<a href="https://kyzylorda-news.kz/">Kyzylorda-news.kz</a> ҚР Премьер-министрінің орынбасары Тамара Дүйсенова, облыс әкімі Нұрлыбек Нәлібаев Н.Бекежанов атындағы театрда, «Оқушылар сарайында», С.Ысқақов атындағы Қызылорда құрылыс және бизнес колледжінде мектепке дейінгі, орта, техникалық, кәсіптік білім беру ұйымдарының қызметкерлерімен кездесті. Бұл туралы облыс әкімінің баспасөз қызметі хабарлады.Басқосулар салалық министрлік өкілдерінің, облыстық білім басқармасы, қалалық, аудандық білім бөлімдері, мемлекеттік және жекеменшік мектепке дейінгі ұйымдар басшыларының, мектеп, техникалық және кәсіптік білім беру мекемелері директорларының қатысуымен өтті. Сондай-ақ, жиынға басқа өңірлерден келген білім саласының басшылары да қатысты.Облыс әкімі Нұрлыбек Нәлібаев мәжілісті жүргізіп, атқарылған жұмыстар туралы айтты.<blockquote>«Білім мен тәрбиеге қатысты еліміздегі жаңа бастамаларды, тың жобаларды талқылауға бас қостық. Президентіміздің, Үкіметтің қолдауымен аймақта жаңа білім нысандары көптеп салынып, ел игілігіне берілуде.«Білімді қолдау қоры» есебінен Қызылорда қаласында физика-математика мектеп-интернаты, «Шығармашылық-инновациялық орталық», «Саутс Ойл» компаниясының демеушілігімен музыкалық колледждің жаңа ғимараты салынуда.Қазан айында Мемлекет басшысының бастамасымен қолға алынған «Жайлы мектеп» ұлттық жобасы аясындағы алғашқы 900 орындық мектепті табыстадық. Қазіргі таңда тағы 9 мектептің құрылысы жүруде. Жыл соңына дейін 4 мектеп іске қосылады.«Адал адам. Адал еңбек. Адал қоғам» қағидаты негізінде еңбек адамын құрметтеу, жастарымыздың жұмысшы мамандығына деген қызығушылығын арттыру, сапалы және қолжетімді, заманауи техникалық, кәсіптік білім беру бағытындағы жұмыстарды жалғастырамыз. Өңірдегі 28 колледж 97 мамандық пен 158 біліктілік бойынша еңбек нарығына қажетті кадрлар даярлайды»,– деді Н.Нәлібаев.</blockquote>Кездесуде Тамара Дүйсенова әлеуметтік саладағы ауқымды жобаларға тоқталып, қатысушылардың ұсыныс-пікірлерін тыңдады, алдағы жұмыстар бағытын айқындады.Сонымен қатар, Оқу-ағарту министрлігі мектепке дейінгі тәрбие және оқыту департаментінің директоры Манара Адамова, Білім беру саласындағы сапаны қамтамасыз ету комитетінің төрағасы Ернұр Дәуенов, «Қаржы орталығы» АҚ президенті Асқар Ибраимов, басқа да қатысушылар өз ойларын ортаға салды.Айта кету керек, биылдан бастап Тараз, Түркістан және Шымкент қалаларының мектепке дейінгі ұйымдарына ваучерлік қаржыландыру жүйесі енгізілді. Облыстағы 12 шағын жинақты білім ошағын «Тірек мектептер» жобасына енгізу үшін 3 мектеп бекітілді. Бұл ретте «Қазақстан халқына» қорының «Білім беруді тұрақты дамыту» қорымен бірлесіп, «Ауылдық аймақтардағы тірек мектептердің әлеуетін дамыту» жобасы жүзеге асырылуда. Оның шеңберінде 2022-2024 жылдары 6 мектеп 1,5 млрд теңгеге қайта жабдықталды. Алдағы жылға 2 мектепке сұраныс берілді. Қазір атқаратын жұмыстар жүйеленуде.<img src="https://knadmin.beoblood.kz/uploads/Bilim_men_t_rbie_berudegi_m_seleler_tal_ylandy_1_71e7951d20.webp" alt="Білім мен тәрбие берудегі мәселелер талқыланды 1.webp"><img src="https://knadmin.beoblood.kz/uploads/Bilim_men_t_rbie_berudegi_m_seleler_tal_ylandy_2_1993130e3d.webp" alt="Білім мен тәрбие берудегі мәселелер талқыланды 2.webp"><img src="https://knadmin.beoblood.kz/uploads/Bilim_men_t_rbie_berudegi_m_seleler_tal_ylandy_3_5ca5e30e0e.webp" alt="Білім мен тәрбие берудегі мәселелер талқыланды 3.webp"><img src="https://knadmin.beoblood.kz/uploads/Bilim_men_t_rbie_berudegi_m_seleler_tal_ylandy_4_6646ee945c.webp" alt="Білім мен тәрбие берудегі мәселелер талқыланды 4.webp"><img src="https://knadmin.beoblood.kz/uploads/Bilim_men_t_rbie_berudegi_m_seleler_tal_ylandy_5_11f2fa22fb.webp" alt="Білім мен тәрбие берудегі мәселелер талқыланды 5.webp">

Білім мен тәрбие берудегі мәселелер талқыланды

<a href="https://kyzylorda-news.kz/">Kyzylorda-news.kz</a> 2024 жылғы 12 желтоқсанында Астанада өткен баспасөз мәслихатында «Әділдік және өркендеу» қоғамдық қоры өзінің жаңа бастамасын жариялады. Жосықсыз жұмыс берушілер тізімінің мақсаты – жұмыс берушінің еңбек заңнамасын сақтауына қоғамдық бақылауды күшейту. Еңбек кодексін бұзу жайттарын жария ету.Реестрдің ережесі Қордың adildik.org.kz сайтына жүктелді.Жұмысшының Еңбек кодексінің 22-бабында қарастырылған құқығын бұзған кез келген жұмыс беруші реестрге енгізілуі мүмкін. &nbsp;Жалақының кешіктірілуі, қауіпсіздік техникасын сақтамау, жұмыс тоқтап тұрғаны үшін ақы төлеуден бас тарту, төленетін еңбек демалысын бермеу, жұмыстан заңсыз шығару сынды жағдайлар реестрге енгізуге себеп бола алады. Бұл тұста жұмыс беруші мен жұмысшы арасында еңбек шартының болуы міндетті емес. Қолында еңбек шарты болмаса да, жұмысшының Еңбек кодексінде қарастырылған құқықтары бар. &nbsp;Еңбек құқығының бұзылуы жайлы ақпаратты жұмысшы, ұжым, БАҚ, билік органдарының өкілдері, кәсіподақтар, үкіметтік емес ұйымдар және оқиға куәгері де ұсына алады. Бұл үшін Қор сайтында арнайы форманы толтыру керек.Реестрде заңды тұлғаның атауы, мекенжайы, саласы, құқықбұзушылық түрі мен саны және т.б. деректер болады.Жосықсыз жұмыс беруші реестрінің ережесінде ұсынылған мәліметтердің &nbsp;дәйектілігі қатаң бақыланады. Өтініш беруші еңбек қатынасы мен құқықбұзушылық фактісін растайтын құжаттарды ұсынуға тиіс (мәселен, хабарламалар &nbsp;скриншоты, еңбек шартының көшірмесі…). Егер жұмыс берушінің әрекетіне қатысты еңбек ұжымынан шағым түссе, жұмысшылар қол қойған парақты ұсыну жеткілікті.Қор ақпаратты ашық дереккөздерден тексере алады. Қажеттілік туындаған жағдайда ресми сұрау жібереді. Алайда деректердің растығы үшін жауапкершілік өтініш берушіге жүктеледі. Шындыққа жанаспайтын шағымдардың алдын алу үшін өтініш берушіні жауапкершілік жайлы ескертудің бірнеше кезеңі қарастырылған.Реестрге енген жұмыс берушілер уәжбен келіспесе, ақпаратты жоққа шығаратын дәлелдерді ұсына алады. Олар расталса, тізімнен шығарылады. Бірақ құқықбұзушылық қайталанса, бұл жұмыс берушіні реестрден алып тастау уақыты созылады.Қор өтініш берушілердің жеке деректерін жарияламайды. Реестр қордың adildik.org.kz сайтында жарияланады. Кез келген адам оның мазмұнымен таныса алады. Онлайн режимінде толықтырылып отырады.Осылайша ақпаратты бір жерде жинақтау қазақстандықтарды жосықсыз жұмыс берушімен еңбек қатынасынан қорғайды.«Бұл реестрдің жүзеге асырылуы еңбек құқығы бұзылған жұмысшылар мен осы мәселеге бейжай қарамайтын қазақстандықтардың белсенділігіне байланысты. Жұмыс беруші алдап кетсе немесе осындай жағдайға куә болсаңыз, бізге хабарлауға шақырамыз. Реестрге қоссақ, компания атауы мен жетекшілерін барша ел білетін болады!Реестр – жай ғана тізім емес. Жұмысшы құқығын қорғау мүмкіндігі. Біздің бастамамыз әр адамның еңбегі бағаланатын қоғам құру жолындағы қадам боларына сенеміз», – деді баспасөз мәслихатында Қор директоры Дана Рысмұхамедова.Реестрді іске қосу қоғамдық бақылауды дамытып, құқықтық мәдениетті нығайтуға жағдай жасайды.Қор барша жұмысшыны, қоғамдық ұйым өкілдері мен азаматтарды еңбек адамының құқығын қорғап, әлеуметтік әділдікті нығайтуды көздейтін бастаманы белсенді қолдауға шақырады.Жосықсыз жұмыс берушілердің алғашқы реестрі 2025 жылдың басында жарияланады.Анықтама:«Әділдік және өркендеу» қоғамдық қоры – жаңа үлгідегі үкіметтік емес ұйым.Қор белсенді азаматтық ұстанымы бар, Әділетті Қазақстан құруға үлес қосқысы келетін қазақстандықтарды біріктіреді. 20 өңірде өкілдігі мен &nbsp;7000-нан астам жақтасы бар.Қор өз жұмысында қоғамдық бақылау мен әлеуметтік мониторингке ерекше басымдық береді.Еңбек және халықты әлеуметтік қорғау министрлігінің ақпаратына сәйкес, жыл басынан бері 277 кәсіпорынның 18,7 мың жұмысшыға жалақы бойынша қарызы бар екені анықталған. Берешектің жалпы сомасы – 4,4 млрд теңге. Тексеріс кезінде түрлі ұйымда еңбек құқығының бұзылуының 7,5 мың жағдайы белгілі болды.&nbsp;<img src="https://knadmin.beoblood.kz/uploads/Zhosy_syz_zh_mys_berushilerdi_al_ash_y_reestri_zhasaldy_1_588738d656.webp" alt="Жосықсыз жұмыс берушілердің алғашқы реестрі жасалды 1.webp">

Жосықсыз жұмыс берушілердің алғашқы реестрі жасалды

​<a href="https://kyzylorda-news.kz/">Kyzylorda-news.kz</a> Тәуелсіздік күні қарсаңында облыс әкімі Нұрлыбек Нәлібаев тұрғын үй кезегіндегі азаматтарға жеті қабатты 84 пәтерлік 6 жаңа тұрғын үйдің кілтін табыстады. Рәсімге Сыр өңіріне жұмыс сапарымен келген Премьер-министрдің орынбасары Тамара Дүйсенова, жауапты сала басшылары, еңбек ардагерлері мен қала тұрғындары қатысты, – деп хабарлайды облыс әкімінің баспасөз қызметі.Аймақ басшысы жаңа пәтерге қоныстанушыларды құттықтап, өңірдің құрылыс саласының жетістіктеріне тоқталды.<blockquote>«Ел Президенті Қасым-Жомарт Кемелұлы өз Жолдауында «Елімізде бірыңғай тұрғын үй саясатын әзірлеу қажет. Негізгі қағидат – тұрғындар үшін баспананың қолжетімділігін арттыру» деген болатын. Мемлекет басшысының қолдауымен ұлттық жобалар аясында соңғы 2 жылда 4 мыңға жуық пәтер табысталып, 17 мың тұрғынның баспана мәселесі шешілді. Жыл басынан бері 1500-ден астам отбасы қоныс тойын тойлады. Биыл мемлекеттік бюджеттен бөлінген 34 млрд. 100 млн. теңгеге 2,5 мыңнан астам пәтер пайдалануға беріледі. Осылайша тұрғын үй құрылысының көлемі 126 пайызға өсті.Мемлекет басшысының қолдауымен аймағымыз бүгінде қарқынды құрылыс алаңына, өркенді өзгерістердің ордасына айналды. Өткен жылдан бері қаламызда жеті, тоғыз, он екі қабатты тұрғын үйлер бой көтеруде. Бүгін өздеріңізбен бірге тағы 500-ден астам отбасының қуанышын еселеп, баспана бақытына кенелгеніне куә боламыз! Шаңырақтарыңыз жылулық пен мейірімге, балалардың шат күлкісіне толсын!»– деді Н.Нәлібаев.</blockquote>Сыр өңірінде соңғы жылдары мақсатты бастамалар қолға алынып, ауқымды жобалар жүзеге асуда. Әлеуметтік-экономикалық дамудың барлық негізгі көрсеткіштерінде оң серпін сақталып, облыс республика бойынша алдыңғы қатарға тұрақтады. Екі жыл бұрын облыс бюджеті 364 млрд. теңге болса, бүгінде екі есе артып, 750 млрд. теңгеге жетті. Бұл ауқымды қаражат аймақтағы ең өзекті деген мәселелерді шешуге, тұрғындардың өмір сүру сапасын арттыруға және ауқымды инфрақұрылымдық жобаларды жүзеге асыруға жұмсалуда.Тұрғындарды электр энергиясымен қамту бағытында 38 жоба қолға алынған. Бұл тозған электр желілерін 66 пайыздан 62 пайызға төмендетеді. Елді мекендерді газдандыру бойынша 30 млрд. 500 млн. теңгенің 20 жобасы іске асуда. Жыл соңына дейін өңірді газбен қамту көрсеткіші 78 пайызға жетеді. Тұрғындарды орталықтандырылған ауыз сумен қамтуға бағытталған 5 млрд. 300 млн. теңгенің 13 жобасы бар. Сондай-ақ, 43 млрд. 300 млн. теңгеге 300 шақырымнан астам автомобиль жолдары жөндеуден өтуде. Осылайша облыс аумағындағы жақсы жағдайдағы жолдардың үлесі 92 пайыздан аспақ.<img src="https://knadmin.beoblood.kz/uploads/yzylordada_504_otbasy_baspanaly_boldy_1_e3384705b1.webp" alt="Қызылордада 504 отбасы баспаналы болды 1.webp">

Қызылордада 504 отбасы баспаналы болды

&nbsp; Депутаттық фракция алдында қала әкімінің орынбасары Дархан Тұрсынбаев Жол картасының Қызылорда қаласында ағымдағы жылдың 11 айында орындалу барысын баяндады.«АМАNАТ» партиясының өңірлік сайлауалды бағдарламасын іске асыру жөніндегі Жол картасында облыс бойынша барлығы 122 іс-шара қамтылған, оның ішінде Қызылорда қаласы бойынша 2024 жылы 41 іс-шараның орындалуы жүзеге асырылуда.2024 жылғы 11 ай қорытындысымен жүргізілген талдау барысында жоспарланған 41 іс-шараның орындалғаны – 30 іс-шара (73%), орындалу сатысында – 11 іс-шара (27%).Осы кезекте Жол картасында көрсетілген Ауыл аманаты, Жер аманаты жобаларының шаһарымызда іске асу барысы қарқынды жүріп жатқанын атап өту керек.&nbsp;Ағымдағы жылы Жер аманаты жобасы аясында пайданылмай жатқан 842 ГА жер телімі мемлекет меншігіне қайтарылып, жоспар екі есеге артық орындалған болатын.Фракция отырысында партияның қалалық филиалының Төрағасы Ибадулла Дүйсенбайұлы Жол картасының орындауда барлық фракция мүшелерін белсенділік танытуға шақырып, жергілікті атқарушы органдармен ағымдағы жылдың жоспарын толық іске асыруға жұмыс жасалатындығын жеткізді.Жиын соңында фракция мүшелері Жол картасының іске асуына байланысты бірқатар сауалдар жолдап, пікір алмасты.Айта кетейік, ағымдағы жылы партияның Жол картасы аясында Қызылорда қаласында Сол жағалаудағы «Жайлы мектеп», Облыстық «Қан орталығы», «Қорқыт ата» атындағы әуежайдың жаңа терминалы ел игілігіне табысталған болатын.<img src="https://knadmin.beoblood.kz/uploads/Deputatty_frakcziya_otyrysy_tti_1_2cfc760364.jpg" alt="Депутаттық фракция отырысы өттi 1.jpg"><img src="https://knadmin.beoblood.kz/uploads/Deputatty_frakcziya_otyrysy_tti_2_21375daa33.jpg" alt="Депутаттық фракция отырысы өттi 2.jpg">

Депутаттық фракция отырысы өттi

<a href="https://kyzylorda-news.kz/">Kyzylorda-news.kz</a>&nbsp; Арал ауданының әкімі Аманжол Оңғарбаев «Amanat» партиясының Арал аудандық филиалы ғимаратында кезекті жеке қабылдау өткізіп, тұрғындардың өтініш-тілегін тыңдады.Қабылдауға келген азаматтардың басым бөлігі жұмысқа орналасу туралы қозғаса, кейбірі тұрғын үй мәселесі бойынша жүгінді.Аудан әкімі Аманжол Сақыпұлы келушілердің мәселелеріне жеке тоқталды. Қабылдауға келген тұрғындар тұрғын үй қажеттілігіне байланысты мәселе көтерді. Сала бойынша жауапты мамандар тұрғындарды баспанамен қамту әр санат бойынша жүргізілетіндігін түсіндірді.Тұрақты жұмыс сұрап келген азаматтарға кәсіпкерлік нысандар мен мекемелерден түскен сұраныс бойынша бос жұмыс орындары ұсынылды. Аудан әкімі тұрғындардың өтінішіне сай мамандығына сәйкес және қоғамдық жұмысқа орналасу бойынша жауапты бөлім басшыларына заң шеңберінде барлық мүмкіндіктерді қарастыруды тапсырды.Айта кетейік, тұрындар аудан әкімінің қабылдауына е-otinish бірыңғай базасы немесе әкімдікке келіп жазбаша өтініш тастау арқылы жазыла алады.Фото: Арал ауданы

Арал ауданының әкімі тұрғындардың талап-тілегін тыңдады

<a href="https://kyzylorda-news.kz/">Kyzylorda-news.kz</a> Марқұм Шерзат Полаттың әкесі Қаржаубай Нұрымовтың адвокаты Асқар Қаймақов Талғардағы оқиғаға қатысты мәлімдеме жасады. Оның сөзінше, Нұрымовтың үстінен қылмыстық іс қозғалып жатыр. Бұл туралы&nbsp; <a href="https://stan.kz/">Stan.kz</a> ақпарат агенттігі хабарлайды.&nbsp;Нұрымовтың қорғаушысы Асқар Қаймақовтың сөзінше, адвокаттар&nbsp;полициядан Нұрымовты ұстауды сұрамаған. Бұған дейін полиция «адвокаттар мен оның туыстары Шерзаттың әкесін қамауға алуды сұрағанын» хабарлаған еді.&nbsp;<blockquote>«Өз-өзіне қол салды делінген Нұрқанат Ғайыпбаевтың жеке хабарламасын жариялауға туыстары келісім бермеді. Адвокаттар Қаржаубайдың 15 тәулікке қамауға алынуын заңсыз деп санайды. Бұл шешімге біз шағым түсірдік», – дейді<a href="https://www.facebook.com/askar.kaimakov/posts/8925739757471699?ref=embed_post"> адвокат.</a></blockquote><img src="https://knadmin.beoblood.kz/uploads/screenshot_www_facebook_com_2024_12_12_12_12_26_923cc53ed9.jpeg" alt="screenshot-www_facebook_com-2024_12_12-12_12_26.jpeg">Сондай-ақ ол Қаржаубай Нұрымовқа қатысты полицейлер Қылмыстық кодекстің 202-бабы&nbsp;(бөтеннің мүлкін қасақана жою немесе бүлдіру) бойынша сотқа дейінгі тергеуді бастағанын, мәлімдеді. Себебі ол полиция көлігінің дөңгелегін жарып жіберді деп айыпталып жатыр.&nbsp;Айта кетейік, Қылмыстық кодекстің 202-бабы бойынша қылмыстық іс жүргізілген жағдайда айыпталушы:<ul><li style="text-align:justify;">бес жүзден екі мың айлық есептiк көрсеткiшке дейiнгi мөлшерде айыппұл салуға;</li><li style="text-align:justify;">не сол мөлшерде түзеу жұмыстарына не үш жүзден алты жүз сағатқа дейінгі мерзімге қоғамдық жұмыстарға тартуға;</li><li style="text-align:justify;">не екі жылға дейінгі мерзімге бас бостандығын шектеуге не сол мерзімге бас бостандығынан айыруға жазаланады.&nbsp;</li></ul>Еске салсақ, бұған дейін&nbsp;Талғарда&nbsp;жаппай төбелес болып, салдарынан 16 жастағы Шерзат Полат көз жұмған&nbsp;еді. Жасөсіпірімнің өлімінен кейін&nbsp;Шерзат Полаттың үйін белгісіз біреулер өртеп<a href="https://stan.kz/talgardagi-16-zhastagi-zhasospirimnin-kazasi-markym-she-407838/">&nbsp;</a>кетті. 9 желтоқсан күні&nbsp;Талғардың шетінен Шерзаттың ағасы &nbsp;Нұрғанат Ғайыпбаевтың&nbsp;денесі табылды. Осы жайттан соң Шерзаттың ашынған әкесі журналисттердің келуін талап етіп, қолына пышақ ұстап өзіне қол жұмсайтынын айтқаны үшін ұсталған еді.&nbsp;Қаржаубай Нұрымов&nbsp;“Бұзақылық” бабы бойынша сотталып,&nbsp;15 тәулікке қамауға алынды.&nbsp;Айта кетейік, ішкі істер министрлігі&nbsp;Шерзат Полаттың өліміне қатысты тергеу&nbsp;жыл соңына дейін аяқталатынын мәлімдеді.Фото: Видеодан скрин <a href="https://stan.kz/sherzat-polattin-akesi-tagi-bir-bap-boyinsha-ayiptalip-411043/">Stan.kz</a>

Шерзат Полаттың әкесіне қатысты қылмыстық іс қозғалды

<a href="https://kyzylorda-news.kz/">Kyzylorda-news.kz</a> Қазақстандық мектептерде қысқы каникул күнтізбелік 10 күнге созылады. Бұл туралы <a href="https://stan.kz/">Stan.kz</a> ақпарат агенттігі хабарлайды.Оқушылар 30 желтоқсаннан 2025 жылғы 8 қаңтарды қоса алғанда демалады. 9 қаңтар сабаққа келеді.Оқу-ағарту министрлігі каникул кезінде де іс-шаралар өтетінін мәлімдеді.<blockquote>«Мектеп оқушыларының қысқы демалыс кезінде тиімді және қауіпсіз жүріс-тұрысы мен тұлғалық дамуы үшін «Біртұтас тәрбие» бағдарламасы аясында іс-шаралар жоспары әзірленді. Мектептің іс-шаралар жоспарына оқу, спорттық, мәдени және шығармашылық іс-шаралар кіреді», – делінген хабарламада.</blockquote>«Оқуға құштар мектеп» жобасын іске асыру шеңберінде – «Қыста кітап оқимыз, жадымызға тоқымыз» мектепішілік іс-шара;Театр фестивальдері мен қойылымдары;Жаңа жылдық әшекейлерді жасау бойынша шеберлік сабақтары;Қауіпсіздік сабақтары;Мұражайларға, ғылыми орталықтарға және тарихи ескерткіштерге танымдық экскурсиялар;Спорттық ойындар, коньки тебу, шаңғы тебу;Қайырымдылық шаралары және т.б.<blockquote>«Балалардың қауіпсіздігін қамтамасыз ету – басты басымдықтардың бірі. Осы орайда балалардың қатысуымен болатын жол-көлік оқиғаларының алдын алу, мектептерде ішкі тәртіп ережелерін сақтау, көшедегі қауіпсіздік шараларын сақтау, үйдегі өрт қауіпсіздігі мен киберқауіпсіздік мәселелеріне баса назар аударылып жатыр. Бұл іс-шаралар білім беру ұйымдарына әдістемелік ұсыныстар ретінде жіберіледі», – деп түсіндірді министрлік.</blockquote>фото:&nbsp; <a href="https://stan.kz/">Stan.kz</a>&nbsp;

Қазақстандық оқушылар қысқы каникулда неше күн демалатыны белгілі болды

<a href="https://kyzylorda-news.kz/">Kyzylorda-news.kz</a> Сыр өңіріне жұмыс сапарымен келген Қазақстан Республикасы Премьер-министрінің кеңесшісі Ермек Маржықпаев қала аумағындағы құрылыс нысандарын аралады. Облыс әкімі Нұрлыбек Нәлібаев алдымен сол жағалаудағы «Үстел теннисі орталығының» жұмысымен таныстырды.Орталықтың құрылысы «Samruk Kazyna Trust» әлеуметтік жобаларды дамыту қорымен бірге жүзеге асырылды. Қазіргі уақытта орталықта 16 үстел теннисі алаңы, 350 көрерменге арналған орындар, жаттығу залы мен әкімшілік бөлмелер бар, 31 қызметкер жұмыс істейді.Әрі қарай Премьер-министр кеңесшісі жаңа стадионның құрылыс барысын,бас мердігер «ВД строй-инжиниринг», бас жобалаушы «Жоба», техникалық қадағалаушы «Строй-проф» серіктестіктері атқарған жұмыстарды көрді. Стадион алдағы жылы пайдалануға беріледі деп жоспарлануда.Ермек Маржықпаев шыны зауытының жұмысымен де танысты. Мұнда жылына 197,1 мың тонна шыны өндіріліп, Ресей, Өзбекстан, Қырғызстан және Тәжікстан елдеріне экспортталады. Зауытта 373 маман еңбек етеді.Сонымен қатар, аймақ басшысы «Қызылорда Саз М» ЖШС қолға алған заманауи кірпіш зауытының құрылысымен таныстырды. Өңірлік үйлестіру кеңесінің шешімімен жобаға мемлекеттік қолдау көрсетіліп, Қызылорда қаласындағы «Өндіріс» индустриялық аймағынан 7 гектар жер телімі берілді. Құны 2,3 млрд теңге болатын зауытта жылына 90 млн дана кірпіш шығарылады деген жоспар бар. Іргетасы жыл соңына дейін құйылып бітеді. Құрылыс алаңында 20 жұмысшы, 11 техника жұмыс жасауда. Зауытқа қажетті қондырғылар осы айда түгел жеткізіліп, алдағы жылдың ақпан айында монтаждалады. Бұл зауыттың басқалардан ерекшелігі – өндіріс толығымен автоматтандырылған.Премьер-министр кеңесшісі барған келесі нысан – жаңа жылу-электр орталығының құрылыс алаңы. Мемлекет басшысының еліміздегі жылу-электр орталықтарының жұмысын жандандыру тапсырмасымен қуаттылығы 240 мегаваттық жаңа жылу-электр орталығының құрылысы қарқынды жүруде. Оған «Акса Энерджи» түрік компаниясы 127 млрд.теңге инвестиция салды. Орталық келер жылдың қыркүйек айында ел игілігіне табысталады. Пайдалануға берілгеннен кейін 773 қызметкер озық технологиялармен жабдықталған заманауи ғимаратта жұмыс істейтін болады.Мұнан бөлек, аймақ басшысы Қызылорда қаласындағы Тәуелсіздіктің 25 жылдығы көшесін жаңғырту барысымен таныстырды. Ұзындығы 6,71 шақырым, ені 14 метр төрт жолақты жолды «УАД» ЖШС жаңғыртуда. Техникалық қадағалаушысы «ЗКА Проект», авторлық қадағалаушысы «КБ МұнайГаз Инжиниринг» серіктестіктері.Айта кетейік, биыл Қызылорда облысында республикалық және облыстық бюджеттен бөлінген 44 млрд. 703 млн теңгеге 300 шақырым автомобиль жолы жөндеуден өтті. Облыс орталығының негізгі көшелері – әуежайдан Бейбарыс сұлтан көшесіне дейінгі аралық, қалаға Шиеліден кіреберіс жол, Яссауи, Жаппасбай батыр магистральді көшелері, Тәуелсіздіктің 25 жылдығы даңғылы төрт жолақты болып кеңейтілді. Қызылорда қаласында Жанқожа батыр көшесі арқылы өтетін теміржол асты автожолы, Арал, Жаңақорған аудандарында теміржол үстінен аспалы көпір құрылыстары жүруде.Сонымен қатар жылдар бойы күн тәртібінен түспеген «Қызылорда-Жезқазған» автожолы Президенттің тікелей тапсырмасымен қайта жаңғыртылуда. Қызылорда облысының аумағына тиесілі 216 шақырым жолдың 140 шақырымы аяқталды. Қалған бөлігі 2026 жылы ел игілігіне беріледі.<img src="https://knadmin.beoblood.kz/uploads/Premer_ministr_ke_esshisi_Ermek_Marzhy_paev_rylys_nysandaryn_aralady_279d9bc1fc.jpg" alt="Премьер-министр кеңесшісі Ермек Маржықпаев құрылыс нысандарын аралады.jpg"><img src="https://knadmin.beoblood.kz/uploads/Premer_ministr_ke_esshisi_Ermek_Marzhy_paev_rylys_nysandaryn_aralady_1_6b5dcef3b2.jpg" alt="Премьер-министр кеңесшісі Ермек Маржықпаев құрылыс нысандарын аралады 1.jpg"><img src="https://knadmin.beoblood.kz/uploads/Premer_ministr_ke_esshisi_Ermek_Marzhy_paev_rylys_nysandaryn_aralady_5_a7949a3dfa.jpg" alt="Премьер-министр кеңесшісі Ермек Маржықпаев құрылыс нысандарын аралады 5.jpg">Фото: Қызылорда облысы әкімінің баспасөз қызметі

Премьер-министр кеңесшісі Ермек Маржықпаев құрылыс нысандарын аралады

<a href="https://kyzylorda-news.kz/">Kyzylorda-news.kz</a> Егер сіз шетелде білім алсаңыз және Қазақстанда жұмыс істеуді немесе оқуды қаласаңыз, онда дипломыңызды тану рәсімінен өту керек. Бұл сіздің құжатыңызды елде заңды түрде жарамды деп тануға мүмкіндік береді.Білім туралы құжатты тану куәлігін алу үшін халыққа қызмет көрсету орталығына бару керек. Өзіңізбен бірге жеке куәлік, мемлекеттік баждың төленгені туралы түбіртек, заңдастырылған немесе апостиль қойылған білімі туралы құжаттың көшірмесі, оның қосымшалары, нотариалды куәландырылған аудармасы болуы қажет.Негізгі орта, жалпы орта, техникалық және кәсіптік, орта білімнен кейінгі, жоғары және жоғары оқу орнынан кейінгі білімі туралы шетелдік құжаттар тануға жатады. Айта кету керек, дипломның қосымшасын тану рәсімі үшін міндетті құжат болып саналады.Білім туралы құжаттарды тану рәсімінен еуропалық қосымша(diploma supplement), белгілі бір саладағы біліктілігі бар кәсіби қайта даярлау туралы диплом, «Болашақ» халықаралық стипендиясын алған, шетелдік университеттер, ғылыми орталықтар мен зертханалар Қазақстан азаматтарына берген білім туралы құжаттар өтпейді.Фото: ашық дереккөз

Білім туралы құжаттарды тану

<a href="https://kyzylorda-news.kz/">Kyzylorda-news.kz</a> Кеше &nbsp;Қызылорда облыстық қоғамдық даму басқармасының «Қоғамдық келісім» КММ ұйымдастыруымен «Talk-like» TEDx форматында кездесу өтті.Мақсат – этнос жастарына мемлекеттік тіл саясатын насихаттау және қолдану аясын кеңейту, ақпараттық сауаттылық және ақпараттық мәдениет ұғымын түсіндіру.Кездесуге облыстық қоғамдық даму басқармасының «Қоғамдық келісім» КММ директоры Бақытжан Камалов, «Даулеттен» қайырымдылық қорының қамқоршылар кеңесінің мүшесі, кәсіпкер, кәсіпке қаржы тарту бойынша эксперт Шәміл Қарақожа, Қазақстан халқы Ассамблеясы жанындағы «Ассамблея жастары» РҚБ белсендісі Крис Блейк, айтыстың ақтаңгері, үш дүркін «Алтын домбыра» иегері Мұхтар Ниязов және этнос жастары, студенттер, тіл жанашырлары және БАҚ өкілдері қатысты.TALK-LIKE-та этнос жастарына қазақ тілін еркін меңгеру, жас маманның тұлға ретінде қалыптасуы, білім алуы, ақпараттық сауаттылық, ақпаратты жан-жақты талдау, сыни ойлау арқылы қабылдау, ел қауіпсіздігіне, бірлігіне сызат түсіретін фейк ақпараттардан аулақ болу мәселелері кеңінен айтылып, түсіндірілді.Еркін форматта ұйымдастырылған шарада «Ассамблея жастары» ұйымының белсенділері Нұрсұлтан Икрамов, Ангелина Белоусова және қонақ кәде ретінде Крис Блейк Құрманғазының «Балбырауын» күйін орындап, қатысушылардың зор қошеметіне бөленді.Студенттер тарапынан спикерлерге сұрақтар қойылып, үш дүркін «Алтын домбыра» иегері Мұхтар Ниязов кездесуді жастарға арналған арнаумен қорытындылады.<img src="https://knadmin.beoblood.kz/uploads/MW_6_A1579_b7379fbea1.jpg" alt="MW6A1579.jpg"><img src="https://knadmin.beoblood.kz/uploads/MW_6_A1592_3c7d40212c.jpg" alt="MW6A1592.jpg">

«Talk-like» TEDx  форматында кездесу өтті

<a href="https://kyzylorda-news.kz/">Kyzylorda-news.kz</a> Шерзат Болаттың жақындарына қатысты сот шешімі шықты, – деп хабарлайды <a href="https://massaget.kz/">Massaget.kz</a> тілшісі.Еңбекшіқазақ аудандық соты әкімшілік іс жүргізу тәртібімен істерді қарау нәтижелері бойынша мынадай шешім шығарған:<blockquote>«Азамат С.Нұрымоваға ұсақ бұзақылық жасағаны үшін (ӘҚБтК 434-бабының 1-бөлігі) 20 АЕК мөлшерінде айыппұл салынып, әкімшілік жауапкершілікке тартылды.</blockquote><blockquote>Азаматтығы жоқ адам ҚР бейбіт жиналыстарды ұйымдастыру және өткізу тәртібі туралы заңнамасын бұзғаны үшін (ӘҚБтК 488-бабының 8-бөлімі.) Б.Реймова әкімшілік тәртіппен 15 тәулікке қамауға алынып, кейіннен ҚР шегінен шығарылған.</blockquote><blockquote>Қоғамдық орында балағат сөздер айтқаны, құқық қорғау органдарының қызметкерлерін қорлап, сондай-ақ қоғамдық тәртіп пен азаматтардың тыныштығын бұзатын айналасындағыларға құрметсіздік танытатын іс-әрекеттер жасағаны және көлік құралдарының қозғалысы үшін кедергілер жасағаны үшін азамат Қ.Нұрымов 15 тәулікке әкімшілік қамауға алынды», – деп жазылған сот мәліметінде.</blockquote>Айта кетейік, 9 желтоқсанда таңертең Шерзат Болаттың ағасы өлі табылды. Полиция мәліметінше, марқұм өзіне-өзі қол жұмсаған, сондай-ақ ол Шерзаттың ағасы Нұрқанат екені расталған.Кеше Нұрқанаттың жерлеу рәсімінен соң Шерзаттың әкесі Қаржаубай Нұрымов ұсталды.Фото: Massaget.kz

Шерзат Болаттың әкесі 15 тәулікке қамалды

<a href="https://kyzylorda-news.kz/">Kyzylorda-news.kz</a> Primeminister.kz сайтының редакциясы Қазақстанның 2024 жылғы даму қорытындылары туралы жарияланым топтамасын жалғастырады. Мемлекет басшысы «Әділетті Қазақстан: заң мен тәртіп, экономикалық өсім, қоғамдық оптимизм» атты ел халқына Жолдауында цифрландыру саласында қол жеткізілген нәтижелерді күшейтудің маңызын атап өтті. Жасанды интеллект технологияларын «Электронды үкімет» платформасына енгізу саласында жұмысты ерекше жандандыру қажет.Бүгінде БҰҰ бағалауы бойынша Қазақстан цифрландыру саласында ілгері жетістіктерді көрсетіп отыр. Біздің еліміз 193 мемлекет арасында 24-ші орында, сондай-ақ онлайн-қызметтер индексі бойынша 10 көшбасшының қатарына кіреді. Мысалы, интернет арқылы мемлекеттік қызметтерге қол жеткізу 92%-ға жетті.<img src="https://knadmin.beoblood.kz/uploads/111_7de5b26ca5.webp" alt="111.webp">Сонымен қатар биометриялық сәйкестендіру және QR-қолтаңба қызметтері енгізілуде, бұл электронды қызметтерді алу үдерісін едәуір жеңілдетті. 2024 жылы QR-кодтардың көмегімен 8 млн-нан астам қол қойылды, ал Digital ID жүйесі арқылы 18 млн-нан астам сәйкестендіру жүргізілді.«Электронды үкімет» платформасын жетілдіру және жаңғырту процесі үздіксіз және үшінші нұсқаға көшудің белсенді кезеңінде. Жаңа eGov ЖИ технологияларын қолдану арқылы айтарлықтай тұрақты әрі ыңғайлы болады.&nbsp;Қазақстан Тәжікстан, Того, Сьерра-Леоне сияқты елдермен электронды үкімет саласындағы озық шешімдерін бөлісе бастады. Мемлекет тіркеуден бастап компанияларды таратуға дейінгі қолдаудың толық циклін қамтамасыз ете отырып, бизнес үшін де осындай сервистерді әзірлейді.&nbsp;IT саласындағы инновациялар&nbsp;2024 жылы Қазақстанның IT саласы қарқынды өсімді көрсетті. IT-компаниялардың саны 18 683-ке жетті. Соңғы үш жылда 16% өсім. Мәселен, елімізде «Astana Hub» халықаралық технология паркі жұмыс істейді. Бүгінде ол Қазақстандағы IT-стартаптарды дамыту орталығы ретіндегі рөлін айқындады. Технопарк 1,5 мыңнан астам қатысушыны біріктірді. Олардың ішінде 1102 қазақстандық және 437 шетелдік компания бар. Қатысушылардың жалпы табысы 1,2 трлн теңгені құрады. Өсім соңғы бес жылда 31 есе артты. Биыл экспорттық түсім 140 млрд теңгеден асты. Төрт жылдағы жылдық өсім де 10 еседен астам. Осылайша, «Astana Hub» өңірдегі жетекші технопарк ретінде өз позициясын нығайтуды жалғастыруда.<img src="https://knadmin.beoblood.kz/uploads/222_846fd4bc67.webp" alt="222.webp">Инновациялық экожүйенің негізгі элементі – аймақтық хабтардың дамуы. Бүгінгі таңда бүкіл еліміз бойынша осындай 18 алаң жұмыс істейді. Олар жергілікті стартаптар мен кәсіпкерлікті дамытуға белсенді ықпал етеді. Стартаптар мен IT индустриясын дамыту жөніндегі барлық бағдарламалар аймақтық IT-хабтар үшін қолжетімді. Осыған сәйкес, өңірлік хабтар дарындарды ашуға және күшті инновациялық экожүйені құруға ықпал ететін Қазақстандағы IT-индустрияны дамытудың маңызды драйверіне айналуда.Қазақстанда IT-саланың әлеуетін толыққанды ашу үшін «Ұлттық инновациялық жүйенің «бірыңғай терезесі» құрылды, онда IT-мамандарға, инноваторларға және ғылыми қайраткерлерге мемлекеттік қолдау шараларының көпшілігі шығарылды. Портал мемлекеттік қолдау шараларын бөлудің ашықтығы мен тиімділігін қамтамасыз етеді. Бүгінде оны жыл сайын жарты млн-нан астам адам пайдаланады. Портал EGOV секілді бірыңғай терезеге айналды деп айтуға болады.Сонымен қатар әлемнің түкпір-түкпірінен дарынды мамандарды тарту үшін жағдайлар жасалуда. АХҚО базасында Экспат орталығы жұмыс істейді. Ол шетелдік мамандар үшін мемлекеттік қызметтерді алудың бірыңғай терезесі ретінде қызмет етеді.IT қызметтерін экспорттау&nbsp;Қазақстанның IT-қызметтерінің экспорты қарқынды өсімді көрсетіп отыр. 2023 жылы оның көлемі $529 млн-ға жетті, ал 2024 жылдың бірінші жартыжылдығында бұл көрсеткіш $305 млн-нан асты. Яғни, Мемлекет басшысының 2026 жылға қарай IT-қызметтер экспортын $1 млрд-қа дейін жеткізу жөніндегі тапсырмасы сенімді түрде орындалуда.Ол үшін Қазақстанда жетекші сарапшылар мен инвесторлар тартылатын түрлі акселерациялық бағдарламалар жүргізілуде. Осылайша, коммерциялық өнімдердің сыртқы нарықтарға шығуын жеңілдетеді.Сонымен қатар халықаралық желі де кеңейіп келеді. Қазір АҚШ, Сауд Арабиясы және Сингапурда үш шетелдік IT-хаб табысты жұмыс істеуде. Осы бастамалардың барлығы дарындардың басын қосуға көмектеседі әрі қазақстандық стартаптарға халықаралық ынтымақтастық үшін жаңа мүмкіндіктер ашады.Айта кетейік, Қазақстан қазірдің өзінде жасалған венчурлық мәмілелер көлемі бойынша өңірде көшбасшы саналады. Маңызды инвестицияларды CITIX, Hero’s Journey, Higgsfield AI және басқа да компаниялар салды. Осы компаниялардың кейбірі қазірдің өзінде $100 млн бағалауға қол жеткізді. Шын мәнінде, Қазақстан өңірдегі инновациялардың негізгі орталығына айналуда.Бүгінде Қазақстаннан IT-қызметтер 86 елге экспортталады, бұл отандық компаниялардың жоғары сұранысы мен жаһандық деңгейде табысты бәсекелесу қабілетін растайды. Экспорттың негізгі бағыттары – Ресей, Ирландия, Мексика, АҚШ және Сингапур.&nbsp;&nbsp;IT-мамандарды даярлау&nbsp;2024 жылы IT-мамандардың орташа айлық жалақысы 54%-ға өсіп, 673 мың теңгеге жетті, бұл білікті кадрларға және бәсекеге қабілетті еңбек жағдайларына жоғары сұранысты көрсетеді. IT-саладағы жұмыспен қамту 12%-ға артып, 187 мың адамға жетті.Мемлекет басшысының тапсырмасын іске асыру мақсатында жеке IT-мектептерді ынталандыру арқылы 2025 жылға қарай 20 мың IT-маман даярлауға бағытталған Tech Orda бағдарламасы іске қосылды. Жеке IT-мектептер ақпараттық технологиялар саласында 16 мыңнан астам сарапшы дайындады. Бұл бағыттағы жұмыс еңбек нарығын білікті кадрлармен қамтамасыз ету шеңберінде жүргізілуде. Айтпақшы, басқа салалардан IT саласына ауыса алған Tech Orda бағдарламасының түлектерінің сәтті мысалы да аз емес.&nbsp;Жасанды интеллектіні дамыту&nbsp;Мемлекет басшысы «Әділетті Қазақстан: заң мен тәртіп, экономикалық өсім, қоғамдық оптимизм» атты ел халқына Жолдауында тұрақты даму үшін жасанды интеллект пен цифрлық технологияларды енгізудің маңызын атап өтті. Осыған байланысты, Цифрлық даму, инновациялар және аэроғарыш өнеркәсібі министрлігі бірнеше маңызды бастамаларды жүзеге асырды:&nbsp; – саланың дамуын үйлестіретін ЖИ комитеті құрылды;&nbsp; – 2024-2029 жылдарға арналған ЖИ дамыту тұжырымдамасы бекітілді;&nbsp; – ЖИ туралы заң жобасы әзірленді, ол одан әрі өсу үшін қажетті нормативтік-құқықтық базаны қамтамасыз етеді.Мемлекет басшысының тапсырмасы бойынша Астана қаласында Жасанды интеллект орталығын ашу бойынша жұмыстар жүргізілуде. Орталықтың миссиясы өңірдің түкпір-түкпірінен дарындарды тарту арқылы Қазақстанның ЖИ-трансформациясына жәрдемдесу. Жыл сайын мыңдаған мамандарды, жүздеген стартаптарды және жасанды интеллект саласындағы ондаған ғылыми жобаларды дайындау жоспарлануда. <img src="https://knadmin.beoblood.kz/uploads/333_af9efac1a3.webp" alt="333.webp">Фото: Үкімет

Қазақстан және Қызылорда облысының жаңалықтары: Қоғам