>– Биылғы жылдың басынан бері облыс көлемінде ата-анасының қарауынсыз қалуы салдарынан балалардың терезеден құлап кетуіне байланысты 8 оқиға тіркелді. Бұл жағдайлардың басты себептері – балаларды бақылаусыз қалдыру, терезелерде арнайы қорғаныс құрылғыларының болмауы және балалардың терезе маңында ойнауы. Балалардың қауіпсіздігін қамтамасыз ету мақсатында облыстық Төтенше жағдайлар департаменті тарапынан жүйелі профилактикалық жұмыстар жүргізілуде. Жыл басынан бері 5720-ға жуық тұрғынға арналған 61 түсіндіру іс-шарасы ұйымдастырылып, бұқаралық ақпарат құралдарында 36 материал жарияланды. Сонымен қатар баспасөз беттерінде 21 мақала жарық көрді, - деді Асхат Плалұлы.</blockquote>Бұдан бөлек, мектеп оқушылары арасында қауіпсіздік мәдениетін қалыптастыру мақсатында қосымша кездесулер өткізіліп, төтенше жағдайлардың алдын алу бойынша түсіндіру жұмыстары жүргізілуде.<blockquote>– Балалардың терезеден құлау оқиғаларын азайту үшін тұрғын үйлерге арнайы қорғаныс құрылғыларын орнату жұмыстары қолға алынған. Осы жылдың өзінде департамент тарапынан тұрғын үйлердің терезелеріне 183 терезе блокираторы орнатылды. Мұндай құрылғылар балалардың терезені өздігінен ашуына мүмкіндік бермейді және қауіптің алдын алуға көмектеседі. Қайғылы жағдайлардың басым бөлігі ересектердің салғырттығынан орын алады. Сондықтан ата-аналар мен қамқоршылар балалардың қауіпсіздігіне ерекше көңіл бөлуі қажет, – деді басқарма басшысы</blockquote>Төтенше жағдайлар департаменті тұрғындарға бірқатар маңызды қауіпсіздік шараларын сақтауды ескертеді. Атап айтқанда, үйде бала болған кезде терезелерді ашық қалдырмау, терезедегі москит торын сенімді қорғаныс құралы ретінде пайдаланбау, балаларды терезе, балкон және шыны есіктердің жанында қараусыз қалдырмау қажет. Сондай-ақ жиһаздарды терезе маңына қоймау, балаларға қауіпсіздік ережелерін үнемі түсіндіріп отыру және терезелерге арнайы блокираторлар немесе құлыптар орнату ұсынылады.&nbsp;Балалардың өмірі мен денсаулығы қоғамның ең басты құндылығы. Сондықтан әрбір ата-ана қауіпсіздік талаптарын сақтап, бүлдіршіндердің амандығына жауапкершілікпен қарауы тиіс.<img src="https://knadmin.beoblood.kz/uploads/Bala_auipsizdigi_brifing_8a0a883ef5.jpg" alt="Бала қауіпсіздігі брифинг.jpg">Фото: Нұрболат Нұржаубай

Бала қауіпсіздігін бақылау – әрбір ата-ананың міндеті

<a href="https://kyzylorda-news.kz/">Kyzylorda-news.kz</a>&nbsp;Арал аудандық мәдениет үйінде 23 маусым – Мемлекеттік қызметшілері күніне арналған «Адал еңбек – мемлекеттік қызметтің негізі» атты салтанатты мерекелік кеш өтті.Мерекелік іс-шара барысында мемлекеттік қызметтің қоғам өміріндегі маңызы ерекше атап өтіліп, ел дамуы жолында абыройлы еңбек етіп жүрген мемлекеттік қызметшілерге құрмет көрсетілді.Салтанатты жиында аудан әкімі Аманжол Оңғарбаев құттықтау сөз сөйлеп, саладағы бірқатар жетістіктер мен ауданның әлеуметтік-экономикалық дамуы жөнінде мемлекеттік қызмет саласында кәсіби шеберлігімен және адал еңбегімен ерекшеленген бірқатар қызметкерлерге облыс, аудан әкімінің марапаттарын табыстады.Сонымен қатар, Мемлекеттік қызметшілер күніне орай жергілікті атқарушы органдар арасында ұйымдастырылған аудандық спартакиаданың қорытындысы жарияланып, сайыс бойынша ІІІ орын алған «Aral stars» командасы, ІІ орынды иеленген «Бірлік» командасы және І орынға қол жеткізген «Алтын көпір» командасы мен бас жүлдеге ие болған «Әділет» командалары арнайы диплом, кубоктармен марапатталды.&nbsp;Көпшіліктің көңілін көтеріп, мерейін тасытқан мерекелік кеш одан әрі аудан өнерпаздарының қатысуымен ұйымдастырылған концерттік бағдарламаға ұласты.

Мемлекеттік қызметшілер марапат төрінен көрінді

<a href="https://kyzylorda-news.kz/">Kyzylorda-news.kz</a>&nbsp;"Өнер орталығында" облыс әкімі Мұрат Ергешбаевтың қатысуымен &nbsp;Полиция күніне арналған салтанатты жиын өтті. Оған құқық қорғау органдарының басшылары мен қызметкерлері, зиялы қауым өкілдері, қоғам қайраткерлері қатысты.&nbsp;Жиын алдында аймақ басшысы полиция қызметінің материалдық-техникалық әлеуетін арттыру мақсатында алынған арнайы техникалар көрмесімен танысты. Салтанатты шараның ашылуында Әнұран орындалып, Ту көтерілді.&nbsp;Аймақ басшысы полиция қызметкерлерін кәсіби мерекемен құттықтап, құқық қорғау саласында атқарылған жұмыстарға тоқталды.<img src="https://knadmin.beoblood.kz/uploads/Policziya_yzmetkerleri_k_sibi_mereke_2_f7c23e211a.jpg" alt="Полиция қызметкерлері кәсіби мереке 2.jpg"><blockquote>«Президентіміз Қасым-Жомарт Кемелұлы «Біздің қоғамымызда заң мен тәртіп үстемдік құруға тиіс. Бұл – бүкіл қоғамның, әр адамның қауіпсіздігін қамтамасыз етудің басты талабы. Біз сонда ғана Әділетті, Таза, Қауіпсіз Қазақстанды құра аламыз» деген болатын. Бұл міндеттер Сіздерден жоғары жауапкершілік пен табанды еңбекті талап етеді. Құқық қорғау органдарымен бірлескен жүйелі жұмыстың нәтижесінде өңіріміздегі қоғамдық-саяси ахуал тұрақты. Соңғы жылдары құқықбұзушылық көрсеткіштері едәуір төмендеді. Біздің мақсатымыз – тек көрсеткіш қуалау емес. Ең бастысы – құқықбұзушылықтың алдын алып, оның деңгейін тұрақты төмендету. «Мемлекет пен азамат – біртұтас» қағидаты негізінде полиция халықпен ашық әрі сенімді қарым-қатынас орнатуы қажет. Халықтың сенімі – Сіздерге үлкен жауапкершілік! Еліміздің тыныштығы мен қоғамдық тәртіпті сақтаудағы қызметтеріңіз жемісті болсын!», -деді Мұрат Нәлқожаұлы.</blockquote>Кейінгі жылдары өңірдің полиция органдарының материалдық-техникалық базасын жақсартуға облыстық бюджеттен 18 млрд. теңгеден астам қаржы бөлінді. Жұмыс тиімділігін арттырып, құқықбұзушылықтың алдын алуға, қылмысты жедел ашуға мүмкіндік беретін жаңа технологиялар енгізілуде.Республикада алғашқы болып барлық ауданда Жедел басқару орталықтары ашылды, бейнебақылау жүйесі кеңейтілді. 2023 жылдан бері полиция қызметкерлеріне заманауи құралдармен жабдықталған 228 жаңа автокөлік табысталды. Бүгінгі кәсіби мерекеде полицияның жедел салалық қызметтеріне 94 заманауи автокөлік берілді.Жиында полиция қызметкерлері ҚР Премьер-министрінің, Премьер-министрдің бірінші орынбасарының Алғыс хаттарымен, Қызылорда облысының Құрмет грамотасымен, облыс әкімінің Алғыс хатымен, «Құқық тәртібін қамтамасыз етуге қосқан үлесі үшін» медалімен, «Ішкі істер органдарының үздігі» төсбелгісімен, Ішкі істер министрінің Құрмет грамотасымен, Алғыс хатымен, естелік қол сағатымен, сондай-ақ облыстық полиция департаменті бастығының Грамотасы және Алғыс хаттарымен марапатталды. Ішкі істер министрінің бұйрығына сәйкес бірқатар қызметкерге "Полиция полковнигі" шені табысталды.<img src="https://knadmin.beoblood.kz/uploads/Policziya_yzmetkerleri_k_sibi_mereke_e1915a2e4a.jpg" alt="Полиция қызметкерлері кәсіби мереке.jpg">

Полиция қызметкерлерінің кәсіби мерекесі аталып өтті

<a href="https://kyzylorda-news.kz/">Kyzylorda-news.kz</a> &nbsp;Ауыл шаруашылығы вице-министрі Таласбек Қанафин мен «Ростсельмаш» компаниясының бас директоры Александр Виноградов өндірісті жергіліктендіру деңгейін одан әрі арттыру мәселелерін талқылады. Бұл туралы ведомствоның баспасөз қызметі мәлім <a href="https://kaz.inform.kz/news/kazakstanda-kombayn-men-traktor-ondrsn-ulgaytu-kozdelp-otir-9e770246">етті.&nbsp;</a>Таласбек Қанафин отандық ауыл шаруашылығы машина жасау саласын дамытудың маңыздылығын атап өтіп, бірлескен жобалардың еліміздің агроөнеркәсіптік кешенін (АӨК) нығайтудағы рөліне тоқталды.<blockquote>–&nbsp;Машина-трактор паркін уақытылы жаңарту министрліктің негізгі басымдықтарының бірі. «Ростсельмашпен» бірлескен өндіріс жобалары өз тиімділігін айқын дәлелдеп келеді. Ынтымақтастық орнаған уақыттан бастап Көкшетауда жүздеген жұмыс орны құрылып, отандық аграршылар бәсекеге қабілетті бағамен сенімді комбайндар мен тракторларға қол жеткізді.&nbsp;Осыған байланысты біз өндірісті жергіліктендіруді тереңдету, заманауи цифрлық жүйелерді енгізу және сервистік қызмет көрсету сапасын арттыру жөніндегі жоспарларды қолдаймыз,&nbsp;— деді вице-министр.</blockquote>Өз кезегінде Александр Виноградов Қазақстанмен ынтымақтастық компания қызметінің негізгі стратегиялық бағыттарының бірі болып қала беретінін атап өтті.<blockquote>– Біздің көпжылдық әріптестігіміз — бұл жай ғана техника жеткізу емес, ел ішінде сапалы өнім өндіруге мүмкіндік беретін терең өнеркәсіптік кооперация. Біздің мақсатымыз — қазақстандық аграршыларға заманауи әрі қолжетімді агротехнологиялық шешімдер ұсыну.&nbsp;Біз жаңа техника үлгілерін жергіліктендіру үдерісіне инженерлік және технологиялық әлеуетімізді жұмылдыруға дайынбыз. Осы арқылы өңірдің азық-түлік қауіпсіздігін қамтамасыз етуге бірлесіп үлес қосуды көздейміз, — деді «Ростсельмаш» компаниясының бас директоры.</blockquote>Қазақстан мен «Ростсельмаш» арасындағы ауыл шаруашылығы техникасын бірлесіп өндіру саласындағы кооперация 2019 жылдан бері Көкшетау қаласындағы екі ірі кәсіпорын&nbsp;— «Kazrost Engineering Ltd.» ЖК&nbsp;және «Қазақстандық агроинновациялық корпорация» серіктестігі (ҚАИК) базасында жүзеге асырылып келеді. Осы кезең ішінде жобаларға тартылған инвестициялардың жалпы көлемі 35&nbsp;млн АҚШ долларынан асты, ал&nbsp;өндірісте еңбек ететін қызметкерлер саны 350 адамға жетті.Қазіргі уақытта Қазақстанда VECTOR 410KZ, ACROS 550, ACROS 595 Plus және T500 астық жинайтын комбайндарының, сондай-ақ «Ростсельмаш 2400» жоғары қуатты тракторының өндірісі жергіліктендірілген.2023 жылы қазақстандық кәсіпорындар 536 «Ростсельмаш» комбайны мен 168 трактор өндірді. 2024 жылы өндіріс көлемі 653 комбайн мен 193 тракторға жетті. Өткен жылдың қорытындысы бойынша 600-ден астам техника бірлігі шығарылды. Ал&nbsp;2026 жылдың алғашқы бес айында 280-нен астам техника бірлігі өндірілді.Кездесу қорытындысында Таласбек Қанафин мен Александр Виноградов өнеркәсіптік кооперацияны одан әрі дамытуға және Қазақстанның машина-трактор паркін отандық құрастырылған заманауи техникамен жаңартуды қарқынды жүзеге асыруға ынталылық білдірді.Тараптар өндірісті жергіліктендіруді тереңдету, сервистік инфрақұрылымды дамыту және агроөнеркәсіп саласына цифрлық инновациялық шешімдерді енгізу бағытындағы бірлескен жұмысты тиімді жалғастыруға уағдаласты.Айта кетейік, ауыл шаруашылығы техникасы паркінің тозу деңгейі 10%-ға төмендеді. Осы орайда мемлекеттік қолдау шаралары ең алдымен отандық өндірушілерді қолдауға бағытталған. Мысалы, отандық техниканы сатып алу кезінде субсидия 30%-ды құраса, импорттық техникаға&nbsp;15-25% көлемінде беріледі. Сондай-ақ жеңілдетілген лизинг бағдарламасында отандық техникаға басымдық беріледі.Фото: Үкімет

Қазақстанда комбайн мен трактор өндірісін ұлғайту көзделіп отыр  

<a href="https://kyzylorda-news.kz/">Kyzylorda-news.kz</a>&nbsp;23 маусым – Қазақстан полициясы күніне орай Шиелі аудандық полиция бөлімінің қызметкерлеріне арналған салтанатты іс-шара өтті.Іс-шара барысында алдымен Қазақстан Республикасының Мемлекеттік Әнұраны орындалып, тәртіп сақшыларына құрмет көрсетілді.Салтанатты жиында Шиелі ауданының әкімі Айтбай Жандарбеков құқық қорғау саласы қызметкерлерін кәсіби мерекелерімен құттықтап, олардың қоғамдағы орны мен жауапкершілігіне ерекше тоқталды.<blockquote>– “Сіздерді 23 маусым – Қазақстан Республикасының Полиция күні мерекесімен шын жүректен құттықтаймын! Ел тыныштығын сақтау жолында қиындықтан да, қатерден де қаймықпайтын қоғамдық тәртіптің қырағы сақшылары – полицейлердің еңбегі әрдайым құрмет пен алғысқа лайық. Заң мен тәртіпті қамтамасыз ету, азаматтардың құқықтары мен бостандықтарын қорғау, аудан тұрғындарының қауіпсіздігі мен тыныштығын сақтау – кәсібилік пен табандылықты талап ететін абыройлы міндет. Бұл күн – бейбіт уақытта халықтың қауіпсіздігі жолында жанын қиған тәртіп сақшыларына тағзым ету күні. Аудан тұрғындарының өмірін қорғау жолында ерлікпен қаза тапқан милиция капитаны Мұрат Өмірбековтің, полиция лейтенанттары Талғат Қозыбаевтың, Есентұрсын Бектұрсыновтың, Бақыткелді Ибраимовтың және полиция майоры Алтынбай Қойшыбаевтың есімдері ел жадында мәңгі сақталады. Олардың ерлік жолы кейінгі буынға әрдайым үлгі болмақ. Қоғамдық тәртіпті сақтау, азаматтардың құқықтары мен бостандықтарын қорғау және қылмыстың алдын алу жолындағы қажырлы еңбектеріңіз үшін шынайы алғысымды білдіремін. Баршаңызға зор денсаулық, отбасыларыңызға амандық, қызметтеріңізге толағай табыс тілеймін,” – деді аудан әкімі.</blockquote>Айта кету керек, Мемлекет басшысы Қасым-Жомарт Кемелұлы Тоқаевтың «Заң мен тәртіп» қағидаты аясында соңғы жылдары құқық қорғау саласын нығайту, материалдық-техникалық базаны күшейту және қоғамдық қауіпсіздікті қамтамасыз ету бағытында ауқымды жұмыстар атқарылуда.Осы бастамалар шеңберінде Шиелі аудандық полиция бөлімінің материалдық-техникалық әлеуетін арттыруға ерекше көңіл бөлініп келеді. Соңғы жылдары бөлімге 7 JAC маркалы қызметтік автокөлік беріліп, кезекшілік бөлімшесі мен уақытша ұстау изоляторына 2 «Газель» автокөлігі табысталды.&nbsp;Сонымен қатар, облыс көлемінде Жедел басқару орталықтары іске қосылып, қоғамдық қауіпсіздікті қамтамасыз ету ісіне заманауи технологиялар кеңінен енгізілуде. Бүгінде аудан аумағында құқық бұзушылықтардың алдын алу мақсатында 72 бейнебақылау камерасы тұрақты жұмыс істеп тұр. Бұл жүйе қылмыстарды дер кезінде анықтауға және тұрғындардың қауіпсіздігін күшейтуге мүмкіндік беруде.Салтанатты іс-шара барысында полиция саласында абыройлы қызмет етіп жүрген бірқатар қызметкерлерге облыс әкімінің және аудан әкімінің Алғыс хаттары табысталды.Сондай-ақ, аудан прокуроры Мейрамбек Маханбетжанов пен аудандық полиция бөлімінің бастығы Болатхан Мұханов сала ардагерлері мен үздік қызметкерлерді марапаттап, ізгі тілектерін жеткізді.Мерекелік шара арнайы жасақтың әскери қойылымымен және концерттік бағдарламаға ұласып , қатысушыларға ерекше әсер мен көтеріңкі көңіл-күй сыйлады.

Тәртіп сақшылары кәсіби мерекеде марапатталды

<a href="https://kyzylorda-news.kz/">Kyzylorda-news.kz</a>&nbsp;Ел тыныштығын күзету жолында аянбай еңбек етіп жүрген тәртіп сақшыларының қызметі әрдайым зор құрметке лайық. Осы ретте жауапты міндетті абыроймен атқарып келе жатқан сала майталмандарын ұлықтау мақсатында 23 маусым – Қазақстан Республикасының Полициясы күніне орай «Руханият» орталығында «Ел тыныштығы – ерлер аманаты» атты салтанатты іс-шара ұйымдастырылды.Мерекелік жиынға Қармақшы ауданының әкімі Жандос Еркінбек, құқық қорғау саласының басшылары мен қызметкерлері, ардагерлер, бөлім және мекеме қызметкерлері қатысты.<blockquote>- Сыр елінің қасиетті топырағында орналасқан Қармақшыда киелі мекеннің өркендеуіне аудандық полиция бөлімінің қосып отырған үлесі зор. Осы ретте Отан алдындағы берген Антына адал қызмет етіп жүрген Өздеріңізге ерекше алғысымды білдіремін! Бүгінде Мемлекет басшысы Қасым-Жомарт Кемелұлы елімізде «Заң мен тәртіп» қағидатын басты міндеттердің бірі ретінде алға қойып отыр. Осы бағытта аудан көлемінде құқықбұзушылықтың алдын алуға бағытталған рейдтік іс-шаралар тұрақты ұйымдастырылып, тұрғындар арасында түсіндіру жұмыстары жүргізілсе, құқық қорғау органдары басшыларымен бірлескен жеке қабылдаулар да тұрақты өткізіліп келеді. Жүктелген жауапты міндеттерді абыроймен атқарып, халықтың құрметіне бөленіп, қызметтеріңізде жаңа жетістіктерге жете беріңіздер», – деді аудан әкімі.</blockquote>Салтанатты іс-шара барысында өз қызметінде жауапкершілік пен кәсіби шеберлік танытқан бірқатар полиция қызметкерлері аудан әкімінің «Алғыс хатымен» марапатталды. Мерекелік кеш концерттік бағдарламамен жалғасып, әуезді әндер қонақтарға көтеріңкі көңіл-күй сыйлады.

Полиция қызметкерлеріне құрмет көрсетті

<a href="https://kyzylorda-news.kz/">Kyzylorda-news.kz</a>&nbsp; 2026 жылдың 11-20 маусым аралығындағы тараған жалған ақпараттарға қатысты түсіндірме берілді.&nbsp;Фейк: Курьер болып қосымша жұмыс істейтін аналарды әлеуметтік төлемдерден айыру. ҚР Еңбек және халықты әлеуметтік қорғау министрлігінің теріске шығаруы: &nbsp;&nbsp; Жұмыс істемейтін ата-аналарға бала бір жарым жасқа толғанға дейін республикалық бюджеттен берілетін мемлекеттік жәрдемақылар олардың кейіннен жұмысқа орналасуына қарамастан толық төленеді. Ал жұмыс істейтін ата-аналарға Мемлекеттік әлеуметтік сақтандыру қорынан тағайындалған әлеуметтік төлемдер олар жұмысқа қайта шыққан кезде автоматты түрде тоқтатылмайды. Бұл төлемдер тек алушының өз еркімен берген өтініші негізінде ғана тоқтатылуы мүмкін. Фейк: Қазақстан Қарулы Күштеріндегі әскери оқу-жаттығуларында 1940 жылдардағы қару-жарақ қолданылуда. ҚР Қорғаныс министрлігінің теріске шығаруы: Қазақстан армиясында 1940-жылдардағы қару-жарақ қолданылмайды. Оқу-жаттығу жиындарында қазіргі уақытта армия қатарында тұрған заманауи қару түрлері, сондай-ақ қарулы күштерді жаңғырту аясында жаңадан келіп түсіп жатқан әскери техниканың озық үлгілері пайдаланылады. Фейк: Қазақстанда азаматтарды сексуалдық бағдары немесе діни наным-сенімі бойынша мерзімді әскери қызметтен босату. ҚР Қорғаныс министрлігінің теріске шығаруы:&nbsp; Отандық заңнамада азаматтарды сексуалдық бағдарына немесе діни ұстанымына байланысты мерзімді әскери қызметті өтеуден босату қарастырылмаған. Фейк: 2026 жылдың 1 шілдесінен бастап жеке тұрғын үйлердің маңына автокөлік қоюға тыйым салынады. ҚР Өнеркәсіп және құрылыс министрлігі мен Жалған ақпаратқа қарсы іс-қимыл орталығының түсіндірмесі: Бұл тыйым салу тек жалпыға ортақ пайдаланылатын аумақтарда мүлікті, соның ішінде қолданыстан шығарылған, ақаулы және бөлшектенген автокөліктерді заңсыз жинау мен ұзақ уақыт сақтауға ғана қатысты. Көлік құралдарын тікелей мақсатында пайдалануға, сондай-ақ оларды арнайы қарастырылған тұрақтар мен автотұрақ орындарына қоюға ешқандай шектеу қойылмайды. Аталған норма Қалалар мен елді мекендердің аумақтарын абаттандырудың үлгілік қағидаларында бекітілген және қоғамдық кеңістіктердің санитарлық әрі эстетикалық жай-күйін сақтауға бағытталған. Бұл ережелер жол қозғалысын, автотұрақтарды ұйымдастыруды және көлік құралдарын пайдалану мәселелерін реттемейді – бұл мәселелер өзге нормативтік-құқықтық актілердің құзыретіне жатады. Орталықтың &nbsp;ұсынысы: Астанада шетелдік жоғары оқу орнына түсуге көмектесуге уәде берген алаяқтық дерегі бойынша қылмыстық іс тергелуде. Полиция департаментінің мәліметінше, 32 жастағы күдікті өзін білім беру орталығының өкілі ретінде таныстырып, шетелдік университеттермен байланысы бар екенін айтып, азаматтарды алдаған. Сонымен қатар, елордада туристік жолдамаларды сату кезінде алаяқтық жасады деген күдікпен тағы бір азамат ұсталды. Ол өзін туристік агенттік қызметкері ретінде таныстырып, тұрғындарға шетелдік сапарларды тиімді бағамен ұйымдастыруды ұсынған. Алаяқтар көбінесе оқуға түсу, жұмысқа орналасу, виза рәсімдеу, саяхат ұйымдастыру және құжаттар әзірлеу сияқты сұранысқа ие қызметтерді алға тартып, «ерекше жағдайлар жасауды», «жеке байланыстарды» немесе «жүз пайыздық нәтижені» уәде етеді. Қаржы аудармас бұрын ұйымның немесе делдалдың мәліметтерін, оның ресми тіркеуін, қажетті лицензияларының бар-жоғын дербес тексеріп, ақпаратты мекеменің ресми сайты немесе байланыс нөмірлері арқылы нақтылаңыз. Кепілдендірілген нәтиже, күмәнді жеңілдіктер, шұғыл ақша аудару туралы талаптар немесе бейресми келісімдерге сілтеме жасау – алаяқтықтың негізгі белгілері болып табылады. Оқу орындарына түсу, туристік қызметтер мен виза алу процедуралары тек заңмен белгіленген тәртіппен жүзеге асырылады және ешқандай бейресми делдалдар арқылы «мәселені шешуді» көздемейді. Күмән туындаған жағдайда, ақпаратты ресми дереккөздерден қосымша тексеру немесе түсіндірме алу үшін құзыретті мемлекеттік органдарға жүгіну ұсынылады. Қосымша мәлімет: 2026 жылғы 12 маусымнан бастап ҚР Жоғарғы Сотының «Ар-намысты, қадір-қасиетті және іскерлік беделді қорғау туралы» жаңа нормативтік қаулысы күшіне енді. Құжатта БАҚ жарияланымдарға, интернеттегі жазбалар мен пікірлерге қатысты дауларды қарау тәртібі егжей-тегжейлі түсіндірілген. Атап айтқанда, мұндай істер бойынша жарияланым авторлары, аккаунттар мен абоненттік нөмірлердің иелері жауапкер ретінде танылуы мүмкін. Ал заңға қайшы келетін пікірлер үшін оның тікелей жазған авторы дербес жауапты болады.Фото: aqshamnews.kz

Қазақстан және Қызылорда облысының жаңалықтары: Қоғам