<a href="https://kyzylorda-news.kz/">Kyzylorda-news.kz</a> Қала аумағында заңсыз орналастырылған және шаһардың сәулеттік келбетіне кері әсерін тигізетін сыртқы көрнекі жарнамаларға бақылау жұмыстары жүргізілуде.Мониторинг барысында қалалық сәулет және қала құрылысы бөлімінің мамандары бірқатар заңсыз ілінген жарнамалық баннерлерді анықтап, кәсіп иелеріне тиісті ескерту беруде. Сонымен қатар, қаланың көркін бұзып тұрған жыртылған, ескірген және заңсыз ілінген ақпараттық тақтайшалар да алынып тасталынды.Айта кету керек, «Жарнама туралы» ҚР 2003 жылғы 19 желтоқсандағы Заңының талаптарында сыртқы (көрнекі) жарнама объектілерін орналастыру үшін жергілікті атқарушы органдардан белгілі бір мерзімге рұқсат алуы көзделген.Қала әкімдігі тарапынан бұл бағыттағы жұмыстар күнделікті жүргізіледі.<img src="https://knadmin.beoblood.kz/uploads/Za_syz_ornalastyryl_an_zharnamalar_alynuda_5098be45f8.jpg" alt="Заңсыз орналастырылған жарнамалар алынуда.jpg"><img src="https://knadmin.beoblood.kz/uploads/Za_syz_ornalastyryl_an_zharnamalar_alynuda_2_2c52233ad0.jpg" alt="Заңсыз орналастырылған жарнамалар алынуда 2.jpg">

Заңсыз орналастырылған жарнамалар алынуда

<a href="https://kyzylorda-news.kz/">Kyzylorda-news.kz</a> &nbsp;Атақты қазақ жазушысы Мұхтар Мағауин 11 қаңтарда АҚШ-тың&nbsp;Мэриленд штатында жерленді.&nbsp;Бұл туралы&nbsp;<a href="https://stan.kz/aksh-tagi-kazaktar-myhtar-magauindi-zherledi-412317/">Stan.kz</a>&nbsp;ақпарат агенттігі хабарлайды.Вашингтондағы Diyanet Center of America мешітінде Мағауиннің жаназасы оқылды.Тарихи романдардың авторы Мұхтар Мағауинмен қоштасуға ондаған адам келді. Олардың қатарында Қазақстанның АҚШ-тағы елшісі Ержан Ашықбаев, консул Жүсіп Орынбай, шетелдегі қазақ диаспорасының өкілдері, Америкада білім алып жатқан студенттер бар. Олар жазушының туған-туыстарына, оның ішінде ұлы Едіге Мағауинге және отбасына көңіл айтты.Мұхтар Мағауиннің денесі Вашингтон маңындағы Парклоун мемориалдық зиратына қойылды.Еске салсақ, жазушы&nbsp;Мұхтар Мағауиннің өмірден озғанын&nbsp;хабарлаған едік. Кейін&nbsp;Тоқаев&nbsp;Мұхтар Мағауиннің отбасы мен жақындарына көңіл&nbsp;айтты.Фото: Courtesy Photo (Stan.kz)

АҚШ-тағы қазақтар Мұхтар Мағауинді жерледі

<a href="https://kyzylorda-news.kz/">Kyzylorda-news.kz</a> ҚР Әділет министрлігі нотариустардың жылжымайтын мүлікті сатып алу-сату мәмілелерін онлайн-ресімдеу алгоритмін әзірледі, деп хабарлайды&nbsp;<a href="https://qaz365.kz/society/11282-kazakstandyktar-turgyn-uidi-onlain-satyp-ala-alatyn-bolady/">Qaz365.kz.</a>Бұл туралы “Ашық НҚА” порталы мәлімдеп отыр.&nbsp;<blockquote>«Мәмілеге қатысушылар Астана, Алматы қалаларында орналасқан жылжымайтын мүлік объектілері бойынша банк платформасы арқылы нотариустардың жылжымайтын мүлікті онлайн-режимде сатып алу-сату мәмілелерін ресімдеу мүмкіндігіне ие болады. Мәміле жасау сәтінде алаяқтық әрекеттерді болдырмау үшін жылжымайтын мүліктің меншік иесі БНАЖ тарапынан жылжымайтын мүлік объектісінің мәртебесін мәміле мәртебесін беру жөніндегі Сервис («мәміле жасасу сатысында»ФЛК) арқылы МКҚК-дан мәліметтерді сұрау жолымен тексеретін болады», –&nbsp; делінген “Ашық НҚА” порталы хабарламасында.&nbsp;</blockquote>Жоба 2025 жылғы 23 қаңтарға дейін жария талқылау үшін «Ашық НҚА» порталында орналастырылған.Фото: Нұрболат Нұржаубай

Қазақстандықтар тұрғын үйді онлайн сатып ала алатын болады

<a href="https://kyzylorda-news.kz/">Kyzylorda-news.kz</a> «Жолаушылар тасымалы»компаниясы баспасөз қызметінің ақпаратынша, әйелдер вагондарындағы және әдеттегі вагондардағы билет бағасы бірдей,&nbsp;деп хабарлайды&nbsp;<a href="https://azattyq-ruhy.kz/news/82964-kazaktanda-11-poiyzda-ielderge-arnalgan-vagondar-bar">Azattyq Rýhy.</a>Әйелдер мына пойыздардағы арнайы вагондарға биле сатып ала алады:<ul><li style="text-align:justify;">№354/353 Астана – Семей;</li><li style="text-align:justify;">№24/23 Ақтөбе – Алматы;</li><li style="text-align:justify;">№25/26 Алматы – Шымкент;</li><li style="text-align:justify;">№77/78 Алматы – Маңғыстау;</li><li style="text-align:justify;">№351/352 Алматы – Өскемен;</li><li style="text-align:justify;">№45/46 Павлодар – Түркістан;</li><li style="text-align:justify;">№37/38 Маңғыстау – Семей;</li><li style="text-align:justify;">№47/48 Атырау – Астана;</li><li style="text-align:justify;">№33/34 Ақтөбе – Алматы-1;</li><li style="text-align:justify;">№4/3 Астана – Алматы-2;</li><li style="text-align:justify;">№71/72 Астана – Шымкент.</li></ul><blockquote>«Билетті вокзалдан сатып алуға болады. Бұл ретте билет кассаларының қызметкеріне әйелдер вагонында орынды таңдау қажеттігі туралы хабарлау қажет. Сондай-ақ, жолаушылар әйелдер вагондарынан орынды онлайн сатып алу кезінде де таңдай алады. Мысалы, bilet.railways.kz сайтынан темір жол билеттерін сатып алу кезінде «WC» (әйел) аббревиатурасына назар аудару керек, бұл билет тек әйелдер вагонына сатылатындығын көрсетеді», – делінген хабарламада.</blockquote>Фото: ҚТЖ

Қазақтанда 11 пойызда әйелдерге арналған вагондар бар

<a href="https://kyzylorda-news.kz/">Kyzylorda-news.kz</a> QAZAR AIR әуекомпаниясы 13 қантардан бастап Астанадан Қызылордаға күнделікті тұрақты рейстерді келесі кесте бойынша орындайтын болады.Күнделікті:IQ 425 Астана (17:50) – Қызылорда (19:40)IQ 426 Қызылорда (20:10) – Актобе (22:10)ҚР Көлік министрлігінің хабарлауынша, күнделікті тұрақты рейстердің ашылуы Қызылорда облысының сауда-экономикалық, туристік әлеуетін дамытуға, сонымен қатар көлік қызметтерінің қолжетімділігін қамтамасыз етуге ықпал етпек.<img src="https://knadmin.beoblood.kz/uploads/824a6234_df7160dea7.webp" alt="824a6234.webp"> Фото: Нұрболат Нұржаубай

Астанадан Қызылордаға күнделікті рейс іске қосылады

<a href="https://kyzylorda-news.kz/">Kyzylorda-news.kz</a> &nbsp;Сенатор Марат Қожаев қыста автокөліктің қозғалтқышын ұзақ қыздырып тұрғандарға айыппұл салуға қатысты сұраққа жауап берді деп хабарлады &nbsp;<a href="https://smartnews.kz/news/16716-nege-kolikti-5-minuttan-da-kop-kyzdyrganymyz-ushin-ajyppul-toleuimiz-kerek-senat-deputaty-zhauap-berdi">SMARTNEWS.KZ</a>Депутат көлік қозғалтқышын 5 минуттан артық қыздырғандарға айыппұл салу нормасы біраздан бері бар екенін еске салды.<blockquote>– Бұл талап экологиялық нормаларды орындауға бағытталған. Бізде ауа қатты ластанған, яғни бұл жағдай ірі қалаларда ерекше байқалып отыр. Жүргізушілерді осы бап бойынша жауапқа тарту үшін нақты дәлелдер болуы керек. Осы орайда бейнежазба мен нақты уақытын тіркеу қажет.Егер осындай дәлелдер болса, бұл адамдар әкімшілік жазаға тартылады. Мұндай нормалар дамыған елдерде де бар, – деді М. Қожаев Сенаттың жалпы отырысынан кейін тілшілер сұрағына жауап бере отырып.</blockquote>Айта кетейік, осы норма аясында айыппұл 5 АЕК сомасында қарастырылған. Ал осы талапты қайтадан бұзғандарға 10 АЕК айыппұл салынады.

Неге көлікті 5 минуттан да көп қыздырғанымыз үшін айыппұл төлеуіміз керек? Сенат депутаты жауап берді

<a href="https://kyzylorda-news.kz/">Kyzylorda-news.kz</a> Мәжілістегі «АМАNАТ» партиясы фракциясының депутаттары Нұржан Әшімбетов, Жарқынбек Амантай және Вера Ким «ERG Service» ЖШС құрамына кіретін Павлодар машина жасау зауытында болды, деп хабарлайды <a href="https://baq.kz/biz-zhastardy-ondiris-salalaryna-tartuymyz-kerek-deputat-200005247/">BAQ.KZ.</a>Еуразиялық топтың құрамына кіретін бұл зауыт 1955 жылы іске қосылған. Бүгінде ол металл конструкциялары мен жүк көтеру жабдықтарын, соның ішінде заманауи кран техникасын өндіруге маманданған.Сапар барысында зауыт басшылығы депутаттарды технологиялық процестермен, жаңа өндірістік мүмкіндіктермен және заманауи жабдықтармен таныстырды. Зауыттың қазіргі заманғы қауіпсіздік стандарттарына сәйкес келетіні және жұмысшыларға қолайлы еңбек жағдайы жасалғаны айтылды.Бұдан соң депутаттар кәсіпорын ұжымымен кездесіп, еңбек жағдайын жақсарту және өндірісті жаңғырту мәселелерін талқылады.Біз еліміздегі жетекші кәсіпорындардың біріне келдік. 2025 жылды Президент жұмысшы мамандықтары жылы деп жариялады. Жастарға кәсіпорын басшылығы ғана емес, мемлекет тарапынан да қолдау көрсетілетініне бүгін осында көз жеткіздік. Жас мамандар тәжірибеден өтіп, қызметте өсу мүмкіндігіне ие болады. Бұл – жұмысшы мамандар үшін әлеуметтік қолдау, – деді Вера Ким.Нұржан Әшімбетов зауыт жұмысшыларының бос уақытын тиімді ұйымдастырып, егін шаруашылығымен айналысуы үшін өндіріс қызметкерлеріне саяжайлардан пайдаланылмай жатқан жер телімдерін беруді ұсынды.Жұмысшыларға жағдай жасау және мамандықтарының беделін арттыру – бұл тек кәсіпорындардың ғана емес, мемлекеттің де міндеті. Біз жастарды өндіріс салаларына тартуымыз керек. Президент бірнеше рет елімізге білікті мамандардың қажеттігін атап өтті. Жұмысшыларға жеке шаруашылық жүргізу үшін жаңа мүмкіндіктер, соның ішінде бау-бақша өсіруге арналған жер телімдерін ұсыну сияқты ынталандыру шараларын жасауымыз қажет, – деді Нұржан Әшімбетов.Фото: Мәжілістің баспасөз қызметі&nbsp;

Жастарды өндіріс салаларына тартуымыз керек - депутат

<a href="https://kyzylorda-news.kz/">Kyzylorda-news.kz</a> Ұлыбритания тұрғыны Аманжол Николас Мухамеджанов Макинтайр Келлетт Қазақстанға нағашы жұртын іздеп келген, – деп хабарлайды <a href="https://kaz.inform.kz/news/boyinda-kazak-kani-bar-agilshin-kazakstanga-velosipedpen-keld-ac2fa3/">Қазақпарат.</a>Аманжолдың анасы - қазақ, әкесі – ағылшын. Олар қазақ жерінде танысып, табысып, қазір Лондонда тұрып жатыр.Ұлыбритания азаматы Аманжолдың қарындасы мен&nbsp;інісінің де есімдері қазақша, Жандос, Тоғжан атты бауырлары бар.25 жастағы жігіттің мамандығы – сәулетші.Аманжол Лондоннан шілде айында шығып, бүкіл Еуропаны велосипедпен басып өтіп, Алматы қаласына қазан айында жеткен. Сол жерде туыстарының үйінде қонақта болып, шаһардың әсем жерлерін аралап, жаңа жылдың алдында Петропавлға келді.<blockquote>- Қазақстанға, анамның туған жеріне велосипедпен келу менің арманым еді. Бұл саяхатқа бір жыл дайындалдым. Велосипедпен саяхаттаудың өз қиындығы бар, өзіммен бірге көп зат ала алмадым. Жолда қону үшін палатка алдым, жалпы сапарға шықпас бұрын алдын ала жоспарлау қажет. Қазақстан жеріне кірген кезде ауа райына қатысты қиындықтар болды. Қатты желде жүру, далада қону физикалық тұрғыда қиын, - дейді Аманжол.</blockquote>Саяхатшының айтуынша, велосипеді шамамен 2 мың АҚШ доллары тұрады. Сапарға шықпас бұрын жігіт көлігін жолға икемдеп, кей бөлшектерін шыдамды болуы үшін ауыстырған. Жолда қалмау үшін қажетті саймандарды да өзімен бірге ала шыққан.Жалпы велосипедпен мұндай алыс сапарға оның алғаш шығуы.<blockquote>- Жұмсалған ақшаға Лондоннан Петропавлға ұшақпен барып-келуге болар еді. Бірақ өкінбеймін. Қазақстан жері кең-байтақ екен. Ең таңқалдырғаны – халқы. Адамдары ең қонақжай, мейірімді. Келгеннен мені қонаққа шақырып жатыр, - дейді Ұлыбритания азаматы.</blockquote>Қазір Аманжол Петропавлда туған-туыстарының үйінде қонақтап жатыр.<blockquote>- Аманжол - менің анамның сіңлісінің ұлы. Ер адамды шыңдайтын ұзақ сапарда болып келіп отыр. Бірақ жолда кездескен қиындықтары туралы тіс жарған жоқ. Жалпы қарапайым. Осы сапардан күткені ойынан шығып отыр. Бізбен, туған-туысымен танысуды мақсат еткен болатын, анасы туған топырақты басып, ең бастысы - нағашы әжесімен кездеспек еді. Алайда, үлгермеді, әжеміз қайтыс болды. Сондықтан бұл саяхат Аманжол үшін өте маңызды, - дейді бөлесі Айжан Колчина.</blockquote>Ұлыбритания азаматы Петропавлда осы айдың жиырмасына дейін болып, кейін туған жеріне қайтпақ.Фото: Асхат Райқұл/Қазақпарат

Бойында қазақ қаны бар ағылшын азаматы Қазақстанға велосипедпен келді

<a href="https://kyzylorda-news.kz/">Kyzylorda-news.kz</a> Соңғы кездері алаяқтар өзгенің қаражатын жымқыру үшін небір қулықтарды ойлап тауып жатыр. Енді олар өздерінің жымысқы әрекеттеріне жастардың банк карталарын пайдалануды бастады деп хабарлайды <a href="https://baq.kz/balalarynyzdyn-bank-kartasyn-baqylauga-alynyz-200005222/">BAQ.KZ</a> тілшісі.ҚР Жоғарғы сотының хабарлауынша, соңғы кездері алаяқтарға алданған азаматтардың арызы бойынша дропперлер жауапқа тартылуда. Дроппер дегеніміз - алаяқтар өз мақсаттарына жету үшін пайдаланатын адам. Ол қылмыстың бастамашысы емес, тек нұсқауларды орындап, сол үшін ақша алып отырады. Көп жағдайда алаяқтық жасаған қылмыскер анықталмаған жағдайда осы дроппер оның заңсыздығы үшін жауап береді.Мәселен, Қостанай облысы Қарабалық аудандық соты 19 жастағы екі дроппер-студентке қатысты істі қарады. Арызда көрсетілгендей, алаяқтар оны алдап, ақшасын заңсыз иемденіп алған. Аударымдар екі жас жігіттің банк карталары арқылы жүзеге асырылған екен. Арызданушы азамат олардың әрқайсысынан 9 млн теңгеден астам соманы өндіруді талап етіпті. Жауапкерлердің бірі қылмысқа қатысым жоқ деп отыр, ол өз есепшотына түскен ақшаның барлығын алаяқ көрсеткен есепшоттарға аударып отырған.Жас жігіт Telegram әлеуметтік желісінде жұмысқа орналасу туралы хабарламаға назар аударған. Кейін табыс туралы ұсынысқа келісіп, ол үшін банктен шот ашқан. Сосын алаяқтардың нұсқауы бойынша сонда түскен ақшаларды алып, қайта аударып отырған екен.Әрбір аударым үшін ол 5 мың теңге сыйақы алып келген.Ал екінші студент өз шоттары бойынша өткен банктік операцияларды білмейтінін, түскен ақшаны басқаларға аудармағанын, банкте есепшот ашпағанын айтып ақталыпты. Кейін анықталғандай, алаяқтар банктің мобильді қосымшасында оның биометриялық растамасы арқылы және оның нөміріне жіберілген SMS/PUSH-қауіпсіздік кодтарын енгізу арқылы есепшотын пайдаланған.Сот жауапкерлердің әрекеттері талап қоюшының есебінен негізсіз баюға әкеп соқты және оның уәжі орынды деген қорытындыға келді.ІІМ берген мәлімет бойынша, 2024 жылы 1200-ден астам дропперге қатысты сот үкімі шығыпты. Олардың банктік карталары арқылы алаяқтарға аударылған 1 миллардтан астам теңге өндірілген.Алаяқтар дропперлерді өз тұзағына қалау түсіреді? Ең бірінші кезекте түрлі әлеуметтік желілер мен көшедегі жарнамалар арқылы оңай жұмыс, жедел ақша табу мүмкіндігі туралы хабарламалар тарады. Кейін өздеріне хабарласқан адамдардың жеке мәліметтерін біліп алып, алдау арқылы банк карталары мен есепшоттарын пайдаланады. Мамандардың айтуынша, көбіне алаяқтардың арбауына жастар, зейнеткерлер мен жұмыссыз жүрген азаматтар түсіп қалады екен.Фото: Бауыржан Жуасбаев

Балаларыңыздың банк картасын бақылауға алу маңызды

<a href="https://kyzylorda-news.kz/">Kyzylorda-news.kz</a> Елімізде көктемгі су тасқынын болжау және алдын алу шараларына дайындық жұмыстары аяқталып қалды. Толығырақ Төтенше жағдайлар министрлігі Төтенше жағдайларды жою департаментінің бас маманы Магомет Ахриев айтып берді.- Су тасқынына дайындық жұмыстары аяқталуға жақын. Тасқынмен күрес іс-шараларына қанша күш пен қаражат жұмсалатынын нақты білеміз. Шамамен 40 мың адам тартылады. Сондай-ақ, ақпан айының 5-6-да «Көктем-2025» республикалық командалық-штабтық оқу-жаттығуды өткізуді жоспарлап отырмыз. Биыл оқу-жаттығу жаңа форматта өтеді. Осылайша, ақпан айында оңтүстік және батыс аймақтарда, ал наурызда солтүстік және басқа да өңірлерде оқу-жаттығу өткізгелі отырмыз, - деді Магомет Ахриев ведомствода өткен баспасөз мәслихатында.ТЖМ өкілінің айтуынша, штаб Атырау облысында болады.- Су тасқыны болжамына келсек, біз қиын жағдайға дайындалып жатырмыз. Бізде биыл қыс қарлы болады деген мәлімет бар. Қалай болғанда да, біз қиын сәтке дайындалып, қалай болатынын қарастырамыз, - дейді ол.Еске сала кетейік, өткен жылдың соңында су тасқынын ғарыштан болжауға арналған қазақстандық ақпараттық жүйенің мүмкіндігіне шолу жасаған едік.Фото: Дәулет Ізтілеу/Атырау облысындағы су тасқыны\Kazinform

Қыс қатты болады деген мәлімет бар – ТЖМ

<a href="https://kyzylorda-news.kz/">Kyzylorda-news.kz</a> Бүгін қала әкімдігінің баспасөз орталығында Қызылорда қаласы бойынша Мемлекеттік кірістер басқармасының басшысы Фердоуси Қожабергенов 2024 жылдың негізгі қорытындылары мен мобильді аударымдар туралы баяндады.2024 жылдың қорытындысымен мемлекеттік бюджеттің салықтық түсімдері 115 млрд. 975 млн. теңгені құрады. Бұл алдыңғы жылмен салыстырғанда 20 млрд. 419 млн. теңгеге артық орындалған.2025 жылдан бастап екінші деңгейлі банктер – дара кәсіпкерлер, заңды тұлғалардың басшылары және олардың жұбайлары бойынша 2024 жылдың қорытындысымен ақпарат ұсынады. Аталған шара жасырын кірістер мен тіркелмеген кәсіпкерлерді анықтауға бағытталған.- Мобильді аударымдарды тексеру заңсыз кәсіпкерлікті анықтауға бағытталған. Кейбір кәсіпкерлер сатылған тауарлар мен қызметтер үшін төлемдерді мобильді аударымдар арқылы алады. Алайда, бұл аударымдар бақылау кассалық машиналарын, Post-терминалдарды, QR-кодтарды қолданбай жүргізеді, фискалды чектер ұрылмайды. Соған сәйкес, тұтынушылардың құқықтары бұзылады. Айта кету керек, мобильді аударымдарды тексеру әртүрлі тұлғалардан үш ай қатарынан ай сайын жеке банктік шотқа 100-ден аса аударым жүргізілген жағдайда жүргізіледі,- деді басқарма басшысы.Фото: Қала әкімдігінің баспасөз қызметі

Мобильді аударымдарды тексеру заңсыз кәсіпкерлікті анықтауға бағытталған

<a href="https://kyzylorda-news.kz/">Kyzylorda-news.kz</a> ҚР Қаржы мониторингі агенттігінің Қызылорда облысы бойынша департаменті 2018 жылы таратылған «Сырдария аудандық туберкулезге қарсы диспансері» МКК-ның есеп-шотындағы 8 200 000 теңге көлеміндегі қаржыны алдау жолымен жымқарған Б.Расилов есімді азаматтың жолын кесті. &nbsp;&nbsp;Сотқа дейінгі тергеп-тексеру барысында &nbsp;2023 жылдың қыркүйек айында «Қазақстан Халық Банкі» АҚ-ның Астана қаласындағы филиалынан МКК басшыларының атынан жалған сенімхат арқылы «әрекетсіздік мәртебесін есептен алу туралы» және «пайдаланушыны «Online bank» жүйесіне қосу туралы» &nbsp;банктік құжаттардың нысандарын ұсына отырып, банк филиалының автокассаларынан ақшалай қаражатты алып алғаны анықталды. Бұл өз кезегінде мемлекетке 8 200 000 теңге көлемінде ірі залал келтірді. Күдіктіге қатысты сот үкімі шықты. &nbsp;Сотталушы Қазақстан Республикасының ҚК-нің 190-бабы 3-бөлігі 1)-тармағымен кінәлі деп танылып, оған мемлекеттiк қызметте, жергiлiктi өзiн-өзi басқару органдарында, қаржы ұйымдарында материалды жауапты лауазымдарды атқару құқығынан 4 (төрт) жыл мерзімге айыра отырып, 4 (төрт) жыл мерзімге бас бостандығын шектеу жазасы тағайындалды. Тергеп тексеру барысында мемлекетке келтірілген залал толық өндірілді.ҚР ҚМА Қызылорда облысы бойынша&nbsp; ЭТДФото: Нұрболат Нұржаубай

Қазақстан және Қызылорда облысының жаңалықтары: Қоғам